لهيب الحب الجزء العاشر (الفصل الثاني)

من تأليف Sana mina
2018

محتوى القصة


الفصل الثاني من قصة لهيب الحب

في الحياة كاين الحب وكاين الكره وكاين الزين وكاين الخايب ...كاين الي القلب البيض وكاين القلب الكحل ..كاين الي قلبو هشيش وكاين الي قلبو قاصح وكاين الي قصااح ليه القلب ...كاين الي كيتحمل وكاين الي مكيقدرش يتحمل وكاين الي قلبو مبقاش عرف باش كيحس ولكن البعد قدر يخليه يكسب واحد الراحة والقدرة على تفكير بمنطقية وكاين الي فضل البعد على انه يبقى ويزيد يكبر المشكيل ...

#بعد_عامين_ونصف...
وااااحلييييماااو وااحلييييييمة ...وتعااالي تعالي را بغات تولد ..اجي ياك كيعجبك تحضري لهادشي تعالي دغيا ...
كانت كالسة تحت شجرة الكرمة الي موالفة ديما كتكلس تحتها من نهار رجعت لدارهم معززة مكرمة بطلب من باها ومها وخاصة باها الي بكا عليها دم ...باها الي تبدل كليا ولا شخص اخور ندم على مدار مع بنتو الي كان غايزوجها لشخص مريض نفسيا وجسديا وكاع مصاىب دنيا ودني تجمعو فيه والموصيبة انه شخص كبر منها بدرجااااات... باها الي حس بالي هادشي الي كيدير فيه ممسلكوش انه يغضب على بنتو الي كل همها انها بغات تقرا وخا هكاك مدارتش العيب وتزوجات وعاشت وسط عائلة معروفة ومحترمة ...باها الي حس بالغلط ديالو وحس ان دنيا غدارة تقدر تاخذك فاي وقت وتقدر تمشي منها فاي وقت ...عاشت مع ختها فداخلة عامين ومنين خدات الباك طلب منها تجي عندو فالعطلة ديال صيف قبل متبدا تقرا في كلية طب فمراكش 
كانت كالسة كتراجع لامتحان الانتقاء باش دخل لكلية الطب ...بعد تفوقها بامتياز في الباكلوريا وحصولها عل معدل حسن جدا رغم الضروف الي مرت بها...
اي بمعنى انه دازت عامييين ونصف على اخر حادث عامين ونصف من عمرهم من بعد محاولات باش انه يرجعها ولكن بدون جدوى تربى الخوف فلداخل ديالها ..مبقاش زاد معاها خلاها بقرارها وخاصة حلفاتو برجولتو هنا كانت نقطة الفاصلة بيناتهم ...وهاهي دابا رغم انها مزال على ذمتو الا ان كل واحد عاش بعيد على لاخور ...
حليمة : هااا واخا تسناي ندخل زياد ... اجي ندخلك ..هزاتو اوووبااا اههههه ثقيل المخنن ههه 
زياد : نغغن غغغ غووو (فعمرو عامين ونصف ) ..
حليمة : جوووين ديااالي كبييييدة ديالي ..يلاه ندخلك منخليش خالتك كتسنا ونمسييييو نسوووف بكلة (بقرة ) ...هزاتو وداتو مشات حتى دخلاتو لدار عطاتو لمها وخرجت لحقت على ختها الي كانت جات فهاديك الايام زيارة عندهم ..لحقت عليها الكوري فين كاينة البقرة كانت كتولد معاهم باها وطبيب الي مقابل لبقرة وختها ...
حليمة : مضرا ..با مزال ؟ 
جيلالي : مزال ابنتي معرفناها مالها ...
حليمة : مشات حدا طبيب ... باقي شاب فثلاثينيات من عمرو ..اش واقع ليها ..
شاب : هز راسو وهو يحل فمو ..(هي نسات راسها ملبستش بلوزة فوق تيشرت حيث كان الحال سخون مع صيف ) هاا ..احم كاين مشكيل رجل لاخرا واحلة (البقرة فاش كتولد العجل يعني ولدها مكيسبقش راس ) 
حليمة : واشنو المعمول ...
شاب : ومع صخرة الله ..هاني مضارب معاها ...
حليمة : بفف ياربييي..كاين فاش نعاونك ..
جيلالي : سيري ابنتي جيبي سطل لكبير راه فوق الكرويلة عند الباب...
حليمة : وخا ابا ..مشات خرجت كتجري كتعتر وسط روث والغبار وتبن كانت لابسة بوط فالكحل ديال ميكا ...جابتو وجات كتجري لعندهم هاز طبيب راسو بانت ليه جايا وصدرها كيتقلقل بقا كيشوف فيها ...حتى قفزو صوت جيلالي...
جيلالي : سي خالد امضرا ..
خالد : هاا ها اه ...هاهي قريب ...عطيني هذاك من تما...
جيلالي : هاك اولدي ...
حليمة : هاك اسطل ابا...
جيلالي: بغا يشد من عندها وهي تجيه كريز حس بقلبو فيه نغصة حتى شد فيه ..
حليمة : مالك ابا !!! 
جيلالي : اهمم اه "بقا شحال عاد تنفس " همم اه لا والو ابنتي غا نخصة ديال لبرد ..
حليمة : بشك " هم وارد لبال ابا راسك ...ارا انا نعاونو غير سير تكلس فالكرسي ..عطاها اشنو بغا طبيب وكحزت هي حداه بقات معاه كتعاون فيه وباها مقابلهم وهما معافرين مع البقرة الي حلف ولدها ميخرج بالكشيفة ...
هذاك النهار كان الصباح عند حليمة ولكن عندو هو كان المساء كانت ساعة حوالي سبعة تالعشية بتوقيت شيكاغو ..صوت الهاتف كيرن ...كان كيتريني فلاصال ..جبد الفون من دراعو شاف شكون <<الوليدة >>....رجعو وجاوب بالكيت ...وفنفس الوقت كيتريني.. 
نيار : الزين ديالي ...
ليالي : ولدييي...
نيار : صباح الخير عندكم هههه كيف صبحتي مزيانة وليتي شوية ..
ليالي : الحمد لله الى نتا بيخير والى جيتي غانولي مزيانة ..
نيار : ياك بحرا كنت عندكم ..
ليالي : اربع شهور اولدي وبحرا كنتي عندنا ماشي حشومة عليك ..غاتبقا نتا تما مبغيتيش ترجع تكلس بمرة ولا كتسنى تنموت ..
نيار : "حبس اش كان كيدير وهو يعقد حجبانو " الولييييدة اش هاد الهضرة ..
ليالي : اشنو كتسنى علاش مترجعش لحياتك علاش حبستي خدمتك علاش هادشي كلو ..غاتبقا يا نموت انا يا يجيبوك ليا معطوب من شي قنت ...
نيار : ههههه معطوب عارفة ولدك يقدر شي حد يقيصو عاد يعطبو ههه ...واخا نسالي البطولة العالمية الي عندي ونشوف ..
ليالي : مكاين بو نشوف كاين غانرجع وزايدون اش بغيتي بشيي بطولة رجع لحياتك وخدمتك الي فنيتي راسك وقريتي وتخرجتي تا وليتي اكبر محامي رجع لعاىلتك وشوف حياتك بغيت نشوفك قدامي ونفرح بيك وبولادك ...
نيار: "تزير " احم الوليدة قطعي تنعيط ليك الكوتش بغاني فشي حاجة ...قطع عليها ..كان كيهز فالاثقال ..حيد من لاماشين وناض وقف مخنزر ..زاد عراض على كيف كان وزادو عضلاتو تورمو اكثر وزادت حدة نضرتو على المعتادة ...وزادت وسامتو اكثر فاكثر ...ولا واحد اخور فنا راسو غير وسط رياضة المفضلة عندو والي مختص فيها ودخل وسط البطولات...لفورمة زادت اكثر ولحية كبرت ...
هز قرعةديال لما يلاه بغا يشرب وهو يحيدها ليه الكوتش من ايديه ..
نيار : ؟؟
الكوتش : مزال مسالينا ..
نيار : مفياش ميزيد يتريني بغيت نمشي ..
كوتش : اسييييييي نيااار ...البطولة بعد غذااا مبقااااش بزاف ...بغيتي النيجيري يغلبك ؟؟
نيار : "بنضرة حادة " مستحيل ..
كوتش : ايوا ؟؟ يلاه قدامي رجع كمل ..
نيار : بعدم مبالاة ..تتت مفياش دابا غانمشي لدار عندي منقضي صباح بكري نكون عندك هنا ..والنيجيري خليه عليا ..مخلاهش يفنفن بقا الكوتش غير حال فمو وكيشوف..
هز صاكو وهبط من لاصال طلع فطوموبيل جيب Jeep ...وصل لدار دغيا الي كانت في احد الاحياء بشارع من شوارع ولاية شيكاغو الامريكية والي نفسها كاينة فيها البطولة العالمية لابطال الفولكونطاكت والملاكمة ..هبط وهز صاكو في كتفو غادي حتى حبسو صوت جاي من بعيد ..
واااداك ولد المجوووط ...
نيار : "ضار شاف شكون " عمووو علييي..(علي الي قراو ليالي الغيث عارفينو ههه والي مقراوهاش هو دكتور صاحب غيث ومهدي ونفس كراكتير مهدي ) 
علي : ياك قلت ليك دوز عندي اصحبي ..
نيار : واااافااك والله تانسيت ...زيد دخل بعدا ونهضرو ...
علي : خاسر كي بوك ...
دخلو بزوج لدار من بعد ما حل الباب ودخلو ...
علي : مدواش معاك ميار ؟؟
نيار : سيي دوا معايا ..
علي : ايوى مغاتمشيش ..
نيار : حتى نكمل البطولة عاد نمشي ...
علي : سير اولدي رجع لحياتك براكة عليك عامين ديال لغياب ..رجع لخدمتك وشوف اش غادير فحياتك اصحبي عامين مسااهلاش اولدي ..رجع كمل اش بديتي ...ها معتز دخلتيه الحبس ..
نيار : عاارف اش كندير اعمي علي عارف وقتاش رجع خليوني فخاطري ..
علي : مك مريضة بزاف كل مكتبعد عليها كتزيد تازم في خبارك بالي الى ملقاتش متبرع هاد العام مغاتبقاش تحمل ...اش كتسنى اااش اولدي ..
نيار : فففف فففففف اااااافففف 
علي : اجي ضربني اجي ونا تنفخ عليا ..اصلا من صغرك ونتا مشبع ديلمي عصا ...
انتابه على لشي حوايج نسائية مليوحة ...
علي : وييييلي سطغفور الله على المكبوت ولد المكبوت ..
نيار : ضار شاف فين كيشوف ...تت ماشي الي فبالك ..
علي : سمح ليا فبالي غا السفالة هاد ساعة هخخ 😅

