وردة:(دارت وباستو فحنكو)واخا هههه نصايبها بيتي معاها شي حرشة ولا حليوة ولا شي تويشية تقوت بيها gلبك الوز ههه
محمد:(بعينين مغمضين)مكرهتكش نتي معاها ههه هي خليني ساكت ههه وانوضي الله يرضي عليك باقي تابعاني لونتريما
وردة:وانعس مزال شوي راك عياان
محمد:لا لا خصني نوض..شحال ساعة؟؟
وردة:العشرة..معاياش خدام؟؟
محمد:(تقلب على ضهرو )ااااح مع الثناش بعد غدا لاعبين
وردة:واخا..انا نوض..رد لبال لأكليل
ناضت من حداه كتفوه وتعاود ومشات للكوزينة دارت قهوة قاسحة ليه وطيبات حليب ليها وحطات هي شي حليوات وصاقي عارفاه ماتيفطرش وهي الشهية والو..فحين هو ناض دوش وصحصح شوي عاد مشا لعندها باسها فحنكها وجلس حداها هاز قهوة كحلة وهي هازا كأس تالخليب..وكتشوف فيه بعينين مالئهم الشوق..جبد كارو وشعلو وبدا تيتكيف وقال:مالكي ههه
وردة:والو..بغيتي شي حاجة خرا قبل منوض
محمد:فين غاديا؟؟
وردة:بغيت نصبن كلشي توسخ
محمد:خلي تانعاونك نجي ونعاونك
وردة؛لا لا اصلا غادي هي نحطهم فالماكينة هي سير احبيبي
ناضت من حداه باقي فيها النعاااس ومشات جرات الماكينة تالصايون وجابت الحواايح..لاحتهم وخوات عليهم الما بعدما ركباتها فالضو..وبدات الماكينة كضوور وتصبن وهي كتعزل وتحط..سالا محمد قهوتو وناض لبس حوايجو وباسها فراسها وقال:متعييش راسك صافي أحبيبة
وردة:(باستو ففمو)واخا ههه
خرج هاز سوارتو لابس سورفيت سوداء وكاسكيط كحلة وتوجه للبلاصة فين ولاو كيدربو وهي بلاصة كراتها ليهم الجمعية كيدربو فيها..فحين وردة كملات صابونها وفيما كانت شي شرويطة جبداتها..كتصبن وتشلل ونحط فالشبكة ..وتوبة نااعسة وكءلك إكليل لي رضعات مرا خرا ورجعات تنعس..كانت هازا الشبكة كتحط فيها الحوايج تا شدها وجع بحال الى ضربك الضو..طلقااات الشبكة للارض وطلقات معاها غوتة كبيرة كتحس بكرشها شاد فيها الضوووو بجهدد..لدرجة ان غواتها تسمع تال لتحت..فشلو عليها رجليها وطاحت للرض مخرجة عينيها كتألم وكتغوووت ولا من مجيب..اخر غووووتة كانت غوتة نوضات بشرى بنت حليمة من بلاصتها ومن وراها غيباااات والماكينة خدامة حداها
ملقية أنا على حافة نهاية الشيء الجميل وذكراك ترافقني..تمنيت لو أعوذ للورااء وأحضنك كي لا أرحل عن هذا العااالم بنقص..فنفس البلاصة بقات وردة مرمية والدم دايز من بين رجليها..فغضون دقائق طاح منها دم ونزفات..والوجع كيقطع فيها..ملقية على الارض ونفس الوقت فايقا..تشلات ليها الحركة كتحس بضو كيضربها فرجليها ومقادراش تنوض وكرشها كتزير وتزيى من جيهة الوالدة..طاحو دموع من عينيها شلال كتبكي والجهد باش تغوت مكاينش..تسمع دقان فباب دارها كانت بشرى لي سمعات غواتها كضرب فالباب وتعيط:وررردةوررردة واش اختي كاينا لدااخل؟؟ورداااا(كضرب فالباب بجهد)وردتااااا جاااوبي وردة
وردة:😭😭😭اهئ اهئ عااا..عاااا ونيني
بشرىوردة تتسمعينب يااااك..تسنااااي انا نعيط لي يعاونااا صبري أختي
وردة:😭😭😭😭😭😭😭
