دوزو داك نهار ولا في الاحلام ضارو كلاو تصورو ستمتعو بوقتهوم وطبعا روح المرحة وضحوكة مفارقتش ادم لي لاول مرا غايضحك من كل قلبو ولقى راحتو لي فقدها من زمان وسبب هي ايات ولا كايموت ليها وكدالك ايات فرحات وستمتعات ومانساتش سيلفي لي مبليا بيه كل بنت فهاد الوقت وحتا هي كدالك كان كايراودها احساس من جيهت ادم وكاتخبي هي تخبي وهوا يخبي وحنا نتفرجو هههههه .. دوزو نهار فشفشاون ونهار فاصيلة ويوماين فطانجة وجا لوقت باش يرجعو
نزلو وركبو وشدو طريق .. وطريق كاملة وادم غير ساكت ويخمم شغايدير ماجاتوش يقولها بلا ماتمشي معايا بعدما شرالها لملابس ديال الحفلة او قالها ترافقو كيف غايدير..
وصلو لدار وكل واحد دخل لبيتو اما ادم فلحمام كايدوش باش يرتاح من تعب الطريق
ادم- كيف غاندير نقولها ماتمشيش ماجاتش .. مانمشيش حتى انا عاوتاني ماجاتش ومايمكنش
"في الليل "
ادم- شكرا الله يعطيك صحا
ايات- بصحا وراحا
ادم- غير سيري نتي تنعسي انا غانجمع طبلة
ايات- (تبيسمات) اوكي
جمع طبلة وطلع لبيتو كايتقلب ويتقلب وماجاهش النعاس اما ايات مازالة سهرانا مع الفيس بوك وماعلابالهاش
ايات- اوف جاني لعطش نهبط لكوزينة نشرب (حلت الباب وطلت) كانضن غايكون نعس غير نهبط هاكا ماغايشوفنيش
اما هي حاشيا راسها فاثلاجا ولابسا سوميج دونوي قصير ولبينوار ديالو محلول وهابط هلى يديها اما هوا واقف مصدوم من المنضر لي شاف وفللباب دلكوزينة وتما غاتبدا اغنية اقول انساك كرول سماحة
مش حعرف ابقى لحدا غيرك وانا بتخيل نفسي معك
من يوم ما بعدت وكل حاجة لسى فمكانها بتستناك
وانا ليه بحتاجلك ولسى انا ليه مش جنبك
وحاسة انا بيك ياحبيبي
حياتي معاااااااااااااااااك
وقول انساك بحن اكثر
ولا برتاح ولا بقدر
واعمل ايه ياحبيبي
حياتي معااااااك
مش قد بعدك لحظة عني ايوا لسى عايشة ليك
ومهما حاول عارفة قلبي مش حيرضى الا بيك
وانا ايه بايديه لا بعرف اعيش ومش حاسة بحاجة مافيش ياحبيبي حيااااااااااتي معاااااااااااك
بقول انساك بحن اكثر ولا برتاح ولا بقدر
واعمل ايه ياحبيبي
حيااااااااااااتي معك.. تصادمت معاه مع ضلام وكان غير ضو شارع هوا لي مضوي المطبخ
ايات- (كاتقول فنفسها) ماقادراش نعلي عيني فيه .. كانحس بانفاسو كاتداعب شعري وريحتو ساكنا مع انفاسي .. سمحلي ماشفتكش..
على لبينوار لبينوار لي كان نازل على يديها وغطالها اكتافها
ايات- انا كنت.. (قاطعها بقبلة على خدها )
ايات- اا.. (قاطعها)
ادم-(حط صبعو على شفتيها ) كانبغيك
ايات- (مصدومة) لارد
ادم - جاوبيني بلي كاتحسي بيه
ايات-مانقدرش نخاف نخليك تبغيني وفلخر تكرهني بسبب افعال واكاديبي
ادم- ماشي مشكل
ايات- انا مامزيناش كيما كايحسابلك
ادم- نتي انسانة بريئة فنضري
ايات- غانجرحك
ادم- قادر نستحمل
ايات- غادي تعدب بسبابي
ادم- وانا بلا بيك غادي نتعدب ومستعد نستحمل تعديبك
ايات- غادي تكرهني من بعد
ادم- نكره العالم الا نتي
ايات- ادم انا ماشي ديك الانسانة البرئة لمضلومة لي كايحسابك انا مخبيا عليك بزاف دلحوايج الى عرفتيهم ماغاتبقاش تبغي تشوفلي فوجهي (بغات تمشي)
ادم- (جرها ولسقها مع لحيط وحبسها بيديه)وحتى انا ماشي انسان برئ كيف كايحسابك ومخبي عليك شحال من حاجا وكل واحد فينا كايخبي اشياء لي تقدر بسبابها تجرح شي شحص وانا حاس بيك وعارفك علاش كاديري هاكا
ايات- ومنين نتا عارف علاش مزال متمسك بيا .. انا انسانة غامضة
ادم- وحتى انا
ايات- مانستاهلش حبك ليا
ادم- تستاهلي عمري نقدمو ليك هدية
ابات - معايجيك من ورايا غير لمصائب
ادم- قادر نستحمل اي شئ جاي من عندك(شدها من يديها) ايات انا كانبغيك بزااف نتي هي الانسانة لي قدرت نبغيها بدون شروط لقيت فيك كل ما تمنيت وانا لي عمري ماحبيت عطي لحبنا فرصة وخلينا نبغيو بعضياتنا
ايات- ماكرهتش
ادم- ادن قوليها .. خليني نسمعها
ايات- بعد صمت.. كانبغيك
ادم- عنقها بشوق .. وانا كانموت عليك .. بغى يقبلها حتى قرب لشفايفها
ايات- وضعت صبعها على شفايفو .. ماشي دابا
ادم- قبل صبعها..... مفسدت اللحضات
ايات- مكانش يحسابلي عندك هاد الجانب من شخصيتك
ادم- كاتقصدي رمنسي
ايات- امممم
ادم- خوك خبرة فهاد شي
ايات- يااك شحال من بنت عرفتي
ادم- بزااااااف
ايات- دفعاتو.. نسونجي
ادم- قولتيلي شحال من بنت عرفتي ماشي شحال من بنت حبيتي
ايات- اممم( غضبانة)
ادم- كيفاش امممم ضوري لهنا ولي نوريك جانب اخر من شخصيتي
ايات- لي هوا
ادم- (شدها وجرها لعندو وقرب لشفايفها وطبع قبلة طويييييلة ) همممم شنو بانليك نوريك جانب ااااخر من شخصيتي
ايات- (حشمانة) احم جاني نعاس غادي نطلع نعس
ادم- مايمكنش يجيك نعاس لي كايحب مكاينعسش بحال ناس طبيعين
ايات- وباش عرفتيها
ادم- حيت منهار عرفتك وانا كانتعدب عاد كانعس
ايات- (دارت راسها مكاتفهمش) وعلاش كاتعدب
ادم- قرب ليها وبصوت خافت قال.. حيت كانفكر فيك حتى كانلقى راسي نعست وبين عيني صورتك
ايات- (تبسمات) غادي نطلع (طلعات كاتجري)..
ادم- (كايجري موراها) اجي بلاتي.. (كايدق فلباب) حلي واحلي
ايات- ام ام لا مستحيل
ادم- وعلاش
ايات- اثناني ثالتهم الشيطان
ادم- ههههههه واش خفتي من شخصيتي هههه غير حلي كانواعدك ماغاندير والو
ايات-لا لا لا ( سمعت لهدوء يحسابها مشا وحلت الباب بهدوء) طلت مالقاتوش خرجت كاتشوف
ادم - (خرجلها من البيت لي قبالتها) كاتقلبي عليا
ايات-( رجعت بغات تسد الباب وشد الباب برجليه ) حيد رجليك كولتليك حيد رجليك
ادم- الا ماغانحيدش (دفع الباب ودخل)
ايات- عنداك تفكر دير شي حاجا
ادم- الله يهديك غير كلسي وتصنتيلي ماغاندير والو كون بغيت ندير كون درت شحااال هادي
ايات- بدينا عاود
ادم- ههههههه صافي ياك قولتي باغيا تنعسي
ايات- اممم وماخليتينيش
ادم- (هزها وحطها فوق ناموسية وغطاها ) غادي نبقا حداك حتى تنعسي
ايات- كاتفاجئني بتصرفاتك
ادم- (كلس حداها وشدلها فيدها كايشوف فيها بحب) هدا اول نهار غانفرح من كل قلبي .. من زمان مافرحت بحال هاد نهار كونت متردد نعتارفليك باحساسي تجاهك ولاكن لأمتى غانبقى نتعدب فكل مرا نشوفك ونتي كاضحكي ونتي كاتهضري ونتي كاتبكي ونتي فرحانا ومنتى غضبانة كونت ديما كانبغي نكون قريب ليك كتر ولاكن كنت راسم حدود بيني وبينك ومكانقدرش نقرب منك كتر خوفا من انني نخسرك فلحضت طيش.. مابغيتش تكوني لشي حد من غيري انا .. انا لي بغيتك وحميتك من نسمت لهوا صدقيني كون تعرفت عليك قبل ماكونتش غانخلي حتى حد يتجرئ يقيس شعرة منك تيقي بيا انا مستحيل نبغي شي وحدا من غيرك فهاد الفترة لقصيرة لي بقيتي معايا قدرت نعرف فيك بزاف دلحوايج وليت غير من ملامحك نقدر نعرف حالتك واش فرحانا واش مقلقة (مرر يديه على شعرها) مهما خبيتي ومهما كدبتي غادي نعدرك حيت ماشي لخاطرك ..
ايات- (نزلو دموع من عينيها) وهادشي لي خايفا منو .. ماشي لخاطري حبيتك مواقفك تصرفاتك ورجولتك حركت فيا مشاعر لي مكونتش كانضن شي نهار غادي نلقي ولد ناس لي يخلي قلبي ينبض من اجلو .. وبغيتك كتر فاش ماستغليتيش ضروفي صعبة وحافضتي عليا كانني قطعة منك وهادشي لي مانقدرش نردوليك طول ما انا عايشا كانبغيك ومستحيل قلبي يحب غيرك حتى انا كونت كاتما مشاعري ماشي حشمت ولاكن انا تعودت غير كانحب شي شخص من قلبي كايمشي وخليني ماما وارسلان ومابغيتكش تمشي حتى نتا.. انا خايفا عليك من نفسي خايفا ناديك مع الايام لي جايا .. خايفا نفقدك بسبب .. و(سكتت)
ادم- بسبب اش
ايات- واعدني ماهما صدر مني وماهما شفتي عليا حاجات خايبا بغيتك تعرف انه ماشي لخاطري
ادم- شنو لي مخوفك واش شي حد كايهددك ولا شي حاجا
ايات- (تنهدت وقالت فنفسها )(تمنيت نعاودليك لي مخوفني ولاكن مانقدرش نخليهوم يأديوك) لا ماشي هكاك .. ادم انا ممكن نغضرك
ادم- عاد قولتيها دابا ماشي لخاطرك
ايات- (عنقاتو) شكرا على ثقتك فيا
ادم- (زير عليها وقال فتفسو) انا عارف عليك كولشي وهادشي لي خلاني نتغرم بيك كثر وكتر كانواعدك ماغاديش نخليك تغرقي فمستنقع نتي ماشي قدو وانا مستعد نفديك بروحيي الى دطريت..
داز الوقت وجات لكوافورة وطلعاتها باجمل مضهر لبست فوب احمر لامع طويل مزير من الخصر وهارط وكايوساع قدر يبرزجسمها الرشيق ولبست كعب عالي فالاسود وحقيبة صغيرة فليد وعملت تسريحة شعر المموج من الاسفل ويامبل ملفوق وزادة لكوافورة دارتلها مكياج سموكي غامق مع كلوس احمر جات بحال شي ممثلة غزالة ماشاء الله اليوم غاتسطي لعقول لكل رجل شافك ويحسن عوان سي ادم مسكين
اما ادم وصل ولبس اجمل طقم عندو كوستوم اسود وسوميج ابيض مع كرافاط رمادي وعمل تسريحة فشعرو رائعة ديال هاد لوقت هههههه
ادم- (كايدق فالباب) طق طق واش ساليتي
ايات- مازال
ادم- عرفتي نفسي شي نهار نسولك وتقوليلي ساليت (فجاة وهوا كايهضر حلت الباب) تصدم من الجمال لي امامو.. وااااااو ماعرفتش شغانقولك ولاكن جيتي كاتحمقي فغيمون سحرتيني بجمالك
ايات- شكرا على المدح
ادم- صافي سالات الحفلة دخلي تنعسي
ايات- اشنو
ادم- مايمكنش نديك معايا غادي يخطفوك مني
ايات- ههههههه كولشي عندك فيه ضحك
ادم- مدلها يديه .. تفضلي
ايات- ميغسي
طريق كلها وادم كايفكر فردت فعل ارسلان فاش غايشوف ايات واش غايعرفها او واش هي غاتعرفو ماهدالو بال وكيفما قالت ايات ممكن تكون هادي هي اخر نهار غادي يعيشوفيه سعادة .. وصلو وستقبلوهوم صحافا كلشي كايطرح الاسئلة على ادم ولراس كايبعدوهم وكايسرحو طيق لادم وايات حتى دخلو وكان لمنضر لي فلحفلة رائع ومع دخلة جات عين ارسلان على ادم ولي حداه ايات
اسماء- حياتي كولشي داز على احسن ما يورام
ارسلان- (كايشوف فايات وماحيدش عينو عليها حتى لمع عيون ادم عليه وكايديرو فيه نضرات عمرو شافهوم فيه .. توجه لعندهوم ) مرحبا بسي ادم
ادم- زير على يد ايات( مانحتاجش ترحيب انا مول لحفلة)
ارسلان- (كايشوف فعيون ايات وهيا كدالك)وماغاتعرفنيش على صديقتك
ادم- هادي خطيبتي وقريبا غاتكون مرتي .. نقدمليك خطيبتي ايات
ايات- تشرفت بمعريفتك (مدتليه يدها)
ارسلان- (مدهول من الاسم لي سمع) وانا ليا كامل الشرف
اسماء- وانا اسماء خطيبت ارسلان
ايات- (تصدمت فاش سمعت اسم ارسلان ) تشرفت بيك
اسماء- وحتى انا تشرفت بيك .. (كاتشوف فادم ماحيدش عينيه على ارسلان) سي ادم طلعتي عندك اسرار مكاتشركهومش معانا
ادم-الى نويتي دير شي حاجا وقلتيها لناس ها وجهي الى سدقاتليك
اسماء- بصح عندك الحق انشاء الله نديرو عرس مشروك
ادم- (شاف فارسلان وايات كايتبادلو نضرات حس بشي حاجا ماشي هي هاديك) اه وعلاش لا حتى هادي فكرة كاينا ولا لا اسي ارسلان
ارسلان- ام انشاء الله
اسماء- سمحولي غادي نمشي نشوف شي ناس
ايات- تفضلي
ارسلان-واش هادي هي البنت لي قلتيلي باغيا تخدم
ايات- بصاح هضرتيلو عليا
ارسلان- اه وقلتلو قلها تجي تخدم من غدا علاش مقالكش
ايات- شافت فادم.. لا قالي غير انا لي مابغيتش
ادم- انا خطيبتي مانبغيهاش تخدم ولا تتعب نفسها انا قادر نوفر ليها كل ماتمنات
ارسلان- اممم فهمت (شاف فايات) كانحس براسي فايتلي شفتك
ادم- بصاح مكانضنش غاتكون شفتيها
ايات- (شافت الجو مكهرب ) بغيت نمشي للحمام
جتوبو بجوج - يالاه نوصلك
ادم-(شاف فيه ) خطيبتك كاتعيط ليك
ارسلان-(ضار شاف فعلا اسماء كاتشير ليه) اوكي (مشا)
ايات- ادم مالك
ادم -ماماليش غير دخلي انا غانتسناك هنا
ايات- اوكي..
دخلت ايات للحمام وماحست حتى لقات شخص جرها من يدها ولسقها مع الحيط وشدلها فمها
الشخص- غادي نحيد يدي ماتغوتيش
ايات- (تنفست ) شنو بغيتي مني الحيوان
اسماعيل- شوووو هضري غير بشوية
ايات- شنو بغيتي مني
اسماعيل - هادي هي الفرصة باش تقربي من ارسلان
ايات- كاتحلم كيف غانديرليه
اسماعيل مكايهمنيش لي كايهمني اليوم دخلي لعندو لدار
ايات- هههههه حماقيتي لا كيف غاندير ندخل لدارو ونزيدك عندو خطيبة وميستحيل تخليني نتقرب منو
اسماعيل- انا مكايهمنيش وصلتليك رسالة من الحاجة يا نفديها يا اما راكي عارفا شنو تابعك
ايات- الله ياخد فيكم الحق اشياطين
اسماعيل- مافهمتش علاش كاديري هاكا وخا نتي عارفا انك غادي تنتاقمي لباك لي تقتل مغضور
ايات- هادشي مكايهم حتى شي واحد منكوم ونتوما غراضكوم ماشي الانتقام غراضكوم هوا لفلوس
اسماعيل- مزيان بعدا راكي كاتفهمي انا غادي نمشي دابا وعندا يقولك داك لعقل ديري شي تصرف ماشي لصالحك ولعواقب راكي عارفاها وهداك ميخي لي معولا عليه ماعندو باش ينفعك ديري عقلك (خرج)
ايات- (كاتبكي) الله ياخد فيكم الحق
اما ادم كان واقف بعيد على الحمام ولاكن عينيه على الباب حتى لمع اسماعيل خارج
ادم- سماعيل .. ايات ( تصدم من لي شاف ومشا تبع سماعيل حتى شدو شنق عليه ودخلو لواحد لغرفة خاوية)
اسماعيل- طلق مني طلق واش حماقيتي ادم راحنى صحاب زعما
ادم- (شانق عليه) شنو قلتيلها باش هددتيها
اسماعيل- والو ماقولت والو انا كونت كانقلب على حمام درجال وغلطت ودخلت لحمام نساء
ادم- هههه كاضحك عليا ( ضربو بونية لوجه حتى طاح ورجع شنق عليه)
اسماعيل- ااه ماغانقولكش واخا تقتلني هنا مكايهمكش
ادم-(نهال عليه بضرب حتى مابقاش كايبان وجهو بالدم) غادي نسولك اخر مرا .. شنو قلتيلها
اسماعيل-والووو واااااالو هههههههه حقير
ادم- اوكي نتا لي جنيتي على راسك (جبد تيليفون ) لو جعفر طلع عندي
جعفر- (بقى يقلب عليه حتى لقاه) شنو هادشي
اسماعيل- هااا عاد فهمت دابا هي نتا كاتعرفو ياك
ادم- عيط لمحسن وهزو عليا هاد لحقير ديوه لكاراج
جعفر- واخا ايسدي .. الو محسن طلع عندي محتاجك
ادم- ربطوه ليا تما خصروليه ديك لكمارة لي فرحان بيها نسالي ونلحق عليكم
جعفر- اوكي سي ادم كون هاني
اسماعيل- كانواعدك غادي تخلص هادشي لي كادير
ادم- هادا الى بقيتي عايش .. ( خرج وخلاهوم يتكلفو بيه ولقا ايات كاتقلب عليه)
ايات- فين كنتي شحال وانا نقلب عليك
ادم- (بتاسملها) هههه كاتقلبي عليا العفريتا توحشتيني
ايات- اكيد غانتوحشك .. (شافت دم فيديه) ادم مال يديك فيها دم
ادم- (خطف يديه وخباها موراه) ماشي دم ديالي غادي نغسل يدي فلحمام تسنايني هنا
ايات- شداتو من يديه .. شنو درتي قولي شنو كاين معامن دابزتي
ادم- غير رتاحي واحد سيكيرتي دابز مع شي وحدين سكرانين وتجرح وانا عاونتو هدا لاش تعطلت
ايات- ااه الحمد لله تخلعت عليك
ادم- (تبسم) يخليلي لي كاتخاف عليا .. هانا جاي تسنايني نغسل يدي ونرجع
ايات- اوكي(بقات واقفا حدى الباب وكاتفكر كيف غادير تقرب من ارسلان) ماعنديش شي حل اخر من غير انني ندير راسي سخفانا (قاطع تفكيرها ادم)
ادم- يالاه ندخلو
ايات- يالاه.....
دخلو ولقاو ارسلان فوق المنصة كايلقي لخطاب ديالو
ارسلان- بغيت نشكر جميع الموضفين لي سهرو على هاد المشروع كاملين وقفو بيد وحدة وبفضلهوم قدرنا نجحو فئيصال اسم شريكتنا للعالمية .. (تصفيقات الحضور)
ادم- مالكي
ايات- (تبسمات ليه) والو الحفلة طلعت زوينة بزاف وحتى اصدقائك لي عرفتيني عليهوم ضريفين
ادم- (عرفها مخبيا شي حاجا ) الى كونتي كاتحسي براسك عيانا نمشيو لدار
ايات- لا بلاش لحفلة مازالة مطولة
ارسلان- طبعا مانساوش لمجهودات ديال سي ادم (تصفيقات الحضور) تفضل سي ادم
ادم- خليك هنا اوكي غادي نرجع
ايات- اوكي ( قالت فنفسها ممكن تكون هادي هيا الفرصة المناسبة ) وكانت واقفا فتاالي دلقاعا شافت ارسلان واقف قريب ليها ومرا مرا كايشوف فيها وبدات كاتمتل زعما راها عيانا
ارسلان- واش نتي مزيانة
ايات- كانحس براسي ماشي هيا هاديك
ارسلان- يالاه نطلعك للمكتب ديالي فيه شوية دلهدوء تقدري ترتاحي تماك
ايات- لا مكاين لاش
ارسلان- شدليها فيدها وسندها ومن خصرها تحت نضرات ادم لي كايشوف كولشي قدامو وماقادرش يتدخل كترو عليه صحافة بالاسئلة
ارسلان- (طلعها للمكتب لي كان راقي جدا مكتب كبييير داير بحال شي متحف بصور والمقاعد الفاخرة ) كلسي رتاحي بلاتي نجيبليك كاس دلماء.. تفضلي
ايات- شكرا بزاف اسي ارسلان
ارسلان- العفر بلاتي نجيبلك شي وسادة ديريها ورا ضهرك(جابها وحطها مور ضهرها) باش كاتحسي دابا
ايات- بيخير (تبسمات ليه وبصوت خافت قالتلو) كانشكرك بزاف
ارسلان- بلا ماتشكريني امدموزيل ايات هدا واجب .. كاتبانيلي مامولفاش بهاد الاجواء وصداع
ايات- فعلا مامولفاش مسيقى مجهدا كاديرلي حريق راس
ارسلان- (شاف فيها باعجاب) كانحسد ادم ههههه.. عاد عرفت علاش مابغاش يعرفني عليك قبل
ايات- علاش يمكن غير مجاتش صدفا يهدرليك عليا
ارسلان- ادن هادي فرصة تعرفيني عليكك كتر
ايات- (تبسمت ) سميتي ايات سالمي
ارسلان-(سحراتو بابتسامتها) متشرفين وانا ارسلان شافعي
ايات- شرف كولو ليا
ارسلان- ثار انتباهي الاسم دياك نادر مكايتسماش بزاف شكون ختارلك سمتك
ايات- امم بصح خويا لي سماتني .. وحتى نتا الاسم ديالك مكايتسمعش بزاف شكون سماك
ارسلان- لمربية ديالي لي كانت فالخير.. ماجا يكملها حتى دخل علهم ادم
ادم- شكاديرو هنا
ارسلان- شفتها عيانا شويا وجبتها لهنا ترتاح
ادم- ياك سولتك وقولتيلي مكاتحسي بوالو
ارسلان- يمكن الى مكانت كاتحس بوالو داك ساع
ايات- فعلان سي ارسلان عندو الحق منين طلعتي للمنصة حسي براسي عيانا وسي ارسلان الله يكتر خيرو هوا لي نتابهلي وعاوني
ادم- شكرا اسي ارسلان تقدر تمشي ضيوف كايسولو عليك انا غانبقى معاها
ارسلان- واخا على سلامتك امدموزيل ايات
ايات- (تبسماتلو) شكرا
ادم- (كايشوف فيهم كايضحكو وماعجبوش الحال) .. شنو هادشي
ايات- شنو .. بلا مانهضرو دابا يالاه نخرجو
ادم- (بتلع الغصة ومابغاش يغوت عليها تمالك نفسو بسيف ) اوكي يالاه وهاد لمرا عيطيلي انا
ايات- هههه مغيار ديالي
ادم- كانغير عليك ومن حقي
ايات- وحتى انا ماقلت والو هههههه
ادم- زيدي ياغلطت عمري
ايات- هههههههه انا غلطت عمرك (خرجو كايضحكو وماشافوسش ارسلان لي كان وراهوم)
ارسلان- ماعرفتش كانحس براسي فاتلي شفت هاد البنت وحتى الاسم .. مايمكنش تكون هيا (قاطعاتو اسماء)
اسماء- حبييبى شحال وانا نقلب عليك
ارسلان- انا مغانهربش زيدي ياله
اسماء- كاتقتلني بهاد البرودة ديالك
ارسلان- واش انا عمري قلتليك كانبغيك ولا كانحس بشي حاجا من جيهتك
اسماء- يكفي انني انا كانبغيك ونتى مع الوقت غادي تغرم بيا انا متئكدة
ارسلان- هادي عماين وانا كانعرفك واحساسي تجاهك ماتبدلش
اسماء- نخليوها للوقت صافي احياتي ماتقلقش مني يالاه نمشيو ضيوف كايتسناو ...
ديك لحفلة دازت مشحونة بلغيرة اما ارسلان ماحيدش عينيه عليها وكدالك ادم ماحيدش عينيه على ارسلان ولي كان الاعجاب باين فعينيه ولغيرة بغات تاكل قلبو سالات الحفلة او ودعو ضيوف خوات القاعة بقى فيها غير لي كاينضفو وادم وايات واسماء وارسلان
اسماء- ماسولتكش على سن ديالك
ارسلان- هدا سؤال ياك لبنات مكايبغيوش يقولو سن ديالهوم الحقيقي
ايات- لا انا ماشي من داك نوع انا عندي 18 لسنة
اسماء- مازالة صغيرة انا كبر منك 5سنوات.. مازالة كاتكملي قرايتك
ايات- شافت فادم...ااام
ادم- اه مازالة ونجحت فالباك بمنسيون اعلى مرتبة
ارسلان- اممم مبروك عليك
اسماء- وعلاش وقفتي دراسة
ادم- حيت بغيتها تكون ام وربت بيت ومن بعد تكمل قرايتها ولاكن دابا باغيها تفرغ وقتها غير ليا انا (وكايشوف فارسلان)
اسماء- ولاكن هدا ماشي معقول من حقها تكمل قرايتها
ارسلان- (لاحض نضرات ادم)اسماء زيدي نوصلك لدار
اسماء- واخا سمحولي بسلاما
ادم- ياله نخرجو كاملين (شد فايات من خصرها وجرها عندو ) تفضلي احياتي
ارسلان- (بنرفزة) زيدي ااسماء
اسماء- (قربت ليه) كون غير تعلمتي شوية ديال لاباقة من صاحبك
ارسلان-(بنفاد صبر) ركبي (حلها الباب )
ادم- (حلها لباب) تفضلي(بقا يركب وعيطلو ارسلان)
ارسلان- ادم بلاتي
ادم- وي شنو
ارسلان- مالك مبدل وكاتشوف فيا بحال شي عدو هادو ماشي نضراتك
ادم- شوف نتا شنو درتي
ارسلان- شنو درت انا غير طلعت البنت ترتاح فلمكتب واش بغيتيني نخليها هكاك نتا كون كنتي فبلاصتي غادي دير نفس شئ
ادم- بصح عندك الحق.. على كل حال شكرا
ارسلان- من بعد وغادي نكلسو نهضرو فهاد الموضوع
ادم- هاد لموضوع سديناه
ارسلان- لا انا مزال ماسديتو .. بسلاما دابا
ادم- بسلاما (ركب فسيارة وزاد وخلاه واقف كايشوف )
ايات- ماكرهتش عير نوصل نتحمم ونعس عيت بزاف
ادم- واخا الغزالة ديالي غير نوصلو نعسي (تلفون كايصوني ) الو
جعفر- سي ادم سماعيل هرب ....
