حسيت براسي سطل ديال الما بارد تكب عليا....تزيرت مرضيييتش ...معقول مبقاش بغاني...تقلق مني ومن تصرفاتي الاخيرة معاه...انا كنفكر في هاد الهضرة الي قال حتى فاجئني....
سعد : كيف سمعتي ...دي معاك جيداء لدارهم حتى نخرج من المستشفى ونرجع نديها نرجعو لمراكش هيا حاملة وفي فترة حساسة غادي تكرفص معايا ومن احسن تمشي انا نرد لبال لراسي ماشي شي حاجة وماشي حديد عليا نبقا في سبيطار وحدي ياما بقيت وحدي بلى منحتاج شي حد يبقى معايا...اصلا غدا نخرج ....
انا : هنا زمتني عندو الحق مكنتش معاه في اشد المحن ديالو رغم اني خاصني نكون اول شخص قبل من راسو ولذلك جمعت شجاعتي وكل قوتي ونطقت ....مروان يوسف دلال غير سيرو اناغانبقا مغانمشيش..
سعد : دويييت ...
انا : اللاااااا منمشيييش والي بغيتي ديرو... مروان يوسف ديرو اش قلت ليكم...حتى كيبغيو يخرجو ويوقفهم سعد ....
سعد : مروان يوسف رجعوها كيف قلت ليكم...كيوقفو...
انا : مروان يوسف مغانمشيش ...
يوسف : مااااالنا اش كاين الجهل اوه دوختوني اوه اوووه...مغاتمشيش غاتبقاي ..خنزر فيه سعد ...
يوسف : بلى متبلق فيا دوك العينين شي نهار يطيحو ليك في ايديك...شد عينيك عندك ....مرتك حداك مبغاتش تمشي ...غمزو...مهم هاحنا مشينا نجيبو ليك اش خاصك من حوايج...جيداء حاولي دوي مع داركم باش ميبقاوش مشغولين...(اوميت ليه براسي) وخرجو هما ودلال وسدو الباب وانا دورت وجهي لعند سعد لقيتو مخنزر....مشيت قربت ليه....
انا : احم سعد بغي...مخلانيش نهضر ودور وجهو لجيهة لوخرا...
انا : هبطت راسي ...واخة الي بغيتي انا غانگلس هنا فوق الفوطوي في حالة الى احتاجيتي شي حاجة ...
سعد : مبغيت والو شكرا...
انا : ايييه وخا اسي سعد مبغيتي والو واخة عطيني ....في صراحة عندك الحق تقلق 😞...دازت مدة ...عييت وانا نتسرح فوق الفوطوي ..حطيت ايدي على حنكي كنشوف فيه متقلبش گاع ...حسيت بيه نعس وانا نقرر نوض لعندو توحشتو توحشت نشم ريحتو توحشت نتمخشش فيه كيف كان مولفني ...في صراحة هو كان مفششني بزاف ومضصرني ولفني شحال من حاجة وانا في جنبو ويمكن حيت انا حداه داكشي الي خلا هادشي يحيا فيا ونرجع نتوحش لا بل نتلهف انني نعنقو او نشم ريحتو...لقيتني بدون انذار او شعور حداه كنشوف فيه مغمض عينيه ومغوبش كيف عادتو ومرة مرة كتوخزو الضربة حتى كتبان عليه او يمكن كيحلم...حطيت ايدي على لحيتو الي كبرت وزادتو وسامة ورجولة ...كنتلمس فيها شوية بشوية دوزت بصبعي على عينيه يااااه كلشي فيه كيهبل اممم على ريحة فيه قلبي تهز من بلاصتو ملي شميتها يااااربي اش كيوقع ليا....
جيداء : كندوز بصبعي على فمو...لو تعرف قمة الخجل الي انا فيها بداكشي الي تسببت ليك فيه لو تعرف شحال محتاجة تسامحني على التصرف الي تصرفت سمح ليا وبزاف واي ردة فعل درتي عندك فيها كل الحق لكن الي بغيتك تعرف هو انني كنبغيك وبزاف وحتى ولو كنت غانسافر ونبعد معمري كنت غانفكر نرتابط بشي حد من غيرك ...كنبغيك...حطيت صباطي وطلعت فوق ناموسية ..هادشي كنديرو بدون شعور ولا يمكن نسيت...تمخششت فيه وهو ناعس حال فمو وشعرو هابط على عينيه مجايب لدنيا خبار... هزيت راسي بستو في فمو بوسة طويييلة ...خشيت وجهي في عنقو ومن تما مشييت لعالم الاحلام....
هادشي كامل وهيا ماحساش بيه الي مكانش ناعس وانما كان كيمثل النعاس ملي قربت ليه حس بيها وفاق ومن تما دار براسو ناعس باش يعرف اشنو غادير..ابتاسم حيث تمخششت فيه جر لغطا عليهم...يلاه بغا يغمض عينيه حتى دخل المصرفق ديال يوسف كي العجاجة كانت دلال وراه جايبين حوايج سعد الي بغا ....غير يوسف الي مدرم شافهم فهداك الموقف ومع دخل كي العجاجة ما عرف يفراني ولا يبقا غادي ههههههه خنزر فيه سعد ودار ليه باشارة تهضر ندبح الكلبة مك من الوريد...يوسف صرط ريقو ودار نصف دورة ودور معاه دلال وخرجو بعد ماحط ليه صاك فوق الفوطوي وسد الباب.....
طل الصباح بنوره...حليت عيني على سقف ابيض بقيت مدة حتى كنحك في راسي مع المخدة حتى تفكرت اشنو درت اوييلي نسيت راسي اوووف ....يلاه كنتصارع مع نفسي حتى سمعت تقرقيب...دورت وجهي كيبان ليا سعد واقف في الشرجم كيشوووف بعينيه لبعيد...سارح...كيفكر...
