وردة:ياله لشي مول نشربو شي حاجة ومنها نيت تلعب توبة شوي وملي يبرد لحال نزلو لجامع الفنا
محمد:هههه علاش لا
شد طريق لاحد المراكز التجارية فحين هيحيدات شال وهبطات لمراية وبدات كتقاد فشعرها لي شدات عليه صف عند الكوافورة البارح..قاداتو ومحمدتيشوف فيها بنص عين وقال:زيدي الىعندك شي عكرعكري بيه هههه
وردى:خهههه ليوم العيد مغتحرمهاش فيا..سوg ودخل سوق همك
محمد:تاليل ونهضرو..والله ابينيتي مكاين لي يفكك ههه
وردة:😨😨😨نتا واحد المكرفس والله
محمد ضحك وقال:وغنكرفسك كثى هننن هي تنتفكر ربعين يوم تنصعر عليك😂😂
وردة:ايوا شاااا تاني ههه راه gاع الرجال دازو من هادشي
محمد:ههههه معىت كي غدوز ههه
ضحكات وكمل طريقو والناس رغم الحرارة خارجين كلها فين شادها..باركا الاوطز فااباركينغ لي كان عااامر بزااف ونزلو..هاز توبة وشاد فوردة طلعو الاسانسور لي كان كثر من عامر..توحهو لواحد البارك ديال دراري صغار هي شافتو توبة وهي تبدا تتركل بغات تهبط وفرحانة..طلقها محمد ومشات تتجري تتلعب من لعبة للعبة وهو ماعليه هي يخلص ويسكت غرحان ببنتو...مشا لواحد الكيوسك وجاب كلاص لوردة اما هو معندوش معاه..جلسو فطبلة مخصصها المول للناس وهي كتاكل فالكلاص تشكلاط وهو تيضرب فقهوة كحلة..حتا تاتبان ليه توبة صرفقات ولد كبر منها وطويل عليها ..ناض محمد بزربة حيت وردة مقادراش عيات..شدها حبت تتجر فشعرو بعصبية وهو تينتفها بعدها عليه وقال:هداي المصعورة اش دار ليك ههه
توبة:😡😡😡عنغنغن بفووووو
دفلات على لولد لي كان كبر منها بشي خمس سنين..وعاقد حجبانو وقال بصوت مرتافه:خاااايباااا نفووووو مسمووومة مبغاتش تخليني نلعب فيها
ياله كان غيردها ليها الولد وهي تجرو يد من لور..تلفت لقاه باباه راجل غيكون فعمر الثلاثين لابس حوايجو بحال محمد كلاص ومخنزر ووسيم لدرجة كبيرة..وقال:واش فيما مشيتي منوضها😠😠
الولد:هي بي جبداتني 😠😠حمارة مبغاتش تخليني نلعب
...:مبانت ليك هي هاد اللعبة عطا الله لعبات
الولد:انا هادي لي بغيت😡😡😡ياله
الراجل هز عينيه فمحمد باش اعتاذر وقف وشد فولدو وياله غيهضر وهو يسكت وبقا كيشوف فمحمد وحتا الاخر كيبادلو نظرات فشكل بحالا تيعرفو..تيشوف فيه بشك وحجبان كل واحد فيهم معقودين..تانطق الراجل بصوت قاسح:محمد امين الساجدي
محمد؛(بنفس النبرة)الgلاوي..فؤاد للgلاوي
بتاسم الراجل تا بانت غمازة فالجانب الايسر وقال:الساجدي هههن
محمد:الgلاوي ههه
حط محمد بنتو فالارض ووقف كيشوف فيه بنظرة غريبا قرب ليه وخداو بعضهم بالحضن الرجولي ديالهم كيربتو على ضهر بعضهم برجولية ويضحكو وكتعاود هي الساجدي والgلاوي..بعدو على بعضهم ونطق محمد:افين الحمااار توحشناك
فؤاد:ههههههه اودي هي دنيا...ايهاي على محمد ولا بابا هههه
محمد:gاع متكون هو نتا ههه(غمزو)كيدرتي ليها ههه
فؤاد:هداانا الله اودي ههه(شاف فتوبة)هاد التوتة بنتك
محمد:اه ههه
فؤاد تحنا وهزها وهي باقي عاقداهم..باسها فحنكها وقال:اوووو لا علاقة بينك وبينها ههه
محمد:ايوا الحنش تيولد هي مطول منو ههه
فؤاد:تزوجتي القرد ههه منتيقش ههه
محمد:(شير ليه فوردة )راه المدام
شاف فيها فؤاد وشير ليها بيديه بشوي مبتاسم وقال:خهههه لا لا قهرتيني..ديتي بنت البلاد
محمد:هنههن اشنو..ونتا تزوجتي
فؤاد:شحال هذا..شي ست سنين هادي..اجي معايا نعرفك عليها
محمد:(تعانق معاه تاني)والله الى توحشت ايامنا المسخوط هههه
فؤاد:ههههه تانا
عطاه بنتو وشد هو فولدو وقال:اليوم نتفكرو يام زمان هههه.فين جالس
محمد:را فين..ياله تريح معانا
فؤاد:سبقني نجيب لمدام ونجي
محمد:خصني نشوف هاد مسخوطة الواليدين لي داتك
فؤاد:(بصوت منخافض)قاود هههه
ضحك وهز توبة وقال:هانا تنتسناك ههه
مشا محمد رجع عند وردة وبتسامة مخفاتش من وجهو فرح بزاااف حيت تلاقاه..جلس وقالت وردة؛شكون هذاك مع من كنتي واgف
محمد:تصوري ههه دنيا صغيرة..عاقلة على صاحبي لي قلت ليك تفارقنا ملي عندنا 19سنة ههه هو هذااك
وردة:(بتاسمات)سبحان الله ههه ومال هاد شاطا ماطا مع لولد صغير هههه
ناضت البنية لابسا كسيوة قصيرة وشعرها حد كتافها وعويتاتها عسليين وباست توبة وحتا توبة باستها..ومحمد ولد فؤاد حاضيهم وهو يقول:كاع مزينا خايبا
وردة:هههه ياك
توبة:😠😠😠
وفاء:اداك المصعور فوت عليك البنت ههه
سليمة:هههه حيت ضرباتو مرضاش ههههه
هز محمد يديه وضربها لوجهها وهي تصعر علىيه وبدات تتضرب فيه بكل قوتها وتعضو وهو عاطيها تسرفيق ووفاء تتفك فيهم وتخاصم اما وردة تفرشخات بضحك وحتا توبة ناضت من حدا مها وبدات كتضرب فمحمد الصغير وتضحك..فارقوهم بستة وستين كشيفة..خزرات وفاء فسليمة وقالت:غيجي باباك وغنقولها ليه
سليمة:(خرجات عينيها)😳😳اش درت ليك
وفاء:وانا كنقول مالك من قبيل مرزنة قول هي حيت كان باياك😠😠تايجي ونقولها ليه
سليمة:لا لا عفاااك اماما..