هبطات بشرى تتجري خرجات من الدار تلفانة معرفااات فين تمشي..ومشات ضرباتها بتكعيطة لدار والدين وردة..حطات يديها على الباب حلفات لحيداااتها كضرب بجهد وتعيط :وااا فتيييحة وااا فتيحة واعتيقيني
فتيحة:(خارجا تتجري وكافرة على لي يدق)هرسوووه الله يحرق جد بوكم الكلب ارباعة للسعااايا والله أ مك تاندgك بالمهراز😡😡
بشرى:وا لا فتيحة عتقينا جيبي الساروووت نعرفة اش كااين
نزلات فتييحة تتجري بلا هوااها وغاديا فالزنقة تتجري تاقول مجرات وكلشي تيبغي اوقفها اسولها مالها وهي كتنهج دخلات للدار وبدات تتقلب على الساروت وسط الماريو كي الهبيلة وبكثرة التلفة بحرا مجبداتها ورحغات تتجري لدار بنتها وكلشي ناس تالحومة تبعوها منهم أنور لي كان خارج اتقدا تا شافها تتجري عيا اعيط وهي متتسمعش تبعها كيجىي شافها طلعات لدار وردة وهو يطلع بجهد والناس دغيا تجوقااات..خشات فتيحة ساروت فالباب ويديعا تيترعدو تا شدها أنور حل وخرجو عينيه..لقا نهر من الدم عند رجليها وهي مكورة تتبكي فوضغية جنين سخسهل الوجع..فحين فتيحة طلقات غوتة كبيرة:وااااااك واااااك اغبااااد الله
جرا أنور لعندها هز راسها حطو على رحليه وقال مخلوع:ختييي ختييي ضاراك شي حاجة مالكييي
زرب العربي ومشا بيهم لاقرب كلينيك ..دخل زاف وهبط تيغوت تاجاو مجنوعة من الممرضين ببياص داروها فيه حالتها بالدم وتتبكي وتغوت وتقول مبكيت..دخلوعا بزربة وخلاو انور برااا حاير تايمشي ويجي مع العربي..دازت ساعة وتاحد مخرج من الغرفة..وتيلي ديالو غيطرطقو بالاتصالات تفتيحة تايجاوبها كل دقيقة تقريبا..تاعيا وهز تيلي دوز نمرة محمد..كيصوني ولشحال من مراا عاد جاوب اخيرا مينج وقال:وي انور
انور:خويا(بصوت حزين)فين راك؟؟
محمد:فالاونتريما علاش؟؟
انور سكت شحال وتنهد كيقاب على شي طريقة باش اقولها ليه:ففف خويا اجي لكلينيك)**
محمد:علاش طاريا شي حاجة؟؟ياكما الواليدة عياتة
انور:لا لا ..غففف وردة لقاوها الناس فالدار دماياتها معرفنا مالها
سمع محمد الخبر وطاح ليه للما فالركابي كيشوف خلاها صحيحة فصيحة وكيقولو ليه دايا راها مريضة..تعصب وتخلطو عليه العرارم وقال بخةف:اش عندها؟؟واش ؤاها مزيانة
انور:أ خويا راه جيت لقيتها طايحا وكلها دمايات خلط علي للكلينيك تاع ***
محمد:صافي صافي هاني جاي
قطع محمد مع انور مخلوع والدم مشا من وجهو..هز سوارتو وجاكيط تسورفيت وخرج يلا ميقول والو خلا الدراري منشورين هاكاك كيدىبو كلها واش كيدير..طلع للاوطو وديمارا حتا تحكو الروايض مع الارض والعرق تالدريب نازل ليه جبهتو ولا هامو ..كتهمو غي وردة وصورتها بين عينيه..ماهي إلا ربع ساعة حتا كان وصل قدام الكلينيك دخل تالف كيجري ملقاهمش..تاصل بأنور ونعت ليه فين كاينين..مشا كيجري طالع فالدروج مبقاش عندو الجهد لي يتسنا السانسور..بقا كيقلب كي الحمق على البيت حتا لقاه..دخل كيجري وشافها ناعسة فوق السرير ودايرين ليها سيروم وملبسينها لباس تالسبيطار وناعسا كتحل عبنبها بزز وأنور واقف عند راسها مع العربي تيشوفو فيها..