حياة:(خرجات حاطة عويناتها فلارض مقدراش تشوف فيه...مهضرش معاها نضرة وحدة مزلزلة منو كانت كافية تخليها تشد القنت..رجعو لبلايصهم وسط نضارات الركاب ...جلسات بلاصتها ودار ليها مروان السمطة بزعفة...حطات.راسها على شرجم وغمضات عينيها...احسن حاجة دير هي هادي....بعد ساعات فلجو نزلات الطائرة فمطار برشلونة الدولي...هبطو من الطائرة وتوجهو للمطار فاتجاه باب الخروج...طلعو للوطو وتوجهو لدار مروان لي عطاتو الشركة ...خرجات راسها من شرجم لوطو وحلات فمها من هاد لبلاد لغريبة عليها...وصلو للحي لي غادي يعيشو فيه...كان حي بحالو بحال معضم احياء اوروبا..النقاوة كتلعب عليه وربيع ولخضورة مشتة فكل بلاصة...ديور عندهم نفس التصميم المعماري وحدائق مشتت فكل قنت....وقف مروان لوطو قدام دار مصممة بطريقة اروبية...جرات حياة باليزتها ودخلات كدور عينيها فالدار ..
مروان:هاد الطابق فيه جوج صالات كيفما كتشوفي على ايدك ليمنة كاينة لكوزينة ودوشات...لفوق بيوت نعاس..تقدري تشدي لي عجبك فيهم...بيتي انا راه فيه حوايجي...المهم شدي راحتك الدار دارك ..
حياة:شكرا..انا نطلع نشد دوش نحيد عليا تعب الطريق
مروان:(هز ليها براسو وطلع وتبعاتو حتى هي ...حط ليها باليزتها ومشا لبيتو...جرات لباليزا وبدات دور عينها حلات واحد الباب ودخلات ...بدات ترتب حوايجها فلماريو..جبدات الشي لي غادي تلبس بعد الدوش...توجهات للدوش لي كان فبيتها....وبدات دور عويناتها فلبانيو لي محطوط...
حياة:هاد لبانيو يصلح نصبن فيه لمانط...اليوم بعدا غادي ندوش فيه...(حلات الماء السخون فلبانيو يعمر وزادت عليه جيل دوش كان بنكهة الفراولة..خوات نص القرعة حتى ولات الكشكوشة كطيح على لارض...نزلات تجري لكوزينة كتقلب على شي جفاف..لقات واحد الفوطة طلعات تجري بيها وبدات تنشف الروينة لي دارت سدات الماء وتخشات فلبانيو..كطلع رجليها وايديها لفوق...كتقلد الممتلات فلافلام...بقات كطلع نص رجلها كاغراء منها..حتى تولات ليها العصبة فرجل خلاتها معلقة رجلها فسما....سدات فمها بيدها خايفة لايسمع صوتها مروان ويحيح باراكا عليه غير المصائب لي دوزات عليه اليوم...بقات رجليها فسما معلقة حتى غفر ليها ربي الدنوب.)
حياة:(بقات رجلها شحاااااال معلقة فسما...منزلاتها حتى غفر ليها ربي الدنوب...ناضت من البانيو تدعي وتنقر فخاطرها على الزهر المكوز لي عندها...شلات راسها وحالتها من شمبوان وخرجات لبيتها...دهنات جسمها ولبسات بيجامة قطنية نشفات شعرها وطاحت على فراشها دودة....)
(على صوت العصافير الرنانة فاقت حياة مقلوبة كتحك قزيبتها والتعب مسيطر عليها...نفضات فراشها وجمعات بيتها وناضت ترتب نفسها حيت اليوم هو اول يوم لها فتطبيق لعريس بمعنى اخر تصييد مروان...لبسات بيجامة ديال للدار زوينة طلقات شعرها وحطات لمسات خفيفة من المكياج على اساس انها موالفة ديرو فدارهم....حلات الباب ونزلات كتقلب فعينيها بحال شي شفار كتقلب عليه فكل قنت..شافتو واقف كيهضر فتيلي عاطيها بالضهر...توجهات لكوزينة حلات التلاجة ونفضات على ايديها خرجات لبيض ولحليب وبدات تخرج مكونات لفطور...حطات كلشي فطبلة وجلسات تسناه يجي...دخل عليها مروان :
مروان:صباح الخير
حياة:صباح النور
مروان:(كياكل ويهضر)انا غادي نمشي الخدمة فاش نرجع نلقاك واجدة نخرجك تشوفي المدينة
حياة:لا ميمكنش واش بغيتي الناس يضحكو عليا...مخليا راجلي ياكل فالخدمة لا ميمكنش..
