فمدينة الاحلام ديال بزاف ديال الناس كتبات ليا الاقدار اني نعيش فهاد المدينة ..مكانتش عندي هاد الاحلام لي كيجري وراها هاد الناس ولي كان اهم حلم عندهم يوصلوا لشهرة ويعيشو حياة الطبقة المخملية...كنشوف عند رجليا ومنكنشوفش فالسماء العليا....يمكن حيت كبرت فافقر حي فلمدينة اولا يمكن عندي قناعة فقلبي خلاتني نرضى بهاد الوسط لكن «تشتهي الرياح بما لا تشتهي السفن»والقصد من كلامي هو الام ديالي...ماما من يوم يومها راسما ليا واحد الحلم وخاصني نوصل ليه..حلم ماما هو تشوفني عارضة ازياء اولا ملكة جمال الاساس عندها دخلني لعالم الشهرة وربي كبير ...دايما كتقول ليا عمرني نخلي زينك يضيع هنا وعمرك غادي تموتي هنا....من النهار لي ولداتني رسمت ليا مستقبل لحياتي لي مداخلش راسي ومبغاش ندخلو ليه ....اوووف زربة عليكم وخلطت عليكم يزاااف ..المهم انا جواهر 19سنة ثاني سنة جامعة شعبة الاقتصاد...جمالي ساحر وفتان ...الشي لي خلاني نعاني فلقهاوي والمطاعم لي كنت خدامة فيهم....كنت كنتعرض لتحرش تقريبا بشكل يومي ..حتر كرهت راسي وكرهت زيني..... هاد الزين هو لي خلا ماما ترسم ليا حياة بغات تشوفني فيها... كنعيش غير انا وماما بابا توافى عندي 8سنين ..ومن هداك النهار وماما راسمة طريق لحياتي ولي كان طبعا هو نخرج من هاد الوسط بلا منطول عليكم نخليكم مع قصتي .
ماما:واجواهر جواهر
جواهر:(كنتقلب ففراشي ومباغاش نوض ليل كولو مدابزة مع الناموس )
جواهر:صافي اماما سبقيني هانا تبعاك(نضت بزز من فراشي غسلت وجهي بجيل غسلت سنيناتي رفعت شعري كعكة مهملة ومشيت نفطر مع ماما)ناري اماما يلاه7 كنتي غير خليتيني ننعس
ماما:دوزي تفطري ووجدي راسك غادي نمشو لطرف لاخر من المدينة خاصنا ندفعو دوسي ديالك لشركة «سمارا»للازباء وانشاء الله ياربي يقبلوك وتكون عارضة عندهم
جواهر:(كنفطر وممسوقاش لهضرتها)
ماما؛راه كنهضر معاك زعمة...واش سمعتيني؟؟
جواهر:(كنلعب بواحد زيتونة)
ماما.جواهررررر(غوتات حتى تسمكو ودنيا)
جواهر:ا...شنو...
ماما؛(خنزرات فيا)
جواهر:صافي اماما لي بغيتي غادي نديرو
ماما:عطيني داك ريموت نشوف الاعلان ديالهم(قلبات ماما على القناة ديال المشاهير)
المذيعة:مرحبا بيكم معانا وصباحكم مبروك اليوم اهم يوم كتشهدو المدينة ديالنا... واهم يوم عند شركة سيمارا للازياء ..اليوم غادي نشهدو اكبر مسابقة فتاريخ عالم الأزياء غادي تنطالق المسابقة اليوم مع الساعة 9 صباحا لاختيار أجمل العارضات لي تمثيل شركة سيمار فعروض الازياء العالمية ...مسيو فهد اكد بلي محاطينش عدد محدد لاختيار العارضات يعني الفرصة غادي تكون قدام بزااف ديال البنات...نخلوكم مع هاد الفاصل ونرجعو من جديد
ماما:يلاه يلاه نوضي وجدي راسك خاصنا نوصلو فلوقت
جواهر:ماما غير بشوية عليك..وزايدون مبغيتكش تتاملي بزاف يعني جميع الاحتمالات ديريهم فبالك
ماما:واش دابا دخلت عليك بالله وقت الهضرة يلاه دخلي وجدي راسك
جواهر:واخا اماما هانا غادية(ياربي صبرك)
فالطرف الاخر من المدينة...بالضبط فقصر عائلة الإسماعيلي ...على ميدة طويلة فوقها مالذ وطاب من المأكولات كيتواجدو اشخاص كياكلو فصمت وهدوء حتى نطق صوت أنثوي باينة فيه الكبر شوية....
