مروان:(شدو الطريق باتجاه الدار مروان مركز مع الطريق ومهضرش معاها نهائيا اصلا ولا موجد راسو لاي مصيبة توقع...حياة حاطة راسها على شرجم لوطو وساكتة كتشوف فطريق وكلامو كيضور فراسها بلي غادي ترجع لمغرب مباشرة بعدما يمشو عائلتها...محساتش امتى وصلات لدار حلات الباب لوطو وخرجات هزات صاكها ودخلات الدار مروان توجه نيشان لبيتو )
حياة:اوووف بدل منكحلها دايما عامياها يخخخ.(جرات رجليها لبيتها بدلات حوايجها شدات دوش وتلاحت على فراشها مهلوكة....على ساعات الصباح الأولى فاقت حياة على صوت تيلي جراتو لعندها وحلات الخط:
فاطمة:بنتي حياة..
حياة:(نقزات من فراشها)مي مرحبا..
فاطمة:حلي حلي الباب
حياة:اينا باب؟؟
فاطمة:باب دار...
حياة:وجاب باب دارنا ليا انا فصبنيول...
فاطمة:وهيا ناري على هبيلة عندي...تي حلي باب دارك راه حنا برا كنتسناو
حياة:(جمعات لبيت بزربة ودارت عليها بينوار ونزلت تحل الباب كانت عائلتها المتواضعة كتسنى برا...)
فاطمة:(طارت عليها تبوس وتعنق)توحشتك الهايشة
الحاجة:خليني نبوس الجرادة ديالي..
حياة:(بدات حياة تسلم عليهم واحد واحد وتبوس هنا ولهيه....دخلو لدار وبداو يضورو وجهم فكل قنت)
حياة:علاش معلمتونيش بلي جايين اليوم؟
فاطمة:هضرنا مع مروان قلنا ليه ميقوليهاش ليك بلي غادي نوصلو ليوم أيوة صافي جا لعندنا للمطار وصلنا لهنا ومشا لخدمة...
الحاجة:تي هاداك الشارف خاصو لي يقادو...مخاصمة معاه هاد لايام...
حياة:خههههه وعلاش؟
الحاجة:قاليك غادية لعند لگور باش نتزلل
حياة:ههههه هاي هاي هاي على صويلح
الحاجة:ايوة بيني وبينك والله مكرهتش شي زعر من هاد لبلاد..جربنا لمغاربة مافيهم مرقة
حياة:ههه ايوة الله يستر نتي راك فتي ما وراء المحيطات بقا ليك غير لگور
الحاجة:ديري حسابك مغانمشي من هنا حتى ندي معايا شي شهب من هنا...انا وصويلح محال واش نكملو
حياة:كتهضري من نيتك؟
الحاجة:بنتليك كنتفلا..يالله انا نطلع نرتاح(طلعات الحاجة وخلات حياة شادة راسها ..حيت عارفة بل متاكدة بلي الحاجة غادي تزيد تكفس عليها الشي لي كحلاتو هي مع مروان)
حياة:(بدات تجري من هنا ولهيه كتوجد لغدا...قادات الميدة حطات داكشي لي وجدات فوقها..وطلعات كتفيق عائلتها واحد واحد...تجمعو كلهم على الطبلة ومن بينهم مروان...بداو يتغداو. فصمت حتى نطقات الحاجة:
الحاجة:ولدي مروان مكرهتش تخلي حياة تخرج معانا نضورو شوية..
مروان:علاش شكون مانعها...خودو راحتكم.
الحاجة:(صيفطات غمزة لحياة لي كانت غير كتبرقق بعينيها)
حياة:هه ماشي اليوم الحاجة...حتى لغدا بينما ترتاحو من الطريق
الحاجة:رتحنا ابنتي...واصلا مغاديش نضورو فشوارع..بغيت نمشي لهادوك المارشيات لي هنا كيقولو داكشي عندهم زوين
مليكة:اييه احياة بغيت نمشي حتى انا نشري شوية يال لفقاص شهوتي فيه
فاطمة:اجي كيببعو لقوق هنا نديرو غير شي طويجين معسل..