اميرة:حسوووما تضربي محمد
محمد:😠😠
وردة:(شابعا ضحك)😂😂😂😂😂اوكوك اعباد الله ههههخخ زعما نتوما خلاص حسن عوانك معاهم
وفاء:هههه اودي والله انا مكيخافو مني..هاد جوج كيطيرو مع الطيور ياله اميرة لي دريويشا
ورظة:ههههه باينا فيهم هههه حتا هادي لي عندي كطير مع الطيور شو هي gبيل كي بربقات ولدك هههه
وفاء:تربيتهم صعيبة خاصة توااام
ورظة:عار تالله لتخلعينيش ههه راه هازا الهم لولادة والله
وفاء:كيدازت لولادة لولة غدوز ثانية عادي
وردة:راه اول ولادة ليا ههه
وفاء:وتوبة؟؟
وردة:ربيبتي ماشي بنتي(باستها)ولكن راه بحالا من لحمي
وفاء:(تفاجأت)سبحان الله هههه وحتا هي كتعنق فيك
وردة:ههههه واخا ضاسرة ولكن راه مومو تعيني ههه
وفاء:الله يخليها ليك..شت هادو سكنو ههه
وردة:تلقايهم شادين شي جوان وتيتفكرو يام زمان عهه
وفاء:😂😂😂بحال والو ههه راه داك لي عندي كماي
وردة:وهذا لي عندي هو لي تيصدر لحشيش 😂😂😂
وفاء:ناري لهجتك تضحكني هههه مراكشية قح
وردة:ايوا هاحنا تانساكسيو ونسباكسيو هههه مورقا مراكشية من طيارة
وفاء:اححح تيعجبوني المراكشيات مفروحات
وردة:هادي لي gدامك مقطعة لوراق هي هاد لكرش لي مرزناني هاد الساعة
ضحكو وطلع مجموعين للفوق ملقاوهمش فبلاصتهم.عقد فؤاد حجبانو وقال:وها لي مبغيناش😠😠
جبد تيلي عاقدهم وصونا عليها وقال:فينكي😡😡واخا هانا جاي
فؤاد:راهم فقاعة تالالعاب داو دراري
محمد:زيد نمشيو عندهم
مشاو بجوج تقريبا نفس القامة ونفس الهيئة والعضلات كبيؤة..دخلو لقاعة كبيرة تتنغل بلبراهش من جميع الاعمار كلها فاش كيلعب..دورو عينيهم وشافوهم واقفين حدا الاولاد كيلعبو..توجهو لعندهم..محمد عنق وردة من عنقها وقال:مالكي كي زواق ههه خليتك لهيه
وردة:(شادا يدو لي معنقها بيها)هههه باو العبو ههه شوف توبة تتدور وتصرفق محمد ولد وفاء😂😂
وفاء:شوف الاعصار ديال محمد مضارب مع ديك القطيكة تتوبة ههه
فؤاد:ههههه بلا منهضرو على لعافية تسليمة هههه
ضحكات وفاء وعنقاتو وقالت:الله يخليهم لينا ههه
فؤاد:امين ههه خصنا نخاويوهم ههه
وفاء:عاود راسك هههه براكا ثلاثة براكا وعندهم ربع سنين ونص وعلاين اوصلو خمس سنين..ياله نتكافا معاهم
فؤاد:ههههه غتزيدي غي بلاتي واحد العام ولا عامين
ضحكات وعنقاتو تا سالاو الدراري العب وخرجات اميرة تتحري لعند باها هزها باسها عاد خرجو حنون لخرين مضاربين بيناتهم..سليمة جارا توبة من يدها جاتها على لكانة حيت متنحملش محمد..وهو عاقدهم فيهم..خرجو من القاعة وقال فؤاد:ياله نتغداو
محمد:مشااات ههه المشكودرة عيتي؟؟
وردة:لا هههه
جرها معنفها وتوبة تتمشي قدامهم تابعا سليمة..دخلو لواحد الريسطو مختص بالبيتزا على الطريقة الايطالية الاصيلة..شدو طبلة عائلية وخداو شنو بغاو..تغداو وبقا محمد وفؤاد انا نخلص لا انا نخلص فالاخير خلص فؤاد..ناضو من المطعم وقال محمد:عشيري غنمشيو حنا دابا وردة تتعيا دغيا
فؤاد:يا نشوفوك هههه ضروري منتلاقاو غدا
محمد:الله اودي وانا نفلت عشيري ههه
تبادلو النوامر ووردة سلمات على وفاء وهوما كذلك تبادلو النوامر ومشاو..محمد هاز توبة وشاد فوردة لي رجليها طابو بالبلغة وجارا راسها بزز..نزلو للباركينغ ركبو فالاوطو وديمارا مبتاسم شافتو وردةوقالت:عزيز عليك هاد صاحبك تا خلاك ناشط هاكا ههخ
محمد:(شاف فيها مبتاسم ورجع كمل سوgانو)بزاااف هاد سيد رجولة دوزت انا وياه العجب..واخا كبر مني
وردة:وايلي علاه شحال عندو؟؟
محمد:34سنة كبر من بشي عامين تقريبا..قولي كاع عام ونص
وردة:نتا طالع ف 33 غتقفلها فلخر شهر ثمنية
محمد:اه تماما..هو كبر مني وتزوج قبل مني
وردة:مممم فين عرفتيه..صرااحة ضريف ومراتو خلاص الله يعمر ليها دار مبشورة ومطلوقة هههه طاحت ليا على لgانة هههه
محمد:كنت كنقرا فبلجيكا وهو كذلك..مكانش صاحبي ولكن باه الله يرحمو كان تيعرف المرحوم عمي ومع ذلك بقينا معارف..تاتلاقينا فاليسي فبلجيكا..هو كان مصعور وانا كثر منو..درنا البوكس بجوج كنا هي طالقينها وصافي..كان هي معصب مي قاش تنتجمعو تنتجمعو هي على الزبايل والبنات هههه
وردة:هههههههه البنات هههه المسخ..ولاش تفارقتو
محمد:الى باقي عاقل هو كانت عندو 19 وجاهم فاييض ورجع بدلرهم للمغرب من تما تقطعات خبارو مبقيش تلاقينا..ومشات ليا نمرتو
وردة:وا مزياان ملي تلاقيتو..نتا معندكش صحاب ههه
محمد:(جرها عنقها)نتي صاحبتي ههه اححح كون كنت عارفك فبلجيكا كون هاد لبيبي درناه تما😂😂
وردة:😂😂😂مال ترمتي شايطا علي هههههه فالحلال ولا بالناقص..اكينكو
محمد:اخليلي لي محتارم راسو هههه
وردة:بيك ولا بيك اساط😂😂ودابا فين شادينها
محمد:للدار اتوتة..