المراة:اليوم يوم مهم لعائلة ديالنا ...خاصكم تعزلو العارضات بكل دقة ولتازمو بالمواصفات المطلوبة
يسرا:ههه انا بعدا كنتيق فذوق خويا فهد
علي:شنو زعمة ذوقي مكيهمش؟:؟
يسرا:هههه واحد بحالك كيجري ورا لبنات سوقييين شمن ذوق غادي يكون عندو هههه
ماما:(كتلمس شعري بيديها)اليوم غادي تحقي حلمي.اليوم غادي نخرجو من هنا خاصنا نعيشو حياتنا...باراكا علينا من تامارا...(باستني) كنتيق فيك اجواهر ... يلاه ...يلاه نمشو
جواهر:(هزيت تيلي ديالي وخرجنا لموقف الطوبيسات كنتسناو الطوبيس يجي...واخيرا كيبان ليا جاي ماما غير مراقبة الساعة لي فيدها خايفة لايفوت الحال على المسابقة..طلعنا فطوبيس وجلسنا ربع ساعة تقريبا باش توصل لطرف الاخر من المدينة...هاد الطرف مختالف تماما مع الوسط ديالنا اصلا متتوقعش هاد التناقض لي فهاد المدينة ...نزلنا من الطوبيس وبديت ندور عينيا فلقصورا والفييلات المشتين و السيارات اخر موديل كيدوز من حدا رجلينا ...وقفنا من جديد فموقف طوبيسات كنتسناو الطوبيس لاخر لي غادي يقربنا من الشركة ركبا من جديد وتوجهنا لشركة «سيمارا»للأزياء وكلما قربنا كلما دقات قلبي كتزيد فتسارعها)
فهد:(حل ليه الشيفور الباب الخلفي ..ركب وهز شي وراق بين ايديه..جامع تغوبيشة بين حجبانو وكيراقب لوراق بعينيه......نعرفكم على البطل ديالنا فهد الإسماعيلي 29سنة شاب فمقتبل العمر ولكين تصرفاتو وافعالو وحتى هضرتو كتعطيه سن كبر من سنو ...يمكن حيت من الطبقة الراقية اولا يمكن بنى شخصيتو بهاد الشكل معروف عليه القصوة والغرور ...شي طبيعي بما اننا كنهضرو على فهد فحنا كنهضرو على ابن اغنى العائلات فلبلاد...هادي اول سنة ليه فاستلام شركة العالمية للازياء «سيمارا»ولي كيشاركو فيها خوه علي...نرجعو الاحداث الحالية )
جواهر:(واخيرا وصلنا وقف بينا الطوبيس فموقف قريب من الشركة ونزلنا وبدات ماما كتصايب ليا شعري بيديها)
ماما:يلاه احبيبة يلاه
جواهر:(توجهنا لشركة وانا نتصدم من الشكل الخارجي العملاق لهاد الشركة كانت كلها زاج يمكن فيها 100طابق اولا كتر...طلعنا مع دريجات الامامية وصلنا لباب الزجاجي وهو يوقفنا سيكيرتي:فين غاديين الالة؟::
ماما:جينا اولدي على حساب المسابقة ديال الازياء
سيكيرتي:اه اوكي تفضلو
جواهر:(يلاه جيت ندخل وهي تجي فيا ضربة فكتفي حتى تزعزعت تلفت كتبان ليا واحد لبنت زعرة وعويناتها خضر باينة فيها من طبقة المخملية متسوقاتش ليا توجهات لاسونسير وحاطة تيلي على ودنها طلعات فيا وهبطات وقلبت وجها لجهة لأخرى لخانزة عاجبها مخها)
ماما:بنتي يلاه
جواهر:(توجهنا لريسيبسيون وراونا قاعة فين كاينة المسابقة توجهنا ليها وانا نتصدم من كترة التيتيزات فهاد القاعة وحدة تنسيك فلاخر فين غادي نبان انا قدامهم ..توجهنا لواحد المكتب محطوط فجنب عطيناهم دوسي ديالي وعطاوني واحد رقم لصقوه ليه فصدري كان رقمي 156 ويلي فين غادي نبان قدام هاد الخير كلو)
ماما:بنتي متخافي والو فاش توصلك النوبة غادي تحيدي عليك توتر وطبقي داكشي لي تعلمناه شهر هادي فدار المشية متنسيهاش راس يكون الفوق وصدر....
