شرارة حب غامض الجزء السابع

وصلنا للمول هابطة شادة لاسلام فيديه و كنتمشاو مرزنين و كنزة مع مي فطومة و فتاح تابعنا من اللور .. بقيناا غاديين و كنزة كتحنقز علينا باغا تمشي للبارك ديال لالعاب و باغانا نتغداو فماكدو و بغات تشري شحال من حاجة .. اسلام تابعها فالهبااال و داااير ليها خاااطرنا و قابل شوروطها ولينا من محل بمحل و حتى انا استغليييت الفرصة خدييت شحاال من حاجة .. و خديت شي حويجاات لماما حتى هي و مبقا لينا فين نزيدو نهزو و مزال شي حاااجة (تيليفون اسلام كيصوني ) .. 

اسلام ,, سمحو ليا نجااوب .. (بعد علينا كيهدر ) .. 

بقينا فواحد المحل دمكياج (ماك) و كنزة لاصقاني قالت لك تاهي باغا تشري عكر و دكشي دالعينين .. البعلوكة ضاسرة .. تقديت و درت ليها خاطرها خديت عكر و قلت ليها ديالك هدا واخا ديالي .. خرجناا من المحل و هو يجي اسلام سالا المكالمة .. 

اسلام ,, حبيبة خرج ليا شي شغل خاصني نقضيه نتي بقاي هنا و نخلي معاكم فتاح و انا غادي و ندي معايا هادشي اللي شريتو باش ميتقلش عليكم ☺️

سندي .. (كنتسناه اسالي هدرتو ) لا ا حبيبي هما يبقاو و انا نمشي معااك نقضيو الغرض بجوج رجلي برجلك 😋😋 

اسلام .. (والايني حصلة هاادي باش غانتفك منهاااا ) هيهيهيهي 😅 لا غير خليك مع كنزة تديها الالعاب 

سندي .. كنزة راها مع مي فطوومة غا يالله نمشيو .. 

كنزة .. اوووووووووووف😠😠 سيرو ولا كلسو لقااو شي حل دغيا انا راني باغا لعب .. و انتي (كتشير لسندي ) الا مشيتي حطي العكر ف بيتي 😒😒 

اسلام .. حبيبة مازال مشريتي كااع دكشي اللي بغيتي (جبد كارط بونكير ديالو من جيب ) هاكي خودي اللي عجبك (خرجو عينيها ) و الا ماقدااتكش هاكي (جبد كارني د شيك ) حتى هو يمكن تحتاجيه .. 

سندي .. واخا على خاطرك غانبقا غير على قبل كنزة 😋😋😍 

كنزة .. ماعلا قبليش .. راني عايقا بيك 😏 

اسلام .. مهم خودو اللي بغيتو و انت ا فتااح حضي معااهم انا غادي 😉 

فتااح .. كون هااني 🙂 

مشا اسلام كيجري هاز داكشي اللي شرينا داه معاه و انا و بنتي ما خلينا حتى قنت و مخلينا فاش لعبنا و اللي تشهيناها و حطينا عليهاا يدينا كنااخدوها و خديينا ل مي فطوومة حتى هيا و لمرت فتيتيح تاهو .. المهم دوزنا وقت زوين و فالاخير قلت لفتاح يدينا ل شي بلاصة نتغدااو فيها .. ولكن كنزة قالت باغا ماكضو و انا ماباغاش نخصر ليها خاطرها و مشينا ..

#اسلام .. 

من بعد ما صونا عليا الوليد و قالي باللي عبد العزيز فالدار .. كان خاااصني شي طريقة نتفك بيها من سندي حيتاش عرفتها غا تلصقني .. ما تفكيت منها غير ب ستة و ستييييين كشيفة .. حلفااات حتى تمشي معايا .. ولكن لكااارط فكاتها .. ودعتهم و خرجت كنجري من المول طلعت للطونوبيل بالخف .. كسيريت حتى تحكو رواايض مع الارض و خلاو طابع .. و حتى الناس خليتهم يشوفو فيا .. وصلت للدار دخلت لقيتو وصل ديجا ... سلمت عليه و بدون مقبلات طلب باش ادخل للموضوع و حتى انا معنديش مع الرسميات .. 

.. الحوار بالانجليزية ... 

عبد العزيز ".. (كيبين الجدية ) كيفما كتعرفو انا شكانكون .. (كيهدر و كيشوف فالكاس دالقهوة اللي فيديه ) .. نزيد نعرفكم .. انا عبد العزيز فرات من اصول سورية و تركية .. يمكن نقولو اصوول تركية اكثر .. من عائلة حاكمة و آغوية فتركيا .. و جيت نتعرف على بنتي .. و اكيد انا عمرني نسيتها ولكن ظروف مسمحاتش ليا نجي .. و فاش سمحات ليا جيت و قلبت عليها ولكن مع الاسف لقيتها خارج البلاد و فاش دخلات راه وقع اللي وقع و بقية الحكاية عرفتوها .. 

