صورة مصغرة لـغزلان في خاخالاند الجزء الثاني

غزلان في خاخالاند الجزء الثاني

ghizlane tani fi khakhaland 5a5aland 
رواية غزلان في خاخالاند

جهينة : انا راجلي صخرة يالي كان راحلها جن .. 
شهد : جن !! بزاف عليك .. راجلي كان غير شبح و الحمدالله رجع وسط جسمو ... 
عوجات جهينة فمها و قالت لغزلان : العااار منين طاحت عليك هاد الفكرة .. اجي بلاتي .. حتى انا بغيت نفهم .. علاش فرقتيني على بونغ بونغ ديالي 4 سنين .. 
زاين و جاد و جود و بقية الابطال الذكور كولشي قالو فدقة وحدة : بوونغ بوونغ .. 
تبيمات جهينة و قالت : اه 😌 
ضرب ايرتان جبهتو و ضحكو عز و اشرف و فؤاد.. 
شافت فيهم جهينة و قالت : و هادو تشيم تشيم و و وين وين و مين مين .. 
جمعوو الدراري ضحكهم و ضربو جبهتهم بحال ايرتان .. 
اشراق : شوهتينا الكارتة 😤 
سهى : بغيت غير نعرف واش هادو رجال و لا نونوسات .. 
غزلان : ماعقلتش فين سمعت هاد الجملة .. 
عز : انا لي قلتها .. واش من نيتك تبلينا بوحدة بحال هاد الحمقة .. 
جهينة : اويلي علامن كايهضر هذا .. 
عز : عليك انت .. دابا انا تسميني وين وين .. انا راجل بقامتي بهيبتي تسميني وينوين ... 
جهينة : اوى راه .. قولها لهاديك .. علاش كاتقولها ليا انا .. 
دار عند غزلان و دورات وجهها .. 
عز: شوفي فيا... بعدا علاش ماحطيتيش قصتي مع نيسرين كااملة ... راك دوزتي عليهم احسن لقطات .. احسن غاع من الكوبل الرئيسين .. 
غزلان خرجات عينيها فيه و قالت : اسكت اللقوة غايسمعوك .. 
عز شاف فالكاميرا و قال : شوفو فيا نتوما اه انتوما راه هادي غير دارت ليكم راو داو فقصتي مع نيس.. 
ماجا فين يكملها حتى جاه صباط فطرف وجهو و غمض عينيه .. 
دارت الكاميرا عند غزلان لقاتها هي لي نيشات بالسباط و بقات هكاك مخرجة عينيها .. شافت فالكاميرا و هي تبسم تقادت فبلاصتها و رجعات الحبل عليها ..
فؤاد : هاذي راها واحد النمرووودة .. ماشي لبقاات فيا 5 العياالات ببجاغطهم .. لحد دااابا بااقي مافهمت كيف دارت ليها .. 
غزلان : اولا .. النمرود هو انت .. تانيا شكوون هذا انا ماكانعرفوش .. 
فؤاد : كيفاش ماكاتعرفينيش .. وا داااابا غادي ترجعي ديك النهاية و تخليني سيليبيخير ... انا مابغييييت صداع الراس .. 
غزلان : اوووف وااا نهاااار هذااا .. *ضربات على زيراف و تبسمات* وينو على زيرافو الحب ديالي حتى هو هنا .. اجي عندي نشوفك .. على ماشي انت الكتكوت ديال القصص كاملين .. ماشبهت حتى واحد بالقمر من غيرك .. 
زيراف : معامن كاتهضر هاذي .. معايا انا ؟😤 
ماذي : هانتا تشوووف .. سيفطات والدينا لنووير و كاتهضر دابا بحال الى ماوقع وااالو 
غزلان : حتى انتوما غاتحاسبوني .. 
زيراف : اه .. علاش زعما انا بطل خياالي .. حتى انا بغيت نكون حقيقي و نسوغ طوموبيل و تكون عندي خدمة و ندير الدار و الوليدات .. 
غزلان : اوى هااا الطنز العكرييي .. حتى زيراف هضر .. على مااشي انت سبيشال و شي حاجة نيو .. مااضايراااش ... 
ماذي : ديك سبيشال كوليها حتى انا نفس الاحتجاج ...
غزلان : حتى انت .. مزياان لا مزيااان .. ياله ياله زيدوني خويو قولوبكم .. 
جود : بغيت نفهم علاش كل قصة كاتبعدي الراجل على مرتو .. واش كاتعرفي اشنو كانعانيو و لا غير شادا دوك الفراقش و كاتحرزي .. 
غزلان : حسن الفاااظك اقليل الترابي .. 😤
جهينة : اه كاتبعدنا على بعضنا و تخلينا نحملو بلا رجالاتنا ... 
شهقات نور الهدى و قالت : حتى انا بنت اللادينا دارتها ليا .. حملت و سيفطات بوركابيا 4 اشهر و انا يسحابلي ميت 😢
حوراء كاتغبن : حتىىى اناااا لبقات فيا واحد الذكر لايبت للجولة بصلة و لا خيزو 😢 
دارو كاملين عند غزلان و قالت رميساء : واش انت سفااحة ؟ ...