وردة:سير على الله ههههه
مدات يديها لبلاصة الموسيقى وبرونشات تيلب مع اها وطلقات اغنية زهير باهوا و تيو تيو..وبدان كتغني وتحرك كتافها وتشطح وهو كيضحك تا وصلو للحي..نزلو وتوجهو لدارهم..طلعو وتنشرات وردة فوق التليق حيدات البلغة ولقات رجليها حمريين وقالت:غففف عييت..والله
محمد:نني لي باغا ضوري هننه
تكسل حداها عيان اما توبة باقي عندها جهد بدات تتلعب..مد يديه ليها تيداعب حنكها وقال:جاك الماكياج زوين اشنيولة ههه
وردة:الله يلgيها ليك اولد الحرام وميكون فيها ملك😠😠كيما حرمتي عليا هاد طويق (النعاس الخفيف)الله يعطيك الحزاق وسط الناس😢😢
محمد:(ممسوقش حطها فدوش وسد عليها)تخرجي قبل مدوشي ننحر مك ههه
وردة:نفووووو هليك القرد..اخ😠😠
ضحك وخلاها تتفقص بوحدها فالطواليط..تتموت فالنعاس توسط النهار...دوشات وتوضات وخرجات بالبينوار مخنزرة وتتشوف فيه مريح هاز توبة تيهرها ويعضها فعنقها وهي تتغوت بضحك..شافها وصيفط ليها بوسة فالهوا وهي تخزر فيه ودخلات لبيتها لبسات حوايجها وخرجات عمرات اتاي وحطات من حلوة العيد وداتهم جلسات معفرة وهي تهرب توبة لعندها وباستها وردة وخوات ليهم اتاي وعطاتها غريبة..وبقات كتشوف فمحمد لي مشغول بتيلي وقالت والله تنحىمها فيه كيما حرمها فيا..شافتو مركز مع التيلي وناضت كتسلت ومحس بيها تا خطفاتو ليه من يدو وبعدات وقالت كضحك :هههههه زمتك دروك..مال مك محرم فيا النعاس
محمد:(جالس وحاط مخدة على ركابيه تيشوف فيها اش تتصنع)اري داك تيليفون ونتي خف من رزقك
وردة:شافك شتيه فسما قلشتيه هههه والله لشتيه
وقف وهي تهرب ليه للبيت وقالت:الى شديتيه عكر ليا بالخرا تالجمل😂😂
محمد:(دفع لباب تيضحك)اري لمشكودرة تمك تيليفون راه غتحيبيها فراسك خههخخخخ
وردة:(طلعات بصعوبة فوق الناموسية مضاربة مع كرشها)سير خرا واجي عكر ليا عاد شدو هههه محرامش عليك ضال كتحرث فيا وخليتيني تا غمضت عيني ونتا تجي تفرع ليا ك**
محمد:(خزر فيها)تتخسري لهضرة(قرب ليها ونزلها من ناموسية)اش هاد الهضور تاني مليون مرة تنقوليك متبقايش تخسري لهضرة😠😠
وىدة:نعنعنعزع ماشي شغلك ..وتليفون مغتشوفوش ياله
طلعاتو لفوق بيديها تتبعدو وهو واقف عليها وواصلو وبغاها تبان واعرة ..نطق:دابا مبيتيش تكمشي ياك هههه
وردة:لا ههه زgا نشوف اش تدير فيه تضل تقلبو ليا ديالي وانا عمري حطيت فيه يدي
محمد:داكشي كبير عليك هههه
وردة:(دايرا يديها وراها)كحاز لهيه تانشوف اش فيه
ربع يديه وقال:ههنهههه
دوراتو عندها وحلان الكود لي كان هو اسمها..وخرجات ديركت فالواتس..ولقات اول محادثة مع كونطاكت باسم حبي..خرجو عينيها وقالت:شكون هاد حبي اراس التيمومة😳😳ويلي..
دخلات لميساجات ومكاين هي توحشتك الحب..لهلا يهطيك ..خليتي بلاصتك علي..خرجو عينيها وبنادم تيتقلب فكرشها..والفوار خارج من وذنيها..هزات راسها فيه معصبة وجنون دنيا والاخرة طلعو فوق راسها تيلعبو سامبا وقالت بالغوات:شكون هادي مع من تتحاب ليا هنا😠😠😠شكووووون(لاحت عليه تيلي)شكزوووون..ياك امحمد على خر يامي تخليني حاملة وتمشي تشوف فوحدا خرااا😡😡😡
محمد تيضحط عليها من نيتو وهي صعرها وهي تهز كلاكيطها وبدات كضرب فيه مجننة تعطيه للفخض ولصدر وهو تيضحك وشاد يديها تيطاكي وميت بضحك وقال:شوري الموصيبو ههههه راه الواليدة هاديك
صباح جديد بنفس جديد فحياة وردة..فاقت بنشاط مع سبعة تصباح غسلات وجهها وسنانها..ووجدات اافطور..طلات على محمد لقاتو غارق فالنعاس..كيف لا وهو ديما الاونتريما وكيدرب دراري بلا متكون عندهم حتى مباراة..عز عليها تفيقو..مشات لبسات سورفيت فالغوز خفيفة والكريشة مزيرة عليها..فرشات مانطا صغيرة فقاع دار وجلسات جامعا رجليها فوضعية يوغا..وهي الرياضة لي جبرها محمد تداومها على قبل تسهيل عملية الولادة..بغا يدخلها للصال مي رفضات قاتلها العجز..تربعات ودارت الكيت فوذنيها على نغمات اغانيها المفضلة لي تيخليوها تكونسونطا..غمضات عيينها ومشات فعالمها الخاص فهاد للاثناء فاق محمد ملقاهاش حداه..خشا رجليه فكلاكيطو السوداء وخرج..تاكيشوفها عاطياه بالظهر وتارفها كدير اليوغا..بتاسم ومشا للطواليط غسل وجهو وحك سنانو..ومسح وجهو وخرج عندها لقاها باقي على نفس وضعيتها..قرب لناحيتها وتحنا..مطيح ركبة وموقف الخرا..حط يديها على خصرها مرورا بكرشها ونزل بقبلة على عنقها سخووونة حسات بيها وبتاسمات..هز يديه بشوي وكيتلمس فجسمها وقاد ليها يديها حيت الوضعية خطأ وحيد ليها الكيت وهمس فوذنها:ترخاااي
محلاتش عينيها بقات مغمضة عينيها وهو كيوريها اش دير ويحرك يديه على بكنها وكيحس بابييبي كيتحرك بشوي..ومرا مرا كيطبع قبل على عنقها كتخليها ترخا..جا قدامها وقال:حلي عينيك وتكاي
حلات عينيها مبتاسمة وتكات وبدا كيحرك ليها رجليها ببطء ويبتاسم وهي حسات براحة..عاونها حتا سالات الرياضة ديالها لمدة ساعة حتا ولات كلها عرقانة ومتنهج بدون ميتكلمو..هي تتبي تهضر كيسكتها بقبلة خفيفة..توقف وقال:براكا عليك اليوم
وردة:فففف عييت والله..شو العرg
محمد:العرق كيدل على أنك بدلتي مجهود وان جسمك بدا تيحرق
وردة:فففف ضروني رجلي
محمد وقفها معاه:دابا يفوتك الحال..دخلي دوشي واجي تفطري انا نوجدو
وردة:راه موجود تسناني ندوش ونحطو انا
محمد:واخا
مشات للدوش دوشات بالخف حيدات هي العرق وخرجات قدامو وهو متبعها بعينيه لبسات فالبيت وخرجات حطات صينية تأتاي مزوقة والخلاوي وسخنات المسمن مع العسل والزبدة والزيت..وجلسو كيفطرو..سالاو وناض هو خرج مودعها بعدما لبس حوايجو..وهي بقات فالدار
هز الاوطو وديمارا فانجاه كافي فجليز ..وصل باركا الاوطو ونزل بالاسود كيف العادة والعضلات واقفين واللحية السوداء لي كتزيدو وقار..دحل للكافي الراقي وحيد النظاظر وبدا تيقلب بعينيه حتا بان ليه فؤاد وتوجه ليه مبتاسم..وقف فؤاد سلم عليه وجلسو وقاا:هانيا اخويا
محمد:بات هانيا ههخه فين المدام
فؤاد:خليتها فدار مع الواليدة ههه
محمد:قلوي بغيتي تشوفني على شي حاجة
فؤاد:(هضر بجدية )وي..بعد داكشي لي عاودتي ليا البارح بغيت نعرض عليك واحد العرض ونتمنى تقبلو..عارف قبيلة مك نفسك فزكك ولكن غتقبل واخا نوخروها كومبا
محمد:(كيضحك بثقالة)هههه هضر نسمع
فؤاد:محمد نتا راه خويا مدوزناش قليل..عارفني معنديش مع كثرة الصحاب وكثرة المعارف..كنتي خويا ودزناها فالبوكس نتا وحلتي وانا جابني الله فطريقك نعاونك..سمعني انا غنحل ريسطو هنا فمراكش ومعنديش شي حد ثيقة نخليه ليه وفكرت فيك نتا..خليني من دوك الهضور ديالك..انا مشفقت عليك مخريت..
