صمم العشق الجزء الخامس

من تأليف Sana mina
2018

محتوى القصة

رواية صمم العشق بالدارجة

لم يكن في يدي الا ان اواسيه اقسم لو وجدت مايعوضه فلن اتردد لكن مابيدي حلية ....مكان في ايدي غير نتلاح عليه ونعنقو بكل قوتي....معنقاه وكنتنخصص تقهرت عليه بزااف اي جبل يتحمل هذا ....بقيت نبكي وانا في حضنو كبغي يدير شي حاجةكنزيد نتشبت فيه ....لي حتى دازت مدة خلاني نبكي على خاطري...فبلاصة منواسيه بركت نحط ليه ....شوية هزيت راسي وشفت فيه درت وجهو بين ايدياتي ....
جيداء : كنت مغنخليكش وخا ماعرفتش اشنو قصتك واشنو لي وراك واخا كنتي غامض بالنسبة ليا فالاول ترددت ولكن قررت منتفرقش عليك تحت اي ضرف كان حيت كنبغييييك سمعتي كنبغيك وعاد دابا فاش عرفت كون اكيد عمرني نتخلى عليك وحتى ولو قررتي تسترجع املاكك او لا فكون اكيد اني معاك فينما كنتي وعمري نتفرق عليك ونتحدى اي حاجة تكون ضدنا حتى ولو كان على حساب اهلي....كنبغيييك....شد ايديا وجرني لعندو وانقض على شفايفي بقبلة كبييييرة حتى تقطعت فينا نفس وبعدني عليه بشوية ...
وكتب ليا فالمذكرة :
سعد : انا من ديك الوقيتة جايا لتلات سنوات وفكل عام كيجي عندي يوسف مرة لنفس البلاصة كيشوفني وكيحاول معايا يقنعني ولكن كيلقى مني الرفض لي حتى جا رضوان او لي نقول لي حتى شفتك من اول مادخلتي لعندي الغرفة فاش اصريتي انك تعاونيني تما شفت في عينيك شي حاجة كتخصني كأنو نتي كتخصيني حاولت نسوس هاد الاحساس ولكن فور مبان رضوان واقنعني حيت كيعرفني تما قررت اني نتعالج فقط لا غير ولكن ملي وليت كنشوفك رجع ليا نفس الاحساس لي حتى تاكدت اني كنبغيك لدرجة الجنون.....
بقينا هديك ليلة على ضحك ودردشة طبعا وسيلة تواصل الاشارات او المذكرة....لي حتا محسيت براسي امتا نعست .... ضربتني لفيقة في الصباح لقيت راسي فبيتي مغطية ....نضت توضيت وصليت ....خرجت نوجد الفطور ....حتى كنسمع دقان على الباب مشيت حليت كان رضوان...دخل ...وليت تنتفتف كنضور بجنابي هنا وهنا لا يخرج سعد من حيث لا ادري وخصوصا فاش فقت ملقيتوش مخلي ليا حتى رسالة مع البارح نعست معقلتش ....
رضوان : احم صباح الخير....مالك شفتك كضوري بجنابك...
جيداء : اممم لا لا والو ....صباح النور ....
رضوان : اممم غاتقولي علاش جيتك عالصباح ولكن ماصبرتش كيف كتعرفي منقدرش منبقاش نهضر معاك او نتي مقلقة مني لذالك جيت نعتاذر على لي ....قاطعتو...
جيداء : ششش موقع والو ماشي مشكيل انا لي سمح ليا مشيت بديك الطريقة ...
رضوان : نونو عادي مديريش في بالك ...ايوى سنفورة ولفتي وحدك مكيخرج ليك جن مكيخرج ليك شمهروش...بالحق نتي غير يخرج تباني ليه يقلب دورة ....ضربتو لكتافو ...
جيداء : الله يمسخك ...فينهي 😒
رضوان : اشكوون ...
جيداء : ديك نعمة الله ...
رضوان : مزال معايا...ايييي ...مشات مشات...ياكما غرتي 🙊....
جيدا : هع هع هعع هع ....اجي فطرتي ولا مزال ...
رضوان : احم وي فطرت مي دابا نخليك انمشي المستشفى يلاه تهلاي في راسك ...تم غادي دار عندي ابتاسم حل الباب وخرج...مشيت كملت الفطور فطرت جمعت دنيا وقررت نضربها لدار بتخميلة اصلا قريب تجي خالتي خاص تجي تلقاها نقية وتعرف اش خلات وراها....بدلت حوايجي ولبست حوايج ديال دار باليين ديال تخمال....بديت كنخمل حتى سمعت صونيت ديال الباب ....مشيت مع حليت الباب مع صفعة نزلت عليا من حيث لا ادري .....

مع حليت الباب مع صفعة نزلت عليا من حيث لا ادري حتى ضربني البرگ للحضة ضنيت ان سعد حصلني دخلت رضوان ولا منعرف ضنيت انو هو 100% شديت حنكي لي عواج من كترت التصرفيق مع سعد ...هزيت وجهي كانت صدمة تلااااتية الابعاد وليت نتفتف گاع سيناريوهات طاحو في بالي ممكن حصل سعد داخل عندي ممكن شاف رضوان ولكن رضوان مغايقول عليه والو ...نسيييت انو عرف بلي مدرتش المعهد لي بغا واكيد عرف اني كسرت كلمتو.....
جيداء : بب ب بابا 😰
بابا : هدي هيا الثقة لي درت فيك اااا علاش كسرتي كلمتي ودرتي داكشي لي قاليك راسك دوي ابنت لحرام دوييييي ....دفعني حتى جيت طايحة ....هايهاي وانااا انااا لي فرحان وداير بنتي غاتولي فرملية وهيا سيدة دايرة ليا القانون ...
جيداء : ب بابا اهئ اهئ عذرني منقدرش ندير حاجة انا مبغيتهاش حط راسك بلاصتي لوكان تحطتي في هاد الموقف اشنو دير ااا كنتي غادير نفس شيء علاش مصر ندير حاجة انتا بغيتيها ماشي انا علااااش ...
بابا : اهااه دابا كتحدايني ياك وصلت بيك لهنا ايوى الالة مبقات قراية لا هنا لا لهيه صافي نساي شي حاجة اسمها قراية سمعتي وغاتجمعي دابا حوايجك وتگلعي قدامي يلاه داااابا...
جيداء : بابا اهئ اهئ منقدرش نخلي قرايتي منقدرش الله يخليك متحرمنيش من حلمي الله يخلي ليك ما عز عليك حن فيا وخليني نكمل حلمي اهئ اهى ...
بابا : كلمتي تكسرت ونتي كسرتيها عرفتي علاش بغيتك ديريها حيت بغيتك تحققي ليا حلمي ملي كنت صغير ولكن جدك لي هو با مخلانيش نديرو قاليك مهنة العيالات حطم ليا حلمي...ودابا جوج كلمات منعاودهمش غاتحركي قدامي لبسي لي كان وزيدي معايا لاگادير غاتبقاي حتى يجي نصيبك وتزوجي قابلي دارك وولادك يلاااه ...
