قصة منذ الأزل و إلى الأبد

2018قصة كاملة سفالة محدودة

محتوى القصة


رواية منذ الأزل و إلى الأبد

الحب هو ان اراك في وتراني فيك..وكلما سقطت اجدك..ان يعتريني شعور الخوف حينما تغيب ذلك ان القدر شرير..
طالما هناك قلب ينبض فلايزال هناك سلام في العالم..لا يزال أمل في تحقيق الاحلام..معا..ودائما ومنذ الازل والى الأبد..
ان اعشقك يعني أنني اتنفس وإياك نفس القدر من الاوكسجين ونتشارك نفس الكاربون اي إن باغثثنا المنية فلنمت معا..غير ذلك ليس هناك اي تفسير او تعريف للحب ..أو العشق وهو اسمى الاحاسيس لا يراود إلا القلوب الميتة حبا..ولن يراود الا قلبي..وقلبك وقلبه وقلبها وقلوبهم...
#####
تقدمات بخطوات بطيئة او بالاحرى كتسلت..وعينيها كيدورو فديك الغرفة لي كانت عبارة عن مكتب كبير وراقي..بقات كتمشى بشوي وعلى قرون صباعها حتا قفزها صوت من وراها كيغوت وقال:على سلامتك الالة
غمضات عينيها بحال الى كتحاول تفادى فكرة انها حصلات..دروات جسمها ببطء وقالت مبناسمة بزز:مدام عموري صافا😤😤
مدام العموري:(مرا كبيرة تكوم عندها 43سنة هاكاك ملامحها مخنزرين ودايرا ماكياج خفيف..لابسة لبيسة رسمية)واش جايا لدار باك حتا جايا فهاد الوقت(شافت فالساعة)التسعود هادي وعاد نت مشرفانا(باستهزاء)لا بقاي نيت حتال العشرة😠
وردة:هااا...وراه كنت غنجبد عليه حتال الثناش ولكن دوماج عطيتك الكلمة هههه
مدام عموري:(بنفاذ صبر)ايوا...جمعي راسك..تسحابك كتهضري مع ولاد دربكم..تجمعي شوي راه عيقتي علي وبزاااف...ديما معطلا مالك اش كاين😠
وردة:(وعات على راسها)هه ويلي سمحي ليا(كترطب لهضرة)راه هي مشا علي الحال وصافي
م.العموري:هاد الكاسبطة قديمة وحفضتها..كتباتي مقصرا فالليل مع زوافريا بحالك وفلخر كتجي معطلة(هزات صبعها)كقسم ليك بالله حتا نطردك..كدوزي هي على وجه بنتي اما كون راني جريت عليك شحال هادي
وردة:(ياك الكلبة تجري علي والله حتا نشيبك عاد نمشي تفوووو شحال خايبا ايخ شكون تزوج بهادي وعاد حملها ههه)
فيفها صوت العموري كتغوت:راه معاك كندوي فين ساهيا 😠😠😠 تهزي علي لخدمتك واخر مرة ولا الباب
وردة:ههه ويلي يا مدام الله يهديك مبيناتناش ههه انا نمشي دروك
العموري دازت فيها وجلسات فمكتبها وقالت:هاد التأخر ديالك غنقص ليك من السالير
وردة:(نسات راسها)اشنا هو(مغوبشة)مالكي نت لي كتخلصيني..كتعطيهم من جيبك..😠😠
العموري ضربات على البيرو بعصبية وقالت:واش كيسحاب راسك حتا تهضري معايا بهاد الطريقة...خرجي قودي علي
وردة:هههه(دايرا يدها على جنبها)كنت عارفاك نت كثر مني...والحب وا العموري وراه العام طوبل وحنا مزربانينش...الى مخدمنا اليوم نخدمو غدا..وهاكا القضية دايرا😂😂😂 نت هي متعصبيش راسك على والو (من تحت سنانها)راك النوارة ديال هاد الاوتيل😤😤
العموري:(كتنش بالوراق)اووووف ناري على من صبحت..شكون دعا فيا حتا طلاني الله بيك اربي الرحمة..خرجي خرجي فحالك..نت غتصيفتيني للسبيطار بلا وقت
وردة:وعلاش ماشي القبر بمرا ونتهناو
العموري:واكواك اعباد للله ...عتقو الروح اعباد(بتلغوات)زبغات تقتلني بنت الحرام(كتقلب على باش تزف عليها)خرجي الله يلعنك اوجه النحس خرجييييييي
وردة:(عرفات راسها حصلات ولدات كتجري للباب)ويلي ديكالم ..راه جغمة الدم لي فيك مشااان(حلات الباب وضحكات)هههه خليت ليك الراحة
زفات عليها بكلاسور جا فترمتها حكاتها وهي تخرج كتجري وسدات الباب
وردة:اووووف بنت الحمقة فقصاتني بحال الى بوحدها لي مسؤولة(بدات كتعيب فيها)نننن...انا بنت الاصل..والمفصل انا بنت القاع والباع ههه(ضارت شافت الباب)بنت لخراااا...بنتك راه هي بوالة يخخخ...ويلي نسيت لخدمة بفففف
مشات كتجري فالكولوار وديركت لفيستير ملقات حتا حد ومشات بدلات حوايجها ولبسات ديال الخدمة عبارة عن سروال كحل تثوب ومعاه تيشورت فالبيض ودارت شعرها كوب شوفال..بتاسمات لمرايا وقالت:بشااااخ على زين..تزعطت فراسب...
خرجات من اافيستير وطلعات للغرف لفوق وكتبتاسم فوجه الناس وتصبح على الموضفين بابتسامة بسيطة وتصيفط قبلات للبنات في الهواء وكتدندن مهامهاش البشر...وصلات للطابق الثالت كتنهج ودخلات لاول غرفة وهي تشهق وقالت :😱😱😱😱 واهيا ناري واهيا العمالة اشاوا هادشي...واش كانو ناعسين ولا كيصنعو المعجون(دخلات للبيت)بقات فالفلوس وهوما ختا النظام معندهم يخ(هزات تيلي وعيطات )الوووو شوف قول لوحدا من البنات طلع ليا الماتريال تالخدمة للطاج الثالث...ودغيا اوجهو
قطعات وبقات كتشوف فديك الحالة كان لبيت كولو مقلوب سفاه على اعلاه والحوايج فالارض..مشات بدات كتحيد فالايزور وتبدلهم وتنكر هي بوحدها حتا جات وحدا من البنات لي معاها وجابت ليها ابماتريال وقالت:ناري ياختي لش هاد البيت قول الحرب العالمية كانت فيه
وردة:(كتبدل الايزار)الله يستر..بنادم مسخ يخ..معرفناهم كانو ناعسين ولا كانو ك...كملي من راسك😉😉
البنت:😂😂😂😂😂 الله يمسخك ههه كملي دغيا قبل متجي ديك وجه تشافر ديال العموري
وردة:هههههه كوني هانيا متخافيش مغتشوفيها حتال الغدا ههه صبحت عليها خليتها كتفيبري😂😂😂
البنت:وا زميت ههه هامي نمشي نبشر لبنات

وردة:ههههه سيري والله يرحم باك فيا جوع قولي لسيمو يعزل ليا لفطور
البنت:هه راه فطرنا ودابا وقت لخدمة ههه بلحق على قبلك نمشي
وردة:(بتمياق)على قبلي وعلى قبل سيييمو...😒😒 اختي باز لكمارتك..سيري بناقص من هاد الفكور
رجعات وردة لشغلها كتددندن والبنت خرجات..بقات كتجمع وتغني ومهمهاش واش راها فاوطيل..سالات البيت وهزات الماطريال ديالها وخرجات تكمل خدمتها...
وردة بنت فالعشرينات عندها 22 سنة هي بالاساس ممرضة..قرات التمريض وتخرجات وللاسف ملي بغات تخدم لقات لخرا كيتسناها..عيات بسطاجات وطابو رجليها وجلسات..ولانها هي على من معول باها قررات تخرج تخدم فاشما عطا الله المهم تضبر فالصرف..وتوسطات ليها بنت العموري مع ماماها..حيت هي مسؤولة على الفام دشومبر فأكبر اوتيل فمراكش...وردة مراكشية أبا عن جد..وهضرتها قاسحة وكتهضر بالمعاني وبثقالة لي شافها يقول كضل تبرم فالحشيش مع الزوافريا..هي بنت زويونة عندها حقها فالزين..لحاجة زوينة فيها ضحكتها حيت كتبتاسم من نيتها..عينينها قهوين وعندها شفاار بزاااف فمها كبير هههه معندها لا ترمة لا صدر لا ليهونش..لاصقا على راسها..هي من ديما ضعيفة واخا للاغلبية كيقول ليها الى غلادتي غتبان فصالتك حيت الاغلبية كيشبهها بماماها لي عندها فائض فالانتاج..اكثر حاجة فيها هي لهضرة مكتسكتش لدرجة حتا فنعاسها كتقيل تهضر وتعاود ومتملش..ولي صبحات عليه بهضرتها كتخليه اطلب الشرع معاها..وكتخمم بعقلها بزااف عندها ملامح طفولية بزااف وهي كضحك وتالقاها فيد الله(راكم عارفين لمراكشيات الضحك جاري ليهم فالدم😂😂)خدامة فام شومبر فأكبر اوتيل فمراكش وهي لي كتسرف على دارهم يعني الى مدخلاتش اللقمة مكاين لي يدخلها..باباها سي المختار خدام سمسار وكيقيل فالحانوت ديالو صغيرى فالمدينة القديمة وكل نهار ورزقو..وفلوسو مقادراش تعيش عائلتو صغيرة لي متكونة من وردة وماماها فتيحة وخوها لي صغر منها بخمس سنين مراد...
وردة لحد الان معمرها فقدات املها من الله وفينما مشاها كتمشي وطلقاها فيدو هي ضحك ونشاط..
كانت كتجمع فأخر بيت ليها ..ومن وراه غتنزل تتغدا..
وردة:(مع راسها بصوت مسموع)اش هاد الحزااق..فينما كان شي خراي باله تزوج شي خانزة وقضاو غراضهم كتجي وردة اجمع خراهم تفوووو(وقفات عن الحركة وكتفكر)يخ زعما يكونو هنا فيين😱😱😱😱 أعوذ بالله...(رجعات كملات الجميع)ياودي كل واحد كيعطاتو..انا بعدا زواتني هههههه
كملات جميعها لداك البيت وحتا لحمام وخرجات كتبقشش فالتيلي ومراهاش هنا..حتا دخلات فشي حيط وقالت بلا متشوف:العما والمعميات وضفار جنيات..مالك أخا عور يخ
كملات طريقها كتمشى بحال شي بنيتة صغيرة وكتضحك عي بوحدها كتشوف فيديوهات فالواتساب..نزلات اتحت كاع حدا الفيستير
وزادت للقاعة كياكلو فيها الموضفين لقاتها عامرة بزااف وهي تشهق وقالت:اشاوا هادشي 😱😱 ياكما دايرين صدقة وانا مفراسيش
كلشي تلفت ليها رجال وعيالات..فيهم ناس تالاستقبال وناس الميناج وناس تالموزينة الخ..جاوبها واحد من الرجال:مونيكة عيشور جيتي ههه
وردة:دابا نجي نبرققك نوريك مونيكات اش كيديرو..كحز خلينا نعالجو راه المعدة خوات
نطقات وحدا من فام دميناج:وردة تعطلتي ليوم تاني ععهههه
وردة:(كتاكل)اييه ههه سهرت مع دراري فراس درب..
جواد:(الشاف ديال الكوزينة)هي شي جوانات تاني ههههه
وردة:نضبر ليك فشي سطر ههههه باش ياله تبعك لالاك نعمة وتضرب ليك طر😂😂😂
الكل:😂😂😂😂😂
جواد:نوضي ت...والله كون محشمت من لعيالا حتا نقولها هههه راه هي مع الوحم وصافي
وردة:😂😂😂😂
كملو داك الغدا فالتقشاب والضحك ديال ديما ..وردة كتبيغهم كاملين وهوما عزيزا عليهم حيت مفروحة مقطعة الوراق..جغمات كاس الما وقالت:اححح شبعت الحمد لله
...:ويلي ضربي ليك حتا فخد دري لي حداك هههه
وردة:😂😂😂 بصحتي راه جيت كنجري ومفطرتش كاااع..وعاد حرماتها فينا ديك عضم طيو ديال الشافا يخ
الكل:😂😂😂😂
وقفات وردة بغات ترجع لخدمتها وحتى أغلب الخداما حيت وقت الغدا سالا..حتا وصلات حدا لباب وهي دور وقالت بضحكة :سيادنا الى شبعات لكريشة كتقول لراس غني..ارو لينا عليها شي ميزان بعقلو 😂😂😂...اه اها..اهيا...اكاوا اه
وتبعها كلشي بالدقا المراكشية لي على حقها وطريقها وكيضربو ويغوتو..رجال وعيالات مسكتو حتا وقفهم صوت قباض الروح العموري دخلات حيت سمعات صدااع وقالت بالغوان:اش هاد المهزلة دايريم ليا هنايا...
كلشي ضرب طم وحشم الا وردة عوجات فمها وقالت:ويلي امدام عموري هي بغينا نشطو
م،عموري:بغيتي تنشطي سيري لقاع داركم..متجيش ليا هنا راه ماشي جامع الفنا😡😡
وردة:(نسات راسها مع من كتدوي وبدات كتسرسي لهضرة)وايلي بزااف على هنا يكون جامع لفنا..علاه فيه الحوت نعام اس(بدات كتقصح فالصوت)والطواجن..والعاصيراححح وتيتيز تنصارا هههه هنا راه لحبس ولا هو كثرة البروتوكول بلا فايدة
م.عموري:(وجهها حمار بالغضب)واش مباغاش تحشمي ياعاد المصيبا...اش هاد الاسلوب وهاد لهضرة😡😡 جمعي راسك 