مروان:حياة غير بشوية عليك...واصلا نتي ممفروضش عليك تقومي بواجباتك تجاهي حنا راه غير مزوجين على لوراق..واصلا هنا كلها مديها فراسو يعني مكاينش لي كيتسوق لحياة حد اخر.
حياة:(حدرات راسها وتفكرات زواجها الشكلي ...شافتو خرج ودفعات طبسيل من قدامها بزعفة...تفكرات عائلتها لي مهضراتش معاهم...طلعات تجري لبيتها جبدات تيلي وخدمات فيديو واتساب مع مليكة)
حياة:غادي طيح فشبكة اسي مروان نبدا معاك خطوة خطوة...اول حاجة(طلعات كم لكسوة وكتهضر)نبينو لحداگة...(عمرات السطل بمنضف لارض ..وخواتو من الطاج لفوقاني وخلاتو مهود على الدروج وبدات تفرك وتشلل وتكرط والماء خرج من دار وصل لزنقة ويمكن فاتها...حياة تكرط وتقول ماكرطت تجفف وتنقي كل شبر بوحدو...حتى سمعت شي حد كيدق...رمات لكراط ومشات تجري تحل ..لقات قدامها شارفة زعرة جامعة حجبانها وكتشوف فيها بعصبية...وبدات تهضر وتغوت بلاسبانيا وحياة كتشوف فيا معرفاش شنو واقع.
حياة:والحاجة وتي شتك جالسة تبرقمي على ديلمي من صباح شجالسة تقولي..
هي:pero que pasa???por que no hace attention en mis cosas😤😤(قبلو على اسبانيتي لعوجة هههه)
حياة:وخرا صبنيول واجرادة بين لوديان...انا دونت سبيك انجلنش...واش سمعتي نو... نو...سبييييك انجلينش...سيري غبري من قدامي لانصدق مريشة الزعرة ديال مك
هي: بوينو بوينو(جبدات تيلي من جيبها وبدات تهضر)
حياة:شو كيدايرة(كطلع فيها وتهبط)صفرة كيلبيضة المسلوقة...مافيهاش نقطة دم ياربي السلامة تقول فاتحة خطوط التبرع لناموس يبات يمصها ليل نهار...(سدات الباب بجهد ودخلات وخلات الشارفة برا كتسنى شي حد)
حياة:(رجعات تكرط وتجفف حتى سمعات الدقان من جديد)اللهم طولك ياروح ...ياربي شهاد النهار لمخري بقاو ليا غير الشارفات...(رمات الجفاف ومشات تحل الباب...حلات عينيها على جهدهم ملي شافت البوليس قدامها)
حياة:ت..ت.تفضل أخويا اشكاين؟؟
لبوليس:como te llamas?
حياة:هااا...
لبوليس:تو نومبري...
حياة:(ولايني خرا هندي هادا)نو...سبيك انجلنش..
مروان:(وقف لوطو وجا لعندهم كيجري...)
حياة:جابك الله امروان...حقرو عليا ولاد الكلب عرفوني برانية عليهم...هانتا شوف هاد الشويرفة هي لي عيطاتلهم
مروان:(ضربها بتخنزيرة حتى تزعزعاتّّ...وشاف فلبوليس وبدا يهضر معاهم والشارفة كتنعت لواحد لبلاصة..حياة غير كتشوف مفاهمة والو...بعد دقايق مشاو لبوليس بعدما عطا مروان واحد المبلغ وسنى على واحد الورقة وعتاذر من الشارفة ومشات...دور وجهو لجهة حياة ودخل..