جيداء : لا لااااا منقدرش ....
بابا : هضرت ...
نضت كنبكي ونتنخصص على وعدي وسعدي ياربي يا ربي توقع شي معجزة يا ربي حلمي غايضيع ليا اهئ اهئ ....كيف ندير نعيط لسعد ؟؟ لا لا ايقتلني الى بان ليه اش ندييير مكان في ايدي غير نجمع حوايجي انحاول نطلب ماما واعدتني غاتوقف بجنبي ولكن كن قدرات تقنعو كن مجاش لهنا وضربني وبغا يخرجني اكيد منجحتش فاقناعو.......بقيت كنجمع في حوايجي بشوية بشوية حتى دخل بجهد....
بابا : ساليتي !!!
جيداء : بابا انا مغنمشيش معاك منقدرش منقدرش اهئ طحت ليه على رجليه كنبوس فيهم ونعاود والو محنش فيا حتى شدني من شعري وقفني كنت لابسة حوايجي جرني من دراعي هز صاكي وخرجني بزز مني...
بابا : مغانعاودش هضرتي غاتزيدي قدامي باش تعلمي تكسري كلااامي باش تعلمي ....كنبكي ونغوت وااالو ...سد الباب وهبطنا وهو جارني حتى وصلنا لباب طوموبيل مبغيتش ندخليها ....شافيا....
بابا : دخلي لطوموبيل حسن ليك دخليييي....
جيداء : لا لا ابابا لاا 
بابا : كتردي عليا الهضرة ياك دابا الالة كلمة وحدة نسااااي القراية سمعتي نسايها واول واحد غادي يخطبك غادي نزوجو ليك قلتها وعاودتها وعارفاني مكنتراجعش في قراراتي ...دخلي حسن ليك...
جيداء : لا مندخلش ومغنمشيش معاك وغانكمل حلمي ومستحيل نتخلى عليه....ولي بغيتي ديرو
هز ايدو تالسما غمضت عيني كنتسنى في تصرفيقة اخرة تكمل على مابيا اصلا ولفت كنتسنى غير يطرش ويحيد يهنيني ....بقيت مغمضة عيني شفتو تعطل ونا نحلهم ....حليت فمي معاهم من هول صدمة لساني تقاال عليا يا ربي سلامة .....كان سعد لي شاد ليه ايديه وكيشوفيه بتخنزيرة اقل ما يقال عنها كتنشر رعب في الذات .....

حليت عيني على صدمة تانية ...كان سعد شد ليه ايدو قبل مينزل عليا ....شافيه بابا حيد ليه ايديه بجهد....
بابا : شكون هذا شكون نتا وباشمن حق تشد ايدي شكون نتا !!!!
جيداء : في نفسي ...سع سعد....
حيد تغوبيشة ...شد المدكرة كيكتب فيها شحال عاد مدها لبابا....خداها من عندو...
سعد : انا سمعت كلشي وحتى ملي كنتي كتقوليها اتگلسي في دار ونزوجك باول واحد يخطبك ...شوف انا مامن حقيش ندخل بين الاب وبنتو وهيا من حقها الى بغات تكمل تعليمها وتوصل بطموحها فين بغات وتختار لي بغات تقراه مدام انها مصرة على حلمها فكنضن ان المجال لي بغات غاتوصليه ...وتكوّن صورة ليها زوينة مندخلش معاك في تفاصيل حيث قلت ليك ماشي من حقي ندخل ....وانا كنعرف جيداء حيت رضوان صديق ديالي وفي نفس الوقت طبيب ديالي ....اذا شفتي انها تگلس في دار وتزوج فابغيت منك انك تخليني نخطبها منك ونتزوجها على سنة الله ورسوله وكنواعدك نحطها في عيني ومتنقصها حتى حاجة....شاف فيه....ونطق...اجي وعلاش هادشي كتبتيه ليا في المدكرة ماعندكش فمك باش تهضر !!!( انا كنلوز في عينيا كي الاطرش في الزفة ماعرفاش اش قاليه ) خدا من عدنو المدكرة عاود كتب ليه وعطاه....
سعد : احم سمح ليا حيث حيث عندي بكم مؤقت يعني مسالة علاج ونرجع عادي و....شد المدكرة وخبطها ليه على وجهو....
بابا : اهاء معنديش بنات لزواج شلا بيمن نزوج بنتي بمعاق ...ابتاسم باستهزاء....يلاه زيدي نتي قدامي...
انا عاد فهمت بلي طلبني لزواج ....وبقا فيا الحال بزاف بالنعث لي نعتو بيه على انو معاق .....
جيداء : بابا مغنمشيش غانبقا هنا ابابا....وغانبقا مع سعد وهو بيمن غانتزوج...وحدرت راسي 
بابا : اذن مانتي بنتي ما انا نعرفك ونساي عندك شي عائلة نساااي....ويا وييييييلك لقاك معيطة لمك ولا خوتك نساي داركم بمرة وتزوجي بيمن بغيتي ....
جيداء : لا ابابا لااااا عفاااك لا مديرهاش الله يخليييك اهئ اهئ شديت ليه فايديه ....عفاااك...نترها بالجهد ودفعني كن ماسعد لي شدني كن طحت في الارض ...دار ركب في السيارة ومشا خلاني منهارة كنبكي حتى بغيت نطيح ....هزني سعد بين ايديه وطلعني لفوق لدار...حل الباب ودخل حطني فوق الفوطوي وانا مزالني على بكايا ....شوية طبطب على راسي باسني وضمني ليه حتى بديت نتهدن ...دازت مدة ...هزيت راسي فيه شاف فيا ....بقيت كنشوفيه هزيت ايدي دوزتها ليه على لحيتو ودموعي بداو ينزلو...سعد اصبح جزء مني منقدرش نفكر نبعد عليه او نحيدو من قلبي منقدرش منقدرش هو دابا ولا حياتي واهلي وكلشي ليا من بعد خالتي ورضوان لي متاكدة لا هو لا ماما غاينساوني واخا بابا حرمني من شوفت ميمتي وخوتي...حس بيا سعد خدا مذكرة بعد ماكتب فيها طبعا ....
