العميلة رقم 7 الجزء الرابع

من تأليف ابتسام قراري
2018

محتوى القصة

رواية العميلة رقم 7 بالدارجة المغربية بقلم ابتسام القراري

اسد من يتكلم
أسد-حليت عيني غير بشوية وحسيت براسي تقيل 
جسمي تقيل ونفسي حتى هوا تقيل 
اشنو وقاعلي؟؟
حاولت نرجع داكرتي واخر حاجة عاقل عليها هي فاش خرجت من الحمام 
وانا دابا على سريري...وبملابس النوم ...وجسمي ساخن...
واش اغمى عليا؟؟
خرجت رجلي من تحت لعطاء ولمست بيهم الارض جامدة بالبرد حسيت بالرعشة بينما كنت كانحاول نوض..
لاكن فجئة لقيت راسي فالارض طايح الشعور بالعجز شئ مزعج 
شحال هادي مامرضت بهاد شكل ملي كنت مزال مراهق ...رجعتلي عاود هاد سخانة😷
سعلت بقوة حتى حسيت برية ديالي غادي تنفاجر ماقديتش نوقف ...وحسيت بكسل فظيع...بغيت نرجع غير لفراشي ونسد عيني ونعس ...ستلقيت على ضهري ..بغيت غير نععععععس.....
____________________
نورسين من تتكلم...

نورسين- وانا كالسا فوق لكورسي كناكل لخيار كنت كانراقب لخدامات لي كايمشيو ويجيو قدامي باش يوجدو لماكلة لسي أسد افندي😏 
جابولي دوخة بقوة ضورانهوم قبالت عيني وانا كنت كانراقبهم بحال شي بريهيشا صغيورا 
بشاااخ شحال ديال الاكل الفاخر كون كانت ماما الله يرحمها مازالة عايشا كانت غادي تغوت عليهم وتقولهم باراكا من طياب هادشي راه كافي مكاين لاش قوت داك تجلاط بلا فايدا اصلا لمريض مغاديش ياكل بزاف ببساطة لان شهيتو غاتكون مسدودا ...ولاكن هي مكايناش مسكينة

وقفت وخنزرت فيهم وتنهدت باريحية وانا نغوت بحماس....
باراكا ماطيبو هادشي كامل علاش ضيعة هوا راه كاع ماغاياكل هادشي كامل..

شافت فيا الطباخة شيبانية واحد شوفة طيرتني وهي تقرب مني وعكازها فيديها لمكمشين اه اه اه شيبا عاصية الله يستر ...وقالتلي بنبرة امر

اديك البنت لمقااا

بتالعت ريقي وزلقلي لخيار لي كنت كاناكلو من شدة الدهشة

هزت عكازها حتى هزاتو وعطاتني بيه لمئخرتي طيرتني شيبانية ...بينما كنت كانتغبن عليها ونتئلم قالتلي بجبروت ...

انا كانطيب لسي أسد لماكلة ملي كانت عنو 8 سنين ماتجيش توريني شنو ندير اديك لبرهوشا لحمقا..

قلقاتني شيبانية وبديت نحك فمئخرتي اكيد غادي تزراق من قوة الضربة دلعكاز هدئت اعصابي وقلتلها..

سمحيلي اجداتي لاكن انا ماقصدتش نقلل من احترامك ..كيف كاتعرفي انا خطيبتو وحبيبتو من حقي نخاف ونكون حريصة على الماكلة لي غادي ياكل 😎

غوتت شيبانية بصدمة وقالتلي...

جدااااااك؟؟ انا ماشي جداك البرهوشا لحمقا ..

عبست فوجهها وقلتلها وعيني خارجين
كاتكرهيني؟؟ طوووز وشكون داها فيك

سديت ودني من قوت غواتها لي سمعوه كاااع لي فدار لان هاد الشيبانية ...ااا بغيت نقول طباخة ولات كاتكرهني...يخ على زهر عندي وليت دغيا كانحصد اعدائي ...سمعت قهقهات الخادمات وهوما كايضحكو عليا حيت مرمداتني يخخخ يا للاحراج ..قلت بارتباك وانا كانهرب

غادي نمشي ننقد سي أسد افندي ...كملو خدمتكم نتوما😧
هربت من فم ديك شيبانية وتنهدت براحة وانا كانحل باب غرفت أسد وتفاجئت فاش شفتو ناعس فالارض الباردة وغوت بالخلعة ماعرفتش علاش ولاكن تخلعت عليه ولد لادينا كلست امامو ولمست جبهتو وكانت سخووونا ...شهقت بسبب درجت حرارت جسمو ..ماعرفتش شنو ندير ...واش صافي مات...بلاتي الميت مكاتكونش فيه سخانة ...وانا مااااالي ....نمشي بحالي قبل مايشوفني ...
وقفت باش غادي نمشي بحالي لاكن ضميري اللعييييييين ماخلانيييش اووف...

حان دوري في السرد😉

قربت منو اوضعت ودنها جنب شفايفو وسمعات انفاسو تقيلة ...تنهدت براحة حيت عرفاتو مازال عايش ...لاكن شنو غادي دير دابا...كيفاش غادي تخليه ينتاقل من الارض لسرير...تمسكات بكتافو لعراض وبدات كاتزعزعو وقالت بصوت متمرد

نورسين-هييي...فيييق...هييي...سي أسد افندي لحمق فيييق...

صفعت وحهو بلطف وبخفة باش يسترجع وعيو لاكن بدون نتيجة ...حجبانو معقودين وشفايفو يابسين..ولعرق مفزك وجهو المتعب..شافت كاس ديال الماء موضوع على الطاولة ..ناضت بسرعة وهزات الكاس..حاولت تخليه يكلس لاكنو مكايتحركش حاولت وحاولت وهي تتفاجئ بيديه زيرو على درعانها ...بتاسمات..لانه برغم من حرارتو العالية ماستسلمش للمرض وحاول ينوض واخيرا خلاتو يتكا على كتافها ..وهادي اول مرا غادي تشوف وجه أسد وهوا شاحب ومريض...وضعت طرف الكاس على شفايفو وبصعوبا قدر يشرب الماء وماشربش بزاف لاكن داك شوية دلماء خلاه يتوكد شوية ...ولقا راسو متكي عليها وبسرعة دفعها بيديه تصدمات من تصرفو وتعصبات وهي تغوت عليه...

نورسين- علاش دفعتيني ...راه غير كنت كانعاونك
أسد-(بصعوبة) مابغيتش شي حد يعاوني بلخصوص الى كانت بنت ...

قربت عندو بعناد وشداتو من يديه باش تعاونو ينوض لاكنو ماخلاهاش ودفع يديها ...وسعل بجهد وبقوة...عصبها كتر اوقفت وهي كاتغوت عليه

نورسين-غرورك بنفسك غادي يقتلك ..اشنو لي اهم ..حياتك ولا كبريائك.. بنادم الحمق مسطي..

أسد-(بتعب) خرجي...
نورسين-هاهي غاديا لي يعرف يدير لخير يديرو فراسو ويدخل فسوق راسو ...

جات خارجا لاكن ستوقفتها سوعال ديالو لي كان بقوة 
نورسين-(غمضت عينيها بكره) يلعن ابو ضميري لمعفن هدا...
ضارت عندو وقربت منو ببطئ ولمست جبهتو وتحسست حرارتو لي كانت مرتافعة بزااف..
نورسين-حرارتك مرتافعا بزاف

دفع يديها من جبهتو وناض بتتاقل ورما راسو على سريرو بينما يديه كانت مدلية وناعس على ضهرو خرجت بسرعة وتوجهت لغرفتها وفيديها نفس الفوطة لي ستعملها اسد باش يبرد حرارتها .. هبطت للمطبخ وشافت فشيبانية الطباخة بتحدي وفتحت الثلاجة هزت الثلج وطلعات ...حطت الاناء على الطاولة وبقات واقفة قدامو بغات تخرج لاكن كيف كاتقول هي ضميرها لمعفن ماخلاهاش تخرج وتخليه فديك الحالة وبسبب لعناد غادي تسوء حالتو...بالخصوص انه مرض بسببها حيت خرج يقلبلها على دواء تسنات حتى شافتو نعس ..وقربت عندو اوقفت على ركابيها ولمست شعرو وبعداتو على جبهتو ولاحضت انها غير كاتلمسو كايرجف بسبب سخانة وكان يهمس بكلمات مامفهومينش قربات اكتر ودنيها مع شفايفو وسمعاتو كايقول ...

امي ...مي ...مي...

كان كاينادي على مو بصوت ضعيف وهوا ناعس وكانت انفاسو الساخنة ترتطم بخدودها ..حست بضيق وفكرت انها عمرها ماشافت مو وباه ومكاينينش فالدار ...شنو لي وقاع لمو وباه؟؟؟بينما كانت مشغولة فتفكير فالامر قاطع تفكيرها صوت الانين ديالو كان كايرفع يديه فالهواء ..كانه ويتسنى لي يتمسك بيه ويحررو من كابوسو ..عاقد حواجبو 
وكايردد اسم ماماه مرارا وتكرارا من دون تفكير مدت نورسين يديها ليه وتشابكت اصابعهم مع بعض يديها الدافئة خلاتو يتوقف عن منادات مماه وحتى حواجبو لي كانو معقودين تباعدو اوجهو لمنزعج رجع لوضعو ونعس فراحة ...تمسك بيديها بقوة بحالي خايفها تمشي وتخليه ..وضع يديها على صدرو حاولت تفك يديها من يديه لعرقانة لاكن بدون جدوى مابغاش يطلقها...

نورسين-(بتاسمة) ناعس بحال شي طفل صغير وبرئ لي شوفك ونتا هاكا مايقولش انك انسان مغرور ونرجيسي وكاتحماق على راسك ...(لوات شفايفها بشكل طفولي) علاش نتا زوين هكا ...ااااه ...اش كانخربق حماقييت انا حماقيت ...حقير حتى وهوا ناعس مامخلينيش نرتاح ...(بعد صمت) علاش صعيب عليك تقول كلمة سمحيلي ... انا ماشي بهاد السوء كامل باش نحقد عليك كان بامكانك غير تعتادر مني وغادي ننسى كاع لي وقاع واخا اديتيني بزاااف...(حطت راسها على حافت سرير ورجعت رفعاتو وشافت فيه) نسيت حتى خدمتي لي جيت على قبلها وتلهيت فلمقاتلا معاك بحال لقط مع لفار من هنا لفوق غادي نسميك (طوم) وانا المسكينة(جيري) (تنهدت) شنو لي مخبي مور هاد الراس ..هم.. زعماا ممكن يكون كلام عابد صحيح ..ام ام..مكانضنش ... (بعد لاحضات) قولي كيفاش غادي نخليك تولي تبغيني اااه ياربي ... سير عند هداك عابد وفهمو بلي حنا اعداء ومايمكنش نحسو بشي شعور اخر من غير الكره ياك ....هم..جاوبني ..حتى نتا كاتكرهني ياك...
(بعد لحضات) شفتي هاديك شيبانية عطاتني قبيلة ضربة بسبابك حيت قلتلها ماطيبلكش بزاف يعني انا ماجيتش وكرهتك غير هاكاك حيت نتا السبب فالضربة لي عطاتني مازالة كاتحرقني لدابا...(بعد لحضات) بغيت غير نعرف علاش كاتصرف بشجاعة ملي نتا ماقادرش عليها علاش اصريتي تمشي فبلاصتي قبيلة واش خفتي توقاعلي شي حاجة ولا غير بغيتي تريح ضميرك وتكفر على الموقف لي درتي معايا فاش سمحتي فيا فطريق...(بعد لحضات ) خصني ندير انا وياك شي طريح وكانواعدك غادي نقتلك عصا هوما غلبوني حيت كانو جوج وتحاماو فيا لاكن فاش تكون غير نتا غادي نسخفك والله سول عليا استاد (سايمون) محنتو مسكين باش قدرت نتعلم الحركات القتالية عرفتي تخيل واحد نهار ضربني بواحد لعود لضهري حتى تقصمات على جوج تقصحت واخا هكاك صبرت شفتي باش تعرفني ماساهلاش ...اه وماقلتلكش هاديك الاستادة ديال الطبخ واحد نهار داتنا لواحد جبل نقلبو على دود لي كايكون تحت لحجر قااالك باش نمشيو نصيدو تمحنا داك نهار وخديت عقوبة لمسخوطة خلاتني نجري لواحد المسافة حتى طابو رجلي ..ااه وماقلتكش فواحد نهار كانت عندي حصة ديال رقصة السامبا لاتينية وانا مكانعرفش ومع اول مرا طحت شي جوج مرات وماخلاليش داك المتعجرف دلاستاد كرهني فشي حاجة سميتها الرقص نوضني وقالك غادي يرقص معايا وهوا يتهرسلي طالون هاهاهاهاهاهااا ااااه (تنهدت) وعلاش كانعاودلك على هادشي صافي حماقيت ....بلحق عرفتي وليت ماهرة فالرقص بالخصوص رقصة تشاتشا كانموت عليها كانبقا غير نقز ههههههههههههه...(بعد لحضات) شفتي انا والله الى مزيانة وضريفة لاكن نتا لي كاتخليني نتعصب اش غاندير لساني طويل ومكانرضاش بالاهانات بالخصوص اهناتك ليا ماعرفتش علاش كرهتيني من اول نهار شفتيني فيه 
(بتاسمة بحنية وهي كاتشوف فرموشو طوال رفعت يديها تانية غير بشوية ولمست شعرو وبسرعة خطفت يديها ورجعت غمضت عينيها وقالت بهمس(كانبغيك) (حلت عينيها بسرعة) اويلي ياويلي كيفاش غادي نقدر نقولك هاد الكلمة ....(تنهدت بتعب)كونت كانتمنى نقول هاد الكلمة لشخص لي غايكون كايبغيني وكانبغيه كانت غاتكون صادقة ونابعة من القلب ... زعما غادي نقدر نقولهالك شي نهار واخا بلكدوب ونتا واش غادي تقدر تقولهالي ...عارفا راسي غادي نتعب باش نخلي قلبك يلين من جيهتي ويميل ليا لاكن ماعنديش شي حل اخر سمحلي بزااف لاكن خدمتي حتمت عليا نكون هاكا ماعندي مانديرلك ....سمحلي الى كسرت قلبك شي يوم من الايام واخا نتا ماشي من داك نوع لي ساهل كسرو وعارفا راسي غادي نعاني معاك ...(بعد لحضات) عرفتي شنو كانتمنا ..ماغاديش تصدقني...كانتمنى ماتكون عندك حتى شي علاقة بديك المنضمة وتكون بريئ ماعرفتش علاش كانقول هاكا ...لاكن رغم قسوتك وجبروتك وغرورك كاين واحد الطفل صغير توحش ماماه ماعرفتش علاش ماشفتش وليديك لاكن انا كانضن ان شي حاجة متعلقة بيهم هي لي خلاتك تكون فهاد الحالة قاسي القلب وبارد الدم لاكن كيف قلتليك كاين طفل داخلك مكسور وحزين ...كنتمنى نقدر نوصل لكنزك ونلقا قفلك ونفتح قلبك ونسرقو (بتاسمت) كيف كاتقولي ديما صيادة لكنوز ...ماكدبتيش حيت فعلا صيفطوني عندك غير باش نصيد قلبك وياخوووفي ياخوفي تطلع مجرم ياأسد... ياخوفي عليك مهما كان نوع الضلم لي تعرضتي ليه لاكن هدا ماشي مبرر باش تقتل الناس واخا يكونو مجرمين لانهم كايبقاو بني ادمين وربي نفخ فيهم روحو.. والروح عزييزة عند الله ياأسد شحال ماطال زمان غايجي اليوم لي غادي يتكشفو جمييع الاوراق.....

______________________

كانو الجميع كالسي فالحديقة ..صباح جديد والسماء الزرقاء تعانق غيومها البيضاء السحاب يتجلى ويتجلى ..وعبير الازهار يعبق في الارجاء برودة خفيفة تهب فينة وفينة اخرى تهدئ

آيلا-(تنفست الصعداء) ماكرهتش نصافرو للبحر..
عمر-(بغيرة) باش تلبسيلي سوتيانات وسليب حدى رجال حلمي مع راسك مستحييل...
آيلا-(باستحقار حيت مازال مانساتش موضوع حبيبتو لقديمة) ماشي صوقك...
عمر-انا راجلك هدا لاش..
آيلا-(قاطعاتو) وحتى نتا خنتيني هدا لاش...

