صورة مصغرة لـقصة حبيبي شبح

قصة حبيبي شبح

qisat 9isat chaba7 habibi 7abibi hob
رواية حبيبي شبح

بعد قصتي الظابط وزوجته المراهقة رجعت ليكم بقصة جديدة ... خيالية 100% مقدرتش نصبر ههه ادي كلاوني ... مهم القصة ماشي ديال الرعب بالعكس كوميدية وفيها الاكشن و المغامرات والفانتازيا و الرومانسية على الجهد ... 😏😏
✔العنوان: #حبيبي_شبح
✔للكاتبة: غزلان شهدالي

🚫🚫🚫 للتوضيح فقط القصة ماشي ديال الرعب ... وبالنسبة للاشباح راه مكانامنش بيهم ... كنامن غير بلي ذكر الله فالقران ..واي حاجة فهاد القصة غير وحي الخيال غير للمتعة فقط لا غير 😋😋

تعريف الشخصيات :البطلة شهد فرحاتي فتاة بعمر 22 سنة طالبة السنة التانية لا فاك ايكونومي ... حروفها كوحل شعرها كحل طويل شوية ..طويلة وطاي رقيقة ..ستيلها فاللبس ماشي عادي عزبز عليها تلبس غريب شوية على العادة ..عندها ضحيكة عريضة .. عايشة مع والديها الاب عزبز فرحاتي استاد فرنسية بالتانوية .. وامها سناء فرحاتي موظفة عادية في المقاطعة و عاد اخوها اشرف فعمر 15 سنة ... 
البطل مغنقول عليه والو حيت مع الاحدات غتكتاشفو شكون هو....
باسم الله نبداو على بركة الله ...احم احم ...وااااااااااااااااا مااااامااااااا😱😱
سناء من الكوزينة جايا لبيت شهد بسباتيل ديال العود فايدها كانت كطيب الغداء ...حلات البيت مخلوعة : مالك تاني علاش غوتي 😨😨
شهد فوق الناموسية ببيجامتها وشعرها مخربق غير حلات الباب وتلفتات عند مها لملامح عادية وقالت..
شهد: انا؟..
سناء: لا انا ...😠😠
شهد كدور فعينيها : مغوتش... غير تخايل ليك...
سناء تلاحت عليها فوق السرير ... و شهد بدات تهرب ولكن شداتها...
سناء كتضرب بالسباتيل لمؤخرتها وكتخاصم...
سناء: واش لمك مغتساليش هاد التبوهيل ديالك اه ... واش كل مرة مخرجة لبا بلان على يسحاب ليك مسمعتكش بالليل داخلة كتقرقبي و تسلتي الى منضتش ليك راه غير باك مبغيتوش يفيق ويحصلك ... واش كل مرة داخلة ليا معطلة لوالديك فين كتغبري النهار كامل ها ...
شهد: وا اي اماما مضربيش بهاديك راه ممزيانش ... راه غير بقيت مع اميمة و دانا الوقت ... 
سناء: راه غنتف مك يسحاب ليك معيقاش بيك مغتوكوني غير مصاحبة مع شي هيبي ولا بوهالي بحالك ... راه مناعياش على ودنيا راه والله ونحصل على والديك شي حاجة مغنفككش من ايدين باك سمعتي 😠
شهد: وا صافي طلقي ليا شعري ريشتيه اماما واه عيقتي راه واخا نتصاحب مكنديرش داكشي والله العظيم ... 
سناء: كتقولي فبها ابنت الحرام 😨
شهد: نعرفك عليه واللهتا ظريف وناوي المعقول ... وشحال من مرة ليgاليزا الوراق عندك .... اااي شعريييي...
سناء: قولي جاي يقلقلني ويشوفني كيف دايرا ... مالو ماقالها لي منين ناوي المعقول راه كيضحك عليك البهلة ...
شهد بصوت كيخلع و خشن: غتخرجي ولا غنفزع مك لتلت الخالي😈😈
سناء: باسم اله الرحمان الرحيم حنا بالله وبشرع.. صافي غنخرج غير مظيرو لينا والو😨😨
خرجات سناء وسدات الباب...
شهد تهز سدرها وخرج منها طيف ووقف قدامها وهي هزات راسها شافت فيه... كانت بنت خيال بين الازرق و الرمادي لابسة ملابس مقطعة حالتهم ونفس لونها ووجها شاحب بعينين كلهم بيضين مكينش المومو وحول عينيها داكن و ووجها دايزين منو عروق داكنين كانت طايفة قدامها وشهد كتشوف فيها بغضب...
شهد: مالك اش بغيتي تاني ... وعلتش دخلتي فجسمي 😡😡 وعلاش هضرتي مع ماما هكاك..
هي: عصباتني مبغاتش تخرج ... 😠😠
شهد: اش باغة 😡
هي اختفت وظهرت جالسة فوق السرير مباشرة قدامها...
هي: بغيتك تعونيني ...
شهد: لا ...ياله منشوفكش مازال قدامي ومتبقايش تبحلقي فيا بحال قبايلا راك خلعتيني و بسبابك كليت خلا عشتي... ياله غبري... 
بغات شهد تنوض و هي توقف قدامها طايفة فالهواء مخرجة عينيها ومعوجة سيفتها وشعرها تهز بحال الى طاير فالسماء وهضرات بصوت قبايلة الخشن ...
هي: غتعاونيني وبزز منك اولا غنرض ليك حياتك جحيم ... 👹👹
شهد وقفات قدامها بملامح عادية مظاهرش عليها الخوف : شوفي ليك شي حل اخر مبقبتوش كتخلعوني ...
الشبح تعجبات منها ولدات كتبدل فسيفتها وتاواحد مخلعها ربعات ايدها شهد ولقات كتشوف فيها... 
الشبح بدات كتفقد الامل و طاحن عليها فكرة و هي تسيف بسيفها هي نيت ولكن مشرطة حناكها ومخيباها وكولها دمايات و لحمها التحتاني باين...
شهد: وااااا😲😲😱😱 درقات عينيها.....
هي: اش بانلك فهادي واللهتا نرضك هكا الى مقبلتيش ..😈
شهد: صافي صافي حيدي عليا داكشي بورشتيني ... بدلي دغيا ... موافقة يخ تفووو... 
هي بدلات وهبطات للارض كتبسم ... دابا مزيان...
شهد: اش باغا 😡😡
هي: غادي تمشي معيا لداري بغيتك تاخدي شي حاجة من تم ...
شهد: دارك فين كاينة واش فيها شي حد دابا...
هي: لا داك الشماتة ديال راجلي اولا لي كان راجلي مكيجيش دابا ... طلقيني سربي لبسي دغيا وتبعيني..
شهد: اوف اوووف كل نهار طلية فشكل 😡😡
شهد دازت للماريو لبسات الصورة و هزات ساكها ودخلات عند مها للكوزينة..
شهد: ماما انا خارجة...
سناء: هادي نتي ابنتي ..😨😨
شهد: اه اماما مديش عليا قبيلا غير تحمست كتر من اللازم...
سناء: واخا ابنتي.... فين غادا تاني...
شهد: ها... لا فاك..
سناء: تا تغداي..
سهد: لا زربانة..
باستها وخرجات .....

