انا كنبكي و نضربو بيدي لصدرو .. شد ليا يدي وردهوم ليا لور بجوج و لسقني عندو..
جاد: صافي سكتي بلا بكى (وجهي فوجهو وصدرو مع صدري)
سكت و بقيت غير كنشهق و هوا كيشوف فيا ..شويا بتاسم و قالي...
جاد: مالاك ...شوفي فيا (هزيت عيني فيه ) ...انا راني كنت كتسناك تحملي يا الحمقة .ههه
مفهمت والو و بقيت غير كنشوف فيه ..
جاد: هاد ل bb هوا اللي غيجمعنا بجوج و ميقدر حتا واحد يفرقنا يا الخايبة ديالي فهمتي
انا: شنو ؟؟ جاد ... مابقيت فاهمة فيك والو !!!!
جاد: بغيتي تفهمي؟ اجي نفهمك.
جلسني فوق واحد الفوطوي و جر كرسي تقابل معايا و جلس و تكا بيديه على ركابيه.
جاد: سمعيني مزياان. انا نهار اللول اللي قصتك فيه قررت نتزوج بيك و داكشي علاش مللي رجعت لدار عند الواليدة قلتها ليها ... و رفضات بقات عليا بشي هضرة خاوية و مبغاتنيش نتزوج بيك نهاءيا، خليتها و درت ليها خاطرها، و بغيتك تحملي ف اقرب وقت باش نحطها امام الامر الواقع ..فهمتيني .
انا فهمت بلي مامات جاد مابغاتش ليه وحدة من حي شعبي ، بغات تزوجو من الطبقة ديالو . عنقتو و بديت كنبكي ..
جاد : شششش متبكيش احبيبة .. مغيقدر تا واحد يفرقني معاك (عنقني و كيبوسني)
جلست العشية كاملة معاه فاليخت وانا كل شوية كنتروع و جاد كل مرا تابعني لطواليط .
سعاد : (قربات مني وقالت لي تحت السنان) نتي مرضية للي حملتي منو ... راهم فالزنقة كييحملو غير من الشماكرية ..دابا غادي تشديه ماعندو فين يفلت.
انا: شنو!!! وراه انا لي ماعندي فين نفلت راه هوا اللي شادني ...
عرضت ليها القضية دمو من اللول للخر...
سعاد: هاكاااك ولاهيلا عبر عليها باينة هادي شي شاطة ماطة .
انا: شوفي .. راه هوا غيمشي عندها هاد العشية يقولها لها و انا مبغيتش نرجع للدار باش مينة متخليش دار بويا حتى يهضر معاها جاد منو ليها.. فين خليتيها؟
سعاد : خليتها فالحانوت ..
انا: غتعيطي ليها دااابة و تقولي ليها بلي انا وياك بايتين فشي عرس جا على غفلة ..
سعاد : ايوا و فين غنمشيو؟ (جاد طلع)
جاد: غتبقاي هنا نتي و ملاك ا مدام سعاد وفاش غنقاد الامور غنمشي نهضر مع ماماها .
داكشي اللي دارت خالتي و هضرات مع ماما تبتاتها و جلسنا فاليخت و مشا جاد...
سعاد : ياختي سعدااااتك بيه . ويلي ويلي على شخصية و باينة كيحماق عليك.
انا جالسة ومعصبة و خالتي دو دود ودودو نفخات ليا راسي.. شويا جا جاد .... جاب معاه ماماه.حتا لهنا.تصدمنا!!! السيدة كلاااص و رقيقة و مجبدة وباينة فيها ماسهلاش ..(مافراسها والو)
جاد : ملاك حاملة مني و ليوم كنا عند الطبيب انا وياها.
كاميليا: مايمكنش اجاااد ! مايمكنش دير هادشي فيااا . هي غتكون حاملة من شي حد اخر وبغات تلصق فيك .
انا مكرهتش نوض ليها ولاكن فوجه جاد دازت..
جاد: اوك... عرفتك غتقولي هادشي(جبد ورقة من جيبو) هاكي .. قراي تحاليل كتقول انها حاملة مني و فاش ديت ملاك عند الطبيب طلبت منو يديرها باش تشوفيها ودابا قبل منجي نجيبك دزت لابوراطوار جبتها .
