كانو كالسين مجمعين فوسط الصالة ديال ضياف ...من بعد مامشا غيث الي ودعهم وبقات ليالي وبنتها لين ...بغات دوز معاهم شوي العطلة ونيت تشوف اخر الاخبار من نيار ومهدي الي كانو فهاد الاثناء في مدينة الداخلة وبالضبط قدام المرصا فين خدام زوج اخت حليمة الي هي ليلى ...
مهدي : دابا شكون غانسولو ..
نيار : اجي نسولو رايس ديال صيادة ..
مهدي : واخا...
توجهو نيشان لعدن الرايس ديال صيادة وسولوه على الصياد زوج ليلى الي اسمو سمحمد الرايس الي هو نيت ولد عمها ...قاليهم بالي فدارو حاليا وخداو من عندو العنوان ...فديك اللحضة مشاو لعندو ....
دقو فالباب ديال دار الي كانت عبارة عن سفلي مصلوح والفوق باقي فيه البريك ...حلت ليهم طفلة فعمر خمس سنوات ...
مهدي : الزوينة كاين باك ؟
طفلة : بابااااا ...مشات دخلت تكلمو ماشي بزاف وخرج لعندهم كان راجل فاواخر الاربعينات من عمرو شعرو طاليه الشيب شوية ..
سمحمد : سلام عليكم ...
مهدي : سمحمد الرايس ياك ؟
سمحمد : ايه هو هذا ...
مهدي : صراحة احنا جينا من مراكش وبغينا نهضرو معاك الى كان ممكن ...
سمحمد : ايه مرحبا اسيدي تفضلو ...دخلهم لاخل حتى لصالة ...هادي عادة الصحراويين مكيخليوش ضيف وميقوموش بالواجب معاه كيف مكان والى مداروهاش كتكون عيب فحقهم وهادشي الي كان ضايفوهم على احسن وجه وحتى نيار بقا كيشوف ويلاحض ...
مهدي ونيار شافو فبعضياتهم باستغراب وهو ينطق نيار...
نيار : علاش كاين شي مشكيل ...
سمحمد : واخا انا نوض نعيط ليها ...شاف فيهم مدة وهو يمشي عيط ليها تمت جايا مغطية راسها ولابسة ملحفة...
ليلى : سلام عليكم ...
نيار ومهدي : عليكم سلام ..
ليلى : فييين ختي اهى فينهي واش لقيتوها ولا اشنو الله يخليكم را قلبي تشطن عليها...
نيار : وهو كن خدمتي تيليفونك كنتي غاتعرفي عليها من نهار وقع الحادث وحنا كنعيطو ليك ونتي طافياه...
ليلى : بالدعقة كنقلب عليها مع ناس طاح ليا تيليفوني فزرابة ( قناة الري ) ومشا ليا ودرت نمرة جديدة ومن تما وانا مكوية عليها اهى الله ياربي على حبيبتي فين تلات بيها الايام " عاذ طلعت معاها كلمة حادث " حادث اويلي اشمن حادث ...
مهدي : "عاود ليها اشنو وقع من لول تالاخير "
ليلى : اوييييلي اهى اهى اويلي ياربي ...
نيار : الحمد لله هي دابا فايدي امينة معندك مناش تخافي عليها حنا جينا بغينا نعرفو واش غاتكلفي بيها نتي ولا لا ...
نقز سمحمد : هو فصراحة بغينا نتكلفو بيها وانا بنفسي مراضيش على داك زواج وبغينا ليها محسن من داك الحمار الي تزوج بيها ولكن لا بقات عندنا غايقتلها باها يقتلها ولا تمشي لعند راجلها وتكرفص ...
نيار : قانونيا ماشي راجلها وهذاك العقد غايتعاقب عليه الاب ديالها وانه استغلها وهي قاصر ومدايزاش فالسن القانوني دونك معندو عليها تا حق ...
سمحمد : اشنو الحل ..
نيار : عليها خطر الى بقات عندكم ؟
ليلى : بغيت نشوف حبيبتي ولكن بغيت تيتنسى شويك ونشرفها انا هربتها كنت ناوية نرسلها عند دار لوسي ومن تما نقيدها فشي مدرسة داخلية وميعرفو ليها طريق وتكون راسها ونعاونها من بعيد ...الى بقات عندي غايجي با ويقتلها ولا يرسلها لهداك عدو الله الي مريض هو وعائلتو بالسحر " عاودت ليهم كلشي اش وقع "
مهدي : استغفر الله العلي العضيم ...لا يفلح الساحر من حيث اتى ...
نيار : معندها غير حل اننا حنا نتكلفو بيها كنتي نتي اخر امل ..
ليلى : كيفاش غاتكلفو بيها
مهدي : انا والاب ديال نيار حنا اصحاب ودايرين جمعيات كنساعدو الشباب الصاعد وكنتكلفو بدراستهم وبكلشي حتى يوقفو على رجليهم وهي غاتولي وحدة منهم ..
ليلى : الله ياربي حمدتك وشكرتك ياربي...ولكن كاين مشكيل ..
نيار : الي هو ...
ليلى : با الى عرفها يا يقتلها يايرجعها لهداك ..
نيار : معندوش الحق كيف قلت ليك ...
ليلى : هو هذاك منضنش غايرجع يبغيها حيث عرف انه ...
مهدي. : اشنو ...
سمحمد : دوار كلو كيقول انها هربت مع شي واحد ...واحد مول برويطة قاليك شاف شي واحد هازها بين دراعو ودخلها لطوموبيل
مهدي : هذاك انا وولد ختي فاش ضربتها...
سمحمد : يا يقتلها ولا يحبسها ولا الي فايشفع ليها هو يلقاها مزوجة بهدا الي كان هازها ..
نيار : اشنووو
مهدي : اويلي انا مجوج وبولادي احاااي ...😳
خرجو من عندهم مصدرمين او الاصح مهدي الي بقا حال فمو ونيار بغا يتصطى عليه بالضحك ...
مهدي : الي هو المعل...احح والو وييلييي ...اجي تزوج بيها نتا ..
نيار : تمشي فحالك لا ؟
مهدي : مالك مالك على ميزيناتها بنت تلقا بحال داك زين..ودوك تقيبات ال فحناكها ووحدة فذقنها ...
نيار : انا غانتزوج ولكن ماشي بيها هههه من نيتك ؟
مهدي : شكون اجن بقيتيش تعاود لعميمك ايييه ضاعت صحوبية ونا الي تنقول نيار كيرتاح ليا غير انا وخا قد باه..
نيار : وماشي هكاك هادشي جا مزروب ...نرجعو ان شاء الله ونعاود لعميمي...عنقو من كتافو ورجعو شدو طريق المطار حيث كان عندهم طيارة من بعد ساعتين ...
دازت ايام وايام وحالة حليمة بدات في تحسن رجعت ليالي وبنتها لافران من بعد ماتعرفت على ضياء الي جابها نيار حتى لدار وتعرفو عليها وخا طول العشاء الي كانت فيه ليالي مكانتش مرتاحة ورغما ذالك الضحكة مفارقتهاش وهادشي سببو انها كتشوف ضحكة فوجه ولدها وكيفاش فرحان بالبنت الي اختار قلبو واللمعة الي فعينيه فور مكيشوفها ولا تبتاسم ليه ...اليوم وكاي يوم كان لقاء الاحبة لقاء العشاق فاحد النوادي لكن هاد المرة كان نادي عائلي جاو بزوج يلعبو سبور ويفطرو فيه ...كان لابس سورفيت فالكري مزيرة عليه بعضلاتو الصلبة والمنتفخة ...لابس ايرماكس وداير لكيت فودنيه من بعد مخلاها كالسة فطابلة وحدها ومشا هو كمل دورات ديالو اما هي مقدرتش وبقات كتسناه...كالسة كتشرب فعصير الحامض فريش حتى وقف عليها واحد ....
ضياء :" هزت فيه راسها وهي تخرج عينيها " رضى ؟ اا اشش شنو كدير هنا "بدات كضور لا يكون جاي نيار "
ضياء : صافي كل مشا فحال سبيلو انا مبقيتش بغيت هديك العلاقة ...
رضى : ههههع علاقة كتسميها علاقة ياك كنمارسو غير سطحي وواعدتيني من هنا لقدام تولي ديالي ياك ولا لا ؟؟ علاش مشيتي واش انا لعبة هاا...ولا لقيتي الي يصرف عليك ؟
ضياء : صافي كنا وكنتو وانا بغيت نتزوج شفت حياتي ولقيت ولد ناس ...قاطعها وشد فدراعها حتى تغرسو صباعو فيه...
رضى : وانا لق** تمك ولد لحرااام هااا انا ماشي ولد ناس دوييي...معارفش مك راك محكوكة ازين ...يلاه بغات تجاوبو حتى بان ليها تلاح فوق طابلة لاخرا مشا ليه نيار منير تلاح فوقو وبقا ينزل عليه بضرب وجنون طايرين ليه فوق راسو ...
نيار : شكون نتا ازا*** الي تحط عليها ايديييك هضرررر اااااا ...بقا يعطيه وعينيه مبقاوش كيتفسرو تجنن عليه بقا ينزل حتى خلاه مشبح فلارض ...فنادي هو معروف تاواحد مكيقرب ليه وحيث من طبقة المعروفة واكبر مشتركين الي فنادي مجراوش عليه خلاو حتى بدا يتهدن وفكره منو...