نتافضت من الفراش كنحك في عينيا...حس بيا والتافت لجيهتي..كيشوف فيا وعاقد حجبانو حتى حنحن...
سعد : احم كنت كنتسناك تفيقي...يلاه شي خمسة دقايق وغانمشيو وجدي راسك غاندوزو حتى لداركم جيبي حوايجك وغانرجعو لمراكش...يلاه بغيت نجاوبو حتى قمعني...انا خارج نخلص في الاستقبال ولقاك واجدة...خرج وخلاني كنشوف فيه ...علاش مكيعطينيش فرصة نهضر معاه علاش كيتصرف معايا بحال هكا كيعاقبني !!! اففف نضت وقاديت الفراش ودخلت غسلت وجهي وقاديت حالتي لبست مونطويا وتسنيتو...تعطل بزاف قررت نخرج نشوفو...يلاه بغيت نحل لباب ونمشي حتى حلو ودخل بجهد تاتصاطح معايا راسي ضرب في صدرو تا غوت من حر الضربة ...ناااري هذا صدر ولا اشنو...شديت جبهتي...شافني وهز ليا راسي كيتفحصني ..لحضة الي هزيت عيني تلاقاو عينينا...سهيت فيه وهو كذالك حتى بدا كيقرب ليا وانفاسو كضربني ...بدا كيستنشق وعينيه مغمضين ...حط شفايفو على شفايفي يلاه بغا يبدا في القبل حتى كحز وجهو بسرعة وشاف فيا وعينيه خارجين ....بتخنزيرة اشار ليا باش نمشيو...وسبقني ،،جاتني البكية والفقصة والقهرة بغيت نغوت مرضيتش ...خبطت الباب سديتو وتبعتو ....
خرجنا من الكلينيك في اتجاه دارنا وحنا في الطريق كان سايق بينا مروان ...وانا كنت لور وهو حدا مروان....سولتو على يوسف و و ودلال ....
سعد : كيهضر بنفخة ويمكن بزز حيت مروان كاين..كيدوي وكيشوف قدامو ... صبقونا صباح بكري لمراكش غايكونو وصلو...
انا : اه اوك احم....بمرور نصف ساعة حتى كنا في دارنا ...بغيت نهبط...انا : سعد مغاتهبطش...
سعد : غير هبطي نتي وقوليها ليهم وجيبي غير الي مهم من حوايجك حتى لمن بعد وغانرسل مروان يجيب ليك الباقي ...وحاولي متعطليش حيت عيان وبغيت نمشي نرتاح...هبطت دغيا دقيت عليهم حلت ليا ماما دخلت سلمت عليها كان كلشي في خبارها لكن مسالة رضوان حتى حد معارفها من غيرنا حنا فقط ورضوان....دخلت قلت ليها اشنو كاين حسيت بيها بغات طير بالفرحة...مشيت لبيت هزيت لوازم الي مهمة وخرجت عند باب بيتي لقيت راوية شافتني وهبطت راسها...مشيت حتى لعندها ووقفت قدامها...هزت راسها وشافت فيا....
راوية : ختي سمحي ليا بزاف ولكن مكانش في ايدي غير هاد الحل حيث عارفاك لا بل متاكدة مليون بالمية انك غاتندمي ونتي ختي وانا عارفاك كتر من راسي سمحي ليا بزاف....
انا : شفت فيها مطولا مدة بسيييطة قبل منهز ايدي ونجرها لعندي عنقتها وبستها...نتي الي سمحي ليا اصلا كن مانتي مكنتش غانعرف اش درت ومكنتش غانحس انني بنت طايشة في تصرفاتي ومتسرعة في الحكم على الناس بل حتى اقرب ناس ليا...شكرا ليك وسمحي ليا ...زادت زيرت عليا تعانقنا حتى جات ماما وعنقتنا بجوج كتبكي ...بست ليها راسها وايديها وتميت غادية حتى تفكرت بابا بغيت نمشي نسلم عليه يلاه كنخطي خطوة وكنرجع هو شرط عليا منحاديهش ومنهضرش معاه...طلبت من ماما تبلغو سلامي وتقوليه يسمح ليا رجعت عنقتهم وتميت غادية ...يلاه كيف وصلت عند الباب حتى حسيت بايد تحطت على كتافي ...دورت راسي ...تصدمت...يااا ربي ...كان بابا كيشوف فيا وعينيه مغرغرين...انا دموعي نزلو بوحدهم...شوية حتى جرني لعندو وعنقني وانا زيرت عليه...بديت كنتنخصص ونبكي محبستش ...ممصدقاش انه حن عليا ومعنقني هذا بابا !!!؟؟حتى ولا يسكتني...
بابا : مهما طال زمان ومهما كانت الضروف ...الوليدين كيقصاو على ولادهم ولكن الا ومكيرطابو هانتي غير شهور وغاتجربي معنى هضرتي وتحسي بيها...قد ما قصيت عليك في الاخير كتبقاي بنتي البكر طرف مني...الله يرضي عليك ابنتي ...
انا : شديت ايدو وبستها وعاودت...سمح ليا ابابا سمح ليا بزاف...اخر مرة نعصى هضرتك...واخر مرة نقلقك ونقهرك...متصورش شحال فرحت دابا عاد غاد نرتاح في حياتي لهلا يخطيك عليا ابابا...
عطيتو صاك ورجعت سلمت عليهم وهبطت انا وياه حتى وصلني لسيارة...كان سعد كيشوف غير بان ليه بابا جاي معايا وعقد غوباشتو بدا كيخنزر...وهبط سد الباب ديال سيارة بالجهد حتى قفزت من بلاصتي وتم جاي بايديه الي مهزوزة وليد لاخرة مزيرها على شكل قبضة ...بملامح مرعبة ....