وردة عاقت بلي نسات راسها وبدات كتخربق فالهضرة وهي تشهق وقالت:هااا😨😨ويلي اش gلت هانتي شوفي..فنيدة اخحح لا بغيت نgول مدام متديش عليا راني هبيلة وردة لحمقا لسانها سابق
العموري:(محافظا على تخنزيرة)فعايلك فاتو لحماق لهيه.معرفتك مسكونة ولا هاربا من شي صالح
قاطعاتها:لا..مولداني عيشة مولات الواد😂😂
العموري:(هزات بديها للسما فوضغية دعاء)ياربي الى درت ذنب فشبابي هاهو لعقاب..واناري واش مكتقادايش(صعرات)ونتفت معاك راسي واش واكلة كاسيطة..تشهيتك شي مرا تجي مغوبشا ولا مقلقة ولا جاوك الحلاقم
الكل:عه😂😂😂😂😂😂
وردة:هههه لا لحلاقم حيدتهوم ملي عندي سبع سنين..والتغوبيشا مزال مكاين لي يقلقني😒😒
العموؤي:عندك punitionعلى هاد الىوينة لي درت وهاد لحلقةلي منوضا هنا(باستهزاء)كون هي مشيتي درت لحلقة فجامع لفنا راه اتفرجو فيك ناس😒😒
وردة:(من تحت سنانها وسمعوها الموضفبن الا العموري)يا ونتي سيري هزي شي صويك ونفتاحة وباكية تلحنا وجلسي تخدمي نقاشة ههه
الكل تفرشخو بالضحك والعموري مسمعاتش وهي تقول معصبة:غتزمي فمك وتخرجي تكملي خدنتك غدا غتبقاي فالسيرفيس ديال الليل عقاب على هاد جهالة لي فيك
وردة:😱😱😱😱 لا لا لا(شدات فشافا من دراعها ونسات راسها تاني)وبلي غدا كاين لكلاسيكو..اواااه مديريهاش افينيدتي..راه ريااال لي لاعبا احمباااااااك
العموري:(بضحكة شريرة)ههه دابا عاد غنتفرج فيك مزيان ..هضرة وحدا قلتها..غدا غتكوني خدامة نهار كامل(حيدان ليها يديها)وغتباتي هنا ومن وراه عندك روبو نتهنا من وجهك نهار واحد ونرتاح..(بأصبع تهديد)وياويلك تعطلي تاني والله حتا نطردك
وردة:(غوبشات)مالك اختي محرماها علي... 😠😠 انا يهودية حتا نخدم نهار لكلاسيكو
العموري:حمريهم فيا كثر..راه صابرة ليك على وجه بنتي اما والله لضربتي فيها ضربة..ضاسرة وخاسرة حتا فتي القياس..😠😠 ودابا كل واحد يمشي لخدمتو..ياله
خرجات وخلات وردة شاعلا فيها لعافيى من جيهة الماتش ومكرهاتش تنتفها...
جواد:😂😂😂 راه اصلا البارسا هي لي رابحة
ضارت عندو مبتاسمة بسخرية وقالت:هه من نيتك العزوا...شرب ليك شي دكا تأتاي وريق بيها..لكلاسيكو هاد لعام ريااالي
الكل كيضحك على طريقة باش كتهضر معاه..سلمات عليهم وخرجات تكمل خدمتها وكتهضر تاني بوحدها فطريق وكتقول:دابا انا نضل خدامة باش مدام لعموري تنشط والله لكانت ليها ههه انا نفلت الريال هههه الى منرد ليك هاد لوطيل قهوة تسي حسن خراي على با لي نتجني ههه
ضحكات ومشات تكمل دوك البيوت فجميع بنشاط وكتغني وناشطة..حتا سالات مع ربعة تالعشية ..مشات لفيستير بدلات حوايجها وطلقات شعرها حدا لبنات لي خدامين معاها وحلو فمهم فيه حيت فايت ليها ترمتها..ولكن هي ديما جامعاه سفنجة مكتلقوش...نطقات وحدا من لبنات:ياختي داك شعر مالك قاهراه بالجميع..طلقيه اضربو لبرد شوي
وردة:عههههه ونقادو بروشينغ وندير عكير وماسكارا(بدات كتمشا)ونتعوج هاكا ياك عههههه..هي بصحة أ توتا انا عاجبني هاكا
البنت:عطاك الله سالف وضحيكة متعشقي هي هي..بلحق راه ربي كيعطي لفول لي معندو ضراس ههه
وردة:(كتسد لكاجيبي)ههههخ نهار كان كيتفرق زين اعشيرتي شديت منو حقي ونهار تفرق زهر دفل علي وداز😂😂😂😂 ياله نشوفوكم غدا..😘😘😘
الكل :بسلامة
خؤجات وردة من الاوتيل دايرا الكيت ولابسا سروال جينز اسود وتيشورت بيض وكيبين نحافتها بزااف هازا ساكادو صغير وغاديا جيهة بلاكا تطوبيس..وقفان وجا طوبيس طلعات وجبدات لفلوس باش تخلص وهو يقول شيفور:الشيخة نت هادي هههه
وردة:مال مك على سبان هههه تخلص بغيت نطلع نشوف صحاباتي
الشيفور؛(بصوت منخافض)دوك رباعة الشارفات 😏😏😏
وردة:😂😂😂😂واقفين ليك اخا فحلقك..حيد عليا بالاك نمشي نشط
طلعات وطوبيس عامر بدات كتدوز من وسط بنادم حتا رجعات لوور كاع لقات ربعة تالعايالات كلهم قلدة واشمن قلدة..وضحيكة ومراكشيات قح كيضحكو ويعازدو نكات بثقالة والهضرة مرزنة شافتهم وهي طلع حاجب وهبطات لاخر قالت: هههههه لالة مليكة نت هنا اصحيبتي
مليكة:(بضحكة عالية)اشاتا تتديري هنا..
وردة:ها حنا هي مع هاد قشور الحوت 😂😂
مشات سلمات عليهم وجلسات فحجر وحدا فيهم حيت هي خفيفة وضعيفة وبقاو عاطينها لاجموع وضحك..طوبيس كولو ساكت الا هوما منوضين حيحة وكيضحكو بجهد ويتنغمو فالهضرة..وصلات وردة وسلمات عليهم وقالت:الحاجات نشوفةكم فساعى خراا...موعدنا كيف ديما😘😘😘
الكل:يا بسلامة اااه سلمي على داك زين صافي تباك 😂😂😂
نزلات كضحك من طوبيس كيف ديما وتمشات فوسط المدينة باش تخرج لحومتها..الطريق كاملة وهي دايزا وكضحك وتسلم على ناس..تدوز من وسط سويقة وتدوق زيتونة تضحك مع سرباي ومع مول ديسير...حتا وصلات لسسكتور..بان ليها خوها واقف شاد لحيط مع واحد خيتي من دوك بنات لملاح وهي تقول:افين أخا هانيا(شافت لبنت)عايش لحياة حدا داركم نههههه محشمتيش من باك اشوف لمنكر
مراد:(سلم عليها من وجها)وجه تشافر جيتي..هانتي اختي كتشوفي راه كنحبها ههه ودعي مع خوك اقرا باش اخطب هاد خيتي

وردة:مراكش زهات فينما ضرتي جردات والنافورات والكاسكات ههههه ونتا موقفها حنا حدا داركم...دروك اجي با ويحرمها على سبرديلة مك 
نهيلة:(بنت باقي صغيرة تكون عندها 15 سنة زويونة )ياختي مقادا على صداع مع عجوزي ههه نمشي حسن ليا
مراد:بسلامة احبي..متغبريش راه القلب كيتوحشك😉😉
نهيلة:(حشمانة) ☺☺☺
وردة كتشوف فيهم بتمياق وحاضياهم..حتا سالاو وهي تغوت وقالت:بابااااا
هربات لبنت ومراد تسلت دخل وهي تفرشات بضحك وطالعا فدروج وكضحك وتكركر هي بوحدها..دخلات لدار لقات مها ناشرا قصرية كتعجبن لمسمن وحداها بوطة صغيرة كطيب فيها..هي مرا كبيرة فالعمر وكتشبه ليها وردة غليضة من دوك المراكشية لي كياكلو لبربوش بالفيليل هههه باستها فراسها وتلاحت حداها متكية فوق سداري وقالت بتعب:اااح امي عييت والله
فتيحة:يا بنيتي راك نهار ومطال ونت واقفا الله يشوف من حالك...هانا نسالي ونوض نحط لبنيتي كاسكروط ترد روح
وردة:احفظك الا فتيحة هههه
شيرات عليعا بالطبg وقالت:فتيحة هاكاك حرفيا مزيودين فنهار واحد الله يمسخك..نوضي تكعدي بدلي دوك لحوايج ازوفري
وردة:(كضحك)ههههه شي نهار تلوحي علي لقصرية..والغزالة راه هي ضاحكين 😂😂 مبقا حد ادلع حبو ولا الواليد قادي الغرض😉😉
فتيحة :(كتقلب باش ضربها ويدها مزيتة )شوف ليك بنت القاف..مبقات كتحشم..اربي فين ولدتك..باين ليا فالموقف(واحد لبلاصة كيوقفو فيها لعيالات لي بغاو اخدمو فديور كيجيو كل صباح يتسناو شي حد خاصاه شي صبانة ولا شي حاجة ومكيوقفو فيه هي لعيالات الحرات)
وردة:(كتبدل حوايجها فالبيت لي حدا مها)هههههه عاللم...فين با؟؟؟
فتيحة:راه فالحانوت..اربي سيري شوفيه مالو تعطل ليوم
وردى:غيكون غي شي بلان تاني ولا مقصر على مع لمقدم على شي طرح تالكارطة
فتبحة:ولد الهم ميgول راه غنتشوش ههه
وردة:اححح اربي على الحب هههه نت وبا قصة عشق لا تنتهي هههه وولدك وبنت رحمة راه قصتهم غتسالي هلى يد الوليد😂😂😂
فتيحى:فرقو عليكم الولد..راه كيدوز وقتو وشبابو بحالو بحال قرانو
وردة:حشا وجهك كيدوز لخرا هههههه كيتعنب على بنت ومسكينة متيقاه هو حتا سليباتو باقي كتشريهم ليه نت
فتيخة:(ناضت وقفات ليها وهزات جريدة)حشا اوجهي ابنت لحرااام(شحطاتها)هاكي ها لخرا وها سهال
نقزات من بلاصتها كتوزو معرفات دقا منين جاتها وهربات ليها فداؤ وكتحك فدقة وتقول:اناري على الحمقة..ابشوي الله يهديه(فلتات من شحطة)ااااي راه هي ضحكنا ابشوي(نزلات عليها بشحطة لرجلين)اااااح اهياتا ا وgدي واراه غنتزوج ليك راجل شارف(هربات ليها)احاااااي راه ضرب بجريدة كيعوج سعد المسخوطة😂😂😂😂
بقات مها تابعاها فالدار بجريدة وتشحط حتا دخل باها تلاحت موراه كنخبا وتضحك وهو تضهشر مفهم تا وزا..دارها وراه وقال:امالكي معاها...هي ضوري وتهزي الجريدة 
فتيحة:بنت الهم بحالك بحالها سلعة ناقصة ..الحاجة لي متشبه ماليها حرام..فمها خاسر وكتطلق لهضور كي وجهها فدار
وردة:(كتمرغ بضحك)😂😂😂😂😂😂😂 وناري واش مكتمرgيش ههه مالك ضالماني
المختار:سلعة الناقصة(بصوت خشن)هاد سلعة ناقصة الالة راه شبعتي عليها عصا من عند باك باش ديتك(حيد ليها الشطابة)كون محشمت كون شحطك بيها😂😂😂😂
وردة باست كتف باها وكتشوف فمها وتقلي سم وفتيحة مغددة هزات gصريتها ودخلات لكوزينة توجد لكاسكروط بنكير..والمختار كيضحك جلس على السداري متكي على يديه وطاقيا موقفها فوق راسو زلابس جلابة وقال:مونيكة عيشور هههه جيتي بعجاجتك
وردة:(تنشرات حداه )هههههة عاد دخلت ابا..ورجلي ضروني
المختار:هههههههه نوضي ردي شي مقراج تاع الما وكمدي رجليك بشوي تالملحة وردي علي الخبار هههه
وردة؛😂😂😂 مطور
هزات تيلي ديااها كتقلب فيه بيدما وجد كاسكروط وباها هاز سبسي ديالو كيشعلو باش اتكيف مع شي دكة تأتاي ويقاد لمجاج..حطات مها لكاسكروط ودخل خوها وبداو كياكلو ويضحكو كيف العادة بالنكات وتقشاب ومرا قالبينها ميزان وكيتقتقو هي بوحدهم ههه ..
وردة:با غدا بايتا فالخدما..مزيرا لوقت
المختار:(كيهضر بثقالة)دي معاك كاشتك(المانطة)وبسلامة ههههه
مراد:😂😂😂😂😂 الما وشطابة تال قاع لبيسين هههه
فتيحة:تباتي 😠😠 معارت علاش؟؟؟
وردة:كاينا لخدمة بزااف وخصني نبقا معندك مناش تخافي
فتيحة:(موجهة كلامها لراحلها)ادوي اشريف..راه البنت بايتا فزنقة
المختار:(باستغراب)اينا بنت؟؟
فتيحة:بنتك...
المختار:انا مبانت ليا حتا بنت هنا..كاين هي هاد ستيلو زرق تولدك..وهاد زوفري لاخر
وردة ومراد:😂😂😂😂😂😂
فتيحة:(شدات فراسها)وا ربي اش هادشس وا كيف الولاد كي باهم..قتلوني وتهناو
وردة:ههههههه ومالكي خدامة عليه بنتك عرفتيه كيعيط ليا سعيد 😂😂😂😂
مراد:كون غي سميتوني انا وردة وهي مراد😂😂
وردة:هيهي بايخة ههه وديك ساعا شوف شكون اتمعشق مع بنت مول لفاخر
مراد:😳😳😳😳😳
المختار تكرشخ بضحك وقال:ارو عليها شي ميزان هههه
وبداو ولادو كبضربو معاه تاني واغوتو ومهم بغات تسطا كتشوف 36 قدامها هنههه

كملو لكاسكروط وجمعات مها لماعن حيت وردة مكدير والو او بالاحرى مكتعرف دير والو سطلة..هزات تبلي وخرجات لدرب..تمشات شوي وهي توقف حدا واحد دار ودقات..طل واحد الدري شاب من سرجم وباينا عاد فايق عينيه معمشين..هو مبوكص وفنيكيش ..وقال مغوبش:امالك على هاد دقا..كتساليني لفلوس ياكما تسحاب مك داك الباب من الحديد راع هي خشب اوجه الترمة..😠😠😠
وردة:ساليتي تحياحك وهبط العزاوي لعندي نتفاهمو ياله
انور:واش انا يهودي حتا مصبحا علي نت..صبري نعالج المعدة ونجي نشوفك..نلقاك فالبااصة المعهودة
وردة:بربي وتعطل حتا نشوه مك فهاد القنت تاني...وهاني مشيت😠😠؟
مشات وردة سبقاتو ودخل هو...انور هو الانتيم ديال وردة..عشيرها ..جمها..مكيتفارقوش كبرو مع بعضياتهم وفحومة وحدا..صحاب وبحال الخوت..فينما كانت شي زبلة كتلقا فيها وردة الا وكتلقا سند ديالها انور..عندهم صداقة فشكل كيتعاودو كلشي ويتشاركو كلشي والحومة كاملا عاىفاهم صحاب..انور كيقرا فالفاك داير اقتصاد..وعايش مع واليديه..وصلات وردة لحدا ساكا تلgارو..ولقات مولاها حمد جالس كيكمي وكيشرب اتاي..جلسات وقالت:افين الطبيعة؟؟
حمد:(نطر من لكارو)افين اشاشي..هانيا غبرتي؟؟
وردة:هي دونيت العزواي والخدمة راك عارف
حمد:فين داك عشيرك؟؟؟
وردة:ههه هو لي كنتسنا هنا..وكب لينا شي دكة ونتا قاهرنا بالاسئلة😂😂
حمد:ههنه هي لولة 
كب ليها اناي وبقات مقصرا معاه على اتاي والضحك والحضية..وردة زوفري صافي كضل مع لعزارا..باها لي ولفها هاكاك ومعندهاش مع البنات ومعارفاش سواريهم..الحومى كاملة كتحتارمها خاصة دراري..عمر شي حد بسل عليها واخا مكدير لا ماكياج لا والو فيها واحظ النقطة تالانوثة فمشيتها وهضرتها مع الناس دلوعة..بقات كتسناه جهد شي نص ساعة عاد تم سي