حياة:(بقات غير كتقلب فعينيها من هنا ولهيه..عرفات راسها معندها مدير دارت عند مروان لي كان كيهضر مع خوها على حساب شي ماتش )
حياة:(صرطات ريقها ودوزات ايدها على عنقها...الى بقا مروان غير هنا فالدار فغادي تفضح معاه بلمعقول خصوصا هاد العائلة لي عندها لي غادي تخرج ليه خيوط مخو.)
حياة:(جمعات الدار وطلعات لبيتها تبدل حوايجها لبسات تيشورت كحل و دجينز معاه لبسات صباط طالع شوية وفيستا فوق تيشورت جمعات شعرها لفوق وحطات لمسات خفيفة من المكياج ونزلات لعند عائلتها لي كانت كتسناها...الحاجة لابسة جلابة بيج ودايرة معاها فولار كحل وبلغة كحلة وحاطة كحل وعكر عامق وضيلال كيلمع مع الضو تقول اشارة المرور...طلعات فيها حياة وهبطات وجراتها لغندها:
حياة:جدة شهاد الحالة اربي لما مسحي وجهك شوهتينا
الحاجة:والله لامسحتو زيدي قدامي عالله نصيد شي شهب
حياة:ايوة الله يكبرنا على الطاعة والتباعة ...الله يستر وصافي(خرجو لعند مروان لي كان كيتسناهم بلوطو ركبو معاه ووصلهم لاكبر سوبر ماركت فبرشلونة..نزلو عائلتها يلاه جات حياة تنزل حسات بيدو شادها:
مروان:هادا مبلغ بسيط شوفي الى عجباتك شي حاجة
حياة:لا ..ممحا
مروان:(قاطعها)يلاه بلا كترة هضرا...فاش تسالو صونو ليا.
حياة:(حدرت عويناتها ونزلات من لوطو...دخلو لسوبر ماركت..الحاجة غير كتلوى يمين وشمال مطلعة الحاجب وحاسة براسها فاتن حمامة....
حياة:(جرات ملكية)اجي نتي الحاجة معجبانيش شنو واقع.؟؟
مليكة:والله معرفت غير هاد الفترة الاخيرة ولات مدابزة بزاااف مع صالح
حياة:يا ربي سلامة شوفي كيكادير..
مليكة:يمكن جاتها الحالة..
حياة:اوووف يلاه خلينا ندخلو(دخلو لسوبر ماركت كيضورو عينيهم يمين وشمال...دارو على صفوفة كلهم كل حاجة كيوقفو عندها ساعة كيحاولو يعرفو لاش كتليق..بقاو من هنا ولهيه..حتى وقفو قدام صف ديال اي حاجة مطاطية وبلاستيكية..
المحاسبة:(كتشوف فيهم مفهماش شنو كيقولو كتجاوبهم بلاسبانية )
البنت:(الحديث بالإسبانية)مفهمتكمش؟؟
الحاجة:واشوف هاد الزبل كتبربر علينا تي قولي شحال عندنااااااا!
شخص:مغاديش تفهمكم ..
الحاجة:(دارت عندو...بدات ترمش ليه بعينيها وتبسم من تحت سنانها..)احم حنا مكنفهموش للغة ديالهم ومعرفناش كينقولوها ليها
الشخص:ماشي مشكل انا نشرح ليهاّ..(كان شخص كبير فلعمر تقريبا خمسيني...الحاجة تحلات بلمعقول تقول عمرها شافت رجال فحياتها...بدا الراجل كيهضر ويشرح ليهم ..)
حياة:شكرا عدبناك معانا
الشخص:لا بلعكس عادي
الحاجة:ايوة الله يكتر من امتالك...مكنتش نعرف بلي بلادي فيها رجال فحال هكا(كطلع فيه وتهبط)
حياة:امم ريحتو مبيهاش...(رجعات شافت فلمرايا وخرجات لعندهم جلسات فبلاصتها وبدات ضور عينيها من جديد فيهم كيهضرو ومفهماش على شنو...حسات بلحكة فيديها...بدات تحك مستغربة حيت هادي اول مرة توقع ليها...بدات الحكة كتزيد فيها وحياة كتزيد تحك حتى شافوها ماشي تلهيه..