ادم- (بصراخ) كيفاش هرب وفين كنتو نتوما
جعفر- حطيناه فلكاراج خلت موحسين معاه وخرجت شوية ومنين رجعت لقيت محسن وغمى عليه فالارض وهوا مكاينش....
ادم- الحقير .. عطي تعليمات لرجال يقلبو عليه والى مالقيتوهش غادي يكون عندي معاكوم حساب عسير سمعتي (قطع عليه)
ايات- ادم واش شفتي حالتك كيف ولييتي شنو واقع
ادم- حياتي ماديريش فبالك غير شي مشاكل فلخدمة
ايات- كانتمنى ماتكونش شي حاجا خطيرة
ادم- خوافة ديالي
ايات- معلوم نخاف عليك احياتي
ادم- (شدلها فيدها) يكون خير انشاء الله غير رتاحي نتي..
"وصلو لدار"
ادم-طلعي لبيتك ترتاحي انا غانجيبليك شي حاجة تاكليها
ايات- بلاش مابغيتش غير طلع تنعس حتى نتا
ادم- تشهيت الايس كريم وبغيت ناكلو معاك
ايات- ههه اوكي (طلعت واول مادارت حيدت حوايجها ودخلت تحت رشاشة دلماء ) كيف غاندير ياربي كيف غاندير غادي نحطم جوج دلقلوب على قبل مصلاحتي لا مايمكنش لا ادم ولا اسناء يستاهلو مني هاد تصرف شنو غاندير ياربي شوف من حالي راني فامس الحاجة اليك (وكاتبكي)
ادم- (واقف مور الباب كايسمعها شكاتقول ) ماغاديش نخليك طيحي فيديهوم بهاد سهولة ويلعبو بيك بحال شي دمية (غير صبري عليا غادي نوريهوم معامن كايلعبو غير صبرو عليا وغادي نوريكون نجوم فعز ضهر
"في منزل مليكة"
مريم- سمعات دقان فلباب بجهد (شكون )
اسماعيل - حلي
الحاجة- بلاتي لايكونو لبوليس غير كاتركعي نتي .. شكون تماك
اسماعيل- حلي انا اسماعيل
الحاجة- حليلي سربي(غير حلات مريم الباب طاح عليها اسماعيل كان كولو دمايات)
مريم- سماعيل شكون دار فيك هاد الحالة
الحاجة- هزي معايا ندخلوه للغرفة
مريم- (كاتبكي) واخا (هزوه بجوه ودخلوه للبيت وحطوع على ناموسية )
مليكة- شكون دار فيك هاد الحالة
اسماعيل- كايتكلم بصعوبة (ااا اادم ورجالو)
مليكة- شكون ادم
مريم - صاحب ارسلان لي كالسا عندو ايات
مليكة- وعلاش غادي يدير فيك هاد الحالة شنو بيناتكوم
اسماعيل- جعفر تمسكن علينا حتى تمكن ومشا عاودلو كولشي
الحاجة- لا ميمكنش .. غبي يا قلتليك ماتيقش فيه شفتي شنو درتي ايوا فكها يامن وحلتيها
اسماعيل- ربطوني فواحد الكاراج تكرفسو عليا ولاد لحرام .. هو الحاجز الوحيد لي بين ايات وارسلان
الحاجة- خصنا نشوفو شي طريقة باش نحيدوه من طريقنا ..
اسماعيل- خلي غير نبرا ونوقف على رجلى وغادي نوريه شكانسوا غادي نغبرو من دنيا
الحاجة- نتا غير برا او وقف على رجليك وانا نضبرليك فرجال لي غايعاونوك عليه مستحيل نخليو هداك الحتالة يوقف لينا فوسط الطريق
مليكة- دابا لمشكيل لكبير.. هي الى مشا ادم عاود لارسلان على هادشي لي ناوين .. ماشي فصالحنى يبقى عايش خاصو يموت
مريم- ادن شنو لفرق بينكوم وبين بوشتا ولا لgابوني كاع لي وقف ليكم فطريق طاتصفيوهالو هادشي ماشي معقول وكاتقولو خاصكوم تنتاقمو منو ونتوما شكون غاينتاقم منكوم....
الحاجة- وحتى نتي اشنيولة الى حاولتي ديري شي حاجا غاتكوني فلقائمة ديال المنبودين الى الابد (شدتها من شعرها)
مريم- اااااه طلقي مني
اسماعيل- طلقي منها خليها عيلك وخرجوها من هادشي
الحاجة- روميو تفكليك لسان خلي حتى تبرا عاد هضر ماتعبش حالك الابضاي ديالنا...
ايات- (خرجات كاتنشف فشعرها لقاتو كالس على الاريكة كايتسناها) راك هنا
ادم- اممم .. اجي تاكلي
ايات- (كلست حداه ) .. سمحلي
ادم- علايات
ايات- على كولشي على اي حاجا قلقاتك مني
ادم- لهبيلة وشكون قاليك انا كانتقلق منك
ايات- بغيت نعنقك (جرها لعندو وعنقها) مابغيتش مابغيتش نتحرم من ريحتك
ادم- (باسلها راسها) وحتى انا ماغانخلي حتى واحد يحرمني منك
ايات- واعدني انك تسامحني ماهما عملت فيك
ادم-(نزلت دمعة من عينيه وهوا معنقها ومسحها بسرعة ) كانواعدك (وهنا بدات اغنية وبحس معاك لحماده هلال)
لما بتلمسنى بتحسسنى ان انا فى ايديا العالم كل اللى ناقصنى
واما بتتكلم انا بتعلم احب الناس واطمن طول منتا حاسسنى
وبحس معاك ان انا فى السما مش فى الدنيا
وان انت ملاك ومعاك السنه بتفوت ثانيه
وبحس معاك ان انا فى السما مش فى الدنيا
وان انت ملاك ومعاك السنه بتفوت ثانيه
عيشنى فى هواك لازم اعيش معاك انا عايزك تقرب ليا وتبص فى عينيا
نسيتنى اللى فات شوفت معاك حاجات مشوفتهاش غير وانت واقف بين ايديا
وبحس معاك ان انا فى السما مش فى الدنيا
وان انت ملاك ومعاك السنه بتفوت ثانيه
وبحس معاك ان انا فى السما مش فى الدنيا
وان انت ملاك ومعاك السنه بتفوت ثانيه
مهما حلمت بيك واتخيلت فيك الحب دا كله هيبقى قليل عليك
نفسى افرح معاك واتهنى فى هواك وحياتك تخدنى فى حضنك وتقربنى ليك
وبحس معاك ان انا فى السما مش فى الدنيا
وان انت ملاك ومعاك السنه بتفوت ثانيه
وبحس معاك ان انا فى السما مش فى الدنيا
وان انت ملاك ومعاك السنه بتفوت ثانيه
ايات- يا الللللللله .. لهلا يحرمنا من هاد لحضة ونشوفو وليداتنا كايكبرو قبالت عينينا
ادم- انشاء الله احياتي (وقف وهزها وحطها على نموسية وغطاها) دابا جا لوقت باش تنعس بنتي لكبيرة يالاه غمضي عينيك (جا ينويض)
ايات- خليك معايا ماتمشيش مازال ماشبعت من ريحتك
ادم- (تكا حداها وحطت راسها على صدرو) ماخفتيش من الجانب ثاني من شخصيتي
ايات- (ضرباتو لصدرو) كون عرفتك غاديرها ماكونتش خليتك تبقى معايا
ادم- ااااه ههههه .. نتي هي جوهرتي والى ماحافضتش عليك غايسرقوك مني
ايات- الله يخليك ليا احبيبي
ادم- امييييييين يارب..
"في الصباح"
ايات- (فاقت هي الاولي وشافت فادم لي كان مزال ناعس وقالت فنفسها) كيف غانقدر نديرها ونغضر بيك ومعامن مع اعز صديق عندك مانستاهلكش ومانستاهلش طيبوبة ديالك وحبك ليا مانستاهلكش كون غير قدرت نقولك لي بيا وانهم كايهددوني ولاكن مانقدرش نديرها خايفا عليك منهوم (نزلو دموع من عينيها)
ادم- علاش كاتبكي
ايات- فقتي صبح الخير
ادم- صبح نور علاش كاتبكي
ايات- مابكيتش غير دخاتلي شي حاجا فعيني .. غادي نوض نصوب لفطور (خرجات وخلاتو)
ادم- علاش كاتكدبي علاش ماتصارحينيش بلي كايضرك (ناض ودخل لدوش ونزل عندها
ايات- كلس قربت نسالي ونحط على طبلة
ادم- شنو غانديرو فها لويك اند
ايات- ماعرفتش
ادم-(صونا تلفونو)الو وي
ارسلان- مخطط لشي حاجة هاد نهار
ادم- لا لقيتيني عا كانفكر
ارسلان- مزيان لحق علينا للمزرعة انا واسماء جيب معا خطيبتك واجي نبدلو شوية الجو
ادم- ماعرفتش واش غاتبغي ولا لا
ارسلان- ادن سولها
ادم- تبغي تمشي لواحد المزرعة
ايات- اممم لي بغيتي ماعنديش مشكيل
ادم- اوكي نفطرو ونلحقو عليكم
ارسلان- اوكي غادي نتسناوكوم تما بسلاما
ادم- بسلاما .. فطري وطلعي وجدي راسك باش نمشيو
ايات- بعيدة بزاف
ادم- ساعتين
ايات- اوكي واخا احياتي
ادم-ماغانكونوش بوحدنا
ايات- شكون غايكون
ادم- اسماء وارسلان
ايات- (تصدمة فاش سمعت ارسلان وقالت فنفسها) يحسن عواني هاد ليوماين يا ربي تشوف من حالي
ادم- فاش كاتفكري
ايات- والو غير قلت مع راسي غاندوزو وقت زوين مع بعضياتنا
ادم-امممم (وقال فنفسو مكانضنش غاندوزو وقت زوين)
ايات- هانا طالعا
ادم -اوكي انا غانجمع هاد شئ
ايات- (طلعت للغرفة وسدت الباب وبقات واقفا مور الباب بقات هابطا حتى كلسات فالارض) كانحس براسي عديمة الاخلاق وضمير كيفاش غانديرها كيفاش كيفاش كيفااااااش هئ هئ كيف غاندير نتقرب منو وباي طريقة وباي صفة (طاحت عليها فكرة) احسن حاجا نطلب منو يخدمني عندو هاكا غانتفادا انني نحرق قلبهوم وقلبي حتى هوا وبهاط طريقة غانبقى ندخل عندو لدار .. ولاكن كيف غاندير مع ادم ماغاديش يبغي انا متئكدة مستحيل يبغي
ادم- دق فالباب (ايات واخا ندخل)
ايات- وقفت بزربة .. اه دخل
ادم- مازال مالبستيش
ايات- حترت ماعرفت مانلبس
ادم- بلاتي نشوفلك شنو يجي معاك(حل الماريو وبقا يقلب ويقلب ) هانتي لبسي هادو
ايات- صهد بغيت نلبس شي حاجا خفيفا
ادم- قلتلك ماغانكونوش بحدنا دنيا مخلطا تما ومابغيت حتى واحد يشوف فيك
ايات- ادااااااام
ادم- صافي لبسي لي بغيتي بشرط يكون محترم
ايات- الله يصبرني معاك
ادم- ههههههههههههههههههه امين ....
شدو طريق بجوج للمزرعة وكانت طريق شوية بعيدة
ادم- اوووف
ايات- مالك
ادم- عاوديلي نكتة
ايات- امممم بلاتي نقلب على شي نكتة اممم
هدا واحد البركاني خدا الدكتوراة في علم الحيوان ولكن الأساتذة دياولو متيقوش أو
هما يقولوليه ديرلينا شي تجربة … البركاني جاب واحد القطة منين كيصفق عليها كتجي
عندو أو هو يقطعليها الرجل الأولى منين صفق عليها جات هو يقطعليها الرجل الثانية
منين صفق عليها جات هو يقطعليها الرجل الثالثة منين صفق عليها جات هو يقطعليها
الرجل الرابعة منين صفق عليها ما جاتش أو هو يقوليهم نستنتج أننا عندما نقطع للقطة أرجلها الأربعة تفقد حاسة السمع ههههههههههههههههه
ادم- (كايشوف فطريق وماضحكش)
ايات- ايوا ضحاك
ادم- نستنتج ان نكتة ديالك حامضة
ايات- (بدات كاضرب فيه) حامضا ياك حامضا
ادم- صافي صافي اااااه واش باغيا تقتلينا والله ماحامضة.. واش باغيانا نموتو بسبب نكتة حامضة
ايات- عاوتاني (كاضرب فيه)
ادم- ههههههههههههههه ااااه طلقي طلقي صافي ماحامضااااااااش ههههه لبوليس لبولبس
ايات-طلقت منو.. فين هوما
ادم- حدا ودنيك (بدات ضربو عاود) اااااااه غير كانضحك واعباد الله عتقوني من هاد لمجنونااااااااااا
ايات- صافي فضحتينااا (شوف شكون هادوك لي واقفين تماك
ادم- ماشي ارسلان هداك (وقف فجنب طريق ونزلو من سيارة)
ارسلان- صاحبي شحال وانا نصوني عليك
ادم- ماسمعتوش كونت دايرو فيفرور وقفت بيكم
ارسلان- اه شي نصف ساعة دابا (نتابه لايات) سلام انسة ايات لباس عليك
ايات -لاباس ونتا
ارسلان- الحمد لله
ادم - اجي نشوفو هاد سيارة مالها
اسماء- الحمد لله منين وقفتو لينا نتوما
ايات- كيف وقاعلكوم
اسماء- ماعرفتش غير شي عطل بسيط واقيلة
ايات- ااممم كيف دايرا نتي صافا
اسماء- صافا بيخير
ارسلان- هزي صاكك غادي نركبو مع ادم وايات
اسماء- اوكي حياتي
ادم- راني صونيت لجعفر يجي يديها
ارسلان- مزيان يالاه نمشيو قتلاتنا شمس
ادم - يالاه ايات ركبي
ايات-اوكي(بغات تركب لور )
ارسلان- غير خليك فبلاصتك انا غانركب لور
ايات- لا ماشي مشكل غير ركب نتا لقام
ارسلان-(تبسم ليها) اوكي ميرسي
ايات- كاتقول فنفسها( ماعرفتش غير كانشوفو قلبي كايبدا يضرب كانني كانعرفو من زمان شنو هادشي لي وليت كانحس بيه مؤخرا هادي ماشي انا ااااه) كاتشوف فيه وتشوف فادم وهوما كايهضرو بجوج ومرا مرا كاترمق نضررات ارسلان فلمرايا وكاتحني عينيها ومنين كاتشوف ادم فلمرايا كاتبسم ليه وكايغمزها وارسلان متبع نضراتهوم بجوج ....واخيرا وصلو وستقبلهوم عمي عبد السلام
عبد السلام- مرحبا بيكم
ادم- الله يبارك فيك اعمي عبد سلام
ارسلان- ايوا وجدتيلنا شي غدا فاعل تارك كيف وصيتك
عبد السلام- ضاروري اسي ارسلان طلباتك على راس ولعين
ادم- شد فايات .. يالاه ندخلو غايعجبك الحال هنا انا متئكد
ايات- (بتاسمت) غير نكون معاك غايعجبني الحال
اسماء-( شدت فيه وجراتو) يالاه ندخلو حتى حنامغانبقاوش هنا كولهوم دخلو
ارسلان- يالاه زيدي
ادم كالس حدى ايات ومرا مرا كايقولها كليمات فودنها وكاضحك اما اسماء حاضياهوم كاتشوف فيهم وتشوف فارسلان حاضر غيير بالجسد ومادايهاش فيها
اسماء- حياتي بغيت نبدل حوايجي بغيت توريني فين هي لغرفة ديالي
ارسلان- سي عبد السلام
عبد السلام- نعام ايس ارسلان
ارسلان- وصل مادموزيل اسماء لغرفتها
ادم- يالاه نوصلك لغرفتك ترتاحي شويا
ايات- اوكي حتى انا محتاجا نرتاح
عبد السلام- هاهوما لقطيبات دلكبدة واجدين خاصهوم غير لعافيا
ادم- تباركالله عليك اعمي عبد السلام
عبد السلام- بصحا وراحا
اسماء- مازال غاتزيدو تاكلو لااا حرام عليكم غاتضيعولي ريجيم
ارسلان- ادن ماتاكليش
اسسماء- لا مايمكنش كاتعجبني الكبدة المشوية مانحماق عليها دنوبي عليكم
ايات- غير كولي وغدا بداي ريجيم
اسماء- ههههههههه عرفتي شحال وانا نقول هاد لكلمة حتى لغدا ونبدا ريجيم وشي ريجيم مادرتو
ايات- هههههههههه كاتوقاع حنا لبنات كولنا هاكا
اسماء- نتي ماتحتاجيش ريجيم فورمتك مزيونة
ايات- هههه شكرا بزاف
ادم- ناري شحال مملين منين كلسنا ونتوما على مواضيع النساء شوفي هاديك شنو لابسا شوفي هاديك شنو مزعترا ودابا ريجيم شنو لموضوع التالي
ارسلان- هههههههههههههه خليهم على راحتهم اصاحبي راحنى كانستافدو فحرب نسا ناخدو معلومات
اسماء- شفتي شفتيهوم كايضحكو علينا
ايات- ههههه حتى حنا زدنا فيه شوية
اسماء- ايوا اجيو نديرو شي حاجة مسلية
ادم- نلعبو غمايضا
اسماء -ههههههه ماكرهتش ولاكن ضلام
ادم- شنو بانليك اارسلان
ارسلان- ماعنديش مشكل شوف ايات
ايات- انا لا كانخاف من ضلام
اسماء- جاتني فكرة (خوات القرعة من الماء) اجيو نلعبو كرسي الاعتراف ولي جات فيه القرعة غادي نسولوه ويجاوب بصراحا
ارسلان- اوكي مشات
ادم- يالاه شكون يبدا
اسماء- انا نبدا ( ضورتها وجات فادم) ههههه ادم نتا اول ضحية هههه
ادم- اوووووه دابا نتوما لي غاتسولوني ياك
اسماء- اه غانبدا انا .. اممم شنو هوا هدفك من هاد الحيات
ادم- امممم (شاف فايات) نتزوج الانسسانة لي كانبغي ونولدو وليدات ونربيوهم احسن تربية
اسماء- اووووه شحال رمنسي ارسلان سولو
ارسلان- ااااام شنو هي الحاجة لي درتيها وندمتي عليها
ادم- سال صعيب وخاصو تفكير .. امممم حاليا مازال ماندمت على حتى حاجا
اسماء- ايات ضورك دابا
ايات- شنو هي اكتر حاجا كاتخاف منها وشنو هي الحاجة لي كاتخاف عليها
ادم - نتي ههههه كانخاف منك فاش كاتغضبي وكانخاف علييك من كلشي
اسماء- اااه ياربي ادم خاصط تبدا تعطي دروس لشي ناس فرمنسية
اريلان- احم احم راني كانسمع
ادم- ضوري لقرعة نشوفو شكون تالي
اسماء- اوكي (ضورتها ) هااا جات فيا
ادم- انا نسولك.. فوقتاش عواليش ديرو لعرس
اسماء- شافت فارسلان .. كانقولو قريب ولاكن فوقاش بضبط ماعارفاش
ايات- شنو هي الاكلة المفضلة عندك
اسماء- سوشي واااو كانحماق عليه
ارسلان- ضوري انا اممم اوكي.. شنو هي لبلاصا لي سافرتي ليها وعجباتك
اسناء- نيويورك ومشيتلها وعاودت .. دابا غادي نضور لقرعة اوكي واجدين .. (ضورتها) اوووه ايات ضورك دابا وانا لي غانسولك الى ولدتي شي وليد فالمستقبل شنو باغيا تسميه
ايات-(تبسمت وشافت فادم) غادي نسميه ارسلان (كولشي شاف فيها )
اسماء- كيفاش
ايات- غادي نسميه ارسلان على اسم خويا لكبير
اسماء- ااااااه عندك خوك كبر منك
ايات- ههههه اه عزيزعليا بزاف وغادي نسمي ولدي عليه
اسماء- ادم سول نتا
ادم-(كايشوف فارسلان كايشوف فايات ملي قالت سميتو) اه اوكي .. اممم واش تقبلي تزوجي بيا على سنة الله ورسله
اسماء- وااااااااو ههههههه قبلي قبلي قولي اه ماتلقايش حسن من خويا ادم هههههه
ايات- (شافت فارسلان مبلوكي ورجعت شافت فادم) نعم اقبل
اسماء-اوووووووووو هههههه مبرووووك عليكم ارسلان بارك ليهم
ارسلان-(كايشوف فنضراتهوم لبعض) الف مبروك
اسماء- دابا ضور ديال ارسلان سولها
ارسلان- اوكي عاوديلنا على حياتك منين تولدتي حتى لدابا ..
ارسلان- عاوديلنا على حياتك منين تولدتي حتى كبرتي
ادم- هدا سؤال جمعتي فيه جميع الاسئلة وحنى عندنا فالقانون سؤال واحد
اسماء- ماعليش خلينا نسمعو قصتها باش نتعرفو عليها كتر
ايات- (شافت فادم كايديرلها اشارة باش ماتعاودش) اوكي انا يا سيدي تولدت فمدينة فاس وعشت وكبرت فوسط عائلة محافضة الاب ديالي عندو شركة ديال الكيران والام ديالي كانت انسانة متحررة كاتمتالك عدة متاجر لبيع الملابس النسائية مؤخرا الام ديالي ماتت والاب ديالي تجوج فا ماتقبلتش علاش يتزوج على ماما بهاد السرعة وزيد عليها ماتفاهمناش انا وياها فاضطريت انني نخرج من الدار وفوسط هاد الضروف تعرفت على ادم وهوا لي عاوني وحماني من بزاف دلاشياء ودابا انا ساكنا معاه
اسماء- علاش فين هوا خوك لكبير
ايات- مصافر برا لمغرب مكايجيش بحكم عندو خلافات مع الاب ديالي
اسماء- دابا ضور ديالك بقيتي غير نتا احياتي
ارسلان- اه اوكي
اسماء- شنو هوا الحلم ديالك
ارسلان- نلقى شخص لي فقدتو بسبب ضروف
اسماء- شكون هوا هاد شخص
ادم-( خاف لايقول اسم ايات وهوا يتدخل) سؤال واحد ماشي عشرا دابا ضور ديالي امممم شنو كاتخطط دير فالمستقبل
ارسلان- نزيد نطور فخدمتي ونحاول نوصل اسم شركة للعالمية
اسماء- وحياتنا مكاتفكرش طورها
ارسلان- اه انشاء الله.. دابا ضور ديالك اايات سوليني
ايات- ماعرفتش شنو غانسولك ولاكن غادي نعاود نفس سؤال لي سولتني اسماء شنو هوا الاسم لي باغي تسميه لولدك ولا بنتك
ارسلان- ايا.. (ماجا يكملها حتى صبقو ادم)
ادم- غادي يسميه ادم على سميتي ياك ولا لا
ارسلان- هههههههههه هاهوا جاوب فبلاصتي
ايات-هههههههههههههههه
ارسلان- نينا لكبدة هههههه
ادم- ماتعطيش لاسماء غاتخصر ليها ريجيم
اسماء- حرام عليك ااداااام حتى لغدا ونبداه من جديد
ايات- هههههه
ارسلان- ههههههه باينا
ادم- ماجاكومش البرد
اسماء- (كاتفوه) انا جاني نعاس
ارسلان- يالاه ندخلو اذن
اسماء- (عنقاتو ) حبيبا يالاه وصلني
ارسلان- غير سيري معاهوم غاندوز عند عمي عبد السلام بغيت ندوي معاه
ادم- يالاه ااسماء
اسماء- ( عيات من تصرفاتو ومشاعرو الجافة توجاها سمحات فيهم وطلعات)
ادم- هادي مالها
ايات- يمكن تقلقات من ارسلان كايبانلي مكايبغيهاش من تصرفاتو
ادم- لا كايبغيها غير مكايبينش
ايات- اممم مابانليش الانسان فاش كايكون كايبغي شي حد كايكون باين غير من عينيه
ادم- بحالي ياك
ايات- هههههههههه بحاااالك تماما
ادم- هههههههه يالاه ندخلو
خرج ارسلان من عند عبد السلام وفطرق شاف ادم وايات وهوما كايضحكو
ارسلان- (كايصوني ) الو جعفر مازال فايق
جعفر- اه اسيدي تئمرني بشي حاجة ..
ارسلان- فين وصلتي فلبحت على لبنت
جعفر- والو اسيدي مكاين حتى شي جديد
ارسلان- صافي تصبح على خير (قطع عليه ودخل لبيتو)
"في الصباح"
ايات -(فاقت مع لفجر كايودن توضات وصلات ومابغاش يجيها نعاس وقفت وطلات من سرجم ) (كاتستنشق القواء بقوة) اللله على نسمة لهوا لي فهاد لقرية ولا لمناضر ماشاء الله نمشي نشوف ادم واش فايق (حلت الباب غير بشوية لقاتو مازال ناعس وسدت الباب رجعت لبيتها) صراحة هاد الجو هوا ديال لمسارية فوسط هاد ربيع(بدلت حوايجها وخرجت شافت ارسلان كالت قدام رماد دلعافية وكايحرك فيه بواحد العود ومشات لعندو) صبح الخير ..
ارسلان-(دار ومنين شافها ابتسم) صبح النور فقتي بكري ليوم
ايات- اه الجو ديال هاد القرية كايخلي لواحد مصحصح على صباح وكولت نخرج ندور شوية هنا
ارسلان- تبغي نكون لمرشد ديالك
ايات- ههه وعلاش لا ادم مازال ناعس نمشي نفيقو يجي معانا
ارسلان- غير خليه ينعس ماغايبغيش يفيق
ايات- بصح عندك لحق كانتقاتل معاه عاد كايفيق
ارسلان - غادي نجيب صابر ونجي
ايات- شكون هوا هدا
ارسلان- غير تسناي هنا
ايات- اوكي(شوية وهوا جاي وجايب معاه صابر حصان اسود عربي اصيل)وااااو هوا
ارسلان- نعرفك عليه صابر ايات ايات صابر
ايات- هههههههه تشرفنا
ارسلان- (ركب عليه ومد يدو ليها باش طلع) اري يديك
ايات- لا كانخاف
ارسلان- (نزل من على الحصان) ماتخافيش ضريف مسكين ( شدها من خصرها بيديه بجوج وعلاها حتى ركبت عليه وركب وراها)
ايات- ارسلان خايفا لا يهرب بينا
ارسلان- هههههههه خوافا نتي
ايات- بزاف
ارسلان- (مرر يدو بين خصرها وشد لجام ) ماتخافيش غير خليكي مهدنة وماغايوقع والو..
