المصخوط الجزء 31

من تأليف دعشوش
2018

محتوى القصة

قصة المسخوط

خليت لبرهوش تيحلف بلي دار مسكونة وخرجت لعند داك لولد لي خدام معايا منعرف شنو باغيني تاهو مقديتش نقوليه لا عيطت على آية أجي لخوك بزربا راه مريض وخليتو بوحدو.. لمهم مشيت عندو لصال ريحنا جابليا قهوة وحطليا شي فلوس حسبتهم ودرتهم فجيبي قلت ليه لله يسمعنا خبار لخير شنو كنتي باغي تقوليا؟؟ دخلني بديك نتا خويا والله يعمرها دار ورجولة.. خلعني ياكما باغي يخطب من عندي ولا كيفاش كينا غير لخويلة كبيرة عليه.. قلت ليه ختاصر عطيني لمفيد أصاحبي؟ حشمان منك معرفتش كيفاش غادي نقولها ليك ولكن واقف على واحد 20 الف درهم لواليدة خاصها دير واحد لعملية وديك زوج دلمليون هيا لي بقاتلي نقدر نقابل ليك لمحل موراها بلاما تعطيني شي درهم تا تاخد رزقك وإلا لقيت منين نجيبهم ليك نتا لول والله شنو قلتي غادي تعاوني؟ هيا لي عندي مبغيتش لعملية تعطل وتوقع ليها شي حاجة.. وحشمااان منك والله إلا مبغيتيش والله حتى عااااادي بحالا مقلت ليك والو... دري ضريف ومو كتر منو وعارفو هو لي عندها مكينش منين غادي يجيب ديك زوج مليون هو أنا نقدر نعطيها ليه ومتبانش أصلا كنت باغي نخرج صدقة غير مقدرتش نقوليه راه كنتصدق عليك غادي نجرحو كيف تيقولو خرجت جبتهم ليه هاك وسلم ليا على خالتي مترد ليا منرد ليك غير قوليها تدعي معايا وصافي.. بقى تيقوليا لا ومن هنا ولهيه صافي حلفت عليه أصلا كنت كنقلب على شي واحد محتاج دبصح تا طلعات لواليدة ديالو لله يعمرها دار دايزا فيها لمهم قلت ليه خود راحتك إلا بغيتي تمشي تبقى معاها تا تدير لعملية وتوقف على رجليها أنا غادي نقابل لصال دري عينيه غرغرو عنقني جمع شكارتو وخرج فاش كدير لخير كتحس بواااحد شعور زوين كتحس بشي حاجة تحيداتلك على قلبك دوزت داك نهار تما حتال ليل عاد مشيت لدار فطريقي خديت قفل جديد للباب دخلت لدار لقيتهم مجموعين باركين فصالون ولبرهوش تيعاود ليهم دقان ولحيوط كيتشققو ودم كيخرج من دوش وصوت ديال دراري صغار كيبكيو تراه عندو خيااال خليتو غير فدقان دبا فين لقيتو كل مرة تيعاود تيزيد شي لعبة مقديتش ندوي معاه نفرشو قدام ختو لكبيرة وخالتي لحت ليهم ديك لبرهوش خاصنا نزوجوه وخرجت خليتو منوي غير بوحدو بقيت مدابز مع داك لباب وتقول واش باغي يتقاد بزز باش ركبتو مول دار لقديمة يمكن مزال عندو ضوبل ديال سوارت هو لي دار هاد لفعايل ديال ليوم والله أعلم شنو من غيرها اللهم نبدل سوارت قلت ليهم وليو تسدو لباب من لداخل.. لغد ليه مشيت تاني لصال مكينش لي غادي يقابلو أول مرة نتواصل مع ناس لي مقيدين فيه ها صغير ها لكبير ها لبوليسي ها شفار دنيا مخلطة ولكن بيناتهم كين واحد سويط دزايري عندو محل ديال لحوايج حدانا وغير تيدور ويخطف طلة عندي من نهار لول لصقو ليا شي كلمات أرواح بهاد صوالح لي راك تعدل.. غير عفسة هادي.. لمعم خونا لقاني معندي ميدار تيدور ويجي لعندي تنقتل معاه نهار كنمشي نتغدا وتنرجع نهار تيدوز طوب مرة مرة كتجي آية تبرك معايا شويا ولا كنشوف شي واحد فدراري يقابلو كنقاد لوراق لخوادرية لخويلة مشغولة مع عرسها وداك ساط لي مدخلش ليا لخاطري سو تعطلنا سيمانة دازت بحال جغمة دلما عيطت على دوك لي مربينها قلت ليهم نهار تنين غادي ندوز ناخدها جمعولها حوايجها.. داك ولد ناس من نهار عطيناه دوك لفلوس لعملية ديال مو وهو يغبر تيليفونو طافي خلعني يحسابلي مو ماتت ولا منعرف ممانش غادي يغبر هكدا غادي يعيط يقوليا داكشي داز مزيان ولا يرجع يضرب طليلة تمالها سيمانة وهيا فلعملية نهار لحد خطفت طليلة لدارهم ضانون ولحليب صوااب غير مشتت أبا تندق فدارهم وهيا تحل ليا مو تخلعت خالتي واققة على رجليك خاصك ترتاحي سيدة كتعجب؟ قلت ليها واش مكينش سيمو ولا كيفاش وهيا تبدا تبكي أنا تخلت ياكما هو لي كانت خاصاه لعملية ومقدش يقولها ليا ومات قلت ليها مالك؟ دخل دخل وسد لباب أولدي.. هادشي لي درت دخلت وسديت لباب ولدها مكينش تما قلت ليها فينا هو؟ قاليا عندك عملية وعطيتو شي فلوس على ود لعملية ومن داك نهار غبر.. قالت ليا شحال عطيتيه أولدي عندي شي دبالج وشويا دلفلوس نوض نجيبهم ليك.. من نيتك أميمتي راه عطيتهم ليه ماشي سلفتو ليوم مكنتش غنجي كون ما تخلعتش يحسابلي وقعاتلك شي حاجة لا قدر الله قولي ليا شنو واقع؟ فين هو؟ مكين لا عملية لا والو ياك؟.. أيييه مكين لا عملية لا والو ولدي خرجو عليه شي دراري عمروه ولاد لحرام وجروه معاهم مشا أولدي مشا كيفاش غادي يديني نعاس وأنا عارفاه كيموت بالبرد فنص ديال لبحر واش يوصلوه ولا يلوحوه فلبحر ولا يطيح ولا يوصل ويضربوه دوك ليهود ولا يشدوه تا قلت لقا خدمة زوينة معاك ونزوجو ونشوف وليداتو قدام عينيا تا عمرو ليه راسو كون غير دخلتو لحبس ولا هادشي لي دار بعدا نقدر نشوفو مرة مرة سمحليا بزااااف معرفتش كيفاش عطاتو خاطرو يكدب عليك وملقا ما يقول مرض ميمتو باش يمشي ماشي ولدي لي يدير هادشي.. تراه جابتلي لبكية وقليييل فاش تيطيح عليا ضيم ولكن كتشوف نتا تقدر تعطي نص فعمرك باش تبرك مع مك غير ساعة وحدة وبنادم مخليها فبلاد وغادي لبلاد غادي يعقل عليه فيها حتى ولد كتشوف تا تعيا كتلقاهم ماشي لخاطرهم هاد لولد تا هو مكرهش راه عندو باك+2 وغير كيدور كونما لقاش ديك لخدمة معانا كوراه مزال فراس درب مقديتش نبقى معاها أصلا أنا لي عطيتو فلوس باش مشى صراحة أول مرة نعرف راسي كامبو كنت نمشي معاه نخلص أنا و نتأكد ولكن صافي دبا لي وقع وقع عطيتها نمرتي بغيتي شي حاجة عيطيلي أميمتي وتا إلا رجع ولا وصلاتك شي خبار عليه عيطيلي.. رجعت لصال وأنا كاااعي معرفتش واش حيت صبعني ولا حيت خلا مو هكداك ولا معرفتش لمهم طلعلي زعف سديت داك زبل ورجعت لدار دخلت لبيت نعست نطفيني ونشعلني زعما عا لله وعسى يتقاد لمجاج غير بدا كيديني نعاس تنسمع دقان من تحت لمانطة كنقول دخل والله ما بغى يحبس تراه دقان جاي من لماريو عرفني لموت طلعات ليا مع رجليا وخا جابدين بنادم من قبورا فنصاصات ليل ومنعرف شنو ولكن هادي بوها حليت لماريو وقلبي تيضرب واحد ضربات تنسمعو فودني وليت خايفو يسكت وملقيت والو رجعت نعس زعما نكون غير كنحلم غير بدا تيديني نعاس تنسمع دقان نضت تنقلب مكين والو رجعت ننعس غير بدا تيديني نعاس تاني وهو يبدا دقان شعلني هادا سطاج لخر ديال لعداب لبكية شداتني سأخبر الله بكل شيء.. كتفلا إلا كنتي باغي تقتلني قتلني وهنيني ولله إلا مبرهش وحق الرب أش هاد لفعايل...

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.