جاي جيهتنا بملامح اش نقول الي شافو يقول جاي يخلطنا وموحال نعيشو ليه تحت ايديه انا كلي وليت نترعد ...اويلي ياكما فهمنا غلاط مثلا ههه وناري واش انا في وقت الضحك ...هذا مالو بلاتي بلاتي ياكما كيحساب ليه بابا مخلانيش رجع معاه...هذا الي طاح في بالي وتصرفت بسرعة ونطقت بزربة باش نقد الموقف...
انا : سعد انا غانحط الحوايج في الكوف...( عرفتها ما هضرة ما تا وزة غا غامعرت وصافي) يلاه بابا انا مشيت بست ليه ايديه هنا شافني سعد وبقا مسمر تصدم من شافني سلمت عليه...باس ليا بابا راسي ورضى عليا...
بابا : بنتي سيري گلسي في طوموبيل را البرد انا غانهضر مع سعد جوج كلمات وغايجي...شفت فيه وما شفت بقيت غانبرق حتى حنحن سعد ودار ليا براسو "سيري" مشيت انا وهما بقاو... بقيت حاضياهم كيهضرو ويهضرو او بالاحرى بابا الي كان كيهضر حتى شوية بان ليا سعد كيضحك وو لاااا لااا يعقل باس ليه راسو !!! 😟 اش هادشي 🌚...طبطب ليه على كتفو ورجع سعد لسيارة كيضحك شفت فيه وبديت كنضحك ونبتاسم ليه وحتى هو شافني حتى غمزني ...شوية حتى تقلب ولا يخنزر فيا ...قال لمروان يلاه وانطالقنا...اويلي هذا مالو معايا...غريب امره !! حطيت راسي على الكوسان ومشيت ...شوية سمعت صوت الباب ديال دار الي تسد كنحل في عيني وكنسدهم حتى رجعت مشيت...مافيقني غير صوت تقرقيب في الكوزينة...تشبحت ونضت لقيت راسي لابسة بيجامة في الغوز وشعري مجموع وكلشي في بلاصتو...هاااا بدل ليا 😍... احم نضت من الفراش في اتجاه الكوزينة...وقفت عند الباب...وشفت فيه...قلبي بدا يضرب بالجهد...
انا : في خاطري...ااوووو هنن اححح اربي اش هاذا اش اش نقول توما را مغاتحسوش ومغاتعرفوش وخا نوصف تانعيا خاصكم تشوفو بعينيكم...نرييي ...كان واقف داير طابلية ديال لكوزينة وهو عريان لابس غير شورط ...مضروش البرد وحنا زعما في شهر فبراير ...دمو سخون...اففف ياربي ...بقيت نحنزز فيه ونمتع عويناتي حتى مشيت لعندو كنخطوي وبدون شعور دورت ايديا عليه ومعنقاه من لور وهو حابس مكينفنفش...تسمر دهشر تخلع تزعزع هههع...كنحك راسي على ضهرو ونشمم...اامممم ااااا ااااهه افففف امممممن...الي سمعنا يقول ناعسة معاه مايحيدهاااش طبيب...وايديا كيتحسسو في كرشو وطالعة بيهم حتى لصدرو...خلاني نتلمس على خااااطر خاطري...( امكن عرف بالي لوحم ؟من يدري!!!) شوية حتى شد ليا ايديا وبعدهم ودار لعندي لقاني مسهوووتة مانيش هنا في هاد العالم التعيس...جرني وداني لكرسي...
سعد : احم انا وجدت لينا شي حاجة ناكلوها ماكلتيش ومبغيتيش تفيقي فالطريق باش تاكلي.. هاهو شوية ويوجد...انا كيهضر وانا كنشمشم...دار اشارة بايديه على وجهي قلت ليه اه اه واخة ....مشا رجع كيقطع فشي حاجة فوق البوطاجي حتى لقاني طلعت فوق البوطاجي وكنشوف فيه اش كيدير...
سعد : واااش نتي تسلسعتي في مخك دوزي تگلسي تاتوجد الماكلة...
انا اهاء غير خليني حتى تكمل وندوز نگلس...
سعد : نتي دوزي تگلسي حسن ليك...
انا : كندير ليه لاءح بكتافي ...ماتسوقتش ليه داكشي الي فيا كيقوليا نبقا غير نشوف في حركاتو ....ايديه اش كيديرو حجبانو ملي كيعقدهم ...كيخنزر ولا يغوبش الى عصات ليه شي حاجة ملي كيتزير ولا يبتاسم ابتسامة خفيفة ....حتى من منخرو حضيتو...عينيه فمو ااااه فمو وخصوصا فاش ضرب شي حاجة وزير فمو..ورجع دوز بلسانو...ولد لحرام تايدير ليا الاغراء...ماعقلتش على راسي ... درت ايديا ورا عنقو هز راسو فيا من دهشة يلاه بغا يهضر حتى جريتو بجهد لعندي تا هز ايديه بالخلعة وتلحت على فمو بقجتو ليه...كيدفع فيا وانا وااالو عصيت ايديا ماتو كنبغي نجر فيه النفس ....ناكلو ندغو ...الي كان غير نبرد جنوني...حتى بدا كيتجاوب معايا امكن باش يدير ليا خاطري ...كنجر ليه في شنيفاتو وكنبوس ونمص كل وحدة بوحدها شوية تحولو قبلاتي كنجر ليه فلسانو ونمص ونجبد ليه في ريقو ...هزيت رجلي حولتها ورا ضهرو ورجل لاخرا...حتى تمركزو ورا خصرو...كنبوس ونبوس حتى بديت نخفف في الوتيرة هنا استغل الموقف...وبعدني عليه وهبطني....وشافي فيا بتخنزيرة....