ناض قبالتها وتقابل معاها بتحدي بحال شي اطفال صغار...حتى قاطعهم صوت مريم (خالت آيلا)

مريم-صافي باراكا من لهبال 
ايلا- خالتي واش نتي معايا ولا مع هاد لحمق لغدار

مريم-(ببرود)انا ضدكم بجوج غير سكتونا

ابراهيم-(كايتفوه)الجو زوين يستاحق نتئملوه باسترخاء لاكن شكون خلاك علاش هاد جوج هنا

ايلا-(بغيض) واش باغي نضوقك بعض من ركلاتي ابراهيم

ابراهيم-(بتالع ريقو وكلس حدا ماماه مريم) مجرد سؤاال وماباغيش الاجابة والله

عمر- باغي تتئمل عليا بليمين حتى تنعس ونتا غير كاتئمل انعاس لاخور

ابراهيم- (حس بالاحراج)غادي ننن....

كاملين ضحكو على ردة فعل ابراهيم بسبب عمر لي ضحك عليه ...حتى ضربات ايلا راس عمر راجلها وقالت بسخط

ايلا- انا بوحدي لي نقدر نضحك على براهيم فهمتي

براهيم ولا حمر بخجل اما محمد تنهد بملل وهوا كايراقب مسرحية حمقا دار يديه على خدو كايراقب اسراب الطيور المهاجرة ...ناض فجئة ورجع دخل للداخل ... طلع وكان متوجه لغرفة اسد باش يطمئن عليه ...فتح الباب بطئ وتفاجئ بداكشي لي شاف ..كان اسد ناعس وعلى جبهتو فوطا بيضا واناء عامر بالماء محطوط فوق الطاولة ...نورسين فالارض وكانت ناعسا على ركابيها وراسها فجنب اسد ويديهم متشابكة بقوة على صدرو

محمد- اشنو هادشي لي كانشوف قدامي

قرب ببطئ وحيد الفوطة لي ولات دافئة على جبهت اسد ولمس جبهتو وقال

حرارتو نخافضات شوية ..لاكن مازال سخون

فزك لفوطة فالماء وعصرها ورجعها فوق جبهت اسد لي كان عاقد حواجبو بتعب ...بتاسم براحة وهوا كايراقب كيفاش كان اسد شاد فيد نورسين باحكام جاب غطاء ووضعو على نورسين وخرج وسد الباب

بعد ساعة

فتح عينيه غير بشوية ولاحض انه شاد فيد ناعمة ومزير عليها ..ضار ويشوف ولقا نورسين ناعسا ...حيد يديه غير بشوية وهوا متفاجئ من وجودها حيد لغطا ووقف وتمشي غير بشوية للحمام ...فاقت هي ولقات راسها ناعسة فالارض وشهقت وهمست بينها وبين نفسها وقالت

نورسين- صافي حماقيت ..كيفاش نعست

ناضت غير بشوية ووهربة من الغرفة ونزلت فدروج وهي كاتسقل راسها بجوج يديها 
نورسين- كيفاش نعست كيفاش ..اكيد بقوت لي بقيت حاضياه ..كانتمنى تكوني فخورا بيا اماما عتانيت بيه رغم كرهي ليه ...لاكن لي فاقصني هي رفض مساعدتي ...حكرني ولد ل.. مكانش خاصني نديها فيه...ااااه غادي نطرطق بالفقصة...

قاطع غضبها فاش سمعت صوت ناعم لشي بنت فغرفة الجلوس وقفات وتوجهات للغرفة فتحت باب الغرفة وهي تشوف بنت زوينا مولات شعر الدهبي ..صاحبة الجمال الصارخ..ومزالة لابسا ملابس فخمة...رجليها فوق بعض ...يديها على ركابيها لعريانين ...موقفة ضهرها ...انيقة وفستانها الاسود الضيق المثير ..عينيها لخضرين كاتقلب بارتباك حتى تقابلو دوك لعينين لخوضر مع لعينين زورق لي توسعو بالخوف فاش شافتها شافتها ...سدت الباب وطلعت مع ضروج متوجهة لغرفة أسد ...

..خرج من الحمام ولقاها خرجت تسائل وهوا كايمسح شعرو لمبلول

اسد- علاش كنت شاد ليها فيديها (ستلقى على سرير وهوا كايشوف فاسقف لمس جبهتو ) حرارتي نخافضت لاكن ماعاقل على والو..علاش كانت ديك لمجنونة فغرفتي

وهوا كايهضر مع راسو تفاجئ بالباب تحلات كولها دور راسو وكانت هي نورسين...بسرعة شاف فيها باستغراب وقال ببرود

اسد- ماتبقايش دخلي لخرفتي على غفلة وبهاد شكل

نورسين-(كاتنهش) نهال...نهال الحقيقية لتحت ....

فصل 17

نهال-(لحقت عليها وكاتنهش ) ماغاديش تهربي مني دابا

طلقت من نورسين فاش شافتو وتوجهت لعندو بينما هوا كان كالس على السرير وكايراقب حركاتها ...ركعت امامو وعنقت وجهو بيديها بجوج وقالت بصوت خافت

نهال- واش عرفتي شحال كنت خايفا عليك فاش قالولي مريض..واش نتا بيخير دابا

حست نورسين بان وجودها لا داعي منو خرجت وسدت الباب موراها وبالحضة ضارت باش تنزل فالدروج وطلاقات مع صدر شخص مباشرة هزت راسها باش تشوف شكون وكان عمر كان كايشوف فيها بدهشة ولي شافو مكانش خصو يشوفو ...

عمر-مافهمتش...يعني لي شفت دابا مكاينطابقش على شي لي قالت الانسة نورسين

نورسين- هاه نننورسين

عمر- شكون نتي بالضبط

نورسين(بارتباك) شنو كاتقصد مافهمتش

عمر- واش كاتعرفي شي بنت سميتها نورسين

نورسين- لا

عمر-هي نفسها البنت لي لداخل

نورسين- اشنوووو

عمر- واش كاتعرفك

نورسين- لا

عمر- قالت بانها صديقة اسد...شوفي فيا ماتجرئيش وتكدبي

نورسين- هي كانت خايفا عليه ...وفاالنهاية هي صديقتو ولي شفتي دابا ماشي شي حاجة

قدرت تقنعو واخا مادخلتليهش هاد الفكرة لدماغو لاكن مشا بحالو

نورسين- هاديك لموصيبا خدات سميتي بصفتها صديقتو باش تقدر تدخل وتخرج لهاد الدار كيف بغات..دكية مع راسها ...حتى عمر ولا شاك فيا اووف...

__________________

في الزنزانة

جات خطيبتو الحقيقية وخليتهم يتكلمو على خاطرهم وخرجت ماعرفتش داك الاحساس لي حسيتو كان خايب ماعرفتش علاش واش حيت غادي ضيعلي خدمتي ولا ماعرفتش علاش صراحتا رجعت لبيتي لبست حوايجي هزيت صاكي وتلفوني وخرجت وماشافني حتى شي واحد كلست فالزنقة على واحد الدرجة كانفكر فشي طريقة لي تخليني نوصل لشي حاجة تقدر تتبت عليه انه فعلا منتمي لديك المنضمة لدالك فكرت نمشي للشركة ونقتاحم مكتبو ونقلب على شي دليل وقفت بحماس لاكن بسرعة رجعت كلست فمكاني و فكرت فنفس الوقت ان انتمائو للمنضمة مغايكونش بالوراق ولا لميلفات خصني شي دليل ملموس يعني خصني نولي نحضيه ونتبعو فينما مشا

ضربت رجلي مع واحد لقرعة كانت فالارض حتى طيرتها وجات فواحد الراجل مسكين وعتادرت منو فكرت ان هاديك الزعرة رجعت لحياتو من جديد خلاتني نتعصب حيت بسبابها غادي ضيعلي خدمتي فكرت وفكرت وفكرت ومالقيت حتى شي حل وقلت نخلي الاجواء تتهدن ومن بعد نفكر فشي طريقة

ماكنتش باغيا نرجع للدار داك نهار كلست شي 5دقايق وانا دايرا راسي بين يديا وكانفكر انني عايشا حياتي بدون اهداف ممتلكاتي فيد الغريب وانا كانحاول نغوي شاب باش طيح فشباكي اشمن نوع حياة هادي ...فلحضة فكرت انني ضيعت 3سنين من حياتي غير فتخربيق كان يحسابلي غادي يكلفوني بمهمة بايخا بحال هادي كاع مانضيعش وقتي لاكن فنفس الوقت قلت انني خديت فكرة وعشت بزاف ديال التجارب لي ماكنتش غادي نعيشهم كون بقيت خدامة سكرطيرة عند هداك المتملك بلعكس كان غير غادي يتقوى ويتجبر عليا اكتر اصلا هيوايتو هي احتقار الناس ...

بدون تفكيرم ولا اراديا وقفت وشديت اول طاكسي بان ليا للمنطقة صيناعية ففاس بعد 20 دقيقة نزلني طاكسي وقفت كانشوف فداك المبنى العملاق لي كان خاصو يكون ديالي فالحقيقة ...قلبي عمر بالحقد بركت حلى سناني حتى سمعتهوم كايطاحنو تنهدت بعمق وتقدمت لباب الشركة بغيت ندخل لاكن الحارس وقفني

الحارس-شكون نتي وعندمن جاية

نورسين-(شافت فيه بشر)ماغاديش نتشاور معاك باش ندخل لشركتي

الحارس-(ضحك بسخرية) ههههههه شركتك ههههه وشكون نتي بالسلامة

نورسين- وشكون نتا باش تسولني شكون انا

الحارس-انا الحارس ديال هاد الشركة

نورسين- عندك شي ورقة كاتبت انك الحارس هنا

الحارس-هاه اااااا احم انااااا

نورسين-(بصراخ) حيد من طريقي

شافني سي ((قاسم)) (سبقلي دكرتو ففصل شئ من الماضي ) لي كان اليد اليد اليمنى لبابا الله يرحمو كان خارج لاكن ستوقفو صوت صراخي على داك العساس وجا لعندي كايجري

قاسم-بنتي نورسين كبرتي تبارك الله ...فين كنتي غابرة هاد المدة كاملة شحال قلبت عليك ختافيتي تقول نشقات الارض وبلعاتك حرام عليك ابنتي بقات فقلبي وصيت باك الله يرحمو وصاني نتهلا فيك ونرد بالي عليك لاكن انا ماكنتش قد المسؤلية كانعتادر

حيدت انضاري شريرة على داك العساس وتقلب 120 درجة فاش شفت فسي قاسم بتاسمت ليه ابتسامة لطيفة كولها كدب لاكن فقلبي حقد كبير عليهم واخا هوا لي عاوني باش نقدت الشركة من الافلاس لاكن احتمال كبير يكون عندو يد فلي وقاعليا ولواليديا حتى هوا حطيتو فالقائمة بعد بنت عمي (سماح ) راقبت انضارو لحنينة تبدل وشرف وشعرو بياض لاكن كلامو المنمق ماتبدلتش بادلتو نفس الابتسامة الزائفة

نورسين- عمي قاسم لباس عليك

قاسم-انا لاباس ابنتي تفضلي دخلي ختك سماح فالمكتب ديالها غادي تفرح فاش تشوفك(قاطعو لعساس)

العساس- واش نتي اخت لالة سماح....هااالعار اختي الى ماسمحيلي

نورسين-(بشر)شوف فيا مزياااان وعقل على هاد لوجه حيت غادي تولي تشوفو بزاااف

العساس-(بارتباك) اااام مرحبا بيك الالة كانتمنى تسمحيلي ماكنتش عارفك

خليتهم كايتغامزو وزدت قدامهم بكل ثقة فالنفس وكان داك شارف ديال قاسم تابعني بحال شي كلب كاينبح مورايا وقفت كانشوف فارجاء الشركة زيانت وتغيرة فيها شحال من حاجة الموضفين غادين جاين بعجلة وكل واحد حاني راسو على شغالو كولشي غادي على احسن مايرام ضرت عند سي قاسم

نورسين- فين هوا المكتب ديالها

قاسم-(بارتباك ويديه عرقانين ) ااه تفضلي تفضلي معايا من هنا

السيد ولا فازك بلعرق ويضور ويمسح فجبهتو لاكن انا هاديك الثقة فالنفس ماعرفتش منين تسلطة عليا تمشيت بخطى ثابتة نحو مكتب سماح وقفت سكرطيرة باش تسولني فين غادية لاكني ماعرتهاش اهتمام ودخلت وخليتها كاتغوت مورايا بالصدفة كان داك نهار عندها اجتماع دخلت وغير شفتها طغات على وجهي ابتسامة كولها مكر اما هي غير شافتني وقفت وتعمقت فالنضر ليا بعض اللحضات وعاد طلعت معاها وعرفتني شكون المسكينة تسعقات وبدات غير كاتمتم بكلام مامفهومش وطلبت من الناس لي كانو فالاجتماع المغادرة لاكني وقفتهم وماخليتهمش يخرجو

نورسين- ممكن تبقاو معانا واحد الخمسة ديال دقايق بغيت نوضح شي امور مهمة

سماح(بصراخ) فين هوما رجال الامن خرجو عليا هادي من هنااااااا

خرجات السكرطيرة تعيط لرجال الامن لاكن انا بسرعة سديت الباب ودوزت لقفل وطلبت منهم كاملين يكلسو ويرتاحو

نورسين-(شفت فيها بتحدي) علاش الامن واش ماتوحشتيش بنت عمك لعزيزا... انا ماجيتش ندير صداع ابنت عمي سمااااح...انا جيت نبلغك رسالة وبما انكي جمعتي موصفينك حتى هوما يسمعوني شنو بغيت نقول

قاسم-(بتوتر) هادو ماشي موضفين هادو اعضاء شركات تانين امدموزيل نورسين

نورسين- (بتاسمت بمكر)مزيااااان بما انكم رئساء على مجموعة من الشركات غادي نعطيكم نصيحة ولي هي عرفو معامن كاتعاملو هاد سيدا لي حداكم هي بنت عمي وانا هي بنت الحاج المالكي الله يرحمو يعني الوريثة الشرعية لمجموعة شركاتو

تهافتو اصوات الرجال الاعمال ومافاهمين والو سماح بدات كاتمتم وتتنفس بسرعة تسلطت عليها بحال شي كابوس فوسط نهار ...صافي جاء الوقت باش غادي نوقفها عند حدها حتى سمعت واحد من الرجال قالي

الشخص- تبارك الله كبرتي ابنتي اخر مرا شفتك كونتي مازالة صغيرة سبحان لي خلقك كاتشبهي لباباك الله يرحمو كونا انا وياه صحاب بزاف وكنت كانجي عندكم لدار واش ماعقلتيش عليا

نورسين-(بتاسمة بهدوء) لا اسيدي ماعقلتش كيف قولتي انا كونت مازالة صغيرة...بما انني رجعت بنت عمي مع الاسف جا الوقت باش ترتاحي سمعت انكي مازال ماتزوجتيش هانتي جاتك الفرصة حتى لبين يديك سيري قلبي على حياتك وتزوجي اولدي وربي ولادك فراحتك انا غادي نتولى امور الشركة

سماح-(جمعت معاها بسقلة) خرجي عليا من هناااا نتي ماعندكش الحق فهاد فشركة حيت هي شركتي بوحدي

ماستحملتش ديك الصفعة لقوية لي عطاتنى سماح وشديتها من وجهها بقوة ولسقاتها مع لحيط ناضو الرجال باغين يفكو لاكني وقفتهم بصراخي وطلبت منهم حتى شي واحد مايقربلي

نورسين-(همست فودنيها بصوت خافت) سمعيني شنو غادي نقولك من هاد نهار عتابريني الكابوس لي غادي يرافق احلامك الوردية ابنت عمي زوينة حيت كبرت وكبر معايا حقد فقلبي عليك وكانواعدك غادي نعرف شكون كان السبب فموت وليديا وغادي ننتقام منك على كااع هاد السنوات لي عشت فيهم محروما من ريحت وليديا

سماح-(بصوت خافت) بلاماديريلناش شوهة خلينا نفاهمو غير بلعقل وطلقي مني راك المتيني

نورسين-(زيرت قبضتها) مازال مادقتي والو فالالم ابنت عمي

سماح-سيري بحالك بلا شوهة انورسين

نورسين-غادي نمشي ولاكن غادي نرجعلك وكانواعدك غادي نردليك الصفعة لي صفعتيني قدام الجميع لاكن الصفعة ديالي غادي تكون اقوى ماتنسايش ان الشركة على حااافت الافلاس خودي حدرك مني(دفعاتها بقوة مع لحيط وطلقت منها وشافت فالحضور وبتاسمت) كانعتادر على الازعاج تقدرو تكملو خدمتكم بسلامة عليكم