بعد جهد جهيد وبعد تمارة الكحلة وهما مضاربين معاها حتى بززز باش خرج العجيل صغير...
حليمة : "دارت شال لواتو على راسها على شكل عكفة وهزت رجلين تاع سروال" اهههه هاهي ...باا اجي تشوف ..اشنو ولدت ..
خالد : على سلامتها ..عجلة هاديك ..
حليمة : بااا تعالى هاهي عجلة ابا اهههه 
ناض جيلالي من بعد ماتنفس مشا لعندهم طل على لبقرة والعجلةالي ما ولدت غابالكشيفة..ههه مزياان الله يرضي عليك ابنتي ...
خالد : على سلامتها ..."مشا غسل ايديه وحيد لكسوة الي كان لابس ديال لخدمة وجمع قشو " يلاه اس جيلالي على سلامتها ...مبروك العجلة هه 
جيلالي : الله يبارك فيك ..ساين اولدي نقول لفاطيمة ولا شي وحدة فدريات ...
خالد : ولكن ..
جيلالي : مكاين ما ولكن معارفنيش مكنبغيش نعاود الهضرة ..ارتاح اولدي وجي مع حليمة تالصالة نيت بغيت نهضر معاك على البهايم الي درنا ليهم لقاح ديك المرة ..
خالد : واخا سي جيلالي..
مشا جيلالي وبقا هو وحليمة الي بقات مدهية مع البلاصة فين ولدت البقرة كتجمع حداها وتلوح فزبل ...
خالد : احم ياكما نعاونك اختي ..
حليمة : مداتهاش فيه ..
خالد : هههه وااااختي ..
حليمة : "عاد انتابهت ليه " هاا اههه مسمعتكش ...نعام اخويا ..
خالد : اسميتي خالد ..نعاونك ..
حليمة : "بلا مبالات رجعت تشطب وتقاد " لا بلاش هاني كملت ..اجي معايا نوريك صالة باش تفطر ..حطت داكشي ورتبت دنيا وهي تمشي تسبقو خرجت على برا كان الكوري لور ..
خالد : قاليا باك باغا ديري الطب ..
حليمة : "ضارت شافت فيه ورجعت كتهضر وهي كتشوف قدامها " اه عاد كنبريباري لسيليكسيون ..
خالد : مزيان ..كتقراي مزيان ميتخافش عليك ههه 
حليمة : واشوي وصافي ..
خالد : مهم لا خصاتك شي حاجة فالكلية انا موجود ...را غاتلقاي شوية المشاكل فالكلية مي متخافيش غانعاونك ..
حليمة : اه وخا شكرا .."وصلت لصالة فدار " ها صالة اخويا ..تفضل هاهما غيجيبو ليك لفطور ..
خالد : "بابتسامة " شكرااا عنداك تنساي اش قلت ليك "خالد شاب بيطري طويل القامة شوي وذو ملامح شهبة فورمة عادية وعينين قهويين ولكن شهب بزاف " 
حليمة : اه وخا شكرا خويا ...
خلاتو دخل وهي تخرج مشات لعند مها تعاونها فشقا وهي تلقاها كدور ب زياد الي مسكتش من البكا وغير شاف حليمة مد ايديه ليها كيتشعبط وخنونتو دازة مع دموع ...
فاطيمة : هاهي جات ايوى الله يستر جداك مبقا ليك بيها غراض اولد الهم ..هاكي شدي خليني وحط البراد فصينية ..
حليمة : هههه ازي احبوب ازي ..بوس مواااح ياختيييي على الخنااااين ايييخ ..
زياد : هننن اهى اهى اااممم ماما مممم اهى اهى اااااا ..
وصااافي احبيبة صااافي...
فاطيمة : اريه ودي هادشي ها رضاعة ديالو تكون بردت وسيري دي ليهم لفطور غايكون دري تعطل على شغلو ..
حليمة : وخا امي ..هزات الصينية ديال اتاي فيها البراد خاوي والكيسان داتهم لصالة ولكن قبل مشات حتى لبست عليها كاب طويل عاد دات صينية ورجعت دات لباها المجامع الي فيهم كل مجمع اش فيه هالي فيه سكار قالب مهرس ولي فيه نعناع والي فيه اناي حبوب...
حطت لباها كلشي قدامو وحطت ليه لحلوى والبطبوط مريح بزيت البلدية وحداه حتى بريق القهوة معطرة ...بغات تمشي وهو يهضر هذاك طبيب ...
خالد : ختي حليمة ...شحال باش شادا اباك ..
حليمة : شافت فيه وطلعت حاجب ونزلت لاخور ..علاش ! 
خالد : احم غير بغيت نعرف حيث سيليكسيون ديال طب فمراكش طالع ..
حليمة : "بكل ثقة فنفس " ب 18,75 خلاتو حال فمو وزادت خرجت من صالة ...دخلت على مها خدات من عندها زياد كتبوس فيه وتلعب معاه ...
حليمة : حبيييبو حبيب خالتو انااا زين ديالي نتا غاتولي ولدي مغانخليش حياة تديك ههننن ..
حياة : ايييه توجعتي عليه توحمتي عليه هاا ..
حليمة : كن بقا ولدي الي مكنتش عارفاه واش كاين كان غايكون صغر منو بعام وزيادة ..
حياة : ايوى مكتابش اختي دابا يخلف ليك الله ..
حليمة : معامن معاك ههههه 
حياة : مع بات لولد الي طاح نيت ياك باقي راجلك ..راك باقي مدام المرواني ( بالضحك ) 
حليمة : قلبها بدا يضرب فتسعين رجع ليها الخوف والحزن وكلشي ...باست الولد وعطاتو ليها ..هاكي ولدك انا بغيت نكمل غير قرايتي حليمة البهلة مشااات ...انا سميتي حليمة وكنيتي رايس ..."عينيها سبقوهم دموع مسحتهم وهي تخرج خلاتها مع ولدها " 

يوم جديد هاد المرة في البلاد نيت ...ضربتها الفيقة في ستة صباح ..ناضت غسلت حالتها وتوضات وصلات وهي تمشي لبست حوايج الخروج هزت شي وراق وملف دياله وبزطام فيه الاوراق تبوتية ...وخرجت لقات امها نايضة كطيب فالبطبوط هي وختها ...
حليمة : مي صباح الخير ..
فاطيمة : صباح الخير ابنتي ..اجي تفطري ..
حليمة : وخا انا نمشي نشوف عبد الهادي باش يوصلني لمراكش..
فاطيمة : عبد الهادي راه جا وقاليك كوني واجدة راه موجود هو شوي وغايدخل ويديك معاه ...
حليمة : هااا ايوا مزيان ..
كلست حدا مها كتبطبط وديرلمطلوع فالزيف وسط طبق والمقراج عقلو خرج بتصفار حتى ناضت عمرت براد كبير اتاي ووجدت مها لبطبوط فطسيل ديال طوس زرق ..دارت فيه سبعة البطبوطات وحطت فوقهم طرح تاع زبدة بلدية ..هزو كلشي ومشاو كلسو يفطرو فالصالة ..
جيلالي : بغيتي نمشي معاك !!
حليمة : بلاش ابا كتبان ليا عيان ..غايمشي معايا عبد الهادي ...
جيلالي : بنتي شكون المحامي الي بغا يدير ليك ..
حليمة : محامية اسمها منار الزياشي ..كاينة فمراكش نيت ..
فاطيمة : لا ساعفتيني ابنتي رجعي لراجلك معندك مبغيتي بطلاق ..
حليمة : "عينيها غغرو بالدموع وحبستهم بزز " صافي امي ...
جيلالي : فاطيمة خلي البنت على خاطرها ..بنتي باقي الوقت قدامك شوفي مصلاحتك ...لا جيتي عليا هو ولد ناس وولد عاىلة معروفة ومحامي كبييييير...غايخصك معاه شحااال عاد طلقي منو ...
حليمة : حتى هاد المحامية منار مزيانة ..قالت ليا الى مبغاش يطلقك نرفع ليك قضية طلاق شقاق .. 
جيلالي : كيفاش شقاق ..
حليمة : يعني نتنازل على حقوقي كلهم ...
مزال كتشرح ليهم وهو يكلاكصوني عبد الهادي السيد صاحب باها الي غايديها تالمراكش عند المحامية الي غاتوكلها باش ترفع دعوة طلاق ضد نيار ...الدعوة الي تشغلت بقرايتها ومرفعتهاش حتى وصل وقتها وهيه غادي ترفعها باش تستقل بذاتها وتقرا وتكون راسها براسها من جديد ...
حليمة : يلاه هاني مشيت ابا ..
جيلالي : لا خصاتك شي حاجة عيطي ليا " حس بالسخفة " امممم ...بغا يهضر معاها وهو يشد جيهة قلبو حتى صفار وجهو وتقطعت فيه نفس ..
حليمة : باااا باااا باااا ...
فاطيمة : واااااهياااا ربييييي ...جيلاااالي ..
في هاد الاثناء كانت كل من ليالي وغيث وميار ولين الي كبرت عامين ...كالسين على طاولة الغذا ...كيتغذاو ...
ليالي : ميار دويت مع نيار لبارح ..
ميار : حتى انا دويت معاه ..غا ملي جاوبنا ..
ليالي : هذا الله معاه ...
ميار : الوليدة بغيت نقوليكم شي حاجة ..
ليالي : خير اولدي ..
غيث : كان مدهي مع تيليفون هز راسو فيه ..ياك مكاين باس ..
ميار : كنعرف واحد المحامية في مراكش صديقة ليا قالت ليا بالي غاتوكلها حليمة باش ترفع عليه دعوى طلاق ..
ليالي : تت الله ياربييي ...وهو فراسو ولا لا ..
ميار : قلتها ليه لبارح ..
غيث : ايه ؟؟
ميار : قاليا دير الي عجبها را قدامها طريق شكون شدها مالها ما رفعتها شحال هادي ..
غيث : تت لا حول ولا قوة الا بالله ..
ليالي : كندوي معاها ديما ذكرت ليا الموضوع ولكن كانت غير كتفتف بيه يعني مديت مجبت ..الله ياربي ...مزال كتهضر معاهم وهو يصوني تيليفونها ..هاهي عمرها طويل..الو بنتي ..مالك اش واقع !! اشنو ؟؟؟ الله اكبر ..واخا ابنتي متخلعيش شكون معاكم ؟؟ خالك !! ..وخا غانقول لغيث يهضر معاهم فسبيطار يحولوه لكلينيك وغانوصل عليك ابنتي ....
غيث : اش واقع ؟! 
ليالي : بات حليمة طاح بكريز فالقلب وداوه دابا لمستشفى ديال محمد السادس فمراكش ...
غيث : لا حول ولا قوة الا بالله ..انا غانعيط لعماد فالكلينيك يسوف اش كاين الى قدرو يحولوه لكلينيك ..باغا تمشي عندها !!
ليالي : مامعاهم حد من غير داك خالها راك عارفو ما فيدوش ...
ميار : انا نديك اصلا كنت غادي لمراكش ليوم على قبل دار ديال نيار ....باش نوجدها ليه ..بغا ينزل بمرة لمغريب ..."زلت لسان ههههه " تتت ايييي ..
ليالي : نيااار ولدي راجع بمرة 😍😍...



