العميلة رقم 7 الجزء 11 و الأخير

من تأليف ابتسام قراري
2018

محتوى القصة

رواية العميلة رقم 7 بالدارجة المغربية بقلم ابتسام القراري

كان حفل زوين وعرس ولا اروع فرحو فيه ابطالنا ورقصو ونشطو على انغام موسيقة الشعبي براهيم دار حالة بطريقة رقصو البهلاوانية لي كاضحك

بينما محمد كان حشمان وغير كايجرو فيه كايشطح بسيف
اما اسد كان غير كالس ومرا مرا يشوف فنورسين ويغمزها ...كاتنوض تشطح وفاش كايقربولها رجال كايوقف عليها كايكلسها بسيف عليها

كولشي نشط وفرح ديك الليلة...

انتهى العرس وغادرو الضيوف ونورسين دخلات لغرفتها باش تبدل حوايجها وتلبس ملابس النوم وداكشي لي دارت ...كانت كاتمشط شعرها وشادا لمشطا فيديها وكاتغني بقوت الحماس لي فيها طلعات فوق سرير وكاتغني وتشطح حتى فاجئها دخول اسد لي بقا غير مسمر فبلاصتو من مضهرها المضحك ورجع بتاسم بعفوية على مضهرها

بينما هي حشمات حيت حصلها وبغات تقلب الموقف لضحك طاحت عليها فكرة شيطانية ودارت المشطا على شكل مكرفون وقالت بصوت مرتفع ...

نورسين-انا باتمان !احارب الشر بكل مكان !! انا طرزان اتسلق الاشجار والاغصان !! انا سوبر مان المس نجوم والقمران !!

ضحك اسد على منضرها شعرها المبلول لي كايطير فسما مع كل قفزة وقال بسخرية

اسد-حمقاا...

غوتات وهي كاتلوح ليه وقالت

نورسين-القمر سيأتي الييييك

شعر بالخطر قادم عندو بينما هي نقزات وطاحت بين دراعو متشبتا بعنقو شعر بالراحة حيت مطاحتش ولسق جبينو مع جبينها وهمس ليها وهوا كايتأمل عينيها الناعسا

اسد-ألم ..ألم فى الرئس نتي انورسين..ألم لديد وزوين..

طلقات منو وكلسات على سرير كاتفحص رجليها لي كانت مجروحا بسبب الكعب العالي لي دبرها 
شاف هوا الجرح ونزل عند رجليها كايشوفها

اسد-واش كاتحرقك..

بغات تفك رجليها لاكن تمسك بيها بحزم وقال

اسد-ماغاديش تنوضي يامسببت المشاكل

شافت فيه بعينيها نعسانة وقالت 
نورسين-ماشي رجلي لي كاتحرقني قلبي ..

عقد حواجبو وقال

اسد-قلبك..واش نتي بيخير

هزات راسها نافية وهزات يديه اوضعتها على صدرهل فالجانب الايسر وقالت وسط تعجبو

نورسين-واش كايحرقك قلبك بحالي..فاش كانشوفك فاش كانسمع صوتك ..قلبي كايحرقني بزاف

شد فيديها الناعمة ووضعها على صدرو باش يكون باستطاعتها تحس بنبضات قلبو المتسارعة وهمس

اسد-واش تكفيك هاد الاجابة 
نورسين-نبضات قلبك هي اجمل سيمفونية سمعته

قال باستياء

أسد-سمحيلي حيت كانتسبب ليك فالالم

نورسين- فخبارك ..هوا اجمل الم

بتاسم وناض هزها بحال الريشو ووضعها على فراشها وغطاها مزيان وتلاح حداها وتمدد بينما مي شافت فيه بشر

نورسين-هييي...نتااا...معاك كانهضر...شفتك عجبك الحال ...ديكاج ...الباب الحباب

شاف فيها طلع وهبط باستياء وقال

اسد- ديها فسوق راسك انا غادي نعس صغيورا ديالي ننور وعاد نمشي ...

نورسين- راها كبيرة وتقدر تنعس بوحدها ..

اسد-لا غادي نعسها ... غادي نحكيلها قصة قبل ماتنعس ..باغي نفششها

لوات شفايفها باعجاب وقالت 
نورسين-اوكي يالاه سمعها...

قربها عندو وحط راسها على صدرو بينما كايلعب بخصلات شعرها وبدا يحكيلها

اسد-هدا واحد المكلخ بغا اطلع للقمر ...مني كان غادي خسر بيه الصاروخ أو طاح فصحراء سيناء...سحابو واش وصل للقمر....واحد الشوية جا عندو واحد المصري أو قال ليه (حتموت من الشمس )..جاوبو صاحبنا متشرفين..(ونا حشحوش من الأرض) هههههههه

علات راسها شافت فيه وزفرة بملل وقالت

نورسين-هادي راها نكتة ماشي قصة

ضربها بصبعو لجبهتها حتى غوتات

اسد-وابحال بحال

جاوباتو بغضب...وقال

نورسين-لا كاين فرق القصة قصة ونكتا نكتة ماتخلطهمش

اسد-اوف صافي خليني نفكر ...كانت جدا كاتعاود ليا بزااف ديال الحجايات بلاتي نشوف واش مازال عاقل...

نورسين-لقيتيها ...

اسد-اه اه لقيتها غادي نعاودليك على حجاية البنت ولغول سمعي..
كان يا مكان في قديم الزمان واحد البنت ساكنا بوحديتها فواحد المكان فقير ...وكانت ساكنا معاها واحد القطة مشاغبة ..فبينما البنت كانت كاتنضف لمرح ديال الدار لقات حبة ديال الفول وكلاتها والقطة كانت كاتشوف فيها وسولتها
"اشنو كليتي ؟؟"
جاوبتها البنت ببساطة
"كليت حبة ديال الفول"
لاكن القطة قالت بغضب
"كان عليك تقصمي لفولة معايا ..ماشي مشكل غادي ننتاقم لنفسي ..غادي نبول ليك على الكانون وغادي نطفي العافية لي كاطيبي بيها لخبر"

نورسين-هاااااااهاهاهاهاهاها خطيرة هاد القطة

شافت فاسد لي كان مسمر فيها وقالت

نورسين-صافي انا غادي نسكت

اسد- ماداتهاش البنت فتهديد القطة ويحسابلها غير كاتفلا ..خمرت لعجينا وبغات تنصب المقلة فوق النار لاكن تفاجئة فاش لقات العافية مطفية وتأكدت من تهديدات القطة وغضبت غضب شديد فاجلة معاقبة القطة وملسات كاتفكر الضلام بدا كايطح شافت البنت مسكينا يمين وشمال على الله كاتشوف شي طريقة باش تشعل العافية واحد شوية تسلل لعندها واحد الضوء خافة بين الاشجار لي ضايرا بالدار فابغات البمت تعرف مين جاي هاد الضوء وخرجت كاتقلب دخلات وسط الغابة وعينيها مازتلتش على ضاك ضوء لي بان بحال نار شوية بشوية حتى وصلات وتفاجئة ماخطرش ليها داكشي على البال 
كان غول متوحش الغول لي كانت كاتسمع عليه غير فالحكايات الشعبية ..غول لابس جلد لحمار وكالس على راس لحمار وكايطيب فطانجرا كبيرة لحم لحمار
فقالتليه
"السلام"
وجاوبها بسرعة
"وعليكم السلام والله لوما كان كلامك سباق كلامي ، وسلامك سباق سلامي كعملت لحمك ف لقما ودمك ف جوغما ، آش بغيتي ؟ "

ردت البنت وهي كاترجف من الخوف
" بغيت شويا د العافية باش نطيب الخبز ديالي "

أعطاها الغول قطعة من قدر مكسور وقال لها

"خذي ما لي بغيتي وماتورينيش وجهك باش مانتعصبش فآكلك"

خدات مسكينا قبسا من النار وتمت راجعا بلا ماتسلم من اداه حيت رش رجليها بدم لحمار باش فاش تكون راجها لدارها تخلي اثار يدلو على طريقها ويكون من السهل عليه يلقاها ويفتارسها 
ماتهناتش البنت بنارها ولا بخبزها سوى نهار واحد حتى فاجئها الغول كايدق فبابها وكايقول

"أبون يابابون آش جبرتي عمك الغول كيعمل ؟ "

ضطرات البنت تمدحو باش مايغضبش

"جبارت عمي الغول لابس الكسوا د الحرير ، وكالس على الكرسي د الدهب ، وكيطيب اللحام د الغزال ، وكيحرك القدرا بالمطلع د الدهب ."

لاكن واخا هكاك الغول كسر الباب اللولة من ابواب البيت السبعة ومشا بحالو وكان كايرجع كل نهار يهرس باب حتى بقاتليه باب وحدا فحسات البنت بالخطر ....واش مازالة متبعا معايا انورسين ...نورسين...نورسين..

تحنا عندها ولقاها ناعسا فسبات عميق وضحك على راسو ماعمرو كان يفكر يحكي حكاية لشي حد حتى جات نورسين وحولة حياتو الروتينية لحياة مليئة بالصخب والجنون لي كان محتاجو فحياتو ...تكا براسو على راسها وهوا كايشم رائحة الشامبو فشعرها وغمض عينيه ونعس

فاقت فالصباح ولقا اسد ناعس حداها وهي ناعسا على صدرو كان مازال لابس ملابس الامس ادن بقا معاها مامشاش ...علات راسها ولقاتو مغمض عينيه 
تفكرات اعتارفو يالامس وغطات وجهها بالغطاء بخجل ...حس باستيقاضها وقال بصوتو الناعس والخشن

اسد-صبح الخير 
عطاتو بالضهر وقالت 
نورسين- كيفاش
اسد-قلتليك صبح الخير الهبلة

كتمت ضحكتها وقالت
نورسين- وعلاش..

طل عيها وضور وجهها عندو 
اسد-واش كاتستمتعي فازعاجي على الصباح

خرجت من لفراش وقالت وشعرها طالع فسماء
نورسين-علاش نعستي لبارح هنا علاش مامشيتيش لغرفتك

اسد-نعست عن طريق الخطئ سمحيلي..

سكت شوية كايشوف فيها وفشكلها المضحك وطلق واحد الضحكة

اسد-مالكي على هاد شكل ..واش غادي نفيق كل صباح وفجنبي زوجة كاتبان بحال المجنونة

شعرت بالانزعاج بسبب سرخريتو وقالت وهي كاتقاد شعرها 
نورسين-واش كاتسنا شعر ممشوط

سكت شوية كايشوف فيها ...
اسد-ماكانتسنى حتى حاجة ...كل لي بغيت هاهوا قدامي مباشرة ..

هديك النضرات عرفات شنو معناها ..تلعتمت وقالت بارتباك

نورسين- غادي ندخل نستاحم..

غير دخلات للحمام وناض هوا باغي يخرج لاكن غير سمع صوت الماء تردد ورجع لبلاصتو كلس على سرير مكانش باغي يفلت هاد الحدت وابتسامة ماكرة غزات وجهو 
سمع غنائها فالحمام وقال بسخرية

أسد-واش من عادتها تغني فالحمام.. هبلة مليون مره

عيطاتليه بصوت عالي

نورسين-اسااااد واش راك مازال هنا

أسد-لا مكاينش

نورسين-بما انك مكاينش جيبليا بينوار ديال لحمام راه معلق مور الباب

ناض بتملل وهز بينوار ديالها الابيض وماقدرش يمنع راسو مايشموش وسد عينيه باس طرف البينوار قبل مايدق فالباب
خرجت يديها وعطاها لبينوار وسدات الباب 
ومن بعد دقائق خرجات وهي لابساه ولفوطا فيديها ماتنشف بيها شعرها الطويل

كان كالس على الكرسي كايراقبها بعيون حالميتين
بينما هي غارقا فتنشيف شعرها بالفوطا صغيرة

ناض بدون وعي متوجه لعندها وفاش تداركت الموقف بتالعت ريقها وطاحت منها لفوطا صغيرا وبقات واقفا مسمرا امامو 
وقف امامها كايشوف فشعرها الاسود لي قطرات الماء كاطيح على اكتافها 
قرب منها وتحنى فجئة ونفث انفاسو الدافئة على خدودها شي لي خلاها تخلع وتتنفس برعب 
هز الفوطا صغيرا بين يديه ووضعها على شعرها كاينشفو بلطف وسط صدمتها بتاسم وقال

اسد-تهدني ...مانقدر ندير والو فجوهرتي..كانبغييك فقتاش تكوني ديالي فقتاااش

صونا تلفونها وخلاها تشهق بخوف 
بعد اسد من طريقها وجاوبات هي بارتباك

نورسين-الو 
بعد صمت طويل غوتات...
نورسبن-روبرت..

اسم روبرت خلا اسد يضور عندها كيشوف البهجة منورا وجهها

نورسين-باغي تشوفني..

شافت فاسد باستياء باغيا ترفض لاكنو قال بسرعة

اسد-انا واعدتك ماغاديش نتدخل فقراراتك...ديري لي بغيتي..

وخرج
رجعت نورسين لحماسها وقالت

نورسين-غادي نجي..

_____________________

دخلت لدار روبرت بحماس ولقاتو كالس بهيبته على كرسي من الفرو وفيديه كأس مارتيني وموسيقى كلاسيكية مالئة المكان بعزفها وكان كايشوف فيها بشهوة

شافت فيه بسعادة لاكن سرعان ماضورت راسها على عينيه لي كانت كاتتمعن فتفاصيلها من راسها لاخمض قدميها وكايعض على شفايفو باثارة بينما هي كاتشوف بإعجاب فالمكتب لي خدات سعة المكان الممتلئ بالكتب المتنوعة

نورسين- لديك اجمل مكتبة رئيتها في حياتي

قال وهوا كاينوض من على الكرسي متوجه ليها بعدما هز كاس ديال شراب

روبرت-وانتي ياجميلتي..لديكي اجمل عينان رأيتهما في حياتي

تقبلت مديحو بسرور وهي كاتمد يديها باش تسلم عليه لاكنو عنقها بقوة شي لي خلاها تشعر بعدم الراحة وقال

روبرت-سررت برئيتك مجددا..

