نصفي الثاني الجزء السابع

من تأليف Ghazal trust
2018

محتوى القصة

رواية نصفي الثاني

دوشت و لبست كسيوم زرقاء مزيرة و قصيرة بسميطات و صبيبيط بلا زرق و طلقت شعري فازك و هبطت لتحت ...انا نازلة و فاتي داخلة للفيلا ؟ ماعرفت فين كانت مجلية ابارح و حتى جاد مسولش فيها دارت فيا شوفة يال لحقد و تمات طالعة ف الدروج ...و انا كنبتاسم بيني و بين راسي كنتسناه تغوت ولا تلوح راسها من الفوق مللي تشوف جاد فبيتي هههه و داكشي اللي كاين فاق جاد مالقانيش حداه شاف ف تيليفونو شحال فسااعة و دوش لداخل فبيتي و لبس شورط كحل حيت حوايجو مهزهومش من البيت دالي مللي كنا مزوجين ...تم خارج من بيتي كيمسح شعرو بفوطة و هوا يلقا فاتي قدامو مصدومة!!! شافها و طلع ليه الدم ...وبدا كيسوط و الفوطة على كتفو فاتي عينيها بداو كيطوشو بالعافية ومقدراتش تهضر معاه بقات غير كترعد و هيا تهلط عندي لقاتني جالسة شادة كارو كنتكيف و رجل على رجل و قهيوة فيدي ...وقفات عليا.
هزيت راسي و ضحكت ليها ضحكة بجنب و هيا كترعدد ..
فاتي : غدي ننندمك املاك و عقلي فين قلتها ليك ...(انا كنشووف فيها و كنضحك )
للي فجهدك ديريه كيما فرقتونا و شتتو لينا شملنا ماغادي نتهنى حتى نتاقم منكم و نرجع راجلي اللي كدبتو عليه ...
كيما حلفات فاتي و فات ...
جاد من نهار بات معايا و هوا غيهبل و يرجعني و غير تابعني و كل ليلة كيجي عندي ههه 
فالشركة سليم و جاد...
جاد بالكوستيم فالبيرو كيسطر شي تخربيق و سليم عند راسو كيقادو لبلان ديال شي خدمة و شي وراق 
سليم: ماقلتبش ليا لمن خدام فهاد المشروع؟ 
جاد: ضرك راسك هه؟ باغي تعرف لمن؟
سليم : اه لمن ...هاد التصميم كيبان ليا فيه هنا سونطر د بيوتي ...سال د الرياضة ..لابيسين ...شنو باغي دير؟!
جاد: هادا مشروع غنديرو لملاك تلهى فيه .عيد ميلادها قريب ..
سليم: اييييه اخاي شكون بحالها ههه ايوا و فاتي ؟
جاد: سليييم متبقاش تقول ليا فاتي واش باغييني نبقا معاها بزز ...انا راه كنبغي ملاااااك ...نتا راك ماعرفش شنو ملاك بالنسبة ليا.
سليم: عارف عارف ...غير بلا متعصب.
فالفيلا ..
جات عندي مينة (ماما) و خالتي سعاد...وجالسين كنتغداو فالجردة...
مينة: (كتشوووف فيا بنص عين) ملاااك !!شتك ضعافيتي ووجهك صفر ياك لاباس؟
سعاد: بصح وليتي غادا وكترجعي باللور وشعرك خفاف واش مالاحضتيهاش فراسك؟ 
انا: لاا كيجيني راسي عادي ...
سعاد : لالالا تبدلتي بزاااف ..راه حيت كتشوفي راسك كل ساعة فالمراية داكشي علاش مابانش ليك الفرق ..
مينة: علاش مبغيتيش ترجعي مع جاد راه ديما كيعيط ليا يشكي..
انا: ماحدو مع ديك السفريطة عمرني نرجع منقباش نكون المرا التانية بعد ما كنت انا اللولة..
