راجعة فالطريق للفيلا دخلت الطوموبيل و نزلت كنت مبدلة حوايجي من تم لابسة ميني بوط لاصق بيض و معري من ليدين مع شورط دونتيل فالبيض السالف مطلوق و سنيديلة دصماطي طالعا ..عيط على واحد من الخدم يطلع داكشي بينما نسطاسيوني مزيان ,, دخلت للفيلا ماما و خالتي كانو خارجين الفيلا خاوية غير الخدم كيدورو فيها ..تميت طالعة كنغني و دخلت لبيتي و قلبي كيزدح شادة فيه بحال ايلا فيا الخلعة و انا نسمع الباب د البيت ورايا تسد ...
دورت وجهي بشوية !!!!!!جاااااااد!!! ...واقف مربع يديه وكيضحك ..بقيت واقفة تخلطو عليا الاحاسيس و انا نطيييير عندو عنقتو و بديت كنبكي و هوا زير عليا
جاد: ههه اششششش هانا معاك ههه انا: هىءهىءهىء...
جاد : وهوا كيشوف ليا فعيني و كيمسح ليا دموعي ..توحشت بزاااااف كتر مكتيخيلي ...بغيت نديرها ليك مفاجاءة ..صدقت انا اللي تفاجاءت ..زيانيتي بزاف(انا كنشوف غيه و ساكتة ممتيقاش)متوقعتش نرجع شوفك هاكا حسن ب الف درجة من اللول
انا: امممم علاش فاللول كنت خايبة؟
جاد : كنتي خايبة و زدتي خيابيتي دابا هههه ..(دور يديه على خصري) و خشاني فيه ..
جاد: منين غنبداك دابا ههه قولي ليا
انا: ههه بعد مني ..ماعيتيش من السفر ؟
جاد: ههه لا احبيبة انا فاش كنشوفك كيرجعو فيا عشرين
قرب مني و طبع قبلة على فمي و كيداعبني بيديه و يد كيحل بيها السمطة د السروال ..ماحسيت براسي تا لقيت راسي مشروكة انا وياه دوزنا ديك العشيا كااااملة لاعبين ماتش ..بيت تابع بيت حتى مابقيتش عاقلة شحال ديال البيوت ضربنا ...سالينا و نضت ندوش وتبعني للدوش كملنا الاشواط الاضافية تما ...خرجت حمرة السر نازل عليا قلت نخرج من هاد البيت قبل مايجمعوني بياس ديطاشي هههه لبست سوميج دو نوي و سلت و خليتو فالدوش هبطت للكوزينة كنموت بالجوع الباتري فيبل ههه دخلت للكوزينة عند الخدامات يوجدو ليا ما ناكل سولت على ماما و سعاد غبرو مابانش ليهم الاتار تميت خارجة للجردة نتنفس و انا لقى جاد مورايا تابعني و شد ليا فيدي..
جاد: و ناااري هههه تي مالكي ماباغش تجي بخاطرك اجي لهنا(هزني و طلعني) دخلني للبيت و دفع الباب
انا: جاااد عافاااك راه رجليا مبقاوش باغيين يتجمعو ليا هههه
جاد: ههههههههه نجمعهم ليك احبيبة ما طلبتي غير الموجود
سلمت امري لله و حطني و كيداعبني بيديه ...
جاد : ماباغاش تشوفي ليكادو اللي جبت ليك؟هه
دورت وجهي لقيت عرااااام ديال لكراطن بالالوان شي صغير شي كبير واحد الدبدوب قدي فالطول بيض و بوكي دفلور كبيييييير حمر ،بيت النعاس عامر بليكادو و فوق الناموسية بزاف ديال بواطات فالحمر شي صغير و شي كبير شويا صونا تيلي لجاد...
جاد: الووووو..وي سليم سافا...الله يسلمك...اوك هانا هابط..(قطع) حبيبة خايك نتي مع ايكادو ديالك (طبع قبلة على فمي) وانا غنهبط نشوف سليم راه لتحت جالس..
