صورة مصغرة لـقصة صمم العشق

قصة صمم العشق

qisat 9isat 3ichq 3ich9 samam al3ich9 
رواية صمم العشق بالدارجة

يقولون الحب جنة وجهنم 
ويقولون اذا عشقت فاحزن واندم 
قبل ان تعرف بمن تغرم
ثم يقولون انه يسبب العذاب والالام
ويقولون ان به تلقى العتاب والملام
وانا اقول لهم انسيتوا!! ان للحب كلام
يصغي له الاصم 
ويعيده وراءه الابكم 
فكيف تطلبون مني ان لا أغرم
سأحب واحب ولن اندم 
وان اصاب معشوقي خرس وصمم
حبي ومشاعري سيفهم 

حبيبتك جيداء

أجارتنا إنّ الخطوب تنوب واني مقيم ما أقام عسيب أجارتنا إنّا غريبان هاهنا وكل غريب للغريب نسيب فأن تصلينا فالقرابة بيننا وإن تصرمينا فالغريب غريب اجارتنا مافات ليس يؤؤب وماهو آت في الزّمان قريب
كل له قصة كل لديه ماض كل له مشاكل،، منا من تحمل منا من لم يتحمل ،،، منا من عاش مصاعب الدنيا بحلوها ومرها ومنا لم يستطيع ان يتحمل ولو الربع من مصاعبها ،،، كاين لي ضلم وكاين لي تضلم كاين لي تغدر وكاين لي داق طعم الخيانة الدنيا قصص وحكايات وروايات ومن ضمن هاد القصص غادي نختار ليكم قصة لي البطلة ديالها عاشت قصة حب من نوع خاص قصة حب عاشت مشاكل وعقبات قصة حب اصم اللي البطلة ديالو هيا انا ولكن ماشي بوحدي غادي نحكي هاد القصة كاين لي غادي يعاوني فسرد احداثها بالتفصيل كل وباش كيشوفها وكلا وباحساسو ... انا جيداء بناصر ......

بعد ليلة طوييييلة حتى صبح الحال رجعنا في حالتنا من عرس بنت عمتي كلشي تفركت كلا رجع فين كان ....كاين لي غادي يبات معانا وكاين لي غادي يبات في دار عمتي حتى يرجعو فحالاتهم وكاين لي غادي يدوز شي ايامات ....دخلت بدلت عليا ومشت تلحت في نموسيتي واراك لشخير طحت كوما......
اصبح الصباح او ماعرفت اشنو واش العشية ديال الغد ليه ولا الغد ليه ديال لعشية .....كنت ناعسة حتى ....
اااااايييي ينعل والديك ازمر سيري عطيني تيساع ها حجر العافية عار الله ونبي رسول الله ومالين الواد...
راوية : رجال الغابة السماوي الله يداوي او صحاب الحاااا ل .. اي اح الا اي امي يعطيك السالمة واخة على مك وباقي نفيقك مااااااماااااا.... عرفتي جيداء البارح اننن...
جيداء : سكتي يعطيك السم بغيتي تفضحيني واخة على مك الى بقيت خرجت انا وياك ها وجهي صبغيه بالخنوني بارد 😒😒
راوية : لا حمباك ياك وغادي تسخاي تخرجي بلا ختك يااك ...
جيداء : عارفاني لمك منصيبش ..اجي لاش مفيقاني اش كاين....
راوية : نوضي را الخمسة ديال العشية هادي ...را دايرين نمشيو عند عمتي باش نديو الفطور واخة را گوتي هدي 😑 ... 
جيداء : علاش مال مريم غادي تجي...
راوية : وي باش نتصيفطو معاها حيت غاتمشي فليل ديريكت لمطار لتولوز ...
جيداء : بففف اوكي انا ندوش ونصلي داكشي ديال ليوم ولبس ونجي سبقيني... هيييه اجي لهنا لمك شفتك بغيتي تفضحيني اش كنتي بغيتي تقولي لماما....
راوية : هههخخخههه والو بغيت غير نقوليها على داك نص خبزة ديال طون لي تابعك بغا لمعقووول ( كتعيب فهضرتو مع هو شلح عربيتو معكلة هههه) ههههههههههههههههههه واع ومت عليك بالضحك البارح كن ما رضوان ولد عمتي جمعو بنص وجرا عليه كن مشا لماما وخطبك عهههههععع وتولي مرت محماد الشلح ههههههههه... اييييي اح ...انا سبقتك....
جيداء : الله يحفضني سيري الله يغبر ليك الشقف ههههه...
بعد مامشات راوية اححح نسيت هادي راوية اختي صغر مني بعام وانا جيداء نعطيكم نبذة عليا ونعطيكم صورة على مواصفاتي باش عليها تمشيو مع قصتي من هنا لقدام ونكمليكم بقية الحكاية... مهم انا فعمري 16 عام كنقرا في جذع مشترك علوم وراوية في الثالثة اعدادي وعمرات التوجيه باش دير علوم في الثانوي... ملامحي سوداء ولون بشرتي حنطي عينيا عسليين ..... حجباني غلاض ولكن مكقادهمش شعري حد كتافي وكحل فمي عادي ومنخري منگاد وقصيرة اما راوية فهيا شبهت لماما بيضة وشعرها مائل لذهبي عينيها قهويين وشفارها عاديين الى دارت الماسكارا عاد كيبانو منخرها عادي وفمها صغيور ووردي لي شافنا مايقولش خواتات حيت كيف قلت هيا شبهت لماما اما انا فشبهت بابا وبالاخص جدتي الله يرحمها من بابا عائلة بابا كلهم سمرين وحتى ولادهم ...عايشة انا وماما ربة بيت وبابا استاذ الرياضة فالاعدادية لي كنت قريت فيها نيت ....واختي راوية وخويا مروان كيقرا في السادس هو كيشبه ليا بزاف غير راوية لي خرجت لماما عيشين حياة طبيعية بزاف انا وراوية ماشي غير خواتات وصحابات انما بحال توام قليل فين كتلقى خواتات علاقتهم بحال هكا ديما شد ليا نقطع ليك ههههخخ .....مكنخبيو تاحاجة على بعضياتنا ومكنتفارقوش ومنديرو لحاجة الى ماتناقشنا فيها بخلاصة علاقتي انا واختي من بين العلاقات الناذرة صحبتنا قوية بزاف منخرج الى مكانت معايا صحابات مكنخليوهمش يدخلو فينا حيت الى دخلو فينا ضروري علاقتنا متخسر كنتشاركو حتى فتحرايميات والقوافي كلشي ...حنا ساكنين في مدينة اگادير ...كنطلب من الله يخلي ليا عائلتي ويحفضها ليا من كل شر ولهلا يفرق بيناتنا وعائلات المسلمين اجمعيين....