تم انور جاي كيتعنكر فالمشية لابس تيشورط زيتي وشورط كحل وكلاكيطا وعينيخ ناعسيين باينا عاد فايق..وصل حداهم وقال:ها واحد السلام وعليكم
وردة:مال لحمار لي ولدك تعطلت..تسحابك مساليا ليك😠😠
انور:(قالب وجهو)صبحنا عالله تاني..اش اختي كتساليني حتا تجي تفيقيني على نبوري
وردة:الله يعطيك ماعطا للقرود..المسخ😂😂 نبوري هادا الحمار...ستة تالعشية وباقي ناعس 
انور:اييه راه كنت خدام فالليل فواحد العرس وطحت دودة
حمد:😂😂😂😂
وردة:لمهم ماعلينا اخويا..شوف غدا كاين لكلاسيكو وانا خرجات ليا لخدمة من جنب ومنقدرش نتفرج..ديك العوجة تشافا عطاتني عقوبة ونتا غتوقف معايا
انور:اش غندير ليك أنا..نمشي نخدم بلاصتك
وردة:(بغباء مصطنع)اييه الى حبات خاطرك...سير جمع البيوت على gلبك ودير النيطواياج ياك(بجدية)اجمع كرك وتوكد معايا بغيتك تدير معايا ابيل فيديو وتنقل ليا لماتش من لقهوة اله يحفظك
حمد:😂😂😂😂😂😂 زعما نتي لخر ههههه ريالية Vري خخخهههه
وردة:😂😂 ومالنا كنتمازحو هنا ههه انور اش gلتي؟؟
انور:على اساس الى قلت لا غنفلت ههه واخا نعيط ليك..واخا راه نت تقدري تفرحي فيه تما ياك الاوتيل فيه الويفي
وردة:سي كاين بلحق مانعاه علينا واحد ستيلو BEK وعاد غنكون خدامة وانا بغيت اجواء القهوة باش نتشفا ملي تغلب البارصا 😂😂😂
انور:حتال هنا وحبسي..لبارصا تغلب ياك..نوضي تقاودي برب المعبود حتا تشرب ريال العصير غظا
وردة:(وقفات)😂😂😂😂 برد على راسك هههه ياله تلاح غنمشي للدار لتحيح علي ماما
انور:(وقف)تسناي راه دايز من تما..نترافقو
عنقها بيديه من عنقها وقال:خههه gالت ليك تغلب لبارصا..برب حتا غتخلصي غدا طنجية
وردة:😂😂😂 حلم حلم هههه طنجية على حسابك نتا ملي تريق ليا غدا بشي ثلاثي هههه رااامووووس😈😈
انور:سيري قاودي لداركم ونت بديني كتخربقي 
سلمات عليه ودخلات لدارهم ونيشان لبيتها هي وخوها وتلاحت بحوايجها من فرط العيا ديال هاد النهار بلا متعشا...
وردة مكلتها قليلة بزااف كتفطر ومتغداش ولا لعكس وممنظماش ماكلتها شيء لي كيفسر ضعف جسمها وهزالتو...طيبات مها الهشا وجات كتفيق فيها لقاتها منشورة فوق التليق وكتهضر تاني فنعاس..عرفاتها والله متفيق حيت فاش كتوصل للهضرة مكتفيقش واخا اكونو كيريبو الكتبية ههه
صباح جديد على وردة..حلات عينيها بشوية وكتعكز..وشعرها طايح فالارض حيت طويل وقهوي شافت فالمكانة فالحيط وكتبان ليها الخمسة تصباح يعني باقي الحال وهي شابعا نعااس..دورات وجهها ولقات خوها فالسداري لاخر مشبح هي بشورط وناعس على كرشو..ضحكات وقالت:زريعة القنب..منشور بحال لهيضور
ناضت جمعات شعرها وغسلات وجهها وكتشوف ضوء فالكوزينة عرفات باها لي غيكون تما..مشات عندو باست ليه راسو وجلسات لقاتو كيشرب فالقهوة كحلة وكيمي سبسي..شافت فيه وقالت:مصبح على السبسي على صباح ههه
المختار:ههه حسدتيني ديري بحالي..سيري جبظي شي جوان وكميه ههه مالك فايقا دابا ممولفاش ليك
وردة:(تنهدات)بفففف طار علي النعاس(حطات راسها على كتفو)عييت
المختار:هازا هم دنيا على ضهرك ومع ذلك ضاحكة..هاكا نبغيك
وردة:ههههه عارفني تالقاها فيد الله..وكلشي بأمرو
باس راسها وقال :الله يرضي عليك..بنت بميات راجل..هازا دار كاملة بوحدك
وردة:هههه الرجولة اعشيري ههه مند الطفولة😂😂
المختار:(كيضحك بثقالة)ها ها ها ها..عزوا..ياله نوضي فطري باش تمشي الخدمة ههه
وردة:الى غنمشي نحل ليهم بيبان الاوطيل الله وعلم..راه الخمسة تصباح هادي..اش غنمشي نظير تما
ابمختار:ههه ايوا نوضي صلي لفجر وطلبي الله اعطيك شي عقل حيت هاداك لي عندم منافعكش عهههههه
وردة:اخا اش غندير بشي عقل..خليني هاكا حسن مفروحة وصبيطار متنقل وعاجبني لحال هه
المختار:يا ربي تستر
مشات وردة للطواليط لي كانت تقليدية بكالرسي ديال جرانة وفيها روبيني وتحتو سطل..هي مجلحى ومقادا..وفيها واحد الشبيكة صغيرة ديال صابونة والفوق جوج سطيلات ديال الوضوء معلقين فمسامر..توضات وخرجات لبيتها لبسات عباية ديال مها ودارت شال..جاها الحجاب كيحمق..من ديما عندها وجه برئ وملامح طفولية كتستعملهوم بزااف فهضرتها مع الناس فحالة بغات شي حاجة..فداخلها باقي عايشا طفلة باغا غي تلعب وصاقي وتنشط..باقي ممستوعباء انها انثى ناضجة..صلات الفجر والصبح وناضت توجد لفطور حيت باقي الحال على خدمتها..دخلات لكوزينتهم الصغيرة والتقليدية وبدات كتوجد الفطور البسيط ديالهم..لي كيتكون من زيت وزيتون والزبدة والفرماج والقهوة اكيد..فمراكش خصيصا كيتدارو جوج فطورات واحد فالثمنية والثاني كيقولو عليه فطور العشرة..شافت شبكة تالخبز وملقات والو ومشات هزات كارني تالحانوت..خرجات من دار والدنيا باقي خاويا..وتاجهات عند مول الحانوت فالدورة..والهوا نقي ديال داك الضباح كتستنشقو بصدر رحب..هادي هي عادة أغلب المراكشيين..عندهم اليوم اولى..والغد احن الله كيفيقو ناشطين ماشطين خصهوم هي يضحكو وصافي..وصلات عند مول لحانوت لقاتو حال(مول الحانو غالبا شلح وسميتو لحسن ولا محمد ههه فكاع المغرب

وردة:لحسن عطيني جوج كوميرات الله يحفظك وقيد ههه
الحسن:صباحاتو لله..التقياد على صباح يخ
عطاها لكومير وقيدو وقالت:راه صباح ديال الله هههه
ومشات..لقات مها فاقت..حطو لفكور ووردى كتاكل بشوي وتهضر ..
وردة:اه ياربي على صباح..صبحت على لحسن يخ..وغنكملها بديك شافا يع..ياربي تعطيها شي تلفة..شي زواج ولا شي خدمة فقنت اخور..(حطات لخبز )اي اولا تموت كاع اححح الله ههه
مها وباها كانو كيفطرو ممسوقيتش ليها حيت مولفينها كتصبح كثرثر بوحدها..كملات لفطور وناضت بدلات حوايجها مانت ديك ساعة 6 ا وهي كتخرج مع السبعة للخدمة..لبسات حوايجه وشعرها جمعاتو بقلم كيف موالفا..وهزات ساكادو وسلمات على واليديها وخرجات..بغات تمشا شوي..بداو الناس كيخرحو لخداميهم وهي كتمشى فاحياء مراكش العتيقة بشوي وكتصنط لموسيقة وكتغني ناشطة..دارت مع دورة وهي تلقا انور ياله جاي مبوق بالنعاس..سلمات عليه بالوجه وقالت:افين اسي انور.
انور:حبيبا ديالي..صافا..فين غادا دابا؟؟
وردة:والو ملقيت مندير وانا نقول والله حتا نوض نضربها بتسيقا لجامع الفنا منها ندير لاجر ومنها نتحرك..من نيتك ههه غاديا للخدمة
انو:😂😂😂😂جوابك على طرف لسانك ههههه 
وردة:نت عاد جاي من لخدمة ؟؟
انور:(بتعب)وي عاد جيت ههه واحد لعرس اتوتة..بشاااخ على البشري فين عايش..اللهم بارك..شي حاجة زاز..
وردة:هههههه وهي منسيتينيش هه
انور:(كيحل شكارتو)هاكي ها حقك..من لحلوة هه
وردة:(بطفولية)😍😍😍😍 يخليك ليلي احبيبي..
عطاها بواطة صغيرة فيها حلويات مغرببة فقاس كعب غزال..باحلاوة الخ..جلسات فالطروطوار وقرد حداها ميضحك وبدات كتاكل الحلوا وكتهضر معاه:لفاك ساليتو لقرايا؟؟
انور:وي كملنا..كنتسنا يعلقو لينا ونشوف..دعي مع خوك انجح ونشد ديك الورقة تاالاجازة ونخدم ونتزوج بديك لخليقة تمريم ههه
وردة:ههههه تنجح اه..تخدم ياربي امين..ومريم لاش..اش عجبك فيها كلها كتفيبري هي بوحدها
انور:(بنخوة)احح اقلبي..راها عسل وسكر بحال ديك الحلوة لي فيديك..كون تشوفي هضرتها اؤبي اش ندير انا ههه
وردة:نوض اعنيبا قاود من حدايا صباحاتو لله..كتغنب علي هنا هههههه اودي اتارجليت
انور:هاهو غيقود ههه بلحق بالله المعبود حتا نت غتبوري وتضفري شيب حدا المختار ومك تحماق
وردة:(جمعات لوقفا)نضفر شيب ولا نسمع عنيبا كيتعنب علي كل صباح..حبيا كنبغيك حبيبا نتي روحي..حبيا قاود علي هههههه ياله نقشعوك 
باسها فحنكها بروجلية ومشا كيضحك وغرضو هي ينعس..
وردة طلعات للطوبيس ولقات رباعتها لي كلهم عيالات كبار فالعمر كيخرجو صباح بكري خدامين فالميناج..بقات مجمعة معاهم وكضحك ورعو طوبيس بداك المزاح ديالهم..حتا وصلات لخدمتها..ودعاتهم ومشات ..دخلات للفيستير ديركت مع سلام ديالها لكاع الناس لي خدامين معاها..والغميزات ..لقات باقي لحال قليل لي جا بكري..كلشي تعجب ليها حيت جات بكري اولهم العموري لي تصدنات وقالت:صباحاتو لله..كيف طرا وجرا حتا جيتي بكري..
وردة:كيشتي اليوم موكا مكحلة هه(وغمزاتها)😉😉
العموري عاقت بلي الهضرة عليها حيت هي جايا دايرا لكحل وحمارت وقالت:لبسي حوايجك وتحركي لخدمتك
وردة:ههه مفيق الناس مثلا ههه راه باقي حد مفاق..جوج لي فايقين بكري..موكا ولالة وردة نصرها الله وايدها
العموري:ناري غتفرعي ليا راسي تاني يخ...واش مكتقادايش من لهضرة راه ناس كيصبحو معبسين حيت فايقين ونت كتجيني مشارجيا بالهضرة😠😠
وردة:ههههههههههههه لا مكنساليش..راني مزيودة فعرس ههه ولساني محدي كنكبر وكيطوال ههه
العموري:(تنفسات بزز)سيري دركي كمارتك عليا😠😠
وردة:هههه هاهيا غاديا ههه نهارك مبروك الغزالة...اه راخ كتباني ليوم زوينة
العموري بتاسمات وعاودات جمعاتها:عارفا 
وردة بدلات حوايجها وخرجان كتنقز بوحدها وتغني ومرا مرا تشطح بوحدها لي شافها يحلف عليها مقطعة لوراق..مشات لبلاصة الفطور..لقات بنادم كاين هي مخشي تما..صبحان عليهم وجلسات شربات هي عصير حيت فطرات فالدار..
وردة:سيمو اش بان ليك نتحاطو على لماتش؟؟
سيمو:(خدام فالغيسيبسيون)سيري تلعبي مع قرانك...راه وسط الشهر هادا وخوك زاوي معندو باش اكمي عساك اتحاط معاك
جواد:ههههه مالك خواف ههه ولا حايف البارصا تشبع تصرفيق اليوم
وردة:وا على مرgااا..ههههه اودي 
خلاتهم طيضحكو وخرجات لجيهة بلاصة الماتريال هزاتهم وطلعات فالسانسور لخاص بالعمال فاتجاه اول بيت غتخدم فيه ..دخلات ولقات واحد المرا كبيرة فالسن فيه ناعسة فوق السرير وباين فيها لعيا وشببانية وكتبان ماشي مغربية..عزات عليها وقربات ليها وقالت بالفرنسية:صباح الخير امدام..سمحي لي ماقالوش ليا بلي البيت عامر..انا نخرج حتال من بعد ونرجع
جات راجعة لور باش تخرج وهي تسمع انين ديال ديك سيدة بصوت متعب دارت عندها ولقاتها كتنين بصوت مخنوق قربات ليها وحطات يديها على راسها لقاتها طايبا بسخانة تخلعات وقالت:اوووو راك مريضة امظام..انا نعيط لمسؤولين اعيطو لشي حد اديك لسبيطار
شدات يديها وقالت بصوت متعب بفرنسية راقية كدل على انتمائها لمجتمع فرنسي راقي

المراة:بنتي..عفاااك هي عطيني دوايا من ديك لفاليز..وكلشي غيكون مزيان
وردة:واخا...نت تهدني انا نجيبو ليك
مشات وردة فتحات لفاليز وبدات كتقلب فيها حتا لقات صاك صغير وفيه دويان..بقات كتقلب فيهم ومع هي ممرضة مخافيش عليها داكشي..عطاتها واحد لكينة دارتها فالما وشرباتها ليها..وقالت:باش تهبط سخانة مزيان خصك تدوشي..اجي معايا
المراة:لا بنتي مقادراش كنترعد
وردة:شوفي انا ممرضة وعارغا هاد الحالة تيقي فيا وكلشي غيكون مزيان هي وgدي وتسندي علي
شدات فيا حتا وقفات وحطات راسها على كتفها وداتها للحمام..دخلاتها لجاكوزي وحطات فيه لما دافئ وطاغي عليه شوي تالبارد وبدات كتخوي عليها والمرا كترعد وتقفقف..وردة ولفات هاد الحالات فالسطاجات لي دوزات..ملي حسات بيها بدات كتبرد لواتها فبينوار بيض ورطب وخرجاتها ورجعات لفاليز ديالها وجبدات ليها حوايج خرين ناشفين..نشفات ليها ولبساتها وتكاتها ...عيطات لروم سيرفيس وطلبات ليها متاكل..وهادشي كولو والمراة كتشوف بعينين شبه مغمضين..جابو ليها لماكلة..وكلاتها بزز عليها وغطاتها وقالت وهي كتشوف فساعة:😱😱😱😱 ويلي ناري قفرتها ..ويلي ليوم تجي ديك القردة وتحيح عليا هنا..شوفي مدام الحمد لله على سلامتك..غنبقا نطل عليك دابا خصني نمشي حيت تعطلت وعندنا واحد الكلبة منها مكاين
وردة بتلفة كتهضر معاها بالدارجة على اساس غتفهمها..خرجات من عندها بجرا وكتنهج..ومشات تكمل خدمتها فالبيوت لخرين..وهاكا داز نهار من بيت لبيت حتا وصلات لعشية والماتش قرب ايبدا..ووفاء هي حاصيا الساعة..مشات طلات هلى المراة ولقاتها شويا..وصاتها تطلب لراسها لماكلة وتبقا ناعسة باش ترتاح كثر ومشات..حيت تابعها ليل كامل خدمة..مشات كلات شوي جيت عندها ساعتين بوز فالعشية لانها غتخدم نهار كامل..وتساراحات حتا ضربات السبعة والماتش بظا عيط ليها انور ونقل ليها لماتش غاديا فالكولوار وكتفرج وعينيها غيحوالو مع لعابا قول هي لي لاعبا..
وردة:واتحرك...زيد ...باله ياله كريستيانو...بفففف(بعدات عليها تيلي)وا صاحبي بشوي وماركي...😠😠
بقات غاديا بشوي فالكولوار وكتعصر مع الماتش وتشجع فالريال وماهامهاش الناس لي كيدوزو من حداها وكيتعجبو ..شي كيقول حمقة شي كيضحك عليها...دخلات فواحد الجثة هه او بالاحرى انسان ..شافت الرجلين لقات صباط طالون اسود ورجلين بيضين عرفاتهم ديالمن..هزات راسها ببطء ومكمشة عينيها وكتبتاسم بزز حيت عرفات راسها قفراتها...وقالت:مدام عموري لغزالة صافا؟؟
العموري:😠😠😠😠😠
وردة:😕😕😕
العموري:واش هضرتي زايد ناقص عندك؟؟؟مليون مرة كنقولك التليفون فالخدمة ممنوع
وردة:(بغباء)وعلاه حنا فالخدمة؟؟؟
العموري:(كتكبح الغضب)وفين بسلامة فحي الزفريتي؟؟
وردة:(نسات راسها)كتعرفيه😀😀 حلفي هههه داك القنت واعر كنعرف فيه واحد دري عزوا الى شي نهار خصك شي تيليفون ولا شي لعيبة هاكا فشكل راني فذمة😃😃
العموري:وا كواك الحق معااااةك...حيدي داك الويل من يديك وتحركي تخدمي 😠😠عندك زهر اليوم مهم عندي أما نتفاهم معاك
وردة:هههه واخا هاني غاديا راه هي حيت كنت كنتفرج فالكلاسيكو اما أنا مكنهزو كاع فللخدمة ولكن حيت بلانتك عوجين خرجت ليا للخدمة اما كون راني دابا فالقهوة مع دراري وكنشجع😏😏😏😏
العموري:(كتشوف ورا وردة وجراتها حتا تصافو حدا الحيط ولخرا مفاهما والو)وقفي ومتحركيش
وردة:معرت علاه؟؟
العموري:(من تحت سنانها ولاصقا مع الحيط)على لي طاب ومحلاش...زكاي فبلاصتك
وردة لسقات مع الحيط والتيلي فيديها وممسوقاش ليها لقاتها من الجنة والناس ورجعات تتفرج فالتيلي بينما العموري مبتاسمة ومتشوف فداك الكليان لي دايز..
حسات وردة بواحد مولاتي دقا فوق كتافها بحال ديال البالا تالبنايا ههه وقفزات من سهوتها مع تيلي وقالت:احححح ابشوي ازمر...😨😨 ويلي سمحي علي(كتحك فالدقة)اححح قصحتيني
العموري:(مخنزرة)واش نت مكتشوفيش شكون لي دايز ؟؟
وردة:صاحب الجلالة مثلا منظنش اجي لهاد لوطيل وهو عندو قصر 😂😂😂
العموري:يياربي مصيبة وغبارة تغبرها علي بمرة..ياربي..هاذاك مول الاوطيل جديد ونت كاعما مسوقى😠😠😠
وردة؛😂😂😂 ومالكي كتقفقفي قول شفت عزرائيل هههه والى كان غنتحنا ليه..هههه
العموري:(بنفاذ صبر)شوفي أخر شهر عندك هنا وهو هاذا من وراها راكي مطرودة 😠😠 راه عصبتيني وبزاااف كل صباح وكل عشية مشكل وعاد زايداها بلسان طويل وبلا منهضرو على قلة الاحترام لي فيك😠😠😠 صابرة ليك على وجه بنتي حيت عزيزة عليها أما نجري عليك..بلحق هادشي فات جهدو..كملي شهرك والله يعرضك السلامة..
وردة:(عينبها فالتيلي)زيد زيد زيدد....(بصوت مرتفع)كووووووووووووول والهدف
ونقزات على العموري بتعنيقة وكتغوت وتقول :hala madriiiid😃😃😃😃 gooooool
بقات كدور وتغوت وتضحك وتقول:وا زمييييت والحشي..وفرعناهم وااااااو والبيت اعباد الله 😃😃😃
العموري مصدومة من شوهة لي دارت ليها حيت شي جوج تناس خرجو من بيوتهم بقوة غواتها وتنقازها وفرحتها وكيتعجبو وكاين فيهم لي كيتشكا بفمو..

