حبيبي شبح الجزء الخامس و الأخير

من تأليف غزلان ش.
2018

محتوى القصة

رواية حبيبي شبح

بقات شهد حالة فمها وغير كتصنت ليها ... زاد حبها ليه بعدما عرفات ان حبها ماشي ياله بدا كيف كيسحاب ليها ولكن حب بدا هادي 4 سنوات ... تفكرات فارس ناضت كتقلب برا والو مالقاتوش ... عتودت رجعت و غير كتشوف دايخة ... مشات حداه دارت كرسي وبقات شادا ايدو وكتبوس فيها ناضت فوزية .. و خرجات وسدات الباب ... هي دارت هكا املا فان شهد تقدر تنوضو من سباتو كيفما قدر هو ... خدات شهد راحتها بعدما خرجات فوزية ... ناضت و تخشات حداها ... وحطات راسها على سدرو العاري... وايديها فوقو ... هزات راسها باست عنقو... وخلات وجها فيه ... شدات ايدو دوراتها عليها و بقات شادها...
شهد: فارس... بغيت نقول اوس ...ههه ... توحشتك واخا ديما معيا... كنت عارفة بلي نتا اكتر من مجرد شبح تلاقيتو ... نتا حبيبي ... وطرف مني ... احمدت الله نتا ماميتش هادشي فرحني ... وعطاني امل ... امل انك تنوض تعنقني وتضحك فوجهي و تاخدني فحضنك ... عافاك جات نوبتك باش تنوض محتاجاك فحياتي ... اوس .... الى كنتي كتبغيني فيق حتا نتا ... هاهي الجميلة النائمة ... فاقت ومتكية فحضنك ... دابا نوبتك نتا تنوض... الجميلة النائمة كيفما سميتيني ... كولشي دوك الاحلام لي كانو كيجيوني ... فهمتهم ملي شرحات ليا خالتي اشنو كنتي كدير باش نفيق.... دوك الاحلام كانو حقيقة فواحد الوقت .. داك الكلام لي كنت كنسمع كولشي حقيقي... كان صوتك وكلامك معايا كنتي فبالي ديما ... 
قربات لودنيه وقالت بصوت حنين ولطيف...
شهد: اوس ... فيق دغيا متشوقة ليك تكون فجنبي...اوس كنبغيك اكتر من اي روحي ... 
هنا اوس لي باقي خدا البحر جالس ... و باقي على نفس الحالة ... امور عشوائية ومخربقة كدوز على راسو ... حتا حس بجهة قلبو الالعاب النارية خدامة شد فسدرو حاني راسو كيشوف ... حتا بان ليه جسمو كيختافي بوحدو وكيرجع... هز راسو للسماء و قال..
اوس: يا ربي واش صافي ... جا وقتي باش نمشي 😔
عند شهظ بعدما قالت ديك الجملة ....حسات بايد اوس ظعطات على ايدها...وناضت قافزة لقات مخطط القلب ديالو زاد فمعدل النبض ... خرجات عند فوزية لي عيطات لاطباء المسؤولين و حتا باه لي جا كيجري .. دخل و عاينو بنفسو... بقاو الداخل .. شحال عاد خرج عند مراتو نيشان عنقها...
سليم : هههه ولدنا ... بداو مؤشرات ايجابيين كيبانو عليه..
فوزية: الحمد الله ياربي كنت عارفاها غتعاونو حمد الله ياربي...
سليم: علامن كتهضري افوزية...
فوزية: عقلتي على شهد البنت لي كان معاينها هنا فالمستشفى ... وكان كيعاود لينا عليها...
سليم : ا.. اه عقلت عليها...
فوزية: راهيا ... 
كانت واقفة حدا الجاجة كطل ... عيطات ليها وتمت جاية ... 
فوزية: هاهي ... هضرات معاه غير شوية وناض ... العفريت شحال نبقا نخبر عليه عمرو تحرك ولو غير شوية....
سليم: هههههه شكرا ابنتي .... حمد الله ملي جيتي فين كنتي شحال هادي.... يمكن نتي مغتعرفيش ولكن داك الحلوف لي مسرح الداخل عطا كل مافجهدو وقتو باش توقفي على رجليك ... ولكن... ماكتابش يشوفك كتوقفي على رجليك ...حيبتي من جهة ومشا هو من جهة...
شعد: متقلقش اعمي... فارس ... بغيت نقول اوس ... غيرجع لينا..ليكم ...
سليم عنقها بالجنب: غيرجع لينا ابنتي 😁
فوزية: انا متاكدة ابنتي و تايقة بلي غتبقاي فجنبو حتا يرجع...
شهد: شافت فيهم بابتسامة ... وبقات معاهم ... رجعات دخلات بقات جالسة وغير كتعاود ليه وتهضر مطلقاتش ايدو ... و واليديه برا كيشوفو فيها وفرحانين ...و هي معاه و بالها مع روحو لي منين دخلات لهنا مابقاتش بانت ... بقات كتخمم واش رجع لجسمو ولا اش وقع ...
بقات حتا ظلام الحال ... و رجعوها والديه لدارها معاهم فالوطو حطوها قدام الباب و مشاو طلعات للعمارة ... و طلعات دخلات لقاتهم مجموعين ..
شهد: بابا ماما بابا ماما...
عزييز : اش كاين تاني...
سناء: باسم الله عليك احبببة مالك ...
شهد: علاش معاودتوش ليا على كيفاش فقت من الغيبوبة ...
عزيز: علاه ابنيتي كان عندك شي عقيل باش نعاودو لبك كيفاش فقتي ... ياك كنتي كيف الحنش بلا راس ... و زايدون مسولتيناش ... اجي ونتي منين عرفتي بعدا ؟
شهد: بلاتي بعدا فراسكم فارس الشبح لي ديما معايا هو الدكتتور اوس العبدي لي كان مقابلني...
سناء: اويلي على مات مسكين ؟😱
عزيز: كنت سمعت بلي دخل غيبوبة شحال هادا... مات مسكين😟
شهد: الله يحفظو ماماتش راه حي يرزق الحمد الله ياربي... راه غير كومة اليوم تلاقيت ماماه وهي لي وراتني ليه وغير بالصدفة حتا لقيتو جسدو...
سناء: اااه مسكين ... الله ينوضو على خير ... والله ابنيتي كان الله يعمرها دار طبيب مشهووور واخا هكاك متواضع ابنتي و خدام من نيتو حنبن ولطيف ... الله يعمرها دار ... المستشفى لي كنتي فيه ديال باه راه تاهو طبيب تما بحالو بحال ولدو ... و مستشفاهم كيغطي للمحتاجين تاهما و داخلين فشحال من جمعيات و داعمينهم زعما لهلا يخطيهم ونعم الناس...و اصر الدكتور اوس يتولى علاجك منين شافهم مدخلينك.... 
شهد: بالصح ...
عزيز: اااه ابنتي صدفة غريبة صدق الشبح لي معاك هو طبيبك .. والله الى العجب ...
شهد: راسي ترون ... انا غنعس ... متدقوش عليا ...
مشات وخلاتهم كيهضرو عليه ...
دخلات لبيتها دوشات وتوضات ... صلات وجلسات تدعي لله يرجعو ليها ويقدرها تخليه يرجع ليهم ... ناضت للناموسية و كتفكر فروحو لي حارت واش رجعات لجسدو اولا لشي بلاصة اخرى....