دخلت لدوش دوشت حيدت عليا العيا ديال العرس ....توضيت وخرجت لبست عباية الصلاة وشال وصليت لي فاتني ..كملت ومشيت لبست جلابة في البيج مخيطة بلونها وشعري تلقتو على راحتو حيت باقي مصاوب من البارح فالعرس درت ايكخون صولاي وگلوص قريب لبيج وبارفان ايكلا ولبست بلغة في المارون وصاك في نفس اللون ديال بلغة تقابلت مع المرايا بقيت شحال كنشوف فراسي فجاة داز فتخيلاتي شخص لي من ليلة البارح ممشاش من بالي ...
فلاش باك....
كنت گالسة في طابلة مع العائلة ختي ماما وخويا وخالتي وبنتها وعماتي كنضحكو لمحت عمتي كتشير ليا ...مشيت لعندها طلبتني باش نمشي نعلم الطيابة تبدا توجد حيت بغاو يحطو لناس لعشا ...هزيت جلايلي غدا كنقلب على كوزينة ديال القاعة دخلت في واحد الممر لكن تلفت مع القاعة كبيرة ماعرفتش منين ندوز بقيت غادية حتى خرجت فواحد الباحة بقيت كندور بجنابي ونقلب لمحت واحد الطريق مؤدي لتحت مشيت كنجري بلا عقل ماعرفتش كيفاش خرج او فاش خرجت تزدحت مع شي حد الهزة لي غاد نهز راسي تبلوكيت وتصدمت ماشي بوعو لا هدا ولد فريعان شبابو تكون عندو ديك 26 او 27 عام طويل مدايرش لحية لكن ملاميحو سمراء شعرو كثيف بخلاصة غير طولتو بهرتني لكن الغريب فالامر ان حالتو وحوايجو كلشي مبهدل قميجة مشرگة من الايدين كمامة كاينة وكمامة لا وسروال كلو تراب كلو مسخ ومغبر واللي صدمني انه حوايجو مرشوشين بالدم بقيت نتفتف.....
جيداء : سس سيمحليا مشفتكش ....غير ماعرفتش منين ندوز لكوزينة لي هنا واش...( مخلانيش نكمل)
رمقني بنضرة باردة بلا مايهضر مشا كيجري بقيت كنعيط ليه والو مشا كيجري حتى اختفى نهائيا....تبعتو كنجري فالاتجاه لي مشا فيه حتى لقيت راسي برا القاعة ....وهو ولا اثر بان ليه فص ملح وذاب كانه سراب وتبخر حلم وفقت منو يا ترى شكون هو وعلاش جا فديك الحالة والاهم علاش مدواش بقيت مدة غارقة فتخيلاتي وتساؤلاتي حتى قفزني واحد الصوت .... ونا ندور خرجت عيني 😳😳

