صورة مصغرة لـقصة غزلان في خاخالاند

قصة غزلان في خاخالاند

qisat 9isat ghizlane fi khakhaland 5a5aland 
رواية غزلان في خاخالاند

كوكو ... هاي إيفغي بادي هاويو دوين .. نات ويل غووود فييري غوود 🐸 سو ..
كنت عاوتاني مابيا ماعليا حتى لقيت راسي كانهلوس و قلت و اللهتا نشارككم 😂😂 راكم كاتعرفوني بسابيكو و لا حدود عندي فكتابة البولشيت .. 😊😂
هادي ماشي قصة و قصة فنفس الوقت .. ماشي جدية غير ضااحكين مقشبين فيها ... 
غانجمع فيها الحباان ديالكم ابطالي كاااملين بطبيعة الحال 🐸🔫فقالب هزلي كولو مسخرة و بولشيت فبولشيت .. 😂 لي توحشات شي واحد تشد الصف و تسنااو اش بااش تعرفو اش واااقع 😂
الى كنتي غاتقراي هاد الحزاق خاصك تكوني قارية كولشي قصصي باش تلفيش 😂😂 
المهزلة تحت اسم : #غزلان_في_خاخالاند (حتى انا ماعرفتش منين جبت هاد العنوان 🐸)
بقلمي انا غزلان ش 🐸 
قراءة غير ممتعة 

✒هلوسات بقلم غزلان ش
🚫اول حاجة اقسم بالله ✋حتى كاتبة هاذشي بكل قوايا العقلية و ماتعاطيت حتى نوع من المخدرات او المسكرات🚫 

في ليلة بااردة في وسط طريق خاوي مظلم .. فقط اضواء الشارع لي منيرة طريق هاذيك البنت الوحيدة فدااك المكان ... غادية بخطوات متضااربة و متداخلة فبعضها ... كاتغني بصوت تقييل ..رخم... مدعدع ... نعم بحال صوت حجيب ... كاتماايل و تغني و قرعة فيديها ... ماجايبة للدنيا خباار و لا كأنها فوق الكرة الارضية .. ماكاتشوف غير العالم بالاوان .. طوم و جيري و سبونجبوب و غامبول و و داروين و مدام نفيخة والجاسوسات ...كايتمشاو حداها و كايغنييو معاها ... و هي كاتضحك و ترجع تطرب العالم بصوتها الجياالش .. الآسر ... المدعدع لي كايشق الارض وسط الماء ... 
البنت : يناانااانااا يااانااانااا... *شرباات من القرعة* ههههههههه .. زيييززاازااي زاااي ... * شربااات من القرعة *اووجي يحب ان يغفو قليلا و هو على التلفااز *غلظات صووتها* لكن جوي و ماركي و ديييديي له بالمرصاااد ههههه لا تحزن يا اوجي لا تيأس ياووجي فجووكي هنا للانقاااذ ..
وقبل ماتكمل جاات سياارة سودااء باقصى سرعتها حتى دارت زيييييييط قدامها و مابقا بينها و بين السيارة غير خيط رفييع .. 
حلاات عينيها بصدمة و هي تغوت .. 
البنت : واانااااري كان غايسيفطني لعزراااين سكرااانة ... خرج لبوووك وريني وجهك ... 
تحل الباب و خرج راجل طويل بلحية شهبة و شعر شهب مفتول العضلات و عيونو زورق ... لمحات ملامحو العصبية لي ماكاتندر غير ب"قفارت على ديلمك" 
حكات البنت عينيها و رجعاات شافت فييه و هي تشهق ... 
البنت : اووووه مااااي قاااد .. العقيد زاين العمراني 😱😱 
ضحك ضحكة جانبية و تقدم شنق عليها من حوايجها و قال .. 
زاين : لقيت واالديك .. عرفتي شحال و انا نقلب عليك .. 
البنت حلات فمها و عينيها : انا؟!! وااايلي !؟ *رجعات كاتشرب *
زاين : ااه ياا انت غزلان ش .
سكت كايتسنا جوابها و هي عينيها مشقلبين كاتشوف فيه بحال الى كاتسنا يمكل و قال .. 
زاين تعصب و بدا يغوت : وا تي هضري ..تكلمي واااش انت غزلان شششششش نقطة ...😡 
حلات عينيها فيه و هي مشقلبة العينين و هي تجمعها معاه بطرشة ..و غوتات بحالها الداايخ ..
غزلان : إخرااااس ...don't shuuush me الحقييييير 😡 
زاين شدد قبضتو على حوايجها و قال : انااا طرشيني لبووك .. 😡 
غزلان : اايه .. بااش نوريك تقوول ليا شششششش 😡 
زاين : اوى انت المطنغة كنيتك شششش 
عاودات طرشاتو : قلت لييك دووونت شوووش مي العجاااال 😡 
و رجعات كاتشرب فقرعتها بلا ماتسوق 
شاف زاين فالقرعة و قال ليها : كاتسكري و انت داايرة الحجاااب 😡 .. اش داك الهم كاتشربي .. منين جااوك فلوس الوييسكي المزلوطة .. 
شافت غزلان فالقرعة و رجعات كاتشوف فيه و تقادت فوقفتها و بطريقة طبيعية قالت : ااه .. *لاحت القرعة* هاذي غير بومس التفااح .. 
ضرب جبهتو و شنق عليها من قفاها و جرها .. 
زاين : زيدي قدامي ... الليلة غا طلعي العمارية ..
غزلان : اولي حااي على العماارية .. انا عندي فوبيا المرتفااعاات .. 😨 
جرها خشاها فالمالة و قبل مايسد قالت : لااا عندي فوبيا المناطق الضيقة 😨 
خبط الباب و زاااد بالسيارة 🚗🚗