تكات شهد داها النعاس ... حتا صبح الصباح فاقت على شي ايدين ... كيللعبو قي شعرها حلاتهم قفازة لقاتو اوس .. تفاجأت ناضت جلسات وعنقاتو ...
شهد: فيين غبرتي عليا ... 
اوس: سمحي ليا احبيبة كنت كنقاد افكاري...(هو مرجعش حيت جسمو بدا كيختافي و بغاهاش تشوفو هكاك حتا رجع كيف كان عاد رجع عندها) 
شهد: عندي شلا متنعاود ليك وشلا مفاجئات ...
اوس: شهد ... انا جيت نودعك حيت قررت نتوقف على البحت ... واعديني ... تنساي هادشي وتكملي حياتك .. منقلقيش انا وياك خاطرنا ودخلنا فهاد العلاقة الوهمية 
لي معندها اساس...
شهد: فارس ... منزربش احبيبة ... هادشي لي غنويريك ... غيخلبك تبدل رايك ... مهم انا غنصلي و نهرجو ... الى مشيتي بلا متقولها ليا عمري نسامحك ...
اوس اومأ ليها براسو نتضت كتجري ... توضات وخرجات صلات ... جراتو شدها حتا فطرات و خرجو ركبو فطاكسي و هو غير كيشوف فيها شوفات قلق وخوف من الوداع فاي وقت..... 
وقف طاكسي غير هبطو جا اوس عينيه ... كانت فيلة صغيرة جنب البحر ... صونات جاوباتها الخدامة وجات حلات لبها الباب ... و دخلو .... اوس بقا غير كيشوف ... بزاف ديال الاحدات متسارعة قدامو كدوز ... هاهو فالجريدة كيفطر ... هاهو كيعوم فالبيسين هاهو كيتشمش فالرولاكس وكيقرى كتاب ... زاد دخل للداخل احدات اخرى ... جالس كيتغدى ... اولى كيتفرج .. اولا كيتريني ... كل قنت كيتفكر فيه دكرايات خاصة بيه ... جلس شاد راسو ... احدات تراكمو عليه وكل لقطة كدوز بوحدها شهد عرفاتو كيتفكر جلسات حداه وحطات ايدها على ظهرو... وهو حاني راسو شادو ... احدات بتسلسل ... تفكر بلي هو طبيب تفكر اللقطات لي كان فالمستشفى و كيداوي الناس ... تفكر اللقطات لي دوزهم عند شهد ... تفكر كولشي ... حتا وصلا واحد اللقطة هز راسو بان ليه هو خارج بسروال سيرفبط كيمسح فراسو.... حتا دخل و خرج حل الباب.. القصة نُسِخت من 9isas modareb..
#فلاشباك↪↪
اوس سمع السونيط حيت مكانوش عند الخدامات كان ساكن غير بوحدو.... خرج وحل الباب....
فارس: مروان فين اصاحبي...
مروان: غير هنا ... لا باس ..
اوس: بيخير دخل بعدا...
سد الباب ودخلو للصالة و جلسو جاب ليه جوك كانيطات ديال ريدبول وجلسو يشربو و يهضرو...
مروان : سمع ا اوس حنا صحبة ديال شحال هادي .... كنطلب منك ... تنساحب من ترشيح لمنصب مدير التنفيذي ... باسم هاد الصحبة ...
اوس: سمع امروان ... صحبتنا على راسي وعينيا ... نتا عارف والدينا شركاء فالمستشفى و عندهم اسهم متساوية ... لا با احسن لاباك احسن ب2 متساويين ... كيفما باك رشحك حتا انا رشحني ... و منقدرش نرفض ليه طلباتو ... احنا غنتسناو المجلس شكون غيختارو .... تيق فراسك ... و انا وياك واحد ... كيف خديتو انا كيف خديتيه نتا ...ههه اولا خفتيني نطيرو لبك ههه (قالها بالضحك)
ناض مروان مغزف لعندو هاز شوكة و قال ليه: لا اصلا مغتكونش باش طيرو ... غفلو وخواها ليه فعنقو ... اوس ديك الساعة طاح الارض... هزو مروان فوق ظهرو و طلعو حطو فبيتو بحال الى ناعس ... وغطاه جا عند راسو وقال ...
مروان: سمح ليا اعشيري ... ولكن منقدرش نتخلا على هاد المنصب ولا تا علا الورت ديالي ... كون داك الشارف ديال الوالد ما متبراش مني منصدعش راسي مع هاد التخربيق ... الله يعاون ...
مشا خرج وخلاه ...
🔙بقى اوس كيتفكر حتا تفكر هادشي و هز راسو فشهد و قال...
اوس: تفكرت كولشي سميتي وكنيتي ... تفكرت شكون انا وكيفاش مت ... 
شهد: راك مامتبش احبيبة ... نتا باقي عايش .. ىاك غير غيبوبة...
اوس: واش بالصح ... 
شهد: اااه بالصح ... ولكن كيفاش وقع ليك هادشي... راه لقاوك فبيتك ..ناعس ولكن مفقتيش داوك للمستشفى عاد تبين ليهم بلي نتا فغيبوبة ... و لحد دابا .. معرفينش شنو السبب ...
اوس: مروان صاحبي .. سممني..
شهد: مروان ؟ شكون مروان ؟ واش عندو معاك...
اوس: عاود لبها كولشي ...
شهد: كيفاش ..😱😱 ولد الحرام كيفاش قدر يدير ليك هكا ... و شنو السبب..
اوس: حتا انا معرفتش ولكن سبب واضح كان باغي داك المنصب بالزز و كان ديما كيهضر ليا عليه ... ميسحابش ليا غتوصل بيه القضية حتال هاد الدرجة انه يسممني و يخليني طريح الفراش 😡😡😡 
شهد: واش غنديرو دابا ...
اوس : ماعرفتش .. خلبنا بعدا نمشيو للمشفى ... 
ناضت هي وياه حتا وقف وراها شاد راسو كيغوت بالخريق... شهد دارت عندو لقات جسمو كيختافي .. قربات ليه مخلوعة ... 
شهد: اوس ... 😨😨
اوس: واقلة غنمشي ... تهلاي فراسك ... والى جاب الله وفقت ..اححح ولقيت مك مع شي واحد ندبحك ...
شهد: فااااارس ...اختفى....

