اللقيطة الجزء الرابع

داز شهر وهوما بجوج ولفو بعضياتهوم بزاف وادم تعلق بايات بزاف ولا كايموت عليها دري لي مكانش كايجي لدا الى نادرا ولا كايجي كول نهار ولاو يلعبو يضحكو عايشين حيات زوينة حتى ايات ولات كاتستاغل كل لحضة سعادة وكاضحك وتنشط حيت خايفة من الايام لجاية لاتكون كلها احزان .. كالسين بجوج فلبالكون كايضحكو

ايات - ههههه ضحكتيني كوليلي شنو كانو مسمين عليك فاش كنتي صغيرة
ادم-انا فاش كنت صغير كانو مسميني حكيم الاقزام علی واحد روسوم حيت كنت كنحكم فولاد درب وملي كبرت ولات لوليدة كتعيطلي هولاكو ديال طاطار هههههه
ايات -هههههههههههههههههه كاتقتلني بضحك

ادم- (تبسم فاش شافها فرحانا) انا فاش كنت صغير كنا عند لافامي لموهيم نعسنا انا نعست حدا الشرجم أو حدايا الوليدة أو بليل جاتني بولة ا كان الظلام خفت نمشي حتى لطواليت أو جات حشومة نشعل عليهم الضو اش اندير بان ليا الشرجم هو لحدايا هههه فتحتو أو بلت منو شوية كنسمع طق طق طق بجهد طليت لقيت راسي كنبول على طوموبييل . جمعت بزربة حبستها فالنص من كثرت الخوف لنحصل شوية حسيت بالوليدة كتحرك . يلاه بغيت نطيح وانا نسمع صوت متغدد اش كدير لمك تما واخا هو خافت ميي كخلع !! غتليها والو غي طليت .
لموهيم غدا كنسمعو الجار لحداهوم كهضر اوكعاير : و بزاف هدشي بنادم حمار تفووو .... *** !!!!
دابا لمشكل كنت الطوموبيل مغبرآا أو داكشي طراسا فيها هو سحابليه الشماكريا لكيضورو بليل .. قلت لحمدالله هههههههههه مع دورت راسي لولييدة لقيتها كتشوف فيا فعينيها كتبان ليا واحد السلخة بديك الصندالة د 260 دلميكة تقيييلة أو داكشي لكان نيت سلخة عالمية .. كون غي درتها فحوايجي حسن

ايات- ههههههههههههههههه مابقيتيش تحشم
ادم- هادي شهر ونتي معايا ونحشم منك لااااا
ايات-هاديك الصندالة عندها تاريخ مرير فالطفولة المغربية كانت رخيصة فالثمن لكن دقاتها كايبقاو مطراسيين لبنادم لأيام و دليل قاطع ان الشخص كلا لهرمكة هههه
ادم- (قرب ليها وحيد لفيست ديالو وحطهالها على كتافها وهوا كايشوف فيها) هخهههههه كايناااا
ايات-(شافت فيه قريب ليها وحشمت) احم (بتاسمتليه) واناملي كنت صغيرة كنت ذكيا كثر من القياس .. كانو دارنا مخبيني على"CIA" والموساد باش مايقتلونيش لحقاش غادي نشكل عليهم خطر فالمستقبل ..
المهم من فرط الذكاء ديالي كنت كايحساب ليا بلي ألفرانك (10 دراهم) قابلة للصرف والتحويل .. وكنت يلا كانت ديالي تانقوليها "ألفراني" ،، لا كانت ديالك "ألفرانك" .. لا كانت ديالو "ألفرانو" .. لاكانت ديالها " ألفرانها" ..
وبهذا كنت أول إنسان كايصرف الفلوس لغويا

ادم- ههههههههه أين أنت يا سيبويه ! اجي تسمع
ايات- ههههههههههههه
ادم- صافي ضحكنى وسالينا نوضي لبسي حوايجك
ايات- فين غانمشيو
ادم- غير لبسي ويالاه ماتكونيش فضوليا
ايات- اوووه اوكي..

ايات- عرض عليا نخرجو ليلا ماعرفتش فين غايديني ماعرفتش هاد الاحساس لي كانحس بيه شنو هوا منين مكايكونش فدار كاتكون دار مقناطة غير كايدخل كانفرح بزاف ..
ادم-(كايدق فلباب) واش مازال ما ساليتي
ايات- لا مزال
ادم- واقيلا كان عليا نعلمك لبارح بحرا توجدي ليوم
ايات- هههههههه صافي هانا ساليت (حلت لباب) لابسا فستان اسود بحزام من الوسط بللون الرمادي على شكل بابيون وليبا كحلة وسندالة طالون فلون رمادي طلقت شعرها سامبل وعملت مكياج خفيف
ادم- (منبهر بجمالها ) اووووه احم جيتي زوينا بزاف
ايات- هدا بفضلك طبعا وكاتعرف تختار لحوايج دلبنات دواق تباركلاه عليك
ادم- بصحتك وراحتك ..
ايات شكرا..
ادم- كايشوف فيها..اامم احم مشينا
ايات- مغاتقوليش فين
ادم- لا غير صبري ( حلها لباب دسيارة)تفضلي
ايات- ميرسي ... شحال مأدب وزوين وراقي فتفكيرو وفافعالو
ادم- ديري سمطا
ايات- شنو قلتي
ادم- ( قرب عندها( وكايشوف ليها فعينيها جبط سمطا من موراها وركبها) قلتليك ديري سمطا
ايات- احم هاه( ناري فاش قربلي يالبنات حسيت بانفاسو فوجهي ونضرت علينيه تلفتني واقيلا البنات تغرمت ااه اش غاندير )ل
ادم- تسمعي شي حاجا..ايات واش كاتسمعيني
ايات- هاه شنو قلتي
ايات- حم هاه( ناري فاش قربلي يالبنات حسيت بانفاسو فوجهي ونضرت علينيه تلفتني واقيلا البنات تغرمت ااه اش غاندير )
ادم -فين ساهيا
ايات- كانشوفليه فملامحو جزء بجزء ماعمرني تخيلت غايكون بهاد لجمال ورجولا عضلاتو لحيتو لخفيفا وعينيه رمادين وبشرتو كولو كامل مكمول حتى فنتوتا ماناقصاه ..اعود بالله اش كانخربق
ادم- ايااااات رجوع الله فين ساهيا
ايات- (توكدات ) احم احم ..عندك شكيرة
ادم- شكيرة هههههه عندي ..واكا واكا ئي ئي
ايات- هدا هوا دل بعينيه واش انا عمري تصنك لشكيرة اش كانخربق
ادم- كايغني..تامينا مينا ئي ئي وكا وكا ئي ئي تامنا منا تا منا منا تام كريشما ارا وكاكا ..ههههههههههههههه سمعتيني كيف جاك صوتي
ايات- ههههه شكيرة مدكر الى سمعاتك شكيرة تنتاحر
ادم- هههههههه الى شافتني شكيرة غاتزعط فيا
ايات- اممم على زينك
ادم- (وقف سيارة) ها مازوينش (قرب ليها) شوفي لعينين شوفي لحيا شوفي شعر رجولة مند طفولة
ايات- فنفسها(ناري غادي نسخف الى زاد قرب شويا) أأأ امممم غادي نتعطلو يالاه نمشيو
ادم- ابتسم وغمزها وديمارا سيارة ..