خرجات نور كتنفخ والشبح قدامها ...شادا ساكها و كتضرب برجليها حيت ديما هدا حالها ...كل يوم مغامرة مع شي شبح فشكل.... 
شهد كتهدر ودايرة ايدها على فمها لايسحاب للناس كتهضر بوحدها : دابا اش المطلوب مني بالظبط ... منقظرش ندخل لدارو وهو مكاينش نتي مكاتبانيش راه انا لي غنحصل 😡😡
هي: غتسكتي شوية لا... متخافيش غنحميك..
شهد: احنا غنشوفو...
بقاو كيتمشاو حتا وصلو لواحد العمارة ... طلعات نور تابعاها وصلو لسانكيام ايتاج زوقفات قدام واحد الباب..
شهد: كيفاش غنحلوه الالا الفهيمة... نتي ساهلة ليك .. وانا ندخل من تحت الباب ..
هي: فيك الهضرة بزاف هزي ساروت راه تحت داك الغرس لي فالارض...
تحنتت شهد و جبداتو ... حاات الباب ودخلات كتيلت ودبر خطوات صغار دخلات الشبح سكانات الدار مفيها حد ... 
هي : تبعيني للبيت ...
تبعاتها شهد كتلاوح وكتدمر دخلو لبيت النعاس ...
هي: تحت الماريو غتلقاي واحد الجوا لاسق بسكوتش من تحت ... 
بقات مضاربة معاه حتا جبداتو....
شهد: اوووه فلوس غتعطيهم ليا ياك ...
هي: ديريهم فساكك وسكتيني...
دارت داكشي لي قالت ليها....
هي: ودابا المهم .... فين كان ياربي فيين ...اه ورا الناموسية اكيد تما ... قابي تحتها شوفي واش كاين شي مسجل ....
شهد: اوووف طلية معاك تحنات كتقلب بايديها ... زادت تخشات كتقلب كتقلب وشعلات الفلاش حيت مظلم ولقاتو... جبداتو ووراتو ليها ....
هي:😍😍 مزيان خبيه فساكك...
خباتو شهد وتمت غادة : ياله نمشيو قبل مايجيو...
دارت لقاتها كتشوف فواحد الصورة و الحزن على وجها...
قربات ليها شهد ... وقالت...
شهد: شكون هادو...
هي: هدا لي كان راجلي و هدي مرتو .... موتي مداز عليه غير شهر دغيا تزوج ههههه علامن كنضحك وعلاش مغيتزوجش .... هو السبب فانني هكا دابا ...
شهد: كيفاش😱😱
هي: هو لي قتلني ... وخرج منها كيف الشعرة من العجينة حيت مالقاوش عليه الدليل ... 
شهد وعلاش هادشي ... زعما واش مكنتوش كتبغيو بعضكم...😟😟
هي: انا لي بغيتو هو كان داخلني على الطمع و للاسف هادشي معرفتوش و ياما حدراتني منو مي ولكن متقتش بيها.... والايام الاخيرة ليا بديت كنلاحظ علبه تصرفات فشكل و بالصدفة سمعتو كيهضر مع هاد خيتي لي قدامك و قال ليها بلي غيشوف كيفاش يتهنا مني وانا عاد فهمت كيف الغبية عامين وهو كيضحك عليا ... درت التسجيل لي فايديك تحسبا لاي طارئ درت فيه وصيتي لاملاكي و قلت حتا بلي الى وقعات ليت شي حاجة فهو السبب.....ونيت خنقني بالوسادة فالليل ولكن تغلق المحضر على اساس جاتني كريز حيت فيا الديقة .... و هو كيتمتع دابا مع هاد الكلبة فخيري لي دمرت عليه ولكن هادي هي الاخيرة ليه...
فجأة دارو ب2 حيت كان تخرشيش برا وبدات كتفتف شهد ... جراتها الشبح وخلاتها جنب الماريو...
هي: متحركيش من هنا... 
شهد اومآت براسها و الاخرى مشات برا ...شوية دخل الراجل كيحيد فحوايجو و شهد بدات كطل عليه لقات الشبح كطوف حدا راسو ودايرا فيه شوفة ديال القتيلة شهد جاتها الضحكة وسداتها حيت كن عرف اش حداه gاعما يجلس يغني مرتاح هكاك...
حنا راسو وبانت ليه تصويرة ديالو مع الشبح فاش كانت حية .... كانت طاحت فاش كانت شهد كتقلب ... تحنا هزها وبدا يضحك ...
هو: هههه كيفاش بقات هاد التصويرة ... اااه الغبية تهنيت منك كنتي بحال الحجرة على قلبي خيرك اني عايش فيه مع لالاك ... هههههههه ... مجا فين يكملها حتا جمعاتها معاه بواحد الطرشة حتا طاح الارض تخلع تزعزع معرف داكشي جا من السما اولا من الارض..
هو: بسماحماحيم ...بسماحمارحيم .... ش ..ش..شكو..ن تما.... 😨😨
شهد شافت اش وقع سدات فمها بايديها باش متضحكش ولكن الصوت خرج رغما عنها ... لاخر عاد ناض وزاد تخلع وبدا يدور فالبيت حول نفسو وكيدخل ويخرج فالهضرة ... حتا سونا التيلي ديال شهد و هي تبدا تقلب تسكت فيه وهداك تخلع فالاول وبدا يقلب على مصدر الصوت سمتاتو وشهد وقفات عليها الشبح كتقول ليها اش درتي بقا كيقرب حتا وقف عليها 