حياة:والله العظيم مدرت شي حاجة...اصلا مزال مفهمتش شنو واقع
مروان:انا شنو قلت ليك احياة .شنو.قلت ليك؟؟
حياة:شنو قلت ليا؟؟
مروان:قلت لييييك شدي القننننت واااااش خاصني نبقا غير وراك شهاااد الشي لي درتي
حياة:شنودرت(باستغراب)
مروان:لمراة خرجتي ليها على فراشها كان برا ...فزقتي ليها فراشها...واصلا شداااااك تسيقي...وااااش مكتعرفيش بلي هاد شي لي ضاير بيك من الخشب وميليقش ليه الماء(جلس على صوفا كيشد نفس)
حياة:(كدور عينيها ولعرق نازل مع ضهرها...بغات غير تخشي راسها فشي قنت وتخبى بحالما كتخشى النعامة فتراب)
مروان:حياة حلي!!
حياة:غير سير امروان...انا مصيبة متنقلة نخاف ندير شي كارتة جديدة هاد ليلة ونشوهك
مروان:حياة متقوليش هكا نتي راك بنت خالتي..خرجي بليز خلينا نمشو
حياة:(حلات لباب بشوية وخرجات عوينة وحدة)واخا تسناني لتحت بينما نوجد
مروان:اوكي
حياة:(رجعات دخلات وحطات راسها فلماريو كتقلب على شنو تلبس جرات كسيوة لحد ركبة دارت معاها صباط كحل..ومكياج ليلي غامق ...رشات من ريحتها وشافت راسها فلمرايا)بشاااااخ على تبوكيسية طيطزة وحق الرب...(كتشوف فلمرايا وكتهضر معاها)دابا بيني وبينك نتي لي كتشوفيني فلمرايا..علاش هاد التوت كلو معندو زهر مع الرجال؟..سؤال فلسفي يحتاج تحليل ولكين ماشي دابا حتى نرجع ...احم (بدات تدرب على حوار مع مروان قدام لمرايا)احم نمشو مروانو...اويلي على مروانو...مغواااان نمشو!!...مروان يلاه...لا هادي باينة فيها بحال عزري الدوار...مرواااان نمشو...اووووف لخرا لي درت معاك وحلة
مروان:حياة واجدة:؟
حياة:اه...هاني نازلة..(جرات صاكها ودارت ترواكار على كتافها وخرجو في اتجاه لمطعم...دخلات حياة كدور عينيها من جمال لمناضر لي كتشوف قدامها كان مطعهم فطابق عالي..كيطل على الشوارع ولاضواء ديال المدينة ..)
مروان:انا نمشي ندير واحد لاتصال...شدي لي بغيتي
حياة:(تبسمات ليه وشافتو مشا...حطات ايدها تحت حنكها حتى وقف عليها سيرفر...
سريفر:señora...
حياة:'(عرفاتو بغا يشد طلب حلات لمنيو وبدات تتهجا..كلشي كان بلاسبانيا...معرفات متختار حطات صبعها قدام واحد سمية وقيد سيرفر الطلب)ثنكس...
مروان:(بعد لحضات رجع)شديتي شي حاجة؟؟
حياة:اه سمحلي متسنيتكش..
مروان:ماشي مشكيل...'(طلب حتى هو شنو بغا وبداو يهضرو)فاش نسالو لعشا شنو رايك نمشو السينما؟
حياة:(حاطة يدها تحت حنكها)علاش لا..
مروان؛كتبغي لافلام:؟
حياة:يعني..كنتفرج فيهم مرة مرة
مروان:من بعد السينما ندورك شوية فلمدينة متاكد غادي تعجبك
حياة:اااااه اصلا عاجباني من دابا...
مروان:شنو؟؟
حياة:احم...والو...والو'(حط قدامها سيرفر جبانية فيها صوبا كحلة وقطع من الخبز...بدات تحل عينها وتسدهم..زهرها عاطيها بلقفى حتى فلماكلة..).