ايات- وصلنا لواحد لمول كبير وماعرفتش علاش جايبني لهنا كان يحسابني غايديني نتعشا فشي بلاصا
ادم- ياه ندخلو
ايات- ولاكن علاش جينا لهنا
ادم- حتى ندخلو ونشرحليك
ايات- (دخلو وداها لواحد لبوتيك فيه ملابس فخمة يا سلام) كانضن دابا غاتقولي لي كاين
ادم- (شدلها فيدها وقرب منها ) امم واخا بعد غدا شركة لي خدام فيها دايرا حفلة بمناسبت نجاح واحد لمشروع او بغيتك تمشي معايا
ايات- اها وهادا لاش جبتيني لهنا باش تشريلي ملابس سهرا
ادم-( ابتسم) تماما ..شنو قلتي
ايات- اوكي مانقدرش نخسرليك خاطرك
ادم - ميرسي بزاف احياتي
ايات- شنو قلتي
ادم- احم والو ( فنفسو.. ماكرهتش نقولهالك مباشرة بلا مانخبي ولاكن شغاندير)
ايات- مغاندخلوش
ادم- تفضلي ..مادموزيل شوفي لانسة ايات شنو بغات
موضفة- واخا سيدي تفضلي معايا امادموزيل..شنو لمناسبة لي غاتحضريلها
ايات- حفلة فخمة فواحد شركة
الموضفة- اوكي اجي معايا عندي شي كسيوات مخصصين لهاد لمناسبات
ايات- ماكرعتش للون الاحمر ويكون براق وبغيت شي شوز اسود بكعب عالي
الموضفة- كاع لي طلبتيه موجود
خدات لكسوة وصباط ليزاكسيسوار وخرجت عند ادم
ادم- فين ساليتي كاع ماوريتينيش
ايات- خليها مفاجئة حسن واخا
ادم- ياعيني على المفاجئات راه الى عجبتيني غانطير بيك
ايات- ههههه فين
ادم-(قرب لودنيها وبصوت خافت قال) لواحد لبلاصة خاصة بيا
ايات- (طلعت معاها تبوريشا بسبب نفسو لقريب منها ) احم مشينا
ادم- مشينا عارض عليك للعشا
ايات- يزيد فضلك ياسيدي
ادم- (شدليها فخصرها وجرها معاه) تستاهلي كتر
ركبو فسيارة
ادم- شنو تسمعي ..شكيرة عاود ههههه
ايات- لا لا لا مابغيتش خلينا نستمتعو بلهدوء
ادم- نغنيلك
ايات- لا مابغيتش
ادم - لا تبكي يا صغيري لا انضر نحو سماء من قلبك الحريري لا لا تقطع الرجاء ان الامل جهد عمل والجهد لا يضيع الامل جهد عمل.. (كايشوف فيها ساهيا) مالكي
ايات- تبسمت..هاد الاغنية عندي معاها دكريات فطفواة
ادم جمع ضحكة وتاكد انها فعلا هي لبنت لي كايقلب عليها ارسلان وكره راسو طريق كاملة وهوا ساكت وسقيل فسيارة حتى وصلو ودخلو او طلبو لعشا ولوقت كولها وهوا ساكت
ايات- مالك ساكت فاش كاتفكر
ادم- والو غير فلخدمة وصافي
ايات- ام مزيان (تكمشت)
ادم- جاك لبرد
ايات- ام شوية تحرك لبرد
ادم- حيد لفيستا ديالو وغطالها كتافها
ايات- لا ونا غايجيك لبرد
ادم- ماشي مشكل انا دمي سخون هههه
ايات- (تبسمات شداتلو فيديه) شكرا على طيبوبة ديالك من غيرك ماعرفتش شنو كان غايوقعلي نتا لوحيد لي حنيتي عليا وماطلبتيش المقابل غادي نبقا ممتنة ليك طول حياتي
ادم- العفو .. او حتى شي واحد فينا مكامل وحتى انا دوزت طفولة صعيبة بحالك ولا كتر منك ولاكن الانسان فاش كايوضع امامو واح الهدف ولابد مايوصليه باي شكل كان
ايات- ماعمرك حكيتيلي على عائلتك
ادم- انا ولد واحد العائلة فقيرة ومتواضعة الحمد لله وفاش كان عندي 16 لعام كونت معروض لواحد لحفلة ديال صديقي ومنين رجعت لقيت مجزرة فدار لواليد ولوليدة وحتى ختي صغيرة كلهوم مدبوحين وميتين (تنهد) ديما فاش كانتفكر هاد لقطة كانكره العالم ومافيه
ايات- اووه سمحلي فتحتليك جروحك والله يرحمهوم
ادم- ههههه اصلا جروحي ماعمرهوم يبراو حتى نشوف لي دار داكشي لعائلتي وهوا كايتعاقب (ابتسم) شفتي ماشي غير بوحدك لي عندك مشاكل وتضلمتي حتى انا وهادشي لي خلاني نتشبت فيك ومانخليكيش ضيعي يمكن شفت فيك ختي صغيرة لي اولا مى لي حرموني منها
ايات- (كاتبكي) الله يرحمهوم
ادم- قرب ليها ومسح دموعها..ماتبكيش دموعك غالين ..