نيار: بعدو من ديلمي صااااافي حيدو...بعدو منو وهو يهز عينيه فيها لقا دموعها دايزين وكترعد...مشا ليها نيشان جرها من ايدها وخرجها بنترة من نادي حتى لباركينغ الي فيه طوموبيل ودخلها لاحها بجهد وهو كينهج وحجبانو راسمين تريكو ديال صوف بالغضب هههع ...
اما هو مشا نيشان لدارو دخل ديريكت لدوش وطلق رشاشة كيدوش تحت الما بارد عالله يطفي النار الي شعلات فيه ...حس براسو شماتة وخا مسمعش اش قاليها ولكن غير شافو حط عليها ايدو بديك طريقة حس براسو تهان فرجولتو ان زوجتو المستقبلية كيحطو عليها رجال ايديهم وخافي عليه انها دوزت ودوزت ماكثر منو وخا كانت كتمارس وهي باقة بنت ولكن فكرة انه يعرف بانها عاشرت رجال غادي يطحن مها ويمكن بفقد ثقتو فجنس النساء كليا ...عقليتو حرشة وهذا هو نيار شخصية قوية وكيبغي الجدية فكلشي واهم شيء المنطق ...
صوت اهاته كترتافع وغواتو وصوت انفاسو الي متسارعة بحال شي وحش كيفرغ العصبية ديالو ...كان كيخبط فداك صاك بالبوكس وبرجليه ساعتين متتالية مزكاش كيوقف غير يشرب الما ويرجع يكمل وجهو ولا حمرر وعروق راسو تنفخو ..عصبيتو فشكل هبيل مجنون منيّر ملهلب طبعو كيرمز لاسمو #نيار ...بقا يخبط وينفخ ومرك يغوت حتى ولا جيمو نااار ملتهب...طاح وتكا تسطح نشر رجليه ونعس فلارض كيسترد انفاسو واحدة تلو الاخرى حتى حس بخيال شخص واقف عليه هز فيه عينيه وهو يرجع يحط راسو ومد ليه ايديه...
نيار : جيتي فوقتك ...
ميار : جيت حسيت بيك ماهواش وخديت يومين منها نكلس معاك ومنها نريح راسي شوي ...
ميار : اش واقع مالك تجنني صاك قرب يتقطع بغدايدك...
نيار : جمع الوقفة وناض حيد تيشرت ديالو الي ولا يقطر وخوا عليه قرعة الما باردة الي كانت تم ...انا ندوش ونجي...
بقا حاضيه ميار وهو غادي وكيشووف فيه حتى دخل يدوش ...هادي هي عادتهم الي تقلق فيهم يا كيعيط ليه يا كيجي عندو المهم يطمان عليه هذا هو قلب التوام كيكون عندهم جوج قلوب فقلب بواحد بالاحاسيس والقلق والحب باختصار هما توام مثماتل ...كان ميار جا من فاس خدا يومين راحة باش يجي عند خوه الي حس بيه واصلا فكر يرتاح من متاعب الخدمة الي رهقاتو ..كان بلباس كاجول ...خلاه مشا يدوش وخرج هو يتسناه على برا مكاملاش نص ساعة حتى تم جاي بوجه غاضب ومغوبش عينيه بحال سيف الحاد...مشاو لريسطو ديال نادي وجلسو بزوج بقاو في صمط حتى كمل نيار جوج سيجارات الي كما وحدة تابعة لاخرا عاد نطق ..
نيار : فففف ...كيف دايرة الخدمة ..؟
ميار : صافا الامور مزيانة ولله الحمد ..ونتا ..
نيار : "هز ايديه بحركة بمعنى انا ؟ مالي " مالي انا انا هاني الجديد ديما وديما كيبان ليك شي مشكيل مع زوا** والقح***
نيار : اييوا مدام غاتولي مرتي خاصني نبرد مها ماشي مرت نيار الي يتلمسو فيها زوا+** او لا تبغي مرتك يقيسوها زوا^**
ميار : نذبح الق** تمها ...
نيار : ايوا هانتا خديتي الاجابة..."تكا راسو وعاود شعل سيجارة " ااااااحاااحح خاص نبرد ديلمها من احسن تبقا فدار تخرج معايا ودخل معايا غاندير لمها لعسكر...
ميار : اهيا العالي متزيرش شوية ...
نيار : دمي حااامي اخويا هكا خلقني الله من صغر بلا منفكرك...
ميار : وانا نسا اش كنتي مدوز فصغر على بنت خالتي يسرى هههههعع تعقل فاش قلتي ليها نتي دياااالي ونهار حصلتي عمران ولد عمي علي بغا يسلم عليها سلختيها هي فبلاصتو حيث خلاتو يقرب ليها 😂😂😂😂😂
نيار : ههههعع تعقل على امير فاش كان عريان باقي صغيير ونتا شفتي **** كيحساب ليك گرگاع وهزيتي حجرة نزلتي عليه ههههههههههههههههههههههه
ميار : نااري سكت تبورشت كنت غانضيع سيد عمرو يسمع كلمة بابا ...
نيار : اخر مكاين قلتو ليك البارح غذا فالصباح غايزيدو لفاس تتولي لباس ويشوف عمي باش يدفع ليها شهادة طبية ويحولها لفاس فين دوز شي امتحان ديال اخر سنة ...
ميار : اله وي الله يسر ...
بقاو كيهضرو ويضحكو حتى صونا تيليفون نيار وجاوب ...الو وي اه صافي وخا صافي اصلا الجلسة مع ربعة ...ساعة ونكون تم جيب داك الملف ونتلاقاو فالمحكمة اوووك...
نيار : لاح لخوه ساروت ديال دارو ...هاك تقو*** لدار ولا سير فين بغيتي ها ساروت عندك ...فكرني نسخ عليه ونخلي عندك نسخة وقت مابغيتي دخل راسي باش متبقاش فارع لديلمي كر*** نعطيك ساروت...
ميار : فين غادي لمك...
نيار : عندي جلسة ...نكمل نعيط ليك لحق عليا باش نسهرو ليلة شي سوارية مانتكة ...
ميار : اححح القوق دابا هضرتي يلاه سير قو***
كمل الجلسة ديالو الي خرج بيها بنتيجة لصالح الموكل ديالو خرج فرحان قدر يرجع المود ديالو ورخا اصعابو الي تشنجت نن الغضب خارج تيضحك وسلم على الموكل ديالو وطبطب عليه بدورو وشكرو ...هز تيليفون من بعد ماشعلو عيط لخوه دار معاه باش يتسناه يجي لدار يبدل حوايجو ويخرجو يدورو ويسهرو بزوج هو وفيصل صاحبهم ...وعاود عيط لخطيبتو وحبيبتو...
نيار : حبيبي ...
ضياء : الو ..
نيار : احح زين ديالي مقلق ...
ضياء : عادي" بدات كتبكي" ...
نيار : نننن لااا بليييز الا البكا منبغيش دموعك ينزلو الله يخليك...صوري بب خاصك تعودي على عصبيتي راها فشكل مي الى كتبغيني غادي تحاولي تفاداي الي غايعصبني وتسكتي لا شفتيني فاير وكوني هانية فاش نرجع انا غانراضي حبيبي تفاهمنا ؟؟
دخلو كلسو فطابلة مخصصة ليهم بنلاتة حطو ليهم اش طلبو نيار طلب كاس ديال عصير استوائي مخصص ليه معاه شوية الكحول خلطو لبارمان على ودو ...ونفس شيء ميار اما سكايري كيبقى غا سكايري سيهم فيصل قالسك عشق روج وكان له الطلب اما عينه...
فيصل : مشهي نعس مع شي وحدة ليلة ...
نيار : ههههههه تفووو
فيصل : سكت لمك نسيتي ايام زمان كنا كل ويكاند تلات ايام متابعة ناعسين كل نهار مع وحدة هالبيضة هالسمرا هالزرگا...
ميار :تعقل نهار سهرت معاكم واحد المرة ونيار لصقت فيه واحد الوحدة يابسة وكبيييرة والو هو الي بغات...
فيصل : عههههههههههههههه ميتك قبل كدة تلات مرات وييييع عقلت ...
نيار : هاد القوا** تتعقلو غا على زبل تق*** خليونا نشطو ...بقاو ناشطين قولها وضحك عليها حتى تقل فيصل وولا يبرول الي جات في فمو حتى ناض نيار الي دعقو تيليفون كان رقم غريب كيعيط ليه استاذن منهم وناض خرج وجاوب...
نيار : الو ويي
الشخص : ايديك ازا*** شايطين عليك بربي لا بقات فيك ...مغانحطش عليك ايدي وبكن جوج كلمات سير لهاد العنوان وغاتعرف كلشي وغاتعرف معامن نتا غير جيتيني ولد ناس اما جوابي غايكون ليك بدوبل ...بغيتي تعرف حقيقتها لعنوان غايوصلك فلواتساب غاندير ليك شير لوكايشن وسير ليه ولا لهلا يديك تعلا...