غيث : وليتي كتشبه لعمك مهدي لا مزلق ليكم لسان متهناو لعفووو..نوضي وجدي راسك وغانوصي عماد على دياليز لحصة ديال غذا ديريها عندو فالكلينيك فين ولى نيت ...
في مستشفى محمد السادس بمراكش ...
كانت كل من حليمة وامها والسيد الي وصلهم جارهم وحتى خالها ....في قاعة الانتضار ...
فاطيمة : قلتيها لخواتاتك ابنتي ..
حليمة : مقلتش امي مقلتش ...
فاطيمة : اجي ركبي ليا نمرة ليلى نعيط ليها ..
حليمة : خلي امي تالمنبعد تايخرج طبيب يقولينا اش كاين ...
فاطيمة . الله ياربي اللله واش وقع ليه الله ياربي اهى اهى ...
حليمة : مييييي متعدديش هنا الله يخليك را غايجيو يخرجونا تهدني امي الله يخليك ..
فاطيمة : اهى اهى ..ياربي الله ياربييي ...
ولات شافت فيها حليمة شوفة حزن ومشات كلست حداها دارت ليها راسها في حضنها وعنقتها كطبطب عليها ....ساعة وشي حاجة عاد خرج طبيب لعندهم ...
حليمة : "وقفت " امضرا دكتور ...
دكتور : "غادي يخصو عملية فاقرب وقت ومن احسن فهاد اليومين ...الصمام ديال لقلب ديالو مسدود ...غايخص عملية بسيطة كتسرح عن طريق لفخد ديالو ...
حليمة : واشنو كتسناو ..
دكتور : خاص يجي طبيب المختص فامراض القلب وشرايين هو الي غايقوليكم امتا بالضبط غايكون ...هضرنا معاه اليوم بليل غايكون هنا ..
حليمة : وخا دكتور شكرا ...واش نقدرو نشوفوه ...
دكتور : ميمكنش حيث هو دابا فالانعاش يمكن ليكم تشوفو غير من بعيد ...
حليمة : واخا ...
مشا طبيب ورجعت هي مشات هي ومها جيهة الانعاش فين كاين باها اما خالها رجع هو وسيد الي جابهم من بعد ما طمانو على باها ومشا يعلم بناتو الي مزالو مساقوش لخبار ...
داز نهار كلو وهما في المستشفى فانتظار دكتور المختص الي غايبلغهم بموعد العملية ومجموع التكلفة ديالها ...حتى وصل ليل كانت ياعة شي تسعود ديال ليل ...
حليمة : كالسة فوق الكرسي ...حتى تحطت عليها ايد الي من نهار حطت رجلها عندهم وهي كتعتبرها الايد الحنينة الي ديما كتمد ليها والي مزال لحد الان كتمد ليها وهاهي دابا ممدودة ليها ..."هزت راسها فيها بفرحة واشتياق ليهم شحااال مشافوش بعضياتهم مدة طويلة بزاف كان بيناتهم غير تواصل الهاتف صافي ..."مااااما ...ناضت من فوق الكرسي تلاحت عليها بتعميقة كبيييرة كتحمل عدة معاني ...ماااما حبيييبتي توحشتك توحشتك اهى اهى ....
ليالي : حتى انا ابنتي حتى انا ..."كلسو " امضرا اش خبار باك كيف بقا واش قاليكم طبيب ...
حليمة : ....
ليالي : مديريش فبالك هاد العمليات ساهلين وعاد كوني هانية غيث غايتكلف بيه ...
خليمة : اهى اهى انا غير وحدي معاه وخواتاتي مزال معرفوش وخالي الي نعولو عليه مشا قاليك عندو ميقضي اهى اهى ...عرفتي احسن حاجة وقعت فحياتي انني تلاقيت بيك متصوريش شحال توحشتك ويمحي ليا بزاااف حيث مجيتش نشوفك ..."حذرت راسها " 
ليالي : "هزت ليها راسها " مكاين لاش طلبي سماحة عارفة ضروفك وعارفاك متنساينيش ابنتي نتي راك بنتي وخا يوقع الي يوقع وانا هنا معاك وغانبقا معاك حتى يولي باك لباس عليه وترجعوه لدارو .."مسحت ليها عينيها " براكة على هاد العينين من دموع ...
دابا صافي سالا وقت دموع سااالا سمعتيني دابا وقت الفرحة ووقت جمع شمل ...
حليمة : كيفاش !!
ليالي : الوقت الي غاتوريك ميفاش الوقت ابنتي كداوي لجروح الي حفرتها الوقت بنفسها ...

الطائرة رقم *** فلاي امارات القادمة من دبي قد حطت بمطار مراكش المنارة الدولي ...خروج الركاب بعد لحضات ...شكرا ...
من بعد ساعات وهو فالجو جا من شيكاغو لدبي عاد من دبي حط رحال بمراكش بعد مدة اربع اشهر الي زار فيها المغرب وغير يومين ورجع دغيا ...تخشى وسط بطولة تابعة لاخرا حتى لقا راسو فات لعامين ...واخيرا قرر يرجع لمغرب بمرة من بعد ما ضار اروبا واسيا فهاد العامين فكل بطولة كان كيربح الذهبية حتى لاخر بطولة الي كانت فشيكاغو نيت ربح الذهبية والي اعتابرها مسك لختام لرياضة ديالو حيث طبيب مبقاش سمح يمارس رياضة على قبل رجلو الي عاد حيد منها لحديد من بعد ما كمل عام باش دارو ودار عملية فامريكا نيت باش حيدو وبقا مدة وعاود رجع مارس رياضة من بعد فترة نقاهة ...وهادشي ال خلاه غاب هاد المدة كاملة ولكن احاسيسو واش هي هي ولا ...

عشقتها من اول ما جات عيني فعيني ولكن مكنتش عارف اشنو داك الاحساس مكنتش كنحس بيه ...صحيح فلول كنت كنقصى عليها ولكن مشاعر الخيانة الي تعرضت ليها كانت مسيطرة عليا ...انا شخص عصبي عنيف من صغري وشي الي خلا وليديا يدخلوني لصال ديال كراطي ومن بعد تخصصت فلملاكمة وحتى لفولكونطاكت ...انا عسري فالضرب ...نهار كنتجنن مكنعرفش اشنو الي قدامي ...والي كنتعصب عليه مكنحنش فيه ومكيشوفش مني اعتذار ولا يسمع مني كلمة سمح ليا ...حتى ليها هي وخا كنتنيرفا عليها احيانا كنضربها الا انني فساعتي كتبقا فيا ...كلقا راسي مهتهم بيها وبتفاصيلها كنعاملها معاملة اب لبنتو ناهيك عن معاملة زوج لزوجتو وحبيب لحبيبتو ..كلشي فيها كيعجبني كيتيرني كلها على بعضها زوينة والبنت الي كيحلم بيها اي شاب فحالي ...ولكن شاءت الاقدار ان الكلاب يدخلو بيننا ويفرقونا والي لحد الان ماعرفتش شكون وكن عرفت بربي لا شاف مني ذرة رحمة لاخرة ...انا دابا راجع وراجع بمرة من بعد اعتزالي من رياضة المفضلة عندي والي كلقا فيها راحتي وكنفرغ فيها عضبيتي وراجع لخدمتي ولحياتي ونشوف اش نبدا ومنين نبدا واشنو كيتسناي ونحلو مشكيل بمشكيل ...وراجع لميمتي الي غبت عليها فترة طويلة وهي محتاجاني ومكرهتش لقاها فاستقبالي ...وهاني كنحط رحالي فبلادي الي خلينها من شحال هادي ...وهاني خارج من لبوابة ديال لمطار ولقا فاستقبالي نصي ثاني مسار وصاحبي وخويا وزميلي فيصل الي خليت ليه المسؤلية وخا كان باقي عيان من اخر حادث وقع ليه من تحت راس داك الكلب الي جمعت ليه كاع وسخو ودخلت مو يتعفن فالحبس وراجع باش نكمل عليه وكانت قضيتو هي اخر قضية كنربح ومنها مشيت ومزال راجع ليه باش نكمل باقي لقضايا الي خليت فيصل غارق فيهم ...
ميار : "بان ليه جاي شير ليه " هاهو وصل ..
نيار : "وصل عليهم كانو كيتسناوه على برا المطار " خوياااا ..."تعانق هو وياه " 
ميار : على سلامتك ...
فيصل : "تعانق هو ويا " عشيييرييي على سلامة زين ديالي هههه ..
نيار : غانعطي لمك لعين صحيبتك انا ..
فيصل : ها الوحش هو هذا توحشناااك اساط ..واواو قداش وليتي الجحش ...شفتك بعين الرحمة ...
ميار : يلاه ركب غانحط ليك لفاليز ديالك ...
نيار : عرفتي متشوق نمشي لدار ومن تم نمشي لافران توحشت الواليدين اخويا ...
ميار : "من بعد ماركبو بدا كيدير فسانتيغ ونيار حداه وفيصل لور " هاااا اههههه وايلي ..
فيثل : هههههههه را مك فدار هنا غاتهنى ...خخخخ
نيار : زلقتي ديلمها متشدش فمك ينعل مك الكيدار ..."نزل عليه لراس " 
ميار : احححح راسي وا والله مدرتها بلعاني معرفتش كيفاش وهي اصلا كانت جايا لهنا لمراكش يعني وخا هكاك كنتي تلقاها فدار ...اييي شحال وليتي قاصح اصحبي بغيتي تهرس ليا راسب وانا قريب نولي عريس...ديمارا طوموبيل ....
فيصل : نشبة شدت ...
نيار : طلقنا ودير دارك نتا غملتي وغملتي معاك البنت ..
ميار : لا صافي نويت هاد العام العشير ..
نيار : ايوى مبروك ...
ميار : الله يبارك فيك ...العقبة ليك اخويا ..."نسا راسو تاني " 
نيار : ان شاء الله ...نفك المشكيل ونتيسر تانا مع شي بنت ناس ...
ميار وفيصل : هننن 😳😳