مروان:حياة مالك؟؟
حياة:اااااه الحكة الحكة امروان
مروان:واش موالفة كتوقع ليك!
حياة:(كتزيد تحك حتى مبقاتش قادرة تستحمل ناضت من الكرسي وبقات دور فصالون اي حاجة قدامها كتشدها تحك بيها...)وعتقوني يديا طااااابو بلحكان كنحس بهادشي غادي وكيزيد فداااتي كلها..
مروان:(معرفش باش تبلى المدير ومراتو معرفو ميديرو غير كيشوفوها كيخلات الصالون مرون تمشي من هنا ولهيه..تقول جربة تحك وتعاود وسط انظارهم)
حياة:اااااااه الحكة الحكة فيا الحكة امروااااان
مروان:(شافها كتلوى وتحك بضفارها حتى بدا دم يخرج..مشا يجري لعندها هزها فوق كتافو ومشا بيها يجري للوطو..حطها لقدام وعفط على لوطو باتجاه مصحة)
حياة:ااااه عتقوني عتقوني...
مروان:يلاه نزلي ..(رجع هزها من جديد ودخلها بزربة لعند الطبيب لي دخلها لواحد لبيت وحطها فوق واحد الناموسية وبدا يقلب ايديها وكيسول مروان لاتكون واكلة شي حاجة ومروان كيجاوب على قد السؤال بينما حياة عاطيااها غير لغوات...بدا دوكتور كيمسح ليها ايديها ودرعانها بواحد الماء لي وقف عليها الحكان ورجع دهن ليها ايديها بواحد لكريم وعطا سميتو لمروان يشريه:(الحديث بالإسبانية)
مروان:دك شنو السبب فهاد الحكة؟
دك:دهنات ايديها بشي مادة كحولية وجسمها متحملش
مروان:بحالاش مادة كحولية؟
دك:ريحة لي شميت فيديها كتبين بلي دهنات ايديها بكريم لفيرني ديال لبيبان لاليمينيوم لي كتكون ريحتهم عادية ولكين كتسبب حساسية
مروان:(ستغرب من كلام الدكتور حيت اصلا الألومنيوم معندو فدار وحياة كانت عادية ملي مشاو ...بدا يفكر بينو وبين راسو حتى تفكر دار المدير وعرفها دارت شي زبلة فطواليط شد راسو بيدو وشاف فيها شي نهار غادي تسكت ليه القلب....خرجو من المصحة باتجاه لوطو مروان غير كينفخ وصلات فيه لعظم مبقاش قادر يستحمل كل نهار كيصبح على بلوة جديدة...وصلها لدار وعفط على لوطو ومشا لقهوة كيفكر فهاد الزواج لي رمى فيه راسو)
حياة:(دخلات كتجر رجليها فاتجاه بيتها كان الصمت يعم المكان يمكن كلشي نعس...بدلات حوايجها ورجعات دهنات من لكريم لي عطاها الطبيب...تخشات ففراشها وحلات واتس أب مع سمية...
سمية:سبحااان الله تفكرتي بلي كاينة واحد الطحبة سميتها سمية
حياة:زين توحشتك
سمية:توحشك لفعة ابنت لحرام من نهار مشيتي لصبنيول نسيتيني
حياة:وراه غير مع الدار وشقا
سمية:امممم....
حياة:ايوة حمزة جا لداركم؟؟
سمية:ههه اه صيفط مو وختو ودرنا معاهم بداية الشهر لي جاي على حسابك اصوبيصة
حياة:الله يكمل بالخير
سمية:أمين...أيوة سي السيد مزال بارد معاك؟
حياة:تلاجة يختي وتقول واش حركت فيه شي حاجة ..غير كنرون ليه فحياتو شي نهار غادي نصيفطو لبرشيد
سمية:ههه والله الى توحشت مصايبك..عائلتك لاباس؟
حياة:الحمد لله كلشي مزيان ايوة كاين شي تبرگيگ
سمية:ويلي شغانعودليك...عرفتي سيمو صاحب ابتسام حصلاتو يختي مع بنت رقية فبرتوش صفيرو..
حياة:ويلي...ايوة...(بقات حياة مجمعة مع سمية حتى شدها النعاس قطعات معاها الاتصال ...وحطات راسها على المخدة تريح عينيها....)