شهقات غزلان بعدما تكب عليها سكل ديال المااء ...
حلات عينيها و لقات راسها جالسة فمقعد و مربوطة ... 
هزات راسها و خرجو عينيها فالاشخاص لي جالسين قدامها ...
كانو فالصالة ديال فيلا زاين و هي مجلسينها قدامهم و كولشي كايشوف فيها .. غاضبين و كل واحد كايخنزر .. 
حلات فمها و هي كادوز عينيها فيهم واحد واحد .. 
غزلان : نور الهدى ،رميساء ، ياسر ، زاين ،جاد جود جودية و ميرال و بقية ولاد عمامهم .. اوس و شهد .. حوراء و سعد و طبقتهم ...شبح زيراف و شبح ماذي ... ايرتان و جهينة و الطبقة ديالهم .. 
دوزات غزلان عينيها عليهم كاملين و قالت .. 
غزلان : علاش مجموعين ليا هنا اش عندكم .. شبعتو خبز 😡 
زاين : اليوم غانطلعوك العمارية و غاتخلصي كوولشي دااكشي لي دوزيتيه علينا .. 
غزلان : نعم يااروووح امااك 😡 
نور الهدى : حدك تما ماتهضريش مع راجلي هكاك ..
جود : حدك تما ماتهضريش مع الواليد هكاك 
جودية : حدك تما ماتهضريش مع بابا هكاك 
رميساء: حدك تما ماتهضريش مع خويا هكاك .
جاد : حدك تما ماتهضريش مع نسيبي هكاك . 
شافت غزلان فبقية الابطال و هي تقول
غزلان : شي حد يحبس عليا هااد الخرى ...
حوراء : الله يجعلك تطليه ..
شهقات غزلان و قالت : يااااك احوراااء تقوولي ليا انا هااد الهضرة ..
حوراء: و علاش مانقوولهااش لييك .. انا اكتر وحدة ظلمتيني وسط هادشي كااامل .. قتلتي ليا صحيبتي و بليتيني براجل كيف السخرة لا حب لارومانسية .. نظل نتعنب عليه باش حتى هو يفهم رااسو .. تانا بغيت نكون تيتيزة و البطل عندو العضلات و يموت عليا و ندوز معااه الحب و الرومانسية .. نتغنج عليه و يغير عليا .. *شافت فبيقية الابطال كل واحد قد العجل مسرحين وسط المجلس و رجعات شافت فراجلها و قالت كاتغبن * انا تخشيني فقصة واقعية دوزي عليا ذاك الذل و دوك المحاااين ... علاش زعما عطيتيني بحال هااذ الرااحل بغييت غيير نفهم اش درت لييك .. 
سعد : هاااا بنتي على حقييقتك .. بااغيااه ابوعضلاات هضري هضري مزال خوي قلبك .. مااالي كيف جيتك انا .. محامي قد الدنيا و الف وحدة تمناني .. 