طيييييط طط طيييييط طط ...صوت الالة ديال الضغط وصوت الالة ديال القلب وصوت الالات ضايرين بيه والاكسجين خدام ...من بعد ما خرج من العملية الي دارو ليه ...كانو مقابلين معاه ...جاو بناتو كلهم يطلو عليه ولما لا وهو الاب ديالهم ...الاب الي وخا كان جدي وصارم وقاصح كان حاميهم كان الكل فدوار كيحسب حسابهم ..بنات الرايس بنات رايس ...الرايس الكنية المعروفة فدوار ...وخا اخر حادث الي وقع والسمعة ديالهم الي تقاصت ..استاطعت الايام تلملم وتداوي ...وزواج حليمة بالعائلة المعروفة ومن اشهر محامي فالمغرب قدرت تسكت فام ناس دوار ...
ليلى : حليمة سيري احبيبتي ترتاحي راك من البارح ونتي فايقة ..
حليمة : "غلب عليها العيا ونعاس" هاا فين غانمشي نعس ..وزايدون غاتجي ماما ليالي ومغاتلقانيش ..
ليلى : سيري لشومبر الي شدوه ليك نعسي فيه را فيه مي متكية تما ...هاحنا شوي ونخرجو تاحنا من هنا ...
حليمة : وخا انا مشيت الى جات ماما ليالي قولو ليها فين كاينة انا وخا ...رجعت شافت في باها وهي ضور مشات لشومبر الي خداوه باش ترتاح فيه سوا هي او مها بحكم انهم مكاينش فين يكلسو ومقدرتش ليالي تديها لبرطما ديال نيار وحتى مهدي بغا يعطيها ساروت رياض ديالهم ولكن مبغاتش واضطر يخليها على خاطرها ...
غير وصلو حط رجليه لاول مرة بعد غياب طويييل على دارو الي خلاها كيف ماهي رجع لقاها باقي كيما هي الا العساس الي تبدل وجا وحاحد جديد هو وعائلتو اما العائلة اللولة من بعد ما قدم ولد العساس لول اعتذار من نيار وخذا مو وخوتو وسافرو لبلادهم بصفة نهائية ...حل الباب ...
ليالي : ولديييييي حبييبي ..
نيار : "لاح الصاك الي فايدو ومشا كيجري لعندها عنقها وهزها كيدور بيها ويبوس ويشم فريحتها " الولييييدة الحبيبة ديالي ..."هبطها ..باس ايديها بزوج " توحشتك بزاااف اميمتي ...كنت باغي نفاجئك ساعاك هاد الدحش خسرها ...
ميار : وااخا على مك ...
ليالي : هههه الله يرضي عليك اولدي وحتى دابا متفاجئة من قرارك فرحتيني اولدي متصورش قداش ..
نيار : وانا على قبل هاد الفرحة علاش بغيت نرجع غير على عويناات ميمتي حبيبتي ...
ليالي : "كتشوف فيه بنص عين " زعما زعما على قبلي ..
نيار : احم كاين شي غذا اش موجدة ليا ...
ليالي : "شافت في عينيه ولاحضت لمعان الي فيهم "...كاين اولدي ...دوز ترتاح ليك وسير دوش بينما حطيتو ووجدتو ...
باس راسها وتوجه نيشان لبيتو حيد حوايجو كلهم ودخل لدوش دوش مزيان ورخا راسو وخرج نشف راسو وذاتو وجبد بوكسر وشورط وبقا عريان من لفوق بحكم كان فصل صيف ...وخرج لعندهم لقاهم كالسين بجوج كيوشوشو ..
نيار : اش كاين تم ؟؟؟ 
ليالي : اجي تغدا اولدي ..
نيار : الله طاجين توحشتوو...اجي علاش مجبتيش لين معاك ؟؟ 
ليالي : مبغاتش تجي بغات تبقا مع باك ملي خرج تقاعد وهو كيخرجها معاه فهاد الصيف ولصقت فيه وتاهو مخلانيش نديها حيث ..احم ...
نيار : حيث اش ...
ليالي : ها غير حيث مكاين الي يشدها ليا هنا كنمشي ندير حصص ديالي ومجاتش معايا سورجان ولا عبير داكشي باش ...
نيار : نتي حيتي على قبلي ديك ساعة تسنايني تنحي عندك كنت غانحي فنفس نهار ..
ليالي : ماشي مشكيل اولدي ..اصلا عندي منقضي هنا وصافي ...بقاو كيدردشو مع بعضياتهم حتى تغذاو وهي تنطق ليالي ...
ليالي : ميار يلاه اولدي نمشبو ...
ميار : بغيتي تمشي دابا ؟؟
نيار : فين غاديا انا نديك انا خارج دابا نيت ..
ليالي : هااا ...

هااا ...غير بغيت نقضي شي غراض فرياض ديال مهدي طلبتني سورجان على شي حاجة من تما بقا ترتاح اولدي غايديني ميار ولا نمشي فطاكسي راسي...
نيار : اولا طاكسي ممنوع وطوموبيلات ديال ولادك كاينين ...ثانيا انا مجيتش باش نرتاح راني ارتاحيت وصفيت ذهني ورحعت باش نبدا من جديد بغيت نمشي عند فيصل داير معاه على شي ملفات ضروريين بغيتهم ليوم ..وبما انني غادي انا خلي ميار هنا تاهو عندو ميقضي ومنها نبقا مع زين ديالي ...
ليالي : "شافت فميار بعينين نجدة ولكن ولد لحرام مسخوط الوليدين قراها في مو حسيفة ههههع " 
ميار : صافي غير وصلها فين بغات انا عندي منقضي ومتنسايش الوليدة بغيت نهضر معاك نتي وهاد الحيماري فواحد الموضوع مهييييم ..خليت ليك راحة انا مشيت ...هز سوارتو وخرج ...
ليالي: واااخا اولد كرشي ...
نيار : "مفهم والو " اش واقع ..
ليالي : والو بغيتك قبل توصلني لكلينيك مراكش اولدي وخليني تما وسير ..
نيار : علاش كلينيك عندك حصة ليوم ولا ...
ليالي : ها لا غير بغيت نشوف طبيب كيف شفتي الي متبعة عندو هو عماد وتحول لمراكش فهاد الكلينيك داكشي باش ..
نيار : اوااه عماد تحول ..مزيان نيت ندخل معاك نسلم عليه ونبقا معاك تتسالي نوصلك فين بغيتي ونتيسر انا ...بغات تهضر سبقها مشا لبيت يبدل حوايجو وخلاها هي حالا فمها حايرة اش دير واشنو لي مادير ملقات متقول من غير تخلي الامور تمشي راسها وماعرفت ربي اش مكتب .....
بعد ساعة كان هو وياها قدام الكلينيك ..بلاصا طوموبيلتو قدام الباب ...الي خرجها من البارك الي تابع العمارة ...دخل هو وياها لداخل ...
ليالي : اجي نسولو عليه واش كاين فالاستقبال ..
نيار : "مشا لاكوي وسول عليه البنت الي تما " الله يخليك دكتور عماد ..
البنت : اينا هو ممكن تعطيني الكنية او الاختصاص ..
نيار : اختصاصي الجهاز الهضمي ...
البنت : اه كاين اموسيو ...هو في الطابق ..
ليالي : وي عرفت ابنتي مهم عيطي ليه قولي ليه يلقانا فالمكتب عندو را دايرة معاه ...يلاه اولدي نطلعو عندو ...مشات هي وياه وغاديا وكطلب ربي يدير شي تاويل دالخير والي كان غا ميوقعش مشكيل ...حتى دخلو لطابق الي فيه مكتب عماد ودخلو لحسن الحض كان فالمكتب ديالو ....
عماد : اهلا مدام ليالي ...عاش من شافك ..كيف بقات صحة ..
ليالي : اهلا ولدي ..الحمد لله ...
عماد : سي نيار على سلامتك ...رجعتي لبلادك ...
نيار : الله يسلمك سي عماد ..
عماد : "وجه هضرتو ليالي " امضرا كيف بقا داك سيد كنت فموتمر هاد اليومين في باريس ومبقيتش سولت عليه ...
ليالي : هاا اه الحمد لله ..قاطعها نيار ...
نيار : تت الوليدة خليت تيليفوني فطوموبيل بقاي هاني جاي نجيبو ونجي وخا ...
ليالي : واخا اولدي ...
خلاها مع طبيب وخرج هو دخل سانسور برك على رقم ديال السفلي ديال باركينغ ...وهبط خرج منو ومشا نيشان لطوموبيل حلها بالكونطاكت جاب تيليفون ورجع سدها ورجع ثاني يلاه دخل عند الباب كان خاشي راسو فتيليفون كيبقشش فيه حتى تصاطح مع شي حد ...
نيار : اوووبس سمح ..." هز راسو "😳...
لياااالي على دا الحال ..ليااالي حضني مشتاق لك تعاااالى ولا مش عالبااااال تعالى قلبي محتاج لك ....

تصاطح مع شي حد وهو يهز راسو حيث حس براسو قصح هذاك الشخص الي تزدح مع صدرو وهو مع تبارك الله متزاد فالعرض والعضلات وتفورما اكثر ..هذاك شخص كان ضعيف قدام البنية ديالو ...كان رحل كبير فالسن ...
نيار : اوبس ...شد فيه ..سمح ليا مشفتكش ياكما قصحتك ؟؟ 
الراجل : الله ياوليدي وفين عقلك ...
نيار : ههه سمح ليا الوليد ...شوية ..
الراجل : مكاين باس اولدي معذور تيليفونات خلاوكم بلا عقل ...
نيار : هههه لا والله الوليذ غير مدهي عندي ميدار ...وتيليفون هو الوسيلة الوحيدة ليا دابا ههه ..
الراجل : ماشي مشكيل الله يسر ليك اولدي ..
نيار : اميين .."باس ليه راسو وعاود طلب منو سماحة وعاونو حتى خرج ورجع دخل هو طلع نيشان لطابق الي خلا فيه مو ودخل عليهم " يلاه الوليدة باغا تمشي دابا ...
ليالي : ها غير سير نتا خليني هنا ..
نيار : علاش ياك مكاين باس ...
ليالي : لا والو غير بغيت نزور واحد المريض كاين فالانعاش ...
نيار : صافي نمشي معاك زوريه واجي نوصلك را طاكسي منخليكش تمشي فيه وانا كاين ودحش لاخور كاين ..اصلا معرفتش علاش مجيتيش مع شيفور ..
ليالي : جيت مع ميار ...
نيار : يلاه زيدي نمشي معاك ...
ليالي : هننن ميار اجي عتقني اههننن ..
نيار : سبقيني انا جاي نجاوب فتيليفون ولحق عليك ....
.....
حليمة : "رجعت مشات لانعاش طلت على باها ورجعت لكلوار فين كانت كالسة ليلى وخواتاتها لاخرين ..."مجاتش ماما ليالي ..
ليلى : "هزت فيها راسها " لا احبيبتي مزال ...
حليمة : تعطلات كان عليها تجي قبيلك على مقالت ..
ليلى : الغايب حجتو معاه ..صراحة هاديك سيدك را نعمة من عند الله عطاها ليك ربي ...الى ساعفتيني ديري بوجها ورجعي ...اصلا سبب الي خلاه يدير ليك هكاك راك عرفتيه علاش مقصحة راسك ...
حليمة : ليلى ...صافي الله يخليك ..ممكتابش انا عيييت وتعذبت بما فيه الكفاية الي داز عليا ماشي ساهل ...وخا قبل ميوقع الي يوقع كان عنيف ربا فيا الخوف ورعب واحسن منين تفارقنا والا مكنتش غانكمل قرايتي بالغيرة الي فيه ...
ليلى : وشكون بحالك راجل كامل مكمول فيه كاع الي تمناه الف بنت ...هانتي كملتي وغاتبداي فلي حلمتي بيه ..حليمة راه وخا تقراي وتخدمي را حنا فالمغريب مجتمعنا مكيرحمش المراة المطلقة ديريها فمخك و...دخلت ليالي ...
حليمة : مااما جيتي ...
ليالي : اهلا بنتي ...تعطلت عليك ...
حليمة : ماشي مشكيل تمشي لانعاش ؟؟
ليالي : هنن ؟؟ بلاش خلينا غا هنا شوي ونمشي ...معنديش لوقت تنرجع غدا فصباح ..
حليمة :"بتعجب " هاا واخا الي بغيتي ....
حياة : حلللليمة اربي سيري جيبي زياد راه خرج برا ...
حليمة : اويلي ولاش نتي جبتيه وخلاوك دخليه ...راه كلينيك هذا مالك اصحبتي مكتفهمي وباقي صغيور ...تتت ..استاذنت من ليالي ومشات تبعت ولد ختها الي غير تعلم يمشي ولا يشد ديلمها طوالة الى محبسوه فرانات مكاينينش ...
حليمة : زيااااد حبيبي اجي ...تت اويلي .."مشا ضار عالدورة " 
نيار : اووكي يلاه شوية ونتلاقاو ..قطع وهو يحس بايد شدت ليه فرجليه حذر راسو ..تتت وينووو ...
زياد : نغغغغ اووغغغ اننن هههه اييييييييينن ...
نيار : ههههه اجي "هزو باسو في حنكو " شكون البطل اوووباااا ..ههه اشنو سميتك ...كيهر فيه ...
زياد : "ميت بالضحك " ههههههههههه 😂😂😂😂😂😂😂...
حليمة : اويييلي ضار ضورة ....مشات كتجري مع ضور دورة حتى تصاطحت مع اكثر منضر صادم بالنسبة ليها شافتو غير من لور وبحال عرفاتو حيث اصلا تبدل هو حسن شعرو مزيان ولحية كبرت ليه شوية وزادت الفورمة الي تكلضمت اكثر ...زز زيااد ...
نيار سمع صوت قلبو تهز من ريحة الي شم وصوت الي سمع ...ضار جيهة مصدر الصوت ...
زياد : اغووو اييييمة ايييمة
نيار 💔حليمة : حليمة ...نياار 😳😳....

