صورة مصغرة لـمنذ الأزل و إلى الأبد الجزء 18

منذ الأزل و إلى الأبد الجزء 18

l2azal l2abad wa ila mondo w
رواية منذ الأزل و إلى الأبد

وردة:(معنقاه من كرشو)متبقاش تشد فيا هاكاك😢😢راه تنموت ملي تنعرف شي وحدا تضور بيك..
محمد:(كيبوس فراسها)ههههه واتي خليتب فيها شي حاجة ..واgزرتيها هههه
وردة:(هزات فيه عينيها ببىاءة)ايوا هي لي تتشوف ليا فراجلي ههه
محمد:اخليلي المغيارة ديالي انا هههه..اجي نفطرو
وردة:هي سير نتا دوش انا غنوجدو باش توصلني نجيب داكشي لي شريت لبارح
محمد:فين خليتيه؟؟
وىدة:عند عبدو هههه واحد سيد مول لقهوة😂😂
محمد:(كيحرك راسو يمين وشمال)لا حول ولا قوة الا بالله ..زعما نتي الشيطان تيسجد ليك هههه
وردة:ههههه(ردات شعرها لور)ايوا تعلم هههه
ضحك ليها وباسها فحنكها وكذلك توبة ومشا اودوش مرا خرا..فحين هي تسناتو تا خرج عاد غسلات وجهها وسنانها وتوضات ومشات صلات عاد عمرات اتاي وحطات معاه المسمن والخبز والعسل والزيت والزبتون..واكيد حليب توبة..جلسو غيفطرو وهو ينطق محمد:من ليوم غيتبدل نظام الماكلة هنا..حيدي المسمن والبغرير والمرقة وداكشي المدسم
وردة:(تتشرب فاتاي)معرت علاه؟؟
محمد:جوج اسباب..نتي حاملة وخصك ماكلة صحية نورمالمون ممرضة وعارفا هادشي وكتحاهليه..راه خصك داكشي صحي ..وسبب اخر انا..كنتريني ومخصنيش نطحن فهادشي خصني الخضرة وماجواراها
وردة:مممم زوينة الفكرة اجي نديرو واحد اللعبة هههه انا نتكلف ليك بالماكلة ديالك ههه
محمد:ههههه علاه شكون غيتكلف ههه لاعب من هنا شهر ناسيونال ونبقا عاطيها للمسمن والطناجي هههه
وردة:سير gالاك راه هوما لي تيربيو الصحة هههه نجي تال دروك فاش قربت نولد ونبدل السيستيم هههه تا نولد ويحن الله
محمد:اودي الي قاريا التمريض اودي ههههه
وردة:داكشي خي قراية انا منفرطش فاللوبيا والعدي والتقلية اححح والطنجية😋😋
محمد:(ضحك)ههههه بقاي تتحنجري تاتولي قد الغولة ههخ اصلا داير ليك بروكرام..مورا متولدي وتوكضي شوي غتبداي فالسبور وانا لي غنتريني بيك باش متخسرش لاطاي
وردة:(بتساؤل)واش دابا انا الى ولدت غتولي كرشي مهرهرة بحال فاطمة عروسة لا خدوج😢😢وغنولي مشحمة 
محمد:(تهز بضحك)😂😂😂اودي معاك نني والله تانضحك بلهلا اطريه ليا😂😂..الى خدمتي على راسك مورا الولادة غتبقاي كيما نتي..فضالتك كيف عرفتك نهار لول..هادشي الى ولدتي ولادة عادية اما فالعكس يعني الى ولدتي بالعملية غيخصك تصبري لماكسيموم واحد ثلث سنين حيت متيبراش دغيا..كيبرا هي من برا لداخل لا
وردة:هادشي كولو عارفاه...انا حاطا فبالي كاين احتمال اوقعو مضاعفات فالولادة العادية😔😔ومنقدرش نزحم
محمد حط الكاس وشاف فيها باهتمام وقال:كيفاش متقدريش تزحمي؟؟الطبيبة قالت ليك كلشي عادي
وردة:انا هي gلت..حيت عندي مشكل كنتخنق الى جهدت على راسي..عقلتي نهار عاودت ليك بلي فاش تزاديت كان عندي مشكل فالتنفس ودارنا داوني لكازا فين تعالجت..ايوا راه هادا هو لي خالعني كل ليلة تنخاف منقدرش نزحم ونتزير وتوقع شي حاجة لبيبي
محمد صدماتو بهضرتها وبقا كيشوف وقال:ومال الطبيبة مقالت هادشي؟؟
وردة:وانا gلت هي ممكن ماشي متيقنة فففف المهم خلينا من هادشي تا لتما ويحن الله
محمد:(عنقها)غتولدي نورمال ان شاء الله وفأحسن كلينيك ومغيوقع والو ان شاء الله..تفائلي بالخير..غتولدي وتنوضي بسلامة وندير لحبيبا ديالي احسن سبوع 
وردة:(بحماسية)😍😍😍غدير السبوع😍😍
محمد:هههه سي ضروري(حط يديه على كرشها)كون جاتني فوقت الحبة نديرو فالتافزة ههه هي جاني فالحزقة هههه
وردة:😍😍😍اححح اجي وتوبة دىتيه ليها؟؟
محمد:بيان سيغ..واخا جات فظروف خايبا مها مكايناش ولكن درتو ليها وسبوع مغربي فقاع تركيا
وردة:(باستها)اخليلي لي بنتي😄😄😄
محمد:ايوا هي حيدي منك هاد الافكار راه مغيوقع والو..هي الهرمونات لي كيديىو ليك هاكا ههه
وردة:(دغيا تناسات)ههه واخا صافي..احح ايوا ياله فطر باش توصلني راه غنضل فدار انور غنعاونهم اوجدو داكشي راه غدا غنديو الخطبة
محمد:ااااه راه نسيت كاع خههه واخا سيري 
وردة:(كتفكر)مممم واشنو غنلبس ههه اول مرا نلبس البلدي هههه
محمد:هههه وايلي مممم(ناض للبيت وجاب معاه الفلوس ومدهم ليها)هاكي شري لي بغيتي
وردة:وابزاااف هادشي كولو..ندور ضورة وتعطيني متكونش يديك مثقوبة تاني راه باقي تابعنا بزااف ههه
محمد:هههه عارف عندي ليكيد هي سيري..انا المهم عندي تفرحي وتنشطي اما قضية الفللوس شغلي هاداك
وردة:نمممم ضبر راسك..مبيتيش تخليني تا نخدم باش نعاونك😒😒
محمد عقد حجبانو وقال:سيري تركني حسن ليك😠😠
سكتات وطمرات وناضت جمعان الماعن غسلاتهم ولبسات عليها كسوة طويلة فالاسود جايا نص كم وخفيفة..شعرها طلقاتو وجا طوبل كيضرب ليها فظهرها..والوجه مكدير والو..لبسات لتوبة حوايجها وخرجات عندو طلع فيها وهبط ودخل لبس عليه وخرجو..ركبو فالاوطو وتوجهو لفين كتنعت ليه..نزلات وخلات معاه توبة..ومشات جابت الحوايج وردها لدار السالكة ومشا حيت عندو اونتريما مع دراري تالفرقة..وردة دقات فدار السالكة وحلات ليها مها سلمات عليها ودخلات لقات شي عيالات..

لقات شي عيالات من العائلة تأنور كتعرفهم ومجموعين كيقادو فداكشي لي غيديو حيت غيديرو دهاز وتلبيس الخواتم والعقد موراها بيوماين والعرس تاتولد وردة..عطاتهم الحوايج وكلشي عجبوه حيت داكشي تقليدي وراقي
السالكة:افينها بلغة الصم؟؟
وردة:فعهد يوسف بن تاشفين هههه تدي بلغة تالصم مالك مبوسرا..هاهي بليغة بيضة وراقية وديال العريسات..
السالكة:الوقت تمساخت ففف
وردة:والله كون مانتوما كون كاع متمسخات😂😂😉بلا ضريب اسالكة هنههه
فتيخة:الحلاقم ان شاء الله
ضحكات وكملو التوجاد..دارو الفاكية فالطيافر مزوقة والحوايج ستفاتهم وردة بشكل زوين..مخلاو مجابو ليها..وطيافر خرين فيهم الحليب لافينو ببابي فالكري ومزوق..وحداها الكميسات تالحنا..المهم كلشي ناضي..هزوهم حطوهوم فبيت معزول باش ميقيسوهمش البراهش..حطات ىيهم السالكة الغدا الدجاج محمر ونطقات وردة:مسبقا الفرح بليلة ههههه تا يقرب لعرس وديري دجاج
السالكة:اش تتفهمي نتي..نتي مديالش بنادم اكبر بيك ههههه حنجري حسن ليك
تجمعو العيالات هلى الطبلة المدورة ووسطها طبسيل تطاوس فيه دجاجة محمرا وفوقها مصيرا بداو تاياكلو واقشبو بالمراكشية..وتوبة فحجر فتيحة تتوكلها..سالاو وحطو بىاد ديال اتاي والفاكية وهزو طباسل تالقزدير وبداو كيضربو وعطاتهم السالكة التعارج وبداو فالتgرااح..ومع اغلب المراكشيات القدام تيعرفو للعب ديال الهواريات نوضوها تما بالشطيح والرديح والضرب وتوبة بغات تحماق بضحك..تا وصلات العشية وكل وحدا تسرسبات لدارها باش غدا يكونو واجدين للخطبة ..مشات وردة مع مها لدار باها باش اتساراحو ويخرجو اشريو اش غيلبسو غدا..دارت فتيخة توبة فظهرها وخرجو لطوالة بريمة يتقداو..مخلاو فين دارو وقلبو بغات شي حاجة مطرطقة..ووردة متتفهمش فهادشي كاع ومها دوقها قدييم..ولات كتصور وتصيفت لوفاء وتعطيها رأيها حتا طاحت على قفطان فالبيج غزاال كراتو بثمن شوي غالي لان مراكش معروفة طوالة بريما ولا لمحاميد لي فيهم الغلا فالتكاشط من 200 درهم للفوق..هزاتو مدات ليها لكارط وبدات كدور باش تكري لتوبة ومها تتنكر عند راسها:والبنت باقي صغيرة وبيتي تكري ليها ويلي شيطان
وردة:الى مكريت دروك ايمتا غنكري ههه خليني نفرح بيها..
بداو تيدورو ويقلبو تا لقاو ليها قفطان بحجم صغير بزااف وبزز باش لقاوه حيت كلشي تيكون هي قياس خمس سنين لفوق..قفطان فالاصفر جرباتو ليها جاها فن مع بيضة..رجعو مع المغرب للدار..طلات على تيلي لقاتو كيطرطق بالابيل ظيال محم
عرفات راسها شقاتها..توادعات مع مها ومشات للدار..حلات لباب ودخلات الكروسة نزلات توبة وهزات لمياكي وطلعات كتقفقف..وتوبة تتمشي بشوي فقصاتها..ياله غتحل لباب وهو يتحل شافتو مخنزر وطالعا ليه الكناوية بتاسمات بزز وقالت:ميمو ديالي😤
محمد:دخلي بعدا😡😡
دخلات وحطات لميكات ياله غيهضر وهي تقاطعو وقالت:بلا غواات الله يحفظك هي بشوي ونشرح ليك..مشبت هي كريت اش غنلبس 
محمد:(ربع يديه مخنزر)هي اش 😡😡هذا ماشي مبرر باش طعطلي😡😡
وردة قربات ليه تتهضر وحطات يديها على صدرو تتبحلس عليه:واحبيبي هي مرديتش لبال وصافي راك عارف عرس انور 
محمد:(باقي عاقدهم)😠😠
تهزات على قرون صباعها بغات نبوسو وهو يبعد وجهو ودغيا بانت ضحيكة على وجهو بغا يجننها..بعد وجهو وقال:سيري فحالك هه
وردة:(ضحكات)طليتو خضر معاك ههه لهلا يشلقم مك خههخ
ضحك وجرها بزربة ونقض على شفايفها بلهفة بسىعة تخشع وبدا كيبوس فيها ويلعب بلسانها حتا خنقها وتا هي كتبادلو نفس الريتم..مفيقو هي توبة تننغز فيه من رجليه وتضرب فيه..طلق منها كينهج وهبط عينيه لتحت لقا توبة تتشوف فيه مغوبشة هازا قفطانها فيديها..ضحك وقال:اربي واش دينا ناحساني😂
توبة:😠😠😠نوف نونا ديالي(شوف لولو ديالي)
باس وردة فجبهتها وتحنا عند توبة وبتاسم وشد من عندها القفطان ديالها وقال:اووووو زوييين بحالك ههه(باسها فحنوكها)لبسيه نشوف ههه
توبة:(تتشوف فيه وتضحك حشمانة )😄😄😄
حيد ليها حوايجها ولبسو ليها وهي كتنقز بيه وتضحك فرحانة بيه..شبع فيها تصاور وبوسان ومقداتها فرحة..ووردة تتموت بضحك عليها ..فالاهير حيداتووليها باش ميتمرمدش. جمعات داكشي ورفضات تلبس ديالها تال غدا وتوريه واها عيا معاها..جمعات كلشي ودخلات توضات وصلات لي فاتها وطيبات العشا دارت لي باط(والله منقولهم باقي باش متجيبيش عليا سبتك اخولة😂😂)تعشاو ونعسات توبة ونعسات كذلك على وسادة الحب :محمد
فانتظار صباح موالي احدفوه من تقويم حياتهم

اشرقت شمس حبك على ضفافي..وارتديت حلة جدبدة استقبل بها يوما جميلا برفقتك..فاقت وردة هي الاولى على نغزات فكرشها وهادشي طبيعي فاش كدخل لمرا فشهرها كيكونو نغيزاات خفاف..تحركات ولقات يدين محمد عليها وخاشي وجهو فعنقها..حيدات يديه وتلفتات ليه باستو فحنكو وناضت بثثاقل من حداه كتمشى وشدا فكرشها لي فيها شوي تالحريق..توضات وغسلات سنانها ومشات صلات الصبح لي فهاد الاواخر مبقاتش كتنوض فوقتو كيغلبها النعاس..توجهات للكوزينة كتنهج من السخفة لي ولات تتجيها فهاد شهر الاخير..كانت كتوجد فالفطور بتعب ووجها صفر حتا كتحس بنفس محمد فعنقها وشفايفو فذقنها..بتاسمات تتنهج وقالت:فقتي هه
محمد:(وقف قدامها)مالكي؟؟ضاراك شي حاجة
وردة:هي مع شهري دخل وكيبداو نغيزاات تالوجع
محمد:كضرك كرشك؟؟
وردة:(كتنهج)ففف اه..اححح سير gلس هاني دروك نوجد الفطور
مشا من حداها وملامحو مشوشة عليها..وتضايق من تعبها..بعد لحظات رجع لعندها وقال:حطي داكشي واجي معايا
وردة:(بتعب)فين؟؟
محمد:واهي اجي
شد فيها وداها للبيت الجلاس ومشا جاب بوماداتها لي مخرجا ليها طبيبا على قبل الحريق..حيد ليها الديباردور وخلاها بسوتيان وتحنا على ركابيه وبدا كيماصي ليها جنابها بلطف وكيحاول ميوصلش كرشها باش ميضرخاش..وهي مغمضة عينيها كتنفس بصعوبة وشادا فكتافو..وهو كيراقب ملامحها باش استفسر منهم على حالتها..بقا كيماصي ويدوز لضهرها حتا هو حتا خف الوجع وتهدن مبقات كتحس بزالو وترخاات..شدات فيديه وقالت:صافي راه زgا
محمد:دابا صافا شوي؟؟
وردة:فففف اه شوي..ااح قاسح بزااف 😢
محمد:هي تولدي وغيمشي احبيبا(كيداعب حنوكها)واراه صبرتي ليه مزياان
وردة:مغندي مندير..الى بكيت وغوتت غيمشي ليا سوفل فالولادة..
محمد:(لبس ليها ديباردور)دابا تولدي ويفوتك الحال
وردة:(حطات يديه على كرشها)هههه تيركلني هههه
محمد:ههههخ ضاسر ههخه متنوضبش انا نوجد لفطور
زردة:لا هي خليك انا نوجدو
محمد:(باسها فشفايفها)نتي هي رتاحي ليا تا تولدي وارا متوجدي ههه
ردات ليه البوسة وقالت:كنحمد لله ديما حيت لقيتك نتا هخه
محمد:حمديه ديما هههه
ناض من حداها ومشا كيوجد الفطور ليها وهي سندات ورجليها فوق الطبلة تتحس براحة ..تا جا وحط ليها فطورها عصر ليها ليمون وحط ليها الخبز والفرماج وقهيوة مكثر فيها الحليب..عاد فيق توبة لي جات مغوبشة تتقلب على وردة..فطرو مجموعين..ثم ناض هو مشا لونتريما خيت لاعب بالفرقة بعد ثلث ايام وعندو كومبا ديالو بعد شهر..بقات فدار تتحاول تجمعها وتقادها واحا الوجع كيرجع مرا مرا..من بعد دخلات للدوش دوشات هي وتوبة على حساب الخطبة..دوشو واخا سخفات مي كابىات..خىجو لبسو حوايجهم وعيطات لمحمد علماتو بلي غتمشي عند دار انور..شدات فبنتها ومشات لعندهم..تلاقات انور فالباب مع صحابو وهي تبدا فالتبراح:أ نبارك الله على سيدي الزين..النخوة والعظامة..الشحمة والهمة..كلشي تما
انور:😂😂جيتي تاني ههه
وردة:معلوم الحمار ععهههه انا هي كلشي..مبروووك مادرتي فرحت ليك والله
انور:(عنقها)براك الله وفيك اختي ..
وردة:(شافت فصحابو لي كلهم عشرانها)اشوا هاد الفضيحة افين القيتيقات..والنواقص وطعريجة..عار على مراكش نتوما..جيتو تالخطبتو ومضربتو مطقطقتو هههه
نطق واحد:أ ختي وردة هو لي مباش اخلينا gاليك للحاجة المستورة تيسر فيها الله
وردة:هاكاوا هاك هههه راه فراس الدرب كولو من السودور تال جميلة مولات الخراقي 😂😂تسناو
ظخلات للدار لقاتها عامرة ومها نيت كاينا تما متسوقاتش هزات تعريجات وتوبة هي تابعاها دايرا صبعها ففمها وتتشوف..مداتهم ليهم وهوما يبداو كيضربو الدق تاع دراىي وتيغنيو بحال دقايقية ووردة بوحدها لي وسطهم بنت تتضرب وتزغرت فيهم تا خرجو الجيران وكملو معاهم الدق والسالكة مقاداها فرحة تتزغرت وتعاود..عاظ دخلات وردة راشقا ليها لعندهم عاوناتهم شوي وتغدات كعاهم تا وصلات العشية عاد تاصلات بمحمد اجي يديها..خرجات عندو وقالت:ها توبة معاك نمشي نجيب التكشيطة حيت غنلبس عند الكوافورة
محمد:ههه واخا
شدها من عندها وهي تقول:ماما😢😢
وردة:دروك نجي اماما هي نجيب لولويات ديالنا ونجي
مشات للدار هزات تكشيطتها وديال توبة..والريحة واي حاجة غتحتاج..ورجهات لعندو وصلها عند الكوافورة ومشا..دخلات عندها وبدات كتقاد..بدات بشعىها دارتو سامبل ومن التحت لواتو ليها والماكياج دارت حاجة خفيفة بزااف ولعبات على الفم..دارتو ماط فالكرونة..جات اية فالجمال..وحكرات على كوافورة تدرب باش مديرش ليها شي حاجة معربنة
وردة:وا الهام شوري على دوك العينين متعمريهمش راه هي خطبة خفيفة ضريفة
الهام:اشوري على خبيزتك راخ مغنكثرش ليك..عارفاها خطبة..ديال انور ياك؟؟
وردة:اييه انور 
الهام؛شو سبحان الله شحال ضرب هو ومريم وفلخر مداهاش..
زردة:ايوا كلها تيدي نصيبو وهي جوج مريم تطير متصلاحش ليه..سيري طلي عليها دابا راه تتهضر مع عثمان مول التقاشر
الهام:ايوا الله يسترنا..هانتي هاني ساليت شوفي كي جاك
وردة:(كتحقق فوجها فالمراية)مممم زوين الله يعطيك الصحة

