قدري أن أحبك الجزء 51

من تأليف غزلان ش.
2018

محتوى القصة

رواية قدري أن أحبك قدر لا هروب منه

كلاو ... ناض ايرتان خلص و رجع عندهم .. 
ايرتان : ياله البنات .. 
ضحكات هيفين و شاف فيها ايرتان و قال : 
ايرتان : مال هفهوفة كاتضحك .. 
هيفين : هههه حيت قلتي لينا البنات .. ماما ولات كبيرة ... ماشي بحالي .. 
جهينة : سكتي و انت ماالك .. حتا انت بنت .. 
هزها ايرتان كايضحك و قال لجهينة : واش متأدة انت ماماها .. 
دارت يدها فخصرها و قالت : اش بااان لييك .. 
ضحك ايرتان و خرج .. تبعااتو جهينة و هيفين كاطل عليها و تخرج ليها لسانها .. خشا هيفين لور و قالت ليه جهينة ... 
جهينة : جبت سيارتي .. 
شاف ايرتان فسيارتها و قال : 
ايرتان : شريتيها بوحدك ؟ 
جهينة : لا .. اختارها ليا اشرف .. 
ايرتان : خايبة .. ركبي .. 
ركبات جهينة كاتبرغم .. ركب حداها و شاف فيهم .. 
ايرتان : ماعوالش نرجعكم دابا .. غانزيد نخطفكم مزال .. 
جهينة : بالصح ..زعما علاش .. خاصنا ترجعو و انت عندك شغالك .. 
ضحك و شاف فهيفين ... 
ايرتاان : غانمشيو لمدينة الملاهي .. 
جهينة و هيفين ب2 .. شافو في بعضهم و بظاو ينقزو فبلاصتهم و يصفقو و يضحكو بنفس الطريقة .. 
داب فيهم ايرتان و فرح لفرحهم من قلبو .. اخيرا لقا لمن كاينتامي .. 2 بناتو لي حتى هما كاينتاميو ليه ... و اخيرا كايحس بالحياة .. و بضحكة خارجة من قلبو .. 
هضر و البسمة مزالة على وجهو : اشنو عجبكم الحااال .. 
هيفين و جهينة : ايييفيييت .. (ااه)
ديمارا بالسيارة و زاد مع الطريق .. بعد مدة و قف قدام المكان المقصود و شاف فيهم .. 
ايرتان : ياله الزويناات .. 
خرجو من السيارة و خرجات جهينة بنتها شدات يدها و دخلو .. 

دوزو وقت زوين و هما من لعبة للاخرى و ايرتان كايكتافي غير سديشووف فيهم كايشيرو لييه .. على الاقل لقا وقت ولو غير بالصدفة يدوز معاهم وقت كيمدو بطاقة ايجابية و يحفزو باش يكمل حتى يوصل ليهم و يضمهم لعندو .. 
سالات اللعبة و هبطو ... 
ايرتاان تحنا هز هيفين: اااووبلااا ... 
جهينة : خلينا نرتاحو شوية عييت .. 
ايرتان : اجي نجلسو لهيه .. 
مشاو جلسو فمقعد من النقاعد الموجودة ... جلسات جهينة حداه و هيفين فووق رجليه .. 
هيفين : ماما بغيت نوكل دوك البطاات حتى انا .. 
ايرتان : ياله سيري .. 
جهينة : بقاي قدااامي .. 
ايرتان : هاكي هاد الفلوس شري بيهم الماملة من عند هذاك تما .. هضري معاهةبالعربية باش يفهمك .. 
مشات هيفين كاتجري قدامهم .. و بقاو متبعينها كايضحكو .. شاف ايرتان فجهينة لي كاتشوف في بنتها ... و قرر يخلي عينيه عليها ماحدها قريبة .. ماقادرش يضمها و لكن على الاقل يشبع من شوفتها .. 
دارت عندو و حول عينو دغيا .. فتحات جهينة فمها و قالت : شكرا حيت كاتدير الخاطر لبنتي .. 
شاف فيها بحجبانو مربوطين و حول عينو كايشوف لبنتو .. فهمات بلي انزاعج لشكرها و تبسمات .. 
جهينة :انا كانعتاذر على قباايلة ... 
ايرتان : كاتقصظي فاش نتفتي نيرمين ؟ 
انزاعجت لذكرو اسمها و دورات وجها .. 
ايرتان تبسم شاف فيها بنصف عين و قال : مافهمتش علاش هاجمتيها .. اش داارت ليك ؟ 
جهينة : د.. داكشي بيناتنا .. ماشي سوقك انت .. 
ايرتان : اوى صافي غانسولها هي .. 
جهينة دارت عندو بزربة و غوبشاات و مشاعر الغيرة رجعو ... 
جهينة : واش هاديك نيت خاطيبتك ؟ كاتبغيها ؟ واش نيت ناوي تزوج بيها ؟ ماكاتجيكش تقيلة على قلبك و لا تحتمل و لبسها و الوانها و كولشي داكشي ديالها... واش كاتعجبك ؟ 
تبسم ايرتان و قال : و اشنو خصك فهادشي كولو .. علاش هاد الاهتماام كامل ؟ 
جهينة : .. ا.. ماكاين لا اهتمام لاوالو .. علاش غانهتم متلا هعه ..انا امراة مزوجة و مستاقرة و كولشي هو هذاك .. حمد الله 
ايرتان : امممم .. مزوجة ...
جهينة : احم .. واش .. بالصح غادي تفسخ العقد ؟ فكر عافاك انا بغيت ن.. 
ايرتان : لا .. ماغاترجعيش .. 
جهينة : مافهمتش هاد صيغة الامر لي فنبرة صووتك .. ماعندكش الحق اسيدي تفسخ عقد بيناتنا بدون سبب .. 
دار رمقها لنظرة حاادة و تحذيرية .. تبدد كلامها الماجي و التازمت الصمت و هي كانشوف فيه .. 
دار ابتسامة جانبية و رجع شاف قدامو ... 