شهد: اوس فيينك .. اوسس...
خرجات طايرة نيشان للمشفى خايفاه يكون ماات ... صدعات الشيفور حتا حطها خلصاتو وطلعات كدردg ..لقات باه و مو تما وشي اطباء ... زادت تخلعت ... سولات مو..
شهد: خالتي مالو 😨😨
فوزية: متخافبش احبببة غير دابا شوية جاتو شي رعشة وزادت نبضات قلبو ... و جاو يعاينوه را باه قالي بيخير...
شهد: اوووف حمد الله ...
خرجو الممرضين و الاطباء عاد خرج باه ...
سليم: بنتي شهد ... لاباس ...
شهد: حمد الله كيف بقا..
سليم: حمد الله نتمناو يكون كيتحسن ..
شهد: حمد الله انا بغيت نهضر معاكم.. و خفتكم ماتيقوش بيا...
سليم ياك لباس ابنتي...
شهد: انا عندي الاجوبة على اسئلتكم... ولكن نهضرو فشي بلاصة معزولة .. 
سليم : واخا ابنتي تبعيني...
مشات تابعاهم ... دخلو للمكتب ديااو فنفس الجناح كبير وواسع .. جلسو فالجليسة لي تما و جابو ليها عصير... 
شهد: انا بغيتكم تسمعوني حتال لاخير وعافاك متسولونيش منين جبت هاد الهضرة حيت معنديش جواب ...
فوزية: شوشتيني ابنتي ..
سليم: غير قولي ابنتي اش كاين...

شهد: لي تسبب فهادشي لاوس ... هو مروان ...
القصة أُخذت من قصة بالدارجة.. سليم: مرواان؟؟ ولكن ماينكنش هما صحاب ...
شهد: متأكدة من كلامي... الليلة لي وقع هادشي ...عاودات كولشي ...
سليم: لا ميمكنش يدير هادشي ..
فوزية: وعلاش مايديرهاش ... هداك عمري طمنت ليه برهوش مامربيش من ديما كان كيغير من ولدي ... و عاطيها غير للتفلية والزبايل واخة تاهو طبيب .. وحاشة واش طبيب ... والديه مفشينو و ماشي بعيد نيت هادشي لي قالت شهد بكون حقيقي...
سليم: ومنين غتجيبو الدليل على هادشي...
شهد: بما انه جا لعندو .. راه غتكون شداتو الكامرة واش مبحتوش ...
سليم: لا النتي حيت مكان حتى دليل على شي هجوم .. و مكاين تاشي اتار فجسمو...و تا تحاليل مبان فيهم والو... ولكن يقدر يكون بالصح باه اصر عليه باش يترشح للمنصب ولا يحرمو من ورتو...
شهد: هادشي لي كاين ....عافاك حقق فهاد الموضوع اكتر وخليه سري باش حتى الى كان هو السباب ميهربش ... وتجازيوه على فعلتو...
فوزية: الله يرضي عليك ابنتي فين كنتي شحال هادي جيتينا بحال رحمة الله الله يرضي عليك ...
سليم : ولكن ابنتي منين جبتي معلومات خطيرة ومدققة بحال هادي ...
شهد: لي عليا درتو ووصلت الامانة متسولنيش عافاك ... انا غنمشي عند اوس...
فوزية: واخا احبيبة شكرا...
شهد: واجبي هدا ... سمحو لي ...
خرجات شهد خلاتهم كيتناقشو ... طارت عند اوس ... جلسات حداه ... و مدات ايدها كتلعب ليه فشعرو و تخطف ليه البوسات...
شهد: اوس يا اوس ... رجعات روحك لجسدك .. اووف غنتوحشك ... و لكن دابا وليت طامعة فبك كولك ماشي غير روحك ... عارفة حبك لبا حب حقيقي و نقي ... بغيتيمي منين مكنتش فوعيي... و عاودتي بغيتيني وانت غير روح ... حبك مكان فيه حتا دوافع ... ههههه حمق .. غلضات صوتها كتعيبو... والله و نلقاك مع شي واحد تا ندبح مك ....ههههه كاين شي واحد فحالة بحال هاديك كيغير... اودي انا ظيالك واخة نوصل 50 عام منفرقك ..يانتا ياتاواحد ... غير فيق ليا هالعار ... عافاك ااوس .. فيق ليا عافاك ... راه باقي شلا مايدار... دابا انا فعمري 22 عام راه بغيت نتزوج فسن 25 وندير وليدات ... ميمكنش لينا نديروهم و نتا ناعس هنا مجاتش ... بغيت نفيق و نلقا وجهم الزوين قدامي ... بغيتك تبوسني وتنعسني فحضنك بغيت نخرجو مشادين فالزنقة ونقلي السم للعديان .. و مقوليهم راجلي احسن واشهر طبيب .. و نفتاخر بيك قدام البشر ونوض دابا نووض ... اووس نوض ... باستو فحنكو ...نووض ... بوسة فحنو و كل مرة تقرب لفمو .. و تقول نوووض ياله نووض حتى وصلات لفمو وخمجات وجهو بين ايديها حتا خرجو شفايفو ... و هي تبقا تبوس وتعاود تشوف فيه تبوس وتعاود تشوف فيه دابا هاد المسكين لب كومة زجالسة تعجن ليه فوجهو اش خاصها 😒😒... بقات هكاك حتا عيات وهي تجلس حداه حطات راسها على ايدو شاداها ... 
شهد: دابا مابغيتيش تنوض ... اه ... حتا انا معندي مايدار هنا حداك حتا نشوفو شكون غيعيا.... بقات شهد تما معاه ... النهار كامل و حتا ظلام الحال و كانت فوزية معاها ... و كتجيب ليها ماتاكل حيت مابغاتش تخرج ... بقات هكاك شحال من يوم كتمشي للدار غير بالليل تاكل وتصلي وتنعس ... كانت كتجيب كتولتها وتراجع حداه وكتبقا تهضر معاه بحال الى كيتجاوب معاها دوزات لي زيgزام و كولشي داز مزبان و ديما معاه ... تعلقات بيه كولشي اىاطباء ولاو كيعرفوها تما معروفة حبيبة تادكتور اوس ...عمرها ملات من المجي عندو .... باه حقق فالموضوع و لقاو تسجيلات الكانرة بلي نيت دخل عندو و بقا شحال معاه عاد خرج كيتسلت ورى لفيديو لصديقو لي حشم بزاف منو... و هو كان نيتو غير يربي ولدو ويدير فيه النفس ساعة خرج طوعو ... جابوه من فرانسا .... وسلمو باه لشرطة و بقاو عليه حتا عتارف بلي ديك الشوكة خاسر عليها الزبابل الفلوس ...وجايبها من برا .. كتدخل الشخص فكومة ... ومطورة باش متخلي حتا اتر فالجسم ولكن فكر فهادي ومفكرش فالكاميرات لي خلاهم وراه حيت كان مرتاح لانهم مغبديعيقوش... تسد فالحبس و طوعو باهومن المشفى و هو محشم مع صاحبو .. سليم تفهم حيت تاهو اب وعارف داكشي لي دار تاهو ماساهلش تخلا على ولدو على قبل صداقتهم ... شهد ديما عند رايو كتجيب كتوبة لي كان كيقرى علبها ولات تقراهم عليه ....
شهد: من نيتك ا اوس ... جايب ليا هاد الرواية الحزبنة انا gاعمة كنقراوهم باينة ديك ماما لي عطاتهم ليك باش تبيني متقفة قدامك ... و نتا اكتر واحد كان كيقول ليا مكلخة ... اوف امتا تفيق تحشت كلمة مكلخة من فمك ... شهراين ... وانا معاك واش مغتحنش فيا 😢😢