ناضت وقفات وقالت:عاونيني ملبس الله يجوجك ههه
الهام؛زبدي زيدي عشنا وشفنا..وردة الزوفري ولات كتشد صف عندي😂😂
وردة:😂😂عقلتي ديك ساعا كنتي تتطلبيني نعكر ههه
الهام:ايوا الوقت بدالة والزمان حنات ههه
عاوناتها حتا لبسات القفطان لي جاها هائل مع الكريشة..دايراه بسمطة خفيفة..والشعر مطلوق لور كيتسبسب..دارت فرحليها بليغة حيت متقدرش على الطالون وصبيعات مصبوغين بالبيج بارد..شافت فراسها فالمراية وتبهرات..كتبان مختالفة لبسات لتوبة قفيطنها ودارت ليها عكير خفيف فمها..ضحكات وهي كدور وتشوف فراسها بإعجااب..وزادتها الهام بللنفيخ ههه حتا كيصوني تيلي ؤديالها لقات محمد جاوبات بخب:ميمو ههه
محمد:المشكودرة خرجي ههه بيتي تعاودي تصنعي ههه
وردة:قين كاين نتا دابا؟؟
محمد:قدام الكوافورة خرجي لي شافك يقول نتي لعروسة ههه
وردة:ايوا صبى ههه
قطعات معاه وخلصات الكوافورة وشدات فتوبة وحوايجها خلاتهم عندها..حلات لباب وكتبان ليها الاوطو ديال محمد فالقنت لي اونفاص معاها..تمشات لجيهتو كي شي أميرة..كان كيشوف قدامو تلفت شاف جيهتها وعاود شاف قدامو وهو يرجع بزربة دار كيشوف فيها حال فمو وعينيه عامرين حب..كتمشا جيهتو بأرقى حللها..لون ملكي جاها رائع وماكياج بسيط فتح ملامحها..ملاك على الارض مع بتسامة عريضة كتشوف فيه وكتطلب بعينيها منو انه يحسسها بحبو..محس براسو تا نزل من الاوطو..مخلي لباب محلول ومتكي يديه عليه واليد لخرا على جنبو وكيرمقها بنظرات اعجاب غيطيرها من بلاصتها..وقفات ليه فرحانة وقال:ههههه كي جيت ههه
محمد:(ساهي فيها)
وردة:هيهو وا زمر هههه
توكد وقال:يلعن دين مي انا الى عجباتني شي وحدا خرا من غيرك😍😍ويلي ويلي ههه 
وردة:(دارت فيها حشمانة)☺☺
محمد:جيتي تتسطي تتهبلي قوقة مفركعة هههه
ضحكات ليه وقالت:ايوا وتوبة؟؟
حد عينيه لبنتو وقال:هادي راه التوت البري ديالي(هزها باسها)اهاه والغوج اليفغ مزاال ههه
وردة:درت ليها بحالي خهه
محمد:اححح اربي كيدنير نصبر هههه طلعي قبل منطير على دوك شفايف خهه
ضحكات وحل ليها لباب وطلعات ورد توبة لور..رحع حداها وهز يديها وباسها وقال:سطي دين مي وتهناي ههه
وردة:ههههه مشي ههه
محمد:قربي نقوليك واحد اللعبة ففمك ههه
وردة:سير gالاك هههه غتخسر ليا لعكر
محمد:مغنخسروش هي قربي هههه
قربات ليه على نيتها كتبتاسم وهو يبوسها حدا فمها وقال:كنبغيك
حنات راسها وتزنكو الحنيكات وقالت:خهه حتا أنا☺
ديمارا الاوطو متوجه لدار انور لي غيخرج منو الدهاز..وطول طريق كيتحلف فيها ويضحك معاها وهي جايبا فشوشها عليه..تا وصلو..لقاو الدنيا عامرة..
محمد:سيري نتي معاهم انا غنمشي مع انور
ورظة:واخا احبيبي هه
نزلات وهبطات توبة وعباد الله حالين فمهم لي هارفينها كانت با عزري ومكاين هي جيتي توتة جيتي غزالة..دخلات للداى لقات طيافر موجودين وكلشي لابس القفاطن والجلالب..ومها والسالكة واقفين حيدو النقاب مبقات حشمة..تا نزل انور لابس كوستيم وهوما يبداو بالزغاريت والصلا والسلام وهو كيسلم على الناس ويرحب بيهم..جابو كاااروو كبير دارو فيه الدفووع كولو بالورد والحوايج والحلاوي..مخلاو والو..وأخيرا وصل أهم عنصر الدقايقية لي ميمكنش شي هدية مراكشية تحرك بلا بيهم..خرجو الناس على برا كيضربو مع دقايقية ويغنيو محيحين قدام الدار وعباد الله تيطلو من شرجم..ومحيحين..وانور وسطهم ومحمد واقف بعيد بالوطو كيشوف فوردة كتشطح مع دقايقية شادا فكرشهى وهو ميت عليها بضحك..تحرك الكارو تحت نغمات الدقة المراكشية والغنا والصلا والشلام وتابعينو الناس مورا كيمشو بشوي..وسيدي العريس طلع مع محمد لقدام سابقين الناس بسرعة خفيفة..والدق واللعب خدام..توبة هازاها فتيحة كتشايل بيديها ...الطريق كاملة مسكتوش من الدق حتا وصلو لدار لعروسة لي جات فباب غمات لقاوهم ملقيين ليهم بالتمر والحليب قول راه عرس ماشي خطبة..نزل انور فرحان ومبوكص بالكوستيم كيسلم على الناس ونزل محمد بلباس عادي جداا..كيف كيلبس ديما نافخ ومنفوخ ههه وكيسلم على رجال..خرجو دراري من عائلة العروسة دخلو طيافر لصالون كبير فيه العيالات بتكاشطهم..والرجال دخلو لصالون اخر شي كيرحب بشي..جلسو لعيالات وحدهم فبيت كبير ومفرش ولالة العروسة كتوسطهم كقادا الشعر والوجه كتبان فنة وحشمانة ووردة دغيا جمعات معاهم كلشي ناشط وفرحان وكذلك عند الرجال..الا وردة كتحس بشي نغيزاات قاسحين ديال الوجع ونفسها كيتزير..والصهدة فيها..شافت فيها مها لي كانت هازا توبة فحجرها:امالكي
وردة:والو هي بيت نمشي للطواليط
فتيحة:(شيرات فواحد المرا)راه مت لعروسة gوليها تنعتها ليك
وردة:فففف واخا ها بنتي معاك
مشات وردة عند مت العروسة وداتها للطواليط..دخلات ونفسها مزيرة وكتحس ببنادم كيتحرك بجهد فكرشها والسمطة مزيرا عليها..غسلات يديها ودوزاتهم على عنقها كتنهج وبسرعة العرق هابط من جبهتها..كتشد فكرشها معصرة وتنين هالله افوتها..خرجات من طواليط هازا صمطة تالقفطان فيديها وتنهج ..والدار شي غادي وشي جاي تاحد ممسوق ليها..

عرقت جبهتها وتتنهج ...بغات ترجع لحدا الناس وخافت تخلعهم على والو..عارفا راسها باقي بعيدة ليها الولادة...خرجات لبرا تتجر فرجليها تتفلب هي على لبرد حيت الصهد طلع معاها..خرجات برا لقات شي رجال من عائلة العروسة واقفين فيهم شباب وفيهم رجال كبار..تفاداتهم وتمشات لواحد العتبة ديال واحد الدار وجلسات تتنهج والدمعة فعينيها..مسرحة رجليها والوجع كيزير فيها..عيات تماصي كرشها وتطلع النفس ووالو..كاع داكشي لي قرات ولا قالتو ليها طبيبة دارتو والوجع غادي وكيتجهد..عيااات بالمشي والمجي شادا كرشها ودموعها طاحو مبغاتش تخسر ليهم الفرحة وهوما شحال كيتسناو هاد النهار..شافت برهوش دايز وعيطات ليه وجا وقالت كنعصر:اهئ اهئ دخل لهاد دار وسير عند رجال وعيط الساجدي اهئ(الوجع كيتزاد)😭😭gوليه مراااتك باااتكعااااك
الولد:واخا
مشا كيجري دخل لدار الخطبة وهي جلسات فالارض مبقاتش قادرة..تتبكي بالنحيط ردوليها الرجال البال ومشاو لعندها وهي صافي تقطعات فيها النفس كتنهج وتنفس بصوت مسموع وهوما مجوقين عليها معرفوهاش شكون..خرجو دموعها تتبكي وتغوت :اااااخ اااااه اااااه اربي 😭
بغا واحد الراجل اعيط لشي حد ساعا خرج محمد تيجري..شاف جوقة ومشا بزربة دخل وسطهم وكيتفاجأ بيها وردة منشورة فالارض تتغوت وتشهق..هبط لعندها مخلوع وقال:واش تتولدي؟؟دوييي
وردة:(كتنين)مممم اانننننننن محمد عتقني تنمووون
محمد:(تضهشر وتوتر ومعرف ميدير)وااش غتوىديي ميمكنش..لا لا عاد عندك ثمن شهور وشي يااامات
شدات ليه فذرااعو مغددة وتتبكي:واااعتقنيبيب كنتقطع اهئ اهئ😭😭
تدخل زاحد من الرجال وقال؛سير اوليدي جيب شي طاكسي ودي مرتك تولد راه تمرتات
محمد:(شد وجهها)صبري صبرييي هانا جاي نجيب طوموبيل ونجي
وردة:ننننننن ااااه(كيتزير الوجع)ااااااه اااااه اااااه
تلف محمد معرف ميدير بغا يمشي ومقدرش..وحار..فالاخير مشا كيجري لراس دررب وجاب الاوطو جاي مكسيري بيها فدرب..نزل بزربو وهزها ووجها عمر دموع وتجلخ ليها الماكياج..حطها حداه وطلع بزربة وخلا عباد الله كيف العادة كتناقش وتحلل الموضوع..ديمارا بجهد وهي مغمضا عينيها كتنين وتغوت بالبكااا وتطلب منو يزرب..اما هو صافي كملات ليه اش خصو تضهشر شاد فيديها مخلوع واخا فايت ليه عاش هاد تجربو مع نيسليهان ولكن هادي مختالفة جاب ليه الله بجالا روحو لي غتخرج..
وردة:(كتنهج)ففففف فين غااادي اهئ اهئ ها سفيييل هناااا دووووز ليه😭😭
محمد:غنديك لكلينيك احبيبا هي صبىي(عينيه مرا فيها مرا فالطريق)صيرييي
وردة:منقدرررش(كتعصر)اااااه دروك انزل المااااااا ااااااه😭😭😭😭😭😭 دوز للييييه 
محمد:ففففف واخا واخا هي تنفسي تنفسي (كيدوز يديه على كرشها)تنفسييي مزياااةن
وردة:😭😭😭😭اهئ لهئ ااااه ااااه
كسيرا محمد بجهد ورجع لسبيطار بن طفيل..المعرووف بسفيل سبيطار حكوومي..حل ليه السكريتي الباب الكبير مناش كيدخلو طوموبيلات..دخل مكسيري بجهد وغواتها وصل فيين..حبس بجهد وتعرض ليه واحد من سكيريتب لي ولاو تبارك الله تيفهمو بجهد..جايب كرسي متحرك لي كيستعملو الناس دوي الاحتياجات الخاصة(نقص فالموارد😒)نزلها محمد وحالتها كتزيد تسوء..حطوها فيه وتم السكيريتي دافع بيها ومحمد شاد فيديها وكيزرب معااها مخلوع..وهي كتغووووت..تلقات ليهم الممرضة وقالت:واش وصلات وقيتك؟؟
وردة:(كتبكي)اهئ اهئ معرفتش اهئ😭😭😭😭
الممرضو:ديها لداك البيت غنقلبها ففف
داها سكيريتي لغرفة كيكونو فيها الناس لي ضاربين ليهم ليبرا تالوجع..كانت خاويا..دخلوها تتبكي وخرج سكيرتي وهي تتبكي وشادا فيد محمد وكطلب فيه:اهئ اهئ محمد محمد تنمووووت😭😭😭😭😭اهئ اهئ ااااته
محمد:(شاد يديها)مغتموتيش هي صبرييي صبريييي كلشي غيكون مزيااان(صعر حيت باقي مجانش)افيييين هاد الخرااا تا هيا😠😠
دخلات الممرضة واحد القزقوزة عاجبهت راسها وقالت:ةاش خرج الما؟؟
محمد:(زعف)اس خدمتك الخراااا قلبيها😡😡
الممرضة:ااااييه جمع فمك حسن ليك راه تنسول
محمد:(جرها من ذراعها)تحركي قلبيها ولا نضرب دين مك هناااا😡😡
وردة:(تدخلات تتبكي)محمد صافي عفااااك اهئ اهئ خليها دير خدمتها اهئ😭😭
الممرضة:مزيان تبارك الله😠😠(شدات فوردة تا وقفات)اجي تكاي هنا نقلبك واش محلولة الوالدة
وردة شدات فيها ووقفات بزز تتشهق وتحير هي بوحدها..تكاتها بمساعدة محمد لب ملامحو معصبين..حلات وردة رجليها وجرات ليها الممرضة شورط كانت لابسااه والسليب خشات صبعها تتقلب فيها ومن بعد قالت ببرود:باقي ممحلولاش..ياله محلولة بجوج سنتيم خصها تحل بكثر..خرجي لجردة وتمشاي تايتسرح فيك الوجع تطرطق الماا
وردة:(كتبكي بصوت عاالي)ااااه اهئ اهئ😭😭😭😭😭مبقيتش قادرررة اااااه
محمد:(شاد يديها)صتفي شووووو صبري شوييي ياله نمشيو لكلينيك وولدي تما
الممرضة:لا..من الاحسن تبقا هنا فأي لحظة ممكن تفركع بالما والى جاب الله خرجاتو فطاكسب راه صعيبة راه جردة تمشاي فيها تتطرقي واجي تولدي
محمد:(زادت صعراتو ببرودها)يلعن اصل مو لي جا لعندكم😡😡😡