ايات- اووه اوكي
ارسلان- صابر زيد (ضربو برجليه)
ايات- وااااو رائع
ارسلان- كايبانلي صابر عجبتيه
ايات- شعور متبادل حتى انا عجبني .. ودابا فين غادين
ارسلان- (كايشتم ريحة عطرها لفواحة وخصلات شعرها كاتداعب وجهو بسبب نسمات الهواء الخفيفة) غادي نديك لواحد النهر زوين بزاف غايعجبك
ايات- اي حاجة فيها الماء كاتعجبني فاش كاتشوف الماء وهوا كايجري كاتحس بعضمة الخالك سبحانه
ارسلان- (مغمض عينيه ومستمتع باخصلات شعرها الاسود) فعلا عندك الحق.. حاحنا وصلنا .. (نزل هوا ونزلها وهوا متمسك بخصرها الرشيق)
ايات- ياالله على هاد المنضر الرائع
ارسلان- اجي كلسي هنا
ايات- شكرا
ارسلان- فينما كانجي لهاد الفيرما كانجي لهاد النهر كانرتاح فيه
ايات- فعلا كايدخل الراحة على قلب
ارسلان- مزيان منيعجبك
ايات- (تبسمة ليه قالت فنفسها وهي كاتشوف فيه) اشنو دنبك ودنبي حتى نتعاقبو على ذنب مادرناهاش (غمضت عينيها بتعب)
ارسلان- باش كاتحسي
ايات- براحة
ارسلان- (كايشوف فيها وهي مغمضة عينيها وقلبو كايضرب وكايقول فنفسو) علاش غير كانشوفك كانحس بقلبي غايطير من بلاصتو علاش نتي بضبط ااه ياربي علاش ماطلاقيتكش انا الاول ااه
ايات- (حلات عينيها ولقاتو كايشوف فيها وتبسماتلو)
ارسلان- غمضي عينيك وستنشقي الهواء وقولي اي حاجا جاتك فالبال وغادي ترتاحي من جواتك
ايات- بصح
ارسلان- امممم
ايات- واخا غنيت
ارسلان- (تبسم) سمعينا صوتك
ايات-(ستنشقت الهواء وغمضت عينيها وبدات تغني) لا تبكي يا صغيري لا انضر نحو السماء (ارسلان كايشوف فيها بدهول) من قلبك الحريري لا لا تقطع الرجاء ان الامل جهدن عمل والجهد لا يضيع الامل جهدن عمل .. الوان طيف طاهرة قوسا وحبا ناشرة من اين
ارسلان - من قطرات المااااااااء (فتحت عينيها وضحكة وكملو لغنى)
بجوجهوم---تعاونت قطرات في قلبها نبض ملئ بالحياة تماسكة تعاونت كن مثلها.. جهدن امل الوان حيااااااااه
(سالاو لغنا وبدا يضحكو )
ايات - هههههههه حتى نتا حافضها
ارسلان- اه ههههه
ايات- انا عندي مع هاد الاعنية دكريات
ارسلان- امممم واخا سولتك شنو هوما دكريات لي عندك معاها
ايات- كان ديمة خويا ارسلان كايغنيهالي قبل مانعس
ارسلان- (كايقول فنفسو) مايمكنش تكون هاد صدفة كلها لا بزاف .. توحشتيه
ايات- امممم بزاف كانبغيه بزاف ومزالة كانعس معايا دمية لي شراهالي فاش كنت صغيرة مكاتفرقنيش كانشم فيها ريحتو
ارسلان- (كايقول فنفسو لا بزاف على هاد صدف كامل).. كبرتي ومازالة كاتنعسي معاك دمية
ايات- امممم سميتها لالي مانقدرش نعس بلا بيها ابدا والى تلفتلي نحماق
ارسلان- لا مستحيل
ايات- شنو هوا لي مستحيل
ارسلان- سميا ديال ل...ماجا يكملها حتى وقف عليهم ادم بالحصان ديالو
ادم- شنو كاديرو هنا بجوج بيكم فهاد لبلاصا لخاوية (نزل من على الحصان)
ايات- (وقفو بجوج)فقت صبح بكري خرجت ولقيت سي ارسلان كالس وبقينا كاندورو حتى وصلنا لهنا
ارسلان- صافي هادشي لي كاين
ادم- وعلاش مافيقتينيش
ارسلان- انا لي ماخليتهاش
ادم- وعلاش
ايات- مابغيناش نزعجوك على صبح ....
بقاو يتمشاو غير بشوية وادم شاد فايات وارسلان غادي معاهوم وداير يديه موراه وكايشوف من بعيد
ادم- كونت طالع فاليل فدروج او خرجلي جن
ايات- هااااا ايوا وشنو درتي
ادم- قريت عليه طلع البدر علينا ومابغاش يمشي
ايات-هههههههههههههه
ارسلان- كون جربتي يا طيبا
ايات-هههههههههههه
ارسلان- ديما هاكا عندك ضحك فكولشي
ادم- بعدا ماشي معقد بحالك
ايات- شافت لجو غايبدا يتكهرب وتدخلات (داك زرع لي تماك ديالمن)
ارسلان- ديال لمزرعة قتلاتو الحرارة ويبس
ايات- واخا دخلنا ليه
ارسلان- ماشي مشكل دخلي
ادم- لا بلاش تمشي تعضك شي حاجا
ايات - (ماتخافش )جراتهوم من يديهوم (يالاه دخلو معايا)
ارسلان كايشوف فيديها لي شادا فيه وكايضحك وصلو للوسط وكلسو غبرو مابقاوش يبانو بسبب زرع لكبير ماشاء الله
ايات- (نعست على الارض وبجوج دارو شافو فيها وهوما كالسين وهي فوسكهوم) علاش كاتشوفو فيا (جراتهوم بجوج ) نعسو حتى نتوما ( كاتشوف فسماء ) شوفو على منضر شحال رائع فسماء
ارسلان- فعلا رائع سبحان الله الدي خلق السماوات والارض
ادم- (تكا على جنبو جنب ايات وشاف فارسلان مدور راسو
ارسلان- كانحس براسي بحال شي عزول
ايات- لا ماتقولش هاكا راك مونسنا
ادم- امممم بصح
اسماء-(وقفت عليهم ومقلقا) حرام عليكم من صبح وانا نقلب عليكم حتى ضروني رجلي
ارسلان- وعلاش كاتقلبي علينا كون تسنيتينا حتى نجيو ماغاديش نسكنو هنا
اسماء-دابا انا مامزياناش حيت قلبت عليكم
ايات- لا اختي (كحزت ) اجي كلسي حدانا احسن حاجا درتيها منين جيتي دابا عاد كملت الكلسا
اسماء- (كاتشوف فارسلان بحزن) شكرا اختي ايات
ادم- بلا ماتكلسي يالاه نمشيو نفطرو مسارني كايغوتو
اسماء- دربت هاد طريق كاملة باش تقولي نرجعو حرام عليك
ادم- راه كاينين الاحصنة ماغاتمشيش على رجليك
ايات- (وقفت يالاه نمشيو)
ارسلان- (وقف وجر اسماء ركبها على الحصان ديالو)
اسماء- واااااااو صابر شحال ماشفتك
ادم- اجي نركبك
ايات- مكايجريش
ادم- لا ماتخافيش ماغانخليهش يجري (حط يديه على خصرها وطلعها)
ايات- ونتا ماغاطلعش
ادم- بلاش انا غادي نتمشا علا رجلي
وكدالك ارسلان كايتمشى على رجليه حتى وصلو لقاو لفطور واجد فطرو وكلسو
اسماء- غادي نبقاو غير جالسين
ادم- نمشيو لواحد المطعم فلخرجة ديال القرية مطعم راقي بزاف فوسط الغابة نتغداو تماك ونشدو طريق لفاس
ارسلان- فكرة زوينة
ايات- بصح فكرة زوينة
ادم- يالاه احياتي طلعي جمعي حوايجك
ارسلان- حتى نتي ااسماء طلعي جمعي حوايجك
وجدو راسهوم وشدو طريق للمطعم لي مكانش بعيد بزاف وكان تغير واضح على ملامح ارسلان ومابعدش نضراتو على ايات لي كانت ناعسا حيت فاقت بكري وكدالك ادم لاحض التغير على ارسلان ولاكن مابينش وصلو للمطعم ونزلو شدو طاولة فالهواء الطلق
اسماء- ادم منين طحتي على هاد المطعم راقي وزوين بزاف
ادم- شحال من مرا جينالو انا وارسلان
اسماء- اصح احياتي عمرك جبتيني ليه
ارسلان- ايوا هانتي جيتي ليه
اسماء-( جمعت ضحة ) ماشي مشكل
ادم-(جا نادل لعندهوم) شنو تشربو
ارسلان انا قهوة مسوسة
ايات- وانا بغيت ليgلاص
ادم -ونتي اايات
ايات- بحال اسماء
ادم- جوج قهوى مسوسة وجوج ليgلاص
ايات- الجو هنا زوين بزاف
ارسلان- مازال ماشفتي واحد جيها هنا فيها جميع انواع الطيور
ايات- ضروري غادي نضوفها
ادم- اكيد غادي نشوفهوم كاملين ..
اسماء- حياتي بغيت نشوف طيور لي قلتي كاينين هنا
ارسلان- واخا زيدي (ناض وقلبو مع ايات بعدو عليهم غير واحد شويا ولاكن مازالين ايات وادم كايبانواو بوضوح )
اسماء- وااااو شفتي داك طاوس شحال زوين ياااي
ارسلان- اممممم (وكايشوف فايات)
ادم- (شدليها فيدها) كانبغيك
ايات- انا كتر
ادم- لا انا كتر
ايات- قلتليك انا كتر
ادم- من نهار لول مامفاهمينش صافي ابنت الناس تهلاي (جا نايض)
ايات- ههههههه(جراتو كلس) كلس صافي لي بغيتي
ادم ايوا هاكاك كوني تسمعي لهضرا
ااسماء- (شيرت لايات) ايات اجي تشوفي
ايات- اوكي يالاه نمشيو
ادم- اوكييييي
اسماء- شوفي هداك طاوس شحال زوين
ايات- اوووه رائع
ارسلان- اجي تشوفي هنا واحد الببغاء (جرها من يدها)
اسماء- حياتي ما(ضارت مالقاتوش شافت فادم) فين مشاو
ادم-(جاتو الغيرة ومابغاش يبين ) راهوم
اسماء- اه الببغاء (مشات عندهوم)
ادم- هبيلة وغاتبقاي هبيلة طول عمرك
ارسلان- شفتيك كيفاش كايهضر ههههه
ايات- ههههههه سبحان الله
اسماء- يالاه ندخلو لداخل سمعت دايرين الموسيقى
ارسلان- خلينا غير هنا مكاين لاش
ادم- (جر ايات من يديها) حنا غاندخلو يالاه
ايات- يالاهو معانا
اسماء- حبيبة عافاااك
ارسلان- اوكي زيدي
منين دخلو لقاو لي كوبل كايرقص مع بعضياتهوم
اسماء- اااووووه حياتي بغيت نرقص
ارسلان- مكاين لاش
اسماء- صافي هاد لمرا غير سكت (جراتو بزز ودخلاتو للوسط وكانو دايرين موسيقى كلاسيكيا وكل العشاق تتمايل مع نغمات الموسيقى الرمنسية)
ادم- تسمحيلي بهاد رقصا
ايات- ولاكن مكانعرفش
ادم- انا نعلمك ماترفضيش بليز
ايات- اوكي
بداو يرقصو بكل رمنسية وادم متمسك بخصرها وعلى انغام الموسيقة كايتحركو بكل هدوء
مسكها من خصرها وجرها لعندو وبداو يرقصو
ادم- شنو هادشي لي درتي
اسماء- الى قلتلك مليت من مشاعرو الباردة توجاهي
ادم- نتي لي مكاتعرفيش تتصرفي
اسماء- عيت درت اي طريقة ممكنة باش نخليه يبغيني حتى انا انثى وبغيت نحس باراجل لي كانبغيه يكون كايبادلني نفس الشعور
ادم- وشنو الحل فنضرك
اسماء- لاحضت حركاتك مع ايات وماكرهتش كون بغيتك قبل منها كونت غانكون محضوضة بحالها
ادم- شحال قلنا هاد الهضرة شحال بقيت كانحاول معاك باش تبغيني وماديتيهاش فيا
اسماء- كانو مغمضينلي لعينين ماكنتش كانشوف شي حد من غيرو ودابا عاد عرفت بقيمتك وبرجولتك
ادم- مشا الحال تعطلتي
اسماء- وهادشي لي مقلقني ومعصبني كتر
ارسلان- واش عيتي
ايات- لا
ارسلان- كايشوف ليها فعينيها وكايقول فنفسو(نفس النضرات نفس لعيون نفس رموش نفس شفايف ابدا ماتبدلتيش )
ايات- احم امم
ارسلان- بغيتي تقولي شي حاجا
ايات-(كاتقول فنفسها هادي هي لفرصة ديالي ماخصنيش نفلتها) اممم كون بغيت نطلب منك واحط طلب
ارسلان- على راسي وعينيها
ايات- امم كونت بغيت نقولك تشوفلي شي خدمة عندك مليت من لكلاس فدار
ارسلان- على الرحب والسعى فوق مابغيتي اجي لعندي للشركة
ايات- ميرسي بزاف على تفهمك
ارسلان- العفو ممكن تكوني سوكرتيرتي ديالي علاما ترجع سكرتير ديالي
ايات- بصح زعما ممكن نعرفلها انا ماعمري جربت هاد الخدما
ارسلان- ساهلا غير غاتستقبلي المكالامات وتسجلي المواعد وشي حاجات خرين بساطين انا نعلمك اوكي
ايات- اوكي زعما كانتمنى ادم مايعتارضش
ارسلان- انا غادي نقنعو غير تهناي نتي....
ايات- ميرسي. بزاف...
ارسلان- كيفاش حتى تعرفتو على بعضياتكوم
ايات- (تنهدت ) تعرفت عليه قبل مانخرج من دارنا بشي يامات وهوا لي عاوني
ارسلان- فين بضبط
ايات- (حنات راسها ) عيت دبرني طالون بغيت نرتاح
ارسلان- اجي كلسي رتاحي
ادم- كايبانلي طاح ضلام خصنى نشدو طريق
اسماء- انا لي غادي نسوق
ارسلان- الله يرحمنا مسبقا
ادم- صافي مشات
ايات- اسماء مازال باغيا نعيش
ادم- ماتخافيش راها ماهرة فسياقة
اسماء- شفتي لي كايقدرني (قربت لعند ادم وبصوت مغري قالت ميرسي بزاف)
ادم- شاف فايات طلعلها دم وجرها ( يالاه احياتي )
توجهو للسيارة وركب ارسلان هوا واسماء فالقدام وايات وادم لور واسماء لي كانت كاتسوق وصلو اسماء لدارها او وصلو ارسلان للفيلة ديالو وعاد كملو طريق
ادم- مالكي قالبا عليا وجهك
ايات- ماماليش
ادم- غير قولي
ايات- شنو دوك لحركات لي كادير مع اسماء
ادم- هههههه مغيارة ديالي
ايات- ماشي هاكاك ولاكن راه زدتو فيه لي يشوفكوم يقول مزوجين
ادم- اشمن حركات مافهمتش
ايات- فاش كنتي كاترقص معاها كونت حاضياك نتا وياها شنو كنتو كاتقولو
ادم- والو غير هدرا خاوية
ايات- لا مكايبانليش خاوية دوك الحركات والايماءات كونتو قراب لبعضياتكوم بلاصقين واش عرفتي شنو هيا ملاسقين
ادم- واصافي احياتي ماتزيديش فيه
ايات- مانزيدش فيه ياك
ادم- هاحنى وصلنا يالاه نهضرو فدار حسن (خرجت وزدحت الباب بقوة ) غير بشوية مالكي معصبا
ايات- شرف حل الباب
ادم- غير بشوية عليك عنداك تفركعي
ايات- غادي ننفاجر اه غادي ننفاجر على تصرفاتك زينين لا ومقربا ليك وبطريقة مغرية انا حشمت فبلاصتك
ادم- واصااافي
ايات- لموهيم ماتهضرش معايا دبا انا مقلقا منك
ادم- حياتي عافاك
ايات- رجعت هبطت .. غير باش نعلمك انا غدا غانمشي معاك لشركة
ادم- وعلاش بسلاما
ايات- سي ارسلان الله يكتر خيرو طلبت منو يخدمني عندو ومارضهاليش فوجهي
ادم- ااه دابا عاد فهمت درتي هاد سيناريو كامل باش تقوليلي هاد الهضرة
ايات- ماصوقيش فهمها كيف بغيتي انا لامتى غادي نبقى عايشة عالة عليك
ادم-(بصراخ) وشكون قالك نتي عالة عليا
ايات- اه عالة حتى انا بغيت نحس براسي انسانة متحررة وقادرة تعتامد على راسها ماشي تبقى معولا على ناس
ادم- ناس .. ناس ياك .. الله يكتر خيرك هي انا ماشي راجل ياك
ايات- فهمها كيف بغيتي انا ماقولتش هاد الهضرة
ادم-(بصراخ) انا قولتليك انني قادر نوفرليك لي بغيتي نتي غير تشرطي وانا نفد ليك مكانضنش غادي نزيدك شي حاجة كتر من هادي وماتزيديش فيه وماترفعيش عليا صوتك
ايات- (بعد صمت ) لي عندي قلتو
ادم- اوكي ديري لي بغيتي ( خلاها وطلع)
ايات- اوووه ياربي اشنو درت.. لا يستاهل هادوك ماشي حركات طبيعين يستاهل
ادم- فبيتو.... مابغيتيش تفهمي انني خايف عليك ....شنو غاندير دابا (ضرب لفازا تهرسات بالاعصاب وخرج لعندها )
ايات- هاا اشنو هادشي .. عصبتو واقيلا زدت فيه حتى انا.. اااه ياربي .. ماعنديش شي حل اخر من غير انني نخدم معاه وبهاد الطريقة نقدر نفد ليهوم لي بغاو بلا مانجرح مشاعر ديال حتى شي واحد وماغانكونش مضطرة نتقرب من سي ارسلان هاكا حسن .. ماعليك غير تصبر معايا احياتي ماعنديش شي حل اخر
ادم- (وقف فراس ديال دروج وسمعها شنو قالت شافها غاطلع ورجع بسرعة دخل لغرفتو وسد الباب ) دابا عاد فهمت علاش كاتصرفي هاكدا بديتي بتنفيد تعليماتهوم شغاندير شغاندي شغانديييير
"في الصباح"
فاقت صبح بكري ستحمت ولبست احسن ماعندها .. فستان باج لاسق على فورمتها الرشيقة وحد الركبة وسماطيه عراض وكول v وطالون اسود وحقيبة سوداء مشطة شعرها وطلقاتو ماشاء الله على شعرها طويل تعطرت باحسن العطور لي عندها وهبطت لقات ادم كايصوب لفطور وحتى هوا ماشاء الله عليه لابس طقم اسود مع سوميج اسود ومادايرش لكرفاطا وحال جوج صدفات شافها وماهضرش معاها
ايات- صبح الخير
ادم- لا رد
ايات- غاجي نمشي معاك ولا نشد طاكسي
ادم-(هز كاس دلقهوة وخرج) سربي فطري
ايات- ماجاوبتينيش
ادم- غادي نتسناك فسيارة..
من اول ما تلاقينا انا وياك .. في شي غريب
غير عمري .. وصار يحلي ايامي
ما عاد عيوني يشوفو .. غيرك ادامي
فجأه ياللي حسيته .. اكبر من اللي لاقيته
وتحقق ياللي حلمته من زمان
غالي عليي .. غمرني وخدني لعيونك
ما عاد فيي .. عيش دقيقه من دونك
غالي عليي .. غالي عليي
آه قرب ليي .. لا تحرمني من حبك
خاف عليي .. احميني واتركني بقربك
قرب ليي .. قرب ليي
ما تصورت بحياتي في انسان .. لو مين ما كان
تقدر كلمه منو تسهرني ليالي
ولما يبعد يبقى .. صوته ببالي
فجأه ياللي حسيته .. اكبر من اللي لاقيته
وتحقق ياللي حلمته من زمان
ادم-(ركبو فسيارة ) نوصيك من دابا ماتيقي فحتا واحد فديك شركة
ايات- علاش
ادم- هاكاك في منهوم عينيه زايغا وفي منهوم متكبرين خاصك تتعلمي تعاملي مع كل واحد فيهم باسلوبو واهم حاجا نتي سكرتيرة ديال ارسلان ماشي ديال فلتان وعلان
ايات- كيفاش فلتان وعلان
ادم- يقدر يجي عندك شي واحد ويقولك اجي عندي لمكتب محتاجك ولا اجي عاونيني خاصك ترفضي بحال هاد النمادج
ايات- شنو نسميو هادشي
ادم- غيرة منحقي نغار عليك
ايات- ماتحتاجش توصيني عاشرت ناس اسوء وابشع ماغاديش يأثرو فيا هاد فلتان وعلان ديالك
ادم-ايوا هاكا نبغيك (وصلو)
ايات- واااو
ادم- مازال ماشفتي والو حتى دخلي
ايات- هههه باينا فيها شركة راقية
ادم- اكيييد
دخلو بجوج وكاع نضرات عليهم وكاع الموضفين كايسلمو على ادم
ايات- اممم عندك شعبية كبيرة هنا علاما كايبانلي
ادم- اكيد لانني عندي نسبة مهمة من الاسهم فهاد الشركة
ايات- امم فهمت
ادم- (وقف لاسانسور ) تفضلي
ايات- شكرا .. بغيت نعرف واش خاصني نتعامل معاك بطريقة رسمية بما اننا فوصط الخدمة
ادم- هههههه كاتعجبيني بتفكيرك .. وي خاصنا نتعاملو بطريقة رسمية ماشي غير معايا حتى مع ارسلان نتي هنا موضفتو ماشي صديقتو وبرا عاد تصرفي بشكل طبيعي اوكي
ايات- اممم اوكي فهمت (خرجو من لاسانسور )
ادم- يالاه نوريك لمكتب ديالو فين جا .....(تمشاو حتى للمكتب) هادا هوا ولمكتب دايالي ملاسق معاه الى حتاجيتيني غادي تلقايني هنا
ايات- اوكي هادا هو المكتب ديالي
ادم- بضبط بلاتي نشوف واش ارسلان لداخل (دق فلباب ودخل ) صبح الخير
ارسلان- صبح النور
ادم- ايات تفضلي
ارسلان-غير سمع ايا وقف.. مرحبا بيك
ايات- (تبسمت) ميرسي مسيو ارسلان
ارسلان- (ستغرب من ديك مسيو ) العفو تفضلي شنو تشربي
ايات- بما انني انا سكرتيرة انا لي غانطلب ليكم شنو تشربو
ادم- مادموزيل قهوتي لي مولف راكي عارفاها
ايات- اكيد ونتا امسيو ارسلان
ارسلان- قهوة مسوسة الى سمحتي
ايات- امممم وكيفاش غاندير نطلبهالكوم
ارسلان- ههههه اجي نوريك
ايات- غير صبر معايا علاما نتعلم
ادم- اوكي نخليكم انا عندي مانقضي
ارسلان- اوكي باي.. اجي معايا امدموزيل .. هدا هوا لمكتب ديالك غادي نصوني عليك والى طلبت منك شي حاجا بحال لقهوة غادي تبركي على هادي وغادي يجاوبك سي سعيد .. سي سعيد قهوتي او شنو تشربي..
ايات- كاس دلما
ارسلان- قهوة وكاس دلما
سعيد- واخا سي ارسلان
ارسلان- شفتي ساهلا
ايات- بصح
ارسلان- والى جا شي حد بغا يدخل ماتخليهش حتى تصوني عليا ونقوليك دخليه وماتخرجيش حتى تشوفي شنو بغا يشرب لي جا عندي واهم حاجا مايكونش من الموضفين الان الموضفين مغايشربو والو غادي يمشيو لخدمتهوم يعني لي غاتسوليه يكون شي زبون او شي حاجة بحال هاكا
ايات- فهمت
سعيد (كايدق فلباب)
ارسلان- تفضل
سعيد - بونجوغ قهوتك
ارسلان- ميرسي هادي سكرتير جديدة سميتها ايات
سعيد- متشرفين امدموزيل
ايات- شرف كولو ليا
ارسلان- تقدر تمشي ابا سعيد
ايات- تلفون كايصوني
ارسلان- جاوبي
ايات- وي الو نيوجرسي القابضة بونجوغ .. وي سيدي .. شنو الاسم.. واخا نشوف فدفتر المواعيد .. ممكن تجي غدا مع 11 .. العفو اسيدي .. ميرسي (قطعات) اووووووه كيف جيتك
ارسلان- (كايصفق) برافووووو عليك دغيا كاتعلمي
ايات- كانتمنى نكون عند حسن الضن
ارسلان- اكيد (قلب وجهو) دابا جا وقت الجد.. مادخليش لعندي الى مكانتش شي حاجا ضرورية ومنين نقولك مابغيتش ازعاج مانبغيش نسمع حس نملا فهمتي
ايات-(تصدمات من النبرة ديال صوتو الحادو) .. فهمت (دخل وسد الباب)
ايات- هدا مالو دغيا تقلب عليا.. (تلفون كايصوني) وي الو نيو جرسي القابضة بونجوغ
ارسلان- جيبيلي قهوتي وهادي نمرة ديال المكتب بلا ماتقولي ديك الجملة طويلة
ايات- اوكي مسيو(هزت القهوت ودقت فالباب)
ارسلان- (كايشوف فلوراق حطت هي لقهوة على المكتب وماكلفش راسو يشوف فيها ) تقدري تمشي
ايات- اوكي مسيو (خرجت وسدت الباب وقلبها كايزدح) سبحان مبدل الاحوال (تلفون كايصوني وهاد لمرة شافت نمرة) وي مسيو
ارسلان- (حابس ضحكة) طلبيلي قهوة اخرى هادي بردات
ايات- اوكي مسيو .. (طلبتليه قهوة ودقت فالباب)
ارسلان- دخل
ايات- (حطت القهوة ) تبغي شي حاجا اخري
ارسلان- طلع وهبط فيها .. تقدري تمشي
ايات- اوكي باغدون (خرجت ) غادي نتاقلم مع الوقت اكيد (صونا تلفون) وي مسيو
ارسلان- شنو عندي ليوم
ايات- شنو عندك
ارسلان- شوفي دفتر المواعيد
ايات- اااه باغدون .. واحم اااممممم اااااه عندك جتماع مع 2 مع وكلاء شركة الغفران
ارسلان- اوكي وجدي قاعت الاجتما
ايات- سمحلي ولاكن ماعرفتش فين جات
ارسلان- ااه نسيت (قطع عليها وخرج) اجي نوريك فين هي (تمشاو حتى وصلو للقاعة) هاهي
ايات- اوكي وشنو لمطلوب مني ندير
ارسلان- غادي تنضمي لكراسا وتحطي لمكرفونات وتحطي قراعي دلماء صغار وقلم او ورقة فكل مقعد
ايات- فهمت ولاكن منين غانجيب هادشي لي قلتيلي
ارسلان- داك لبلاكار صغير غاتلقاي فيه كلشي اوطي
ايات- اوكي(خلاها وخرج) هدا مالو عاد البارح كان كايرقص معايا ودابا داير عليا معلم
ادم- (دخل عندها)مال لغزالة ديالي مقلقة
ايات- احم مامقلقاش
ادم- متئكدا
ايات- اه متئكدا ....وتعامل معايا برسميا مادموزيل ايات الى سمحتي
ادم- اووووه كاتبانيلي دغيا تاقلمتي وانا لي كنت حاكرك
ايات- كيفاش حاكرني .. ايوا ياسيدي العود لي تحكرو يعميك
ادم - يااااااك مابقيناش نقدرو نهضرو معاك .. سمحيلي انا غادي (خرج )
ايات- احسن .. قالك حاكرني علاش شنو ناقصني.. اويلى ياكما تعديت من ارسلان .. احم هادي هي الخدمة مانعقل على حتى واحد....