شهد مدات ايدها لوجهو كتشوف فبه بحزن ... 
شهد : واش نيت ماغاديش تنوض ...😟😟 
طلعات حداه و تكات هلى سدرو ... بقات هكاك و غير كتشوف بعينيها .... حشات وجها فعنقو ... غرغرو عينيها و بدات كتبكي ... مبقاتش قادرة تصبر وخايفاه ميرجعش وحتا روحو مابقاتش بانت ليها.... بدى صوتها كيعلى واخا كتحاول تحبسو ... كتنخصص و تسرطها ... خاشيا وجها فيه .. وكتبرد على حالها بالبكا... شوية حسات لوجهو تحرك ... هزات راسها فيه لقاتو حال عينيه كيشوف الفوق ... 
شهد قفزت من حداه وقفات قدامو ... مصدومة شدات في حناكو كتبوس فيه... 
شهد: حمد الله ياربي ممتيقااش ...
خرجات كتجري عيطات لباه و ماماه و جاو كولشي الاطباء لي مسؤولين عليه ... شهد وماماه معانقين برا كيشوفو فرحانين ... و باه الداخل كيقلبو ...
اوس غير كيدور فعينيه... كيستوعب اش واقع باه كيفحص فيه و كيترعد بالفرحة و كيحاول يكلمو و اوس مكيجاوبش غير كيشوف بعينيه ... بقا هكام و كولهم معاه شي ساعة عاد بدا يحرك فمو شوية وكيجاوب واغلبية غير كيحرك و وراسو ... حيدو ليه الخيوطة وداكشي حيت مبقاش محتاجهم ... بقاو هكاك كيهضرو معاه ومجمعين معاه ... حتا خرج باه عندهم برا ...
سليم: تقدرو دخلو تشوفوه دابا 😊😁😁
فوزية طارت دخلات معاه ... شهد حتا بغات تتبعهم ...و هي تراجع ... كان تخوف ... شنو ردة فعل ديالو الى شافها ... خافت ميكونش عاقل على كولشي هادشي لي داز بيناتهم ... بقات كتشوف فيه من برا كيبتاسم و يجاوب ماماه وكولشي لي معاه ... تراجعت و خرجات دغيا للبرا ... و دموعها فعبنيها ... ركبات طاكسي و مشات للبحر ... بقات كتفكر ... كولشي دكرايتهم مع بعضياتهم دازو قدامها ... احتمال كبير ميعقلش على هادشي ... 
عند اوس...
فوزية: حمد الله اولدي على سلامتك ... واخيرا رجعتي لينا...
اوس بلسان تقيل وكانو جلسوه بالباياس : الله.... يس..لمك... مت..بكيشش...
فوزية: دموع الفرحة احبيبي...
اوس: ش...حال...وانا....فغيبوبة....
سليم: عامين اولدي و شي 3 اشهر ...
اوس تصدم ...بدا بحال الى كيحاول يسترجع افكارو.. وقال...
اوس: مرو..ان ... لي دار فيا هكا... 
سليم: عرفنا اولدي وراه كينال جزاؤو دابا...
اوس: و لكن... كيفاش عرف..تو...
سليم: رتاح دابا من بعد ونعاودو ليك...😊
اوس سكت شوية و هز راسو متوتر وقلبو كيخبط باغي يسول و خايف من الجواب....
اوس: ش...هد.... الم..ريضة ديالي... شنو اخبارها...
فوزية: ههههه ياله فاق و كيسول على المريضة ديالو ...😂😂
سليم: خههههن راك عارفاها ماشي مريضة عادية...😉😉
اوس: واش..... باقا غيبوبة😟😟
فوزية: لا فاقت اولدي ... وهي لي فيقاتك ... كيفما مفرقتيهاش ... حتا هي مفرقاتكش .... و شحال من مرة كنلقاوها ناعسة حداك مسيكينة كان وقتها كولو حداك .. عمرها فرقاتك ترجع لدارهم تنعس وتعاود تجي عندك... 
اوس تصدم من كلام امو قلبو كيخبط ... مبقا ليه غير يخرج ... 
هز عينو فيها و تحمس باش يسمع اش غتقول ليه: و فين.. هي... دابا...
المئات من القصص على قصة بالدارجة.. فوزية: اه ... عاد كانت هنا راه هي لي قالت لينا فقتي... فبن غتكون مشات .. 😕
سليم: كنظن مكانتش عندها السجاعة باش تشوفو ... كيفما كان الحال راه عمرهم وقع بيناتهم تواصل كامل ... راه نوعا ما غريب عليها ... نعطيوها وقت باش ترتب افكارها...
اوس: ب..غيت... نشوف..ها ... 
سليم: صافي غير رتاح انا غادي نصيفط لي يقلبو عليها....
اوس: بغيت نخرج ... من هنا ... بغيت نشوفها برا...
سليم: ولدي نتا راه جسمك باقي معندو القدرة يتحرك ... راه عامين مساهلاش ... مغديش تخرج دابا...😊
اوس: عارف انا بغيت نخرج غير برا ...
فوزية: جيب ليه الكورسي ... انا غنهبطو ...
سليم : واخا ...
مشات ممرضة وجابتو ليهم .... هزو باه و حطو فيه ... قادوه و هبطو ب2 .. فارس غادين بيه و كيشوف فالمحيط ديالو ... وكل شوية كيحك عينيه و يحقق فداكشي لي كيشوف ... و كينعل الشيطان ... حتا خرجوه برا ... ومقال والو .. بقا متبت ومرزن ... 
دازو من الحديقة ديال المشفى ... المرضى كيرتاحو فيها تما.... جلسو تما معاه وكيتحتو معاه ويعاودو ليه اش وقع فهاد العامين ... و هو راس معاهم وراس كيفكر فهادشي لي كيشوف بعينيه....
شهد بقات كتمشى حتا وقف عليها السائق ديال سليم وهي هرفاتو...
.......: انسة ... سي سليم بغاك ضروري...
شهد: ب.. غير سير ... انا غنجي ...😟😟
......: لا انسة ... ضروري تحي معايا... حل ليها الباب ... تفضلي ....
شهد تنهدات وركبات ... 