اسلام" .. (حاجب طالع و لاخر هابط ) فهمتك .. ولكن ماشي بهاد السرعة .. غادي تخلي الوقت المناسب نشرح لسندي اولا و تعرف من عندي من الاحسن .. 

عبد العزيز .. واخا انا عندي الوقت .. ولكن صبر معنديش .. باغي نتعرف عللى بنتي عن قرب ☺️ 

اسلام "... منقدرش نوااعدك بحتى حاجة .. سندي هي من الاشخاص الحساسة بزااف .. و مبغيتش توقع ليها شي حاجة بسبب هدشي .. فلهذا كنتمنا تزبد الصبر لقائمتك .. 

عبد العزيز ".. نحااول 😇 .. تشرفت بعرفتكم 

اسلام ".. كنت كنتمنا نجاوبك بنفس الجواب ولكن كون جيتيني فوضع حسن من هذا .. و سمح ليا امكن لك تفضل قبل متجي سندي مبغيتهاش تشوفك .. ماعنديش اجوبة دابا .. 

عبد العزيز ".. صحيح ولكن قبل عندي طلب اخير .. 

اسلام ".. تفضل ..

عبد العزيز ".. بغيت نشوف مادام مريم الا كان ممكن .. 

اسلام ".. عل(وقف الوليد و قاطعني ) 

يحيى ".. مع الاسف ولكن هي رافضا تشوفك .. 

عبد العزيز ".. ممكن تعاود تمشي طلب منها الاذن و تقوليها الموضوع مهم لدرجة انه المرة الجاية هي اللي غاطلب تشوفني 😌😉 

يحيى ".. ممكن تقوليا انا نقوليها .. الوضع ديالها مكيسمحش (تقرص)

اسلام بقا غا كيشوف مافهم والو .. 

عبد العزيز ".. حتى وضعي مكيسمحش .. يمكن لك توصل ليها هاد الهدرة .. وكنواعدك ماغانتعطلش ..

يحيى ".. (كيسوط) واخا ..

طلع الوليد عند مريم و هبط و عيط لعبد العزيز اللي كان متأكد انها غاتستقبلو و ابتسامة فوجهو .. 

#جناح_الوليد_ومريم .. 

دخل يحيى و عبد العزيز عن مريم و هي تزير .. 

يحيى ".. متزيريش على راسك انا غانبقا معاكم .. 

مريم ".. لا من الاحسن تخلينا بوحدنا (شيرات للممرضة حتى هي ) 

خرج يحيى و الممرضة من الجناح كامل .. عبد العزيز مشا يجلس فواحد الفوتووي و هز راسو لمريم شافيها بطريقة غريبة .. 

(الحوار بالسورية)

عبد العزيز ".. ياك قلت لك فاش تكبر غانرجع و نلقاكم واخا منعرف اش ديري 😈😈 .. 

مريم مصدومة و غير كتشوف ف عبد العزيز معندهاش باش تجاوبو .. 

عبد العزيز : مهم غانعطيك مدة يومين و نلقاك ساليتي دراما ديالك .. و قلتي لسندي الحقيقة .. معنديش بزاف دالوقت .. و هادو اللي لتحت تاهوما تكلفي بيهم (تيقصد اسلام و يحيى ) .. 

تم غادي خارج يحل لباب و هو يضور .. 

عبد العزيز: (نظرة جانبية ) راكي عارفاني شكنسوا 😉 .. 

خبط بالباب و خرج و لبس قناع البراءة و كأن شيئا لم يحدث .. و خلا مريم كيتبدلو فيها الالوان و تتنفس بصعووووووووبة .. و غارقة كتقلب على شي حل لهاد الموصيبة اللي طاحت عليها .. 

هبط سلم على الجميع و ودعهم قبل متجي سندي و تفكرو و تبدا فالاسئلة ديالها اللا متناهية .. رجع يحيى عند مريم يطل عليها لقا الممرضة عطاتها مهدئ و طلب يبقاو بوحدهم .. 

يحيى : ياك مكاين شي مشكل  🤔

مريم : (ضحكة صفراء و كتحرك راسها يمين يسار ) 

كتقصد لا .. بقا شحال ساهي و ساكت و مشا كلس فواحد الفوطوي و تقابل معاها . بقا شحال كيشوف فيها .. 

عبد العزيز : علاش تفارقتو .. ؟؟

هزات مريم راسها بعد صدمة سؤال اللي جاها على غفلة بدون مقدمات و مباشرة و كتفكر فجواب مقنع اللي يخلي يحيى يقتانع و يسد الموضوع و كلشي طاح ليها فرمشة عين و من بعد تنهيدة خرجات بيها شحال من جواب عاد نطقات .. 

مريم .. : متفاهمناش بسبب تقاليد و العادات ديالهم .. و الاختلاف خلانا نتناقشو بزاف و قررنا يكون طلاق هو الحل 🙂 

ماجاوبهاش غير حرك راسو و بين ان جوابها مقنعاتوش .. ولكن فهم انها كتحاول تسد الموضوع و هو محكرش ..

خرج يحيى مريم خلاها ترتاح و هبط يشوف اسلام .. 