كانت الطيابة لي كنت كنقلب عليها جات بنفسها تالعندي هههخخخ قالت ليا بالي كانت خارجة على برا كتهضر فتيليفون حيت لداخل كاين صداع ديال موسيقى ....بلغتها بداكشي لي قالت ليا عمتي ورجعت وانا كندور مرة عااله وعسى يبان داك صاحب القامة الطويلة  😕....
~~عودة الى الواقع~~
فيقني من تفكيري العميق صوت ماما لي كتعيط باش نمشيو... وخرجت لقيت راوية لابسة حتى هيا جلابة في البوردو وشال فديگرادي ديالو حيت هيا متحجبة غير انا لي الله يهديني وبلغة فلون الشال وصاك فالكحل تجمعنا وجا لينا ولد عمتي رضوان(لي كنعتابرو خويا قبل ميكون ولد عمتي وانا وياه عزاز على بعضياتنا ونفس شيء كي المش مع الفار ديما مناكرين من والو عععهه فهم تصطى...نوصف ليكم رضوان هو طويل ومفورمي شوية ملاميحو سوداء بلحية لكن ممرتباش خدام طبيب مختص فالامراض العصبية وجراح بدارو وطوموبيلتو واي بنت تمناه هو زوين بزاف ....) ركبت ماما حداه وانا وختي وخويا لور اما بابا فكان عندو اجتماع ديال مداولة نتائج اخر سنة في الثانوية ....
رضوان : اهلا اهلا بلالة البنات لالة جيد...تانا بغيت نقول راوية زين صافي ههععع مرحبا نورتي ....
جيداء : واخة على مك المجوط.. ...
ماما : كوني تحشمي اديك....
راوية : احم لهلا يخطيك رضوان 😅😅
جيداء : مزينكم بجوج اييي واخة جدك نتي ...😒
رضوان : اغانضحك را نوارة هيا مرت خالي هيا كلشي ....مشينا...
ماما : لهلا يخطيك اولدي ....يلاه 
ديمارا بطوموبيل وكسيرا بينا ...وصلنا لدار عمتي لقيناهم مجموعين عمامي وعماتي وحتى خالتي وبنتها شيماء .....حيت صاحبت عمتي داكشي باش كاينة وحنا فينا قاعدة الى عمتي دارت العرس تتعرض على خوالي وخوالاتي كيعتابروهم ماشي غير نساب وانما عائلة وحدة وماما عندهاجوج خواتات فقط وحدة عايشة في اكادير وثانية في مراكش .....لي فاكادير تصادفت انها صاحبة عميتو روح بروح سلمنا عليهم جاو دقايقية جمعو الفطور وداوه من دار عمي صافي لدار عمتي فين غاتكون مريم باش نتجمعو تما ونتصيفطو معاها حيت غاتمشي مع راجلها لتولوز في فرنسا.....
داز كلشي مزيان ضحكنا نشطنا كملنا وتصيفطنا مع مريم وراجلها وكل رجع فحالو واخة سالاو الامتحانات ونهاية السنة الا كلشي وجع فحالو كاين لي مزال خدام وكاين لي عندو مشروع تخييم صيفي ....توالت الايام وتعلنو نتائج انا نجحت بنقطة عالية انا لولة فالثانوية وختي ثانية فالاعدادية وخويا حتى هو اللول في الابتدائي ....

بعد عامين ...
طيييط طيييط ...الو ...وي ختي اه شي خمسة دقايق ونكون واجد ...وي عادي عادي مامخلوعاش الالة واععع باغة تركبي فيا الخلعة بزز هههههع سيري سيري ودابا نتي لي معطلاني يلاه الوقت لي قلت ليك بالحساب لقاك قدام دار ...يلاه باي...
دق دق 
بنتي هدي انا...
جيداء : ماما دخلي علاش كدقي ...
ماما : بنتي غاديا ليسي...
جيداء : وي اماما ان شاء الله دعي معايا راني مخلوعة....
ماما : هههه يكون خير يكون خير عارفاك ابنتي اشنو دايرة...
جيداء : كيفاش عارفة ...
ماما : اا لا ابنتي غير عارفاك كتقراي مزيان ميتخافش عليك ان شاء الله ناجحة او بنقطة زوينة الاه يرضي عليك...
جيداء : ماعرفتش اماما علاش جيتيني عارفة شي حاجة وعادي واش قاليك بابا شي حاجة...
ماما : هو ف...طيييط طيييط...
جيداء : واععع هدى جات يلاه انا مشيت دعي معايا اماما نلقا لي يفرحني ويفرحك....
ماما : الله يكون معاك ابنيتي سيري الله يفرحك..هههه سيري ابنيتي راك ناجحة هههه مجنونة هدي ...
بست ماما دعات معايا ومشيت بجرا هبطت لقيت هدى واقفة كتسناني ( هدى او نور الهدى غير انا تنقوليها هدى هيا صاحبتي كتقرى معايا ويمكن هيا لوحيدة لي كتجي عندي كيف قلت ليكم معندناش صحابات بزاف انا وختي عندنا غير لي كنعرفو كيقراو معايا او معاها) دابا حنا غادين ليسي بعيدة على دار بزوج شوارع ،،ليوم اعلان نتيجة الباكلوريا في صراحة واخة خدمت مزيان وخا نقطي زوينين ولكن الخوف مسيطر عليا بزاف انا عارفة بلي ماما قاليها بابا على نجاح ديالي تصرفاتها ديال وحدة ماشي مخلوعة وكضحك عرفت ولكن رغما ذالك خايفة بزاف حيت ديما نتيجة الباك كتصدم ديما اللي مكيخدمش كتلقاه نجح وممصدقش ولي متاكد من راسو انه ناجح كيتصدم بلي مدار تاحاجة ولكن انا كان خوفي اكثر انني منجيبش نقطة لي بغيت مواعدة راسي باش نجيب من ميزة مستحسن حتى لميزة حسن ....كان حلمي انني نقرا القانون وبابا بغاني ندخل لمدرسة الممرضين لي فمراكش (رياض سي عيسى) لانو اصلنا من مراكش.....بابا مصر على انني ندفع لمتمريض لسبب ماعرفتوش علاش ولكن انا باغة نوصل لحلمي ونحقق ذاتي وهو انني نقرا في المجال لي بغيت باش نولي محامية حلمي ومغانستسلمش وماغنخضعش لارادة بابا كيف مكان الحال غايشوف حتى يعيى وماغيوقفش فطريقي (تنهدت) نتمنى 😕
وصلنا لشانطي بغينا نقطعو حتى كنشوف في هدى مكوانسيا وعينيها خارجين ....دورت وجهي فين كتشوف كنتصدم مما راته عيناي .....