محمد:(بجدية)فؤاد كي قلتي مدوزناش قليل ونتا عارفني كيداير متنقبلش شي حد اعاوني..راه فلوسي باقي عند سمير وحلفت لشديتهم حيت غرضو هو طيحني..هي سمح ليا اخويا عطيها لشي حد اخر
فؤاد:(خزر فيه)كون هي خريتي وماقلتيش هادشي..كون بيت نمد ليك نجي عندك ونعطيك شيك على بياض دخل فيه المبلغ لي بغيتي ولكن حيت عارفك تتبغي تدمر قلت ليك اش كاين..فكرة المطعم ماشي تا تلاقينا عاد فكرت فيها..لا راه من شحال هذا باغي ندير ريسطو فمراكش بسمية وفاء ومكنش الوقت وملي جينا وتلاقيتك عرفتك ننا لي مناسب..ايوا صلي على نبي
محمد:عليه افضل الصلاة والسلام..هي عذرني دماغي دابا فيه شلا مطارق والله وانا مرتاح فدومين تالبوكس وباغي نكمل فيه وبيني وبينك عندي بلانات خرا
محمد:ههههه باغي تعاوني هههه...لا داك النهار كنت تنهضر مع واحد السيد من دومين وقال ليا بلي كثراث علي الهضرو والباجباط وشي وحدين تيرشحوني لبطولة الوطنية للبوكس للمدربين بمعنى انا لي غنلعب ماشي الفرقة..والى ربحت ناسيونال غنلعب فالمونديال والى بغا الله غيتحلو المشاكل
فؤاد:(كيحك لحيتو كيفكر)وشكون ضامن ليك غتربح؟؟
محمد:(هز حاجب)الله يهديك هههه تانلعبو هناهههه
فؤاد:ههههه ميتخافش عليك معلم ههه ولكن قسما بالله ونعرفك مزير ومتجيش عندي تا نقودو سوايع راه عارفني اش تنسوا
حطها غالارض كيضحك وهي دغيا تخبات ورا محمد لي كان كيبتاسم وقالت:خويا بزز علي نشدو اميرة ونصبغو ليها وجهها بماكياج ماما(كتهضر وتخبا مور محمد لي كان ميت بضحك على هضرتها)صافي😌😌
فؤاد هرج فيها عيينيه وقال:اشناهو😠😠واش نتوما مكترصاوش..سليمة هضرت معاك ديك لمرا قلت ليك زبايلك بعيد على ختك😡😡فين خليتوها
سليمة:(تخشات فمحمد خايفا)هاات..راه مع ماما فالبيت😢😢
فؤاد:ها حنا راجعين وغنتفاهمو 😡😡محمد خويا خود راحتك دار دارك
محمد:😂😂😂سير سير والد شمهروش وعيشة قنديشة هههههه
مشا فؤاد وخلا محمد ميت بضحك..هز سليمة ومشا بيها للجليسة..جلس ووقفهت قدامو وقال:علاش درتي قختك هاكاك؟؟
سليمة:(خاشيا راسها بين كتافها وتتمسكن)محمد بي قالها ليا
محمد:ونتي معزيزاش عليك ختك حتا كديري ليها هاكا
سليمة:(بقا فيها الحال)هاا😢😢لا لا عزيزة علي..هي زوينة وتتعاوني ديما وتتقاد ليا تماريني ومتتقولش لماما هلى لبنات لي تنضرب فالمدرسة
محمد:ومحشوماش عليكم تديرو ليها هاكا..وزعما هي تويميا ديالك
وفاء:عجباتني ضحوكية ههههه دخلتها للكروب تالواتس لي فيه جيهان وخواتاتك يجوج
فؤاد:(ضرب بيديه بجوج)لا حول ولا قوة الا بالله صافي رابت علينا ههههه
وفاء:ههههه سير سير فحالك
مشا وخلاها مع اميرة كتمسح ليها ونزل عند محمد لقاه كمجمع مع سليمة لي هي شافتو تخلعات وحبسات البولة
خزر فيها وقال:تحركي منشوفكش هنا😡😡
حنات راسها ومشات تنجري عارفاه الىصعر..فحين هو جلس حدا محمد وقال:سمح ليا خليتك..هاد لبراهش مشاكلهم مساهلاش
محمد:عههههه لا لا هانيا ههه هي هو ولادك عالم يزاااف هاد سليمة كطير كتفكرني فوردة😂😂
فؤاد:بزاااف هههه تصور فأمريكا كل شهر ولا شهرين تنبدل ليها لمدرسة فينما مشا منوضاها
محمد:دراري صغار هوما هادو ههه
فؤاد:وايييه هههه الواليدة..وا حفيضة ههه
تمات جايا لالة حفيضة بالقفطان التقليدي والشال والبليغة والنور على وجهها..دائما راقية...وقفات عليهم وناض محمد وسلم عليها وجلسها وقال:الحاجة عرفتي شكون هذا ههه
الحاجة:(كتحقق فمحمد)مممم لا لا (كتفكر)ههههه الساجدي هههه سمحمد امين ههخ
محمد:والله الى مزيان ههههه توحشتك وتوحشتك مخاصماتك
خفيضة:ههههههوصافي هادشي لي توحشتي هههه قالو ليا تزوجتي وولدتي ههه
محمد:ملي فؤاد تجوج تانا درتها ههه
حفيضة:😂😂😂ايييه عندك الصح..جيبها نتعرفو عليها
محمد:ان شاء الله شي مرا نجيبها
حفيضة:ويلي جيبها ليوم نيت نشوف هاد الهبيلة لي قبلات بيك
محمد:😂😂😂وراه انا لي قبلت عليها
حفيضة:😂😂سير جيبها تغداو معانا هههه الله يرضي عليك
محمد:هي لي متعاودش هههه(وقف)هاني مشيت
فؤاد:نشوفوك
خرح محمد من الرياض وتوجه لسيارتو..طلع وعيط لوردة علمها بلي غيدوز لعندها ويلقاها واحدة..بعد مدة وصل قدام دار..صونا هليها ونزلات وردة بكامل اناقتها بجلابة فالبوردو مخيطة بنفس اللون وجاتها هي هاديك مع الحمل..طالقا شعرها سامبل ومدايرا والو من غير كلوس وماسكارا..ولابسا بليغة حيت مكتقدرش على طالون..وملبسا توبة سالوبيط فالاسود ومشيها..طلعات لحداه بعدما ركبات توبة لور..وقالت:فففف اححح
بعد عليها تيضحك والكريق كاملة وهو تيمدح فيها وهي تحشم
بعد دقائق معدودة دازت كلها غزل من محمد لوردة..وقف الاوطو بعيد ونزل حل ليها لباب ومد ليها يديه وقال:هبطي الخنشة هههه
وردة:(مدات ليه ايديها)الحمد لله مجبتوش من دار با..نتا لي رضيتيني هوكا
محمد:هههههه اححح بعدا جوابك على طرف لسانك
وردة:كون مكنتش هاكا كون درتيني تحت سباط وتتgوني كيف بيتي.اللهم نعطيك القاسح عهه
محمد:(هز توبة من لور تالاوطو)ههههه تسحابك تتساليهم ليا ههه راه متنبيش نخسر ليك الخاطر اما جوج تسرفيقات منفوتهمش فيك(شد قيديها وغاديين فوسط المدينة العتيقة)