بعد عشية طويلة استمتعو بوقتهم فيها مع بعض .. وصلهم للوطيل ... هبطو من السيارة ووقفات جهينة هازا هيفين لي عيات و متكية على كتفها ...شافت جهينة فايرتان و ياله غاتكلم و سبقها قائل .. 
ايرتان : تشكريني غادي نزدح مك .. 
شافت فيه جهينة باستغراب من نبرة كلامو و رجع قال : 
ايرتان : احم ... زعما ماكاين لاش تشكريني 
جهينة : هه لا ماغاديش نشكرك ... انا بغيتك غير تتراجع على .. 
ايرتان قاطعها : لا .. مااغاديش نترااجع .. ديك الشركة ماغادييش تعتبيها مزال .. فهمتي ؟ 
جهينة و هي مستغربة من نبرتو المتشددة : واخا ... فهمت .. 
جهينة : احنا غادي نمشيو بسلامة .. 
ايرتان : بلاتي نبووس فنكووشتي .. 
قرب ليها و مال على وجهها .. باس هيفين بووسة طويلة .. هز عينو فجهينة لي كاتشوف فيه .. تبسم و باسها حتى هي فحنكها .. خرجو عينيها و تبسم ليها .. و قال .. 
ايرتان : ياله سيررري دخلي .. 
تمشات بخطوات بطيئة و عينيها عليه و هو كايضحك حتى دخلات .. 
ايرتان : ماغاديش يجيها النعااس داابا 😂😂😂 الى مافهماااتش غانفقد الامل و غانرضى بواقع ان مراتي مكلخة .. 
تنهد و ركب سيارتو .. 

طلعات جهينة كاتضرب و تقسم غير مع راسها .. حتى تلاقات عز و فؤاد خارجين .. 
عز : جهينة ؟! مالك . فين كنتي .. 
جهينة : ا... مع ايرتان .. و كنت مع ايرتان .. 
فؤاد : ههه مالك مضهشرة هكا .. ياك لابس .. 
جهينة : لا والو .. عز .. 
عز : نعام .. 
جهينة : تلاقيتي ايرتان ؟ 
عز : راه فخبارك .. 
جهينة : فنظرك غايكون تفكر ؟ 
عز : ماعرفتش .. علاش كاتسولي .. 
جهينة : لا لا والو .. انا غانمشي لبيتي عييت .. تصبحو على خير .. 
فؤاد : كاينة شي تصبحو على خير مع 7 العشية ههههه .. سيري ابنتي سيري 😂 

دخلات جهينة للغرفة حطات هيفين فالسرير و حيدات صباطها ... ناضت من حداها حيدات حوايجها و دخلات للدوش .. 

بعد مدة خرجات ملوية فبينوارها.. لبسات حوايجها و جلسات كاتمشط شعرها و هي كاتخمم .. 
جهينة : غرييييب .. شوفاتو و هضرتو و غااع تصرفاتو كاانو فشكل اليوم .. الطريقة باش كان كايتحلف و الطريقة بااش بااسني .. دووك الشوفات و داااك الضحك .. جاني ايرتاان ديال شحاال هااذي ... *وقفاات* نااري عنداك تكون رجعاات ليه الذااكرة ... كيفاش غانتأكد دابا .. اويلي مشيييت فيييها .. 

دخلات تولاي للغرفة .. حطلت ساكها و جرات جهينة لعندها .. 
تولاي : فين كنتي شحال و انا تقلب عليك .. 
جهينة : مالك حتى انت ااش واااقع لييك .. 
تولاي : اويلي اعيباد الله ... ماجايبا للدنيا اخباار .. دورك فالبطولة تسحب منك ... من الصباح و انا كانتشااحف مع المخرج و الطبقة ديالو ..
جهينة : كيفاااش ؟ 
تولاي : ااه الالة .. مافهمتش حتى علاااش و اشنو السبب .. 
جهينة : لا لا اكيد كاين شي سوء تفاهم .. 
تولاي : وااالو .. من الصبااح و انا من هنا للهنا .. فين غبرتي قبايلة ؟ 
جهينة : كنت مع ايرتان .. جرى عليا حتى هو و لغا العقد .. 
تولاي : اويييلي حتى هو ؟ اش هااد العكس نزل فخطرة .. 
جهينة : دابا ماشي هادشي هو لي مشكل .. 
تولاي : و اشنو المشكل بسلااامتك اكتر من هاادشي .. 
جهينة : واقلة ايرتان رجعات ذاكرتو ... و اكييد هو لي ورى هاادشي .. صافي غاادي يدمر اينوور ... 
تولاي : اش كاتقوولي .. 
جهينة : هاادشي لي باان ليا ... 
تولاي : و .. واشنو غادي دييري .. 
جهينة دارت شافت فهيفين و قالت : لي خااصو يداااااار .. 

يتبع 

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.