بعدات عليه وقالت

نورسين- هل استطيع التجول والقرائة قليلا؟؟

شاف فيها باستفهام وقال بينما هي بعدات عليه مسبقا
روبرت-بالطبع.. تفضلي

كانت كاتتجول باستمتاع فالمكان وكاتشوف فلكتوبا بحماس بينما روبرت كلس على الكرسي بملل وكايقول مع نفسو

روبرت-انها خجولة ..اضن انها تنتضر مني ان ابدئ اولا لتشجيعها

وضع لكأس على الطاولة وناض متوجه لعندها

وقف موراها بينما هي غارقا فالقرائة كتاب وماحساتش بيه واقف موراها

داعب خصلات شعرها وهوا كايشمهم بين اصابعو

فور دخول اسد ومعاه براهيم لي كان هاز فيديه كيس وقفو مصدومين ملي شافوه

ضارت نورسين ولقات اسد كايشوف فيها بجمود واستغراب وبسرعة بعد روبرت قبل ماتلاحض نورسين شنو كان كايدير بدون علمها

نورسين-اسد ..براهيم ..اشنو كاديرو هنا ؟؟

همس اسد بصوت مامسموعش وهوا كايضغط على قبضة يديه بعصبية

أسد- سافلة حقيرة فاسقة

عطاهوم بالضهر وخرج خلا براهيم بوحدو كايشوف فنورسين لمستغربة وقالة باستفهام

نورسين-فين مشا اسد

رفع براهيم الكيس وقال بينما كايشوف فروبرت بحقد

ابراهيم-اسد كان باغي يجيب للسيد روبرت هدية عبارة عن شكر ليه حيت قبل يبيع المكتبة ..لاكن كانضن اننا جينا فوقت غير مناسب سمحو لينا على المقاطعة

حط الكيس على الطبلة بعصبية وتبع أسد وشد فدراعو وكانه كايحاول يهدئو لاكنو نفض يديه ومشا

توقف براهيم وضار عند نورسين وروبرت شاف فيهم بنضرات الاتهام وخرج تبع اسد..

خرج اسد لسيارتو والغضب كايدمرو وناداه براهيم بعجلة 
ابراهيم-اسد تسنا كانترجاك..

توقف اسد بجمود وتوقف براهيم مصدوم كايشوف فيه

ابراهيم -اسد...كانشوف الحزن فعينيك

بتاسم بلطف فجأة وقال
اسد-نتا مكاتشوفش مزيان...انا مكانحزن سوى الى تأدى خويا فقط والباقي ماشي مهم بالنسبة ليا..

وصل امام دارو ونزل بكل هيبة وثبات وفاش بغا يدخل وقفو براهيم

ابراهيم -كانضن اننا اسئنا الفهم نورسين بريئة وماشي من داك النوع رخيص..

ضار عندو اسد وقال بسخرية قاسية 
اسد-بريئة؟ قلتي بريئة ..انا شفتهم شادين فيدين بعضياتهم فحفل الخطوبة ..وختفات لانها كانت مستغرقة فالهضرة معاه بانغماس وعشق ..مكاين حتى شي واحد برئ من غيرك اولد خالتي 
اياك تفتح هاد الموضوع مع حتى شي واحد بالخصوص نورسين الى كنتي باغي تحفض كرامتي كرجل

دخل وخلا براهيم محتار ومشوش

طلع اسد مع دروج ودخل لغرفتو وسد الباب برجليه وتكا على الباب كايشوف فالفراغ

وادا بهاديك الصورة كاترجع لمخيلتو هي وفاش لقاها مع ايهاب وكان قراب يبوسها ..نورسين وروبرت لي كان كايداعب شعرها لي كايبغيه اسد بسوادو ونعومتو لمسو راجل اخر

كلس على الارض وضهرو حتك مع الباب كايشوف فالسرجم وقطرات الماء الباردة نزلت على زجاجها

همس
اسد-مكانهتمش...انا مكانبغيهاش..

حنى راسو للارض ودموعو رتاطمات بالبلاط الرخامي 
اسد-انا مكانبكيش ...انا مكانتألمش

تزادت قوة المطر تماما بحال دموعو لي رفضات تتوقف

اسد-ماتكونش حمق.علاش كاتبكي على قبل بنت

وضع يديه على صدرو وهمس وهوا كايعتاصر قميصو بيديه
اسد-ياربي شنو درت فقلبي...خلاتني ضعيف ونشتاق ليها ..

عنق راسو بيديه بجوج كايبكي بحرقة

أسد- ياربي ياأسد حتى لدابا عاد عقتي ..لطالما كان همك الوحيد محمد ..لاكن..هاديك البنت ستولات على عقلك وكيانك

ناض بتثاقل وعينيه باردة النضرات وكايمسح دموعو
أسد-خصني نهرب منها ..خصك تهرب قبل ماتسلب روحك محمد مابقاش محتاجك..صافي كبر اولا راجل قوي

نعس من قوة التعب وبعد عدة ساعات نزل مع دروج وطلاقا بنورسين مستقبلاه بصينية عامرا بالاكل وكاتبتاسم بلطف

نورسين-واخيرا فقتي

شاف فيها ببرود وهي كاتمد صينية ليه بلطف

نورسين- كول فطورك.. تعاونا عليه انا ومحمد

مد يديه وضرب صينية من بين يديها وطاحت من على دروج وغوتت هي بصدمة..

نورسين-حشوما عليك ..هادي راها سميتها ضيعا..

تحنى عند وجهها الغاضب وهمس بسخرية

أسد-ادن نزلي لعقيه باش مايتحسبش ضيعة

شافت فيه بصدمة بسبب تصرفو اللئيم بعدها من طريقو ونزل من دروج
بقات كاتشوف فيه كاتحاول تفسر تصرفو الصبياني 
وتبعاتو وشداتو من يديه حتى ضار لعندها بنضرات قاسية وقال

اسد-اشنو..

شافت فيه باستياء وقالت
نورسين-علاش نتا حزين
نفض يديه بسرعة وقال
أسد-ماتبقايش تلصقي بيا بحال العلقة

مشى ودخل للمطبخ ..تنهدت باستياء وتبعاتو بينما هوا فتح تلاجة وخدا تفاحة وعضها وتكا علي تلاجة كايتجنب يشوف فيها بينما هي قربت منو وخطفتليه تفاجة وكلات منها باش تضحك معاه وقالت

نورسين- ولات قبلة غير مباشرة..
خطف التفاحة من بين يديها ورماها فالقمامة وقال

اسد-ولات غير قابلة للاكل بسببك...

وقبل مايخرج ضرب كتفو بكتفها متعمد بينما هي شدات فكتفها بتالم وكاتشوف فيه حتى اختفى

نورسين-علاش هوا معصب لهاد الدرجة ..انا كانكره هاد الجانب منو ..

فاش خرج من المطبخ ستقبلاتو ايلا وقالت 
ايلا-ايلا واش فطرتي

قال بينما نورسين كاتشوف فيه

أسد-لا.. مازال قولي للخدامة توجدولي..

خرج من المكان وعنقات نورسين وجهها وقالت
نورسين-بتاسمي انورسين ..ضحكي

ايلا-امم اشنو واقع انورسين

رفعت انضارها لايلا لي شدات فكتفها بقلق وقالت
نورسين-انا بيخير غير كانحس بشي حريق وصاف

ايلا-سيري كلسي فالحديقة غادي بفيدك الهواء الطلق

نورسين-شكرا

خرجات وادا بها كاتلقا اسد كايهضر مع عصام الزعتري لي كان لابس ملابس رسمية وهاز حقيبة كحلة
مشات كاتجري لعندو وقالت وهي واقفا بيناتهم

نورسين-يا سيد غضبان ...واش واخا خديت منك عصام واحد شوية 
شاف فيها وعقد حواحبو وقال

اسد-حنا كانخدمو دابا البرهوشا...ماتبقايش غير تابعاني وتلسقي فيا..
عبس فوجهها وفاش بغات ضور شدها عصام من يديها وهوا كايشوف فاسد لي كانت عينيه مركزا على عينيها ببرود

عصام-الى مكانش عندك مانع بغيت نهضر معاها

تنهد اسد بملل وضور وجهو وبتاسمة نورسين بانتصار وكاتشوف فعصام

نورسين-عصام الزعتري .. صديق طفولتي الغامض

تسمر فمكانو كايشوف فنورسين كاتبتاسم ليه بسماحة

بينما اسد كايسرق النضر ليهم وشعرو كايتموج بنعومة بسبب الريح وداير يديه فجيابو

ماقدرش عصام يتمالك نفسو وجرها عنقها كايعتاصرها بقوة بين دراعو

عصام-كيفاش حتى كتاشفتي

بتالع اسد ريقو وعينيه خرجو وهوا كايشوف فخطيبتو صغيرة وهي بين دراع عصام 
رفع يديه ودارها على قلبو وهمس وهوا كايشوف فيهم

أسد-هداك غير صديقها...صديقها فقط

غمض عينيه بتألم كايتسنا تسالي ديك اللحضة بيناتهم ..لاكن فاش حل عينيه لقاهوم مازالين معانقين

وطلق واحد تلغوتا بسخط وركل واحد لكارطونا برجليه طيرها فالهواء

توجه لعندها وسحبها من يديها من بين دراع عصام حتى صطادم راسها بصدرو بينما يديه الدافئة حاوطت ضهرها وكايشوف فعصام بغضب

اسد-هادي ديالي...ماغاديش نسمحليك تلمسها...حتى لو كنتي صديقها 
عصام-سمحلي غير كنت باغي نعنقها

قال اسد بنبرة قاسية.

اسد-مستحيل ..انا الوحيد لي نعنقها بديك الطريقة ..انا الوحيد لي يلمسها بدون استئدان ..انا الوحيد لي كايبغيها ..لهدا ماتبقاش تقوم بواجباتي

بعد عينيه عليه وشاف فنورسين بلطف وبعدها عليه وشاف فعينبها والحزن كايتملك قلبو

اسد-دخلي للداخل كانترجاك..

تراجعت للخلف وهزات راسها بدون وعي كاتحاول تستوعب داكشي لي وقاع 
وفاش عطاتو بالضهر شدات فقلبها كاتنفس بتسارع وكاتبتاسم بسرور وكانها غادي طير بالفرحة

عنق اسد وجهو بيديه وقال
اسد-بالغت فردت فعلي ...كانعتادر

شاف فيه عصام بهدوء وقال ويديه على كتف اسد

عصام-ماشي مشكل...كان مجرد عناق اصدقاء الطفولة لا اكتر..

في المساء

رجع اسد وكلس بجنب محمد لي كان كايحاول يحل احجية المكعبات كلس حداه وكايشوف ببرود

بينما ايلا بين دراع عمر كايتهامسو بغزل ويديه كاتمسح على بطنها لي فيه البيبي

براهيم مربع يديه وكايشوف فيهم بغيض

والعم اسماعيل كالس كايخدم فالابتوب بانغماس

الخالة مريم كاتفرج فالتلفازة بملل

بينما مي عيشا كاتخيط تقيشرات ديال الصوف للوليد لي جاي فطريق منغامسا فخدمتها ودايرا نضاراتها الطبية

نزلت نورسين مع دروج لابسا فستان فاللون الوردي وقالت

نورسين-مساء الخير عمر وايلا ومحمد وبراهيم وعمي سماعيل وخالتي مريم وجدا مي عيشة

وشافت فاسد بغيض طفولي وقالت
نورسين-مساء الخير ..الاريكة والمزهرية وزريية

كلست جنب براهيم وربعات يديها كاتشوف فاسد لي كان كايشوف فيها بملل
عمر-كانضن ان خطيبتك غضبانا ااسد

لاكن اسد اكتفى بمداعبة لحيتو وتدخلات ايلا

ايلا-اه بصح..بالمناسبة واش وقاعت شي حاجة بيناتكم ...تصرفاتك ااسد غريبة

شاف براهيم فاسد بقلق بينما اسد ناض بطولو المهيب وقال بصوتو الهادئ 
لاكن بنضرات مميتة

اسد-فقتاش غادي تعلمي دخلي فسوق راسك هاااه..

شافت فيه ايلا بصدمة وقال عمر بغضب

عمر-ماتعاملش ختك بهاد القسوة هي غير خايفا عليك ..
شاف فيه اسد ببرود
اسد-لاكن هدا مكايعنيش ان مرتك تتدخل بيني وبين خطيبتي ..حنا بجوج عندنا خصوصيات

ناض براهيم وشد فكتف اسد وهمس باش مايسمعو حد 
ابراهيم-اسد راك كاتفقد اعصابك

شاف فيهم كاملين باستغراب وتنهد بسخرية وقال بنضرات الكراهية موجهها لنورسين

اسد-وشكون كاتعتاقد السبب

بعد براهيم من طريقو وخرج طلع لبيتو 
وغير دخل كلس على الاريكة بتهالك

تفتح الباب ورفع عينيه الدبلانين وادا بها نورسين وعلى وجهها تعابير القلق 
دخلت للغرفة وسدات الباب موراها وكاتشوف فيه بتهالك 
حنا راسو ووضعو بيم يديه كايشوف فالارض
قربات منو وركعات امامو وحيدات يديه من على راسو ولمسات خدودو بكل حنية ورفعات راسو باش تقابل عيونو

شاف فيها بحب شعرات بيه لاكنها تسائلة عند ملامحو الحزينة وسولاتو بدفئ

نورسين-عافاك قولي مالك

وضع يديه على يديها لي معنقين خدودو وفاش فتح فمو باش يهضر تراجع وناض خلاها راكعا على الارض كاتشوف فيه وكاتلاحض اضطرابو 
بتاسمت بدفئ وناضت متوجها عندو لاكنو تراجع بسرعة وارتباك

نورسين-واش ماشي كاتبغيني ااسد علاش كاتعاملني هكا ادن

توجه لعندها فجئة وكانه فقد السيطرة على مشاعرو وقف امامها ولاحضت فارق الطول لي بيناتهم 
تمسك بيديها بتوتر ووضعهم على شفايفو وكايشوف فيها باستياء

لامست شفايفو باصابعها وقالت وهي كاتتأمل وجهو الجميل
نورسين-اسد

ركع امامها فجئة وكانما قلبو خضع ليها وقال بصوتو الرجولي لمبحوح

أسد-شحال انا غبي ... ياربي شحال كانبغيك بجنون

ركعت امامو كاتشوف فعيونو لي نزلات دموع كريسطالية وقالت

نورسين-واش كاتبغيني لدرجة خلاتك تبكي

لامست خدودو باصابعها ومسحت دموعو الدافئة ووقالت بهيام

نورسين-غمض عينيك احبيبي

غمض عيونو وسقطت دموعو لي كانت عالقة وادا بها باست عيونو الدابلين
فتح عينيه ببطئ ورموشو طويلة مبلولة وهمس وهوا يحيط وجهها بين يده

أسد-كيفاش قدرتي كيفاش..كيفاش قدرتي تختاصري جميع النساء لي على الارض

لصقة جبينها بجبينو وكاتشوف فيه بشوق
تدارك نفسو فاللحضة الاخيرة وناض عطاها بالضهر

اسد-صافي دليت راسي بما فيه الكفاية وخضعت ليك ...نتي لي ربحتي صافي خرجي كانترجاك

تراجعات للخلف بتهجم وخلاتو كايخوض صراع بين مشاعرو وكرامتو

في الليل الصمت وكولشي ناعس سوى اسد لي كان برا فالحديقة كايشوف فالنجوم المتلئلئة لي ملأت السماء لكحلة بينما القمر مسلط الضوء على وجهو الفاتن 
لابس ملابس رسمية وهاز مفاتيح سيارتو فيديه حس بشي واحد واقف موراه وادا به محمد لي قال بصوتو الهادئ

محمد-اسد علاش غادي تمشي

توسعت عينيه العسلية بدهشة

اسد-كيفاش كرفتيني غادي نمشي

محمد-نتا خويا فالنهاية ..وكانعرفك فاش كاتخطط تهرب ...واش كاين شي سبب هوا لي مخليك تهرب

اسد-لا ماهاربش

بتاسم محمد بدون فكاهة وقال باستياء

محمد-فهمت.. فين باغي تمشي

سكت اسد وكايشوف فالسماء وقال ....