ادم- نوضو نمشيو
ايات- اوكي يالاه
ادم- (شير بيدو للكارسون) لحساب الله يخليك
خلص وخرجو ركبو فسيارة وطريق كاملة وهوما ساكتين حتى وصلو حدا واحد جبل عالي
ادم- نزلي
ايات- فين اشنو هاد لبلاصة
ادم- فتح ليها لباب..غير نولي ونقولك ماتخافيش
ايات- اوكي
نزلو او وقفو فراس دجبل
ايات- وااااو منضر رائع
ادم- كنت عارف غايعجبك
ايات- ديما كاتجي ليه
ادم- منين كان عندي 16 لعام جيت لهنا باش ننتاحر
ايات- ها كاتدوي بنيتك
ادم- هههههههه ..وتصدمتي
ايات- شوية ..الانسان فاش كايتسدوليه لبيبان فوجهو كايولي جسد بلا روح ويقدر يدير اي شئ باش يرتاح من العداب ..وتجريبة لي عشتيها ماشي ساهلة..ماشي ساهل تدخل بعد ماكنتي فرحان وتلقى لكابوس لي غايطاردك حياتك كاملة ونتى كاتشوف عائلتك مقتولين قدامك ماشي ساهلة..(ودموع فعينيها)وحتى انا حاولت شحال من مرا ننتاحر ولاكن غريزة البقاء كانت قوية عليا وماقديتش
ادم -مكانضنش غانلقى شي انسانة تفهمني كتر منك او(قاطعاتوà
ايات- طبيعي حنى عشنا تقريبا نفس دروف
ادم- لا..حكايتك نتي مختالفة عليا نتى ماحليتيش عينيك على وليديك ماولفتيهمش
ايات- عندك الحق ..مؤخرا كتاشفت ان الاب ديالى مات مقتول وهدا لاش قلتليك عشنا نفس دروف وفنفس الوقت ..ماعرفتش كيف غانوصليك هادشيي لي كانحس بيه ولاكن من كانقول شخص بحال الاب ديالي كانت صمعتو خايبا بزاف ويستاهل يموت بديك طريقة ومن جيها اخرا كانقول ممكن كون بقا عايش مكانش غايلوحني
ادم- باش نفهم كتر تهدني وعاوديلي
ايات- همم ..الاب ديالي كان رئيس مافيا
ادم- (تصدم) شنو كانت سميتو
ايات- ماعرفتش وماسولتش كانو كايلقبوه بلكابوني
ادم- (بعد عليها ) قولتي لكابوني
ايات-همم ..واش نتا بيخير شفتك سفاريتي غير سمعتي سميتو
ادم- انا بيخير غير كملي..
ايات- يالاه نمشيو لدار .. كاتبانلي عيان
ادم- ام يالاه
ايات- طرق كاملة مابعدتش عينيها عليك كاتشوفو ماشي طابيعي ..واش كاتحس براسك مزيان
ادم- اه مزيان غانوصلك لدار وغادي نخرج
ايات- فين مشا لحال
ادم- ماشي مشكل عندي شي غراد نقضيه
ايات- غراض فهاد لوقت راها 12 دابا
ادم- ايات ماتسوليش بزاف
ايات- (حنات راسها) سمحلي ماقسدتش ندخل فيك
ادم- (وقف حدا لباب) دخلي يالاه
ايات- كانعتادر مرا اخرا
ادم سد لباب وركب وكسيرا قبل كاتكمل هضرتها رجع لنفس جبل وكلس كايتفكر هضرتها وكايشرب
ادم- (بصراخ)علاااااااااش ..علاش هي بضبط علاااااش (تلفون كايصوني) الو
ارسلان- فينك
ادم- فجبل
ارسلان- شكادير تما فهاد الوقت
ادم- مخنوق
ارسلان- نجي عندك
ادم- بلاش غادي نرجع لدار
ارسلان - هاني جاي عندك لدار
ادم- (تفكر ايات ومابغاش يشوفها) لا بلاش
ارسلان- شنو كاين ماتخبيش عليا كاتبانلي سكران..سكران ياك
ادم- تنهد.. غير شوية ماشي بزاف انا غانمشي لدار بلاماتجي عندي حيت مغانحليكش لباب (قطع عليه)..

بقا كالس تماك شي ساعتين وناض رجع لدار وكايدق فلباب بجهد
ايات- الحمد لله رجع (حلت الباب) على سلامتك كنت خايفا عليك لا توقاعلك شي حاجة
ادم- (مدوخ وماشي فوعيو) علاش كاتسنايني
ايات- خفت عليك
ادم- عاودولك عليا كانرضع فصبعي
ايات- نتا راك ماشي فوعيك (شدت فيه) ياله نطلعت تنعس
ادم- (جرها من يدها لسقها عندو وكايشوفلها فعينها ) لماذا انت ولا أخد غيرك ؟
تشغل تفكيري ليل نهار..ووصلت القمة في خيالي ..لماذا انت ولا احد غيرك؟ ..بيني وبينك حدود اكثر من الجدار ..لكن طيفك يبقى معي دوما حتى اخر الليالي
ايات- (كحزت عليه)ادم زيد نطلعك راك ماشي فوعيك
ادم- (رجع جرها لعندو ) لماذا انت ولا اخد غيرك؟..هامستني ابقي في ظلالي..وعلى شاطئي كنت رمالي..اتسائل واتسائل لكن هذا اخر سؤالي..لماذا انت ولا احد غيرك؟..في سمائي ضياؤك يتعدى كل الأقمار....
شداتو من خصرة وجراتو لدروج طلعاتو ممشقت الانفس حتى وصل لسريرو وتلاح عليه وكايبكي
ادم- علاش نتي علاااش
ايات- (كاتحيد ليه صباط ) علاش مالي انا (بغات تغطيه جرها لعندو حتى طاحت عليه) ادم طلقني
ادم- ماخصكش تكوني نتي
ايات- مافهمتكش علاش كاتهضر ..ادم ..ادم نعستي ايوا طلق مني
ادم- -(معنقها) لا باغيا تمشي عندو ماغانخليكش
ايات- شكون هوا
ادم- صاحبي وخويا ماغانخليكش ليه
ايات- واخا صافي انا غانبقى معاك غير نتا غير طلقني ..ادم نعستي ..ادااام (تنترت منو غير بشوية غطاتو وخرجات ومشات لبيتها
ايات- غادي نحماق ...زعما ممكن يكون معجب بيا (تبسمات) والى كان همممم مانكرش بلى حتى انا بديت كانحس من جيهتو بشي حاجا كاتجدبني ليه