جواهر:ماما ماما صافي بلا متوتريني عارفة شنو ندير(اوووف شديت نفس وبدا يعيطو لبنات بارقامهم ..كانو لبنات كيخرجو اما فرحانات اولا كيبكو... بعد ساعة تقرببا جادوري يلاه وقفت غادي ندخل وهي تجي لعندي لبنت لي عطيتها دوسي)
البنت:لبنات كنعتادرو ليكم المسابقة سلات ولجنة شدات العدد الكافي من لبنات
جواهر:شنو؟؟شنو كتقولي اختي؟؟واش حتى وصلاتني نوبة عاد قرات لجنة بلي توقف المسابقة
ماما:(كتغوت باعلى صوتها)بنتي غادي تدخل...سمعتي؟؟؟معرفتو علمن تحقرو غير علينا...بنتي غادي تدخل ودابا
البنت:،سمحولي ولكين مسيو فهد وقف المسابقة وختار لبنات لي غادي يمتلو الشركة ديالنا
البنت:مسيو علي واحد البنت والام ديالها متقبلوش بلي المسابقة انتهت..وبداو يغوتو
علي:كلفتو الامن بيهم؟
البنت:وي مسيو الامن رماهم برا
علي:مزيان(جا يرجع لغرفة الاجتماعات صونا تيلي ديالو)الو وي احمد صافا.....(حط تيلي على ودنو داير يدو فجيبو وتوجه للباب الامامي للشركة لمحت عينو جواهر مرمية فالارض وكتبكي ركبتها فيها شوية ديال الدم وماماها كتمسح ليها وجها وشعرها بيديها...بقا ساهي فيها ونسى تيلي لي شاد بيدو...مفيقو من الحالة لي فيها غير صوت شي حد كيعيط ليه بسميتو)
البنت:مسيو علي ...مسيو علي
علي:(دار لعندها بزربة)
البنت:كينتادروك فغرفة الاجتماعات
علي:هاد البنت شكون؟؟(شير بيدو على جواهر برا)
البنت:هاد البنت هي لي دارت المشكلة هي وماماها
علي:(بقا سارح فجواهر حتى مشات )
البنت:مسيو كينتادروك فقاعة الاجتماعات
علي:احم اوكي(توجه لغرفة الاجتماعات وكل بالو وتفكيرة مع الجمال الرباني لي شاف دخل للغرفة وجر كرسيه وجلس)
فهد:(حط قدام علي صورة ديال عارضة)هادي غادي تكون العارضة الرئيسية للعرض الافتتاحي شنو رايك فيها؟؟
علي:(كيشوف فصورة بتمعن)معحبتنيش ملايقاش تكون عارضة رئيسية
يسرا:ههه وشنو لعيب فيها؟؟
علي:معرفتش شي حاجة ناقصة فيها يمكن وقفتها اولا الجسم ديالها...