يحيى : (هابط فدروج كيعيط ..) اسلام اسلام ..

مكيجاوب حد و هو كيعيط و يدور ف عينيه حتى لقاه .. 

اسلام : (كيهدر فتيليفون و كيشير بيديه ) ..

زعما تايسالي .. 

يحيى : فاش تسالي تبعتي للبيرو .. 

حرك ليه اسلام راسو ايجابيا و طلع يحيى البيرو (مكتب خاص مكيدخل ليه تاواحد من غير يحيى و اسلام ) .. فالوقت اللي كيهدر اسلام فتيليفون سندي جايا بوحدها مع شيفور (عيطات ليه ) حيتاش شرات كاع اللي بغات و لكن كنزة مازال مبغاتش ترجع و خلاتها مع مي فطومة و فتاح .. وصلات للقصر مع دخلة كيبان ليها اسلام قطع المكالمة و هو يمشي يلحق على باه .. و هي شافتو طالع اسحاب ليها غادي للجناح ديالهم و بقات تابعاه بالسكوتي باش تفاجءو زعما و لكن النسبة الاكبر من المفاجأة خداتها هي .. 

بقات تابعا اسلام ولكن بدل اتجاه الجناح و مع ذلك ممفاكاش بقات كتسلت و تخبا حتى بان ليها دخل للمكتب و سدو و مشات كتصنط .. 

يحيى : كلس (كيكب كاس 🥃 ) نكب ليك .. 

اسلام : واخا .. فاش باغي تهدر معايا .. 🤔 (كيتساءل ) .. 

اسلام و يحيى : 🥂 (حركو ريوسهوم لبعضياتهوم زعما نخبك .. هما فطبعهم بحال صحاب ..) 

يحيى : معمرك جبدتي مع سندي الموضوع ديال باها .. ؟ 

سندي : (من مورا الباب ) 😳😳😳😳

اسلام : لا .. علاش ( كيجغم و نظرات استغراب فوجهو ) 

سندي : (بينها و بين راسها ) اويلي شجال بابا الهدرة و لاش كيدويو عليه .. زعما يمكن يطلقني حيتاش معنديش بابا 😭😭😭 اناري اولا ... يا ربي ميكونش بصح .. زعما يكون بابا يحيى بابا الحقيقي و بغا يقولها لإسلام و اناوياه خوووت 😳😳😱 اهياناري ممكن اهئ اهئننن اهي اهئ اهئ😭😭😭😭😭 .. (متكية على الباب ) ..

سندي غرقات فتخميمها و تيقاتو و بدات تتفكر و تهدر بجهد غا بوحدها و نسات راسها حتى بدا اسلام و باه تيسمعو تهرنين خفيف و قالو يطلو شواقع .. يالله حلو الباب و هي طيييح عليهم .. 

يحيى و إسلام : (صدمة ) سندي 😳 

سندي غي كتبكي وهي سامعا غير جملة وحدة و مشات فصلاتها و خيطاتها كيف بغات و البقية دالاجتماع فلت ليها مع غرقات فتفكيرها .. 

إسلام : شكاديري هنا ... ياكما كنتي كتصنتي 😡 ... 

كيحاول ينوضها و يدخلها .. عطاها كاس دالماء باش ترجع ريق شويا و يفوتها الحال .. 

سندي : اهئ اهئيئئئ 😭😭😭😭 .. اراني سمعت كلشي و نتوما اهئ اهئ😭😭😭 ( هي ماسامعا والو من غير الجملة الاولى المباقي من دماغها .. اما ا

هدرة مقدراتش تكملها بالبكا و تنخصيص ) .. 

اسلام : ( فهم غلط و على بالو سمعات الحوار كامل و غمز لباه يخرج باش يهدرو على انفراد) .. غا تهدني انا نشرح لك كلشي ..

خرج يحيى و بقات سندي مع اسلام كيهدن فيها و يسكتها باش يحاول يشرح ليها المضمون دالحوار اللي كان عبارة على انا يحيى سول اسلام على سندي واش عمرها جبدات سيرة باها ليه و هو جاوب بالنفي .. و بالفعل سندي عمرها جبدات الموضوع لا مع اسلام لا مع غيرو .. حتى هي و مريم مكيهدروش على الموضوع .. الحاجة الوحيدة اللي كتعرف هي باها سوري الجنسية ينحدر من اصول تركية .. نظرا انها واجهات مشكل فالبطاقة الوطنية فاش كانت غاتصاوبها .. غير هذا مكتعرف والو و مكتسولش عليه نهائيا .. بالنسبة ليها هو نكرة و مكنش عندها خصاص من ناحية الابوة لانو مريم مكنتش مقصرة إضافة الى البيرت الى جانب هدشي سندي ماشي من نوع العاطفي او صغير فعقلو بالعكس كانت ناضجة فتصرفاتها و عقلها كبير .. المهم يحيى قال لإسلام القا شي طريقة اللي تخلي سندي تقبل الموضوع و يبين ليها باللي مغيوقعش تغيير فحياتها .. الخ .. و هما كيفكرو فطريقة سمعو تهرنين .. 