"في الصباح"

ادم- (فاق) اااااه راسي ..هاا كي درت طلعت لهنا ( كلس كايتفكر شنو دار لبارح) هاااا ..لاااااا اشنو غاتقول عليا دابا اوووف..نوض نغسل هاد الحالة (دخل لحمام)

ايات- (سمعات تخرشيش لفوق ) يكون فاق .. نصوب ليه شي كاس دلقهوا باش يصحصح مزيان
ادم- (فلحمام كايدوش ) دابا غاتكون خدات عليا فكرة خايبة..تفو على حالة
ايات- طق طق ..ادم ..ادم فقتي غادي ندخل ( مع دخلة مع لخرجة ديالو ملحمام ملوي على نصو لتحتاني لفوطة هااااااا (لاحت لقهوة فالارض ..(غمضت عينيها) والله ماشفت شي حاجا
ادم- هههه خليك هاكاك على مالبس حوايجي
ايات- واخا
ادم- حليتيهوم
ايات- لا والله ماحليتهوم
ادم- واش انا كانشوفك حالاهوم ونتي كاتكدبي
ايات- (حلت عينيها) والله حتى هاااااا( لقاتو واقف قبالتها قولو لاسق فيها)
ادم- شفتو ..منحرفة
ايات-(مغمضة عينيها) انااااا
ادم- اه نتي داخلا عليا بلاما دقي وكاتشوفي فيا
ايات- انا دقيت وماسمعتينيش ..فينك ..فينك غانحل عيني..هادا فين مشا (حلت عينيها مالقاتوش ،،،دارت موراها وماحست حتى طبع قبلة على شفايفها اللللله )
ادم- كاتقلبي عليا
ايات- (طلعت عليها سخانا) احم لبس حوايجك ونزل نصوبليك كاس وحداخور هدا تهري(نزلت كاتجمع جاج)
ادم- كايجمع معاها جاج،،،، سمحيلي
ايات- شافت فيه لارد
خرجت وسدات الباب وراها ونزلت كاتجري للكوزينة
ايات- (طلعت نفس) شنو هاد شي كايوقعلي وعلاش قلبي كايضرب بزربة،،،،وقف نتا قلتليك وقف،،،،لا ماتوقفش الى وقفتي غانموت غير بشوية عليك هالعار،،،كانحس براسي عرقانا واش غير قبلة دارت فيا هادشي كامل الله ياربي
ادم- (كايلبس ويهضر مع لمراية) مكلخ مغفل اشنو هاد تصرف دلبراهش عندك تلاتين عام ومازال كادير هاد تصرفات،،،،زعما تكون تقلقات ،،،،اووووووف شغاندير دابا والى بغات تمشي بحالها والله انا مكانسوا ،،،، اوووف
لبس ونزل مع صراع داخلي كيفاش غايواجهها لبارح سكران وليوم قبلة قفرها
ادم- احم
ايات- (مقادراش تشوف فيه) تفضل لقهوة
ادم- شكرا ،،،،(بعد صمت طويل)،،،ااام سمحيلي على لبارح واليوم
ايات- ماشي مشكل
ادم- من قلبك
ايات- لارد
ادم- هي قفرتها
ايات- اه قفرتيها لبارح جيتي مقلوب وخايد عليا بشعر
ادم- (تصدم) اناااا
ايات- اه نتا
ادم- كيف درتلها مكانعرفش لشعر
ايات- لا لبارح لي يشوفك يعطيك جائزة فالقاء الشعر
ادم- ههههههههههههههه لموهيم دابا سمحتيلي
ايات- (عوجت شنايفها) لارد
ادم- مالكي شنو نديرلك باش تسمحليلي
ايات- قلبلي على خدمة
ادم- (تصدم) علاش
ايات- لامتا غادي نبقا متقلى عليك
ادم- وشكون قالك نتي متقلى عليا
ايات- ولاكن ان،،،(قاطعها)
ادم- صافي باركا انا غادي تعطلت
خرج مقلق وخلاها مافاهما والو وعلاش كايدير بحال هاكدا وهي ماطلبتش شي حاجا خايبا ،،،،

ارسلان- مابقيتيش داك ادم لي كانعرفو
ادم- ههههه علاش مالي شنو تبدل فيا
ارسلان- شحال من بنت خرجتي معاها قبل
ادم- بزااااااف
ارسلان- وماعمرني شفتك فهاد الحالة
ادم- اشمن حالة
ارسلان- الحب هادي تاني مرا غانشوفك هاكا منين كانت عندك 17 وتزعطتي فبنت جيران ودابا كاتمر بنفس الحالة
ادم-ههههههههههه واواواواو فين مشيتي خيالك واسع
ارسلان- انا لي خيالي واسع عندنا 15لعام دلعشرا وليت حافضك ما
ادم- هههههههه كادخلي شك فراسي
ارسلان- شكون هي عرفني عليها
ادم- كاتحلم
ارسلان- لا مكانحلمش فايق هههههههه ..تحت عنوان الحب الغامض اممم
اسماء- دخلت عليهم .. حياتي تعطلتي عليا
ارسلان- قرب ليها..قلتليك مايبقايش تقوليلي حياتي وانا مغانهربش
اسماء- قربت ليه..واخا ااااحياتييي(غمزاتو وخرجت)
ارسلان- ناري على لسقا
ادم- الحب لا يعرف الحدود
ارسلان- اشمن حب ولا زمر
ادم- على سيرت الحب ..فين وصلتي فلبحت ديالك على لبنت
ارسلان- والو تقول نشقت الارض وبلعتها
ادم-هممم ولنفرض طلاقيتيها وكانت بنت غاية في الجمال مكمولة الاوصاف قارية ومثقة شنو غادير
ارسلان- (ابتسم) غادي نفرح ليها انها عاشت حيات مزيانة وقدرت تقرا وتنجح فحياتها
ادم- صافي غير هادشي ...زعما ماغاتحس بحتى حاجا اخرى
ارسلان- الا قلتليك انا غير كانسمع اسمها قلبي كايبدا يضرب
ادم- (زير على يدو بالغيرة وكلمات ارسلان ضربو فقلبو بحال البرق) ادن نتا ماكنتيش كاتعتابرها ختك
ارسلان- طفولة شي وشباب شي ثاني(غمزو وخرج)