الممرضة:اأيوا اسيدي جمع راسك راه خدمتي درتها سيدة باقي مغتولدش..متبرزطنيش
محمد:قاودي من قدامي ولا نضرب خليقة مك😡😡(شد فوردى لي ممسوقاش ليهم مبقاش عندها جهد لهضرة كتنفس بثغوبة)اجي معايا احبيبا
شدات فيه وتمشا بيها وهي كتنين وتعاود وتزير وتعاود..خرجو لبرا وقال:ياله غنديك تولدي فكلينيك هي صبري
وردى:😭😭😭😭😭لا لا اهئ اهئ الولادة قربااات ونخاااف اهئ اهئ اجي نتمشاو لهيه كي gالت اهئ اهئ
محمد:(تعصب)وا وردة ؤاه دونجي عليك😡😡
وردة:(كرزات على ذرعانو كتبرد حرقا الوجع)اااااه راه تا هنا مزياااان فينما مشششيت اااااه غيgولو هاكاااا😭😭😭 اعئ اعئ هي صبر
محمد:(عنقها(صافي اجي معايا تمشاي 
شدات فيه تتبكي ومشاو لجردة تالصبيطار لقاوها مضرابيا بالعيالات كيتمشاو باش تطرطق ليهم السقية ويولدو..اغلبهم من النواحي تمراكش عياللت باقي صغارات فيهم القاصرات ةفيهم الكبارات..كيمشو ويجيو معاهم عيالات مقبلينهم كل وحدا وشنو جايبا..ها لي معاها مها ها لي معاها حماتها هازين صيكان ومانطا مستاعدين اولدو..بقت كيتمشا معاها تما..خيطو الجردة وفصلوها..وكل مرا اقول ليها ياله الكلينيك كترفض كتخاف هي تفاوت وتطرطق الما..بكات ونحرات وهرطان تا شبعاتها كتعض فرلسها وتعاود ومحمد معرف ميديى..دازت ساعة ساعتين وهي النفس فيها مشاا..كتنفس بزز جلسها فكرسي مفرقا رجليها وشادا فيه كتبكي والماكياااج كولو تجلخ..والتكشيطة تجرجرات فالارض..رد ليها شعرها اللور وهي كتنين بصوت منخافض عيااات وجهدها سالا..والوجع كيقطع فيها وبنادم كيضرب باغي يخرج..شوي حسات بالما دايز منها ولكن الجهد لي تنوض مكاينش..زيرات غلى يد محمد ونعتات ليه بعينيها لتحت..شاف الما ووقف بزربة تلف وهزها وهي تتبكي وتنحط..دخل بيها لسبيطار تيغوت تا جات الممرضة وقالت:امدرا طرطقان ليها
محمد:اه فين نديها فين غتولد
الممرضة:(سابقا وسط كولوار)تبعني لهنا يالله
تبعها كيف قالت كيزرب ووردة كتزير عليه وتتحس بالولد غيخرج بحالا فيها كاكا وغتنزل دخلها لواحد الغرفو فيها سرير وباينا ديال التوليد وقالت:خرج دابا غتولد
محمد:مغنخليهاش بوحدها😡😡
الممرضة:واش غتخىج تخليني ندير خدمتي ولا لا؟؟
وردة:(تتغوت)اااااااه ااااااه واربييييييي واربيييييي😭😭😭
خرج بلهلا يطريه ليه برا وغادي جاي حداهم با ينفاجر..فحين دخلان مرا لابسا طابلية وهي sage femme لي غتولد وردة ومعاهت جوج بنات لابسين طابليات طلبة تكلية الطب كيسطاجيو تما..دخلو لقاو الممرضة كتمسح ليها راسها ووقغات عليها ساج فام كي القدر وبدات كتقلب فيها وقالت:دفعييييي دفعييي راه الراس خرررج دفعيييي
وردة:اااااااه(كتزحم والنفس كيتقطع فيها)ااااااااه ااااااه اربيييب😭😭😭
الممرضة:زحمي خلاص زحمي
وردة:(كتعصر والنفس مشات منها)ااااته مقدرتش اهئ اهئ اهئ😭😭😭😭واعيييييت لااااااه أاااااه اربي
المولدة:(كتغزت)غتخنقيييه دفعييييي راه الراس قرب دفعي دقااا وحدا 
وردة:(حبساااات النفس ودفعات بأعلى جهدها حتا زراااق وجهها)اااااااااه😭😭😭زلق الراس وشداتو المولدى وبدات كتغوت تاني:دفعييي ياللله وادفعيييي
وردة:(صافي تزيرات والنفس مشات ليها)اوووووو اااااااه تخننن...تخنننن...تخننننننقت تخنقت 
المنرضة(كتشوف فالمولدة):السيدة زرااقت اويلي 
المولدة:(شادا الراس وتتسولها)واش مريييصة ةادفعييييي
وردة:(مشا ليها جهد وبدات تتغمض عينيها)اه اه اه اه
الممرضة:(كضرب بصبعها على جبهتها)لا لا بقاي معايا بقااااي بقااايي معاياااا
وردة حلات عينيها على اثر دوك الضرباااات وحلات عينيها بتعب على ثوت المولدة الغليض كتغوت بدفعيييي دفعيييي
جمعات جخدها كولو وزحمااااات دقااااا وخدا تتغوت:ااااااااااه ااااااااااااه ننننننن(زراق ليها وجهها)
طاح البيبي فيد المودلدة وقلباتو تا خرج اش فمو..هزات وردة راسها تتنهج والنفس كتمشي ليها شافتو وسمعات ضربة لي خدا فقزيبتو وغوتات وسمعات المولدة قالت:بنية هه
تقلبو عينيها وتقطع النفس منها تتشهق وتشد فالممرضة لي دورات عينيها وشافتها وتخلعات وقالت:راه سخفااات سخفاااات
المولدى:(كتقطع فالحبل السري)راه غتفيق هي مع عياات
الممرضة:(تتقلب فيها)متتنفسش مزياااان واعتقييي
المولدة:(موجهة كلامها لسطاجير)شوفي مالها
مشات بزربة ليها تتفيق فيها ووالو..دارو صبع تحت ميفها لقاو النفس شبه مخنوق زربو جابو اوكسيجين من نفس الغرفة ركبوه ليها ..قطعات البوط للبنيتة لي تزادت ضعييقة لانها مكملاتش النمو..وكيشوفو نهر من الدم نازل من وردة على غبر العادة..شهقات المولدة وقالت:غتقي عيطي لطبيب جاتها ايموغاجي راه تتموت😱😱
وردة غيبات اخر شيء سمعاتو هو صرخة بنتها صافي..مشا منها النفس وغابت وتحتها فايض بدم كثر من الازم..خرجات الممرضة تتحري ولقات محمد واقف قدام الباب بيطرطق وقفها وقال:ولدااات كيبقات
الممرضة:(متسوقاتش ليه تتجري)
تعصب وضرب فالحيط محس براسو تاظخل لغرفة الولادات وكتبان ليهوردة كيفما هي مشرعا رجليهل والدم نازل وهي مغيبا والمولدة هازا البيبي والما خارج من فم وردة..كانت وحدا من سطاجير تتقلب فيها شهقاات وقالت:راه تتموت

محمد خرج عينيه فيها بقا قلبو يخرج من المنظر لي شاف..مشا كيحري لعندها شد يديها مخلووع كيقلب فيها ويعااود ويبوس يديها:ورداااا ورداااا حبيبا فيقي حلي عينيك ورداااا 😠😠(تلفت ليهم)مالها اش درتو ليها اولاد الق*** غنسوطي .ينمكم واخد واحد😡😡فيقووووها ماااالهاااا
دخل الطبيب او بالاحرى البروفيسور لقا الروينة متسوقش توجه ديركت للمريضة تيفحص فيها..وتيغوت على لي معاه:خرجووووه برااااا بىااااا ووجدو غرفة تالعملياااان راااه تتموت دغيا
محمد:(روحو بغات تخرج)دغياااااا😡😡(كيغوت وكشاكشو خارجين)واااادغيااااا بربي وتوقع ليها شي حاجة تانقتل دينمكم واحد واحد
دفعاتو الممرضة بززز وخرجاتو وبقا الطبيب مع وردة كيقلب فيها ومشات المولدة دات البنيتة للمرضات المكلفين..نقاوها وداروها فالقرعة تكمل النمو ديالها..فحين محمد بغا يتسطا قرب يبكي مبغاش اتمحا من بالو منظرها..حات كتجري طبيبة خرا معاها جوج تناس جارين باياص عارفين طالما تدخل الطبيب دونك راه القضية حامضة ومع الاجراءات لي ولان الى فاتا تا ماتت كلهم غيمشيو فبها حيت غتسب فيهم..غطاوها بايزاار بيض وخرجوها صفرة والما خارج من فمها شافها محمد وتبعها كيجري ويطلب فيها متستسلمش:ورداااا بقاي معانا احبيبا بقاااي
تبعهم تا دهلوها لغرفة العمليات ووهو بقا برا كيمشي ويجي معصب فحين وردة كتصارح الموت لداخل..محيلتهم للاختناق ولا لايموغاجي..دازت ساعة ساعتين وتيليفونو مسكتش من التعياط ومتيجاوبش كانو والدين وردة لي عرفو انها مشات تولد..داخلين فساعة الثالثة خرج الطبيب عندو عرقان :درنا لي علينا..وقفنا النزيف وتتنفس طبيعي مي انها تفيق معرفناش(ربت على كتفو)الله يدير تاويل تالخير
محمد مشعرش براسو وكلمات الطبيب كطيح فوذنو كي السم..جرو بعنف وبوحشية من عنقو ودخلو فالحيط كلصقو معاه وكيغوت حلاقما خارجين:كيفاش درنا لي عليييينا😡😡تتسطاااااا هلي..متقولش ليا مااتتت تموت معاهاااا نتاااا😡😡😡اش كنتي كتخرا ساعتين تما
الطبيب:كح كح اسيدي راها عايشا هي مغيبة
طلق منو محمد حيت تسحابة واش قاليه ماتت ملي قال راه معرفناش..كان تبنهج وعصب لاقصى درجة مقادرش اتخيل أنها غتموت وهي لي خرجاتو من النور للظلمات..تفكر نهار قالت ليه:الكره عمرو مكيغلب الكره هي الحب لي يقدر..الظلام عمرو متيخرنا من الظلام هي الضو لي يقدر
جملتها تكررات على مسامعو وكذلك ذكرياتها طاحت فبالو رافض فكرة انه ممكن تموت..كره راسو.شد راسو بين يديه وتينطق فسميتها بهستيرية والطبيب مع ذلك كيحرك فيه وكيطمنو عليها..متوكد حتا بانت ليه خارجا فوق البياص ناعسة ومعلقين ليها شلا سلوكا والازكسجين..بقا متبعها بعينيه ماشي وردة لي كضل تحنقز ليه وتعاود..تبعهم بلهفة تا دخلوها للبيت الخطر لان حالتها باقي خطيرة جدا لانو فالعادي خصها تولد بالفتيح اي بالعملية حيت كتعاني من اختناق ومغتقدرش تزحم..عاد كلها تشركات من التحت ولا نقولو تحلات بزااف وصلو تال عشرة تالغرزات..دخلوعا ودارو ليها االازم وخرجو وبقا هو واقف كيشوف فالباب مسدود عليه باقي مفاقش من صدمتو..مفيقو هي شي يد تحطات عليه..تلفت لقاه سكيريتي قال ليه:اسي اش سماك الله خصك تخرج مخصكش تبات فسبيطار
محمد:(الصمت وكاتم غضبو)😡😡😡
السكيريتي:وا البركة راه هضرنا معاه خرج من هنا😠😠
جمع محمد يديه نزياان وتلفت ليه وعطاها ليه للوجه جابتو كاو وهو يبدا كيهلل تا خرج الطاقم الطبي كولو:يا ولااااد الق**** باغيين تقتلو ليا مرتيييي😡😡سبيطارااات تز*** يلعن بووووك الحمااااار نتا ولا ابطبيب ولا العمالة😡😡بربي وتموت(هرس زاج تواحد الشومبر)الى ماتت غنحر دينمكم واحد واحد
ناض سكيريتي بغا يشدو ساعا لقا محمد صاعر وتيضرب ويعاود جاز شي رجال من الاطباء تيجرو ويعاودو ومحمد صاعر غرق ليهم..محمد من الالاف تناس لي كيمشيو بسبيطار حكومي كيلقاو العناية زيرو..لا علاقة كيحيح عليهم مزيان وتيخافو تيعىفو راه غتوصل للاعلام الالكتروني وغتدير بوووم عاد كيوليو اخدموو..بقت محيح عليهم ماهمو لا عباد الله مراض ولا ستة حمص..منظرو ملي شافها هو لي خلاه اصعر هاكا..مقدروش عليه تا تحطات عليه يد دورااتو وعطاتو بضربة للوجه عاد رد لبال..كان فؤاد الكلاوي بنفسو مخنزر عطاه دقا وقرب ليهم وقال:فرقو علي هاد الجوووقة..ونتا اجي معايا
محمد:(بلحوحتو خارجا)😡😡😡غنتقاود معاهم هوماااا لوليننن باغين اقتلو ليا مراااتي 
فؤاد:(تيبرد فيه)واصاحبي اجي معااايا برااااكا
جرو بزز وخلاز الروينة تما وبغاو اعيطو للبوليس..خرجو برا سخون ودمو شاعل كيسب من سمطة لتحت..
فؤااد:(كيحرك ليه فكتافو)محمد وكد معايا اعشيري وكد شوف فيا
شاف فيه بنظرات كي القرطاس:😡😡😡😡
فؤاااد:اش خريتي داباااا واش هاكا غتعاونها بررررد..انا نعيط دابا لومبيلونص تجي تهزها لاحسن كلينيك فمراااكش كااالم داكووغ
نحمد:(زاعف)ولاد الق*** تسحابهم كيولدو ليا جرااانة معريينها كاملة وحالينها كيولدو فيييها😡😡
فؤاد:ضربها على حسابي هي برد 