شافتها و قطعاتها...
كاميليا: ولدي الوحيد اللي عندي (كتغوت) مغنسمحش ليك تديه مني كتسمعي.(انا ساكتة و الدوخة قالباني)
جاد: بلييييز الواليدة فهميني انا مغنقدرش نخلي و لدي بعيد عليا تقبلي هادشي..
انا بقات الارض كتمشي و تجي بيا و الضبابة كتغطي ليا عينيا .... جاتني السخفة و خواو بيا الركابي جاد: ملاك سافا ؟ ... (سخفت ليه فيديه) وهزني هبطني لتحت و خالتي كتفيق فيا و هوا تخلع .. ماماه جالسة طالعة ليها القردة لسطح. حليت عيني و كنحس براسي تقييييلة مقدراش لا نهضر لا نتحرك غير كنشوف و بزز..
طلع جاد عند ماماه ..
جاد: انا يا اما غنتزوج ب مالاك يا اما غنخوي و معمرك تشوفي وجهي (سخط)
ماماه تخلعات شافت عينيه حمارو ..و العروق ديال عنقو بانو او لدها الوحيد غيمشي بين يديها...
كاميليا: صافي اولدي ..بلا ماتعصب ...انا قابلة ... مي متسكنوش بعيد و تخليوني غتجيو تعيشو معايا فنفس الفيلا..
جاد: اوك .. غدا غتمشي معايا عند مها تخطبيها ليا .. خطبة و عقد نهار واحد (راسو فالسماء و كيلهت )
مشا و صل ماماه و رجع عندي لليخت بات معايا تما انا و خالتي ..باتت خالتي حدايا فالناموسية و هوا لفوق فوق الفوطوي ...
صبح الحال.
جاد: مادام سعاد ، عيطي على مامات ملاك و علميها اننا غنمشيو نخطبوها اليوم .
عيطات خالتي و قالتها لماما و جدات داكشي علاش قدات و مشا جاد هز ماماه بزز منها و هيا كتندب و جاو داو خالتي معاهم و الصدمة الكبيرة هي ان مو مفراسهاش ساكنين فبراكة.
وصلو ... مو داخلة و صط البرارك و كتندب و جاد كل شوية يجرها دخلو لبراكة ...
كاميليا: (تحت سنانها) جاااد فين جايبني وسط هادشي و اوييليييي هادو غيكونو سحرو ليك .
جاد: زيدي و هنينا ماهيا غير ساعة د المكانة و غنردك فحالك .. وانا مكيهمنيش فين ساكني ..
كن تسيق الخبار شرا ليا رونج روفر غتجيها الجلطة..
جاسات و سط دارنا و جاد عمى كيتسنى غير فوقاش نسينيو الوراق .
كاميليا : حنا حنا (جاد خرج عينو فيها) ااا احنا جينا نطلبو بنتك ملاك على س س سسنة الله و رسوله ..
جاد: لاللة امينة انا طالب بنتك الى قبلتي عليا..
كاميليا : خاصنا نسربيو قبل ما..(جاد خرج عينيه كيقولها سكتي)
جاد: انا باغي ليوم نسنيو على العقد ..
مينة: ايوا مرحبا ولاكن مالكم على هاد الزبة؟ نديرو الخطبة من بعد نديرو العرس ..(كتحلمي ا مينة)
سعاد: خير البر عاجله
تافقو باش نمشيو فالعشية نديرو العقد و مشاو بقات سعاد مع مينة.
سعاد: .. مينة! ماكاين منخبي عليك. ملاك راه حاملة من جاد .
مينة: اويييلي ... حااملة دقة وحدة ؟ كيدارت ليها هادي!!!!
سعاد: وصافي دابا اللي عطا الله عطاااه ونزيدك جاد راه شاري لملاك حديدة نييييت رونج روفر وشحال وهي معاه .
مينة: وهيا ناري هادشي كامل واقع و انا مافخباريش.؟؟؟ وكن كانت تقولها ليا بنت المهبولة لخرى . راني كنت ديما بحال صاحبتها مالها ماقالتهاش ليا.؟
سعاد : و صافي دابا .. اصلا هادشي مكيتعاودش بين الام و بنتها .. وا شوية د الحشمة . لاواه.