بكلمة وحدة تحييني حبييبي قولها وكفاية ...انا عايزاك تنسييني زمااني ونتا ويايا ...ليالي على دا الحال ...ليالي قلبي محتاجلك ...
...

بعد غياااااب طويل داك ازيد من سنتين ونصف بعد شوق كبيييير ...الي كان باين انه من احد طرفين فلول نيار ولااااااكن واش حتى هي كانت موحشاه ؟؟!رغم انها هي الي رفضات ترجع ليه ...وهو واش مزال كيبغيها واش هذاك الحب تلاشى ورجع من جديد !!؟ واش حيا فيه شوق او اصلا كان متشوق ليها واش واش واش ...كل هاد الاسئلة الايام وزمن قادر يجاوب عليها وهما بنفسهم قادرين يحددوها ويجاوبو عليها ...

زياد : نغغغغغ ايييمة "كيمد ايديه " 
نيار : "بقا مفيكسي عينيه فيها " 
حليمة : "نفس الشيء " 
حتى غوت زياد غوتة خلاتهم يفيقو من الصدمة الي اثرت عليهم ...
نيار : "وعا براسو " احم ..تتتت نو نو شش صافي صافي ..
حليمة : اجي عندي .."خذاتو من عندو وبالدعقة قاصت ايديه حتى ضربها ضو " احم ننن. ها هاني احبيبة هاني اخالتو صافي ..ششش وينو حبيب خالتو صافي ..
بقات تسكت فيه ونيار حاضيها...
حليمة : كتهضر مع الولد وعينيها لارض كتجنب تشوف فيه وكترعد " ... 
نيار : هز عينيه باس لولد وشاف قدامو ...خلاها واقفة مع الولد وبدون ميتكلم مشافش جيهتها وزاد مع طريق ...
بقات هي مدة وهي كتستوعب حتى كسر الصمت صوت الهاتف ديالو ...الي سمعاتو حيث ضار مع ضورة ومزال قريب ليها ...خدات الولد وتمت غاديا حتى قربت وهي تسمع ...
نيار : الو زين ديااالي توحشتك بزاف...ايه الحب وااخا هههه ..مي تووو ..قطع ومشا ...
حليمة : "حلت فمها وعينيها " ممم مم مي تو اهنن...الحب ...دعقها لولد بالغوات حتى غوتت بحر جهدها بلى متشعر ...واسكااااااااااات ...
نيار : "سمع صوتها وقف مدة ضور وجهو نصف ضورة ورجع كمل طريقو " 
زياد : اانن 😢
خلاها ماعرفت اشنو الاحساس الي جاها منين سمعت المكالمة ديالو وهي بنفسها ماعرفتش علاش دارت هكاك ...ماحيلتها لاش سمعت ولا لصدمة ديال شوفتو بعد مدة طويلة والعجب المعجب انها ما خافتش منو فقط الصدمة فصدمة الي لعبت عليها ...اما هو مكانش مبين اشنو احساسو فقط تصرف معاها بلا مبالات حتى انه مهضرش معاها !!! عجيب امره ...
مشا لجيهة الانعاش حتى كيلقاه خاوي مفيه حتى شي حد ...رجع بغا يتاصل وهو يصوني ليه تيليفون ثاني ...ولكن شخص اخر 
نيار : الو وي ..اهلا منار صافا عليك ..
منار .: اعلا سي المرواني عاش من سمع صوتك ...
نيار : ههه كيف دايرة امورك هانية ..!! 
منار : صافا الحمد لله ..قالو ليا غاترجع لساحة اوحش محامي هيئة دفاع ..
نيار : ياااس راجع وبقوة واكثر من العادة ..
منار : شوف راني غير درويشة ربي كنرفع غير دعاوي طلاق وداكشي الي متعلق بقضاء الاسرة عارفني خاطيييني الجنايات ..عايشة انا وليداتي وراجلي حامدين شاكرين هههه مقادرة نتواجه معاك كتخلعني ههه 
نيار : هههه اودي اش قربني ليك هانتي قلتيها بفمك نتي قضاء الاسرة وانا الجنايات يعني مغانوصلك متوصليني هه
منار : ولكن مع الاسف غادي نتواجهو وهادشي علاش اتاصلت بيك ..
نيار : خير !!
منار : "بعد صمت " نيار نتا عارف الخدمة خدمة ولكن واجبي كضديقة ليك قبل منكون زميلة كيحتم عليا نخبرك ونسولك ...زوجة ديالك وكلتني نرفع عليك دعوى طلاق مع الاسف وبغيت نعرف اشنو ناوي ...واش غادي طلقها بسهولة ..
نيار : احم ..منار بغيتي نقوليك ..خدمتك ديريها وباكمل وجه ومتشغليش بالك بيا ...الى بغات ترفعها من حقها ونتي وانا عارفين القانون اشنو فيه ...
منار : اش غانقوليك ..هادي مهمتي وخدمتي ولكن معندي مندير مكرهتش ترجع المياه لمجاريها بيناتكم وخا فالقانون ديما كيعطي فرصة باش تراجعو باش ميضلمكمش ولكن الى كان اتفاق طرفين فمعندي منقول ليك سوى الله يدير تاويل ديال لخير...

خدات ولد ختها الي صمط حتى هو من لغوتة الي غوتت عليه مبقاش نفنف ...هزاتو بين دراعها وحدرت راسها وزادت حتى لصالة فين كانو كالسين خواتاتها وفين خلات ليالي ...دخلت بملامح ممحية ..
ليالي : بنتي مالك تعطلتي ..
حليمة : لارد ..
ليالي : بنتي كتسمعيني ...مال وجهك صفر ..
ليلى : ختي مالك !! 
حليمة : لا رد 
ليالي فاش شافت وجهها وبما انها مشات بصورة عادية ورجعت بصورة وجه مخطوف ...عرفت انها بلاشك غاتكون شافتو وخاصة ان تعابير وجهها كتوحي لصدمة بنسبة كبيرة ...
ليالي : تت لا حول الله ..بنتي غانمشي دابا ..غانرجع فاقرب فرصة وخا ....
حليمة : "ساهية " 
ليالي : حليمة ...
حليمة : هااا اه وخا اماما ...
خلاتها مع ليلى طبطبت ليها على كتفها وخرجت مشات نيشان لجناح الانعاش عرفت بلي غايكون لحق عليها تم وفعلا لقاتو تما كيقلب عليها ...
ليالي : ولديي هاني ..
نيار : "ضور راسو " فيييين كنتي ..
ليالي : هاا غير ف ..احم شفتيها !! 
نيار : همم ...شكون الي ناعس فالانعاش ؟؟ 
ليالي : باها مع الاسف تعرض لنوبة قلبية ودارو ليه عملية تسريح صمام ...
نيار : الله اكبر ..ودابا كيف ولا ...
ليالي : الحمد لله العملية دازت بيخير وكيتسناوه يولي شوية ويخرجوه من الانعاش ...
نيار : وعلاش مقلتيش ليا بالي هو الي هنا علاش كتخبي ..
ليالي : غيير مقلتش وصافي ..
نيار : هاديك مشكيلة وهادي وحدها ...قوليها ليا عادي لاش مكبرين الموضوع وعاطينو اكبر من حجمو ...عااادي زوج غايتفرقو وصافي اشنو فيها ..مكتابش بوان فينال الوليدة ...
ليالي : بغيت نسولك سؤال وجاوبني بصراحة !!
نيار : ماشي وقت الاسئلة امي غير ميكي على سوال الي بغيتي تسولي صااافي الله يجعل البركة را ماشي بزز امي ماااشي بزز عامين وزايدة ديال فرصة قد الخلا كبرت فيها ورجعت نفسيتها تحسنت ولات كتعتامد على راسها ...وهاهي اول قرار خدات بغات الفراق صافي ..كن انا مجريتش ومطلباش وعطيتها فرصة كنت غادي نعيد نضر ولكن انا مخليت مدرت حتى من الخيانة عامين ونصف معاشرت على ودها هي حيث مزال على ذمتي وحيث بقيت كنبغيها وبقيت مخلص ليها ولكن ...هانتي كشتوفي كلشي ...
ليالي .: مزال كتبغيها ..!
نيار : الوليدة ..
ليالي : جاوبني ...وكنواعدك مباقيش غاندخل وعد حر ...
نيار : لا مبقيتش صافي ...