محمد مسح على شغرو بعصبية بغا يطرطق وقال:فعايل تالخزااق😡😡قسما بالله وتوقع ليها شي حاجة تانقتل لق** تمهم واحد واحد بلا شفقة ونريب هليهم هاد بن طفيل تالحبس 😡😡
فؤاد؛دابا غادي تبرد السوق..انا دابا غنعيط ليهم اجيو اهزوها لكلينيك وسيغ غتفيق بحالا موقع والو
محمد:فففففف منيما شديتها تتعواج اووف
فؤاد مجاوبوش وهز تيلي عيط للاسعاف تجي ولاخر غادي جاي كيبغي يدخل وكيحبسو فؤاد..دخل ولحد من الكارد تفؤاد وتكلف مع الادارة بقات هي لسينياتور تمحمد..دخل كافر كيخنزر فالبشري وكلشي طيشوف فيه حيت حضاو اش دار..اما المولدة غبىاات واخا هارفا راسها مدارت والو مي مول الفز تيقفز..سنا على وراق النقل ومشا عاقد حجبانو فاتجاه بيت الخطر وكتافو مثقلين بهمها..وفؤاد تكلف بقضية قلة الاهتمام وحيح عليهم وكل واحد غياخد جزائو..وقف قدام الباب حاير حاط يديه عليه وصلات فبه لعظم ولا تيقول كون هي جات فيه هو..وماشي هي..البنت لي كانت كضل اهضر وتغوت وتحرك من هنا لهنا ليوم ناعسى كي الموتا..تمنا كون عمرو فال ليها سكتي وتفطر فرحتها وهي كتوجد للعرس..مفيقو من تفكيرو هي يد فؤاد تلفت ليه ونطق فؤاد:جات لومبيلونص غيديوها
محمد؛(عاقد حجبانو ومع ذلك صوتو بح)والبنت؟؟
فؤاد:غيجي طاقم دابا غيديها بكاع المعدات لي تحتاج واخلطوها على مها تاتكمل النمو 
محمد:(تنهد)ففففغ واخا
جا فريق كبير من كلينبك كبير فمراكش محملين بالمعدات لالزمة ومعاهم ىخصة باش تخرج المريضة..دخلو لعندها وقادوها فبياص اخر بعد الفحص والمعاينات واكيد نقلوها بالالت الازمة تحسبا لاي مفاجئة فالطريق..خرجوها قدام عينيه ناعسة كي شي ملاك والالات دايرين بيها جارينها بيهم..تبعهم بلهفة شاد فيديها ومبغاش اطلق..طلعوها لومبيلونص وطلع معاها شافو فؤاد وقال:انا غنلحق عليكم..كون هاني
مجازبوش كانو عينيه كيشوفو فوردة وعقلو كولو معاها لدرجة نسا البيبي كون مافؤاد لي تكلف بيها وتنقلات لنفس الكلينيك تاع مها..جالس حداها شد يديها وكيبوس فيها فحسرة ويدوز يد خرا على شعرها بلطف والفرنليات معاه هي تيتعجبو ومبهورين بالاهتمام لي عاطيها..وصلو للكلينيك وتلقاو ليهم ودخلوها بسرعة لغرفة العناية المركزة ويد محمد مفرقاتهاش مبغاش اطلق منها..حتا دخلوها وسدو لباب وبقا هو باقي مصدوم..دارو الازم وفحصوها من جديد ونفس الهضرة لي قال الطبيب الاول قالها حتا هذا..وصل فؤاد عليه مع لومبيلونص لي فيها البنيتة..داوها لغرفة خاصة لان فؤاد هو لي موصي داروها ليها الاازم ..جا عمد صاحبو وقف حداه كيشوفو فيها من زاجة لا حراك فالبيت غايبا عن الوعي..مر وقت طويل وهوما ساكتين ومحمد محيدش عينيه تلى وردة وحجبانو معقودين..والتيلي مسكتش من الصونيت..خرجو ومدو ليه بلا مينحرك وقال:جاوبهم عفااك
شدو فؤاد ولقا المتصل مراد..بعد عليه بشوي وجاوبو وخبرو فين كاينين وعلى انها ولدات وشنو وقع ليها..قطع معاه ورد ليه التياب وبقاو تاني على نفس الوضعية حتا كيسمعو النحيييط من راس الكولوار..تلفت فؤاد لقاها فتيحة لابسا جلابتها ودايرا شالها بلا نقاب جات هاكاك..والمختار باقي بحوايج الخطبة وكذلك انور ومراد..كيجريو ومها تتولول..وقفو عليهم وجمد ليهم الما فالركابي فاش شافوها ناعسة ومتنحركش..وهي تبدا فتيحة تتغوت:ويييكويييك اعبااااد اللله😭😭😭وناااارييي على بنتي الله اكبيدتي(كضرب فصدرها وتبكي)واهياااا ناري عوينة وصابتك...عويييينة الله اربييي😭😭😭
محمد:(الصمت)لا حراك ومفيكسي الشوفة فوردة
مراد كيشوف فيها تا دمعو عينيه اما انور مقدرش يسد فمو وعينيخ بغاو اخرجو..فحين المختار فشلو عليه رجليه هو كيشوف فكبدتو تتموت ناعسا كي الجثة جلس فالكرسي شاد راسو وطاحو الدموع من عينيه..هي فتيحة لي عندها الجهد تتبكي وتغوت وتاواحد مقدر اسكتها كلشي مصدوم..تا بحات وجلسات كتبكي وتنوح..تلفت ليها محمد خاشي يديه فجيبو ومخنزر روحو بغات تطلع وقال:لمن حليتو توبة؟؟
مراد:لمي السالكة متخافش عليها راه فالامان😢😢
عاود تلفت لعندها وبقا كيشوف فيها وكلشي متأثى متحركوش تانطقات فتيحة تتنخصص:اش ولدات بنيتي اهئ اهئ😭😭😭
فؤاد:بنت
فتيحة:(تتبكي)اححح هلى كبيدتي وقع ليها كي وقع ليا اححح كانت عارفا مخصهاش تولد عادي ااححح..فينها😭😭فين بنت بنتي نشوووفها اهئ اهئ فبنها
فؤاد:متزادتش كاملة..داوها تكمل النمو 
فتيحة:بيت نشوفها لبزيزيلة ياوليظي ديني نشوفها😭
فؤاد:واخا نوضي معايا
ناضت كعاه كتبكي وتعاود وتحسر على بنتها..تبعها المختار ومراد وانور بغاو ةشوفو البنت وكلهم متحسرين على وردة..وصلو لجناح اخر ديال ليبيبي وبقاو تابعينو وفتيحة حلفات لسكتات من البكا..وقفو قدام غرفة عامرة بالبيبي وكلشي دايرينهم فالقراعي..نعت ليهم ليها وشافوها..كانت بنيوتة صغيرة بواااف وتتحرك يديها بزز وضعيبفة باينا مكاملاش..بقاو كيشوفو فيها ويبكيو كاملين باستثناء فؤاد واقف حداهم وتيشوف..بعد مدة لابأس بيها تبعهم محمد بغا يشوف بنتو..وقغ حداهم بلا ميهضر ماوالو كيشوف فثمرة حبو مع وردة

بقا واقف كيشوف فالبيبي كيف داير وكي كيتحرك وكيتفكر بلي كانت غتكون فرحانة الى شافتو هي..تقلبات حياتو بين ليلة وضحاها..لداخل نفس منو ومنها وبعيد كاينا هي تصارع المرض وترجو البقاء..بقاو واقفين طيشوفو فيها تاعياو ورجعو لحداها كيتسناو شي خبر منها تقدر تحرك تقدر تفيق..وكل واحد فيهم شاد فقلبو حزن كبير من جيهتها..تاصل فؤاد بوفاء وهلمها بلي غيبات معاهم فالسبيطار هاد الاخيرة بقات مشوشة ودمعو عينبها دغيا ملي عرفاتها جاتها ايموغاجي..دازت ليلة كي الظلام بالنسبة ليهم مافيهاش حس الامل الاوضاع مستقرة متحركات موالو..ومحمد طول الليل متفاوتش من حدا زاج كيشوف فيها بحسرة ومبقاوش سمعو صوتو..وفتيحة تهدات بالوقيف والعيا والبكا على كبدتها كذلك المختار..شاف فيهم محمد وقال:سيرو للدار رتاحو الى كان شي جديد نعلمكم
فتيحة:اححح اوليدي فينو الgلب لي يمشي ويرتاح😢وانا كبدتي تتموت
محمد:(طلع ليه دم)متتموتش شكون قال ليك تتموت😠😠غتفيق غدا ولا بعدو(شاف فساعة وهضر بهدوء)سيرو اخالتب رتاحو ونيت منتشطنش على توبة تاهي
المختار:نوضي اهاد المرا ياله لدارك لبنت غتفيق وغتنوض تبعبع حدانا هي نوضي😔😔
انور:عندو صح..نوضي سيري نتي وعمي ها حنا هنا الى كان شي جديد نعلموكم بيه
فتيحة:فففف امري لله😢😢😢
ناضت بثثاقل رجليها فاشلين شدات فالمختار تسندات عليه ومشاو بخطوات بطيئة واحد كيتعجز على لاخر والهم قاتلهم واقسى عقاب الحياة هو تشوف طرف منك كيموت قبل منك😢😢ونتا مقادر دير والو..طلع النهاار وبزغ فجر جديد تفاوت محمد من حدا البيت مشا توضا وقصد جامع المشفى دايرين بيت صغير للصلاة مقسم لعيالات ورجال..صلا برفقة فؤاد ودعا معاها من اعماق قلبو وقلبو محروق عليها..رحع لنفس الوضعية قدام البيت كيتسنا شي ردة فعل ليها..وهاكا داز نهار مرا حدا بيت وردة ومرا عند البنيتى..وفؤاد مفارقوش الا ملي مشا ادوش ورحع عندو..جات تا وفاء طلات عليها ومشات متحسرة ورجعو دارهم كذلك بقاو تا عياو ومشاو تاني تحت اسرار محمد لي توكد شوي ووعا وولا تيهضر باش ميزيدش اكفسها..فحين توبة بحات بالغوااات والتجعويق وكتعيط واماما واماما وتبكي وحالفا متتاكلش هي تتبكي وتغوت للسالكة مخلات مدارت معاها ووالو هي هي ماما..حتا عيطو لمحمد وضطر ارجع للظار..خدا سوارت الاوطو تفؤاد ومشا فاتجاه دارو وبالو كولو معاها..لقا السالكة كتراري بتوبة لي صوتها بح وتنفخو حلاقمها بالغواات..شدها من عندها وعنقها كيحزر فيها ويطمنها.
توبة:😭😭😭😭بابا ماما اهئ اهئ ماما😭😭😭
محمد:مشات دير الله واكبر وتجي ابنتي صافي(كيمسح دموعها)صافي ابنتي شو كي وليتي(قاس الحلاقم)فففف تنفخو ليها
السالكة:من لبارح وهي تتغوت مسكتاتش ومكالت وللو😔😔
محمد:انا غنديها معايا للسبيطار نشوفو نيت هاد الحلاقم مالهم..ونديها تشوف وردة من بعيد(كيسايس معاها ويمسح دموعها)نمشيو عند ناما😢😢
توبة:(يكتات تتنخصص)ماما😢😢😢
هزها وخرج دارها لور وركب ليها السمطة وتوجه للمشفى..دخل هازها وتوجه لعندهم وقال:امدرا فاقت؟؟
فتيخة:وتgول اوليدي😢😢 لاش جبتيها
محمد:ضروها الحلاقم غوتات بزاااف..(قربها لزااجة)هانتي ابابا راه ماما..مريضة فيها ديدي
توبة تتشوف فيها وجامعا تكبيعة تا عيات وهي طلقها بصوت منخافض تتبكي بصوت محدور وتنخصص وتعيط ماما ماما..كلشي عزات عليه خاصة وفاء بدات كدمع معاها..حط ليها محمد راسها على صدرو وبدا كيسكت فيها ويسايسها بلي غتفيق وفيها ديدي..داها لطبيب قلب ليها الحلاقم وعطاها دوا ..داها محمد لفارماصي شراه ليها وخدا ليها رضاعة والحليب بودرة وكلشي ورجع لسبيطار...شافتة وفاء وقالت:ارا نديها عندي للرياض تما غتلقا الدراري وغتنسا شوي
محمد:(شاف فتوبة)تمشي معاها وتعطيك لولويا ابنتي
توبة:(خشات راسها فعنقو ومعنقاه)مممم😢😢
محمد:مبغاتش هي خليها..
وفاء:واخا ارا هي نشوف شي ممرضة تقاد ليها البيبرون 
مدهم ليها بنفس مكسور ماحيلتو لتوبة ولا لوردة..مشات وفاء قلبات على ممرضة وطلبات كنها تقادها ليها هي كسيرفيس وشكرااتها بزااف رجعات عندو ومداتها ليه وكلس على نيتو كيسايس معاها تشربها وهي مكتقدرش تصرط كتبزز ملي كيقول ليها باش نشوفو وردة..تا شرباتها كولها وعطاها دوا وحطها فحجرو كيمسح على شعرها وهي صافي جهد مشا ليها وفمها ضارها..تخشات فيه وعينيها بداو تيتعسلو بالنعاس وفتيحة حاضباها وتتبكي وتمسح وتقول فخاطرها:هي وشوف اش دارت..اش عندير الى مشيتي ابنيتي😢😢فين نعطي الرااس فييين
ياربي لا تشوي ليا كبدتي عليها..ياربي راك عالم على لي بيا
بقات كتبكي فصمت وكلشي واقف كيتسناو شي رد فعل ليها والطبيب تجي افحصها والقا الوضع هو هو..الايموغاحي وقفوها مي الفيقة كيتسناو..غفات توبة فحجر باها وشافتها وفاء وقالت:دابا فاش نعسات ارا نديها للدار عندي 
محمد:والى فاقت وبكات؟؟عارفها متعلقة بوردة بزاااف
وفاء:انل غنتكلف اخويا هي ارا..غنلهيها مع سليمة واميرة
مدها ليها بشوي وشداتها مسنداها على كتفها وكتربت على ظهرها..نطق فؤاد:انا نوصلها ونىجع
اومأ ليه محمد براسو مبقاش عمدو جهد ولا نفس لي يهضر

مشات وفاء ومعاها فؤاد هازا توبة وبقا الباقي تما جهد شي ساعتين ووالو حتا الدخول منعوه عليهم لعندعا..عيات فتيحة ومشات لدارها تتبكي ومعاها المختار وانور ومراد وبقا محمد كيف العادة واقف عند زاج كيتأملها بشوق وحزن كبير كيخرج النفس بزز ويجمعها فصدرو..خرج لبرا وجبد كارو وجلس فالجردة وبدا تيكمي كيهز النفس من الكارو بجهد ويتعطل عاد اخرجو..فهاد الاثناء فؤاد كان رجع..بغا يدخل وشافو..خشا السوارت فجيبو وتوجه لحداه..محس بيه تا جلس حداه..حاط يديه على ركابيه وساكت..حتا نطق محمد:باش عرفتيني كاين فبن طفيل؟؟
فؤاد:وفاء عيطات لوردة وجاوبات مها وماي خرجات بغات تعطبها التيليفون لقات شي ناس قالوها ليها..وسمعات وفاء الهضرة وقالتها ليى ومن وراها راك عارفني دغيا نجبدك
محمد:(كيتكيف)ففففف
بقاو ساكتين شحال..لاح ابكارو وشتف عليه ووقف وقال:انا غنطلع نشوف الطبيب الى غيخليني نظخل لعندها
وقف فؤاد وناض معاه كيتمشاو بجوج نفس الهيئة نفس العضلات رغم انه بينهم عامين تقريبا..باقي جون وعاطيين للعين..طلعو للفوق ومع الدخلة للكولوار كيبان ليه الطبيب خارج من عندها زرب لعندو وسولو:اش وقع؟؟عاد كنتي عندها
الطبيب:(مبتاسم)الحمد لله على سلامة المدام راه فاقت
محمد:(فرح وحس بالهم حيد على كتافو)بصح ههه فاقت..وكيدايرا دايا؟؟
الطبيب:حالتها مستقرة..معندهاش شي حاجة كغاف غنديرو تحاليل باش نطمئنو وصافي
محمد:ندخل نشوفها؟
الطبيب:اطط يحولوها la chambre ديالها وتقدرو تشوفوعا مي واحد واحد 
محمد:داكووغ ميرسي بوكو
الطبيب:بالشفاء
مشا الطبيب وخلا محمد غيطير بالفرحة تعانق هو وفؤاد كيضحك وتلاح الحزن ظهرو ملامح الفرحة على وجهو لي لمدة يوم ونصف مشافش الابتسامة..ضخك من نيتو وحس ان الهوا ولا نقي وقادر اتنفس بسهولة كيف موالف ملي فاقت..عيط لدارهم خبرهم بالخبر وفرحووو بزاااف..بعد دقاىق دخلو ممرضين دراري وهزوها فبياص اخر وخرجوها بشي سلوكة وهي عبنيها شبه مغمضين..شافها محمد وناض تبعها شاد فيديها ولسانو تعقد..حولوها لغرفة خرا مصبوغة بالببح ودايرين فيها زواقات خصيصا للمرأة لي عاد زلدات..حطوها فسريرها وقادو كلشي وخلاوها وخرجو..تقدن محمد بلهفة بغا يشوفها..دخل كتبان ليه مغمضة عينيها وصفرا وشفايفها مشا منهم دم..قرب بخطوات بطيئة كيتأملها رغم مرضها كتبان فعينيه اجمل نساء الكون..حط يدو على شعرها ويد خرا على حنكها كيداعبو فلطف وفالداخل ديالو كيحمد لله ويشكرو حيت بقات ليه..حلات عينيها ببطء وباين فيهم التعب..رسمات بتسامة على شفايفها متعبة وهو كذلك..وعنيه عامرين شوق..بدون شعور تحنا وحط شفايفو على شفايفها وبقا زاكي محركهمش بقا هي حاطهم ونفس كتخرج من نيفو كتشمها هي..تخالطات انفاسهم..حسات بقطرات على وجهها..حلات عينيها لقات جوج دمعات فالتين من عويناتو طاحو على وجهها..هزات يظيها بزز وقاست ليه وجهو ومرراتها على لحيتو وقالت بصوت متعب وباح:كنبغيك
حل عينيه فيها وقبل راسها قبلة طويلة دليل شكر ورضا وتعبير عن متنان..وقال:شوووو(حاط صبعو على شفايفها)عمرك باقي تعاوديها عمرىرك
سكتات كتحسس لحيتو وكتشاركو نفس النفس..هي الاخرى حاسا براسها حيات من جديد او فاقت بعد مئة عام..بقاو هاكاك مع قبل فوجهها من طرفو وفيديها لمدة دقائق عاد قالت كتشوف فهينيه:اش ولدت؟؟
محمد:(بحب)بنيتة غزاالة بحالك هه.
وردة:(فرحات وبانت فملامحها)😍😍😍بصح هه
محمد:ههه اه
وردة:بيت نشوفها
محمد:لا احبيبا راه فالقرعة تزادت هلى ثمن شهور دونك خصها تكمل النمو ديالها تصحي شوي ونديك تشوفيها
وردة:(بخوف)ياكما مريضة اهئ😢
محمد:لا شوووو ممريضا والو عادي جدا كون تزادت فسبع شهور ممكن مي ثمن شهور خصها تكمل النمو ديالها..(باس يديها)انا الحمد لله هي ملي عشتي ليا نتي
وردة:(بتاسمات)شطنتك معايا احبيبي(باستو فشفايفو)
محمد:العن دين مو هاد التشوطين..عاشق نبقا حياتي كاملة مشوطن هي تكون مزيان ههه
شد يديها باسها وجلس فكرسب حداها كيتأملها وهي وجهها شاحب وقالت:فيا العطش
ناض وقف وكب ليها كاس تالما ومدو ليها شربات بزز وقالت:ففف الخريق عندي لتحت😢😢
محمد:غيفوتك الحال..هي حريق الولادة وصافي ففف الحمد لله خرجات طريفة