رجعات ايات لمكتبها بعدما نفدت داكشي لي قالها ارسلان كان يحسابها داكشي ساهل ساعة مع من طحتي
اسماء- (دخلت) هااا شكون كانشوف ايات
ايات- مرحبا
اسماء- واش وليتي خداما هنا
ايات- وي مؤقتا
اسماء- على العموم مرحبا بيك معانا
ايات- ميرسي ( شافتها دخلت وقلبها بغا يسكت تبعتها ولقات ارسلان محمر فيها )
ارسلان- مادموزيل ايات شنو قلنا قبل
ايات- كانعتادر ولاكن
ارسلان- مكاين لا ولاكن تعليمات كاتمشى على كلشي
اسماء- ايات تقدري تمشي
ارسلان- واش قلتليك خرجي
ايات- ولاكن
اسماء- (تبسماتلها بادب) تقدري تخرجي
ارسلان- بقاي
اسماء- خرجي
ارسلان- بقاي
اسماء-خرجي
ايات- صافي باراكا(سكتو بجوج) (وتنهدت) انا غادي نخرج والى حتاجيتي شي حاجة اااامسيو ارسلان عيطلي
ارسلان- ولاك.. (زدحت الباب بجهد)
ايات- هادو باغين يحمقوني واقيلة
اسماء- علاش كادير بحال هاد التصرفات
ارسلان- هاد لمكتب للخدمة ماشي للقائات الغرامية فهمتي
اسماء- فهمت وعارفا وماجيتش باش نصدعك جبتلك هاد الملف عاد وصل دابا (حطاتو وخرجات)
ايات- اسماء واش نتي بيخير
اسماء- (دمعة واقفالها فعينيها) اه انا بيخير عندي شي خدمة غادي نمشي
وصل وقت الغداء وكلشي تجمع فالمطعم وايات هازا صينية وكاتقلب فين تكلس وهي تسمع صوت قالها كلسي ضارت تشوف لقاتو ارسلان
ارسلان- كلسي هنا
ايات- (كاتعاملو بنفس طريقتو المتعجرفة ) ميرسي مسيو
ارسلان- (كياكل وماطلعش فيها شوفة ) كيف جاك اول يوم فالخدمة
ايات- كي زفت
ارسلان- كيفاش
ايات- زوين زوين
ارسلان- اااه
ايات- (بصوت خافت)متعجرف
ارسلان- قولتي شي حاجا
ايات- قولتليك لماكلة لديدة
ادم- (كلس حداهوم) ماتكونش بحال طيابك اااامدموزيل ايات
ايات- (رتاحت منين شافتو وضحكات) من قبيلة وانا نتسناك ماخرجتيش
ادم- كانت عندي شي خدمة مزروبة هدا لاش تعطلت
ارسلان- (حاني راسو وكاياكول)شوف كيف دير وحاول تقنع سي حميد يبيع لينا الاسهم ديالو
ادم- راني خدام على هاد الموضوع
ارسلان- مزيان .. شبعت بصحتكوم (هز صينية ديالو وخرج)
ايات- مكانش يحسابلي صاحبك متعجرف هاكا
ادم- ههههههههه هادشي لي كاتشوفي غير مضاهر باش الموضفين يحتارموه
ايات- داكشي لي قلت حتى انا حيت غير لبارح كان ضريف واليوم تقلب تسعين فلمية
ادم- ايوا شفتي قولتليك بلاش عليك من شي خدمة
ايات- بدينا عاود
ادم- صافي صافي
ايات- واش حتى نتا غاتحضر للاجتماع مع 2
ادم - اه ضروري واحد لمصاخط عينا معاهوم يبيعولنا الاسهم ديالهوم وتكول واش بغاو وانا غانحاول نقنعهوم باي طريقة فهاد الاجتماع
ايات- اممم فهمت .. شبعت غادي نطلع للمكتب لا يجري عليا صاحبك
ادم- ههههههه غير صبري ماعندك ماديري
"في منزل مليكة"
الحاجة- كيف بقيتي دابا اولدي باش كاتحس
اسماعيل- الحمد لله الحاجة يوماين ونكون مزيان
الحاجة- مزيان بغيتك تصح دغية مازال عندك شلا شغالات واولهوم هداك ادم غادي تشوف شي طريقة باش تتخلص منو
اسماعيل- غير بلاتي عليه الحاجة غادي نردلو الصاع صاعين ولاكن ماشي دابا حتى نبرا
الحاجة- هكا نبغيك ونعم الرجل مايسمحش فحقو ابدا
مليكة- وجدتليك شوربة تعوط باش تاكل
اسماعيل- قهرتيني بصوبا ماكاتعرفيش طيبي شي حاجا اخرى
مليكة- هاد صوبا راها صحية وغادي تعاونك باش تبرى
الحاجة- يالاه نخرجو خليه يرتاح(جراتها لبرا) فين وصلت ديك شنيولة ديال بنتك
مليكة- هضرت معاها مريم وقالتلها اليوم غادي تبدا لخما فشركة ديال سي ارسلان
الحاجة-ماعنديش غرض بشركة لان بوشتا غايكون مخبي اوراقو ولعقد فدارو ماشي فشركة
مليكة- البنت راها دايرا لي فجهدها وبشوية بشوية غادي تكسب ثيقتو وماشي بعيد يطلب يتزوجها ههههه
الحاجة- كاضحكي مزينك عقلك خاوي
مليكة-(جمعة ضحكة) هداك سيهوم ادم هوا لي معكس لينا هاد المهمة كون مكانش مون راها دابا فنصف دارو كالك كايبغيها وباغي يتزوج بيها
الحاجة- خليه يحلم منين يبقا عايش داكساع يتزوجها ههههههه
مليكة- عندك شي خطة
الحاجة- شلا خوطط ...
"في المكتب"
ارسلان-(ايات اجي محتاجك)
ايات- مادموزيل ايات الى سمحتي امسيو
ارسلان- احم ....سربي محتاجك اااااامادموزيل
ايات- اوكي(دقت فالباب)
ارسلان- دخل
ايات- تئمرني بشي حاجا
ارسلان- (قالها بحدة) جيبيلي لملف ديال موضوع الاجتماع
ايات- مسيو .. ممكن توريني فين هوا
ارسلان- (نعتليها بيديه) راه
ايات-( شافت فصبعو وشافت فلخزانة) شنو العنوان ديالو
ارسلان- غاتلقاي فيه تاريخ ديال اليوم
ايات- اه هاهوا (عطاتولو) تئمرني بشي حاجا ثانيا
ارسلان- تقدري تمشي
ايات-ممكن تتصرف معايا بشكل طبيعي لان طريقتك ماعجبتنيش
ارسلان- مادموزيل ايات حنى فالخدما ولازم يكونو بعض الحدود بيناتنا
ايات- اممم متفقة معاك ولاكن راه ممكن تطلب الحاجة بهدوء ماتخلينيش نندم حيت طلبت منك تخدمني عندك كان ممكن البارح ترفض طلبي الى مابغيتينيش
ارسلان- احم لا بلعكس انا لي خاصني نشكرك حيت كاتعاونيني علاما ترجع سكرتيرتي
ايات- ادن ممكن تعاملني بهدوء لان هاد الجو انا مامتعوداش عليه
ارسلان- كانعتادر
ايات- (شافت فساعة ) دابا جا وقت الاجتماع واش خاصني ندير شي حاجة
ارسلان- اه غادي تجيبيلي هاد الملف وتمشي معايا حيت ممكن نحتاج فلقاعة
ايات- اوكي .. (خرجات )
ارسلان- اوووف حتى انا زدت فيه
داز داك الاجتماع ممل بنسبة لايات وكانت محلياها بعض النضرات ادم وبتسماتو لايات وهي كدالك كانت معجبة بطريقتو فالكلام نضرات متبادلة وابتسامات بين العشاق ونضرات ارسلان فيهم وهوما كايتغزلو فبعضياتهوم غير بالعينين سالا الاجتماع وخرج ارسلان وبقاى غير ايات وادم فالقاعة
ادم- كيف جيتك
ايات- راااااائع كتاشفت فيك جانب اخر من شخصيتك
ادم- ههههه اشنو بانليك نوريك هداك الجانب لاخور من شخصيتي
ايات- مابقيتيش تحشم ههههه يالاه غادي نمشي
ادم- نطلاقاو مع ربعة عارض عليك بمناسبة فوزي فالاجتماع
ايات- اوكي (تبسماتلو وخرجات ومع ضورة دخلت فارسلان) احم سمحلي ماشفتكش
ارسلان- مصدوم وهوا كايشوف فيها وهوما متلاسقين .. احم.. ااام علاش ماخرجتيش منين شفتيني خرجت
ايات- ااه سمحلي شدني ادم بالهدرة
ارسلان- دوك نضرات والابتسامات فوسط الاجتماع مابغيتش نشوفهوم لمرا جايا
ايات- علاش كونتي حاضيني
ارسلان- احم احم ,...لا اصلان نتوما كاتلفتو النضر بدوك شوفات كولشي نتابهليكوم هاد الشركة للخدمة ماشي للغرام واضح
ايات- واضح.. (خلاتو ومشات لمكتبها )
ارسلان-(تبعها) محتاجك مع ربعة ماتخرجيش حتى نقولهالك
ايات- ولاكن(ماخلاهاش تكمل هدرتها ودخل لمكتبو)
ارسلان- (كايهضر مع راسو) خداما معايا ماشي معاه باش يعرض عليها فوقت الخدمة هضرتي لي غاتمشي هنا
"ومع الرابعة جا عندها ادم"
ادم- واجدا
ايات- مايمكنش نمشي معاك
ادم- وعلاش
ايات- مسيو ارسلان محتاجني
ادم- مايمكنش .. غادي نهضر معاه (دخل عندو)
ارسلان- صافي غاتمشي
ادم- اه وبغيت ندي معايا ايات
ارسلان- لا مايمكنش محتاجها تمشي معايا للمصنع
ادم- اااوف اجل هاد المشية
ارسلان- مايمكنش نئجلها.. وحتى نتا ماتخرجش دابا غاتمشي مع اسماء باش تشوفو شي مصمم لي غايديرلينا العرض جاي
ادم- ناري شحال ممل اصاحبي ..
مصعب- مسيو ادم
ارسلان- مسيو مصعب فرصة سعيدة هادي
مصعب - اكيد توحشنا نشوفو وجهك (شاف فايا واقفا حداه) هادي سكرتيرة ديالك
ارسلان- (لاحض نضراتو) اممممم
مصعب- مادموزيل صافا نعرفك على راسي انا مصعب صاحب شرك.. (قاطعاتو)
ايات- متشرفين وانا ايات ..
مصعب- نتي لي تاصلتي بيا
ايات- وي مسيو
مصعب- غير من صوتك عجبتيني ومنين شفتك زدتي عجبتيني
ايات- (شافت فارسلان مخنزر فيها وضد فيه بتاسماتلو) شكرا مسيو مصعب على المجاملة
مصعب- بلعكش ماشي مجاملة هدا واقع وجمالك سحرني من اول نضرة
ارسلان- (طلعلو دم) فين وصلتي اسي مصعب فلمهمة ديالك
مصعب- لخدما غاديا مزيانة وشركتي كاتطمح باش تجدد العقد شركتكوم المحترمة
(نوصف ليكم مصعب .. شاب عندو 35 سنة جمييييل وراقي طويل واسمر وعينيه عسلين وجمالو تركي تقول ازيل محطوط هههههه) بقاو كايدورو فالمصنع ويشوفو لمنتوجات ديالهوم لي كانت عبارة عن احدية نسائية راقية ولجو ماخلاش من نضرات مصعب لايات وماخلا حتى كلمة زوينة مقالهاش ههههه واخيرا سالاو وخرجو
مصعب- كانتمنى نرجع نشوفك امدموزيل ايات فاقرب وقت
ايات- تبسمات.. انشاء الله تشرفت بمعرفتك
مصعب- سلم عليها باليد وكايدور فعينيه.. ولي كامل الشرف
ارسلان- حيدليه يديه وسلم عليه هوا .. بسلاما عليك اسي مصعب
مصعب- بسلاما
ارسلان-(حل ليها باب سيارة).. تفضلي
ايات- ميرسي
ارسلان شاف فمصعب لي كان كايشير بيديه لايات وكسيرا بجهد خلا لغبرا نايضا موراه
ايات- مسيو خفض السرعة شوية الى سمحتي
ارسلان- ماداهاش فيها
ايات- ارسلان حنا دابا ماشي فشركة تعامل معايا باحترام
ارسلان- وقف سارة فجنب طريق بواحد السرعة ومكايشوفش فيها.. هاني وقفتها تبغي تصوكي نتي باش ترتاحي كترذ
ايات- (خرجت من سيارة وتنفسة الهواء) الله ياربي هدا مالو عندو 7 دلوجوه
ارسلان- راني سمعتك
ايات- (ضارت لقاتو موراها).. ممكن تقولي علاش كاتصرف معايا هاكا
ارسلان- من قبيلة وهوا يتغزل فيك ونتي فرحانا وعاجبك الحال
ايات- ومن بعد ونتا مالك كايتغزل في انا ماشي انت
ارسلان- انا كانبغي الاحترام
ايات- وحتى انا محتارماك ومافهمتش علاش طلعليك دم
ارسلان- واقيلة راكي نسيتي راسك مخطوبة وكون كان ادم هنا مكانش غايعجبو الحال
ايات- اوكي تقدر تقولهالو وخليني مني ليه ومادخلش فشؤوني كيفما مكاندخلش فشؤونك
ارسلان- اوكي سمحيلي (خلاتو ودخلت لسيارة ) اااوف وانا مالي اصلا علاش منين شفتو كايغازلها ماتقبلتهاش خاصني نتعلم ندخل صوق راسي (حتى هوا ركب فسيارة ونطالقو)
ايات- فين غادين دابا
ارسلان- سالينا لخدما فين بغيتيني نوصلك
ايات- ادن وقفني هنا غادي نشد طاكسي ( وقف جنب طريق نزلت وزاد وخلاها )..
ارسلان- اش درت ياربي نرجع نهزها ( رجه عندها لقاها مازالة واقفة كاتسنا طاكسي حل لباب) ركبي
ايات- ماداتهاش فيه وكاتشير لطاكسي
ارسلان- قلتليك ركبي مكاتسمعيش
ايات- ياك سالينا الخدمة ادن توكل على الله وسير فطريقك
ارسلان- ماتختابريش صبري
ايات- وحتى نتا ماتختابرش صبري (شافت طاكسي وقفاتو) طاكسي (ركبت وخلاتو واقف كايشوف )
ارسلان- (ادم كايصوني عليه) الو
ادم- الى حداك ايات قولها تشعل تلفونها
ارسلان- (كايقول فنفشو شغانقولو دابا) احم .. اااام مشات
ادم- كيفاش بوحدها
ارسلان- بغيت نوصلها ومابغاتش شدت طاكسي ومشات
ادم- ماعرفتيش فين
ارسلان- لا مقالتليش
ادم- (بصراخ) مكانش عليك تخليها تمشي بوحدها
ارسلان- علاش راها كبيرة وقادا براسها
ادم- نتا راك مافاهم والو
ارسلان- ايوا فهمني
ادم- ماعندك ماتفهم سير تبعها
ارسلان- (قطع عليه ) فين غاتكون دابا دخل لسيارة ونطالق بسرعة وطاكسي لي شافو كايوقفو ومالقاهاش حتى لمح سائق لي وصلها واقف كايتسنا لبلايص .. (فين هي)
السائق - شكون
ارسلان- البنت لي ركبت معاك عاد دابا
اسائق - ااه حطيتها فجردا لي لفوق
ارسلان- (مشا كايجري حتى وصل ولمحها كالسا مع بنت) .. اوووف لحمد لله
مريم- هادشي لي كاين
ايات- ياك بغاوني نبقا قريبا ليه وهاني درت لي بغاو
مريم- مكافيش باغينك دخلي تعيشي معاه فدار
ايات- وعلاش مصرين على دار بضبط
مريم- سمعيني سي بوشتا غايكون مخبي اوراكقو وفلوسو وكل مكايملك فدارو وزيد عليها عندو عقد من مرصع بالالماس وعقد ديال زمرد والعديد ديال الاحجار الكريمة وكل وحدا منهوم كاتفوق 500 مليون للفوق فهمتي دابا وهوما باغينك تجيبيلهوم المجوهرات والملفات
ايات- زعما هاد سي بوشتا مكلخ حتى لهاد الدرجة غايخط هادشي فدارو
مريم -هوما كايقولو بلي متئكدين
ايات- وكيفاش عرفوها
مريم- ماعرفتش هادوك توقعي منهوم كلشي
ارسلان- ايات
ايات- (تصدمات فاش سمعت صوتو وقالت لمريم سيري وماضوريش موراك وداكشي لي دارت مريم غطات وجهها بلفولار ديالها وهربات بسرعة .. وعاد ضارت عندو)
ارسلان- تاصل بيا ادم وقالي نقلب عليك
ايات- وعلاش
ادم- خاف عليك
ايات-وعلاش ماتاصلش بيا انا
ارسلان- تلفونك مطفي
ايات- اه نسيتو من الاجتماع وهوا طافي .. انا غانمشي لدار دابا
ارسلان- شكون هاديك لي كانت معاك
ايات- وفاش كايهمك الامر
ارسلان- غي سولت
ايات- هاديك صديقتي
ارسلان- وعلاش غير شافتني هربات
ايات- هي اصلان كانت غاديا بحالها
ارسلان- امممم يالاه نوصلك
ايات- ماتعدبش راسك غادي نتمشى شوية ومنين نعيا غانشد طاكسي بحال قبيلة تقدر تمشي فحالك
ارسلان- ادن حتى انا غانتمشا معاك
ايات- صبر ياربي صبر
ارسلان- قولتي شي حاجا
ايات- والو
ايات- واش ادم لي عيطليك
ارسلان- اه كايطمن عليك وقالك شعلي تلفون
ايات- اه ماعرفت مالي مع هاد تلفون هاد النهار
ارسلان- بما اننا مكاينسنش فشركة خلينا نتصرفو بشكل طبيعي
ايات- ماعرفتش كيفاش غانتصرف معاك والله حيرتيني
ارسلان- تبغي تسمعي حكايتي
ايات- لي بغيتي
ارسلان- انا حليت عيني فلخيرية
ايات- الخيرية
ارسلان- اه لخيرية عشت فيها حتى درت 16 لسنة
ايات- يعني نتا ماشي ولد سي بوشتا
ارسلان- لا ولدو.... كانو وقاعو شي مشاكل فداك الوقت وخطفوني فاش يالاه تزاديت وحطوني فالخيرية وحتى درت 16 لسنة عاد تعرفت على الاب ديالي الحقيقي وسافرت معاه لامريكة وتما تعرفت على ادم كانو وليديه متوفين ليه والاب ديالي هوا لي تكفل بيه وعشنا انا وياه بحال لخوت كملنا قرايتنا تماك ومن بعد عاد دخلنا للمغرب
ايات- (قالت فنفسها...حتى لمديرة قالتلي ان ارسلان مشا لامريكة يعني ممكن .. لا لا مايمكنش)
ارسلان- فاش كاتفكري
ايات- والو غير كانتصنتليك ايوا كمل
ارسلان- وكانت عندي واحد ختي سميتها ايا..
ادم- (نزل من سيارة ) ايات ركبي
ايات- باش عرفتيني هنا
ادم- جي بي اس لي فتلفونك
ايات- هدا لاش طلبتي مني نشعلو
ارسلان- ماتخافش راني لقيتها كالسا فجردة مع صاحبتها
ادم- شكون هاد صاحبتك
ايات- اممم أأ مريم
ادم- (تعصب فاش سمع مريم) طلعي
ايات-ادم بلا ماتغوت
ادم- طلعي وغانهضرو من بعد
ارسلان- (جرو لبعيد)تهدن اصاحبي ماوقع والو
ادم- خليتها معاك نلقاها معاك ماتخليهاش تتمشى بوحدها
ارسلان- نتا مخبي عليا شي حاجا
ادم- اه وبلا ماتحاول تسولني حيت مغانقولكش وبما انها سكرتيرتك فهي مسؤليتك مفروض عليك ترد البال عليها منين مانكونش انا
ارسلان- ماتزيدش فيه لبنت راها كبيرة ومن حقها تمشي فينما بغات
ادم- نتا راك ماعارف والو
ارسلان- واش شي حد مترصد ليها
ادم- بحال هكاك
ارسلان- شكون
ادم- مكاين لاش تعرف اهم حاجا ماتخليهاش تتمشا بوحدها مرا اخرى
ارسلان- اوكي كانعتادر
ادم- ركب نوصلك
ارسلان- بلاش غانجيب سيارتي
ادم- لي بغيتي(ركب فسيارة وزاد وخلاه واقف كايشوف)
ارسلان- علاش ادم كاتجي غير فلاوقات زوينة وكاتخصرلي كولشي .....
ادم- علاش طلاقيتي مع ديك البنت
ايات- طلاقيتها غير بصدفة
ادم- متئكدا ياكما قالتليك تمشي معاها عند شي كليان
ايات- عاود شنو قلتي
ادم-(بصراخ) ماتحاوليش تعصبني
ايات- هي انا هادشي لي نسوا عندك
ادم- ماقولتش هاكا ولاكن مافهمتش علاش طلاقيتي معاها
ايات- عيطاتلي بغات تسلف من عندي لفلوس
ادم- كاتكدبي
ايات- اه كانكدب وماشي صوقك معامن مشيت ومعامن طلاقيت
ادم- برافو برافوووو
ايات- نتا كون كانت عندك تيقا فيا ماتقولش ديك الهضرة
ادم- اوكي سمحيلي كونت معصب
ايات- هدا ماشي سبب لي يخليك تهيني بهاد طريقة لكليان ياك نا كونتي اول كليان عندي اشريف الى نسيتي
ادم- صافي احياتي تهدني
ايات- مكانش يحسابني نتا هكا
ادم- كانعتادر منك راه من خوفي عليك كانتصرف هاكا مابغيتش شي حد يستغلك
ايات- الله يكتر خيرك وحتى دابا مازال مادرنا فطاجين مايتحرق كونتي غاتبقى تشك فيا فكل مرا نوقفو هنا
ادم- صافي قفلي على هاد لموضوع وعمرك دكريلي لفراق حيت ماغانتفرقش عليك حتى نموت كاتسمعي
ايات- لارد
داز داك نهار مكهرب عند كولشي تقريبا ادم وايات ماهضروش كاع داك ليلة واسماء غضبانة على ارسلان وارسلان معصب حيت ادم ماخلاهش يكمل هضرتو كون راها دابا عرفاتو وسي مصعب بايت كايحلم بايات سحراتو من النضرة الاولى
"في الغد"
ارسلان- مدموزيل اجي بغيتك
ايات- اوكي مسيو
ارسلان- تفضلي
ايات- وي مسيو بغيتي شي حاجا
ارسلان- خصك تجيبي لوراق ديالك باش توصلك لخلصة فلول دشهر
ايات- اه اوكي قالهالي ادم وغادي نجمعهوم
ارسلان- اوكي (دقان فلباب) تفضل
با سعيد- بنتي جاك هاد لبوكي دلورد مالقيتكش فمكتبك قولت غاتكوني هنا
ايات- هاد لورد لي انا
با سعيد- اه مكتوب عليها سميتك (مدولها)
ايات- شافت سميا تصدمت (وهوا يدخل ادم)
ادم- اوووه لورد ارسلان ولاو عندك المعجبين اري نشوف شكون
ايات- (شافت سميا وتصدمت) لا بلاش
ادم- خطفولها....الى اجمل فتاة التي سحرتنى من النضرة الاولى تحياتي لكي مصعب
ايات- بلاتي غير نفهمك
ادم- شكون هاد مصعب
ايات- ااا .. اممم احم
ارسلان- واحد لمعفجن
ايات- (كاتغمزو باش يسكت) هدا مصعب صاحب لي مشينا عندو لبارح للمصنع
ادم- عطيني نمرتو
ايات- ماعنديش
ارسلان- هاك هاهي
ادم- غادي نتفاهم مع طاسيلتو (خرج)
ايات- اداااام.. علاش عطيتيه نمرة
ارسلان- نتي لي قلتيلي لبارح خليني منو ليه
ايات- والله حتى حرام عليك
ارسلان- خليه باش يعرف حدودو
ايات- ياربي تصبرني ياربي (تبعاتو) اداااام بلاتي
ادم- شنو شنو بغيتي
ايات- غير بشوية غادي تشوهنا انا شفتو لبارح فلمصنع مايحسابنيش غاتوصل بيه للورد
ادم- كون ماعطيتيهش لوقت مكانش غايتجرء
ايات- عاوتاني شك عاوتاني
ادم- سيري لخدمتك وانا غانربي طاسيلتو .. (جبد تلفون وكايصوني عليه) الو .. هوا انا .. فين راك .. خليك ماتحركش هانا جاي عندك ..
ايات- ماديرش شي حاجا تندم عليها هداك راه مكايعنيلي والو
ادم- سيري لخدمتك (خلاها ومشا)$
اللقيطة الجزء الخامس
محتوى القصة
"في المطعم"
ادم- اش كاديري
ايات- سيلفي ضحك ...واضحااااك
ادم- هممممم سمايل
ايات- ضحك عاود
ادم- واصافي صوتي 600 سيلفي خليني ناكول
ايات- بلاتي ماتاكلش حتى نصور
ادم- ساليتي
ايات- صافي شوف فيا نصورك ونتا كتاكل
ادم- اللهم طولك ياروح .. ودابا واخا ناكل
ايات- اوكي فين غاتساريني ليوم
ادم- عادي نضورك هنا شويا وفليل نشدو طريق لاصيلة
ايات- مازال مطارتش مني دوخة ديال طريق
ادم- واعندنا غير 4 ايام خلينا نستاغلوها نمشيو فلوتروط ساعة ونصف اوكي
ايات - اوكي صافي
دوزو داك نهار ولا في الاحلام ضارو كلاو تصورو ستمتعو بوقتهوم وطبعا روح المرحة وضحوكة مفارقتش ادم لي لاول مرا غايضحك من كل قلبو ولقى راحتو لي فقدها من زمان وسبب هي ايات ولا كايموت ليها وكدالك ايات فرحات وستمتعات ومانساتش سيلفي لي مبليا بيه كل بنت فهاد الوقت وحتا هي كدالك كان كايراودها احساس من جيهت ادم وكاتخبي هي تخبي وهوا يخبي وحنا نتفرجو هههههه .. دوزو نهار فشفشاون ونهار فاصيلة ويوماين فطانجة وجا لوقت باش يرجعو
"في الصباح"
ادم- (كايدق فالباب) طق طق
ايات- دخل ادم
ادم- ساليتي يالاه نمشيو بحرا نرتاحو راكي عارفا شنو تابعنا غدا
ايات- اه فهمت انا اصلا حوايجي مجموعين الى بغيتي حتى دابا نمشيو
ادم - اوكي يالاه
ايت- ادم مالك كاتبانلي مبدل
ادم- (كايقول فنفسو) غدا لحفلا وكيف غاندير نخليها ماتقابلش مع ارسلان مايمكنش نخليهالو
ايات- ادم .. ادم
ادم- هممم وي
ايات- واش نتا بيخير
ادم-(تبسم) هممم بيخير اري نهز شانطا (هزها وخرج)
ايات- هدا مالو تقلب عاود
نزلو وركبو وشدو طريق .. وطريق كاملة وادم غير ساكت ويخمم شغايدير ماجاتوش يقولها بلا ماتمشي معايا بعدما شرالها لملابس ديال الحفلة او قالها ترافقو كيف غايدير..
وصلو لدار وكل واحد دخل لبيتو اما ادم فلحمام كايدوش باش يرتاح من تعب الطريق
ادم- كيف غاندير نقولها ماتمشيش ماجاتش .. مانمشيش حتى انا عاوتاني ماجاتش ومايمكنش
"في الليل "
ادم- شكرا الله يعطيك صحا
ايات- بصحا وراحا
ادم- غير سيري نتي تنعسي انا غانجمع طبلة
ايات- (تبيسمات) اوكي
جمع طبلة وطلع لبيتو كايتقلب ويتقلب وماجاهش النعاس اما ايات مازالة سهرانا مع الفيس بوك وماعلابالهاش
ايات- اوف جاني لعطش نهبط لكوزينة نشرب (حلت الباب وطلت) كانضن غايكون نعس غير نهبط هاكا ماغايشوفنيش
ادم- شنو هادشي شهاد تقرقيب (حل الباب شاف فباب ايات مسدود وضو مطفي) شكون غايكون لتحت نهبط نشوف
اما هي حاشيا راسها فاثلاجا ولابسا سوميج دونوي قصير ولبينوار ديالو محلول وهابط هلى يديها اما هوا واقف مصدوم من المنضر لي شاف وفللباب دلكوزينة وتما غاتبدا اغنية اقول انساك كرول سماحة
مش حعرف ابقى لحدا غيرك وانا بتخيل نفسي معك
من يوم ما بعدت وكل حاجة لسى فمكانها بتستناك
وانا ليه بحتاجلك ولسى انا ليه مش جنبك
وحاسة انا بيك ياحبيبي
حياتي معاااااااااااااااااك
وقول انساك بحن اكثر
ولا برتاح ولا بقدر
واعمل ايه ياحبيبي
حياتي معااااااك
مش قد بعدك لحظة عني ايوا لسى عايشة ليك
ومهما حاول عارفة قلبي مش حيرضى الا بيك
وانا ايه بايديه لا بعرف اعيش ومش حاسة بحاجة مافيش ياحبيبي حيااااااااااتي معاااااااااااك
بقول انساك بحن اكثر ولا برتاح ولا بقدر
واعمل ايه ياحبيبي
حيااااااااااااتي معك.. تصادمت معاه مع ضلام وكان غير ضو شارع هوا لي مضوي المطبخ
ايات- (كاتقول فنفسها) ماقادراش نعلي عيني فيه .. كانحس بانفاسو كاتداعب شعري وريحتو ساكنا مع انفاسي .. سمحلي ماشفتكش..