مروان:بصحة
حياة:يعطيك الصحة(جرات جبانية عندها وحطات لمعلقة دارت لقملة لولة وشداتها تقية...سرطاتها ورجعات حطات معلقة تانية...يلاه وصلات فمها...حسات بلمعدة كطلع..مبقاتش قادرة تصبر دفعاات لكرسي وراها وحطات ايدها على فمها...وناضت تجري فاتجاه طواليط مكتشوفش قدامها معاقتش براسها حتى دخلاات فسرباي قدامها كان هاز طارط لطبلة لي حداهم دايرين عيد ميلاد وطارط عامر بشموع الشاعلين...فرمشة عين...طاحت طارطة من بين اييدن سرباي وترمات على واحد الشارفة وشعلات فراسها العافية ديال الشمع...وللمرة الالف يتقلب لمطعم قدام عينين مروان ..)
حياة:(كتشوف فطريق قدامها ومقدراش تهضر جامعة ايديها لعندها وكتحس براسها منحوسة من الدرجة الرفيعة مروان كيشوق لوطو ومرة مرة كيشوف فيها باستغراب خايفة لاتوقع شي حاجة وهي معاه غير حاط عينيه على طريق وكيلعن النهار لي قرر يجيبها معاه لهنا...وقفو قدام الدار ونزلو واحد ميهضر مع التاني...حياة معندهاش لوجه تشحر ليه شي حاجة اولا تفهمو باراكا عليه غير الفلوس لي خلص لمطعم هاد ليلة وشوهة لي وقعات ليه..
حياة:(طلعات كتجر رجليها لبيتها...حلات الباب...وترمات على فراشها كتحس بالدموع غادي يهبطو...جرات تيلي وصونات على سمية فلواتساب:
سمية:الله اربي شنو بغيتي فيا هاد الوقت ..كتحلمي بيا؟
حياة:هئ هئ هئ
سمية:حياااااة اويلي مالك لاش كتبكي!!
حياة:هئ خئ منحوسة يختي منحوسة....لي حطيت فيها ايدي كتعوج
سمية:وتي فهمني شنو واقع معاك؟؟
حياة:هئ هئ اليوم مروان مشا لخدمة وخلاني فدار قلت بيني وبين راسي نوضي يالمتعوسة سيقي ونقي الدار باش السيد يطيح يقول مراتي حادگة صدقت مفزگا لواحد الشارفة شي فراش كانت حطاه لقدام...
حياة:حياتي كلها كنقلب على لعريس وملي لقيتو غادي نطيرو هئ هئ
سمية:اجي ياك منصيفط ليك شي تباخر ديال النحس
حياة:الله يحرق طواسل مك انا جالسة نشكي على ديلمك ونتي جالسة طنزي...سيري قودي گاع...(قطعات عليها و.حطات راسها على لمخدة كنشوف فالسقف خاصها تصلح الشي لي دارت مع مروان..اكيد مغاديش يبقى صابر عليها )
حياة(فاقت حياة بكري هاد النهار بعد ترتيبها الصباحي لنفسها نزلات لكوزينة توجد لفطور...بدات تجري من هنا ولهيه قبل ميفيق مروان..حطات لخبز بعدما سخناتو حطات لفرماج وزيتون ولبيض...حلات لمجر ولقات بواطة كحلة معرفاتش داكشي لي مكتوب فيها شناهو حلاتها وبانت ليها فلون شكلاط..خرجاتها من لمجر وبدات تغمس لخبز فيها وتحط فطبسيل ...ردات لبواطة لبلاصتها وجابت اتاي من لكوزينة بدات تصب فكويسات وتحط ليه فطبسيلو من كل حاجة شوية...شافتو نازل وجرات كرسي وجلسات..
مروان:(جر كرسي وجلس بلما يهضرمعاها)
حياة:صباح الخير
مروان:صباح النور..
حياة:ا..ا...مروان...
مروان:(كياكل ويشوف فيها)
حياة:سمحلي..الشي لي وقع البارح مكنتش متوقعة بلي غادي يوقع عارفة راسي عيقت بهاد الزلط لي فيا...دابا امروان الى شفت راسك مقادرش تتحمل هاد النحس لي فيا غير رجعني لدارنا حسن ليك
مروان:(كيفطر ويهضر)منقدرش نرجعك دابا احياة حتى تفوت شهر بينما يخرجو وراق الدار...