درت لناحية فين كتشوف هدى كتبان ليا مخرجا عينيها في رضوان ولد عمتي واقف حدا سيارتو هو وحدة كيترومنساو عههههه .....ولكن هادشي ماشي هو لي شافت هدى فالاصل كانت كتشوف في..... 
هدى : وناري ميييي لااا جي جيي جيداء واش شفتي شكون جاي تيجري جيهتنا 😰😰
جيداء : وااععع ناري مي لا (كان كلب من دوك الكلاب ديال زنقا سلوگي ..... وهاد الموصيبة لي معايا غير يبان ليها كلب وخا بعيد بشارع تشم ليه ريحة وتولي تفيبري ...)شوفي هدى يرحم باك حنا غادين نشوفو نتيجة حمباااك ما زيدي ونتي متمرة انا مزاوگة شحال من كلب تبعنا غير لله فسبيل الله بسبابك واعععع واميييييي وناري المسخوطة جاي وكلت فيك الله ...الحفيض الله ...غوتنا غوتة حتى تزلزلت لبلاصة لي حنا فيها غواتنا خلا رضوان ينتابه ويشوفنا....
رضوان : جيداء !!! 
تلقنا رجلينا لريح منتابهتش لرضوان لي شافنا وتيجري تاهو تابعنا ويعيط وانا وهدى رجلينا مبقاوش رجلين ولاو روايد تراكتور كيدورو واحد الوقيتة كنحس برجلي كتضرب ودني بجري او ايدي هديك مع دعقة والخلعة تلف لجذر بابايا تاشكون انا .....حنا نجريو والكلب تابعنا يجري ورضوان وراه هههههه 
كيبان ليك فيلم امريكي ديال الاكشن البطل ديالو كلب ......
رضوان : جيدااااء والهبيلة وقفي را ميدير ليك والو را غير شافكم كتجريو وتبعكم جيداااااء....
جيداء : واعععع وامييييي ومنوقفش سيفحاااالك شكون نتا فين نعرفك ولا نعرف قبيلة والديك .... شدو شدووو علينا دعيتو لله واااا موووووويييي اهئ اهئ...
هدى : زومبية كتجري مبقاش فيها دم ولات بيضة بالخلعة ....
بقينا نجريو نجريو حتى كنسمعو ...او اووووو اعووو عو .....ضورت وجهي كلقا لكلب قلب دورة وهرب في حالو كيلهث غادي لسانو مدلي فيه كلمتر ههه بكترة ماتبعنا سخف هو .....وحنا ماسخفنا بقينا نجريو تالحق علينا رضوان شدني من قفايا انا وهدى ...
رضوان : كيلهث ...وااا وناااري ينعل موك واعويطة الى تبعك نتي وهاد المعاقة لي معاك يسحب جميع القابو وناري والكلب مشا مشا راني غير ضربتو بحجرة ومشا تي مالك مالك اوووففف سخفتيني...
جيداء : وراك عارفني مع الكلاب وهاد الموصيبة لي معايا كتر مني...
هدى : اهئ اهئ واععع ....😨😭😭😭
ناري فشلني ولد لحرام ....
جيداء : امي الحبيبة قلبي مبقاش كنحس بيه اميييي 
رضوان : ناري وتشوفو منضركم فاش كنتو كتجريو ولبرق دايز ماشي بنادم ...
جيداء : ناري ونشد هاد سلوگي لي وصلنس لهاذ الحالة اش ندير ليه....
رضوان : من نيتك 😒
جيداء : وصافي صافي ...
رضوان : اش كديرو هنا فين كنتو غادين...
جيداء : عاااد تفكرت .... نااااري غادين ليسي ليوم اعلان نتيجة الباك وناااري. تعطلنا...وبعدنا على طريق ديال ليسي بزاف ...
رضوان : زيدي نوصلكم 
جيداء : لا بلاش مزال ربع ساعة على نتيجة...وزايدون احم البنت خليتيها في بداية المشوار هههععع ....
رضوان : زيدي لمك قدامي تانرجع ونكملو انا وياها شلا مشاوير ههخخ...
جيداء : الله يمسخ مك ...
ولينا رجعنا معاه حتى لسيارة،،لبنت لي كانت معاه عيط ليها طلب منها تمشي حتى يرجع يشوفها ...ركبنا معاه خمسة دقايق كنا في ليسي اصر يبقا معايا حتى تعلن نتيجة وماهيا الا برهة حتى تعلقو طابلو ...الحمد لله داكشي لي كانت باغيا هو لي كان نجحت بنقطة مستحسن نتيجة مزيانة بالنسبة ليا كعلمية ...بارك ليا رضوان وبارك حتى لهدى لي تاهيا نجحت بنفس الميزة ديالي ....ومن هنا غاتبدا مسيرتي اللي خططت ليها .....