نيار : الووو از**£ شكون ...فااااك ...دخل لواتساب وشاف شير لوكايشن لقاه لعنوان ديال صاحبة ضياء ...نعل شيطان ودخل لعندهم قال في نفسو غير شي واحد بغا يخرب عليهم علاقتهم مبغاش يضلمها ولكن الي دمو حامي حااامي خذا تيليفونو وكونطاكت ديالو وناض بسرعة خلاهم كيشوفو مفهمو والو ومشا نيشان لعمارة ديال صاحبتها بلاصة طوموبيل وهبط ...لقا العساس سولو واش كاينة صاحبة ضياء قاليه كاينة وهو يتقرص حيث خلاها كاينة فدارهم وهي الى كانت غاديا وهو موصيها تقوليه فين كتحرك ...جاتو جعرة وهو يطلع نيشان دق لباب وهي تحل ليه صاحبتها مريم ..
مريم : نن ن نيار...
نيار : "جنون طلعو ليه " كلمي ضياء...
مريم : اا مم مكايناش ضياء فدارهم ..
نيار : قاليا العساس كاينة كيف...مزال كيهضر وهو يسمع صوت ضحك واهات وصراخ عرفو صوتها ...دخل منير نيشان لمصدر صوت وهو بحل لباب وتحلو معاه عينيه وفمو وقلبو الي تكوا ودمو الي بدا كيفوور...
حل الباب فين كاين مصدر الصوت ..تحلو عينيه وفمو وقلبو الي تكوا وتشوى وتغدر ودمو الي بدا كيفور ...حل عينيه على منضر لا كنتي صخرة ذوبي وخصوصا لا كنتي كتبغي وبديتي كتعلقي امالك واحلامك على واحد شخص بغيتيه وفعلا تمنيتيه ليك وخا ورغم كل الي داز وضروف عشقتيه وكان اول حب في حياتك وتمنيتيه يكون على راس بيتك واسرتك ...كانت ضياء حبيبتو الي بذا عشقها كيتسلل لقلبو في وضع مخل بالحياء مع شخص وهو نفسو الشخص الي سلخو على قبلها علاش؟! غييير يحط عليها ايدو وهي غاتولي على ذمتو وعرضو وشرفو وكلشي ...عريانين بزوج فوضع جنسي لا حول ولا قوة الى كنتي ق*** تحشمي فبلاصتهم كانت فوقو مستلمة وضعية الفارس ..واهاتها بداو يعلاو حتى تحل عليها الباب ولقاتو قبالتها مشرع عينيه على اكبر زاوية وصلو ليها لونهم الاخضر زاد انتاشر بصدمة ...
ضيا ء : نن نن نيار نن نيار 😨
مريم صاحبتها هزت صاكها وهربت هي وشي واحد كان كيتسناها فالبيت وعاودت ليه على نيار واشنو منكن يدير... ممكن يجمعهم بربعة ويخلطهم حتى خاف وفرتح معاها ...
نيار : لا رد باقي حال فمو وعينيه ...
ضياء. : ناضت كتجري لبست بنوار وغطات راسها اما رضى الي كان معاها دغيا بدا يلبس فحوايجو وناض مشا كيجري هرب وخلاها هي وياه مقدرتش تفاوت...
ضياء : نن نيار حبيبي والله اهى اهى والله مبغيت هادشي والله تا بززني قاليا يا نعس معاه يا يقتلك وهو من عائلة بناني المعروفة عندهم الي يقتل عادي خانزين فلوس فلحضة يخرج بحال مقتلش والله تا خفت عليك الله يخليك على قبلك اهى اهى ...
نيار : ضور. راسو وضار جيهة الباب تم غادي وهي تبعو ...
ضياء : الله يخليك ثيق بيا عفاك اهى اهى والله ما هكا انا بالله والله تا على قبلك ...بدات ضرب في راسها وتخبط حناكها...الله يخليك وااعععع متخليينيييش نيااار ..مثيقت لقيت ولد ناس الي غانتستر معاه الله يخليييك والله ما انا هكا بالله عفااااااااك نيااار...تم غادي خارج وهي تبعاتو شداتو من ايديه حتى وقف وهي كطلب وتزاوك فيه وهو مكيتحركش مدار حتى ردة فعل غير سااااكت وكيشوف فنقطة وحدة ...بقات طلب فيه وتزاوك وتبوس ليه فرجليه ووالو واش تحركت فيه بغا يخرج مخلاتوش بقات لاصقة فيه حتى جمع قوتو وهو يدور ودفعها بجهد حتى تهزت ليما وتخبطت مع الحايط حتى تزدح ليها راسها وطاحت بدمها مغمى عليها ...هبط بشوية عليه كيستوعب الشمتة الي تشمت فيها كيفاش وعلاش طرا هادشي بغاها اه بغاها وعشقها ليه تمنى فيها كلشي وكانت هي المراة الي اختار لحياتو وبنا عليها مستقبلو القدام ...تفكر كيفاش كان كيبوسها ويحس بتبوريشة قال فنفسو هادي هي الي كنتمنى وخا ضروف لقائنا غريبة رب لاقاني بيها
مكانش عارف اشنو غايطرا مكانش داير فبالو كان هو دمو حامي بزاف عصبي كيغضب دغيا نفسو وخاطرو مواسعينش ..ضن انه غايلقا الي يجمعها ويربيها وتكون بنت الناس كيف كيحلم اي راجل شرقي فبلاصتو ...ولكن ضن وضن وضن وتطعن فقلبو كن غير لقاها فوضع عادي ولكن باش يلقاها فهاد الوضع ويشهد لوحدة كيبغيها ناعسة مع واحد واهاتها الي عادة خاص يخرجو ليه خرجو لواحد غيرو حس براسو شماتة اخيب موقف ممكن تعرض ليه مع حب حياتك هو الخيانة الي فيها انواع ولكن النوع الي شهد ليه هو نوع من نوع اخر ...
بقا هابط حتى وصل لعند الباب وهو يشوفو العساس مهواش عرف اشنو كاين كان ديما كيبغي يقوليه عليها ولكن كيفضل يسكت وكيقول يدخل سوق راسو غايجيبها غا فراسو كان كيبان ليه نيار ولد ناس مكيبغيش ليه هادي ولكن قال هو ولد ناس ربي غايبين ليه كلشي الى كان مرضي الوليدين...داز من حداه مهواش هنا وركب فطوموبيلتو بقا غاادي بطوموبيل وعينيه مرمشوش ريقو نشف ...حتى خرج على مراكش وقبط طريق خارج مراكش رجع داز قدامو شريط فاش شافهم هكاك بديك الحالة حس براسو اكبر حمار على وجه الارض وفجاة وبدون سابق انذار من نفسيتو الي تحطمت لاشلاء والغضب الي بدا يطلع ليه اكثر فاكثر حتى عفط عالكسيراتو عفطة وحدة قلبها لكاتريام غادي منير فطريق ونقطة وحدة كيشوف فيها غادي كيف البرق كيف #النيار ...غوت غوتة وحدة ...
نيار : هااااااااااااااااااعععععععععععععع ااااااعععععع مشعرش براسو حتى ساقتو السرعة الي غادي بيها لهاوية خرجت بيه طوموبيل لجنب تهزت حتى لسما وهي تقلب بيه لفوووق تخبطت خبطة وحدة على ضهرها بقات كتكركب وخا حديدها صحيح لكن كانت الخبطة اقوى حتى تعجنت ولا ندري ان كان من بداخلها على قيد الحياة ....
في عز نومها كيف العادة مخشية بين دراع زوجها الحبيب غيث الي ديما خاشيها فيه كنوع من الحب والحماية والعشق ...ناعسة وغارقة فالنعاس حتى فجاة ناضت بشهقة كبيييرة حتى جات كالسة ...
ليالي : هههيييييييييه يااربييييي ...
غيث : ناض حتى هو مفزوع من الشهقة الي دارت ناض كيحك فعينيه المجبدين بالنعاس ...مالك احبيبتي ياك لباس اش واقع ؟؟ "كيتلمس فيها شعل لفيوز الي جنبهم ولقاها كتلهت والعرق نازل ليها من جبهتها...
ليالي : ياربي "كتلهت" اعوذ بالله من شيطان رجيم ...
غيث : اش واقع اش حلمتي ؟؟هاكي شربي لما "مد ليها الكاس من بعد ما عمرو ...
ليالي : "كتشرب وكتهضر "ماعرفتش ماعرفتش معقلتش غير هادشي الي وقع لقيت راسي نضت بشهقة معرفتش معرفتش اهى اهى ياربي ياربي افففف
غيث : بسم الله الرحمن الرحيم قولي اعوذ بالله من شيطان رجيم وقراي القران واجي تكاي ...
ليالي : ياربي بسم الله بسم الله اففف "بدات كتقرا فالقران والادعية " حتى تكا وجرها تكاها على صدرو كيطبطب عليها حتى غفات ...تاكد انها نعست وهو ينوض بشويييي ...وناض هز تيليفون كيصوني لولادو حتى حد مجاوبو بقا شحال وولى رجع لبيت ...
في الملهى فين خلاهم كان ميار متكي عالفوطوي وكيشرب مرة مرة ...
ميار : يلاه يغا يهز تيليفون حتى طاح ليه الكاس من ايدو تشخشخ في لارض ..شد في صدرو ..