سعد : نتي دابا وليتي مسؤليتي غير تجي خالتك ونطلبك منها ان شاء الله وحتى الى رفضت وخا منضنش فغادي نخطفك.... مستحيل نخليك بوحدك ولا نتفرق عليك نتي عمري ونتي حياتي وام ولادي مستقبلا نتي عائلتي ومي وختي وكلشي ليا في هاد الدنيا كنبغييييك ....شفت فيه مع ابتسامة ذابلة حيت باقة كنبكي ....رمشت عينيا كنقوليه بيها اني معاك فاي حاجة وبلي فرحانة واخة ناقصة فرحتي....نضت مشيت لبيت بدلت حوايجي وغسلت وجهي حليت الباب مشيت لكوزينة شربت الما وتميت ضايرة حتى لقيتو واقف متكي عالباب ديال لكوزينة هز راسو كيشوووف فيا ...درت ليه اشارة بمعنى مالك...حتى تم جاي وداير ابتسامة شيطانية...وهوووپ هزني ...هذا مالو...لويت رجليا على خصرو ...بقينا مدة كنشوفو فبعضياتنا ...عطاني مذكرة قريتها وانا مزالني احلق في السماء طبعا مع هاد طويل العجلات....(نتي عمري منبغي حتى حاجة تقلقك ليا كوني اكيدة غايكون خير ان شاء الله ثيقي في محبوبك عاشقك المجنون سعد) هزيت فيه راسي باسني في جبيني وحطني....

في اليوم الموالي فقت على صوت تيليفوني كيصوني حليت عيني هزيتو شفت شكون حتى كلقا نمرة ماما كتعيط ليا طرت دغيا جاوبتها....
جيداء : م ماما اهئ يا عمري توحشتك لباس عليك ياكما مريضة هاا..
ماما : اهئ اهئ لا ابنيتي غير توحشتك وعرفت اشنو دار ليك باك ابنيتي غير سمحي ليا مقدرتش نقنعو لي فراسو في راسو انا دابا كنعيط ليك غير من وراه ....
جيداء : ياكما اداك ياكما دار ليك شي حاجة عايرك قولي اهئ...
ماما : لا ابنيتي لا تهلاي في راسك وديري اش بغيتي وصلي لطموحك ومتستسلميش ....
جيداء : قاليك على الولد لي خطبني من عندو ...
ماما : قالها ليا بنتي ونتي عارفة باك مكيعرفش يتصرف ولا يهضر نتي دابا وليتي مسؤلة على راسك والى كان هذاك ولد ناس بغاك من نيتو را غادي يوقف معاك ولي درتيها انا معاك الله يرضي عليك غير حاجة متنسايش علاش جيتي لديك المدينة الله يرضي عليك...وانا فينما لقيت الفرصة نعيط ليك لا انا لا راوية تهلاي في راسك ...
جيداء : ماما...
ماما : نعام ابنيتي...
جيداء : رضي عليا...
ماما : انا مغطياك ومفرشاك بالرضا ...بسلامة عليك انقطع سمعت صوت سوارت...انا نمسح نمرتك را يقدر يقلب ليا تيليفون بسلامة...قطعت...
اعطيت الانطلاقة لدموعي نبكي ونقول مابكيت تقهرت توحشت ماما بزاف كل مكنتفكر انو منعني ونكرني قلبي كيتقطع ....بقيت هكاك كنبكي حتى تنفست ...نضت لدوش توضيت وخرجت صليت ودعيت بخشوووع يسهل عليا الله وينور طريقي ويدير لي فيه خير....حيدت العباية ونضت بدلت حوايجي لبست سروال دجين ازرق غامق وشوميز قصيرة في اللون البلو مارين....ومع عندي ليهونش زاد بسروال دجين مزير عليا ....كيبان فائض الانتاج مثير ...درت ماكياج خفيف ركزت على ماسكارا وايلاينر وغلوص في الغوز بارد تلقت شعري ليوم غاندوزو مع سعد كلو غادي نخرجو وغايديني لگاع الاماكن لي كان فيهم بغا يعرفني على كلشي مر منو ...التمست منو انو بغا فعلا يرجع كيف كان بغا يرجع سعد بن عيسى القديم داك نهار قلت ليه على املاكو واش يقدر يرجعهم حسيتو تزير وليت بدلت الموضوع ...انا معاه على الحلوة والمرة...درت بارفاني وهزيت صاكي خرجت من البيت حتى كنسمع صوت الباب طليت كان فعلا هو اححح يامي يا وييييلي يااا ويل امي زااااز كان بتيشرت في الاسود وفوق منو جاكيط في نفس اللون وسروال دجين وسبرديلا اححح على ديك طولة وتجريدة ....نسيتو حتى كيبان ليا كيشير ميييمتي ههه...مشيت حليت ليه الباب استغليت الفرصة كلبس كونفيرس ديالي ودرت تجاكيط حيت الحال بدا يبرد كنا اوائل ديسمبر ...سمعت دقان حليت ليه الباب اممم على ريحة داير منين كيجبها ....ربما كيشريهم من فلوس لي تيرسليه يوسف...هز راسو فيا حتا كنشوف في سيد من ابتسامة لتخنزيرة ...يلاه بغيت نهضر حتى جرني من شعري بجهددد تا غوت...جبد كلينيكس مسح ليا فمي بجهد دار ليا اشارة كيشير لفموبمعنى هادشي متبقايش ديريه ...شوية كحزني كيطلع فيا ويهبط ...اش تاني خور 😞....كتب في مذكرة وعطاني ...
سعد : غاترجعي تقلبي دورة وسيري لبسي شي حاجة طويلة غطي داك العجب لي فايض من جناب متنااقشيش معايا عارفاني مكنبغيش نعاود هضرتي يلاه تگلعي لبيت ...حطت المذكرة بنتير خبطت رجليا ودخلت لبيت غادية ونهرنن اوف اااف...مشيت لبست واحد شوميز بيضة وفوقها كاب طويل في الگرونة وخرجت عاقدة غوباشتي ...يلاه بغيت نسبقو حتى جرني لصدرو دور ايديه على خصري وحكمني بشدة لعندو خدا مذكرة وقادها مع كمارتي نشوف اش كاتب...
سعد : ملي قلت ليك نتي مسؤليتي يعني راك عرضي وقريب بزااف تولي ديالي رسميا ومنبغييش نلقا داك لبس الناقص وديك لي وراك نشوفها غير انا في الحلال طبعا ودابا متقلقيش مني عارفاني دمي حامي منبغيش بحال هادشي ..طليت عليه من ورا الذكرة وانا مزال مغوبشة وزدت دليت شلقومتي في نفسي عجبنيييي الحال مي ماعليش نتفشش ههه ...حيد لمذكرة حطها وعاود جرني ليه اكثر لينقض على شفاهي بقبلة حب لكن هاد المرة تزادت لادوز ولا يجر فيهم وحدة بوحدة حتى نسينا راسنا بلي خارجين شوية هزني ولوا رجليا عليه ونزل كيكمل في البوسة بقينا نتباوسو حتى لشوية بديت كنحس شي حاجة تحت منني منفوخة مديت ماجبت مي قلقتني غادية وكتزاد حتى دارت ليا طن اوييييلي سيد بدا تيسخن 😨

داركت الموقف وهبطت كنتسلت منو استغرقت وقت عاد وصلت لارض هههع خليتو واقف وسبقتو ضرت كيبان ليا كيمسح على شعرو بابتسامة جانبية سد الباب وتبعني.....خرجنا داني في الاول نفطرو مشينا لواحد الريسطو زوين في شارع محمد السادس فطرنا في جو يسوده الحب والغزل بلغة العيون هاد المرة فضل سعد منستعملوش المدكرة كوسيلة تواصل بيناتنا بغا فقط عينينا لي يهضرو نفطرو في صمت عينيا ولمساتو ليا وقبلاتو لي مرة على ايدي ومرة على جبيني شي وقيتات تيزيغ عليه راسو كيبغي يبدل المنحى لفمي لكن كنردو ههع مكيرضاش كيبقا يتحلف عليا بعينيه ...كملنا فطورنا وخرجنا نتساراو...خدا طاكسي كنت كنضن اننا غادين لشي بلاصة ندورو لكن فاجئني ملي وقف طاكسي قدام واحد العمارة فحي راقي...خلص طاكسي وهبطنا ...تم غادي حتى وقفتو شاف فيا...