اسد-امريكا...غادي نمشي لامريكا غادي نستاقر تما وغادي نتعلم المزيد من التجارة حيت كانعتابر راسي مزال مبتدئ ..وربما نتزوج بشي مراه تولدلي ولاد يحملو اسمي ويورتو اموالي

شاف فيه محمد بدهشة وقال

محمد-وخطيبتك غادي تخلى عليها

عتاصر الحزن قلب اسد خدا وقت طويل وقال بصوت مبحوح

اسد-غير غادي نمشي غادي ننسى وجودها فحياتي

محمد-نتا عارف ان نورسين غادي تحطم

ماقدرش يقول لمحمد شنو وقاع وشنو شاف وقال

اسد-عندها لي يخفف المها ..وغادي ياخد بلاصتي غير نختفى من حياتها

شاف محمد فلمفاتيح لي فيديه وقال

محمد-غادي تمشي هاد الليلة

بتاسم براحة وقال

أسد-تهلى فالعائلة من بعدي

سحبو عندو وعنقو بقوة 
وهمس
أسد-قلهم انني كانعتادر على رحيلي المفاجئ ..وانني ماودعتهمش

غمض عينيه محمد بانكسار وكمل اسد
اسد-تاضحلي ان خطوبتي من نورسين ماعندها حتى شي فايدا ووجودي حتى هوا ..فمكاين حتى شي فائدة من وجودي صافي رجع عمي ومابقيتوش محتاجيني

غرقات عيني محمد بالدموع وهوا كايراقب خوه كايبعد شئ فشئ حتى اختفى

_________________________

في الزنزاااااااااانة 
______________

مشى...
ختفى من حياتي...علاش..وكيفاش..و.شنو السبب..مانعرف...

تلقيت الخبر فصباح بعدما قلبت عليه فكاع ارجاء المنزل مالقيتوش مجرد ريحو لي ساكنا فعروقي هي لي لقيتها فغرفتو ...هاديك لغرفة لمرتبا كتر من حياتي ...
ايلا مسكينا ماقدراتش تصدق كانت كاتبكي وتصبر فيا بينما انا قطرة دمعة وحدا مانزلتش من عيني

ضحيت على قبلو وتنازلة على شحال من حاجة حياتي.. خدمتي ...كرامتي ..وحتى شركتي...

مشالي كولشي ورجعت لنقطة الصفر لاحياة ولا هدف ولا حتى حاجا 
عملي وكالة باش نتصرف فالشركة كيف بغيت لاكن رفضت نوقع عليها لبزقا فاش كاتخرج من الفم مكاترجعش
غلطي لي دكرتو فالفصل الاول ان عاطفتي ونيتي هي لي خرجات عليا 
لوكان عطاني مبرر مقنع وعاد مشى كنت غادي نرتاح لاكن لي قتلني وحطمني هي فالأمس عتارفلي بحبو ليا واعدني يكون ليا وفالغد هرب عليا ...

اسمعني يا خاين العهد يا ما دقيت بواب لا حد يعطيني جواب وينورني فهاد المكتاب علاش الغدر والكذوب صحاب؟ فين ما مشاو يلقاو لحباب
ومول النية عايش حيرة وعذاب مخيم على قلبو الضباب لامن يسال عليه ويدق الباب
**
اسمعني يا خاين العهد ياك تلاقينا بالصدفى وساد بينا الحب واللهفى تعاهدنا علصدق والصفى
ويكون شعارنا هو لوفى عاهدتيني تبقى ليا وافي
وتكون ليا وحدي اليوم تبدلتي يالعاهدني
حالك تغير ما بقى عاجبني
**
اسمعني يا خاين العهد نسيتني وليت ليا جافي
نبات ونقيل ننادي عليك يا للي ذبحت قلبي بخنجر مسموم وحافي عليك ياللي وهبتك عمري وحياتي
**
ياك نسيت يا العاهدني شحال سهرت م ليالي
على قبلي يا للي دمعك الغالي جرى على خذوذك سواقي يا للي قسمت وقسمت قدامي والشاهد ربي العالي حتى تكون ليا وحدي حتى لاخر عمرك وعمري
****
وانت يا السامع كلامي فهم حكايتي وشنو جرا لي
حل عينيك وشوف حالي واسمع بقلبك دموعي ونواحي الثقة هي سبب محايني وقلبي الحنين هو سبب عذابي ونوصيك يا الفاهم قوالي راه الصدق مات فايامي

لاتسول المجروح على جرحو ...سول الضالم علاش دبحو

اصعب احساس

اصعب احساس تبتاسم ومن داخلك تبكي 
ماتقدر تهضر على جرحك ولا حتى تشكي

اصعب احساس

اصعب احساس لما الجرح يهز كرامتك
لما تحس فداخلك كلام ونتا مفضل صمتك

اصعب احساس

اصعب احساس لاما تخرج من حبك مهزوم 
وتحس بلي ماغايفيدك لاعتاب ولا للوم

اصعب احساس

اصعب احساس لما تحس بالجفى من انسان حبيتو 
ولما بكلامو وقسوتو يهد يالي انت بنيتو

اصعب احساس

اصعب احساس انك تعيش وحدك على دكرى حكاية 
و نتا منتهي فيها اصلا من البداية 
هوا يكون عارف مصيرك ونتا لمصدوم فالنهاية

اصعب احساس

اصعب احساس انك تحيا لقلب غدر بيك 
وانك تضعف لانسان باع وشرى فيك 
وانك تعيش على دكراه مع انه جنى عليك

اصعب احساس

اصعب احساس لما فالنهاية تخرج ضحية 
بعدما تحلم وتفرح اخرتك الاسية 
لما تحس انك عشت سراب فحكاية وهمية

اصعب احساس

اصعب احساس انك تعيش دكرى لانسان انت ميت فجواه
وتفكر كلامو وضحكاتو وكل لحضة عشتيها معاه 
وتحس انك مخلص لما كنت تحبو ومخلص حتى فدكراه

اصعب احساس

اصعب احساس لما تحس انك مخدوع
ولما تقرر تبعد ومن داخلك تتمنى لرجوع 
لما كبريائك يغلب قلبك وصوتو ليك مسموع

اصعب احساس

اصعب احساس لما تحب ملاك ويطلع عكس ماكنتي شايفو 
وانك صعيب تنساه سامع صوتو وشايف ملامحو 
وتحس فداخلك رغبة فالانتقام مع انك كاتقول ربي يسامحو

اصعب احساس

اصعب احساس لما تبعد عليه مع انه مسيطر على طمحاتك
وتحس بالدنية وقفت عندو ومكاين معنى لحياتك 
صعب تمنح مشاعرك لغيرو وهوا ساكن فامنياتك

اصعب احساس

اصعب احساس لما تحس بعصيان عليك من كل حواسك 
وتحس انك مكاتملك حتى حاجة فيك من غير اسمك
تحس انك كاره الحب وكاره معاه نفسك

اصعب احساس

اصعب احساس لما تشوف جوج عشاق ماشين جنبك 
تحسهم يكدبو ونهايتهم غاتكون هي نفس نهايتك
حاس بيهم واحد صادق والتاني يكدب كيف حكايتك

داز شهر مكاين حتى شي خبر منو كنت كانصوني عليه بغيت نعرف غير شنو هوا السبب لي خلاه يهرب ويتخلا عليا !..

لاكن مكايجاوبنيش بدل نمرتو وقطع الاتصال حتى بعائلتو اشنو هاد الدنب العضيم لي عملتو!؟

ماعرفتش علاش هاد الدنية كارهاني علاش غير كانبغي شي حد وكانتعلق بيه كاتاخدو مني وكأنه عمرو كان فحياتي😭

واليديا لي كنت كانبغيهم وأسد لي عوضني حبو على كولشي كونت كانبغيه لنفسي تمنيت لو انه عمرو عتارف ليا بحبو يمكن كون ماعتارفش مكانش غادي يمشي ويخليني...!

هادي كاتبقا مجرد هضرا خاويا لي كايبغيك بصح كايتنازل لي كايبغيك من كل قلبو كايحط الكبرياء على جنب ويخدم شوية ديال المنطق ..

كايقولو الى لقيتو جوج مفاهمين عرف الدرك على واحد ...والدرك كولو كنت هازاه انا تنازلت على شحال من حاجة على قبلو وهوا وهانتوما كاتشوفو اش دار فيا ..💔

لموهيم مابغيتش نطول فالهضرة عليه كان صفحة من حياتي وطويتها ..عشت معاه تجربة وستافدت منها ...وتجربتي هي عمرك طيح بكرامتك على قبل شي بنادم ..وعمرك ماتنازل على احلامك على قبل شي بنادم...وعمرك ماتوضع تيقتك إلى فلي خلقك ولي ولدوك اما لباقي كولهوم لفاعي كايتسناو غير الفرصة لي تكون فيها ضعيف باش يغرزو نيابهم فيك ويفرغو فيك سمهم القاتل طبعا ماشي كولشي لاكن الاغلبية...وداكشي لي دارت فيا بنت عمي ..ستغلات غياب اسد لي كان ليا الدرع والحصن المنيع وطبقات خططها باش تتخلص مني وترتاح بمرا ..!

فواحد نهار جاني خبر من المحامي ديال سماح وقالي بلي خصني نمضي على شي اوراق ...
شديتهم من عندو وخديت وقتي باش نقراهوم ..ولقيت بلي سماح باغيا تبيع لفيلة ديال بابا ...
اخر مابقالي من ريحة واليديا لي هي لفيلة وبغات تبيعها ..قلت للمحامي بلي ماغاديش نمضي على هاد الاوراق وبلي مستحيل نفرط ففيلة بابا

لانه جاتني فكرة بما انني عاطلة عن العمل وساكنا غير مع صديقتي لحبيبة لمار انه ناخد الموافقة من البلدية ونحول الفيلة لدار اليتيم ...

من خلال مكوثي فمنزل اسد والمناسبات لي حضرت فيهم تعرفت على بزاف ديال رجال ونساء الاعمال لي كانو كايهتمو بالعمل الخيري ...

تواصلت معاهم ولقيت ترحاب منهم اوافقو يعاونوني باش ننشئ هاد الدار لي غادي تستقبل الاطفال المتخلى عنهم فالمستشفيات مثلا الامهات لي كايتخلاو على اطفالهم مباشرة بعد الولادة وكايسمحو فيهم دار اليتيم غادي تستقبلهم ...

كونت متحمسا بزاف لهاد العمل الخيري وهوا لي خلاني نتناسى موضوع اسد ولو غير فاللحضات لي كانكون مشغولة فيهم اما هوا مكايزولش من بين عينيا الله يسمحليه ...

اطلقة على الجمعية اسم 
☆☆قطرة حليب☆☆

بحيت ان الاطفال لي غانتكلفو بيهم ماغايزيدش السن ديالهم على 5 سنوات ومن بعد الى ماتمش تبنيهم غادي يتم تحويلهم للميتم يكملو السنوات لي غايبقاولهم تما قبل سن 18

دازت 5 اشهر ومكاين حتى شي خبر على أسد واخا قلتليكم مانهضرش عليه بزاف الى ان إسمو ديما على طرف لساني وقدام عيني ...

كولشي غادي هوا هداك حتى لواحد نهار كونت ناعسا ومع 2:30 دقيقة بالضبط صونا تلفوني وبسرعة جاوبت توقعت يكون اسد هوا لي كايصوني لاكن خاب ضني كانت المكالمة من رجال الاطفاء جاني خبر ان فبلة بابا ولي هي قطرة حليب تحرقات

كانحكيلكم وكانبكي حيت ماعرفتش علاش اي حاجة بغيتها وتعلقت بيها كاتمشي علاش انا ماعندي زهر علاش مكتب عليا نعيش هاد العداب كامل

حتى انا بغيت نفرح بغيت نعيش بحالي بحال لبنات علاش اللعنة ديما تابعاني 
لقيت غصن وتشبت بيه باش نرفع راسي ونوقف من جديد ونواجه موجة التيارة المعاكسة لاكن حتى هوا نكاسر ونكاسرو معاه كل احلامي

مشالي كولشي ورجعت لنقطة الصفر مشاتلي لفيلة ومشروعي ومشاولي المعدات لي خسرت عليهم اخر سانتيم بقا فجيبي ...خسرت كولشي ...

وقفت قدام الفيلة كانشوف اللسنة النار كاتحرق اخر قطرت حليب وحتى احلامي.... ماقدرتش نصبر وجاتني حالة من الغضب قوية كنت كانحاول ندخل للفيلة كونت باغيا ناخد صور واليديا او شي دكرى تفكرني بيهم لاكن رجال الاطفاء منعوني كانو جوج ديال الرجال شاديني لاكن ديك القوة لي كانت فيا عمري توقعتها من راسي كانت ايلا وعمر براهيم وحتى محمد جاو على عجلة فاش وصلهم الخبر من لمار ..

كانو كايواسيوني وشفت دموع فعينيهم ونضرات الانكسار تمنيت لو كان معايا اسد فديك اللحضة نحط راسي عليه ونبكي وماعنديش مانع الى مت من بعدها ...