هبط و بقيت انا كنقز من هادي لهاديك رونت الدنيا حليت كلشي فليتهم ...ماخلا ماجاب ...مجوهرات لاتحصى ..ليغوب وحدة تنسيك فلخرى صبابط صنادل سيكان ...الطوب ديال ليبارفان و السوايع ...و اكتر حاجة لحضتها و اللي جاب منها بزاااااف هيا ليدو بياس و ليشوميز دو نوي هههههههه كاع الالوان و الاشكال ههه مسخووط هادا..بعد ما شفت و ساليت ستفت كل حاجة فبلاصتها فواحد البيت داير بالرفوف كاااامل فالابيض وسط بيتي ...ونزلت كلست معاهم تعشينا كاملين انا و جاد و سليم ...
جاد: شبان ليكم نخرجو نسهرو هاد الليلة من زمااان ماخرجنا!!
سليم: عين العقل هههه جبتيها لاسقة ..انا غنعيط ل فدوى و ندورو عليها و نمشيو ...
انا فرحت كنموت على الزديح و الرديخ ... طلعنا نوجدو راسنا و سليم مشا حتى هوا يوجد راسو..
جاد: (مور ضهري و معنقني ..فودني)..كي جاوك ليكادو هه
انا: ههههه زوينين
جاد: مالاكي كضحكي ههه
انا: هههه جمعتي كاع ليسوميج دونوي و ليدوبياس و جبتيهم هههههه قوليا كيفاش تاشريتي داكشي ههه وجلستي تختار؟
جاد:ااااه هههههه عقلك ف ...واش نتي مالكي حمقة هه بيان سير مامشتش ليهم برجلي هههه جاوني تا لوتيل فين كنت جالس كلشي خديتو بار انترنت ابار ليزاكسيسوار ههههه
انا: اااه هههههههه باااسلة هههه
جاد: يالاه امو عوينات طلقي راسك لبسي دغيا قبل ما نرجع فكلامي راه الموطور بدا كيديماري هههه
لبست وتقاديا ضربت واحد لاغوب فالزرق قصيرة بزااف معرية شويا من ضهر و صباط كيلمع عالي و بوشيط فيدي مربعة صغيرة و طلقت شعري درت ليه واحد جمييعة خفيفة مكياج خفيف وهبطت عند جاد ..انا هابطة فالدروج و جاد حال فمو فيا..كان لابس دجين شيبي مع تيشورت كول V و لايح عليه واحد تريكو فالبيج و موكاصام فالبيض وشعرو رطب مقااد ..
انا:هااااي ..كوكو جااااد ...فين مشيتي ..
جاد: مشيت فيك يا ملاكي ههه عطيني شي بوسة!
انا: الا هه غتمسح ليا العكار ههه
جاد : غدي نلتانمك نتي و عكارك ههه كنشوفك كنسى سميتي يا الحمامة ديالي هه (بيزو فالعنق)
حدو باسني فعنقي حسيت بيه كيغرق و عينيه غاديين كيتسدو بغا يخلطني عاوتاني حتى فيقو تيليفون د ساليم..
جاد: فين انا!!! ههه
انا: ههه نتا فعار الله ..راه تيلي كيصوني !!
جاد(شاف تيلي)ففف داك القرد د سليم عاوتاني ههه...الو صاحبي ..مالك اخويا خارج ليا فعودي ههه ندمت تا قلت ليكم نخرجو ...صافي صافي ههه غير بلا متغوت ها حنا جايين البشار تفو
ههه خرجنا و لحقنا على سليم و مشينا للواط ديال الهاي فواحد لوتيل مشهووور منين دخلنا و هما كيرحبو بجاد دايرين ليه بحال الماء القليل ...جاد منين ما داز سلام...سالام...جلسنا فطبلة ريزيرف v i p والماعرف د جاد كيجيو يسلمو عليه كل ساعة بابقاش ليه الوقت ليا . وانا دايرة رجل على رجل وكنشطح بيها ...شوية وهوا يكحز عندي و دار رجل فوق رجل و يدو مور ضهري خشا و جهو فعنقي و قال..
جاد: (ابتسامة ساحرة) مال الوريدة ديالي مقلقة...