سعد : دوزي لمك تگلسي وهنينا....😡
هبطني وشاف فيا بتخنزيرة...دوزي لمك تگلسي وهنينا 😡 ...حتى تاهوه...ااه اففف...كنشوف فيه بتساؤل...مالك !!! ...مماليش افف هزيتك ونسيت ايدي ولكن اش ندير معاك افف مكتصنطيش دوزي تگلسي ...غوت..يلاااه..انا تخلعت من غواتو حتى غرغرو عينيا...علاش كيعوت عليا وعلاش كيدير ليا هكا ايه غالطة ولكن علاش هاد الجفاء كلو علاش هاد التصرف بغا يعاقبني ميجيبنيش معاه..بقا فيا الحال محسيت حتى هبطو دموعي بزاف بديت كنتنخصص ....
سعد : في نفسو...اففف كن مدرت ليك هكاك كن اغتاصبتك في الكوزينة خليني حتى ربيك بعد على مدرتي اففف هاهيا بدات تبكي صافي غاتخصر ليا البلان كلو كلووو المررررض...دابا علاش كتبكي...شدني من ايدي بغا يديني حتى نترتها ليه...
انا : اهئ اهئ بعاااد مني بعااد نتا مبقيتيش كتبغيني وليتي كتجاهلني علاش هادشي كلو حيت كنت غانمشي ومنرجعش اااا دوي حيث كنت غانخليك ونمشي بعيييد فراسك علاش درت هكاك علاااش من غيرتي عليك اه كنغير عليك بزاااف اشنو في رايك الى شفتيني في التصاور مع شخص معانقين اشنو كانت غاتكون ردت الفعل ديالك...
سعد : جعر...غانقتل ديلمك نتي وياه وبربي منرحمكم...
انا : هااا شفتي شفتي انا تصرفت العكس مقتلتكمش وانما كنت غانخلي ليكم الراحة...والى اكتاشفتي ان داك شخص خويا ومقلتهااااش ليك اشنو غادي تقوول....
سعد : حذر راسو...
انا : هااا ههه شفتي انا رغم انك خبيتي عليا ومقلتي ليا والو حتى شرح ليا يوسف كلشي الا وعذرتك ورغم ذالك تقبلت اي عقاب ديرو فيا الا انك تجاهلني ومتحسسنيش انني مرتك وام ولدك الي جاي في الطريق بغيتي تندمني اااه هاني ندمت حيت تصرفت بطيش ومفكرتش بالعقل حيت تسرعت وضلمتك وكن كتعطيني فرصة نعتاذر منك كن موصلناش لهكا...الى تزاد هادشي بزاف كن اكيد تاواحد فينا مغايبقا مع لاخور...خليك معاقبني...تميت غادية خارجة من الكوزينة حتى حسيت بيه جرني بجهد ولصقني مع صدرو...هز ليا راسي لعندو ...مكانش داير البانضة بايدو الي مريضة دورها على خصري وايدو لاخرا خشا صباعو في شعري وجر راسي لعندو حتى حسيت بطعم ريق دالو في فمي كان كيمتص في ريقي بواحد طريقة خلاتني نسا اش قلت ليه...( ينعل ديلمي انا ) تجاوبت معاه بشكل كبير...حتى قرب لوذني وهمس ليا بصوت مع سخونية انفاسو....
سعد : الى عاودتي لمك زدتي لشي قنت بلى علمي كوني اكيدة غانقتلك ونقتل راسي معاك...بغيت نجاوبو...شششش خلينا في هاد اللحضة فيها غير انا ونتي...رجع لتقبيل ... هبط ايدو الي ورا عنقي لتحت وبغا يهزني حتى حبستو...
انا : ايدك ضراك كيف غادير حتى تهزني...
سعد : متخافيش ماشي مريوة منقدش نهزك...ولكن ايدك...اففف كينبغي نهزك لوي رجليك على كرشي والباقي خليه عليا...اوك...وداكشي الي كان هزني ورجع كيبوس وهو غادي بيا حتى دخلني لبيت وحطني على ضهري وهو فوقي كيبوس فيا بلهفة وانا مخليتش من حقي كنبوس فيه بجهالة...هبط راسو كيبوس فيا كلي وكيحيد ليا في حوايجي وكيتلمس ويبوس حتى تجردت من حوايجي كلهم بقيت ربنا خلقتنا...ماعرفتش علاش حسيت بقمة الخجل وبديت كنضرگ في راسي..لكن معامن حيد ليا ايديا ونزل لصدري كيبوس ويرضع فيه رجعو كلو مطبع بالالوان وهبط لتحت كرشي كيبوس بواحد طريقة تنوض الراگد ...بقينا شي نص ساعة وحنا في القبل والتسخينات حتى ولينا عرقانين وكلهتو بزوج...حس بيا مبقيتش قدرت وهو يوجد راسو بدا في الماتش الاول تعالات اهاتنا وصراخي جهلني بهاد المفهوم ماعرفتش علاش متعطشة ليه لواحد الدرجة متصورش بقينا هكاك حتى وصلت لنشوة اما هو مزال مكمل يلاه بغا يوصل لذروتو حتى سمعنا صوت الباب كيدق بالجهد وصونيت واحد تابع لاخور...
انا : اويلي شكون كيدير هكا...
سعد : حقد كره جعر غضب دنيا والدين تجمعو فيه ..شكون هاد الحمااااار...يلاه كيهضر حتى سمعنا صوت يوسف كيعيط لسعد بالضحك والهضرة برا...
يوسف : سعددد واااصاحبي حل هههه
سعد : ولاو عينيه فيهم دم ....والله والله وبربي وناااااااااااااري بربي تنقتلو ...يوووووووسااااااااف ينعل مك 😡😡😡😡
ناض حاقد كيشوف غير الضلمة وسط منها يوسف ههه لبس البوكسر وشورط ولاح عليه تيشرت دغيا دار شاف فيا...بقاي هنا هاني جاي ...وخرج غادي وكيحك هههههه ....مشا ديريكت حل الباب لقا غير دلال...سعد : فين هذاك الكيدار 😡....