اسلام فهاد الاثناء فاش كيحاول يسكتها هي هزات راسها شافت فيه نظرة حب و اشتياق و كثير من الشعور و الكلام اللي يعجز الفم ينطقو .. 

سندي : اسلام .. شوفيا و متكدبش عليا 😞😢😢 .. اناوياك ماشي خوت ياك ؟؟ 

إسلام : (مصدوم معرفش شكتقول ) اشنو .. كيفاش ؟؟ شناهي خوت و منين جبتي هدشي و شهاد تخربيق !!!؟؟

سندي ؛ اهئ اهئ اهئ 😭😭😭 و كتنكر مزال (كدفعو ) سير راني سمعتك انت و باك بلا متخبي عليا .. ناري كلشي غيمشي ودكشي اللي عشنا كامل .. 😱😱😱😱 اويلي و حنا كنعسو و نتباوسو وحنا خوووت 😭😭😭😭😭 اويلي اويلي (كضرب فوجها و ركابيها ) درنا الحرام 😭😭😭 جهنم خالدين فيها ابدا 😱😱😱😱 زنى المحارم .. 

اسلام مفهم تا حاااجة غا كيشوف .. قال امكن بسبب صدمة ديال دكشي اللي سمعات كتهرنن و دخل و تخرج فالهضرا و هو حاول يعنقها يسكتها .. 

سندي : (دفعاتو ) اهئ اهئ اهئ 😭😭😭😭 اويلي بعد و مزال زايد فيه. . واصاف تقبلها حنا خووت .. 

اسلام : (بدا كيتعصب 😡😡) اشمن خوت شكتخربقي انا و الوليد كنا كندويو على باك انتي اللي بان جديد و بسبابو مك سخفات .. 

اسلام : 😳🙊

بقات سندي شحال كتستوعب الهدرة و بدا صوتها كيسكت شويا بشويا .. و اسلام غادي جاي قدامها كيحاول الطف الجو و يناقش معاها الموضوع و يخليها تستوعب بطريقة احسن .. 

بقاو فداك السكوت شحال و اسلام عيا بالوقيف و بعد مشا كلس فالبيرو كيضور بداك الكرسي و كيجغم مرة مرة فالكاس و كيشوفيها ولكن غير ضور وجها يدير بحال الا مكيشوفش .. 

من بعد صمت طويييل .. 

سندي : عيهيهيهيهيه 😄😁 دبا انت ماشي خويا ( الفرحة فعينيها ) .. 

إسلام : (كيحرك راسو يمين يسار و هو يحدر عينيه كيوشوف فالكاس و كيدور صبعو من الفوق ) .. 

سندي : يعني ماشي هاد الموضوع علاش جيتو تهدرو هنا (كتمسح و دموعها و كتبتاسم ) .. 

اسلام : (عاود نفس الحركة ) ..

بقا اسلام ساهي فالكاس محسش بيها حتى طارت عليه بواحد تعنيقة من اللور .. 

سندي ؛ الحمد الله الحمد الله الحمد 😍😍😘😘😘😍 .. 

إسلام تعجب من ردة الفعل د سندي اللي متسوقاتش لموضوع باها مع انه كان حيران كيفاش يشرح ليها و يبسط ليها الامور .. حاول يلطف الجو و يدخل فالموضوع بطريقة غير مباشرة بلا متحس .. حيتاش يمكن دير راسها مسمعاتش اولا مبغاتش تفهم الموضوع .. اولا متسوقاتش حيتاش مكيهمهاش .. 

اسلام : (كيدورها عندو ) اشنو سمعتي الهبيلة (قبلة خفيفة سريعة هه ) .. 

سندي : هههه 😋 سمعت بابا يحيى كيسولك على بابا وش عمرك جبدتي معايا الموضوع عليه .. قلت يمكن هو الاب الحقيقي ديالي حيتاش شفتو مهتم شخصيا بالامر ( كتهدر و تشوف مرة فالارض مرة فيه مرة فالحيط مرة فالسقف و كتلعب فشعرو ) صافي .. 😁 

اسلام : حمقة انتي .. اوا ا لالة ماشي هدشي .. كيفما سمعتيني قلت لك حنا كنا كنهدرو على الاب الحقيقي ديالك رجع .. 

سندي : (ممسوقاش مادارت حتى درة فعل ) ايوا .. 

اسلام : (تيتعجب ) .. كيفاش ايوا .. زعما باغي يتعرف عليك .. و فاش جا قلب عليك و لقاك .. 

سندي : (عادية ) اه مرحبا .. مهم نخليك غانمشي ندوش تسخسخت اليوم و باغا نرتاح .. 😘

اسلام : (باستغراب و تعجب ) اهاه واخا ا حبيبة ( بوسة 😘) .. اها بلاتي كنزة فالجردة ولا الجناح ديالها ؟؟

سندي : (كتصرف طبيعية ) امكن مزال ماجاو .. خليتهم و جيت بوحدي عييت .. 😌 .. 

اسلام ؛ واخا سيري رتاحي .. انا نسيفط لك شيوحدة دير لك مساج تخففي عضامك .. 