شفت محمد كايضور وكايصوني على شي حد وسمعتو فاش كان كايقول

"جاوب ااسد جاوب جاوب جاوب"

بقا كايردد فديك الكلمة حتى تعصب ورما تلفون فالارض ..زاد شعلات العافية فقلبي وبديت كانقاومهم من جديد باش ندخل ونغوت وماحسيتش براسي حتى جات حقنة مهدئة فعنقي خلاتني نفقد الوعي ونحل عيني فغرفة بيضاء وباردا كانو كاملين فجنبي كايطمنو عليا من عائلة اسد واية وحتى لمار

جاو الشرطة باش ياخدو افادتي وقالولي واش شاكا فشي حد هوا لي شعل العافية فالفيلة وعطيتهم اسم سماح حيت مكاينش لي غادي يبغي يحرقها من غيرها ..حيت رفضت نبيع الفيلة ونقصم معاها بغات تحرقها باش مانربح لا انا ولا هي...

حمدت الله ان الفيلة كانت خاوية ومامات فيها حد وماخرجاتش بجثث

لاكن جثة وحدا طاحت ...بدون جسد ولي مات فيها هوا روحها وكيانها ماتوفيها اشياء كتيرة اكتر من المشاعرها ..تقتلات تماما من الداخل وكنت انا هي ضحية لكاع هادشي لي وقاع ..

ضحية الثقة العمياء ضحية العواطف الجياشة

كانت كاع تصرفاتي مجنونة كنت فعمر 21 شابة فمقتبل العمر عندها احلام باغيا تحققهم عندها طمحات باغيا توصلهم لاكن كولشي تدمر ...

داز شهر مور الحادثة لي وقاعت وكونت مريضا بزاف جسد بلا روح حتى لواحد نهار كنت شادا تلفون فيدي حتى كاسيفطلي إيوز ميساج عقلتو عليه إيوز الاوزة ...ماكونتش باغيا نجاوبو بالاحرى ماباغيا نهضر مع حتى شي واحد لحت التلفون بطريقة عشوائية وجا فحضن لمار لي تخلعات وهزاتو كاتشوف فيه 
ضحكات عليا وقالتلي

"هاد تيتيز كامل باغي يهضر معاك وماباغياش تجاوبيه "

...غميت راسي بالغطاء وقلتلها

" الى بقا فيك جاوبيه نتي "

بلا عكز عليها جاوباتو وبقات شادا معاه لهضرة وكاضحك مهاه وقالها بلي اسس شركة خاصة بيه ومحتاج لي يعاونو فتسيرها..

فيقاتني لمار وقالتلي شنو قالها قولتلها بلوكيه وهني سوق لاكن هي مابغاتش بقات كاتكتبلو وتقولي شنو كتبات وانا نجلوبها وتكتبلو ... قالتلو هي بلي انا ساليت مع اسد وخطوبتنا نتهات كانت كاتهضر بسميتي ...

فقالها انا مانقدرش نفرط فوحدا بحالك كانت مع اسد واكيد عندها خبرة فالخدمة وتسير الشركة وكدا وكدا وقتارح عليا نجي نخدم معاه ...فاش قالتهالي لمار قفزت من بلاصتي وحيدت ليها تلفون باغيا باغيا نبلوكيه ...

لاكن لمار بدات كادابز معايا وهي كاتجر وانا كانجر تقاتلنا وقدات تحيدولي من يدي وخداتو

كتبتليه انا موافقة لاكن غادي نخدم فقط سكرطيرة لان هادشي لي عارفة انا...

دابزت معاها داك نهار حيت هضرات بسميتي وتدخلات فحياتي وقراراتي لاكن لعفريتا قدرات تقنعني بهضرتها فاش قالتلي

""واش غادي تبقاي غير كاتبكي عليه هوا راه عايش حياتو وبحال والو يكون دابا مع شي ساقطة والجمعية ديالك تحرقات مشاتلك الشركة والفيلة ونتي دابا عاطلة عن العمل جاتك فرصة بين يديك ماتفلتيهاش خرجي برا لمغرب سيري عند إيوز لاسبانيا وخدمي تما وبداي حياتك من الصفر ماتفكري لا فاسد ولا فسماح عتابري راسك فاقدة الداكرة نساي اسد وعائلتو وكل حاجة تفكرك فيه ولا فالماضي وعيشي حياتك بني لنفسك مستقبل مافيه لا اسد ولا سماح بعدي على المغرب باش ترتاحي كيف مادار هوا ""

جاتني هضرتها منطقية وقلت علاش حتى انا مانديرش بحالو 
ماهي الا اسبوعين وكنت فاسبانيا ستقبلتني صديقتو دينيز من المطار وداتني معاها لدارها وطلاقيت مع لقرع ديال باباها لي كان ضريف معايا كولهوم كانو مزيانين معايا ..

ستالمت الخدمة لاكن ماخدمتش سكرطيرة عطاني قسم اخر مختص فالحسابات بعدما دوزت اختبار ونجحة فيه ..

ستاقلت بنفسي وكريت دار غير صغيورة غرفة ومطبخ صالة وحمام دوزت شهراين وانا غاديا مزيان وكولشي هوا هداك ...

حتى وصلني خبر من لمار ان سماح خرجت برائة وبلي الاتهام لي وجهتو ليها بسبب حريق الفيلة طلعت منو كيف الشعرة من العجين بنت لحرام ...

ماهتميتش للأمر وقلت هي ماعندها فين توصلي انا بعيدا على المغرب نهيتها من حياتي...

صافي مابقيتش بغيت الاخبار ديال المغرب تبقا توصلي لهدا سيفطت رسالة للمار وطلبت منها تسمحلي وبانني عمري ماغادي ننساها وغادي تبقا بالنسبة ليا هي اخي وحبيبتي وبانني مابغيتش نبقا نسمع صوتها ولا صوت شي حد من المغرب 
حيدت الكارط سيم من الهاتف وهرستها بلوكيت حسابي من فيس بوك انستغرام وحتى لواتساب وسناب شات
باش مانعرفهم مايعرفوني من هنا لفوق ...

بكيت حيت غادي نتوحشهم وهوما مادارولي والو لي يستاحقو مني هاد التعامل الوقح لاكن انا كنت محتاجا نصفي دهني واخا غير مدة قصيرة وعاد نرجع نتواصل معاهوم

داز شهر وحداخر وكمل العام ودخلنا فعام جديد 
فليلة رئس السنة الميلادية الجديدة عرض عليا ايوز هوا ودينيز باش نمشيو نحتافلو بمناسبة لكريسماس

وافقت وخرجت معاهوم ضحكنا ونشطنا ونسيت مشاكلي شوية حتى لوتحد اللحضة ستأدنت منهم باش نمشي للحمام 
بقيت كانضور وسط واحد المنتزه لي كان مليان بالناس والاضواء والثلج الابيض كاسي الارض الالون الاخضر والاحمر فكل مكان الاشجار لمزوقا بالاضواء المزهرجة وبابا نويل كايتصورو معاه الاطفال كان منضر زوين لاكن مالقيتش الحمام ...

حتى وقفو عليا جوج ديال رجال ماعرفت منين خرجو ليا واحد وقفلي من للور والثاني حاصرني من القدام وهدا لي كان من اللور نقض عليا طيحني للارض ودارلي منديل ابيض على نيفي وكتم نفسي

فاش حليت عيني لقيت راسي مربوطا ومكلسيني على كرسي خشبي كان فمي مسدود بقطعة قماش ويدي مربوطين للخلف بحبل غليض وكدالك رجلي ...

كانت الرئية غير واضحة وضبابية شوية بشوية حتى توضحلي فين انا كنت فوق واحد السطح مافيهش لجدران كانت سماء كحلة والنجوم متلئلئة والبدر ضوا المكان

بقست كانغوت بصوت غير مسموع حيت فمي مسدود وكانحاول نفك قيودي لاكن بدون
جدوى كانحاول ونحاول حتى تضبرت يدي مع داك لحبل لغليض لي كان اللون ديالو بني ...

بكيت بحرقة ولكحل لي كان فعيني ساح ونساب على جفوني وجهي كان مضلم والعداب كايقطع فقلبي ..
اشنو الدنب لي درت ياربي باش نستاهل هاد العداب كامل 
قاطع بكائي الصامت خطوات اقدام كان صوت كعب عالي وصل لمسامعي على بعد امتار وكدالك بعض خطوات رجالية بطيئة توقفات مورايا وطلبات منهم يبعدو شوية ...
انا ماكنت شايفا والو حيت كانو مورايا ...قربات مني وادا بها سماح كنت عارفاها هي حيت ميزت صوتها الملعون وقفات حدايا وربعات يديها ببرود وهي كاتشوف فيا ..بينما انا كنت بحال المجنونة كون ماكنتش مربوطة كنت غادي نقتلها بلا شك قالتلي

سماح-مرحباا مرحبااا مرحباا ببنت عمي لعزالة ...
ماتصوريش شحال توحشتك ...

بقيت كانتمتم باغيا نهضر لاكن فمي مسدود

سماح-هاه قولتي شي حاجة ...ماسمعتكش ...اووه يالغبائي نسيت ان فمك مسدود ..

قربات مني وحيداتلي الثوب من على فمي

نورسين-شنو بغيتي مني الحقيرة ...

سماح-بغيت حياتك ...بغيتك تموتي

نورسين-(بصراخ) اش كاتسناي قتليني وريحيني يحسابك راني عايشا فالنعيم .. اش كاتسناي قتليني ..

غمضات عينيها وفتحتهم ببرود وقالت بلهجة جليدية
سماح-اكيد غادي نقتلك لاكن ماشي دابا بغيت نخوي عليك قلبي ونقولك كولشي باش نرتاح نتي ميتا ميتا بغيت نعاودليك على سري وندفنو فنفس القبر معاك....

ماجاوبتهاش وبغيت نعرف اشمن سر مخبعاه كملت وهي كاتقول

سماح- جدي لي هوا جدك كيف كاتعرفي كانو عندو جوج ولاد بابا وباباك ...لكبير كان هوا بابا لي تولى منصب جدي من بعد موتو ...
بابا كان عندو ولد من مراة تانية غير ماما وانا كنت مازالة فكرشها نهار لي باباك قطع لفرامل لسيارة بابا الله يرحمو باش يقتلو وياخد هوا لفلوس الشركة وكلشي 
لسوء الحض كان خويا من بابا راكب معاهم نهار دارو حادثة ومات بابا على الفور حيت راس ديالو تقطع بينما خويا حتى هوا مات بقات غير ماما لي كنت انا مزالة فكرشها جات الاسعاف ونقلوها للمستشفى ومبارشة لغرفة العملية ضطرو يولدوها لاكن المسكينة عطات حياتها مقابل حياتي انا عشت وهي ماتت 
هداك لحقير ديال باباك خدا المنصب ديال بابا وترئس الشركة وخدا الفلة وكلشي خدا حتى حياتي فاش فكر يربيني حيت مكانش كايولد ...
انا ماكنتش عارف اني ماشي بنتهم وكنت كانبغيهم بزاف حتى للنهار لي جيتي نتي للدنية كنت فرحانة حيت غادي تكون عندي اخت غادي نعيشو انا وياها ونعاون ماما فتربيتها بما انني كان فعمري 16 لعام فاش تولدتي نتي

فواحد نهار كان باباك كالس مع سي قاسم ساعدو الايمن وكايدوي معاه وقالو عندي واحد السر بغيت نبوح بيه ديما معدبني ومامخلينيش نرتاح 
وبدا كايعاودلو على الطريقة لي قتل بيها بابا وماما وحتى خويا انا سمعت كولشي وتصدمت كلست كانبكي فالباب حتى سمعوني وناض باباك حل الباب ولقاني على داك الحال كانبكي بحرقة

بقا كايحاول يقنعني بان داكشي لي سمعت ماشي صحيح وبانه كان غير كايكدب على قاسم كنتي نتي فعمرك داكساع 10 سنين كونتي صغيرة وزوينا ومرحة كونت كانبغيك بزاف لاكن فاش عرفت بالجرم لي دار باباك فواليديا وخويا كبر الحقد فقلبي اوليت كانشوف فيك روح خويا لي مات وهوا فنفس سنك وتاخدت قرار مع نفسي انني ماغاديش نسكت على شي لي دار باباك

فديك الفترة تعرفت على إياد اخ اسد لي هوا ولد خالتك كان فنفس السن ديالي وكان باغي ينتاقم من ناس لي خداولو خوه كان كايجي يشوف خالتو غير من بعيد ويمشي مكانش كايبغي يهضر معاها ماعرفتش علاش ... شحال من مرا لقيتك وقفا معاه حدى لباب وكايهضر ويضحك معاك نتي ماغاتعقليش حيت كنتي صغيرا تما انا فين تعرفت عليه وتوطدات علاقتنا اوليد كانحبو مكانش يحسابلي بانه ولد اخت ماجدولين ماماك وحكيتلو على خطط انتقامي من باباك لاكن فينما كنت كانبغي ندير شي حاجة كاتفشل حتى للنهار لي قالي إياد بانه مشى عند باباك وحدرو مني وقالو رد البال من سماح راها باغيا تقتلك نتا وخالتي وبنتك ...

لهدا هوا كان واخد حدرو لاكن مكتنش كايبينلي وكايتصرف معايا بشكل طبيعي ..
حتى لواحد نهار قررت نقتلكم بنفس الطريقة لي قتل باباك عائلتي وقطعت لفرامﻻ ديال السيارة ...حيت ماماك كانت باغيا تمشي للسوق تشريلك لحوايج وكان باباك هوا لي غادي يوصلها 
طلبو مني نمشي معاهم لاكن انا ختالقت عدر باش مانمشيش ...كلست فغرفتي كانتسنا يجيني خبر موتكم كاملين وفعلان نجحات خطتي وعملتو حادثة لاكن نتي مامتيش ...
فواحد نهار دخلت لغرفة الانعاش لي فيها وكنت باغيا نقتلك بلوسادة حتى فاجئني إياد ومنعني وهددني بلي الى لمستك غادي يبلغ بيا الشرطة ...

لهدا كاقدرتش نقتلك وكان إياد حاضيك طول ديك المدة لي كنتي فيها فغيبوبة حتى فقتي ...
هانتي دابا عرفتي شكون قتليك باباك وماماك لاكن يامسكينة ماغايكونش عندك الوقة باش تنتاقمي...تو تو تو تو غادي تبقاي فيا ياحرااااام

نورسين-كدابا نتي غير كاتكدبي مستحيل هادشي لي كاتقولي يكون صحيح مستحييل

سماح -صدقيني انورسين كونت كانبغيك بزاف كونتي عزيزا عليا ... الدنب ماشي دنبك ...الدنب دنب هداك عمي الحقير لي قتل واليديا على قبل لفلوس والاملاك ..هداك طماع ديال باك هوا السبب فالموت ديالك ماتلومينيش انا لوميه هوا

نورسين-وشنو لفرق لي بيناتكم بجوج بيكم قتالة الى كان هوا حقير نتي فتيه فالحقارة يابنت عمي ..