خرج ارسلان وخلا نار شاعلا فقلبو ..ماقادرش يقول لصاحبو وخوه فنفس الوقت ان البنت لي كاتقلب عليها راني لقيتها وماقادرش يقول لايات لولد لي حكيتيلي عليه هوا صاحبي خايف يفقدها وماقادرش يعتارف بحبو ليها خوفا انها تخوي دار وتخليه اوهوا لي اول مرة غادي يقدر يحب شي بنت اوهي الوحيدة لي خلات قلبو ينبض من جديد ..
اعذرني أن أسأت إلى احساسك
أن قتلت النبض بانفاسك
إن أحييت الصمت بكراسك
لكني والله اخاف عليك وأخاف على نفسي
أجل ربما تتعحب لما كل هذا الخوف ..؟؟ أخبرك
أنت طير مجروح ....ترفرف منك الروح
تحاول ان تجد صدراً ترتمي بحنانه وبألمك له يبوح
تحاول ان تجد من يشفي ما بداخلك من جروح
وأنا أخاف إن تجد بيّ ما عنه تبحث
فأحبك وتحبني
أعطيك وتعطيني
أقويك وتقويني
أداويك وتشفيني
أسقيك وترويني
وفجأة .....في وقت شوقي وحنيني
وعند حاجتي لك.. تتأكد
أني لا أعني لك شيئاً فتتركني لحيرتي أتنهد
تتركني بعد ما شفيت جراحك وجرحي أنا يزداد ويتجدد
وأيضاً أخاف أن أتركك في عز حاجتك لي وابتعد
أخاف أن أحطم فؤادك الجريح ..أن أهدم بداخلك ما بنيت
أخاف أن أنسحب من حياتك فجأة فأجدك بغير انفاسِ بقيت
ولكني أيضاُ أخاف..وهذا أكبر مخاوفي ..أجل أخاف
أن أعطيك من الحنان ما اليه تحتاج
أن ارويك وأسقيك ...حتى لجروحك أشفيك
وحين أتأكد أن جرحك يلتئم ..وأن ألمك يزول
أبدأ أنا بهدوء بالانسحاب كشمس الأفول
أحاول أن أترك لك حياتك لتحياها بقلبك بلا ذهول
وفجأة ....أجد نفسي ..بين ذراعيك أسير مقتول
أجد نفسي بين انفاسك أتجول بين الحقول
أخاف أن أحبك ...وحينها تصبح ارادتي في خمول
تصبح حياتي أضعف...يصبح قلبي الحاكم على العقول
أخاف أن أحبك .......وأنت تبتعد وحينها يحدث اللا معقول
أخاف أن تلعب الايام على أوتاري ....فتعزف لحناً بأفكاري
لأجد نفسي خارج مداري...معك وأنت بعيد ...
وبيننا أسوار وأسوار ِ
لذا لا ادري والله ماذا أفعل.......أبتعد ..أم أتركك تبتعد
وكلاهما دمار لكلانا ........أم اترك الأيام تحدد منتهانا
أم ماذا أفعل ......دلني ........قبل أن تقتل الحيرة صبانا ..

خرج ادم مور ارسلان كايجري
ادم-ارسلان..تسنا
ارسلان- نعام
ادم- (كاينهش) غاناخد ربعيام كونجي
ارسلان- وعلاش راك عارف لحفلة لي دايرن خصك تعاوني
ادم- غادي نوصي لي يعاونك انا عندي شي شغال ضروري
ارسلان- صافي دير لي بغيتي
ادم- ميرسي (خلاه ومشا)
ارسلان- يعلم الله شنو مخبي فداك راس
اسماء- حياتي غادي نتعطلو وعمي بوستا كايتسنانا
ارسلان- واخا زيدي
اسماء- متشوقة نعرف عمي لاش بغانا
ارسلان- همم ركبي
اسماء- ميرسي
ارسلان- واش حتى بباك غايكون فدار
اسماء- وي عمي بزشتا عيط لبابا صبح وعيطلي حتى انا
ارسلان- شنو غايكون باغي
اسماء- هاحنا غانعرفو احياتي
طريق كاملة وهوا يفكر شنو غايكون تحت راس باه وعلاياش عوال حتى وصلو
ارسلان- جعفر ..جعفر
جعفر-نعام اسيدي
ارسلان-شد دخل سيارة لباركينك
جعفر- واخا اسي ارسلان..بغيت نسولك
ارسلان- سربي
جعفر- واش سي ادم مقالك والو
ارسلان- شنو غادي يقولي
جعفر- هاه والو ..سمحلي (ركب فسيارة) علاش مزال مقالوش على لبنت ..مافهمتش ..نعيطليه نسولو ..(تلفون كايصوني
ادم- الو
جعفر- سي ادم سولت قبيلة سي ارسلان على لبحت لي درت على لبنت وقالي ماقلتيلو والو
ادم- وناري على بنادم كيف داير ماتقولوش هي ماتقولوش
جعفر- الى ماقلتيلوش نتا انا لي غانقولو لبنت لي عندك فدار هي لبنت لي كايقلب عليها
ادم- (تصدم) كيفاش عرفتي هادشي كامل
جعفر- كملت لبحت حتى وصلت لعند مها وماتصورش شنو واقع خاصني داروري نتلاقا معاك
ادم- واخا جي عندي للمكتب
جعفر- لا هاد لهضرة ماشي ديال لمكتب
ادم- نتلاقاو فلباركينج دشركة
جعفر- اوكي

ارسلان- لواليد علاش جمعتينا ليوم
عدنان-(اب اسماء) غير سبر اولدي هاد لجيل دهاد لوقت مكايصبرش هههه
بوشتا- (اب ارسلان) ههههههه ايوا هانتا كاتشوف اسي عدنان
اسماء- كانضن غاتكون خبار مزيانة اعمي
بوشتا- اكيد انبتي مكاين غير خبار الخير
ارسلان- ايوا هي الا قلتيها دابا عندي شي شغال مانقضي
بوشتا- اليوم جمعتكوم باش نحددو موعد العرس
اسماء- هاا ههههه احسن خبر سمعتو
ارسلان- مازال الحال الواليد على هاد الهضرة
عدنان- كيفاش مازال الحال هادي عماين ونتوما مخطوبين خسنا نفرحو بيكم ونشوفو وليداتكوم
بوشتا - كان يحسابني غاتفرح
ارسلان- (كاره راسو) ماشي هاكاك ولاكن انا مازال مواجد نفسيا لهاد لعرس
اسماء- عافاك احياتي ماتنكدش علينا هاد نهار سعيد
ارسلان- واخا صافي ديرو لي بغيتو انا عندي جتيماع خاصني نمشي (خلاهوم وخرج)..جعفر جعفااااار
عادل- جعفر اسيدي خرج قبيلا
ارسلان- الله يلعنك اجعفر ..جيبلي سيارة طلق راسك
عادل - واخا اسيدي..