ركبات معاه و ساق ليها للمشفى هبك ووراها فين كاينين ... تمات غادا و غير بخطوات صغار حتا بانو ليها من بعيد مجمعين ب3.... شافتها فوزية شيرات ليها تجي وتمات غادا لعندهم وشادا فالساك كتلعب فالسمطة ديتلو من شدة التوتر... غير وصلا عنقاتها مو و قاس كتفها باه ومشاو معانقين كيضحكو...
هز اوس راسو...شاف فيها و هي كتبعد عينيها من عينيه ... جبد كورسي لي حداه وقال...
اوس: جلسي ا شهد... 
شهد هزات راسها شافت فبه و جلست حداه ... 
اوس: عندي ليك بزاف الاسئلة ومعرفتش منين نبدا...
شهد: هادشي متوقع .... انا قدامك و لي سولتيني عليها غنجاوبك...
اوس: كنضن نتي عارفة بلي انا طبيب ديالك ...
شهد حادرة راسها و كتهضر: عارفة ... قالتها ليا خالتي فوزية...
اوس ابتاسم حتا بانو ضروسو و قال: غتكون قالت ليك حتا اشمن نوع ديال المشاعر هاز من جيهتك ...
شهد هزات راسها فيه مبتاسمة و غير شافتو كيضحك عاودت حدراتو و غير هزات ليه راسها بمعنى اه...
اوس مد ايدو لوجها و هز راسها : اولا هزي عينيك و شوفي فيا ... راه عام ونصف وانا كنتسنا نشوفهم...
شهد: هزات عينيها كتشوف فيه و تاهو ... لدا كيقرى اسمن نوع ديال تلشوفات كدير فيه ... شوفات كتعبر ليه على اشتياقها و حبها ليه .. شي لي حيرو بالنيبة ليه شهد راه مكتعرفوش واخا كانت كتجاوب معاه اتناء علاجها ولكن مكايعنيش انها تكون كتعفو.... حيت هداك لي كان كيتجاوب معاه الاوعي ديالها.... 
اوس بقا هكاك وغير كيشوف فيها ...و حتا هي .. عينيها كيدورو فوجهو كامل ... غرغرو عينيها مقدراتش تحبسهم لغاتو يعنقها ... شاف فيها باستغراب ... وقال...
اوس: شهد ؟!!!
شهد تفرقعات بالبكا: واش ممكن تعنقني عافاك ...
شاف فيها باستغراب ... قرب لعندها اكتر بالكرسي و جرها لعندو ... 
شد ايدها ونوضها لعندو جلسها فوق رجليه وعنقها هي كتبكي وتشهق خاشية وجها فعنقو و هو مستغرب كيدوز ايدو على ظهرها... و كيسكت فبها ...
اوس: ششششش صافي متبكيش ليا ... علاش هاد اللكا دابا ... 
شهد: حيت توحشتك ... كنت خايفة لاما ترجعش ليا ...
اوس قابلها معاه وهي باقا جالسة فوق رجليه مسح ليها دموعها و بعد شعرها على وجها وبقا شاد فحنكها ... وقال ليها...

وقال ليها...
اوس: شهد ... سمعي... انا عاجبني هاد الاستقبال لي درتي ليا ... جالسة كتبكي بين ايديا وحيت توحشتيني.... ولكن هادشي ماشي منطقي ... المفروض انني نكون غريب عليك ... و غتكوني دايرا واحد الحاجز ببناتنا... هادشي لي توقعت ولكن نتي ... كتصرفي معايا باريحية ... بحال الى كتعرفيني من شحال هادي ... و شنو هاد الشوفات لي فعينيك وكيفاش توحشتيني ونتي عمرك شفتيني.... شرحي ليا... بقيتي فجنبي شهراين ... مفرقتينيش... كنتي كتنعسي فجنبي... واش هادشي كولو غير حيت كنت الطبيب ديالك .. والى هكا فين كنتي قبل من هاد الشهراين ... وكيفاش قدرتي تعرفي السبب و شكون لي تسبب ليا فالغيبوبة وهادشي كنت عارفو غير انا ... 
شهد نتي كنتي و باقا غامضة بالنسبة ليا ... امور غير منطقية ... وغامضة مقادرش نلقا ليها جواب... 
شهد: ههه اسئلتك كتار ... نسيت معامن انا ... ياله فقتي ومخك خدام بحال الى فقتي غبر من النعاس.. 
اوس شاف فيها مستغرب ... هضرتها كلها كدل على انها كتعرفو مزيان ...
شهد: بلا متشوف فيا هكاك اسئلتك مبمكنش ليا نجاوب عليها... بغات تنوض من فوقو وشد ايدها...
اوس: خليك فبلاصتك... و علاش ميمكنش تجاوبي...
شهد: حيت اجوبتي حتا هي ماشي منطقية وخارقة للعادة ... ومغتيقش بيا ... 
اوس سكت شوية وقال: جربيني...
شهد: لا مغتصدقنيش😟😟
اوس: تيقي فيا ... 
شهد: واخا.... انا فاش فقت من الغيبوبة ... لقيت راسي كنشوف شي امور غريبة ...
اوس خرجو عينيه : امور غريبة.... بحالاش ... تم أخذ القصة من موقع قصة بالدارجة..
شهد: ناس ... ولكن ماشي عاديبن ...
اوس كيزيد يستفسر: كيفاش ناس ماشي عاديين ...
شهد: اشباح كنت كنشوف اشباح...
فارس تحلو عينيه كيشوف فيها كتهضر وتصدم...
شهد: فالاول ... كان كيسحاب ليا غير تخيلات وتهيآت و لكن صدقو حقيقة ... عشت عامين من حياتي محاربة معاهم و مع الاستغلال ديالهم حتال النهار لي تلاقيتك...
فارس: تلاقيتيني !!!
شهد: اااه روحك ... كانت موضرة على جسدك ... فاش تلاقيتك كنتي فاقد الذاكرة... عرضت عليك نعاونك فمقابل تحميني من الاشباح الاخرين .... ونتا وافقتي...
اوس: كملي... 
شهد: و بقينا يوميا كنقلبو و نبحتو بدينا من شارع *** لي هنا.... و شحال من مرة رجعنا ليه ... كان كيسحاب ليا بلي روح ميتة ودخلنا هنا قلبنا الارشيف بالتخبية ...
اوس: بالتخبية وكيف درتي ليها ... متخفتيش 😠😠
شهد: انا كنت كندير و نتا ديما كنتي معيا وكتحميني ... وفاش كتعوص القضية كنتي كتسكني... 
اوس: كنسكنك غاع ... زيدي كملي ... 
شهد: بطبيعة الحال مالقينا والو .... و رجعنا فحالنا ... و من تما رجعنا كنقلبو العمارات لي هنا... حيت روحك تواجدت اول مرة فالشارع... وباقي مفهمتش كيفاش كانت تما خاصها تكون فدارك ... اولا في المستشفى ...
اوس: راه باينة هاديك طريق الاومبيلونص و غتكون تما دخلت فالغيبوبة الفعلية....و روحي غادرات جسمي ... و تما تلقات...
شهد: ااااه بالصح .... ولكن شفتك تقتي بيا...
فارس: اااه تقت بيك ...
شهد: ولكن هشي غير منطقي واش كديني على قد عقلي و دخلوني لشي مصحة كيفما حاول بابا ياك هادشي لي ناوي...😠😠 
اوس: ههههههه سي عزيز دارها...
شهد: اااه و نتا لي فكيتيني...
اوس: وكيفاش ...
شهد عاودات ليه كولشي المغامرات ديالولهم من امجد حتال الدار كولشي لي داروه حطاتو ليه وهو كيسمع ويضحك ... 
فارس: هههههخ....هادشي كولو دوزناه...
شهد: اااه واللهما طالقاها عليك .. راه صعيب تيق بهادشي...😟😟 انا كنشوف الاشباح ... وتما حدا ديك الشجرة واقف واحد ... 
اوس: طويل ورقيق وصلع و كولو زرق... 
دارت شهد عندو عينيها خارجين ... مصدومة ...
شهد: لا ميمكنش 😨😨