خرجت وانا على وجهي ابتسامة نصر وداك قاسم تابعني وكايتبحلس عليا انا عارفاه مزيان وعارفا علاش كايدير هاكا لانه من النوع لي كايجي غير فصف القوي وكيف كانعرف نحصد اعدائي كانعرف نحصد شركائي هوا الورقة الرابحة فيدي وعارف جمييع المعلومات على الشركة وغادي نستغلو مزيااان بتاسمت ليه ابتسامة لطيفة اودعتو وخرجت شفت فداك العساس بمكر وخليتو كايترعد وزدت وانا كانضحااااك وفرحانة بهاد الانجاز لي قمت بيه ...وقفت فالباب كانفكر وتلاشات فرحتي وضحكتي وقلت اشنو كانخربق شنو درت كانهدد فيها وكانواعدها نجري عليها ولاكن كيفاش ماعنديش اوراق ضدها وماعندي فلوس لي تمكني ندير شي حاجة او نتقدم شي خطوة للامام اووف كانعرف غير نحل فمي بلا فايدااا قاطعت افكاري يد جرتني وسحبتني عندها مور واحد الحيط حتى رتاطمت بصدر داك الشخص طويل عليت عيني وكان هوا صاحب العيون الرمادية رتابكت وماعرفتش شنو غادي ندير

ياسر- شنو هادشي لي درتي

نورسين-شنو درت

ياسر- كونتي كاتهددي بنت عمك قدام الجميع مكانش عليك تتصرفي هاكا كان عليك تهضري معاها فمكان مغلق وبينك وبينها

نورسين-(بارتباك) وااش حتى نتا كونتي فالاجتماع

ياسر- اه حتى انا وعندك زهر اسد مريض وماحضرش حتى هوا

نورسين- اوووف وشنو بغيتيني ندير اياسر عيت مانصبر والله (تعمرو عينيها بدموع)

ياسر-(عنقها) صافي ماتبكيش مكانبغيش نشوف دموعك..قوليلي عاودتي لاسد على حياتك وشكون نتي

نورسين- لا ومستحيل عنداك تقولو شي حاجة عافاك كانترجاك خلي هادشي لي شفتيه غير بيناتنا مابقا والو ويكمل شهر ونمشي بحالي مايعرفني مانعرفو انا غادي نرجع شركتي باي طريقة كاننت وغادي نشوف واش غادي يبقا يعيطلي الفقيرة فاش غادي نبدا نافسو فالسوق

ياسر-الفقر ماشي عيب انورسين العيب هي يكون قلبك فقير ...يكون مفتاقر لشي حاجة سميتها الانسانية

نورسين- وكيفاش بغيتيني نرجع حقي هاه نتسنى قلبي حتى يعمر بالانسانية...ياسر انا غادي نمشي بحالي تعطلت وراك عارف داك صاحبك كيف داير يالاه بسلاما

ياسر- ماتصرعيش وماتهوريش باش ماتندميش

خليتو وزدت ماعرفتش علاش ماديتهاش فهضرتو واخا كانت على حق تمشيت لبضعة امتار ولاحضت ان سيارة كحلة تابعاني مابغيتش نعيق واول حاجة درتها جبدت تلفوني من صاك وتاصلت بعابد

نورسين-(كاتمشى بخطوات زربانين) وييي سي عابد

عابد-لاباس عليك ابنتي

نورسين- خليك مني انا دابا ...قولي واش نتا لي سيفطتي سيارة كحلة من نوع مرسدس تتبعني

عابد- اشنو لا لا ماشي انا حفضي رقمها شوفي كيف ديري تتخطايها اجي لدار استفانيا عنداك تجي للمقر وهوما تابعينك 
(لي كان تابعها هوا عصام سكرطير اسد كايجمع عليها معلومات)

نورسين-اوكي شاف

ضرت شفت فسيارة وسجلت الرقم فدماغي وكملت طريقي بسرعة لاكن السيارة مازالة مراقبانى ماعرفتش شكون لي كان فيها لاكن الخوف بدا يتملكني ومن خطوات زربانين لجرا باقسى سرعة عندي لاكن السيارة مازالة تابعاني ضطريت ندخل فدروبا ضيقين باش نتلفو والحمد لله نجحت بقيت مراقبا السيارة لي كانت واقفا وحتى مشات وعاد خرجت وشديت طاكسي لدار ستيفانيا غير وصلت ضقيت عليها فتحتلي الباب

نورسين- ستيفانيا فينهوا عابد

ستيفانيا - وعليكم السلام

نورسين- (تنهدت بتعب) سمحيلي اختي لاكن انا راه معصبا شوية

ستيفانيا- مزيان

لاحضت الارتباك على وجه ستيفانيا عادتا هي انسانة مرحة وضحوكية لاكن هاد المرة ملامحها كانو باردين وحتى هضرتها لاحضت انها كانت مخبية شي وراق مور ضهرها سولتها لاكن تهربت ومابغاتش تجاوبني خليتها على خاطرها ودخلت للصالة كلست على الكنبة لاكني حسيت انني كلست على شي حاجة نضت وكانت ورقا هزيتها وانا كانقراها ماحسيتش بستيفانيا حتى غوتت عليا وخطفتهالي من يدي

ستيفانيا-شكون عطاك لحق تقيسيلي فاغراضي

نورسين- ستيفانيا تهدني مالكي معصبة

ستيفانيا- سمحيلي اختي لاكن عندي شي مشاكل هدا لاش معصبة

نورسين- امم هاد المشاكل متعلقة بالاسماء لي فديك الورقة

ستيفانيا- دغيا قدرتي تقرايهم

نورسين- فالورقة مدكور اسماه مشتبهين فيهم فقضية احتراق منزل فوسط الغابة ستيفانيا واش كاديري شي حاجة بلا خبار عابد

ستيفانيا- لا لا ماشي هاكاك

نورسين- صافي مزيان منين غادي يجي غادي نقوليه على الورقة وقضية دار ديال الغابة حتى هي

ستيفانيا- (بارتباك)عنداك ماغاديش تقوليهالو ياك
نورسين- ادن عاوديلي شنو قضية هاد الاسماء
ستيفانيا-(بارتباك) اناااا فاش كان عندي 10 سنين فواحد نهار كونا غير انا وبابا لي عايشين فديك دار حيت ماما كانت ميتا مسكينا... فداك نهار الاسود بابا جرني لواحد لبيت وسد علينا وجرني عندو وعنقني وهوا كايقطر بلعرق ومتوتر وباينا عليه انه خايف من شي حاجة ...فواحد لحضا سمعنا دقان فالباب بجهد وكانو اصوات ديال شي رجال بغيت نخرج نحل لباب لا كن ماخلانيش وجرني عنقني وكايبكي كنت كانسولو باش نعرف علاش ومناش خايف كان فواحد الحالة خايبة تزايدو اصوات دوك رجال ...كنت خايفا بزااااف خلاني بابا وخرج بغيت نخرج معاه لاكنو منعني وسد عليا سمعت اصوات وصراخ دام لمدة طويلة وفلحضة شفت دخان داخل من تحت الباب بقيت كانغوت ونعيط لبابا باش يعتقني لاكن بدون فايدا بقيت على ديك الحال كانبكي ونغوت حتى اغمى عليا بسبب الدخان ومابقيت عقلة على حتى حاجة حتى حليت عيني فطبيب واول ماشفت قبالتي هوا سي عابد وهوا لي كان متكلف بالقضية ديال بابا الله يرحمو 
نورسين- وتقبط المجرم لي حرق ليكم دار...
ستيفانيا- شدو واحد كان مشتبه بيه لاكن رجعو طلقوه فاش تئكدو انه برئ... من بعد الحادث لي وقاع تكلفت بيا خالتي جات للمغرب وداتني لبريطانيا وكنت ديما على اتصال بسي عابد وكنت كانسولو على قضية بابا ...كبرت اوليت قد مسؤلية نفسي خديت الورت ديال ماما الله يرحمها حيت هي كانت من عائلة غنية شوية خديت لفلوس وهبطت للمغرب واول واحد مشيت عندو هوا عابد مسكين ستقبلني فدارو وكلست معاهم واحد المدة وكان كايحسبني وحدا من بناتو بعد مدة ستقريت وشريت هاد الدار لي كاتشوفي ..
نورسين-(تنهدت)فهمت حتى نتي تعدبتي فحياتك 
ستيفانيا- بزااف والله تعدبت بزااف صوت صراخ دوك رجال مازال كانسمعو فودني بحال يالاه لبارح...
نورسين-دابا نتي باغيا تنتاقمي لباباك..
ستيفانيا- كنت باغيا ننتاقم لاكن هادي 3سنين وانا كانحقق فهاد القضية وكتاشفت ان بابا مكانش داك الانسان البرئ كيف كان يحسابني 
نورسين-مافهمتش علاش
ستيفاتيا- فهاد لوراق المشتبهين فيهم كلهم عندهم صوابق عدلية الا شخص واحد وقلت مستحيل هدا تكون عندو شي علاقة بقتل بابا ...لاكن كان ضاروري نرجع ونحقق معاه وطلاقيتو وكان واحد الراجل كبير فالسن وهوا لي عاودلي الحقيقة ...وقالي بلي بابا كان كايخدم فالاشياء الغير القانونية بحال لمخدرات ولقرقوبي كان متورط مع شي عصابة وكان كاينفدلهم كاع لي كايطلو منو قتل وسرق ودار شحال من حاجة خايبة ... كان قتل اب ديال شي عائلة غنية وكانو عائلت الضحية كايقلبو عليه باش ينتاقمو لباهوم بابا كان خايف منهم عليها خرجنا نسكنو فدار الغابة بقينا شي شهراين فديك الدار حتى جا نهار لي وقاعة فيه الواقعة كان يحسابلي بلي بابا مضلوم وكانت كانشوفو بحال شي ملاك وقدوتي فالحياة طبيعي حيت انا بنتو لاكن فاش عرفت كاع هاد لمعلومات تراجعت وحيدت فكرة الانتقام من دماغي حيت هوا تلقى عقابو على افعالو ...(نزلت الدمعة من عينيها)
نورسين-(شدت ليها فيديها) ماتبكيش اختي مزيان منين عرفتي الحقيقة قبل ماتتهوري وديري شي حاجة لي تندمي عليها...
ستيفانيا-داكشي لي كاين... عافاك ماتقوليش هادشي لسي عابد حيت غادي يتقلق مني بزااف لانه كتاشفت بلي كان عارف هادشي كامل ومخبع عليا حيت مابغانيش نعرف هادشي على بابا باش مايطيحليش من عيني ...
نورسين-اكيد ماغاديش نقولهالو غير رتاحي نتي احبيبة واخا ...(سمعت دقان فالباب) يالاه مسحي دموعك ونوضي احبيبتي حلي لباب غايكون عابد لي وصل ....

ناضت حلت الباب وكان عابد معاه بويكا وركان ... دخلو وتسالمو 
نورسين-(مدتليه ورقا)شاف هادا هوا رقم السيارة لي كانت تابعاني...
عابد-(شد من عندها) شنو كنتي كاديري فديك المنطقة 
نورسين-هاه...اااام
عابد-مكاين لاش تفتفي وصلني خبارك....
نورسين-اناااا
عابد-(قاطعها بصرااخ) واش حماقيتيييي كيفاش قدرتي ديري حاجة بحال هادي
نورسين-واش بغيتيني نسمح فحقي اشاف 
عابد- ماشي هكاك الغبية واش نسيتي راسك فمهمة وخصك تنفديها بهاد الطريقة غادي تولي متبوعة يحسابلك بنت عمك غادي تفلتلك شوهة لي درتيلها ليوم 
نورسين-لي فجهدها ديرو مكانخافش منها 
بويكا-صافي صافي بدلو علينا هاد الموضوع

دوزو ديك لعشية مع بعضهم ضحكو شوية ولعبو ليجو ديال لكورا مرا لبنات ومرا دراري ومرا كانو كايتخالفو بنت اولد دوزت ديك ليلة مزيانة تغدات معاهم وخرجو هي وستيفانيا تقضاو بعض الملابس والاحدية وتساراو فلمدينة وكلسو فلمقهى ورجعو للدار فلعشية وخلط عليهم بويكا وريان لي كان مواعدهم بشواء جاب معاه لكفتا وسوسيس ...
______________

ركان-نورسين يالاه نطلعو لسطح شوية 
نورسين-ااه واخا يالاه ...
طلعو لسطح اوقفو كايتمنضرو فاضواء المدينة الرائعة...
ركان-كيف جرا هاد نهار مامشيتيش لدار هداك لي سميتو أسد...ماخفتيهش يتقلق عليك
نورسين-(شافت فيه بسخرية) دابا راه عندو معامن يتلهى مكانضنش غادي يكون عندو الوقت باش يفكر فيا واش عايشا ولا ميتا...
ركان-شوفي فيا ...عنداك تكونيي
نورسين-اشنو غادي نكون
ركان-كاتحسي من جيهتو بشي حاجة ...
نورسين- اه كانحس بالكره من جيهتو...
ركان-عليها فاش رجعات خطيبتو لحقيقية طلعلك دم وهربتي...
نورسين-اش جاب شي لشي انا خرجت حيت كونت باغية نشم شوية دلهوا ومنها تواجهت مع ديك بنت عمي...يعني وقتي عامر بزااف مامسالياش نفكر فيه لاهوا ولا خطيبتو ...
ستيفانيا-(طلعت هي وبويكا) هاحنا تبعناكوم ...
نورسين-مرحبا هاد ليلة الجو زوين نجوم كايلمعو فسماء تبارك الله...
بويكا-نورسين مشا لحال واش ماغاديش ترجعي لدار أسد...
نورسين-مالكوم هاد نهار كاتهضرولي غير عليه انا ماشي العبدة ديالو هوا عندو حياتو وحتى انا وزايدون هوا مامساليش حيت رجعات خطيبتو لحقيقة هاد نهار يعني هوا ماغاديش يكون كايفكر فيا اصلا....
ستيفانيا- نوورسين شوفي فيا...ازغبية وليتي كاتبغيه...
نورسين-انا ههههههه لا مستحييل....
ستيفانيا-ولاكن احبيبة ملامحك كايبينو عكس هضرتك نتي راكي غرتي من خطيبتو الحقيقية ...
نورسين-(بتالعت ريقها بارتباك) هاه ...لا اناا تضايقت حيت رجعات وغادي يكون صعيب عليا نكمل مهمتي ...وزايدون انا كايبانلي غير كاتضيع وقتي معاه مكاينش شي حاجة لي كاتبت عليه انه فعلا منتمي لديك المنضمة اما كون راني عرفت...
ركان-هادوك راهم قتلى محترفين وخدمتهم كاتكون مدروسا ومحبوكا وكايخفيو موراهم جميع الادلة لي تقدر تفضحهم...
نورسين- وباش عرفتيها نتا انا كانقول بلي هوا برئ وماشي ديال هادشي ...هوا صحيح انسان اناني لاكن ماعرفتش كانحس بيه (قاطعها بويكا)
بويكا-كاتحسي بيه ...امم...وكاتقولي مكاتبغيهش ...
نورسين..-سمعوني انا لست...(قاطعوها كاملين)

ستيفانيا/ بويكا /ركان..انا لست حبيبة احد ولا احد حبيبي تركت لكم الهوى وعشقت نفسي...حفضناااااها

نورسين-(ضحكت من كل قلبها) هههههههههههههههه 
ستيفانيا- (جراتها لبعيد) اجي نقولك ...
نورسين-اشنو شنو بغيتي...
ستيفانيا-كاينين بزاف ديال الطرق باش تخليه يولي يبغيك...
نورسين-بحالاش

ستيفانيا...متلا تتقربي منو ...اوو تبينيليه بلي مهتما بيه...اوو تخليه معضم الوقت معاك بحال مثلا تنضمي شي رحلة معاه وتستاغلي الفرصة وتقوليليه بلي كاتبغيه 
نورسين- ايااااااه اختيي وعلاش ماطبقيش هاد لهضرة مع بويكا حتى هوا يستاحق ..
ستيفانيا-اويلي اش كاتقولي...
نورسين-مكاتلاحضيش اهتمامو بيك ونضراتو ليك 
ستيفانيا-اشمن نضرات راه كايقيل يعاير فيا وديما مقاتلا معاه ...
نورسين-شوفي كيفاش كايشوف فيك والله الى هبيلة واحد بحالو ماخصكش تفلتيه ...طيري بيه قبل ماطيرلك بيه شي وحدا وتبقاي تبكي عليا ...
ستيفانيا-(بتاسمت وهي كاتشوفة فيه) حمقى اش كاتقولي...ههههه

****في منزل اسد****

كان اسد كايضور فالجردا بحال لي متلف شي حاجة وكايقلب عليها وتلفونو فيديه وكايصوني ويعاود فتلفون نورسين لاكن كان مطفي...محمد كان مراقبو من غرفتو ومربع يديه تنهد وخرج من الغرفة وهبط عند خوه...