فيصل : امالك
ميار : شد في صدرو وناض ...تخنقت انا خارج نشوف هذا فين مشا تهلى ...خلاه كيهضر ملوي مبلط وزاد خرج على برا تنفس بعمق ...هز تيليفونو دوز الخط ...
العلبة الصوتية لمخاطبكم غير مشغلة المرجو اعادة النداء لاحقا او ترك رسالة صوتية طوووط "
ميار : وخويا تا فين زدتي ياك مكاين باس شوشتيني عليك اصاحبي عيط ليا باش مكان ...بفف فينك ...ياربييي ...
داز مدة من الوقت تقريبا اكثر من ساعتين وهو حال عينيه كيشوف فسقف ومرة مرة يطل عليها فجنبو الي رجعت نعست ...شوية ناض لبس تيشرت وخرج لكوزينة فالبالكون ديالها عاد جاوب على تيليفون الي كان كيصوني بنمرة ميار ما مرة ما جوج فداك الوقت من ليل حس بلي كاين شي حاجة مبغاش يجاوب حتى يعرف اش كاين ....
غيث : ميار مالك ياك لباس اولدي ؟؟
ميار : لوليد خ خويا نيار
غيث : شد فلبوطاجي حس بقواه خارت شوي ...و ولدي يا ياك مكاين باس ...
غيث : كيفاش كيفاش مم متقولهاش كيفاش كسيدة خايبة ىلدي ميار تاكد واش نيار نيار مستحيل ولدي كيعرف يسوق كي...محس غير بغوتة من وراه باعلى صوتها ولربي الي خلقها...
ليالي : ولديبيييييييييييييييي واااااااااااااااااااا ولديبييييييييي ...وهي طيح مغمى عليها تخبطت مع لارض...
غيث : لياااااالييي لااااا ...مشا كيجري لعندها لاح تيليفون خلا ميار عقلو خارج زادتو حتى مو الي سمع لخبطة الي تخبطت مع لارض وتايه بين خوه الي لحق عليه لاقرب مستشفى داوه ليه فحالة مستعجلة "محمد السادس " داوه ليه في حالة ما بين الحياة والموت ....
في مستشفى محمد السادس فين نقلوه من بعد ما جبدوه من السيارة الي تعجنت وبستة وستين كشيفة وبعد عدة محاولات باش يجبدوه منها وحتى فاصلوها عاد قدرو يخرجوه منها في حالة حرجة لا بل خطيرة جدا ...قدرو يجبدو الهاتف ديالو الي لحسن الحض موقع ليه والو بقدرة الله وشعلوه ولكن مع الاسف كان فيه الكود الي حتى اناصل ميار عاد جاوبو وعرفو شكون وبلغوه بالي وقع مشا طاير خدا سيارة فيصل ومشا بسرعة لحق عليهم لمستشفى...
....ساعات وهو كيستنى وحتى واحد ماخرج يطمنو عليه الوقيتة كلها ودموعو محبسوش على خوه ...فهديك اللحضة من بعد ما بلغ باه بالي وقع غير فاقت ليالي ونوضت فيه طيارة طريق كلها وهي كتبكي قطعو فطيارة من فاس لمراكش نيشان وصلو فساعات قليلة كانو في المستشفى ...
ليالي : جايا كتجري شافت ميار وهي تغوت عليه ...ميااااار "شنقت عليه " خوووووووك خووووك فينهوا علاش علاش اش واقع ليه ااااش اهى اهى ولدي علاش مكنتيش معاه ميوقع ليه والو يااااربي اش طرا ليه ...
ميار : "خذا ايديها الي كانو كيضربو ليه فصدرو وجرها خشاها فيه معنقها ودموعو دايزين " موقع ليه والو الوليدة وااالو غايكون بيخير متفايليش عليه اميمتي ..." باس راسها" اجي كلسي هاهو غايخرج طبيب ويقولينا اش كاين ...كلسها بستة وستين كشيفة اما غيث مشا نيشان جاب مهدئ من لفارماسي الي تما وجاب قرعة ديال لما ...
غيث : مد ليها لما وحبة مهدئ...هاكي شربي هادي...مبغاتش تشد من عندو وهو يخنزر فيها بزز باش شرباتو عاد بدات كتكالما شوي ...
ساد توتر في الممر الي قريب لبلوك فين مدخلينو ...ميار كيضور ويشد فراسو تلفت بيه دنيا طرف منو داخل كيصارع بين الحياة والموت روحو بغات تخرج نفس شيء بالنسبة لمو تاهي طرف من كبدتها كيضيع ومعارفاش اش لحال بيه امت غيث شاد القران فتيليفون ومحابسش من القراية ساعات وهما كيتسناو حتى قرب عقلهم يخرج على بونت وهو يتحل الباب خرجو شي فرمليات وتبعهم طبيب غير شافوه نقزو لعندو...
ميار : امضرا دكتور ؟؟
دكتور : نتوما عائلتو ياك ...
غيث : حنا واليديه وهذا خوه الله يخليك طمنا عليه..
دكتور : تصاب بكسور فرجليه بزوج وحدة غذا غادي نديرو ليها الحديد لان الكسر فيها من درجة الخطيرة وكسر فايدو وضربة في راسو مكانتش قوية خفضو الله غير لايرباگ الي عاوناتو ولكن !!
ميار : اش ؟؟؟!!!!!!!
دكتور : حنا عالجناه دابا وكلشي مستقر حاليا ولكن منحكمو حتى دوز ربعة وعشرين ساعة عاد نحكمو حتى من لعملية ديال لحديد الي غانديرو ليه فرجلو ماجلينها تنتاكدو واش غايقدر يستحمل ...يغني باش نكون معاكم واضح هو فمرحلة خطيرة دابا الي نقوليكم هو دعيو معاه ...
غيث : ممكن نحولوه لاحسن كلينيك ولا مستشفى ..
دكتور : ثيق بيا هنا فمحمد السادس كلشي فيه ومجهز احسن الاجهزة وعاد الى حولتوه عندو حطر كبييير على حياتو منقدرو نديرو والو غير نتسناو ودعيو معاه هو محتاج لدعاء ...الله يسمعكم خير...مشار خرج وخلاهم ...ليالي طاحت منهارة مشا غيث جرها فحضنو كيطبطب عليها ويدعاو معاه اما ميار فكيف سمع خرج على برا يتنفس وفنفس الوقت كيبكي ويخبي دموعو على واليديه باش ميزيدش يازمهم....
ميار : يااااربي شوف من حالو ياااربي راه طرف مني ياربي ياربي الشفاء ياربي ....اللهم لك الحمد اللهم لك الحمد والشكر....هز ايدو وخبطها مع الحايط حتى طاح الفرتيت...
حالهم لا يقل عن حالو كلو سلوكة وعريان مغطي بايزار بيض والاكسجين على نيفو وسلوكة والالات ضارين بيه ورجليه الي مهزوزي من بعد مدار ليهم لباندة الخاصة بالهرس ومكالين ليه رجل لاخرا الي خاصها الحديد وحالتو ميعلم بيها غالله متبغيهاش لعدوك ولو كان قلبك حجر يتفتت بالمنضر الي هو فيه ....كيتسمع صوت الالة ديال القلب وضغط فسكون تااام ....طوووط تيت طووووط تيييت وفجاة تسمع طووووووووووووووووووووووووووووووووووطططططط وتخطيط القلب المنعرج تحول لخط مستقييييم....
كانو كالسين فالكلوار من بعد مدازو ساعات وهما كيتسناو وحالتهم حالة ليالي الي نهارت وخارت قواها هزوها داوها لغرفة من بعد مضربو ليها ابرة مهدئة ونعست وبقا حداها غيث حتى طمان طلب ليها غرفة جنب فين كاين ممر الانعاش فين نقلوه ...خرج من بعد ماقرا عليها شوية القران وباسها فراسها وخرج حدا ميار الي كان كالس وحط ايديه وخاشي راسو بينهم كيخمم ومرة مرة كيمسح دمعة خانتو ...يلاه كيف وقف عليه حتى بان ليه طبيب والفرمليات كيجريو ناحية الانعاش وهما غير شافو الطبيب الي كان مكلف بيه ناضو بجوج كيجريو تبعوهم ...وقفو قدام الانعاش ...
ميار : ياربي ياربي يااااربي ياااربي الا خويا الا خويا ...
غيث : خدام كيدعي ومرة مرة حتى هو دمعتو كتخونو ولكن مصبر راسو بزز ...بعد ساعة من الزمن وهما على اعصابهم ليل داز عندهم كحل وصبح صباح عليهم كحل معرفو امتا صبح جا مهدي ومرتو الي لحقو عليهم ومحسوش بيهم وصلو عليهم لقاوهم كيتسناو على نار كيمشيو ويجيو وربي الي عالم بيهم ...سورجان خلات مهدي ومشات عند ليالي كلست معاها ريتما يعرفو اش غايطرا....بقاو يتسناو حتى خرج عندهم طبيب بملامح ممحية وباسف ...