فهد:هاد العارضة وافقت عليها لجنة كلها وهي لي غادي تكون العارضة الرئيسية
علي:انا مموافقش
يسرا:وعلاش؟
علي:معحباتنيش؟:
يسرا::ههههه اكيد مغاديش تعجبك حيت ذوقك معروف بنات لعفن هوما لي كيعحبوك
علي:يسرااااااااا(صرخ باعلى صوتوا)
فهد:(شير للجنة الحاضرة تخرج )شنو كديرو واش حتى مشاكلنا وامورنا الشخصية غادي يسمعها اي واحد
علي:شنو المشكل عندكم؟؟علاش هاد الأسلوب فتعامل معايا؟؟؟واش حيت بغيت وحدة ماشي من الطبقة ديالنا ...واش الواحد يقدر يتحكم فقلبو
فهد:المشكل فيك انت لي رميتنا فهاد الشي كلو لو كنت كتخدم عقلك قبل قلب مكناش وصلنا هنا
علي:هه عجيب كتهضر بكل برود ولكين فاش تبغي غادي تعدرني
فهد:مستحيل نبغي وحدة ماشي من طينتي هادي ديرها فبالك
علي:واخا اخويا غادي نشوفو...ولكين عقل على هاد لكلام غادي تبغي وحدة اقل منك بدرجات وماشي غير هكا غادي تموت على التراب لي تمشي عليه
فهد:هههه مستحيل يوقع هادشي وانا كنواعدك عمرو يوقع(ضربو بكتفو وخرج)
جواهر:(شدينا طوبيس ورجعنا لدار كنجرو اذيال الخيبة حسيت بماما باقي فيها الحال بزااف ولكين مقدراش تهضر ..دخلت لبيتي بدلت حوايجي..وتوجهت لدوش غسلت حالتي ولبست بيجامة قصيرة وخرجت كنقلب على بيدادين حيت حسيت بجرحة كتحرقني)
ماما:جواهر اجي نديرليك بيدادين لتخمج الجرحة
جواهر:(مشيت لعندها مديت ليها ركبتي وبدات داوني فجو هادئ ماما مركزة مع جرح وانا غير كنشوف فيها حيت هاد الهدوء ديالها معاجبنبش)ماما انا نمشي لعند مريم شحال هادي مشفتها
(فغرفة كيتسمع منها اصوات سمفونية الاسطورة فيفالدى كيتواجد البطل ديالنا فهد فغرفة دربسيتغ دخل لاوي عليه فوطة وجسدوالمتقون الرسم😱 كيقطر وشعرو الحريري كتقاطر منو قطرات من الماء ضغط على زر وتحل ليه بيبان من الزاج كيوضحو حياة الفخفخة لي عايش فيها ....غرفة كضم اخر صيحات الموضةالعالمية(دولتشي كبانا\أديداس/نايك/كاديني/بووووس/لاكوست.....والقائمة تطول) ...جبد سروال اسود وتيشورت ابيض من لاكوست توجه لمجر ديال التقاشر جبد منو تقاشر فنفس لون السروال جبد صباط سبورتيف على كاجوال فلابيض توجه لوسط لغرفة كتواجد بياس زجاجي كيضم اخر انواع الساعات العالمية من(رولاكس/اوميجا/رونسان.....)وضع ساعة من اوميجا كتبرز قمة الذوق لي عندو ووضع اخر لمسة بعطرو المفضل بلو دو شانيل..نشف شعرو بلفوطة لي بيدو ورجعو غير بيدو مسبسب وحريري😍 هز تيلي ديالو ونزل لسفرة العشاء)
جواهر:(شفت فيه ومشيت كنجر رجليا لدار ..تفو على حياة يلاه وليت كنحس بماما ...عايشين فدل كنتسقرمو على الريال ومع ذلك عايشين فلويل الله ينعل بو الفقر ...توجهت لدار حانية راسي طلعت وجهي كتبان ليا فيراري حمراء واقفة عند باب الدار...خير انشاء الله هادي من فين خرجت؟؟ مستحيل تكون واقفة عندنا ...دخلت الدار مدرما ناقضة على الوضعية)ماما عرفتي هاد محماد شي نهار غادي يجيب لينا لبوليس قاليك بغا رزقو(كنهضر وكنحيد صباطي)خاصنا اماما نخل....(جمدت فبلاصتي كانت ماما جالسة فصالون وباينة عليها علامات الفرح والسرور وجالس حداها دري بيكيس باينة عليه مفخفخ من الباس يعطيك العربون)
ماما:جيتي احبيبة دخلي سلمي على ضيفنا
جواهر:'مديت ليه يدي..كيبان ليا غير ساهي فيا ونضراتو كتختارق كل شبر فيا)سلام
علي:اهلا تشرفت بمعرفتك اجواهر ..ا..انا علي الاسماعيلي واحد من المدراء لشركة سيمارا للازياء
جواهر:(خرجت فيه عيينا ممصدقاش شي لي كنسمع جلستني ماما وجلست حدايا)
ماما:ههه سي علي جابغا يهضر معانا فموضوع مهم
جواهر:الله يسمعنا خير
علي:فلحقيقة هو موضوع كيعنيك نتي بذات اجواهر ممكن نهضر معاك على انفراد
جواهر:ماما مكنخبيش عليه اي حاجة لي عندك ممكن تقولو قدامها
قصة الساحرة و عالم المشاهير
محتوى القصة
التنقل بين الأجزاء