بقاو كيهضرو معايا دخلو ليا الشك حتى لواحد النهار فقت الصباح ونزلت لقيت جاد كيتسناني كالعادة باش يبقى يتبسل عليا و يدور بيا
جاد واقف حدا الدروج و انا نازلة لابسة كسيوة قصيرة غوز و شعري مطلوق و قصيصة و هوا تيشورط كحلة و دجين و سبرديلة كحلة.. قربت عندو شد ليا فخصري و اسقني معاه .
جاد: ملاك !!!!واش مريضة؟
انا: لا علاش(كيلعب ليا فشعري)
جاد: ضعافيتي املاك و شعرك خفاف بزاااف !!!واش كضرك شي حاجة ؟!
انا: مامالي والو ا جاد علاش كلكم كتقولو ليا هاكا ؟!! فين فاتي شتها مكينش حسها؟
جاد: ماعرفت فين هيا و لات كتمشي عند مها بزاااف و مع الحمل جالسة و كتقيا حسن تمشي عند مها
انا معجبنيش لحال ملي سمعتو كيهضر على الحمل و وجهي تغير و تغبن..
جاد: مالكي ؟ مال وجهك تبدل ؟ سولتيني قلت ليك شنو كاين ...انا براسي ما باغيش هاد الحمل .
عنقني و بدا كيلعب ليا فشعري..
جاد: يالاه معايا نديك تبدل الجو شوية .(شد ايا فيدي و ركبت معاه و داني لواحد الكافي على جنب البحر ...جلسنا و مابقاتش فيا الهضرة و الضحك بحال اللول و ليت غير ساكتة و عيني تقاال و كحالو من تحت..جاد كيشوف فيا وجهو مغير)
جاد: (شد ليا فيدي) واش سافا؟!! عندك شي مشكيل ؟! قولي ليا مالكي و ليتي هاكا كل نهار كتزيدي ضعافي وحالتك مابقاتش عاجباني ..
انا ساكتة ما فيا مايدوي جلسنا و الوقت كامل و جاد ساكت و كيشوف بغا يعرف مالي.
بقيت على هاد الحال و فعلا نهار على خوه كنزيد نرجع باللور حتى لواحد الليلة كانت فاتي فالفيلا و جالس معاها جاد طالعة ليها السخانة من الوحم ..شويا عيط لمها باش تجي تقابل بنتها و جات جالسة معاها وشادين فيا النميمة.. داك النهار ما بنتش فيه الجاد و ماشافنيش حيت النهار كامل هوا فالشركة..انا ناعسة فالبيت وسادا عليا لابسة بيجامة شورط و تيشورط غوز و دايرين بيا المخاد و غارقة فسبع نومة ..دخل عندي جاد و جلس حدايا بدا كيشوف فيا و كيحيد ليا القصيصة علو وجهي و ليت صفرة بزااااف و لحمي ولا كيبان فيه طبايع بحال البهك بانو لجاد فيدي و كتافي تخلع !!!! هز ليا تيشورط على كرشي لقاهم فيا كلي مطبعة انا حاسة بيه كيقلب فيا وانا فشلااانة خليتو كيقلب عرى ايا على رجليا و عينيه خارجين مافاهم والو ومغلوع فهادشي الي خرج فيا... بدا كيحركني و يفيقني..
جاد: ملااااك ...ملااااك فيقي حلي عينيك !!!ملااااك مالكي شواقع ليك؟؟؟؟ جاوبيني!!!!
حليت عيني و جلسني خايف عليا
انا: شنووو اجاااد مااالك؟ (فشلااااانة)... بلاتي نوض لطواليط
حيدت الغطا و نضت تميت غادا لطواليط وجاد كيشوف فيا مخلوع ...انا يلاه مشيت جوج خطوات و انا نطيح فالارض ..جاد: ملااااااك (هزني فاقدة الوعي)
هبطني كيجري بيا فالدروج و مت فاتي حاضياه و كتغدد ...حيت ماعندها مادير الى هضرات غيجري عليها هيا وبنتها و هوا اصلا على سبة.
