هبط راسو لمستواها وخدا شفايفها بدون سابق انذار..وبدا كيلتاهم فيهم بلهفة وهي كدلك كدير حقها حتا قاكعهم صوت البكا تاع توبة واقفا حداهم وتتبكي بطفولية..هزها محمد تيقلب فيها وقال:مالك ابابا
توبة:😭😭😭😭😭😭اهااااااا نونو ديالي
محمد:مفهمتش
وردة:واش نونوس ابنتي
توبة:(كدير براسها لا)معنغنغن نونو..دادا
وردة:هادااا(هازا شوميز)هههه...مجبتي ليها وللو هي
محمد:مالي حمق ننسا اميرتي(باسها فحنكها)ها هو ابنتي واحد لعبة زوينة لبنتي الغزالة
مشا لصاكو وجبد ساشي خرا فيها لبيسة ضيفية لتوبة فالازرق عبارة عن كسوة تالبنيتات..شداتها فيديها وعينيعا باقي دامعين:😢😢نوبنل
محمد:؟؟؟
وردة:اه ديالك ابنتي زوينة بحالك
توبة:😄😄😄😄نونا نوا ههههه
شداتها مضحك ومحمد عرفها غارت حيت شافتو مجاب ليها والو..بتاسمات وردة وخرجان خلاتهم بوحدهم ابقاو بجوج ومشات كتجمع الدار وتطرفها وهو شد توبة وتكاها حداه وهي تتلعب بالكسوة فوق الناموسيو تا تنعس وناضت تتعوج وخلاتو وهبطات بشوي من الناموسية ومشات عند توبة لي كانت كتجفف دار..بقات معاها حتا سالات ووجدات عشيوة خفيفة وتوبة تتنقب حتا دخلات اسماء..باستها وخبراتها بلي جا محمد بدلات عليها وكلات ومشات ريحات وهي معارفاش بلي باها مريض..فحين وردة تتوجد ليلتهم..ضربات السبعة عاد فاق محمد مبجلق وحيد عليه شوي تالعيا تسفر..لقاهم جالسين كيهضرو ..سلم على اسماء وعنقاتو وقالت:توحشتك اخويا
محمد:انا بعدا لا هههه
اسماء:هههه ياك..شفت الاوطو ديالك برا
محمد:اه دزت شفت الواليدة فكازا وعطاتنب سوارت كنت ناسيها كاع
وردة:!!! اشمن طونوبيل
محمد:كانت ديالي قبل منمشي لبراا ونسيتها بقات عند الواليدة وفكراتني فيها
اسماء:واشديتي الاوطو شد تا فلوسك لي بقاو
محمد تبدلو ملامحو وقال:قلبي الموضوع
اسماء:ولكن..
قاطعها مخنزر:اسماء😠😠
اسماء:صافي واخا
وردة:محمد عطيتي تيلي ديالك شوي بيت نضرب طليلو على لفيس بوك
شدها من وحهها ونزل عليها بالبوسان بلهفة وشوف بحالا ماشي هو لي لعب معاها البارح..بدا كيتوجه بيخا للناموسيو ويد فكرشها وفخصها ويد فعنقها كيماصيه باش ترخا..جابها فوق الناموسية وطلع فوقها وبدا كيغيب معاها لعالمهم الخاص..مفاقو منو الا على صوت المهلل تيهلل مع الثلاثة..عاد طلقها كتنهج وسخفانة..حط وجهو فعمقها وحاوطها من كرشها ونعس
اصبح صباح وفاق محمد هو لول كيف العادة على صوت المنبه..دار روتينو الصباحي..وهز سوارتو وطبع قبلة على راس وردة وعلى حنك توبة وخرج لعملو..بعدو بساعة فاقت وردة واسماء فطرو وكل واحد خرج لعملو..وردة دوزات نهارها كيف العادة فشغل ومع توبة..فحين محمد سالا خدمتو وخرج ركب فالاوطو ديالو وديمارا..متوجه لدارو..وصل للدار حل وتلقات ليه وردة بابتسامة عريضة..ستقبلها بالاحضان وباستو فحنكو ..داعب كرشها ومشا جلس وهز توبة تتاكل فتفاحة..جابت ليه وردة غذاه وجلسات حداه كتبلحس عليه..شاف فبها وقال:مالكي تاني ههه
وردة:نطلبك احبيبي😄😄
محمد:من هاد حبيبي باينا مقفراها هههه هي طلقي اش بيتي
وردة:(خزرات فيه)ومالك على هاد طنز لعور😡😡😡علاش تمنمشيش مالي
محمد:مالك ؟؟مزوجة الالة وحاملة هي جوج وبغيتي نخليك نمشي للقهوة فيها العزارا وفينما كان شي قمقوم مجموع تم وتجلسي وسطهم انا ميخي هنا😠😠😠
وردة:😠😠😠وشنو نgلس انا بلا منتفرج..محمانش هاد البلان امحمد😠😠😠
محمد:(خزر فيها)واش مسوطيا فكرك تا نخليك تمشي..وردة خليني من داكشي لي كنتي دايرا قبل زواج عايشا وتدوري مع العزارا..دابا نتي مزوجة وعندك بنت وحاملة وتمشي تزاحمي وتحاكي ليا مع الز*** فالقهوة
وردة:واراه غتمشي معايا نتا😢😢
محمد:لا هي لا..وعمرك تطلبي مني بحال هادشي حيت غنزعف عليك ونصدق خارج فيك😠
وردة:اودي على لي قرا فالخارح تسحابني عقليتك مgورة ديال الناس الهاي ساعا صدقتي كي جامع الحسن الثاني راسو فسما وزكو فالما😠😠وا ديرها فين تجيك(خزرات قيه وناضت)
محمد؛والله الى مزيان قالت ليك تمشي للقهوة تفرج ليا فالماتش😠😠
كمل ماكلتو كينكر عليها وهي كتغدد فالكوزينة وتتجاوبو منها حتا صونا تيلي..هزو لقا نمرة غريبة جاوب وقال:الو وي
...:موسيو محمد امين الساجدي
محمد:وي هو انا
...:انا مسؤول من الجامعة الملكية للرياضات كنتاصل بيك باش نعلمك بلي خصك تحضر معانا غدا لواحد الاجتماع مع احد المسؤولين
محمد:(بالفرنسية)وعلاش بضبط انا
...:)بالفرنسية)لانك نتا لي دربتي الفرقة ليربحات
محمد:ولكن انا عندي des engagements خدام ومعنديش الوقت
...:ضروري تحضر الامر كيهمك كمدرب بصفة عامة
محمد:(تنهد)فففف داكوغ ان شاء الله
....:داكوغ
قطع معاه حاير معرفش سبب الاتصال حتا قاطعاتز وردة لي كانت كتنكر وهزات الماعن منفخة:داير بحالا مزوج باشواريا راي..غيكلو مني😠😠
وردة:نرض ليك الما😠😠نخراك لا..والله لشتيه من عندي..حابسني انا هنا كي البهيمة منخرج مندرج كي مرات السمسار
محمد:خرجي بالوقت وسيري دوري وجي..اما تمشي للقهوة لا😠😠(ناض)
مشا رد الما ودوش وخرج لاوي فوطة عليه والعضلات لي مع الاونتريما زادو كبرو..داز من حداها خزرات فيه وهو يبوسها فحنكها وعنكشها تا فزكها وهي كتبعد ضحك عليها ومشا لبس حوايجو وخرج وقال ليها:ها وذني منك الى خرجتي ومشيتي راه عارفك
وردة:(تتعببو)ننهننن
ضحك وخرج هاز تيلي..توجه لدار نسابو شاف مراد لي جا لبارح فالعشية وتسالم معاه وخرجو تلاقاو مع انور وفطربقهم قال مراد:اه بعدا اه مgلستيش تال لخر عطاونا des primes
محمد:خرجت بكري..دزت شفت الواليدة
مراد:اه مزيان..دوز شوف الرئيس راه عندو الشيك لي فيه حصتك
محمد:ان شاء الله.
هز تيلي ديالو عيط لصاحبو ارومبلاصيه غدا بسبب مرض..بعد عدة محاولات قبل وحيت عيق بالغياب غتبان مورقا..قطع معاه ومشاو للقهوة تفرجو فالماتش واخا كلهم بارصاويين ولكن مشاو تشفاو حيت تغلبات..ضحكو مزيااان ورجعو..كل واحد شدها لدارهم...دخل محمد للدار كيلقا الصقيل عيط باسمها مجاوباتش ومولف تيلقا توبة تتهضر ودير الحس..تعصب وتسحابو دارت لي فراسها..وعول انوضها معاها..حل لباب بغا يخرج اقلب عليها تا كيلقاها قدامو واقفا لابسا دحين ازرق وتريكو بيض عريض وطالقا شعرها وسبادري بيضة فرجليها مع تقشرات نصاصيين..شادا فتوبة بيديها وتتنهج..خزر فيها وقال:فين كنتي؟؟
ضحكات دغيا وخرج بعدما حزر وردة..لي ناضت باقي فكعانة ردات حوايجها وخرجات تبعاتو للاوطو..وديمارا..مشاو ضارو فمرتكش كاملة وتيحاول ابدل عليها الجو ويضحكها..رجعو للدار معدودين وشرا ليها حويجات الدراري الصغار بلون موحد..هي عيااات وديركت للنعاس مع توبة لي غفات فطريق اما اسماء لقاوها مدوخة بالنعاس دغيا تلاحت..وحتا محمد نعس فورااا
🌄🌄🌄🌄
صباح جديد..بنفس جديد وممكن امل جديد يغير مصير محمد ووردة..لي فاقو بكري وجدو لفطور بجوج وودعاتو حيت غيشد طريق للرباط..باستو بحرارة بعد توصياتو ليها ومشا شد طريق للرباط..بعد ساعات من القيادة دهل محمد للرباط وتوجه ديركت لمكتب الجامعة..باركا الاوطو ونزل داير نظارات شمسية وكاسكيك ولابس تيشورت فالاسود لاصقا عليه وسروال جينز اسود وسبرديلة كحلة كيف العادة الاسود وهو اللون لي كيزيد هبة ووقار لشخصيتو.
دخل وتوجه للسكريتيرة وقال:سلام
السكريترة:وي بونجوغ
محمد:ممكن نشوف موسبو عمر
السكريتيرة:(بنفخة)شكون نقوليه؟؟
محمد:محمد امين الساجدي
هزات تيلي وعلماتو وحطانو وقالت
السكريتيرة:وي تفضل كيتسناك
محمد:ميغسي
دق محمد الباب وسمع الاذن ودخل وقال:بونجور
هز سيد لكبير فالعمر راسو وقال:بونجور..