ضحكت سماح بصوت عالي

سماح-فعلا انا فتو فالحقارة تمنيت لو كان مازال عايش ويشوف بعينيه كيفاش غادي نقتل بنتو لوحيدة الوريثته الشرعية لي كان فرحان بيها

نورسين-واش يحسابك غاتخلعيني بهاد الهضرة الى كنتي باغيا تقتليني اشنو مازالة كاتسناي انا اصلا ميتا جسد بلا روح قتليني وريحيني

سماح- انا كونت باغيا نقتلك لاكن فاش بلغتي عليا وتهمتيني بلي انا لي حرقة الفيلة تغيرات خطتي اه انا لي حرقتها انا عندي فيها حقي كيف عندك نتي ومنين مابغيتيش ديري معايا شي حل لي يرضي الطرفين حرقتها مانفرح لا انا ولا نتي

نورسين- واشنو دنب هادوك لاطفال لي كان بامكانهم يعيشو ويترباو تما علاش نتي انانية علاش.. ضحكتي عليا بجوج كلمات وصدقتك سامحتك على اي حاجة درتيهالي مكانش يحسابني انكي لفعة مخرجة نيابها وكاتسناي غير لوقت لمناسب...

سماح-فعلا تسنيت الوقت المناسب ..وجاء اخيرا هداك حبيبك ولا خطيبك ولا مانعرف شنو كاتسميه هوا لي كان واقفلي فطريقي ...بسببك نتي خدالي الشركة وبسببك انا دابا رجعت لنقطة الصفر بعدما كنت من اغنى الاغنياء وليت فقيرة بسببكم بجوج

نورسين- ويحسابك انا بلا بيه ماغاديش ندافع على راسي منك

سماح-بهاد الجسم ضعيف...همممم الى قديتي ديريه

نورسين- فكيني وتشوفي شنو غادي ندير

سماح-روح مقابل روح انورسين روح خويا مازال مارتاحت فلقبر ...وروحك نتي غادي نقتلها ...بشوية بشوية ماغاديش نقتلك جسديا غادي نقتل شرفك وعفتك وكرامتك ومن بعد الى كان عندك لوجه تعيشي مع العار لي غادي يتلبسك غادي نحتارمك طول حياتي ... هدا الى مالحتيش راسك من فوق هاد سطح

نورسين-اشنو كاتقصدي

سماح- هانتي غادي تشوفي ...خوان ..لويس...

____________

نورسين- جن جنوني وستولى عليا الغضب كايزيد ويزيد وندافعت ليها كانحاول نفك قيودي وانا كانوجه ليها الاهانات والتهديدات تلاحمت اعيننا بنضرات ملتحمة ومليئة بالشرارة مابقيت لاكانشوف ولا كانسمع حتى حاجة على الاطلاق كان قلبي مخنوق وعلى وشك الانفجار

نادات على جوج ديال رجال هوما نيت لي ختاطفوني من المنتزه وعطاتهم اشارة بيديها وشفت واحد فيهم ضخم البنية كايقربلي وكايفك زراير قميصو وتابعو التاني كايدير نفس الشئ فهمت شنو باغين يديرو وفهمت كلام سماح فاش قالت غادي نسلبك شرفك وعفتك ... بغيت نحماق ماستحملتش فكرة نتغتاصب من طرف جوج ديال الوحوش البشرية جاتني الحكرة ودموعي مابغاوش يوقفو وانا كانشوف فسماح واقفا بعيد ومربعا يديها وعلى وجهها ابتسامة نصر

قرب مني واحد وبدا كايلمس شعري باصابعو المقززة كرهت راسي كرهت داك الشعور
شعرت بالقرف منو ..فكلي يدي ورجلي ولاحني فالارض بينما التاني كان واقف وكايتسنا الضور ديالو وهوا كايضحك بطريقة مقززة 
كان فوق مني وانا من التحت وكانقاومو بكل قوتي بدا كايقطعلي حوايجي بطريقة حيوانية وانا كانغوت ونغوت احبالي الصوتية كانت على وشك الانفجار ضربات قلبي فتزايد حتى مابقيتش كانحس بيه 
تشعلت فدمي نار هايجا ،وضغط على مسامعي اوليت مكانسمع حتى حاجة ...تعمات عيني اوليت كانشوف الدنية شعلة حمراء

تفكرت اسد و تفكرت وعودو ليا تفكرت ايامي لي ضحكت فيها..! فاش نقدني من الغرق وفاش تلقى الرصاصة بدالي... تفكرت كل لمسة وكل رعشة.. وتفكرت كل قبلة وكل همسة وكل كلمة زوينا قالهالي... تفكرت طريقة حملي على ضهرو ...كيفاش كان كايضحك على نكاتي البايخا كيفاش كانا كانتصابقو فدرج ...ويضحك عليا ونضحك عليه...تفكرت نهار ديال طاكسي... ونهار لي تورطت معاه فتمتيلية الخطيبة والعشيقة... تفكرت نهار لي لبسني الخاتم فيدي... نهار لي منعني نقطع شعري ... نهار لي مدح للون عيوني وطولي... تفكرت حضنو الدافئ شحال كنت فرحانا وانا معاه

رجل الثلج يمشي تحت الشمس ولا يدوب تفكرت اللغز لي قلت للعساس يفكو بينما كانقطع صورتو ..تفكرت 6 قبلات وحنا على مثن الطائرة كل لمسة منو وكل همسة وكل لمسة خلات قوتي تتضاعف وانا تحت هداك الوحش البشري وغرزت فأكتافو اضافري الحادة وضهرو كدالك حتى طاح يدي على المسدس الي على خصرو لي كان شادو السروال لي لابسو ..
بدون تردد او تفكير خطفتو وباصابعي جوج الابهام ضغطت على الزناد وطلقت رصاصة ختارقة عمودو الفقري بكل سهولة وقتلاتو على الفور

تلاح عليا كاع وزنو الثقيل وبصعوبة قدرت نبعدو عليا ونضت ..صدم هداك الوحش الثاني فاش شاف المسدس بين يدي وهرب وسد الباب موراه باش مانتبعوش بقيت محاصرة فداك الصطح انا وسماح لي كانت واقفا مسمرا وهي كاتشوف فيا وفالمسدس لي فيدي

سماح- خخختي ...نننورسين..عنداكي تتهوري وديري شي حاجة تندمي عليها....واش باغيا تولي مجرمة

ستولات عليا حالة مريرة ملوثة بالغضب والحقد وبقيت كانغوت عليها ونهددها وانا موجها المسدس نحوها مكانش عندي درة من التردد كنت مشتاقة نضغط على الزناد وتخرج منو رصاصة لي تمزق قلبها واعضائها كنت باغيا نفرغ فيها كل الدخيرة لي فالمسدس كان الغضب عامل غشاء على عيني
حطمتني ضمرتلي حياتي عدبتني فطفولتي حرقت حلمي فجمعية قطرت حليب وماكفاهاش الامر وبغات تسلب مني شرفي وعدريتي ..صبرت لكلشي الا لهاد النقطة بالدات لي خلاتني نتحول لوحش مكايعرفش الرحمة...!

قتلت هداك الوحش وماندمتش ولا رفلي رمش ولو كان يعود بيا الزمن نقتلو مليون مرة ...

بقيت كانسبها بشتى الكلمات والقدائف القبيحة بينما هي كاتتراجع للخلف وكاتحاول تقلب على مهرب من مسدسي من غير باب السطح حيت كان مسدود من الداخل ...وانا كنت تابعاها فكل خطوة خطاتها ..حتى لواحد اللحضة ختل توازنها وعلنت على سقوطها المفاجئ نحو الشارع وجات فوق من سيارة سوداء لي تحطم زجاجها وسال دمها عليه بينما نطالق صوت اندار السيارة وخرجو كااع الناس لي كانو فالمقهى يشوفو شنو واقع وكلشي كان متفاجئ ملي شافوه ...

ماتوقعتش تموت بديك الطريقة كونت باغيا نقتلها بيدي ونفش فيها غليلي ..كسرت كاع القوانين وكاع داكشي لي تعلمتو فالمؤسسة على عدم اخد الحق باليد رميتو مور ضهري كونت باغيا نقتلها بيدي لاكن ماحالفنيش الحض ..علاش صافي وليت مجرمة فاش قتلت هداك راجل لي حاول يغتاصبني وماترددتش ولو لحضة باش نقتل لي ضمراتلي حياتي..!

كونت كانطل وكانشوف فيها بصدمة بينما الناس لي فالشارع كايهضرو ويتهامسو وكايشيرو بأصبعهم ليا انا لي كنت فالسطح

بسرعة حضرة سيارة الاسعاف مع الشرطة لي قتاحمو السطح.. بينما انا طحت على ركابي وهزيت يدي بإستسلام ..

بعدما كنت من مجموعة الابطال كانحارب الشر وننقد الناس من المجرمين الاوغاد لي كايهددو مصير العالم ...اصبحت من مجموعة الاوغاد لي كايقتلو بدم بارد..

الاصفاد الحديدية غمرت يدي وانا فالارض وفوق مني شرطي بارك على نفسي بركبتو باش مانهربش ...

داكساع تخيلت انني طحت فبير ماعندوش قعر ولا نهاية شعرت بقلبي كايدق بعنف وحسيت بمغص فبطني ورجلي لي نفاصلو عليا مابقيتش حسيت بيهم كما لو ان قنبلة مزقتني لاجزاء صغيرة

تحولت للمخفر ومن بعد للنيابة.. تم سجني مع عدم اقرار بمدة مكوثي فالسجن ..تمت الاجرائات والتحقيقات الروتينية مابغيتش نتكلم الى مع وجود محامي الخاص بيا عتارفت ليه بكل شي ماكدبت فحتى حاجة هوا المحامي ديالي لي المحكمة كلفاتو بقضيتي كان محامي لابئس به وطالع على ملفي ...

وقالي سهل نخرجك من هاد القضية بحال الشعرة من العجين وقالي بلي غايقول فالدفاع انني رتاكبت الجريمة بسبب الدفاع عن النفس ..عملولي فحصات روتينية ولحسن الحض الاثار ديال الحبل لي كنت مربوطا بيه فيدي بين للمحكمة انني كنت مختطفة وبانني دافعت على راسي بمسدس ديال الوحش لي بغا يغتاصبني لان المسدس كان مصرح به باسمو يعني المسدس ديالو ومكاينتاميش ليا..

تافق معايا المحامي باش نقولو للقاضي بان الرجل لي مات هوا لي دفع سماح وقتلها لانهم كانو من المستحيل يصدقو انني ماقصتهاش وانها طاحت بوحدها ...
كولشي كان فصالحي قضية دفاع عن النفس قلت فالتصريح انني تختاطفت انا وبنت عمي يعني حتى هي كانت مخطوفا وفاش بغا يغتاصبها قاوماتو شي لي خلاه يدفعها وطيح
مع العلم ان هادشي كان غير كدوب لاكن ماترددتش نكدب الى كان هادشي لصالحي ..
كولشي كان تمام واحتمال حكم البرائة كان %70
حتى جات مشكلة وعرقلت كوووولشي ولي هي المخابرات المغربية

عرفو انني عميلة لدولة المغرب يعني جاسوسة فنضرهم وهادشي لي زاد الامر سوء وعندهم الجسوس الخائن عقابو الموت حاولت نقنعهم انني مابقا عندي علاقة بالمخابرات وانني استقلت لاكن ماصدقونيش درسو الملف ديالي وعرفوني فين قريت وفين تدربت وكنت انا بالنسبة ليهم ولدولتهم عدوة وخائنة وعضو خطير لا يستهان به..

تناساو قضية موت الرجل وسماح وبقاو مركزين فهاد النقطة بالدات لي غرقاتني حتى لودنيا تمنيت لو انني عمري نضميت للمخابرات لو انني عمري كنت فالحياة اصلا حيت من نهار حليت عيني فيها وانا كانعاني فصمت ...
تم اصدار الحكم بعدما قضيت 5 سنوات فالسجن وهادي السنة الساسة لي عندي وانا تحت صقف زنزانتي لي غلقت كتابي ووضعت قلمي فوق كتابي وانا كانحكيلكم حكايتي ...لي نتهات بمئساة

حياتي بدات فالعداب ونتهات فالعداب ...

________________

كنت قلتلكم انني رفعت دعوة للاستئناف وتم القبولها من طرف المحكمة لي عيناتلي محامي جديد لي كان سميتو سيد (بيكهام) امريكي الاصل كولشي كان كايشكرو وكايقولو بانه محامي شاطر ومحترف درس القضية ديالي وجا عندي لمقابلتي ..

كان وجهو نحيف بارز الوجنتين قاسي الملامح جاف النظرة غير تمعنت النضرة فيه كان مشرق وكايتكلم بلطف والرقة عينيه كاتنطق بالصفى والطيبة كانت ملامح وجهو كادل على التفكير والرزانة اكتر من البشاشة وكانت على وجهو ابتسامة مشرقة فينما كايشوف فيا بعيونو الرمادية بحال بغيوم ..شعرو دهبي وتسريحتو منمقة معتدل الطول وعريض الاكتاف

كان كايجي عندي كل يومان تقريبا ولينا انا وياه اصدقاء كان كايعاودلي على زوجتو الساقطة لي خانتو.. وعلى بنتو لي فعمرها 5 سنوات ..قالي بانه امريكي ونتاقل لاسبانية فقط لمدة ديال 6 اشهر وغادي يرجع لبلادو وعند بنتو ..
واعدني انه ماغاديش يتخلى عليا وغادي يخرجني من السجن مهما كلف الامر..

كان فكل جلسة كايدافع عليا بكل قوتو وكل مهاراتو فالاقناع كدالك المدعي العام مكانش مخلي من جهدو وكايقلب غير على شي فرصة باش يزيد يغرقني لاكن السيد بيكهام كان حريص ورزين فكلامو وسجلو الحافل بالنجاحات فقضاياه لي تكلف بيهم فبلدو امريكا ...