بين ساعتيم ولات صفرة..شافتو وجمعات البكية ..كأنها كتنتاظر حضنو .فحين هو عاد برد ورتاح قلبو ملي شافها حالا عينيها..مشا كيزرب لعندها وعنقها بقوة خاشيها فحضنو وراسو علة راسها كيبوسو ويعاااود وهي تفركعات بالبكااا عليه..حدر العربي راسو وخرج وتبعو أنور فهمو أنهم بغاو ابقاو بوحدهم..بقاو أبطالنا لوقت وجيز هاكاك معانقين وهي تتبكي وتنخصص عليه..تاعيا بعدها عليه وشد وجهها بين يديه باس راسها بوسة طويييلو وهو يقول:اش وقع أوردة؟؟مفهمت والو خليتك صحيحة فصيحى..مالكي
وردة:(تتمسح دموعها)😢😢😢تقهرت أ محمد..حياتي غاديا وكضيع اهئ الوجع قهرني اليوووم حسييت بحالا غنتشلل..رجلي فشلووو علي وكرشي كتقطع اهئ(نفاجرات بالبكا)تنموووت أ محمد كنطقا كل نهاااار 😭😭😭مبيتش نمووووت ونخلي بناااتي اهئ اهئ
محمد:(سد ليها فمها بيديه وخرج فيها عينيه)اشهاااد الهضرة على تموووتي😡😡مالكي فيك السرطااام راه هي ميكروووب
وردة:متتشوفش حالتي كي ولات..ضعافبتي بحال لاستيك والوجع قهرررني تنعيااا نصبر راسي ولكن تيهلكني😭😭😭😭(عنقاتو من كرشو لاويا يديها على ضهرو)مبقيتش قدرت نزييد
محمد:جيت كنجري من لونتريما..ههه جبتيني بلا هوايا(باس راسها)هانا جاي
خرج وخلاها كدور فعينيها هلى المكان..لقا أنور باقي برا هو والعربي وقال:خويا
أنور:امدرا شوي؟؟شداكشي تيوقع ليها
محمد:فففف لحاصول الهضرة كثيىة(شاف فالعربي)سي العربي براك الله وفيك(مد يديه سلم عليه)منساش ليك خيرك..وقتما خصاتك ضي حاجة أنا موجود
العربي:اللع أودي راه كبرات gدامي بحال بنتي خصها هي تبرااا..الله يجيب شيفا..نخليكم انا دروك
محمد:شكرااا مراا خراا
العربي:مكاين باس أ وليدي
مشا العربي وبقاو هوما بجوج وقال أنور:اش كاين أ محمد أه بديت تنتخلع أنا من هادشي..اش واقع لها
محمد:اجي نهضرو مع الطبيب وتفهم
جرو وتمو غاديين عند الطبيب ومحمد ألف بلان كيضور ليه فراسو..دق محمد فالمكتب وسمع دخل ودخل وقال:محمد أمين الساحدي..راجل مدام وردة لي عاد جابوها دابا
الطبيب:وي سيدة لي عاد والدة؟؟
نحمد:ايزاكتومون..الى كان ممكن نعرف على حالتها كثر
الطبيب:بون غنعطيك الاختصار المفيد..مراتك ولدات هزات ميكروب على حساب ماقالت لي هي..والمشكل انها معالجاتوش بحيت أنه ولا كيأثر عليها وولأنها مكملاتش الدوا تراكم الامر والشيء لي غيأدي لمضاعفااات كثيرة ممكن تسبب ليها فسرطان عنق الرحم
أنور:😳😳😳😳
محمد:(شرب الفقصة وولا تيهضر ببرود)وشنو المعمول؟؟
الطبيب:كاينا عملية كدار ولكن ماشي هنا برااا البلاد ومفعولها فوري كيبرا الرحم وكيموت الميكرووب..ولكن مكلفة راه مابين 70 تال 80 مليوون
تبسم محمد بسخرية وقال:وشنو دايا خصها العملية؟؟
الطبيب:الدوا كيدير خدمة ديال 50% وعلى حساب مفهمت من مراتك ملي فحصتها راه كتقطعو دونك منتابهاش لصحتها مزيااان..الشيء لي أدى لانها تفقد بزااف تالدم أولا ثانيا أن الميكرول اثكاثر..والحل لي بقا باش نتفاداو أي تعفنات او تكاثر للميكروب كثر هو العملية