محمد:je suis mohmed amie sajidi
عمر:مرحبا موسيو للساجدي..تفضل
دهل محمد ومد يديه سلم عليه وسمح ليه بالجلوس..جلس محمد مفرق رجليه وشوفة فعينيه قاسحة وقال:سيادتكم طلبات تشوفني
عمر:(حل صدفة تالكوستيم)وي.عيطت ليك باش نهنأك على الفوز الساحق فالبطولة الربيعية فغيمون برافوووو عليك فوز هائل فرقتك ماملة ربحات
محمد:(بابتسامة)ميغسي بوكو😊😊
عمر:غندخل فالموضوع ديركت..فرقتك من بين الفرق لي بانت فظرف وجيز بحيت على اول بطولة ليها ربحات اللقب بشكل هائل ةحنا كرؤساء للجامعة كنحاول نساندو الشباب لي عندو رغبة فأنه يوصل للحلم الرياضي ديالو..نتا اموسبو الساجدي مدرب لي من مبارة وحدا خلا كاع المدربين اهضرو على لي تكنينك ديالوك خاصو فاش الملاكمين صرحو فاخر الحفل أنك كتستعمل ميطود غربية فتدريب..الجامعة غتنظم من هنا ثلث شهور البطولة الوطنية للملاكمة وهادي غتكون اهم من للبطولة الربيعية وفإطار تكافئ الفرص غنديرو للمدربين فورماسيون نظرية وتطبيقية باش اكونو على استعداد ادربو فرق متكونة من خمسة تال ستة تالناس والفرقة الرابخة غتشارك مستقبلا سواء فالالعاب الاولميبة او فالبطولات الدولية للمدربين
محمد:(باهتمام)بمعنى انني تعينت مدرب وطني بصفة رسمية
عمر:.وي...بون حنا ماشي كنجيو ونهدرو غي هاكاك راه درنا تحرياتنا وعرفنا انك كنت الفائز بلقب البطولة الوطنية البلجيكية فسن 18 و 19 سنة على توالي فوزن اقل من 60 كيلوغرام..ولقينا انه غتكون فرصة مزيانة لينا ولبلاد لان اشخاص فمثل قدرتك البدنية والعقلية ممكن امشي بالكيب ناسيونال لقدام
محمد:(متبع معاه وجاوبو بالفرنسية)غنكون سعيد اكيد الى ضفت شي حاجة لهاد المجال مي للاسف عندي التزامات فحياتي شخصية
عمر:مثلا خدمة؟؟الى رفضتي دوز الفورماسيون الفرقة غتظطر تقلب على مدرب اخر
عمر:خليني نكمل..الفورماصيون غدار فافران غتكون عبارة عن تداريب داكشي راك عارفو...مي كاين ايجابيات كنوفرو ليكم المسكن والمأكل وظروف عيش مناسبة ولي عندو التزامات مثلا عاىلة او شي حد اقدر اجيبو معاه ومنساوش عندكم دي بريم كل شهر
محمد:(كيخمم)ايمتا غتبدا هاد الفورماصيون
عمر:من هنا دو جور..يستحسن تفكر مزياان داكوغ
محمد:ان شاء الله نرد عليك
عمر:مبغبناش نخسروك بغيناك تبقا معانا
سلم عليه محمد وقال:اكون خير
خرج محمد من عندو وفكرتو كدور فراسو عمر فكر انه اخدم كمدرب..البوكس كان كهواية فقط كيمارسها وكيلقا فيها الراحة ..خرج وركب فالاوطو شاد طريق راجع فحالو واخا عياان وهضرة للسيد كتعاود فراسو وكيفكر فوردة وفأوضاعهم لي واعدها انها غتحسن..بقات فكرة تديه فكرة تجيلو تاوصل لمراكش مع الثلاثة تنهار..على الدخلة عيطو ليه من الخدمة كيخبروه انه تطرد لكثرة الغياب..ضحك فسخرية وتوحه لدارو..حط الاوطو فساس والاقا مع مراد جاي من المدرسة سلم عليه وقال:اشاوا ضبرتي على طونوبيل😂😂
محمد:(ربت على كتفو)تانتشاوفو ونعلمك😉😉ياله تلاح ترتاح
مراد:(ضحك)شتاريه ماحدو رخيص ههه هام هام
محمد:شوكولا😂😂😂
مشا وخلاه وتوجه لدارو وؤاسو عامر بالافكار لي غتحسم حياتو كاملة
حل باب دارو ودخل..كيسمع صقيل..بدا كيعيط باسم توبة وباسمها وردة ومتيجاوب حد...دخل لبيت الجلاس لقاهم منشورين ناعسين..ضحك حيت وردة متكية على ظهرها ومفرقا رجليها..وتوبة مشرعا حداها حاطا يديها على كرش وردة وحالا فمها..ضحك وخرج رد لما دوش ولبس حوايج مريحين ..هز تيلي وتاصل بالمسؤول من النمرة لي عيطو ليه بيها..وقال:الو...وي سي محمد امين الساجدي..وي تاصلت باش نعلم اني غنلتاحق بيكم بعد غدا
...:مي الفورماصيون بعد غدا دونك غدا خصك تكون هنا باش تسلم وراقك وتوقع الاوراق الازمة
محمد:دااكوغ ان شاء الله
حط محمد تيلي حداه وتنهد بتعب..تكا ظهرو وتنشر على الناموسية كيفكر فمصير حياتو كي غيكون..فاقت وردة مبجقلة بالنعاس وعينيها مغمضين وتتمشى ناحية الطواليط..قضات حاجتها وغسلات وجهها..توجهات لبيتها وهي تلقا محمد متكي..بتاسمات وقالت:التوت البري جيتي
هز فيها راسو وبتاسم:شوي باش دخلت
جات حداه وتكات وحطات يديها على صدرو وعينيها عليه وهو كيشوف فسقف وقالت:ميمو
محمد:(بدون ردة فعل)ممم
وردة:فيك جوع
محمد:لا كليت فطريق..
بقا ساكت وكيتنهد بتعب وهي متكية حداه وتتلعب فصدرو فوق تيشورت ودير دوائر بصبيعاتها..حتا شدهم ليها وقال:هداي تتهريني هه
وردة:😳😳😳😳ويلي ويلي ويلي..نوض الله ينعل بوك الخرااا انا لي جايا تنسمع ليك😠😠
محمد:(تلاح بضحك)😂😂😂😂😂اووووو كضحكيني فاش كتعصبي وتبداي تسبي😂😂😂عالام نتي والله
وردة:تفوووووو عليك
محمد:على كمارتك ههه ياله نوليو معاك كي ضريرات هههه
وردة:اخ..(جات نايضا وردها)اش بيتي
محمد:(بجدية)جلسي باغي نهضر معاك
وردة:اش بيتي تgول الى غتخسر لهضرة راه غنهبط عليك بالصندارة
محمد:اوبلي هاد الهضرة دابا كنت هي شاد فيك..بغيت نسولك
وردة:اش 😏😏
محمد:عندك ستعداد تمشي معايا فينما
وردة:(ولات جدية)كيفاش فينما
محمد:فينما..فاي بلاصة بغيت
وردة:هضر مgاد باش نفهمك.
محمد:عيطو ليا من الجامعة الملكية للملاكمة وتعينت مدرب بصفة رسمية للفرقة ديال خوك لي ولات فرقة وطنية وغيديرو ليا فورماصيون فافران مدة شهر باش نرجع ندرب الايكيب ونشاركو فالبطولة الوطنية
وردة:وخدمتك؟؟
محمد:(بسخرية)اصلا جراو علي اليوم بكثرة الغياب هه
وردة:وشنو مناش غنعيشو😕😕
محمد:الجامعة دايرا لينا دي بريم تقريبا بنفس الصالير لي كنت كنشد..الى مبغيتيش تمشي تخليك هنا مع داركم تا نكمل ونرجع سي با كغاف
وردة:لا لا نمشي معاك..انا منقدرش نتفارق معاك..
محمد:متأكدة؟؟عارفك متعلقة بمراكش
وردة:ومن بعد الحياة غاديا..وانا خصني نبقا معاك..ياك هي شهر وصافي غنرحعو ايوا صافي
محمد:(بتاسم ودوز يديه على شعرها)كنواعدك نعوضك على هادشي كولو
محمد:شي ايام منعرف ليهم..مشغليش..انا ماشي اناني باش ندخل فحياتها ونوقف فطريقها..مشكلو معايا انا هي يفوتني زمنو ليها..وسمير اه تيبغي الواليدة
وردة:مممم معارت انا مكنبيش ندخل فيها حيت متتحملنيش
محمد:(باسها فحنكها)براكا هي انا نبغيك ههه
وردة:(بتاسمات)😊😊😊.
مشات لماريو جبدات شانطا ديالها جمعان فيها حوايجها وخوايج توبة ومستحضراتهم بجوج..عاد جمعات حوايج محمد بوحدو فشانطا اخرى فحين هو خرج اخبر دراري..تاصل بمراد وجمع ليه دراري..طلع للفوق ديركن..لقاهم كاملين مجموعين سلم عليهم بالوجه سلام رجولي..وقال:هانيا العشران
الكل:بخير
محمد:(خاشي يديه فجيبو)بون جمعتكم باش نعلمكم بلي غدا غنمشي لافران على قبل واحد الفورماصيون ديال المدربين باش نرجع وندربكم(بابتسامة)غتشاركو فالبطولة الوطنية المغربية من بعد شهر ديال الفورماصيون غتبقى شهراين كلها غدوز اونتريما
مراد:(فرحاان)اوووو البطولة الوطنية ههه
بداو كيشوفو فبعضهم فرحانين ونطق واحد فيهم:الحمد لله غاديين مزيان
محمد:ملي شفت واحد من المسؤولين بين ليا على فخرو بأننا خدينا البطولة الربيعية والناس بداو فالهضرة علينا داكشي باش غنحاولو نقلعو للوطنية ههه
الكل:😄😄😄
محمد:مهم فكاع الحالات نوصيكم بقاو محافضين على الاونتريما ديالكم حيت كي غنرجع غنبداو وهاد المرة موفرين لينا الشرووط
نطق واحد اخر:ان شاء الله البطولة ديالنا
محمد:ان شاء الله..ياله بون كوغاج نتلاقاو من هنا شهر
الكل تسالمو معاه وتوادعو معاه وتسرسبو فحالهم بقا هي مراد لي قال:وختي؟؟
محمد:مالي غنخليها ههه؟؟غتمشي معايا
مراد:ايوا نزل سرسبها لمها قبل متبدا تهرط تاني ههه
محمد:انا نمشي نجيبها وتسالمو معاها
مراد:هههه واخا
هبط لتحن بلا ميشوف نسابو ومشا للدار لقا وردة جمعات الحوايج وكتلعب مع توبة حابا ولا قاشقاش..دخل لقاهم خالقين السعادة هز توبة بزربة لفوق وكيدير ليها طيارة وهي تتغوت بضحك ووردة تضخك معاهم..بقا شاد معاهم ستون شي ساعة عاد قال:ساليتي جميع؟؟
وردة:اه ساليت..كنتسنا اسماء
ياله غيحاوبها وهي تحل اسماء الباب داخلة ناشطة سلمات عليهم وجلسات كتساراح..