واخيرا جاء موعد النطق بالحكم كونت كالسا على اعصابي متوترا ومخنوقا وكانت ضربات قلبي كاتبان من اعلى قميصي الابيض .... لاحض توتري وتسللت يديه لعند يدي وعنقهم بلطف كايحاول يطمئني بلمستو لحنينة لي خلاتني نتهدن شوية

دخل القاضي بكل هيبتو رجل محنك فاواخر الخمسينات وعلى وجهو ملامح الوقار وخطوط التجاعيد لي كادل على خبرتو الطويلة فالحياة كان حداه العديد من الملفات ومن بينهم ملفي لي تناقشو فيه اعضاء المستشارين والمدعي العام وخرجو بقرار .....(( برائتي ))

الحمد لله والشكر لله

سمعت كلام القاضي وماصدقتش ودني ..فركت عيني وفتحتهم على الاخر باش نتأكد انني فايقا وماشي فحلم
علامات الحزن والالم لي كانت على وجهي تغيرات وخدات محلها ملامح السعادة والامل ...

بلامانشعر خديت بيكهام فحضني وعنقتو بكل قوتي وحتى هوا بادلني نفس العناق الحار كونا فرحانين بجوج هوا بانجازو وانا ببرائتي واخيرا غادي نشوف النور غادي نجري فراحتي غادي نطير بحال العصافير غادي نشم ريحة الفجر غادي نشوف نجوم الليل غادي نفيق على اشعت الشمس وغادي نلمس اوراق الربيع وازهار الاقحوان لي لطالما كان عزيز عليا غادي نحيا حياة جديدا وكانني للتو خرجت من بطن امي ....
_________________

بعد مرور سنة

امريكا : مدينة نيويورك

الساعة 3 عصرا

خرجت من مقر عملها ولي هوا المطعم لي خدامة فيه كنادلة كاتخدم بدوام جزئي ..بسرعة كاتجري برشاقة نحو الطريق الرئيسي لابسة ملابس العمل لي هي عبارة عن قميص ابيض وربطة عنق حمراء ومعطف رسمي اسود وسروال جينس اسود ضيق

شعرها الاسود القصير لي واصل حد اكتافها كان كايتمايل مع الرياح الموسمية لي كادخل الراحة للنفس

وقفات تاكسي وركبات فيه وقالت على عجلة

نورسين-(كاتهضر بالانجليزية) مستشفى سنتا مونيكا!!
السائق-حاضر سيدتي

وصلها للمستشفا وطلعت مع الدروج كاتصطادم مع الاطباء وتعتادر لانها كانت على عجلة

توجهت للاستقبال وخدات رقم الغرفة لمقصودة وفتحات الباب بخلعة

نورسين-(كاتهصر بالانجليزية ) هل انتي بخير اشلي؟؟

شافت فيها البنت لي فعمرها 6 سنوات بغيض وكلسات على السرير ورجليها مكبصة وقالت وهي كاتمرر اصابعها حول خصلات شعرها البندقي بانزعاج

اشلي-لا لقد اوقعتاني التوأمتان المغرورتان من الارجوحة لهدا انكسرة ساقي . ساخبر ابي بانكي كنتي مشغولة عني

شافت فيها بقلق وعينيها توهجو بالغضب والعتاب

نورسين-انا مربيتكي لدا كلميني باحترام ايتها الطفلة الحمقاء
اشلي-نورسين...سيخصم ابي من راتبك ان رآكي تعاتبيني بقسوة !

بتاسمت نورسين بمكر وقالت وهي كاتكلس على حافة سرير

نورسين-اوووه ابوك لن ليعلم بالامر فلن تستطيعي اخباره فالميت لا يستطيع التحدث

ختفات اشلي تحت لغطاء وقالت وسط ضحكات نورسين الانثوية لي كانت كاتهرها

اشلي-انتي تخيفينني..

قاطعهم دقان فالباب وفتحاتو طفلة بشعرها الاشقر الطويل وبجمالها الطفولي وبعيونها العسلية وقفت بجنبها توئم كاتشبهلها بشكل كبير وعلى وجوههم نضرات الاستياء

ودخلت موراهوم امراه شقراء وطويلة بحال عارضة الازياء بعيونها القرمزية الخضراء وقالتلهم بعتاب

المراه-اعتدرا الان...!

هزو عينيهم باستياء وقالو لاشلي

""اسفتان لما سببنا لك""

كانت نورسين واقفا ومسمرا فمكانها بدهول وهي كاتشوف فديك لمراه لاحضت اشلي نضراتها وقالت

اشلي-ساخبر ابي بانك شاذه

ضربت نورسين راسها وقالت بغيض

نورسين-يا إلهي لم اربيكي لتصبحي ساخرة ولئيمة هكدا

قاطعتهم لمراه الزعرة وهي موجها عند نورسين ويديها على فمها بدهول

المراه-نورسين صحيح..

نورسين-نهال ..ماتوقعتش نطلاقاك هنا ..يالسخرية القدر
عنقاتها نهال بسرور وقالت (بالنسبة لي ماعقلاتش على نهال راه هي لي كانت خطيبتو ولي ضطرات نورسين تمتل الضور ديالها لمدة شهر)

نورسين- ولا انا

طلقات من يديها وقالت

نهال-دازو شحال من سنين ومازالة كاتزياني العفريتا
شافت فاشلي وقالت

نهال-هادي بنتك ياك

بغات نورسين تنفي الامر لاكن اشلي صبقتها

اشلي-هدا صحيح ..انها امي ...وانا افهم العربية بالمناسبة لست غبية

شافت نورسين فيها باستغراب وشافت ملامح الحزن على ملامحها وعرفات السبب

السبب هوا ان مها هربات مع راجل اخر وخلات باها وحيد ومكسور مع طفلة صغيرة
ولاكن علاش اشلي كدبات ؟ واش حيت مابغاتش نهال تفكر ان باباها مشغول فخدمتو ..وانه ماغاديش يجي يطمن على بنتو ..لاكن كونو مازال ماساق لخبار فهدا مكايتعتابرش اهمال

يمكن تعود يتصرف هكا باش ماتشوفش بنتو حزنو لي ماقادرش يدفنو

ويمكن خايف تسولو بنتو على سبب رحيل ماماها بينما هوا عندو غير جواب واحد لي ماغاديش تقدر بنتو تستوعبو

هوا ان مرتو السابقة خائنة وساقطة

خرجاتها نهال من تفكيرها وهي كاتقول

نهال-اتمنى ان تصبحي صديقة لبناتي وتنسيا مشاكلكن

هزات راسخا اشلي بالطاعة لاكن كايبان ان نورسين مازالة كاتفكر وهي كاتشوف فالبنات تقدمو عندها لبنات وقالت نهال ..

نهال-هادو بناتي جنى وجنات..

بتالعت نورسين ريقها بتوتر وهي كاتبتاسم بتصنع وقالت والحض كان فجنبها لان صوتها خرج طبيعي

نورسين-شكون...شكون الاب..

بغات نهال تجاوبها لاكن صوت هاتفها منعها شافت فيها بملامح اعتدار وجاوبت

نهال-اهلا حبيبي...ماتخافش البنت بيخير..واش نتا قدام باب المستشفى. صافي حاحنا جاين

شافت فنورسين باستعجال وخرجات ومعاها البنات وكاتبتاسم

نهال-فرحت حيت طلاقيتك انورسين ..اشلي اتمنى لك الشفاء

خرجات وكلسات نورسين بتهالك على السرير وقالت اشلي بانزعاج

اشلي-لا تقولي لي بأن تلك الشقراء تزوجت بالرجل الذي تحبينه

شافت فيها نورسين بدهشة وقالت

نورسين-مالذي جعلكي تقولين كلاما كهدا ؟

اشلي-رأيت هدا الموقف فهوا مشابه لموقف في دراما رومانسية شاهدتها في التلفاز

نورسين-لو علم والدك بأمر الدراما سيقتلني ..الم اخرج من المنزل وانت مشغولة بمشاهدة الرسوم المتحركة

اشلي-ما ان تخرجين اغير القناه بسرعة

شافت فيها نورسين وقالت باستياء

نورسين -علاش كدبتي على هاديك لمراه قبيلة

اشلي-ابي يهتم بشئني ..لا اريد ان يقول احد عكس هذا تلك المراه ما إن كنتي ستقولين بانك مربيتي ستشفق علي وتسئ التفكير حول ما اذا كان ابي يهتم لامري ام لا.. ولا تتحدثي بالعربية انا لا افهمها جيدا ...

وضعت يدييها نورسين على راس اشلي ومسحت عليه بابتسامة دافئة
نورسين-هل تعلمين... اتمنى لو كنتي ابنتي

اشلي-انتي تبدين كأخت لي.. توقفي عن المزاح

بتاسمت نورسين بطفولية

نورسين-وهل تعتبرينني اختا لك ؟

برزت شفايف اشلي بطفولية وقالت

اشلي-...لم اقل هذا !

عنقتها نورسين بلطف بسيف على اشلي لي كانت كاتقاوم بدون فائدة
تفتحت الباب بسرعة وادا به رجل في بداية الاربعينات كايتميز بشعر دهبي وكايتنفس بتسارع

وادا به لقى اشلي بين دراع نورسين تنهد براحة وقال

بيكهام-لقد خفت طوال الطريق الى المشفى بينما انتما تتعانقان في مثل هدا اليوم البارد والممطر هل لي ان اشارككما

غوتت اشلي بحماس
اشلي-ابي لقد جئت

بيكهام-يا إلهى كيف حدث معك هذا؟
اشلي-لقد سقطت من الارجوحة

قالت نورسين باعتدار

نورسين-انا اسفة يا سيد بيكهام لانني لم اكن مراعية لاكنني اعمل بدوام جزئي في هدا الوقت لذا لم اكن بقربها

بتاسم بدفئ
بيكهام-كم مرة قلت لك ان تكفي عن قول -سيد- فانتي تعتبرين فردا من العائلة

بتاسمت ليه بدورها وسكتات (بيكهام هوا المحامي لي اتبت برائتها جابها معاه من اسبانية لامريكة باش يعاونها تبدا حياة جديدا)

بعد مرور اسبوعين
___________________

كانت ناعسا فالليل وفيقها صوت رنين هاتفهاوجاوبت بصوت كسول وعينيها مازالين مسدودين

نورسين-من المتكلم..

ميزات صوتها الانثاوي

نورسين-نهاااال ...منين جبتي نمرتي

نهال- بنتك لي عطاتولي فاش زرتها اخر مرا فالمستشفى

نورسين-ااه فهمت

نهال-واش نتي متأكدا ان فعمرها 6 سنين كاتبان عندها 20 بتصرفاتها

بتاسمت نورسين وقالت

نورسين-علاش معيطالي

قالت نهال بعد صمت

نهال-عارضا عليك للعشاء كاحتفال بلم شملنا ..اسد حتى هوا غادي يجي..

غير سمعات سميتو شعرات بان الارض من تحتها تهزات

نورسين-اشنو كاتقصدي

قالت نهال باستغراب

نهال-انا ونتي واسد

قلبي قلبي قلبي على شي عدر كادب انورسين نقدي راسك من هاد الورطة

نورسين-راجلي خدام ..لهدا...لهدا مانقدرش نخرج ونخلي بنتي بوحدها

نهال-ماتخافيش جيبيها تبقا مع بناتي ومربيتهم غاتيقى معاهم ماتخافيش

نورسين-نهال سمحيلي ولاكن..

قاطعاها كاتقول

نهال-مع تسعود المطعم لي جنب النافورة لكبيرا

نورسين-نهاااال..

نهال-بسلاما..

ناضت وكلسات على سرير كاتشوف فالفراغ وهمست

نورسين-غادي يتوجب عليا نشوفو من جديد الرجل لي دمرني

نسات راسها وداست على كبريائها للحضة وهي كاتقول

نورسين-ترى كيف غادي يكون شكلو من بعد كاع هاد سنسن

سرفقات راسها على تفكيرها وناضت للحمام باش تستحم بماء دافئ وتحيد هاد الافكار من عقلها

في اليوم التالي

حاولت تقنع راسها انها نسات اي شعور كانت كاتحسو من وجيهتو
لاكن غير كاتفكر ديك الرموش الكثيفة لي كاتأسرها كاتضعف من جديد
لاكنها حددات وقفها ..بانها غادي تعاملو برسمية ومن بعد تتعشى وتمشي بحالها وماترجعش تشوف وجهو من جديد علاش غادي تهرب منو هي ماشي جبانة بحالو وماباغياش تبينلو انها تعدبات من بعدو بغات تبينلو العكس وانها كانت عايشا بيخير من بعد كاع هاد سنين..

ماغاديش تعاتبو ولا تعنقو ماغاديش تشوف فعينيه من بعد داكشي لي دار فيها..
كرامتها وكبريائها اغلى من حبها..

فتحت خزانتها وجبدات فستان ابيض اللون وخلات شعرها البندقي اللون والقصير مطلوق على اكتافها

مابقاتش كاتخلي شعرها يطوال وحتى اللون ديالو بدلاتو للبندقي (البني)

بسببو كرهات شعرها طويل والاسود

نورسين-انا قوية...ماشي جبانة ماغاديش نتراجع ماغاديش نرجف ..هوا لي خصو يرجف حيت مادرت والو وماخطئت بوالو هوا لي خطئ

واخيرا عرفات انه مكاينش شي حاجة سميتها النهايات السعيدة

لاكن هجرانو ليها خلاها اقل سداجة واقوى ..الحاجة الوحيدة لي كاتشكرو عليها هوا تخليه عنها وسط الضلام باش تلقا طريقها بيدها بدون كساعدة احد

شدات طريقها لهداك المكان لي من المفروض تلقا فيه نهال واسد فيه

دخلت للمطعم ولقاتو مكان فاخر كيما هوا متوقع من زوجة اسد مالك اكيد غادي تختار مكان غالي الثمن

لقات نهال وفجنبها كالس رجل ماقدراتش تميز وجهو لانه كان عاطيها بالضهر لاكن شعرو الاسود لي ضهر عليه بعض الشيب طبيعي هوا دابا فالاربعين من عمرو... واكتافو العريضة خلاوها تتوقع انه هوا نفسو اسد رتابكت وعتاصرت حقيبتها بين يديها لمتعرقين

لاحضت نهال وجود نورسين وشيرت ليها وطلبت منها تجي
وادا به ضار لعندها وطلاقات عينيه العسلية الناعمة بشكل مثير بعينيها الزرقاء بحال للون السماء

ناض بحلته الرسمية الحبرية اللون ومشى نحوها واكتافو كايتمايلو بشكل رجولي

بينما وجهو الملائكي الفاتن اكتسب سمرة زادتو جمال
مد دراعو امامها وكانت قصيرة وهي كاتشوف فيه مرعوبة من الداخل وقوية من الخارج كلها ثقة

تسائلت على سبب مد دراعو فقال بصوتو لمبحوح تقيل لي ماتبدلش ابدا فمزال كايخلي نبضات قلبها فتسارع

اسد-واش ماشي مشكل الى عنقتك ..اولا راجلك غادي يغير

كلماتو كانت بحال الصاعقة بالنسبة ليها ..واش قالتليه نهال على كدبتها

مكايبانش مستاء بلعكس مبتاسم بسخرية ..تمنات لو انها صفعت وجهو الوسيم
لاكنها ماقادراش تفسر الالم لي غزا على قلبها
قالت بصوت كسول وكاع مابتاسمت فوجهو

نورسين-ماشي مشكل ماغاديش نستمتع بهاد العناق على كل حال..