وردة:هههه تسرفيقات هههه الى بيتي نشفي فيك العديان 😂😂 ولي يسوا ولي ميسواش اتفرج فيك ههه نضيرك مسكة بين ضراس رجال
محمد:هههههه بهاد الكرش غتضربيني هههه هو صراحة تديريها ولكن انا تسرفيقاتي ماشي حنوك الوجه ههه
وردة :(على نيتها)وفين؟؟
محمد:(همس فوذنها)فحنوك ترمتك خهههه
وردة:😳😳😳😳😳😳ويلي على الماسخ لاخور(ضرباتو لكتفو)تفووو
محمد:😂😉دابا نوريك كي غتكون ههههه غتعجبك
وردة:مشي مشي
ضحك وتمشاو تال قدام الرياض دق محمد وحلات ليه واحد المرا وقالت:مرحبا اسيدي
بتاسمو ليها ودخلو..ووردة تدور عبنيها فالرياض لي تصميمو راااقي ومن الثراث المغربي الاصيل واخا هي بنت مراكش وفايتا داخلة لشحال من رياض ولكن معمرخا شافت بحال هذا..كيف لا وهو رياض الكلاوي..تلقات ليهم ليهم وفاء بلباسها البسيط المتحجب بألوان فاتحة ووجه صافي بدون ماكياج..قربات ليها تسالمات معاها بابتسامة فرحة وقالت:مرحبا بيك ههه
وردة:براك الله وفيك احبيبتي ههه
وفاء:(خدات توبة من عد محمد وباستها)هانا تاني على الفنون هههه على الزين
توبة:(تضحك)😄😄😄ههههه
وردة:شو ليك الخايبا عاجبها الحال
وفاء:معلوم اعجبها راها غزالة هههه
جات سليمة تتجري شافت توبة وهي تقول:هههه ماما اري نبوسها
مشات باست وردة لي تحنات بزز ومشات..دخلاتهم وفاء شادا فوردة وكيهضرو ووردة تضحك ..وقف محمد على فؤاد لقاه هاز اميرة كيحزرها باقي ومحمد حداه كيطلب فيها تسمح ليه
نزلات من حجرو ومشات مع محمد تلعب..جلس محمد الاخر حدا فؤاد ووردة حدا وفاء وبقاو مجمعين فشتى المواضيع..ختا جات حفيضة وموراها مرا هازا صينية تأتاي بكيسان مزوقين داكشي تقليدي..وهي هازا طبسيل كبير تالحلوة مشكل ومنوع..حطاتهم وقالت:مرحبا مرحبا(شافت فوردة)تبارك الله والصلا على النبي
بغات وردة توقف وكالات بالمخدة وهي تحبسها حفيظة وقالت:لا بلا متنوضي☺☺(حنات لعندها وباستها)تبااارك الله غزااالة ههه محمد عرف اختار
وردة:(لاول مرة تتحشم فحياتها)براك الله وفيك اخالتي ☺☺
سالاو وجاو جمعو الخدامات الماعم وحطو التحلية حلاو ووردة هي تتشوف فمعاملة ام فؤاد لوفاء وتقرصات وتمنات لو أنها كتعاملها زهرة بنفس الشيء..حاولات متبنش وطمرات وشاركاتهم الضحك والفرحة حتا وصلات الربعة تالعشية خرج محمد وفؤاد صلاو ورجعو وستأذن محمد منهم..وفال:الحاجة خلتك على خيى
حفيضة:جلسو شوي باقي مسخيناش بيكم
محمد:مرا خرا ان شاء الله..هاد للمرة نتوما لي تجيو
وفاء:هههه دابا ضروري ههه
مد يديه لوردة عاونها تنوض وحاوطها بذراعو من خصرعا وقال:شكرااا على هاد الجليسة
حفيضة:لواااه راك بحال بحال فؤاد بحال سفيان(خو فؤاد)مرحبا بيكم ديما دار داركم(شدات وردة من حنوكها)رد ليها لبال
محمد:(شاف فوردة بحب)غتوصيني على عويناتي ععه
فؤاد:حم حم هههه مبقيتيش غادي
محمد:لطواسلك تتجري علي هي بالفن هعهه.
فؤاد:فهم راسك ههههه
وردة:فين توبة؟؟
وفاء:كاينين حدا الخصة ههه
خرجو من الصالون ولفاو توبة خالقا السعادة مع سليمة واميرة اما محمد كيلعب بعيد ويخنزر فيها..نطقات وردة:توبة ياله غنمشيو
توبة:معنغنعن نانا
وردة:دابا نجيو مرا خرا ابنتي
سليمة:لا😠😠بابا قوليها تبقا
فؤاد:واضرزري تمشي لدلرهم ووقتما بيتي نديك عندها
توبة؛😢😢
اميرة:اه نمشيو عندهم تاحنا😄😄
ضحكو ومشا محمد هز توبة لي محاملاش تمشي لقات مبغات كتلعب وتمرح فالقنت..سلمو عليهم ووصلوهم تال لباب وخرجو ..مشادين ليدين..وصلو لاوطو زطلعو..وطلع محمد حداها شد يديها وديمارا وقال:صافا؟؟
وردة:اه علاش
محمد:شتك قبيل كتحركي بزاااف ياكما فيك شي وجع
وردة:شي تغيزاات خفاف راه كملت ثمن شهور وعادي نتوجع شوي
محمد:نمشيو للطبيب؟؟
وردة:لا لا gادا براسي مكاين لاش😊
باس يديها وقال:je t'aime
وردة:تانا☺☺
كمل سوقانو وراد ليها لبال ماشي على برجها ملي خرجو..سكت حتا وصلو للدار وطلعو..وهي كتكابر وتشد فيه..دخلو وبدلو عليهم وخرج محمد متكي فوق التليق وكيتفرج وحداه توبة تتلعب بمونيكة فالارض..وهي بدلات عليها ولبسات كسيوة فالغوز حد الفخاض وكرشها منفوخة..جمعات شعرها سفنجة مهملة وخرجات لعندو معندها خاطر..توحعات ليه وقالت:كحز بيت نتكا حداك
دار ليها بلاصة وتكات حداه وهو مستغرب منها..جرات يديه عنقات بيها كرشها وقالت:بقا هاكا
وردة:ومالي انا دارو ليا الدهاز هههههه ولكن ولا عليك انا نتكلف هي سيري عالله
فتيحة:شوفي بلا داك تنوعير ديالك..تقداي مgاد ولا تسوخري لور
وردة:يا صافي راه متتعاود هي صلاتو على النبي هههه المهم انا مشين..توبة ياله
فتيحة:سلمي على راجلك
السالكة:سيري تلله يرضي عليك ابنت المختار
وردى:عاودي راسك هههه
خرجات من حداهم وتوبة سابقاها بمشيتها العجيبة بحال ديال البطة..شدات فيديها وخرجو من دار..ياله ضارت على ضورة وهي تلاقا انور جاي وهي تقول:واهيا مولاي السلطان هز عينيك تشوف الزين
انور:هههههه(كيظير ليها بيديه بحالا راكب فالعماربة) 😂😂😂تيارك الله علي ربي يحضيني ههه
وردة:(جبدات من جيبها الفلوس ومداتهم ليه)هاك خبي ليا هادو عفاااك
محمد:(شدعم)منين جاوك؟؟
وردة:(تتمص فكوجاك)هههههخخ عطاتهم ليا مت انور باتني نتقدا ليها للعروسة ولكن معرفتش اش بيت نشري ليها..اش نشري؟.