وردة سكتات كتأمل السقف ويديها فيد محمد لي كيحك على شعرها وكيعمر بيها عينيه..نطق بحنية؛مالكي احبيبا؟؟
وردة:تفكرت الولادة..ففف gلت محال نعيش روحي بات تخرج😢 كنزحم بجهدي وكيgولو ليا باقي مبانش وغيتخنق😢
محمد:(باس يديها )صافي داكشي فات..دابا راك بخير ونقزتيها
وردة:فففف واخا..كيدرت تاوصلت هنا..وشحال داز على الولادة
محمد:انا لي جبتك ..تدهورات حالتك وتكرفستي وغيبتي..وحتا البنت كون خلينها تم كون الله يحفض معرت شنو وقع
وردة:😢😢لمن تتشبه؟؟
محمد:ههه مسطية والله هههه البنت ياله تزادت غيبان ليك لمن ننشبه هه تا يبانو تا يوليو شوي ههه
وردة:غلبتك ههه هاد المرة
محمد:فاش؟؟
وردة:واحد الدىاسة تدارت فبريطانيا gالو ليك اسيدي ومولاي الى تزادت بنت المرا لي مجهدة فالعلاقة والى العكس الراجل هههه
محمد:ههههه تخربيق ههه 
وردة:(كتألم من تحتها)ااه احح..سير gالاك التخربيق راه العلم هذاك 
محمد:(وقف مخلوع)تضرك شي حاجة؟؟
وردة:هي تحتي تيحرgني وصافي
محمد:(باسها ففمها)متأكدة
وردة:(مبتاسمة)اه هه
محمد؛(واقف عليها وتيشوف فيها بحب ويديه فوق شعرها)شنو زعما انا مشموت جوج مرات ههه فولادة توبة وتا هاد المرة
وردة:(ضحكات بتعب)ههههههه بحال هاكاك..اه حgا فين توبة؟؟
محمد:غوتات وصعرات تاعياات جبتها عندك شافتك ونعسات وداتها وفاء لعندها الى لقات دراري مع من تلعب ممكن تلف الوقت
وردة:احح على بنتي حبيبتي متعلقة بيا بزاااف
محمد:ماشي بوحدها هه كلنا ههه
دخلات فتيحة كي العجاجة بلا دقان بلا حس..حدهم سمعو لباب نحل هي شافتها وهي تطلق دموعها وجايا تتشاير بيديها:اححح على كبيدتي اااححح😭😭😭احححح
طارت عليها تتبوس فيها وتعاود وتبكي اما وردة تخنقات تتضحك وتكح..حتا بعدها المختار وقال:gنس قصيف هههه
عنق بنتو وباس راسها وقال:لله ابنتي الله خرجتيها منا والله
وردة:قدر الله وصافي..
انور تحنا عنقها بجهد وكيبوس فراسها:توحشت مك ههه اخ على ماركة ملقيتي ايمتا تولدي تال خطبتي هه
وردة:ياك بعدا رشمتيها 😂😂
انور:رشمتها ههه وطبعتها
قرب مرااد عنقها كذلك ودارو بيها كاملين كيضحكو ويضحكوها وهي كتبتاسم وتشاركهم الضحك..حتا دخل فؤاد ووفاء هازا توبة مغوبشا ومدور عينيها عليهم تا بانت ليها وردة وهي تجمع البكيو وكتمد يديها لعمدها ماباغاش تبكي فالعلن..شدها محمد وحطها حداها وهي تخشا فيها وطلقات بكيتها تتغوت ووردة دمعو عينيها ومعنقاها:صافي ابنتي صافي 😢😢😢متبكيش
توبة:(مخشية فيها تتبكي وحلقها ضارها)اهئ اهئ ماما😭😭😭😭بوبة اخئ اهئ ديدي
وردة:(بدات تتبكي)😭😭😭صافي اماما صافي
بقات مخشية فيها تتبكي وورظة كذلك ومحمد عند راسها كيمسح ليها دموعها..
فتيخة:(تتنخصص)😭😭😭خرجات منا اهئ اهئ ملي عارفا راسك مريضة لاش بيتي تولدي عادي ولدي بالفتيح وخلاص😭😭😭
وردة:مكنتش معولة على نولد ظاك النهار اهئ وتزيرت ونعت ليه سفيل 
فؤاد:ماسبيطار ماوالو تكرفسو عليك بزااف
وفاء قربات ليها وباستها وقالت:الحمد لله على سلامتك اصاحبتي
وردة:(كتمسح دموعها)اللخ يسلمك أختي..براك الله وفيك مخليتيش بنتي 
وفاء:هههه شكون هادي ههه كنعرف وردة مافيهاش صوااب
وردة:😂😂😂يلعن لي با يكون زوين ههههه بيتو هي الكرفي هو لي موجود
ضحكو كانلين وبقاو جالسين حداها وتوبة مخشية فيها مغوبشا تتخنزر فيهم ومعنقا مها من كرشها مبغاش تلقها حتا نطقات:ماما ديدي هنا(كتقيس حلاقمعا)
وردة:(حطات يديها)مالكي..محمد مالها
محمد:غوتات بزااف زضرها حلقها والحلاقم
وردة:وعطاوها شي حاجة
محمد:دخلتها عند طبيب وعطاها دوا متشغليش بالك
عنقاتها وقالت؛اححح على خنيفسة الرماد ديالي ههه
فؤاد:ختي الحمد لله على سلامتك..غنخليوكم دابا خصنا نمشيو
محمد:انا غنخرج معاكم تال برا
وفاء:غنجي نشوفك غدا ضروري ونجي لسبوع ههه
وردة:معرضاش عليك بلا متجي😂😂
وفاء سلمات عليها:يا كيتك ههه جايا بزز منك
ضحكو لبعضهم وتوادعو وخرجو وخرج معاهم محمد..تال برا ونطق فؤاد:حبيبا سبقيني للاوطو تا نتبعك
وفاء:واخا😊
مشات وبقاو واقفين بجوج تا بعدات وقال محمد:فؤاد شكرااا اخويا على وقفتك معايا منساهاش ليك(حاط يديه على صدرو)
فؤاد:(ضحك)زيد تق*** قالاك شكرا ههه كبيناتناش ههه متنساش نتا اش درتي معايا فاش كنا برا
محمد:(تفكر)خخهخ اودي درنا لي خصو يدار وصافي..
فؤاد:(تعانقو)انا متشكرنيش عرض علي هي لسبوع ههه
محمد:الله اودي ههه خصها هي تخرج ويكون فوق السبوع
فؤاد:ياله تلاح دايا نمشي نشوف تانا ولادي 
محمد:تهلا
مشا فؤاد تبع مراتو وبقا محمد واقف مبتاسم هي بوحدو وملامحو كدل على الارتياح وان المشاكل كلها تحلات..بقا واقف شحال كيتنهد براحة حتا صونا تيلي ديالو جبدو من الجيب ولقا الاتصال من مو جاوب وقال:حبيبا
زهرة:ولدي لباس عليك
محمد؛بخير هه فوق بخير ونتي
زهرة:(كضحك)trés bien ههه بنتي ليا فرحان
محمد:اه وردة ولدات ههههد
زهرة:(فرحات)ههههه بصح ايواااا مبرووووك..اش ولدات؟؟
محمد:بنيتة ههه
زهرة:انا دابا نجي ههه الحمد لله لي باقي هنا هه انا جايا توت سويت
محمد:داكوغ..كلينيك***
قطعات معاه وهي غطيى بالفرحة حيت تظادت عندها حفيدة فحين محمد دخل للسبيطار مبتاسم..طلع للطاج فاش كاينا وردة وهو يتلاقا بطبيب لي شرف على حالتها وقال:موسبو الساجدي..نقدر نهضر معاك؟

محمد:(بغرابة)علاش كاين شي مشكل؟؟
الطبيب:يستحسن نهضرو فالبيرو ديالي 
محمد:(خاشي يديه فجيبو وكيهضر برزانة)داكوغ..دابا نيت؟؟
الطبيب:وي تفضل معايا
تمشا محمد مشوش وعقلو كيتضارب بالافكار..غادي مع الطبيب فنفس الخط تاوصلو للبيرو حل طبيب لباب ودخل نحمد عاد تبعو هو..جلس كل واحد فيهم ونطق طبيب:موسيو؟؟
محمد:محمد امين الساجدي
الطبيب:موسيو الساجدي..مراتك جاتنا فحالة يرثى لها..اولا لانه مكنش عليها تولد نورمال ثانيا مورا الولادة كيف كنقولو حنا تحلات بزااف وجوبونص لي ولدوها مداروش خدمتهم سيغ بلاص..كان نوغمالمون مورا الولادة انقيو ليها ونطوايو ويديىو لغراز مي جو كغوا بلي مداروش هادشي..السيدة ماي متولد كتكون عرضة لبزااف تالمخاطر ومراتك وقع ليها هاكا
محمد:(باهتمام)بمعنى؟؟
الطبيب:بمعنى ان مراتك هزات جراثيم وميكروبات على مستوى الرحم ممكن اتسببو فتعفنات ويأديو لحوايج خطيرة
محمد تصدم وقال:ايوا هادي خدمتك n 'est pas ..كنظن نتوما لي خصكم ديرو هادشي دابا
الطبيب:وي تقريبا مي فحالة الى جاتنا السيدة وولدات هنا..مدامتك ولدات واقلة فسبيطار اوضاعو مزرية وهي حساسة رحمها دغيا لتاقط ميكروبات..مغيتعالجوش سيغ بلاص مي مع الوقت ولكن كاين واحد الجانب سلبي
نحمد:اما هو؟؟
الطبيب:بعض الحالات مكينفعش معاها الدوا وكيخصها عملية..وهاد العملية مكلفة وبزااف
محمد:شحال؟؟
الطبيب:80مليون
محمد تصدم وعض على شفايفو كيبرد على راسو وقال:فين كدار؟؟
الطبيب:كدار هنا فالمغرب نيت مي من الاحسن دار فامريكا لان الطب تما متطور واغلب للادمغة للمغربية كاينين تما..
محمد:شنو دابا دير العملية ولا تبع الدوا؟
الطبيب:تبع دوا مؤقتا وتبع مع طبيبة نسائية او طبيب تا نشوفو اش كاين..عطا نتيجة راه مزيان سينو غتضطر لعملية ولا غنوصلو لشي حوايج خطيرين
محمد تجمعو عليه الصدمات وتصدم وقال:شنو اخطر حاجة ممكن توصل ليها
الطبيب:العقم ولا ستئصال الرحم
محمد:😳😳😳😳😳شنوووو...صافي داكوغ انا غندير جهدي سوا بدوا سوا بالعملية فففف
الطبيب:الله يشافي موسيو
وقف محمد مد ليه يدو وشكرو وهو مرفوع مصدوم حلقو نشف ..كيتفكر فقط استئصال الرحم وكيف غتقبلها وردة..جلس فكرسي فالكولوار كيخمم مفرق رجليه وراد راسو لور كيخمم فالمبلغ منين غيجيبو وما غيره حتا حس بشي حد وقف عليه..هز راسو وعينيه مكسورين..كانت مو..مدام زهرة برفقة اسماء..لابسا كسوة راقية فالاسود وجامعا شعرها والصاك فاليد والطالون وحداها اسماء لابسا دجين وتيشورت وفوقهم كاب والفرحة باينا على وجهها..وقف وشاف فيهم بملامح ممحية وقال:الواليدة
زهرة:(عنقاتو فرحانة)مبرووووزووك مبررررووووك عليك اولدي الله يكبرها فعزك نشاء الله 😍😍😍
محمد:(بتاسم)الله يبارك فيك هه
اسماء عنقاتو كذلك:اححح على أبو البنات ههه مبروووووك احبيبي فرحت ليك ههه
محمد:شكرااا هههه وليتي عمة مرا خرا
اسماء:سعداتي هههه كيبقات وىدة هه
محمد:عاد كنت غادي عندها ياله
مشاو معاه فرحااانين بالعضو الجديد وهو مبتاسم ولكن فقلبو هم كبير من جهة وردة..عارف أن اي مرا انوثثها بدرجة الاولى هو الرحم وعارف ان وردة تقدر تصدم..داكشي باش قرر اسكت ميقول لحد تا شي حاجة حتا يشوف واش غيجيب دوا حل..دخلو عندها لقاوها كيما هي ناعسة وكتبتاسم وتشاركهم الحديث..شافت زهرة وستغربات حيت هي دخلو توقفو على الهضرة..قربات ليها زهرة مبتاسمة بزز:مبروووك عليك
جاوباتها وردة بابتسامة خافتة:شكرااا
اسماء تحنات باستها فحنكها وقالت بفرحة:مبرووووك ههه😍😍الله يخليها ليكم هي وتوبة 
وردة:امبييين
عم صمت مفاجئ لمدة ثواني وشي كيشوف فشي..عائلة وردة حشمو من مو وهي كدور فعينيها كتقلب على لبيبي..فحين محمد كيشوف فوردة مبتاسم ومتألم فنفس الوقت..حتارق هاد الصمت صوت فتيحة لي قالت:اسماء هربتي مرا وحدا هههه مبقيتي طليتي مبقيتي جيتي لا بريا لا تيليفون
اسماء مشات باستها :لواه اخالتي هي تشطنت مع القراية ههه هاهي هاد اافرحة جمعاتنا ههه اه بعدا فين البنيتة
محمد:باقي مكملاش فالنمو ديالها دايرينها فقرعة خصها شي ايام
زهرة:(عبسات)اه داكوغ..ولكن نقدرو نشوفوها
محمد:بيان سيغ..
زهرة:(بفرحة)نمشيو ههه
ضحكو كاملين على خفتها الا وردة لي فهماتها بلي جايباها هي حفيدتها اما هي معندها بيها غرض..توبة نعسات فحضن توبة حالا فمها..خرجو ومشا معاهم محمد وقفو بعيد كيشوفو من زاج وزهرة عينيها غيخرجو من بلاصتهم بالفرحة..نعت ليها محمد بصبعو وقال:راه هي خهه
زهرة:😍😍😍مي نو هههه نسخة علي هههه
اسماء:😒😒😒
محمد:هههههه لواه ههه راه باقي صغيرة بزااف على ابانو ملامحها ههه
زهرة:هههه نونو والله بحالي ههه شو شحال ثغيورة وفنيونة
محمد:انا جاتني تتشبه لوردةوحتا دارهم قالوها خي هي فصغرها
زهرة:😒😒منين ..اححح شو شحال فنة وكي كتحرك خهخ فكرتو فسمية ليها
محمد:لدابا لا ههه تا تصح وردة ومشوفو اش بغات تسمي
زهرة:ياك نتا باها نتا سميها😏😏(كتهضر وعينيها على لبيبي)
محمد:هههه انا باها وهي مها دونك بجوح خصنا نسميوها
زهرة:ففف بحالك بحال باك هههه كنت باغا نسميك اشرف وهو حلف تا يحطك بأمين هههه سيلتوبلي مسميتش توبة خليني نسميعا(كتفكر)غنسميها اكليل