محمد-مازال مارجعت...
أسد-مازال ...سير نتا تنعس مكاين لاش تبفا فايق...
محمد-عنداك تكون وقعتلها شي حاجة ...
أسد-(بتالع ريقو بخوف) لا لا مكانضنش غاتكون مشات لدارهم يمكن توحشاتهم...
محمد-أسد نورسين يتيما وماعندهاش عائلة عندمن غاتمشي 
أسد-فوقتاش قالتلك هادشي..(قاطعهم صوت تلفونو صونا) الو..
عصام-مساء لخير سي أسد..سمحلي الى فيقتك فهاد الوقت ولاكن ماقديتش ننعس 
أسد-مافهمتش واش كاتحلم بيا ولا كيفاش
عصام-لا ماشي هكاك ...مافهمتينينش ...لي بغيت نقولك بلي هاد صبح فاش كنت فالاجتماع مع سي ياسر اااام ....
أسد-نطق شنو كاين...
عصام-عرفتي انا ماغاديش نهضر غادي نسيفطلك واحد لفيديو فلواتساب شوفو ونتا تفهم...
أسد- اوكي انا غادي نتسناك...(قطع عليه) محمد سير تنعس مشا لحال...
محمد-واخا تصبح على خير...

طلع محمد وبقا اسد بوحدو فاجردا كايتسنا هاد لفيديو لي غايسيفطلو عصام .....2 دقايق اوصلو فتحو وغير شافو تسعق فالاول مافهم والو لاكن عاود لفيديو مرا وجوج وعشرا وماسدقش داكشي لي شاف بعينيه نورسين شانقا على سماح وكاتغوت عليها...

بويكا-تعشينا وشبعنا..يالاه انورسين نوصلك 
نورسين-اوكي خويا.. ستيفانيا تصبحي على خير ..ركان بسلامة..
ركان-بويكا ...بلاما تعدب راسك انا لي غادي نوصلها...
بويكا-اوكي صافي...
ستيفانيا- مزيااان ركان غايوصلها ونتا اجي تعاوني فلكوزينا نغسلو لماعن..
بويكا- اووووف اش داني نجي اصلا كونت نتعشا فداري غير بإندومي 
نورسين-هههههههه بويكا على فورمتك خصك 10 عاد باش تشبع
ستيفانيا-والله الى قوليهالو هوا كاع طبسيل لحسو
بويكا-باااااز يالاه اركان وصل لبنت...مشا لحال

_____________
بويكا- اجي وريني شنو غادي ندير 
ستيفانيا- انا غادي ندوز ونتا شلل اوكي...
بويكا-عرفتي غير خليني انا غادي نغسلهم بوحدي
ستيفانيا- الاا غير خليني غادي نعاونك...
بويكا-صافي راني هضرت..

تمسك بيديها وغسلهم بالماء وقبلهم بكل لطف ....حنات راسها بخجل و رجعت شافت فيه وبتاسمت ...
_______________

امام باب فيلة اسد...
ركان-نورسين...نتي عارفا مشاعري تجاهك..
نورسين-مافهمتش 
ركان-انا معجب بيك من اول نهار شفتك فيه وماعمري تجرئت نعتارفليك بمشاعري
مورسين-(بخجل) وشنو لي تبدل دابا...
ركان-لاحضت من كلامك على هداك لي سميتو اسد انكي وليتي كاتميلي ليه ..
نورسين-(بسخرية) اشنو كاتقووول
ركان-نور ماتنسايش انكي فمهمة ...وماخصش المشاعر تجرفك للهاوية نتي راكي عارفا انه متورط مع شي منضمة
نورسين-ماشي متورط غير مشتبه بيه ولحد الان مازال ماتتبتاتش عليه حتى شي حاجة
ركان-شفتي ..هم شفتي كيف كادافعي عليه...
نورسين-انا مكاندافعش عليه اركان مانقدروش نسميوه مجرم حتى تتبت ادانته
ركان-والى تم اتبات ادانتو غادي تعدبي بزااف بسبب هاد المشاعر...(شد ليها فيديها) خليني نتقرب منك ونسيك فداكشي لي كاتحسي بيه من جيهتو
نورسين- انا مكانحس بحتى حاجة من جيهتو غير هني راسك...
ركان-(مرر اصابعو على خصلات شعرها) كدابة ...

فهاد الاثناء اسد كان فعرفتو وكايشوف نورسين وركان وحركاتو معاها...ماصدقش عينيه وخرج كايجري اوقف فالباب كايسمع كلامهم...

نورسين- ركان نتا تستاهل بنت احسن مني وتكون كاتبادلك نفس الشعور 
ركان-انا بغيتك نتي...
نورسين-انا دابا مامسالياش لبحال هاد المشاعر راسي عاامر بالمشاكل شركة باب لي ستولات عليها بنت عمي اوصية بابا الله يرحمو...يعني عندي اشياء اهم من الحب والغرام
ركان-انا باغيك فلحلال بغيتك تكوني مراتي على سنة الله ورسوله وانا نقدر نعاونك ونوقف معاك فاي وقت ... انا عندي صاحبي خدام فمصلحة الضرائب وعندي شلا يدين لي يقدرو يعاونونا (قاطعاتو)
نورسين- ركان تصبح على خير...
ركان-(شدها من دراعها)علاش فكل مرا كاتهربي مني...
نورسين-ركان اناا (قاطعها اسد فاش حل الباب)
أسد-(بهدوء) على سلامتك امادموزيل
ركان-(تبادلو نضرات الكره والغيرة وطلق منها) تصبحي على خير انا مشيت تهلاي فراسك...

باسها من راسها شي لي خلا عيون اسد تتوسع بالصدمة ..وركب فسيارتو وزاد...شافت فيه وكان كايشوف فيها بغضب بغات تدخل لاكن وقف ليها فطريق...

أسد-فين كنتي حتى لهاد الوقت ..
نورسين-(تنهدت بتعب)فاش كايهمك تعرف...
أسد-(بنبرة جليدية)شكون هداك لي كان معاك
نورسين-(ببرود)كانضن مامضطراش نشرحليك...واش غادي تخليني ندخل ولا نرجع فين كنت

ضم قبضة يديه بغضب وفسح ليها طريق دخلات ماكرهش فديك اللحضة يشد ركان ويقتلو ... غمض عينيه وفتحهم بتعب وكان مراقب كل خطواتها وهي داخلا للدار بهدوء بينما هوا معصب من برودة دمها ...كلس فالجردا شي 10دقائق ضم قبضة يديه بعصبية والغضب كاينفاجر فشراينو ماعجباتوش طريقة كلامها معاه مسح وجهو بيديه وفجئة وقف ودخل للدار طلع مع دروج كايجري بحال شي ثور ودخان خارج من ودنيه.. توجه لغرفة نورسين حل لباب بلاما يدق لاكن مالقاهاش صوت ارتطام الماء مع الارض بين انها كانت فالحمام كلس على سرير كايتسناها تخرج وكان واضع راسو بين يديه وحاني كايشوف فالارض وكايشوف فالفراغ حتى نتابه لصاكها لي كان محطوط فالارض مشا ليه هزو وتردد قبل مايحلو...حلو وقلبو على سرير وخواه ...

أسد-شحال دلمكياج والالوان....بيكاسو هاد البنت..(شاف تلفونها وهزو) كيفما توقعت طافياه ...

شعلو ومشا لمكان الرسائل ولقاها ماسحاهم مكان المكالامات كدالك خاوين ...مشا لمكان الارقام ولقاها كاتبا على نمرتو (المتملك النرجيسي) بتاسم لا اراديا على اللقب وكمل تفتيش ..مشا لمكان الصور وبدا يضحك على سلفياتها لمجنونة ...وثار انتباهو صورها مع ستيفانيا فبريطانيا هاهوما فمراكز التسوق هاهوما فالمقاهي فالحدائق

أسد- واش هاد المدة كاملة لي كانت غابرا فيها كانت فبريطانيا...شنو مازال ماعرفت عليك انورسين

كمل تفتيشو حتى طاح على صور نورسين وركان وختفات الابتسامة من وجهو 
أسد-شكون هاد بنادم منين خرجلي عاود...(غمض عينيه وفتحهم بغضب)اصلا ماشي صوقي...

طفى تلفون ورجعو للصاك وشاف واحد لبزطام وهزو غير حلو بانت فيه واحد الصورة فيها راجل وبنيتا صغيورا بنفس عويناتها زرقين وشعرها الاسود طويل 
أسد-(بتاسم) ماتبدلتيش مازالة خايبا...
________________

تفاجئة فاش خرجات من لحمام وشافتو كايبقش فاغراضها...ومشات عندو كاتجري وخطفاتليه صورة من يديه

نورسين-هييي شكون عطاك الحق تقيصلي فاغراضي

ماقدرش يجاوبها بقا غير كايشوف فداك المنضر لي حداه كانت كاتغوت بشعرها لمبلول على كتافها لعريانين وجسمها الرشيق لملفوف بفوطة الحمام البيضاء...
أسد- (شاف فيها بابتسامة جانبية شريرة)سيري لبسي حوايجك مابقيتيش تحشمي...

نتابهت لراسها وشهقات بدهشة ماعرفات راسها باش تبلات ودخلت كاتجري للحمام....
نورسين-ويلي ويلي ويلي ويلي شافني شافنيييي
أسد- (بسخرية)ااه ااه شفتك وحتى نتي شفتيني داك نهار هاحنا تعادلنا دابا...
نورسين-(صدمها بكلامو ماتوقعتهاش منو)بااز مكاتحشم مكاترمش ..(بلهجة امر)مدلي شي حاجة نلبسها سربي
أسد-(ستفزاتو)ماخدامش عندك انا خرجي جبديهم ببديك
نورسين-(بغضب)منحرف باش ترجع تشوفنيي...
أسد-(بابتسامة شريرة)غادي نعطيك حوايجك غير باش نتبتلك انني ماشي منحرف ماشي حيت بقيتي فيا...(جبد لحوايج وعطاهملها) شدي ولمرا جايا تبقاي طلي من شقة دلباب وتتئكدي انه مكاين حد اولا لبسي حوايجك فلحمام حسن...
نورسين-(حلت الباب وخرجت فوجهو وغير شافتو شهقت ) كنتي كاطل عليا ...😡
أسد-(صدماتو)اناااااا لا لا لا والله ماطليت...
نورسبن-شنو كادير فغرفتي وعلاش كنتي كاتبقشلي فاغراضي هاااه...
أسد-(مرر اصابعو عى شعرها المبلول باغي يستمتع باستفزازها) انا لي غادي نسولك ....شكون نتي ...
نورسين-هههه اش هاد السؤال....انا نورسين لعدوا
أسد-(بصراخ)مكانضحكش كانهضر معاك بجدية ...شكون نتي ...
نورسين-(رتابكت وفكرت انه غايكون سمع كلامها مع ركان ) اااانااا ...كيفاش شكون انا...
أسد-سماح لمالكي شنو كاتجيك...
نورسين-هاه...شكون هادي مكانعرفهاش...
أسد- (شاف فيها ببرود) اهاه مكاتعرفيهاش...(جبد تلفون من جيبو وشغل لفيديو لي سيفطلو عصام) وشكون هادي لي شانقا عليها

تصدمت نورسين فاش شافت الفيديو ديالها وهي كاتهدد سماح قدام الجميع بتالعت ريقها بتوتر وشافت فيه ببرود..
أسد-عصام لي سيفطلي هاد الفيديو حيت كان حاضر فالاجتماع... 
نورسين-(بتوتر) مزيان بما انك عارف شكون انا علاش كاتسول...
أسد-(جرها عندو حتى لتقاو عيونهم قال وهوا كايشوف فعيونها زرقاء مباشرة وبدون مايرمش) سؤالي واضح ...شكون نتي...
نورسين-(بنضرات تحدي) انا نورسين المالكي بنت الحاج خالد المالكي الله يرحمو صاحب مجموعة شركات المالكي للنسيج.....شفتي يااالسخرية القدر ...كاع ماطلعت فقيرة كيف يحسابلك......
أسد-(ستفزاتو باخر كلمة قالت وعيونو كانت على شفايفها) علاش ماعاودتيليش على هادشي من قبل...
نورسين-(بادلاتو نضرات التحدي وانفاسهم تخلطو مع بعض)لمن غانعاود لعدوي لي مكايرضاش يشوف فيا وكايحتاقرني حيت انا فقيرة...
أسد- (ضحك بسخرية)وعلاش نتي ماعايشاش فقصر بباك الله يرحمو...هممم
نورسين-(شافت فعينيه مباشرة وبدون ماترمش)انا عشت فقصر اجمل منو لي هوا الميتم لي خلاني نعرف بحق درهم شكاتسوا...ماشي بحالك ابابا عجينة..
أسد-(ماعارش اهتمام لاخر جملة قالتها نقولو تناساها لاكن الجملة الاولى ثارت انتباهو) مافهمتش كيفاش عشتي فالميتم...
نورسين-(بعدات عليه )من بعد ماماتو وليديا انا كنت صغيرة وبنت عمي لي كانت بحال ختي غضرتني وبغات تاخدلي رزقي وفاش رفضت حبستني فغرفتي لمدة طويلة ماقدرتش نصبر وهربت منها ومشيت للميتم عشت تما وقريت تماك مع خوتي الايتام ومن بعد ماكبرت ستقليت بنفسي وقلبت على خدمة ولسوء حضي طحت فشركتك نتا ...
أسد-(تنهد بملل)ولسوء حضي حتى انا ...هاد 3سنين لي كنتي غابرا كونتي فبريطانيا...
نورسين-(بدهشة) شكون قالهالك
أسد-شفت الصور لي فتلفونك...
نورسين-(صدمها) يااه على بنادم واش انا كانقلبلك فتلفونك...
أسد-ماتهربيش وجاوبيني على سؤالي شنو مشيتي ديري فبريطانيا...
نورسين-(بتالعت ريقها) كونت ...كونت ...ااااا...اصلا فاش كايهمك...
أسد-(شاف راسو عيق وبغا يتراجع لايحسابها مهتم بيها وقال بنبرة جليدية) فعلا مكايهمنيش ....(طلق منها وعطاها بضهر) شكون هداك لي وصلك قبيلة....
نورسين-(بلاما تفكر)صديق...
أسد-(ضار عندها وملامحو مامفهومينش) صادييق ...الصديق غادي يطلب منك زواج...
نورسين-(توسعو عينيها بدهشة لاكن جاتها فرصة باش تستافزو ومستحيل تفلتها)تبارك الله عندك مواهب اووخرا من غير العصبية والغرور كاتصنت مور لبيبان
أسد-هاه..ااام...انا كونت جاي باش نحليك الباب وسمعت داكشي غير بالصدفة 
نورسين-اهاه مزيان...(كلست على سريرها وشافت فالفراغ بعدم اهتمام)شنو درتي مع خطيبتك
أسد- (ببرودة)تصالحنا...
نورسين-(بصدمة)اهاه مزيان ادن انا مابقا عندي ماندير هنا
أسد- (ببرود) ماغاديش تتحركي من هنا حتى يتسلا شهر...
نورسين-(وقفات وتوجهات عندو)أسد...هاخطيبتك رجعات ادن انا مابقا عندي ماندير هنا علاش باغيني نكمل هاد المدة هنا
أسد-(دار يديه فجيابو) هاديك الغبية ديال نهال قالتلهم بلي هي صديقتي وسميتها نورسين يعني نتاحلت شخصيتك ...
نورسين-(بتاسمت بسخرية)دكية هاديك البنت باش تقدر تشوفك دارت بحال هاكا...مغاامرة مع راسها(تنهدت) ومن الحب ما قتل...
أسد-(بتاسم بسخرية ) الى سولوك فصبح فين كنتي قوليلهم كنتي عند شي صديقتك...الى عرفو انكي كنتي قصارة مع راجل غادي يفهمو غلاط..تصبحي على خير...(خرج وسد الباب)
نورسين-(بقات مصدوما بحالي عطاها بسقلة)هييي كيفاش غادي يفهمو غلاط شنو كاتحسب فراسك ...بنادم كيف داير...