داني الكلينيك قلبوني كلي و دارو ليا التحاليل و خرج الطبيب عند جاد و داه للمكتب
جاد بالخلعة كان لابس شورط زرق رطب و تيشورط بيضاء و كلاكيطا د صبع وهزني جرى بيا
الطبيب؛: راحنا درنا ليها التحاليل و الراديو و كلشي و تاضح انها ماعندها تاحاجة هادا غيكون غير الارهاق و صافي ه..اشنو .. عطيني الاسم و النسب ديالها باش نعطيك واحد التحليلة تديها ضاروري لابوراطوار يحللها ...
جاد عطاها سميتي و النسب ديتلو هوا خدا الورقة وخرج داني لدار شرى ليا الدواء و فيتامينات وجلس مقابلني الليل كامل تا صبح الحال..
فاق الصباح بكري... طالعة ايه القردة و معصب من الحالة الاي انا فيها ..ابس قميجة زرق فاتح مزيرة و دجين مغلوق زرق و مكاسان زرق فاتح (انيق) مشط شعروالرطب و قوي اللور و هز الورقة دارها فجيبو وخرج زربان)لقا نسيبتو مامات ااتي فالباب ..
جاد: بونجور(زربان ) 
نزل للطونوبيل وقال لشيفور ...
جاد : غتمشي دابا تجيب مامات ملتك توتسويت...
ركب فالطونوبيل ومشا كيطييييير لاحسن لبوراطوار ودخل عطاهم الورقة و عيط على ماما..
جاد: الووو ..وي خالتي..انا سيفطت ليك الشيفور يجي يديك للفيلا ملاك مريضة معرفتش مالها و خليتها بوحدها مع فاتي و مها

بقا غادي جاي ف الاستقبال 
جاد: ياربي متكونش مريضة ...ياربي تحفضها ياربي ..ياربي ميكون عندها والو..
شوية خرجات عندو طبيبة من جلسو ف البيرو...جاد جالس و كيتنهد و يسوط...
الطبيبة : مسيو جاد التحاليل خرجات سليمة ومافيها حتى حاجة الحمد الله..
جاد :افففففففف الحمد الله.
الطبيبة: مسيو جاد!! سمح ايا نسواك...
جاد: وي bien sur !!
الطبيبة: واش ملاك ****(النسب) المدام ديالك؟ 
جاد: وي (مابغاش يقوليها بللي ماشي مرتو)
الطبيبة: سمح ليا ولاكن سبق وجات عندنا واحد السيدة هيا الزوجة ديالك (كتهضر و كتقرى فالحاسوب) سميتها فاتي*****(عطاتهم النسب د جاد) 
جاد: !!!!!!(معجب) احم وي المدام حتى هيا...(الطبيبة كتقول لينها وبين راسها ...كيفاش مزوج جوجو وهوا عندو 27 سنة) 
جاد:ممكن نعرف علاش جات؟
الطبيبة: ااا.!!(علاش ماعارفش بيلي الزوجة ديالك دارت زراعة الجنين؟!!!
جاد:(مصدوم) شنوو دارت!!!!!!!
الطبيبة: المدام جات عندنا و عطاتنا شي وراق بلي نتا مكتولدش و دارت زراعة الجنين و نجحات لها !!!
جادصغر وسط المكتب و بدا يحيح..
كيفاااااش و بلا خباااري ؟!!!! دابا داك bb اللي حاملة بيه ديالي و لا ماشي ديالي؟!!!'(عينيه خرجو) 
الطبيبة: تهدن امسيو !!!(تخلعات) بلييييز باش نقدر نشرح ايك!!!!!
جاد: (تحت السنان و صبعو فوجها) غتشرحي لياااا كلشي بالتفصيل الممل...يلاااه بدااي.
الطبيبة: ووواخا ...راه جات و عطاتنا شي وراق كتبت انك مكتولدش و فيها التوقيع ديالك انك قابل على خاد العملية ديال زراعة الجنين و حما قبلنا نديروها ايها و فعلا هزينا عينة من واحد المني ديال شخص اخر وحقنا بيه الرحم ديال الزوجة ديالك و نجحات لها العملية و دابا راها حاملة و الجنين شاد بلاصتو مزياان؟!!!
جاد سمعها خرجو ليه العرق تا تفكعو شي صدايف فالقميجة تهز من بلاصتو ..