محمد واقف اونفاص مع الزاج وعينيه على بنتو:ههه إكليل ههه زوينة
اسماء:وي فنة ههه ولكن اماما راه مها وباها لي غيبغيو اسميوها
زهرة:😒😒ايوا صفات اش غتسمي مها..غدير ليها خديجة ولا فاطمة زهراء سميات شعبيين
محمد:(تلفت ليها معجبوش الحال)ومالها خديجة ياك مرات الرسول صلى الله عليه وسلم..وفاطمة زهراء بنتو😠😠الواليدة الله يهديك قيلي عليك وردة شوي
زهرة:😳😳اولدي غي قلت وصافي..انا المهم عندي حفيدتي تكون بصحة مزيانة
محمد:(الصمت ورحع كيتأمل بنتو)
اسماء:خويا الله يخليهم ليك خهه وليتي ابو البنات ههه
محمد:اميين احبيبا ههه ربيتك نتي وغنربيهم حتا هوما
اسماء:هههه(باستو فحنكو)بسلامة احبيبي غنمشي نقرا
محمد:تهلاي فراسك بون كوغاج
اسماء:مغسي..ماما ياله
زهرة مراهاش هنا سارحة فالبنت جاب ليها الله تتشبه ليها تا نغزاتها اسماء تضحك عاد ضارت وعنقات ولظها وقالت:تبارك الله ههه وليتي بوليداتك خهه
محمد:ههه شرفت
زهرة:باقي جون هخه بون بسلامة احبيبي
تصبفت معاهم ورجع كيشوف فبنتو ويخمم كيحك فلحيتو والهم قاتلو..كيفكر فاحتمال الى مجابش الدوا نتيجة ومنين غيجيب الفلوس..للحظة هو تيلي ودار فيديو لبنتو من بعيد باش اوريه لوردة حيت متقدرش تنوض ورجع لعندهم للبيت..لقاهم باقي عند راسها بتاسم ليها وغمزها وهي ضحكان ونطق انور:سيادنا هذا هو(كيسلم على وردة)هاد ساعة خدام غنعاود نجي نشوفك اختي
وردة:اجيك الخير اخويا
باس راسها وقال مراد:تسناني غنمشي معاك قاري ههه غيبت بسبابك
وردة:سير سير لقيتيها سبا خهه
المختار:ايوا حنا غنمشيو نجيبو ليك متاكلي وحوايجك يا فتيحة
فتيحة:ايييه نسيتك gااع فيك الجوع؟؟
وردة:شوي ههه
محمد:انا نوصيهم اجيبو ليك شي حاجة دابا
فتيخة:خصك هي تنوضي نترد ليك واحد الgصرية تالتريد(الرفيسة)ديال النافسات ترد ليك عظامك بلاصتهم هههه
مراد:(كيحك يديه بجوج )احححح غناكلو التريد ههه
المختار:(نزل عليه لبين الكتاف)gول عمرك كلتيه المgجف هههه زيد زيد الله يخليها سلعة
فتيحة:اري البنت نديها معايا
وردة:بلاش هي خليها غتفيق ومتلقانيش وتبكي..براكا هي النحيط لي هرطاتو..شو حلاقمها كي ولاو😔😔
محمد:غتبرزكط هي عطيها ليها
وردة:لا لا مدايرا ليا والو..ها هزها حطها فوق داك الفوتوي تاتفيق وملي يجيو اديوها باش فليل تبات معاهم
فتيحة:ايوا لحاصول لي بان ليك(طلعات نقابها)ياله اراجل تحرك 
سبقها المختار لابس جلابة وبليغة كيف ديما وتيتعنكر االمشية والطاقية موقفة وتبعاتو هي تتشايل بيديها فالمشية ومشا حتا انور ومراد وبقت معاها الوتين ههه محمد..شاف فيها مبتاسم وقرب منا وقال:اريها نحطها لهيه
هزها بشوي وهي حالا فمها وناعسة براحة وقال:شو كي ناعسة ههه عاد.رتاحت
وردة:حبيبة ديالي هاديك ههه
داها حطها فواحد الفوتوي تما هي صغير ورجع لحداها وقف عليها وشد يديها باسها وقال:كتحسي براسك مزيان
وردة:شوي ههه عاوني نتgاد فالgلسة ترمتي طابت هههه
محمد:فقتي ولا باقي هههه
شد فيها وعاةنها تا تقاظات ويديه محيدوش من يديها..شافت فيه وقال:توحشت مك المشكودرة ههه
وردة:هههه بدل ليا هاد السمية تيgولوها هي فالحيس ههه
محمد:هههه شغاندير ليك نيجيو معاك هاد السميات ههه (جلس حداها ودوز يديه ورا ظهرها معنقها فك ليها شعرها وبقا كيتأملها فوجهها )
قرب منها وخدا شفايفها بين شفايفو وباشر فالتهامهم بنهم وهي كذلك كيبوس ويشوف فيها واش كيضرها..بعد لحظات توقف وقال:دابا انا غنصبر ربعين يوم ههه
وردة:😂😂😂صبىها ولا gاع لتصبر هههه شرع ربي هذاك
محمد:اودي هانيا موراها نفرعك ههههه(جبد تيلي)هاكي شوفي بنتك صورتها ليك ههه
وردة:(بفرحة)😍😍😍😍اوووو ارا ارا
شدات من عندو التيلي وبدات كتفرح فالفيديو ومتبعاها بعينين عامرين لهفة وحب وشوف ومدمعين..محسات تا طاحت دمعة من عينيها فوق شاشة تالهاتف..هز ليهل محمد راسها باسو ومسحو دموعها وقال:ولايني مشطبة معاك ههنن وليتي بحال العيالات ههه واحد جوج كديماري
وردة:(عينيها على شاشة)ههههه شوووف😢😢شحال غزااالة اهئ دابا هادي طرف منا بجوج اهئ
محمد:هههه واقالو ههه الواليدة قالت ليك والو تتشبه ليها
هزات فيع راسها تضحك وقالت:منين اودي من الحلاقم ولا الgدام😂😂 gاع مبينا لمن تتشبه ههه
محمد:ايوا هي لي قالت ههنهه
وردة:انا جاتني كتجيب مني ههه
محمد:ههنهه العوينات واقلة توبة مي هي فشكل اللون لا
وردة:اححح شو شحال زويينة ههه (شافت فتوبة)بجوجهم بناتي ههه(شافت فمحمد)تفوووو شرفت ولاز عندي جوج بنات ههه
محمد:هي تزاكلنا مع التوام هههه
وردة:الله ينجيني ولدهم نتا ههه
محمد:هههههه شنو بيتينا نسميوها؟؟
وردة:مممم معرت مفكرتش ههه gول ننا نشوف
محمد:انا بغيت نسميها وردة ههه
وردة:من نيتك هههه سميتي بحال ديال بنتي ههه
محمد:ايوا انا كنبغيك اش غاندير هههه فكري فشي سمية
وردة:فكر نتا
محمد:كيجاتك إكليل؟؟
وردة:مممم زوينة بلاتي..إكليل اري الخبز ههه إكليل دخلي من الزنقة هههه إكليل نوضي تحفضي 😂😂

محمد تكرشخ بضحك:😂😂😂عار تالله اش تتقولي هههههههههههه
وردو:تنشوف واش جات السمية مع التعيطات 😂😂😂
محمد:هههننننههههه لا لا نتي زعما عالام هههه ولكن ضروري خصها تسما إسم مركب..حيت فعائلتنا كيسميو سمية مركبو بحالي انا محمد امين ههه والواليد كذلك
وردة:مممم ايوا وتوبة سميتها هي توبة
محمد:لا محطوطة بفاطمة توبة..سمية عربية وتركية 
وردة:نمممم شكون سماها؟؟
محمد:انا ههه مي كنفضلو نعيطو تتوبة ههه دابا شنو نسميو
وردة:فففف حرت إكليل زوينة ولكن مغتجيش امل إكليل هههه
محمد:(كيبوس فنيفها)اش بان ليك فإكليل الورد ههه
تخشع فيها وبدا كيبوس ويهضر حتا وقفاتو بدهشة وقالت:😍😍😍إكليل الورد هههه سميا غزااالة ههههه وييينو(شافت فالتيلي)إكليل الورد الساجدي هههه معرت واش ابيو احطوها هاكا راه تيعكسو فبحال هادشي
محمد :ضربيها على حسابي ههه صافي سميناها ههه
وردة:(غنقاتو من كرشو)مشات اساط هههه
محمد:(كيتفوه ويديه هلى فمو)ففف معامن انا ههه
وردة:(هزات فيه راسها)تتبان عيان ومناعسش سير للدار غمض عويناتك 
محمد:انا عويناتي هنا فين راهم ههه(عضها فشفايفها)هههه 
وردة:(كضحك)زgا المصعور هههه باينا مناغسش ياك
محمد:من الخطبة لدابا ههه مي هانيا المهم نتي
وردة:(تكات على صدرو)نعس دابا نيت محبسك حد هامي انا حداك ههه
محمد طلع رجليه سرحهم حداها وغمض عينيه بتعب وقال:الى عنكشتك فيقيني
وردة:لا هي نعس احبيبي
عنقها بجهد وضمها ونعس مرخي حيت عيا

تكات راسها على صدرو معمضة عينيها براحة كتحمد لله وتشكرو..وهو مدازش بزااف ختا غرق فنوم عميق كان عيااان رد راسو لور ومعنقها بيديه وناعس..اما هي كتظاهر بالنوم مافيهاش ..قاتلها الجوع صبرات تاعياات وهي تمد يديها تحت المخدة فيها واحد الجهاز بركات على لبطون حمر وبعد لحظات دخلات الممرضة شافتهم هاكاك وستغربات نطقات وردة بهمس:شووو راه ناعس
الممرضة:(جاها ضحك)ههه واخا امدام..عيطي لينا محتاجة شي حاجة؟؟
وردة:بيت ناكل قهرني الجوع
الممرضو:داكوغ انا دابا نجيب ليك متاكلي امدام😊😊
بتاسمات ليها ومشات خرجات ورجعات هي تكات على صدرو وكتحسس لحيتو..تارجعات الممرضة فيديها بلاطو فيه خضرة مفورة وسوب ديال الخضر وكاس تالما ومعلقة ..وقالت:فوالا امدام
وردة تعنفجات ملقاتش كي دير تنوض وقالت:هي حطيه فديك الطبلة انا نوض ليه
حطاتو ليها وخرجات وعينيها خارجين فمحمد..بغات وردة تحيد يديه وتنوض وهو يحل عينيه وقال:اديك شاطا ماطا علاش مقلتيش فيك الجوع؟؟
وردة:😳😳😳منعستيش لسحت ليل😒😒
محمد:ههههه لا كنت ناعس تحركتي قبيل وفيقتيني هه
ناض من حداها وقادها فبلاصتها وقال:انا نعطيك تاكلي ههه
هز لبلاطو وجلس حداها حاطو فوق حجرو هز معلقة من السوب وقال:حلي فمك 
حلاتو كتشوف فيه وعطاها جغمة لولة وقالت:هههه نبقا نمرض كل مرا باش تولي رومانسي هاكا ههههد
محمد:(كيوكلها ويهضر)ياك انكارة الخير ههه متنوكلكش ياك ههه
وردة:هههه اييه كتكون رومانسي هي الى بيتي شي حاجة ههه
محمد:الالة باز هههه اشنوهيا هاد الحاجة(غمزها)😉
وردة:شي حاجة زصافي اقليل الادب عقلك فترمتك😂😂
محمد:ههههههههههه انا الالة ديما رومانسي(كيمسح ليها حدا فمها وشقمها ببوسة خفيفة)هههههه حيت ديما تنبي ديك الحاجة خي نتي مزيرا معانا شوي هههه صحتك قليلة
وردة:(حطات يديها على كتفو وتتشوف فعينيه بشوق)ههههه بيتي تفلعصني كثر من هاكا..تحليت تاملقاو ميجمعو ههه
محمد هي كيشوف فيها ويبتاسم وكيقول فخاطرو:كون ضعتي مني معمري كنت غنسامح راسي..مكنتخيلش نفيق شي نهار ومنلقاش هاد ضحكة نصبح عليها وعلى هضورك لي كيسطيوني..غندير ما فجهدي باش تبراي 
وردة شافتو ساكت وكيشوف فيها وهي تشير بيديها قدام وجهو وقالت:افين ساهي اشريف ههه وgد معايا ههه
محمد:(هايم فضحكتها)ههه معاك معاكك ههه اش كنت تتgولي ههه
وردة:هي مكنتيش تتسمعني gاع هههه السمك
محمد:ههههه الله يستر هي على سبة
وردة:تخرgك قلوة لصدر وضربك سطل هههه
محمد:😂😂انا بلا هاد الهضور متنبداش نهاري هههه
وردة:واخلاص كمل راه ميتة بجوع واخا هاد حزقا لاروب ممشبعانيش هههه
محمد ضحك وكمل ليها تا سالا ومسح ليها فمها وبعد لبلاطو ورجع حداها معنقها وكيهضر معاها وهي واخا فيها الوجع خفيف كضحك وناشطا معاه ومرا مرا اقلبوها بوسان ويشبكوها تا يتخنقو ويحبسو ولالة توبة غاطسااا..حتا جات مها هازا ليها متاكل..دخلات وناض محمد من حداها وجلس حدا توبة كيعنكشها تفيق..جبدات معا الكفتة مشرملة ومقلية وبطاطا مقلية واتاي..شافهم محمد وهو يوقف وقال:توتو مغتشربيش اتاي وياااك عاد والدة وبغيتي تشربي هادشي
وردة:وشنو نجلس بجوع؟؟
محمد:غتاكلي ديك الكفتة فقط لاغير..اما بطاطا واتاي متحلميش
فتيحة:ويلي علاش راه حيت ولدات خصها باش ترد صحتها وتوقفها ماشي تبقا على الريق ناشفة
محمد:اخالتي الله يهديك راه حيت ياله ولدات تنقول ليك هاكا..الى شربات اتاي غيضرها اللهم بلاش..عطيها الكفتة بوحدها فالخبز بغيتي باش دوزي شربي الما اما هادشي لا سينو كون هي جبتي ليها شي عشوب منسمة حسن
فتيحة:اودي خرجات عليكم القراية..انا راه ولدتها وتنضرب فالبلول تالبربروش حار وسخون وهاني صحيحة فصيحة ماطاري ليا والو
محمد:هذاك وقت اخر..هي صختها قليلة والى مرداتش البال غتمرض راسها راها ممرضة زعما وقاريا هادشي(شاف فوردة)كاينا هاد لهضرة لي قلت ولا لا؟؟
وردة(كدور فعينيها):اه
محمد:وملي اه مالكي تتجبهي ودايرا راسك مكلخة عارفا طبييا ميصلاحش ليك هادشي
وردة؛فففف ايوا فيا الجوع اش ندير؟؟
محمد:(خرج فيها عينيه ضاحك)لمك عاد ضاربا طبسبل تالخضرة مفورة وسوب وفيك الجوع
وردة:كرشي مولفا تطحن الخبز😢😢وفيا الجووووع
محمد:هههه راه الكفتة كوليها فااخبز وتكمشب ياله
وردة خزرات فيه وهزاتها تاتكل وتغدد اما فتيحة هي نتشوف فيهم وتضحك..بعد دقائق تحركات توبة غتفيق..حلات عينيها وياله غتحميها للغوات وهي تشوف محمد واقف عند راسها هزها بشوي كيدوز على ظهرها وهي حاطا راسها على كتفو..حطها لوردة حداها وعنقاتخا والاخرى تخشات فيها مغوبشة..شافت بطاطا وهي تمد يديها هزات وحدا وهي تقول بصوت طفولي:طاطا(بطاطا)😄😄😄😄😄طاطا ماما طاطا ههههه
وردة:كوليها ابنتي زوينة بطاطا ههه
كلاتها تضحك ومدات ليها فتيحة ااسوبيرا كاملة كتاكل فيها وقالت:ماشي فرزقك فرزقها ههه
توبة:هههه طاطا
ضحك محمد وقال:خالتي محدك هنا معاها انا غنمشي للدار ندوش ونرجع
وردة:سير نيت نعس لاش تبقا هنا..سير نعس ورتاح من بعد وجي
محمد:(كيحك عينيه)دابا نشوف نخليكن دابا(باس راس وردا)ردي لبال
خرج وخلاهم وهي تنطق فتيحة:احح ابنتي على نقرة فاش طحتي؟؟