حياة:(مع الساعات الصباح الأولى فاقت حياة كتجبد بحال شي مشة...رمات لغطا وبدات ضور وجها فلبيت كتقلب عليه حيت من نهار لي جاو عائلتها كينعسو فبيت واحد ولكين كلها فقنت.ضورات عينيها فكل اتجاه مبانش ليها...رتبات نفسها ونزلات توجد لفطور لي عاونتها فيه ملكية..وجدو طبلة وتجمعات العائلة كلها على لفطور ومن بينهم مروان..فجو مليئ بالضحك:
فاطمة:ههههه منساش نهار لي جات فيه حياة من المدرسة كلها فازقة...لابسة كسيوة ديال الفهد ومغطية قفاها بشكارة
مليكة:ههه علاش شنو دارت اخالتي؟؟
فاطمة:شرشرااات عليهم فوسط القسم ههههههه
حياة:(غطات عينيها)وصافي امي
الحاجة:هههه الله اربي مشتوش النهار لي ضربها الجيلالي حيت كتسرق ليه ليمون من الكروسة كل صباح ههه...علقها من رجليها فلكروسة..وخلاها مجبدة بحال لاستيك هههه
مروان:ههه هي من صغرك كطيري؟؟
حياة:(شافت فيهم كيضحكو رجعات لكرسي وراها وطلعات لبيتها كتضرب برجليها)
(بعد مرور ستة ايام)
حياة؛(اليوم هو اليوم الاخير لعائلة حياة فاسبانيا...بداو يجمعو حوايجهم وحياة غير ساهية حيت قربات تتبعهم حتى هي...)
فاطمة:ايوة ابنتي منوصيكش راجلك حطيه فعينيك راه بنات لحرام كترو
الحاجة:شوفي احياة سمعي ليا ..باش تشدي راجل لبسي وتقزبي وتعوجي وتبعكي..راه رجال طينة وحدة كان عندك الاهتزاز غادي تعيشي مهنية مكانش عندك عدي بلبونج
مليكة:وهي نااااري على نصائح عندك اجدة.. شوفي احياة شدي فراجلك غير بلماكلة الزينة وشيهوات اقرب طريق لقلبو كرشو
حياة:(غير كدور عينيها فيهم معارفينش بلي غادي تتبعهم حتى هي.)واخا واخا غادي ندير لي قلتو...
سي محمد:الواليدة يلاه...
فاطمة:هاحنا اولدي..
حياة:(نزلو لعند مروان لي كان كيتسناهم بلوطو سلامات عليهم حياة بالدوموع وتوادعات معاهم...رجعات لدار حطات يدها تحت حنكها وجلسات تفكر فشنو دير مع مروان...معارفاش شنو لي دير باش يخليها ومترجعش..بدات تلعب بشعرها و تفكر بصوت عالي:
حياة:بفففف الدودة لي فيا بقات تهرني حتى جبتها فراسي ...شغايقولو عليا الناس دابا...مكملاتش حتى شهر فدار راجلها ورجعات بفففف...انا لي ضيعتو حيت حمقة(بقات جالسة فبلاصتها كتهضر مع نفسها حتى دخل عليها مروان:
حياة:(ناضت من بلاصتها منزلة عويناتها لارض)
مروان:احم..... راني وصلتهم لمطار..
حياة:مزيان...
مروان:انا نمشي نرتاح شوية
حياة:مروان!!
مروان:(ضار لعندها)
حياة:يمكن جا الوقت باش نتبع عائلتي
مروان:(كيشوف فيها معرف باش يجاوب..حياة واخا كارثة متنقلة ولكين لداخل ديالها نقي..تقبلات اي حاجة قالها ليها..وافقاات بزواج شكلي منو..وحتى انها كتحاول قدر الامكان انها تخليه ولو شوية يبغيها واخا منطقات بوالو ولكين عينيها وتصرفاتها مكيخبوش)
حياة :(بدات دق عليه بشوية وكتعيط بصوت خفيف)مروان....مروااان(ملي مجاوبهاش حلات الباب ودخلات كتسلل دورات عينيها فلبيت مبانش ليها...بدات تسارا فبيتو وعينيها كيضورو فكل قنت..وقفات قدام بلوزة ديالو وبدات تشمشم فيها وحابسة البكية:
حياة:هئ هئ الله احياة الله..مقدرتي تلمسيه ولا تقربي منو...لي قدرتي عليه غير حوايجو هئ هئ...مم شحال ريحتو فواحة وعاطية...ايه الزهر لما يواتي يخلي لعمى ساعاتي...وانا لي بغيتو غادي نمشي ونخليه هئ خئ
مروان:حياااة!