جاد: غندمكم على هادشي و مغنرحم تا واحد ونتي (مع الطبيبة) 
خرج مشا للفيلا و بتيليفون واحد جاو لبوليس جمعو كلشي للي خدام فلابو وبداو فالتحقيق رجع جاد هااايج للفيلا طلع عند فاتي ...
جاد: (داتو كتزدح) كداااااابة متسوااااايش 
مامات فاتي: حشووومة اولدي هادشي للي كتقول حنا صابرين عليك و كنشوفوك كديرلي بغيتي مع لخرى وماشي حتى مرتك و ماقلنا والو وبنتي مسكينة واحلة فراسها وكتسمع ليها هادشي (فاتي كتبكي) 
جاد: هه مزياااان الاللة زيدي زيدي كدبي عليا وسط وجهي ..
سمعنا حنا الغوات و خرجات ماما و خالتي كيجريو يشوفو شواقع ...لقاو جاد مقرباها فالبيت ...
جاد: نتي وبنتك غتشوفو الويل ...على هاد الكدبة ...خططتي وطبقتي الاللة فاتي و حملتي درتي اللي بغيتي مزيااان و كتكدبي عليا كل نهار ..ولدنا ولدنا ولدنا.... 
فاتي ومها مكرهوش تشق ليهم الارض ملي عرفو جاد عرف الحقيقة..
مامات فاتي : يالاه ابنتي مابقا لينا مانديرو هنا (كتنفخ و كترد للومة لجاد باش تحيد التهمة عليهم و جاد يحن قلبو) هاديك اللفعة لعبات ليه بعقلو تا ولا ينكر ولدو...(كتجمع فحوايج بنتها بالزعفة و فاتي نايضة غضبانة زعما جمعو و بغاو يخرجو
جاد: فين غاديين ههه باااااقي ماسالينا حبسهوم هوا يتم سليم و معاه البوليس او وكيل لملك براسو حيت صاحب جاد .
فاتي شافت البوليس بدات تبكي و ترغب ...سمح لياااا جاد عافاااك سمح ليااا 
جاد شاف لها فوجها و كيلهت... 
جاد: (تحت السنان و عينيه خارجين فيها) دييييو علياااا هاد المسخة من هنا...

هبطوهوم كيطلبو و سزاوكو ..
وكيل الملك: جاد صافي تهدن اصاحبي حنا غنديرو التحقيق و نتاءكدو من هادشي اللي واقع و كل واحد غياخد الجزاء ديالو و القانون فوق كلشي..
جاد: شوووفيااا ..واش انا بعقلي؟؟ كيكنبان ليك ؟ باقي شاد شوية ولا والو؟؟ 
سليم: جاااد جاااد نعل الشيطاان ...كالم توا !!!ملاك محتاجة ليك اصاحبي ، ولا نسيتيها؟سير راها كتسناك يلاه اصاحبي (طبطب ليه على كتافو)دخل جاد عندي و خالتي غمزات ماما وخرجو خلاونا بوحدنا ...بقا واقف و كيشوف فيا و كنشوف فيه مقادرة نقول تا كلمة جلس حدايا ...وشد ليا فيدي..
جاد: ملاك كلشي كدوب فكدوب ...الحاجة الوحيدة اللي حقيقية هي نتي ، قولي ليا مالكي شنو واقع ليك انا: الصمت
جاد: هضري جاوبيني امالاك بليييز..عندك موشكيل مع شي حد؟ خلاك توصلي لهاد الحالة؟؟حاسة بشي حاجة كضرك ؟ انا راه مفهمتش غطسطيني ...التحاليل كاااملين خرجو مافيهم والو (شاد ليا فيدي) شوفي يديك كي ولاو ..كنخاف شي نهار نفيق لقاك يابسة فبلاستك... افففففففف(صعر وناض) قولي املاااك قولي شي حاجة قولي ليا انا كنمووت باش نموووت اناا قبل مانشوووفك ميتة ..هضري املااااك 
عيا جاد يغوت و يشتف او والو و انا غير غادا و كندبل .واحد الصباح ...