حوراء: حتى انا محامية قد الدنيا و الف واحد يتمناني .. انا اش بغييت اكتر من راحل ابوعضلات و رومانسي .. 
سعد : مالي ماشي رومانسي ..
حوراء: ألاااا... ماااشي روومانسي*ضارت 6ند غزلان* دوي الكافرة بالله .. ماكاتحملينييش يااك غير غري اليوم نصفيو هاد الحساااب .. غاتعااودي تكتبي قصتي و تعطيني راجل ابوعضلات و رومانسي 
غزلان : اوى الله يعطييني وجهك ... ديك النعمة لي عندك لقاتها شي وحدة .. فين تلقاي محامي واعي يتقبلك بمصايبك البغلة هادشي ماكاينش حتى فالواقع مافهمتش كيفاش درت هادشي فديك القصة .. 
شهقات حوراء و قال : نووو .. انت ماقصدتيش لي قلتي .. 
غزلان : اه قصدت .. اش غاديري 
ناضت تقجها و هو يشدها سعد : صافي صافي لعني الشيطان .. 
حوراء: طلقني عليها .. هي بنت لادينا لي طيحاتني فديك الزلة و عطلتني شخصية وحدة مكلخة .. ضحك عليا واحد مطنغ .. انا غاعما كنت غاندير داكشي هي لي كتبات داكشي و داابا .. دابا جايا تقوول ليا .. *ساطت* مااقاادرااش نتيق ..
خرجات غزلان لسانها و شقلبات عينيها كاتقلي ليها السم .. 
و حوراء بقات كاتقوم باش طير عليها .. 
نطقات نور الهدى و قالت : بقيتي فيا اختي حوراء و لكن هاد البسايكو راه شلا مادوزات علينا حتا حنا .. انت عطاتك راجل ماشي رومانسي انا عطاتو ليا منحرف .. 
حوراء: نوو واااي .. 
غزلان : ولاايني رااكم نكاارين الخير ..
نور الهدى : ماالك تكدبي .. البطل الوحيد فاول قصة ليك جبتيه منحرف ماتيحشم ماتيرمش .. كاي .. كاي .. كايتحرش بيا ديما *دورات وجهها كاتغبن * ماقادراش نكمل .. 
غزلان لانو ملامحها و بدات تغبن حتى هي و قالت : ماتبكيش .. ماتبكيش ... بلا ماتفكريني .. الماضي ايز ستيل تشايسين مي .. مامخلينيش نعييش ... ماعرفتيش ديك الخرية لي كانت فعقلي منين دخلات .. 
زاين : مال الراجل المنحرف .. هو الراجل الاصل البيووور .. 
جهينة حطات راسها على سدر ايرتان : الحمد الله يااربي غااجلي قرة عيني مافييه عيب .. 
دارو عندها كولشي كايشوفو و قالت شهد ..
شهد : اويلي هاداك راجل ؟! .. نصحابو صخرة ..

يتبع 🐸