حياة:(صرطات ريقها وشافت فيه...عرفات راسها تاليتها راجعة لدارهم ..لي مصبرو عليها غير وراق الدار )واخا لي تشوفو
مروان:(حس بسخونية طالعة معاه...جاتو رغبة وشهوة فشكل...شاف فيها وبدا يتخيلها مارلين مورنو حاطة ايديها على كسيوتها وكتشوف فيه باغراء..لمعلم ولا كيلحجرة غادي يخرج فاي لحضة...)
حياة:(كتشوف فيه وفنضارناتو الشهوانية ليها)م...مروان..
مالك؟؟
مروان:...(جر كاس لماء وطاح عليه دقة وحدة)شنو درتي فلخبز؟
مروان:(شاف فيها وغمض عينيه ورجع حلهم)عرفتك غادي تقيمي ديلمي بمعجون لكلاب..اصلا هو لي بقا ليك م(رجع لكرسي وراه وطلع لبيتو..حل الرشاشة وبدا يبرد راسو...وخلاها شادا لبواطة كتشمشم فيها)
مروان:(نزل لعندها كيشوفها مزال شادا لبواطة وكتحاول تقرا الشي لي مكتوب فيها...حيدها من بين ايديها وشاف فيها)هادا معجون جنسي ديال لكلاب...جبتو هادي شهرين على حساب واحد لكلب كان عندي..
حياة:(غرقات فحوايجها...بغات غير تحل لأرض بيديها وتخشي راسها فيها)سم...سم..سمحلي كنت كنصحابو شكلاط
مروان:حسبي شحال دابا من مصيبة درتي...على العموم انا خارج لخدمة...من هنا الساعة غادي تجي لعندك واحد البنت لبنانية غادي تعلمك شوية للغة باش تعتقي راسك
حياة:(هزات ليه راسها وبدات متبعاه بلعين حتى خرج...جرات وأحد لمخدة صغيرة وحطاتها على فمها وعطاتها لواحد لعيييييطة عبيدات الرمى ومداروها....خرجات هاديك الطاقة السلبية وحطات لمخدة بلاصتها...رجعات لكوزينة جمعاتها ضرباتها بتجفيفة..وبدات توجد لغدا.....بدات تفكر شنو دير...جبدات الخضرة ووجدات صلصلة البيشاميل وبدات تقاد فلكراتان بالخضرة والكفتة..وجدات العصير..وطفات الفران على داكشي وجلسات فصالة كتفكر فشي خطة طيح بيها مروان مزال مسخات تمشي من هنا..ساست أفكارها بعدما سمعات شي حد كيدق...حلات الباب وبدات طلع وتهبط فلبنت لي قدامها...كانت زعرة ولعوينات خضر:
هي:اهلين حبيبتي انتي حياة صح؟؟
حياة:اه انا هي اختي شكون نتي؟؟
هي:انا ريهام صديقتو لمروان بعتني مشان اعلمك
اللغة
حياة:اه دخلي اختي
ريهام:(مشات نشيان لصالون وجلسات باينة فيها كتجي لعندو)
حياة:تشربي شي حاجة اختي؟
ريهام:ممكن كولا...
حياة:اه قصدك موناضة...ياك مبغيتي فانتا!!
ريهام:فانتااا ماجربتها من قبل هاتيها نشوف كيف راح تكون
حياة:(مشات لكوزينة وحطات كيسان فبلاطو ومعاه البراد يلاه جات تخرج من الكوزينة وهي ترجع)والله لاديت ليها البراد يصدق حتى هو مكفتا بيه...(صبات اتاي فكيسان وخرجات لعندها)
حياة:هاكي اختي مرحبا
ريهام:ميرسي..شنو اسمك قلتيلي؟؟
حياة:حياة...
ريهام:متشرفين..اسمعي شو بدي قول...هلأ راح أبدأ معك من اول شي لازم تتعلميه فلغة هي كتير سهلة بس لازم شوية تركيز..
حياة:واخا اختي
ريهام:ليكي اول شي راح علمك بس الاساسيات تمام
حياة:تمام...يلاه بداي لفراجة
ريهام:فهمتي؟؟
حياة:شوية..