دلال : ماعرفتش سمعك كتغوت من لداخل درت لقيتو هابط من دروج كيجري قاليا جاه تيليفون ومشا...
سعد : بلاتي على مو بلااتي..اجي دخلي...دخلو وگلست دلال في الصالة حطت راسها...اووففف عيييت...سعد : مالكم بحرا جيتو؟؟؟ ...
دلال : بيدما جيتي داني يوسف ومروان ضرنا في المدينة شوية وهبطنا لمنارة حيت ماعطيتيني سوارت الدار...
سعد : حط ايدو على حبهتو ...اففف نسيت خاصني ندير ليك نسخة لسوارت...
دلال : بلاش اصلا مغانبقاش معاكم هنا ديما...واحد الفترة...
سعد : اش كتخربقي نتي علاش مغاتبقايش وفين غاتحركي بسلامة...
دلال : من بعد ونهضرو فين جيداء بغيت نشوفها...عرفتي اشنو غانمشي نبدل حوايجي ونشوفها...تمت غادية وانا نشدها...
سعد : فين باغا تمشي راني سولتك شوفي معندك فين غادية نتي بلاصتك معايا هنا معمرك تحركي من تحت عيني ...بلا متعصبيني ادلال...قالت ليك غاتمشي...
دلال : حطت ايديها على لحيتو...خويا حبيبي انا عارفة واصلا معندي فين نمشي غير غاتكون فترة مؤقتة ....مهم انا نبدل حوايجي وتسناني نتا وجيداء هنا ونهضر معاك....مشات لبيت تبدل وانا دخلت لعند جيداء لقيتها لبست حوايجيها...
سعد : ششش صافي غير بغيت نضحك معاك...اجي مزال مكملت راني كنت كنهضر مع دلال غا بزز ...جيداء : علاش بزز مالك ضراتك ايدك 😟...سعد : لا ماشي ايدي وانما ضرني ضرني...
جيداء : هاا اش قول متخلعنيش...
سعد : جيداءءء اجي لهنا ونقوليك اشنو ضرني ...مشيت على نيتي قربت ليه حتى جبدني لفراش ودارني تحتو...هز ايدي ودارها على المعلم تا قفزت وحيدتها بزربة ....عرفتي اش ضرني...انا تزنگت گاع الوان الطيف دازو في وجهي...يخخخ باااسل
سعد : اححح مزال مشتي البسالة اجي لمك هنا...تلاح عليا بالبوسان...خليتو تا اندامج وانا نتسلت من تحتو ومشيت كنجري حليت الباب وخرجت كنضحك عليه ههههه علم الله كيغاتكون حالتو دابا...مشيت لقيت دلال يلاه خارجة من البيت الي مقابل مع الكوزينة والي ولا ديالها...سلمت عليها ودخلنا لصالة يلاه كيف گلسنا حتى بان ليا سعد جاي ومغوبش شاف فيا وهو يبدا يتحلف...حتى جا گلس حدايا ودار ايديه ورا ضهري....
سعد : اشنو بغيتي تقولي ادلال...
دلال : احم في الصراحة انتا عارف بالي خديت الباك في سن 17 عام اي فسن صغيرة ...وكيف خرجت النتيجة بايام قليلة ...حذرت راسها...وقع الي وقع ومن تما وانا في غيبوبة...ومشا عليا بزاف من ضمنهم تحقيق حلمي انني نقرا في المجال الي بغيت وهو ادارة الاعمال ...انا قررت نكمل قرايتي وطبعا حنا في شهر فبراير يعني في النص الثاني من العام...
سعد : ومن بعد...
دلال : طلبت من يوسف باش يشوف ليا مدرسة فين ندير فورماسيون مدة ست اشهر وندفع لمدرسة العليا للتجارة .... وفي بداية العام جاي غادي نبذا فيها بحكم الميزة باش شديت الباك غادي تخليني نتقبل فيها من الاول...سعد انا عارفاك مغاتبغينيش نبعد عليك ولذالك انا قررت نقرا هنا في المغرب غير غادي نبعد من المدينة وغانقراها في الدار البيضاء وفي كل ويكاند غانجي او جيو عندي بليييز سعد خليني نحقق حلمي بليييز ...
سعد : وفين غاديري لوفرماسيون لولة؟؟
دلال : في الدار البيضاء نيت...بغيت نكسب خبرة ونكون راسي ...
سعد : بشرط...كيف تخرجي بلاصتك معايا في الادارة ديال النوادي...تلاحت عليه عنقاتو ودموعها دايزين...لهلا يخطيك عليا اخويا الحبيب واكيد كيف نتخرج انا معاك حتى لموت...حط صبعو على فمها...ششش...باس ليها راسها...ورجع ضمها ليه...بقينا كنضحكو ....دازت الايام واحد النهار حتى صونا تيليفوني كانت ماما...جاوبتها وياااريتني مجاوبت...علاااااش ارضوااان علااااش 😭😭😭
علااش يا ربي علاش وصلتي راسك لهادشي...جاك صعيب لهاد الدرجة مقدرتيش تحاول...من بعد ما قطعت مع ماما الي بلغتني بخبر سفر رضوان وكون غير سفر عادي ولكن سفر في اي لحضة ضيع حياتو في اي لحضة يجي اتصال يا اما مفقود او استشهد علاش مشيتي لتما علاش ...عارف الوضع...لهاد الدرجة مبقات قيمة لحياتك...الى بغيتي تعاقب نفسك وتعاقبني معاك شيء طبيعي على الاقل فكر في ميمتك الي غاتكويها عليك غاتعيشها الرعب في كل دقيقة تسنا خبر موتك...علاش عيشتي نفسك وعيشتينا معاك هاد الرعب علااش اصديق عمري علاش 😭😭😭...بقيت كنبكي ونبكي وسعد ودلال مفاهمين والو..خلاوني على خاطري حتى حسيت بوجع خفيف في كرشي تابديت نتاوه...