هو: شكون نتي ؟ واش كديري هنا ؟ ادن نتي لي كنتي كتسطاي عليا دابا ياك 😠😠 هضريييي شكون نتي...
شهد بدات تفيبري قدامو وتفتف: ا..ا.. سم.سمح ليا اسيدي ... انا غير.
هو: غير داخلة تسرقيني ... اري داك الساك ...
شهد دارتو وراها: لا مسرقت ليك والو 😟😟 ..
جرها من قرفادتها خرجها لعندو صرفقها حتا طاحت وخدا ليها الصاك ياله غيحلو شافت فالشبح لقاتها تعصبات وهي تقجو هو تجمهو عليه الخلعة من داكشي لي مكيشوفوش وقاجو و حتا القجة لي غتقتلو ...شافت فشهد ودارت ليها بعينيها تخرج ... ناضت شهد هزات صاكها وعلقات ...هابطة فدروج كل خطوة ب2 درجات ...حلات باب العمارة وكملات على جراها ... ماوقفات حتا بعدات ... وجلسات فطوطوار سرحات رجليها وهزات شعرها فوق وكتنش على راسها من الصهد الجرى لي جرات ... جبدات الماء من صاكها وهبطات عليه زgفة وحدة ... حتا بانت فجأة جالسة جنبها وكتضحك بجهد فرحانة شهد تفاجأت و وحل ليها الماء لي كانت كتشرب ... 
شهد: خرى تفووو واش غتسكتو ليا القلب نتوما متقدروش تبانو بلا متخلعوني ... هزات راسها للسماء... الله ياربي واش درت فحياتي😭😭😭
هي: احححح الله دابا مابقا والو ونرتاح ... باقي عندك الخدمة ...
شهد: شنو باقي مزال بسبابك حصلت وكان غيصفيها ليا ... اويلي بعدا قتلتيه😱😱 بصماتي و كولشي غيكون دليل على انا لي قتلتو ...ناضت ...اوييلي قودتها باقي مدرت والو فحياتي ... احلامي وطموحاتي 😭😭 غنتشد وانا باقة صغييرة 😭😭😭
هي: اوووف فريع الراس .... جلسي بعدا راك فرجتي فيك عباد الله ...

شهد دارت لقات لي كيدوز كيشوف فيها و جبدات تيلي و بدات توريه ليهم و تبسم بطريقة متوترة رجعات لبلاصتها ... و دارت ايدها على فمها و كتهضر تحت سنانها... 
شهد: شوفي نتي غتفكيني من هادشي... راه مدرت لا بايدي لا برجلي غير كنعاونكم وصافي ... 
هي: غير هنيني راه غير خليتو مغيب دخلات مرتو بدا كيدخل ويخرج عليها فالهضرة يسحاب ليها تشير ههه ولكن باقي مشافو والو... جبدي بعدا داكشي ... حلي جوا غير وسط صاكك ...
حلاتو شهد و لقات بزاف الفلوس...
شهد: ترفحت😍😍😍
هي جمعات معاها بطرشة حتا دار وجها : خريتي 😠😠 هادوك فلوس غتعطيهم لماما ...
شهد: شنو دابا انا طلع معايا صبع ... طرشة .... كنعاونك ونتي جالسة كطرشي ... 😠😠
هي: بصراحة تستاهلي تما كاين 10 المليون خودي 100 الف والباقي غتعطيه لماما ...حيت واقفة عليهم وخاصها عملية كنت مخبياهم لدواير الزمان ... ولكن مت وبقات ماما كتعاني ورايا وخويا عايش معاها باقي ممرسمش فخدمتو ... و راه مقاتل مسكين دابا ... عطيهم هاد التسجيل راه فيه وصيتي املاكي كلها بسميتو... حمد الله مدرتش الولاد وفيه حتا حقي غيغرق لبوهم الشقف ب2... 
شهد بقا فيها الحال: لا الى ماماك محتاجاهم هي الاولى وانا فرحانة لي عاونتك ... غضرك الكلب وانا مستاعدة نكمل معاك 😟😟
هي عنقاتها .... شهد قادرة تشوفهم و قادرة تمسهم وكتحس بيهم .... 
هي : شكرا بزاف ... نتي بنت متميزة بزاف وهادشي علاش ربي عطاك هاد الموهبة حيت كتستاهليها و قادرة عليها...
شهد:😋😋 ياله نمشيو عند ماماك ... 
ناضت شهد هي وياها ... تمشاو شحال ووصلو وقفو قدام عمارة ...
شهد: اذا هنا فين ساكنة ...
هي : اه ... سمعيني غتعطيهم هادشي و غتهبطي فحالك ... اوكاي 
شهد: اوووكاي ...
طلعو ب2 و دقات فالباب لي وراتو ليها ... وحلو خوها كان شاب عادي ...
هو: نعام !!
شهد: هادشي امانة ديال ختك الله يرحمها... 😊😊
عطاتها ليه وعلقات هبطات دغية هو بقا مسوكي عيط عليها توقف موقفاتش ... دخل معجب و حلو ولقا الفلوس 10 المليون كاملة ... تخلع يسحاب شي منتيف حتا لقا التسجيل سمعو ... تشوكا شحال وهو واقف كييتوعب حط الفلوس وهز التسجيل خرج كيجري مالقاش شهد ... شير لطاكسي ومشا للكومييارية يعطيه ليهم ....
وهنا كانت شهد مخبية ورا واحد القنت فالزنقة و معاها الشبح ... كانو كيطلو عليه...
شهد: غيكون سمع التسجيل وغادي بيه للكوميسارية ..
هي: اه ... شكرا بزاف خدمتك سالات ...دابا ما علينا غير نراقبو اش غيوقع ... 
شهد: انا متاكدة غياخدو جازاؤهم...
هي: ان شاء الله ... ياله نتحركو دابا ... غير سيري لشغالك ... الى حتاجيتك تاني غنجي عندك ...
شهد: واخا بسلامة ...
اختافات الشبح ... وشهد تمات غادة كتمشا ...و جاها اتصال...
شهد: الو بيب....
.....: فينك 
شهد: كنتسركل ...
......: اجي لافاك راه امبمة فارعة ليا راسي عليك...
شهد: هاهي جايا...
شيرات لتاكسي ركبات ومشات ... والطريق كولها كيبانو ليها الاشباح كيتمشاو و كتفاداهم باش ميعرفوهاش كتشوفهم... حيت ديما كيلصقوها و كل واحد و طلباتو كبف دايرين .... 
وصلات شهد خلصات طاكسي وهبطات ... دخلات لافاك ونفس شي كيبانو ليها منشورين وكل واحد واش كيدير و اشكال وانواع....
شهد: واا فييين العشراان...
اميمة: حبييييي ...عنقاتها...
شهد: مالنا على هاد الجهالة .... 😠😠
امجد: وفين كنتي غاطسة 4 العشية هادي والحصة تاهي مدخلتيهاش ...فين كتغبري غير قولي ليا 😡😡
شهد: وا صافي فرعتو ليا راسي ... كنت كنتسركل وهاني رجعت...
اميمة: بلا بيا حرام عليك ... معامن...
شهد : تاحد بوحدي ... 
امجد: لا حول ولا قوة الا بالله العظيم نتي غتسطيني اولا غتحمقيني مافيهاش ...
شهد: استالمتوني تاني كتلعبو تينيس من واحد لاخرى لي كيبداوه ليا دوك 2 فالدار كملوه ليا نتوما فلافاك..😡😡
امجد جرها لعندو كيعنق فيها ويراضيها...
امجد: ياله صافي احبيبة صافي ... مبقيناش نقو عليك و لكن حتا نتي متبقايش تغبري هكا و على اقل قولي لينا فينك نكونو معاك ... مفهمناش وقتك كولو غابرة ومكتكونيش فلافاك وفداركم ... فين كتكوني زعما و حتا الصحاب كاينين غير حنا لي عندك 😒😒
شهد: والو غير كل مرة واش عندي وصافي دابا ... قولو ليا اشنو نديرو... 
امجد: مممم نديرو شي خريجة ...هز راسو فاميمة و غزف على سنانو وخرج عينيه ....راااس فرااااس...
اميمة: هههههههه على جتتي الحقير 😂😂 ماحد حبيبي مسافر برا غتلقاوني عند راسكم ...
امجد : صاحبك مسافر وانا تحرميها فيا..
اميمة: هاد الهضرة عاودها لمك ... هادي راه صاحبتي من قبل متلاقا معاها 😒😒
شهد: هههه بديتو تاني ... مدابزين عليا سعداتي...😂
امجد جر شهد بغفلة من اميمة و بداو يجريو و سادها وراه ...امجد : جري دغيا اهي غتبعنا وتلصقنا تاني...
اميمة تابعاهم: يا ولاد الحرااااااااام و الله ومتوقفو حتا نوصلها لخالتي سناء .😡😡 شااااااااااااهد غنقتل موووووووك...