محمد:😂😂😂مشاو خلا هههه وانا باش غنعرف هههههه نتي لي مرا
وردة:شحال ذكي اوووو مكنتش عارفا واش مرا😒😒وازمر راه مكنتش كنعرف على لبنات والو..متنعرف لا لبس لا ماكياج لا ستا حمص
محمد:ايوا هداي علي 😂😂ضبري لمخك لي دارها بيديه افكها بسنيه تنننههههه
وردة:متنفعك مضر اخ هههه دابا نشوف كيندير ههه
محمد:ايمتا غتمشي تقداي؟؟
وردة:غدا اقدر هههه..
محمد:مزيام..ايوا اجي عندي نهضر معاك
قربات ليه وخشات رجلها بين رجليه وضحكات ثم قالت:هاني ههه
محمد:كتقلبي علي هههه خليك زوينة هههه
وردة:واهضر خلاص
محمد:غنهضر معاك فواحد الموضوع هو لي غيزيد بحياتنا من هنا لقدام..مورا متولدي غنشارك بالفرقى فواحد البطولة ومنوراها غنشارك انا فالبطولة الوطنية تالبوكس من فئة مدرب والى جاب الله الربح غنشارك فالدولية..فبطولة العالم وا قدر نغييب عليك شي ايام
وردة:(كمشات عينيها بحزن)شحال غتغبى؟؟
محمد:معرفتش على حسب..عارفك غتضرري ولكن انا تندير هادشي علة قبلك وعلى قبل توبة والبيبي لي جاي باش تعيشو مزيان وميخصكم والو..
وردة:مخصنا والو والله
محمد:نهار لول فاش جيت وبغيتك للزواج واعدت باك بلي غتعيشي معايا كي الملكات ميخصك والو..وشاءت الاقدار وولينا حازقين وبغانا الله نبداو من جديد..وهاد البداية غنكون معاك
وردة سكتات زتنهدات ثم هزات فيه راسها وقالت؛ماعليا هي ندعي معاك وصاقي(شدات وجهو بين يديها)انا تنبغيك وبزاااف gااع وديما موراك واقفا معاك وقفة راجل..سير لعب وربح وفرشخ ليا لبشري هههخ
طبع قبلة ففمها مبتاسم وقال:عارفك مرا ونص هههه كنواعدك الى ربحت غنرتاحو وغنسجلك باك حر باش لعام جاي دوزي
عنقاتو:واخا هههه توبة اجي ديري بيزو لماما ههه
جات تتجري وباستها وحطاتخا فحجر محمد وضربو سيلفي كيضحكو..ناضت وردة دوشات وغتاسلات ورجعات تشوف اش دير..حطات كاسكروط كلاو وهي مخشسا فمحمد وكيتفرجو وبوش ابوش خداما..اما لالة توبة محرما عليهم التلفزة
وردة:(تفوهات)
محمد:عييتي احبيبا
وردة:لا (شدات يديه)
بقا كيحك ليها شعرها وحاضي رسوم مع توبة وهي هزات تيلي ولقات الواتس غارق بالميساجات تالكروب فاش دخلاتها وقاء..وهي تكتب ليهم:الحلاقم الصفريتات😂😂مالكم على 200 ميساج تتناقشو ميزانية للدولة ههه
وفاء:على سلامة هههه فين كنتي
وردة:كنت تن... كملي من راسك هههه
وفاء:المسخ😂
جيهان:(صاحبة وفاء)ده نتو سافلين هههه نوض تانا عند حبيبي ههه
وفاء:هههه سيرو الىه يغبر ليكم شقف..بقيت هي انا وياك اوردة
باس راسها وضحك فحبن هي شافت فتوبة مقلزة تتفرج وقالت:توبة
تلفتات ليها بوجه برئ وقالت:ممم
وردة:دودو ابنتي تعطلتي
توبة:😢😢عنعنعنغن ناما
وردة:لا ااثمنية هادي نوضي اماما
ناضت معزفة وجات عندها وهزها محمد حطها حدا توبة..عنقاتها من كرشها وبقات كتفرج تا داها النعاس مع مداعبات وردة ليها..هزاتها وداتخا لبلاصتها ورجهات وقالت:بغيتي شيحاجة لعشا
محمد:لا غنعس معنديش فين نديىو
وردة:تانا..ايوا ياله تنعس
جراتو من يديه وتوجهات للبيت..تكاو بجوج وهو معنقها تا غفات ونعس تاهو
💓💓💓
صباح اخر من ايام وردة المراكشية فاقت بنشاط وجدات الفطور وفيقات محمد وتوبة بالبوساان وحطاتو ليهم فطرو مجموعين وناضت بدلات حوايجها لبسات صالوبيط دجين مع تيشورت بيض وسبادري بيضة وشعرها هزاتو لفوق..والكرش مقنبلة قدامها..خرجات عند محم
طلع فيها وهبط وقال:ممزيرش عليك داكشي
وردة:بلعكس هو هذااك هههه
توبة:😢😢ماما نين ناديا
وردة:نجيب قاقا زوينة لبنتي ونجي..شداتها من عندو وهزات صاكها وقربات ليه وهو باقي عاقد حجبانو مباغيهاش تخرج هاكاك وقغات عليه وباستو فحنكو وتا كانت غادية وهي ترجع باستو فحتكو لاخر وفنيفو وعضاتو فشفايفو وفحجبانو باش اتفكو عاد بتاسم وقالت:جوتيم ههه.