___________________

***بعد اسبوع***

غوتت آيلا وهي كاتهز جسمو لمخدر يالاطيف السيد ميت ...

آيلا-براهييييم ..صافي باراكا عليك من نعاس والله الى عيقتي بالله...
ابراهيم-(بخمول)بعدي منييي...
آيلا-(ضرباتو بلمخدة على مؤخرتو) غادي يعيش دود من تحت منك من كترت نعاس الكسول ...
ابراهيم-(كايتئلم)غير خليهم ماعنديش مشكل...
آيلا-(خارجة من غرفتو) هاد لولد كايعصبني...

هز راسو ومالقاهاش وماسمعش صوتها المزعج وبتاسم بخبث 
ابراهيم-ااه نرجع لاحلامي لعامرا تيتيز..

غمض عينيه وماجا يديه نعاس حتى تفاجئ بكومة من تلج تخوات عليه ...شهق بقوة الخلعة وضار يشوف شكون....عمر....وفيدية طاسا وكايبتاسم بخبث ....
ابراهيم-(غوت باعلى صوتو) حقييير وغد ساافل الله ياخد فيك الحق تفوووو على بنادم ...
عمر-(سدليه فمو)صافي صافي باراكا من سبان ..

ضرب يد عمر وبعدها عليه وناض من سرير وخرج من لغرفة كايسب ويلعن ...ويرجف بالبرد....اما عمر كان كايموووت بالضحك حتى سمع صوت تسفاق موراه...
آيلا- مابيكش ولاكن لمرا جاية ماتعاملوش هاكا...
عمر-(ببرودة) واش ماشي نتي لي طلبتي مني نفيقو اسمو الملكة ...
آيلا-قلتليك فيقو غير بشوية ...قولتهالك ولا لا...
عمر-(بتاسم بسخرية) ايوا داكشي لي درت فيقتو غير بلطف ..ماشفتيش ابتسامتو فاش فاق...وكلمات الغزل لي قالي...اتحفني هاد صبح...
آيلا-اخر مرا ااااخر مرا تعصبو مانسمحلكش... بلعاني كادير هاكا باش تعصبني
عمر- صافي ماغانهضروش مع ولد خالتك زويييون يععع مساليلو انا ...اصلا الى بغيت نعصبك انا عااارف نقاط ضعفك...
آيلا-وحتى انا عااارفا نقاط ضعفك...
عمر-(بسخرية)وشنو هي ...
ايلا-.نستبعدو خوفك من الحشرات ...نهاااال....
عمر-هاء علاش غانخاف منها انا اصلا يالاه تعرفت عليها...
آيلا-ولاكن ديما تابعها ...ياكما معجب بيها بحال عادتك انسونجي.....
عمر-(قال بينو وبين نفسو) ماشي هادشي علاش ديما حاضيها امرتي لمكلخا...
آيلا-( عصبها ببرودة اعصابو وغوتت) اااخر مرا تعامل براهيم بديك الطريقة اااااخر مرا والى غاندير نفس شي مع نهال...(خرجات زعفانا)
عمر-مرتي لمكلخااا تسناينيي...

______________

بينما كانت نورسين متاجهة للاعلى داز من قدامها براهيم وكايقطر بالماء عقدت حواجبها باستغراب وعلامات الاستفهام فوق راسها ..اوقفاتو بفضول..

نورسين-براهيم شنو وقاعليك...
براهيم -نسيت ماسديتش سرجم هدا لاش دخلات مكعبات التلج وهبطت فوق ناموسيتي...
نورسين-(ضحكت من كل قلبها) هههههه بلاتي خليني نفكر نتا ضحية آيلا وعمر...
ابراهيم-(كايرجف) حضي راسك حيت تقدري تكوني الضحية التانية ..
نورسين-(بتاسمت ليه ومسحت على شعرو بيديها )
بدل حوايجك وتدفا مزيان قبل ماتمرض شتا مابقالو وااالو....
ابراهيم-(بتاسم وهوا طالع مع دروج) غادي نمشي نقولها لماما على شنو دارولي دوك لحماق مكاينش لي غادي ينتاقملي من غيرها...

_________________
*****في الزنزانة*****

ولفت بزاف بداك الجو وبديك العائلة ...ولفت بدباز آيلا ومراد ..اولفت بتصرفات ابراهيم الطفولية لي كاضحكني ...براهيم كان هوا اكتر واحد 
كايخليني ننسا انني دخلت لهاد لديك الدار بسيف عليا كانحس بالدفئي كل ماشفت ابتسامتو واخا فعمرو 25 عام لاكن تصرفاتو كولها طفولية 
آيلا الاخت الكبرة ضريفة بزاف لاكن متهوره رغم انها هي وعمر كايبغيو بعضياتهم ولاكن ديما كايدابزو...
خالتهم مريم ...كانضن انها ام طيبة القلب عكس مكايضهرلي حيت عمرها هضرت معايا من نهار دخلت لديك دار...محمد وببساطة كايشبه لخوه..منعزل بنفسو ...مهدن ...ماقدرتش نفتح كتابو كانشوفو كانحس بالفضول ...ولاكن هوا مرا مرا كايضحك ماشي بحال داك خوه لحمق...
الجدة مي عيشة قاصحة وديما كاتنكر وقليييل فاش كاضحك... نقولو ان ابراهيم هوا نبض ديال هاد دار..كايدخل السعادة والضحكة بلاما يبدل اي مجهود ...نهال ولات كاتجي للدار باستمرار باسم نورسين...مانخبعش عليكم بلي كانتقلق فاش كانشوفها ..ولاكن هي كاتبغي أسد بزاف ... كرهتها حيت هي سبابي باش دخلت لديك دار لاكن ماندمتش حيت تعرفت على آيلا وبراهيم وعمر ومحمد بديت كانتئقلم لاكني توحشت صاحبتي بزاف من نهار دخلت لهاد دار ماتاصلتش بيها ...

كونا كالسين فغرفة الجلوس حتى سمعنا صوت شي حاجة تهرسات وصوت جاي من غرفة محمد 
طلعنا كاملين كانسبكو

__________________

الخالة مريم- محمد ولدي واش نتا بيخير(كاضق فالباب )محمد حل الباب كانترجاك...

غوت محمد باعلى صوتو وسط تكسيرو للاشياء 
محمد-مابغاش يوقف ..مابغاش يوقف...
مريم-شنو هوا اولدي لي مابغاش يوقف...
محمد-(طاح على ركابيه ) الالم ..لحرييق..
عمر-(بتوتر)واش نهرس الباب
مريم-هرسها شنو كاتسناا...

هرس الباب بقوة ولقاو محمد فالارض وشاد راسو بيديه بجوج وكايشوف غير فالارض وكايهدي(الهديان) والغرفة عامرا بزاج مهرس فالارض..
محمد-مابغاش يوقف مابغاش يوقف مابغاش يوقف مابغاش يوقف متبغاش يوقف مابغاش يوقف مابغاش يوقف مابغاش يوقف مابغاش يوقف مابغاش يوقف مابفاش يوقف....

مريم-(جرات عندو وحضناتو بقوة يد كاتمسح فوق شعرو اليد الاخرى كاتمسح على ضهرو ...) حبيبي محمد...تهدن اولدي ....تهدن ..كولشي بيخير...(شافت فمراد) كانضن انه نسا يشرب دواه...(شافت فمحمد وهمست)محمد حبيبي شربتي دواك...

هز راسو بمعنى لا ...بينما كان كايهتز فاحضانها... غوت محمد حتى بانو عروق وجهو وحمار وجهو وعينيه خرجو وكايتهز بارتباك...

محمد-نقدوني من نفسي ....خصكوم تنقدوني من نفسيييي...
مريم-(مسحت على شعرو الاسود بلطف وحنان) غادي نقدوك اولدي.... غادي نقدوك...

عمر كان كايقلب فالادراج على الادوية حتى لقاها اخيرا...دار حبا فيديه وعمر كاس ديال الما ..محمد مكانش كايشوف فيهم كانه مواعيش بلي حولو ..خايف ...ديك الدكريات البشعة رجعتليه ...باغي لي ينقدو من ديك الدكريات الموحشة...مانساش شكل الدم الاحمر وهوا مغطي فستانها الابيض ..وبشرتها شاحبة...دكريات ديك الحادثة رجعتليه باش تسرق فرحتو وترجعو لقوقة ضلام لي كان فيها من نهار ماتت ....الدكريات كاترجع...والصراخ يعلو...مانساش وجه أسد الطفل الباكي فاش فتح باب الغرفة ولقاها مرميا جنبو مقتطفات ديك الحادتة كاترجع ليه ومازال كايسمع صوت صراخها فودنيه ...

فصل 19

مقتطفات من ذكريات محمد
__________________________
زحفت عندو مسكينة وسط غرفة عامرة بالدم ..بينما هوا كان كالس فقنت الغرفة وحاضن لعبتو بخوف وكايشوف فباباه لي كايتم تقطيع اطراف جسمو بالمنشار الكهربائي من طرف شخص ضخم البنية اوجهو ملتم...
المسكينة فاش عرفت انها غاتكون التالية غمضت عينين ولدها صغير لي عندو 9سنوات شدت ليه فوجهو وهمست ليه بينما يديها كاتحاول تمنعو مايشوفش داك المنضر المرعب 
قالت بصوت ضعيف قرب اجلو وبنبرة حزينة وسط صراخ زوجها وصوت المنشار لي نشر دمو فكامل ارجاء الغرفة 
الام- غمض عينيك اولدي .... ماتحلهمش وماتهتمش للاصوات المزعجة .. غني الاغنية لي كانغنيهالك قبل ماتنعس ...عرفتيها...

هز راسو بالايجاب وعنقت وجهو صغير بيديها لمليانة دم ...كان باغي يشوف لاكن مماه منعاتو وماخلاتوش يشوف ..
الام-غني...غني ....ودير يديك على ودنيك عنداك تفتحهم واخا تسمعني كانغوت واخا احبيبي...

وسط غنائو سحبها السفاح من رجليها وسط صراخها وهي كاتشوف ولدها مغمض عينيه وكايغني بخوف 
الام-واخا يوقاع لي يوقاع عندتك تحل عينيك غني احبيبي غنييي....
عقد حواجبو صغار وكايغني ويبكي وعينيه مسدودين ويديه مغطيا ودنيه واخا هكاك كايسمع صراخ ماماه مسكينة لي كان المنشار كايقطعها بحال لحولي دلعيد...

_________________

فهاد الاثناء اسد داخل للدار وتلاقا مع صوت صراخ محمد لاح حقيبتو بدعر وطلع كايجري فدروج وصل لغرفة محمد كانت الباب محلولة ومحمد كالس فالارض وكايبكي ... بدون شعور دفع نورسين لي كانت واقفا كاتشوف بدهشة وتحنا عند خوه وسحبو من يدين خالتو مريم وعنقو 
أسد-شوو صافي اخوية تهدن ...صافي ماوقع والو ....
محمد-مابغاش يوقف مابغاش يوقف مابغاش يوقف............
أسد-عمر فين هوا دوا ديالو
عمر -(بتوتر) هاهوا....

فتح فمو بدون وعي..بملامح ماعندهاش رغبة فالحياة ...او الرغبة فالمضي قدما...ابتلع القرص ببطئ وشرب كاس دلماء لاكنو ماتوقفش عن الاهتزاز ...غمض عينيه وسد ودنيه وكايغني...

محمد-راااري ...ياراااري...ياركاد دراري...نعسلي وليدي فوق لفراش لعالي...راري ياراري...ياركاد دراري...نعسلي وليدي فوق لفراش لعالي...

ماهي الى دقائق واغمى علية بين احضان أسد بسبب تئثير المهدء ...هزو بين دراعو اوضعو على سريرو وغطاه ...

________________

في الزنزانة

انا داكساع مافهمت حتى حاجة وبقا فيا محمد مسكين وانا كانشوفو فداك المنضر يرثى له ودابا عاد عرفت علاش أسد كايخاف على خوه بزاف من اي حاجة منين شفت حالتو تفكرت حالتي فاش فقت من الغيبوبة وعرفت ان وليديا ماتو مريت بنفس التجربة قاسية و دخلت فحالة نفسية حادة بسببها قضيت شهور عند الاطباء النفسين ... باش نتعالج من الكوابيس المخيفة ...وليت عايشا بوحدي فقوقعة مضلمة ماكرهتش نعرف شنو السبب لي مخلي محمد فديك الحالة النفسية الخطيرة قاطع تفكيري أسد فاش طلب منا نخرجو كاملين من الغرفة ...كان باين على وجهو الحزن والكئابة كولنا خرجنا وبقا غير اسد داخل الغرفة وكلسي مشا لشغالو الى انا لي بقيت كانتصنت مور الباب على كلمات أسد لي كان كايقول لخوه ...يائما غادي نلقى هداك السفاح ونقتلو اولا غادي نقتل راسي ... حسيت بخطواتو كايقربو وبسرعة تخبعت ...بانلي خرج وطلع للسطح وتبعتو ....كان واقف وحاط يديه على صور ومباعدهم وكايشوف فالفراغ ..شوية شفت كتافو كايتهزو وصوت بكائو وصل حتى لعندي ...قلبي بدا يضرب بالجهد ماكرهتش فديك اللحضة نقرب عندو ونواسيه لاكن خفت يغوت عليا كيف العادة وكتافيت غير بالمشاهدة من بعيد ...وكنت كانهضر غير مع راسي بحال شي حمقة ماعمري شفت شي راجل كايبكي على خوه حسيت بلي كونت ضالماه وماشي كيف كان يحسابني وبلي شخصيتو القاسية ماهي الى قناع مخبي بيه على الناس وفنفس الوقت باش يخلي بينو وبين الناس مسافة ..

نورسين-علاش قلبي كايضرب هاكا...صافي وقف نتا باراكا من زديح ...لا لا لا ماتوقفش الى وقفتي غادي نموت ...

رجعت طليت عليه وكان كايهضر فتلفون مع شي شخص مجهول وكانت مكالمتو غريبة ...

أسد-علاش مازال مالقيتوهوه... عيت مانتسنا... عنددو وشم النجمة سداسية فيدو ليمنية...واخا كون كان تحت الارض كون لقيتوه....صافي صافي انا غادي نقلب عليه بنفسي...(بصراخ)كيفاش مانتهورش حالت خويا كاتسوء نهار على نهار كيفاش باغيني نصبر...انا غادي نجي عندكم ...غادي نشد طيارة غدا فليل وغادي نجي ...

نورسين- اشنو قصتك ااسد شنو هادشي لي مخليكم تتعدبو نتا وخوك بهاد الطريقة...معامن كونتي كاتهضر ...ياخوفي ياأسد ياخوفي تكون... لا لا لا مستحيل ..عندمن باغي تمشي...اااه راسي غادي يطرطق اوووف.....

شفتو جاي باش يخرج وهوا كايمسح فدموعو وسبقتو حتى طلاقينا فالباب....
_______________________

أسد-(بدهشة) شنو كاديري هنا...
نورسين-ااانا كونت طالعا نقلب عليك...
أسد-(بتاسم)وعلاش كاتقلبي عليا ... توحشتيني
نورسين-اووف باراكا من داك الضحك البايخ ااسد... كونت كانقلب عليك باش نعطيك تتعشى...
اسد-اووه واش طيبتي لعشا على قبلي..
نورسين-(بخجل من ابتسامتو) هاه ااام لا ماشي على قبلك ...
اسد-الى كان هكا انا ماغاديش ناكل ...حيت مكايعجبنيش ناكل شياطة ديال ناس ...
نورسين- اشمن شياطة الله يهديك هوما تعشاو وماخلاولكش وحيت بقيتي فيا طيبتليك عشاك بوحدك...
أسد-(حاوط خصرها بيديه وجرها عندو حتى تلاقات مع خصرو وجرها وهبطو من دروج)علاش كاتكدبي ...ياعدوتي ...
نورسين-(تجمدات من قربها منو)اووف واش مايمكنش لسانك لي كاينطق بسخافات يشد اجازة ولو غير نهار...
أسد- وكون شفتي لسانك اعدوتي خاصو اجازة ابدية....هههههه
بتاسمة فاش شافتو كايضحك رغم انه يالاه 5 دقايق كان كايبكي تعجبات من قوت تحملو ... دخلو للمطبخ وهوما على نفس الوضغ شاد فيها ...

نورسين-ماكنتش عارف انك كاتملك هاد الجانب الفاتن ...فالحقيقة كان كايحسابني مكاتعرفش تضحك..عندك ابتسامة زوينة...كاتنسائل علاش ماتبدلش وجهك المتهكم بهاد الوجه الفاتن..