دكتور : "باسف وبحزن " كنا غادي نفقدوه وعتقناه فاخر لحضة ولكن مع الاسف دخل فغيبوبة ويقدر يفيق بعد ساعات بعد مها بعد ايام بعد شهور ربي الي عالم ..."طبطب على كتف ميار" محتاج لدعاء منكم اولدي الله يكون معاه ...حدر راسو ومشا خلاهم مبلقين كيشوفو فنقطة وحدة نزل عليهم الخبر بحال صاعقة وصدمة كتحرق الصدر وكتوجع القلب وكتشعل العافية ديال الانتضار واش غايفيق غايبقا عايش ولا اش اشنو هادشي معرفوش اشنو داك الاحساس ...احساس بالنار ...
#بعد_ستة_اشهر
كالسة حداه ميمتو كتهضر معاه ومرة كتقرا عليه القران اما هو فكيف مكان كيف بقا سوى اللحية الي زادت كبرت وخا كينقصوها ليه تحولت ليالي لمراكش كتبقا فبارطمة ولدها وكل ويكاند كيجي غيث وميار وفين ما خطفو كيجيو ممخلينهمش بوحدهم ...فهاد الفترة تبدلو بزاف ديال لحوايج منهم حليمة الي عاونها مهدي ورجعت استانفت قرايتها في مدينة فاس ودوزت امتحان السنة الثالثة اعدادي ونجحت بنقطة جد مشرفة غاتابع دراستها فشعبة العلوم الفزيائية حلمها من اول مبدات القراية ...وصل صيف والعطلة بدات ...لين كتبقى بين ميار وبين ليالي ...
كانت كالسة كتقرا عليه فالقران وكملت بدات كتهضر معاه ...
ليالي : ولدي الحبيب مزال مهداكش الله تنوض وخلاص اولدي نوض اكبيدتي باش ضحك معايا داك ضحك الباسل والهضرة الخاسرة هاااا..."شدت ليه فايديه كتهضر وتضحك" ...ايوا نوض ها ميار جاي فطريق نوض باش ضاربو قدامي وغايجيب لين نور عينك وبنتك وكبدتك نوض اوليدي الله يرضي عليك قاوم اولدي انا كنعرفك شخص قوي وجبل ميهزك ريح ...
كتهضر معاه وفلحضة حرك صباعو وزير على ايديها ...حست بيهم وهي تهز راسها وعينيها شافت فيه بصدمة كيبانو ليها عينيه كيتحركو وبغاو يتحلو كانو كيقاوم باش يحلهم...
ليالي : "بفرحة " ولدييييي حبيبي الله ياربي ...ناضت كتجري لعند طبيب تبلغو اما هو فكيف خرجت حل عينيه وشاف فسقف مدة طويييلة كيستوعب فين هو واش جرا يلاه غايبدا يفكر وهو يتحل الباب ودخل طبيب عندو ...
بعد اسبوع من الزمن ومن بعد ما حل عينيه وفاق من الغيبوبة بمشيئة الله ودعاء الوليدين والاهل ...استاطعو ينقلوه لغرفة عادية ولكن غادي يبقى مدة وهو داير الباندة على رجلو الي دارو ليها الحديد وعاد منين غايخرج بعد ايام غادي يتبع الترويض ويعاون بالعكاز والباندة الي ضايرة على عنقو ...بدات حالتو كتحسن تدريجيا ولكن نفسيتو معالم بيها غير هو وربي...فهاد الاثناء كان كالس كيقرا فالايباد ديالو كالس حداه فيصل الي جا زارو ...
فيصل : فاش تيخمم داك الراس عندك ...وشبعتي دق وتدكدكتي ووالو واش تحشم رجعتي تفكر فمعتز تا مالك مالك ...
نيار : مال مك كي الولية ترجل معانا اصاحبي راك عارفني كيفاش داير واش كلب ديال لخلا غايخلعني واش معارفش را كيخرج على شبان وبنات باقين غير صغار وكيتعدا عليهم ومكيتشدش وزيد الفساد ووالبلاوي الكحلة ومعدي على الفقراء هادشي الي وقع ليا زاد شعجني نزيد نعاون ناس اكثر واكثر الى ميكت وكان عندي باش نعاونهم وسكت غانكون كنشجعو وربي ميبغيش تساعد فالضلم ترجل معايا فين عمرك شفتي نيار كيستسلم ...
فيصل : الله ياربي واميمتي عرفتي اشنو ضبر راسك ...علاش غاتمشي لفاس؟؟
نيار : الحمار حيث غانكون في فترة نقاهة تما حسن ليا نبعد شوية بينما استرجعت صحتي ونعرف اش ندير ..
فيصل : وو ض..احم وامتا غادي ؟
نيار : غنقتل مك وتجي فبلاصتي فين كنت ناعس سمعتيني...
فيصل : سمعتك 😶...
دازت ايام وايام وخرج من المستشفى من بعد ما تحسنت حالتو...كالس فالبالكون ديال دار ديالهم فافران كان كلشي مجموع تما عارضين عليهم العشاء احتفالا برجوعو كانو دايرين صدقة ومجموعين ...كالس كيكمي ويشرب فقهيوة كحلة حاط رجلو فوق كرسي مبطن وكيشوف قدامو ...حتى بانت ليه لابسة كسيوة فالازرق ملكي سيقانها بلقييين وشعرها الذهبي كيطاير كان الحال سخون شوية في الصيف ...عينيها الخضر مشعشعين وجمال طفولي حنين ، لابسة صنيديلة فالبيج وواقفة كتشوف قدام لابيسين الي مقابل مع البالكون ديالو ...بقا كيشوف فيها وهي واقفة ولكن معطاهاش اهتمام فقط كيشوف وصافي ...شوية حتى بان ليه شي ضجيج وسمع صداع على برا والغوات وقف بشوي كيطل بانو ليه شي جوج رجالة جايين دخلو كيتغاوتو مع العساس...شاف فيها بانت ليه كترعد وبغات تهرب حتى بدات كتغوت ...
جاو كاع الي فدار كيتجاراو ويشوفو اش كاين حتى بانو ليهم جوج رجالة كيتغاوتو على برا مع العساس ...
غيث : اش كاين اش واقع !! شكون نتوما ..
الراجل : انا خال ديك البنت الي خطفتو الشفارة خطفتوها من راجلها ..
غيث : شكون نتا بسلامة وشكون خطفنا...
مهدي : شكون ياك لباس اش كاين !!!
راجل : فين هي ديك مسخوطة الوليدين...بانت ليهم ..ايهاي على سلگوطة معرية ليا درعين ورجلين الخانزة تاعت مك زيدي قدامي ابنت لحرااام...مشا كيجري ليها شدها من دراعها...
مهدي : تفرق عليها باشمن حق تديها خاصك تعاقب على زواج المزور الي درتي ليها...
جيلالي : هي مزوجة وبراجلها ولكن مها بلاتي عليها شوهتني فالدوار ونتوما حسابي معاكم من بعد ...
غيث : نتا الي حسابنا معاك باغي تزوج بنت باقي صغيرة باشمن حق فراسك بالي هي ممزوجاش وداك العقد الي درتو غير قانوني...
جيلالي : راجل الي كان غايتزوجها شوهنا فدوار بسبابها وخلاها مبقاش بغاها تشوهت وهي حسابي معاها ومع داك الكلب الي هربت معاه تاهو باشمن حق يديها ...
غيث : مشا ليه بغا يجرها منو ...وهو ينقز صوت من وراهم ...
باشمن حق؟ بحق انها مرتي على سنة الله ورسوله ...ودابا غاتحيد ايديك من عليها وغاتزيد جوج خطوات وخرج عليا برا من هنا والى منشيتيش باعتباري راجلها ومحامي دفاع غادي نبيتك ليلة تكلاصا مع راسك شوية...
الكل ضار جيهتو حالين فامهم كيشوفو الا شخص واحد الي ابتاسم وهي ليالي ...
الكل ضار جيهتو حالين فمهم من صدمة ممتيقينش اش قال ...شافو فيه كان جاي على كرسي ماحرك حيث باقي مكيقدش يمشي على رجليه بحكم الغيبوبة الي كان فيها كيخصو فترة بسيطة عاد يتسرحو ليه رجليه ...خارج بوجه غاضب ومعصب كيف عادتو ...الجملة الي قال او نقولو الفقرة الي نطق بيها خههه ماعرفش هو اصلا منين جاتو الجراة الكاملة باش ينطق هادشي الي قال باعتباره غايولي مسؤل على ماقال وبالحرف وخصوصا مع اب بحال اب حليمة من دواوير الي معروفين بالتحفض وعصاميين ناهيك على انهم طماعين ...
غيث : نيار !!!
جيلالي : مرتك !! باش غانعرف راها مرتك وكيف درتي حتى تزوجتيها وهي على ذمة شخص اخور ...
نيار : هههههههههه واش نتا حمار ولا باغي تحيمر عليا ولا بنت ليك كيدار مكلخ ...هذاك العقد المزور ولا ديك الاتفاقية ديال زواج بطريقتكم غادخل مك الحبس باستغلال قاصر وتزويج قاصر غير قانونيا ...نزيد نكمل ولا نحبس !!
جيلالي : على اساس نتا ممزوجش بيها وهي قاصر ..
نيار : ههههه كوميم مزوج قانونيا كلشي بالقانون وخا قاصر وزايدون غاتبقى على ذمتي وانا الي غانتكلف بيها وهي تحت مسؤليتي ...جوج كلمات منفوتهمش ليك خرج تق** من هنا ...