انا دافعة كبير و خنافري فالسما ..حتى وقفات علينا واحد الخامجة ...
الخامجة: جااااد (تحلون) توحشناااك و توحشنا الجلسة معاك(وقف عندها و سلمات عليه من لابيز وهوا عين فيها عين فيا عارف اشنو تابعو) اهلا سافا (انا تشعرت و شوكتي وقفات عاق بيا جاد)
جاد: احم احم ..المدام (كيقدمني ليها)
الخامجة: (بصوت منخفض) وييييلي و مالك زربتي علا راسك (تقحبين)
ماكرهتش نهز رجلي و نخشيها لها فوجها بنت الخامجة لخرى ..وجاد تا هوا عاطيها وقت بغا يفقصني بلعاني ويشعل نار الغيرة فيا
سليم جالس حدايا كيشوف فيا بنص عين..
سليم: (تحت السنان) ملاك بلييييز راني عارفك فاش كتفكري متخليش شيطان يلعب بيك...هالعار باقيين باغيين نشطو شوية وخلي هاط الطبلة فبلاصتها بلا متقلبيها علينا ...(عيني كيدورو و يدي كيكلوني)
الخامجة باقة شاداه بالهضرة واقفين عند راسي و مع الزديح شي كنسمعو شي مكنسمعوش تا تلاحت واحد الفركة تاهيا جات نيشان عنقاتو جاد و هوا مقدرش يحط يديه عليها وبنص عين فيا
اناجيت النوض وعفاريت الدنيا بتطنططف ف وشي و سليم شدني ..
سليم : جاك السهد املاك...سيسيسري مع فدوى لطواليط..
انا ساكتة و كنتحمل جراتني فدوى غادا بيا و جاد تابعني بعينيه ..
فدوى راه هادو هما الرجال بلعاني كيبغيو يديرو هاكا باش يخليونا نغيرو ...ونتي باش تقتليه جلسي وخلييييه يدير اللي بغا متعطيهش وقت باش يطرطق فاش...
انا: هاداك راه مغيطرطق ما تاوزة ..شتيييه بغا يفرقع ليا المرارة ماعطانيش قيمة قدااامهم (عيني غرغرو)
سليم تاهوا ماشي من العاكرين جاد غبر حيت تزوج وانا غبرت حيت كنت كنخطب (باتسامة صفرة تحت السنان) جاااد صدر علينا هاد المعوكفات قبل ميجيو لخرين يلقاوهم جالسين هنا و يقادو لينا الشوف ..
الخامجة: ديزولي مي بغيت جاد فشي موضوع خاص و صافي ..
انا: من الصباااح و انتي و هاد العمشة بلابلابلا ..(جاد كيجرني)
الفركة: منسمحش ليك تقولي عليا عمشة ...
انا: نوضي تهزي دابا من قدامي قبل مايهزوك من نهنا مزلعة نتي وياها .. قلبت الدنيا و هزيت صباعي بجوج حطيتهم للخامجة وسط عينها تا ناضو كيفكو ...خرجت دافعة كبير وجاد مورايا و سليم تابعنا هاز ترييكو خارجين كي نمل شي تابع شي طلعت فالطونوبيل وسديت عليا الباب ..
سليم: من الصباح اصاحبي وانا كنقوليك قرط اللعب وخلينا هانين ..شد فيست ديالك...
جاد: هههه عجباتني فيهم ..كتغير علياههه
سليم: شوف انا فين و نتا فين ..واش كان ضاروري تزطم ليها فعينها عاد ترتاح ...حيد اصاحبي خليني نمشي نعس و سير نتا فك حريرتك مع مراتك.بونوي
جاد طلع للوطو ااطريق كاملة كيبغي يهضر كنقمعو. تا وصلنا للفيلا طلعت كنطير و عيشة قنديشة طالعة ليا دخلت لبيتي و سديت الباب و خليتو مسمرههههه
نصفي الثاني الجزء الثامن و الأخير
محتوى القصة
النهااااااية كيجاتكم القصة
التنقل بين الأجزاء