حياة:(خرجو عينيها صرطات ريقها ودوزات بتيشورت لي بين ايديها على دموعها بزربة)ت..ن...نتا هنا؟
مروان:كنتي بغيتي شي حاجة؟
حياة:اه لعشا واجد!!
مروان:واخا انا دابا نجي
حياة:(حنات راسها فلارض وسبقاتو قلبها كيضرب كتمنى ميكونش سمعها..جلسات على لميدة كتسناها وكل بالها فالشي لي غادي دير باش مترجعش للمغرب...محساتش بيه ايمتى جلس حداها حتى بدا يدوز ايديه قدام عينيها:
مروان:فين غيبتي؟
حياة:غير هنا...
مروان:(نزل عينيه وبدا ياكل وحياة فمها عامر بشلا حوايج باغية تقولهم..الدودة لي فيها ممخليهاش تهدن حتى تعرف راسها واش غادي يرسلها للمغرب اولا غادي تبقى)
حياة:مروان...
مروان:(هز عينيه)
حياة :مجاوبتنيش..ا..احم..على السفر...وا...واش غادي ترسلني؟
مروان:بغيتي تمشي؟
حياة:(معرفاتش باش تجاوب)
مروان:ملي سكتي فكلشي واضح..من هنا لغدا غادي نقطع ليك باش تمشي لعائلتك(دفع لكرسي وراه وطلع خلاها كتحاول تستوعب الشي لي قال مزال مفهماتش حتى وزة)
حياة:(بقات جالسة فبلاصتها كتحاول تستوعب شي لي قال مروان...تكوليخة لي عطاها الله مخلاتهاش تستوعب حتى حرف من غير انها غدا غادي تجمع حوايجها وتمشي تلاح لمغرب...جمعات الطبلة بعيون دامعة الشخص لي واخيرا لقاتو غادي يسالي كلشي معاها...جمعات لكوزينة وطلعات تجر رجليها لبيتها...حطات راسها على المخدة وعينيها فالسقف كتفكر فالشي لي غادي تقول لعائلتها ...بعد سرحان طويل بداو عينيها يتسدو بشوية حتى غفات من قوة التفكير...
مروان:(الوقت لي كانت فيه حياة ناعسة مروان كان واقف فلبالكو كيحسب النجوم لمغطية السماء...عقلو وقلبو عايشين صراااع متناقد..عقلو كيشجعو على الشي لي دار مع حياة ولي واخيرا غادي يتفك من محاينها معاه.بينما قلبو كيخليه يتفكر حركتها وكوارثها الغير المصطنعة لي عاشهم معاها...ترسمات بسمة على شفاهو وطفا لكارو لي كان بين ايديه ودخل لبيتو ينعس..حط يديه تحت راسو وبقا شحال كيشوف فالصقف ..غمض عينيه وستسلم للنوم.)
هاهو الصباح جا بصوت عصافيرو الرنانة🌝🌝
حياة:(فاقت كتجبد فوق فراشها بحال شي مشيشة ..سدات عينيها وحلاتهم ورمات عليها لغطا عينيها منفوخين باينة فيها مشابعاش نعاس...توجهات لدوش قضات حاجتها رتبات نفسها وقفات شحال عند لمرايا ليوم غادي يسالي كلشي،وغادي ترجع لحياتها القديمة لملئية بلمصائب ويمكن بداية جديدة للبحث عن عريس جديد...ساست بالها من افكارها لمضاربة فراسها ونزلات توجد آخر فطور ليها مع مروان.)
كيف تصطادين عريسا الجزء التاسع
محتوى القصة
التنقل بين الأجزاء