وهي مهامهاش كتنقز وتضحك وتعاود تشوف إعادة الهدف..بينما العموري كتعتاذر من ناس حتا دخلو..وهي تضور جيهتها هزاتها بواحد القرصى فالذراع حتا غوتات وردة وسظات ليها فمها وقالت:الله يلعن النهار لي ولدت فيه بنتي حتا ولات كتعرفك وخدماتك عندي😡😡😡 اش هاد للفضيحة دايرا واش باغا تخرجي علينا دوي😡😡(حيدات ليها تيلي من يديها)تحركي كملي خدمتك ومن بعد نتحاسبو جيتيني فوقت مزيرا فيه أما نسمعك فيه خل وذنيك
ومشات وخلاتها كتبرق فعينيها مفهمات والو حتا تفكرات الهدف وهي تنقز تاني فرحانة وكتضحك على بارصاويين..شوي تفكرات أنها خدات ليها تيلي وهي تغوبش زقالت:يخ على تريكة سقاية "شرب وشوف"(واحد السقاية كاينا فمراكش سميتها شرب وشوف حين كتشرب وكتمتع عينيك فجمالية السقاية)مكتحشمش هزات ليا تيلي وأنا دابا باش غنتفرج (ضحكات تاني) 😂😂😂😂واناري على بيت كي داير ليوم أنور يخمج لريالين وجههم هههههه
وكملات طريقها فالكولوار وكتغني بالفرحة..هادي هي وردة أبسط الخوايج كيضحكوها ويفرحوها ومكتهمهاش الدنيا الاهم هو وضحك وتعيش حياتها وتسعد لي ضايرين بيها حيت كتعتابر أن للسعادة يمكن نخلقوها من أتفه الحوايج..كملات واحد البيت كانو النصارى لي جالسين قيه ياله خواوه وخرجات حتا كتلاقا ليها بنت ملي خدامين معاها وقالت:وردة تكلمي للعموري راه كتسناك فمكتبها
وردة:مسينا على الله ممسينا على وجها..اش باتني،؟
البنت:وأنا مالي...باتك وصافي
وردة:(بفرحة)واقلة بغات ترجع ليا تليلي اي هههه😃😃😃😃
البنت:ههه حمقة
مشات وردة بسرعة لمكتب لغموري لقاتها جامعا عليها البنات ديال الغرف كاملين ستغربات ووقفات حداهم وهي تنطق العموري:شوفو مزيان..لوطيل تباع اليوم ومولاه جديد جا ليه وبغيتكم متديرو حتا خطأ حتا يمشي يعني لخدمة والاحترام(شافت فوردة)والخفة لا 
وردة:ومالك اختي كتgوليها وعينيك فيا راه عارفانس كنطير بلحق الخفة مكايناش
العموري:نت بذات واخا واحلة ليا فقرجوتي ومكتعجبينيش ولكن خدمتك متقونة داكشي باش غتمشي نت وشي وحدا باش ترتبو السويت وتردوه على حقو وطريقو
وردة:😨😨😨سوييت لا لا أنا عمري مشيت ليه ومكنعرفش كاع نخدم فيه..
العموري:مالكي بيتي تديري فيه لي ماكاين خدمتك كيف ديما وياويلك ديري شي خطأ راه نجري عليك
وردة:(في خاطرها)تفوووو على كمارة..وجهها كي الكرشة تعيد الكبير تعشقها هي تخبي فيها لخرا ههه
العموري:(كتمشي وتجي عليهم بحال العسكر)مفهوم
الكل الا وردة:مفهوم
وردة:فيد الله😉😉
عطاتهم امر باش انصارفو ووردة مشات لبيفي ديال الموضفين تساراح بيدما تجيها خدمة..حيت فالاوطيل كيخواو البيوت في الليل بالنسبة للناس لي كيغادروه فالليل..دخلات لقات جوج دراري خدامين معاها شادين تيلي وكيتفرجو فالماتش..طارت عليهم وبقات مبجقة عينيها فالتيلي كتفرج وتنقز وتضحك وتشجع والدراري ميتين عليها بالضحك حتا تماركا على ريال بيت وهي تغوبش وتقلقات..وبقات تعاير:اويلي على بيت اويلي...دوزوه بالبارد خرااا😠😠
دخلات بنت معاها وقالت:وردة وقت الخدمة 
وردة جمعات الوقفا وقالت:حضيو هاد الماتش تانجي..
الدراري ضحكو زقالو واخا...
خرجات مغوبشا ومعزفة خصها هي معامن..وصلات لواحد البيت وبقات كتجمع فيه وتقاد حتا دخلات عليها العموري:شوفي طيري لسويت فطاج 3 رقم 6 وgاديه..عندك نص ساعة باش اوجد
وردة:(موكا لاعبا ليها فالراس)واش اختي هاد ليلة غتبقاي هي حاضياني..😠😠 
العموري:مع غزالة وفيك ميتشاف 😒😒 تجمعي وشيري خلاص
وردة:(مكرهاتش تنتفها)وهادشي لمن نخليه
العموري:انا نعيط لبنا خرا تكلف ياله طيري خلاص
وردة:وا هي بشويا..😕
خرجات معصبة زشدات سانسور الموضفين وديريكت للسويت..دخلات ملقات فيه حد...كان كبير بزاااف ومتكون من جوج بلايص..غرفة النوم وواخد الصالة صغيرة عصرية لاصقا فيه كوزينة موديغن جات هي زواق حيت الماكلة كاملة كطلع ليهم من التحت...سرير كبير وواسع ومغطي بشراشف فالابيض..بقات هازا راسها كتفرج فيه وتمعن وتبركم كيف ديما..حتا وكضاتها جات تعاونها ...بداو فالتنظيق ومكانش عندهم بزااف ميدار حيت الجناح نقي خص هي شوي تالعاودة وصافي..دخلات وردة للحمام كتبدل الفوطات والكريمات..والبنت لخرا كتبظل فالقراعي تالمونادا وحتا الشراب لي كاينين فالثلاجة الصغيرة كتبقا فأي غرفة فحالة حتاجها الكليان..وهوما فغمار خدمتهم دخل لكليان شافتو البنت وشهقات وقالت:موسيو كنعتاذر منك مكملناش فالوقت
الشخص:(كيخيد فالتجاكيط فتعب وقال ببرود)خرجي
مزاتش معاه الهضرة وحدرات الراس وتوجهات جيهة الباب وهي دوز للحمام وقالت بصوت منخفض:وردة خرجي خلاص راه الكليان دخل
وردة:باغاني نخرج ونخلي هنا هاكا باش فنيدة تحل عليا ديك الكابينة تفمها...تلاحي نتي حتا نكمل ونخرج راه ماشي أول مرة كنخدم والكليان فالبيت المهم هو منبرزطوش
البنت:ولكن...
وردة:(قاطعاتها)قاودي😠😠😠
بقات وردة فالحمام كتقاد كلشي على حقو وطريقو حتا سالات جات خارجة وهي تسمع صوت تلفازا وصوت معلق معروووف لي كيعلق فالكلاسيكو كيقول:

كيقول:والهدددددددددددف...هدددددف الله الله عليك يا راموس هددددددددف
وردة حلات عينيها بالفرحة ونسات راسها وهي تغوت بالفرحة وقالت:ويييييييييييي هدف هدف هدف(جرات تال لعند التلفازا)بييييت بييييت وااااااو 
وبدات كتنقز وطير بوحدها وتغوت وتقول بيت بيت...ومرداتش البال لداك الشخص لي كان موراها كيشوف فيها بنظرات ممفهومينش..حتا ضارت ولقاتو واقف وراها ومربع بديه وعاقدهم وكيطلع فيها ويهبط باستحقار..محركات فيها نضرتو والو حيت كانت فرحاااانة ولزااف وكيف كيقول المثل الشعبي المراكشي"بفرحة الحمام رزمات حوايجها فالزنقة"محساتش حتا طارت عليه بتعنيقة وكضحك وتعاود تقول:ربحناااااا ربحنااااااا 
تلقات منو وباقي مستوعباتش اش دارت وبدات كتنقز وتعاود وتقول:طنجية😂😂😂😂 طنجية جايا فطريق هههه الله غنتشفا مزيان ههههه
لمهم وردة جدبات وحيرات بتنقاز ومىداتش ليه لبال حتا سالات وبردات واعلنو على نهاية الماتش عاد فرحات وعرفات البطولة ريالية..تلفتات لداك الشخص لي وراها وكان مترقبها كيف كانت كتنقز ومداتهاش فبه..وفاش كتغوت وضحكتها كتعلا كل مرة دارو إعادة للهدف...وممفسرش هادشي..قال بواحد الصوت غليض وبالفرنسية:tu as fini؟؟؟
وردة:(ضارت بالعرض البطء)ويلي...ويلي ويلي ويلي الشيطان...😱😱😱 سم...سمح لي..نفاعلت مع الماتش
بغا يجاوبها ونقزات عليه بالهضرة وقالت :والله مقصدت..برب هي الفرحة..شوف متقلقش(بغا يهضر وعاودات حبساتو)ويلي هي سمح ليا..انا عارفا راسي مجبد البلا هاني مشيت صافي..ياله بقا على خاطرك(كتحاول تكسب ىضاه)متديش علي..راني مقطعا لوراق..من 36 لهنا ديريكت..
الشخص:(جامع قبضتو فيديه من الغضب )شكون نتي؟؟؟
وردة:(تناسات راسها وبتاسمات)انا وردة...كحلة السعد ولي معند لحمار تاع بوها زهر..ولي حطات فيها يظيها مكتصدقش..ونزيدك (كتهضر وتحرك يديها بعفوية وتشير بصباعها)خدامة هنا. ههه ونتا شكون(ياله بغا يجاوبها وهي تقاطعو تاني الشيء لي كيستافزو)اااه صافي عرفتك هههههههه تسحابني مول الاوطيل ههههه عرفتك نتا لي مكلف تجيب المشروب لهاد ثليليجة صغيرة ياك عههه وانا تسحايني مول شي هههه بشاااااخ ياله نخليك راه تابعاني الخدمة هههه اول مرة نشوفك..مرحبا بيك معانا غيعجبك لحال
الشخص:(كيتنفس صهد حيت ضراتو فراسو مكتسكتش)خرجييي
وردة:(كتهز فالماتريال ديالها)هههه هاهيا خارجة هههه باينا فيك قويصح هههه بلحق معليش مع الوقت ترطاب .(ياله غتخرج وهي تدور)اجي ريالي ولا بارصاوي هههه الى بارصاوي غندير ليك طيارة فهاد الاوتيل والى ريالي نتا خويا وولد ميمتي هههه
الشخص:😠😠😠😠😠
وردة:(كضحك)سلامة قول كيخلصوك على تخنزير ههههههه بون شونص اه ومطعلش راه دروك ارجع لكليان تلقاه هي خرج حيت فاش كنت هنا قالو لي راه جا
الشخص:😠😠😠😠 خرجيييييييي
خرجات طضحك وفرحانة حيت ربحات الريال وكتشطح فالطريق وتضحك وتفكر وجاه صحابها البارصاويين وتخرا بالضخك