أنور:(مصدوم)اوااااه😳😳😳
محمد:(وقف)شكرااا بزاااف نقدر نخرجها ظابا؟؟
الطبيب:وي ممكن راه درنا اللازم ونصيحة تبع ليها مع شي طبيب باش تكونو على علم بحالتها
محمد:شكرااا😊😊
خرج محمد محمل بهم فوق راسو ومعصب عصب بارد..وصلات فيه لدرجة أنه مبقاش عارف اش إسبق..كيشوف فيها شمعة تحياتو وكتطفا..ومعندوش منين اجيبهم..خاصو اتسنا شهرين باش ديرالعملية..هادشي الى ربح المونديال غيقدر اربح فلووزس كثيرة..شاف فيه انور وقال بحسؤة:اش هادشي سمعت..واش البنت كتموت ونتا مخبي علينا؟؟شحال شهدك تخبي وتضبر راسك راه غتضيع البنت
محمد زفر بغضب وشاف فيه محمر وقال:شكوون قاليكم غتمووت😡😡😡هااا..شكوووون؟؟غنبيع راسي الى ضطريت على قبلها(خرج فيه عينيه)مغتمووووتش..غنضبر فلفلوس من هنا لشهراين وغدير العملية داااكوغ
بقا أنور هي كيشوف فيه عارفو مجرووح وقلبو عامر بهمها..وأي حاجة دارها الا وأنه من ردة فعلو..الانسااان لي كيجمع فقلبو بزااق نهار كينفاجر كينفاجر بمراا..طلع محمد نفس بجهد وقال:انور سمح ليا أخويا دزت فيك
ربت ليه على كتفو وقاا:هي زييد اخويا..احلها مولانا
محمد:عار تالله متهضرش على هادشي قدام عائلتها..ابقا بيناتنا
أنور:تال إيمتا؟؟راه خصنا نلقاو الحل
محمد:الحل عندي..نتا هي طمر على الهضرة وتيق فيا..
انور:(سكت شوي وقال)شغانgوليك..عارفك تتبغيها اما والله منسكت..الى محتاج لشي حاجة انا معاكك واخا نعرف نبيع على قبلها دارنا
محمد بتاسم بامتنان وقال:ههه وسكن فالساس دير شي نوالة ههه
محمد:(باس راسها)انا غنمشي مجيبها صافي..نتي خوي هنا باش ترتاح واخا
فتيحة:واخا اوليدي
دخل محمد لبيتو شاف بناتو باقي ناعسسين باسهم وهز ليها حوايجها وخرج توجه لعندها..دخل لقاها فاقت وتتضحك مع أنور تيتعاودو النكااات ويضحكو..بتاسم وقال:ضحكونا معاكم خههه
وردة:(شافت فيه بحب)والو احبيبي هي شي نكات..دابا نعاودهم ليك منين نكونو بجوج ههه
محمد:ياك أ الالة ههه ياله نوضي لدارك
أنور:ههههه انا برا تتلبسي هقلي على أخر نكتة😂
وردة:تلاح نرتاح اساط
خرج أنور كيضحك وبقاو بجوج..شاف فيها محمد وقال:راشقا ليك ههه هااا؟؟
وردة:ايوا صلي على النبي الماسخ هههه تنكافت الناقصة
محمد:والله الى ههه
طلعو للاوطو ضاحكين كيحاولو انسيوها وتوجهو للدار..دخلو لقاو الدار خوات وفتيحة شادا راسها بخرقة هي شافت وردة وهي طير عليها بنعنيقة وتبوس:اااح هلى كبدتي الله أ بنيتي الله خرجتيها منا اهئ اهئ باش تتحسي اش وقع ليك
بعد مرور يومان..اليوم محمد عندو مباراة الفرقة غيلعبو فالرباط مباراة ودية غتخليه اطلع نقاط دياولو..فهاد اليومين وردة متبعة دواها بانتظام تحت رعاية محمد لي مغرقها رومانسية وحب واهتمام..اليوم محمد فاق بكري دوش وصلى وجد الفطور لبس حوايجو وبغا يفيق وردة لقاها فايقة كتفوه وقال:صباحو ههه
وردة:صباح النور ههه غادي دابا
