المصخوط الجزء 22

من تأليف دعشوش
2018

محتوى القصة

قصة المسخوط

مبقى لرمضان والو ويدخل وتا أنا مبقالي والو ونخرج من تما على حساب هضرة لخويلة بعدا داك رمضان مدوزو تما 100% وليت كنصلي وكنفيق لفجر وكنشد لقرآن يلاه يغفرلنا الله داكشي لي درنا دينار تطراسالي فجبهتي فداك شهر تخلعت أنا بنادم20 عام وهو كيصلي أنا شهر وليت نبان بحال شي فقيه.. داك رمضان طار معقلتش عليه وكالعادة ديالي غير سالا رمضان بدا لعكز كتبدا تقول شويا ونوض نصلي صافي غي شويا تا كيتجمعو عليك وكدير بناقص شيطان كيكون كيتغدد عليك داك شهر غير كيطلقوه مكيعطلكش لمهم صافي عرفت بضبط امتى غادي نخرج قبل لعيد لكبير بشي 15 يوم صافي فاش عرفت معاش غادي نخرج وهو يموت لوقت ديال بصح صافي وليت مكنلقا مندير واحد شعر ولا عندي قربت نخرج صافي خاصني نحيدو ضربت لواحد كنشوف فلمراية تراه وليت بيض ولوجه تنقى.. معرفتش كيفاش كنت غادي ندوز دوك شهور كونما تلاقيتش بداك ولد ناس وصاني نبقى مرة مرة نطل عليه قلت ليه ممحتاجش توصيني راك خويا قوليا شنو باغي أخر نبقى نجيبلك صولد بعدا متضربش ليه لحساب غير بقى تعيط ليا ممتيقش بلي صافي غادي نخرج تا وصل نهار جمعت حوايجي قبل بيوماين بالفرحة داك نهار كلشي كيتوادع معايا غادين بيا لباب لكبير مزال كنتسنى شي واحد يقوليهم رجعوه ولا شي لعبة توقع ولكن لا حلو ليا لباب أول خطوة كنشوف فرجليا باش طلعت راسي كنلقا قيامة ديال عباد الله ودقة لمراكشية بدون شعور غتبدا تشطح بحال شي هبيل واحد لخويلة بغيتها غير تطلق مني والو واحد تيشيرت كان بيض معنقاني وكدمع مسحاتلي كاع داك لعجب لي دايرا فوجها فداك تيشيرت ها لحمر ها لكحل شي لواحد معمري شفتهم مشينا لديك دار بعدا من لباب دلحبس لدار مكينش لي معرفنيش راه خرجت ليوم بنادم كيحسابليه واش غير شي هدية بعدا وصلنا لدار لقيت درب أخر كيتسنا بنادم مكنعرفوش بعدا يا أنا طواليت يا دار صغارت وطالقين ليا ديك(i'm coming home) راه مغاديش نبكي أولاد ناس بلاما تبقاو تضيعو فوقتكم لواليد مات ومبكيتش عليه.. بنادم بدا كيمشي أنا غير كناكل تحلاتلي شهية تقول كانو قاتليني بجوع شديت تيليفوني عنقتو هو ولبيسي فين كنتو فاش كنت محتاجكم بقاو شي ناس قلال جيران وديك بنت ناس دبا وليت كنبان كبر منها نقدر ندير معاها شي لعبة بقيت كنعاود ليهم شنو دوزت تما وتنزيد فيخرات أنا بويكا ديال داك لحبس.. تا بقيت أنا ولخويلة وديك بنت ناس بارك قدام تلفازا لبيسي وتيلي فوق طابلة حدايا ولماكلا حداهم وأخيرًا غادي تنزل شي دمعة كان كيحسابلي عندي إعاقة فعينيا وتنبكي ديال بصح وهو تشوفني لخويلة يلاه جبدات تيليفون غتصور وأنا نخبي وجهي تا خليني نصور راه مغاديش يتيقوني إلا قلتها ليهم قلت ليها وصافي ديري عقلك والله ما راشقالي وهيا تحيد تيلي قالت ليا مالك ياك صافي خرجتي وانا نخوي عليها قلبي ديال بصح وخا عارفها مغاديش تحس بداكشي لي حسيت بيه تحس بلي صافي حياتك ضاعت حيت مغاديش تعاود تصغار تاني تا كتعطاك فرصة أخرى تخرج ترجع لدارك وسط عائلتك تاكل وقتما بغيتي تخرج على برى بزااف دلحوايج لمهم سيري رتاحي أنا غادي نجمع دار