توااالت الايام دفعت لمدرسة التمريض بطلب من بابا او .....هو لي دفع ليا ...احترت مابين لمجال لي كنبغي ولي عشقت من صغري وبين بابا لي قرر باش ندخل لمجال تمريض...
ولوجي لتمريض امر ممكن يكون سهل بالنسبة ليا كعلمية بما انني جبت معدل لي يخول ليا ندخل لهاد المجال .....لكن صعب بالنسبة ليا لان اختياري كان واضح صعب اقناع بابا على انني ندير التوجه والاختيار لي بغيت.....بابا فديك الوقيتة بحكم انو استاذ في الاعدادي فين كنت كان كيتحكم ليا فمساري دراسي مكعطيش الاهمية لاشنو بغيت بغا يوجهني وسلام اختار ليا علوم ....راسو مقدرتش نفرض رايي واستسلمت ليه ....باقي نعقل فاش قلت ليه بغيت ندير اداب في توجيه....
~~~~~~~فلاش باك
معندك مديري باداب انا لي نقوليك اش ديري اناا عارف مصلاحتك فين .....موادك العلمية مزيانة وزيادة على انها غاتخليك دخلي لمجال التمريض بسهولة دونك غاديري علوم وغاتخدمي باش دفعي لمهنة التمريض وتمشي لمراكش فين تقرايها احسن ليك....
انا : ولكن ابابا انا مبغيتش تمريض وعلاش بالضبط باغيني نديرو وفمراكش بابا انا...
بابا : صافي راني هضرت كلمة وحدة لي قلتها انا عارف مصلاحتك مهم راني دفعت ورقة توجيهك يلاه العام جاي جمعي راسك مزيان الله يرضي عليك...
جيداء : و واخة 😔....استاذنت ومشيت لبيتي لي فيه عطيت الانطلاقة لدموعي..... حلمي اللي بغيت اصبح في نوعا ما شبه مستحيل...بقيت نبكي وقتها حتى غفيت ونعست.....
~~~~الواقع~~~~
بقيت كنفكر محسيتش براسي حتى لقيت دموعي دايزين .... قاطعني صوت باب البيت تحل كانت اختي راوية ....
راوية : جيداء حبيبتي مالك ...
جيداء : والو اختي غير مقلقة شوية...
راوية : نفس الموضوع اشنو درتي ...
جيداء : معندي مندير ...راك شفتيه قرارو هو قرارو بغا تمريض.... حفضني الله مقاليا طب هههه ماعرفتش علاش مصر بالضبط ندخل لتمريض ماعرفتش.... 
راوية : حتى انا مفهمتش ....اشنو غديري دابا...
جيداء : انا قررت قرار واحد ومغنتراجعش فيه...
راوية : اللي هو ...
جيداء : تمريض هو لي مغاديش يكون وحلمي مستحيل نتنازل عليه ...
راوية : جيداء ختي منصحكش الى عرف انك مبغيتيش ديري تمريض منضمنش ليك وخصوصا عارفاه ايعرف يعرف وزيد خاصك تمشي لمراكش هو بغاك دفعي في مراكش كيف غاديري هاا ....يعني نساي تمريض لي ليك...
جيداء : وباش غايعرف الى مقالها ليه حتى حد..ااا وعلاش يتحكم ليا في مساري علاش نتي عارفاني حلمي لي بغيت نوصليه هو لي غانوصليه وسلام راه الى درت تمريض مغاديش نجح فيه انا متاكدة حيت مباااغياهش معنديش رغبة فيه سمعتي مابغيتش تمريض بغيت القااانون وهو لي غاندير ......
راوية : كيفاش...
جيداء : نساي تمريض ...غانمشي لمراكش لكن ماشي نقرا تمريض...
راوية : واش ...والى عرف بابا 
جيداء : شكون غايقولها ليه هااا ....و على مال كلية القانون مكايناش ف مراكش  😈
راوية : ناااري المسخوطة ناري منك 😮
جيداء : حبي نتي القانون لي ليا قاليك تمريض قال هاااه 😶