سعد : حبيبتي مالك اش كيضرك...اشنو واقع اشنو قالت ليك هضري راك قلقتيني علاش كتبكي هكا؟؟!!...
انا : بقيت كنبكي واشرت ليه بمعنى انا بيخير...
دلال : سعد هزها حطها في البيت حتى تنفس وتقوليك اشنو كاين من احسن ماضغطش عليها...شاف فيها وضار لعندي...اوكي حبيبتي اجي نهزك...هزني وخا مسكين مزال كيتوعت في ايدو ( في السفالة مكيتوعتش 😂) وداني لبيت ...حطني وتكاني على صدرو بقيت نبكي ونتنخصص على خاطري حتى تفشيت...
جيداء : مم مشا رضوان اهئ...هز ليا راسي عندو كيشوف فيا بتساؤل مفهمش...مشا اختار لموت رغم الي قلتو ليه...رضوان مشا مع الفريق الطبي لسوريا اهئ...رجع ضمني ليه ...ششش حياتي معندك علاش تقلقي ولا تخافي...ولكن هو مشا ومقالش ليا حتى على قرارو ومقالش ليا...يمكن احبيبتي مبغاش الوداع او يمكن جاه على غفلة ...افف وزايدون هما تما كيحميو الفرق الطبية الي كتمشي تما وكيحاولو ما امكن يامنو ليهم الحماية اللازمة متنسايش هما مهمين بزاف كينقذو حياة الناس الي كتعيش وسط الحرب والدمار والاطفال ...والسفر ديالو لتما وانضمامو لفريق الطبي هذا كيشرف هنا اتبت الرجولة ديالو...حبيبتي انا عارف اش كيعني ليك رضوان ورغم انه مدارش فيا القليل وحاول يقتلني الا انني مبغيتش نقدم بيه شكاية ونخرج ليه على مهنتو...
جيداء : كتنخصص...عارفة احبيبي لهلا يي يخطيك عليا...وان شاء الله يكون على خير وميوقع ليه والو...سعد : ان شاء الله متخافيش...زادت عنقتني وتمخششت فيا حتى تنفست شوية...وانا رجعت بتفكيري...
#فلاش_باك
سعد : أور ظنيغ، أتكت غبي آر الدرجة يا، د نكي سنغ بلي إسوسين كان إركازن، و لكن رادسكرغ س اوسان اللي نزري المدة ياد د أور افلاك فاغاغ، و لكن س يان الشرط (( " متوقعتش تكون جبان لهاد الدرجة كنعرف سواسا رجالة ،، انا غاندير بوجه العشرة الي جمعتنا واحد الفترة من الزمن ومغنخرجش عليك ولكن بشرط... تبعد من حياتنا وشوف حياتك بعيد علينا وياريت تخوي المدينة والا عمرك مغاتحلم ترجع لطب فكر بتراجلييت وفكر في مستقبلك و ( قالها بزز منو) فكر في جيداء قبل كلشي...خليت ليك الراحة 😉..ومشا...
#الحاضر....
علاش ارضوان قلت ليك خوي المدينة ماشي خوي البلاد والموصيبة مشيتي لموت برجليك وخا في هادي طلعتي راجل ولكن حرقتي قلوب من وراك ...اففف ياربي دير تاويل ديال الخير...حط راسو على راس جيداء وبقا مدة حتى حس بيها نعسات وقادها مزيان وغطاها وخرج...
نضرا للدلائل القطعية التي قدمت ضد المدعو "جلال الشرادي" قررنا...القضية الاولى : القتل العمد مع صبق الاصرار والترصد في حق السيدة نادية بن عيسى والتي توفيت اثر الحريق الذي شب في منزلها والذي كان من فعل فاعل وبامر من المتهم...وموت اشخاص من الخدم واصابة اخرين بجروح بالغة...نحكم عليه بالسجن 15 سنة اضافة الى خمس سنوات بتهمة النصب والتزوير واستغلال منصبه في الوزارة سابقا،،والسجن خمس سنوات اخرى بتهمة تبييض الاموال وبهذا يكون مجموع 25 سنة غير قابلة للاستئناف او الطعن...رفعت الجلسة....
...بعد ثمان اشهر.....
في دارنا في اگادير فين كاينة حفلة بمناسبة افتتاح النادي الثاني الي شراه سعد في اگادير....وبعد غذا ولادة بنتي الي غاتشرفني خسارة كنت متمنية نولد طبيعي لكن الله كتب عليا ولادة قيصرية 😢....درت اخر لمسات لبست قفطان فوشيا سامبل مرصع بالاحجار بلا حزام حيث بنوتي مخلاتنيش نديرو كتزيرني عهههه...قاديت شعري مزيان ودرت بارفاني بغيت نهز صاكي ونخرج حيث كلشي سبقنا ماما وخوتي وبابا لمكان الحفلة وانا بقيت كنتسنى سعد باش نجي معاه يلاه بغيت نخرج حتى.... اففف نريي عاود تاني يا ربي...اهئ اهئ حتى تقاديت ...نضت بصعوبة...كرشي كبرت بزاف مبقيتش كنقدر نوض رجليا وكلشي تنفخ حتى من منخري اهئ ...تزيرت عاودتاني خاصني نمشي لطواليت...يا ربي مايجيش سعد يا ربي ...يلاه حطيت رجلي عند باب طواليت حتى سمعتو اهئ ونااري درك يبدا 😭😭😭
سعد : حبي البوالة 😂😂
جيداء : سكوووووت سيفحالك اهئ حشومة عليك 😭😭...