شهد: حرام عليك خليها معانا معامن نخليها ...اصحايبتي هاديك ... 😟😟
امجد: انا صاحبك انا اولى عليها ..
وصلو للبرا شير لطاكسي ركبو فيه و خرجات اميمة كتعاير وتنهج لقاتهم ركبو ومشاو و عيطات لشهد ...
شهد: اوووومااايمة سمحي لبا احبيبة هو لي جرني غير سويعة و نرجع عندك...😟😟
اميمة: سيري تخراااي نتي وياه غفلني ولد الكلبة ...
امجد: سمعتك..
اميمة: عاودها لماماك ... حتا نتلاقاو دخلتينا كيف السوسة 😠😠
شهد: هههه واصافي الحمقة ... بردي ... والله تا نرجع عندك غير تسنايني..
اميمة: صافي بلا مترجعي انا عييت غنرجع للدار ..
شهد: واخا على خاطرك ياله بسلامة دابا...
قطعات معاها...
شهد: تقلقات حشومة عليك...
امجد : هي لي حشومة عليها محرماها فيا ...خلينا منها دابا ... فين نمشيو..
شهد: معارفش فين وطاكسي غادي ...
امجد: قلت ليه غير تحرك ... 
شهد: اوكي دينا غير الكافي ديال ديما...
قالها للطاكسي هبطو وخلصوه دخلو وجلسو معزولين حدا شرجم كيطلو من الفوق على الشارع.... 
شهد: فراسك خديت نتفة الصباح على قبلك..
امجد: ههه وعلاش .. ياكما حصلاتك الوالدة ديالك 😨
شهد: ههه مالك كترعد عليا غير عارفاتني مصاحبة ..كون هاني مقلتش ليها جاي يخطب هههه طاح منك النص ..
امجد: ههه نتي عارفة احبيبة ديك الهضرة باقي عليها الحال وعلاقتنا باله 6 اشهر هادي باش بدات ... 
شهد: عارفة واصلا كون جيتي نتا عندي وطلبتيها مني كنت غنرفض ... مهم نخليك دابا عندي مايدار ...
امجد: اشمن عندك مايدار تي جلسي باقي الحال...
جلسات كتنفخ...
امجد هز ايدها باسها و بقا كيقرب كيزعم باش يبوسها فمها وهرباتو ...ووقفات...
شهد: ا..ا.انا غادة بسلامة...
هزات ساكها وخرجات برا وهو ضرب فالطابلة سرح رجلو و تكا على ظهرو...
شهد غادا وكتنgر : قالك باقين صغار يعني كلام ماما بالصح غير كيدوز بيا الوقت... ولكن ولد الهم كيعجبني و منقدرش نعيش بلا بيه ... ماشي مشكل حتا نزيدو نكبرو شوية ونبنيو مستقبلنا ..بيان سير دابا ميمكنش عندو الحق ههه حمقة انا ... 
بقات كتمشا وجامعة عينها عندها باش متبينش لاشباح لي فطريقها انها كتشوفهم و حيت ديما شوفاتها ليهم هما لي كيفضحوها و بداكشي لاش كيتبعوها... 
كانت 7 العشية وبدا يظلام الحال غادا لايحة رجليها كتمشا وتمزك دايرة ليزيات .. دازت من طريق خاوي شي شوية وهي نخرج ليها فجأة قدامها...
شهد تخلعات وبدات تبكي بالغوات:😱😱 😭😭😭
هي: سمحي ليا مقصدتش ...
شهد:😭😭😭بعدي منيييي😭😭😭
هي: وا صافي ههه انا جبت ليك النيوز ...
شهد: اشنو شدوهم ...😍😍
هي: ههه اه هو الكلبة لي معاه حيت تاهي مشاركاه و خويا دا ماما نيشان للمستشفى مسكين كان خاصو غير الفلوس ...حمد الله باقي خويا ومرضي ماشي بحال ولاد اليوم ... خليتو باغي يقلل عليك يشكرك ههه ولكن ماعندو مسكين كيفاش يلقاك ههه انا غنمشي مطمنا دابا ... شكرا ليك بزاف نتي عتقتي ليا ماما وخديتي ليا حقي ... مغنساش خيرك ...
شهد تاترت وبدات كدمع : واش وصل وقتك😢😢
هي: ههه اه ومرتاحة مابقا عندي ماندير هنا ...شكرا بزاف .. عنقاتها وشهد تاهي عنقاتها كتبكي .. طلقاتها وتحولات لنور ابيض و بقات طالعة للسماء بقات شهد متبعاها حتا اختافات حدرات راسها للارض كتمسح دموعها ..وهي تسمح تحنحين ...لقات مجموعة ديال بنات وولاد كيفيبريو بالضحك حداها ... و هي تغمض عينيها وضربات جبهتها...
شهد: اووووف عاوتاني درتها ... تحنات هزات حجرة و علقو ... لاحتها وتمات غادية ترجع للدار ... و هو يوقف عليها شبح ذكر هاد المرة طويل ومبودر وباينة فيه كان شي مجرم ... خرجو عينيها فيه حيت كيخلع ماشي من حقيقة انه شبح وانما من شكلو لي كيوحي انه شرير وياما غيبغيها دير شي حاجة ممزياناش اولى غيسكنها ويدير مابغا...
شهد خرجو عينيها فيه بقات شحال مصدومة فيه حتا عاقت براسها و هي تبدا تضهسس بايديها وحالا عينيها مكتحركهمش .. دارت راسها عمياء ... و لدات كدير بايديها وتلوح فبهم وكتحاول تبعد و هو يختفي ووقف قدامها... وقال بضحكة شريرة...
هو: هههه عليا انا 👹👹