وردة كتمشا فالكولوار وكتغني وتضرب بيديها بشوي وتقول:او ها ها...ها ها..ها ها ها وايه هواي هواي اييه😂😂😂😂
فرحات بزااف قول عطاوها تأشيرة باش تحج..تفكرات تيلي ومشات كتجري عند العموري دخلات عليها كي العجاجة ..حتا قفزاتها وقالت:صعر ازمر😡😡 مالي جايا كتجري تابعينك الكلاب
وردة نقزات عليها من فوق المكتب حتا طاحو بجوج الارض..كتعنق فيها وردة بالفرحة وتبوس واقول:فنيييدتي خههههه ربحنا 😃😃😃😃 ربحات الريال الكلاسيكو هههه
العموري:(كتغوت)ويك ويك اعباد الله...اجيو هزوها علي😭😭😭وا عباد الله عتقو الروح كح كح كح نوضي نوضي الله يعطيك لحمارة تمك الاعدام
وردة ناضت من فوقها كضحك وقالت:سمحي لي ههه راه هي الفرحة😃😃😃
العموري ناضت كتقاد فحوايجها وقربات تبكي وقالت:واش جهلتي؟؟؟مال مك على هاد الطيحة😡😡😡
وردة:😂😂😂 فنيدة فنيدتي عطيني تليفوني عفغاااااك
العموري:شو أنا فين وهي فين 😠😠😠...
وردة:(بطفولية)وعفااااك 😔😔والله مباقي نعاود
الغموري:اخر مرة تعاودي بحال هاد التصرف...وردة نتي راع بحال بنتي ..مبغيتش نبقا نشوفك كطيري..الى انا كنميك عليك هي حيت عزيزة على بنتي..شي حد اخر بلاصتي غيجري عليك فالبلاصة وميترددش..نهار اجي شي مسؤول والقا بحال هاد الحالة راه غنمشيو فيها بجوج..انا راه عندي راجلي لي يصرف علي...المشكلة فيك نتي..تتي لي كتصرفي على داركم وبوحدك هازاهم..الى ضاعت ليك هاد الخدمة منظنش تلقاي خدمة خرا بسهولة
وردة:هه عارفا😃😃نت أكثر وحدا عارفاني تلقائية وعفوية ومكنتصنعش وهادي طبيعتي..ممكن كنغلط وكنعصبك ولكن راه عزيزة علي والله..عطيتيني فرصة عمري نسا خيرك..😃😃
العموري:ياله تحركي لخدمتك..وهاكي تيليفونك 
شداتو من عندها بفرحة وخرجات كضحك..مدخلات ليها هضرة العموري من حتا قنت هه شدات تيلي دوزات نمرة انور..مجاوبش وهي كضحك عرفاتو مفقص حيت بارصاوي...عاودات عيطات حتا جاوبها معصب حيت عارفها اش غتقول:اش بيتي؟؟؟😠😠😠
وردة: 😂😂😂😂😂 غدا فجوج تنهار ندوز نلقل طنجية واجدة...وميعادنا فالمنارة
انور:هادشي لاش معيطا...الله يحرق طواسل مك يا الكلبة😠😠😠
وردة:(تكرشخات بالضحك)😂😂😂😂😂😂😂😂 هههههههه اوكوك هههههه لا لا لخر والله 😂😂😂😂 ابرد ههه مالك راه هي البطولة ماشي الاستقلال
انور:قاودي 😒😒
وقطع عليها خلاها مفرشخة بضحك وعينيها عامرين دموع..مشات ديريكت للبيت لي خصها تخدم فيه تاني وبدات كتجمعو وتغني وناشطة..كيف ديما
دازت ديك الليلة كلها نشاط وحيويو عند وردة..سالات خدمتها مع سبعة تصباح وبدلات حوايجها وخرجات ديريكت للدار..هي وصلات تلاحت على سداري كاو وقبل متنعس قالت لمها تفيقها باش تمشي عند انور
****** 
فاق محمد من النعاس مضهشر وعيان حيت منعسش مزيان..ليل كولو وهو مبجق عينيه على واحد الكاس تشراب ...ناض ديركت للدوش ..خوا عليه الما بارد وخرج بفوطة نشف راسو..ولبس سروال اسود وتيشورط اسود..دار برفان وخاتمو ديال زواج ولبس سبرديلة وهز سوارتو وخرج..كيتعنكر فالمشية ويتمختر..تمشا فالكولوار كيسد فمكانتو لي متعود يخليها اخر حاجة ادبرها..وصل لواحد السويت حداه..دق الباب وفتحات واحد البنت طويلة وشهبة..لابسة كسوة حد الركبة وجامعا شعرها..وقالت:موسيو محمد صباح للخير
محمد دخل بلا ميشوف فيها:صباح نور..فينها توبة(tuba وماشي tawba؟؟
البنت:راه فاقت شي ساعة هادي..رضعات ورجعات تنعس
دخل حتا وصل لواحد سرير وفوقو واحد الملاك ناعسة ومكمشة..لابسة لبيسة غوز وشادا سكاتة ديالها وكتشخر..قرب منها بخطوات بطيئة وكيتأملها كيف ناعسة وفوجها لي برئ والبيوضية لي فيها..تحنا وشد يديها باسعا وباس حنكها وبتاسم...جمع ضحكتو ودار عند المربية وقال:ياكما باقا كطلع ليها الحرارة؟؟؟
البنت:لا لا ...مزيانة دابا..الدوا كينفعها ومكيخليهاش تحس بألم السنان
محمد:ممم مزيان..ردي ليها البال😊😊
البنت:واخا...على راس والعين😊😊
خرج وخلاها غارقة فأوهامها حيت بتاسم ليها..بينما هو خرج وديركت للتحت..لمكتبو..لي كان مكتب راقي من الخشب ومتفنن فصنعو وفيه ديكورات غالية كدل على مكانة الفندق ..مشا لكرسيه وجلس..حل لبيسي خدام حتا دخل عليه واحد الراجل كبير فالعمر لابس سروال صيفي وتيشورط وسبرديلة وداير نضاضر فوق راسو وقال:محمد بغيت نعضر معاك؟؟
محمد:(بدون ميحرك عينو من على لبيسي)فاش باغي تهضر؟؟
الراجل جلس وقال:فقضية الفندق..علاش شريتيه؟؟
محمد:(مركز فخدمتو)ونتا مالك؟؟؟
الراجل:(تحرج وقال)😳😳😳 نتا عارف راسك عزيز علي بحال ولدي ومبغيتش ليك شي ضرر..متافق معاك تستثمر فلوسك فمشاريع..ولكن مشاريع مربحة
محمد:(ضار لعندو)وشكون قال ليك الاوطيل ممربحش؟؟😀😀
الراجل:نتا راجل أعمال فدومين اخر ..بعيد على هذا..اش فهمك فتسيير الفنادق..
محمد:(بضحكة استهزاء)هه رجل اعمال فكلشب...كنسير كلشي وبلا فرق..العقل عندي مع كاع المجالات..
الراجل:ولكن...
قاطعو وقال وهو خدام فبيسيه:سلم ليا على لواليدة
الراجل تحرج وقال بحقد:لي بان ليك اولدي 
وناض خرج..بينما محمد كمل خدمتو بعدم اهتمام لهضرة راجل مو

خرج الراجل من عند محمد كافر ومعصب..توجه لسيارتو لي قدام لوطيل..حلو ليه السكريتي الباب وركب لور..ساق بيه الشيفور فاتجاه الفيلا ديالو..فطريق هز تيلي ديالو ودار اتصال..وقطع بضحكة مستهزئة..وقفات الطوموبيل قدام واحد الفيلا كبيرة بزااف..بابها من الحديد مصبوغ بالاسود..وتحل اوتوماتيك باش تظخل السيارة لجردة واسعة وخضرا كاملة كتوسطها دار كبيرة على شكل فيلا..وقفات السيارة وخرج الشيفور حل لباب بكل جنتلمانية..نزل الرجل واضع نظاراتو الشمسية وكيتمشا جيهة الباب لي تفتح من طرف وحدا من الخدم..دخل ديريكت وقال:المدام كاينة؟؟
الخادنة:اه اسيدي
الراجل:فين راها دابا؟؟
الخادمة:فجردة مع صحاباتها
مشا لجيهة الجردة معزف ولقا مجموعة من السيدات لي باين عليهم الاناقة من لباسهم الانيق..بتاسم باتسامة صفراء وتحنا مور واحد المرا باسها فخدها وقال:حبيبة
تلفتات المرا لي كانت متوسطة العمر..سنها 55 سنة لابسة كسوة بيضاء حد الركبة ودايرا لشعرها جمعة مناسبة لسنها وقالت:اوووو راجلي العزيز..جيتي؟؟
الراجل:(بابتسامة بزز)وي حياتي..ممكن نهضرو واحد الشوي
شافت فالنسا لي معاها وقالت:غنرجع دابا هه خودو راحتكم..دار داركم
بادلوها الابتسامة ومشات قابطة فيد ؤاجلها بي منطق بحتى كلمة حتا وصلو لواحد الغرفة لي كانت عبارة عن مكتب قديم..دخلو ليه وطلق من يديها وقالت:سمير..اش واقع علاش منوضني بديك طريقة من حدا ميزامي؟؟
سمير:(كيمسح على شعرو بنفاذ صبر)ولدك الالة!!
المرا لي اسمها زهرة:مالو ولدي؟؟
سمير:بغا يحمقني..مالقا ميدير وناض اسثثمر فلوسو فواحد الاوطيل هنا فمراكش😠😠
زهرة:وفينو المشكل؟؟
سمير :(بالغوات)المشكل هو هاذا..أنه اسثثمر..علاش اديرعا...ماشي دومين ديالو هادا..ياك هو رجل اعمال اش حكو لشي فناذق؟؟😠😠😠😠
زهرة:(بصوت منخفض)شووووو مالك كتغوت؟؟غيسمعوك صحاباتي..انا اش باغيني ندير مثلا..نمشي نتذخل ليه ففلوسو ونوريه اش يدير بسهم
سمير:لا..سيري نبهيه فلوسو ادير بيهم لي بغا الا أنه يدخل لدومين ديالي😠😠
زهرة:(مربعة يديها)مممم هادا هو المشكل..خايف اكون منافس ليك؟؟نبغيك تتهنى حيت ولدي وأنا عارفاه مكيديرش لي يضرني..وعمرو مغيكون منافس ليك حيت المجال كولو مكيهموش حنا عارفين علاش دخل ليه
سمير:(بغضب)اوووف اوووق منك ومن ولدك لي مشاكلو مكتقاداش نهائيا😡😡
زهرة:نتا لي حاطو فراسك أما هو راه كيدير لي بغا بلا ميفكر ليك..حيت الفلوس فلوسو..
سمير:اهاه..دابا انا وليت هي زايد ناقص ها..علاه مالي ماشي بحال باه وربيتو بحال ولدي😒😒
زهرة:منفيتش كلامك ولكن ولدي طبعو قاسح ومكيتفاهمش..خليه ادير لي بغا بمواردو ويدبر راسو..ونتا راه عمرك تخسر معاه..حيت فالاخير كتبقا راجل مو وميبغيش ليك ضرر اوك(باستو فالحنك)tkt pas chéri
سمير:(بنظرات غير مفهومة)داكوغ..نتي عارفاني كنبغيه بحال اسماء وكثر..راه ولدي واخا ماشي من صلبي ومبغيت ليه غي الخير احبيبة
زهرة:(مبتاسمة)oui je sais bb نخليك دابا خليت صحاباتي برا كيتسناو😊😊
سمير:😊😊اوك
خرجات زهرة كتمشى بلباقة وبرزانة..وتحرك طالون بشوي..وصلات عند صحاباتها وقالت مبتاسمة بنفخة:ديزولي تعطلت عليكم..mon mari ههه
وحدا من نسا:ههه ماشي مشكل..ممكن اكون توحشك هه
زهرة:ههه وي exact راكم عارفينو كيتسطا علي
الكل :ههه
زهرة كملات حديثها مع صحاباتها لي أغلبو على الجمعيات لي كضيف لمكانتهم رونق خاص..وعلى احدث الماركات واللباس وأكيد انتقاد لشي حفلة حضرو ليها بمعنى نميمة راقية
بينما خلات بركان فالمكتب كيكمي بغا انفاجر من ردة فعل زوجتو لي كان كيظن أنه غيأثر عليها كيف ديما باش تقنع ولدها انساحب من داك المجال..خدا نطرة من لكارو بعصبية وقال:دابا نشوفو اسي محمد فين جهدك..دابا نشوفو
وطفا الكارو بغضب وعينيه مكتبشرش بالخير

محمد أمين السجداوي رجل أعمال مغربي مغترب..اغلب أعمالو كاينا فالدول الاروبية وبعض الاعمال فالدول العربية بحال المغربي..من أصول مغربية مئة بالمئة ولكن عاش فقط 10سنين فالمغرب..الباقي دوزو فدول اخرى..فرنسا اسبانيا..امريكا..تركيا..فعمرو 32 سنة مطلق وعندو بنت فعمرها 6أشهر..مها سمحات فيها وزادت...محمد شاب طويل مفتول العضلات ملاميحو كحلين وصارمة..كتبين ليك مدى الجدية لي فيه..عضلاتو واقفا وجايا مع طولتو وعندو لحية كحلة كثيرة شوي..رجع للمغرب مؤخرا واسثثمر فلوسو عن طريق شراء اكبر اوطيل فمراكش العاصمة السياحية للمغرب..
****
فتيحة:وردة...وردة...نوضي ازمر نوضي(فودنيها)نوضي راه غتعطلي على أنور
وردة غي سمعات أنور ناضت قافزة من بلاصتها وتلاحت لطواليط غسلات وجهها وستانها وقالت لمها:مي..وا مي..بيت نعالج شوي فيا الجوع
فتيحة :(من الكوزينى)ايوا نوضي حطيه..كتسنايني نحطو ليك..والله من عندي متشوفيه راه تنصب الغدا
وردى:😂😂😂 صافي صافي هاني نايضا
مشات وؤدة للموزينة سخنات اتاي وحطات زيت وزيتون فوق الميدة وخبز المقلة(اابطبوط)وجلسات كتعالج حتا سالات وهي تنوض بلا متغسل الماعن..بدلات خوايجها ولبسات سروال دجين وتيشروط فالبيض(نفس التيشورط تاع ديما ههه)سبرديلة وشعرها جمعاتو سفنجة وخرجات كطير لعند أنور...
دقات لباب بجهد وكتعيط ليه حتا حلات ليها مو..وقالت:زهرة اش بيتي؟؟
وردة:(كتسلم عليها)سميتي وردة وردة امي سالكة.ههه فين داك القرد تولدك؟؟
مي سالكة:بحال وردة بحال زهرة ..الله يجيب هي صحة وسلامة..انور باقي ناعس..اربي طلعي فيقيه وديري فيه اللجر
معاودتهاش معاها وطلعات كدردك فالدروج تا وصلات بيتو لي كان مظلم وفيه سداري ومخدة وواحد البغل منشور فوقو عهه وقفات حداه وهزات يديها حتا جمعات البرد وهبطات عليه بتبربيقة حتا قفز بلهلا يطريه ليه..وهي تكرشخات بالضخك حداه..كتمرغ فالارض
انور:الله يلعن القحبة تمك😡😡 مالكي على هاد تبربيقة ؟؟
وردة:😂😂😂😂😂😂😂عههههخخخخ والله حتا سخرات فيك 😂😂😂😂😂😂😂 وجهك راه هي ديال تبربيق😂😂😂😂هههههههه
انور:(نايض ليها صاعر)😡😡 يا بنت القحبة مال مك مصعورة خصك هي معامن
وقفات وهربات ليه وتبعها كيزف عليها بصواندل تدار كاملة وحدا تجي فيها ولخرا تجي قشي قنت اخر وهي ميتة بالضحك وكتقول:وا هيا واهيا راه ماشي مشكل😂😂😂 راه تربح العام الجاي هههههه (كتغني)البارصا...بارصا gعد ورصا 😂😂😂
انور:ناري ونشدك ..غنفلعص مك هي بلاني
وردة:(تخبات ورا مو)الى وصلت ظهرك بوسو 😂😂😂نوض تكعد راه وقت الطنجية هادا 
مي سالكة:😂😂😂مسكين من البارح وهو كيخلص فالمونادا والطناجي هههه
وردة:باش اتعلم اتقابح هههه راه ريال لي كاينا(قلباتها غنا)ريال لي كاينا ومكاين محسن..مكاين محسن🎵🎵 مكاين ما(كتشطخ)مكاين محسن ريال لي كاينا😉😉
انور:تفوووو صباحاتو لله..😉😡😡غبري للبيت تسنايني نبول ونلبس ونجي
طارت عليه بتعنيقة وقالت:😍😍😍😍اييي كنموت فيك احبي..هي الطنجية واجدة نههه
انور:(شقمها من تريكوها)حصلتي لرية مك دروك ياك😈😈😈 اشكا نريب ليك سنانك؟؟
وردة:(كتفركل ليه )وا طلق..طلق متكونش حgار😠😠😠 الله يلعن بوك طللق 
انور؛😂😂بويا gاع الحمارة ههههه واعودي جمعي فمك لمرا جايا ههه
وردة:(كتسوس حوايجها)برهوش لخلا هه ياله طلقنا خلاص راه كتسنانا طنجية😛😛😛
انور:الواليدة دي هاد راديو ت 6 من حدايا
مشات وردة مع مو للكوزينة وبقات جالسة معاها كتنقي ليها جلبانة وتاكل نصها حتا جا انور مبدل ومزيز على الحالة ومريح..طلعات فيه وردة وهبطات بواحد تصفيرة وقالت بحال الشيخات:وا سوط اريح وا سالكا والدة المليح🎵🎵وا سوط الريح وا السالكة والدة المليح 😂😂😂
انور:(مكرشخ بالضحك)😂😂😂😂😂ناري نتي علام هههههههه
السالكة:😂😂😂😂 ايهاي على ولد عبد القادر كي كيبان خههههه وصدقتي زوين البلا هههه
انور:😂😂😂 راني متوت..هي زهر والو
وردة:ههه بحالي
انور:علاش نتي متوتة هههه؟؟؟😂😂😂 gرام تالانوثة مافيكش ههههه
السالكة:😂😂😂😂 عطات ريحتك هههه
وردى:😒😒 عاجبني راسي هاكا..بعدا أنا مكنتعوجش بحال ديك المونيكة ديالك
انور:معندك متحركي باش تولي بحالها😂😂😂 تحركي راه باقي غنطرgو دراري هه
وردة:ونمشيو عند حميدة نشدو من عندو الدربوgا والنواقص باش تزها العشية فالمنارة هههه
انور خارج ومعنقها وقال:😂😂😂😂 قالت ليك الانوثة 😂😂 نتي كان عليهم اسميوك علي..ولا حمد..اما وردة بزاااق عليك
وردى:😂😂😂 حتا نتا عيط ليا سعيد بحال با ههه 
خرجات معاه والاتجاه لعند الجزار لي وصاه انور اليوم فصباح على طنجية حيت لجزارا هوما لي كيتكلفو بيها وكيصرعوها..وصلو عندو وسلمو عليه وشدوها وخلص وقال:هانتي كاع داك صريف لي عندنا صرطتيه😏😏 بغينا هي نخرجو مع مريمامة زوزطينا
وردة:(بتمياق)😏😏مممممم مزينك نتا وياها..تال من بعد وخرجها انا مكتخرجنيش بزااف هه
انور:(معنقها)هههه زيدي زيدي نتي راه غشيرتي ههههه