شهد: واش كتقدر تشوفو....😨😨
اوس: اااه ... نفس لي وقع ليك يسحاب لبا كنتخيل ولكن منين عاودتي ليا لي وقع ليك ... عرفت بلي تانا بحالك ...
شهد: الحمد الله ماشي بوحدي كنت هازة لهم لشكون غيحميني منهم ... غتبقا تحميني ياك .... شهراين كولها لي دازت كنت ديما مخبية حداك ... نتسلت عليهم لايعيقو ليا...
اوس: متخافيش انا معاك ...
شهد عنقاتو : يخليك ليا...
اوس عنقها وزيرها لعندو ... و خشات و حها فعنقو كتشم فريحتو ... ابتاسمات حيت حسات بنبض ديالو ... حقيقي ماشي غير روح حاسة بايديه محاوطينها ... وكتزيد تغمرو لعندها ... حاس بيها واخدة راحتها معاه عجبو الحال ... و مطلقهاش ...حتى حس بيها كتخشي فمها حدا عنقو وهربو...
اوس: اححح هداي بورشتيني...
شهد: ههههه سمح ليا ... نسيت بلي نتا..
اوس: اشنو ..😏😏
شهد: فاش كنتي روح كنت مولفا نعس على سدرك وكنخشي وجهي فيك و عمرك تبورشتي اولا شي حاجة .... داكشي علاش ولفتها ... ههه دابا بان ليا القضية تبدلت ...😂
اوس: ديك الوقت كنت غير روح ... دابا خاصك تراعي ليا 😂😂😂 
شهد: ههههه عارفة متخافش ....
اوس: ايوى و دابا .. مجاتكش قصتنا فشكل ... امورنا مترابطة بشكل ممفهومش وكولو الغاز ...
شهد: اااه ... هههه عارفة كان كيسحاب لي اول مرة شفتك غير روح ... ولكن صدقتي كبيبي لي خرجني من الغيبوبة ... اجي عاود ليا ... من اول نهار شفتيني فبه...
اوس: مممم داك النهار كنت خارج من الخدمة .... و 
#فلاشباك↪
......: حالة مستعجلة طلقو دغيا خاصنا نقدوها ...
اوس كان خارج ... دازو بيها من حداه و بقاو عينيه تابعينها... حتا جروه رجليه لعندها تبعهم ... حيد تجاكيط ولبس طابليتو دغيا ... و تولى فحوصاتها وداكشي ... كانو والديها برا خايفين عليها.... كان عندها نزيف داخلي فالدماغ وكان ضروري تدخل السريع ... دخلها ديك الساعة ودار ليها العملية بعد شحال من ساعة خرج ... لعندهم علمهم بنجاح العملية وشكروه .. داك النهار كان كل شوية يجي يطل عليها ... دازو يوماين مافاقتش ... و عرفو بلي دخلات فغيبوبة .. والديها بقا فبهم الحال ولكن اوس كان مسيبورتيهم و كزرع فيهم الروح الايجابية ... بقات شهراين هكاك ... و هو بوحدو لي متوليها.... دازو شي 5 اشهر اخرى وهي نفس الحالة ... اوس تقرب من عائلتها.... ولى بحال واحد منهم ...و ولاو مرتاحين ليه ... مبقاش صابر بغاها ايمتا تفيق ... حاس براسو كيتعلق بيها ... سافر على قبلها لامريكا لعند بروفيسور لي قراه ... ورجع فرحان وكلو تفاؤل.... نيشان عند والديها للدار ... هضر معاهم وشرح ليهم التجارب لي غيدير ليها... رحبو بالفكرة كانو كتلهفين ترجع ليهم ... 
ولا كل يوم فبيتها .... قلب كولشي ديالها وقرى شخصيتها من خلال داكشي لي كتهتم ليه وكيعجبها... و حتا واليديها عاونوه ... كل مرة تجربة ... كل ليلة يقرى ليها كتاب ... الموسيقى ... كيهضر معاها ... خلق ليها جميع الاجواء لي كانو كيعجبوها...كان ديما كيهضر معاها .. غرقها حب وحنان ... كان قريب ليها غير من طريقة تجاوبها معاه ... و هكا بقات كطور حالتها... القصة منسوخة من قصص مدرب..
حتى فاقت ولكن الليلة لي فاقت فيها ... كانت نفس الليلة لي دخل هو فغيبوبة... 
اوس: ايوى هادشي لي وقع ...
شهد: اواااه ... ادا كلشي دوك الاحلام لي كانو كيجيوني ... كانو حقيقة ...
اوس: اشمن احلام...
شهد: ديما كنكون فواحد البلاصة بيضاء و كنسمع غير صوتك كيتكلم معايا ... و كتعيط ليا غير الجميلة النائمة...
اوس: ههههه ااه كنت مسميك الجميلة النائمة...
شهد: ههههه الله على راحة دابا عاد رتاحيت ... 
اوس: انا لي عاد رتاحيت ... فقت لقيت حبيبة مستقبلاني شكون بحالي ... 
شهد: ههه .... باستو فحنو...
اوس: عاوديها...😍😍
شهد شنقات عليه و بقات عليه بوس بوس بوس حتا رداتو حمر...
شهد: باراكة ولا نزيد .... 
اوس: اخخخ على حلاوة ... باسها تاهو فحنكها... 
و رجعات راسها على كتفو بقاو هكاك وغير كيشوفو وايدو على فخضها وايد الاخرى على كتفها و كيدوز على شعرها... 
اوس: دابا هدو كولشي لي حدانا اشباح ... هادشي صعيب بالنسبة ليك نتي درية ...
شهد: ااه ... مرضت فالاول ولكن ولفت من بعد ...
اوس: اااممم ... شوفي هداك ههههه اش كيدير ... 😂😂
شهد: ماعرت ... راه شوية حمااق ... ويلي ويلي شافنا ... 
هزات راسها فيه : متشوفش فيه ... 😨😨
اوس: مالك ...بالشوية متخافيش...
شهد: راه غيلسقونا ... راه جلايخ مامعاهم لعب .... 
اوس: متخافيش ههه انا معاك ... 
فجأة بان داك الشبح قدامهم مباشرة تحنا لعندهم... شهد بدات كتوتر و كتحاول تكمل كلامها مع اوس و اوس مطمن عادي ... كيشوف فيها وبضحك ... و هي كتخرح فعبنيها زعما باش مبعبقش حتا هضر داك تلشبح...
.....: بلا متخبيو شتكم ... شفتونا ومن صباح ونتوما كتنعتو لينا .... جابكم الله غادي نسكن...
باقي مكمل كلامو اوس مد ايدو عطاه لوسط كرشو كانت فيها علامة واختفى... 
شهد بدات تسفق: يااااي البطل ديالي 😍😍