هو: هههه عليا انا ...شفتك كتعنقي فديك الشبح .. وسمعت دبك الهضرة لي قلتو ...
شهد: ش..شنو بغيتي عندي ... 
هو: والله الى العجب شحال مهضر معيا بنادم .... و توحشت نجمع مع العشران والصحاب .. ديما كنمشي عندهم ولكن مكيشوفونيش ومكايسمعونيش ...
شهد: شنو المطلوب مني ميمنش لي نعاونك فشي حاجة بحال هادي ...
هو : لا ممكن ... وهو يدخل فيها ....
ولا جسد شهد ولكن الشبح لي كيتحكم فيه .... بدا يهضر ويضحك ويغوت عجبو احساس الحياة من جديد بدا كيتمشا ويتعنgر مشية رجولية و هو غير وسط جسم فتاة بقا غادي كيضحك ويغني.... حتا وصل لواحد البار ودخل ... الدنيا كتزدح وبنادم منوضها مخلطين رجال وعيالات ... الشراب والزدحة على ااجهد ..دخل كيقلب بعينيه و مع هي بنت كانو تحرشات ولكن الشبح كان كيضرب ويصرفق حتا وثل لواحد الطبلة فيها عشرانو لقاوهم ب3 كااو كيبجقو فعينيهم و يكركرو غادين جايين ...
شهد: وااافين الق****
واحد فيهم كيهضر بفم تقيل: ش ..كوون هادي واللهتا ن...
شهد قاطعاتو: عشيركم بورورو هادا اصاااحبي ...
واحد اخر: اااااه بو..رو..روووو وتوحشناااك اصاحبي.... ولكيين تبدلتي ...ولبتي كتبان ليا تيتييييييزة...😍😍
شهد: جماااااع علييا خراك راه غن...
لاخر: صاااافي اصاحبي غير ضاحك معاك جلس تقصر معانا ...
جلسات شهد و بداو يعمرو ليها فالكيسان وهاداك كيشرب فرحااان واخيرا تاحت ليه الفرصة باش يسكر مرة اخرى ... بقاو قولها وضحك عليها وكيشربو حتا جابو الكاو ومعاهم حتا شهد و لي معاها دايخين ماعايقينش بلي معاهم بنت ... بقاو هكاك حتا بدا البار كيخوى والنهار راه كيطلع 4 و نصف .. بقات كتلاوح تما شافها واحد السرباي وجا عندها...
هو: ختي واش قادرة ترجعي راه بقيتي غير نتي ... 
شهد: ههههه بوو حدي ... ويلي على فين داك الشبح لي جابني ...
هو: اش كتقولي ...عطيني تيليفونك ...
خداه من عندها ... و لقا اخر اتصال مع امجد و اتاصل بيه ...
امجد كيهضر ناعس: ممم شهد واش مبوقة معيطا ليل دابا ...
هو: راه مولات التيلي سكرانة هنا اخويا وبقات بوحدها .. جي راه غنسدو و الى يقا بوحدها راك عارف..
هو قفز: سكرانة ... فين فين انا جاي...
هبط من دارهم و هز سكوتر ديالو ومشا عندها دخل لقاها دايخة وغير كتهضر وضحك...
امجد: شهد اش هاد الحالة😡😡
شهد: مجووودتي جيتي توحشتك هخه
امجد: نوضي تgعدي عرفتك دابا فين كتغبري وليتي تشربي واش من نيتك ... واش عارفة راسك اشمن موقف حاطة راسك دابا ... نوضي حتا تصحي وديك الساعة معاك هضرة اخرى...
ناض هزها ولصقها معاه فالسكوتر بالسمطة ديالو حيت ماشاداش راسها ... و ديمارا بيها و حطها قدام دارهم وطلعها فالدروج ...
امجد: شوفي غدخلي بلا حس الى شافوك والديك هكا غتجبديها على راسك ...سمعتي...
شهد: اووف سير فحالك بلا بلا بلا..😡😡
امجد: شووووش غتفيقيهم ... طلية كحلة معاك .