سندي : (نايضة باش تمشي ) لهلا يخطيك ا حبي (بوسة ففمو).. 

مشات خرجات و سدات الباب و اسلا متبع ليها العين و مستغرب من تصرفاتها اللي كتبين انه كان شيئا لم يحدث .. 

دازت سيمانة و الاحواال روتينية كيف ديما حتى حاجة متزادت .. سندي مرة خارجة مرة داخلة .. كنزة طلع ليها المغرب فراسها باغا ترجع لدانمرك و حتى مها (سندي )صراحة ولكن مكتبينش .. اسلام و يحيى خدامين غير من المغرب و تيليفون مع نائبين مكيسكتش .. قررو ميرجعوش حتى تلاقا سندي مع باها و تهدر معاه .. و هاد الفكرة بالنسبة لسندي تتبين ليهم انها حاجة عاديا ولكن بينها و بين راسها ممتقبلاش الفكرة و مكتحاولش دخلها لراسها و مكتبغيش تبين قدامهم باش ميبحكروش عليها. . كتقول انها غتصرف عادي و تسلم عليه و متبينش.. اخريتها غاترجع لدانمارك و تنسى و كأن شيئا لم يحدث .. 

اما مريم فاتها الحال .. أصلا عاطيينها الراحة و جايبين ليها ممرضة و الادوية .. بفضل هدشي رجعات كيف قبل .. و يحيى مكيخليهاش ديما معاها ممقصرش من جيهتها.. مع انه موضوع عبد العزيز مزال شاطنها و ممتحملاهش و مكتبغيش تهدر فيه واخا مكتقولهاش ولكن غير كتجبد سيرتو قدامها كتبدل و تولي وحدة اخرى .. و فاش عرفات باللي سندي تقبلات الموضوع بحال الا نزل نص دالحمل من ضهرها .. ولكن واخا هكاك مزال ممرتاحاش %100 .. 

صباح جديد .. 

اسلام و سندي ناعسين مابيهم ماعليهم حتى بدا تيليفون اسلام تيصوني ..

.. فاقت سندي كتفيق فإسلام يجاوب ولكن لا حياة لمن تنادي .. بقات معاه تا فيقاتو .. و حتى اللي كيصوتي ممفاكش كيقطع و يعاود مصر باش يهدر .. 

فاق اسلام حط يديه على تيل جاوب بلا ميشوف شكون .. 

اسلام: (عينيه مسدودين باقي مبوق و صوتو مبحوح ) ألو .. 

... : Good morning Islam .. 

الحوار بالاءنكلش (الانجليزية) 

اسلام : شكون معايا (ساخط على الوضعية و اسحاب ليه الخدمة ) 

... : معاك عبد العزيز .. سمحلي عيط لك فهاد الوقت 

اسلام : (توكض ) اه اه .. اممم لا ماشي مشكل .. 

عبد العزيز : منطولش عليك بغيت نعرف واش مساليين نجي اليوم وقت الغدا نشوفكم و نهدر مع سندي .. 

قبل يوماين اسلام عيط عليه و قاليه باللي سندي عرفات الحقيقة .. 

اسلام : اه اه حنا فالدار مرحبا .. 

سندي كتسآءل بعينيها و يديها زعما شكون كيهد .. 

عبد العزيز : واخا شكرا و سمحوا ليا .. 

اسلام : ماكاين مشكل (قطع ) .. 

غيرر قطع و هي تبدا سندي بالأسئلة كيف العادة ديال معامن كنتي تهدر و شكون جااي .. 

اسلام : نوضي باراكا من الهدرة وجدي راسك باك جاي .. 

تصدمااااات نيت ولكن مبيناتش و دارت ضحكة صفراء .. 

سندي : (ابتسامة متصنعة جدااا ) اه 😊 واخا مرحبا .. هاني نوض نوجد .. 

سندي : (بينها و بين راسها ) ناري هادا لاض جاي شباغي .. داروها بصح يخ .. انا مزال ممستاعداش نهدر معاه .. خفت نبين انني ماباغاهش .. امتا غير يفوت اليوم و نرتاح و نبدا نقتع فإسلام نمشيو فحالنا ..

ناضت سندي دوش و تبدل حوايجها و تقاد حالتها و بينها و بين راسها كتقول 100 هدرة عكس اللي كيشوفو هوما .. اما اسلام ناض بلا ميغسل حتى وجهو و مشا كيجري لجناح د باه باش يعلمو بالجديد .. ولكن ندمو لاش جاي ليه فصباح (سي يحيى منعسش بكري 😂) .. و وصاه يوصلها ل مريم .. 

عيط اسلام على رئيس الخدم اللي فالقصر باش يعلمو باللي كاينا وليمة فالغداء .. 