خرجو خواتاتها كل فين مشات من بعد ما طمانو على باهم كل شدت طريق كاينة الي خلات ولادها عند جيران وكاينة الي جابتهم وخاصهم يرجعو لقرايا ...وهادشي بامر من امهم الي رسلتهم يرجعو فحالهم الا ابعد وحدة الي ساكن فداخلة فابقات وغاتبقا حتى يتشافى باها تماما غاترجع معاهم لعروبية وتبقا معاهم وولادها ميتخافش عليهم بقاو مع عائلة راجلها فايدي امينة وهاهي الان كالسة مع حليمة الي بقات ساكتة من داك اللحضة ...
ليلى : انتي دوي مالك !!
حليمة : مماليش ...
ليلى : شوفي راني ختك ونعرفك مزيان راك تربية ايدي هضري قولي اش كاين مالك مغيرة ...
حليمة : فففف ...جا ..رجع ...
ليلى : شكون !! 
حليمة : هو ..
ليلى : راجلك !! 
حليمة : كااان كااااان ...
ليلى : فين شفتيه ..
حليمة : جا لهنا امكن جاب ماما ليالي ولا منعرف "عاودت ليها اشنو جرا اثناء اللقاء " 
ليلى : ايواااااا...ههه ايوى اختي سمحي ليا من حقو ياك باغا ترفعي دعوة طلاق عليه ياك مبقيتيش بغيتيه ومالك..
حليمة : مماليش غير مصدومة من شوفتو ومصدومة انني مبقيتش كنشوفو ونخاف وخا كان شوية لخوف ...
ليلى : اشنو دابا ..
حليمة : "شافت فيها " والو ..غذا فصباح نعيط لمنار المحامية ديالي باش نقوليها ترفع دعوة ..
ليلى : "شافت ليها فعينيها "متاكدة ...
حليمة : "بعد صمت طويل" من احسن كل يشوف طريقو كيف هو شاف حياتو من حقي انا نشوف حياتي وزايدون كيف قلت ليك منقدرش رجع نعيش معاه مزال لخوف كيتملكني الى مجرد فكرت انني نعيش معاه كيجيني هاجس انه فاي لحضة يتكرفص عليا...
#ليالي_نيار
ليالي : صافي هذا قرارك ...
نيار : الوليدة صافي. را هضرت ...بغات طلاق خليها دير الي بغات وياريت الوليدة بلا متبقاي تبززي عليا ...غاتشوف حياتها وانا غانشوف حياتي ...انا فاش قررت نبعد قلت غانعطيها فرصة باش تراجع راسها وتقرا بخاطرها حتى تقرب توصل لحلمها ولكن منين كتشوفي فيها جات حتى انا بغيت نجي عاد هي بغات ترفع دعوى ...هنا صافي هذا الحد امي الله يجعل البركة وتاحاجة مكتجي بزز الي مجا بمحبة مايجي بحزارة والصلاة عالنبي...
ليالي : عليه الصلاة والسلام ...لا حول ولا قوة الا بالله ....
مرت الايام فايام ...فاق الاب ديالها ولات صحتو متحسنة وسمح ليه طبيب باش يخرج ...كل رجع فحالو من بعد ما طمانو على صحتو ...ليالي بقات مع نيار ووصلت عليها لين هي وغيث ...ووصل النهار الي تسلم فيه نيار استدعاء لحضور الجلسة الاولى من الطلاق والي فيها غايسمع القاضي لكلا الطرفين عاد يحدد الجلسة في حالة تافقو بزوج على الطلاق يطلقو فساعتهم...وبما ان نيار اكبر محامي وليه عدة اصدقاء في القضاء ومنهم قضات كبار ولحسن الحض او يمكن نقولو سوء الحض كان القاضي لي غايتكلف هو صديق عزيز بزاف عند نيار ....فكانت الجلسة الاولى في اليوم ....
كانت كل من حليمة وختها الي جات معاها والمحامية وفجيعة لاخرا كان نيار والي جا وحدو بدون اي محامي ...ومعاه باه وليالي...لين بقات مع ميار ....
القاضي : تفضلي اختي قولي اشنو عندك ..اشنو سبب الي خلاك طلبي طلاق 
حليمة : "عاودت ليه كلشي حتى من العصا وكاع الي جرا ليها بالتفصيل " وو
القاضي : قولي اختي ..."حشمت " تقدري تجي عندي تقوليها ليا فودني اختي ...
حليمة : واخا "عاودت ليه فاش جا سكران ونعست معاه وفاش كان كيخليها عريانة فالبرد " تزنگات ...
اما نيار طلع حاجب ونزل لاخور وغير كيسمع ..حتى عطاه القاضي الحق باش يتكلم ..
القاضي :اشنو بان ليك اسي نيار فهادشي ...قابل تطلق بلى مشاكل ...وبارادتك حتى انت !!
نيار : "خنزر فيها واحد مولاتي تخنزيرة وهضر وهو كيوشف فيها " تت لاا انا مباغيش نطلق وكنطالب الزوجة ديالي لبيت الطاعة 😊...

 الكل ضار جيهتو بصدمة واولهم ليالي وغيث الي بقاو غير كيشوفو ماعرفو يفرحو ولا يبكيو ولا اشنو كيتسنا هاد زوج ...قهرهم وتقهر هو وتقهر كلشي خلاهم غايبلقو حتى حليمة بقات غا كتبلق وترمش ...فمها نشف ولسانها تصرط ...
ليالي : عههنن سمعتيييه هههه 
غيث : هاد الدحش غايجيب اخرتي مفيهاش ..
ليالي : الله ينجيك اويلي خلي عليك دري ..والله تا كنت عارفة ههههه 
القاضي : "جاب ليه ضحكة " عارف اش كتقول ..عطيني سبب يخليها ترجع ليك لبيت الطاعة ..
نيار : ههه اولا قضاء الاسرة ماشي من اختصاصي وخا انا رجل قانون بامتياز ولكن انا كنميل لقضايا الجنائية كيف مكتعرف ...
القاضي : نيار اشنو علاقة الحنايات بقضيتكم ..
نيار : انا جايك ...بعض الجرائم الي كانت كتوقع كان منهم كيطراو نتيجة اليحر والشعودة وياما شدينا ناس تجار ديال الاعضاء وتجار البنات الي كيقولو عليهم باللغة العامية "الزهريات " يعني الي كيستخرجو بيهم الكنز والي كلقاوهم يا مذبوحين يا مكرضين يا يا راك عارف وكلشي هادشي كامل تحت مايسمى بالسحر والشعودة ...وانا كنت ضحية لهاد السحر كنت كنتصرف تصرفات كتخليني مكنعرفش اش كندير يعني بغير الوعي ديالي ....وهادشي الي خلاني تصرفت معاها هاكاك " عاود ليه كلشي " والحمد لله تعالجت بفضل كلام الله الي كان سبب انني نعرف طريق لله ونولي انسان مؤمن ولله الحمد ...
القاضي : ولكن هي كانت تتعرض لضرب وتعنيف ..
نيار : قلت ليك سبب والو بغيتي عندي شهود على هادشي وكيف كتعرف هادشي مذكور فالقران وحناااا فالمغرب مدخلين شرع فالقانون يعني الشرع عندنا مسير القانون عندنا ...ونزيدك ..هي علاش مدارتش شهادة ومقدمتهاش ديك ساعة علاااش حتى لدابا عاد رفعت دعوى اشنو الي خلاها تعطل ...علاش انا مدفعتش دعوى طلاق ...
القاضي : علاش ...
نيار : حيث ببساطة باقي كنبغي مرتي وبغيت فرصة لينا بزوج ومدامني وليت الحمد لله بيخير علاش منعطيوش فرصة لبعضياتنا اننا نرجعو ..وزايدون هي شكون قاليها تخرج من دارها وتخليها ؟؟ عندي الحق نطلبها لبيت طاعة ولا لا ..."قرب حدا القاضي وهضر ليه فودنو " 
نيار : صاااحبي كون شديد معايا وحكم ليا ببيت طاعة دير بوجه صحبة ...را خوك محن ..كلمة رجال عمرنا باقي نرجعو عندك وسرك فبير وخدمتك الي غادير معايا ...
القاضي .: "جاه ضحك حبسو غا بزز " وهضر بهمس ..ينعل مك باغي تخرج ليا على المنصب ديالي..احم ..يمكن ليك ترجع لمكانك .

بعد انتهاء الجلسة ..خرجو كلهم لعلى برا ...كان غيث مع نيار كيهضر هو وياه وليالي مع حليمة كتهضر معاها وهي مهناش فهاد العالم باقي ممستوعباش ان القاضي حكم ليها ببيت الطاعة ..
ليالي : ههه مالك ابنتي ..
حليمة : اهى اهى مبغيتش نرجع ليه علاش علاااش اهى اهى ...
ليالي : عطي فرصة لراسكم ابنتي يهديك الله ..
حليمة : مستحيييييل نرجع ليه مستحيييل اهى اهى ومنحطششش رجلي فديك دار ...
ليلى : يهديك الله انا منك كن راني نزغرت بقاي لمك تيطيرو ليك بيه المخيرة فالمغريب تموت على تراب رجليه الحماااارة ...عقلك فيه الخنونة ...
ليالي بقات غير تضحك مع الي جرا فلاخر جاها غير ضحك معرفتها فرحة ولا هبلت ولا معرفت اش هههه مشات حدا غيث جراتو تهضر معاه وهو يبقى نيار واقف كيشوف فحليمة الي جنون ركبوها بغات تفقص طرطق جننها بكات وتغبنت...حتى مشا ليها كانت بقات مع ختها ...
نيار : بلا متجيبي حوايجك بقاي مع داركم شوي تدوز يومين ونجي نجيبك ..
حليمة : فاحلااااامك الي نرجع سييير تموووت ...
نيار : "كيهضر ومخنزر "الحاجة متغوتيش عليا لا نتي فيك جنون انا فيا شمهروش تكالماي معانا...حكم القاضي ببيت طاعة لمك لما رجعتيش غايجيبوك ليا بزز ...
حليمة : ومبغااااايتش مبغااايتش مكتفهمش مبقيييتش بغيتك وناااري يااااه ...ومبغيتكش 
نيار : انا كنبغيييك الزين ...
حليمة : وانا لااااا مكنب...كانت كتغوت ماعرفتش كيفاش حتى جرها بجهد لوا ليها ايديها لور وزدحها مع صدرو حتى دارت غوتة المشة ..قدام باه ومو الي شرعو عينيهم ...وليلى بغات تصطى بالضحك ...تلاح ليها على شفايفها بوااااحذ مولاتي البوسة مشهييييتكم فيها ....
غيث : شوووف ليك المسخوط مبقاش يحشم 😳..
ليالي : ههه ونتا كنتي تحشم ..من شابه اباه فما ضلم ...
غيث : اجي ازين نديرو بحالهم 
ليالي : الله يمسخك ...حيد هههه 
غيث : يااليت شباب يعود يوما 😢
بقا يبوس فيها ويجر فشفايفها ويتلدد فكل وحدة وهي كدفع فيه ووالو حتى طلقها لا هي لا هو كينهجو بجوج ...
نيار : اححح شحال كنت موحشهم اجي نعاودو تاني ..بغا يجرها وهي تحبسو ..
حليمة : الزمر بااااقي تقيصني غادي ندير شي حاجة فراسي ..ومااراجعاااش ليك ..غانمشي لدارنا والخيل المخير ركب عليه 😡....
نيار : لخيل هو الي غاركبك عليه غابلاتي نفارد بمك ...زيدي قدامي نوصلك ...
حليمة : غانمشي مع ليلى ..ومتوصلنييييش ....
نيار : اضصرتي لمك ااا ....طلي شوفي واش مزال شي حد ..طلت لقاتهم زادو بقات غير هي وياه والبرد..هااا...زيدي قدامي نوصلك لعند باك وديك ساعة منهضروش تالمنبعد ..بغات تدوي وهو يخنزر وهي تمشي كتنفخ قدامو ...ومؤخرتها البارزة كتمايل قدامو ...
نيار : هاااح انا معاك شوي بشوي اش عندي مندير دواك باش ترجعي ثقثك فيا هو انا بنفسي نخليك ثيقي فيا ....
ركبت وقادت سانتيغ وحطت راسها عالزاج وركب هو وهي تشعل موسيقى ...كان ديجا مخدمها وجاي كيدندن بيها حيث عارف راسو اش ناوي ...
نيار : كنت ناوي معاك لخير وعليا دفعتي كبير حسبتيني دري صغير ويلي ولي دابا شغاندير ...وباغا طيري يا شوفي غيري يااا ... 
حليمة : 😒