مهم وصل جاد مو وجا عندي. لقاني ناعسة..كان لابس دجين و تيشورط كول v فالكحل مزيرة و سبادري كحلة . جا وتكا حدا يا كيفيقني..
جاد: راكي و ليتي مراتي احبيبة ديالي ...هادو وراق لاكط.. وغتمشي دابا تسلمي على ماماك و تهزي حويجاتك باش نديك لدارك(عميزة)
فرحت و جاد وفا ليا بالوعد ديالو .. مشيت لدارنا عند خالتي و ماما و جهي حمر حشمانة من ماما و دخلت لقيتهوم كيضحكو..ماما حدها شافتني و هيا تجرني من كتفي ..
مينة: اجي لهنا ...جابك الله ...ادوي!! هادشي كاااامل يخرج منك و انا فدار غفلون ، ماجايبة لدنيا خبار ؟؟ اتي دوي فوقاش عرفتيه و فين و كيفاش تا حملتي...
سعاد: تي بعدي من الدرية راها حاملة ..واش باغا طيحيه ليها بالخلعة..
انا: (كتدي فيا وتجيب) وخليني دوختيني راه غنتقيا عليك.
مينة: اويلي على الصكعة مابقات تحشم ما بقات ترمش... (طلقت مني)... يالله جلسي الارض و عاودي ليا من اللول ..
جلست نعاود ونقص من المعاودة ههه عاوت ليها غاداكشي للي يعجبها. فاللخر بدات تضحك و قالت لي..
مينة: هههه ولاباس بعدا للي مغرقتيهاش مع شي شمكار ...جاب الله عينيك كيشوفو الفوق و جبتي لينا هاد الغزال كيحمر الوجه(وجهك صحيح اماما)
سعاد: واتي الدري راه كيبغيها و يتسطى عليها راه كتبان ليه غا هيا وكن شتيه كيفاش غمق على ديك الشطونة د مو فاليخت مللي مابغاتش تزوجها ليه ...
مينة: البابور زعما!!!! عندو بابور ؟! (وهيا دور عندي بغات تشير عليا بصندالة) ..كوراه تما كنتي تهزي رجليك يا بنت الحراااام (وراه داكشي للي كاين) ....
نضت خليتها لاسقة سعاد تعاود ليها ليديطاي و مشيت كنجمع حوايجي و خرجت باليزتي ...
سعاد: شوفي ردي البال مع الشطونة تاعت مو راه باااينة فيها سليعفانة (قاطعاتها ماما) و غابلااماتوصيها ر اه انا نخاف علا مو منها ...بنتي و انا عارفك (كدور فراسها) ..
انا : وصافي صافي ...الطيارة ... اااو!!
خرجت و ركبت مع جاد و داني للفيلا ...كنت لابسة شويرييط قصيير ديال دجيين مع تيشوورت لاصق حمر و سنيديلة بيلا و طاالقا شعري سامبل و دايرا نضيضرا و غادا كنتكسول (الصورة) ..
دخلنا و كنشوف فين غادي نعيش!!!!! فيلا قد السخط و لابيسين تقولي بحر و الطونوبيلات مستفين غير الحديد النايض و الجرادي دايرين بالفيلا ، بقيت غير حاللة فمي . شد ليا جاد فيدي و جار الباليزا و دخلني للفيلا ... خاوية مابان ليا فيها تا حد كيدور ...وهيا تجي الخدامة باللبسة رسمية..
الخادمة: على سلامتك مسيو جاد..
جاد : كلمي ليا كلشي يهبط عندي لهنا توتسويت...
انا كنسمع كلشي !!!! شكون كلشي؟!!!
تمو نازلين شي مور شي...و ماماه تا هيا باينة فيها شبعانا بكى ...
جاد: (مع الجميع) هادي ملاك مراتي ...ملاك كنقدم ليك خالي عصام.. و هادي (كيسلمو عليا و العياقة قجاهم و اللبروطوكول ) وهادي ختي الوحيدة ضحى (محملاتنيش) و الواليدة راكي عارفة ..