رتب اسلام جميع الترتيبات اللازمة باش كلشي يكون هو هاداك و ميتحاشمش مع نسيبو جديد .. و وقف هو على التفاصيل مع انه ماشي من عادتو .. فاش كمل رجع للجناح ديالو باش يدوش تاهو و يقاد حالو .. يالله دخل و هو يتلاقا مع سندي خارجا من دوش بالبينوار و كتقلب فالكوافوز على كريماتها .. شافها و بقا كيدير فيها نظرات الإعجاب و هي مزال ماشافتو عاطاه بظهر .. حلات صمطة د بينوار بلا متحيدو خلاتو عليها و كلسات كدهن لحمها و هو بقا ساهي فيها حتى مبقاش قادر يبقا غير يشوف .. بقا كيتمشا عندها بخطوات ثابتة حتى وصلها و هو يعنقها من اللور بطريقة مثيرة و حميمية .. حط وجهو فعنقها مكيبوس ما والو غير كيشم ف ريحتها و هي حاطة واحد اليد على يديه اللي معنقينها و وحدة على راسو و حتحسس انفاسو و كتستمتع باللحظة .. بقاو شحال فديك البوزيسيون حتى هز راسو لودنيها .. 

إسلام : (بحنية و بصوت خفيف فودنيها ) توحشتك ا حبيبة (بوسة تحت الودن ) .. 

سندي من بعد الحركات و هدرتو طلعات معاها تبوريشة و الهدرة متقدرش تعبر على الاشتياق ديالها ليه و قررات تعبر بالفعل .. 

ضارت عندو و شدات يديه ضوراتهوم على خصرها و عنقاتو تعنيقة حااااارة دامت وقت طويل عاد طلقاتو .. و هي تشوفيه و نزلو شي دميعات من عينيها .. 

حيد اسلام يديه من خصرها و هو يمسح دميعاتها اللي هبطو و هز ليها راسها شافيها و باسها من جبهتها و هو ينزل لفها و غرقو فقبلة قالت الهدرة اللي عجز اللسان بنطقو ..

.. دابو فديك القبلة لمدة اكثر من طويلة مع حركات جريئة الا انهم مشعروش حتى لقاو راسهم فوق ناموسية مشروكين بجسد واحد و روح وحدة و تيتنفسو نفس واحد .. قضاو الغراض و عاودات دخلات سندي للدوش هههه ولكن هاد المرة مع إسلام. . دوشو ببسالتهم مكيساليوش .. خرجو و لبسو حوايجهم و هبطو يفطرو بكل فرح وروح مليئة بالنشاط .. لقاو الجميع على السفرة بداو فالفطور .. 

يحيى : سبع من قبيلة فيقتيني و عاد هابط .. ياكما داك نعاس مرة اخرى 😉 (زعما عاق بيه ) .. 

اسلام : الوليد حتى انت ماشي من عادتك متفبقش بكري .. يكما البارح بقيتي سهران 😉 (كيحشي ليه الهدرة ) 

مريم : كح كح كح 😳

سندي : (مدات ليها كاس دالماء ) بسم الله عليك ا ماما .. 

إسلام كيضحك بالجنب زعما عايق و كيشوف ف باه اللي حشم قدام مريم اما إسلام معندو علاش يحشم هههههه كلشي عندو عادي و موووت عادي .. فوووووووق السلك 😂 .. 

فطرو في جو مليء بالضحك .. خصوصا كنزة اللي كتلوح شي هضيرات كبااار عليها زعما راني عايقا بيكم و سالاو و هما بنوضو يشربو قهوتهم فالجردة .. و نيت كنزة باغا تعوم فلابيسين .. 

طلعات مي فطومة توجد كنزة و سندي و مريم خرجو للجردة .. أما اسلام و باه طلعو للبيرو يناقشو الامور اللي كتعلق بالخدمة و حتى بالعائلة ..

داااز صباح كامل بحال هكاك .. بقينا فجردة حدا لابيسين بحال هكاك حتى تحل الباب ديال القصر اللي على برا و دخلو جوج طونوبيلات كحلين و زاج فيمي (اسود مكيبينش ) هبطو 4 من واحد طونوبيل و جوج من طونوبيل الاخرى لابسين حوايج رسمية و باينا فيهم ماشي مغاربة .. و باقي صغار و زوينين .. مشاو واحد جوج حلو الباب لواحد راكب اللور .. هبط اخر واحد بغيت نشوفو ( عبد العزيز ) الاب ديالي زعما كيفما قالو .. كنت كنضحك و وجهي بشوش ولكن فلحظة قلبت 6-9 ولكن باش متعيقش ليا ماما درت ضحكة صفراء و ضرت عندها .. ولكن لقيتها هي كثر مني .. يمكن حيتاش مشا و خلانا باقا حاقدة من جيهتو بحالي .. المهم تم جاي داخل الفيلا ماشافناش و انا نسمع واحد من رجالو ...

...: Tamam Abdülaziz bek .. bekliyorum 😊 

هنا عرفت رجالو تواركة (عيش فيك ا فدوى ).. 

<فدوى {كاتبة}(واخا على مك ا سندي متبقاش فيك 😡 .. >

و انا كنقول هاد زين اللي نزل من طونوبيل منين ( راه واخا مزوجة باقي كنزل و يضربني طيطيز على شعا ) .. بغيت نستفسر كثر على بابا و انا ندور عند ماما .. 