بين الفينة والاخرى نمنح نفسنا راحة ...نعطي لبعضنا فرصة واحيانا نمدد المسافة بيننا حتى نعيد التفكير ...ولما لا حتى تهدا النفوس فكلكا زاد الغضب زادت استحالة الرجوع وكبرت المشكلة ...
بعد صمت طويييييل اثناء الطريق من طرفها هي طبعا الطريق كلها وهي صاقلة مدوات متكلمت وحتى هو خلاها على خاطرها ...شدو طريق البلاد عندهم في احد الدواوير...انتابهات ليه شد طريق نيشان بلا ميسول ...
حليمة : باش عرفتي هادي طريق ...
نيار : فايت جيت ليها ..
حليمة : علاش !! 
نيار : كنت جيت بغيت نخطب واحد البنت هنا عندكم في البلاد ...كانت شفتها وعجبتني ..
حليمة : وعلاش مبقيتوش تزوجتو ...
نيار : اااااه قصة طويلة ...منساهاش هاديك البنت ...فصراحة ...
حليمة : فين مشات دابا ..
نيار / باقيا في عندكم ممشات فين ...
حليمة : هممم ...ضورت راسها جيهة زاج وهي ترجع شافت فيه ..احم اشنو سميتها ...
نيار : "شاف فيها بنص عين " علاش كتسولي!!
حليمة : هاا والو غير سولت ..وانا مالي ..ضورت وجهها لشرجم وبقات كتشوف وساكتة ومرة مرة كتنفخ ....
نيار : ارا متنفخي ليا تم ...
ضارت خنزرت فيه ورجعت كتشوف ومضورة وجهها ...بقاو غادين حتى دخلو لبيست شدو طريق الفيرمة ديالهم ....
حليمة : عارف حتى طريق دارنا ...
نيار : راه قلت ليك فايت جاي لهنا نخطب وشحال من مرة كنت كنجي نشوفها را ماشي اي وحدة كانت را كنت غانكمل معاها حياتي كنموت عليها وكنبغيها بزاااف معمرها تنسا ليا وسميتها مكاين لاش تعرفيها صافي داز داكشي ....
حليمة : ايييييييوا مني كتبغيها لاش لاصق فيا انا وشاد فيا خليني وسير عندها ياك مزالا سييير عندها ولا قوليا سميتها ونرجعكم لبعضياتكم ....
نيار : باغا ترجعينا بسمية !! الله يستر ...ماشي سوقك الزين بلا متعرفي سمية ...
وقف طوموبيل قدام دار ...
حليمة : يلاه شكرا الله يعاونك ...بغات تنزل وهو يجرها جيهتو باس حنكها ...نزلي كيف قلت ليك بقاي مع باك شوية هاد الايام ...حتى ندوز نجيبك ونشوفو كيف بقا ...
حليمة : مجاوباتوش وهي تنزل ...لقات مها خارجة عند الباب ...مي ...
فاطيمة : حليمة جيتي ..بحرا هضرت معايا ليلى غادوز عند بنت عمك تشوفها وترجع فالعشية ..اجي هداك راجلك ولاو ...
نيار : شافها وسمعها دوات عليه وهو يهبط باش يسلم عليها ...مشا عندها باس ايدها وراسها ...الحاجة لباس عليك ..
فاطيمة : اهلا ولدي كيداير لباس عليك ...
نيار : لباس الحاجة 
فاطيمة : على سلامتكم اولدي درتي مزية رجعتي مرتك وطلبتيها لجوجية ...
حليمة : ميييي
نيار : ههه الله يسلمك الحاجة ...هاهي جبتها تبقا معاكم حتى يولي الحاج شوية ونجيبها ...
فاطيمة : ايه اولدي ..وادخل بعدا مالك واقف قدام الباب ...
نيار : وفصراحة بنتك الي مخلاتنيش ندخل ..
حليمة : "بالدعقة "هاااويلي انااا ...
فاطيمة : اويلي ضحكة وشرگة على مخلاتكش دخل ...
نيار : ضحكة وشرگة ههههع ..وهانتي تشوفي ...
فاطيمة : وازيد دخل مرحبا بيك ...
نيار : ايييه لهلا يخطيك ...الحاجة "ضار شاف فيها ودار ليها بحجبانو زعما موتي بالسم "حتى خرجت فيه عينيها هههههه

بقات غير كتحنزز فيه وعينيها خارجين صدمها صدمها كل مرة كيصدمها شي نهار يدير فيها سكار بكترت صدمات ..سلوكة ديال لبصلة سيسائية غايشوطهم ليها....
حليمة : الا امي غايمشي راه عندو ميدار ...
فاطيمة : ولواه اولدي معندك فين غادي بغيتي س جيلالي يخاصم عليا ولاو ..دخل اولدي دخل ..
نيار : لا اخالتي هاد ساعة معندي ميدار ...
فاطيمة : دخل الله يرضي عليك ...
حليمة : "بغات تاكل جنابها " افففف
فاطيمة : مالك تنفخي اديك بنت لحرام ...دخلي راجلك لعند باك ..واجي تبعيني لكوزينة ...
نيار : "حبس ضحكة " بنت لحرام هههههع ...
حليمة : وباااز ...احم واخا امي وااخاا...
مشات دخلت وهو سد الباب ديال طوموبيل بالكونطاكت ...جاه صهد حيد تجاكيط وبقا بتيشرت اسود مكتوب بالبيض ومزييييررر عليه بجهد حتى بغا يطرطق ...جبد كلينيكس من حيبو ... هز ايدو كيمسح بيه العرق وكينش ...وهادشي تحت انضار بعض من بنات الدوار الي ساكنين بجوار دارهم ديال حليمة ...
التايكة : واااهيا ناري هااا ...واكيشبه لمراد ولد اخت عثمان كوزان 😻😻...
غزلان : واييه عرفتي شكون هذاك راه راجل الهبيلة ديال حليمة ...
حادة : الهبيلة هي نتي نوضي هاديك را بغات تولي طبيبة كية موك كتسناي فولد عمك يجي من صبليون ديرو لعرس وسادس مكملتيه ودااات زين رجال هذا انا كاعما نقدر ندخلو نخافو يتوسخ ههخخخ 
التايكة : عااار الله جيبو ليا غاسميت مو ...نجيبو يشطح ههعع ..
حادة : هخخخ تيكون تيعرفك وجهك صحييييح ...
كان باقي واقف حتى مسح العرق ورجع حل طوموبيل جبد منها تيليفون خلاه فيها نساه ...وهي ترجع حيث شافتو تعطل ...
حليمة : واافينك ...خرجت لعندو ..
نيار : "سد طوموبيل "هاني الزين توحشتيني ...
حليمة : بزاااف ...
نيار : هااحح اجي نفاردو تحت شي كرمة نحيد منك الوحش الزين ...
حليمة : دخل تكلم لبا راه خرجناه من البيت لصالة ..
نيار : واخا ...مشا تبعها وهي ترجع خرجت حتى لعند الباب...
حليمة : "دارت ايدها على جبهتها كتحجب شمش ولايد لاخرا على جنبها " ادوووك رباعة هااا اتجمعو عينيكم رجعتو لتبركيك...
غزلان : مالنا اش درنا ..
هاااء شلااا فيمن نشوفو فصحيبك الي هربتي معاه ههههه ...كيحساب ليك دوار ناسي فعلتك..
حليمة : المهييييييم رااااجلي وتزوج بييييييا كيتك انتي الي ولد عمك مشدود فالحبس بالحشيش وكتسنايه يخرج باش يدخل عليك خهههخ ...
غزلان تزيرت وهي دخل لدارهم كتهرنن وبقاو لوخرين ...
حليمة : ياك مكاين باس ؟؟ 
حادة : والو باس ..حدرت راسها ومشات ...وتايكة حتى هي حدرت راسها وزادت ...
حليمة : اييييوا لاش ...بقات دايرة ايدها على جنبها ودايرة وقفت لخوينزات ههههه حتى رجع نيار من وراها ونطق حتى قفزت ...
نيار : احححح وقفة عندك غير ديال شي كوية سيكونت سواسونت سانك 
حليمة : ولات تفتف وجهها تزنك حدرت راسها وزادت سبقاتو وتبعها من لور كيضحك ...
نيار : وغا فكري فشي واحد خفيف تحت زيتونة ولا كرمة ولا الي بغيتي تا حدا الواد ماشي مشكيل نكملو ونغسلو تما...هههههههههههههه

في احد صالات الدار عندهم كانت صالة كبيييرة بزاف ...كان كالس كل من نيار وبات حليمة الي كانو متكيينو فوق سداري ومغطي حيث مزال عاد داير العملية وكيخصو الراحة التامة وعدم الاجهاد ...حاطين صينية ديال اتاي محاطينش المجامع حيث الي غايعمر اتاي مريض وميقدرش ينوض ...جابو البنات الي عندهم صينية اتاي وهو كالس مع نسيبو كيهضرو والبنات كيدخلو ...كيهضر وعينيه كيقلبو عليها دخل ...،حتى ..
جيلالي : وااا فاطيمة ...
فاطيمة : تمت داخلة لابسة دفينة "تكشيطة " فالابيض ودايرة شال بيض على راسها عينيها زرقين نسخة من حليمة ...هانا ..
جيلالي : اجي تكلسي وعيطي لحليمة ...عيطات ليها وهي تم داخلة ...
نيار : "محيدش عينيه من عليها " ...
حليمة : نعام ابا "هزت فيه عينيها وهو يعض فشفايفو حتى خرجت عينيها وتزنك وجهها " احم ...
جيلالي : سييري لعند عبد المولى قوليه يجيب شي حولي جيد يديه يدبحو قوليه راه كاين نسيبي وهو غايفهم ..
نيار : احم مكاين لاش ..
حليمة : هاا ولكن هو غايمشي ...
جيلالي : مكاين مشي حتى تكلسو معانا شي ايام وسيري مع راجلك ابنتي ..
حليمة : ولكن ابا انا مغادياش معاه ..
نيار : احم ماكرهتش اعمي ولكن ...
جيلالي : والله اولدي متمشي تتدوز معانا تلات ايام منها نيت نتعرف عليك ..تعرفنا في ضروف خايبة هاربي جاب الوقت وجابك عندنا نستغلو الفرصة ....سيري ابنتي ديري اش قلت ليك وبلا ردان الهضرة ...خنزرت فنيار وهي تمشي ...
جيلالي : صافي قلنا كلمتنا ...
نيار : "بعد صمت " احم مابغيتش نهرس كلمتك ...ولكن ماجبتش لحوايج و...
جيلالي : نعطيك فوقياتي وجلالبي راني تانا طويل لا تحكرني هههه 
نيار : ههه حاشا ...واخا يكون خير ولكن غانبقا غير يومين حيث بعد غدا عندي جلسة لولة من بعد ما رجعت لخدمتي الي غبت عليها ...
جيلالي : ان شاء الله اولدي ...وعلى سلامتكم منين غاترجعو بيني وبينك مزيان درتي هكاك اولدي انا بغيتها تبقى فدارها وخصوصا هنيت عليها معاك عرفتكم ونعم نساب غير مبغيتش نعاود الغلط الي درت لا معاها لا مع بناتي غير ربي يسمح ليا وصافي وهاني كنتعاقب "حدر راسو بحزن "
نيار : معندك علاش تقلق ولا يبقا فيك الحال كلنا اغلاط وكلنا غلطنا وكلنا غلطنا في حقها ويمكن انا الغالط الكبير فهادشي ...وهاني تعطاتني فرصة باش نصلح الامور وكيف سمحت ورجعتو الامور وقاديتوها بيناتكم حتى انا عندي فرصة نصلح الامور بيناتنا ...وكيف نتا تعاقبتي حتى انا تعاقبت ...يعني بزوج تعطاونا فرص باش نصلحو اغلاطنا ...
جيلالي : الله يرضي عليك اولدي ...
بقا هو وياه كيهضرو ويتناقشو 
حتى دخلت حليمة وحناكها مزنكين ومغوبشة ...
نيار : مال وجهك ...اس وقع ليك ...
جيلالي : هههه هاديك هكاك دايرة بحال مغميتها شمش كدير ليها هكاك ...عرفتي فاش كانت صغيرة كانت هي المفششة عندي ...كنقوليها غير فار الگبص هههه حيث شهيبة بزاف على خواتاتها ...
نيار : فار الگبص 😳..."حبي ضحكة وفلداخل ديالو بغا يتشتت بالضحك غا مقاوم وهذا الله هههه " اههه ...
جيلالي : كانت سكووتية وحاجتها ما ديالها ودرويييييشة وحنينة وكتصنط لهضرة ...
نيار : فهادي مكدبتيش ...
حليمة غير كتسمع وحادرة راسها ...
جيلالي : واحد المرة درت ليها خاطرها وخليتها تشرب شويبس حيث هي المونادا العزيزة عليها جبت ليها اش نقوليك صندوق غا ليها هي ..ايوا ضربت ليك تلاتة لقراعي اااحتا ولات تگرع من منخرها وفمها وودنيها ....عينيها ولاو حمريييين بكترت لغاز وتگراع ...
حليمة : "تزنگات عرفاتو لاش بغا يوصل ومقدرتش تهضر " احم ...
نيار : هههههههههههههههه كمل ...
جيلالي : اييوا وتعالى تشوف ليك فصباح لفراش كلو عمر بالت اتا قالت براكة ...البوالة ...
نيار : بوالة ههههههههههه...
قرب ليها حيث كانت كالسة حداه ...
نيار : ههههخخ بوالة كلنا بلنا وليني ديك فار الگبص سمحي ليا بزااااف 😂😂😂😂😂😂....نااريييي كنضحك من اعماق صماصيم بطني ههههههههههههههههههههه 