وردة:هههه علاش؟؟زعما حيت راض ليا البال عادي اي راجل بيدير لمرتو هوكا
فتيحة:(كتحرك صبعها بالنفي)الا ياختي راجلك حنين فيك..كون تشوفي فاش كنتي مغيبة مهضر متكلم متفاوت من حدا الباب تالبيت..الى مخفت نكذب مرمش gااع..
وردة:ههه وايلي واش فاش كنت مغيبة؟؟
فتيخة:ااييه اش تنعاود ليك من صباح..سيد صعر على لبشر وولا هي مخنزر عيينا نعيطو ليه وتgول واش جاوب هي شي صاحبو لي علمنا..زعما والله الى نتي لي تجوجتي وعرفتي اش ديتي
وردة:😂😂😂ايوا بقاي تتgولو خصها تكون حادgة وحارة وهادا وهادا هههه ..محمد عارفاه غيكون تسطا فاش غيبت هي فاش تنغوت حداه وبات روحو تخرج عساك ملي غيبت
فتيحة:ايوا تهلاي فيه راه نقرة واشمن نقرة..ونقرة حرة هي الله يحجبكم ههه
وردة:(خمسات ليها)خمسا وخميس فعينين العديان هههه(باست توبة)اححح وخلي لينا هاد البوكوصة والبزكوصة لخرا هههه شفتيها أ مي ؟؟
فتيحة:اييه شتها نسخة عليك..فكراتني فيك فاش كنتي صغيرة هاكاك تزاديتي مريضة وضعيفة خههه gلت محال تعيشي خههه
وردة:هههه😍😍😍حلفي هههه مت محمد تتحلف وترد لصحتها وتgول تتشبه ليها هههه
فتيحة(بجكات فيها):منين؟؟من الحلاقم ولا لgدام باززز لبنادم😏😏 جايا هي على قبل بنت ولدها نتي حرام واش تسوقات ليك
وردة:هههه ولفتها خهه مزال دابا موقراني ههه سمينا البنت إكليل الورد 😄😄
فتيحة:اشنووو؟؟اشنوهيا تاني هاد اكيل هههه ويلي على قلة السميات هههه 
وردة:محمد كان با اسميها وردة gاع هههه تا إكليل زوينة
فتيحة:راجلك والله تاساحرا ليه 😂😂ايوا وهاد إكيل اش تتعني؟؟
وردة:بحال الى gلتي مشموم تالورد..بالعربية الفصحى هو باقة الورد ههه انا عجباتني وهي باش غنحطها 
فتيحة:اودي سميها حتا راس الحانوت ولا قعقلة وبسبيسا😂😂المهم هو تكون بخير وبصحيحتها هههه
وردة:😂😂😂😂😂ياك افتيتوح خههه يا اجدة ههه
توبة:دا دادا دادا ههههه
فتيحة:اخيري سعدي هههه جدا ههه جدا..اجي يا الحتروفة ديالي هههه اجي نني هي الحفيدة لولة هههه
هزاتها كتعنق فيها وتبوس وتبجغ ليها حناكها وتوبة عاجبها الحال..داز الوقت بسوايع ورجع محمد اشوفها مع انور بقاو مجمعين حتا طاح اليل وجابو ليها العشا تعشات وجتا توبة كلات معاها ونطقات مها؛انا غنبات معاك هنا 
محمد:هي سيري اخالتي انا نبقا معاها
فتيحة:لواه اوليدي نتا ضليتي معاها مسديتبش عينيك سير رتاح فدارك انا نبات معاها
وردة:اه خي سير نتا عياان عاد لاعبين غدا وتابعك سفر
محمد:بلا متعيو راسكم هي سيرو انا لي غنبات ههه..بلاتي هي تنعس توبة راه قرب اشد فيها النعاس وديها معاك
فتيحة:يا والله كون مكانت بنت كرشي كون gلت ساحرة ليك😂😂😂😂ويلي كلنا ولدنا وتعذبنا ومدارو علينل هاكا ههههههه
محمد:ههههههههههه حركات ليا المجامر تقلبي اخالتي هههه
فتيحة:(ضربات بيديها على كتفو وغطات بقبها وجهها حشمانة زعما)يخليك بالخلا المسخوط😂😂غرقتيني فحوايجي😂😂😂gاليك gلبي نعام اسيدي ههههه
انور:هههههههههه اعضامي ههه
وردة:عيطو لشاب مامي😂😂😂
توبة:😴😴😴
فتيحة:(باقي تتصحك)ايوا هادي وحدا خرا ههههه مزيان..سير اوليدي الله يعطيك مانويتي فخاطرك هههه ياله اداك قرد الغابة تgعد نتحركو ياله نوصلو ههه
انور:شو توبة نعسااات هههه تتشخر
طلات عليها وردة:اححح على الفنيكيشة ديالي عطاتها قتلة للنعاس 
فتيخى:راه ابنتي بحالنا مشافتوش..خاطرها علمها
وردة:هزيها أ مي وديها وبلا منوصيك
فتيحة:غتوصيني على بنتي ههه(هزاتها بشوي)بسم الله بسم الله(كتدوز يدبها على ضهرها)ياله خليناكم دروك..محمد رد اوليدي البال
محمد:الله اودي ههه
انور:ايوا الا فتيحة ديري نgابك هههه ولا صافي مشات الحشمة😂😂
فتيخة:اشاوا وقت النgاب هذا هههه زيد gدامي شكون خي شافني هههه
ضحكو كاملين وتوادعو معاهم وخرجو وبقاو الحيبان الراس فالراس..قرب جلس حداها مبدل عليه لابس كيطمة سوداء مزيرة من الفوق..حيد الفوقاني بقا بتيشورت كحل وتكا حداها متكيها على صدرو وقال:كتحسي بىاسك مزيان مافيكش الحريق
وردة:شوي ولكن عادي مورا الولادة تيوقع هاكا..دابا يفوت
محمد:ان شاء الله
وردة:لاعب غدا ياك؟؟
محمد:مغاديش
وردة:(هزات راسها فيه)وعلاش؟؟
محمد:(شاف فيها)نتي هاكا وانا نسافر كي درتي ليها..
وردة:مالي ميتة ولا تنموت راه هي والدة ونتوما لاعبين هي يوماين غتبقا معايا مي
محمد:لا(شاف فسقف)غبقا مشطون وبزاااق اللهم خليني هنا..والفرقة غتمشي تلعب التدريب لي مهم اه درتو
وردة؛ولكن راه..
قاطعها بصبعو على فمها:مكاين ما والكن..دوك المواضيع بعاد عليك نتي ديها هي فصحتك وفبناتك صافي ..الباقي علي
وردة:(ستسلمات)لي بان ليك انا هي مبيتش نخرج عليك
محمد:ههههه خرجتي عليا شحال هادي 😂😂😂نعسي دابا راك عيانة
وردة:ونتا؟؟
محمد:ميت بالعيا هههه نعسي غدا غتخرجي هه
وردة:وايلي وبنتي؟؟
محمد:البنت غتبقا هنا حتا تكمل النمو ونخرجوها
وردة:لا رجلي برجلها😠
محمد:واش تسحابك اوطيل ههه الله يهديك اهاد البنت غدا غتخرجي ومن هنا شي ايام نخرجها حتا هي ونديى لحبيبتي سبوع مطرطق ههه

وردة:😍😍بيتي تدير سبوع ههه
نحمد:ههه ضروري..
وردة:😍😍😍الله غندير ليها دقايقيا والطبالا والغياطا والذبيحة هههه
محمد:لي عجبك ديريه ههه(رد راسو اللور)احححد
وردة:(باستو فذقنو)فيك النعاس احبيبا
هبط راسو بسرعة لعندعا وحل عينيه فيها وقال كيضحك ويحك البلاصة لي باست:ههععهه وياك هههه وياك تبوسيني تما راه منعقلش عليك نوض نغتاصبك
وردة:(طلقات ضحكة عالية) 😂😂😂😂اححح اربي لقيت ليك الكود ههه هنا(حطات صبعها فذقنو)هنا كيتقاداو ليك
حيد ليها كيضحك وقال:هلي هي حتا تحيد الربعين ونوريك فين هههه هنينا
وردة:😂😂😂نعس نعس شقيتيها من عندي
تكات على صدرو مغمصة عينيها وهو الاخر ناعس مرخي حيت عيااا بجهد فهاد الايام
🌄🌄🌄
حينما اراك ترقد بجانبي يعنريني شعور بأني انتمي اليك..ووطني هو حضنك ..وان الغربة صارت وطن..وانك انت ملجئي انت مخبئي..انت نفسي التي تركض منذ الازل والى الابد ناحيتك..
شرقات شميسة سخونة على مدينة مراكش فيقات محمد نن النعاس ضاربا فيه برزطاتو..حل عينيه ببطءوكيدرق بيديه الشعا..حط وردة فبلاصتها قادها ومشا دوز الريدو باش ميبرزطهاش الشعا..رجع كيتفوه لحداها تأملها للحظات مبتاسم عاد دخل للطواليط ضوضا وقدا حاجتو وخرج كيقلب على فوقاش اصلي بان ليه بلاكار حلو لقا فيه ايزار..حل لباب تالبيت وتصادف مع واحد الطبيب دايز وسولو:سيلفوبلي فين القبلة
الطبيب:(شير ليه بيديه)لهادشي 
شكرو ودخل فرش ليزار وقام الصلاة وبدا الصلاة بجهر حتا فاقت وردة على صوتو..حلان عينيها بزز كتحاول ثبث الرؤية جات ديركت فيه كيدير الدعاء فهاد الاثناء محمد كان كيشكر الله على أنه حفظها ليه وخلاها واحمدو على نعمو..سالا وتلفت ليها لقاها كتشوف فيه بإعجاب بتاسم ليها وقال:صباح الحب 
وردة:😍😍صباح التوت الى تات ههه الله يقبل احبيبي
محمد:(كيجمع فالايزار)واكثرتي هلي فهاد حبيبي تاني هههه
وردة:الله يقبل اكينكو😂😂😂
محمد:امين المشكودرة😂😂😂(باسها فحنكها)كيصبحتي مزيان
وردة:بخير..فيا جوع
محمد:انا نوصيهم اجيبو ليك الفطور ونخلص بيدما تفطري ونمشيو
وردة:واخا😊
باس راسها وخرج تلاقا مع الطبيب فالباب دخل عندها فحصها وسنا ورقة الخروج ومشا ووصا محمد الممرضة تجيب ليها الفطور وهو مشا عند طبيب لي تكلف بيها..دخل وقال:بغيت نستاشرك معاك فشي حاجة
الطبيب:وي مرحبا
محمد:واش دوا لي غتاخد وردة على قبل الميكروب لي عندها واش مغيأثرثرش على البنيتة حيت غنىضعها
الطبيب:سي غيأثر..كنت غنقولها ليك..يستحسن ماتبظا تاخدو تا تدوز ثلث شهور تالرضاعة لانه غيأثر على صحة البنت وحتا حيت خصعا ترضع من حليب مها حيت مزيودة قليلة
محمد:وماكاين تا شي خطر على وردة
الطبيب:غيكون حيت غنتعطلو مي راه معندها مدير خصها ترضغ..فيا ميقول ليك تجيب حليب من الفرماسيان مي مغيكملش كلشي..مي الى بغيتو ممكن تعطيوها حليب من الفرماسيان 
محمد:داكوغ..ميرسي
خرج محمد وعقلو عامر افكار متضاربة كلها ليها علاقة بوردة..توجه لبلاصة فين غيخلص ولقا فؤاد خلص وسالا..معجبوش الحال وتعصب وهو نفسو فين وفين رجع عند وردة لقاها كتفطر وحداها الممرضة..دخل ودغيا رحع بتسامتو وقال:حبيبا ساليتي؟؟
وردة:اه صافي ههه
الممرضة:راه سوانييت ليها..خصها تعود توضا بماء مطهر وترد البال لراسها 
محمد:ان شاؤ الله
خرجات الممرضة وقال:انا لبسك باش نمشيو
جبد صاك فيه حوايجها حابو البارح ملي مشا للظار وجبد منو حوايجها واولويز..قادها ليها فسليب ومشا لعندها وهي مترقباه وقاا:بلاتي نحيد ليك هادشي
حيد ليها اللبسة تالسبيطار بقات بسليب بوحدو حيدو ليها وهي حشمات وغطات بيديها ضحك وقال:ياكما ولدتيها بلاسلكي😂😂😂ياك انا لي دشنتك هههخخ
وردة:😳😳😳قليل الحيا تفووو(شدات فيه ووقفات بصعوبة حيت دايرا الغراز)اخححح 
محمد:(تحنا خشات ليها رجليها فسليب)بشوي عليك..لبسو ليها وهز سوتيان لبسهم ليها وتبعهم ديباردو وكولون عاد سروال دجين وتيشورت كم وفوقو كاب
وردة:اهيا راه خنشتيني واااه مالك داير ليا كي البصلة
محمد:تسحابك خارجا من سبيطار حيت مريضة خهههه راه والدا وغيطلع معاك البرد
وردة:(باستو فحنكو)يخليلي لي يتشوش عليههه
شد وجهها بين يديه وقال:انا هي ملي موقع ليك والو مستاعد نهزك فوق راسي(باس جبهتها)الله يجعل آجلي قبل آجلك
وردة:الله ينجيك..انا باقي بيتك للحمد لله موقع والو
محمد:الحمد لله..(جمع ليها شعرها)صافي هاحنا واجدين
وردة؛شد فيا باش نتمشا كنتعgر
محمد:وقفي مقاد وسدي رجليك
دارتها وهو يهزها دغيا بين يديه بلا متحس بوالو وقال:هههه زيدي ادبة😂😂قالتليك تمشي على رجليها ههخ
دورات يديها على عنقو وقالت:ههههه برشيد صافي(باستو فذقنو وهمسات فوذنو)تنبغبك هههه
محمد؛😂 هداي غندير فيط شي جريمة ههه

وردة:هههه دابا لقيت ليك قوافيك ههه نعود نشعلك ونهرب ههه عييت نقلب على منين نشدك كلا راجل عندو شي قنت كتقيسو فيه مراتو وتيبدا يفيبري ههه نتا لا..دابا لقيتها هنا(حطات صبعها على ذقنو وباستو تما)
محمد:(توقف حيت تبورش وقال كيضحك)هههههه والله يهديك راه هضرنا هههه خلي تال من بعد ونتي بوسي تما وانا نجهل عليك ههه خليني معاك زوين مباغيش نعصي ربي 😉
كمل الطريق وهي تقول:عهههه درتك فراسب هههه شوف محمد ديني نشوف بنتي ونمشيو عفاااك
محمد:اهاه نمشيو ههه
بدل الطريق وتوجه للطابق الخاص بالاطفال حديثي الولادة..محسات بيه هي ملي وقف بيها قدام الزاجة تالشومبر لي فيها البنت..شافت فبها لقات عرما تالبيبي كلهم مكاملينش النمو..
وردة:حطني
حطها بشوي وهي تحركات بشوي وحطات يديها على الزاجة وهو حداها يديه على خصرها مكاليها لطيح قالت بدون متشوف فيه:شكون فيهم؟؟
محمد:خههه ياك وريتها ليك ههه(شير بيديه لاكليل)هاديك 
وردة:(دمعو عينيها ومبتاسمة)شووو شحال زويينة😢😢بنتي الثانية امحمد اهئ (عنقاتو من خصرو)عائلتنا غاديا وتتكبر ههه
محمد:(مسح دمعتها بصبعو)هههه انا بديت تنحس براسي شارف ههه لي شافني كيقول ليا ابو البنات ههه
وردة:ععههه ياك..شو كيتتحرك يديها وعينيها كي الكوزات هههه
محمد:كي اش؟؟
وردة:زعما بحال زك الدجاحة😂😂
محمد:😂😂😂نتي رفع عنك القلم ههه زيدي زيدي دابا نعاودو نرجعو..راه غتبقا شي عشرين يوم هاكاك صافي مخصهاش بزااف
وردة:بطا علي هي ايمتا نعسها حدايا بحال توبة
محمد:ان شاء الله(هزها تاني)ايوا ياله امدام لدارك وبنتك غنجيبها ليك
وردة:(دورات يديها على عنقو)فازي كينكو ههه
ضحك وخرجها من السبيطار تحت انظار عباد الله وهي تضحك معاه ..علمها متعودش تسوق لعباد الله وديما تعيش هي كيف بغات واهم حاجة راحتها..حل لباب تلاوطو وحطها بشوي داير ليها كي الما القليل..دار ليها سمطة وباسها ففمها دغيا بلا هضرة بلا جوج ومشا لبلاصتو خلاها حالا فمها وكضحك كي الهبيلة طلع حداها دار نظاظر شمسية وديمارا وقال:مرتاحة؟؟
وردة:اه ههه توحشت توبة هه
محمد:غتلقايها مشيبة مك ههه
وردة:مولفاني بزاااف نخاف هي تغير من إكليل..الى شافتك هي بستيني كتبدا تجعوق وتخنزر واحصبلاه الى جات هي 
محمد:لا منظنش..الى شرحنا ليها بالعقل وبطريقة زويتة غتقبلها
وردة:واش بنت قربات تقفل عامين غتعرف لهضؤة الزينة
محمد:سي الى جلسنا معاها وقلنا ليها جاي بيبي زوين وضريف وكيبغيك غادي تقبلو ههه
وردة:ان شاء الله ههه(شدات فيديه وباستها)الله يخليك ليا
محمد ستغرب من تصرفها حيت مولف هو لي كيبوس يديها ودابا العكس..بتاسم وهز يديها بلسعا ودور يديه لجيهة شعرها مسح ليها عليه وقال:الله يرضي عليك ههه بقاي هاكا مهدنة وبعقلك
وردة:دابا تفرج هههه
ضحك وكمل الطريق للدار..تاصل بيهم فنص الطريق وعلم بلي غيجيو..بعد دقائق وصلو للسيكتور..نزل وحل ليها وهزها ومع وقف الاوطو قدام الباب تابدار..حطها تاحل لباب وعاود هزها وطلعها بشوي..يلله غيحل ةهي تحل مها الباب لابسا بيجامة ودايرا عكافة وقالت:ويلي شيطان مالك جايا هاكا..راه باله ولدتي غيسمرك البرد
دخل محمد كيضحك وهي تقول وردة:مبنتش ليك مخنشا ولا نتي الى مشتيني بسروال تالخيط والخرقة تالحمام متقولي لبست ههه
جات توبة من بعيد كتجري وتضحك وتتعبط:ماما ماما ههههه ماما😄😄😄
وردة:هههه بنتي الغزالة ههه
وقفات على محمد كضحك وقال:بلاتي نديها لبيتها وريحي حداهاهه
وفعلا داها للبيت لقا نسيبتو جامعا الدار وناضيا الشغل..حطها فوق الناموسبة قادها وهي باقي كتحرك بصعوبة..وقال:بلاتي نلبسك بيجامة
ضار لجيهة الماريو وهي تخرج فتيحة عينيها فوردة كتولول جاتها عيب ابدل ليها قدامو..كتجبد حنكها وتخرج فيها عينيها شافت فيها وردة وشيرات ليها بلش تمشي لتحاشم معاه عارفاه فبحال هادشي عقليتو كروازية..نطقات فتيحة:انا نمشي نوجد ليك واحد لالة ومولاتي الصوبا دايزها الكلام تقوتي بيها gلبك تردي هي لون(كتشوف فمحمد بنص عين)
خرجات شادا فحنكعا وتتقول:جيل 2m هاكا داير..خرجو عليهم تواركا تتقزدرو
تلفت محمد لوردة هاز بيجامة وقال:مك عالام هههه مراكشية قح
وردة:عهه اكبر وجه قاسح هو ديال مي ههه خصك تشوفها فالحمام يالطيف ههه
محمد:(جلس حداها كيحيد ليها اسروال)هههه ياك..بشوي عنداك تقسحي
نصل ليها السروال بشوي ولبس ليها لاخر وتوبة تتنقز فالارض فرحانة بيها وتتبجغط :مامي هههه وينا هههه
وردة:هههه طلعي عندي توحشتك الخنفوسى
محمد:(كيلبسها)عنداك تعكرك 
وردة:لا بنتي مهدنة ياك ههه
توبة تتحاول طلع فوق الناموسية بزز مخرجا لسانها وتتكافح..فحين محمد لبس ليها بيجامة سخونة شوية على قبل البرد حيت واخا ولدات فصيف المرا تتكون عرضا للبرد كيقول كينغخ الوالدة..حطها تكاها ومشا كيضحك هز توبة حطها حداها وهي تعنقها وعتبوس فيها وقال:تحابيتو ههه انا غندخل ندوش احبيبا 
وردة:عهه واخا(باست توبة)
هز حوايجو وخرج توجه للدوش تلقا بفتيحة هازا بلاطو