جيلالي : نشوف العقد بعيني ...
نيار : حابس راسي عليك بزز ...العقد بعد غذا جي تشوفو وغير بغيت اما جوج كلمات منفوتهمش معاك ... يلاه ضرگ زلافتك ...كيهضر وهو ينقز خالها ...
خالها : وشحال عطيتيها فالصداق؟؟
ضار جيهتو بتخنزيرة لا حول ولا قوة لها ...شافو غيث عرف الدعوة مغاتسلكش وهو ينطق ..
غيث : خرج برا باها الي عندو الحق يسول عليها ونتا معندك حق ...
خالها : انا خالها ...وخ...
ميار : "مشا ليهم وجرهم دغيا كيبانو قدامو كي القمل " برا برااا جوج كلمات قالهم ليكم ...دفعهم حتى خرجو وبقا باها كيهضر وكيواعد باش يرجع لغدا ليه يتاكد من العقد ...اما نيار فا جر براسو كرسيه ودخل وتبعو مهدي ومو وغيث حتى لغرفة ديالو الي لتحت ...ضار لقاهم وراه واقفين كيتسناو منو تفسير لداكشي الي نطق بيه ...
نيار : مالكم كترمشو عليا تم !!؟
ليالي : بغينا نفهمو كيف غادير ليها اشمن عقد غاتوريه
نيار : عقد نكاح رسمي بيني وبينها كيف قلت غايشوفو بعد غدا صافي غايشوفو كلمة رجال ...
غيث : وعلاش بغيتي تزوج بيها اصلا متنساش هي مزال قاصر ومكتعرفها مكتع فك كي درتي لهاد زواج ..
نيار : كيف كيديرو ناس ...والى على قاصر غادي نتزوجها متنساش شكون انا فساعة نديرو لعقد ..." مشا لمجر جبد منو لاكارط ناسيونال ومدها ليه " هاك ها لاكارط ديالي غادي نعيط لواحد سيد صاحبي قاضي هنا وغانهضر معاه وجيب غدا لعدول نقضيو الغراض دغيا المهم هو يكون كلشي قانوني ...انا الي غانتكلف بهديك البنت ..
غيث : وعلاش هادشي كلو ؟؟؟
نيار : الوليييد الله يخليك دير اش قلت ليك وخليني كالم ...
غيث : و...جراتو ليالي على برا ...
ليالي : غير خليه على خاطرو انا كنت عارفة هادشي غادي يوقع هضر معايا فسبيطار كان موجد لهادشي حيث عرف بلي دارهم عرفو فين كاينة را كلشي وصلو من صحابو الي مكلف وراك عارفو مدام خطا هاد الخطوة الا وضارب ليها الف حساب هو بغا غير يعاونها لا غير ...
غيث : هادشي كلو عارفاه ومقلتيهش ليا ...انا هاد ولدك را مفهمتوش بغا يجهلني عندو راس عمري شفت بحالو مع فتش فاش كيفكر وهو ماشي مجبر يتزوج بيها باش يعاونها ...
ليالي : هو كن مدارش هاد الخطوة كانو غايقتلوها راك عرفتي كلشي الي جرا ...بقات معاه كتفهم فيه وتعاود وبصعوبة قنعاتو لانه جاه كلشي ماشي منطقي وهاد الزواج ووخا ميتقبلش عارف راس ولدو كيف داير وعارفو كل خطوة كيخطيها الا وليها الف حساب ...اما نيار فبقا هو والمهدي راس فراس هذاك داير ايدو على لحيتو كيحك فيها ومخنزر حجبانو عاقدين سطاش ومهدي مقابلو كيرمش ويشوف فيه ...حتى هز عينيه فيه ...
نيار : اش كاين تانتا نطق وهني ديلمي !!
مهدي : علاش خديتي هاد القرار ؟؟
نيار : كن مدرتش هكا كنتي غاتزوجها نتا الي شافوك هازها ومدخلها فطوموبيل اسي الفهيم انا بغيت نتزوجها باش نعاونها لا غير ..
مهدي : وزعما !!
نيار: عمي فوت جرتي
مهدي : هاد القرار خديتيه اولد خويا فلحضة غضب وكانتقام لنفسك لا غير مكاين بو مساعدة اولدي ...
مهدي : وغا تعالى اصاحبي وقولينا واش كاينين شيخات ولا لا اوه ..🌚
في احد البيوت الي فالفيلا كانت كالسة جامعة رجليها وكتبكي دموعها محابسينش ...كتنخصص ...حتى دخلت عليها ليالي من بعد ما هدنت غيث الي ولا تفهم وخرج برا حتى يقضي اشنو قاليه ومشا معاه حتى ميار ...لقاتها كتبكي ومشات كلست حداها وهي تحط ايديها عليها حتى هزت راسها شافت فيها بعينيها حمرين بدموع ولونهم الاخضر الي فتح بكترت البكا ...
ليالي : متخافيش ابنتي كلشي غايكون مزيان ..
حليمة : خالتي اهى اهى غايقتلني با ومغاديش يخليني نعيش انا الي عارفاه اه هو حنين معانا ولكن فدوارنا مسالة شرف مفيهاش سمحت ليك يا يقتلني يا يحبسني ...
ليالي : نتي غالطة نيار بغا يتزوج بيك باش يحميك وتكوني تحت مسؤليتو وديك ساعة تكملي قرايتك وهو بالعكس كيشجع شباب الي عندو طموح على مفخباركش را عندنا جمعيات مختصة فهاد المجال وكتساعد البنات القاصرات باش ميستغلوهمش ويزوجوهم صغار ..اه هو غايتزوج بيك ولكن غير على لوراق غير باش ميبقاش على باك الحق باش يتعدا عليك ولا يدير ليك شيحاجة ...
حليمة : يعني غانكمل قرايتي ومغايقتبنيش با "بفرحة من بعد مامسحت دموعها بطرف ايدها"
ليالي : يعني نتي فامان وغادي ديري لي حبيني ابنتي ...جرتها لحضنها وعنقتها ..باست ليها راسها وطمنتها وخرجت ...
في صباح اليوم الموالي من بعد ما حلت عويناتها شافت فجنابها كيبان ليها ليالي
واقفة عند الماريو كتجبد فشي حاجة وهي تنتابه ليها فاقت ...
ليالي : صباح النور بنتي يلاه نوضي دوشي را وجدت ليك دوش وخرجي تلبسي اش غانحط ليك "بغمزة " يلاه...وداكشي الي كان من بعد مادوشت خرجت لقاتها حاطة ليها قفطان ديال جوهرة فالبيج وكل متحتاج ...لبساتو وعاونتها حتى قادت شعرها ودارت ليها شوية لميكاب خفيف ونزلت حتى فطرت عاد دخلتها لصالة فين كانو كلهم مجموعين ووسطهم نيار الي كان كالس جنب العدول ....
بداو الاجراءات دغيا وهنا فيساع بحكم المنصب ديال نيار والمعارف وللفلوس كيصنعو المعجزات فمبالك هاد القضية البسيطة دغيا دوزوها سولها لعدول واش قابلة من بعد ماطمنتها ليالي عطات موافقتها وخا معارفاش اشنو غادير وفين غاتمشي ولكن كل الي عارفة وباغيا غير تعيش وتواصل في طموحها لا غير طفلة بريئة مزال مكتعرفش عقايب دنيا وهمومها ومكتعرف والو من غير باغا غير تقرا باش تنافس بنت جيرانهم الي ولا طبيبة في وسط دوارهم ...سنات على عقدها في سرعة تامة ...واصبحت مدام حليمة المرواني حرم نيار المرواني ويا لغرابة القدر الي جمعهم بهاد طريقة وشكون قال ديك الطفلة الي حارب باش متزوجش وتغصب فطفولته هاهو تزوجها باش متغتاصبش فطفولتها وباش يحميها من ضلم ناس وباش يحميها من بنادم والاستغلال ديالو لبرائة باش يساعدها وماذيرهاش اقرب ناس ليها والي هو باها الي فاليوم الموالي جا باش يشوف العقد واش فعلا مزوجها ومن بعد ما تبت ليه اش خسر عليها شحال عطاك فالصداق وممشا حتى عطاوه لفلوس وزادوه وضوبلوهم ليه عاد مشا ومنطق بحتى كلمة ضور راسو وخلاها كتبكي ولولا حنان ليالي وهاد العائلة الي لاقاهت الله بيها مانو ضروفها غادي يكونو فشكل اخور ومكان حتى حد او ممكن تاواحد ميحميها كيف حماوها هاد العائلة وهاد الولد الي كيضن انه غاحميها ولكن واش غايحكيها حتى من نفسو ؟
بعد عدة ايام ومن بعد ما بدات حالتو كتحسن كان كالس في البيت ديالو كيكمي فالكارو واحد تابع لاخور وكيشرب فالقهوة كحلة كيف العادة وهو يصوني ليه تيليفون شاف نمرة بانت ليه غريبة الي يومين وهي كتصوني ليه ومكيبغيش يجاوب ..هزو قطع ورجع كيشوف وكيقرا فالايباد ديالو كيطالع على ملفات بعض القضايا الي خلاها عالقة وغير فيصل والمحامين الي معاه فالمكتب كانو غادي يمشيو ليه ...دق الباب وهي دخل ذات الوجه الحنون والبشوش والبريئ مثلها مثل زوجة ابنها وتقريبا كيحملو نفس القاسم المشترك الي بيناتهم ...شم ريحتها الي فور مكيشمها كيحس بالراحة تغلغلت ليه ...