مشات وؤدة واخا خرقها قلبها عليها ولكن خصها تخرج فحين توبة طلقات زواكتها بجهد بغات تمشي معاها..وردة خدات طاكسي صغير داها لبرانس
وقف بيها الطاكسي الصغير فشارع مولاي رشيد المعرووف بالبرانس نزلات وهزات تيلي صونات على وفاء لي كانت فسيارة فالاسود رباعية الدفع دايرا نظارات شمسية والفولار فالزيتي..وقفات عليها وطلعات وردة سلمات عليها وقالت:وا قوقة هي عندك 😂😂
وفاء:الترمة ههههه
وردة:😂😂😂الطونوبيل الاخت هههه
وفاء:😂😂اودي هههه فين غنمشيو دابا؟؟
وردة:غضوري من هنا وتحطي الطونوبيل عند الgارديان ونزلو
وفاء:(ديمارات)واخا الالة
ديمارات الاوطو وتوجهات منين قالت ليها..حطوها عند الgارديان ونزلو..توجهو لرحبة القديمة وبداو كيتقداو وكيتشاورو بينهم ودايىين بحساب المزانية لي عندهم تقداو اش خصهم ويدخلو من حانوت ويخرجو من خرا وفينما مشاو تيتشطرو
وردة:شوف اشريف راه ماشي زماgرية باش تزنفرني فهاد الثمن..دير شي ثمن تالمعقول حسن
وردة هي ووفاء كانو طالقين وذنيهم وتيتصنطو والشياط ضارب غيهم وكل كلمة كتخليهم اخرجو عينيهم..مقنتين ورا السارية كي المشاش وكيتهامسو..حتا وقف عليهم السرباي خلعهم وقال:اش حب الخاطر؟؟
وردة:نتا 😠😠سير خدم خلينا
السرباي:مدام الى بيتي تجلسي مرحبا مي توقفي هاكا نو
وفاء:طبنا بالجلاس سير فحالك وطمر
السرباي ياله غيعيط بصوت مرتافع على الجيرون وهي تجرو وردة شنقات عليه خباتو معاهم وقالت:بربي وتخرج كلمة تا نجبد ليك حلاقمك ونصلقهم واطمر اصاحبي😡😡
السرباي:(عينيه فالفلوس)عاش الملك ههه(خطفها من يديها)اش ندير
وردة:(بشر)دابا هضرتي اساط هههه اجي اعشيري راه ولاد البلاد وغادي توgف معايا..سير ولهيه دوك جوج خانزات..عطيهم مايشربو ولا شي لعبة المهم ميخرجوش من هنا تا نرجعو
وفاء:اويلي فين غنمشيو واش تسطيتي..انا مغنخليش راجلي مع هادو
وردة:مال مك مكلخة..واش تسحابك عاجبينهم راه هي مطلعينها عليهم محمد تنعرفو بحال سميتي كيطنز عليهم وصافي
السرباي:دابا تلقونا اش ندير
وردة:غنسرفقك دروك..راه gلنا ليك اش غدير
السرباي:وا عليه..ولكن راه جهدي هي ربع ساعة وصافي
وردة:ايوا صافي طلق من الهضرة وسير هاحنا راجعين(جرات وفاء وكيتسلتو)
وفاء:افين غاديا..اويلي واش مخلياهم
وردة:اجي معايا
خرجو من القهوة وهي ننطق:شوفي غنىبيوهم وصافي..راه قشعونا احبيبا
وفاء:النم العسري..كون شافونا كون ناض فؤاد بعدا ميمكنش ابقا جالس
وردة:لا اتوتا راه محمد شافنا وغمزو وتسحابو انا ضهسيسة وبا يكملو زعما نشوفو اش غديرو ساعا غنهجرو ليه هي شوي
محمد تصدم واخا عارفها عنظيزة وتطير اما فؤاد مشا بزربة هز وفاء من فوق البنت لخرا لي ولاو فخاضها زرقيين وتتسب فيها:والله لخامجة تمك وتبقاي دوري بيه حتا نربيك😡😡
فؤاد طلع ليه الدم وهزها معصب وغوت عليها:غتحبسي ولا نسرفق مك😡😡
وفاء بدوك جنون لي فيها تنترات منو ونزلتت للبنت تاني كلاتها عصا..اما وردة قاضيا الغرض..يد لاويا بيها يدين البنت ويد خرا شادا بيها شعرها كدورو فيديها وتجر..وتزدخ ليها راسها مع طبلة وتهزو تعضها وتخبط ليها راسها ومحمد كيجر فيها وهي كازا عليها حلفات لطلقات..بحرا مفكوهوم من بين يديهم..وكل واحد شاد مرتو فقنت وكلشب تيتفرج ووردة طالقا حلوووقها بجهد:خطااااوكم السواعدة بانو ليكم هي المغاااربة(بزقااات ليها)الحبس لي غتشوفي منو😡😡والله تنكمل بمك
البنت:الى بقات فيكم الموسخات هاوجهي😡😡
وردة :طللللق مني طالللق والله تنوريك فعايل الموسخااات
وفاء:الله يلعن بوك الصوبيصة 😡😡
خرجو لبنات مخرمجااات بجهد وكلهم عضان..وضارو الرجال فعيالاتهم ياله غيبداو فتهلال وهي تغوت وردة بوجع قاسح فكرشها:ااااااااه محمد محمد عتقنيبيي ااااااه
محمد:(تخلع)مالكييي باش تتحسيي مالكب
وردة:(كتغوت والوجع كيقطع فيها)اااااه اااي اييي محمد محمد كرشي كرشييييبي😭😭😭😭
وفاء جات كتقلب فيها وتسولها:واش نازل منك الماااا دوبيي
جلسها محمد فوق كرسي وهي عبنيها كيتعصرو وفايضين بالدموع حيد ليها جلابة والتقاب وبدا كيدوز على وجهها مخلوع شربها الما وهي عاد مزايدا فالغوات..تا نطق فؤاد:اش كتسناو نديوها لسبيطار
وردة:😭😭😭محمد ولدي كيمووووت اهئ اهئ
عتقني اهئ اهئ
محمد:لا حبيبا لا (متوتر)مابيك والو وحتا البيبي مبيه والو(كيبوس فراسها)
هزها بين يديه فحين فؤاد سبق كيجري جاب الاوطو من الشارع متسوقش دخل بيها لوسط جامع الفنا واخا مممنوع منعا كليا..وهي غواتها كسر القنت وكلشي تيتفرج فيها..ركبها محمد الوور وطلعات حداها وفاء باقي بحوايجها والنقاب منزل تتبان كي شوافات..وطلع محمد حدا فؤاد وكيشوف فيها من المرايا ومتوتر كثر منها..
وفاء:تنفسييي تنفسيييي مزياااان احبيبا تنفسييب
وردة:(تعصبات)ورااااه متنولدش اهئ اهئ عارفا مكنولدش وهادشي لي حالعني😭😭😭😭
محمد:صبري هاحنا قربنا احبيبا
بقات كتبكي وتلوا فبلاصتها والماس نخشيين فيها وفؤاد مكسيري فاتجاه الكيلينك..بعد دقائق وصلو وتعرضو ليهم ببياص نزلها محمد وحطها فيه وداوها وهي كاسرا السبيطار بغواتها بحالا غتولد..اما محمد غادي جاي بحالا فيه صريصرة وفؤاد معرف ميديى وكبخنزر فوفاء لي عرفات راسها شقاتها..فحين وردة دخلوها لغرفة الفحص وجات طبيبو بسرعة وقالت:شحاااال عندك؟؟
وردة:اهئ اهئ اهئ ثمن شهور وسيمانة اهئ ةهئ😭😭😭اي اي ديري شي حاجة
الطبيبة:اطط نشوف
قلباتها الطبيبة وقالت:باقي مغتولظيش هي تعصبتي ودخلك لوجع
محمد:الله يهديك راه بغيت هي نشد فيك..راه شفتك فاش جيتي وغمزت فؤاد كنا بغينا نطلعوها عليكم وصافي واش انا نقدر نشوف فشي قمر اخر من غيرك(طبع قبلة على فمها)سمحي ليا
وردة:(تتبكي)😭😭😭😭😭😭اهى اهئ اهئ بعد مني وكلت عليك الله اهئ اهئ
محمد حس براسو جرحها حيت بغا يتمازح معاها..شظات فذراعو وتجعدات شد فيها من ذرعانها وحط راسها على صدرو ويد فكرشها وكيحزر فيها وهي بغات ترد ليه صرف عايقا بيه انه مدارهاش قاصدها هي بغات تخرجها منو ساعا هي لي صدقات موجعة..عنفها بجهد وقال:نمشيو احبيبا..