انا: متشرفين...(ناري على شوفات كيديرو فيا).
جاد : اجي معايا ....
طلعني لفوق او واحد من الخدم طلع ليا لباليزة..
جاد: هادا هوا بيتي اللي كنت كنعس فيه من قبل بلا بيك ههه وسمحت فيه و ليت كنبات فاليخت باش نبقى نشم ريحتك تما..
انا فرحانة ماقاداني فرحة .جا الليل و كلشي مجمع لتحت على السفرة كيتسناونا نزلو. جاد نازل معايا فالدروج و كيعنق ر يبوس ههه و يهرني من هنا و يدور ليا من هنا حتى نزلنا لقينا كلشي داير كيشوفينا ..وهوا ممسوقش ليهم و لا محاشيها ليهم ، جر ليا الكرسي و جلسني حداه و بدينا نتعشاو وهوا مبرزطني غميزة من هنا كليمة حلوة من هنا و الخرين العافية شاعلا فيهم وهي تنقز مو كتحاول تحرجني باي طريقة...
كاميليا: كايبان ليا اول مرة غتكلي بفرشيطة و الموس؟ هن
ضحى: هممم (ضحكة صفرة) جاد من قبل كانت عندو رفيقة كتحمق(فاتي) فراسك و كانو ...(قطعها فيها جاد) ضحىااااااا(خنزر فيها)
قمعهم و كملنا عشانا و وطلعنا لبيتنا بدلت حوايجي لبست سوميج دو نوي فالابيض بالبينوار قصيرة و شعري مطلوق و قصيصة و بوندو فيه فراشة و نجلس فالمرايا كنتقاد خرج جاد من الدوش لابس شورط بيجامة و هوا يشدني ...
جاد: متوحشتينيش(بوسة)!!!
انا: هههتوحشتك بزاااف طبعا..
جاد: اجي نشوف واش توحشتيني بصح(طيحني فوق ناموسية و بدا يبوسني فعنقي و يفسخ ليا البينوار و انا كتهرب عارفاه يلا شد فيا غيسمعو غواتي من الجردة حيت شحال هادي ماقاصني .
بقا لاسقني ..متفكيت منو غير 66 كشيفة ههه خليتو كيتحلف عليا و حسيت بجوع و هبطت لتحت للكوزينة نشوف ماناكل (الوحم)
دخلت للكوزينة بسوميج دو نوي لقيت الخدامات مشغولين ، ماحاشيتها لحتا وحدة وحليت التلاجة وهما كيشوفو فيا بنص عين(هادي هي مرت مسيو جاد.. وهانتي ياختي ! بااااينة فيها مساهلاش... وييه شوفي كي كتعوج علينا... اختي بسيف متعوج جات معاها ... الفورمة و الشعر والزين و العوينات هه بسيف ميعواج عليها مسيو جاد)
انا: بغيت عصير د الليمون طبيعي ..
جلست فالطبلة كنشرب فالليمون و هما حاضييني ...مشهية البطبوط!
بغيت البطبوط !!
بقيت جالسة نتشهى عليهم تما و هي دخل ضحى(ختو المسميمة)
ضحى: (مع الخدم) يالله ساليو شغالاتم و كل واحد يدخل لبيتو ل11h ديال الليل هادي.(كتشوف فيا بنص عين.
انا: (مع الخدم) تشهيييييت ال بطبوووووط ويكون معمر ..(جالسة رجل فوق رجل ) و محاسباهاش كاع واش كاينة..
انا: مشهيا البطبوط معمر! و كايبان ليا غنمشي عند ماما ناكلو حسن(دزت فيه و خرجت غضبانة)
جاد: (تسيف على ضحى قدام الخدامات) ضحى غتفوتي عليك مالاك و الا راه مغيعجبك حال ... وهاد الدار راه داري انا.. و انا اللي كنحكم هنا ...سمعو داكشي للي طلبات ملاك يحضر دابا و يطلع لفوق ومرة جايا تجي طلب منكم شي حاجة و مديروهاش ليها غنتفاهم معاكم (خرج طالع ليه الدم )
الخدامات بقاو مسمرين تصدمو ف جاد ... ناري ..مالو ولا هاكا...و يلي هادي غشات ليه عينيه بمرة ... سربي سربي وجدي العجينة ...ونتي صايبي العمارة .(ضحى مشات عند مها كتشكي ليها.. وانا فالبيت كنتسنى جاد يطلع عندي ..حدي سمعت الباب تحل طلقتها للبكى و التبوحيط ) جاعندي وعنقني و كيمسح ليا عويناتي..