ليالي : مساء نور وليدي ...
نيار : ضار جيهتها وهو يجر ايدها وباسها من لور والقدام ...مساء الانوار الحب ...
ليالي : اشنو كدير مبزافش هاد الكارو اولدي علاش كتكرفص في صحتك يهديك الله ...
نيار : تانتي امي راك عارفاني ...فين هي لين ؟
ليالي : راها برا غايديها ميار معاه...
نيار : امتا غادي هو ؟
ليالي : فليل غايمشي ...مالك كتخمم ..
نيار : والو ،،مهم غانمشي لمراكش الله يجعل البركة..
ليالي : اويلي على تمشي باقي محيدتي هادشي الي فرجلك ..
نيار : الوليدة معندي منبقا ندير نمشي نشوف ديك الدار ونشوف الخدمة هالعكاز معايا وكاين شيفور الي غايديني وزايدون مكنبغيش نبقا فدار ..
ليالي : ولك...
نيار : الوليدة الله يخليك متقلقينيش عارفاني نفسي ديقة وكلسة دار غديال لعيالات...
ليالي : ياك ههه وحليمة ..
نيار : غاتبقا معاكم اش غادير معايا...
ليالي : راها مرتك نسيتي...
نيار : غير فالوراق هي غاتبقا هنا معندها مدير معايا..
ليالي : اش كتخربق اولدي دي مرتك معاك ولات على ذمتك يعني مسؤولة منك ديها وسجلها فمراكش حداك تقرا تما...
نيار : "بعصبية " الوليدة متعصبينيش اش غادير معايا قابلت حتى راسي بقا ليا غالبراهش ...صافي كلمة وحدة الى مبغيتيش غانشري ليها دار هنا ونخلي ليها شي خدامة تبقا معاها...
ليالي : هاء ملي هكا ديها معاك...مغانزيدش معاك الهضرة الي عجبك ...خرجت وخلاتو كيغلي ولا على سبة دغيا كيفور ليه دم ويجعر...هز كارو وبدا كيكمي تاني واحد تابع لاخور وهو يعاود يصوني ليه تيليفونو وهز بعصبية جاوب بلا ميشعر ولا يشوف شكون...
نيار : وي شكون معايا ؟؟؟؟؟كيسمع صوت بكا عرفها شكون غمض عينيه وزير على ايديه حتى تقطع منهم دم وبان الفك ديالو معرق ومزير ...
اهى اهى اهى ....
نيار : غاتقطعي ومعمر هاد نمرة باقي تعيطي ليها ...والى شفت كمارتك بربي تنقتلك بربببببي .."بدا كيتنفس بجهد وعروقو بغاو يخرجو والمشكيل انه باقي عاجز مقادرش يحرك رجليه ولكن هيهات لمن تعاودي ...غير نطقت وياريتها منطقت...
ضياء : انا كنبغيك وهذاك حيث كان كيهددني و...
نيار : بالعصبية والعجز محسش براسو الا وهو واقف ولايح العكاز فديك اللحضة حس براسو اكبر شماتة ...غادي تقو^** الق*** ولا بريي لا رحمتك يااااويل ديلمك تعاودي اتاصلي بيا يااااوييييل ديلمك الخانزة يلاه قو**** ...لاح تيليفون بعصبية مع الحايط حتى تشخشخ ومشا نيشان كاع الي قدامو كيشخشخ فيه ويهرس ويغوت لربي الي خلقو ....
نيار : هاااااااععععععععع ااااااااعععععععععع القح***** ينعل ديلمك خاااانزاااا اناااا الي شماتة مقتلت ديلمك نتي وياااااه اناااا الى بقات فيك راني اكبر شماتة غانعديك نعذبككككك اعععععععع وااااعععععععععع 😡😡😡😡😡😡😡😡😡 بقا يغوت ويخبط ونسا رجلو الي ضاراه حتى خوات بيه وهو يطيح لارض بالالم الي جاه فيها وخصوصا داير ليها لحديد وباقي جرحها شوي جديد ...
دخلت مو وميار الي عاد دخل وسمع غواتو حل عليه لباب ودخلو كيتجاراو اما حليمة فكانت واقفة بعيد وكتقفقف خلعها المنضر ديالو وهو طايح ووجهو حمرر وعروقو منفوخين ووجهو ماليه الغضب بركان ديال لغضب مسيطر عليه ...تكات على واحد سارية كطل بعويناتها وكتفتف ...
نيار : مرتي جمعي حوايج مرتي غدا غانمشيو لدارنا انا ومرتي ودابا فهمتي ...ناض جمع الوقفة بغا يعاونو خوه وهو يدفعو ...فرق ساحتي تانتا ....ومشا خرج كيعرج برجلو ...
الضد في الضد وجا وسط راس القاصح مع طبع صعيب ونفسية ديقة والخاطر قلييل والقشابة مواسعاش مع الكثير والكثير من العنف ...مجموع فوسامة وجادبية وحروشية والرجلة الناذرة فرغم من ان هاد المواصفات تجمعو فيه فامنكروش ان داخل كل شخص كاين واحد الطفل وهاد الطفل خاص شخص واحد الي يقدر يخرجو ويبان ليه وشكون يقدر يخرج الطفل الي فلداخل ديال هاد الشخص الي مجموع فيه هاد المواصفات مثل نيار ...اول مفاق ناض بشوي عليه لدوش دوش وخرج بعكازو بوجه غاضب هاد المرة ...لبس حوايجو وعيط لشيفور يوجد طوموبيل باش يمشيو ...هو ومرتو على قولته هو ...
كانو كالسين كيفطرو ..ميار ولا كلس حتى يمشي نيار ويطمان عليه عاد يرجع لفاس اما البقية كلشي رجع فحالو بقات غير عائلة المرواني والفرد الجديد الي انضم لهاد العائلة واصبح منها وهي حليمة ...كيفطرو وعلى راس الطاولة #غيث هز راسو وشافو جاي...
غيث : صباح الخير اولدي
نيار : صباح الخير عليكم..."شاف في مو " الوليدة وجدتي ليها هداكشي شوي وغانتحركو
حليمة : ضارت شافت فليالي الي سلمت عليها وطمنتها واكدت عليها ومشات دخلت لور تكمشت حدا شرجم ..
ليالي : ضارت شافت فيه ...رد ليها البال وياااك وياك اولدي را غانتقلق منك بزاف هاني قلت ليك..
نيار: الوليدة مالي اش غاندير ليها صافي يهديك الله ..مهم نخليكم يلاه تهلاو ...تسالم معاهم ومشا ركب حدا شيفور وتيسرو لمدينة مراكش المدينة الي غاتشهد وتشهد وتشهد وتشهد .....
وصل المساء امسا عليهم وهما قراب وعلى وصول لمدينة مراكش الحمراء ...على طول الطريق كان الصمت سيد الموقف ...حتى كسرو صوت الكحكحة الي دعقاتو واثارت انتباهو ..ضار لعندها ..
نيار : اش واقع ؟؟واش ضاراك شي حاجة ..
حليمة : لا رد غير كتكحب ووجها تزير..
نيار : وهضرييي اش واقع ؟؟
الشيفور : سي نيار واقيلة نبلاصيو فجنب كتبان ليا من لمرايا وجهها مزير ...
نيار : وقف وقف ...بففف وتقولها ..زمر ..
دار سينيال ووقف فجنب جاب الله خرج على لوطوروت ودارو الطريق العادية ...خرج شيفور وحل ليها الباب...هبطت كتجري رجعت كاع داكشي الي كلات لا فصباح لا فطريق ...بقات ترجع حتى وقف عليها شيفور وعطاها قرعة ديال لما تشرب وعاونها ...
الشيفور : ختي شوية دابا ؟؟
حليمة : كح كح احم ش شوية ..شكرا ..
بقات حتى تنفست وهي تحس بايدين شدوها من كتفها هزت راسها لقات شيفور حاط ايديه على كتافها باش يعاونها ..محس براسو غير نيار واقف ليهم عند راس ..
نيار : غير سير نتا ركب هاهي غاتمشي راسها ..خنزر فيه فلايد لي حاطها على كتفها ...
نيار : "كيشوف قدامو وكيهضر " الى ساليتي زيدي قدامي نمشيو وهاد المرة الى ضراتك شي حاجة قوليها ...طريق كلها وانا كنسولك مالك مالك جاوبي قولي اش ضارك ماشي تصمطي ...لا تبقايش تعصبي ديلمي ..يلاه زيدي ..
حليمة : وو وخا ..مشات قدامو حل ليها الباب ديال لور حتى ركبت وهو يرجع ركب حدا شيفور وانطالقو ..مكلسوش بزاف نصف ساعة تقريبا كانو داخل مدينة مراكش ..دخلو لكيليز فين ساكن كانو قدام العمارة ...