أسد-(توسعت عينيه العسلية من صراحتها ...وقال بسخرية)الحمقا من لمفروض هاد لكلمات يكونو داخل عقلك ماشي فطرف لسانك...
شهقت بالخجل

نورسين-(بغات تبدل لموضوع)واش غادي تبقا شاد فيا طلق مني باش نعطيك تاكل...
أسد-(طلق منها) احم ....يالاه سربيني غادي نموت بجوع...
طفات على طاجين وهزاتو وحطاتو على طبلة ومعاه الخبز ولموناضا...علاشت عينيها لقاتو كايشوف فيها ...
نورسين- احم ...لاش كاتشوف فيا...
اسد-باغي نتئكد واش مادرتيش فيه سم فاش كنتي كاطيبيه...اعدوتي
نورين- (كلست حداه وقربت منو بتحدي) ياعدوي اللدود واش السم غادي يكون مكتوب فوجهي ... عتارف انك كونتي كاتسرق النضرات ..بيييني وبينك ياكما وليتي تبغيني ازغبي...
أسد-(ضحك من كل قلبو) هاهاهاههههههههههههه واش نسيتي الهبلة راه حنا اعدااء 
نورسين-وان يكن...الى متلا جيت عندك شي نهار وقلتليك بلي كانبغيك اشنو غادي تكون ردت فعلك...
أسد- غادي نبقا نضحك نضحك نضحك وتجيبو لاسعاف تهزني كحيت غانكون سخفت بالضحك...
نورسين- (جمعت الضحك) ياااالك من سخيييف انا اصلا مانرضاش نبغي واحد بحالك واش نسيتي حنا اعداء...
أسد-(وفمو عامر بلماكلة) اه اه ماعمري ننسا
نورسين-(باستياء طفولي) خوي فمك ابنادم عاد هضر نارييي شد شد هاك شرب لموناضا

بعد لحضات...
نورسين-(بتردد) بغيت نعرف الى كان ممكن شنو السبب لي خلا محمد مسكين يغوت ويمرض
أسد-(تتهد بعدما حط الخبز من يديه) محمد مريض نفسي كايتخيل اشياء مكاينينش وكايتهيئولو اشخاص مكاينينش مريض بالهلوسة ...
نورسين-مسكين وشنو سبب لي خلاه ينصاب بهاد المرض...
أسد- (بعصبية)ماتسولينيش حيت ماغاديش نجاوبك 
نورسين-واخا صافي سمحلي...انا بقا فيا حيت حتى انا مريت من نفس التجربة فاش ماتو واليديا 
أسد-واش ممكن نسولك كيفاش ماتو 
نورسين-انا غادي نعاودليك واخا نتا رفضتي تعاودلي ماشي مشكل...
أسد-سمحيلي ولاكن داكشي اقوى مني...
نورسين-(بدهشة)مالاحضتيش انك قولتي كلمة سمحيلي ...الحمد لله كان يحسابلي ماعلموكش تنطقها فاش كنتي صغير...(شافت فيه تعصب) صافي صافي بلاما تشوف فيا بديك الطريقة ... 
أسد-(بغا يدير فيها مامسوقش)غادي تعاوديلي ولا نطلع نعس...
نورسين-لي بغيتي صافي سير تنعس
أسد-(تفاجئ من ردها ) هاه ااااام.. طارلي نعاس فجئة ...عاوديلي انا نسمعك...
نورسين- غادي تصدقني الى قلتليك انني بقيت فاطبيب لمدة عام كامل بأعيادو وبمنسباتو...
أسد-ولاكن علاش ...
نورسين- انا كنت مع بابا وماما نهار لي دارو الحادثة بالسيارة ...هوما ماتو وانا بقيت عايشا .. ماكرهتش كون مت معاهم وخداوني للمكان لي هوما فيه على الاقل ماكونتش غادي نتعدب بزاف بحال دابا ....بقيت فالمستشفى شهراين حتى فقت من الغيبوبة (ناضت وتكات على الطبلة) وعانيت بزاف فاش عرفت بخبر موت وليديا الشي لي خلاني ندخل فأزمة نفسية خطيرة بقيت فالمصحة النفسية لمدة طويلة وكانتنقل من عيادة لعيادة حيت كنت كاندير ترويض لانني كونت مهرسا من عنقي ومن رجلي ويدي وكانت مضروبا فكرشي ماخرجت من المستشفيات ورتاحيت منهم نهائيا حتى كنت كرهت الدنية بلي فيها واكتر حاجة كرهتها هي نفسي فاش لقيت راسي ضعيفة امام بنت عمي لي تجبرات وتقوات عليا (كاتبكي) 
ماستحملش دموعها لكريسطالية وناض عندها وجرها عندو وضمها بقوة ولاول مرا غادي تحس بحضنو ولاول مرا غايكون قريب ليها لهاد الدرجة حست بنبضات قلبو بين ضلوعها غمضة عينيها ورفعت يديها ببطئ ولامسة ضهرو لعريض وحست بانقباض عضلاتو ...شمت ريحت عطرو لمخلطة بريحة السجائر ...بينما هوا كان مغمض عينيه ونيفو بين خصلات شعرها وكايستنشق عبيرو بعدها عليه باش يتملك انضارها وقبلها من خدها وسط صدمتها قال بلطف

أسد-ماتبكيش عويناتك زوينين مايستاهلوش 
نورسين-(غوتت من كترت الصدمة) اااشنو درتي..
اسد-(مافاهم والو) هاه شنو درت...
نورسين- سرقتيلي اول قبلة 
اسد-(ربع يديه وكايشوف فيها بسخرية) وشنو بغيتيني نديرلك...
نورسين-ردلي ديالي اشفاار...
اسد- واخا(حشا يديه فجيبو وجبدها وهوا ضام قبضت يديه) هاكي شدي...
نورسين-شنو غانشد
اسد-شدي قبلتك الاولى ...
نورسين-(باستياء) واش كاضحك عليا كانبانليك انا برهوشا هاه....
اسد- واخا شدي (قرب منها ورجعليها القبلة على نفس الخد)
نورسين- (تافجئة وبغضب قالت) دابا سرقتي جوج المنحرف...
اسد- ااه واخا صافي...(قرب عندها وقبلها من جبهتها جوج مرات وشدلها فمها بيديه وقال) شووو سكتي الى زدتي هضرتي غانسرقهالك من بلاصة خرا ادن ماتزيديش تهضري ...
وهوا قريب منها وفوسط الاضائة الخافتة سمعو صوت شي حد كايحنحن..
آيلا- احم احم ....سمحولي الى جيت فشي وقت غير مناسب (بابتسامة ماكرة) انا اصلا جيت غير باش نشرب ونرجع نعس...
نورسين- (بخجل وكاتحاول ماتشوفش فأسد) لا لا حتى انا كنت باغيا نطلع نعس...

طلعات كاتجري وموراها أسد حتى دخلات لغرفتها لاكنو وضع رجليه فالباب قبل ماتسد الباب ودفعها تحلات...
نورسين-اشنو كادير سير تنعس ...الى شافونا غايفهمو غلاط...
أسد- تبعتك حيت ماكملتيليش قصتك...
تورسين-صافي كملات والنهاية التعيسة درتيها نتا اسي اسد افندي نهار حبستيني عندك هنا...
أسد- (بسخرية) غاندير راسي ماسمعتكش لاكن راكي كاتساليني 3 قبلات خصني نرضهوم ليك...
نورسين-اشنوووو ...منحرف سير تنعس ولا غادي نمشي نوض مي عيشة...
اسد-(بسخرية)صافي صافي بغيتيها تنوض علنا جوقا ...اجي خلينا نتفاداو انني سرقت منك 3 ديال لقبلات فدقيقة وحدا...كونك بنت ...واش هادشي مالمسش مشاعرك بحال كاع لبنات ...
نورسين-(بعدم اكترات ) واش كونتي كاتسناني ندوب بالحشمة ... انا ماشي من داك نوع ..انا ماغادي نحشم الا امام الشخص لي كانبغي وماشي امام رجل كايستهين بمشاعري على اول قبلة وكايتباها بيها...انا تمنيت نهدي قبلتي الاولى للشخص لي نكون نبغيه لاكن لاكن ضيعتي كولشي على حمق كيف داير...
اسد-(همس فودنها بنبرة ساخرة)انا شرير...وفرحان حيت سرقت اول قبلة وثاني قبلة وثالت قبلة ولاكن مازال ماحسيت بلانتصار العضيم حتى ناخد القبلة الحقيقية (قرب من شفايفها وسط صدمتها ماتزعزعتش من مكانها ...شاف فعيونها وبتاسم ابتسامة جانبية وقال بصوت خافت)
اسد-تصبحي على خير اعدوتي...(خرج وسد الباب)

نوجرسين- (من بعد ماخرجت من صدمتها وقفة كاتطل من سرجم)مافهمتش ديك اللطافة لي ولات فيه فين هوا هداك اسد لي كان كايعاملني خايب ولي كان كايدير المستحيل غير باش يهيني ويستمتع بدموعي ...تبدل بزاف مابقيتش كانعرفو ...تمنيتو يرجع كيف كان حيت ...كانحس براسي حتى انا مابقيتش قادرا نكرهو ...فاش كايكون قريب ليا كانفرح بزاف عكس قبل ماكنتش كانحمل نشوف فيه ... واش زعما حتى هوا يكون حاس بشي حاجة من جيهتي ...يعني حتى هوا قلبو كايضرب بسرعة غير كايقرب ليا .... اااه اش كانخربق ...هوا راه رجع لخطيبتو لحقيقية يمكن غير انا لي غالطا ... خاصني نحاول نقتل هاد المشاعر باي طريقة...(كلست على سريرها) اووف منك اعابد ...انا راني غير انسانة وعندي قلب ماشي حجرة 
_____________________

في الزنزانة

بقيت مضاربا ديك الليلةغير مع الاسئلة لي محياراني وطيرت نعاس من عينيي ...فالغد كان يوم عادي ضحكت من كل قلبي على نكت ابراهيم ودباز ايلا و مراد كايجيوني هاد جوج بحال المراهقين محمد تحسنت حالتو شوية لاكن ماقدرتش نقرب ليه حيت كان كالس فالحديقة وساهي مابغيتش نعكر مزاجو تغدينا وفلعشية بقينا غير كالسين انا كونت كانقرا كتابي المفضل ومي عيشة كاتفرج فالمسلسل ديالها وايلا كانت كالسا كاتفرج مع مي عيشة وخالتي مريم كاتبرد دفارها اما محمد وبراهيم خرجو ...شوية وحنا كالسين حتى دخل اسد ويدييه فجيابو سلم علينا وكلس كونت كانشوف فيه مرا مرا مكانبغيش نطول فيه نضرة باش نبان رزينة ههه كلس شوية وناض اودعنا قالك غادي يسافر خارج لبلاد ... تسعقت فاش سمعتو غايسافر خليتو حتا طلع لغرفتو وجريت ايلا ورغبتها باش تقوليه يديني معاه حيت كونت باغيا نعرف شكون هادو لي غادي يطلاقا معاهم درت لي فجهدي باش قدرت نقنع ايلا وقلتلها بلي ماكانقدرش نصبر بلامانشوفو وتمسكنت عليها حتى وافقت تعاوني ...جريتها حتى لباب غرفتو ضقيت الباب وخليتها وهربت دخلات عندو وسدت الباب ماعرفتش شنو قالتلو حتى وافق عندها تئتير كبييير عليه ...خرجت عندي ولقاتني كانتصنت مور الباب خلعتني حيت يحسابني هوا ...وبشراتني بلي راه قبل وقالتلي نمشي لغرفتي نتسناه يجي عندي وداكشي لي درت... 

_________________________

اسد-(دق الباب قبل مايدخل) مادموزيل نورسين واجدا

نورسين-(دارت راسها مافاهماش) فين ...مافهمتش شنو كاتقصد

اسد- (شاف فيها وعلا حواجبو ) شحال عطيتي لختي باش قنعتيها دارتلي حريق الراس باش نديك معايا 

نورسين- حيت شافت خوها مشاعرو جافة وعنو فقر فالرمنسية فقالت علاش مانعاونش خويا ونسقي مشاعرو قبل ماتموت

اسد-(تنهد بملل) سربي جمعي حوايجك

نورسين-(وقفت بحماس) ماتخافش مجموعين

اسد-يعني كونتو متافقين نتي وياها

نورسين- عرفتي بقات ترغب فيا وانا كانقولها لااااا خليه يمشي بوحدو بلاما نصدعو ولاكن هي بززات عليا وقالتلي نجمع حوايجي 

اسد-(شاف فيها وعاقد حواجبو وعلى ملامحو الدهشة) كانحس بشي حاجة مااشي هي هاديك ولاكن ماشي مشكل سربي راسك

نورسين-ماقلتيليش بعدا فين

اسد- بريطانيا ...بضبط لندن 

نورسين- واااااو لندن مدينة الضباب ياسلااام ..

_______________

وصلو للمطار وكان فيه زحام لدرجة ان الجميع كايسطادمو باكتاف بعضهم ..كانت نورسين ضعيفة وكانت قريبا تختفى من كترت زحام لاكن اسد تمسك بمعصمها باش يتفاداو الاصطدام ...وصلو امام باب الطائرة الخاصة بالدرجة الاولى نداهشات نورسين من شدة جمالها وصغر حجمها وكبر جناحيها...كانت مشغولة فالتحديق لهدا شد اسد فيديها وطلعها ..دخلت داخل الطيارة وادا بالمضيفة بتاسمة ليها بكل رقي وتمنات ليهم رحلة هانئة ...ماقدرتش ترد عليها من شدة دهولها شي لي خلا اسد يقربها عندو خاف لاطيح من طيارة لي مازال ماتسدت بابها كانت دراعو ضامة ضهرها بينما هي كاتشوف فيه باستغراب ...

نورسين- مالك...

اسد-(رفع حواجبو بانزعاج وحيد دراعو من بعد ماتغلقات بوابة الطائرة ) ماتسهايش بزااااف (كلس على مقعدو المريح اما هي بقات كاتشوف فيه بتشتت غير شافها غمض عينيه بتعب)

نورسين-فين غادي نكلس

اسد-غير الله يحفض غادي طيحي بينا هاد طيارة اجي كلسي قبالتي باش نبقا مراقبك

نورسين-انا ...انا كانخاف من طيارات كاندوخ بزااااااف 

اسد-واش نزلو نمشيو على رجلينا غادي نوصلو لعام جاب بادن الله 

نورسين-صافي غادي نصبر ...ولاكن كاتجيني دوخا وكانمرض

اسد- غادي نعتاني بيك صافي

نورسين- غادي تمل

اسد- غادي تقلع طيارة بعد دقائق اشنو هوا شعورك 

نورسين-قلبي طالع...ودوخا...اناا

اسد-(شاف فيها وخاف عليها )اجي...اجي كلسي حدايا

ناضت باش تكلس حداه ...شاف فيها ولعرق فجبهتها بسبب الارتباك وقال بسخرية

اسد- كاتخافي من ضلام وكاتخافي من طيارات ...اشنو مازال ماعرفتش عليك

نورسين- مكانخافش مكانخافش غير شوية ديال التوتر

اسد-مزيااان. الى بغيتي تنعسي ماعليكي غييير...(ضغط على واحد الزر خلف المقعد ورجع بحال سرير وسط دهشة نورسين وضع يديه على جبهتها وقال)الى حسيتي بشي حاجة اولا حتاجيتي لشي حاجة ضغطي على الزر الاحمر لي امامك

نورسين-(حست بالراحة)امممم...الله على راحة كانتمنى نبقى على هاد الحالة واخا تقلع طيارة 

سمعت صوت الطيار كايقول سنقلع بعد 1 2 3

رتافعات الطيارة اودعت سطع الارض شي لي خلا نورسين تحط يديها على فمها من شدة دوخة ...ناضت من مقعدها ومشات كاتجري للحمام ..ناض موراها اوقف مور لحمام كايستامع لصوت تاوهاتها لي كادل على انها داخت بزاف 

اسد-نورسين واش محتاجا لشي حاجة ...الماء مثلا

ماجاوباتوش وكملت افراغ معدتها الفارغة ...قرب اسد من الباب بقلق وكايدق فالباب 

اسد-حلي لباب نورسين باش نشوف شنو نقدر ندير باش نعاونك

لمس الباب بخفة ولقاه اصلا مفتوع ..دخل ببطء ولقاها كالسا على الارض ووجهها امام المرحاض ...كانت صفرا وباينا عليها مريضا كلس على ركابيه امامها ورفع شعرها الاسود الحريري من على وجهها بينما هيا كاتحاول ماتردش قدامو ...شاف اسد ان نورسين عندها شحال من نقاط ضعف لاكنها قوية رغم رغم ضعفها الجسدي والنفسي ...هي ماشي من دوك لبنات لي غير كايوقعو فحبو كايدعسو على كرامتهم باش يتبعوه ..تعجب من هاد البنت كيفاش عندها كل هاد القوة رغم انها عاشت تقريبا نفس ضروفو مسح على ضهرها النحيل براحة يديه ..