وردة:نجيب ليك تحنجري ههه
اسماء:كليت فزنقة ههه
وردة:زوفري هههه
محمد:اسماء اجي احبيبتي نهضر معاك
كحزات حداه وعنقها بيديه وقال:غدا غنمشيو لافران على قبل واحد الفورماصبون حيت تعينت مدرب وطني بصفة رسمية
اسماء:(بفرحة)😍😍😍اوووو(عنقاتو)مبروك احبيبي
محمد:ههه شكرا..الى مكنتيش قاريا ياله معانا راه هي شهر ونرجعو
اسماء:(باسف)لا دوماج هاد شهر عندي الضغط فالقرايا 😔😔
شد يديها وباسها وبقا شاد فيها حاطها على فخدو ومرا مرا كيحيدها الى غيشد فالفولون..وقف عند واحد السناك..وقال:نجيبو هنا ولا نزلو نتغداو
وردة:نزلو حسن(كتحيد صمطة وتشد ظهرها)تعوكفت هنا ههه
محمد:(نزل حتا هو)هههه
دار شد فيها وقالت:وتوبة؟؟
محمد:انا غنهزها
وردة:واخا غتعدب ولكن جبد بوسيط ديالها من الكوفر وحطها فيه تانتغداو
مشا حل لكوفر وجبدها وهز توبة حطها فيها وغطا عليها من شمش ووردة كتحرك رجليها لي تنملو عليها بالجلاس..وشادا ظهرها..جا وقف قدامها ودخلو للسناك..لي كان فيه طبالي لداخل وبرا..جلسو برا مدرقين من شمش..وتوبة غافية طلبات وردة بيتزا وعصير وهو خدا بحالها..وبقاو كيجمعو وكيعاود ليها على فاش كان كيلعب وهي كتسمع باعجاب وعينيها مبهورين..كل مرة كتزيد تغرم بيه كثر..يديه شادا فيديها ويد فخصرها كيدوزها بلطف باش اهدنها..تحط الغدا وكلاو وهوما فغمار اجموعهم..سالاو وناض محمد خلص..ورجع جايب معاه ماكلة لتوبة ملي تفبق..ردها لبلاصتها وللبوسيط لور وركبو لقدام..وقال:نرد ليك الكرسي لور تسرحي
وردى:بيتي دير فيا خير اووو😴😴
ردو ليها شوي لور وسندات براحة وقالت:اححح الله ظهري تلوا
محمد:(تحرك)هههه هي حيت مولفا الحركة احبيبا
كمل سوقانو ويد فالفولون ويد فكرشها مجمع معاها وكيتعاودو بينهم حتا غفاات وبقا هو..نقص الراديو وكمل الطريق..بعد ساعات كانت الجوج توسط النهار وهوما شدو طريق مع سبعة تصباح.. لانهم كيتوقفو ستغرقو وقت ..دخلو لسويسرا المغرب افران..البلاصة لي فينما كان شي مغربي تيجي ليها فشهر الغسل..كانت مبنية بطريقة زوينة ومختالفا عندها نمط اروبي فالتصميم..الديور على شكل هرم..والخضورية فينما مشيتي والجو رطب ومعتدل فنفس الوقت..توجه محمد للعنوان لي عطاوه تالقا البلاصة فين غيسكنو..نزل هو لول سول العساس وعرفو ومد ليه سوارت دار..عاد مشا رجع ركب..وحط يديه على خد وردة كيداعبو وكبع قبلة فشفايفعا وفيقها..حلات عينيها ببطء وقالت:مممم مالنا
محمد:نوضي راه وصلنا
تعجزات ودورات عينيها من زاج كتبان ليها مدينة الاحلام افران وقالت بفرحة:😍😍😍اييي شحال زوينة ههه
محمد:هههه وي زوينة..ياله نزلي
نزل هو وتبعاتو وعينيها كيدورو على المكان وكتكتاشفو وتمنظر عويناتها..فحين هو هز توبة لي كانت بدات تتفيق وتتحل عويناتها ...شد فيد مراتو وطلعو للابارطمون لي جات فالطاج للثاني..شاد فوردة لي عيات بالمعقول تا طلعو وقفو عند الباب حلو ودخلو وهو بان ليه فوتوي اسود.مشا حط فيه توبة لي حالا عينيها وكتسنا تسترجع وعيها بعد النعاس فحين وردة تتشوف فالشقة لي واخا صغر مساحتها الا انها زوينة..مفرشا مزيان وفيها بيت نعاس وصالون كبير وسيجور فيه تلفازة والفوتويان..كوزينة وحمام..بينما محمد نزل لنحت طلع لي فاليز وعاود باركا الاوطو..دخل وسد لباب وجا عنقها من كتفها:عجباتك؟؟
هز لي فاليز دخلهم للبيت النعاس..لي كان زوين ومتوسط الحجم..مصبوغ بالابيض وفيه سرير بكوفرلي ابيض وماريو لاصق فالحيط ..حط الشانطا فوق السرير وحلها هز منها محتاجاتو وفوطة ودخل للدوش..لقا الما موجود سخون وهو ولف الما تالمقراج😂😂..دوش بمستحضراتو الرجالية لي رغم انه ولا مزلوط متخلاش عليهم لان نظافتو اهم شيء..خرج لاوي عليه فوطة ولقاها وردة مجبدة كترتاح وتوبة كتكتاشف فدار ودور وتعيط ماما..مشا لبس حوايجو وخرج عندها وقال:حبيبا الثلاجة غتكون خاويا انا نمشي نتقظا شي حاجة نقضيو بيها
وردة:واخا..انا غنوض ندوش عييت
ناضت وهو خرج..دخلات للبيت حلات لفاليز ديالها هزات اش غتحتاج ليها ولتوبة..وكتفحص البيت لي رغم انه مافيهش اثاث بزااف لكنو حسن من للبيت القديم لي فمراكش..نصلات اللبسة وبقات بدوبياس وحيدان لتوبة حوايجها خلاتها بليكوش ودخلاتها للدوش..حيدات ليها ليكوش وطلقات الما عليعل وهي ضحك وبدات كتغسل ليها حتا سالات ووقفاتها فالقنت لواتها فبينوار غوز ديالها بعيد عليها باش مترش..جمعات شعرها مباتوش اتقاس ودوشااات بالخف حيدات العيا ولوات عليها فوطة وخرجان مع توبة ..داتها للبيت وبدات كتلبسها بزربو باش ميضربهاش البرد خاصة ان افران مدينة معروفة بالبرودة واخا فالصيف تيكون الجو رطب..دلرت ليها خريقة صغيرة لشعرها عاد دازت لراسها ياله كتنشف حتا كتسمح شي حد دخل..عرفاتو محمد..هزات سليب لبساتو لاحت الفوطة وهزات سوتيان غتلبسهم ومدوراهم لجيهتها باش تسدهم حتا كتحس بيديه فوق يديها..ونفسو فعنقها وقال:نعاونك ههه
محمد:(عينبه فصدرها)كلنا فينا الجوع هي خليها علله ههههه
وردة:(غطات صدرها بيديها)ههههه سير تقضا حاجة لمخك هههه
محمد:لبسي عليك ههه راه الجو مبراد هنا
هزات بيجامة بيتية ولبساتها وجرات توبة ومشاو لكوزينة لي كانت كبيرة وفيها الماعن وشي تقدية جابها..حلاتها لقاتو جايب ماكلة واجدة..حطاتها فطباسل وخرجو لبرا كلاو وتوبة كان فيها جوع هنشرات الماكلة..سالاو وجمعوه وجلسو كيرتاحو من عناء السفر حتا سالا نهارهم ونعسو فانتظار يوم جديد..