مشات وردة مع أنور بعدما خداو الطنجية وترgو صحابهم لي كلهم دراري..وتوجهو للمنارة مقر النزاهة عند المراكشيين..مشاو فالطوبيس بالدق والتقيتيقات والنشاط..طوبيس كولو نشط معاهم والعيالات كيزغرتو ليهم..حيت المراكشيين حماق بمعنى الكلمة..وصلو على نغمات كناوة ههه بالنواقص..ومشاو لبين شجر وفرشو فراشة وتكسلو تما حاطين لالة مولاتي زينة السمية "الطنجية"وسطهم وبقاو حاضينها حتا نطق واحد الدري سميتو عمر وقال بثقالة:ها الحبيبة واجدة..مكورة ومعورة 😂😂
الكل؛😂😂😂😂
انور:قوقة ومقوقة..لابسة لقهوي والقلب بيها كيضوي..😂😂😂
الكل :ههههه
وردة:لب تقلبي..الحب تحياتي لالة طنجية..فيها لحيمات مهبرة مستيين بالعشقة
الكل:قاااا
وردة: يا و بالقوام معلكة😂😂😂
الكل:كااااا
وردة؛بسمينة وزعفران شعرة مخلطة
الكل:طاااا😂😂
وردة:بجهد رماد محركة وعلى حقو وطريقو
الكل:اه وعلى حقو وطريقو🎵🎵🎵🎵
قلبوها غنا وبداو كيغنيو وتقتقتو عليها حتا عياو وهوما يحطو طبسيل تطاوس وخواوها فيه وجبدو الخبز لي كانو ديجا شاريينو وبداو فالالتهام ههه والافتراس والتبنن ههه مهزو راسهم حتا جفو طبسيل وتg رعو كاملين ههه وتورو انور بيناتهم حيت بوحدو لي بارصاوي (فخاطر لبارصاويات 😂😂)...تكسلو تما ومرة مرة كيهزو شي ميزان مراكشي باش تزها الgعدة..حتا تعاشات الهشية وناضو هزو قلوهم ارجعو فحالهم..وقررو ارجعو على رجليهم..طريق كاملة وهوما كيغنيو ويضربو ومعياوش..دخلو لسيكتور وتفرق كل واحد لدارو..ووردة جان مسخسخة واخا هاكاك باقي كتغني هي بوحدها..دخلات لدارهم ولقات عائلتها حاطا كاسكروط سلمات وتلاحت فوق التليق وقالت:وا بسلامتك الواليد واحد الطنجية معلكة 😘😘
المختار:هههههه هي حيحتو تاني هههه
وردة:وا هزينا للمنارة التراب ورديناه 😂😂😂
مراد:ومشيتي بلا بيا😒😒 بلحق هي عقلي قيها وديرها فين تجيك اودا سعيد 
المختار:😂😂😂😂 اشاوا بيتي بجماعتهم..راه هي كيتخرمزو بوحدهم..غيحgرو عليك...تال لشي ساعة ونديك انا..ومكاين هي تشافر والمجامر والنواقص ههههه
مراد: 😂😂😂😂 لعز الواليد هههه
فتيحة:😂😂 قبيلة الحشايشية ههههه
وردة:هههههه والله حتا نمشي معاكم واخا معرت شنو
مراد:الى عرفتينا ايمتا مشينا هي تبعينا 😂😂
كملو عاىلة وردة الجموع حتا تعشاو وكل واحد فيهم تلاح انعس ..
******
محمد بعدما خرج راجل مو..كمل خدمتو لي ولا فالاونة الاخيرة مهتم بيها بزااف وكيشغل راسو بيها باش ميطحش فدوامة من التفكير لي تقدر تخليه اضعاف مرة خرا
سد البسي ديالو وطلع لفوق اشوف اميرتو لي ولات هي سبب حياتو.."توبة"لقاها فايقة وكتحبو فالارض فوق واحد اللحاف ولابسة كسيوة خضرا خفيفة ودايرا بابيون صغيرة جاتها مع العوينات الخوضر تهبل...هي شافتو مدات يديها ليه باش اهزها وكتضحك
توبة:😃😃😃😃😃 ب...بب...بب😃😃
محمد:(هزها)هوباااا...غزالة ديالي(باسها ففمها)حبيبة باباها😃😃
توبة:(كتضحك)😂😃😃😃😃
محمد:حبيبة ديالي غتمشي معايا نشوفو جداها ياك ابنتي 
توبة:(باستو فحنكو بريوكها)😃😃😃😃..هههه
شاف فالمربية وقال:وجدي ليها ساكها غنخرجها معايا ونتي ليوم روبو 
المربية:(مرفوعة)اه اوك😊😊
مشات وجدات ليها ساكها فيه لبيبرغون ديالها وحوايجها..ومداتو ليه بينما هو كان كيلعب معاها ويهرها وهي كتغوت بالضحك وتفركل ..للحظة سها فيها وتفكر الام ديالها لي طبق الاصل ديالها..تحولات ملاميحو للغضب فجأة ونفض الافكار وهزها وخدا الصاك وخرج هازها وهي حاطا راسها على كتفو وكتبوسو فعنقو وتريg عليه..حطها فالطوموبيل لور فالكرسي ديالها ودار ليها سمطو ونطالق نحو الفيلا ديال مو..لي مانت خارج المدينة بشوي..بعد وقت مطويلش بزااف وصل..نزل وهزها معاه وحلو ليه الخداما الباب..دخل كبسول على مو..حتا تلاقات ليه واحد البنت نازلة من دروج كتبتاسم لابسة كسوة بيضة طويلة بلا يدين وطالقا شعرها الاسود ودابرا ماكياج خفيف..شافها وقال:حبيبتي؟؟
اسماء جات كتجري لعندو عنقاتو وكضحك فرحانة بيه وقالت:خويا توخشتك توحشتك😃😃(شافت لبنية)اووووو وتوحشت هاد الفزغولة😘😘(بغات تشدها وتوبة تكمشات فباها وتعلقات فيه مبغاتش)قويصحة بحالك ههه
محمد:هههه هي باقي مولفاتك ههه فين الواليدة؟؟
اسماء:كاينا برا مع بابا..اجي نشوفوهم..اححك شحال توحشتك (تعلقات فيه باستو فحنكو)
توبة:😡😡😡😡😡
اسماء:يا ربي سلامة مالكي على تغوبيشة ههههه راه هي بستو ههه
محمد:هههههه هادي بغاتني ليها بوحدها هههه
اسماء:😂😂😂
مشا معاها لجردة ولقات مها وباها جالسين ..مها كتقلب فمجلات الموضة..وياها فالحرائد الاقتصادية..شافوهم وكل واحد حط داكشي لي فيديه وبتاسمو ليه..
محمد:ها حنا جينا هه
زهرة:حبيبي علة سلامتك(عنقاتو)توحشتك ههه..بنوتي الغزالة😍😍😍
توبة:😃😃😃ههه(كتخبا فباها )ههه
سمير:(سلم عليه من يديه)زلدي مرحبا بيك 
محمد:شكرااا
جلس معاهم وتوبة فحجرو كتلعب بيديها وتبجغط بغات تنزل للارض..
اسماء:واغبرتي حتا توحشناك ههه
زهرة:متبقاش تغيب اولدي😊

محمد:هي الخدمة راك عارفا ..نتي مزيانة؟؟
زهرة:بخير الحمد لله(شافت فصغيورة)طلقها تحبو راه كتعنكش ههه
سمير:كبرات تبارك الله هي لبارح تزادت هه
كلشي سكت وتفكر نهار ولادتها وهو نفس النهار لي تخلات عليها فيه مها..تداركات اسماء الوضع وقالت:ايوا خويا قال لي بابا بلي شريتي شي اوطيل هنا فمراكش؟؟
محمد:(بابتسامة زائفة)وي ..
زهرة:مجاكش اولدي بلي راه زربتي شوي..نتا رجل اعمال فدومين اخر..اش فهمك فالفنادق
سمير فرح فالداخل ديالو بهضرتها..حتا نطق محمد:الراجل راجل فينما مشا احفر..بالاخص رجل الاعمال خصو فينما تحط ازطط راسو..والفندقة مغتغلبنيش اوك..وانا معمري تحاسبت مع شي حد ففلوسو اش كيدير بيهم ولا فشغلو داكوغ
زهرة:(تنهدات)بففف داكوغ..مزيان ماي جيتي دابا تلحق تغدا معانا 
اسماء :وي باش فالعشية تخرجني ياك اخويا😃😂بغيت ندور شوي فمراكش ههه بليييز
محمد:اوك
سمير:(فخاطرو)دابا نشوفو اسي محمد
جات الخدامة تبلغهم بأن الغدا واجد وناضو كاملين للطبلة لي مترأسها سمير من جهة ومحمد من جهة خرا..وفيديه بنتو لي لحاجة لي شافت كتبغي تهزها تلعب بيها وتديرها فمها..ويحيدها ليها محمد بضحكة بريئة..
توبة:غغغغغغغ 😃😃😃 ب..ب...ببببب
محمد:هداي اشويطينة ههه
اسماء:مغتخليككش تغدا فخاطرك..نعيط لوحدا من لخدم ترد ليها البال؟؟؟
محمد:ههه لا لا(كيمسح ليها يديها )انا لي غنرد لحبيبتي البال(باسها)
زهرة:ما شاء الله كبرات..ونهار على نهار كتشبه غي لمها
محمد:😠😠😠😠بنتي معندها أم..بنتي عندها أنا بوحدي اوك..(بالغوات)متبقاوش كل مرة تحبدو ليا ديك الحمارة..راه مناعش على ودني عارفكم كتشوفوها وكتلاقاوعا...وعارف أنها عايشا حياتها عادي بلا حتا شي ذرة ندم..ومكيهمنيش اشتو كدير..ابمهم تبقا بعيدة على بنتي 😡😡😡 والمرة جايا الى باغين تهضرو عليها مدكروهاش قدامي حيت غنصدق خاسر معاكم كاملين
ناض بزعفة ضرب فالفرشيط وهز بنتو لي كانت طالقا زواكتها من غواتو لي كان حدا وجها..خرج معصب وصاعر بلا ميسمع حتا شي حد..اصلا حتا واحد متبعو حيت عارفينو عصبي والى مشا حتا نفاجر ادوز عليهم كاملين بدون استثناء..محمد بشخصيتو ماشي غي عصبي فوق عصبي..كيفقد السيطرة على راسو بزربة واقدر اضرب كاع..
خرج مكسيري لاوطيل وبنتو باقي كتغوت وتبكي وتشهق دموعها حتا بقات فيه ووعا على راسو وحبس فجنب طريق وخرج هزها كيسكت فيها وهي كتخشي راسها فعنقو وتعضو بسنانها لي عاد كتخرج فيهم وما ادراك ماعضات الدري الصغير هههه لدرجة ملي حس بيعا كتعضو بتاسم تلقائيا ليها وضحك من ردة فعلها بقا كيطبطب عليها حتا تهدنات وبردات وحس بيها نعسات حل لباب بشوي وحطها لور وهي كتشخر زرجع ركب لقدام وساق والتغوليشة رجعات ليه..موقف تال الاوطيل..حل ليه السكيريتي لباب..ونزل هز بنتو وطلع لسويت ديالو..حط توبة فوق الناموسية وهو دخل للدوش ..دوش وخرج تلاح حداها وغمض عينيه كيحاول اطرد افكار او ذكرياتو يمكن انها تعاود تحيي ليه دقات قلبو فاتجاه انسانة متستاهلش
******
صباح جديد على كل من ابطالنا..صباح لي ممكن اغير بزااف فحياة وردة ومحمد..وحتى حياة لي دايرين بيه..فاقت وردة على صوت التيلي طفاتو وناضت كتعكز..قضات روتينها الصباحي وفطرات مع عائلتها وطريقها لخدمتها..بنفس النشاط والمتعة والحيوية..دخلات لفيستير بدلات حوايجها ومشات لبيفي لقات كلشي تما وقالت:صباح الخير..
الكل:صباح النور
وردة:كتفطرو بلا بيا اتريكة طلع وهبط😂😂
جواد:لبارح ملي مكنتيش كانت خاصا شي حاجة هه
وردة"معلوم هههه انا راه بحال العموري عندنا نفس البلاصة
دخلات لعموري لي سمعات المحاذثة وقالت:لا لا مزيان تبارك الله..قد القب قد السطل..بحالك بحالي فهاد الاوطيل
وردة:😃😃 فنيدتي ههه توحشتك ههه
العموري:نهار واحد بلا بيك داز من داكشي..مشربتش دوا تراس ومشربتش تاع الطونسيون
وردة:ولله منمشي حتا نشربك ديال السكر😂😂😂
المل:😂😂😂😂
العموري:اححح اربي راسي بدا كيحرقني..حيتي تاني..غبري لخدمتك ياله
وردة:عهههه هاهي غاديا..هههه نقشعوك اتوتة
خرجات وخلاتها كتبلق فعينيها..جاتها خدمة فشي غرف وطلعات ضاحكة وكتبتاسم فوجه الكليان والموضفين..خدمات خدمتها بنشاط حتال وقت الغدا وجات غاديا لبيفي ياله بغات تطلع لسانسور لقاتو مشا وبقان كتسنا فالاخر..جا وطلعات ومرداتش البال أنه ديال الكليان..حتا قلع عاد خسات براسها اش دلرت..كتشوف بلي بوحدها تما وهي تجبد تيلي وبدات كتسيلفا وتضحك حتا تحل ومهزاتش هينيها حتا قلع تاني عاد ردات البال وهي تشقه وقالت:😱😱 ويلي حبس(كتحاول توقفو)وا وقف...واماشي هنا
دارت وراها ولقات محمد واقف ومدايهاش فيها مخنزر وهاز تيلي محس بيها حتا وقفات ليه فوق راسو وقالت:وا بنادم وعاوني راه خصني نزل لتحت ماشي لفوق
محمد:(هز راسو )نعام...عاودي اش قلتي😠😠؟؟
وردة(كتستعقل فين شافتو)مممم كنعرفك نتا...اييه نتا داك ميخي ديال ثليليجة تسويت هههه متديش علي😃😃 وعفاك عاوني خصني ننزل لتحت ماشي هنا..