غير سمعات نجمع دار وهيا تخلع بقينا رتاح نتا رتاحي نتي تا خليناها هكداك صباح ضرباتني لفيقة بكريي ولفت نفيق هكداك درت لكيت فودنيا تندور فدار قاديتها قاديت لفطور وليت شهوة مني لعقل نعاماس مرة مرة خاصك تخسر داكشي لي عندك باش تعرف بقيمتو بارك كنتفرج فواحد سيري وقعوا هاد لمشاكل قبل ما نكملها مكانش تيجيني نعاس فليل كنتخايل نهاية.. فطرنا خرجنا تسركيل سولتها واش عاود شي واحد من ديك لعائلة دوا معاها قالت ليا من داكشي لي وقع داك نهار مبقيتش شفت كمارة شي واحد فيهم كبر عليهم طرح لقدية ولاو فيها لبوليس ولقتل ومبغاوش سميتهم تجبد صافي نسا وبعد على هادشي صفحة جديدة دبا راك عرفتي شحال ساهل تخرج على راسك زوج دقايق كانت غادي تخرج ليك على بقية حياتك.. كنسول فيها شحال ديال لفلوس خسرات بقات كتحلف مقديتش نزيد نهضر معاها.. دار راحة مرة مرة كنخرج نبدل لجو نخرج تا رتاحت خاطري تنصرف على راسي من دوك لفلوس حتى تبان شي لعبة نديرها بيهم بسبابهم كنت غادي نضيع مخاصهمش يضيعو هكدا.. عيطت على عماد فلييل تنسول فيه قاليا لملل اساط كون غير زدتي معانا شي عامين ولا تلاتة خليتي بلاصتك العفريت.. لغد ليه مع 3 كيعيط ليا جاوبتو بزربا قاليا شفتك فايق شنو مفيقك قلت ليه غير لأفلام وسهرات أخويا راك عارف تنحيدو لقطعة قاليا مزيان رتاح ليا مع راسك غدا بغيت منك واحد لخدمة والله ما نساهاليك.. الله أودي طلب وأمر صولد ماكلة حويج شنو بغيتي؟ لا هادشي كامل كين راك عارف قلت ليه لخوادرية صغيرة تزوجات ياك يلاه كنت داوي معاها عندها شي صداع مع عائلة راجلها منعرف شنو تيحساب ليهم أنا داخل لحبس غيديرو فيها ما بغاو غادي نعطيك نمرتها قلت ليها غدا غيدوز عندك صاحبي يديك لدار راه هيا غادي تنعتها ليك وبلاما نوصيك ختي بحال ختك شوف شنو باغيا دير وعاونها فلوس راه عندها تنعرف بزاااف دناس برى يقدو يديرو هادشي على ودي ولكن نتا يلاه كنتي حدايا وعارفك كيداير بلاما نعاود نوصيك قيد نمرة.. عطاني نمرة وقطع صافي مبقيتش أنا سهران طلع هاد لبلان لغدا نعست لغد ليه فايق مع ديك ل10 فطرت بدلت عاد عيطت ليها معارفش شنو نقول ليها بعدا تا جاوبات سلام سلام قالت ليا نتا صاحب عماد؟ هو هدا أختي قولي ليا معاش ندوز لعندك وفين ندوز لعندك؟ معرفتش واقيلا غادي نزيد نصبر شويا نشوف واش غادي تبدل شي حاجة ولا لا.. ألا شوفي جمعي حوايجك أنا جاي نديك لدارك وإلا كانت شي حاجة غادي تقاد غتقاد ديك ساعة. زعما غير الله يقدرني على فعل الخير وصافي بقيت على سيدة كنزعم فيها تا بدات كتجمع حوايجها هزيت سوارت طوموبيل وخرجت لعندها وقفت فين قالتلي ديك لبلاصة غير قريبة لدار تما وهيا تباليا وااحد بنت ناس جارا باليزة ديالها ومن دوك ل(Redheads) لفرماج ديك ل(category) لي إلا شديتي ليها فيدها كتبقى يديك مطراسيا حاضيها نشوف فين غتمشي مستحيل تكون خت داك لقجحوم وهيا توقف حدا طوموبيل ناري ويلي لا جبدت تيلي صونيت ليها وهيا تجبد تيليفون من صاك صافي وليت تنبغيها أنا من لأبيل لولا دايرا ديك رضيتووو بالله ربا وبالإسلااام دينا..

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.