بقا اوس فالمشفى لمدة شهر تبع الترويض ... حتا قدر يتمشى على رجليه شهد ديما معاه ... فاليدات فلافاك وشدات العطلة ... واليديها كيجيو يزورزه مرة مرة... حيت عزيز عليهم وتاهو ... رجع لدارو ... و هلم شهد كيفاش دافع على راسها .. حيت كان كيلعب الكاراطي منين كان صغير ... و تاهي ولات تقدر دافع على راسها في حالة ما بغاو يسكنوها ... تاهو ولا كيعاني مع الاشباح الى عرفوه كيشوفهم ... غير هو قادر يتبت داتو و عندو كاريزما .. تخليهم يعطيوه بالتساع ... اوس باقي فعطلة ... وشهد ديما واقفة ليه عند راسو مكتفارقوش ...
اليوم فتقت بكري كيف العادة فطرات و خرجات ركبات طاكسي وديما نظاظر كحلين فوجها... هبطات قدام فيلتو ... وحلات ليها الخدامة لي ولات كتعرفها... طلعات كدردg لبيتو حلات الباب ...لقاتو ناعس ... حطات ساكها وحيدات سبادري و تخشات حداه ... ناعس غير بشورط ... وشعرو مخربق ... حطات راسها على سدرو بالشوية و كتضحك غير بشوية... قربات لوجهو باستو فعنقو و تمات طالعة مع حنكو و بدات تقرب لفمو وكتبوس .. حتا قلبها تحتو وطلع فوقها وعينيه تحلو الحلوف كيشوف فيها غياكلها بعينيه وهي كضحك بعفوية وبرائة... 
اوس: علاش كتقلبي نتي شحال من مرة كنقول ليك تكايسي ... راه مابقيتش داك فارس البريئ ... راه متعرفيني كيف درت ليك ونوليو فماصل اخرى ...
شهد: هههه ايوى نتا بنين اش بغيتي ندير ليك ... 😋
اوس: هههه على نتي مابنيانش زعما ... مخفتيش على راسك دابا ... متكيا ففراشي .. راه نسرطك هنا وميجيب ليك حد الاخبار ...👿
شهد: هههه معنديش مشكل غير سرطني ... تايقة غحبيبي و حافظاك كتر من راسك واخا نمشي قدامك عريانة متقرب ليا حتا نديروها فالحلال...
اوس: ههههه ..خشا وجهو فعنقها وباسها..... يخليلي لي حافظاني انا ... ولكن الغزالة راه بالصح ماقادش نصبر هاد السمانة خطبتنا و الاخرى ضريب الصداق...
شهد شهقات: هااااااا😱😱😱
اوس: هههههه مالك ... عندام تغيبب ليا تاني 😂😂
شهد : واش بالصح بالصح ... غتخطبني😍😍
اوس: على كنلعب انا نوضي حيدي من قدامي ياله ...
شهد تعلقات فيه برجليها و ايديها لاسقة فيه كيف القردة وهو اصلا كان متكي ومكالي بايديه وجاتها ساهلة وتشعبقات فيه ... بدا يضحك وهي بدات تبوس ليه فحنكو وتعاود وبكترة الحركة ديالها خسرات ليه توازن ديالو وطاح عليها بجغها ...
شهد: واااا الموت الزرقة .... نوض بجغتبني 😨😨
اوس : هههه باش تعرفي اش كيتسناك الغزالة ... باسها فحنكها وغمزها وناض لحمام و خلاها كتلوى فالسرير و تخبى وسط الغطا .... ناضت دغيا قبل مايخرج عربان وهبطات وجدات مع الخدامة الفطور وحطاتو فالجريدة ... عاد هبط هو جلس معاها فطرو ب2 كيترومانساو ...
بعد شهر .... دارو الخطوبة لي والديهم وافقو بدون ادنى اعتراض وكانو فرحانين بيهم ... العائلات ب2 قاريين وواعيبن ... ومكيهمهم غير سعادة ولادهم ... 
اليوم العرس... فاقت شهد كتنقز بالفرحة .... عائلتها كولشي مجموعين دارو كولشي روتين و ديال العرس ... خرحات من الصالون نيشان القاعة لي كانت كبيرة و مزينة بذوق راقي .... لبسوها وهي كتشطح عليهم ها الخلعة ها الفرحة... اميمة و ماماها كولشي فجنبها .... جا عندها مولاي السلطان بقا يتغزل فبها و خرجو مهم داز العرس من داكشي وتخيلوه كيف بغيتو راكم عارفين الكاتبة غزلان الشهدالي معندهاش مع اجواء المناسبات مكنحضرش ليهم ... ادا ميمكنش ليا نوصفهم 😂😂 ماعلينا..... سلا الحفل ودعوهم بالبكا والنواح ... مبغاتش تفرقهم ب4 حتا جرها كيضحك ... مشاو اول حاجة لفيلتهم لي شراها جديدة وبدل لي عندو.... بدلو حوايجهم و عيا مايتحرش بيها والو مابغاتش تشد ليه ... لبسو لباس مريح ... و هزو بالزهم و نيشان للمطار... دخلو ودازو من المعاملات لي مفروضة ... وطلعو للطيارة و جلسو فالدرجة الاولى ... حطات راسها عليه و تكات حتا قلعات ... كان ساد كتاب طبي كيقرى ...
شهد: حبيبة ؟؟
اوس: نعام احبيبة ...
شهد: قررت غنخرج من لافاك ...
اوس: وعلاش ... اش غتجلسي ديري ... الانسان بلا شواهد وديبلومات راه مكيسوى والو ..
شهد: شكون قالك غنجلس... انا غنبدل التوجيه غنقرى التمريض ونلسق فيك ...😋😋😋 تم النسخ من قصص مدرب..
اوس هز راسو كيضحك : هههههههه واللهما مرهتك ديريها باش نيت تبقاي قدامي احسن متخدمي ليا مع البشر ...
شهد: هي موافق 😍😍
اوس : على انا نقدر نقول لحبيبة لا ...
شهد : ولعب ليا فشعري فيا النعاس...
اوس: اجي لهنا ...
تكات وحطات راسها عليه ..و بقا ايد شاداها ليه وايد فشعرها ... بعد مدة وصلو ... للتايلاند هبطو ضرباتهم الرطوبية الريح المنعش ... خرجو ومشاو للاوطيل ... طلعو لاح اوس السبكان وشدها ...
اوس: اش ندير فيك دابا 👿👿