محمد:😠😠😠😠😠
وردة:واش نتا مكتعرفش شي حاجة من غير تخنزر يخ..شكون هاد لبغل لي خدمك هنا هههه(كتعيبو وتعقد حجبانها)اشنووو ههههه هاكا كدير ياك..وعفاااك دابا عاوني راه كنت باغا نهبط لتحت وطلعت لفوق😃😃 (بطفولية)وا عاونيييي بللزززز(صونا تيلي زجاوبات)الو...نعام...هههههه ويلي شيطان..ربي ربي ههههه واعع حصلهم ههه صافي حتا نجي ونهضر معاه ههه وصافي متخافيش
محمد بغا يطرطق حيت كتهضر معاه هكاك عاد مكتسكتش وكملاتها هايراتو..وهادشي هو لي عمر بنت لمرا مدارتو..بقا كيشوف فيها كتهضر ومتسوقاتش ليه..وبغا ياكلها بعينيه لي الغضب والعصب خارج منهم..شافت فيه وقالت:موسيو ميخي واش مغاتهاونيش اوك..دارت وبقات كتورك على لبوطونات باش انحل ووالو..دارت عندو وقالت:تفووووو...علامن صبحت حتا تلاقيتك يخ😠😠 واهضر واش زيزون(شداتو من كتافو)واهضر ههه ناري واهضر
محمد معصب والنفافر كيخرجو منو شدها بجهد لصقها مع القنت وقال بالغوات:واش مكتسكتيش😡😡 بلا بلا من صباح ونتي كتهضري معيتيش(كيورك على كتافها)مركبين ليك لبريز..وسايداها بالمعيار..انا ميخي أنا😡😡😡 انا نحي طواسل مك وميجيب ليك حد الخبار فهمتي..(من تحت سنانو)غتمشي تشدي حسابك وبرا علي من هنا منعاودش نشوف خليقتك سمعتي
وردة ضهشرها بجهد وبقان هي حالا فيه فمها وكتسمع لهضرتو موعات حتا تلقها وبعد ليها منيرفي كيمسح على راسو بعصبية ومخنزر وباينا واصلة فيه لعضم تالاعصاب..بينما هي تفرشخات بضحك لدرجة أنه استغرب منها وشك أنها حمقة..شاف فيها بعصبية وقال:واش بنت ليك كلون حتا كضحكي😡😡😡
وردة:😂😂😂😂😂😂 هههههههههه(كضرب برجليها فالارض)هههههههههههههههههه اوكوك 😂😂😂 واعر والله(كتصفق)تمثيل رائع..ناري فكرتيني هي فسيدارت مالهوترا ف ek vilan هههه عصبي بحالو بلحق ههههه والله حتا ممثل واعر قالك انحيني عههههه
محمد تضهشر..تعصب عليها وبقا ليه شوي ويضربها وهي ولا عا بالها..معرف واش اتعصب ولا يضحك معاها..من جهة عصباتو ببرودها ومن جهة ضحكاتو بردة فعلها..تحل سانسور وجات بغات تخرج وهي تقول:نهههه واخا تعطلت ولكن فوجتي علي😉😉 بسلامة اميخي 😂😂
وخرجان كتجري ...فالدروج سمحات كاع فداك سانسور وهبطات فالدروج كضحك بينما هو بتاسم وحك لحيتو وقال:حمقة هه
سد الباب وتوجه للطابق ديالو وديركت لبيت بنتو..لقاها كتحبو تاني وشادا واحد اللعيبة على شكل فريزة كتغزز فيها باش تبرد حر السنان لي كياكلوها..شافتو وهي تحبو لجيهتو..وريوكها سيلين..هزها وباسها وقال:بب ديالي..خنيفسة ديالي اش كدير؟
توبة:😃😃😃😃😃غغغغغغغ هنهنه هنهن
المربية:موسيو محمد..
محمد هز فيها راسو وقال:واش صحتها مزيان..ياكما باقي كيضروعا سنانها؟؟
المربية:(دايبا فيه)نونو مزيان والله
حطها فالارض وخلاها كتحبو حداهم وهو مشا بلا ميقول حتى كلمة..وتوجه للبيرو ديالو...عيط على واحد من المساعدين ديالو وقال:جيب ليا لكلي يوزبي لي فيه كاع لموضفات ديال فام دشومبر دابا
وقطع معاه وجلس كيتسناه مرجع راسو لور وكيتنفس بصعوبو بحال الى مغدد من شي حاجة..غمض عينيه وترخا حتا فيقو صوت الباب تدق..وقال:دخل
تقدم المساعد ديالو وعطاه لكلي بلا هضرة بلا والو..عارفينو ملي جا معندوش مع كثرة الهضرة..هزها وخشاعا فالبيسي وبقا كيقلب على وردة ومعافش لاش..غي كيقلب وصاقي..حتا لقا ضوسي ديالها وبقا كيقرا فمعلوماتها وكيبتاسم خاصة فاش شاف عمرها..سد لبيسي وتناسا لموضوع وكمل شغلو كيف ديما
وردة تغدات تاني بضحك وتقشاب وخدات البوز ديالها ومن بعد ستأنفات خدمتها حتى قرب وقت خروجها وهي تجي عندها العموري وقالن؛وردة..طلعي لفوق لجيهة سويت..خاصك تعاوني لبنات..
وردة:اشنا هوا...تخورتي فعقلك ولا مضروبة بفردي خاوي؟؟؟
العموري:بلا دوك لهضور المزندقين ديالك..طلعي لفوق وعاونيهم..معنديش ليك الوقت دغيا
وردة:😡😡😡😡 ولا..مفياش راه عييت والله
العموري:وردة😡😡😡
خنزرات فيها ودازت على وعدها تمشي للفوق ..غاديا وكتعاير..حتا وصلات جيهة السويت ..بغات تدخل لواحد صدقات فلاخر لي ديال محمد..تسحابها واش نفسو فاش غتخدم..حتا كتصادف ببنت شهبة هازا بنية صغيرة كتراري بيها والبنت غواتها مروع القنت وكتبكي ..شافتها وهي تقول:بلززز عاونيني..عيطي لموسيو محمد بلززز😢😢
وردة:مالك؟؟؟مالك البنية؟؟
المربية:(بالغوات)وماشغلكش...اجي عاونيني ولا والله حتا نخرج عليك...
وردة:تخرجي عليا😠😠 ايوا قاودي علي..
وجات بغات تخرج حتا سمعات البنية غوتات غوتة كتسمك ورجعات بزربة لعندها خداتها من عندها وقالت:مالها؟؟؟
المربية:منعرف..كانت كتلعب..شربات حليبها وهي تبدا كتغوت اهى اهئ ليوم اقتلني باها
هزات تيلي وبدات كتهضر:مو..موسيو...موسيو محمد تو..توبة مريضة بزاااف😭😭
وردة:(كتراري بالبنت)شووووو صافي اماما صافي..شوفي غتجيبي ليا بانيو ديال لما مكلاصي 
المربية:سكتينا(كترعد)اهى اهئ غيصفيها ليا😭😭
توبة:واع..واعع 😭😭😭😭
وردة تعصبات وقالت:غتنوضي تهزي تجيبي ليا اش قلت ليك ولا غتموت ليك هنا...انا ممرضة وغن..
باقي مكملاتهاش تحل لباب وتهز معاه قلبها

تحل لباب ودخل محمد مفزوع من الاتصال لي جاه..كيحس بقلبو بغا يخرج..كيف لا وهاديك روحو..وبنتو وطرف منو..تهز قلب وردة ملي شافت داك بنادم بينما هو مداهاش فيها وجا بغا ياخد لبنت..بعداتها عليه وقالت:اش كدير ابنادم؟؟😠
محمد:(صاعر)غتعطيني بنتي ولا قسما بالله تاندفن اصل مك هنا😡😡😡(بالغوات)طلقيها
وردة:معرفتش واش بنتك ولا لا؟؟ بلحق البنت مريضة..خصنا نعتقوها 
محمد:(حيد ليها البنت وعرقو خرجو)غتقاودي علي من هنا..ولا ندبح مك 😡😡 ونتي تكعدي عيطي لطبيب ومن بعد غنتفاهم مع اصل مك على هاد الاهمال
وردة:(تعصبات وخرجات نيابها)اداك الحمار كيصحاب كرك بوحدك لي كتعرف تسب..عيقتي😠😠 الى بنتك بنفافر بيتي تعتقها حطها نشوف مالها بلا داك تحومير ديالك😠😠
محمد جنونو خرجو وكشاكشو عليها وقال بالغةات:الله يلعن طبون مك الحمارة..نجي نوري اصل مك الحمار اش كيسوا😡😡
توبة:😭😭😭😭😭 ب...ب...ب...
عنقها وكيراري بيعا وقال بالغوات:تكعدي عيطي للطبيب
لمربية ناضت قافزة وعيطات لطبيب فحالة وردة بقات فيها لبنت لي كتبكي..قالت صاعرة:وا حط البنت نشوف مالها😠😠 راني ممرضة..غتعطل شوي غتموت وديك ساعا بقا تندب كي الهجالة😡😡
محمد سمع تموت تخلع وفكرة أنه يوقع ليها شي حاجة ختارقاتو ولعبات بيه..حطها فوق الناموسية وجر وردة من يديها بجهد ووقفها حداها وقال:تطرا ليها شي حاجة نحر مك هنا 😡😡😡
وردة:حمار يخ
جلسات حدا البنت وبدات كتفحص فيها..سولاتو وقالت:شحال عندها؟؟
محمد:ست شهور😠😠
وردة:ممممم دونك كتنوض سنان؟؟
محمد:(من تحت سنانو)اه..واش غنبقا مقابلك طلقي راسك😠😠
وردة:(عينيها فالبنت)مممم ماشي سنان هوما سباب الغوات حيت حرارتها عادية ممرتافعاش..
محمد:واش كتسطاي هلي(كيقيس فراس بنتو ويمسح ليها دموع)البنت سخونة
وردة:حيت غوتات صهدات..اما الحرارة راه عادية راه كيقولو عمرك تقابح مع حمار😠😠
بقات كتشوف ففمها وقربات..كتقلب على شب حاجة وكتشوف فجنابها مبان ليها خي تيلي ديالو فجيبو كيبان..هزاتو بلا متشاور وقالت:دير لكود..محتاجة ببيل..خصني نقلب ليها فمها
محمد حاول ابرد باش ميصعرش عليها ودار ليها لكود وهي شعلات البيل وكتقلب ليها فمها وبصعوبة باش كتحلو..وهي كتقيسو كتغوت..شافت فمحمد لي باين عليه توتر..جالس حدا بنتو وكيبوس فيها وهي كتغوت:ب...ب..با..با😭😭😭😭😭
وردة:كيف gلت ليك ماشي حرارة السنان..فمها طايب وبزااف..الفوق..يمكن تحرقات فيه او عندها حساسية...(هزات البنية)ارا ورقة وستيلو نكتب لبك بوماد وطير جيبها
محمد بقا تالف معرف منين اجيب لورقة..شافتو هاكاك..هزات تيلي ديالو ومظاتو ليه وقالت:قيدو هنا
شدو وفتات عليه اش غيجيب وقالت:طير جيبها..خمسة تدقايق
مجاوبهاش وخرج زاف لاقرب فارماسي وقلبو كيضرب..فحين وردة كتسكت فالبنية وتحاول تهدن عليها صداع بأنها تقطر ليها لما بارد ففمها..والمربية كتبكي وخايفا على بلاصتها..بعد وقت قليل جا محمد طاير وعطاها لبوماد ولقا توبة نقصات شوي من لبكا..طلبات منو يشدها ليها وبداو كيحاولو معاها احلو ليها فمها باش احطو ليها لبوماد تما..وهي عاد مكتزيد تغوت حتا بحات وبقات كتشهق..شداتها وردة وحطاتها على صدرها وبقات كتمشى بيها وتجي باش تهدنها..ومحمد هي كيشوف فيها وفبنتو وتابعها من بلاصة لبلاصة وحاط يديه على راس بنتو وكيبوس اديها حتا نطقات وردة:واش فيك سهال؟؟مالك تابعني..شد قنت واحد راه دوختيني
محمد:😡😡😡😡 ياربي صبر معاك...اري ليا بنتي وخرجي تلاحي 
ياله بغا يشد لبنت وهي تبدا كتهلل وتغوت..جمع يديه والبنت تخشات فوردة ودموعها على خدها..كتحاول تنعسها..ومحمد كيشوف فيهم..حتا ترخات وجلسات وردة مسندة والبنت بداو عينيها كيتسدو حيت برد عليها الحريق..عاد تم الطبيب داخل..شافو محمد وهو يطير عليه بضربة للنيف وقال:يلعن بوك الحمار😡😡
وردة:😨😨😨 ويلي على الجحموم اش دار..
حطات البنت بشوي فالناموسية وناضت كتفك الطبيب ومحمد خدام من سمطة لتحت..جاب ليه الله فاش ابرد سمو..فكاتو وهرب وقالت لمحمد:مال قبيلة مك صاعر..بحرا سكتات وباغي تفيقها😡😡😡
محمد:(شدها من ذراعها بجهد وقال)نتي بضبط داك لسان غنقطعو ليك..حمدي الله نتي لي داويتيها اما ندوز عليك من لوذن لوذن😡😡
وردة:هيهي خلغتيني...بوك وبو هضرتك..طلق خليني نمشي فحالي..ممسالياش ليك😠😠
محمد:(كيغمض عينيه بنفاذ صبر)خرجي برااا
مزادتهاش معاه وجات بغات تخرج وهي تسمع البنت كتبكي تاني تلفتات هي وياه ليها ومشا هو عندها طاير هزها كيسكت فيها وهي حاضياه من بعيد حتا شافتو واحل..مشات عندو شداتها من عندو وهو مدار حتا ردة فعل مدها ليها وخشاتها فيها وبدات كتهدن فيها وتسكتها وتغني ليها ومرداتش لبال بلي البنت كتعنكش ليها فحوايجها..شافها محمد وقرب منها وبقا حاضيها اش كتصنع..حتا كيشوفها خشات يديها بغات تجب لبزولة..خرجو عينيه بالصدمة عاد نتابهات وردة وشهقات كتحاول تبعد ليها يديها والبنت كتبكي وتخشي يديها باغا ترضع..
وردة:😨😨😨