بات جاد حدايا مقبلين طول الليل كالعادة حتى صبح الحال و هيا دخل عندو ماما لقاتو بحوايجو د الليلة الماضية و ماعس فوق الفوطوي .فيقاتو و ...
مينة: جاااد نوض اولدي جاد..(كيحل عينيه ) نوض سير رتاح فالبيت لاخور راك عيان ..
ناض عينيه مسدودين بزز باش كيشوف بيهم قرب مني و طل عليا لقاني ناعسة و زدت ضعافيت كثر شافيا و على وجهو تعابير الحزن و خرج.تبعاتو ماما للبيت.
مينة: جاد اولدي نتا و ملاك مكتجمعكم تا حاجة دابا عيب تبقا تبات حداها فالبيت..
جاد دار عندها !!!! الى كانت ديك الورقة اللي غتجمعني بيها و نتيماو مجموعين لمجرد ورقة غير بلاش منها حيت اللي جامعني بلاك شي حاجة كتر من ورقة وملاك بالنسبة ايا هيا الروح باش كنتفس ...مي ماشي مشكيل باش حتى نتوما تهناو انا ليوم غنرض ملاك القاضي اللي طلقنا غيردن ليوم قبل غدا (هوا مزال مكنلش هضرتو جاه تيليفون)
خرجات ماما وخلاتو نا سالا الهضرة و رجع عندي للبيت بشوفني ،لقاني فايقة وقرب ليا.
جاد: حبيبة ديال(كيداعب ليا شعري) عندي ليك واحد الخبار تقدر ترسم ليك شي ضحيكة على وجهك...فاتي تشدات فالحبس هيا واللي عاونوها على داكشي اللي دارت بعد هاد المدة ديال التحقيق لقاو البيبي ماشي ديالي وداكشي اللي دارت ماشي قانوني و غتحاسب عليه و وانا دابا غنمشي باش نطلقها ونرجعك ليا ...(كنسمع و كنشوف بلا حركة)باسني من راسي و مشا .
جات عندي ماما و خالتي..
سعاد: هادا راه التوكال امينة اللي راه كاياكل فالبنت راه ايلا مجريناش بيها غتبقى هاكا حتى يدي مول الامانة امانتو

مينة: راني عاااارفة و عيييت منقلب على شي واحد اللي كيعرف لهادشي امالقيتش راه الى مشات ليا البنت غنتسطى ...
سعاد : راه خاصنا ضاروري ناقاو شي فقيه و لا شي حد ...
انا كنسمع و ساكتة اساني مات ...عياو يقلبو و يسولو وكيلقاو غير اللي كيتفلى عليهم و باخدو ايهم الفلوس و جاد طلق فاتي و رجع تزوج بيا و الوقت الاي ماما و سعاد كيقلبو انا غادة و كنموت صافي وصل وقتي و حالة ديال الموت بدات بدات تبان عليا ولاو فيا غير العضام وجاد مكينعس مكيشوفو حاضيني و كيتوجع و قلبو كيتشقق ..عيت بدوايات و ليباري و الاطباء حتى حاجة مقدات فيا ..عرفت بالي فاتي نتاقمات مني و هيا اللي وكلاتني هادشي كانت كتحط ليا فالطبلة د الفطور و فاي حاجة تحطات ليا فوق الطبلة..واحد النهار بغا جاد يدوش ليا بيدو حيت ماما وخالتي هما اللي كيدوشو ليا
كيحيد ليا حوايجي و كيبكي مابقا فيا والو وليت بحال الريشة هازني فيديه مدخلني للدوش 
جاد: سخيتي بيا املاد ياااك صافي بغيتي تمشي وتخليني (حطني فالجاكوزي كبير فيه الماءودخل معيا فيه جلس مور ضهري و دارني لين رجليه وليت كي شي كمشة ) 
دوش ليا ولبسني وهزني حطني فبلاصتي شوية دخلات سعاد و معاها وتحد المرة كبيرة ...
سعاد: جاد هاد المرة جبتها باش تحيد التوكال لملاك!