سعد : ههههههههههه اجي احبي اجي قرب لعندي وجرني من خصري...غير كنبغي نضحك معاك وينوو على البكاية...جر ليا شنيفاتي بفمو وعضني عضة خفيفة...متقلقيش...
جيداء : دليت شنايفي...نتا سباب شوف كي رديتيني ....
سعد : عارف احبي عارف تاليل ونوري مك البسالة على اصولها...ساليت وطرفت حالتي وخرجت لعندو...جيداء : واش نتا مكتشبعش خليني ارتاح متنساش بعد غدا خاصني نكون في الكلينيك بغيتي تولدني قبل الوقت ...جرني وعنقني ...ان شاء الله تولدي وترجعي ليا بسلامة نتي وبنتي الحبيبة...باس راسي..مشينا...هزيت صاكي وخرجنا ركبنا في السيارة وكسيرا مباشرة لقاعة فين كاين الحفل الي مقام بالمناسبة...وصلنا لقينا كلشي تما استقبلونا...خلاني سعد حدا دارنا ومشا هو ويوسف يسلمو على الناس الي جاو ورجال الاعمال من اقطار البلاد...بقيت كنهضر حتى تزيرت تاني ههههه ميييمتي امتا نولد هدي را نبولة بغات طرطقها ليا...استاذنت ومشيت كنقلب على الطواليت حتى تفكرت هذي القاعة فين دارت بنت خالتي العرس اممم ااااه تفكرت كاينة هنا...مشيت من واحد الممر لقيت طواليت قضيت حاجتي وخرجت...تميت غادية حتى كيبان ليا خيال شخص كان طويل بزاف وضخم الجثة امكن هذا سعد مشيت تبعتو ملقيتش ليه الاثر يلاه بغيت ندور حتى خرجت في شي حاجة وشكون من غيرو...ناااري اسعد حشومة عليك اييي ....دورني قدامو وجات كرشو ورا ضهري وحط ايديه على كرشي ....سعد : فاش فكراتك هاد البلاصة؟؟ بيمن تلاقيتي هنا بالضبط ...دورت راسي شفت فيه باستغراب قبل مترجع بيا الذاكرة لاربع سنوات قبل....
رجعت بيا الذاكرة لاربع سنوات قبل...في هاد البلاصة بالضبط...داك الشخص الضخم الجثة الغريب الحالة الي كان في حالة يرثى لها الشخص الي مشا وخلا عقلي كيفكر فيه من داك الوقت يا ترى شكون هو وعلاش جا في هديك الحالة...دورت وجهي كنشوف في سعد بحال الى عرفت وما عرفت...شافيا وابتاسم...
سعد : انا هو داك الشخص...حطيت ايدي على فمي من الصدمة...كيفااش!! باش عرفتي مم مفهمتش...سعد : ههه بشوية عليك انا بنفسي يلاه عرفت واصلا فاش شفتك اول مرة قلت شايفك فشي بلاصة ووجهك مالوف بالنسبة ليا وخا شفتك وانا مصدوم... ولكن وجهك ترسخ في عقلي بطريقة غير مباشرة وتناسيت من بعد ولكن السيمانة الي فاتت فاش كنا كنتفرجو انا وياك في عرس بنت خالتك وكنتي كتوريني العائلة داز المقطع ديال هاد الممر وجاني بحال ضو ضرب ليا في راسي بغيت ناكد شكوكي قلبت في تاريخ cd لعرس ولقيتو هو تاريخ الواقعة والقاعة نفسها والزمن نفسو يعني اول لقاء لينا كان قبل اربع سنوات يعني نتي حبي من داك الوقت...هههه...شش علاش كتبكي دابا...ناري على بكاية خاصك تفرحي اجي.... دورني وعنقني...جيداء : كنتي في بالي من داك الوقت ولكن الضروف الي وقعت صافي نسيت داك الشخص او يمكن تدهيت ومبقيتش تفكرتو...اوفف ممتيقاش ..مسحت دموعها وشدت ليه وجهو بين ايديها...كنبغييك اعمري...سعد : كنموت عليك احياتي ...يلاه مسحي دوك الدموع واجي نلحقو على ناس وتاكلي شي حاجة عنداك تشربي البوالة...ضربتو لصدرو..بزاف عليك 😞....
دازت الحفلة هديك اليلة كما يجب كلشي ضحك ونشط وغنا وشطح ههه كيف ساالات رجعنا لدار ولغد ليه رجعنا لمراكش وحتى دارنا كلشي جا معايا حيث غانولد الغد ليه رجعنا لفيلا الي خدا سعد والي انتاقلنا ليها مؤخرا فيلا متوسطة وزوينة...اليوم هو اليوم الموعود قدوم اول طفلة لينا..مكانتش معذباني في الوحم كنت كنبغي غير نشوف سعد ولا نعنقو ...بوسات خفاف مكانوش كيقنعوني هههه ...تمددت في البياص في غرفة العمليات ...دخل معايا سعد بلباس المستشفى جلس عند راسي شد ليا ايدي ...حطو عازل بيني وبين كرشي ولكن مرايا فوق راسي الى بغيت نشوف اشنو كيديرو...ولكن من التوثر والخوف مقدرتش نشوف...بدات العملية وكلشي بيخير لحد الان ...دارنا كيتسناو على برا وسعد مرة مرا يبوس ليا راسي ولا ايدي ولا فمي تدعق مرة يضحك ومرة يغوبش ...
انا : سعد حبيبي اشنو كيديرو...واش مزال...
سعد : قمم هاا مزال معرفت اشنو داكشي 😰..
انا : اشنو اويلي مالك...سعد توگض واش نتا الي خاصك توگضني ولا انا...اويلي مالك كتعرق...
سعد : سكتي اوففف اوففف...ها هااا هيا خرجت..مبروك علينا احياتي...