هو ينطق وعينيه فالماكلة:ههه ياكما اليدام ههه
فتيحة:بالعما ههه هي صويبا بالخضرة تنفعها ماشتيهاش كي ولات صفرة
محمد:(تنهد بتعب)هي مع فورصات فالولادة غترجع كيف كانت
فتيخى:سيى اوليدي دوش واجي نحط ليك متاكل
محمد:(باسها فراسها)لهلا يخطي علينا حنان ههخه 
ضحكات ودخلات لعند وردة حطات لبلاطو وقال:واش اتا يا هاد لبنت تتقلبي على جوا من جنب..تغطاي راه والدة زعما
وردة:زدتي فيه تاني وااه
فتيحة جابت ليها ملايا خفيفة كي الليزار وغطاتها ودفنات ليها جنابها وقالت:اسكتي gالاك راه معارفاش ولدتك اش تتهز..شو ليك لبنت كي مخشية فيك ههه
وردة:عههه هادي بلحاسة والحنينة ديالي هه
جلسات فتيحة وبدات كتوكلها واشربها بيديها وقالت:ايمتا غتجيبو البنت؟؟
وردة:خصها شي يامات تماكينا(تماك)ونجيبوها وديك ساعا ارا برع للسبوع المطرطق هه
فتيحى:غتسبعو ليها؟؟
وردة:ومالها تمنديرهاش ههه
فتيخة:(شافت جيهة لباب كتأكد انه مجايش)وراجلك عندو باش راه سبوع بقوامو ودبيحتو
وردة:منعرف..هو gاليا غيديرو هي غيديىو..اجي ياك عندهم ماتش اليوم
فتيحة:ايييه(كتشربها الصوبة)مشا مراد والدراري لخرين قبيل شدو الطريق
وردة:(باستفراب)ومحمد لاش ممشاش؟
فتيحة:(هزات كتافها بالنفي)ايوا هداي علي تالهنا ومنعطيك خبار..سولت زغبي تخوك gاليك gاليهم مغيمشيش عندو ضروف
وردة:زعما يكون على قبلي ويلي..
فتيحة:الله وعلم ابنيتي..المهم غيلعبو اليوم بليل
وردة:ايوا الله يسخر 
كملات ليها الماكلة ودخل محمد مدوش ومبدل عليه عارف كاينا نسيبتو ميقدرش اتخطر فدار بالفوطة كي موالف..لابس الاسود كيف العادة وشعرو فازك كينشف فيه بالفوطة ..وقال:بصحة والراحة
وردة:الله بعطيك الصحة ههه مي توبة كالت
فتيحة:اه شربات زلافة تالحريرة شربتها ليهة بيدي وعطيتها خبيز ههه انا غنمشي نحط ليك اوليدي تفطر
محمد:(كيقلب فالماريو)شكرااا 
خرجات فتيحة وتبعاتها توبة ليى مبقاتش كترصا فقنت واحد هي تتدور..هز هو واحد زيت رجالية كينسم بيها لحيتو وهي متبعا ليه العين وقالت:محمد بيت نسولك؟؟
محمد:(كيمسح على لحيتو)تنسمعك
وردة:ممشيتيش للماتش اليوم علاش؟؟
تلفت ليها كيهضر بجدية:فين غنمشي ونخليك نتي هاكا
وردة:ولكن راه خدمتك هاديك!!راه بيجريو عليك
ضحك وقال:ههه لا احبيبة ميجريوش هه راه هي ماتش واحد..مالي غنهرب وعاد لاعب مورا شهرين ناسيوال وموراها بشهر المونديال
وردة:😍😍😍بصح ههه غتشارك فالمونديال
محمد:وي هه ان شاء الله تي خوي راسك من هادشي..كولي وشربي وخودي دواك وقابلي بناتك داكوغ..وراه هي يبدا العام نسجلك فباك ليبر واخا
وردة بتاسمات وقات؛واخا سير تفطر 
محمد:(حط يديه على كرشو)نيت فيا الجووغ هه نتي رتاحي
وردة:غنعس شويا
محمد:واخا
خرج وخلاها تسنظات وقادات المخدة وغمضات عينيها وتجعويق توبة كيوصل تال عندها وكتبتاسم مشعراتش تا غفات ومشات بيها عينيها..فحين محمد خرج لقا ها المسمن ها البغرير والحلاوي محطوطين..ستغرب وقال:خالتي جاي شي حد هه
فتيخة:لا ههه فرحانة بيك ههه هادشي اصلا درتو البارح وكملت ليوم عند الفجر راه الناس بتبدا تدخل عند وردة وهي معروفة ومنلقا منحط وبلي
محمد:(هز اتاي)شغلكن هاداك ابهجاوا انا لي علي نخوي دار هههه 
فتيحة:غادي نرحلوك من دارك ولكن هي صبر هذا هو سوق العيالات 
محمد:المهم متعياش وردة وصافي هههه توبة اجي ابابا تاكلي
توبة:(حاطا مخدة ودايرا منها بغل وراكبا عليع)نا ههه
محمد:نتي هي لعبي براكا ههه
كمل فطورو وناض شكر فتيحة ومشا طل على وردة لقاها ناعسا وصفرة تنهد بحسرة وهز سوارتو وخرج قاصد لفرماسيان..جاب ليها دواها وحط فيه فلوس نيت ورحع حطو ليها وخرح للقاع تدار وهو يصوني تيلي هزو لقاه فؤاد جاوب وقال:اهلا اهلا
فؤاد:افين البغل ههه
محمد:معاك فالزريبة هههه
فؤاد:هانيا الدعوة عندك..كي بقات المدام؟؟
محمد:الحمد لله شوي..كي راها الحاجة والدراري؟؟
فؤاد:بخير ههه درارب دايرين دردبا هنا هه
محمد:هي فرعو ليك راسك هههه اجي اخا نشوفوك
فؤاد:هي لي فيها..الى مسالي اجي نتلاقاو ف vinicia ice 
محمد:داكوغ..دابا؟؟
فؤاد:اه علاش عندك سي حاجة
محمد:لا لا والو..انا جاي
قطع معاه ومشا علم فتيحة وخرج هز الاوطو وتوجه للمول المازار طلع ديركت لفينيزيا ايس قهوة معرووفا..خدا طبلة ولاح سواراتو فوقها وتنهد بحرقة..هضرة الطبيب كتعاوظ ليه فراسو..بعد لحظات وقف عليه السرباي خدا طلبو ومشا وبعدها بدقائق جا فؤاد ختا هو مزيز على الحالة اراك من بعيد..لابس مزياان وريحتو عاطيا ضرب على كتفو وقال:دخلك هم الولاد خههد
محمد:(شاف فيه)هههه بحال هاكاك..هانيا اخويا؟؟
فؤاد:واللع اسيدي الى بخير ههه(جا سرباي)اكسبريسو عفاك
جبد كارو شعلو وكذلك محمد تطر من نطرة وقال:باقي معفا عليك الله هههه
فؤاد:(كيخرج دخان)تانهار اعفو عليك هههه 
محمد:باقي جالس فالمغرب ؟؟
فؤاد:نتوما هي لي شافتي هنا كيبغي اجري علي ههههه 
محمد:تقلتي علي هههه
فؤاد:هههه لا غنمشي من هنا يومين العطلة سالات والدراري خصهم ارجعو ياله اوجدو راسهم للقراية
محمد:ههههه هي مغتحضرش للسبوع تالالة إكليل ههه

فؤاد:تبارم الله ههههه لالة إكليل ههه سميتيها
محمد:(بفخر)ايييه لالة إكليل الورد الساجدي هههه بقا تاتحضر لسبوع
فؤاد:اسيدي نجي للسبوع ونحضر للعرس كاع هههه نزوجها لولدي محمد
محمد:ههههه هذاك ديال توبة ههه
فؤاد:الله اودي الى تناسبت معاك هههه غنجي ولكن خصني نطلع لامريكا على قبل شي شغال
محمد:(كيتكيف)غتدي مراتك ولا تخليها؟؟
فؤاد:لا اكيد نديها ..مكتفرقش معايا وغنمشي مبرزط وغنجيبها معايا
محمد:لي بان ليك...انا غنغلمك على تيساع باش تجي
فؤاد:لا كبرتي هههه وهترتي هه
محمد:سنة الحياة هاديك لابد لواحد ابني حياتو مع ناس خرين ويكون عائلة 
فؤاد:ايييه ههه
كملو حديثهم على منوال المزاح وكيهضرو بثقالة كل واحد فيهم كيكمي ويتمعن عاد اجاوب..بقاو لساعات تما وقهوة مورا الاخرى حتا تعاشات العشية ودازو تغداو وكل واحد مشا لدارو..توجه محمد لدارو سايق الاوطو وريحة الكارو عاطيا منو بجهد لانه كما كمية كبيرة..بلاصا الاوطو فالساس ونزل هاز السوارت فيديه لقا باب الدار محلول وطلع وكيسمع اللغا تاع العيالات فدارو زالبراهش خارجين داخلين..دخل وكيلقا دارو مضرابيا بالعيالات جالسين بجلالبهم جايين اباركو ليها الولادة..مهضرش توجه ديركت للبيت ديالو تحت انظار النسا وهو مهزش راسو..دخل للبيت لقا وردة متكبة فبلاصتها ودايرين بيها جوج عيالات ومها وجوج بنات جالسين فكراسا وتيضحكو معاها وهي علامات التعب باديا على وجهها..كي حل لباب كلشي هز راسو وهو مظنش انه غيلقاهن..رجع خطوة لور وقال:سمحولي متسحابنيش كاين شي حد 
ياله غيسد لباب وهي تنطق فتيحة:هي دخل اوليدي راه كانو غاديين فحالهم
محمد:لا لا خودو راحتكم
فتيحة:(غمزات العيالات)لا لا هي زيد الله يرضي عليك..كانو نايضين
جمعو العيالات الوقفا وسلمو على وردة وجددو المباركات ليها وخرجو ومحمد واقف بعظمتو وهيبتو كيبتاسم ليهم كل ما باركو ليه..خرج كلشي وبقات مها وقالت:هامي تانا نمشي نطل على لعيالات هههه وواحد توبة معرت فين صادا
وردة:معندها فين تمشي غتلقايها هي فالدار 
فتيحة:ياله هاني مشيت
خرجات فتيحة وبقاو بجوج شاف فيها مبتاسم وقال:من ايمتا وليتي كتهضري مع العيالات هههه
وردة:ههه(كتقاد فالجلسة)من نهار تجوجت بيك وليت بحال البنات خهه
قرب ناحيتها وكيشوف فيها بشهوة:اهاه ههه
جلس حداها وقال:كيبقيتي(كيمسح على شعرها)فاتك الوجع
وردة:بخير..باقي كاين شوي ولكن راه هادي الوجع مورا لولادة
محمد:مزيااان(قرب وطبع قبلة حنينة ففمها ومرر لسانو على شفايفها)
وردة:كميتي؟؟
محمد:اه هه
وردة:علاش؟؟مقلق بيك شي حاجة
محمد:ههههه لا..بلعكس راشقا ليا ..واش انا حبيبتي(كيداعب نيفها)ولدات ليا بنية تتحمق بحالها ومنكونش ناشط 
وردة:☺☺☺ 
محمد:محتاجا شي حاجة؟؟
وردة:اه عطيني داك لتغوس لي فالماريو ديال مكياجي
محمد ناض كبضحك ومشا جابو حطو ليها ووقف على راسها تيتسناها اشوف اش غتصنع..فحين هي هزات ماكياجها وشافت فالمرايا وقالت:ناري صفرة كي زعفران بفففف
محمد:هي المرض احبيبتي.وصاقي
هزات ماكياجها وبدات كتقاد فوجهها دارت كريم مرطب خلاتو انشف وكحلات عينيها بقلم اسود برز ليها عينيها..بيدما نشف الكريم عاد دارت فوندوتان وعكر خفيف..رشات ريحتها وستنشقاتها وقالت:مممم الله زوينة هاد الريحة 
طلقات شعرها لي ولا كثيف وجمعاتو بعود لي مولفا تجمعو بسه وقالت:اححح دابا وليت كي ناس 
ضحك محمد وقال:الالة باز هههه
مشا حيد عليه حوايجو ولبس كيطمة صيفية فالاسود وجا تكسل حداها وقال:فراسك فؤاد غيمشي
وردة:وغتمشي تاوفاء فففف ولفتها
محمد:غيرجعو للسبوع الحب(متكي على يديه وكيشوف فيها ويلعب بخصلة من شعرها طايحا على كتافها)توحشتك 
وردة:خههه بزاااف؟؟
قربىليها خطف قبلة من حنكها:كثر من بزااف ههه
ضحكات وشدات يدو وبقات كتهضر معاه مهدنة على غير عادتها وتبتاسم وتحلون عليه..كانت على غير طبيعتها مصعىاتش ومتناكرات معاه بالعكس شدات ليه الخاطر وكتبوسو بالعقل وتمازح معاه وهو جاتو على الكانة منلضش من حداها تا سمع الحس تقطع فالدار وحتا هي مدخل عندها حد كتحبسهم فتيحة بحجة ان راجلها معاها..اما توبة لقات سيبة كتلعب مع البراهش الصغار..مشا كلشي فحالو وخوات الدار ورجع الهدوء..جاو عائلة وردة مرا خرا كاملين ومعاهم عائلة انور وخطيبتو وتجمعو للعشا هزها محمد تا لحداهم تعشاو وخلاها لمها دخلاتها دوشات ليها بالخف دغيا باش ميضربهاش للبرد للتحت..لبساتها وخلاتها ترتاح وكلات توبة وحطاتها حداها تنعسها..فحين محمد كان قدام الدار كيهضر فالتيلي مع مراد
محمد؛امدرا؟؟
مراد:(مخنوق)خسرنا اصاحبي...ياله ربحو ربعة لباقي خسرو
محمد تعصب وطمر عض غلى شفايفو وهز حجبانو بجوج وقال:معليش ماشي مشكل مرا خرا
مراد:اودي خرينا وصافي فففف وتنقصو ليك نقاط من رصيدك
محمد:شكون سمعتيه قالها؟؟
مراد:ملي كنا كتسلمو الميداليات قالها المعلق بلي لانك محضرتيش ولاننا مربحناش بنقاط مزياانين تنقصة ليك نقاط كمدرب

يتبع..

قصص جديدة
قصة افتقدك من تأليف مريامة العروصي
قصة افتقدك مريامة العروصي
قصة الحب الصامت من تأليف سلوى شتيوي
قصة الحب الصامت سلوى شتيوي