ريهام:ليكي دربي على كتابة هلحروف انا رح اروح للحمام
حياة:صبري نوريك فين؟؟
ريهام:كيف...مفهمت عليكي؟
حياة:اوريييك....يعني نمشي معاك لطوالبط
ريهام:اه لا مبيحتاج انا بعرف مكانو؟
حياة:شنو؟
ريهام:اناو مروان. عشرت عمر يعني هاي مو اول مرة بجي لهون..
حياة:(بقات كتشوف فيها حتى غبرات)شوف الطحبة قاليك موالفة تجي هنا...شنو كانت كدير عندو؟اكيد مكانوش يعجنو لفقاس...شوف بنت الحرام..اصلا ممرتحاش ليها ..
ريهام:ايه وين وصلتي؟
حياة:(ضرباتها بتخنزيرة)مزاااال...
ريهام:شو مفهمتي.؟
مروان:(دخل عليهم)سلام
ريهام:(طارت عليه ببوسة لحنك)اشتقتلك...
حياة:(شوف الهايجة يعطيها مصيبة )
مروان:كيدايرة ريهام..
ريهام:لما شفتك صرت منيحة...اييه كيف كان شغل اليوم
مروان:الحمد لله مزيان...حياة كاين شي غدا
حياة:موجود الخير..
مروان:مغاديش تمشي حتى تغداي معانا اريهام؟
ريهام:تمام بس لأني مبرفض لك طلب
حياة:(كتحنزز فيهم بنص عين وهاد النضرات انا ونتوما عارفين شحال فيهم ديال المصائب)انا نمشي نسخن لغدا..
مروان:واخا...ايوة ريهام فين مشيتي هاد السيمانة؟
ريهام:كنت فبيت سيتي بسيفيا يالله شو هلكتني...
حياة:(دخلات لكوزينة..قرودة جامع لفنا كيلعبو فوق راسها)تاكلي فيه الجغديد..بغيتليك السريرة ابنت لحرام...(بدات تسخن لغدا وتبربر...حطات لكل واحد منهم طرف ديال لكراتان وصبات لعصير فكيسان وصلاد فطباسل ...ضربتها بتبسيمة شريرة...وبدات تقلب على البواطة لي دارت منها لمروان...شدات معلقة وخلطاتها مع العصير فكاس ريهام ومع لعصير كان ديال لباربا فشي طبيعي مبانش لفرق فلون...وجدات لميدة وحطات داكشي فوقها وعيطات ليهم..جرات ريهام وجلساتها فلكرسي لي حاط قدامو العصير لي فيه الكارتة...بداو ياكلو وحياة غير كتشوف فريهام لي بدات تحس بالسخونية طالعة معاها..حلات صدايف لقدامين ديال لقاميجة وبدات دير حركات اغراء بفمها و.عينيها... كتشوف فيهم واحد واحد وكترمي ليهم نضرات شهوانية:
حياة:(ضحكتها واصلة لودنيها كتفكر فلبلان لي دارت لريهام...جمعات طبلة ودخلات لكوزينة جمعاتها مسحات ايديها وخرجات لعندو...جلست فصالون معاه وحطات عينيها على التلفازة مروان مركز مع الماتش ومنتابهش ليها:
حياة:شكون لاعب؟
مروان:لمدريد ولبارسا...
حياة:اااه...شكون لمدريد وشكون لبارسا؟
مروان:لمدريد لي لابسين لبيض ولبارسا زرق
حياة:ااااااه...شحال لشحال؟؟
مروان:0/0
حياة:امم.اجي هاد الجمهور شكون كيشجع؟
مروان:(بدات القردة تشطح فوق راسو)كيشجعوهم
حياة:ومكيدابزوش؟
مروان:لا
حياة:سبحان الله...حنا فلحومة ملي يلعب سطيلة مع دراري كيفرض عليهم يحطو خمسة دراهم لواحد باش يكملو لماتش و اجي تشوف لحيحية لي كتنوض فلحي مروان:(شاف فيها بعصبية باغيها غير تسكت تخليه يتفرج)
كيف تصطادين عريسا الجزء السابع
محتوى القصة
التنقل بين الأجزاء