على لبينوار لبينوار لي كان نازل على يديها وغطالها اكتافها
ايات- انا كنت.. (قاطعها بقبلة على خدها )
ايات- اا.. (قاطعها)
ادم-(حط صبعو على شفتيها ) كانبغيك
ايات- (مصدومة) لارد
ادم - جاوبيني بلي كاتحسي بيه
ايات-مانقدرش نخاف نخليك تبغيني وفلخر تكرهني بسبب افعال واكاديبي
ادم- ماشي مشكل
ايات- انا مامزيناش كيما كايحسابلك
ادم- نتي انسانة بريئة فنضري
ايات- غانجرحك
ادم- قادر نستحمل
ايات- غادي تعدب بسبابي
ادم- وانا بلا بيك غادي نتعدب ومستعد نستحمل تعديبك
ايات- غادي تكرهني من بعد
ادم- نكره العالم الا نتي
ايات- ادم انا ماشي ديك الانسانة البرئة لمضلومة لي كايحسابك انا مخبيا عليك بزاف دلحوايج الى عرفتيهم ماغاتبقاش تبغي تشوفلي فوجهي (بغات تمشي)
ادم- (جرها ولسقها مع لحيط وحبسها بيديه)وحتى انا ماشي انسان برئ كيف كايحسابك ومخبي عليك شحال من حاجا وكل واحد فينا كايخبي اشياء لي تقدر بسبابها تجرح شي شحص وانا حاس بيك وعارفك علاش كاديري هاكا
ايات- ومنين نتا عارف علاش مزال متمسك بيا .. انا انسانة غامضة
ادم- وحتى انا
ايات- مانستاهلش حبك ليا
ادم- تستاهلي عمري نقدمو ليك هدية
ابات - معايجيك من ورايا غير لمصائب
ادم- قادر نستحمل اي شئ جاي من عندك(شدها من يديها) ايات انا كانبغيك بزااف نتي هي الانسانة لي قدرت نبغيها بدون شروط لقيت فيك كل ما تمنيت وانا لي عمري ماحبيت عطي لحبنا فرصة وخلينا نبغيو بعضياتنا
ايات- ماكرهتش
ادم- ادن قوليها .. خليني نسمعها
ايات- بعد صمت.. كانبغيك
ادم- عنقها بشوق .. وانا كانموت عليك .. بغى يقبلها حتى قرب لشفايفها
ايات- وضعت صبعها على شفايفو .. ماشي دابا
ادم- قبل صبعها..... مفسدت اللحضات
ايات- مكانش يحسابلي عندك هاد الجانب من شخصيتك
ادم- كاتقصدي رمنسي
ايات- امممم
ادم- خوك خبرة فهاد شي
ايات- يااك شحال من بنت عرفتي
ادم- بزااااااف
ايات- دفعاتو.. نسونجي
ادم- قولتيلي شحال من بنت عرفتي ماشي شحال من بنت حبيتي
ايات- اممم( غضبانة)
ادم- كيفاش امممم ضوري لهنا ولي نوريك جانب اخر من شخصيتي
ايات- لي هوا
ادم- (شدها وجرها لعندو وقرب لشفايفها وطبع قبلة طويييييلة ) همممم شنو بانليك نوريك جانب ااااخر من شخصيتي
ايات- (حشمانة) احم جاني نعاس غادي نطلع نعس
ادم- مايمكنش يجيك نعاس لي كايحب مكاينعسش بحال ناس طبيعين
ايات- وباش عرفتيها
ادم- حيت منهار عرفتك وانا كانتعدب عاد كانعس
ايات- (دارت راسها مكاتفهمش) وعلاش كاتعدب
ادم- قرب ليها وبصوت خافت قال.. حيت كانفكر فيك حتى كانلقى راسي نعست وبين عيني صورتك
ايات- (تبسمات) غادي نطلع (طلعات كاتجري)..
ادم- (كايجري موراها) اجي بلاتي.. (كايدق فلباب) حلي واحلي
ايات- ام ام لا مستحيل
ادم- وعلاش
ايات- اثناني ثالتهم الشيطان
ادم- ههههههه واش خفتي من شخصيتي هههه غير حلي كانواعدك ماغاندير والو
ايات-لا لا لا ( سمعت لهدوء يحسابها مشا وحلت الباب بهدوء) طلت مالقاتوش خرجت كاتشوف
ادم - (خرجلها من البيت لي قبالتها) كاتقلبي عليا
ايات-( رجعت بغات تسد الباب وشد الباب برجليه ) حيد رجليك كولتليك حيد رجليك
ادم- الا ماغانحيدش (دفع الباب ودخل)
ايات- عنداك تفكر دير شي حاجا
ادم- الله يهديك غير كلسي وتصنتيلي ماغاندير والو كون بغيت ندير كون درت شحااال هادي
ايات- بدينا عاود
ادم- ههههههه صافي ياك قولتي باغيا تنعسي
ايات- اممم وماخليتينيش
ادم- (هزها وحطها فوق ناموسية وغطاها ) غادي نبقا حداك حتى تنعسي
ايات- كاتفاجئني بتصرفاتك
ادم- (كلس حداها وشدلها فيدها كايشوف فيها بحب) هدا اول نهار غانفرح من كل قلبي .. من زمان مافرحت بحال هاد نهار كونت متردد نعتارفليك باحساسي تجاهك ولاكن لأمتى غانبقى نتعدب فكل مرا نشوفك ونتي كاضحكي ونتي كاتهضري ونتي كاتبكي ونتي فرحانا ومنتى غضبانة كونت ديما كانبغي نكون قريب ليك كتر ولاكن كنت راسم حدود بيني وبينك ومكانقدرش نقرب منك كتر خوفا من انني نخسرك فلحضت طيش.. مابغيتش تكوني لشي حد من غيري انا .. انا لي بغيتك وحميتك من نسمت لهوا صدقيني كون تعرفت عليك قبل ماكونتش غانخلي حتى حد يتجرئ يقيس شعرة منك تيقي بيا انا مستحيل نبغي شي وحدا من غيرك فهاد الفترة لقصيرة لي بقيتي معايا قدرت نعرف فيك بزاف دلحوايج وليت غير من ملامحك نقدر نعرف حالتك واش فرحانا واش مقلقة (مرر يديه على شعرها) مهما خبيتي ومهما كدبتي غادي نعدرك حيت ماشي لخاطرك ..
ايات- (نزلو دموع من عينيها) وهادشي لي خايفا منو .. ماشي لخاطري حبيتك مواقفك تصرفاتك ورجولتك حركت فيا مشاعر لي مكونتش كانضن شي نهار غادي نلقي ولد ناس لي يخلي قلبي ينبض من اجلو .. وبغيتك كتر فاش ماستغليتيش ضروفي صعبة وحافضتي عليا كانني قطعة منك وهادشي لي مانقدرش نردوليك طول ما انا عايشا كانبغيك ومستحيل قلبي يحب غيرك حتى انا كونت كاتما مشاعري ماشي حشمت ولاكن انا تعودت غير كانحب شي شخص من قلبي كايمشي وخليني ماما وارسلان ومابغيتكش تمشي حتى نتا.. انا خايفا عليك من نفسي خايفا ناديك مع الايام لي جايا .. خايفا نفقدك بسبب .. و(سكتت)
ادم- بسبب اش
ايات- واعدني ماهما صدر مني وماهما شفتي عليا حاجات خايبا بغيتك تعرف انه ماشي لخاطري
ادم- شنو لي مخوفك واش شي حد كايهددك ولا شي حاجا
ايات- (تنهدت وقالت فنفسها )(تمنيت نعاودليك لي مخوفني ولاكن مانقدرش نخليهوم يأديوك) لا ماشي هكاك .. ادم انا ممكن نغضرك
ادم- عاد قولتيها دابا ماشي لخاطرك
ايات- (عنقاتو) شكرا على ثقتك فيا
ادم- (زير عليها وقال فتفسو) انا عارف عليك كولشي وهادشي لي خلاني نتغرم بيك كثر وكتر كانواعدك ماغاديش نخليك تغرقي فمستنقع نتي ماشي قدو وانا مستعد نفديك بروحيي الى دطريت..
داز الوقت وجات لكوافورة وطلعاتها باجمل مضهر لبست فوب احمر لامع طويل مزير من الخصر وهارط وكايوساع قدر يبرزجسمها الرشيق ولبست كعب عالي فالاسود وحقيبة صغيرة فليد وعملت تسريحة شعر المموج من الاسفل ويامبل ملفوق وزادة لكوافورة دارتلها مكياج سموكي غامق مع كلوس احمر جات بحال شي ممثلة غزالة ماشاء الله اليوم غاتسطي لعقول لكل رجل شافك ويحسن عوان سي ادم مسكين
اما ادم وصل ولبس اجمل طقم عندو كوستوم اسود وسوميج ابيض مع كرافاط رمادي وعمل تسريحة فشعرو رائعة ديال هاد لوقت هههههه
ادم- (كايدق فالباب) طق طق واش ساليتي
ايات- مازال
ادم- عرفتي نفسي شي نهار نسولك وتقوليلي ساليت (فجاة وهوا كايهضر حلت الباب) تصدم من الجمال لي امامو.. وااااااو ماعرفتش شغانقولك ولاكن جيتي كاتحمقي فغيمون سحرتيني بجمالك
ايات- شكرا على المدح
ادم- صافي سالات الحفلة دخلي تنعسي
ايات- اشنو
ادم- مايمكنش نديك معايا غادي يخطفوك مني
ايات- ههههههه كولشي عندك فيه ضحك
ادم- مدلها يديه .. تفضلي
ايات- ميغسي
طريق كلها وادم كايفكر فردت فعل ارسلان فاش غايشوف ايات واش غايعرفها او واش هي غاتعرفو ماهدالو بال وكيفما قالت ايات ممكن تكون هادي هي اخر نهار غادي يعيشوفيه سعادة .. وصلو وستقبلوهوم صحافا كلشي كايطرح الاسئلة على ادم ولراس كايبعدوهم وكايسرحو طيق لادم وايات حتى دخلو وكان لمنضر لي فلحفلة رائع ومع دخلة جات عين ارسلان على ادم ولي حداه ايات
اسماء- حياتي كولشي داز على احسن ما يورام
ارسلان- (كايشوف فايات وماحيدش عينو عليها حتى لمع عيون ادم عليه وكايديرو فيه نضرات عمرو شافهوم فيه .. توجه لعندهوم ) مرحبا بسي ادم
ادم- زير على يد ايات( مانحتاجش ترحيب انا مول لحفلة)
ارسلان- (كايشوف فعيون ايات وهيا كدالك)وماغاتعرفنيش على صديقتك
ادم- هادي خطيبتي وقريبا غاتكون مرتي .. نقدمليك خطيبتي ايات
ايات- تشرفت بمعريفتك (مدتليه يدها)
ارسلان- (مدهول من الاسم لي سمع) وانا ليا كامل الشرف
اسماء- وانا اسماء خطيبت ارسلان
ايات- (تصدمت فاش سمعت اسم ارسلان ) تشرفت بيك
اسماء- وحتى انا تشرفت بيك .. (كاتشوف فادم ماحيدش عينيه على ارسلان) سي ادم طلعتي عندك اسرار مكاتشركهومش معانا
ادم-الى نويتي دير شي حاجا وقلتيها لناس ها وجهي الى سدقاتليك
اسماء- بصح عندك الحق انشاء الله نديرو عرس مشروك
ادم- (شاف فارسلان وايات كايتبادلو نضرات حس بشي حاجا ماشي هي هاديك) اه وعلاش لا حتى هادي فكرة كاينا ولا لا اسي ارسلان
ارسلان- ام انشاء الله
اسماء- سمحولي غادي نمشي نشوف شي ناس
ايات- تفضلي
ارسلان-واش هادي هي البنت لي قلتيلي باغيا تخدم
ايات- بصاح هضرتيلو عليا
ارسلان- اه وقلتلو قلها تجي تخدم من غدا علاش مقالكش
ايات- شافت فادم.. لا قالي غير انا لي مابغيتش
ادم- انا خطيبتي مانبغيهاش تخدم ولا تتعب نفسها انا قادر نوفر ليها كل ماتمنات
ارسلان- اممم فهمت (شاف فايات) كانحس براسي فايتلي شفتك
ادم- بصاح مكانضنش غاتكون شفتيها
ايات- (شافت الجو مكهرب ) بغيت نمشي للحمام
جتوبو بجوج - يالاه نوصلك
ادم-(شاف فيه ) خطيبتك كاتعيط ليك
ارسلان-(ضار شاف فعلا اسماء كاتشير ليه) اوكي (مشا)
ايات- ادم مالك
ادم -ماماليش غير دخلي انا غانتسناك هنا
ايات- اوكي..
دخلت ايات للحمام وماحست حتى لقات شخص جرها من يدها ولسقها مع الحيط وشدلها فمها
الشخص- غادي نحيد يدي ماتغوتيش
ايات- (تنفست ) شنو بغيتي مني الحيوان
اسماعيل- شوووو هضري غير بشوية
ايات- شنو بغيتي مني
اسماعيل - هادي هي الفرصة باش تقربي من ارسلان
ايات- كاتحلم كيف غانديرليه
اسماعيل مكايهمنيش لي كايهمني اليوم دخلي لعندو لدار
ايات- هههههه حماقيتي لا كيف غاندير ندخل لدارو ونزيدك عندو خطيبة وميستحيل تخليني نتقرب منو
اسماعيل- انا مكايهمنيش وصلتليك رسالة من الحاجة يا نفديها يا اما راكي عارفا شنو تابعك
ايات- الله ياخد فيكم الحق اشياطين
اسماعيل- مافهمتش علاش كاديري هاكا وخا نتي عارفا انك غادي تنتاقمي لباك لي تقتل مغضور
ايات- هادشي مكايهم حتى شي واحد منكوم ونتوما غراضكوم ماشي الانتقام غراضكوم هوا لفلوس
اسماعيل- مزيان بعدا راكي كاتفهمي انا غادي نمشي دابا وعندا يقولك داك لعقل ديري شي تصرف ماشي لصالحك ولعواقب راكي عارفاها وهداك ميخي لي معولا عليه ماعندو باش ينفعك ديري عقلك (خرج)
ايات- (كاتبكي) الله ياخد فيكم الحق
اما ادم كان واقف بعيد على الحمام ولاكن عينيه على الباب حتى لمع اسماعيل خارج
ادم- سماعيل .. ايات ( تصدم من لي شاف ومشا تبع سماعيل حتى شدو شنق عليه ودخلو لواحد لغرفة خاوية)
اسماعيل- طلق مني طلق واش حماقيتي ادم راحنى صحاب زعما
ادم- (شانق عليه) شنو قلتيلها باش هددتيها
اسماعيل- والو ماقولت والو انا كونت كانقلب على حمام درجال وغلطت ودخلت لحمام نساء
ادم- هههه كاضحك عليا ( ضربو بونية لوجه حتى طاح ورجع شنق عليه)
اسماعيل- ااه ماغانقولكش واخا تقتلني هنا مكايهمكش
ادم-(نهال عليه بضرب حتى مابقاش كايبان وجهو بالدم) غادي نسولك اخر مرا .. شنو قلتيلها
اسماعيل-والووو واااااالو هههههههه حقير
ادم- اوكي نتا لي جنيتي على راسك (جبد تيليفون ) لو جعفر طلع عندي
جعفر- (بقى يقلب عليه حتى لقاه) شنو هادشي
اسماعيل- هااا عاد فهمت دابا هي نتا كاتعرفو ياك
ادم- عيط لمحسن وهزو عليا هاد لحقير ديوه لكاراج
جعفر- واخا ايسدي .. الو محسن طلع عندي محتاجك
ادم- ربطوه ليا تما خصروليه ديك لكمارة لي فرحان بيها نسالي ونلحق عليكم
جعفر- اوكي سي ادم كون هاني
اسماعيل- كانواعدك غادي تخلص هادشي لي كادير
ادم- هادا الى بقيتي عايش .. ( خرج وخلاهوم يتكلفو بيه ولقا ايات كاتقلب عليه)
ايات- فين كنتي شحال وانا نقلب عليك
ادم- (بتاسملها) هههه كاتقلبي عليا العفريتا توحشتيني
ايات- اكيد غانتوحشك .. (شافت دم فيديه) ادم مال يديك فيها دم
ادم- (خطف يديه وخباها موراه) ماشي دم ديالي غادي نغسل يدي فلحمام تسنايني هنا
ايات- شداتو من يديه .. شنو درتي قولي شنو كاين معامن دابزتي
ادم- غير رتاحي واحد سيكيرتي دابز مع شي وحدين سكرانين وتجرح وانا عاونتو هدا لاش تعطلت
ايات- ااه الحمد لله تخلعت عليك
ادم- (تبسم) يخليلي لي كاتخاف عليا .. هانا جاي تسنايني نغسل يدي ونرجع
ايات- اوكي(بقات واقفا حدى الباب وكاتفكر كيف غادير تقرب من ارسلان) ماعنديش شي حل اخر من غير انني ندير راسي سخفانا (قاطع تفكيرها ادم)
ادم- يالاه ندخلو
ايات- يالاه.....
دخلو ولقاو ارسلان فوق المنصة كايلقي لخطاب ديالو
ارسلان- بغيت نشكر جميع الموضفين لي سهرو على هاد المشروع كاملين وقفو بيد وحدة وبفضلهوم قدرنا نجحو فئيصال اسم شريكتنا للعالمية .. (تصفيقات الحضور)
ادم- مالكي
ايات- (تبسمات ليه) والو الحفلة طلعت زوينة بزاف وحتى اصدقائك لي عرفتيني عليهوم ضريفين
ادم- (عرفها مخبيا شي حاجا ) الى كونتي كاتحسي براسك عيانا نمشيو لدار
ايات- لا بلاش لحفلة مازالة مطولة
ارسلان- طبعا مانساوش لمجهودات ديال سي ادم (تصفيقات الحضور) تفضل سي ادم
ادم- خليك هنا اوكي غادي نرجع
ايات- اوكي ( قالت فنفسها ممكن تكون هادي هيا الفرصة المناسبة ) وكانت واقفا فتاالي دلقاعا شافت ارسلان واقف قريب ليها ومرا مرا كايشوف فيها وبدات كاتمتل زعما راها عيانا
ارسلان- واش نتي مزيانة
ايات- كانحس براسي ماشي هيا هاديك
ارسلان- يالاه نطلعك للمكتب ديالي فيه شوية دلهدوء تقدري ترتاحي تماك
ايات- لا مكاين لاش
ارسلان- شدليها فيدها وسندها ومن خصرها تحت نضرات ادم لي كايشوف كولشي قدامو وماقادرش يتدخل كترو عليه صحافة بالاسئلة
ارسلان- (طلعها للمكتب لي كان راقي جدا مكتب كبييير داير بحال شي متحف بصور والمقاعد الفاخرة ) كلسي رتاحي بلاتي نجيبليك كاس دلماء.. تفضلي
ايات- شكرا بزاف اسي ارسلان
ارسلان- العفر بلاتي نجيبلك شي وسادة ديريها ورا ضهرك(جابها وحطها مور ضهرها) باش كاتحسي دابا
ايات- بيخير (تبسمات ليه وبصوت خافت قالتلو) كانشكرك بزاف
ارسلان- بلا ماتشكريني امدموزيل ايات هدا واجب .. كاتبانيلي مامولفاش بهاد الاجواء وصداع
ايات- فعلا مامولفاش مسيقى مجهدا كاديرلي حريق راس
ارسلان- (شاف فيها باعجاب) كانحسد ادم ههههه.. عاد عرفت علاش مابغاش يعرفني عليك قبل
ايات- علاش يمكن غير مجاتش صدفا يهدرليك عليا
ارسلان- ادن هادي فرصة تعرفيني عليكك كتر
ايات- (تبسمت ) سميتي ايات سالمي
ارسلان-(سحراتو بابتسامتها) متشرفين وانا ارسلان شافعي
ايات- شرف كولو ليا
ارسلان- ثار انتباهي الاسم دياك نادر مكايتسماش بزاف شكون ختارلك سمتك
ايات- امم بصح خويا لي سماتني .. وحتى نتا الاسم ديالك مكايتسمعش بزاف شكون سماك
ارسلان- لمربية ديالي لي كانت فالخير.. ماجا يكملها حتى دخل علهم ادم
ادم- شكاديرو هنا
ارسلان- شفتها عيانا شويا وجبتها لهنا ترتاح
ادم- ياك سولتك وقولتيلي مكاتحسي بوالو
ارسلان- يمكن الى مكانت كاتحس بوالو داك ساع
ايات- فعلان سي ارسلان عندو الحق منين طلعتي للمنصة حسي براسي عيانا وسي ارسلان الله يكتر خيرو هوا لي نتابهلي وعاوني
ادم- شكرا اسي ارسلان تقدر تمشي ضيوف كايسولو عليك انا غانبقى معاها
ارسلان- واخا على سلامتك امدموزيل ايات
ايات- (تبسماتلو) شكرا
ادم- (كايشوف فيهم كايضحكو وماعجبوش الحال) .. شنو هادشي
ايات- شنو .. بلا مانهضرو دابا يالاه نخرجو
ادم- (بتلع الغصة ومابغاش يغوت عليها تمالك نفسو بسيف ) اوكي يالاه وهاد لمرا عيطيلي انا
ايات- هههه مغيار ديالي
ادم- كانغير عليك ومن حقي
ايات- وحتى انا ماقلت والو هههههه
ادم- زيدي ياغلطت عمري
ايات- هههههههه انا غلطت عمرك (خرجو كايضحكو وماشافوسش ارسلان لي كان وراهوم)
ارسلان- ماعرفتش كانحس براسي فاتلي شفت هاد البنت وحتى الاسم .. مايمكنش تكون هيا (قاطعاتو اسماء)
اسماء- حبييبى شحال وانا نقلب عليك
ارسلان- انا مغانهربش زيدي ياله
اسماء- كاتقتلني بهاد البرودة ديالك
ارسلان- واش انا عمري قلتليك كانبغيك ولا كانحس بشي حاجا من جيهتك
اسماء- يكفي انني انا كانبغيك ونتى مع الوقت غادي تغرم بيا انا متئكدة
ارسلان- هادي عماين وانا كانعرفك واحساسي تجاهك ماتبدلش
اسماء- نخليوها للوقت صافي احياتي ماتقلقش مني يالاه نمشيو ضيوف كايتسناو ...
ديك لحفلة دازت مشحونة بلغيرة اما ارسلان ماحيدش عينيه عليها وكدالك ادم ماحيدش عينيه على ارسلان ولي كان الاعجاب باين فعينيه ولغيرة بغات تاكل قلبو سالات الحفلة او ودعو ضيوف خوات القاعة بقى فيها غير لي كاينضفو وادم وايات واسماء وارسلان
اسماء- ماسولتكش على سن ديالك
ارسلان- هدا سؤال ياك لبنات مكايبغيوش يقولو سن ديالهوم الحقيقي
ايات- لا انا ماشي من داك نوع انا عندي 18 لسنة
اسماء- مازالة صغيرة انا كبر منك 5سنوات.. مازالة كاتكملي قرايتك
ايات- شافت فادم...ااام
ادم- اه مازالة ونجحت فالباك بمنسيون اعلى مرتبة
ارسلان- اممم مبروك عليك
اسماء- وعلاش وقفتي دراسة
ادم- حيت بغيتها تكون ام وربت بيت ومن بعد تكمل قرايتها ولاكن دابا باغيها تفرغ وقتها غير ليا انا (وكايشوف فارسلان)
اسماء- ولاكن هدا ماشي معقول من حقها تكمل قرايتها
ارسلان- (لاحض نضرات ادم)اسماء زيدي نوصلك لدار
اسماء- واخا سمحولي بسلاما
ادم- ياله نخرجو كاملين (شد فايات من خصرها وجرها عندو ) تفضلي احياتي
ارسلان- (بنرفزة) زيدي ااسماء
اسماء- (قربت ليه) كون غير تعلمتي شوية ديال لاباقة من صاحبك
ارسلان-(بنفاد صبر) ركبي (حلها الباب )
ادم- (حلها لباب) تفضلي(بقا يركب وعيطلو ارسلان)
ارسلان- ادم بلاتي
ادم- وي شنو
ارسلان- مالك مبدل وكاتشوف فيا بحال شي عدو هادو ماشي نضراتك
ادم- شوف نتا شنو درتي
ارسلان- شنو درت انا غير طلعت البنت ترتاح فلمكتب واش بغيتيني نخليها هكاك نتا كون كنتي فبلاصتي غادي دير نفس شئ
ادم- بصح عندك الحق.. على كل حال شكرا
ارسلان- من بعد وغادي نكلسو نهضرو فهاد الموضوع
ادم- هاد لموضوع سديناه
ارسلان- لا انا مزال ماسديتو .. بسلاما دابا
ادم- بسلاما (ركب فسيارة وزاد وخلاه واقف كايشوف )
ايات- ماكرهتش عير نوصل نتحمم ونعس عيت بزاف
ادم- واخا الغزالة ديالي غير نوصلو نعسي (تلفون كايصوني ) الو
جعفر- سي ادم سماعيل هرب ....
ادم- (بصراخ) كيفاش هرب وفين كنتو نتوما
جعفر- حطيناه فلكاراج خلت موحسين معاه وخرجت شوية ومنين رجعت لقيت محسن وغمى عليه فالارض وهوا مكاينش....
ادم- الحقير .. عطي تعليمات لرجال يقلبو عليه والى مالقيتوهش غادي يكون عندي معاكوم حساب عسير سمعتي (قطع عليه)
ايات- ادم واش شفتي حالتك كيف ولييتي شنو واقع
ادم- حياتي ماديريش فبالك غير شي مشاكل فلخدمة
ايات- كانتمنى ماتكونش شي حاجا خطيرة
ادم- خوافة ديالي
ايات- معلوم نخاف عليك احياتي
ادم- (شدلها فيدها) يكون خير انشاء الله غير رتاحي نتي..
"وصلو لدار"
ادم-طلعي لبيتك ترتاحي انا غانجيبليك شي حاجة تاكليها
ايات- بلاش مابغيتش غير طلع تنعس حتى نتا
ادم- تشهيت الايس كريم وبغيت ناكلو معاك
ايات- ههه اوكي (طلعت واول مادارت حيدت حوايجها ودخلت تحت رشاشة دلماء ) كيف غاندير ياربي كيف غاندير غادي نحطم جوج دلقلوب على قبل مصلاحتي لا مايمكنش لا ادم ولا اسناء يستاهلو مني هاد تصرف شنو غاندير ياربي شوف من حالي راني فامس الحاجة اليك (وكاتبكي)
ادم- (واقف مور الباب كايسمعها شكاتقول ) ماغاديش نخليك طيحي فيديهوم بهاد سهولة ويلعبو بيك بحال شي دمية (غير صبري عليا غادي نوريهوم معامن كايلعبو غير صبرو عليا وغادي نوريكون نجوم فعز ضهر
"في منزل مليكة"
مريم- سمعات دقان فلباب بجهد (شكون )
اسماعيل - حلي
الحاجة- بلاتي لايكونو لبوليس غير كاتركعي نتي .. شكون تماك
اسماعيل- حلي انا اسماعيل
الحاجة- حليلي سربي(غير حلات مريم الباب طاح عليها اسماعيل كان كولو دمايات)
مريم- سماعيل شكون دار فيك هاد الحالة
الحاجة- هزي معايا ندخلوه للغرفة
مريم- (كاتبكي) واخا (هزوه بجوه ودخلوه للبيت وحطوع على ناموسية )
مليكة- شكون دار فيك هاد الحالة
اسماعيل- كايتكلم بصعوبة (ااا اادم ورجالو)
مليكة- شكون ادم
مريم - صاحب ارسلان لي كالسا عندو ايات
مليكة- وعلاش غادي يدير فيك هاد الحالة شنو بيناتكوم
اسماعيل- جعفر تمسكن علينا حتى تمكن ومشا عاودلو كولشي
الحاجة- لا ميمكنش .. غبي يا قلتليك ماتيقش فيه شفتي شنو درتي ايوا فكها يامن وحلتيها
اسماعيل- ربطوني فواحد الكاراج تكرفسو عليا ولاد لحرام .. هو الحاجز الوحيد لي بين ايات وارسلان
الحاجة- خصنا نشوفو شي طريقة باش نحيدوه من طريقنا ..