جيداء : فين جينا...شد ايدي وتم غادي بيا دخلنا سانسور برك على بوطونة طابق رقم تلاتة وحنا طالعين مد ليا المذكرة...
سعد : غادي نوريك الدار لي خلا ليا يوسف ندخلو ونشرح ليك علاش جينا لهنا شفت فيه غمزني ( اووويلي ياكما بغا للا لا لا اعوذ بالله ) قاطع تفكيري وقوف السانسور وتحل الباب ...دخلنا لدار كانت راااائعة كلشي فيها زوين والغريب انها نقية وبزاف لاحض سعد استغرابي الاستفهام لي بادي على وجهي عرفني كنتسائل....عطاني مذكرة بعد مابقى مدة وهو كيكتب فيها...
سعد : حبيبتي هاد الدار هيا لي غاتولي دارنا من بعد منتزوجو ولبارح خرجت من عند رضوان وجيت لهنا وهو فرح ماشي حيت خرجت من عندو وانما فرح حيث بديت كنديها في حياتي وبديت كنرجع سعد اللول طبعا الفضل كبقا ليه وليك وخا غانبقا معاه على تواصل حيث مزال مكمل علاجي وقريب غايكون عندي عملية على نطق وعلى الكريز لي كتجيني والم لي فودني الحمد لله وخا تعطلت مفاتش الفوت وهادشي كلو درتو على قبلك غانرجع على قبلك وغانعيش على قبلك نتي لي عندي ولكن مندير هاد العمليات حتى تكوني مرتي على سنة الله ورسوله مبقيتش قادر نصبر...مع قريت اخر جملة وليت نصرط في ريقي مكملتش اش كاتب گاع الوان طيف دازو في وجهي ولكن بغيت نعصبو شوية شفت فيه وقلت ليه...
جيداء : اححم اجي نتا بارك وكتخطط ليا مع راسك شكون قاليك انا غانتزوج بيك هاا ....كان كيبتاسم حتى قلبها لتخنزيرة...جرني لعندو بجهدد ماستعمل لا مدكرة لا والو حرك شفايفو بشوية حرف بحرف وانا فهمت اش قال ..
سعد : غ ا ت ز و ج ي ب ي ا ب ز ز (غاتزوجي بيا بزز) مبقاش بغا يكمل تلقني وضار لجيهة لوخرا كيتنفس بجهد حتى حس بايدين معنقينو من لور ...
جيداء : عمري سمح ليا غير بغيت نضحك معاك انا موافقة نتزوج بيك بدون متسولني ...دورني ناحيتو وضمني خشا نيفو فشعري باسني يلاه بغا يدير شي حاجة حتى تلقني وشد ودنيه بزوج شوية هبط على ركابيه وبدا ينين .....
جيداء : سعد مالك سعد سعد عفاك جاوبني دير اي حاجة مالك ...ماعرفت باش تبليت بقا شاد ودنيه كيتالم حتى نزلت دمعة من عينو ....شوية حتى حيد ايديه بغيت نعيط لرضوان شد تيليفون من عندي ودار ليا اشارة بلاش راني مزيان دابا...
جيداء : كيفاش مزيان واش هبلتي خليني نعيط لرضوان...شاف فيا شوفة ناري لاح ليا تيليفون بجهد لارض ....اوك لي بغيتي غير متعصبش تقلقت من ردت الفعل ديالو ... شدني من ايدي وقفني كتب في مذكرة عطاها ليا قريتها ...
سعد : سمحي ليا ماعرفتش علاش كتجيني هاد ردت الفعل كنولي مكنحمل تاحد ومكنبغي حد يقرب ليا ماعرفتش ...قلت ليه ماشي مشكيل ...قاليا غانخرجو ندورو هنا ونرجعو لدار نطلبو الغدا فيها بغا يكون اول غذا لينا فيها بزوج...خرجنا وكانت لوجهة هاد المرة ماعرفتش انتبعو هو....
اعععع اتشووو افييين اش تدير تما اهياوا .
صطوف : اشاوا عند بويا مندييير تووحشتوو...
عروب : شكون هو ...
صطوف : داك طوالة داك خونا ...
عروب : توحشتي العصا نتا ياك عطاك قتلة ديك المرة علاش اهيا تتقلب 
صطوف : واكان مبرعنا فلوس اوديييي اش داني نبقشش عليه انا لي جبتها لراسي اجي شفتو غبر نييت فين اراضيه دابا حتى من لبليصة لي كان فيها ضرب باباها لخلا ...تا من روكي (الكلب) مات مسكين من وراه ايييييه يا دنيا ...واش تتسمعني فينك عروب افين مشا هذااا بغا يضور حتى خرج في حايط ...امي الحنينة اش هاذا شكون بنا هاد الحيط اييي....هز راسو بان ليه سعد كيشوف فيه وحابس الضحكة ...شكون نتا خويا ...دار ليه سعد اشارة بلي مكيهضرش خونا بدا يتوغوش بحال الى عرف ...شوية سعد حدر راسو وهزو بتخنزيرة مرعبة ...غير شافو...
صطوف : هاا هاو هاااو هو هووو هاااوا اوااا وامييييييييييي وناري كن غير دكرت مليار امييي هو والله ايتا هو واعروبببب واعلاااااااق ....