امجد: شووووش غتفيقيهم ... طلية كحلة معاك .. خدا سوارتها و حل ليها الباب و دفعها عطاها السوارت و سد الباب وهبط مشا هي داخلة كتلاوح وكدندن و دازت على واحد الفاز قاستو وطاح و هي كانت كتمشا بشوية زعما وحيت ممتوازناش قاستو طاح ... بقات واقفة فبلاصتها و كتطلب الله ميفيقوش ساعة تشعل ضو باها خارج عينيه مبجقين بالنعاس ومها وراه كتندب وكتدعي الله ..
شهد وقفات مقادة عينيها حمرين مقلوبين و كتحاول متبينش... 
شهد: بونجووووغ موسيو عزييز الفرحاتي...
عزيز: واش هادي سكرانة ولا انا لي دايخ بالنعاس ..
شداتها سناء و كتضحك بتوتر: خهه لا غير سير نعس انا غنتكلف...
عزيز: اش غتكلفي الظرية جاياني تال 5 الصباح سكرانة من الفوق و بغبتيني نرجع نعس...😡😡 اجي لبوك نتي لهنا ...
شهد: فيا النعاس حتا غدا ونهضرو...
عزيز: اشمن غدا راه طلع النهار زيدي قدامي...
وقفات شهد قدامو وهو بشدها من ودبها ب2 قدامو ...
عزيز: نتي لبوك لمن خرجتي اه ... من نهار فقتي من ديك الغيبوبة و تي من لور لور هزيتي شهد وحطيتي اخرى من صغرك حتال المراهقة دازو بيخير غير درتي 20 عام ولي خاصك تكوني درتي عقلك تفروحتي و تبوهلتي عليا لوالديك فين كنتي ومعامن هضري ...
شهد: اااي ابابا طلق ليا ودنيا راه كتنسمعكش كنشوف غير فمك كيتحرك ...
عزيز حيد البلغة شادها من ودن و كينزل ليها على جناب ...
عزيز: لبووك انا كنهضر ونتي كتفلاي عليا اه هضري اش وصلك لشي شراب درتها انا لوالديك لي راجل ها ؟ 
شهد: ايي ماشي انا ... راه الجن ابابا واللهما انا...
سناء: البنت ملبوسة راه عندها الصح ... كوراه ماشي لخاطرها ..
عزيز: بدينا تاني فديك الهضرة الخاوية راه كتفلا عليا هادي بغا تعيش فالسيبة وكتخربق عليا هنا ... نوضي تهزي من قدامي من اليوم الدخول مع 6 العشية والله وكون ماكانت لافاك والقراية لا عتبتيها .. غتسالي قرايتك ونجوج والديك نتهنا منك ... 
نوضاتها سناء داتها للبيت و هو بقا كينgر وشهد ممسوقاش تضحك وتغني وتلاوح و غير كدخل وتخرج فالهضرة دخلاتها مها للدوش دوشات ليها وبدلات ليها و خشاتها ففراشها تنعس ... 
وهي مشات تنعس بيما وصلات 7 ......
فاقت شهد كتحك فعينيها و راسها كيزدح شافت الساعة لقاتها 11 ...
شهد شادة راسها: اااي اميمتي راسي ... اوووف ناضت شربات كينة وعقداتو ...خرجات من بينها والديها مكاينينش خدامين و دارت فطورها وجلسات فالصالة ..حتا حل الباب ودخل لشرف...
اشرف: وا فيببن السكايرية 😂😂😂
شهد: مك البرهوش سير فوتني ... خشات الدغمة في فمها و عاد سرات معاها معاقلاش كيفاش حتا جات لدارهم رجعات بيها الاحدات معقلاتش اش وقع منين وقف عليها الشبح البارح ... 
شهد: ا...لشرف اش وقع البارح..
اشرف: ههههه قولي اش وقع الصباح ..معقلتيش المسخووطة هههههه 
شهد: طلقني دغيا اشدرت هاناري😨😨😨
اشرف: طلعي 😏😏
شهد: اووووف 20 درهم لي غنعطيك مغنزيدش ...
اشرف: 30 اولا واللهلا عاودت ليك على الفضيحة لي درتي...
شهد: اووووف جاتك وطلقني...
اشرف: جيتي مع 5 الصباح سكرانة المسخوطة سلخك الواليد بالبلغة وتحلف عليك 😂😂😂 و كون تشوغي شادك من ودتيك ونتي كضحكي بحايلا كيهرك ...بصراحة قودتيها سمعتو جبد ليك شي زواج واقيلا غيجوجك ويجيب لينا شي نسيب 😂😂😂 
شهد: 😱😱😱 اويلي شافني الواليد سكرانة لا لا مخاصنيش نتلاقاه انا ...
ناضت نقزات من فوق الطبلة وتبعها هوها عطلتو الفلوس وركلاتو للبرا لبسات الصورة بالخف هزات الساك وخرجت كدردg...

خرجات كدردg ودارت نظاظر كحلين ... وبقات كتمشا وكتهضر مع راسها ...
شهد: ويلي ويلي وصلا القضية للبيران والشراب اويلي حي اش غندير ياربي ... اويلي دابا مشيت للبار و شكون رجعني اميمتي اش هادشي ... ياكما دارو ليا شي حاجة يعلم الله اش دار بيا هداك الشبح الله يلقيها ليه ... اش غندير ... لا لا ميمكنش ليا نبقا هكا غنمشي لطبيبة تقلبني ..حسن مايبقا ضارني راسي هكا ..
وقفات طاكسي هبطاتها لعند الطبيبة تسنات شوية ودخلاتها...
الطبيبة غير شافتها وقالت ...
الطبيبة: عاوتاني نتي ابنتي ... 
شهد: اه ادكتورة وبغيتك تقلبيني بحال المرة لي فاتت..
طبيبة: تفضلي ...
جلسات فالبياس وقلباتها ...
الطبيبة: باقا كيفما ولداتك امك ... ولكن ابنتي سمحي ليا نسولك واش كديري علاقات لي يخليوك كل مرة تقلبي راسك الى كان هكا راه نتي باقا صغيرة وممزوجاش هادشي راه ممزيانش و غيدير ليك مشاكل كبار ...
شهد: لا لا ادكتورة الموضوع ماشي هكاك ... بصراحة غنعاود ليك المشكل ديالي ..
طبيبة: تفضلي ابنتي ...
شهد: انا عندي انفصام فالشخصية عندي 2 شخصيات كيتحكمو فجسمي هادي لي قدامك شخصيتي الحقيقية ولكن بعض المرات كتخرج ليا شخصية اخرى و الشخصية الاخرى ممزياناش كتديني لشي بلايص و كتخليني ندير شي حوايج ... و فينما كنرجع لنفسي كنلقا راسي فاماكن فشكل ظاكشي لاش منخاف نكون فقدت عذريتي ...
الطبيبة: ااااه بالصح ...باز ليك ابناي المشكل صعيب 😨
شهد: اه راني متبعة مع طبيب نفساني و راني كنتعالج ..
الطبيبة: فهمت دابا ابنتي ... الله يشافيك ويكون معاك وانا فينما تبغيني غتلقايني...
شهد: شكرا بزاف 😊😊 غنمشي دابا ...
الطبيبة: بسلامة ابنتي وبلا متخلصي الفيزيتا .. و فينما تبغيني جي عندي .. 
شهد: شكرا بزاااف 😍😍
خرجات شعد فرحانة كتضحك مصرفاتش فلوسها وتيقات كدبتها دارت نظاظر تاني لتفادي الاشباح ...
عيطات ليها اميمة ...
اميمة: فين غابرة تاني ... اجي عندي 
شهد: واخا ...
قطعات و مشات عندها طلعات فالعمارة و دقات حلات ليها ام اميمة ...
الام سعاد: دخلي بنتي مرحبا ... كيدايرة سناء غبرات عليا
شهد: شكرا اخالتي ... راه غير مع الخدمة و شطنة خويا البرهوش مشيبها ...😋😋
سعاد: و الله يمسخك ابنيتي مك راه صاحبتي و كتعاود ليا على فعايلك ... كتسبيها فخوك محشمتيش 😂😂
شهد دورات وجها كتهضر مع راسها: ييخ فمك اماما خاصو الفلفلة مخلات لمن عاودت مصايبي...
اميمة: فييين هاد التعطيلة ..
شهد: هاني جيت اشباغة ... 
سعاد: دخلو للبيت متصدعوش ليا راسي هنا...
دخلو البنات لبيت اميمة و سدو عليهم...
اميمة: عاود ليا امجد على فعلة البارح طيرتيني المسخوطة وليتي تسكري صدمتيني اصحبة... 
شهد: غا سكتي ماشي حصلني الواليد سلخني بالبغلة ..😢😢
امية: ههههههههههه بااااش 😂😂
شهد: بالبلغة تفو عواجت ليا الهضرة لمك قال ليا غيجوجني انا نتجوج بشي واحد من غير امجد سافابا..
اجي بعدا منين عرفني امجد سكرت ...
اميمة :هو لي وصلك البارح ... 😂😂😂 داك من البار ...عاودت ليها كولشي ... ودبا راك مقوداها من عندو تاهو ... حياتك عدااااب المسخوطة😂😂 
شهد ناضت غادة جايا وايديها على جنابها : ويلي وييييلي اش هاد الروينة تخربقت انا راه داخت ليا الحلووفة😦😦 
اميمة: هههه ايوا شدي الارض... 😂😂😂
شهد: تهجريييييبه زبلة😡😡
اميمة: 😂😂😂😂
تيلي كيصوني...
شهد: ها بوركابي كيعيط...
اميمة جاوبي شوفيه اش بغا ...
شهد غيبغينا نتلاقاو غيغسلني و يبغي يبوسني تاني..
اميمة: واشنوفيها ياك bf ديالك ..
شهد: لا اختي مكنقدرش حشومة ...
اميمة: حتا نتي راه عااادي غير بوسة معندها مادير ليك استمتعي بحياتك مالك ههه(و بطبيعة الحال هاد الهضرة ماكابناش البنت لي تعطي فمها اولا راسها لشي واحد راها ممربياش وممحتارماش راسها كولشي كيكون احسن فالحلال و هاد الهضرة لي قلت فشخصية اميمة غير داخلة فسياق النص لا غير لا اؤمن بهاد التخربيق غير كتوضيح 😊😊) 
شهد: زعما ؟ ولكن كنحشم ...
امميمة: عااادي غتحشمي فالاول ولكن من بعد غتولي عادي... وجاوبيه راه صدعني...
شهد: الو ...
امجد: فينما كنتي غتجي عندي 😠😠
شهد: واخا ..
اميمة: بلا متهضري سمعتو من هنا 😂😂😂
شهد: ياله معبا 
اميمة: لا غبصحة غتفرعو ليا راسي...
شهد: ياك البارح تابعاتي و دابا لا ..😠😠
اميمة: البارح شكل ودابا شكل و سيري دابا ...
شهد: اووووف ها هي غادة ... نشوف هاد الروينة لفين غتوصلني ... 