اسماعيل- خلي غير نبرا ونوقف على رجلى وغادي نوريه شكانسوا غادي نغبرو من دنيا
الحاجة- نتا غير برا او وقف على رجليك وانا نضبرليك فرجال لي غايعاونوك عليه مستحيل نخليو هداك الحتالة يوقف لينا فوسط الطريق
مليكة- دابا لمشكيل لكبير.. هي الى مشا ادم عاود لارسلان على هادشي لي ناوين .. ماشي فصالحنى يبقى عايش خاصو يموت
مريم- ادن شنو لفرق بينكوم وبين بوشتا ولا لgابوني كاع لي وقف ليكم فطريق طاتصفيوهالو هادشي ماشي معقول وكاتقولو خاصكوم تنتاقمو منو ونتوما شكون غاينتاقم منكوم....
الحاجة- وحتى نتي اشنيولة الى حاولتي ديري شي حاجا غاتكوني فلقائمة ديال المنبودين الى الابد (شدتها من شعرها)
مريم- اااااه طلقي مني
اسماعيل- طلقي منها خليها عيلك وخرجوها من هادشي
الحاجة- روميو تفكليك لسان خلي حتى تبرا عاد هضر ماتعبش حالك الابضاي ديالنا...
ايات- (خرجات كاتنشف فشعرها لقاتو كالس على الاريكة كايتسناها) راك هنا
ادم- اممم .. اجي تاكلي
ايات- (كلست حداه ) .. سمحلي
ادم- علايات
ايات- على كولشي على اي حاجا قلقاتك مني
ادم- لهبيلة وشكون قاليك انا كانتقلق منك
ايات- بغيت نعنقك (جرها لعندو وعنقها) مابغيتش مابغيتش نتحرم من ريحتك
ادم- (باسلها راسها) وحتى انا ماغانخلي حتى واحد يحرمني منك
ايات- واعدني انك تسامحني ماهما عملت فيك
ادم-(نزلت دمعة من عينيه وهوا معنقها ومسحها بسرعة ) كانواعدك (وهنا بدات اغنية وبحس معاك لحماده هلال)
لما بتلمسنى بتحسسنى ان انا فى ايديا العالم كل اللى ناقصنى
واما بتتكلم انا بتعلم احب الناس واطمن طول منتا حاسسنى
وبحس معاك ان انا فى السما مش فى الدنيا
وان انت ملاك ومعاك السنه بتفوت ثانيه
وبحس معاك ان انا فى السما مش فى الدنيا
وان انت ملاك ومعاك السنه بتفوت ثانيه
عيشنى فى هواك لازم اعيش معاك انا عايزك تقرب ليا وتبص فى عينيا
نسيتنى اللى فات شوفت معاك حاجات مشوفتهاش غير وانت واقف بين ايديا
وبحس معاك ان انا فى السما مش فى الدنيا
وان انت ملاك ومعاك السنه بتفوت ثانيه
وبحس معاك ان انا فى السما مش فى الدنيا
وان انت ملاك ومعاك السنه بتفوت ثانيه
مهما حلمت بيك واتخيلت فيك الحب دا كله هيبقى قليل عليك
نفسى افرح معاك واتهنى فى هواك وحياتك تخدنى فى حضنك وتقربنى ليك
وبحس معاك ان انا فى السما مش فى الدنيا
وان انت ملاك ومعاك السنه بتفوت ثانيه
وبحس معاك ان انا فى السما مش فى الدنيا
وان انت ملاك ومعاك السنه بتفوت ثانيه
ادم- بلاتي نوكلك يالاه حلي فمك .. اممممم هههههه صغيورة ديالي
ايات- ههههههه اممم سعداتي
ادم-(حط يدو على بطنها) بغيتك تولديلي بنيتا تكون زوينة بحالك
ايات- (ابتسمت) والى كان ولد
ادم- غايكون زوين بحالي
ايات- ههههههه
ادم- (حط راراسو على ركابها وتمدد بحال شي وليد صغير )بنتي ﺍﻟﻤﺴﺘﻘﺒﻠﻴﺔ
ﺃﻭﻝ ﺣﺎﺟﺔ ﻣﺎ ﺗﺠﻴﺶ ﻋﻠﻰ ﻏﻔﻠﺔ ﻫﺎ ﻟﻌﺎﺭ .. ﺷﺪﻱ ﻣﻌﺎنﺎ ﻟﺤﺴﺎﺏ ﺭﺍﻩ ﺑﻐﻴﺎ ﻧﺪﻭﺯ ﻭﻗﻴﺖ ﻣﻊ ماماك ﻧﺴﺎﻓﺮﻭ ﻭ ﻧﺪﻳﺮﻭ ﺷﺎﻻ ﺣﻮﺍﻳﺞ ..
ايات-ﻛﺎﻧﻮﻋﺪﺍﻙ ابنتي ﺃﻧﺎ ﻭ ﻳﺎﻙ غاﻧﻜﻮﻧﻮ ﺳﺒﺐ ﻓﺮﺣﺔ ﺑﺎﺑﺎﻙ ﻭﺳﺒﺐ ﺇﻓﻼﺳﻪ ﻛﺬﻟﻚ ..
ادم-ههههههه ﺣﺒﻴﺒﺘﻲ ﻗﻮﻟﻲ بابا ﻫﻲ ﺍﻷﻭﻟﻰ ﻋﺎﺩ ماما. ﻭ ﺇﻳﻼ ﻣﺎﻛﻨﺘﻴﺶ ﻏﺎﺗﻘﻮﻟﻴﻬﺎ ﻏﺎ
ﺑﻘﺎﻱ ﺳﺎﻛﺘﺔ ﺃﺣﺴﻦ .
ايات-هههههههه
ادم-ﻣﻠﻲ ﺗﻜﻮﻥ ﻋﻨﺪﻙ 4 سنين ﻧﺪﺧﻠﻚ ﻝ ﻻﺻﺎﻝ ﺗﺮﻳﻨﻲ ﺍﻟﻜﺎﺭﺍﻃﻲ ﻭﻻ ﺍﻟﺘﻴﻜﻮﺍﻧﺪﻭ ﻭ
ﺍﻟﻠﻲ ﺩﻭﺍ ﻣﻌﺎﻙ ﺭﻋﻔﻴﻪ ﻭ ﻣﺎ ﺗﺤﻨﻴﺶ ﻓﻴﻪ . ﻣﺎ ﻏﺎﻧﻘﻮﻟﺶ ﻟﻴﻚ ﻋﻨﺪﺍﻙ ﺍﻟﻈﻼﻡ ﺭﺍﻩ ﻓﻴﻪ ﺑﻮﻋﻮ ، ﺑﻮﻋﻮﺁﺑﻨﺘﻲ ﻫﻮ ﺑﻨﺎﺩﻡ .. ﻭ ﺑﻮﺧﻨﺸﺔ ﻣﺎﺷﻲ ﻫﻮ ﻫﺬﺍﻙ ﺍﻟﻠﻲﻛﺎﻳﺴﺮﻕ ﺍﻟﺪﺭﺍﺭﻱ ﺍﻟﺼﻐﺎﺭ .. ﺑﻮﺧﻨﺸﺔ ﻫﻮ ﻫﺬﺍﻙ ﻟﻲ ﻛﺎﻳﺴﺮﻕ ﺭﺯﻕ ﻋﺒﺎﺩ ﺍﻟﻠﻪ ﻭ ﺭﺍﻩ ﻣﻌﺮﻭﻭﻭﻑ ﻭ ﻣﻨﻮ ﻋﺪﺍﺩ
ايات- يا الللللللله .. لهلا يحرمنا من هاد لحضة ونشوفو وليداتنا كايكبرو قبالت عينينا
ادم- انشاء الله احياتي (وقف وهزها وحطها على نموسية وغطاها) دابا جا لوقت باش تنعس بنتي لكبيرة يالاه غمضي عينيك (جا ينويض)
ايات- خليك معايا ماتمشيش مازال ماشبعت من ريحتك
ادم- (تكا حداها وحطت راسها على صدرو) ماخفتيش من الجانب ثاني من شخصيتي
ايات- (ضرباتو لصدرو) كون عرفتك غاديرها ماكونتش خليتك تبقى معايا
ادم- ااااه ههههه .. نتي هي جوهرتي والى ماحافضتش عليك غايسرقوك مني
ايات- الله يخليك ليا احبيبي
ادم- امييييييين يارب..
"في الصباح"
ايات- (فاقت هي الاولي وشافت فادم لي كان مزال ناعس وقالت فنفسها) كيف غانقدر نديرها ونغضر بيك ومعامن مع اعز صديق عندك مانستاهلكش ومانستاهلش طيبوبة ديالك وحبك ليا مانستاهلكش كون غير قدرت نقولك لي بيا وانهم كايهددوني ولاكن مانقدرش نديرها خايفا عليك منهوم (نزلو دموع من عينيها)
ادم- علاش كاتبكي
ايات- فقتي صبح الخير
ادم- صبح نور علاش كاتبكي
ايات- مابكيتش غير دخاتلي شي حاجا فعيني .. غادي نوض نصوب لفطور (خرجات وخلاتو)
ادم- علاش كاتكدبي علاش ماتصارحينيش بلي كايضرك (ناض ودخل لدوش ونزل عندها
ايات- كلس قربت نسالي ونحط على طبلة
ادم- شنو غانديرو فها لويك اند
ايات- ماعرفتش
ادم-(صونا تلفونو)الو وي
ارسلان- مخطط لشي حاجة هاد نهار
ادم- لا لقيتيني عا كانفكر
ارسلان- مزيان لحق علينا للمزرعة انا واسماء جيب معا خطيبتك واجي نبدلو شوية الجو
ادم- ماعرفتش واش غاتبغي ولا لا
ارسلان- ادن سولها
ادم- تبغي تمشي لواحد المزرعة
ايات- اممم لي بغيتي ماعنديش مشكيل
ادم- اوكي نفطرو ونلحقو عليكم
ارسلان- اوكي غادي نتسناوكوم تما بسلاما
ادم- بسلاما .. فطري وطلعي وجدي راسك باش نمشيو
ايات- بعيدة بزاف
ادم- ساعتين
ايات- اوكي واخا احياتي
ادم-ماغانكونوش بوحدنا
ايات- شكون غايكون
ادم- اسماء وارسلان
ايات- (تصدمة فاش سمعت ارسلان وقالت فنفسها) يحسن عواني هاد ليوماين يا ربي تشوف من حالي
ادم- فاش كاتفكري
ايات- والو غير قلت مع راسي غاندوزو وقت زوين مع بعضياتنا
ادم-امممم (وقال فنفسو مكانضنش غاندوزو وقت زوين)
ايات- هانا طالعا
ادم -اوكي انا غانجمع هاد شئ
ايات- (طلعت للغرفة وسدت الباب وبقات واقفا مور الباب بقات هابطا حتى كلسات فالارض) كانحس براسي عديمة الاخلاق وضمير كيفاش غانديرها كيفاش كيفاش كيفااااااش هئ هئ كيف غاندير نتقرب منو وباي طريقة وباي صفة (طاحت عليها فكرة) احسن حاجا نطلب منو يخدمني عندو هاكا غانتفادا انني نحرق قلبهوم وقلبي حتى هوا وبهاط طريقة غانبقى ندخل عندو لدار .. ولاكن كيف غاندير مع ادم ماغاديش يبغي انا متئكدة مستحيل يبغي
ادم- دق فالباب (ايات واخا ندخل)
ايات- وقفت بزربة .. اه دخل
ادم- مازال مالبستيش
ايات- حترت ماعرفت مانلبس
ادم- بلاتي نشوفلك شنو يجي معاك(حل الماريو وبقا يقلب ويقلب ) هانتي لبسي هادو
ايات- صهد بغيت نلبس شي حاجا خفيفا
ادم- قلتلك ماغانكونوش بحدنا دنيا مخلطا تما ومابغيت حتى واحد يشوف فيك
ايات- ادااااااام
ادم- صافي لبسي لي بغيتي بشرط يكون محترم
ايات- الله يصبرني معاك
ادم- ههههههههههههههههههه امين ....
شدو طريق بجوج للمزرعة وكانت طريق شوية بعيدة
ادم- اوووف
ايات- مالك
ادم- عاوديلي نكتة
ايات- امممم بلاتي نقلب على شي نكتة اممم
هدا واحد البركاني خدا الدكتوراة في علم الحيوان ولكن الأساتذة دياولو متيقوش أو
هما يقولوليه ديرلينا شي تجربة … البركاني جاب واحد القطة منين كيصفق عليها كتجي
عندو أو هو يقطعليها الرجل الأولى منين صفق عليها جات هو يقطعليها الرجل الثانية
منين صفق عليها جات هو يقطعليها الرجل الثالثة منين صفق عليها جات هو يقطعليها
الرجل الرابعة منين صفق عليها ما جاتش أو هو يقوليهم نستنتج أننا عندما نقطع للقطة أرجلها الأربعة تفقد حاسة السمع ههههههههههههههههه
ادم- (كايشوف فطريق وماضحكش)
ايات- ايوا ضحاك
ادم- نستنتج ان نكتة ديالك حامضة
ايات- (بدات كاضرب فيه) حامضا ياك حامضا
ادم- صافي صافي اااااه واش باغيا تقتلينا والله ماحامضة.. واش باغيانا نموتو بسبب نكتة حامضة
ايات- عاوتاني (كاضرب فيه)
ادم- ههههههههههههههه ااااه طلقي طلقي صافي ماحامضااااااااش ههههه لبوليس لبولبس
ايات-طلقت منو.. فين هوما
ادم- حدا ودنيك (بدات ضربو عاود) اااااااه غير كانضحك واعباد الله عتقوني من هاد لمجنونااااااااااا
ايات- صافي فضحتينااا (شوف شكون هادوك لي واقفين تماك
ادم- ماشي ارسلان هداك (وقف فجنب طريق ونزلو من سيارة)
ارسلان- صاحبي شحال وانا نصوني عليك
ادم- ماسمعتوش كونت دايرو فيفرور وقفت بيكم
ارسلان- اه شي نصف ساعة دابا (نتابه لايات) سلام انسة ايات لباس عليك
ايات -لاباس ونتا
ارسلان- الحمد لله
ادم - اجي نشوفو هاد سيارة مالها
اسماء- الحمد لله منين وقفتو لينا نتوما
ايات- كيف وقاعلكوم
اسماء- ماعرفتش غير شي عطل بسيط واقيلة
ايات- ااممم كيف دايرا نتي صافا
اسماء- صافا بيخير
ارسلان- هزي صاكك غادي نركبو مع ادم وايات
اسماء- اوكي حياتي
ادم- راني صونيت لجعفر يجي يديها
ارسلان- مزيان يالاه نمشيو قتلاتنا شمس
ادم - يالاه ايات ركبي
ايات-اوكي(بغات تركب لور )
ارسلان- غير خليك فبلاصتك انا غانركب لور
ايات- لا ماشي مشكل غير ركب نتا لقام
ارسلان-(تبسم ليها) اوكي ميرسي
ايات- كاتقول فنفسها( ماعرفتش غير كانشوفو قلبي كايبدا يضرب كانني كانعرفو من زمان شنو هادشي لي وليت كانحس بيه مؤخرا هادي ماشي انا ااااه) كاتشوف فيه وتشوف فادم وهوما كايهضرو بجوج ومرا مرا كاترمق نضررات ارسلان فلمرايا وكاتحني عينيها ومنين كاتشوف ادم فلمرايا كاتبسم ليه وكايغمزها وارسلان متبع نضراتهوم بجوج ....واخيرا وصلو وستقبلهوم عمي عبد السلام
عبد السلام- مرحبا بيكم
ادم- الله يبارك فيك اعمي عبد سلام
ارسلان- ايوا وجدتيلنا شي غدا فاعل تارك كيف وصيتك
عبد السلام- ضاروري اسي ارسلان طلباتك على راس ولعين
ادم- شد فايات .. يالاه ندخلو غايعجبك الحال هنا انا متئكد
ايات- (بتاسمت) غير نكون معاك غايعجبني الحال
اسماء-( شدت فيه وجراتو) يالاه ندخلو حتى حنامغانبقاوش هنا كولهوم دخلو
ارسلان- يالاه زيدي
ادم كالس حدى ايات ومرا مرا كايقولها كليمات فودنها وكاضحك اما اسماء حاضياهوم كاتشوف فيهم وتشوف فارسلان حاضر غيير بالجسد ومادايهاش فيها
اسماء- حياتي بغيت نبدل حوايجي بغيت توريني فين هي لغرفة ديالي
ارسلان- سي عبد السلام
عبد السلام- نعام ايس ارسلان
ارسلان- وصل مادموزيل اسماء لغرفتها
ادم- يالاه نوصلك لغرفتك ترتاحي شويا
ايات- اوكي حتى انا محتاجا نرتاح
مسكينة اسماء وقفت كاتشوف فادم موصل حبيبتو لغرفتها وهيا كاتشوف فارسلان كايخربق فتلفون ومامصوقش ليها بتالعت الغصة فقلبها ومشات مع عبد السلام..
رتاحو ابطالنا وتغداو وخرجو دربو ضويرة فالمزرعة ودازت لعشيا رائعة وفليل شعلو العافية فالوسط وكلسو
عبد السلام- هاهوما لقطيبات دلكبدة واجدين خاصهوم غير لعافيا
ادم- تباركالله عليك اعمي عبد السلام
عبد السلام- بصحا وراحا
اسماء- مازال غاتزيدو تاكلو لااا حرام عليكم غاتضيعولي ريجيم
ارسلان- ادن ماتاكليش
اسسماء- لا مايمكنش كاتعجبني الكبدة المشوية مانحماق عليها دنوبي عليكم
ايات- غير كولي وغدا بداي ريجيم
اسماء- ههههههههه عرفتي شحال وانا نقول هاد لكلمة حتى لغدا ونبدا ريجيم وشي ريجيم مادرتو
ايات- هههههههههه كاتوقاع حنا لبنات كولنا هاكا
اسماء- نتي ماتحتاجيش ريجيم فورمتك مزيونة
ايات- هههه شكرا بزاف
ادم- ناري شحال مملين منين كلسنا ونتوما على مواضيع النساء شوفي هاديك شنو لابسا شوفي هاديك شنو مزعترا ودابا ريجيم شنو لموضوع التالي
ارسلان- هههههههههههههه خليهم على راحتهم اصاحبي راحنى كانستافدو فحرب نسا ناخدو معلومات
اسماء- شفتي شفتيهوم كايضحكو علينا
ايات- ههههه حتى حنا زدنا فيه شوية
اسماء- ايوا اجيو نديرو شي حاجة مسلية
ادم- نلعبو غمايضا
اسماء -ههههههه ماكرهتش ولاكن ضلام
ادم- شنو بانليك اارسلان
ارسلان- ماعنديش مشكل شوف ايات
ايات- انا لا كانخاف من ضلام
اسماء- جاتني فكرة (خوات القرعة من الماء) اجيو نلعبو كرسي الاعتراف ولي جات فيه القرعة غادي نسولوه ويجاوب بصراحا
ارسلان- اوكي مشات
ادم- يالاه شكون يبدا
اسماء- انا نبدا ( ضورتها وجات فادم) ههههه ادم نتا اول ضحية هههه
ادم- اوووووه دابا نتوما لي غاتسولوني ياك
اسماء- اه غانبدا انا .. اممم شنو هوا هدفك من هاد الحيات
ادم- امممم (شاف فايات) نتزوج الانسسانة لي كانبغي ونولدو وليدات ونربيوهم احسن تربية
اسماء- اووووه شحال رمنسي ارسلان سولو
ارسلان- ااااام شنو هي الحاجة لي درتيها وندمتي عليها
ادم- سال صعيب وخاصو تفكير .. امممم حاليا مازال ماندمت على حتى حاجا
اسماء- ايات ضورك دابا
ايات- شنو هي اكتر حاجا كاتخاف منها وشنو هي الحاجة لي كاتخاف عليها
ادم - نتي ههههه كانخاف منك فاش كاتغضبي وكانخاف علييك من كلشي
اسماء- اااه ياربي ادم خاصط تبدا تعطي دروس لشي ناس فرمنسية
اريلان- احم احم راني كانسمع
ادم- ضوري لقرعة نشوفو شكون تالي
اسماء- اوكي (ضورتها ) هااا جات فيا
ادم- انا نسولك.. فوقتاش عواليش ديرو لعرس
اسماء- شافت فارسلان .. كانقولو قريب ولاكن فوقاش بضبط ماعارفاش
ايات- شنو هي الاكلة المفضلة عندك
اسماء- سوشي واااو كانحماق عليه
ارسلان- ضوري انا اممم اوكي.. شنو هي لبلاصا لي سافرتي ليها وعجباتك
اسناء- نيويورك ومشيتلها وعاودت .. دابا غادي نضور لقرعة اوكي واجدين .. (ضورتها) اوووه ايات ضورك دابا وانا لي غانسولك الى ولدتي شي وليد فالمستقبل شنو باغيا تسميه
ايات-(تبسمت وشافت فادم) غادي نسميه ارسلان (كولشي شاف فيها )
اسماء- كيفاش
ايات- غادي نسميه ارسلان على اسم خويا لكبير
اسماء- ااااااه عندك خوك كبر منك
ايات- ههههه اه عزيزعليا بزاف وغادي نسمي ولدي عليه
اسماء- ادم سول نتا
ادم-(كايشوف فارسلان كايشوف فايات ملي قالت سميتو) اه اوكي .. اممم واش تقبلي تزوجي بيا على سنة الله ورسله
اسماء- وااااااااو ههههههه قبلي قبلي قولي اه ماتلقايش حسن من خويا ادم هههههه
ايات- (شافت فارسلان مبلوكي ورجعت شافت فادم) نعم اقبل
اسماء-اوووووووووو هههههه مبرووووك عليكم ارسلان بارك ليهم
ارسلان-(كايشوف فنضراتهوم لبعض) الف مبروك
اسماء- دابا ضور ديال ارسلان سولها
ارسلان- اوكي عاوديلنا على حياتك منين تولدتي حتى لدابا ..
ارسلان- عاوديلنا على حياتك منين تولدتي حتى كبرتي
ادم- هدا سؤال جمعتي فيه جميع الاسئلة وحنى عندنا فالقانون سؤال واحد
اسماء- ماعليش خلينا نسمعو قصتها باش نتعرفو عليها كتر
ايات- (شافت فادم كايديرلها اشارة باش ماتعاودش) اوكي انا يا سيدي تولدت فمدينة فاس وعشت وكبرت فوسط عائلة محافضة الاب ديالي عندو شركة ديال الكيران والام ديالي كانت انسانة متحررة كاتمتالك عدة متاجر لبيع الملابس النسائية مؤخرا الام ديالي ماتت والاب ديالي تجوج فا ماتقبلتش علاش يتزوج على ماما بهاد السرعة وزيد عليها ماتفاهمناش انا وياها فاضطريت انني نخرج من الدار وفوسط هاد الضروف تعرفت على ادم وهوا لي عاوني وحماني من بزاف دلاشياء ودابا انا ساكنا معاه
اسماء- علاش فين هوا خوك لكبير
ايات- مصافر برا لمغرب مكايجيش بحكم عندو خلافات مع الاب ديالي
اسماء- دابا ضور ديالك بقيتي غير نتا احياتي
ارسلان- اه اوكي
اسماء- شنو هوا الحلم ديالك
ارسلان- نلقى شخص لي فقدتو بسبب ضروف
اسماء- شكون هوا هاد شخص
ادم-( خاف لايقول اسم ايات وهوا يتدخل) سؤال واحد ماشي عشرا دابا ضور ديالي امممم شنو كاتخطط دير فالمستقبل
ارسلان- نزيد نطور فخدمتي ونحاول نوصل اسم شركة للعالمية
اسماء- وحياتنا مكاتفكرش طورها
ارسلان- اه انشاء الله.. دابا ضور ديالك اايات سوليني
ايات- ماعرفتش شنو غانسولك ولاكن غادي نعاود نفس سؤال لي سولتني اسماء شنو هوا الاسم لي باغي تسميه لولدك ولا بنتك
ارسلان- ايا.. (ماجا يكملها حتى صبقو ادم)
ادم- غادي يسميه ادم على سميتي ياك ولا لا
ارسلان- هههههههههه هاهوا جاوب فبلاصتي
ايات-هههههههههههههههه
ارسلان- نينا لكبدة هههههه
ادم- ماتعطيش لاسماء غاتخصر ليها ريجيم
اسماء- حرام عليك ااداااام حتى لغدا ونبداه من جديد
ايات- هههههه
ارسلان- ههههههه باينا
ادم- ماجاكومش البرد
اسماء- (كاتفوه) انا جاني نعاس
ارسلان- يالاه ندخلو اذن
اسماء- (عنقاتو ) حبيبا يالاه وصلني
ارسلان- غير سيري معاهوم غاندوز عند عمي عبد السلام بغيت ندوي معاه
ادم- يالاه ااسماء
اسماء- ( عيات من تصرفاتو ومشاعرو الجافة توجاها سمحات فيهم وطلعات)
ادم- هادي مالها
ايات- يمكن تقلقات من ارسلان كايبانلي مكايبغيهاش من تصرفاتو
ادم- لا كايبغيها غير مكايبينش
ايات- اممم مابانليش الانسان فاش كايكون كايبغي شي حد كايكون باين غير من عينيه
ادم- بحالي ياك
ايات- هههههههههه بحاااالك تماما
ادم- هههههههه يالاه ندخلو
خرج ارسلان من عند عبد السلام وفطرق شاف ادم وايات وهوما كايضحكو
ارسلان- (كايصوني ) الو جعفر مازال فايق
جعفر- اه اسيدي تئمرني بشي حاجة ..
ارسلان- فين وصلتي فلبحت على لبنت
جعفر- والو اسيدي مكاين حتى شي جديد
ارسلان- صافي تصبح على خير (قطع عليه ودخل لبيتو)
"في الصباح"
ايات -(فاقت مع لفجر كايودن توضات وصلات ومابغاش يجيها نعاس وقفت وطلات من سرجم ) (كاتستنشق القواء بقوة) اللله على نسمة لهوا لي فهاد لقرية ولا لمناضر ماشاء الله نمشي نشوف ادم واش فايق (حلت الباب غير بشوية لقاتو مازال ناعس وسدت الباب رجعت لبيتها) صراحة هاد الجو هوا ديال لمسارية فوسط هاد ربيع(بدلت حوايجها وخرجت شافت ارسلان كالت قدام رماد دلعافية وكايحرك فيه بواحد العود ومشات لعندو) صبح الخير ..
ارسلان-(دار ومنين شافها ابتسم) صبح النور فقتي بكري ليوم
ايات- اه الجو ديال هاد القرية كايخلي لواحد مصحصح على صباح وكولت نخرج ندور شوية هنا
ارسلان- تبغي نكون لمرشد ديالك
ايات- ههه وعلاش لا ادم مازال ناعس نمشي نفيقو يجي معانا
ارسلان- غير خليه ينعس ماغايبغيش يفيق
ايات- بصح عندك لحق كانتقاتل معاه عاد كايفيق
ارسلان - غادي نجيب صابر ونجي
ايات- شكون هوا هدا
ارسلان- غير تسناي هنا
ايات- اوكي(شوية وهوا جاي وجايب معاه صابر حصان اسود عربي اصيل)وااااو هوا
ارسلان- نعرفك عليه صابر ايات ايات صابر
ايات- هههههههه تشرفنا
ارسلان- (ركب عليه ومد يدو ليها باش طلع) اري يديك
ايات- لا كانخاف
ارسلان- (نزل من على الحصان) ماتخافيش ضريف مسكين ( شدها من خصرها بيديه بجوج وعلاها حتى ركبت عليه وركب وراها)
ايات- ارسلان خايفا لا يهرب بينا
ارسلان- هههههههه خوافا نتي
ايات- بزاف
ارسلان- (مرر يدو بين خصرها وشد لجام ) ماتخافيش غير خليكي مهدنة وماغايوقع والو..