ادم- ختاصر عندي جتيماع مهيم
جعفر- قلتليك اخر مرا طلاقيت مع ناس لي خرجوها من دار العجزة
ادم- اه عاقل
جعفر- قالولي ان مها قلبت عليها ومشاا عندها طلبت دوك الناس وعطاوني عنوان ديال مها ومشيت قلبت عليها وتصور شنو كتاشفت
ادم- طلقني شنو لقتي
جعفر- سماعيل صاحبك خدام عند مها
ادم- كيفاش
جعفر- كيف كاتسمع ولمجيا لعندك كانت مدروسة اسي ادم
ادم- انا مابقيت فاهم والو غير بشوية باش نستوعب
جعفر- من امتا ونتا تعرف سماعيل
ادم- قرا معايا فلافاك
جعفر- ماين ايات سميتها مليكة كاتمتالك اكبر دار دعارة فلمدينة هي وشريكا ديالها الحاجة ..ولبنت لي جات مع ايات هي ختها مريم بجوج بيهم بنات الكابوني
ادم- فهمت ولي مافهمتش اش دخل سماعيل فهاد القصة
جعفر-طلاقيتو سيمانا لي فاتت وعاودلي حتى هوا عندو نفس القصة ديالنا
ادم- حتى هوا قتلوليه وليديه
جعفر- غير باه فاق صبح لقى راس باه معلق على الباب وهي نفس قصتي
ادم- فهمت يعني نتا وسماعيل عندكوم نفس القصة ..مع الاسف..ولاكن على الاقل بقاولكوم خوتكوم ولأهم امهاتكوم ماشي بحالي قتلوهوم كاملين ..
جعفر- هممم بلاتي نكمليك ايات لايحينها طعم لبوشتا باش ينفدو خطتهوم
ادم- بلاتي ماين ايات هي مرت الكابوني والحاجة هي مرت بوشتا بعني ارسلان والد الحاجة وهوما باغين ينتاقمو من بوشتا وايات هي لي غادي تنتاقم ليهم ياك
جعفر- اه تماما
ادم- ولاكن ايات ماشي من داك نوع لي كايحقد وحتى فاش دكرتلي باها قالتلي يستاهل يموت بديك طريقة لانه تعدا على ناس
جعفر- على ماقالي سماعيل كايهددوها بالاغتصاب الجماعي وهي مدطرة تنفد ليهم مطالبهوم
ادم- فهمت وصيفطوها لعندي حيت عارفين انني اليد اليمنى لولد بوشتا وانا لي غادي نقدمهالهوم ياك هادشي لي فهمت
جعفر - تماما
ادم- او كيفاش درتي حتى عرفتي هادشي كامل عليهم واش دوزتي شي ليلة تماك
جعفر- اح احم همم أأ لا لا
ادم- هممم باينة طلاقيتي سماعيل تما
جعفر- اه حيت صبقلي شفتو معاك
ادم- وكيفاش دار حتى كر ليك بهاد شي كامل
جعفر- لفلووووس كاتعمي بنادم
ادم- ههههه يعني نغهم ان مليكة ولحاجة وسماعيل وانا ونتا وايات عندنا نفس الهدف
جعفر- تماااااما
ادم- خصنا نشوفو كيف نديرو نخرجو ايات من هادشي
جعفر- كيف غانديرولها
ارسلان- حتى نفكر فشي طريقة (شاف فساعة) تعطلت بسلاما دابا
جعفر- شوف سيارة ديال ارسلان هاديك لي داخلا
ادم- صافي غير سير نتا انا غانتكلف بيه
ارسلان- (خرج من سيارة) شنو كان كايدير معاك هادا
ادم- والو طلاقيتو هنا وسولتو عليك
ارسلان- مزيان سربي غانتعطلو
ادم- كاتبانلي ماشي هوا هداك
ارسلان- من بعد ونعاودليك
ادم- اوكي..

الاجتماع كامل وارسلان حاضر غير بالجسم اما العقل غايب سالى الاجتماع وبقاو غير هوما بجوج فالقاعة

ادم- تعاودلي ولا نمشي بحالي
ارسلان- لواليد بدا يخرف
ادم- علاش مالو
ارسلان- حدد موعد العرس
ادم- ههههه ايوا بيروك امولاي سلطان
ارسلان- اشمن سلطان اش كاتخربق راك عارفني مكانحملهاش ومستحملها غير على قبل لواليد
ادم- ومالها اسماء بنت الناس ومتخلقا وراقيا فين تلقا حسن منها
ارسلان- عرفتي شنو
ادم- شنو
ارسلان- بدل ساعة بخرا
ادم- ههههههه اوكي امولاي سلطان ههههه (خرج)
ارسلان- دابا شغاندير فينك يهاد البنت واش سرطاتك الارض ماخليت فين قلبت عليك ايااات فين غاتكوني دابا