نورسين- (همست بصوت خافت) مابغيتكش تشوفني على هاد الحال ...غادي نحشم غير نتفكر هاد اللحضة

تجاهل كلامها ووضع راحة يديه على جبهتها لعرقانا

اسد-حرارتك ولات مرتافعة واش غادي تقدري تصبري هاد ساعات لي باقين

نورسين-انا ماشي ضعيفة لهاد الدرجة

اسد-(بسخرية وفنفس الوقت بقلق مراقبها وكايمسح على ضهرها) بصااااح بااااينا

نورسين-خرج ..حتى شي بنت مكاتبغي ت...

اسد-(ستغرب) كملي...مكاتبغي اش

(حتى شي بنت مكاتبغي يشوفها الرجل لي كاتبغيه فهاد الحالة ) ماقدرتش تكملها وحاولت تنوض للمغسلة بتعب حتى تفاجئة بيديه كاترفعها بسهولة غسلت يديها وشافت راسها فلمراية بتعب وسط مراقبة اسد ليها قالت بتعب

نورسين-صافي سييير..بعد مني خليني بوحدي

اسد-(جاوبها ببرود قبل مايخرج) غادي نجيب شي مسكن تشربيه باش ترتاحي ...كاع ماولفت نشوف جانبك الضعيف ولمثير للشفقة كاتبقاي فيا يامسكينة

مكانش باغي يقول دوك الكلمات ...لاكن لسانو ديما سابقو...وقف بحيرة مور الباب وماعارفش علاش قالها دوك الكلمات وقال مع نفسو اكيد جرحتها بهضرتي ..

رجع لمقعدو ببرودة وغمض عينيه ..بعدما عطاها المسكن وماكلفش راسو حتى يشوف فيها ....شدات منو المسكن وتحركات كلسات فالمقعد لي موراه وخلات لمقعد لي حداه شي لي خلاه يتعصب 

تضلمات سماء وتكدسات الغيوم ...فاق اسد من القيلولة لي دار وضار موراه ولقا نورسين ناعسا وعاقدا حواجبها بتعب شديد ...ناض من مكانو بهدوء وتوجه لعندها وكلس امامها على ركابيه وكايتفحص وجهها المتعب حط يديه على خدها ولقى حرارتها مرتفعة 

اسد- صغيورة ديالي مريضة 

هز المجلة لي كانت حداها وبدا ينش عليها باش يوصلها شوية دلهواء ..همس وكانه كايهضر مع راسو

اسد- سمحيلي...سمحيلي مكانش عليا نقسى عليك بينما نتي ماعندكش طاقة حتى لدباز سمحيلي (قرب منها وقبل انفها وهمس وقال) هادي حيت سرقت سيارة الطاكسي منك وخليتك تفزكي تحت شتاء(قرب منها وقبل جبهتها وهمس وقال بنبرة اعتدار وهوا كايتمعن فجمالها) وهادي لانني خليتك وحيدة فالضلام وهربت منك وماخليتكش تعنقيني فاش كونتي محتاجا ليا(قبل عينيها ليمنية وهمس وهوا كايداعب رموشها الكثيفة) وهادي حيت بززت عليك تمتلي انكي خطيبتي( قبل عينيها ليسرية وهمس بنفس الوتيرة بصوتو لمبحوح )وهادي حيت ستغليت طيبتك وهنتك وتجبرت عليك ولقبتك بصيادة لكنوز(قبل خدها الايسر وعينيه كاتراقب جمالها) وهادي حيت خليتك فوسط طريق تواجهي دياب (قبل خدها الايمن وبهمس قال) وهادي حيت اديتك بزاف وبسبب غروري وجبروتي كونت غادي نتسبب ليك بالموت ومرضتي بسببي وتجرحتي فيديك بسببي ( قرب شفايفو من شفايفها لاكن قاطعو صوت المضيفة ... )

فصل 20

رفع انضارو بخجل حيت شافتو المضيفة وقالت بارتباك
المضيفة-جبت ليكم الاغطية باش تنعسو فراحة ..
شاف فنورسين لي كانت ناعسة ولمس خدها براحة يديه وناض متوجه لعند المضيفة لي كانت كاتهرب من النضر ليه ...خدا الاغطية وبتاسم ابتسامة خلاتها دوب بالخجل وتبعد...وتوجه عند نورسين غطاها ...ضغط على الزر لي فلمقعد حتى ولا بحال سرير ...بتاسم اسد وهوا كايدقق فجمالها الملائكي..وقال بسخرية...

أسد-شدوني بالجرم المشهود...كانتمنى ماتعرفيش انني سرقت منك 6 قبلات ...ولا خباري غادي دوز فالاداعة الوطنية 
هز غطاه ومشا لمقعدو بينما المضيفة دايرا خدمتها وكاتنشر الخبر عند صديقاتها..
المضيفة-عرفتي باسها 6 بوسات وكان كايشوف فيها بعشق وهيام ومع كل قبلة كايعتادر ليها ..سعداااتها محضوضة...
الموضفة 2- واش بصح شفتي هادشي ...راحنا ولفنا بكدوبك...
تكات على الباب وهي فدوامة من الحسد
الموضفة- ماشي صوقي تصدقوتي ولا لا امنيتي 
نلقا راجل مايملش من تقبيلي ويشوف فيا بعينيه كاتلمع بالحب كيف دار هداك الراجل لي قلتلكم ...اااه
الموضفة3- شكون هوا ماتقوليليش سي أسد مالك 
الموضفة1- (تنهدت) هوااا بعينيه..
الموضفة 3-(تعجبت) هداك الراجل من الاغنياء لي فالمغرب ..وكايتسدر الجرائد والمجلات ...سي أسد مالك وحش الشركات..
الموضفة 2- يابنت المحضوضة ...غني ورمنسي ..وجنتلماني ومشهور وكولشي كايعرفو ...بغيت حتى انا بحااااالووووو...هدا ماشي عدل...

هبطت طيارة بسلام على ارض لندن نزل اسد من طيارة اواضع يديه حول خصر نورسين لي كانت واضعا كل ثقلها عليه بسبب العياء 
ستقبلتهم سيارة الوكالة لي حجزها أسد مسبقا ..فتح ليهم السائق الباب 
وعاون نورسين فالركوب وحط يديه على راسها وهوا منتابه باش ماتقيسوش مع الباب ...غير تحركات سيارة وبعدت على المطار نعست نورسين بسبب راسها لي كايحرقها .. لاحض أسد انها ناعسا معدبا وبكل رقي تسللت دراعو مور كتافها وقرب راسها بيديه اوضعو فوق كتفو باش يخليها تنعس فراحة...
طول طريق نورسين مافاقتش وكان راسها كايتهز ماخفاش على اسد مدى تعبها حريق راس ودوخا فدقا وحدا 
شفق على حالتها وبقا فجنبها طول طريق مراقبها حتى وصلو امام الفندق لي كايليق بمقام امثال اسد ...خرج من سيارة وتحنى عند نورسين لي كانت نصف فايقا ...تمسك بيديها بجوج وكاينتاضر منها الاستجابة ..لاكنها ماقدرتش تنوض ..
حس بضعفها وعاونها باش تخرج وادا به وضع يد وحدا مور ضهرها واليد التانية لملم بيها رجليها وهزها بكل جنتلمانية وضمها ليه بكل قوة وتوجه لداخل الفندق والعامل تابعو وهاز الحقائب ..وصل لباب الغرفة وفتحهالو العامل ودخل نحو سرير ووضعها عليه بكل نبل وغطاها ...

_____________________
****في الزنزانة***
انا من الناس لي نعاسهم خفيف ...صحيح كنت مريضة وعيانا ...لاكن حسيت بكل قبلة كاتغلغل دااخل بشرتي 6 قبلات ومع كل قبلة اعتدار سمعت كل كلماتو وحسيت بيها خارج من اعماق قلبو لمساتو ليا خلات حبو ينفاجر فشرايني اهتمامو بيا خلانتي نتئكد بلي وقعت فحبو بدون مانشعر وبدون مايعطي لقلبي مجال يفكر وقعت فحبو وعرفت بلي اسد ماشي عدوي كيف كان يحسابلي تمنيت فديك اللحضة كون كان حدايا عابد اول حاجة كنت غادي نديرهالو هي غادي نهز نفس لكتاب لي ضربني بيه لراسي نهار لول ونحطولو فوسط يديه ونقولو ضرب ...ضربني ...فيقني من هاد الحلم لي انا فيه...وفنفس الوقت كونت غادي نحيدليه لكتاب من يديه ونضربو بيه حتى نخرج فيه كااع اعصابي وغادي نقولو ...انا راني غير بشر ماشي حجر ...عندي قلب وعندي مشاعر...وكنت كانقول مع نفسي بلي محيرني هوا علاش كايهتم بيا ...هوا خطيب بنت اخرى ...ملك بنت خرى.. كيفاش كانفكر بهاد الطريقة السادجة..اكيد غادي يجي نهار لي غادي يسلبوه مني...

بلاتي واحد دقيقة...

أسد عمرو مكان ديالي باش يسلبوه مني...

دوك الكلمات المت كياني ومشاعري بشدة ..حسيك وكأن يد بااااردة عصرت قلبي الجريح حسيت بالنار كاتحرق قلبي ...علاش يكون أسد بالضبط ..علاااش هوا وماشي شخص غيرو علاش اسد بالتحديد علاااش ...
_________________
فاقت بعد مدة ولقات راسها فوق سرير شعرت بالالم الشديد فراسها ..اه شحال كاتكره طيارات حست بشي حد تحنى عندها ولمس راسها وسمعات صوتو كايقولها..
نتي بيخير اصغيورا غير نعسي ورتاحي...

هدا صوت اسد ومادامو معاها غادي تحس بالامان شافت فيه وسولاتو 
نورسين- فقتاش ..فقتاش وصلنا...
أسد-(قاطعها) سكتي وماتهضريش بزاف رتاحي..
حاولت تركز انضارها لاكن كل حاجة فالغرفة كانت كاضور وبعد دقائق شعرت بوجودو فجنبها وقال وهوا كايقرب ليها الكاس...
أسد-شربي...
وقبل ماتسالي هرقت شوية على دقنها وعنقها وبسرعة ستلقات على سرير كاتحاول ترتاح كانت كاتحس بصداع فراسها لاكن ماقدراتش تحددو وفكرت ان وجود اسد بقربها غادي يخفف نصف صداعها القاتل ...حست بانفاسو قريبا ليها وكاتضرب وجهها قالت بضيق..
نورسين- مقادراش نشوف من كترت الالم ..ااسد

ضم راسها لصدرو برقة ماولفاتهاش منو حست وكانها كاطير فوق الغيوم ...عالجها بدفئو وداعب خدودها براحة يدو ...

___________________

في الصباح

فاقت نورسين ولقات فوطا دافيا على جبهتها حيتدها بيديها ولتافتت كاتشوف فاسد لي كان ناعس وهوا كالس على الاريكة ويديه مور راسو ورجليه على الطاولة الزجاجية بتاسمة لا اراديا وتفكرت اول مرا شافتو فاش دخلت عليه للمكتب على غفلة وكان ناعس حيدت لغطا ولمست برجليها الارض الباردة وتمشات لعندو قربت لحداه وتحنات لمستواه

نورسين- واش ناعس بحال شي ملاك ولا غير كايتهيئلي (قاطعها صوتو)

اسد- لا غير كايتهيئلك

نقزت بحال شي قطة من عندو للحمام وشدت الباب

نورسين- (كاتسقل راسها) ويلي ويلي ويلي دابا يقول راني مدلولة (قربتت للمرايية) نورسييين شوفي فيا هداك لي برا عدوك ومجرم خطير (تنهدت بضيق) اشنو كاتخربقي هوا ماشي مجرم (كلست فالارض) انا غادي نحماق راه عتنى بيا الليل كامل كيفاش غايكون مجرم سير ياعابد انا بغيتلك ... ولا بلاش حسن (قاطع تفكيرها صوتو)

اسد- نورسين انا غادي نخرج عندي شي شغال ...راني هضرت مع الاستقبال يجيبولك لفطور فاش تخرجي كولي مزيان باش تبراي مزيان

نورسين- (بوصوت خافت) اوووه ومازال كايهتم بصحتي ناري مشيت فيها(بصوت مرتفع) ااااه واخا شكرا

خرج اسد ودوشات نورسين وخرجات ملوية لفوطة بيضاء قطنية على جسمها ...وقفة امام النافدة وفتحت ابوابها ونطالق الهواء المنعش يغلف روحها ...الجو كان مشمس والسماء صافية جو خرافي وساحر كانت عيونها الزرقاء مغمضة بامعان وكانها كاتستامع لالحان الموسيقى فتحتهم مع تنهيدة

نورسين- هملت خدمتي لي جيت على قبلها وتلهيت مع مشاعر خاوية ماغانربح منها والو من غير الالم خصني نوضع حد لهادشي زدت فيه بلا قياس غادي نراجع حسباتي من هنا لفوق انا هنا باش نخدم ماشي باش نتغرم (تنهدت) خصني نسمي روايتي (احببت مجرما) اااه ياربي بينلي طريق الصح من الغلط....
_____________________

غَرْقَتْ جْفُونِي في عَشق ساحرْ القلوبْ..

رَجْفَه سْرَاتْ في دمّي ..

عْمَاتْ عْيُونِي على كلْ الدروب ..

القلْبْ عَشقَكْ مرّة ..

والعِينْ .. سْكْنَاتْ في عْيُونك .. وما بْقَى لِيها هْرُوبْ..

نَسْمَة سَرْقَتْ مَنْ عْيُونِي النومْ ..

خَطْفَاتْنِي مَنّكْ .. ليِكْ..

وَالرّجْفَة دَمْعَاتْ على قلب حيا بين ايديك ..

لامُونِي فيكْ ..

قَالُوا سَحْرك عسليْ العيون ..

خَطْفَْ اللِّي بَاقِي في قلبك المجنون ..

وأنا روح سَاكْنًة ما بين طَيَّاتْ قَلْبَكْ .. يا سَاحْر القلوب ..

تمنيت ندى اللِّيلَة يْكُونْ مَطَرْ ..

وإذا رْقَصْنَا يْطُولْ السَّهَرْ ..

لِيلَة من ليالينا .. تحت القمر ..

وانْتَ يا سَاحرْ القلوب ..

حْرَقْتِ قلبي .. كيف الجمَرْ..

دَمْعَةْ العْيُونْ عْلَى خْدُودْ الوَرْدْ سَايلَة ..

تبكي ما بِينْ جْرُوحْ وجروح ..

وأنا قلبي لمَّا عْشَقْ ..

عْشَقْ سَاحْرْ مَذْبوحْ..

عَايْشْ ما بينْ غْيُومِي ..

وعْيُونُو بِياّ عَشْقَانَة ..

__________________________

من ديما أسد كان كايتئلم بصمت بسبب مقتل والديه 
من ديما كايخبع أسد ألمو على الجميع باش مايشعرهمش بالخوف عليه 
من ديما اسد كان كايتضاهر بعدم الاكترات لكولشي لاكن فالحقيقة عائلتو بالنسبة ليه هي اغلى مكايملك..
من ديما اسد كايتضاهر بالسعادة لاكن فالحقيقة الحزن كياكل قلبو

بينما هوا كايحلم بديك الكوابيس المزعجة وكاتجيه دوك الموجات العصبية لي من ديما مرافقاه 
لطالما كان أسد مراقب الحالة الصحية لخوه الصغير محمد...
ولطالما كان خايف على علاقة آيلا وعمر ومهتم بيهم لاكن بطريقة غير مباشرة باش مايعيقوش بيه

ولطالما كايخاف على ابراهيم لي كايعتابرو بحال خوه لاكن عمرو مقالهالو وعمرو ماغايقولهالو...