دازت الايام ...من داك النهار لي خرجت فيه انا وسعد مبقيتش خرجت كنراجع غي فالدار ولي بغيتها كنتاصل بيه هو يجبها ليا كنرسليه ميساج حيت شرا تيليفون لي من ليل ليل فاش كنبغي نعس كنبقاو انا وياه بالميساجات .....فالعشية كيبقا معايا حتا يتعشا وكيمشي لكن هدي يومين مبقاش كيجي بزاف ....ناس ،،جيران خالتي بدات كتكتر فيهم الهضرة هو من نفسو قاليا مغنبقاش نجي بزاف احتراما ليا وباش منخافش وحدي كبقا يتراسل معايا او كنبقا نهضر معاه اتصال فيديو فالايمو كيقاد معايا المدكرة ونقرا اش كاتب ...وقاليا الى كنت غانخرج نقولها ليه باش يقوليا فين لقاه كيتسناني فشي بلاصة تكون قريبة باش يمشي معايا حتى نقضي غراضي ونجي ....بعد غدا غاتجي خالتي ان شاء الله من روسيا ...وليوم خاصني نمشي نتقدا باش نوجد نهار تجي مبقاش بزاف خاصني نوجد كلشي لي غايخصني باش نطيب نهار تجي ....رسلت ميساج لسعد منقدرش نخرج نتقدا وحدي ومزال معارفاش فين نمشي كنت كنمشي فقط لافاك خط واحد ولا مكتبة ولا عند رضوان لدار ....جاوبني بلي نص ساعة يرسليا ميساج ولقاه في شارع لي ورا دار خالتي...لبست حوايجي وجمعت شعري كعكة مهملة درت ماسكارا وايلاينر وبارفان كيف العادة هزيت صاكي فيه فلوس كانت مخلياهم ليا خالتي مصرفتش منهم حيت سعد مكيخليني محتاجة لحتا حاجة ملي خرجت من عند رضوان وقبل ميقاطعني بابا كان هو لي كيرسل ليا بحكم المنحة ديال الدراسة معنديش لانو بابا استاذ مسمحش ليا باش تخرج ليا المنحة ...خرجت سديت الدار محتال يرسليا ميساج يلقاني وصلت باش منتعطلوش لكن احيانا كيوقع العكس ... وهبطت توجهت لشارع فين غادي نلقاه غير وصلت لقيتو مزال مجا ...مشيت حدا واحد سطوب بان ليا فيه واحد الكرسي عمومي قلت نتسناه فيه بيدما يجي .....بقيت كنتسناه على مايجي ماغير يوقف عليا واحد شمكار من دووك لي مشرطين حناكهم منضر ديالو كيخلععع وليت نقفقف بغيت غير لمح سعد ونجري عندو والو مبان ليه اثر....حتى قفزني صوت هذاك...
كيفاش الاخت مال تيتيزة واقفة وحدهاا نونسك الحبيبة ...
انا مجااوبتووش ....
سمر لون نعطي عليه مليوون ....معجباتكش هدي ...انقوليك وحدا اخرى ...اووه حبيبي فشيبي ....
انا : الصمت...
الشمكار : ايوى لما بيتيش دوي اش موقفك وحدك خليني نونسك ...جا قبط ليا دراعي...ضرت نشوفيه حتى لقيت سعد وراه كيخنزر ....نااااري مي لا 😰...طبطب ليه على كتفو وضار عندو داك خينا....
شمكار : كاين شي منقضيو الاخ !!!
مجاوبوش خدا ايد شمكار وزولها من على دراعي ...ودار ليه اشارة بمعنى تيسر من هنا ....هذاك تعاند معاه واصلا شمكاار نيت ...عاود حطها ونطق ويااااريتو منطق ...
شمكار : سير تيسر نتا انا كنهضر مع هاد زوينة نتا اش ليك وبااز...محتال يكمل هضرتو جرني سعد وراه ومشا ليه هزو من كول تريكو ولاحو لارض ونزل عليه بالضرب يضرب ويقول ماضربت انا متحركتش وليت نغزل ماشي على الضرب لي كيضرب هذاك وانما على ضصارتي قاليا ماتجي حتى نرسليك ميساج اش داااني اش داني دابا هاهو جعر اش ندير...سالا من هداك خلاه ملاوح جرتيلة وضار جهتي بنضرات نارية متشهيتها ليكم انا ولييت كنحس بالبولة بغات تهبط ليا...جا جيهتي غمضت عيني قبط في دراعي بالجهد وجرني معاه ...طول طريق وانا نطلب وااالو مكيجابش حتى وصلنا لدار ....دار بناقص من بنادم ومن كلشي متسوقش طلعني فسانسور،،، خدا ساروت من عندي وحل الباب دفعني وسد الباب وراه جا لجهتي شدني من الفك ديالي قلبي مبقيتش كنحس بيه....شدني كيشوووف فيا بتخنزيرة ودفعني قبط المدكرة كتب وعطاني...
سعد : علااااش متتصنطيش لاش كنوصيك واش كنقوليك هااا ؟؟!!! ....علاش راسك قاسح ياك قلت ليك ترسليك ميساج باش تلقايني فين قلت ليك علاااش عزيز عليك تخرجيني على طوعي علاش دوي علاش وقفتي بوحدك فداك سطوب واش عرفتي هداك شكون كيوقف فيه ؟؟؟؟ عجبك يجيو ز*** يتبسلو عليك فيه ولا واناااا لي مبغيييتش نبقا نجي عندك احتراما ليك وميهضرووش فيك ناس نجي لقاك واقفة ليا مع شماااكرية صااافي كملت....شي نهار نقتلك ونتهنا راسك قااااسح معامن تشاورتي ياااك قلت ترسليك تااارسليك ودااابا غاتگلعي رجعي بدلي حوايجك بقاي في دار انا نتقدا ليك اش بغيتي ...
تعصبت تعصبت ااااو مالي اش درت گاع لحت عليه المدكرة وتتلقت بالهضرة مسكتش ...
جيداء : هوهوهوووو مالنا على هادشي كلو هاااا ماالي اش درت زدتي فيييه واش انا لي قلت ليه اجي اااا انا اش عرفني بديك البلاصة ديالت المرض زبل ااااش عرفني عيقتي عيقتي عصبية كتييرة فيك منتحرك منفنف عيقتي اش ندير اش بيدي انا ولا غييير شفتيني مبقا ليا حد اهئ اهئ شفتي بابا تبرا مني صافي قلتي ندير فيها ماب...ماجيت فين نكمل هضرتي حتى حسيت بصفعة نزلت عليا حتى طحت ماغير يجي راسي في قنت الطابلة من وراها مابقيتش عقلت اش وقع .....

حليت عيني على ضو ابيض دعقني في عينيا ...غمضتهم وعاودت رجعت حليتهم كانت غالبة عليا ضبابة على عيني ....شديت راسي كنحس بصداع رهيب فيه ...تحسستو كانت فاصمة ملوية عليه....
جيداء : اي ايي راسي اممم...حتى جات واحد البنت على ما اضن فرملية...جات لعندي شافتني وخرجت ...مفهمت والو حتى لشوية سمعت الباب تحل ودخل طبيب ....