في الشارع متكي على كرطونة من الكراطن لي كيجيبهم من الازبال (حشاكم) ....مفرشها ومتكي عليها كيشوف في السما كانت العشرة ديال ليل في مكان جنب واحد البركاسة من البركاسات لي قدام واحد تجمع.... ناعس تحت منها بلباسو البالي شاب طويل على مشارف الثلاثين تكون عندو ديك 29 عام او اقل .....وهو سارح العلم الله فاش كيفكر واش قضيتو .....حتى وقف عليه واحد من دوك شماكرية...
شمكار : افين اودي الخو نتا هنا شوف نجيك من لاخر ابا اش سمك ماعلينا .....اتعتيني باش ندوخ هاد الليلة ولا نتفاهم معاك اتلقنا ....وا بسسس اخونا واش ما بيتيش او تادير راسك متتسمعش او نووض.....
.......
امالك ابا صطوف مبغاش ينوض هداك شنق على يماه ....
الشمكار : دابا كاين حل واحد لي ينفع معاك الخو ...شنق عليه...يلاه تلااق تلاق البينگة خلينا نترزقو ليلة...جبد ليه داكشي لي عندو فجيبو وعطاه ليه...
الشمكار : هااا نتا دابا نتا خونا في الگرونة الله يرضي عليك وهكا نبغيك ...يلاه سلام عليكم اه متنساش صباح ترزق ليك مع راساتك وجمع لينا صريف واخة لخو يلاه على بركة الله ...ابا عروووب هاهو عطاني ...تم غادي وهو يرجع لعندو ...اجي اهياوا ...واش متتهضرش نتا ولا كيفاش قضيتك ....
هز راسو فيه هاد المرة بعينين فيهم نوع من شرار على غير عادتو موالفينو شخص انطوائي شاد تيقارو مكيقرب لحد مكيوصل لحد لافات هاد الحلاقم لي كيجيو لعندو يديو منو لفلوس مكيعرفوهش منين كيجيبهم او كيف كيدير حتى كيجمعهم لي عارفينو او لي مهم عندهم انهم يشدو من عندو او بمعنى اخر يحلبوه ماسوقهمش لكن عمرهم مشافو منو الجانب الصارم الجانب الوحش الى فات حتى تجنن ولا تعصب صعيب صعيب حتى انك تخيل ديما متحكم في عصبيتو بمعنى كيدير بمبدا لي فيه كافيه ....
غير شافو شمكار كيفاش مخنزر ....
شمكار : اهو هو اسمح لينا.....با عروب خويا تسنا ...فرتح ههههه 
رجع فين كان حتى جا لعندو واحد من الكلاب ديال زنقة طبطب عليه وتكا حداه خدا الوضعية لولة متكي وكيشوف فسما وسرح بخيالو كعادتو حتى غفا ونعس....
يوم جديد كباقي الايام ... اليوم غادي يمشي معايا بابا حتى لمحطة ديال اگادير باش نقبط الكار لمراكش غادي لقا فاستقبالي خالتي فاطمة كان بغا يمشي معايا رضوان لكن ضروف العمل ديالو مساعداتوش انه هو يوصلني بنفسو هو عارف كلشي وعارف حتى القرار لي خديت رغم انه عارض وبغاني حتى هو ندير تمريض وملي نتخرج نخدم معاه في المصحة لكن فالاخير استسلم لقراري لا بل الاهم انه غادي يعاوني حتى نوصل لفين بغيت....