بتاسم بغرور وحاوطها بين دراعو بقوة شعرات برائحة سجائرو لممزوجة برائحة لرجولتو القاتلة
بغات تبعد لاكنو مازال معنقها بقوة رفض يطلقها

همس بصوت ماسمعو حتى شي واحد من غيرها

أسد- ماتبدلاتش ريحتك

وادا بها شعرت بشفايفو لمست شعرها

مكانتش متئكدا واش قبلة جنب راسها من ناحيتو او لا لاكنها شعرت بالقشعريرة فأنحاء جسدها
بعدات عليها بلطف وقالت وهي كاتمسح على شعرها

نورسين-اشنو درتي عاد دابا..

بتاسم ابتسامة كسولة وقال وهوا كايجبد الكرسي باش تكلس عليه جنب نهال

اسد-تفضلي كلسي

مابغاتش تكلس حداه لانها عارفا ماغاديش يحيد عينو عليها

لاكن املها خاب فهوا كان كايهضر مع نهال فقط وكانه مكايعتابرهاش موجودة ..اصلا ماتلوموش طول لوقت كان كايحاول يهضر معاها لاكن اجاباتها كانت بسيطة ومختصرة خلاتو يتوقف على الهضرة معاها

صونا تلفونها وشافت تلقائيا فاسد لي سكت كايشوف فيها ..ماجاوبتش على المكالمة فقال اسد

اسد-يمكن يكون راجاك ...ماتخليهش يتقلق عليك

عاوتاني رجع لعوايدو لقديمة..لاكنها ماخصهاش تصوقليه حيت هوا لي سمح فيها وغادي تندمو على لي دار

وادا بها خرجات هاتفها وجاوبت بحماس كادب

نورسين-مرحبا عزيزي...

وادا باشلي قالت بتدمر

اشلى -انا لست عزيزك ايتها الحمقاء

بتاسمت نورسين حتى برزت غمازاتها لي سرح فيها اسد وهوا كايشوف فيها

نورسين-لم اطل الغياب وها انت تشتاق الى

قالت اشلي بسخرية

اشلى-لا لا انا سعيدة لانكي لست هنا اطيلي الغياب

تعمدت نورسين متشوفش فاسد حيت غادي يخليها ترتابك
نورسين-حسنا لن اتأخر... انا ايضا احبك

قطعات الخط وهي كاتبتاشم وقالت اشلي لبابها

اشلى-ابي..احضر لي مربية اخرى...فنورسين قد جنت!

بينما كانت كاتشوف فشاشة هاتفها لي كانت على خلفيتها صورة اشلى قال اسد وهوا كايمد يديه ليها وكايقول

اسد-واش ممكن نشوف شبيهتك صغيرة

توترت وهي كاتعطيه الهاتف شاف فالشاشة بنضرات داكنة وقال

أسد-كون مادرتي لي درتي كانت غاتكون بنتنا لي فوسط هاد الشاشة ماشي بنت هداك راجل

شافو فيه نهال ونورسين بصدمة وحط الهاتف على الطبلة وقالت نورسين بعدما بتالعة ريقها بصعوبة

نورسين-كيفاش كاتقول بحال هاد الهضرة قدام مرتك

قالو بجوج بيهم وهوما كايشوفو فيها باستفهام

أسد/نهال- مرتك..

نورسينواش ماشي مزوجين

بغات نهال تهضر لاكن اسد قاطعها وقال بلهجة لئيمة

اسد-اه عندك شي اعتراض بهاد الشي

تضاهرت نورسين بالثبات وقالة

نورسين-اكيد لا..

بتاسم بسخرية وقال بينما كاينوض بانزعاج ويديه فجيابو

أسد- سمحولي غادي نخرج ندخن شوية

عطاهوم بالضهر وخرج وقالت نهال باستياء

نهال-اشنو درتي بقلب صديقي لمسكين انورسين

شافت فيها وباستفهاام وقالت

نورسين-صديقي

شدات فيدين نورسبن وقالت بضيق

نهال-كدب عاد.دابا باش ينقد كبريائو ..هوا ماشي راجلي وماشي اب بناتي ...هوا عمهم وهوا لي سماهم انا تزوجت بايهاب ولد عم اسد

نورسين-راجلك واب ولادك هوا تيهاب وماشي اسد

نهال-اسد مجرد صديق كما انه موا سبب مقابلتي بإيهاب وهوا لي قرر يعرض عليك فاش قلتليه انني طلاقيت معاك .كانت السعادة واضحا على وجهو رغم انه حاول يخفيها..مابقيتش شفتو هكا من زمان ..لاكن تصرفك خلاه ينزاعج بزاف

ناضت وخدات حقيبتها وخرجات كاتقلب على اسد لتافتت يمين وشمال والسيارات كاتمر من امامها

وادا بشي حد عنقها من الخلف وانفاسو حرقت خدودها بينما رتسو مرتاح على كتفها

غمضت عينيها بخوف بينما هوا قال بصوتو المهيب

أسد-(قال بالانجليزية)اصبحتي طفلة مشاكسة ..تؤلمين قلبي وتتلاعبين به بسهولة

حاولت تبعد دراعو عليها لاكنها ماقدراتش فقالت ببرود
نورسين-بعد يديك عليا ..مابقاش عندك الحق تلمسني..

زير عليها بقوة وقربها منو كتر

ضور جسدها
اوقفت امامو وعلى وجهها ملامح الحقد فارفع يديه
وتمسك بخصلات شعرها البندقي وقال وهوا كايشوف فيها

أسد-علاش قطعتي شعرك وعلاش صبغتيه..

نفضت يديه بعيد عليها وقالت بنفور

نورسين-حيت كونتي كاتبغيه طويل وكحل

تنهد بضيق وقال وهوا كايلامس خدها البارد باصبعه

أسد-نتي كاتعدبيني بزاف ...عارفا هادشي

خرجت نهال وادا بها كاتتفاجئ

نهال-اشنو واقع مور الكواليس

بعد يده اسد على خدها ووضعهم فجيبو وقال

أسد-ماتقوليش هكا راجلها غادي يسئ الضن

بتاسمت نهال وقالت

نهال- فقتاش غادي نشوفو راجلك انورسين

"""نورسين ماذا يحصل هنا"""

ضارت نورسين نحو الصوت المؤلوف وقالت

نورسين- سي...بيكهام

توجه لعندها وشد فيديها وشاف فاسد ببرود وسحبها موراه وقال

بيكهام-هل كنت تجبرها على شئ

عتاصر اسد قبضت يديه بشدة وخافت نورسين من ردة علو المخيفة
فاش توجه بيكهام باغي يدابز وضعات نهال يديها على كتف اسد وهي واقفا بجنبو

نهال-تهدن ...تهدن

غمض اسد عينيه بتهالك وهمس بعصبية

اسد-دع يدها ...دع يدها الان

لاكن يد بيكهام عتاصرت يد نورسين بقوة ..نفضت نورسين يديها من بيكهام حيت خافت عليه من اسد

نورسين-لن يلمسني لدا اهدء

فقال اسد بعيون خزينة وجميلة

أسد-علاش كايحميك مني...واش ماعقلتيش انا درعك كيفاش الدرع غادي يأدي مولاه

تدمرت من داخل لاكننها وقفات بثبات امامهم وقالت بثوت مرتاعش خانها وخرج

نورسين-نتا اديتيني ..وماغاديش نسمحليك يادرعي.

شتفت فبيكهام وتعمدت ماتشوفش فأسد

نورسين-اسفة لاكنك اسئت الفهم فهذا الرجل امامك لم يجبرني على شئ

شاف فاسد باستياء بينما هوا كان نضرو مرتاكز غير على نورسين

نورسين-لم يفعل... انا اسفة سيدي..

حاوباتو نهال وهي محاوطا دراعها بداع اسد

نهال-لا عليك (شافت فاسد وقالت) يالاه نمشو ااسد نتا محتاج للراحة

تمعن قالنضر لنورسين وقال بانكسار

اسد-لا اما محتاجها هي ..

ضورت نورسين وجهها مت على اسد ووجهو الخزين وقالت لبيكهام

بيكهام - لندهب

غير ركبو فسيارة بيكهام وختفاو قالت نهال لاسد

نهال-اسد

اسد-هي لي اداتني ومازالة كاتأديني

نهال-تمالك نفسك وتهدن

همس بعصبية وقال

اسد- ديني لداري....ديني قبل مانتبعهم

رجع لدارو محطم وطلع مع دروج وصولا للحمام ..وقف امام المغسلة كايشوف فراسو فلمراية
وقال وهوا كايهضر مع نفسو

اسد-علاش كايوقاعلي هادشي...الحب لي بكاني كاع هاد سنين ماماتش....علاش قلبك تبت على حب نورسين علاش.. نتا كاتكرهها وهي كاتكرهك كتر من كراهيتك ليها ..

عسل وجهو وشاف راسو فلمراية ...عينيه حومر ودابلين وهمس مع نفسو

اسد-اشنو واقع ااسد مالك...؟ فاش كاتفكر ..واش حيت حبيتي بنت لي ماعمرها غاتبغيك من بعد ابدا

شهق وغرقة فموجة بكاء وكتافو كايتهزو
هز راسو فلمراسة ونسابة دموعو على لمراية بنعومة وهمس

اسد-لي خانتك...لي جرحة قلبك وكرامتك..لي خلات حياتك جحيم ..لي خلاتك تخجل من الشوفة فنفسك..

وضع يديه على عينيه وهمس

اسد-علاش....علاش قلبك كايمشي غير ليها...علاش كايضن قلبك انها بريئة وجاهز يسامحها ..علاش ثبت قلبك على حبها

بعد يديه على عينيه كايمنع دموعو تخرج

اسد-لانه رغم كاع لي وقاع مازال وقح واناني..وقلبك جاهز ياخدها من جديد ..ياااربي تعاوني ياربي ..

دق فباب سيد بيكهام وحلات نورسين وهي هازا فيديها دمية صغيرة
غير شافت شكون سقطات الدمية من بين يديها وشافت فيه مدهوشة وكان كايبان مريض ومرهق

اسد-هادي هي دارك..

قاطعهم خروج اشلي واقفا مور نورسين كاتخرج راسها بفضول

اشلي-من الطارق نورسين ؟؟

شاف فيها وقال...

اسد-بنتك ...هدا مؤلم كتر ملي ضنيت...

قالت اشلي بانزعاج

اشلى-مذا تقول انها مربيتي وليست والدتي ..وانا افهم العربية لست غبية

رفع انضارو بدهشة
اسد-مامزوجاش..

قالت بهدوء
نورسين- واش غادي يغير هادشي شي حاجة

شد فيديها وشبك اصابعهم ببعض وكيايتمعن فالنضر ليها وسط نضرات اشلي فقالت ليها نورسين

نورسين-ان لم تعودي الى الداخل ..ساخبر ابيك بشأن الدراما التي تتابعين

وادا باشلي ختفات بلمح البصر وسدات الباب موراها
ورفعت نورسين انضارها ليه ببرود

نورسين-اشنو ...يا لاباس

سحب يديخا فجئة حتى رتاطمت بصدرو وقال وهوا شاد فكتافها وكايشوف فيها بوضوح

اسد-خلينا نهضرو بعيد على هنا

تنهدت بتعب وقالت وهي كاتعطيه بالضهر باش تدخل لاكنو عنقها من الخلف وخاوط بطنها بيده وهمس بترجي

اسد-كانترجاك..

وافقة ودخلات معاه للسيارة...واثناء الطريق سحب سيجارة وشعلها وقلبها بين شفايفو
حسات بالقلق وقالت

نورسين-غين غادي بيا فهاد الوقت لمتئخر من الليل

لاكنو مجاوبهاش وكمل تدخين سيجارتو بتوتر

توقف امام مكان خالي من الناس وفوسطو كرسي وردي اللون وشرفة كاتأدي للبحر والقمر الميلئلئ يعكس ضوئو على سطح الماء

فتح ليها الباب وجرها لعند لكورسي وقف امامو وكايشوف فيها وقال
اسد-كلسي

لاكنها بقات واقفة وقال بتنهيدة

اسد-كانترجاك

كلسات وكاتجنب النضر ليه كاتشوف فكولشي سوى نضراتو لي مابغاتش تبعد عليها
وقال بعصبية

اسد-من اي طيين مصنوعة نتي

شافت فيه ببرود وكمل بعصبية

اسد-نتي مكاتحشميش ...مكاتحشمي من حتى حاجة
لاكنها بقات كاتشوف فيه بهدوء وكمل هوا
اسد-لعبتي باسمي واحترامي لنفسي ومكاتشعريش بالدنب بعد كل هادشي

هي كانت كاتضاهر انها عارفاه علاياش كايهضر واخا ماعارفا والو ..غير باش تخليه يخرج داكشي لي فقلبو

وكمل بغضب لي ضمرو

اسد-نتي ماكنتيش فقط خطيبتي...نتي كنتي حب حياتي ....علاش مافكرتيش فحبي ليك؟

حاولت تنوض وقالت

نورسين-كانضن خصنا نمشيو

لاكنو تمسك بدراعها بعصبية ورجع كلسها

صمت طويل وقال وكانه فقد اعصابو

أسد-شنو بغيتي مني انورسين

شافت فيه بملامح هادئة وقالت

نورسين-والو مابغيت والو

بقا كايشوف فيها بصدمة كايشوف كرهها ليه فعينيها وشعر بالضيق

زفر وشهق وقال بعد صمت قصير

اسد-الى قلتليك ...خلينا نبداو من جديد مع بعض ..شنو غادي تكون اجابتك؟

جاوباتو ببساطة وبلاماتشوف فيه

نورسين-اجابتي غاتكون لا..

شاف فيها بصدمة وقال
اسد-والسبب؟

نورسين-مابغيتش نقولك اسبب..