"في منزل ادم"
ايات- هممم
مريم- كيفاش همم
ايات- شنو بغيتيني ندير
مريم- ولاكن ران..(خطفتلها تلفون)
الحاجة- سمعيني اديك شنيولا كوني تسمعي ونفدي داكشي لي قلتلك
ايات- ياك نمشي عند راجل نقولو عافاك عرفني على صاحبك راني باغيا نسرقو ونلوحو لشارع هوا وباه ياك
الحاجة- مكايهمنين لي كايهمني دخلي لفيلة ارسلان فاقرب وقت
ايات- شكون قلتي
الحاجة - ارسلان ولد بوشتا
ايات- سميتو ارسلان
الحاجة- سمعيني راكي عارفا شكايتسناك الى مانفدتيش داكشي لي قلتليك
ايات- وحتى نتي عارفا شكايتسناك
الحاجة-هههههه لا معارفاش
ايات- جهنم وبئس المصير
الحاجة - باركا عليا من تبرهيش ال(قطعت عليها ايات) شفت قطعت عليا قبل مانكمل هضرتي
مليكة- ماتخافيش الحاجة هاديك راها بنتي وانا عارفاها دم الكابوني كايجري فعروقها مستاحيل تخوي بينا
الحاجة- غير خليها تفكر تغدرنا وتشوفي الى ماخليتها تعدب طول حياتها

ايت- مافهمتش غير سمعت سميت ارسلان قلبي بدا يضرب (سمعت دقان فلباب)
ادم- سلام
ايات- وعليكم السلام
ادم- مالكي كاتباني صفرا
ايات- غير عيانا شوية وصاف
ادم- وحتى انا عيان وعيت ومليت وبغيت نرتاح
ايات- مالك شنو لي متعبك
ادم- ( تكا وغمض عينيه) ماعرفتش كاندير كاع لي بغيت عندي لفلوس وخدما زوينا عندي اسهم فشركة وعندي بزااااف دلحوايج وماعنديش راحت البال
ايات- (شداتليه فيديه) شنو ندير باش نخليك سعسد
ادم- (فتح عينيه وقرب ليها) نصافرو
ايات- هههه فين
ادم- خديت 4 ايام يالاه نصافرو ونبدلو جو
ايات-ولحفلة
ادم- لحفلة مازال وقتها
ايات- اوكي لي بغيتي
ادم- في جوع
ايات- صوبتليك طاجين لي كايعجبك
ادم- (بصراخ) واسعداتيييييييييييييييي
ايات- شووو ههههههه فضحتينا .. هانا غانوض نديرو يسخن
ادم- علاش ماتكونيش مرتي وتبقاي توجديلي كل نهار شهيوات
ايات- ههههههه الله يهديك عندك كلشي فيه ضحك
ادم- (بصوت منخفض) وشكون قاليك كانضحك
ايات- نعام قلتي شي حاجا
ادم- لا والو هانا جاي...

ادم-(تبعها للكوزينا) ..اممم ريحة كاتشهي
ايات- بصحة
ادم- اري لخبز غاناكل بيديا
ايات- هههههه تفضل
ادم- ههههههههههههه سولوا واحد سعاية: قالولها إيلا لقيتي مية مليون، أشنو تديري بيها؟
قالت ليهم: نبني بيها جامع، نسعا فيه غير بوحدي
ايات- ههههه هههههه كاتقتلني بضحك
ادم- ههههه هيا انا مجرمههههه
ايات-.. مازال كانتفكر ايام طفولة دوزتها زوية بزاف
ادم-وحتى انا توحشت يامات الصغر حيت مكناش هازين الهم للدنيا ، كان الهم عدنا هوا شنو غنلعبو و باش و كيفاش ندوزو دوك السويع لي كيخلونا والدينا نخرجو فيهم ، كنا كنلبسو أي حاجة بلا منسولو أشمن ماركا ولا واش لونها بحال لون السبرديلة و حتى السبرديلة غالبا مكين غير لبس كلشي مزيان . كنعقل كنت كندوز بلبسة وحدة سيمانا مكنحيدهاش من فوق لحمي ، و هد الشي لي مكينش فهد الوقت ، صعيب تلقى واحد يبقى لابس سروال سيمانا من غير قلة قليلة

ايات- حتى انا ماما مسكينة مكانت كاتخليني محرومة من حتى حاجا ... وتوحشت يامات الصغر و توحشت ديك الجرية من المدرسة للدار باش نتفرج فالرسوم المتحركة لي خرجو من عالامهم و وليت كنحس براسي عيش معاهم ، و حاشا البشار يوصل للميخيات ( لا لقيتي شي محقق كيحل أصعب الجرائم بلا برڭاڭا بلا تقنيات متطورة و بلا والو بحال كونان نعطيك لي بغيتي ) .
ادم -هههههه كاينا
ايات-..بلاتي ماعرفتكش على واحد شخص
ادم - شكون
ايات- تسنا هانا نجيبولك
ادم- الى تعطلتي غاتلقاي طاجين خاوي
ايات- غير بصحا (مشات ورجعت)
ادم- شنو داكشي مخبيا مور ضهرك
ايات- تراااااااا
ادم- مونيكة
ايات- سميتها لالى شراهالي خويا منين كان عندي 3 سنوات ومازالة محتافضا بيها باش نتفكرو بيها
ادم- واش خوك ديال الخيرية لي عاودتيلي عليه
ايات- اه ارسلان توحشتو بزاف ماكرهتش نشوفو
ادم- احم ..شبعت الله يعطيك صحا
ايات- بصحا وراحة فين غادي
ادم- غادي نطلع ندوش وحتى نتي دوشي وجمعي حوايجك اليوم غادي نشدو طريق
ايات- واش بصح
ادم- وي عنداكي دخلي عليا عاوتاني عارفك منحرفة هههههههههه (مشا)
ايات- هههههه ماتخافش ..هادا مالو غير كاندكرلو ارسلان كايتقلب..

"في المساء"
ادم-(كايدق فالباب) طق طق واشش مازال غاطولي راه تعطلنا
ايات- (حلت الباب) هانا واجدا
ادم- نزغرت نشطح ولا شنو ندير علاش نتوما لبنات كاتعطلو فلباس
ايات- هادي طبيعتنا خلقنا الله هاكا
ادم- دخيل يالي خلقك زيدي زيدي
ايات- اوكي يا حبيبي
ادم- حبيبك قلتيك منحرفة ..اري شانطا
ايات- بلاش تقيلة
ادم- غير اري (قرب ليها ) مكاتشوفيش عضلاتي نهزك نتي ونهرب بيك
ايات- دخيل عضلاتك
ادم- ههههههههههه (فتحلها الباب) ركبي
ايات- ميرسي حبوبي
ادم- منحرفة
ايات- هههههههههه
ادم- (ركب فسيارة) فين غانمشيو دابا
ايات- ديني لشفشاون ماعمري مشيتلها
ادم -اوكي جاتك احبيبتي
ايات- منحرف