غزلان : اووووف مالنا على هاادشي كاامل 😡 كاتشرطو عليا هنا وااش يسحاب ليكم كان ساهل نخرج شخصيات بحال سيادتكم 😡 راه كل وااحد فيكم ماتخيلتو حتى على الاقل تشوهت فشي قنت .. 
اوس: و كيفاش هادشي .. شرحي لينا سيادتكم ..
غزلان : ايه .. اي لقطة قبل مانكتبها بالليل كانتخيلها فالصباح و اوى باخويا الصباحات كانكون فالطوبيس و فلافاك و القراين الكحلة .. الى مشيت حتى تخيلت لقطة كاتضحك كانطلقهم تما كانخلي كولشي يشووف فيا .. عرفتو شحال من تيتيز تشوهت معاه و شحال من وحدة يسحاب ليها كانضحك عليها .. و واحد اعيباد الله كنت ساهية فكمارتو و مخنزرة و هو تدعق يسحاب ليه دار ليا شي حاجة .. وا قووولو ليا هااد الشوهات شكون غايمسحهم من الماضي ديالي .. لحد دابا كانتفكرهم و كانبغي نفقد الذاكرة ... سووو حتى انا متضررة فهاادشي .. 😡
اشرف : و شكون قالك انت ديري هادشي غااااع .. حبسي هنينا من شرك و تهناي من الشووهة ..
شهقات غزلان حاالة فمها و هي تشوف فالبقية و قالت : شي وااحد يقتل هذا 😤 
ياسر : قمعك داكشي علاااش ..
غزلان شهقات من جديد و قالت : و قتلو معااكم هذا حتى هو ... 😤
وقفات ميرال و قالت : لا صاافي مابقييتش قاادرة نصبر .. انا رااه كولشي سرطتو .. حتال داك الكيلوط لي شوهتيني بيه قدام الدراري .. واش ماعندكش علاااش تحشمي واش عندك سادية تعذيب الشخصيات غير بالاحراج 😟 
ضحكات غزلان و قالت : انا لي كتبت داكشي و احد دابا كاتجيني هيستيرية ديال الضحك .. ههههه اوووف لهلا يكتبها على شي وحدة ياربي 😂 
بغات طير عليها و شدها جود ...
جود : ماعليش ماعليش احبيبة ... كاينة العدالة الالاهية .. 😤
جهينة : احم بصراحة .. راه نيت عندها سادية تعذيب الشخصيات .. انا راه شوهاتني قدام قرة عيني ب...ب..
نور الهذى : لا ماتقوليهاااش 😱 حتى انت شوهاتك بهاديك المصيبة ...حتى انا دارتها ليا ..
نيسرين : حتى انا دارتها ليا مع عز .. 😢 
رميساء: واااااش متأكدة انت بعقلك 😠 ..
عوجات غزلان وجها و حدراتو كاتفكر ..
غزلان : اويلي حي اشهااد الافكار الغير الملائمة للناشئة ... 
هزات راسها و قالت : ألااا مافهمتوش .. داكشي راه كايوطد العلاقة الحميمية بيناتكم .. رااه كانفكر لييكم واااااه ..
عز : كاتفكر لينا ..*غوت* على انت لي كاتحرجي مع العادي و الباادي و انت كاتقلبي على الاولويز و الويل الكحل .. 