انا : بصح 😍 انشوف،، هزيت عيني كنشوف في الطبيب ملاميحو مكتفسرش كيشوف في البنت الي زرقة وملوي عليها الصرة وفيا وانا كنشوف فيه وفيها...دك دكتور بنت بنتي مالها علاش مكتبكيش مالها اهئ اهئ....
سعد : ششش كالم احبيبة موقع والو...دكتور الله يخليك علاش مكتبكيش....انا : كرزت ليه على ايديه وقلبي كيضرب بالجهد ...لا يا ربي لا اهئ اهئ....
بعد ثلاث سنوات....
جايا كتجري وكتعتر هههه ...مااامي مامييي...هزيتها حتى لعندي ...اوپااا...نعام اروح مامي...ندوشتي هاني اشنو حب الخاطر....
ناديا : مامي ...امتا غاتزي اميتو...
انا : جات ابنتي را سبقتنا فين غانمشيو انا وباباك حتى نرجعو ونجيبوها معانا اوكااي...
ناديا : اوكااي ☺️☺️..سوفي زدو اس سلا ليا...
جيداء : هههنن ار نشوف....
عطاتني نشوف...كان جايب ليها لعبة فيها العاب ديال تمريض وممرضة صغيرة...اويييلي حي طمع ليا في البنت...حطيتها...ناديا حبيبتي اجي معايا...مشات معايا هبطنا لتحت...لعند بابا...انا : بابا علاش شريتي ليها هاد اللعبة ياكما باغي دخلها تاهيا للتمريض!؟ ها راوية كتقرا الطب احسن من التمريض...بابا : اشمن طب داكشي الي كيدير الممرض كتر من طبيب...خلي البنت تربا باش تبغي هاد المهنة..انا : بااابااا... بابا : شش اجي اروح جدو اجي نخرجو برا ندورو انا وياك...ااه جيداء بنتي ...قولي لماماك الصباح غانرجعو لاگادير براكة عليها... انا : بابا بقاو معانا غير هاد اليومين...بابا : لا ابنتي الله يجعل شي براكة عطلة ودازت خوك را عندو القراية وخاص الي يقابلو...مرة مرة نجيو...انا : واخة على خاطرك 😔...اليوم غاديا انا وسعد لافتتاح اخور ههه لكن هاد المرة افتتاح جمعية اقامها سعد بشراكة مع خالتي الي جات من روسيا ملي شدت تقاعد مشات ويلاه رجعت هيا وولادها بصفة نهائية لمغرب ...هادي جمعية كبيرة فيها جوج جمعيات جمعية الصم والبكم وجمعية رعاية المتشردين واعادة تاهيل...كاينة في بناية كبيرة بعد ماتجهزت بجميع الوازم وحتى المنخرطين...جا سعد خداني بالسيارة وخليت بنتي ناديا مع بابا وماما ....بنتي حبيبتي بكري نسخة طبق الاصل من سعد انا غير تصخرت...كنتفكر داك نهار فاش تزادت ...غوتت في اخر لحضة حتى قلنا ماتت خرجتها منا داك النهار لكن اللهم لك الحمد...داز الافتتاح بشكل رائع والحمد لله كانو مساهمين ومتبرعين بزاف...الحمد لله رغم المشاكل الي مرينا بيها ورغم العوائق هادشي زادني نضج اكثر...جيت لهنا لتحقيق حلمي وها انا ذا حققتو خديت الاجازة في القانون بميزة جيدة وحاليا دفعت لماستر في قانون الشغل وبحكم النقطة الي خديت غايسهل عليا نتقبل دغيا...والاهم معايا راجلي الي تشافا كليا من المرض ...وبنتي وولدي الي جاي في الطريق عندي تلات اشهر...الي نبغي نقول هو متياسوش كافحو وجاهدو باش تحققو حلمكم واي حاجة بغيتو توصلو ليها حطوها في راسكم وديرو ثقتكم في الله وغادي توصلو الي بغيتو خودو قصتي انا وسعد عبرة ليكم...
سعد : الي نبغي نقوليكم هو واخة الضلم وخا المشاكل وخا الحگرة الا وربي كبير كنفقدو ناس عزاز علينا لا بل غاليين ولكن بلاصتهم كتبقى في قلبنا كبيرة وعمرها ما تحيد خودو من الي جرا ليا عبرة واستافدو...باسمي وباسم معشوقتي جيداء كنبغي نقوليكم شكرا لانكم عطيتو من وقتكم وتابعتو قصتنا بقلبكم وعشتو معاها كل تفاصيلها شكرا ليكم بزاف الى هنا وتنتهي الحكاية حكاية قصتنا قصة "صمم العشق " كنبغيوكم 🌹🌹🌹
.....بالقرب من جامع الفنا بالضبط في واحد من الباركينغ الكبار الي تما...
وابرااكي براااكي اصاحبي ايييه تم تم يعتيك الصحة...با عروب اجي وفينك وصاحبي من نهار درتي دوك سنان ديال ذهب ونتا مقابل ديك المراية وتعاون معانا اصاحبي ...شد سوارت من عند هذا انا نمشي لطوموبيل لوخرا...شخص : ايييه نتا اجي لهنا...
با صطوف : بلا ميدور...خويا را با عروب عتيه ساروت ممساليش...اجي...واهليي مشطبة كحلة هدي بغا يضيع عليا رزقيي...اش كاين...دار ويارييتو مدار هههه امييمتي سي سعد ههه هانا نعماس...سعد : شد ساروت وحضر عقلك ولا ننن..هاني هاني نعماس با عروب با عروب..ناري ولد لحرام هرب تاني...واخة سي سعد ...كلشي من خيرك علينا اسي...سعد : شاف فيه ورجع دار ...حبيبتي يلاه مشينا....
صمم العشق الجزء العاشر و الأخير
محتوى القصة
التنقل بين الأجزاء