ناضت وعينيه ملاحقينها وقفن امام الشرفة كاتشوف فالبحر
تبعها بخطوات برزت رجولتو اوقف حداها كايشوف فيها بينما هي كاتشوف فالقمر

اسد-بغيت ننسا كولشي من الماضي

شد فخدودها بيديه بجوج وقال

اسد-وانا جاهز نوافق عليك مرا اخرى

شافت فيه بارتعاب وكمل

اسد-ماغاديش فكرم فالماضي ابدا ..ماعارفش واش كنت معطاء او عار..لاكنو مستاعد نسامحك

بعدت يديه عليها وقالت بسخط

نورسين-لاكن فقتاش طلبت منك تسامحني

غوت بقلق وارتباك

اسد-خاصك طلبي

خافت وسكتت وكمل مرتاعش كايتأمل وجهها

اسد-انا ماطلبتش منك طلبي سماح اننور لانني سامحتك بنفسي

بتاسمت بسخرية
نورسين-انا كانشكرك على كرمك...ودابا رجعني منين جبتيني..

تنهد بضيق وقالت هي

نورسين- غادي نرجع بحالي...

شاف فيها بعينيه الناعسة بخدلان

اسد-فين

نورسين-المغرب...هضرت مع لمار قبل مانشوفك وحاجزة فالطائرة قبل شهراين يعني مايمشيش بالك بعيد ماشي نتا هوا سبب مغادرتي

تمسك بالدرابزين وزفر بحدة ومن بعد شاف فيها بترجي وقال وهوا كايشد فيدسها بجوج

اسد-انا مابغيتك تمشي لحتى شي بلاصة

وضع يديه على قلبو وهمس بحزن

اسد-قلبي كايتألم بيك من جديد
ضورت وجهها عليه وشاف فيها متألم
أسد-نورسين...انا ماغاديش نسولك على حتى حاجة من الماضي..كرامتي وداتي..بغيت ننسى كولشي وندفن الماضي انورسين

جاهدت نفسها باش ماتتأترش بكلماتو الراجية فقال بصوتو المبحوح والخشن

أسد-نورسين ..انا ماقدرتش نهرجك من قلبي..لحد اليوم فقلبي كاينا درجة الحب نفسها ليك

لاكنها بعدت يديها على صدرو وقال بنضرت الم قطعت قلبها

أسد-واش ماتأترتيش ابدا بهادشي لي قلتلك.

شافت فيه ببرود وقالت

نورسين -انا اساس قررت مسبقا انني غادي نمشي

مشات بعدما وقفات سيارو تاسي وخلاتو محطم القلب ووحيد

رجعات للمغرب بعدما ستقبلتها لمار فالمطار وداتها معاها للفيلة لخاصة بيها ..
لمار تزوجات بمحمد وستقرو فدار بوحدهم اولدات بنيتا
كدالك ايلا لي ولدات وليد وزادت بنيتا موراه
ياسر اويئام تزادو عندهم توام ولاد زوينين بزاف
وبراهيم حتى تزوج ومرتو كانت هي اية لاكن مازال ماباغينش يولدو حتى يستمتعو بحياتهم
بينما مي عيشة مسكينة وصل اجلها وتوفات الله يرحمها

لمار كانت فرحانة بزاف برجوع نورسين للمغرب وداتها معاها لدارها كان فاستقبالها ايلا وعمر براهيم اية ومحمد وحتى الخالة مريم ... فرحو بيها بزاف كاملين
تعشاو وضحكو واخا نورسين كانت عيانا بسبب الصفر الى انها قاومت تعبها وكلسات معاهوم...

بعد العشاء عيط ليها براهيم وبغا يهضر معاها على موضوع اسد لاكنها رفضات وبزز عليها تسمعو وعاود ليها على ديك الليلة لي كانت عند روبرط وسبب هروب اسد عليها ...

تالمات بزااف لانه هرب بسبب تافه ومافكرش حتى يسولها ويفكو داك السوء تفاهم
يمكن كون مامشاش وماهربش مكانتش غاتعيش كاع داك العداب لي عاناتو من بعدو وكدالك السجن لي دخلاتلو
سلات كلامها مع ابراهيم وطلعات لغرفتها باش تنعس وترتاح لاكن مع ظالك صوت اسد وترجيه ونضراتو الحزينة ماخلاوهاش تنعس فراحتها

جا صبح وفاقت نورسين دوشات وهبطات تشوف شنو سبب الصداع لي فالاسفل نزلات مع دروج بتثاقل ولقات اسد واقف بطولو كايشوف فيها بينما بقية العائلة واقفين وكايشوفو فيها بهدوء

قال بصوت هادئ

اسد-ننور

نزلت من دروج مستغربة وقالت
نورسين-واش ماشي كنتي فامريكا ..
أسد-رجعت على قبلك

نزلت اوصلت امامو وشداتو من يديه جراتو معاها وقالت بابتسامة كادبة للعائلة
نورسين-حيدو نضرات الحزن على وجوهكم حنا مابقاش بيناتنا مشاكل حنا اصدقاء كاينا ولا لا ااسد

شاف فيها ببرود وجرها من يديها وخرجها للحديقة غير شد الباب تفاجئة فاش شافتو ركع امامها ويديه على فخاضو ونضراتو للاسفل وقال وسط دهشتها

أسد-ننور ..ماعنديش لهضرا لي ننطق بيها دفاعا على نفسي امامك

نورسين-واش كاضالعلاقة لي بيني وبين روبرت ولا لانك هجرتيني هاد سنين كاملة

عض على شفايفو بندم وقال

اسد-على كل حاجة خايبا درتها بيك ...انا مدنب بحقك ومحتاج عفوك عليا على كل دنب

غرقت عينيها بالدموع بزز منها وهمست بضعف امامو

نورسين -كيفاش عرفتي انني ماخنتكش
اسد-ماعرفتش .لبي انا كانصدق قلبي ...فكرت فالامر مزيان وتاضحلي انكي طاهرا بحال الوردا البيضة

عنقاتو وهي كاتبكي وكاتحاول توقف دموعها لي مابغاتش توقف

نورسين-لاكنك ماتقتيش فيا من البداية ..فكيفاش غادي نرجعو كيف كنا ...جاهزا نضحي عى قبلك فكل خطوة ...دازو عدة سنسن وبيناتنا جرح...حبنا مماتش لاكن تلفناه فشي بلاصة ..فين غادي نرجع نلقى هاد الحب..؟

مسح دموعو وقال

أسد-ماتقلبيش علي حبنا انورسين .. مانستاهلش نتحب ..ماخصكش تسامحيني ..نتي ربما كاتكرهيني ..وربما تكرهيني لبقية حياتك ..ويمكن هاظ الكره غادي يقلل مت تعديب الضمير فداخلي..
ماخصكش تسامحيني على اي دنب ...العشاق ماشي عديمي الرحمة وقاسين بحالي ..

نضراتو نضرات الطفل كايترجاها ماتخليهش وحيد وهوا كايقول

اسد-ماتسامحينيش الى بغيتي...لاكن تقبليني فحياتك من جديد كانترجاك

شدت فصدرها وقالت بصوت مرتجف بسيف باش خرج

نورسين-سمحتي فيا وحيدة تماما بعدما عتارفتيلي بحبك ..كيفاش قدرتي ...كيفاش قدرتي تخلينني نطير ومن بعد نتساحب ونسقط بوحدي ؟ تحرقة احلامي مشاتلي لفيلة والشركة وتسجنت لمدة 6 سنوات ...بسببك نتا هوا السبب كون ماتخليتيش عليا مكانش غايتجرء يلمسني شي حد كتي ليا الدرع الحصين ومشيتي وخليتيني بين دياب يديرو فيا مابغاو ...اكيد براهيم عاودليك كولشي وعلى المعانات لي عانيت من بعدك ...

ناض وشدها من كتافها ومسح دموعها وشاف فيها بهيام ممزوج بالندم

اسد-لا لا ...ماغاديش نسمح فيك كانقسم ليك ماغاديش نخليك وحيدة

بكات وعنقة وجهها بيديها بجوج وهمس بدفئ وهوا كايبعد يديها على وجهها

اسد- سامحيني

شافت فيه وعينيها سماوية غارقا فالدموع عنقات وجهو باناملها لامست لحيتو لقصيرة بينما عينيه الراجية كاتشوف فيها بشوق وشعور بالدنب فقالت بصوت انثوي وهي كاتبتاسم

نورسين-سامحتك ودرجة حبي ليك ماتغيراتش ..فمهما عملتي ومهما غادي تعمل قلبي عنيد وواقع فحبك مند الازل

تساقطة قطرات المطر شوية بشوية حتى جهادت شافو فبعضياتهم بدهول وحل صمت قطعاتو ساعقة ضربة وسط السماء خلات اسد يقفز بالخلعة وادا بنورسين شدات فكرشها كاتموت بالضحك فقال بغيض طفولي

أسد-علاش كاضحكي؟
نورسين-نتا كاتخاف من السواعق

قرب منها بتعمر باش يوترها
أسد-لا كانخاف منك ..ومن تأثير سحرك عليا

شافت فيه بتحدي
نورسين-تبتلي انك مكاتخافش من السواعق..

شاف فيها بمكر وهي عرفات شنو باغي يدير نقض عليها ورفعها بين دراعو وسط مقاومتها وخرج بيها تحت المطر وغوتت وهي متمسكا بعنقو ورفعات رجليها باغيا تهرب

نورسين-بارد بارد بارد

ضحك على على منضرها ورجع رفعها وبدا يضور بيها وشعها كايطير فالسماء وضحكاتها وكدالك ضحكاتو ملئو المكان بينما العائلة كايشوفو فيهم مور الزاج لي كايفرق الحديقة على الدار وهوما كايضحكو فرحانين بزاف

نورسين-اسد غادي يقتلنا البرق

نزلها برفق ولامست رجليها الرقيقة الارض وحاوطها بين دراعو ولسقها معاه وقرب جبينو من جبينها وشعرهم مبلول وكايشوفو فبعضياتهم بتمعن

همس ورتاطمت انفاسو بخدودها

اسد-انا مهزوم امام حسنك الطاغي

تحنا نخطف قبلة من شفايفها كانت طوييلة وهمس فودنها قبل مايعنقها بقوة

اسد-يا ملادي الوحيد ...يامجنونتي القصيرة ..شحال انا متيم بغرامك

ضهرت ابتسامة طفولية على خدودها وقالت باستياء طفولي

نورسين-ماشي انا لي قصيرة نتا لي طويل كتر من الازم

ركع على ركبتو امامها ومد يديه تمسك بيديها وقال وعينيه محاصرين عينيها السماوية

أسد-واش تقدري تنقديني من نفسي وتقبلي تكوني مرتي ..

وضعت يديها على فمها مامصدقاش

نورسين-اه ...اه

ماسمعش شنو قالت وطارت عليه عنقاتو حتى طاحو بجوج بيهم واحاطها بين دراعو بارتباك وقال

أسد-واش نتي موافقة؟

همست فودنو كانحاول تكبت سعادتها

نورسين-موافقا ...

غمض عينيه براحة وبعدها عليه وحاود خدودها بيديه...

أسد-غادي تكون سعادة ايلا اكتر من سعادتنا فاش تعرف
ضحكت وقالت برقة
نورسين-يالاه ادن نرجعو للدار

وضع راسها على صدرو وشعرت بنبضات قلبهو المتسارعة بسبب قربها ليه غمرخا بين احضانو وقال

أسد-نتي فدارك مسبقا ....بين احضاني

بعد مرور اسبوعين تقلبت دار وتهزات على راسها سيارات المعزومين واضواء الخارجية لي مزينا الفيلة من برا كاتقول للعالم ان ليوم يون سعد اسد وحبيبتو نورسين
اما من داخل الورود والزرابي وطاولات والمشروبات والمئكولات على عدت اشكال وانواع ...كو نباهر بداك المنضر الفاخر الموسيقى الشعبية والفنانين الشعبين لمشهورين حياو العرس التسطوري لأبطال روايتنا حبيبي اسد وحبيبتي نورسين

خرجوها نكافات باللبسة لبيضة وهي فابها حلتها وزينتها ركبات على العمارية وكانخا اميرة من الف ليلة وليلة بينما اسد واقف وكايشوف فيها بعشق وهيام ..كايشوف حبيبتو اميرة وسط عشرات الفتياة الى انها فعينيه غيير .. هي ملاكو الصغير ..هي ننور حبيبت قلبو ومعشوقة قلبو نورسين

انتهى العرس بصخب واجواؤ رايعة مع رقصات شعبية وكدالك كلاسيكية ..وصافرو ابطالنا فشهر عسل سيول عاصمة كورية الجنوبية ومسقطها الاقتصادي ...

فتح باب الغرفة على مسرعيه وكان مسر ماتدخلش على رجليها حملها بين دراعز لقوية ودخل وسد الباب برجليه وعلى ملامحو ابتسامة ماكرة ...

وضعها على سرير بلطف ونقض عليها ...

نورسين-بلاتي بلاتي بلاتي ...

اسد-اشنو عاوتاني

نورسين -ضفي ضوء

اسد-اووه ياروح قلبي نتي كاتحشمي مني

جاوبة بدلع طفولي...

نورسين- امممم 😉😉

تطفا ضوء وتعتمات دنية اوووو +18

الدنيا هكدا دايرا ..ماعادلاش بشكل كافي...لاكنها بحال القارب مانقدروش نتحكمو فاتجاه الرياح لكن نقدرو نتحكمو فالاشرعة ..كاتخلط علينا الايام لحلوة والمره لكن شنو هي الحياة بدون المرور بالمغامرة والمخاطر ؟

حياة نورسين مكانتش حياة عادية ..بل كانت مخاطرة كبيرة فداخلها ايام زوينة ..بعض الايام مكانشعروش بمقدار صفائها ..لكن غادي جي يوم لي نتوقففو ونتفكرو ادق تفاصيلها ...مكايناش واحد الحاجة سميتها نهاية او فرح او حزن ..لكن كاين واحد الحاجة سميتها البقاء والكفاح

كل شخص فالحياة غادي يحصل على النهاية السعيدة في احد الايام ..وكل انسان قادر يسعى لديك النهاية

الحياة ماشي هاديك لي مزينا فالافلام والروايات الشهيرة.. الحياة هي بسييطة بزااف..ربما ماشي مثالية لكن حنا لي كانتحكمو بيها ..لي بغاها قاسية فله ذالك ولي بغاها سلسة ايظا له ذالك

هادي ماشي مجرد نهاية...هادي بداية لحياة جديدة

♡♡انتهى♡♡

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.