وردة:😨😨😨 عتق عتق..ويلي
جا طاير شدها من عندها وهي كتغوت وتجبد فوردة وتركل حتا بحات وكتجر عند وردة لي هي حالا فمها وتغوت..
توبة :وااااااع😭😭😭😭😭م .مم..هنهنهنه😭😭😭
محمد:(كيبعدها)لا لا...لا ابابا...لا
وردة:😨😨😨
توبة:😭😭😭😭😭😭😭😭
محمد شاف حتا عيا وقال:رضعيها
وردة:(فاقت من صدمة)هااا...واش زانزان ولا؟؟مريض فشي قنت فيك ولا شنو..واقلة فيك لحناش لا😠😠
محمد:واش لحمارة تمك مباغاش تجمعي فمك..قلت ليك رضعيها هي رضعيها😡😡
وردة:نتا شوي لباس هااا😠😠درت فيك خير بغيني تشدني صحا..فين قاري فين؟؟؟اولا أنا ماشي مها باش نرضعها ثانيا الكلب راه ماشي مرا راني باقي بنت وعمري مولدت باش اكون فبا الحليب
محمد:(كيعنق بنتو)شوووو صافي احبيبة...اكبيرة الحمير راه عارف مقلتش ليك رضعيها..هي عطيها ليها تحطها ففمها باش تسكت اما واخا تعيا متجبد راه مفيكش لحليب😡😡
وردة:الله يلعنك قول امين..الحيوان..اش هاد طلب ؟؟
محمد:الى منفدتيهش حسبي راسك من دابا مطرودة من خدمتك بصفة نهائية وعمرك تحلمي تخدمي فشي قنت اخر..وغنعس عليك حتا تجوعي وتجوعي عاىلتك😡😡..اصلا دابا غنعيط لرجالي ويشدوك بزز وغديريها دونك بزز ولا بخاطرك
ةردة:قاود😠😠😠
المربية:ختي راه والله حتا اديرها😭😭😭 رحمينا راه منخرجوش عايشين من هنا ..غي رضعيها عفاااك
وردة قربات منو معصبة ومغددة وقالت:الى بقات فأصل مك ها وجهي😠😠😠 الى مندمتك مخلا فيا المختار هي لخرا
شدات من عندو البنت كتبكي وقالت:دور كمارتك لهيه..😡😡تسحابك غنرضعها قدامك
محمد:(باستهزاء)هه نتي لي خاصاني نشوف فيك
وردة:😡😡😡😡
دور محمد وجهو وقال :سمر خرجي
وجه كلامو للمربية لي قربات تبول فسروالها..واخيرا جاها الفرج وخرجات ممصدقاش أنه عفا عليها ..بينما وردة حارت..جلسات فطرف الناموسية وشادا توبة فيديها وكترعد والبنت كتشهق..وهي كزعماتش خافت ولاول مرة حسات براسها تحطات فموقف معندهاش ليه حل..سرطان ريقها وبقات كدوز يديها على راس توبة وقربات تبكي..حتا سمعات صوتو قال:يا دغيا خلاص
وردة:باش عرفتي بلي باقي مدرتهاش😡😡😡
محمد:ماشي شغلك طلقي خلاص..راه صبري كيتقادا
وردة سنسلمات حيت عرفات راسها حتا الى رفضات غيجري عليها وهي مصدر الرزق الوحيد لعائلتها..واخا تهديدها مخلعوش ولكن عارفة أن فبلادنا صعيب تلقا خدما تعيشك..وعمر تهديد العموري مخلغها حيت عارفاها غي بغات تخلعها وصافي باش دير عقاها...
قربات لبنت ليها وحلات صدفات لولين تلبيسة تالخدمة وخرجات بزولتها صغيرة من الديباردو وحطاتها ففم البنت..طلعات معاها تبوريشة وجاها احساس فشكل حتا حسات بالبنت بدات كتجر باش تمص الحليب وكلعات معاها بحال القرصة وهي تغوت ودار عندها محمد بزربو ومشا لجيهتها وهي مغمضة عينيها كتكمد الالم بينما هو جلس حداها وشد فيدها بلا شعور وكيهدن فيها...ولالة توبة لقات راحتها كترضع..وجاتها حسن من لبيبرون واخا مافيها حليب..
محمد حاوط وردة بيديه وقال:شززووو كالم...غيحرقك فلول مي هي صبري
وردة:(مغمضة عينيها كتبرد فالحرقة)الله يلعن طاسيلة مك ازامل..الحمار الحيوان..المرض..اش بيتي عندي شكون سلطك علي بففف بلخق😠😠 بلاتي وبرب حتا نوريك الحمار..هزات يديه عضاتها بجهد وهو كيصبر فراسو ملي كيشوف فبنتو مرتاحة...
محمد:ناري على سنان اححححح هداي الكلبة😠😠
وردة:الكلب هو نتا اكبيرهم بقففف اي اي ناري قاصح قاصح
محمد للحظة سها فيها وكيشوف فيها مغمضة عينيها وكتصبر..وتعض فشفابفها..وشادا فيدو..حس بلي فعلا مها لي كاينا...وبلي حتا حاجة ممنخصاش عليه حياتو..بينما وردة كتألم من العضيضات لي كدير ليها توبة..ولاحظ محمد بزولتها لي صغيرة وماشي ديال بنت فسنها..ابتاسم ةقال فنفسو:صدر توبة وكبر من ديالها هه

وردة حلات عينيها ولقاتو حط صبعو وسط يدات توبة وكيشوف فيعا كترضع وهي تقول:تمنظر مع راسك😠😠 اش جلسك حدايا..دg من قدامي😡😡
محمد:(مبتاسم وساهي مع بنتو)😃😃
وردة:وا مرشيش..وا محمد السادس..مال اوا تقاشر مك حال فمك😡😡
محمد:غتسدي ديك الكابينة ولا ميعجبك حال😠😠من صباح وأنا ساكت ليك ونتي فمك كيخرج غي الخنز😡😡سكتي شوي ومن بعد ونتفاهمو على هاذ سبان لي كتسبي
وردة:(بنظرة تحدي)الى مندمتكش..راني ماشي وردة ونتا ماشي ميخي 😠😠
محمد:😡😡😡
وردة:اي...اويلي بنت الهم...اي(عضاتها)وا عتق اخئ..بنتك كتعضني اي
محمد:(كيضحك عليها)هههههه بشوي ههه عبرات عليك...
شافت فيه وشظات بزولتها حيداتها من فم توبة لي كان نعاس شد فيها...خطاتها فوق السرير وجمعات صدرها دغيا ووقفات..هو تحنا باس بنتو وجاب ليها سكاتة ديالها حطها ففمها وشاف فوردة لي كانت كتشوف فيه بنظرات كلها شر وقال:اش كاين..ياك كملتي خدمتك يالله الباب الحباب..برا
وردة:(بابتسامة شريرو)ايوا ضيافة النبي ثلت ايام..اجي معايا برا نتفاهمو باش منفيقوش البنت😒😒
محمد فهم الامر على أنه بغات تخلص على خدمتها..وهي سبقاتو فحين هو مشا جبد كارني دشيك وكتب فيه مبلغ محترم وكبير بالنسبة ليها وتبعها..لقاها قدام باب السويت واقفا وكتمشي تجي معصبة فالكولوار ..وقف عليها ويديه فجيابو وكيشوف فيها بنظرات ممفهومينش..فحين هي غي شافتو قربات ليه وبقان كتشوف فيه بشر..تحنات للارض حيدات صباطها تالخدمة وهبطات عليه بيه للفخاض..تصدم من ردة فعلها..كملات عليه وبقات كنعطيه للفخاض وصدرو بصباطها وعو كيحاول اشدها ووالو..فيها جهد جوج منو..
وردة:(بربقاتو بصندالة لحنكو حتا تصورات ليه 37فوجهو)هاك الحمار...المرض..اعيفة الرجال..😠😠شد...انا نرضع انا...يلعن ليك الوالدين..😡😡
محمد:(كينقز من قنت لقنت)هداي.
هداي الحمارة😡😡 راه غنضربك😠😠 (بالغوات)هداااي
وردة كضرب فيه وتنتفو وتغوت ليه..قلباتها سوق وهي تبدا تنوح:عوك عوك اعباد الله وا عتقو رووووح يا أمة محمد...ابحيوان ولد القرد بن الزامل😡😡😡 ستاغلني الكلب
محمد تشحط لترمتو شحطة تالغدايد وغالب عليه ضحك حيت كيشوفها كلها تجنترات وباغا تبرد غدايدها وشعرها طلع لفوق وعرقات دغيا...حكم ليها يديها لي هازا بيها صباط ولواها ليها وقال :يحرق طواسل مك..رديتي هنا كي سوق😡😡 
وردة شافت بلي متقدرش تحيد يديها وهي تهز اليد لهرا وبدات كتقرصو فوجهو قرسات حارين..فحناكو وفودنيه..حتا حمارو مع كتليعو وتسبو..حتا الناس لي حداهم خرجو..وكيتسغربو لصداع لي نايض..وردة مهمهاش كتقرص فيه وهو كيتألم مع مسمومة خلات فيه الاثر..شاف فناس وخنزر وهوما يدخلو حكمها معصب وقال:شايطين على مك يديك للكلبة..عارفا راسك معامن😡😡(بالغوات)هضرييي
وردة:(بالغوات)والله يلعن بوك وبو اصلك..اش تكون كاع..محمد السادس😡😡 صايط ليك البرد فكرك وصافي...انا نوري مك اشناهيا تشدني من اليد لي كتوجعني😡😡 جري عليا ولا دبحني لمهم نخلي دار بوك(عضاتو فحنكو)عنننن ياله
محمد طلق منها حيت تقسح فوجهو وحس بشوي الدم..مسح حنكو وقال:ايوا اجي الحمارة نويك العضان بشحال كيسوا..😠😠
بعدات عليه وبدات كتشير عليه بلي جا قدامها ..سوا ديكورات لي كتكون فالقنت تالكولوار سوا سبرديلتها وكتهرب وتسب وهو تابعها بغا غي يشدها ووالو كي الزواق..فلخر وصلات حدا باب السانسور ودفلات عليه من بعيد جابتها ليه فوق التريكو..وسدات الباب وتحرك بيها وقالت:تعيش وتاخد غيرها الحيوان 😛😛
هو تعصب وتغدد هي مع راسو حيت مفداش فيها الدقة..وولا كينحلف عليها فخاطرو ويضرب لي جات قدامو...خرجو نيابو وكشاكشو..والدقو كضرو فوجهو..مشا دخل لبيتو معصب وطل على توبة لقاها ناعسة براحة ومشا هو دخل دوش وبدل عليه وداوا العضة..وجلس كيخمم ليها فبلان يخليها تعتاذر..
*****
وردة مصدقات تحرك بيها سانسور وهبطات مخلوعة منو حيت عنفجاتو مزيان وهطاتو العصا وضحكات حتا شبعات المهم خلفات دقتها واخا عارفا ممكن اجري عليها..مشات لفيستير هزات حواسجها وخرجات طايرة كتنهج..

وصلات وردة لدارهم معطلة على العادة..وقرب لمغرب حيت تعطل عليها طوبيس لانها فوتتات وقتو..لقات مها جالسة حاطا براد ديال اتاي وشادا سامحيني..شافت وردة وهي تقول:ويلي ديك ساعا باتي..لاش جيتي دروك..باتي حسن😏😏
وردة:(بغباء مصطنع)والله افتيتوح حتا شدوني..وكيحلفو علي نgلس نتعشا وانا والو ههه 
فتيحة:باز ليك ابنيتي..فالحة فالهضرة وتمياق..مالكي تعطلتي؟؟
وردة تكسلات حداها وغوبشات ملي تفكرات اش طرا:والة...هي الخدمة مزيرة راك عارف الصيف هادا
فتيحة:هاكاك...بيتي تاكلي؟؟
وردة:الى جات على خاطرك...نوضي الله يرضي عليك عطيني نعالج المعدة راه الموطور حفا
فتيحة:مممم مافيك نفع..
ناضت مها جابت ليها متاكل..ودخلات فبه وردة طول وعرض..حتا سالات وتكرعات وقالت:ماما..اش داكشي عاودتي ليا صباح فالتيليفون؟؟؟
فتيحة حطات لكاس بالخف وتفكرات اش وقع وهي تقول:ويلي وحدي نسيت😱😱😱 خوك يا بنت الحمق..لقاه باك مع بنت مول لفاخر فواحد الكوان...وسلخهم بجوج وحلف عليه ميدخل للدار
وردة تشتتات بضحك وتمرغات فوق التليق..وكتقول:😂😂😂😂😂 ولد طيط ههههههههههخه اش حصلو كيدير باينا كيعحن فيها😂😂😂😂 اودي هههههه انا نهضر مع الوابيد متخافيش ههه
فتيحة:هي دروك الله يرضي على بنتي...نةضي راه غتلقاي باك حدا دار المقدم ودوي معاه عفا بنتي
وردة :(غاديا)ههههههههه واخا...بلحق منظمنش ليك هههه
مشات وردة بدلات حوايجها وخرجات كتنقز كيف ديما..محس بيها باها حتا طارت عليه من لور بتعنيقة لقاتو جالس حدا مول لحانوت مع صحابو كيلعبو ضامة..وقالت:سي المختار هاذا هههه؟؟
المختار:ههههه لا طارق بن طفيل😃😂😂😂
وردة جلسات على صندوق تلموناضة خاوي وقالت:واشنو..كتلعبها هي بوحدك ههه زيد تلعب شي طرح
المختار:بشاخ عليه مذاق ههههه..جلسي تلعبي مع باك ههه
جلسات وردة اونفاص معاه كيلعبو ومرا تربح هي مرا هو...وهضرات معاه وقالت؛با..فين مراد؟؟
المختار:(مركز مع اللعب)😂😂😉 هاكاك...هادشي لي جايبك
وردة:ههننه معلم 😂😂 مالك معاه؟؟
المختار:خوك جهل ومبانت ليه غي ديك البنت..وكون هي شي زين😂😂😂 وجها مقنت كي ربع تالحليب هه
وردة:😂😂😂 ونتا مالك..ياك مرتك وعندك..هو حر اختار لي بغا اش ليك
المختار:(بفرحة)هههه ربحتك..نوضي الله يرضي عليك شدي لينا شي قريعة تلموناضا بومس هنههه قالت ليك زينة ههه اش اودي
وردة:دابا بلمعقول الواليد...مالك مع ديك البنت؟؟
المختار:وردة...وردتي هادشي بعيد عليك..نتي هي بنت ومغتفهميش..ولدي وأنا حر فيه ديك البنت عمرها باقي طوف بساحتو ولا يطوف بساحتها ولا قسما بالله حتا نبدا نخلط
وردة:معرت فاش؟؟؟
المختار:(قلبها ضحك)فسيما والما ههه😂😂😂
وردة فهمات انه بغا يقلب الموضوع وهي بدورها عارفا أن باها فاش كيسد على شي موضوع بطريقة غير مباشرة يعني الموضوع تسد بصفة نهائية..طمرات على لهضرة وجمعات وطوات..وناضت بغات ترجع للدار حتا قال باها:ايوا والموناضا😂😂😂
وردة:ههههههه اودي الواليد راك عالام...شدها وقول ليه اقيدها ههه
مشات وردة رجعات لدارهم وعقلها مشوش على مشكل خوها..تلاقاتو جالس حدا الدار وصاعر وجلسات حداه وقالت:مراد...شي طرح تالكارطة؟؟
مراد:(مخنزر)وردة خطايني هاد الساعة مناقصنيش هبالك هاد ساعة😠😠
وردة:شوف اولد ميمتي..الى مصدع راسك على بنت رحمة راع هي كضيع فالوقت ..با ساد على الموضوع بمرة..غتزيد الما فالرملة ومتربح والو..طمر على الهضرة حتا يبرد..الواليد عمرو زعف على شي حاجة غي هاكاك..
مراد:(بنرفزة)باغي تسدو هلى قبيلة مي الهوا..هاديك الدرية كنبغيها وهي معامن غنبقا
وردة:معامن انا هه(بسخربة)ربح بنت رحمة وخسر باك..😡😡 انا لي خاص مي لعقل جالسا كنهضر معاك. تلاح حتا تبرد ونهضرو
جات بغات تمشي وهو يشدها وناض عنقها من لور وحتا هي دارت وعنقاتو وقالت:متقسحش راسك..طلق كلشي فيد الله ويكون خير واخا
مراد:واخا😔😔
خرجات مهم ولقانهم معانقين وقالت:مالكم اتريكة طلع وهبط معانgين..ياكما درتو شي كعيا تاني راه والله لعتبتوها
وردة ومراد:😂😂😂😂😂 الله يعفو
دخلو مع مهم وبعد دقائق جا حتا باهم ومهضر ماتكلم مع مراد..اجموعو هي مع وردة ومراتو..تعشاو وكل واحد تخشا فبلاصتو ينعس..وردة كتفكر فنهارها كيداز ومرة مرة تتحسس صدرها حيت ضراتها بزولتها..بينما المختار متكي فوق ناموسيتو وحداه مرتو كتكحل وكتهضر معاه:اراجل..واش مهداكش الله مع اداك الولد
المختار:ديها فجنابك ودوزي تنعسي حسن ليك
ضارت عندو معصبة وقالت:متجهلش قبيلتي😠😠 مالك مع بنت رحمة
المختار:شوفي الله يرحم باك..نعسي الى بغيتي قبل منقلبوها صباط..نتي عارفا مالي مع ديك طاسيلة .الى قبلت على ديك البنت غيبقا معاها حياتو كاملة ونتي عارفا ولدك حنين وقلبو هشيش ونيا وكيفما بغاها اليوم غذا ملي يكبر غيبغي يتزوج بيها...وأنا أبنت الناس مساخيش بولادي
فتيحة:اش جاب شي لشي؟؟؟مال عائلتهم؟؟
المختار:انا عارف اش كاين..وشي نهار غتفهمس ودابا تكعدي تنعسي ولا غتسمعي خل وذنيك😠😠

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.