زاين : و اللهيلا .. و داك قسيم الظهر لي عانيت منو .. هز حط هز حط وكلها دوش ليها دير ليها ماساج .. مالنا يااك لاباس ...
نور : ماافهمتش واش كاتشكا مني دااابااا 😠 
دار عندها زاين و قال : ه..ههه بطبيعة الحال لا .. انا ..
ماجا فين يكمل طارت عليه نور الهدى وولاو فحلبة المصارعة الضواو طافيين و الاضاءة عليهم غير هما و كولشي ضايرين بيهم كايشجعو .. 
تعالا صوت الانطلاقة و بداو المصارعة الحرة ... و جينيونغ هو الحكم ... 
خبكة منو خبطة منها حتى لاحتو للارض .. طلعات فالحافة و هي توقف تما ..قادات مرفقها و خرج صوت داك المقدم ديال المصارعة الحرة و قال : جوووون سيييناااا .. 
وهي تنزل عليه .. 
هزات غزلان راسها كاتنهد فبلاصتها شافت فيهم جالسين و قالت : انتوما نكارين الخير .. و غير غايطيح التيليفون فيديا تاني غانقتل مكم كاملين و غانحيي الاشرار و نرجعهم .. ياااله .. 
تعالا صوت وراها .. كولشي دااار و هما يحلو فامهم .. كان موريسون (رئيس العصابة لي قتلو ايرتان) كان كولو كحل بالحموم شعرو مشعكك و جمجمتو مشقوقة من قنت و كايبان شوية من مخو .. 
غزلان : اش هااد المنظر .. جيبو سطل نتقيا .. 😩 
موريسون: انا سمعت شي تنقنيقة غاترجعي الاشرااار .. جيت نوقف معاك .. 
ايرتان : معامن غاتوقف 🔫 
تخشا ورى غزلان و قال : ق.. قولو ليه يبعد مني .. انا دابا مع الكاتبة .. و حنا هنا كولنا سواسية .. جيتي تهضر على حقك حتى انا جيت نهضر على حقي .. 
تحنى عندها و قال : اختي غزلان .. العاااار قتليه و جوجيني بجهينة .. 
ايرتان وقف و غوت : اش قاااال 😡 
غزلان : تبت امول العقل .. ضارت كاتشوف فجهينة كاتطلع و تهبط فيها و شافت فموريسون .. بحال الى عجباتها الفكرة و كاتخمم فيها و قال ايرتان .. 
ايرتان : باااغية تموووتي 😡😡 
غزلان : تا ريح .. تا ماالك درتي ليا الطياارة ... 
ايرتان : الكياارة غاطيرك لافكرتي تفرقيني على بنت قلبي .. ديك تمااارة كلها بااش ضربيها ليا ب0 .. 
ضحكات غزلان بسخرية و قالت : ديك التمارة لي كاتهضر عليها .. ضربها غير صبعي سوووو غاتشد الركينااا و تهنييينااا .. 
ناض اشرف و سيف و ادم هازين الدربوكة كايغنيو : واااااا هي شد الركيناااا و هنينااا .. 
و وقفو حداهم رميساء و نور الهدى بتكاشطهم و نفس حالتهم لي كانو فيها فعين دياب كردو عليهم بالطعارج : الركيناااا ... هنيناااا ...

يتبع