عيطات ليه عرفاتو فين كاين ومشات عندو كان فكافي... و سلمات عليه وجلسات ...
امجد: ايوا ... كيف جاتك السكرة ... بيخير ياك .. 
شهد: اووووف ياله بدا حتا نتا ..
امجد: شهد مبقيتش فاهمك ... نتي ماشي ديال دوك البلايص لش وصلك ليهم ... 
شهد: معرفتش كنمشي فاش كنكون ناعسة و وصلت لتما ومعقتش براسي اش ...
امجد: من نينك اشهد هاد الكدوب ديالك ماغايساليش 😡😡
شهد قلسات قدامو وبقات تبلق فيه عينيها..
امجد: متشوفيش فيا هكاك 😡😡
شهد: وا صافي منبقاش نعاود ...
امجد: لا انا راه بالصح مليت من كدوبك اشهد بغيتب ديري شي حاجة قوليها ليا و نديروها ب2 ...
شهد: واخا واخا...
امجد: كيف درتي سلكتيها مع والديك حصلوك ...
شهد: عاودات ليه اش وقع ..
امجد: وايلي .... بصراحة درتيها تستاهلي ...
شهد: ياك ا امجد باغيها فيا و ترضاه يزوجني..
امجد: متخافيش غير باغي يخلعك ...
شهد: اصلا واخا يبزز عليا مغنبغيش ليه .. 
امجد: وا صافي دابا ولكن نقصي هادشس راه نيت زدتي فيه وتصرفاتك مبقاةش مفهومين...
شهد: واااخا
بقات شادا معاه الحتة و ناضو تمشاو شوية وصلها للطرام حتا ركبات ومشا... طلعات وجلسات فالكورسي ... و تم غادي وقف فواحد المحطة وتحل الباب و دخل واحد الشبح ماشي بحال كولشي الاشباح مكانش وجهو زرق اولا شي حاجة كان عادي بحال بشري و شعرو كحل و لحية خفيفة بيض وحروفو كوحل كان كيدور غير بسروال سيرفيط و من الفوق والو طويل وممgلدمش بزاف ولكن عندو ليزابدو و جسمو منحوت مواشمش جسمو عادي ... تحل الباب ودخل ... شهد غير شافتو حلات فمها و خاصة كتشوف كاينة هالة بيضاء حولو عرفات بلي ماشي بشري وبدات تقول...
شهد: واهي مي واهي سيدي وهاهي المالك اش كنشوف واش هدا ملاك الله ياحبيبي الله اول مرة كنسوف هادسي زييين اعباد الله ... اييببه شافني ناااااري كيقرب...
شهد بقات حالة فمها فيه وكتفكر فراسها قشعها كتشوف فيه و بدا كيقرب عبنو فعينيها حتا وقف قدامها مباشرة تحنا جلس مقرد و قابل وجهو مع وجها نيشان مغوبش و قرب حتا ولا نيفو حدا نيفها هي توترات لمدى القرب ديالو عرفاتو دار هكا باش يحصلها و دورات وجها و بدات كتحاول تلف و حاولات ما امكن متقيسوش حيت غيحس بيها وتحس بيه ... دورات وجها وبدات كتلعب برجليها و تغرقع صباعها ... و كتسوط دور وجهو شوية و ناض وقف رجع بالور و تحل الباب وخرج وقفات تاهي حيت هنا غتهبط ... تار فضولهها و جاها فشكل كيفاش شبح بحال هدا منور و زوين مكيخلعش وبوgوص من الفوق ... بقا غادي كيتمشا وبقات تابعاه كتسلت ... بقا غادي وتاهي وراه 
حتا وصلو لواحد الطريق تحت القنطرة والدنيا ظلامت وقفات فاش بان ليها وقف مع شي اشباح اخرين وباينة بلي بيناتهم طاقة سلبية و بداو يدابزو ..تخبات وبقات حاضياهم من بعيد ...كتشوف حتا لان ليها لدا يسلخ فيه ب2 دار حركة بسيطة ضربهم لجهة لي ماتو بيها حيت اي شبح كتبقا البلاصة لي مات بيها مرشومة وباينة بحال الى مات بطعنة كتبقا بلاصة الطعنة بابنة ضربهم ب2 واختافاو وهي بقات حالة فمها كتشوف فيه بقا كيتمشا وختفى ... و خرجات من بلاصتها..
شهد: وااو ناري كيف دار ليهم ميسحابش ليا ممكن نقضيو عليهم ... انا مكلخة عمري جربت نضربهم خهه لقيت الحل واخيرا ...
دارت باش ترجع وهي تلقى داك الشبح لي سكرها البارح..
هو: اهلا اهلا فين هاد الغبور ... قلبت عليك ملقيت فين لقااك...
شهد: هذا نتا 😨😨
هو: اه انا ..البارح درتي فيا خير تجمعت مع العشران و ضربتها بسكرة والله الى شحال مدرتها...
شهد تزادت فيها ضلعة وزعمات حيت عوالة الى قرب ليها تعطيه: سير سير ..واش نتا ميت وباقي كتسكر سير راه جهنام الكحلة كتسناك ..
هو: كيييفااااش ...
جا يقرب ليها بدات كضربو ومأتراتش فيه حيت مكتضربش فالجهة لي خاصها ضربو فيها هاد القضية معرفاتهاش ..بقات هكاك ووالو شداتها الخلعة و خافت شد ايدها و ياله بغا يسكنها وهي تشدو ايد من عنقو ...