انا كنتبوحط و نتفشش و هوا كيسكت فيا و يدلعني و انا غير مازايدا فيه بقا كيدير كيدير ليا خاطري حتى جابو ليا البطبوط و حطوه ليا فالبيت كليتو عاد بردت و نعسنا ..الليل كامل و جاد ماداهش النعاس بغى ي...و الطبيب قالنا نووووو حتى يتبت الجنين .
فالصباح كنحل عيني كيبان ليا جاد كيلبس حوايجو يمشي للشركة ...بدل و سالا و جا عندي باسني من فمي و قالي...
جاد: حبيبة ..انا عندي اجتماع ...ونتي ردي البال راسك و الى بغيتي نسيفط الشيفور يجيب ليك ماماك و خالتك لهنا باش متقنطيش بوحدك ..اوك
مشا هوا و نضت انا دوشت و لبست صاية حد الركبة و مفتقة مزيااااان تال الفخض مع ميني بووط مزير فالدوغي ومعري من ليدين و سدر تايبان فيه مبندر مع سنيديلة طلقت شعري و هبطت ..انا هابطة و انا لقى ماما و سعاد داخلين حاللين فامهم ههه هبطت جلست معاهم وماما كانت مصايبة شعرها طالقها زعر و لابسة جلابة ايفازي كحلة و خالتي تاهيا و مقادين نيييت بقينا مجمعين وهيا تهبط سليعفانة (كاميليا) لابسة توني
كاميليا: تبارك الله عليكم ..السيبة هادي ! شكون عطاكم الحق دخلو لهنا؟؟؟
شدوني سكتوني و انا بغيت نطير عليهم ،،،بداو يسبو ويعايرو كيبغاو ..شوية و هيا تسيف سعاد .. نزلات عليهم سبان و معيور من راسهم حتى لرجليهم هيا وماما !!!! مابقيت فاهمة والو!!! عاد كانو كيهضرو ب ادب!!!!!
انا: الا ماغانمشيشش...اي (جراتني) ..قلت ليك زيدي..
هزيت سوارتي ديال الرونج و ركبنا و خرجنا من الفيلا درت نضاضري دالشمس غادين تجاه الدار...
سعاد: وقفي هنا بلاتي...
وقفت ..مال هاد الجوج ؟!!! مابقيت فاهمة فيهم والو!!!!
سعاد: (كتغوت) مرة جايا نقوليك زمي فمك زميييه ... انا يا البهلة راني كنت كنسجل فيهم و هما نازلين علينا سبان ..و دابا غطفي داك تلتيليفون و ترجي معانا للدار(البراكة) ...هادوك راه بغاو القوالب ...ها حنا غنديروهم معاهم ..
مينة: عبرتي على جد بوهوم الكلب ...يالاه طفي تيليفون و زيدي قدامي لدار ...
بقيت غير كنشوف فهاد الجنيات و مصدومة. مشينا لدار حطيت الطونوبيل وسط الحومة و نزلنا ...كاع الجيران خرجو هههه و الرادارات شادينا و ماما خنافرها فالسما و انا مراها بدييك تقزييبة .. وقفاتنا واحد الجارة البركاكة د الحومة.
الجارة: لاللة مينا!!! ياكما ولدك رجع من الطاليان؟ ...هاهاي على مالااااك هادشي جدييد اخيتي ... و الطونوبييييل ..ويلي با!
زدنا و خليناها كتشووف و كلشي حال فمو ...غير لمحسادات و المعيارات اللي فهاد الحي تفووو ماخلاو ماقالو فيا من نهار تزدت و هما كياكلو ليا فلحمي و يهضرو فيا. جلسنا نهار كامل و خالتي و ماما كيقريوني..
نصفي الثاني الجزء الرابع
محتوى القصة
يتبع
التنقل بين الأجزاء