صبح صباح جديد وفاق محمد مع ستة تالصباح موعد بداية التدريب..دوش ووجد قهوة خفيفة من التقدية لي جاب لبارح..ولبس كيطما سوداء وخرج..نزل لتحت لقا خمسة تالمدربين خرين من اعمار مختالفة وهو صغير فيهم واقفين حدا كار بيض وفيه علامة الجامعة ..تسالم معاهم كانو اغلبهم كباار..وكيمثلو مدينة..جا واحد الكوتش ديالهم باقي جون وقال بالفرنسية:بونجوغ
الكل:بونجور
المدرب:بون انا جون مدرب فرنسي كلفتاني الجامعة باش ندربكم وندير ليكم فورماصيون لمدة شهر باش تشاركو بفرقكم فالبطولة الوطنية الماجية..(بابتسامة)نتمنا ندوزو وقت زوين
بتاسمو لبه وطلعو فالكار لي غيديهم لصال مخصصاها ليهم الجامعة..فيها حلبات الملاكمة وكذلك الات رياضية لي غتساعدهم..جون عيناتو الجامعة نظرا لخبىتو فهاد المجال لانه كيخدم على الجانبين النفسي والبدني..وصلو لبلاصة وبداو فالتداريب وكذلك فالفورماصيون النظرية ..دازو ربعة تسوايع وهوما من الة لالة ولان الجامعة كتحاول تعين ناس من 30 سنة للفوق لان فهاد السن كيكونو الملاكمين ديجا عياو فالملاكمة وكيبغيو اعتازلو وتيتوجهو لتدريب..كانو باقي قادين على تدريب وعلى تقنيات جداد فالملاكمة..لكن محمد كان عارفهم حيت البدايات ديالو كانو فبلجيكا وفنادي من اشهر النوادي تما ..سالان ربعة تسوايع تالتطبيفي ودازو لنظري شي ملاحظات عطاهم ليهم المدرب وصافي..خرجو وطلعو للكار والهوا كيضرب فيهم ديال افران المنعش..رجعو مع وقت الغدا..كلع كل واحد لدارو..دخل محمد لقا وردة مربعة يديها مغوبشا وتوبة حداها تتدمع شاف فيهم وقال:سلام
وردة:😳😳😳سلامة سلامة وجهك فيه علامة..ناري على توااام
محمد:علاه مالكي..احح وتولدي تواام
وردة:(بجدية)ميمو التوام جمعهم هي لفم..راه صعاب فالنربية وتيبغيو المصاريف وحنا حالتنا ياله مكافيين مع الزمان ونتا دابا خرجتي من الخدمة وهادشي لي كدير دابا مموكلناش الخبز حنا وتوام
محمد:(بجدية)اش من شي؟؟
وردة:هاد تدريب..هو اه غتخلص مي ماشي جهد لي يخلينا نبينو حياتنا من جديد
محمد:راك غاديا غالطة اوردة..هادشي لي تندير دروك راه فلوسو صحيحة..وكلما ربحنا بطولات كلما طلعنا gراد
وردة:مفهمتش..متنبيش نسولك على شغلك حيت تنخافك ضور فيا
محمد:علاش غندو فيك..عادي من حقك تسولي وانا الالة غنشرح ليك..انا دابا معينني الحامعة الملكية للملاكمة مدرب بصفة رسمية يعني كنتخلص كل شهر حيت كندير خدمتي وهاد لفورماصيون راها خدمة..واي كومبا لعبتها الا وعندي فيها نصيب كبير بحالي بحال الملاكمين..بلا منساو لي بريم لي كيعطيو
وردة:وعلاش متكونش نتا لي بوكسور ماشي مدرب؟
محمد:البوكسور احبيبا ملي كيوصل ثلاثين لفوق كيولي افكر اعتازل بمعنى ارتاح..ماشي عاد ازيد اتمرت
محمد:القرايا شي والخدمة شي..بغيتي تقراي نرجعك الخدمة دابا لا..خلي خي تيتحسنو ضروفنا ونجيب ليك لي تعاونك
وردة:واخا😒😒
جرها عنقها وحط يدو على كرشها فوق يديها كيداعبها ويبوسها فحنكها حاضيين توبة لي تتلعب بجوج نونوسات وتضحك معاهم..
###بعد مرور 30يوم
وردة خارجا كتمشى مع محمد وهو جار بوسبط تتوبة..لابسا حوايج واسعين عليها كانو ياله جاو من عند طبيبة تبعات معاها بيدما ارجعو لمراكش..فهاد الايام محمد ديما فالتدريب وجسمو زاد قوى وعضلاتو كبرو..بحيت كيعنق وردة وكتحس بثقل على كتفها..رجعو لدار وهي جارا راسها بزز وكتعيا دغيا..هذا اخر نهار ليهم ويرجعو فحالهم باش تبدا الاستعدادات للبطولة الوطنية لي غتقام مورا شهرين وغتلعب فرمضان..جلسات فوق الفوتوي بتعب وقالت:فففف وليت كنعيا
محمد:هههه وليتي دوبا
وردة:ههه بصحتي بحرا ربيت صحا ههه
محمد:شوري تاتولدي ودوز ربعين يوم وغموريك الغلض
وردة:اش بيتي دير
محمد:مكاين هي رياضة احبيبا ههه
وردة:واخا حلم..ههه الله يحفضك ارا يديك نوض نكمل الجميع تالحوايج
محمد:هههه اري اجدة اري ههه
شدات فيه نوضها وقالت:نتا لي وحلتيني هاد لوحلة كاملة..
محمد:ونتي لي تتغوتي وتبوسي فيا تاعمرت هاد الكرشة خهه
ضحكات ومشات للبيت تكمل الجميع تالفاليز حيت لليوم بليل غيرجعو بعد مدة شهر لي قضاوها فافران..محمد دوزها اونتريما ووردة دوزاتها فالدار والماكلة والنعاس..كملات الجميع وحطاتهم تايجي يهبطهم حيت غيشدو طريق بليل لانه كان عليه اسالي شي معاملات مع الجامعة..بعد ساعة رجع لقاها موجدا لكاسكروط حطاتو كلاو وجمعات لماعم وردات كلشي بلاصتو..مشات لبسات كسوة بسميطات رقاق فالبوردو تال الركبة جاتها لاصقا وخلات شعرها مطلوق ودارت ايكرون ونضاضر فورق راسها ..وصنيديلة سامبل فالبوردو كذلك اما توبة لبساتها دجين وتيشورت ودارت ليها بابيون فشيبي..نزلات لتحت شادا فيها..لقات محمد كيحط شوانط فالكوفر شافها من بعيد وسدو بزربو وتم جاي مخنزر وقال:رجعي فحالاتك
محمد:(وقف لاوطو فجنب ببرود وشاف فيها بابتسامة جانبية)واحيت عسل متنبغبش لي يلعقك من غيري ولا لي يشوف فيك ةيقول بنين هاد العسل..(شد يديها وباسها وهي قالبا وجها)ديري راسك فبلاصتي..نلخصها ليك انا مغيار وبجهد..مكنتش هاكا تا تزوجت بيك وبغيتك وليت كنعرف بحق انه تكون حاجة ملكك وميشاركك فيها حد واخا هي بشوفة..ولي يشوف فبك نعمبهم ليه ومتزيدينيش تانتي وتلبسي هاكا ..
رجعات لوضعيتها وهاد المرة ضاحكة وهو رجع ديمارا ونطالقو والوجهة العاصمة السياحية مرااكش البهجة مدينة سبعة رجال..مرا يوقفو كلاو مرا هي تساراحو موصلو تا طاح ليل ..ومراكش مع قدوم الصيف تتكون زاهية ومكاين هي ضواو والهرج والصداع..حلات وردة الشرحم تتشم لهوا وقالت:شايلله امولاي براهيم ههه النتقا والحزقا
محمد:عههه باينا موحشاها..
وردة:بزااااف ..راه مدينتي ههه
محمد:هههه
توجه للدار ديالهم لي خلاوها مسدودة طوال هاد الفترة..دخلو للحي ومع حلول الصيف العزارا مقنتين فريوس درب والعيالات مخرجين كاسا تالميكا والدوم وجالسين مجمعين تينممو ويدويو..تاقشعو وردة وراجلها وبنتهم جايين..
...:اشاتا وردة هاديك
..:هي يا ختي..شوفي ليك المضعفنة لخرا..كانت عضيم طوي شو كي ربات صحا وزيانت
..:اييه الوقت كلها كي عطاتو..شي كواتو وشي زواتو
..:وشي فزوبية رماتو.
دازت من حداهم لقات سلام بطريقة بهجاوية وقالت:اشاوا دخل الصيف تاني وتجمعتو هنا
...:واييه راه دار سخونة ابنيتي(تتفحصها)نتي فين كنتي هي مشيتي صبفتي
وردة:(كطنز)ويلي خايبا تال التعاويدة مرات المقدم ومجايبة الخبار ههه والله تافلتات ليك هادي..غدا نتلاقاو حدا عرصة المعاش ونgوليك فين كنت
توبة كانت واقفا وتتحك نيفها شوي وهي تغوت وقالت:بابا..بابا اهئ بوعو
تلفت ليها محمد وشافهت تتنعت ليه..ساف فين لقا بوجعران خارج من الكوزينة(سراق زيت)وهي مشات تتجري عند وردة تتبكي حيت خافت ..ناض قتلو برجليه وقال:ااه راه حيت غبنا غتلقاي ماكثر
وردة:(حاضنا توبة)لا هي حيت صيف وتيسخن الحال وتيخرج..غدا نجيب دوا اغبر دين مو صافي ابنتي صافي بوعو مشا
محمد:اجي ابابا اجي..
مداتها ليه وهزها ويبوس فيها ويحزها وهي تتخبي وجهها خايفا..فحين وردة رغم التعب ناضت كفضات وسيقات دار تحيد منها الغبرة وناض محمد عاونها عزاات عليه تديرها بوحدها..وخلاو توبة مكمشا فوق تليق باقي خايفا..سالاو وتناوبو على دوش ومن وراها نعسو حيت تعشاو فطريق
الغد ليه صبحات وردة على دارهم بالدقان واالتهلهيل حلات مها وعنقاتها وتبوس فيها وفتوبة مقاداها فرحة..عيطو لانور ومو وتجمعو كاملين كيضحكو ويقشبو ومطلعينها على بعضهم..دوزو نهار بيناتهم تا يالا النهار وكلها رجع فحالو
###
مرت شهرين اخرى على وردة ومحمد..هاد جوج لي خلقو علاقة حب بينهم هارقا لعادة..محمد لي ولا كيعشق وردة ووردة لي ولات هايما فيه..كانو كيتبادلو القبل فوسط فراشهمبشوق وهو يديه كلاوها فجسمها وكيزيدو فحرارة جسمها..حتا كتظهل توبة تتجري صاعرة من الزنقة وحبسو..لقاتهم هاكاك وقالت:😳😳ليلو(تديرو)
وردة:😳😳😳توبة ابنتي مالكي
محمد:(كيضحك مفقص)ههه مالك ابنتي ناحساني فالبوسة هه
وردة:باقي يام الله هههه..خليني نوض ندوش باش تخرجني نتقدا
محمد:ندوش ليك؟؟
وردة:لا لا هي تقنت ههه نوض الله يحفظك دخل توبة من زنقة ندوش ليها معايا
محمد:هههه واخا(باس راسها)شكرااا على هاد اللحظات
وردة حشمات وباستو فحنكز وقالت:منرضش ليك شوي من داكشي لي تدير على قبلي☺☺
عنقاتو كتحسس الامان لي فقلبو وميعطيه ليها..وناضت لاحت عليها كسوة على لحم وجبدات حوايجها حطاتهم وهزات مسائلها فحين هو ناض لبس عليه وخرج تيقلب على توبة..حدا دار لقاها جامعا عليها بنيات صغار من سنها وكتخلط فالتراب والما وتعجن وكلها حالتها مغبرة..وتغنغن فالهضرة..والحرنة فالزنقة ياله درب لي مضللة..عيط ليها هزات راسها وقالت:ننن
محمد:اجي لهنا
توبة:😠😠😠عنعنعن
مشا هزها من وسط لعبها وهي تتفركل ويديها هامرين غيس وتتغوت بيه وتبكي حتا خزر فيها وقال:سكتي😠😠
جمعان يديها صغيورين تتبكي فصمت حيت خافت منو لانها عارفاه الى نهض فيها صاقي راه اخر كلام..تكمشات حتا طلعها للفوق شافتها وردة وخزرات قيها:كنتي تتلعبي فالغيس تاني 😠😠قهرتيني
توبة:😢😢ماما
وردة:انا لي حمقة مخلياك تخرجي..باقي غتعبيها
شداتها دخلاتها لطواليط لي زادو فيها شوفو ولا الما سخون وقتما بغاوه..عمرات سطل وتتخنزر فيها حيدات الحوايج وبقاو بجوج عريانين..بدات تتحك ليها وهي تتغوت حتا سالان ووردة سخفات بالحكان..شللات ليها وعيطات لمحمد تتنهج عطاتها ليه..شافها تتنهج وقال:سخفتي
وردة:فففف عييت
محمد:صبري مديري والو تنجي
مشا للبيت حط توبة نشف ليها ولبسها حوايجها وحطها فالبيت الصغير لي فرشاتو وردة على ذوقها بعدما تحسنات وضعية نحمد المالية ولا كل شهر كيتوصل بخلصة ديالو كمدرب..حطها وجاب ليها كاس تالحليب وخبيز ومدو ليها..شعل ليها تلفازة وبدات تتفرج..حتا هي شراوها..بعد تعيينو كمدرب تحسنات حالتهم شوي..ولات خلصى قاداهم وتيوفر ليها اي حاجة بغاتها وولات دارهم بحال اي دار مغربية..فهاد للشهرين وردة ذاقت طعم المسؤولية وتغيرات ولات كتعرف طيب وتشقا..وتربي توبة..من غير الشخصية المرحة ديالها لي زادت وديما مطلعاها على محمد واخا يكون معصب..