طبيب : على سلامتك انسة باش كتحسي (دار واحد الپيل على عيني ) ...غمضت عيني وحليتها...امم مزيان الحمد الله الاصابة مكانتش خطيرة غير شي حاجة خفيفة جا الله من جيهتك...مهم على سلامتك ...خرج وخلاني مزال ممستوعباش اش وقع ليا اخر حاجة عقلت عليها نقاشي مع سعد والصفعة لي عطاني...مزال على تفكيري حتى تحل لباب شفتو جاي جيهتي ملاميحو كدل على الحزن عينيه حمرين وايدو ملوية عليها الفاصمة اش وقع ولكن مبقيتش نتسوق ليه صافي هادي لاخرة معاه عنيف بزاف منقدرش نتواجد معاه وعاد هاد الايام كتر فيه العصبية بزاف ...دورت وجهي لجيهة لوخرا بينت ليه على اني مبغيتش نشوفو عالله وعسا يفهم راسو ويخرج يخليني اش غاندي فاش تجي خالتي وتشوف حالتي رضوان الى عرف واحد فيهم يقتل لاخور وخصوصا رضوان عزيزة عليه ومكيبغيش شعرة تقاس مني وعاد ملي عرف اش دار ليا بابا زاد تكلف بيا اكثر...جا گلس حدايا انا مضورة وجهي كنسمع غير تنفس ديالو كيطلع ويهبط بحال الى بغا يقول شي حاجة لكن عجزو على انه يهضر داير ليه ضغط....خدا ايدي عندو كيبوس فيها ويستنشق ...نترت ايدي بجهد ...بقا مدة ورجع حط ليا مدكرة ....
سعد : مغنقوليكش سمحي ليا مي غانقوليك لي درتيه في حقي انا معاك فيه ...وباش ما حكمتي عليا مستعد نواجه عقابي غانقوليك سمحي ليا مغتشفعش....ضورت وجهي ناحيتو شفت فيه بتخنزيرة....
جيداء : مغانعاقبش لكن لي نقوليك هو الله يسامح انما باش رجع عادي معاك نساها ونساني معاك الله يسر ليك او....مخلانيش نكمل وقف على طولتو كيشوف فيا بشوفة حارقة صدرو كيطلع ويهبط زير على القبضة ديال ايدو...شد واحد الفاز عند راسي هزو خبطو مع الحايط حتى تشتت ...مخفتش منو صافي لي فجهدو يديرو محسيتش بذرة خوف هاد المرة ...ضار شاف فيا شوفة غريييبة وخرج خبط الباب ....ضليت نهار كلو في المستشفى كانت ضربة خفيفة على راسي خيطت غير تلاتة الغرزات فقط ...ولد لحرام كان بغا يشخشخ ليا راس دعيتو الله....نهار كلو مبانش حتى وصلت لعشية سمح ليا طبيب نخرج نضت بشوية كنتعكز حتى تقاديت في الوقفة وخرجت من لكيلينيك حيت هو لي جابني ليه سولت قالو ليا تكلف بكلشي وهو لي خلص كلشي متسوقتش واش غايجي او لا ...خرجت شيرت لطاكسي وكانت الوجهة لدار خالتي غير وصلت طلبت من طاكسي يتسناني نجيب ليه لفلوس طلعت لدار دخلت نجيب لفلوس حتى لمحت البلاصة فين طحت وحداها مرون ودمايات اففف يا ربي ...هبطت بجرا خلصت طاكسي وطلعت نضف داكسي كامل وخا حاسة براسي ثقيييل وصداع قتلني ولكن مع دوا لي خرج ليا طبيب اكد ليا غير يومين ويحيد صداع ومع دوا مغنبقاش نحس ....مشيت لكوزينة درت ليا مناكل باش نشرب دوا ....كليت وشربت دوا دخلت لبيتي ونعست مبقيتش عقلت حتى صبح الصباح....
كنسمع في دقان ديال لباب دعقني نضت حاقدة على الوضعية كنقول شكون والو مكيجاوبش افف تا بغيت نرجع وانا نتفكر طليت من بالكون كان هو شفت فيه دار ليا اشارة باش نحل ولا مغيعجبني حال مقادة علىصداع حليت ليه وخليت الباب محلول حتى طلع ...شفت فيه ...
جيداء : قلت ليك الله يعاونك واش مكتفهمش خليني عليك صافي لي فيا كافيني براكة غير دارنا لي تحرمت من شوفتهم...جا ناحيتي جرني من دراعي وقربني ليه ....عطاني قريت...نتي هيا لي مغنتفرقش عليها طال زمان ولا قصار متخلينيش نتصرف شي حاجة لي تاديك كلمة وحدة قلتها وسعد لي كلمتو كلمة رجال...شفت فيه 
جيداء : مبغيتش مااابغييييتش واش مكتفه...امممم جرني بجهد تلاح على شفايفي صقلت قلبي تهز من بلاصتو بقينا على البوسان...حتى....

حتى دفعتو عليا ...خلاني كنهج ...
جيداء : بعد مني متبقاش تقيسني را غا هضرة قلتها الى مكتفهمش العربية منعرف صااافي لي عندي قلتو ...هاد المرة جرني تاني بجهد مخنزر شرار كيطير من عينيه....بدا كيكتب بسرعة وبعصبية حتى كيطيح ليه ستيلو وكيهزو يكمل وليت نصرط فريقي من اش بغا يقول...مدها ليا ...