شهد: اويلي حيد بلاتي ندوش .. اصلا عيانة ياله وصلنا اويلي...
اوس شدها فيها اكتر وقال ... والله يالحبيبة لا فلتي مني ...
شهد: اووس ...
اوس كيدفع فيها للسرير ... و كيشوف فيها بحب و شهوة و عينيه في فمها كيهضر ... 
اوس: عيون اوس ... حياة اوس ... عمر اوس ...
شهد: هعهه الحمق طلقني على الاقل حتا ندوش ...
اوس: لا باغيك هكاك ...
تلاح على شفايفها بالتقبيل ...بقاو حتا تجردو من ملابسهم ... كانت خايفة ولكن حنانو و تفهمو طمنوها تعانل معاها بكل حنية و لطافة .... متعها اكتر ما تمتع هو عينيهم محيدوش من بعضياتهم كل بلاصة مسها فبها كيخليها تنادي باسمو ... قراها نقط ضعفها ولعب عليهم ... دار بحساب انها فيارج و مكترش عليها ... حتا تاحدو اجسامهم و وصلو لفين بغاو 🙈🙈 و تلاح حداها مغطيها وكيشوف غير فوجها وهي حشمانة حداه .. جرها لعند سدرو كيضحك علبها ... باس راسها ... وخلاها حتا رتاحت و نوضها دوشو ب2 مع مداعبات وتحرشات بطبيعة الحال ... حتا سلاو توضاو وخرجو صلاو داكشي لي فاتهم عاد رجعو ينعسو ...الناس كيصليو قبل و هما حتا فضاو 😂😂
نعسو فاحضان بعضهم ... 
اصبح الصباح فايقة شهد كتكسل ... شافت فجنابها لقاتو حاط راسو على ايديه و كيشوف فيها كيضحك...
اوس: صباح الورد.... ياحسن عروس...😍😍
شهد خبات وجها تحت الغطا وجرو ليها كيضحك ...
اوس: وااا مراتي عاد ولات كتحشم ... متلك مكنتي تحشمي قبل منتزوجو حتا فرقعنا الرمانة عاد وليتي تحشمي😂😂😂
شهد: ههه ماشي بحال بحال...
اوس: وشنو لي بحال ..ها... تلاح على عنقها كيهر و يبوس فنفس الوقت وهي غتموت تحت منو ... حتا لاحظت شي حاجة تحت ودنو هابطة شوية... 
شهد: بلاتي ا اوس 😮😮
اوس: اشنو ..
قلبات ليه ودنو ...
شهد: مايسحابش ليا عندك وشمة... عمرها كانت ..
اوس: ولكن ماعندي حتا وشمة... 
شهد : كتبان فشكل ... 
اوس: فين بالظبط ...
شهد كتوريه فودنها: ها نتا فهاد الجهة...
اوس: بلاتي 😨😨 واش كحلة وكتبان بحال شكل جناوح...
شهد: اااه واش تانا فيا 😱😱 
اوس: ااه 
شهد: منين جاو اويلي ... 
اوس: تانا معرفتش ... بقات كتشوف فديالتو وتاهو كيشوف ديالها وكيتعجبو .. كانت وشمة في ودن اليمين ديال كل واحد ... و كحلة وعلى شكل جناوح ..
شهد: واش حيت ب2 كنشوفو الارواح😨😨
اوس: يمكن... 
شهد: وعلاش مابانوش قبل علاش حتا تزوجنا...
اوس: حيت توحدنا يمكن ... هههه ولكن شنو المعنى مكايعلم بيه غير لي خلقنا... 😏😏

▪▪▪▪▪▪▪▪▪▪▪▪▪▪▪
بعد 3 سنوات .... فهاد السنين التلاتة ولات ممرضة و ديما مع راجلها .... مكيتفارقوش .. ولاو كيتصنتو للاشباح وكيعاونوهم يحلو مشاكلهم .. ولاو معروفين بين الاشباح ... لي عندو شي حاجة كيجيو عندهم وقننو هادشي دايرين وقت مخصص ليهم و مع الوقت بداو يكتاشفو انه كيتعطاوهم قدرات باش يقدرو يبقاو متحكمين فحياتهم ومياتروش عليهم .... 
اوس فاق الصباح ... شاف حداه لقاا المدام مسرحة كل رجل فجيه شعرها مليوح فالمخدة كاملة ...ووجها مورد ناعسة بكل برائة .. باس جبهتها... و هبط لكرشها لي ولات قداش ... واقيلة هدا شهرها .... غطاها وقادها ... و خرج يدير ليها الفطور مع الحلة ديال الباب ناضت كتغوت...
شهد: اااااوس ... فارس بغاا يخرووووووج....😨😨

🌼🌼🌼النهاية🌼🌼🌼

هههه انا كلشي البطلات عندي كيبدلو منحى الدراسة ... و نهايتهم فااولادة😂😂 مهم القصة كانت خفيفة ظريفة نتمنا تكون عجباتكم .... الى القصة الموالية لي اسمها - طوم و جيري الجيل التاني- و لي غتكون الجزء التاني لي الظابط وزوجته المراهقة 

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.