سندي : ماما ماما ماما (درت ليها باي باي قدام عينيها ) .. 

مريم : (قفزات ) ا ا ا نعام . 

سندي : فاش كنتي ساهية فاش كتفكري .. 

مريم : ف الموصيب ... ا ا لا والو كنت كنسمعك .. شكنتي كتقولي ؟؟ .. 

سندي : هاد بابا واش سوري ولا تركي .. 

مريم : هو سوري من اصول تركية .. جدورو تركية .. و عائلتهم حجرتهم ثقيلة من دوك الاغوات صعاب .. بحال دكشي اللي كنشوفو فالأفلام تمام. . 

سندي : اواااه .. و علاش مشا .. 

مريم : كان خاصو يمشي يتبع حرفة د بوه و جدادو و يدينا تاحنا ولكن انا مبغيتش و بقيت و قالي .. ا ا ا و صافي 😊 ..

.. سندي : واخا ا ماما دخلي نلبسو و نقادو حالتنا نتلاقاو مع هاد سيد .. 

مريم :لا لا غا سيري انتي خليني انا نبقا مع كنزة .. 

سندي : (كتجرها ) غي زيدي كنزة مت مي فطومة .. انا اللي غاتخليني بوحدي .. 

جراتها بزز و دخلو من باب اللور حيتاش عرفو ان عبد العزيز غايكون فالصالون اللي مقابل مع الباب .. و بالفعل داكشي اللي كاين .. كي دخل عبد العزيز داوه الخدم للصالون و مشاو عيطو على اسلام و يحيى يجلسو معاه .. مشا اسلام سول على سندي قالو ليه كاينا فلابيسين مع كنزة .. مشا يطل لقا غير كنزة مع مي فطومة .. عرفها دخلات من باب اللور و هو يعيط ليها من تيليفون .. 

سندي : نعام ا بب 

اسلام : حبيبة هبطي باباك هنا .. 

سندي : واخا نلبس و نهبط انا و ماما 

اسلام : كنتسناك (قطع ) .. 

غير قطع معاها و بالخف عيطات على مريم .. 

مريم: شباغا ياك عاد تفارقنا .. 

سندي ؛ ماما طلقي راسك و متهبطيش حتى نهبطو بجوج .. تسنايني فالكولوار .. 

مريم : افف واخا (قطعات ) .. 

أمر اسلام الخدم باش يوجدو طبلة الغدا بينما هبطات مريم و سندي .. و بالفعل الخدم كيوجدو شحال و كيحطو داكشي اللي وجدات يالله ما لالة سندي شرفاتنا هي و مها بحضورها بعدما قرصاتها مهل فالدروج باش مدير حتى فضيحة و تصرف بطريقة طبيعية (دير عقلها ) هههه هابطين ب ضحكة صفرة و كلشي كيشوفيهم لقاوهم مجموعين على سفرة.. مشات مريم اول وحدة عند عبد العزيز سلمات عليه باليد و سد عينيه (زعما سلام ) .. غير وصلات عندو سندي و هو يوقف اخدها بين الاحضان و طب طب عليها و هي ممعنقاهش غير كتعوج من موراه 😏🙄 بلا ميشوفها تاواحد .. غير تقابلات معاه ضحكات ليه ضحكة صفرة و هي تسلم عليه بالوجه و خلاتو مشات حدا اسلام .. 

اسلام : راني شفتك 😇 

سندي : (كتهضر بشويا و ضحك ضحكة صفراء ) عيهيهيهيهي 😄 بلا فرشة الله يعطيك اللقوة .. (رفعات صوتها ) فيناهي كنزة .. 👀 

اسلام : راه قلت ليهم قبيلة يقولو ل مي فطومة طلعها و دوش ليها و يجيو .. شويا و يكونو معانا .. 

مازال كاعمغ سالا هدرو و جايا بعجاجتها كتجري .. غير شافت عبد العزيز و هي تمشي تكمش عند اسلام و كتهضر بشويا .. 

كنزة : (مخشبة فإسلام و كتهضر بشويا ) شكون هداك .. 

اسلام : (حتى هو صوتو ممسموعش ) جدك جديد .. 

كنزة : 😳😳 ..

.. تغدينا و سالينا فجو هادئ جدا كثر من المعتاد حتى قربنا نساليو .. 

اسلام : من بعد الغدا يمكن ليكم طاعو للبيرو تشربو فيه قهوتكم .. 

سندي : احم احم (شربت جغمة دالما و قربت لودن اسلام ) شكون هادو ا حبيبة .. (ضحكة صفراء ) .. 

اسلام : (فودني ) متبوهليش عليا .. انتي و موك و باك 🙄 .. 

دوزت هدرتو بجغمة دالماء و قلت صاف ماشي مشكل نهار و يدوز .. و بالفعل داكشي اللي وقع تغدينا و طلعنا انا و ماما و سيد جديد .. اما إسلام و باه بقاو التحت و واخا مكيبينوش كالسين على اعصابهم .. اما انا بحال إلا غادا البيرو على شوك .. و ماما على الزاج خاصها شيواحد اللي يدفعها باش تزيد .. حنا طالعين و تابعانا الخدامة مطلعا كيسان دالقهوة ..