سفري لمراكش ليوم غير باش نرتب اموري تما من تقياد ووراق كنت غانكري لكن خالتي فاطمة اصرت انني نبقا معاها خصوصا حيت مافخباروش بابا بلي دفعت لكلية القانون لي عارفو هو جيداء مشات ترتب امورها في المعهد العالي للمهن التمريضية ...
كلشي كان مرتب ليه بالتعاون مع خالتي فاطمة نيت ورضوان.....اجتيازي للامتحان من قبل كان مخطط ليه لابد ماندوزو حيت كان معايا باب فكل كبيرة وصغيرة وهو لي مشا معايا حتى دوزتو ورجعت .....دازت الايام حتى دخلت لسيت ولقيت راسي نجحت فيه .... ليوم في نضر بابا غاديا نشوف لوازم وناخذ التوقيت ونرجع باش نجيب ما تبقى من حوايجي ولكن انا ليوم غادية نتسجل في كلية القانون حيت هذا شهر سبتمبر....خالتي فاطمة هيا اخت ماما شقيقتها وهيا انسانة مثقفة وواعية خدامة استاذة جامعية في كلية العلوم السملالية بمراكش وهيا لي ساندتني في قراري حتى هيا تبعات اشنو بغات هيا متزوجة عندها ولد وبنت وبزوجهم مشاو يتبعو قرايتهم في الخارج لولد في امريكا كيقرا الهندسة وبنت في روسيا كتقرا طب الاسنان ( وبغات متعاونيش ههه) .....سلمت على ماما وختي وخويا ومشيت مع بابا لمحطة خاصني جوج نكون تماك مايتحرك لكار حتى لجوج ونصف....كيف وصلت لمحطة طول المدة وبابا كيوصي ردي البال والله يرضي وكدا وكدا وفنما كيهضر وكيوصي وانا كنتحرق من لداخل من جهة بقا فيا ومن جيهة صعب عليا الامر اكثر ..بابا وعارفاه وخا صارم معايا فيما يخص مستقبلي لكن هو شخصية جد حنونة هاد الشخصية كابتها مكتخرجش كيفضل يبقا قاصح وصارم ...سلمت عليه وطلعت شديت بلاصتي ...طول طريق وانا ناعسة حتى اعلن سائق الكار على وصولنا لمدينة مراكش ماهبطناش في باب دكالة حيت الكار لي خديت عندو محطة خاصة بيه هبطت واول حاجة درتها اتاصلت بخالتي قالت ليا غاتعطل شي ساعة عاد تجي عندي حيت مجاتش من الخدمة بكري وعاد دارها بعيدا شوية على المحطة اتاصلت بدارنا طمانتهم عليا ...بقيت گالسة جاني العطش ...قلبت على حانوت مالقيتش في داخل المحطة ايخصك تگلس في الكافي عاد يمكن ليك تطلب الما وماعندهمش قرعة صغيرة ...خرجت لقدام المحطة قطعت شانطي فين كاين الحانوت خديت من عندو الما جايا قاطعا حتى كيبان ليا رجل متسول كيشوووف لفوق بشكل غير عادي اتار انتباهي بشدة كيبان عليه كانه شخص متقمص دور متسول شوية دار وجهو بين ايديه منضرو بقا فيا بزاف ...قربت حداه بقا فيا المنضر ديالو قربت حداه جبدت جوج دراهم يلاه بغيت نمدها ليه ماعرفتش كيفاش حتى شد ايدي بسرعة زير عليها وعلا راسو فيا انا ركابيا فشلو ماشي من شدة لي شدني ولكن من تخنزيرة لي دار فيا وليت نقفقف......

مديت ايدي باش نعطيه لفلوس حتى قفزني بسرعة شد ايدي وزير عليها ....علا راسو فيا شاف فيا بنضرة ماميزتهاش اشناهيا خلعني وليت نقفقف ..باين عليه شاب مقبل على تلاتين تكون هكاك...مركزت في ملاميحو كان بتياب بالية ومهيتكة شي مشرگ وشي مقطع ....شعرو مخربق ووجهو موسخ حتى من ضفارو موسخين وطوال شوية ولحية كبيرة سوداء ....واحد لحضة طلق ايدي بجهد بحال الى دفعني حتى طاحو لفلوس من ايدي ....ناض وقف كان طويل بزاف ومگلضم ...دار ومشا غادي وكيجر فرجلو كان لابس سبرديلة سيورها محلولين ....بقيت متبعاه حتى بغا يدور دور وجهو شاف فيا وحدر راسو وزاد...ماعرفتش علاش جاب ليا راسي بحال الى فايتة شايفاه فين ماعقلتش...رجعت لمحطة خديت باگاج ديالي كنت خليتو عند واحد سيكيريتي بيدما جبت قرعة الما ....شكرتو ورجعت كنتسنى في قاعة الانتضار ...دازت شي قسمين هكاك حتى صونا تيليفوني كانت خالتي قالت ليا بلي كتسناني قدام الباب ...هزيت باگاجي وخرجت لقيتها كتسناني فطوموبيلتها ...خرجت جات لعندي كتعنق فيا وتبوس ..من ديما هاد خالتي وهيا عندها مكانة خاصة عندي عزيزة عليها بزاف عكس خوتي عندي مكانة خاصة في قلبها بزاف كانت ديما كتقوليا كنشوفيك راسي كنشوف مرايتي عندك طموح بحال طموحي ماتستسلميش وصلي وحققي داكشي لي بغيتي نتي والى بقيتي تابعة راي بنادم وتبني حياتك على اراء ناس عمرك متوصلي لشي حاجة مستقرة ....ركبنا في طوموبيل ...هيا بعيد على هاد المحطة ....ديمارات ومشينا وحنا غادين في طريق ....كنهضرو انا وياها ونضحكو فرحانة بيا ومع هيا ضحوكية مدية طبع مراكشيين كلشي كضحك فيه هههه حتى لمحت هذاك شخص والوموصيبة شانق عليه واحد ....دورة لي بغيت ندور نشوف اشنو واقع لكن مخليتي كسيرات وخلات العجاج وراهم 😒
وصلت لدار لي غانعيش فيها مع خالتي اصلا ملي سافرو ولادها هيا عايشة غير وحدها راجلها ميت خلا ولادها مزالين كيقراو هنا فالمغرب ....وملي مات عاشت مع ولادها ومع هيا زوينة بحال ماما شهبة وعينيها زرقين كتدي لماما بزاف وكانت عاطية لعين وحتى لدابا باقة محافضة على زينها ماشي بحالي عطاوني لعين 😞....تعشينا ودردشنا شوية ...غاتمشي معايا غدا باش نتقيد دغيا حيت هيا استاذة جامعية في كلية الاقتصاد ....كتعرف شحال من واحد في الكلية ديال القانون واصلا الاساتذة الجامعيين لي هنا دايرين نادي خاص بيهم عندها علاقات معاهم بزاف كتعرف ناس بزاف داكشي باش غاتمشي معايا باش نتقيد دغيا حيت كاين زحام مع اول دخول ...كملت معاها وكل مشات لبيتها نعسات....