ايات- اووه اوكي
ارسلان- صابر زيد (ضربو برجليه)
ايات- وااااو رائع
ارسلان- كايبانلي صابر عجبتيه
ايات- شعور متبادل حتى انا عجبني .. ودابا فين غادين
ارسلان- (كايشتم ريحة عطرها لفواحة وخصلات شعرها كاتداعب وجهو بسبب نسمات الهواء الخفيفة) غادي نديك لواحد النهر زوين بزاف غايعجبك
ايات- اي حاجة فيها الماء كاتعجبني فاش كاتشوف الماء وهوا كايجري كاتحس بعضمة الخالك سبحانه
ارسلان- (مغمض عينيه ومستمتع باخصلات شعرها الاسود) فعلا عندك الحق.. حاحنا وصلنا .. (نزل هوا ونزلها وهوا متمسك بخصرها الرشيق)
ايات- ياالله على هاد المنضر الرائع
ارسلان- اجي كلسي هنا
ايات- شكرا
ارسلان- فينما كانجي لهاد الفيرما كانجي لهاد النهر كانرتاح فيه
ايات- فعلا كايدخل الراحة على قلب
ارسلان- مزيان منيعجبك
ايات- (تبسمة ليه قالت فنفسها وهي كاتشوف فيه) اشنو دنبك ودنبي حتى نتعاقبو على ذنب مادرناهاش (غمضت عينيها بتعب)
ارسلان- باش كاتحسي
ايات- براحة
ارسلان- (كايشوف فيها وهي مغمضة عينيها وقلبو كايضرب وكايقول فنفسو) علاش غير كانشوفك كانحس بقلبي غايطير من بلاصتو علاش نتي بضبط ااه ياربي علاش ماطلاقيتكش انا الاول ااه
ايات- (حلات عينيها ولقاتو كايشوف فيها وتبسماتلو)
ارسلان- غمضي عينيك وستنشقي الهواء وقولي اي حاجا جاتك فالبال وغادي ترتاحي من جواتك
ايات- بصح
ارسلان- امممم
ايات- واخا غنيت
ارسلان- (تبسم) سمعينا صوتك
ايات-(ستنشقت الهواء وغمضت عينيها وبدات تغني) لا تبكي يا صغيري لا انضر نحو السماء (ارسلان كايشوف فيها بدهول) من قلبك الحريري لا لا تقطع الرجاء ان الامل جهدن عمل والجهد لا يضيع الامل جهدن عمل .. الوان طيف طاهرة قوسا وحبا ناشرة من اين
ارسلان - من قطرات المااااااااء (فتحت عينيها وضحكة وكملو لغنى)
بجوجهوم---تعاونت قطرات في قلبها نبض ملئ بالحياة تماسكة تعاونت كن مثلها.. جهدن امل الوان حيااااااااه
(سالاو لغنا وبدا يضحكو )
ايات - هههههههه حتى نتا حافضها
ارسلان- اه ههههه
ايات- انا عندي مع هاد الاعنية دكريات
ارسلان- امممم واخا سولتك شنو هوما دكريات لي عندك معاها
ايات- كان ديمة خويا ارسلان كايغنيهالي قبل مانعس
ارسلان- (كايقول فنفسو) مايمكنش تكون هاد صدفة كلها لا بزاف .. توحشتيه
ايات- امممم بزاف كانبغيه بزاف ومزالة كانعس معايا دمية لي شراهالي فاش كنت صغيرة مكاتفرقنيش كانشم فيها ريحتو
ارسلان- (كايقول فنفسو لا بزاف على هاد صدف كامل).. كبرتي ومازالة كاتنعسي معاك دمية
ايات- امممم سميتها لالي مانقدرش نعس بلا بيها ابدا والى تلفتلي نحماق
ارسلان- لا مستحيل
ايات- شنو هوا لي مستحيل
ارسلان- سميا ديال ل...ماجا يكملها حتى وقف عليهم ادم بالحصان ديالو
ادم- شنو كاديرو هنا بجوج بيكم فهاد لبلاصا لخاوية (نزل من على الحصان)
ايات- (وقفو بجوج)فقت صبح بكري خرجت ولقيت سي ارسلان كالس وبقينا كاندورو حتى وصلنا لهنا
ارسلان- صافي هادشي لي كاين
ادم- وعلاش مافيقتينيش
ارسلان- انا لي ماخليتهاش
ادم- وعلاش
ايات- مابغيناش نزعجوك على صبح ....
ادم- (تبسم لايات) اوكي ماشي مشكل اجي نضورك فهاد جيها كانعرفها مزيان
ايات-(شافت فارسلان كايشوف فيها) ارسلان يالاه معانا
ارسلان- اا لا غادي نرجع
ادم- اجي معانا حتى نتا
ارسلان- اوكي
بقاو يتمشاو غير بشوية وادم شاد فايات وارسلان غادي معاهوم وداير يديه موراه وكايشوف من بعيد
ادم- كونت طالع فاليل فدروج او خرجلي جن
ايات- هااااا ايوا وشنو درتي
ادم- قريت عليه طلع البدر علينا ومابغاش يمشي
ايات-هههههههههههههه
ارسلان- كون جربتي يا طيبا
ايات-هههههههههههه
ارسلان- ديما هاكا عندك ضحك فكولشي
ادم- بعدا ماشي معقد بحالك
ايات- شافت لجو غايبدا يتكهرب وتدخلات (داك زرع لي تماك ديالمن)
ارسلان- ديال لمزرعة قتلاتو الحرارة ويبس
ايات- واخا دخلنا ليه
ارسلان- ماشي مشكل دخلي
ادم- لا بلاش تمشي تعضك شي حاجا
ايات - (ماتخافش )جراتهوم من يديهوم (يالاه دخلو معايا)
ارسلان كايشوف فيديها لي شادا فيه وكايضحك وصلو للوسط وكلسو غبرو مابقاوش يبانو بسبب زرع لكبير ماشاء الله
ايات- (نعست على الارض وبجوج دارو شافو فيها وهوما كالسين وهي فوسكهوم) علاش كاتشوفو فيا (جراتهوم بجوج ) نعسو حتى نتوما ( كاتشوف فسماء ) شوفو على منضر شحال رائع فسماء
ارسلان- فعلا رائع سبحان الله الدي خلق السماوات والارض
ادم- (تكا على جنبو جنب ايات وشاف فارسلان مدور راسو
ارسلان- كانحس براسي بحال شي عزول
ايات- لا ماتقولش هاكا راك مونسنا
ادم- امممم بصح
اسماء-(وقفت عليهم ومقلقا) حرام عليكم من صبح وانا نقلب عليكم حتى ضروني رجلي
ارسلان- وعلاش كاتقلبي علينا كون تسنيتينا حتى نجيو ماغاديش نسكنو هنا
اسماء-دابا انا مامزياناش حيت قلبت عليكم
ايات- لا اختي (كحزت ) اجي كلسي حدانا احسن حاجا درتيها منين جيتي دابا عاد كملت الكلسا
اسماء- (كاتشوف فارسلان بحزن) شكرا اختي ايات
ادم- بلا ماتكلسي يالاه نمشيو نفطرو مسارني كايغوتو
اسماء- دربت هاد طريق كاملة باش تقولي نرجعو حرام عليك
ادم- راه كاينين الاحصنة ماغاتمشيش على رجليك
ايات- (وقفت يالاه نمشيو)
ارسلان- (وقف وجر اسماء ركبها على الحصان ديالو)
اسماء- واااااااو صابر شحال ماشفتك
ادم- اجي نركبك
ايات- مكايجريش
ادم- لا ماتخافيش ماغانخليهش يجري (حط يديه على خصرها وطلعها)
ايات- ونتا ماغاطلعش
ادم- بلاش انا غادي نتمشا علا رجلي
وكدالك ارسلان كايتمشى على رجليه حتى وصلو لقاو لفطور واجد فطرو وكلسو
اسماء- غادي نبقاو غير جالسين
ادم- نمشيو لواحد المطعم فلخرجة ديال القرية مطعم راقي بزاف فوسط الغابة نتغداو تماك ونشدو طريق لفاس
ارسلان- فكرة زوينة
ايات- بصح فكرة زوينة
ادم- يالاه احياتي طلعي جمعي حوايجك
ارسلان- حتى نتي ااسماء طلعي جمعي حوايجك
وجدو راسهوم وشدو طريق للمطعم لي مكانش بعيد بزاف وكان تغير واضح على ملامح ارسلان ومابعدش نضراتو على ايات لي كانت ناعسا حيت فاقت بكري وكدالك ادم لاحض التغير على ارسلان ولاكن مابينش وصلو للمطعم ونزلو شدو طاولة فالهواء الطلق
اسماء- ادم منين طحتي على هاد المطعم راقي وزوين بزاف
ادم- شحال من مرا جينالو انا وارسلان
اسماء- اصح احياتي عمرك جبتيني ليه
ارسلان- ايوا هانتي جيتي ليه
اسماء-( جمعت ضحة ) ماشي مشكل
ادم-(جا نادل لعندهوم) شنو تشربو
ارسلان انا قهوة مسوسة
ايات- وانا بغيت ليgلاص
ادم -ونتي اايات
ايات- بحال اسماء
ادم- جوج قهوى مسوسة وجوج ليgلاص
ايات- الجو هنا زوين بزاف
ارسلان- مازال ماشفتي واحد جيها هنا فيها جميع انواع الطيور
ايات- ضروري غادي نضوفها
ادم- اكيد غادي نشوفهوم كاملين ..
اسماء- حياتي بغيت نشوف طيور لي قلتي كاينين هنا
ارسلان- واخا زيدي (ناض وقلبو مع ايات بعدو عليهم غير واحد شويا ولاكن مازالين ايات وادم كايبانواو بوضوح )
اسماء- وااااو شفتي داك طاوس شحال زوين ياااي
ارسلان- اممممم (وكايشوف فايات)
ادم- (شدليها فيدها) كانبغيك
ايات- انا كتر
ادم- لا انا كتر
ايات- قلتليك انا كتر
ادم- من نهار لول مامفاهمينش صافي ابنت الناس تهلاي (جا نايض)
ايات- ههههههه(جراتو كلس) كلس صافي لي بغيتي
ادم ايوا هاكاك كوني تسمعي لهضرا
ااسماء- (شيرت لايات) ايات اجي تشوفي
ايات- اوكي يالاه نمشيو
ادم- اوكييييي
اسماء- شوفي هداك طاوس شحال زوين
ايات- اوووه رائع
ارسلان- اجي تشوفي هنا واحد الببغاء (جرها من يدها)
اسماء- حياتي ما(ضارت مالقاتوش شافت فادم) فين مشاو
ادم-(جاتو الغيرة ومابغاش يبين ) راهوم
اسماء- اه الببغاء (مشات عندهوم)
ادم- هبيلة وغاتبقاي هبيلة طول عمرك
ارسلان- شفتيك كيفاش كايهضر ههههه
ايات- ههههههه سبحان الله
اسماء- يالاه ندخلو لداخل سمعت دايرين الموسيقى
ارسلان- خلينا غير هنا مكاين لاش
ادم- (جر ايات من يديها) حنا غاندخلو يالاه
ايات- يالاهو معانا
اسماء- حبيبة عافاااك
ارسلان- اوكي زيدي
منين دخلو لقاو لي كوبل كايرقص مع بعضياتهوم
اسماء- اااووووه حياتي بغيت نرقص
ارسلان- مكاين لاش
اسماء- صافي هاد لمرا غير سكت (جراتو بزز ودخلاتو للوسط وكانو دايرين موسيقى كلاسيكيا وكل العشاق تتمايل مع نغمات الموسيقى الرمنسية)
ادم- تسمحيلي بهاد رقصا
ايات- ولاكن مكانعرفش
ادم- انا نعلمك ماترفضيش بليز
ايات- اوكي
بداو يرقصو بكل رمنسية وادم متمسك بخصرها وعلى انغام الموسيقة كايتحركو بكل هدوء
ارسلان- غادي نمشي نكلس عيت
اسماء- حياتي عافاااك عندي فكرة .. ايات تسمحيلي ناخد منك ادم نرقص معاه
ايات- (تبسمات) تفضلي
اسماء- ونتي رقصي مع ارسلان (ادم غير كايشوف وساكت ماقدرش يهضر)
ارسلان- تسمحيلي بهاد الرقصة
ايات- (بتاسمات) طبعا
مسكها من خصرها وجرها لعندو وبداو يرقصو
ادم- شنو هادشي لي درتي
اسماء- الى قلتلك مليت من مشاعرو الباردة توجاهي
ادم- نتي لي مكاتعرفيش تتصرفي
اسماء- عيت درت اي طريقة ممكنة باش نخليه يبغيني حتى انا انثى وبغيت نحس باراجل لي كانبغيه يكون كايبادلني نفس الشعور
ادم- وشنو الحل فنضرك
اسماء- لاحضت حركاتك مع ايات وماكرهتش كون بغيتك قبل منها كونت غانكون محضوضة بحالها
ادم- شحال قلنا هاد الهضرة شحال بقيت كانحاول معاك باش تبغيني وماديتيهاش فيا
اسماء- كانو مغمضينلي لعينين ماكنتش كانشوف شي حد من غيرو ودابا عاد عرفت بقيمتك وبرجولتك
ادم- مشا الحال تعطلتي
اسماء- وهادشي لي مقلقني ومعصبني كتر
ارسلان- واش عيتي
ايات- لا
ارسلان- كايشوف ليها فعينيها وكايقول فنفسو(نفس النضرات نفس لعيون نفس رموش نفس شفايف ابدا ماتبدلتيش )
ايات- احم امم
ارسلان- بغيتي تقولي شي حاجا
ايات-(كاتقول فنفسها هادي هي لفرصة ديالي ماخصنيش نفلتها) اممم كون بغيت نطلب منك واحط طلب
ارسلان- على راسي وعينيها
ايات- امم كونت بغيت نقولك تشوفلي شي خدمة عندك مليت من لكلاس فدار
ارسلان- على الرحب والسعى فوق مابغيتي اجي لعندي للشركة
ايات- ميرسي بزاف على تفهمك
ارسلان- العفو ممكن تكوني سوكرتيرتي ديالي علاما ترجع سكرتير ديالي
ايات- بصح زعما ممكن نعرفلها انا ماعمري جربت هاد الخدما
ارسلان- ساهلا غير غاتستقبلي المكالامات وتسجلي المواعد وشي حاجات خرين بساطين انا نعلمك اوكي
ايات- اوكي زعما كانتمنى ادم مايعتارضش
ارسلان- انا غادي نقنعو غير تهناي نتي....
ايات- ميرسي. بزاف...
ارسلان- كيفاش حتى تعرفتو على بعضياتكوم
ايات- (تنهدت ) تعرفت عليه قبل مانخرج من دارنا بشي يامات وهوا لي عاوني
ارسلان- فين بضبط
ايات- (حنات راسها ) عيت دبرني طالون بغيت نرتاح
ارسلان- اجي كلسي رتاحي
ادم- كايبانلي طاح ضلام خصنى نشدو طريق
اسماء- انا لي غادي نسوق
ارسلان- الله يرحمنا مسبقا
ادم- صافي مشات
ايات- اسماء مازال باغيا نعيش
ادم- ماتخافيش راها ماهرة فسياقة
اسماء- شفتي لي كايقدرني (قربت لعند ادم وبصوت مغري قالت ميرسي بزاف)
ادم- شاف فايات طلعلها دم وجرها ( يالاه احياتي )
توجهو للسيارة وركب ارسلان هوا واسماء فالقدام وايات وادم لور واسماء لي كانت كاتسوق وصلو اسماء لدارها او وصلو ارسلان للفيلة ديالو وعاد كملو طريق
ادم- مالكي قالبا عليا وجهك
ايات- ماماليش
ادم- غير قولي
ايات- شنو دوك لحركات لي كادير مع اسماء
ادم- هههههه مغيارة ديالي
ايات- ماشي هاكاك ولاكن راه زدتو فيه لي يشوفكوم يقول مزوجين
ادم- اشمن حركات مافهمتش
ايات- فاش كنتي كاترقص معاها كونت حاضياك نتا وياها شنو كنتو كاتقولو
ادم- والو غير هدرا خاوية
ايات- لا مكايبانليش خاوية دوك الحركات والايماءات كونتو قراب لبعضياتكوم بلاصقين واش عرفتي شنو هيا ملاسقين
ادم- واصافي احياتي ماتزيديش فيه
ايات- مانزيدش فيه ياك
ادم- هاحنى وصلنا يالاه نهضرو فدار حسن (خرجت وزدحت الباب بقوة ) غير بشوية مالكي معصبا
ايات- شرف حل الباب
ادم- غير بشوية عليك عنداك تفركعي
ايات- غادي ننفاجر اه غادي ننفاجر على تصرفاتك زينين لا ومقربا ليك وبطريقة مغرية انا حشمت فبلاصتك
ادم- واصااافي
ايات- لموهيم ماتهضرش معايا دبا انا مقلقا منك
ادم- حياتي عافاك
ايات- رجعت هبطت .. غير باش نعلمك انا غدا غانمشي معاك لشركة
ادم- وعلاش بسلاما
ايات- سي ارسلان الله يكتر خيرو طلبت منو يخدمني عندو ومارضهاليش فوجهي
ادم- ااه دابا عاد فهمت درتي هاد سيناريو كامل باش تقوليلي هاد الهضرة
ايات- ماصوقيش فهمها كيف بغيتي انا لامتى غادي نبقى عايشة عالة عليك
ادم-(بصراخ) وشكون قالك نتي عالة عليا
ايات- اه عالة حتى انا بغيت نحس براسي انسانة متحررة وقادرة تعتامد على راسها ماشي تبقى معولا على ناس
ادم- ناس .. ناس ياك .. الله يكتر خيرك هي انا ماشي راجل ياك
ايات- فهمها كيف بغيتي انا ماقولتش هاد الهضرة
ادم-(بصراخ) انا قولتليك انني قادر نوفرليك لي بغيتي نتي غير تشرطي وانا نفد ليك مكانضنش غادي نزيدك شي حاجة كتر من هادي وماتزيديش فيه وماترفعيش عليا صوتك
ايات- (بعد صمت ) لي عندي قلتو
ادم- اوكي ديري لي بغيتي ( خلاها وطلع)
ايات- اوووه ياربي اشنو درت.. لا يستاهل هادوك ماشي حركات طبيعين يستاهل
ادم- فبيتو.... مابغيتيش تفهمي انني خايف عليك ....شنو غاندير دابا (ضرب لفازا تهرسات بالاعصاب وخرج لعندها )
ايات- هاا اشنو هادشي .. عصبتو واقيلا زدت فيه حتى انا.. اااه ياربي .. ماعنديش شي حل اخر من غير انني نخدم معاه وبهاد الطريقة نقدر نفد ليهوم لي بغاو بلا مانجرح مشاعر ديال حتى شي واحد وماغانكونش مضطرة نتقرب من سي ارسلان هاكا حسن .. ماعليك غير تصبر معايا احياتي ماعنديش شي حل اخر
ادم- (وقف فراس ديال دروج وسمعها شنو قالت شافها غاطلع ورجع بسرعة دخل لغرفتو وسد الباب ) دابا عاد فهمت علاش كاتصرفي هاكدا بديتي بتنفيد تعليماتهوم شغاندير شغاندي شغانديييير
"في الصباح"
فاقت صبح بكري ستحمت ولبست احسن ماعندها .. فستان باج لاسق على فورمتها الرشيقة وحد الركبة وسماطيه عراض وكول v وطالون اسود وحقيبة سوداء مشطة شعرها وطلقاتو ماشاء الله على شعرها طويل تعطرت باحسن العطور لي عندها وهبطت لقات ادم كايصوب لفطور وحتى هوا ماشاء الله عليه لابس طقم اسود مع سوميج اسود ومادايرش لكرفاطا وحال جوج صدفات شافها وماهضرش معاها
ايات- صبح الخير
ادم- لا رد
ايات- غاجي نمشي معاك ولا نشد طاكسي
ادم-(هز كاس دلقهوة وخرج) سربي فطري
ايات- ماجاوبتينيش
ادم- غادي نتسناك فسيارة..
ايات- بلاتي (قربات منو وبدات تغنيلو اغنية غالي علي لكرول سماحة)
من اول ما تلاقينا انا وياك .. في شي غريب
غير عمري .. وصار يحلي ايامي
ما عاد عيوني يشوفو .. غيرك ادامي
فجأه ياللي حسيته .. اكبر من اللي لاقيته
وتحقق ياللي حلمته من زمان
غالي عليي .. غمرني وخدني لعيونك
ما عاد فيي .. عيش دقيقه من دونك
غالي عليي .. غالي عليي
آه قرب ليي .. لا تحرمني من حبك
خاف عليي .. احميني واتركني بقربك
قرب ليي .. قرب ليي
ما تصورت بحياتي في انسان .. لو مين ما كان
تقدر كلمه منو تسهرني ليالي
ولما يبعد يبقى .. صوته ببالي
فجأه ياللي حسيته .. اكبر من اللي لاقيته
وتحقق ياللي حلمته من زمان
ادم- (تبسم ليها وضمها لعندو) ماتبقايش تغني
ايات- هههههههه حرام عليك....(حنات راسها) سمحلي على البارح
ادم- (علالها راسها) واعدتك انني مانتقلقش منك والى كنتي غاتكوني فرحانا ونتي كاتخدمي فاااا الله يسهليك
ايات- اااه حياتي شكرا بزاف على تفهمك ليا
ادم- (باسليها راسها) غادي نتعطلو احياتي
ادم-(ركبو فسيارة ) نوصيك من دابا ماتيقي فحتا واحد فديك شركة
ايات- علاش
ادم- هاكاك في منهوم عينيه زايغا وفي منهوم متكبرين خاصك تتعلمي تعاملي مع كل واحد فيهم باسلوبو واهم حاجا نتي سكرتيرة ديال ارسلان ماشي ديال فلتان وعلان
ايات- كيفاش فلتان وعلان
ادم- يقدر يجي عندك شي واحد ويقولك اجي عندي لمكتب محتاجك ولا اجي عاونيني خاصك ترفضي بحال هاد النمادج
ايات- شنو نسميو هادشي
ادم- غيرة منحقي نغار عليك
ايات- ماتحتاجش توصيني عاشرت ناس اسوء وابشع ماغاديش يأثرو فيا هاد فلتان وعلان ديالك
ادم-ايوا هاكا نبغيك (وصلو)
ايات- واااو
ادم- مازال ماشفتي والو حتى دخلي
ايات- هههه باينا فيها شركة راقية
ادم- اكيييد
دخلو بجوج وكاع نضرات عليهم وكاع الموضفين كايسلمو على ادم
ايات- اممم عندك شعبية كبيرة هنا علاما كايبانلي
ادم- اكيد لانني عندي نسبة مهمة من الاسهم فهاد الشركة
ايات- امم فهمت
ادم- (وقف لاسانسور ) تفضلي
ايات- شكرا .. بغيت نعرف واش خاصني نتعامل معاك بطريقة رسمية بما اننا فوصط الخدمة
ادم- هههههه كاتعجبيني بتفكيرك .. وي خاصنا نتعاملو بطريقة رسمية ماشي غير معايا حتى مع ارسلان نتي هنا موضفتو ماشي صديقتو وبرا عاد تصرفي بشكل طبيعي اوكي
ايات- اممم اوكي فهمت (خرجو من لاسانسور )
ادم- يالاه نوريك لمكتب ديالو فين جا .....(تمشاو حتى للمكتب) هادا هوا ولمكتب دايالي ملاسق معاه الى حتاجيتيني غادي تلقايني هنا
ايات- اوكي هادا هو المكتب ديالي
ادم- بضبط بلاتي نشوف واش ارسلان لداخل (دق فلباب ودخل ) صبح الخير
ارسلان- صبح النور
ادم- ايات تفضلي
ارسلان-غير سمع ايا وقف.. مرحبا بيك
ايات- (تبسمت) ميرسي مسيو ارسلان
ارسلان- (ستغرب من ديك مسيو ) العفو تفضلي شنو تشربي
ايات- بما انني انا سكرتيرة انا لي غانطلب ليكم شنو تشربو
ادم- مادموزيل قهوتي لي مولف راكي عارفاها
ايات- اكيد ونتا امسيو ارسلان
ارسلان- قهوة مسوسة الى سمحتي
ايات- امممم وكيفاش غاندير نطلبهالكوم
ارسلان- ههههه اجي نوريك
ايات- غير صبر معايا علاما نتعلم
ادم- اوكي نخليكم انا عندي مانقضي
ارسلان- اوكي باي.. اجي معايا امدموزيل .. هدا هوا لمكتب ديالك غادي نصوني عليك والى طلبت منك شي حاجا بحال لقهوة غادي تبركي على هادي وغادي يجاوبك سي سعيد .. سي سعيد قهوتي او شنو تشربي..
ايات- كاس دلما
ارسلان- قهوة وكاس دلما
سعيد- واخا سي ارسلان
ارسلان- شفتي ساهلا
ايات- بصح
ارسلان- والى جا شي حد بغا يدخل ماتخليهش حتى تصوني عليا ونقوليك دخليه وماتخرجيش حتى تشوفي شنو بغا يشرب لي جا عندي واهم حاجا مايكونش من الموضفين الان الموضفين مغايشربو والو غادي يمشيو لخدمتهوم يعني لي غاتسوليه يكون شي زبون او شي حاجة بحال هاكا
ايات- فهمت
سعيد (كايدق فلباب)
ارسلان- تفضل
سعيد - بونجوغ قهوتك
ارسلان- ميرسي هادي سكرتير جديدة سميتها ايات
سعيد- متشرفين امدموزيل
ايات- شرف كولو ليا
ارسلان- تقدر تمشي ابا سعيد
ايات- تلفون كايصوني
ارسلان- جاوبي
ايات- وي الو نيوجرسي القابضة بونجوغ .. وي سيدي .. شنو الاسم.. واخا نشوف فدفتر المواعيد .. ممكن تجي غدا مع 11 .. العفو اسيدي .. ميرسي (قطعات) اووووووه كيف جيتك
ارسلان- (كايصفق) برافووووو عليك دغيا كاتعلمي
ايات- كانتمنى نكون عند حسن الضن
ارسلان- اكيد (قلب وجهو) دابا جا وقت الجد.. مادخليش لعندي الى مكانتش شي حاجا ضرورية ومنين نقولك مابغيتش ازعاج مانبغيش نسمع حس نملا فهمتي
ايات-(تصدمات من النبرة ديال صوتو الحادو) .. فهمت (دخل وسد الباب)
ايات- هدا مالو دغيا تقلب عليا.. (تلفون كايصوني) وي الو نيو جرسي القابضة بونجوغ
ارسلان- جيبيلي قهوتي وهادي نمرة ديال المكتب بلا ماتقولي ديك الجملة طويلة
ايات- اوكي مسيو(هزت القهوت ودقت فالباب)
ارسلان- (كايشوف فلوراق حطت هي لقهوة على المكتب وماكلفش راسو يشوف فيها ) تقدري تمشي
ايات- اوكي مسيو (خرجت وسدت الباب وقلبها كايزدح) سبحان مبدل الاحوال (تلفون كايصوني وهاد لمرة شافت نمرة) وي مسيو
ارسلان- (حابس ضحكة) طلبيلي قهوة اخرى هادي بردات
ايات- اوكي مسيو .. (طلبتليه قهوة ودقت فالباب)
ارسلان- دخل
ايات- (حطت القهوة ) تبغي شي حاجا اخري
ارسلان- طلع وهبط فيها .. تقدري تمشي
ايات- اوكي باغدون (خرجت ) غادي نتاقلم مع الوقت اكيد (صونا تلفون) وي مسيو
ارسلان- شنو عندي ليوم
ايات- شنو عندك
ارسلان- شوفي دفتر المواعيد
ايات- اااه باغدون .. واحم اااممممم اااااه عندك جتماع مع 2 مع وكلاء شركة الغفران
ارسلان- اوكي وجدي قاعت الاجتما
ايات- سمحلي ولاكن ماعرفتش فين جات
ارسلان- ااه نسيت (قطع عليها وخرج) اجي نوريك فين هي (تمشاو حتى وصلو للقاعة) هاهي
ايات- اوكي وشنو لمطلوب مني ندير
ارسلان- غادي تنضمي لكراسا وتحطي لمكرفونات وتحطي قراعي دلماء صغار وقلم او ورقة فكل مقعد
ايات- فهمت ولاكن منين غانجيب هادشي لي قلتيلي
ارسلان- داك لبلاكار صغير غاتلقاي فيه كلشي اوطي
ايات- اوكي(خلاها وخرج) هدا مالو عاد البارح كان كايرقص معايا ودابا داير عليا معلم
ادم- (دخل عندها)مال لغزالة ديالي مقلقة
ايات- احم مامقلقاش
ادم- متئكدا
ايات- اه متئكدا ....وتعامل معايا برسميا مادموزيل ايات الى سمحتي
ادم- اووووه كاتبانيلي دغيا تاقلمتي وانا لي كنت حاكرك
ايات- كيفاش حاكرني .. ايوا ياسيدي العود لي تحكرو يعميك
ادم - يااااااك مابقيناش نقدرو نهضرو معاك .. سمحيلي انا غادي (خرج )
ايات- احسن .. قالك حاكرني علاش شنو ناقصني.. اويلى ياكما تعديت من ارسلان .. احم هادي هي الخدمة مانعقل على حتى واحد....