مشا عند وردة لقاها جالسا فوق كرسي تالحمام كتنهج..حيد تريكو وشورط لي كان لابس ومشا لعندها شد وجهها بين يديه وقال:صافا تخرجي وتكملي من بعد
وردة:غفففف صهد..لا هي حيت حكيت لتوبة وسخفت
محمد:اجي احبيبا ندوش ليك..ديك ساعا ديري بناقص
وردة:(وقفات)ويلي مشتيش حالتها
وقفها وطلق الما وبدا كيغسل ليها فشعرها لي زاد طوال والما تيلصقو على جسمها الابيض وهي شادا فالحيط..جمعو ودوز ليها صابون وباسها فكتفها وقال:بصحة هه
ظارت عندو وباستو ففمو وقالت:شكرا ههه غنتوضى
عمر ليها سطل وحطو ليها بعيد توضات وهو تخشا تحت الرشاشة تيدوش بالخف..هز بينوارها لي كانت معلقاه فمسمار مضروب فالحيط تالطواليط ولبسو ليها وقال:سيري احبيبا وجيبي ليا معاك الفوطة
وردة:ففف واخا ااححح بديت تنعيا
محمد:غيفوتك الحال
خرجات سخفانة شافت توبة فالبيت تتفرج وتاكل ضحكات وصبفتات ليها بوسة فاهوا وضحكات ليها ومشات ردات ليه فوطتو وخرج تاهو..لبسات حوايجها وهو كذلك..ونشفات شعرها وخرجات لحدا توبة لقاتها تتفرج..جلسات حداها تتشوف معاها ميكيات..تاوصلات العشية ولبسو حوايجهم وخرجو والوجهة مول المزار اتقداو منو..نزلو لكارفور وتقادت اش غتحتاج فرمضان وتوبة منيما دازت الشكلاط..خلص محمد ورجعو للدار..بدلو تليهم وجلسو على براد تاتاي كيتفرجو..حتا طلع النفار فالقناة الاولى كينفر وتسمع المدفع من جامع الكتبية كيبشر امة محمد على حلول شهر رمضان المبارك..وفالعادات المراكشية فالاحياء الشعبية ملي تيعرفو انه رمضان تيخرجو الهيالات ويتgودو مع الشهر فالسما ويزغرتو..ضحكات وردة وقالت:غدا رمضان هههه
ناضت خلات محمد تيضحك..نزلات لتحت وتبعها هو وتوبة وبداو الزغاريت فالحي والمباركات..مكاين هي رمضان مبارك..عواشر مبرووك..وشي كيهنئ شي..خرجو مشاو لدار وردة باركو ليهم والفرحة كبيرة بحلول شهر الغفران..
وردة:اول رمضان لينا بجوج هه
محمد:نشاء الله ماشي اخر رمضان هنه
مراد:هاااك البلانات..غدا غنسافرو صايمين
وردة:لا ويلي كول راه غادي تحرر صحرا😂😂
ضحكو كاملين ودخل انور ضاحك وقال:عواشركم مبروكة
وردة:وحجبانك مشروكة
المختار:من صباح تال دروكا ههه
مراد:ايوا نتفهم ههه
انور:😂😂😂هاك ارمضان فهاد تقيقت وايلب هي الله يدوزو على خير
وردة:غيدوز كيف العيمان لخرين بشحف فالنهار وفلعشية البشري كافر ويقرب لمغرب ومكاين هي جناوا
ضحكو كاملين ومن بعد كلها مشا لدارو فرحانين بقدوم الشعر المبارك..والزنقة عااامرة ناس خارجين اتقداو..والمختار خرج اقبل حانوتو لي عليها الاقبال..والسويقات عامرين بنادم تيشري اش خاصو..باختصار مهدنات الوقت تاقرب السحور..فاقت وردة مع جوج ونص تليل عمرات اتاي وصلقات جوج بيضات وسخنات خبز المقلة وزيت العود والفرماج..والهلال تيهلل..والخس باقي فالزنقة..حطات كلشي عاد ناضت فيقات محمد لي كان ناعس على كرشو وعريان من لفوق وحيت مراكش سخووون بليل بنادم الى متعراش غيحماق..فاق مبشلق بالنعاس وتوجه للطواليط غسل وجهو وجلس هو وياها تيتسحرو فالبيت بوحدهم شافت فيه وقالت:اول رمضان ليك فمراكش هه
محمد:اول رمضان فالمغرب كاع هنه
وردة:وايلي فين كنتي تدوزو؟؟
محمد:فبلجيكا ولا فامريكا..حيت هاد لوقت من العام تنكون كونجي شهرين وتمنبقاش فالمغرب
وردة:نتا لي عطاتك الوقت اولدي هههه عمرك صمتي نهار صمتي صمتي فحهنم المغرب هههه مراكش
محمد:هههه واعادي رمضان رمضان
وىدة:عقل على هاد الهضرة مزيااان هههههه ..فين كنتي عايش قبل
محمد:فبلجيكا راه ياله عام باش حولت كاع مشاريعي للمغرب..واصلا مكبرتش هنا
وردة:ممم سعداتك كنتي كدور
محمد:(باس يديها)غنمشيو ندورو بجوج ان شاء الله ههه
وردة:ان شاء الله..ايوا هاك شرب راه قرب اوذن هه
عطاتو لما وشربات حتا هي..غرقات بالما عارفا كيكون الشحف وهزات تيلي تصورات معاه زعما تذكار..ناض توضا وهي كذلك ةجغمو اخر كاس تالما وهو يأذن..الله اكبر الله واكبر..جملة كتحبس الشرب والاكل على امة محمد..لبس قميص فالاسود وتوجه للجامع اصلي الفجر مع الجماعة..وكيف العادة فرمضان الصفوف كثيرة وبزااف..رجع لقا وردة كتصلي جالسا سالات ومشات تنعس بينما هو هز تيلي فيه المصحف وبدا كيقرا ما تيسر ورجع انعس حيت تابعو السفر للرباط..
اصبح الصباح الاول من شهر رمضان المبارك..الصهد فمراكش على صباح..والشمش حارة وبنادن مني تيفيق وهو عطشان..صونا تيلي د محمد مع سبعة تصباح وناض دوش بالخف ولبس حوايجو..وفاقت وردة على حركاتو..شافت فيه وقالت:صباح الخير
محمد:(كان كيسد المكانة)صباح النور..رجعي تنعسي باقي الحال
وردة:لا..غنوض حتا تمشي نتا ونعس
محمد:ههه واخا
ناضت كتنش عليها والسقيل فزنقة تاحد ماخارج كلشي جابد عليه من غير العيالات القدام لي تيفيقو بكري ويتسناو تضرب تسعود باش امشيو للسوق اتقداو مايحتاجوه لشهيوات هاد النهار..غسلات وجهها ونشفاتو وشافتو هاز صاك صغير اسود وقالت:بلاتي نخرج معاك عفاااك
مشات لاحت عليها كاب طويل تال الركبة وخفيف فوق البيجامة..وشدات فيه وخرجات سدو لباب وجرات معاه تال حدا البلاصة لي غينطالقو منها..والمفاجأة كانو ناس تالحي كاملين صغير وكبير واقفين فواخد التيرا خاوية فيها الكار مصبفطاه الجامعة باش انقلهم..واليدين وردة وانور ومو والحي كولو خارج حيت عارفينهم غيشاركو فالبطولة الوطنية..العيالات ببيجاماتهم والرجال بالباس تالخدمة. والبنات اكيد.تجمعات الفرقة كاملة واوشكو على الانطلاق تحت تصفيقات الناس وتزغريت العيالات لانو فيهم امهات دراري لي لاعبين..تعانقو معاهم وتمناو ليهم الخير وكيصفقو ووردة عاطياها لتصفار وكتشير لمحمد ..طلعو فالكار لابسين لباس رياضي والجو حار..وبقاو ناس واقفين مجمعين وتيترجاو الخير حيت غيمثلو مراكش..رجعات وردة لدلرها وانور جار معاها فالطريق وتتحدث هي وياه وقاات:فين غنتفرجو؟؟
انور:غينقلوه فالرياضية
وردة:محال.