سعد : ليوم غاتجي خالتك غدا غانجي منعرفكش طرتي ولا نزلتي غانجي بغيت نهضر معاها ورضوان خليه عليا مهم هيا خالتك سمعتيني والى مبغاتش غانخطفك ولا منعرف اش يوقع غدا الى جيت ومهضرتش مع خالتك ولا لقيتك متصرفة من عندك كنقسم ليك بالله تا ايامك غاتولي كحلة من هناااا لسيمانة غاتولي عندي في دار بصفتك زوجتي بغيتي ولا كرهتي ويااااا ويلك توقع شي حاجة وتكوني نتي مسؤلة عليها سيمانة بالحساب تكوني عندي في دار في الحلال ودابا سيري ديري دواك وارتاحي ....شفت فيه بغيت نجاوب دار ليا اشارة بايدو باش نسكت ومشا خرج خلاني مصدومة فمي نشف ماعرفت باش تبليت اويلي هذا اشنو ناوي يدير اويلي غدايدي ....حدرت راسي ومشيت لكوزينة فطرت وشربت دوايا ليوم صبحت شوية بعدا حيذت ديك الفاصمة لي ملوية عليا ودرت غير سبارادرا في بلاصة الغرزات كيف وصاني طبيب جات تحت راسي جاب الله مبايناش غايضرگها شعري خرجت من البيت ومشيت لصالة كنتفرج حتى دازت شي ساعة ومشيت نراجع الى بقا عندي شي عقل دوزت نهار كلو في الدار حتى وصلت العشية لوقيتة لي غاتجي فيها خالتي على ماعرفت منها ومن رضوان انو رضوان لي غايجيبها هدي هيا وقيتها نضت واخة باقي دايخة شوية مشيت وجدت لگوتي بديك كترة التخمام كنوجد وكنخمم ومرة مرة نبقا ساارحة مرة نبكي تقهرت ....اش ندير في هاد الوحلة لي وحلني فيها وانا عارفاه مدام قال كلمة الا وغايوفيها اشنو ندير من جيهة بغيتو ومنقدرش نبعد منو ولكن من جيهة اخرى منضمنش راسي معاه اش ممكن يوقع ليا خلاف بسيط جعرو ووصلت لهاد المواصيل ياربي....كملت توجاد عيطت لضوان بلغني بلي قراب يوصلو لهنا ماهيا الا نصف ساعة حتى سمعت صونيت خديت نفس عميق تاكدت من المرايا بلي كلشي مزيان ومباين عليا لا توتر لا بكا لا والو وفتحت الباب ومولاها ربي ....غير طلعت خالتي ماعرفتش ماشعرتش حتى تلحت عليها عنقتني كنبكييييي في حضنها تشبت فيها نبكي ونقول مابكيت....حتى من رضوان تصدم بقا كيشوف ....واخا عارف بلي بابا تبرا مني ولكن معارفش اشنو سبب عارف غير على ود خبيت عليه اني دايرة شعبة غير لي بغا هو وبلي عرف مقالش ليه بابا بلي سعد خطبني مزال الان مفراسوش عليه....ولكن ملي شافني كنبكي بحرقة عمرو شاف جيداء كتبكي ديما البسمة على وجهها عمر دمعة نزلت منها جاتو ليوم فشكل تبهض بقا حال فمو....ولكن راني درت گنازة ملي عنقت خالتي....
خالتي : الله يا بنيتي غير اسبوعين لي غبرت گاع هدا وحش توحشتيني....
انا : كنهضر ونتنخصص....خالتي خالتي ت تو توحش توحشتك اهئ اهئ ونتي لي بقيتي ليا ... ....خالتي عييييييت ونتي لي عندي من بعد دارنا ومن بعد ما تبرا مني بابا وحتى من سعد ....
خالتي : كيفاااش تبرا منك باباك !!!
رضوان : مال سعد !!!!.....

بالدعقة ماعرفتش اشنو قلت بعدت من خالتي بقيت كنبلق في عينيا من جهة خالتي مزال معارفة اش وقع بيني وبين بابا ومن جيهة رضوان مزال متعرفش بلي بيني وبين سعد والاهم بلي غايخطبني .....
خالتي : مال داركم!!
رضوان : مال سعد !!
انا : احم اهئ اهئ خالتي بابا......عاودت ليها كلشي مع البكا وتهرنين حتى جرتني ودخلت لصالة گلسنا...
خالتي : بنتي اش نقوليك هو مكانش عليه يدير ليك هكا ولكن اكيد مغايتبراش منك بمرة غير غيتنفس ويرجع وانا نواعدك غادي نقنعو وانا لي عارفة كيفاش نتي متبكيش وديها في قرايتك ولاش جيتي ياك...
جيداء : خ خالتي بغيت نقوليك شي حاجة مي حتا تستراحي ونتعشاو ...رضوان غاتعشا معانا...
رضوان : كان كيشوووف فيا بنضرة ممفهوماش نضرة شك تساؤل...ااا احم لا غانمشي دابا مهم خالتي على سلامتك انا مشيت عندي منقضي برا وضروري ندوز لمستشفى نتاكد من واحد الحالة على سلامتك مرة اخرى...جيداء ممكن دقيقة...
انا : صرطت ريقي متوقعة اشنو غايسولني...واخا..
خليت خالتي مشات لبيتها تبدل وترتاح وانا خرجت مع رضوان حتا لتحت قدام الاقامة ووقف ...
رضوان : غانسولك جيني من الاخير صراحة اجيداء دابا خلينا من ضحكي انا وياك هضري بجدية ...كيشوفيا بنضرة صارمة...اشنو بينك وبين سعد!!
انا : بيني وبين سعد 😳...مم...
رضوان : جيدااااء...
انا : احم انا وسع وسعد انا وسعد بغينا بعضياتنا وجا خطبني من ...و....عاودت ليه كلشي طبعا مقلتش كلشي كلشي ....
رضوان : مزيان بغا يخطبك وهذا سبب لي خلا باك يتبرا منك اممم ونتي اشنو بغيتي ...
جيداء : احم انا مواف...مخلانيش نكمل...
رضوان : الله يسر ليك ابنت خالي ..خلاني ومشا مافهمتش علاش قال هكا واش زعما تقلق حيت معاودتش ليه من اول او كيفاش انااا مبقيتش فاهمة والو لا فيه لا فسعد ....من جيهة بقا فيا رضوان هضر معايا بطريقة رسمية كانو معمرو عرفني او كيعرفني من بعيد كاني ماشي جيداء الفتاة المدللة ديالو ...شفت حتا عييت حدرت راسي وطلعت عند خالتي ....تعشينا ومشيت وجدت كاس ديال اتاي وحطيتو...بادرت وهضرت معاها عاودت ليها الهضرة وهاد المرة قلت ليها حتا اشنو قال سعد لبابا واش قاليه وطريقة باش تعامل معاه تصدمت وانما ماشي من رد فعل بابا ...تصدمت من شخص لي كانت ضنت انه ....
خالتي : هادشي كامل طرا فغيابي ...ونتي اشنو رايك وعلاش مصرة انك ترتابطي بيه ونتي معارفة عليه والو...
جيداء : سعد ماشي كيف عارفة سعد عندو ماض وعندو كنية واصل سعد.....
خالتي : الله اكبر ...لا اله الا الله ولا حول ولا قوة الا بالله ....بففف هادشي كامل ...
جيداء : اشنو بان ليك ...
خالتي : كتبغيه ؟ 
جيداء : شكون 
خالتي : 😒...
جيداء : اا اه وبزاف ...حدرت راسي خجلا...حتى شفت ايد خالتي محطوطة على ايدي ...بنتي انا منبغي ليك غير الخير مغنقوليكش شي حاجة نتي كبرتي وغاديا في 19 عام انا تزوجت وانا قدك كملت دراستي وتعينت والحمد لله لقيت الخير فراجلي وقف معايا ...نتي لي درتيه انا معاك ومدام بغيتيه ومقتانعة بيه انا غاتلقايني في جنبك ومسالة باك وداركم خليها عليا وميكون غير لخير انما حاجة وحدة متدهااايش على حلمك لي علاش جيتي في الاصل تفاهمنا...