وصلنا للبيرو و هي تحط لينا القهوة .. 

سندي : لا لا انا جيبيلي عصير فكاس كبير و يكون بااااارد عافاك .. (يالله يالله نبرد على راسي فهاد جوج دقايق اللي غانبقا هنا .. اصلا من دابا بديت كنتخنق 😏 ) .. 

بدينا فالاول الهدرة دالتعارف و اشكاديري فحياتك ..و حتى هو قالينا كلشي باللي مستقر فتركيا و هو اغا و تزوج مرة اخرى لانو كان خاصو ولد باش يورثو و دكشي .. وهو كيبين اللطافة و دكشي و حتى انا مخرجتش نيابي و مبينة ليه كمية كبيرة من اللطافة .. ولكن ماما بحالا كالسة على الحجر .. واخا كالسة بالي مشوش و باغا نسولو .. الفضول و تبركيك ميشاور .. و اصلا الصمت كثر من الهدرة .. قلت نقول شي حاجة .. 

سندي : ممن م ن م حم حم (جغمت من العصير و كندوى فعويناتي ) .. 

عبد العزيز : خودي راحتك و قولي اللي بغيتي (هادئ جدا ) .. 

جمعت قواااااي كاملة و شجاعتي و تقزدرت .. 

سندي : حم حم علاش مشيتي و خليتينا .. 

عبد العزيز : انا غانقول علاش مشيت و حتى علاش جيت و بصراحة .. (شاف شوفة ف ماما محكمة و عامرة هدرة ) ..

.. بدات ماما كتشوفيه ديك شوفة د لا لا ماديرهاش .. ولكن هو ممسوقش و طلب مني اننا منقطعوهش حتى يسالي .. 

عبد العزيز ؛ انا غانبدا ماللي تزدتي .. كنا مزيان انا و الام ديالك و بطبيعة الحال عايشين فالمغرب .. دوزتي عامين و عيطو ليا من تركيا من الضيعة ديالنا (كنحكموها ) .. تلقيت خبر المرت ديال الجد ديالي اللي كان كبير فالعمر .. انا بالفعمل مشيت على اساس نحضر لمراسيم الدفن و العزو و نرجع .. 

ولكن ماللي مشيت كنتفاجأ .. مباشرة بعد مرور 3 ايام دالعزو طلب الاب ديالي مني انه بغا يهدر معايا فانفراد .. كنحاول نختاصر ليكم .. المهم طلب مني باش انني نبقا معاه نتولاو الحكم .. و نتعلم كيفاش حيتاش قبل كان جدي و الاب ديالي و عمامي مكلفين ولكن دابا كلشي غايتبدل .. بقيت تماك مدة طويلة شويا ولكن رجعت .. رجعت لقيت الام ديالك طلقاتني و كان ساهل بالنسبة ليها حيتاش انا غائب اضافة الى جنسية اخرى .. معليناش رجعت و اكيد على قبلكم .. كان داز عام تقريبا .. بقيت كنقلب عليكم بزاف حيتاش الام دياك بدلات السكنة .. لقيتكم و جيت نستفسر من الأم ديالك التصرف ديالها و مالها ماصبراتش حتى نجي مع انني اتصلت بيها و شرحت ليها الوضع .. وقلت ليها غادي نجيو مجموعين لتركيا .. ولكن رفضات و قالت لي ميمكنش و من الاحسن كل واحد يكمل فقت و باللي هي متقدرش تعيش معايا تم نظرا للاوضاع و تقاليد و العادات ديالنا صعبة. . تقبلت رفضها ولكن قلت ليها باللي انتي بنتي و مستحيل نتخلا عليك .. و قالت ليا لا ميمكنش تفرقها على امها و هي باقي صغيرة حشومة .. مهم سيساتني بالهضرة و قالتلي نخليك حتى تكبري و شويا .. ولكن شرط عليها قبل منمشي نبقاو على اتصال اضافة انها تربيك على اعرافنا و هي بطبيعة الحال قبلات شروطي و انا تقت فيها .. مشيت بعيني مغمضين .. فاش وصلت و ارتاحيت كلست مدة قلت نسول فيكم لقيت انه كذبات عليا و عطاتني رقم غلط .. قلت بلاتي شويا حتى نهبط مرة اخرى و انجي .. ولكن كلما كنبغي نجي كتوقع شيحاجة .. بحال انني تزوجت و من بعد ولدت و من بعد الوفاة دالاب ديالي .. مهم انشاغلت بزاف ولكن عمرني نسيتكم .. توليت الحكم و وليت أغا و دازو اعوام و قررت نجي نشوفكم ولكن تصدمت فاش لقيت الام ديالك هزاتك و بدلات العنوان .. المشكل مبدلاتش دار اولا منقطقة .. سيدة بدلات المدينة .. بقيت من بلاصة ل بلاصة بدون جدوى ..

يتبع