اننور:وا غينقلوه الله يهديك راه هاد للمرا بطولة وطنية
وردة:ياربي اسهل عليهم يارب
انور:اميين..ياله نقشعوك انا غنمشي للخدمة
وردة:تلاح ترتاح ههه
مشا وهي طلعات لدلرها وكتحس بالفراغ..رجعات نعسات بعد عدة محاولات ساعا شكون خلاك..هي وصلات الغشرة فاقت توبة تتحعوق وتفيق فيها..فاقت بلهلا يطريه ليها والحال بدا تيسخن لدرجة انها كتقطر بالعرق..ناضت غسلات ليها وعطاتها تفطر وتوبة تتعجب علاش مفطراتش معاها..بغات تخرج لونقة ومنعاتها شعلات ليها تلفازة وبعد عدة محاولات بالبكا جلسات تتفرج فرسوم..وصلات الثناش تنهار ومراكش فوق الشوايا..ناس خارجين متيحبسهم والو لا شمش لا حرارة لا والو..الشباب البيطالي ناعس والعيلات هزز القفاف والوجهة السوق اتقداو..جلسات وردة كتنهج ومجمعة مع محمد فالواتس حيت ديجا واخد ليها تيليفون حتا سمعان لباب تدق..ناضت بثثاقل وكتجر فرجليها وشال فيديها متنش بيه..حلات لباب وهي تصدم وقالت:اسماء😳😳زهيرو
زهرة:بون انا غنمشي..باباك كيتسنا وغدا جي بلش نمشيو لرباط
اسماء:داكوغ
وردة:علاه رجعتو😒😒
زهرة:كنظن هاداك شيء عائلي متيخصكش
وردة:اربي سيري لنصدقو فاطرين معاك ههههه
خرجات زهرة وبقات اسماء هي ووردة تيجمعو واخا صهد..خففو الحوايج واخدين راحتهم وتوبة تتلعب حداهم..ودير زبايل وتخاصم عليها مها..فحين محمد وفرقتو وصلو بعد ساعات من الطريق مسخسخين دخلو للاوتيل لي حجزاتو الجامعة ليهم وكلها لبيتو..الفرقة مولفا الصهد ومعندهومش مشكل فيه..خاصة رباط مسخونش بحال مرتكش..الكثير عندهم 43 درجة..محمد دوش تاني وتوضا صلا وديركت نعس حيت شحف بالمعقول مضرباتو التوكيدة تال الربعة ونص تالعشية..فاق صلا العصر وعيط لوردة ولمو لي خبراتو انها غتكون من الحضور..وخرج لقا دراري مجموعين فبيت واحد ومقشبين مشاحفين ماوالو..وقال:اه اه متيgر فيكم لا صهد لا صيام ههه
مراد:دابا هادي لي هنا عندك حرارة ننهههه احح كون كنا كنصومو فيهاهههه
..:اودي ههه هاد رباط فيها حاجة وحدا زوينة ههه التوتوز.ااح اخويا
محمد:(نزل عليه للكتف)الله يمسخ مك راه صايمين😂😂نوض جدد الوضو صيامك خسر
مراد:قبح الله وسعيك 😂😂😂نوض تودا
ضحكو كاملين وبقاو جالسين مقشبين وكيسايسو النهار..او بمعنى اخر كيجيبو المغرب هههه..فحين وردة بعدما صلات العصر ناضت لدارهم غتفطر معاهم اليوم حيت مكاين حد..مشات هي وتوبة واسماء لعندهم وبداو فالتوجاد للفطور..عجنات مها خبز المقلة ووردة حطات الكدرة كطيب فالحريرة ىلحامضة تحت اوامر مها لي تتوريها اش دير اما اسماء هي جالسا كي القايدة..ردو الحريرة وناضت وردة حطات ليها مها عجينة المسمن وبدات كديير مسمن معمر بالبصلة والفيفلة وخيزو(طيجي غزال)..خوضات مها عجينة البغرير تاهي وطيباتو..هوما فعادتهم كديرو حاجة وحدا كل نهار مس اليوم عندهم اسماء وفتيحة اصرات تكبر بيها وتعمر طبلة..بينما وردة تتعجن اسماء تتهضر مع خوها فالواتس وتتصيفت ليه تصاور وهو ميت بضحك عليها..وتوبة عطاوها سوي تالعجينة تلعب بيها..الريخة ديال الحريرة عاطيا فدرب منيما دزتي تتشمها..وتشم ريحة المؤكولات التقليدية والدراري صغار تيلعبو فالزنقة..المحلبات عليهم اقبال على قبل الرايب والمخبزات على قبل المعجنات..بدا كيبرد الحال شوي والشحف فالنهار..طحنات وردة العصير ديال الليمون والخوخ وديال الgرعة مع دانون فاني والحليب(جربوه تيجي غزال والله) ودارتهم ابردو..وطببات المسمن وحطاتو فطبسيل وغطاتو بزيف باش ميبردش..دخل باها هاز شباكية لانو مقادوهاش..شداتها من عندو وسلمات هليه ودا توبة معاه لحدا الرجال فساس تيلعبو ضامة..المغرب بقات ليه ساعة..والاشغال كثيرة..حطات اسماء مكساعدة للزلايف والمغارف تالعود فوق الطبلة وربعة طباسل صغار تسليلو وكيسان العصير طوال..وطبسيل تتمر..وطبسيل المسمن معمر وكدلك البغرير مدهون بالعسل..وفطبلة خرا فيها طويجنات صغار فيهم الزيت والزيتون والعسل..والقراعي تالما بارد ودافي وجوج غرارف تتراب..واكيد صينية تأتاي على حقها وطريقها ملقم بالنعناع..خوات الزنقة وكلشي دخل لدارو..تجمعات وردة وعائلتها كيتسناو المغرب ادوي..وهي كتهضر مع محمد لي بدورو كان على طبلة الفطور فالاوطيل مع الفرقة..معمرا ومشكلة..كتبات ليه"اول يوم صيام معك جعلك الله رفيقا لي في الجنة"..ضحك وجاوبها"مورا المغرب نجاوبك"ضحكات وهي تقول لتوبة:اخياتا راه غتحرgي شدي لارض
توبة:ماما هصين ههه
وردة:واخا جلسي ونعطيك هصين ههه
الله واكبر..الله واكبر..ومع التكبيرة هزو تمرة كسرو بيها اما وردة سكحات العصير هو لول حيت شحفات..هز باها الما شرب ومشا للجامع..تكات بتعب حيت تزوات بالما..وهوما كذلك..تناوبو هلى صلا باش ميخليوش توبة بوحدها..حتا دخل باهت وبداو تياكلو ويفطرو ويضحكو..وكذلك محمد هي اذن تلاحو على لما كي الحماق..
محمد:لا تغلقوش راه غنترينيو مورا التراويح
وحلات ليهم ونطق واحد:مالك اخا تتسالنا الفلوس ههه
مراد:مالي تنصدر سلاح لاسرائيل خهه
محمد:افطر والله منعقل عليك ههه
فطىو مجمعين وهز تيلي صيفت لوردة"الجواب:احبك"..كانت هي مكسلة حدا ماعن الفطور هي واسماء هازا تيليكوموند كتقلب فالقنوات وتضحك على الافلام لي جيبين وحداهت اسماءتزوات بالما مكسلة اما فتيحة توضات وخارجا للجامع حيت هي لي تتحل جامع العيالات..كانت خارجا وقالت:وردة مرا مرا طلي على طاجين عنداك تنسايه
وردة:لا هي سيري الله يقبل
مشات وهي تنطق توبة:مي😢😢
وردة:مشات تدير الله واكبر ههه
هزات نيلي وهي تلقا ميساج منو فيه"احبك)ضحكات وجاوباتو:اعشقك
جاوبها:هائم انا بك😘😘
وردة:متيمة انا بك
محمد:مهووس انا بك
وردة:مجنونة انا بحبك
محمد:اهوااكي
وردة:اتنفسك
محمد:مريض انا بك
وردة:هههخ
محمد:مقيم انا عليك😂😂😂
وردة ضحكات بصوت عالي تاسمعاتهت اسماء وقالت:خهههه اسبحان الله
وردة:😂😂😂😂😂اودي ههه والو والو ههه
جاوباتو وقالت:مسخك لله ايها القرد الباكستاني هههه
محمد:لعنك الله هههه سيري تاحي غنمشي نصلي وندرب دوك الgناطح
وردة:😂😂😂كوووغاج
سالات معاه الهضرة وناضت حولات الماعم وعاد يانو ليها كثار والكوزينة ضرب ليها تشطح كفضات وبدات تتغسل فيهم واسماء حداها تتنشف وترد تا سالاو وتيطلز على طاجين حتا جات مها وباها من الجامع جلسو شوي وحطو العشا طاجين تالملوخية والشلايض قاداتهم وردة وبداو كياكلو وفنيحة تترحب باسماء وتعاود وتوبة كتوكلها مها..حتا سالاو وجمعو الماعن..فحين محمد رافق بعض من الملاكمين لجامع..صلاو بدلو حوايجهم وخرجو..ضرب بيهم مسافة كبيرة ديال الجرا باش اسخنو عاد مشاو حدا البحر ودربو تما بلا معدات بلا والو..لمدة ساعتين عاد رجعو تعشاو وكلها مشا لبيتو..محمد شد ستون مع وردة ومجمع معاها تا لشي الحداش وودعها ونعس..حيت جمع صحور وعشا..فحين هي بقات شوي ونعسات تاهي
🌅🌅🌅🌅فجر جديد وسحور جديد لثاني ايام رمضان..فاقت وردة على تعياط مها هي واسماء تسحرو ببساطة الاكل وباها كياكل الطاجين لصحور ههه جغمو الما مزيان وحكو سنانهم وصلاو ونعسو حتال العشرة تالصباح فاقت وردة مع اسماء لي جات مهاداتها ودعاتهم ورجعات..لقات محمد صيفت ليها مسج وطلباتو اعيط ليها فلبلاصة صونا وبقات مجمعا معاه ساعة كاملة تا فاقت توبة تطلب لفطور عاد قطع