رجعات ايات لمكتبها بعدما نفدت داكشي لي قالها ارسلان كان يحسابها داكشي ساهل ساعة مع من طحتي
اسماء- (دخلت) هااا شكون كانشوف ايات
ايات- مرحبا
اسماء- واش وليتي خداما هنا
ايات- وي مؤقتا
اسماء- على العموم مرحبا بيك معانا
ايات- ميرسي ( شافتها دخلت وقلبها بغا يسكت تبعتها ولقات ارسلان محمر فيها )
ارسلان- مادموزيل ايات شنو قلنا قبل
ايات- كانعتادر ولاكن
ارسلان- مكاين لا ولاكن تعليمات كاتمشى على كلشي
اسماء- ايات تقدري تمشي
ارسلان- واش قلتليك خرجي
ايات- ولاكن
اسماء- (تبسماتلها بادب) تقدري تخرجي
ارسلان- بقاي
اسماء- خرجي
ارسلان- بقاي
اسماء-خرجي
ايات- صافي باراكا(سكتو بجوج) (وتنهدت) انا غادي نخرج والى حتاجيتي شي حاجة اااامسيو ارسلان عيطلي
ارسلان- ولاك.. (زدحت الباب بجهد)
ايات- هادو باغين يحمقوني واقيلة
اسماء- علاش كادير بحال هاد التصرفات
ارسلان- هاد لمكتب للخدمة ماشي للقائات الغرامية فهمتي
اسماء- فهمت وعارفا وماجيتش باش نصدعك جبتلك هاد الملف عاد وصل دابا (حطاتو وخرجات)
ايات- اسماء واش نتي بيخير
اسماء- (دمعة واقفالها فعينيها) اه انا بيخير عندي شي خدمة غادي نمشي
وصل وقت الغداء وكلشي تجمع فالمطعم وايات هازا صينية وكاتقلب فين تكلس وهي تسمع صوت قالها كلسي ضارت تشوف لقاتو ارسلان
ارسلان- كلسي هنا
ايات- (كاتعاملو بنفس طريقتو المتعجرفة ) ميرسي مسيو
ارسلان- (كياكل وماطلعش فيها شوفة ) كيف جاك اول يوم فالخدمة
ايات- كي زفت
ارسلان- كيفاش
ايات- زوين زوين
ارسلان- اااه
ايات- (بصوت خافت)متعجرف
ارسلان- قولتي شي حاجا
ايات- قولتليك لماكلة لديدة
ادم- (كلس حداهوم) ماتكونش بحال طيابك اااامدموزيل ايات
ايات- (رتاحت منين شافتو وضحكات) من قبيلة وانا نتسناك ماخرجتيش
ادم- كانت عندي شي خدمة مزروبة هدا لاش تعطلت
ارسلان- (حاني راسو وكاياكول)شوف كيف دير وحاول تقنع سي حميد يبيع لينا الاسهم ديالو
ادم- راني خدام على هاد الموضوع
ارسلان- مزيان .. شبعت بصحتكوم (هز صينية ديالو وخرج)
ايات- مكانش يحسابلي صاحبك متعجرف هاكا
ادم- ههههههههه هادشي لي كاتشوفي غير مضاهر باش الموضفين يحتارموه
ايات- داكشي لي قلت حتى انا حيت غير لبارح كان ضريف واليوم تقلب تسعين فلمية
ادم- ايوا شفتي قولتليك بلاش عليك من شي خدمة
ايات- بدينا عاود
ادم- صافي صافي
ايات- واش حتى نتا غاتحضر للاجتماع مع 2
ادم - اه ضروري واحد لمصاخط عينا معاهوم يبيعولنا الاسهم ديالهوم وتكول واش بغاو وانا غانحاول نقنعهوم باي طريقة فهاد الاجتماع
ايات- اممم فهمت .. شبعت غادي نطلع للمكتب لا يجري عليا صاحبك
ادم- ههههههه غير صبري ماعندك ماديري
"في منزل مليكة"
الحاجة- كيف بقيتي دابا اولدي باش كاتحس
اسماعيل- الحمد لله الحاجة يوماين ونكون مزيان
الحاجة- مزيان بغيتك تصح دغية مازال عندك شلا شغالات واولهوم هداك ادم غادي تشوف شي طريقة باش تتخلص منو
اسماعيل- غير بلاتي عليه الحاجة غادي نردلو الصاع صاعين ولاكن ماشي دابا حتى نبرا
الحاجة- هكا نبغيك ونعم الرجل مايسمحش فحقو ابدا
مليكة- وجدتليك شوربة تعوط باش تاكل
اسماعيل- قهرتيني بصوبا ماكاتعرفيش طيبي شي حاجا اخرى
مليكة- هاد صوبا راها صحية وغادي تعاونك باش تبرى
الحاجة- يالاه نخرجو خليه يرتاح(جراتها لبرا) فين وصلت ديك شنيولة ديال بنتك
مليكة- هضرت معاها مريم وقالتلها اليوم غادي تبدا لخما فشركة ديال سي ارسلان
الحاجة-ماعنديش غرض بشركة لان بوشتا غايكون مخبي اوراقو ولعقد فدارو ماشي فشركة
مليكة- البنت راها دايرا لي فجهدها وبشوية بشوية غادي تكسب ثيقتو وماشي بعيد يطلب يتزوجها ههههه
الحاجة- كاضحكي مزينك عقلك خاوي
مليكة-(جمعة ضحكة) هداك سيهوم ادم هوا لي معكس لينا هاد المهمة كون مكانش مون راها دابا فنصف دارو كالك كايبغيها وباغي يتزوج بيها
الحاجة- خليه يحلم منين يبقا عايش داكساع يتزوجها ههههههه
مليكة- عندك شي خطة
الحاجة- شلا خوطط ...
"في المكتب"
ارسلان-(ايات اجي محتاجك)
ايات- مادموزيل ايات الى سمحتي امسيو
ارسلان- احم ....سربي محتاجك اااااامادموزيل
ايات- اوكي(دقت فالباب)
ارسلان- دخل
ايات- تئمرني بشي حاجا
ارسلان- (قالها بحدة) جيبيلي لملف ديال موضوع الاجتماع
ايات- مسيو .. ممكن توريني فين هوا
ارسلان- (نعتليها بيديه) راه
ايات-( شافت فصبعو وشافت فلخزانة) شنو العنوان ديالو
ارسلان- غاتلقاي فيه تاريخ ديال اليوم
ايات- اه هاهوا (عطاتولو) تئمرني بشي حاجا ثانيا
ارسلان- تقدري تمشي
ايات-ممكن تتصرف معايا بشكل طبيعي لان طريقتك ماعجبتنيش
ارسلان- مادموزيل ايات حنى فالخدما ولازم يكونو بعض الحدود بيناتنا
ايات- اممم متفقة معاك ولاكن راه ممكن تطلب الحاجة بهدوء ماتخلينيش نندم حيت طلبت منك تخدمني عندك كان ممكن البارح ترفض طلبي الى مابغيتينيش
ارسلان- احم لا بلعكس انا لي خاصني نشكرك حيت كاتعاونيني علاما ترجع سكرتيرتي
ايات- ادن ممكن تعاملني بهدوء لان هاد الجو انا مامتعوداش عليه
ارسلان- كانعتادر
ايات- (شافت فساعة ) دابا جا وقت الاجتماع واش خاصني ندير شي حاجة
ارسلان- اه غادي تجيبيلي هاد الملف وتمشي معايا حيت ممكن نحتاج فلقاعة
ايات- اوكي .. (خرجات )
ارسلان- اوووف حتى انا زدت فيه
داز داك الاجتماع ممل بنسبة لايات وكانت محلياها بعض النضرات ادم وبتسماتو لايات وهي كدالك كانت معجبة بطريقتو فالكلام نضرات متبادلة وابتسامات بين العشاق ونضرات ارسلان فيهم وهوما كايتغزلو فبعضياتهوم غير بالعينين سالا الاجتماع وخرج ارسلان وبقاى غير ايات وادم فالقاعة
ادم- كيف جيتك
ايات- راااااائع كتاشفت فيك جانب اخر من شخصيتك
ادم- ههههه اشنو بانليك نوريك هداك الجانب لاخور من شخصيتي
ايات- مابقيتيش تحشم ههههه يالاه غادي نمشي
ادم- نطلاقاو مع ربعة عارض عليك بمناسبة فوزي فالاجتماع
ايات- اوكي (تبسماتلو وخرجات ومع ضورة دخلت فارسلان) احم سمحلي ماشفتكش
ارسلان- مصدوم وهوا كايشوف فيها وهوما متلاسقين .. احم.. ااام علاش ماخرجتيش منين شفتيني خرجت
ايات- ااه سمحلي شدني ادم بالهدرة
ارسلان- دوك نضرات والابتسامات فوسط الاجتماع مابغيتش نشوفهوم لمرا جايا
ايات- علاش كونتي حاضيني
ارسلان- احم احم ,...لا اصلان نتوما كاتلفتو النضر بدوك شوفات كولشي نتابهليكوم هاد الشركة للخدمة ماشي للغرام واضح
ايات- واضح.. (خلاتو ومشات لمكتبها )
ارسلان-(تبعها) محتاجك مع ربعة ماتخرجيش حتى نقولهالك
ايات- ولاكن(ماخلاهاش تكمل هدرتها ودخل لمكتبو)
ارسلان- (كايهضر مع راسو) خداما معايا ماشي معاه باش يعرض عليها فوقت الخدمة هضرتي لي غاتمشي هنا
"ومع الرابعة جا عندها ادم"
ادم- واجدا
ايات- مايمكنش نمشي معاك
ادم- وعلاش
ايات- مسيو ارسلان محتاجني
ادم- مايمكنش .. غادي نهضر معاه (دخل عندو)
ارسلان- صافي غاتمشي
ادم- اه وبغيت ندي معايا ايات
ارسلان- لا مايمكنش محتاجها تمشي معايا للمصنع
ادم- اااوف اجل هاد المشية
ارسلان- مايمكنش نئجلها.. وحتى نتا ماتخرجش دابا غاتمشي مع اسماء باش تشوفو شي مصمم لي غايديرلينا العرض جاي
ادم- ناري شحال ممل اصاحبي ..
ارسلان- راحنا مكانتفلاوش اصاحبي وراك عارف سيسطيم مزيان ماشي غير حيت هي خطيبتك غادي تديها فوق ما بغيتي
ادم- صافي شحال فيك .. غادي نشوف هاد اسماء
ارسلان- مزيان (صونا لايات تدخل)
ايات- وي مسيو
ارسلان- هاد نمرة ديال مسيو مصعب صاحب شركة هبة للنسيج تاصلي بيه وقوليليو يتلاقانا فالمصنع
ايات- اوكي مسيو
ارسلان- اوجدي راسك غانخرجو دابا
ايات- اوكي مسيو
خرجو بجوج وركبت معاه فسيارة وتاجهو للمصنع ومنين وصلو كولشي كايرحب بيه طبيعي هوا مول المصنع
مصعب- مسيو ادم
ارسلان- مسيو مصعب فرصة سعيدة هادي
مصعب - اكيد توحشنا نشوفو وجهك (شاف فايا واقفا حداه) هادي سكرتيرة ديالك
ارسلان- (لاحض نضراتو) اممممم
مصعب- مادموزيل صافا نعرفك على راسي انا مصعب صاحب شرك.. (قاطعاتو)
ايات- متشرفين وانا ايات ..
مصعب- نتي لي تاصلتي بيا
ايات- وي مسيو
مصعب- غير من صوتك عجبتيني ومنين شفتك زدتي عجبتيني
ايات- (شافت فارسلان مخنزر فيها وضد فيه بتاسماتلو) شكرا مسيو مصعب على المجاملة
مصعب- بلعكش ماشي مجاملة هدا واقع وجمالك سحرني من اول نضرة
ارسلان- (طلعلو دم) فين وصلتي اسي مصعب فلمهمة ديالك
مصعب- لخدما غاديا مزيانة وشركتي كاتطمح باش تجدد العقد شركتكوم المحترمة
(نوصف ليكم مصعب .. شاب عندو 35 سنة جمييييل وراقي طويل واسمر وعينيه عسلين وجمالو تركي تقول ازيل محطوط هههههه) بقاو كايدورو فالمصنع ويشوفو لمنتوجات ديالهوم لي كانت عبارة عن احدية نسائية راقية ولجو ماخلاش من نضرات مصعب لايات وماخلا حتى كلمة زوينة مقالهاش ههههه واخيرا سالاو وخرجو
مصعب- كانتمنى نرجع نشوفك امدموزيل ايات فاقرب وقت
ايات- تبسمات.. انشاء الله تشرفت بمعرفتك
مصعب- سلم عليها باليد وكايدور فعينيه.. ولي كامل الشرف
ارسلان- حيدليه يديه وسلم عليه هوا .. بسلاما عليك اسي مصعب
مصعب- بسلاما
ارسلان-(حل ليها باب سيارة).. تفضلي
ايات- ميرسي
ارسلان شاف فمصعب لي كان كايشير بيديه لايات وكسيرا بجهد خلا لغبرا نايضا موراه
ايات- مسيو خفض السرعة شوية الى سمحتي
ارسلان- ماداهاش فيها
ايات- ارسلان حنا دابا ماشي فشركة تعامل معايا باحترام
ارسلان- وقف سارة فجنب طريق بواحد السرعة ومكايشوفش فيها.. هاني وقفتها تبغي تصوكي نتي باش ترتاحي كترذ
ايات- (خرجت من سيارة وتنفسة الهواء) الله ياربي هدا مالو عندو 7 دلوجوه
ارسلان- راني سمعتك
ايات- (ضارت لقاتو موراها).. ممكن تقولي علاش كاتصرف معايا هاكا
ارسلان- من قبيلة وهوا يتغزل فيك ونتي فرحانا وعاجبك الحال
ايات- ومن بعد ونتا مالك كايتغزل في انا ماشي انت
ارسلان- انا كانبغي الاحترام
ايات- وحتى انا محتارماك ومافهمتش علاش طلعليك دم
ارسلان- واقيلة راكي نسيتي راسك مخطوبة وكون كان ادم هنا مكانش غايعجبو الحال
ايات- اوكي تقدر تقولهالو وخليني مني ليه ومادخلش فشؤوني كيفما مكاندخلش فشؤونك
ارسلان- اوكي سمحيلي (خلاتو ودخلت لسيارة ) اااوف وانا مالي اصلا علاش منين شفتو كايغازلها ماتقبلتهاش خاصني نتعلم ندخل صوق راسي (حتى هوا ركب فسيارة ونطالقو)
ايات- فين غادين دابا
ارسلان- سالينا لخدما فين بغيتيني نوصلك
ايات- ادن وقفني هنا غادي نشد طاكسي ( وقف جنب طريق نزلت وزاد وخلاها )..
ارسلان- اش درت ياربي نرجع نهزها ( رجه عندها لقاها مازالة واقفة كاتسنا طاكسي حل لباب) ركبي
ايات- ماداتهاش فيه وكاتشير لطاكسي
ارسلان- قلتليك ركبي مكاتسمعيش
ايات- ياك سالينا الخدمة ادن توكل على الله وسير فطريقك
ارسلان- ماتختابريش صبري
ايات- وحتى نتا ماتختابرش صبري (شافت طاكسي وقفاتو) طاكسي (ركبت وخلاتو واقف كايشوف )
ارسلان- (ادم كايصوني عليه) الو
ادم- الى حداك ايات قولها تشعل تلفونها
ارسلان- (كايقول فنفشو شغانقولو دابا) احم .. اااام مشات
ادم- كيفاش بوحدها
ارسلان- بغيت نوصلها ومابغاتش شدت طاكسي ومشات
ادم- ماعرفتيش فين
ارسلان- لا مقالتليش
ادم- (بصراخ) مكانش عليك تخليها تمشي بوحدها
ارسلان- علاش راها كبيرة وقادا براسها
ادم- نتا راك مافاهم والو
ارسلان- ايوا فهمني
ادم- ماعندك ماتفهم سير تبعها
ارسلان- (قطع عليه ) فين غاتكون دابا دخل لسيارة ونطالق بسرعة وطاكسي لي شافو كايوقفو ومالقاهاش حتى لمح سائق لي وصلها واقف كايتسنا لبلايص .. (فين هي)
السائق - شكون
ارسلان- البنت لي ركبت معاك عاد دابا
اسائق - ااه حطيتها فجردا لي لفوق
ارسلان- (مشا كايجري حتى وصل ولمحها كالسا مع بنت) .. اوووف لحمد لله
مريم- هادشي لي كاين
ايات- ياك بغاوني نبقا قريبا ليه وهاني درت لي بغاو
مريم- مكافيش باغينك دخلي تعيشي معاه فدار
ايات- وعلاش مصرين على دار بضبط
مريم- سمعيني سي بوشتا غايكون مخبي اوراكقو وفلوسو وكل مكايملك فدارو وزيد عليها عندو عقد من مرصع بالالماس وعقد ديال زمرد والعديد ديال الاحجار الكريمة وكل وحدا منهوم كاتفوق 500 مليون للفوق فهمتي دابا وهوما باغينك تجيبيلهوم المجوهرات والملفات
ايات- زعما هاد سي بوشتا مكلخ حتى لهاد الدرجة غايخط هادشي فدارو
مريم -هوما كايقولو بلي متئكدين
ايات- وكيفاش عرفوها
مريم- ماعرفتش هادوك توقعي منهوم كلشي
ارسلان- ايات
ايات- (تصدمات فاش سمعت صوتو وقالت لمريم سيري وماضوريش موراك وداكشي لي دارت مريم غطات وجهها بلفولار ديالها وهربات بسرعة .. وعاد ضارت عندو)
ارسلان- تاصل بيا ادم وقالي نقلب عليك
ايات- وعلاش
ادم- خاف عليك
ايات-وعلاش ماتاصلش بيا انا
ارسلان- تلفونك مطفي
ايات- اه نسيتو من الاجتماع وهوا طافي .. انا غانمشي لدار دابا
ارسلان- شكون هاديك لي كانت معاك
ايات- وفاش كايهمك الامر
ارسلان- غي سولت
ايات- هاديك صديقتي
ارسلان- وعلاش غير شافتني هربات
ايات- هي اصلان كانت غاديا بحالها
ارسلان- امممم يالاه نوصلك
ايات- ماتعدبش راسك غادي نتمشى شوية ومنين نعيا غانشد طاكسي بحال قبيلة تقدر تمشي فحالك
ارسلان- ادن حتى انا غانتمشا معاك
ايات- صبر ياربي صبر
ارسلان- قولتي شي حاجا
ايات- والو
بقاو كايتمشاو ماخلاو حتى بلاصا مدازوش منها
ارسلان- نتي خلاقيتي فهاد لمدينة
ايات- امممم
ارسلان- مزيان وحتى انا
ايات- مزيان
ارسلان- سميت مماك وباباك
ايات- امينة وحسن
ارسلان- ماعمرك مامشيتي للخيرية
ايات- ضارت شافت فيه وعلاش
ارسلان- حيت انا كانتبرع للايتام مرامرا وبحالي شفتك شي مرا تماك
ايات- اممم وحتى انا كونت كانمشي انا وبابا كانتبرعو لوليدات بلفلوس ولحوايج
ارسلان- اااه ادن يمكن شفتك تماك
ايات- ممكن
ارسلان- (كايقول فنفسو ) علاش كاتكدبي مارضيتيش تعاوديلي الحقيقة ادن خليني انا نعاودليك .. اجي نكلسو هنا
ايات- اوكي
ارسلان-( تلفون كايصوني ) الو .. اه راها معايا .. شوية وغادي نوصلها لدار ماتخافش عليها.. اوكي باي
ايات- واش ادم لي عيطليك
ارسلان- اه كايطمن عليك وقالك شعلي تلفون
ايات- اه ماعرفت مالي مع هاد تلفون هاد النهار
ارسلان- بما اننا مكاينسنش فشركة خلينا نتصرفو بشكل طبيعي
ايات- ماعرفتش كيفاش غانتصرف معاك والله حيرتيني
ارسلان- تبغي تسمعي حكايتي
ايات- لي بغيتي
ارسلان- انا حليت عيني فلخيرية
ايات- الخيرية
ارسلان- اه لخيرية عشت فيها حتى درت 16 لسنة
ايات- يعني نتا ماشي ولد سي بوشتا
ارسلان- لا ولدو.... كانو وقاعو شي مشاكل فداك الوقت وخطفوني فاش يالاه تزاديت وحطوني فالخيرية وحتى درت 16 لسنة عاد تعرفت على الاب ديالي الحقيقي وسافرت معاه لامريكة وتما تعرفت على ادم كانو وليديه متوفين ليه والاب ديالي هوا لي تكفل بيه وعشنا انا وياه بحال لخوت كملنا قرايتنا تماك ومن بعد عاد دخلنا للمغرب
ايات- (قالت فنفسها...حتى لمديرة قالتلي ان ارسلان مشا لامريكة يعني ممكن .. لا لا مايمكنش)
ارسلان- فاش كاتفكري
ايات- والو غير كانتصنتليك ايوا كمل
ارسلان- وكانت عندي واحد ختي سميتها ايا..
ادم- (نزل من سيارة ) ايات ركبي
ايات- باش عرفتيني هنا
ادم- جي بي اس لي فتلفونك
ايات- هدا لاش طلبتي مني نشعلو
ارسلان- ماتخافش راني لقيتها كالسا فجردة مع صاحبتها
ادم- شكون هاد صاحبتك
ايات- اممم أأ مريم
ادم- (تعصب فاش سمع مريم) طلعي
ايات-ادم بلا ماتغوت
ادم- طلعي وغانهضرو من بعد
ارسلان- (جرو لبعيد)تهدن اصاحبي ماوقع والو
ادم- خليتها معاك نلقاها معاك ماتخليهاش تتمشى بوحدها
ارسلان- نتا مخبي عليا شي حاجا
ادم- اه وبلا ماتحاول تسولني حيت مغانقولكش وبما انها سكرتيرتك فهي مسؤليتك مفروض عليك ترد البال عليها منين مانكونش انا
ارسلان- ماتزيدش فيه لبنت راها كبيرة ومن حقها تمشي فينما بغات
ادم- نتا راك ماعارف والو
ارسلان- واش شي حد مترصد ليها
ادم- بحال هكاك
ارسلان- شكون
ادم- مكاين لاش تعرف اهم حاجا ماتخليهاش تتمشا بوحدها مرا اخرى
ارسلان- اوكي كانعتادر
ادم- ركب نوصلك
ارسلان- بلاش غانجيب سيارتي
ادم- لي بغيتي(ركب فسيارة وزاد وخلاه واقف كايشوف)
ارسلان- علاش ادم كاتجي غير فلاوقات زوينة وكاتخصرلي كولشي .....
ادم- علاش طلاقيتي مع ديك البنت
ايات- طلاقيتها غير بصدفة
ادم- متئكدا ياكما قالتليك تمشي معاها عند شي كليان
ايات- عاود شنو قلتي
ادم-(بصراخ) ماتحاوليش تعصبني
ايات- هي انا هادشي لي نسوا عندك
ادم- ماقولتش هاكا ولاكن مافهمتش علاش طلاقيتي معاها
ايات- عيطاتلي بغات تسلف من عندي لفلوس
ادم- كاتكدبي
ايات- اه كانكدب وماشي صوقك معامن مشيت ومعامن طلاقيت
ادم- برافو برافوووو
ايات- نتا كون كانت عندك تيقا فيا ماتقولش ديك الهضرة
ادم- اوكي سمحيلي كونت معصب
ايات- هدا ماشي سبب لي يخليك تهيني بهاد طريقة لكليان ياك نا كونتي اول كليان عندي اشريف الى نسيتي
ادم- صافي احياتي تهدني
ايات- مكانش يحسابني نتا هكا
ادم- كانعتادر منك راه من خوفي عليك كانتصرف هاكا مابغيتش شي حد يستغلك
ايات- الله يكتر خيرك وحتى دابا مازال مادرنا فطاجين مايتحرق كونتي غاتبقى تشك فيا فكل مرا نوقفو هنا
ادم- صافي قفلي على هاد لموضوع وعمرك دكريلي لفراق حيت ماغانتفرقش عليك حتى نموت كاتسمعي
ايات- لارد
داز داك نهار مكهرب عند كولشي تقريبا ادم وايات ماهضروش كاع داك ليلة واسماء غضبانة على ارسلان وارسلان معصب حيت ادم ماخلاهش يكمل هضرتو كون راها دابا عرفاتو وسي مصعب بايت كايحلم بايات سحراتو من النضرة الاولى
"في الغد"
ارسلان- مدموزيل اجي بغيتك
ايات- اوكي مسيو
ارسلان- تفضلي
ايات- وي مسيو بغيتي شي حاجا
ارسلان- خصك تجيبي لوراق ديالك باش توصلك لخلصة فلول دشهر
ايات- اه اوكي قالهالي ادم وغادي نجمعهوم
ارسلان- اوكي (دقان فلباب) تفضل
با سعيد- بنتي جاك هاد لبوكي دلورد مالقيتكش فمكتبك قولت غاتكوني هنا
ايات- هاد لورد لي انا
با سعيد- اه مكتوب عليها سميتك (مدولها)
ايات- شافت سميا تصدمت (وهوا يدخل ادم)
ادم- اوووه لورد ارسلان ولاو عندك المعجبين اري نشوف شكون
ايات- (شافت سميا وتصدمت) لا بلاش
ادم- خطفولها....الى اجمل فتاة التي سحرتنى من النضرة الاولى تحياتي لكي مصعب
ايات- بلاتي غير نفهمك
ادم- شكون هاد مصعب
ايات- ااا .. اممم احم
ارسلان- واحد لمعفجن
ايات- (كاتغمزو باش يسكت) هدا مصعب صاحب لي مشينا عندو لبارح للمصنع
ادم- عطيني نمرتو
ايات- ماعنديش
ارسلان- هاك هاهي
ادم- غادي نتفاهم مع طاسيلتو (خرج)
ايات- اداااام.. علاش عطيتيه نمرة
ارسلان- نتي لي قلتيلي لبارح خليني منو ليه
ايات- والله حتى حرام عليك
ارسلان- خليه باش يعرف حدودو
ايات- ياربي تصبرني ياربي (تبعاتو) اداااام بلاتي
ادم- شنو شنو بغيتي
ايات- غير بشوية غادي تشوهنا انا شفتو لبارح فلمصنع مايحسابنيش غاتوصل بيه للورد
ادم- كون ماعطيتيهش لوقت مكانش غايتجرء
ايات- عاوتاني شك عاوتاني
ادم- سيري لخدمتك وانا غانربي طاسيلتو .. (جبد تلفون وكايصوني عليه) الو .. هوا انا .. فين راك .. خليك ماتحركش هانا جاي عندك ..
ايات- ماديرش شي حاجا تندم عليها هداك راه مكايعنيلي والو
ادم- سيري لخدمتك (خلاها ومشا)$
يتبع
التنقل بين الأجزاء