شفت فيها وترميت في حضنها بقات كطبطب ليا على شعري حتى حسيت بنعاس ونضت استاذنت منها باش نمشي نعس ونستغل الوقت نشرب دوايا...داكشي لي درت مشيت لفراشي تغطيت هزيت تيليفوني لقيتو بغا يطرطق بالميساجات و missed call من سعد ....مبغيتش نرسليه ولا نجاوبو خليه يتشوا ولي يطرا يطرا ماسوقيش عارفة راسي قاصح مكنتصنطش ولكن خليه باش يتعلم وينقص منو داك العنف لي غير مكيتزاد فيه شتان الفرق بين سعد الامس وسعد اليوم ....

اصبح يوم جديد ...حليت عيني كيف العادة مع ممارسة روتينيات الصباحية ...سمعت تقرقيب فالكوزينة ...كانت خالتي لي كتوجد في الفطور دخلت صبحت عليها وعاونتها في توجاد ...فطرنا دوزنا روتينا اليومي شقا وغدا حتى وصل العصر هيا كانت كتفرج اما انا فكنت كنراجع شوي في دروس لي عندي بحكم الامتحانات قربو ...مرة في بوليكوب مرة تلاخيص مرة كنطل في لابتوب مشغولة ...بقيت هكاك حتا سمعت صوت رنة ميساج وصلني طليت كان سعد ...
سعد : ليوم مع العشية جوايه ديك ستة دالعشية تكوني موجودة غانجي باش نهضر مع خالتك وايااك تهضري ولا تكلمي تخليني مني ليها ....
جاوبتو ...
انا : نتا راك عيقتي من العنف لتهديد الى على خالتي هضرت معاها وقلت ليها غاتزوج بيا ولكن مقلتش ليها غاتجي ليوم خلي حتى لمن بعد ويكون خير...حطيت تيليفون درت ليه سيلونص وقلبتو ...بقيت كنراجع حتا وصل وقيت الگوتي خرجت لكوزينة طليت على خالتي لقيتها دايرة نضارات طبية ديالها مدهية مع لابتوب ديالها قلت ليها غانوجد الگوتي غير ترتاح هيا جاوبتني بابتسامة ...دخلت كنوجد حتا سمعت صوت الصونيت ديال الباب يلاه بغيت نخرج نحل حتى نادات عليا خالتي بالي هيا غاتحل ....مكملتش خمسة دقايق حتى كنسمع صوت الهضرة ديال خالتي كترحب بشي حد كتهضر غير هيا هنا تاكدت لي فبالي يعني دارها وهذا الله افف منك اسعد علاااش اهئ اهئ....عيطت ليا خالتي خرجت لعندها حتى لقيتو فعلا هو لي جا شفت فيه شوفة نارية غمزني ولد لحرااام الى بقات فيك راني ماشي جيداء ....
انا : احم نعام اخالتي ...
خالتي : بنتي الى وجدتي گوتي جيبيه ...
انا : وي وجدتو شوية ونجيبو ...شفت فيه كان گالس گلسة سلطان سليمان واثق من راسو كان شيئا لم يكن ....مشيت جبت ليهم الگوتي حطيتو ليهم يلاه جلست حتى...
خالتي : احم بنتي ممكن تخلينا واحد شوية ونعيط ليك...شفت فيها بمعنى علاش...بنتي سعد طلب مني بغا يهضر معايا بيني وبينو سيري دابا شوية ونعيط ليك ...
انا : اهاااه ولاو بيناتكم اجتماعات مغلقة هممم واخة ...احم واخة خالتو انا مشيت نراجع شوية فاش تسالي عيطي ليا...جمعت الوقفة ومشيت ...
دخلت لبيتي كنمشي ونجي نمشي ونجي ماعرفتش اش بغا يقوليها المصنگع اويييلي ورتني تا فخالتي اويلي مالو على حالتو لاش الاسرار لاش اش بغا يقوليها بقيت نمشي ونجي ونگلس ونوقف حتى عييت شي ساعة وهما بزوج كيهضرو....شوية سمعت خالتي كتعيط ليا...حليت الباب مشيت كنجري لعندها...
انا : نعام اخالتي هاني...
خالتي : اجي حدايا ...بنتي سعد جا دق الباب طالب باش يتزوج بيك وعلى ما عرفت منك البارح شيئا ما موافقة وانا هضرت معاه طبعا تواصل بيناتنا مدكرة وتافقنا الى وافقتي العقد يكون من هنا لسيمانة ان شاء الله اشنو قلتي ...
انا : خالتي ...شفت فيه لقيتو كيشووفيا بنوع من ترجي عينيه كيلمعو بزاف كانه كيتسنا الفرج مني ...ماشعرتش حتا نطقت بالموافقة شفتو تنفس الصعداء وابتاسم من اعماق اعماق قلبو ....
خالتي : الله يكمل عليكم بالخير ...والى على داركم يكون خير ابنتي وسعد واعدني انو يوقف معاك فدراستك وحتا انه غايشوف حياتكم بزوج لقدام ويتعالج ويعيش على قبلك نتي وياه ....وانا راك عارفاني انسانة واعية ومنبغيش نوقف في طريقك ....معاك انا ومعاك رضوان حتا هو وعاد غانطمان عليك اكثر انا هضرت مع مماك وهيا قالت ليا بلي هضرتي معاها وهيا راضية عليك وباك خليه عليا...
ارتاحيت نوعا ما من هضرت خالتي ...خلاتني انا وسعد وحدنا وهيا استاذنات باش تمشي لبيتها ...وانا بقيت مع هاد خينا....
انا : شفت فيه بتخنزيرة ...ياك قلت ليك بلاتي هاا علاش كدير غير شوارك ااا علاش عزيز عليك تفقصني مالك مالك واشنو دار بينك وبين خالتي علاش هضرتو ...خلاني نبلبل وهو كيشوفيا حتا جمع الوقفة وجا حدايا ...هز مدكرة كتب فيها...
سعد : راني جاوبتك في ميساج بلي غانجي غانجي دابا كلمة وحدة قلتها ليك سيمانة تكوني عندي هيا سيمانة تكوني عندي ومدام مزروب الا وعارف علااش مزروب لهاد درجة ومتناقشينيش واخة...ولي دار بيني وبين خالتك فهيا مسالة بيني وبينها نتي سوقك !!!
انا : 😒 وعلاش مزروب مالك اشنو غايوقع ليك مثلا...سعد خلينا من هادشي راك وليتي كتخلعني وليتي عنيف بزاف مبقيتيش سعد لي كنبغي مبقيتش عرفتك نهائيا قوليا مالك اشنو كيوقع ليك...
بقا كيشوووف فيا شوية جرني لعندو خشاني فحضنو باس ليا راسي وتنهد تنهيدة حسيتها خارجة من اعماقو ....بعدني عليه ...حدر راسو حط شفافو على شفافي في قبلة خفيفة ...خدا مدكرة من عندي وكتب فيها...
سعد : كنبغيك وبغيتك تكوني حدايا ومعايا وبغيتك اكثر تكوني معايا في هاد الفترة الصعبة لي جايا...

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.