عطات لشنيولة لفطور ودوزات نهارها عادي فالشحف والعيا وتواصلها مع محمد وتشجيعاتهت ليه وفكل ركعة وكل صلاة كتدعي معاه فأنه يكون ليها الرفيق للجنة والزوج فالدار الخالدة..دار البقاء..وجدات الفطور مع مها كيف العادة ..اذن المغرب وتجمعو على الفطور وهي بالها مع محمد لي كان بدورو كيفطر مع الدراري لي كانو على اعصابهم ومتحمسين للمباراة لانها غتحتم مصيرهم..فيهم لي خلا قرايتو فالفاك وجا وفيهم لي واليديه خدامين عليه تيدمرو باش هو يدرب..وفيهم لي مخلي وحدا موراه كتسناه اجمع راسو باش اتزوجز..فطرو بلا خاطر الا محمد لي مبرد كياكل على خاطرو..سالاو ومشاو هاد لمرة كاملين للجامع صلاو التراويح فحين فالحي الاهل والناس متحمسين اتفرجو..لدرجة انهم تجمعو كاملين فقهوة ديال واحد سميتو حسن دايرين بلازما كبيرة منقول فيها كلشي على قناة الرياضية المغربية(الثالثة)..كل واحد خلص 10دراهم مبقاش بنادم مسوق مخلطة الدعوة..رجال وعيالات كبار وصغار وبنات وشباب..جلسات وردة لقدام هازا فحجرها توبة وحداها مها لي كتدعي مع ولدها والمختار وانور ومو وكل اباء وامهات لمشاركين..عتابروها فرصة باش اتجمعو كاملين باحترام وتاحد ممقلل الاحترام على حد..عكس الايام العادية فاش تيكون شي ماتش مكاين هي الله يعطيك صحة فالكلام الخايب..وردة ككل الناس جالسا على اعصابها والاجواء كانت بحالا غيلعب المنتخب ومجموع الحي كامل حيت كلشي من نفس الحي..الامهات القدام مع النسا والرجال لور واقفين بشلاغمهم جابتهم الكبدة اشوفو ولادهم وكاين لي جا هي يتفرج وصافي..فحين فالقاعة الكبيرة فالرباط كانت الحلبة كبيرة محاوطا بالاسود..والجمهور تينغل هازين درابو وبعض الشعارات شي جايب معاه درابو تالكوكب شي تراجا كلها تيلغي بلغاه والفوق كاع كاينين الناس من الجامعة بكوستيماتهم جالسين برقي..وكيراقبو التظاهرة..فمكان اخر محمد كيعطي اخر توصياتو ليهم ويرفع بيهم المعناويات..كانو لابسين سورفيتات فالاحمر ديال المنتخب تحت اصرار محمد بقولو:ملاعبينش على ود مراكش لاعبين باش هادا يطلع لفوق(هاز راية تالمغرب فيديه)هادي غي تجربة الاهم العالمي داكوغ
الكل:داكوغ
بدات التصفيقات وصوت المعلقين والهرج وحضور قوي للصحافة سواء المرئية او غيرها..كلشي حاضر..قناة الاذاعة والتلفزة الوطنية مسيفطا هيئة من صحافيين قناة الرياضية باش تنقل اخر الاحداث..جاو ناداو على الملاكمين..خرج محمد لابس سورفيت الاسود كيف العادة مخنزر معول على اللقب..وتبعو واحد من وزن اكثر من 60 كيلو هي شافوهم الناس وبداو يصفقو ويشجعو ..طلع الولد لابس قفازات وشورط واجد اضارب..وطله المنافس وجا بينهم الحكم عطاهم القوانين وتطلق جرس لبداية المبارزة..وبدات بهجوم كلا الطرفين..سالات الجولة الاولى ومحمد طلع واقف عند راس الولد(صلاح)كيوصي فيه ببرود..عطاه اشرب وبدات الجولة الثانية ونفس الشيء تعادل فالهجوم وفالدفاع..سالان ومجمدقال فوذن صلاح:هنا غيخصك تضرب بجهد تخليه اجيب لكاو
صلاح:اكون خير
ناض صلاح لاخر جولة صاعر وكيبان ليه الولد صاك البوكس..مجاش فين اسدد ليه لكمة حتا عطاه صلاح دقا لنيف طيحاتو..كينوض واعاود اعطيه تا دااخ وحاولو افيقوه مي مفاقش..ومحمد مربع يديه ناشط وعاجبو الحال..خرج صلاح عنقو وصيفتو للفيستير..جا دري اخر ولهب وبنفس الشكل ربح وكذلك الاخر والاخر حتا كاه الناس تفاجئو من هاد الملاكمين النخبة لي كضرب دقتها قاخر لحظة..ضربة شبه بضربة القاضية..والناس فمراكش مع كل ربح كينوضو اغوتو ويصرخو اما الامهات خلاص لي غلب ليها ولدها كتزغرت وتدمع وتعاود وفتيحة جالسا على لمجمر باقي مداز ولدها..اما وردة دمعو عينيها كتحس بالفخر تجاه محمد وكل مرة شدات عليه الكاميرة كيتهز قلبها وتبتاسم وتوبة مكاين هي بابا بابا..فالمدرجات فبلاصة بعيدة كانت زهرة واسماء لي تتنقز وتشجع وتعاود وزهرة جالسا بكل جنتلمانية كتفرح وفرحانة بولدها...تربحو خمسة تالماتشات وبقا مراد..خرج كدلك بنفس العزيمة همس محمد فونو قبل ميطلع :الى مضربتيهش بحال لخرين عول على فتيحة تكويك بالقتيب ههه
ضحك ليه وضرب كفو وطلع..الشيء لي شداتو لكاميرة وزومات على محمد ومراد والمعلق مكاين هي مدرب ناجح وكدا وكدا..طلع مراد معول على خزيت مع منافس من نفس وزنو..بدات الجولة الاولى عادية ودازو لثانية بداو كيلعبو وغفل المنافس ونزل عليه بضربة خلاتو جاب الكاو..مبقاش ناض وبهذا تعلن على فوز الفريق المراكشي كااامل بدون استثناء تحت قيادة المدرب محمد امين الساجدي..كانو عادو كلمات المعلق لي خلا قلب فتيحة افرفر وهي تغوت بجعد:ولددييييييي😍😍😍ولديييييي هههههه والله الى ولدي ههههه انا لي ولظتو ههههههه ويك ويك ههههههه وا وادي
وردة:نايضا الروعا هنا ههههه والطايح كثر من نايض كلشي تفرج فيكم وفرحااان اححح شحال طقطقت ههههه
محمد:لقيتي سيبة تاني ياك هههه
وردة:خخههه ايييه..فرحت بزاااف ليكم والله..كل واحد فيكم يستاهل بالاخص نتا
محمد:وردة ياوردة(تنهد بفرحة)اش ندير بلا بيك
وردة:😂😂😂😂دير راسك بندير وعطيها للشطيح والرديح ههه
محمد:يلعن دين..(وقف كلامو)ههههه اللهم ان هذا رمضان
وردة:😂😂😂بلا بيا مغديى والو..
محمد:اودي الله يعطينا هي شي مصيبا معاك هههه
وردة:😂😂😂اعملها تجي لعدونا ولي ميبغينا ههه
...:محمد اجي
محمد:وردة حبيبا كيعطو ليا..غنقطع غدا ان شاء الله جايين
وردة:الله يجيبك على خير اكينكو خههه مبروك مرا خرا
محمد:te amo
قطع معاها ورجع عندهم لقاهم لبسو سورفيتاتهم باش اطلعو اتسلمو الميداليات ديالهم..خرج معاهم وخي بانو تعالات التصفيقات والتصفار وبنادم فرحان..طلعو للمنصة لي واقفين فيها المسؤولين باش اعلقو ليهم ميداليات دهبية..وراية حمراء تتوسطها نجمة خضراء مرفوعة..طلع محمد معاهم والبث باقي خدام كيتفرجو فيه الناس فالقهاوي..لي هي جابتهم الصدفة ولقاو النباراة لان الب المغاربة ممهتمينش بهاد التظاهرات...بزااف كيميلو للكرة..تسلمو الميداليات بفخر وكل واحد فيهم فيه ضريبة فوجهو..وكذلك محمد خدا ميدالية ذهبية ديال الشرف تصورو ووففو حاطين يدهم هلى قلوبهم كيرددو فالنشيد الوطني لي مطلوق..تا سالا وتسالمو ونزلو..مودعين التظاهرة فانتظار بطولة اخرى..خرجو فرحانين ناشطين خلاو الصحافة بشتى انواعها كتهضر عليهم..رجعو للاوطيل وتلقاو ليهم ناس الاوطيل بترحيب خاص حيت عارفينهم ملاكمين..وطلعو كملو الاحتفال مجموعين حتا لاشمن وقيتا..فحين وردة مقداتها فىحة والحي كامل..رحعو فحالهم تعشاو وجمعو شحال عاد كلها تلاح لبلاصتو انعس..فانتظار الغد حيت غيجيو فالعشية
🌅🌅🌅ثالث ايام رمضان الابرك ويوم خاص عند وردة محسات لا بجوع لا بعطش فقط كانت فانتظار قدوم خوها وراجلها..من الجوج وهي واقفة على رجل وحدا حالا اليوتيب وتتختار اش تقاد للفطور..مخلات المعمر مخلات حوت اي حاجة عرفاتها تتعجبهم قاداتها..كانت فدارها مع توبة ومها كيوجدو الفطور..طحنات العصير ووجدات اشهى المأكولات..جابو طبلة من عند دارهم باش تقدهم..الساعة كتشير لسادسة ونصف ووردة فالكوزينة كتسارع لوقت مبقا ليهم والو ويوصلو..وكذلك كل اهل الحي نفس الشيء فرحانين بيهم وبولادهم..وصل لكار لحدا الحي..وتسمع صوتو وخرحو كاع الناس من ديورهم شي خلا الحريرة شي خلا البطبوك لهلا يقلب ولا يشقلب..كيبانو ليهم نازلين واحد مورا واحد وكل واحد كيتلاح عند ميمتو ولا باه ولا ختو يعنقهم..والدنوع االامهات مغرقا القنت..فتيحة تتزغرت وتعاود وتعنق فمراد والمختار هاز راسو فرحان..اما انور واقف حدا وردة كتسنا بغارغ الصبر انزل من الكار نور عيونها..نزل لابس الاسود والنظارات الشمسية لي زادتو وسامة هي لولة شاف ..توجه ليها وحيد النظاظر وعنقها بجهد وهي كذلك وكتردد فمبروك وتعاود)ملاحظة التعنيقة متتخسرش نهار بلا متجي شي فقيهة😂😂)عنقاتو وهو كيحضنها..هز توبة باسها تتعنقو وتبوسو..تعانق مع انور ونسيبو وفالاخير صفقو عليهم الناس بحرارة وهنئو محمد لي فالاخير هو سبب وراء نجاحهم..تفرقات الجوقة وكل واحد جر ولدو..ووردة معنقا مراد وتتبوس فيه على غير العادة فخورة به..دخلو لدار وردة وجلسو بيناتهم كيهضرو ويجمعو وكيتعاودو على اجواء المباراة ومراد تيوري لمو الميدالية لي هي شافتها توبة وبدات تتجدب بغاتها تلعب بيها ...حتا تدق لباب كانت زهرة واسماء لي عرض عليهم محم. للفطور..دخلو وجلسو وناضت وردة تكمل لفطور حيت قرب الاذان..تبعاتها فتيحة ومشا انور جاب مو..واخا زهرة معجبهاش الحال مي سكنات..وهوما خالقينها..باركات لولدها فرحانة اما فتبحة خلاص دور وتبوس فيه وتقول:اخيري سعدي بجغمة دم ديالي ههه فرحتيني الله يعطيك الرضا