لطالما كان الشخص المراعي لمشاعر الاخرين وكايلاحض نضراتهم الحزينة بسهولة يمكن حيت ولف يشوف ملامح حزنو فلمرايا

جياش المشاعر لاكنو وببساطة كايكره يبين هادشي لان اسد ماولفش هاد المشاعر الجياشة لان طفولتو كانت قاسية ومليئة بالشوائب والدكريات المرعبة

عاقل غير على بركة من الدماء واشلاء والديه بينما محمد صغير كايعوم وسط ديك البركة بعيون مرتعشة ومصدوما ...هاديك الحادتة ماخلاتوش يعيش طفولتو بحالو بحال كاع الاطفال ..كان كايحس بانه مختلف عليهم..
كايلقى صعوبة فالابتسامة ...وكايراقب كيفاش كايضحكو الاطفال من حولو وكايتسائل

يمكن نسى كيفاش يبتاسم ..يمكن نسا كيفاش يخلي الابتسامة توصل لعينيه لي كاتبين بريق للرغبة فالحياة.. لاكن هداك البريق اختفى فجئة ومازال مالقاه لحد الان....
لطالما كان الدرع الواقي ل آيلا ومحمد فاش كانو صغار..
لطالما كان الحنون الدافئ ولطالما كانت دراعو مفتوحة ليهم...
لاكن وبشكل ما دائما الجميع كايخدلوه ...

رغباتو خوفاتو...اه رغباتو...هاديك الرغبات لي كاتتلبسو فالمهماتو...رغبة القتل...رغبة.. القتل ..والمزيد والمزيد من القتل...

هادوك الرغبات لي ماخلاتوش يشوف شخصيتو الحقيقية لي دفنها تحت اكواام حزنو العميق لي مكايفهمو حتى حد ..وماعمرو غايفهمو شي حد..

كوابيس هادوك لي ماتو على يديه
...كايشوف راسو فالمنام و يديه ملطخة بالدماء وامامو بزاااف ديال الناس لي كايئشرو باصابع الاتهام ليه وكايغوتو...

نتا لي قتلتينااا...نتا هوا السبب...

اسد مجرد بشري لي داق طعم البؤس ومازال كايستطعمو ...مجرد بشري...كايحس بالحزن والدنب والخدلان...
لاكن الجميع كايحسابهم بلي كاياكل وينعس ويخدم...ماعارفينش ان فاعماق قلبو اليئس وكايقلب على الملاد يهرب ليه ...

_______________

رجع اسد للفندق وطلاقا مع نورسين لي كانت كاتفادا النضر ليه تغداو جميع فالمطعم ديال الفندق الجو كان ممل ...سالاو الاكل وأسد هز الجريدة وطلقها قدامها حتى ختفات ملامحو على انضارها وتلهى فلقراية على اخبار السوق واسهم البورصا وعالم الرياضة ...تنهدت نورسين بملل وطلقت رجليها براحة حتى قاست رجلين اسد لي نزاعج وحيد الجريدة من حدا وجهو 
أسد-اشوفي فين كاطلقي رجليك...
نورسين-كونت غادي نقوليك سمحلي ولاكن تستاهل...
اسد-(تنهد بغضب) اوووف انا لي حمق جايب معايا برهوشا ...ااااه فين كان عقلي فاش قبلت نجيبها معايا
نورسين-(تحلو عينيها بدهشة) انا برهوشا ...شكون اسيدي لي جا عندي كايرغب باش نمشي معاه..
اسد-لمعلوماتك آيلا راها واحد لبنت غبية ماتمشيش غالطا ...جات عندي وقالتلي قالتلك نهال ديها معاك...يحسابك بلي راني ماعايااااقش بتحرمياتك (شافها حالا فمها) سدي فمك لموت كاضور...
نورسين-(بصوت خافت) اييه عولنا عليك الالة ايلا شوهتينا...
اسد- نتي لي شوهتي راسك
نورسين-(شهقت) هااا كيفاش سمعتيني واش عندك ودنين ولا ردارات ...
اسد- سميهوم كيف بغيتي....
نورسين-(تنهدت بملل طفولي) اساااااااد مليييت
اسد-نوضي ضربي شي ضويرا ...
نورسين-مابغيتش
اسد-ادن سكتي
نورسين-اسد
أسد-اممممممم
نورسين-نعاودليك نكتة...
أسد-لا مابغيتش...
نورسين- اوووف غير سمع هادي....قالك هدا واحد هاهاهاهاها .....
أسد- (بصوت خافت وكايحاول يغطي راسو بالجريدة)اش هاد النكت البايخة ياربي هادي غادي تشوهني فهاد الاوطيل الناس كولهوم كايشوفو فيا
نورسين- سمع سمع هادي ...قالك هدا واحد...جووووج ...تلاتااااا..هاهاهاهاهاهاهاااااا....سمع سمع عاود ....قالك هدا واحد مشا للحمام زلق وطاح وقال اوبلاااا... ناض ورجع طاح وقال اوبلا تانيييييييييييي.....هاهاهاهاهاهاها.......سمه سمع عاود هادي...(كاع لي فالقاعة كايشوفو فيهم) 
اسد-(عاض بسنانو) صافي باراكا سكتي...
نورسين-وااااللله حتى تسمع كاتقتل بالضحك هادي
اسد-(حط الجريدة بعصبية على الطبلة) ملخر شنو بغيتي...
نورسين-احم الحمد لله خطتي نجحات...
أسد- باراكا عليا من دوك لخطاط لباسلين عقلي اخر مرا فين خليتك بسبب خططك ...
نورسين-عارفا وعمرها تنسالي ولامارة مازالة فيدي
أسد-مزياااااان ...ملخر شنو بغيتي...
نورسين-بغيت نمشي للبحر...
اسد-اشنوووووو
نورسين-ل ب ح ر ...
أسد-حماقيتي راه الجو بارد
نورسين-ماشي بزاف وليوم شميشا فصل شتاء مابقالو والو ويدخل وانا هاد لعام ماتبحرتش عاااااافاااااااااك عافاك عافاك عافاك عافاك (بلغوات) عافاااااااااااااك....
اسد-(سدلها فمها بيديه وضار بتاسم للناس لي كايشوفو فيه ورجع شاف فيها وجمع الضحكة) تحركي طلعي لبيتك هزي لحوايج لي غاتحتاجي ولحقيني للسيارة....
نورسين-(بفرحة) يعني غادي نمشيو ....وييييييي (طلعت كاتجري)

أسد-(مصدوم ) من ديما طايرليها لفريخ الله يستر وصافي....

______________
وصلو بجوج لارض الشاطئ ونورسين كانت لابسة ملابس السباحة لي برزت مفاتنها لمخلطة بالالوان ...ربطت شعرها الحريري على شكل ديل حصان ...كانو السائحين الشباب كايشوفو فيها وفمدى جمال جسمها المشدود واحد منهم ناض باش يسلم على نورسين لي كانت كاتشوف فالارجاء بطفولية وبحماس ...لاكن الشاب وقف غير لاحض وجود اسد لي لابس شورط السباحة الاسود مور نورسين وبارزا على معالم وجهو عدم الاكترات والانزعاج......
تردد هداك الشاب شوية حيت خاف من هداك مفتول العضلات أسد لي واقف خلف المثيرة نورسين ...الى كان حبيبها غادي ياكل بعض الكمات والضرب المبرح

حس بالغيرة لان اسد كان مثالي بوقفتو مع نورسين وجاو بجوج كوبل رااائع...لهدا تراجع بارباك عند صحابو ...
اكتر شخص كان متحمس هي نورسين دخلت وسط الماء كاتعوم وتضحك بشكل طفولي...
جاب اسد مضلة وسجادة باش ينعس مرتاح ولفوطا على كتافو ونضارات الشمسية على عيونو نعس تحت المضلة وحار شكون لي غادي يدهن ليه واقي الشمس على ضهرو وماكانت غير نورسين لي كانت كاتعوم بحماس بحالي اول مرا غادي تشوف لبحر وهوا يعيطلها
أسد-نورسيييين
ضارت تشوف صاحب الصوت وادا به اسد ...نزاعجات من تعياطو ليها باستمرار وضورت وجها بانزعاج طفولي 

اسد-نورسيييييييييييييين اجي لهنا

طلعت من لبحر بانزعاج وكلست حداه بينما هوا كان ناعس على ضهرو

اسد-ديريلي فضهري واقي الشمس

نورسين-(شدات العلبة بتوتر وقالت بانزعاج) سير عيط لخطيبتك زوينة ديروليك

اسد-(بنعاس وعينيه مسدودين)كون كانت ماكونتش غادي نعيطليه سربي ديريهلي قبل مانتحرق بالشمس

وضعت الواقي على راحت يديها وبسطاتها على ضهرو ...تفاجئت من ملمس ضهرو الناعم ...امم معلومة جديدة...مررت يديها حول عمودو الفقري صعودا ونزولا ..شعرت ببعض الانضار الموجهة ليها رفعت عينيها وكانو مجموعة من البنات كايشوفو فيهم بنضرات الغيرة والحسد ماكرهوش يتبادلو الادوار معاها قالت بانزعاج

نورسين-(تكلمة بالانجليزية) انا لا استمتع في هذا الوضع لا تنضرو الى بهذه النضرات القاتلة

اسد-هاه قولتي شي حاجة

نورسين- لا واااالو

اسد- ملمس يديكي مريح

دغيا حمارت بالخجل حاولت تنوض من حداه لاكنو فجئها فاش شدلها يديها حتى تشابكو اصابعهم ورجعت كلست فمكانها بقات فجنبو لبضعة لحضات ...ضارت لعندو ولقاتو ناااعس ,,بغات تزعجو وماتخليهش ينعس داعبة وجهو باطراف اصابعها ولاكنو ماتحركش ..حيدت يديها وبقات كاتشوف فيه وتدقق فجمالو وتبتاسم...تقدم عندها شاب وقاطع نضراتها لاسد وقال بتوتر 

الشاب- هل لديك رفيق

فاش بغات تجاوبو تفاجئة باسد ناض بتثاقل وقرب منها وشد يديها وقبلها وشاف فالشاف بغضب ...دغيا فهم راسو هداك الشاب وتراجع وبعد ...حمارت نورسين من شدة الخجل من تصرف اسد الغريب ورده فعلو خطفت يدها من بين شفايفو 

نورسين-(غوتت بانزعاج) اشنو كادير

اسد-(تنهد بملل) بنت هبلة بحالك مملاحضاش اشنو كايضور من حولها

نورسين- شنو كاتقصد

اسد-(بنبرة قاسية) هداك الشاب عاد دابا كان باغي يتقرب منك 

نورسين-(بغيض) وعلاش وكايحسابك بانني مزعجة ... وزايدون مافكرتيش يمكن حتى انا كونت باغيا نتقرب منو 

اسد-(ضحك باستهزاء) وكيفاش غاتبغي تقربي منو ونتي ماعارفاش حتى نيتو الهبلة 

نورسين-(بنفاد صبر) شنو كاتقصد ...هم قول

اسد(بنبرة جليدية ونضرات عتاب ) نضراتو ليك كانت نضرات الرغبة والشهوة لانكي لابسا ملابس فاضحة 

سكتات ماجاوباتوش ...حست بالانكسار...اسلوبو ونبرة صوتو فاش قالها خلاتها تشعر بالضيق القاتل ناضت وخلاتو بانزعاج وتوجهت للبحر ..تجاهلها ورجع نعس عاود وكانه ماعندو حتى شي عبئ فالحياة ...عامت بقوة وهي كاتصارع الماء وكاتبعد حتى لاحضت ان سوتياناتها فوق الماء ومتاجهة عند السياح لي فجنبها ...حضنت راسها بخوف وغطست فالماء باش مايشوفها حتى حد ..بقات معنقا راسها تحت الماء وباغيا شي حد ينقدها والاول مرا غاتحس بالندم حيت بعدت على اسد لو كانت بقات حداه مكانش غايوقاع هادشي ماباغيا حتى شي واحد يشوفها ... كلمات اسد ترددت فودنيها وهي تحت الماء وكاتسارع الموت الفقاعات كايخرجو من فمها وهي كاتقول 

عتقوني ...ماقادراش نتنفس ...عتقوني...

غوت واحد الشاب وهوا شاد فيديه حمالة نورسين وكايعيط لصاحابو لي كانو متفاجئين بينما كايضحك وهوا كايلوح بيها ... قشع اسد هاديك الحمالة لي كانت بين يدين هداك الشاب وحس بانها مئلوفة ..ضحك على راسو وقال بانه مستحيل اكيد غير كاتشبه لديال نورسين ...ورجع للقيلولة لي كان داير 

بينما نورسين كاتحاول تلقا شي منفد ...وهي مازالة حاضنة نفسها بخوف ماقدرش اسد يبعد فكرة ان ديك الحمالة ديال نورسين ناض وتوجه عند هداك الشاب وقال ببرود

اسد- اعطيني اياها

الشاب-(ضحك بسخرية وشاف فاسد بازدراء) جد لك واحدة اخرى انا من وجدها ادا اصبحت لي

ضم قبضة يديه حتى بياضت وعطاه ضربة لنيفو بغضب وغوت حتى نانو عروقو

اسد- اعطيني اياها 

شد فنيفو هداك الشاب وهوا كاينزف وعطا لحمالة لاسد لي شدها من عندو ونزل للماء بسرعة كايقلب على شي اثر لنورسين وعلى وجهو ملامح الدعر

اسد-(بخوف) فينك ...فينك الحمقا (كاينهش) فينك الحمقاااا (بصراخ) نورسييييين (غطس تحت الماء لاكن لا اثر ليها غوت بانزعاج وكمل البحتو عليها ركز بعينيه ولاحض فقاعات الماء كاتفجر فالهواء وقالو احساس لي فقلبو بان نورسين كاتصارع الموت بوحدها تفكر اخر الكلمات القاسية لي قال فحقها وسبح باقوى ماعندو من قوة حتى وصل للفقاعات وغطس تحت الماء ولقا نورسين معنقا راسها وكاتحاول تتنفس ...سبح لجيهتها وشدها من كتافها ورفعها لفوق سطح الماء ...شهقت وهي كاتحاول تتنفس بعدما كانت كاتخنق ..سعلات بقوة وهي بين دراعو وانفاسها كانت متسارعة ..كان خايف عليها بزاف ...وغوت عليها وعاتبا

اسد- علاش مارفعتيش راسك فوق الماء ...واش باغيا تموتي

سعلت وهي مازالة حاضنة نفسها ..تدارك اسد الموقف وعاونها حتى لبست الحمالة ...بدلت مجهود كبير ...لدرجة ماقدرتش تسبح ...حط دراعو حول خصرها وعاونها على السباحة حتى خرجو لليابسة وهوا هازها بين يديه...حطها على سجادة ديالو وهوا كايراقب وجهها المتعب...مسح على جبينها وصولا لخدها البارد ..وهمس وقال بينما كايراقب نفسها المنتضم

اسد- شنو كان غادي يوقاعلو كون...

ماكملهاش وتنهد بتعب وعنق وجهو بيديه وعينيه مغمضة وبلحضة ضمها لعندو بين دراعو وقبل راسها

اسد- لديك المقدرة على اخافتي ايتها السادجة

نورسين-(سعلت وهمست بضعف) قدرتي تنقدني مرا اخرى...شكرا بزااف

اسد-(همس وكايتسائل وعينيه العسلية كاتشوف فيها ببرائة)مرا اخرى

نورسين-(همست بنفس النبرة الباهته) كونت عارفاك غادي تجي

رجعها ونعسها بتعب ...كايراقب شعرها الاسود الطويل لي كان على عينيها...مرر اصابعو بين خصلات شعرها باش يقدر يشوفها مزيان ...قال بسخرية وبروح مرحة وهوا كايداعب خدودها

اسد- كيفاش كونتي متئكدا بانني غادي نجي عندك

نورسين-(بتاسمة بروح متعبة) حيت هادو عوايدك(بادلها ابتسامة جانبية قلقة وهوا كايراقب سعالها وقاطعاتو وقالت) اسد

اسد-همم

نورسين- عيطلي بهداك اللقب زوين

اسد- (ضحك بسخرية وهوا كايلعب بخصلات شعرها بين اصابعو وهمس) عدوتي...عدوتي...
نورسين-(عمرت عينيها بدموع وهمست بسعادة) الحمد لله...ادن انا مازالة على قيد الحياة

ناضت بتثاقل وتمسكت بوجهو الفاتن والخايف عنقاتو بيديها النحيلة ...قبلة جبهتو بشفتيها الوردية الباهته وهمست بوهن وشفايها كاتلامس جبينو لمبلول.. وقالت

نورسين-اسد.....انا ....كانبغيك

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.