وصل الغذا تدبحت دبيحة ودارو شوا واللحم مبخر ودجاج حتى هو ...تغذاو وعمرو كاس اتاي مشحر والحديث يجيب حديث حتى وصل وقت لاسييست عندهم هي فترة من ورا الغذا كاتكون فيها تقريبا ربع ياعة ولكن الشعب الشقيق تيشدها تايفوت المغرب ...
جيلالي : بنتي حليمة دي راجلك لبيت ينعس ..
فاطيمة : راه وجدنا ليه البيت الي لي فطبقة الفوقانية راه خاوية خودو فيها راحتكم ابنتي ..
حليمة : راحتنا 😐...شافت فنيار ..
نيار: "حبس الضحكة وحدر راسو كيلعب فلحيتو " 
جيلالي : واه ابنتي ييري ديه يرتاح وسيري جبدي شي فوقية من فوقياتي يلبسهم وخا غير يرتاح فيهم يعدي بيهم هههه غا سمح لينا اولدي ...
نيار : لاا ماكاين باس اعمي ..ههه 
حليمة : "بحزن ومخلط بخوف خصوصا انها غادي يبقاو وحدهم ولاول مرة " واخا ابا 😞...
ناض نيار واستاذن منهم ومشا تبعها طلعو لفوق الطبقة الثالثة والاخيرة فيها غير بيوتة ...
كان واحد البيت جا لداخل شوي ومنعازل هو البيت الي وجدوه ليه فين ينعس فيه ناموسية كبيرة تكفي لشخصين ومفرشينو بزرابي من سنع عيالات دوار ...وفيه شراجم كيطل على زوج جيهات ....
حليمة : هاهو البيت ...بغات تمشي وهو يجرها لعندو ...بدا كيقيص في حنكها ىقلبها بدا كيضرب ...
نيار : باقي هازا من جيهتي ..
حليمة : "بحزن" لا رد ...
نيار : هزي عينيك وشوفي فيا ...
حليمة : مهزتش عينيها فمها بدا يترعد ..
نيار : تت افففغ...باس ليها راسها بوسة طويييلة حتى استنشق عطر شعرها وغمض عينيه عاش شوية من اللحضة الي جمعتهم ...
نيار : شوية بشوية حتى تزجعي ثقتك ويتحيد منك الخوف وخا ...
حليمة : "بعد صمت وهي تنطق "تت لا لا صعيب نرجع ثقتي صعيب تكرفستي عليا بزااف وقهرتيني وخا كان سبب ولكن رعب الي فيا كل مكنشوفك كنتفكر اشنو درتي ليا .....صعيب ...حدرت راسها وخرجت 
بقا شحال وهو مغوبش ملامهاش ومغايلومها عارف انه خاصها فترة وخاص يتحكم فراسو باش يكسب حبها ليه ويخليها ترجع الامان معاه وخا كبرت الا ان الخوف كبر معاها عندها هاجس الى وجعو عاشو بزوج فدار وحدة يرجع ليه تاني داكشي ويعاود ليها نفس الحاجة وخلاها ترجع ثيق فيه وهو يداويها وماشي طبيب نفسي الي يداويها ....السم كيداوا بسم نفسو ...
واحد شوية دغقو صهد وهو يحيد تيشرت وبقا غير بمايو سميطات بقا كيشوف فالبيت ولكن دعقو دبان بكترت مكاين مع صهد بقا ينش ويخبط حتى تقهر وهو يلبس تيشرت وخرج من البيت وهبط حتى وصل لتحت لقا الباب ديال لخروج وهو يتلاقا بنسيبتو ...
فاطيمة : ولدي اش خاصك فين غادي ...ياكما قهرك صهد شعل لكليما ..
نيار : "بغا يكمي ومقدرش يقولها ليها احتراما " احم لا غير بغيت نشوف شي حاجة فطوموبيل ونهضر فتيليفون ورجع ..
.استاذن منها وخرج على برا كيكمي وهو يقشع من بعيد حليمة كتهضر مع شي حد وهو طبيب البيطري الي اعتارض طريقها ....وهو يرجع طلق غوباشتو ...

بقا حاضيها وهو كيكمي واحد تابع لاخور حتى بغا يكمل الكرطونة بانت ليه كتهضر وهذاك كيهضر معاها ....
حليمة : اه شكرا بزاف ...
خالد : مهم نمرتي را عند الوليد ..الى كان ممكن تعطيني نمرتك احسن بلا متشديها من عند باك انا نصوني ليك ...
حليمة . : لا بلاش معنديش تيليفون حاليا تندير ونعيط ليك من عند با "بغات غير تفك ...
خالد : اا ههههه واخا الي بغيتي مهم بون كوغاج وان شاء الله تقبلي الله يوفقك ..
حليمة : شكرا بزاف اللهم امين يلاه نخليك عندنا ضياف ...
خالد : سمعت بغيتي طلقي لا ....
حليمة : ها اا ...اه ولكن...
خالد : فصراحة انا بغيت نهضر معاك شحال هادي ولكن مجاتش حيث كنتي مزوجة وكان فلول كيحساب ليا غير. راجلك مسافر مهم ماعرفت "حك راسو ببلاهة " خهههه حتى عرفت غادي تطلقي وقلت نستغل الفرصة ونقوليك على مشاعر ديالي ...
حليمة : خويا خالد انا ...
خالد : عفاك خليني نكمل وديك ساعة فكري ...انا كتعجبيني من نهار ولدنا البقرة وسولت عليك وعرفت اشنو جرا ليك ...مستعد نتزوج بيك ونصبر معاك حتى تقراي وتوصلي لطموحك ..الله يخليك فكري وردي عليا ...
حليمة : ولكن انا راه ...
خالد : ياك باغا طلقي ....
نيار : لاا مبقاتش غاطلق ..
حليمة : "تهز قلبها تالسما " نن نيار ...
خالد : احم سمح ليا شكون انت ..
نيار : انا راجلها ..نيار المرواني ..
خالد : هاا مم متشرفين ..
نيار : شرف ليا ..دار ايدو ورا خصرها وجرها جنبو ...هز ليها راسها وشاف فيها ...حبيبة ديالي توريني البلاد عندكم ...
حليمة : هاا ...يلاه نخليك شكرا بزاف ..جرها ومشاو ...
حليمة : "بخوف كتسول فيه باش تطمان ..."علاش خرجتي ..
نيار : دعقني دبان وصهد ..
حليمة : شعل لكليمة ..
نيار : خرجت نكمي شوي ...
حليمة : جاها غريب ردة لفعل ديالو مغوت مقال والو وهو يركبها رعب اكثر ...هااا ..
نيار : "بملامح غريبة "انا غانرجع نتكا شوي ونهضر فتيليفون ..ونخرج شوي غانمشي تالمراكش نجيب حوايج منبدل ونهضر فيصل ونجيب دوا هاد ناموس الي مرضني ...وشي حاجة ونرجع دغيا متقولي لباك والو قولي ليه غير خرج يضور فالبلاد هنا ...واخا ..
حليمة : وو واخا ...
نيار : مغانتعطلش ...
مشاو رجعو لدار طلع هو رتاح ليه شوي وخا دعقو دبان ولا غير يضور ويخبط ويحك حتى شنيولة قتلاتو ... وناض خرج رجع لمراكش يجيب اشنو غايحتاج بحكم مبعادش على مراكش مسافة نصف ساعة فقط ...حتى وصل المساء ...كانت حليمة هي ومها كالسين كيهضرو وحداهم طيابة كتشرمل فدجاج ...وحتى ليلى الي وصلت عليهم ...حتى بانو ليهم دراري كيجريو ...
حليمة : اش واقع ...بان ليها واحد الولد ..عز الدين ..اجي اجي اخويا ..
عز الدين : نعام ختي حليمة ..
حليمة : اش واقع مالكم كتجريو ...
عز الدين : هههخخ عرفتي طبيب خالد ..
حليمة : مالو !! 
عزالدين : لقاوه عريان غير بسليب ههههه وجاي ..
حليمة : هههه اويلي وشكون دار ليه هكا ..
عز الدين : معرفناش ههه سولوه رجال الي شافوه جاي قاليهم تلاقاو ليه شفارة ههه ...
حليمة : هههههههه ..مشا دري حتو وقفت طوموبيل ديال نيار عند رجليها ....شافتو سكت طوموبيل وهبط مهبد معاه صاك وجاي كيفرنس...
نيار : حبي توحشتك ....هبط لابس مايو سميطات فالبيض وسروال فالاسود مزير من عند عضلات رجلين ...وايرماكس ...
بقات كتشوووف فيه شي شوفات ...فشكل وهي تصغر عينيها فيه ...كنتي فمراكش ...
نيار : اه علاش..
حليمة : بحرا وصلتي من مراكش ...
نيار : اش كيبان ليك ...
حليمة : متاكد..
نيار : اجي قلبيني ازين لا يكونو اغتاصبوني فشي بلاصة ونيت شوفي لوديغيكتوغ واش باقي هو هو وخا راه عامين راه ولا والي جهة مراكش اسفي ....

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.