طريق لاكاملة وهوا يضحكو كولقا وضحك عليها حسدتهوم على هاد المنضر ااااه حتى انا بغيت نمشي لشفشاون ميغد.. وصلو ادم وايات دوزو فطريق ساعتاين ونصف 198 كيلو متر بين شفشاون وفاس خرجو مه 10 وصلو مع قريبا 1 دليل وشدو اوطيل باش يرتاحو فيه

ادم- واخيرا وصلنا خليكي هنا غانحجز الغرف
ايات- اوكي
ادم- مشا ورجع ..ايات مشكيلة
ايات- شنو كاين
ادم- جاهوم كروب ديال نصارا ولاطيل عامر بحرا غرفة وحدا لي خاوية
ايات- شنو غانديرو دابا مشا لحال وانا عيت
ادم- كاين حل واحد
ايات- لي هوا
ادم- غادي نشدو غرفا وحدا انا وياك غادي نهضر مع واحد كانعرفو هنا يخلينا نباتو بجوج هاد ليلة شنو قولتي
ايات- اوكي
ادم-(تصدم) بهاد البساطة كان يحسابلي غادي تعارضي
ايات- ماتخافش ماغاديش نغتاصبك
ادم- هاااا منحرفة..منين نقوليك منحرفة عرفي علاش
ايات- هههههه عيت بغيت نرتااااااح
ادم- ههههه نمشي نجيب ساروت (جاب ساروت وطلعو)
ايات- كاينا غير ناموسة وحدا
ادم- هممم صافي نعسي نتي فالارض وانا نعس فنموسية
ايات- هاهاهاها كاتحلم لا.. عندي الم فالمفاصل نعس نتا فالارض وانا فناموسية
ادم- ومانبقاش فيك نبات فالارض كانتقلب ماغايجينيش نعاس..هانتي نقسمو ناموسيا
ايات- هاهاهاها حلم غير حلم الاحلام فابور
ادم- شوفي نقسموها بلخدادي شنو قلتي
ايات- كاتبقا فيا ازغبي ..اوكي ولاكن الى سمعتك كاتشخر غادي نلوحك للارض
ادم- مجريمة غير فيقيني نتقلب على جنبي وماغانبقاش نشخر
ايات- ههههههه اوكي غادي ندخل ندوش
ادم- انا لي سبقتك
ايات- هاااحنا عاوتاني
ادم- اجي مانقسموش حتى الحمام
ايات- هاااااا (كاضربو بالفوطة)
ادم- ااااي اي غير بشوية صافي صافي صافي غير دخلي نتي
ايات- ايوا هاكاك..

"في الليل"
ادم- واكحزي
ايات- هانا
ادم- زيدي كحزي
ايات- غادي نطيح الى زدت كحزت
ادم- نحيدو لخدادي ونعسو فراحتنا راهوما لي واخدين لبلاصا
ايات- (كلسات) كول لداك لمنحرف ديال عقلك يسكت
ادم- والله حتى حرام عليك
ايات- شنو قلنا
ادم- هاهوا ساكت ( بعد مرور 5 دقائق) نعستي
ايات- اممممم
ادم- كيفاش نعستي وكاتجاوبي
ايات- (كلست) ماغاتنعسش
ادم- صافي هاهوا ناعس..( بعد مرور 5 دقائق) شوفي نحيدو غير خديا وحدا غيييير وحدا
ايات- يااااربي تلطف بيا هاد ليلة غانرتاكب جريمة ..اووووكي غير وحدا هاديك لي لتحت
ادم- لا انا بغيت هادي لي لفوق هي لي مزاحماني
ايات- حيدها ولاكن حربش داك دماغ يفكر فشي حاجا والله حتى..
ادم- صافي غير سكتي ..الللله على راحة
ايات- فين غايكون ارسلان دابا فنضارك
ادم- هاهوا فجيبي
ايات- (قرصاتو) غير سكت كانهضر مع راسي ماسولتكش
ادم- ايوا هضري فنفسك راكي طيرتيلي نعاس
ايات- يااااك نتا لي من صبح ونتا تقلب تقول ناعس على شوك وحمد الله خليتك تحيد خدية
ادم- شكرا شكرا سيدتي على كرمك من غيرك كونت غانموت
ايات- كاتستهزء بيا واخا شد( بدات ضربو بلوسادة)
ادم- اااه اي اي اي
ايات- شووو سكت غايسمعونا ناس ويفهمو غالاط
ادم- ههههههههههه اااااي اي غير بشوية هههههههه
ايات- ههههه شوووو سكت يقطعليك الحس
ادم- ااااي اي
ايات- (شدتليه فمو) شوووو سكت انا مزاوكة
ادم- (تصدم من قربها ليه) احم كحزي قبل مانديرها بصح
ايات- (كحزت) منحرف
بقاو على ديك الحالة حتى ودن لفجر عاد نعسو وفصباح
"في الصباح"
ادم- (فاق هوا لول ولقاها نعنقاه) اواااااو (شافها كاتحرك ودار راسو ناعس)
ايات- (حلت عينيها لقات راسها معنقاه تصدمت ) ويلي ويلي اش درت الحمد اغلله موال ناعس( ناضت غير بالحس ودخلت للحمام)
ادم- امممم يااااربي كانطلبك تكتبهالي زوجة وام ولادي (شافها غارجا من الحمام)
ايات- فقتي صبح الخير
ادم- صبح النور وانا نعست بعدا
ايات- علاش مالك
ادم- ليل كامل ونتي شانقا عليا ومعنقاني
ايات(حشمات) احم يحسابني لخديا مازالة مايحسابنيش نتا لي
ادم- هاااااا واقيلا خاصني نولي نتريني باش نقصح لعضلات قالك خديا
ايات- والله حتى حيبت برطوبية ديال الخدية مايحسابنيش نتا
ادم- ( طاح للارض كايدير طراكسيون ) 1 2 3 4 5 6 7 8 9 10 11 12 13 14.. اجي دابا جربي واش مازالين روطب
ايات- (ضرباتو بالفوطة ) تفكيرك منحرف الله يعفو
ادم- اااه الله يعفو عليك نتي نيت قالك خديا هادي راها اهانة لعضلاتي ..اجي فين غاديا..تسناي..

يتبع