نيار : يلاه هبطي ...ونتا طلع ليفاليز ورجع وغدا تكون مع تمنية ديال صباح قدام دار ..هبطو وتم غادي وهي وراه كي الفارة تابعاه ومعارفة فين غاديا وغير مكمشة فصويكها الي دايراه فجنب كانت لابسة كسيوة فالاخضر وصنيديلة فالموطارد وصاك فلون صندالة ولابسة فوقها كاب فنفس لون صندالة والكاب وجامعة شعرها ذهبي على شكل ضفيرة ...تمت غاديا وهو يضور بغا يهضر مع شيفور لقاه حال فمو فيها كيشوف فرجليها البلقين ...ونسا راسو بقا ساهي فيها وهي كانت غاديا حادرة راسها وتابعاه مشافتوش فاش ضار ووقف وهي تخرج فيه حتى غوتت بشوي ...
حليمة : اي "كتحك فراسها "
نيار : مداهاش فيها كاع خلاها شادة ايدها كتحك فالضربة وتوجه نيشان لشيفور ...اجي نتا ...خلي هاد الفاليز هنا وارا الكونطاكت لهنا ..وسير تيسر بلا متجي صباح نمشي راسي الله يعاونك ...
الشيفور : ولكن..
نيار : "قرب حداه كيعكز وجرو بشوي من لكول ديال لقاميجة " غاتجمع عينيك غير تاقيت فيك وجه الله والمعرفة ديال سنين اما سنانك تحسبهم هنا على خاطرك فهمتي ولا نفهمك بطريقة اخرى ..
شيفور : وخا سي المرواني سمح ليا ...عطاه الكونطاكت ومشا وهو رجع لقاها كتسناه فين واقفة ..وصى العساس يبتعو شوانط ومشا هو ..
نيار : سيري قدامي ...مشا دخل هو وياها لسانسور وسدو وهو يورك على رقم الطابق الي غايطلعو ليه غير برك على البوطون وهو يتحرك سانسور حتى مشات وجات وهي تجيها دوخة بالدعقة شدت ليه فدراعو وزيرت عليه ...هز عينيه فيها لقاها مغمضة عينيها وغا مزايدة كتورك عليه ...
نيار : "وقف المصعد وتحل سانسور وهي باقي مغمضة عينيها ." صافي غير طلقي را تحل ..
حليمة : "حلت عينيها ولكن مقدرتش تحرك وهو يضور لقاها واقفة فين خلاها ..
نيار : مبغيتيش تحركي ؟؟
حليمة : "بخوف كتهضر بشوي وكتشوف فيه بنص عين " فيا دوخة ..
نيار : ياااربي الصبر ...رجع وقف المصعد بايدو باش ميتسدش ..اري ايديك شدي فدراعي ..بلا متبقاي تبلقي شدي وهنيني ..شدت فيه بشوي بحال خايفة وهو يشد ايدها وزاد خشاها حتى تابطت دراعو وخرجها قدام البارطما ...حل الباب بالساروت ودخل جا العساس وراه دخل الشانطات وخرج وسد الباب لقاها باقا واقفة ..
نيار : هالبيت فينهو فين غاتولي تنعسي دخلي ارتاحي شوي وخرجي عندي هنا لصالة باش نتفاهمو من هنا ...
طبعو زاد حدة اكثر على الاول مبقاش كيصبر وخاصة زادتو رجلو الي ضاراه ملاقيش راحتو ..نفسو كديق عليه مبقاش عندو لخاطر لاي حاجة كانت ( الي مجربين الهزس را عارفين نفسية الواحد فديك الفترة ديال لهرس ) ...من بعد موراها البيت فين غاتولي تنعس وباش تبقى على راحتها ...دخلت ودخلت معاها الفاليز ديالها وهي تخرج لعندو لقاها واقفة كتشوف فيه بغات تهضر وهو ينطق هو ...
نيار : اش خاصك ؟ مالك ؟
حليمة : "ببرائة " ندخليك لفاليز ..
نيار : لا غير سيري دخلي ترتاحي غاندخلها راسي ...
دخلت لبيت وخلاتو ...اول حاجة دارتها هي بقات كدور فالبيت وتكتاشف فيه وفضولها مخلاهاش متضورش فيه وتشوفو ...كان بيت كبير ومفرش اصلا كان بيت ديال ضياف الي جا كينعس فيه ،، فيه ناموسية كبيرة ديال زوج تناس ...فيه الوان عادية متناسبة مع اي ضيف ممكن يدخل ليه وفيه دوش فلداخل كيتحل لباب من لماريو ....بقات كضور وتكتاشف وهي تمشي لفاليز هزت حوايجها لبست بيجامة بسروالها وجمعت شعرها في زيف حياتي ...ولبست بانطوفة فلون بيجامة غوز ...وهي تمشي هزت فاليز وجبدت منها لحوايج بدات كترتب فيهم وكدير كيف ما وصاتها ليالي ...حتى كملت ودارت لفاليز فبلاصتها ورتبت كلشي وهي تسمع صوت تقرقيب ولخبيط حلت الباب بشوي كتسمع كان البيت مقابل مع لكوزينة حتى بان ليها كيبقشش ومضارب مع العكاز وطبعا
من عادة بنات البادية الى شافو شي راجل داخل لكوزينة كيمشيو يجريو ميخليوهش يحط ايديه فالماعن ولا شي حاجة ...بان ليها مضارب مع رجليه قبل الماعن مشات كتجري لعندو وقفت عليه حتى تخلع ...
حليمة : بغيتي قهوة كحلة نصايبها ليك غير خليني منقدرش مندير حتى حاجة ...
نيار : "ملقا ميقول " كتعرفي تصايبيها بالماكينة ؟؟
حليمة : اه كنعرف علمتني ماما ليالي ..
نيار : ماماك شكون .. ها اه صافي صايبيها هاني فالصالة ..خرج وخلاها كتصايب ليه فلقهوة حطت الكابسولة فالماشين وخرجت ليه نص كاس ديال قهوة كحلة مرة وصايبتها فبلاطو معاها كاس ديال لما وخرجت وصلت عليه لصالة لقاتو جابد كارو كيكمي ويخمم حتى وقفت عليه ...حطت ليه البلاطو وكلست مقابلة معاه كتلعب بصباعها خايفة منو وخايفة من اش كيتسناها معاه واشنو غايقوليها ...
نيار : احم ..اول حاجة بغيت نقوليك السبب الي خلاني نتزوج بيك راه معروف والوليدك كنضن شرحت ليك كلشي ياك ؟؟
حليمة : "جاوبت براسها"
نيار : مزيان ...نتي عرفتي شوية عليا ومع الاسف عرفتي غير الحانب السلبي الي فطبعي وهو الي غالب عليا بزاف انا شخص عدواني فعصبيتي الى تعصبت ممكن نضرب اي وتحد عصبني ماعادا الجنس اللطيف كنحاول نتفاداه ...مكنبغيش الي يعصبني ولا يشد معايا ضد ...نتي هنا بصفتك زوجتي ولكن فقط على الاوراق فهمتي ...
حليمة : اه فهمتك يعني مرتك كيف كيتزوجو ناس نخدمك ونتهلى فيك بصفتك راجلي ونقوم بيك كيف كدير اي مرة مع راجلها ...وفصباح نوجد ليك متلبس وفطورك وندخل نعاونك فدوش ونسخن ليك الما و...
نيار : حبسي حبسي ههه دوشي ليا لاا هادشي مكاينش غادي تعيشي معايا بحال لخوت والي خصاتك غاتحضر تا لعندك وغاتسجلي فليسي هنا فمراكش وغاتقراي حتى تولي قادة تقومي براسك وديك ساعة كل يمشي فطريق ...تفاهمنا يعني مغانكونوش كزوج وزوجة كيف فهموك سمعتيني مغايكون بيني وبينك والو وغايكون بيناتنا حدود مدخلي فيا مندخل فيك ...
حليمة : "ببرائة " و وخا ..
نيار : مع الوقت غادي تفهمي مزيان اشنو كنعني ...وبغيت منك حاجة رجليك غطيهم متعريهمش هنا كاينين دياب وسلاگط من احسن لبسي شي حاجة مستورة بحال كيف لابسة ومنين تبغي تخرجي وخا ...
حليمة : وخا ...يعني مغانكونوش بحال مرة وراجلها مغانديروش هذاكشي الي شرحت ليا مي فالبلاد ..
نيار : اشنو داكشي ؟؟
حليمة : "حشمت " هذاكشي الي بين مرة وراجلها تنعس حداه فالبيت ويجي هو يبوسها فراسها وفي وجهها ويحيد ليها حوايجها و...
نيار : هههههههههههههههههه وامييي ...لاا لا مكاينش هذا هو الي بغيت نفهمك هادشي مغايكونش حسبيني بحال خوك الخوت مبيناتهمش هادشي فهمتي ...
حليمة : اه فهمت ...
نيار : يلاه دابا سيري ديري اش بغيتي بامكانك تحركي فالدار كيف بغيتي من غير بيتي والمكتب ديالي متوصليهمش والي خصك قوليه ليا وغانفتح ليك حساب فالبنك باسمك الي بغيتيها سحبيها....
لهيب الحب الجزء الثالث
محتوى القصة
التنقل بين الأجزاء