جاد: شنوو !شناهوااا؟ (مفهمش)
سعاد : مغتفهمش هادشي غير شوف من بعد غتفهم .
جات لمرى عند جبدات واحد الخيط و بدات كتعبر بيه عليا وجاد جالس مركز معاها ومعجب 
المرى: هاد البنت راه واكلا التوكال و دايرين ليها السحور (جاد كيسمع فهم السحور و التوكال مفهموش) 
جاد: واش متاءكدة الاللة بللي سحر هادا !! وشناهوا لاخر اللي قلتي. نقزات سعاد: اه هادا سحور و توكال التوكال بحال التسمم ملاك واكلة شي حاجة خايبة عندها فكرشها هيا اللي مخلياها هاكا ويلا مخرجناش هادشي غتبقى هاكا تا تمووت.
جاد: ولاكن انا ديتها عشرين الف مرة للطبيب و معندها والو.؟!!! 
سعاد: هادشي مكيبانش للاطباء هادشي راه سحو واكلاه فكرشها.
جاد: اممم ماعلينا (واقف مربع يديه) يلاه هاحنا غنشوفو هادشي اشنوهوا؟!! 
بدات المرة كتشريني شي حاجة جايباها معاها .. وسعاد حطات قدامي واحد البانيو بيض رجلسوني فالارض وجاد حدايا مربع كيتسنى شنو يوقع ..
شربت داكشي بزز و بقيت جالسة مربعة شادين فيا بقيت جالسة واحد تلاتة دقايق ..شوية بديت كنشهق وكرشي كتهز ..
جاد: ملاااك ملااااااك كيشد فيا (خرجو عينيه)لا صافي بعدو منها(سحابليه كنموت)
سعاد: غير خليها كحز ليه راه غتقيا ...
بقيت كنشهق شويا وانا نتقيا فداك البانيو داشي كيخرج من فمي بحل السيو و ديك المر كتحيدو ليا بيديها من فمي
جاد: اشنو هاااادشي!!!!!؟؟؟؟(تخلع) ماشي تقية عادية هادي ...
بدات ديك لمرى كتشرب فيا و انا كنرد و نعاود نفس الشيء فكل مرة داكشي كيخرج من فمي طويل بحال السيورو المرى كتجرى من فمي ...وجاد مصدوووم بقيت هاكاك كنرد تا قالت ليهم المرى باراكة عليها هاد النهار غدا نعاودو 
وغنيقاو هاكا حتى تخرج كاع داكشي للي واكلة ..غسلو ليا وجهي و فمي و مسحو ليا و هزني جاد حطني وجلس حدايا هوا و سعاد...

فعلا بدات ديك المرا كتجي كل نهار عندي كتعالجني حتى تقييت كاع داك العجب اللي كنت واكلة.وجاد جاتو خدمة برى لبلاد لمدة ستتة اشهر على شي مشروع جديد دارو تما ومشا و خلاني كنتعالج وماما و خالتي مقبليني بعد ما شافني غادا و كنتحسن . مدة طويلة عاد باش وليت كنترقع تدريجيا و شعري بدا يرجع و صحتي ستقرات ورجعت حسن من الاول و تيليفون د جاد صباح و عشية مكيقطعش معايا ..
صباح جديد وليت ملاك من جديد لاطاي حوتة و الشعر قوي مسبسب لبست حوايج سبور و تقاديت و نزلت مشيت درت شويا د الرياضة و دزت ل spa درت مساج و حمام بلدي و سوان شعري او وجهي قادو ليا رجيلاتي و يديدات وشعري بديت نتهلا فراسي كتر وكتر و انا كنتسنى جاد يرجع على احر من الجمر باقي ليه شهر (افففففف بزاااف ) ملامح ديالو مكتخطاش ذاكرتي و تيليفون معاه مكيقطعش ...مهم ساليت شغلي و صبغت دفاري و خرجت شريت بزااااف ديال الحوايج من جديد ، بغبت نبدا حياتي من جديد ... النهار كامل و قلبي كيضرب بجهد ماعرفتش مالي و كنحس احساس غريب هاد النهار حاسة بحال ايلا شي حاجة غتوقع..

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.