وردة:(كتفشش)مممم كتحرgني كرشي اهئ اهئ
محمد:غتفوتك هههه انا نمشي نخلص ونجي نديك صافي
وردة:(قالبا وجهها)😏😏😏
عنكش نيفها وخرج لقا وفاء وفؤاد مشادين تاهوما وقال:صافي اصاحبي برد راه ورظة لي فليلفلة ههه
فؤاد:😠😠تال دار ونتحاسبو على هاد لفعايل ضسرتيي
وفاء:😔😔
محمد:واصااافي هههه راه هي نشطو وصافي
وفاء:نتوما لي زايغين وكتشوفو فبنات الزنقة
فؤاد:(خزر فيها)سكتييينا😡😡😡
ضربات طم وسكتات وهي تقول ببراءة:ندخل نشوفها؟؟
محمد:اه دخلي انا نخلص ونجي
فؤاد:سير اخويا سير انا هذا الله معاهم فففف الحمد لله خرجات على خير
وردة:ايوا حيدي هاد الخرا لي لابسا راه تتباني شوها 😂😂
وفاء:😂😂😂😂مت بالضحك
دخل محمد لعندهم مع فؤاد وقال:حبيبا صافا؟؟
وردة:(قالبا وجهها)بيت نمشي لداري😒😒
فؤاد:على سلامتك اختي
وردى:الله يسلمك
جا محمد هزها بين يديه وقال:نمشيو ههه
دورات يديها على عنقو معفرة ووفاء شادا ضحكة وخرجو..توجهو للاوطو تفؤاد وحطها لور وطلع لقدام حدا صاحبو..ووفاء طلعات حداها وتتوشوش هي وياها..نعت ليه محمد طريق الدار حتا وصلو..نزل محمد وعاونها تنزل وقال:قادرة تمشاي ولا نهزك
وردة:لا غنمشي بوحدي😒😒
شد فيها وتوجه بيها للدار فحين وفاء وفؤاد تبعوهم من لوى وهو هي تيخنزر فيها..خل الباب ودخلو وداها للبيت تكاها وقال:محتاجة شي حاجة؟؟
وردة:التيساع😏😏
محمد:بااااز ههه
خرج وخلاها لقا فؤاد ووفاء باقي واقفين وقال:مالكم واقفين زيدو جلسو
خرج وخلاها وهي تعيط لوردة ابيل فيديو لقاتها تتبكي وتتنخصص عزات عليها وقالن؛والمسطية راه مابيه والو ههه عاد سولت فؤاد وخارج اتلاقا بيه
وردة:اهى اهئ حلفي
وفاء:والله ههه راه مابيه والو..مسحي دموعك صافي..اه اه ياختي تتموتي فيه
وردة:وبزااف...داك سيد راه مخلا مدار على قبلي وعارفاك هي بغا يشد فيا واخا مزاحو خايب وكان غيجيب خرتي ولكن تنحماق عليه😢
وفاء:اووووو كاع هادشي خازناه فقلبك هههههه كان تيتسحابني هي انا لي مبوهلة وتنموت ففؤاظ هههه ساعا نتي كثر مني
وردة:😢😢راه راجلي ياختي
وفاء:جمعي علي خنونتك صافي راه بخير خليه ارتاح بيدما ترتاحي تانتي وتبردي وهضرو بالعقل
وردة:😢😢😢واخا سموحات برزطك معايا
وفاء:ويلي متقوليش هاكا كون مرتاحت ليك منكثرش معاك جموع ولا ..راه عدد من عيالات صحاب فؤاد كنشوف وكلهم فالسو تيبغيو هي لي يتقاجح معاهم على لموضة هههه وبيني وبينك ختك فالغربة وباغا الوناسة مغربية ههه
وردة:هههه هي gولي راك مgجفة وصافي ههه
وفاء:بحال هاكاك ههه باقي فاش تلاقاي مع جيهان وسلمى ولبنى وغتفرجي غنخربوها😂😂
وردة:احاي ههه مرحبا تانا خصني هي معامن ههه
بقاو مجمعين ووفاء تتحاول تونسها وتنسيها..حتا فاقت توبة وجات تتبكي عند وردة تسحابها مشات..عنقاتها وكنبوس فيها وتحزرها ووفاء حاضياهم من الكام باعجاب وقالت:سبحان الله..لي يشوفكم يقول ام وبنتها
وردة:هادي راه بنتي ومكاينش لي يحيدها ليا..راه العمر ههه اول وحدا نطقات ماما اخا نولد عشرة موراها غتبقا هي بنتي الغزالة ههه
وفاء:الله يخليها ليك الالة هههه
بقاو مجمعين تا طاح الظلام ماخلاو فاش هضرو وولاد وفاء تينقزو حداها مصدعبنها..سالاو المكالمة وناضت كل وحدا لشغلها..قلبات وردة تيلي وملقات تا اتصال وزادت تشوشات..بقات كتسنا فيه وتسنا تا طابت..هزات راسها فالماكانة لقاتها التسعود..عشات توبة وحطاتها تنعس..كتخبر عليها تاني تا غفات..وهي بقات بحالا شاعلة فيها العافية كتصوني ليه ويصوني تا يعيا ويقطع..ثلث سوايع وهي كتمشي وتجي وكرشها نرا مرا كتنغز بالوجع حتا ضربات الثاش ونص عاد تسمع حس الساروت فالباب..وقفات بزربة وشافتو هو حال لباب ومقندش..حشمات تقرب ليه حيت عرفات راسها شقاتها فحين هو كانو عينيه حمرين حيت شارب ومشيتو مثقلة شوي..قرب منها وقال بصوت مبحوح:مالكي منعستي؟؟
الصباح رباح ههه والشميشة بنت عم عويشا والهوا من تارودانت مفرق..وهاذا احلى صباح من مراكش البهجة..فاق محمد هو لول قبل منها على اثر صداع فراسو..لقا راسة ناعس على كرشو بحوايجو ووردة حداه ناعسا..شاف فجنابو وتفكر فاش غلق مزيااان فالشراب..ناض شاد راسو باسها فحنكها وخرج للحمام دوش بالما بارد وخرج لبس خةايجو وصايب قهوة وعصر فيها حامضة باش اتوكد..بقا ساعة عاد فاتو راسو..ناض مالقا ميدير ونزل كيدير فتراكسيون..لمدة مطويلاش حتا عراق والعرق تينزل مع ظهرو بحال الما..فهاد الاثناء فاقت وردة على تعنكيش توبة..ملقاتوش حداها..تفوعات وهزات توبة وخرجات ولقاتو كيدير تراكسيون والعضلات اربي تيفتنو..بتاسمات وحطات فوق ظهرو توبو لي كانت مغوبشا وهي حسات براسها تتهز وتحط وهي تضحك..نتابه ليها ملي خرجات ومبغاش احكر عليها فحين هي شادا فتوبة لتقلب وهو كيكلع وينزل لمدة ثلث ساعة..وقف وقال:هزيها صاقي
هزاتها ووهو وقف عرقااان وصدرو تيقطر..شاف فيها وقال:صباح الخيى
مجاوباتوش وقربات عنقاتو بجهد بيد وحدا واليد لخرا هازا بيها توبة بزز حيت ثقالت..مبخلش عليها هو الاخر وعنقها بحهد ليه وكيبوس فراسها وكيردد سمحي ليا سمحي ليا
منذ الأزل و إلى الأبد الجزء 17
محتوى القصة
التنقل بين الأجزاء