بسس هاني جيت ولا تقول ماجيت ...افييين... جبد خليني نمشي راني مزروب هاد ليلة...
هز فيه راسو شاف فيه وعاود حذر راسو ...
واش مابيتيش تعتينا خلاص ...
با عروووب اش ندير مع هذاااا تاني ...
واعتي لمو شي تمرميقة تايدور ويعرف راسو مزيان معامن...اه اشنق عليه هيا لولااا اهههههه
ههههه هي لي متعاود ابا عروب ...شنق عليه ..وقف وقف ...شاف فيه وهو يوقف ...هذاك غير وقف ليه وهو يتصدم عمرو مشافو واقف ديما تايدي من عندو الفلوس يا اما وهو متكي على كريطينتو ولا يلقاه گالس على طروطوار ولا متكي على شي براكاسة من البركاسات لي تم...
الشمكار : واهيا ربي مولانا الحنين واهيا المليك واهيا سيدي يا ربييي واهيا يعتي لمي لكوساح اشاوا هذا ....با عروووب واش متاكد هاذ خونا عمرك شفتيه واقف...
عروب : اعععع اتشووو (جمع خنونتو) اش عندو مايوقف هذاك.... تلقنا شد من عندو ويلاه ...
شمكار : واااخة...اشوف نتا هبت لعندي هبط لعندي لهنا ...شنق عليه ...ودابا عطينيي خليني نمشي ...
شاف فيه واوما ليه بمعنى لا...
شمكار : ناري جنا على يماه ....واش غاتعتيني ااماسوقيش انا....داه وجابو ..دابا هضرنا مال مك مكتهضر واش نتا زيزون واقع لمك شي حاجة...غير سمع اخر جملة ماعرف شمكار باش تبلى حيد ليه ايديه بجهد حتى دهشر ....ابااا الحنين ...وشدو لواهم ليه على ضهرو حتى توعت...جمعو بنص طاح لارض ونزل عليه بضرب هذاك يغوت وهذاك يضرب ...عروب غير شاف المنضر فرتح خلا صاحبو ....بقا يضرب فيه حتى سخفو خلاه كلو دمايات ...شوية ضور راسو شاف هذاك كيجري وهو يسلت منو لاخور ....تلق رجلو لريح....
شمكار : بقا كيجري حتى لحق على صاحبو ووقف كينهج عينو منفوخة ونيفو دايز بالدم ...اذاك المسخووط عارفو اولد لحرام خايب وكتزيدني ليه ....
عروب : را فايت دارها ليا على شكون سبابي فهاد سنان لقداميين لي طاحو ليا ...هانتا ثوف ...
شمكار : انا بغيتو يطير ليك الفك سفلي كلو السلاس لي قالها ليماك ...وناري مي منخري ...قوليا واش باقي منخري فبلاصتو....
عروب : انشوف ...لا غير يمكن تهرس ماشي شي حاجة...
شمكار : ياك بعدا ايوى لباس ...اي يا مي...اش داني نجبدو دابا منين انجيبو لفلوس رجعو نسرقو تاني...
عروب : انرجعو ليه غدا....
شمكار : دور وجهو شاف فيه بنضرة ديال لقتيلة....مانتا صاحبي مانا نعرفك...هرب وخلاه..
عروب : واهياوا واغيير تنضحك اجي اهيااااا ...اهههه.....
يوم جديد....ليوم كملت فطوري انا وخالتي فقنا بكري باش تقضي معايا الغرض وترجعني لدار وترجع لخدمتها حيت عندها محاضرة مع العشرة اتسبقني ومن بعد ترجع ....جمعت الماعن ودخلت لبيت لبست كابيشو فالازرق غامق وسروال دجين فالاسود وكونفيرس فالابيض .... جمعت شعري على شكل ضفيرة فجنب درت ايلاينر وماسكارا وغلوص وبارفان ديالي وايكخون صولاي ....ف درت صاكي لي فيه مستلزماتي فالجنب ...وخرجت سدينا لباب ديال دار وهبطنا لتحت حيت هيا ساكنة فبارطما...ديمارات طوموبيل ومشينا مباشرة لكلية....الحمد لله مع المعرفة كتنفع كلشي داز دغيا كملت الاجراءات ورجعت مع خالتي لدار وصلتني ورجعت لخدمتها ...دابا غدا انرجع لاگادير باش نجيب ما تبقى من حوايجي وهاد المرة غايجي معايا رضوان باش مايجيش معايا بابا...

يتبع