شنق عليه وجبدو لعندو من عنقو ولصقو مع الحيط ياله غيجبد معاه الشبح الشرير وزرب عليه وضربو لجنبو و اختفى ... دار عند الاخرى لقاها حالا فمها فيه..
طلع فيها وهبط وقال: كنت عارفك كتشوفينا ... علاش تبعتيني .... اييه معاك كنهضر 😡😡
شهد: اه ...ا.. ا ه كنشوفكم ... تبعتك حيت اترتي اهتمامي داكشي علاش ..
شاف فيها وقرب لحداها وجا لعند ودنها.... قلبها بدا يخبط لمدى قربو ليها ...وقال...
هو: سيري رجعي لداركم ... بنيتة زوينة بحالك مخاصهاش تكون هنا ... واحسن ليك بعدي عليهم راه مامعاهمش اللعب ... بعد من حدا وجها طلع فيها و عاود رجع بخطواتو لور ومشا... و هي قالت...
شهد: اييه تسنى ...دار عندها ومشات لعندو وقفات قدامو...
شهد: اولا انا ماشي بنيتة عندي 22 عام ... تانيا واش غتمشي هكا بلا متطلب مني شي حاجة 😕😕
هو دار ابتسامة خفييفة مع وجه مغوبش وقال...
هو: واش غنطلب منك متلا ... 
شهد: كل شبح عندو قصة مدام نتا باقي فوق الارض الى وباقة شاداك شي حاجة ... و مكاينش النهار لي كنتلاقا فيه شي شبح ومكيستاغلش حقيقة انني كنشوفو .. كاين لي كيطلبني نعاونو على مشاكلو كاين لي كيسكني و كيدير بجسدي لي بغا و كاينين الاشرار لي غير كيطاردوني .. ولكن نتا حالة خاصة غادي مغتستاغلنيش ( كتدعي فخاطرها : يا ربي يستاغلني 😍😍)
هو وقف قدامها كيخمم دورها فراسو وقال: لا ممهتمش سيري رجعي فحالك وضعي حالة خاصة و مغتقدريش عليه ... و دار غيمشي و دارت وقفت قدامو ..
شهد: بلاتي بلاتي متسرعش و الله انا قادرة نعاونك غير جربني ... 
هو بقا واقف قدامها كيشووف بحايلا كيدورها فراسو..
شهد: مغتخسر والو وافق جربني مالك ؟
هو: واخا وشنو المقابل نتي مكتعرضيش راسك عليا غير هكاك ...
شهد: اووووه ذكي مع راسك 😍😍
هو: طلقي اس عندك 😒😒
شهد: واخا واخا ... هاد الاشباح من نهار وليت كنشوفهم و هما مرونين ليا حياتي ... الفوضة والروينة تاحاجة ماهي هاديك ... حياتي الشخصية قرايتي عائلتي كولشي كيتشكاو من تصرفاتي و الناس كولشي خداو علي نظرة الحمقاء ... و شفتك كتقدر تخلص منهم ... من الاخير بغيتك تحميني منهم و نعيش حياتي طبيعية غير حتى نلقا شي حل و انا مستاعدة نعاونك فشغلك ...
هو: مممم اوكي موافق ...
شهد فرحات ومدات ايدها ليه .. هو طلع فيه ودار ابتسامة جانبية وقال...
هو: ههه مادا ليا ايدك على اساس ممكن تحسي بيها 😏😏
شهد جبدات ايدو لعمدها وشدات فيها و ابتاسمت فوجهو ... هو كان مبتاسم غير جبدات ايدو وجمعها شاف فايدها كتحس بيه ويحس بيها و عاود هز راسو فيها مصدوم و قالت ليه ..
شهد: هههه اييه ممكن نشوفك وممكن نشد فيك و نمسك ...
هو توتر وجبد ايدو لعندو : م .. مزيان ...ودابا شنو واش غنمشي معاك ...
شهد: اه عايشة مع والدية .. ياله باش تعاود ليا على مشكلتك ... 
هو: ياله زيدي قدامي ..
شهد: هههه زيدي قدامي ؟ باينة فيك كنتي قبيح ...
هو زاد قدامها وخلاها معجبة فيه لور جرات وتمشات معاه.... حتى وصلو لدارها طلعات فالعمارة وهو تابعها دارت السوارت فالباب ولدات كتحل ...
باها كان فالدار سمع الساروت دخل فالباب وناض حيت الصالة على الباب جبد البلغة من ايدو ووقف ورى الباب ومها كتندب و خوها تقاد مع الباب باش يتفرج فعرض اليوم ...
سناء: عافاك اعزبز لامافوتها عليك تاني ..
عزيز: سكتيني الصباح تبريت منها الدخول مع 6 جاياني تال 9 و نصف 😡😡 سكتي دابا ...
حلات شهد الباب و هي تجيها شحطة معرفتها منين جات من السماء ولا من الارض....

▪▪▪يتبع▪▪▪

أحدث القصص
قصة الكوبرا من تأليف ليالي نسيم
قصة الكوبرا ليالي نسيم