عمرات الطبلة بكاع الاكلات والحريرة الحامضة والتمر والشباكية ومحمد حاضي حداكتها وكرشها واخا مثقلاها نتحرك..زهرة تتشوف فالاكل جاها زوين وتيشهي..تجمعو كانلين وردة محمد توبة انور السالكة المختار فتيحة مراد زهرة واسماء..على طبلة الفطور تسمع صوت الاذان وكسرو الصيام..الرجال بعد كسر صيام ناضو ديركت للجامع والنسا بقاو..تياكلو ويفطرو علل خاطرهم ناضو صلاو الا زهرة تا سولاتها وردة:مغتصليش؟؟
زهرة:(بنفخة)مجبتش باش
وردة:نوضي نعطيك باش تصلي
زهرة:لا هي خليه عندك😒😒
سكتات وردة مبغاتش الصداع والكل لاحظها كانت غتنطق فتيحة ورداتها وردة..وهاد الجملة ديال زهرة طاحت على مسمع محمد لي كان داخل من الجامع مع نسابو..معجبوش الحال وخنزر فمو..بانت ليه وردة مبتاسمة رغم كل شيء وجلسات كتشرب لتوبة الحريرة..فطرو وعمرو الكريشا فرحانين..حتا سالاو وستأذنات زهرة وقالت:ولدي مبروووك مرا خراا عليك غيخصنب نمشي
انور هرب ومراد حصلاتو فواحد ااقنت تتعطيه فدق بالمغرفة..توبة هي شافتها وهي تمشي عضاتو فرجليه بجهد مغززرا فيه سنانها ومحمد وانور تكرشخو بضحك..ضارت وردة لانور شدو ليها محمد بضحد وهي تنزل عليه بتسرفيق والنتيف والركيل تا بردات وهي تقول:ياله وا gولو عاش الملك اصحاب زعفران شعرا خهه
ضحكو عليها وهي هزات لماعن ومشات للكوزينى حطاتهم ياله غدور وهي تلقا صدر محمد اونفاص معاها حاط يديه على لبوطاجي مكاليها..هزات فيه عينيها وقالت ببراءى:مالك؟؟
محمد:(حاضي شنايفها)والو ههه هي توحشتك
وردة:تانا ☺☺
نزل راسو لعندها وخدا شفايفها بين شفايفو وبدا كيبوس فيها بشغف وحب ولهفة وهي لاتقل عنه..كيبوس وينهج وهي كذلك لمدةدقائق..بعد عليها وباس راسها وقال:الله يخليك تاج فوق راسي
وردة:كنبغيك😘😘
محمد:هههه انا كثر ههه
وردة:حيد من gدامي غنمشي نجيب لماعن لي بقاو
حيد ليها بسهولة بنظرات كلهم اعجاب ..كيتفحصها من لور كانت طايتها رائعة ونعالمها الانثوية محددين..حك لحيتو وخرج تبعها عاونها تا هزاتهم وخرج لجامع..وهي بقات كضحك بوحدها جمعان لماعن وعينيها على الطاجين..تا رجعو من التراويح وتحط لعشا بشلايض مختافين ومنوعين..الكل ستغرب ان وردة لي طيبات
مراد:حيانا الله تاويلينا ندوقو شياطة الماكلة ههه
انور:ايوا اش بيتي دير..نديرو ليها لخاطر وناكلوه راه غيبقا فيها الحال
وردة:ياربي تاكلو فيه جغديد(بصوت منخافض تحت سنانها)تاكلوه بالرحمة وتحطوه بالزحمة اولاد اللدين
محمد:هههه اش تيعرفو الحمير لسكنجبير هههه جا غزاااال
المختار:هاكاوا على ريحة الشياط عطات😂😂😂
السالكة:انشو لبرد😂😂
ضحكو وكملو العشا فجو مرح وختموها بأتاي وسليلو حتا لاشمن وقيتا وناصرفو وتوبة نعسات فحجر باها خطها بلاصتها وتفرغ لوردة لي كان موحشها..لقاها كتمسح يديها سالات الجميع طبع قبلة على كتفها وعلى عنقها تا تهزات من بلاصتك ودارت عندو وعينيها فيهم شوق وتتسنا البادرة منو..مشعراتش تاوصلو للفراش والتاحمو من جديد بحب وعشق من نوع اخر..مافاقو هي على صوت المهلل ناصو دوشو بجوج وتوضاو كيضككو وتسحرو ورحعو نعسو
####
وهكذا مر شهر رمضان عندهم كولو فرح وابتسامة..ولمة مع العائلة فرخانين..واحوالهم المادية تحسنات بزاااف..مورا المباراة خرجو جرائد فيهم فصفخة الرياضة اخبار عنهم وعن المدرب الصاعقا لي صدم الجمهور بفوزو الساحق..دار جوج حوارات مع قنوات الكترونية..حبهم هو هو متبدل والو..اليوم العيد..عيد الفطر.. بعد شهر كامل من الصلوات والدعوات فاقت وردة هي لولة طرفات غسلات سنانها ووجها وفيقات محمد حيت غيمشيو للمصلى..وفيقات تاتوبة بزز..
حطات طبسيل تروز مع زيت لعود والعسل يفطرو بيه قبل ميخرجو لمصلى..وهادي هي العادات المغربية الاصيلة انه قبل ميمشو للمصلى كيفطرو الناس بروز ولا هربر(معرفتش شنو كيقولو ليه فمناطق اخرى)فطرو وناضت لبسات لتوبة جليليبة فالشيبي بخياطة خفيفة بزاااف وشيك ومشطات ليها..ولبسات هي جلابة بنفس اللون مخيطة بلونها جاتها راااقية جدا..وبليغة فرجليها ..دارت ايكرون وفوندوتان وكحلات عينيها ولي اول مرة غديرو فحياتها..كحلات بكحل اصيل جابتو ليها مها..كتبان خارقا للجمال..لوات عليها شال خفيف باش تصلي والكريشة سابقاها كتبان مثيرة..فحبن محمد لبس دراعية رجالية فالاسود مخيطة بالكري وبلغة فالاسود مع تقيشرات..رش ريحتو ومشط شعرو..تلفت لوردة لقاها هائلة بقا حال فمو فيها وانبهر بجمالها الخلاب...بيضة ووجها صافي والكحل مزين عويناتها..كتبان قوفة فتقليدي قرب منها وباس يديها بجوج وراسها وقال:شي نهار ناكلك ههه فين كان نخبي هاد زين كولو هااا
وردة:☺☺☺معرت
محمد:لا لا بزاااف علي(شد فقلبو)واتاك تقليدي العفريتة
وردة:هههه بصح
محمد:اه ههه باين ليا غنقلبوها جلالب خهه
وردة:هههه واخا حلم هههه ياله مشينا
شد فيديها بيد ويد خرا هاز بيها توبة وهي هزا جوج زرابي تصلا..خرجو وتيبان ليهم بنادم متوجه للمصلى فين غتقام الصلا..والكل لابس الجلالب والملابس التقليدية وكيباركو العيد لبعضهم بطرثقتهم ابمراكشية..وهو مقاداه فرحة وردة ماليا عينو بلباسها..تفارقو فالمصلى حيت غتصلي مع العيالات خلا معاها توبة ومشا وهي تبعاتو بعينيها وتوجهات لبلاصة فرشات فيها وجلسات بيدما تقام الصلا..والمصلى كبيرة وكضم اكبى عدد ديال الناس..تقامت الصلاة وصلاو وسمعو للخطبة وتبادلو الناس المباركات واجواء العيد تعم المكان كلشي لابس الجديد..عيط ليها فتيلي ودار معاها فين القاها حيت المصلى عامرة..تلاقاتو بابتسامة وتصورو شبعو تثاور وسلفيات معاهم توبة لي تتعلمها وردة تخرج لسانها وتجمع شلاقمها فتصاور وتاهي تابعاها فحكماقها..مشاو لدار وردة اباركو ليهم العيد ولقاوهم غيحطو الفطور..ولالة فتيحة ضاربا ليك كاندورة فالابيض تتبان كي العريسات ههه ومراد لابس قميص بيض شافتو وردة وقالت:تتبان كي طيرا بgر😂😂
شدات من عندو توبة بلستها ومدات يديها سلمات على وردة بنفخة..مداتهاش فيها وردة ونطقات زهرة:جلس ههه
جلس وحداه وردة وتوبة بقات فحجرها..عيطات للخدامة جابت اتاي والحلاوي مشكلين..وبقات مجمعة مع ولدها وممعبراش وردة لي بقات جالسا وساكتا..تا هبطات اسماء بقفطان فالاسود راقي وطالقا شعر..تلاحت هلى وردة ومحمد بالتعناق وجلسات ونسات وردة..شوي هبط سمير بجبادور ابيض ولليغة ومحلق على الحالة..شافو محمد وقلب وجهو مخنزر تلفتات زهرة وشافتو وعرفات غتنوض الخرب وغمزات سمير وبدل طريق خرج بلا حتا كلمة وضارت هي ضحكات ليهم بزز وكملات حديثها اما محمد معجبوش الحال..دازت ساعة ونص ونطق محمد:الواليدة شفتك وغنمشي
زهرة:لواااه ههه غتجلس تغدا معانا
محمد:مرا خرا انشاء الله
زهرة:عفاااك احبيبي هي هاد المرة والعيد هذا
محمد(شاف فوردة):صافي واخا ولكن...
زهرة:(قاطعاتو)مغتشوفوش هنا كون هانب(عنقاتو)توحشت الجلسة معاك
اسماء:حم حم نحن هنا
زهرة:نتي راك الكل فالكل خخخ
بفاو هاكاك مجمعين وزهرة الجن لي فيها مكيبغيش وردة..حتا حان وقت الغدا..وعيطات ليهم الخدامة واراك لطبلة لي فيها كل ماتشتهي الانفس من محمر مجمر شلايض وعواصر..هي شكلها اجيب ليك جوع
جلسو على طبلة الكبيرة وطباسل قدامهم وبداو كيتغداو ويهضرو قليل..سالاو ودازو لتحلية لي عجبات وردة بزااف شاف فيها محم. وقال:باقي بغيتي
وردة:(حشمات)لا لا براااكة ههه
محمد:نمشيو
وردة:واخا
ستأذن من مو وباس راسها وعنق ختو وخرج شا
فيديها كيف العادة وتوبة سابقاهم علة رجليها تتجري..طلعو للاوطو وديمارا وخرجو من الفيلا وقال:مزيانة؟؟
منذ الأزل و إلى الأبد الجزء 16
محتوى القصة
التنقل بين الأجزاء