محمد:وي دابا غنشدو الطريق..لاعبين فالعشية
وردة:(ناضت من بلاصتها وتوجهات لعندو عنقاتو ودورات يديها على كرشو وحطات راسها على صدرو)مكرهتش نمشي معااك
محمد:(ضحك وعنقها)مال مك على هاد ابحنان ههه من لبارح ونتي هي لاصقا فيا تتقلبي على شي منتيف
وردة:(بغدات عليه)خراا كيداير..صباحاتو لله انا فاش وهو فاش..مال عقلك فتحتك واااه وامتتفهمش غمتوحشك..ساعا مع من أنا..زريعة القنب متفهم متسكت
ضحك على عصبيتها وجرها شاد يديها وبيد خرا حاطها على ذقنها وقال:البرهوشة راه انا كثر منك..باغي نديك معايا ولكن ماكايت لاش..انا مالاعبش..من هنا شهر غنلعب وتمشي معايا تفرجي واخا(قبلو فالفم)كنبغيك المشكودرة
### الساعة الثانية صباحا..الظلام والسكات فالزنقة حل محمد باب دارو ودخل كيلقا الظلام..توجه لبيتو شعل ضو كيبانو ليه ناعسيين كلهم ووردة لابسا كسوة حد الفخاض وناعسة علل كرشها والكسوة طالعا تتبام كاملة..بتاسم ومشا غطاها وطفا ضو مشا دوش ورجع لبس حوايجو وتكا حداها باسها فىااسها وغمض عينيه ودغيا داه النعااس
🌄🌄🌄🌄
انه الصباح حبيبي..احلى ما فينا..وأجمل أوفاتنا حينما يكون صوتك بنغمة البحة وتكون ضحكتي تتراقص..فاقت وؤدةتتعجز وتلوح يديها حداها..وكتحس بشي حد حداها..حلات عينيها شافت محمد ناعس على كرشو ومخشي فيها..بتاسمات وحكات عينيها وهزات يظيها حطاتها على راسو تتحكو وهو يفيق وقال بعينين مغمضة:متخلي حد انعس لمشكودرة تمك
وردة:(بضحكة)هههه لا(باستو فحنكو)على سلامتك ههه
محمد:ممممم الله يسلمك
تقلب على ظهرها مسرح يديه ومغمض عينيه وقال؛دوزي داط ريدو باغي ننعس
ناصت مبتاسمة غطات عليه شمش ورجعات باستو وهي تفيق إكليل هزاتها رضعاتها مزيان تاشبعات وبدلات ليها وحطاتها حداه تتلعب بيدبها وتحل عويناتها وتغرغريها مسموع فوذن محمد..فحين وردة وجظات الفطوور وفطرات وجات فيقات توبة وفطراتها ومشات كتقضي شغلها والكونة تإكليل حداها باش ترد ليها البال..رضات الغدا مع الثناش عاد فاق محمد كيتفوه ويعاود..ناض جار صندالة ديال وردة هاشي فيها صباعو ومشا لطواليط غسل وجهو وسنانو وتوضا عاد مشا لكوزينة محسات بيه تاحط راسو فعنقها باسها فيخ وقال:المشكودرة
وردة:فقتي ههه(ضارت عندو)على سلامتك
محمد:الله يسلمك(باستو فحنوكو)صافا؟؟
وردة:مزيااان ههه بيتي تفطر؟؟
محمد:قهوى كحلة الله يحفظك
وردة:واخا..ولكن ضروري تفطر
صاوباتها ليه مع فطور ..بدا كيشربها وبززات عليه الفطور..تاسالا وهي جمعات الماعن وهو مشا لبيتو بغا يهز البيسي تا كتلفت لنتباهو صورة وردة وهي بيبي..خزها من الكوافوز كيشوف فيها مكمش عينيه كأنو كيحقق فيها ويتأكد..سها فشي ذكرى وكيحاول اتفكرها..حتا فيقو صوت وردة تتعيط ليه..بقا هاز الطوف وخرج لعندها نسا كاع اش بغا يهز..لقاها كتقاد شلاضة وقال:حبيبا ديالمن هادي؟؟
وردى:(ضارت شافت فيه)ههههه ديالي..شتي كي تنبااان هههه هاديك فاش كنت صغيرة ياله عندي شي ثلث شهور هاكاك كنشبه لإكليل
محمد:متأكدة؟؟(بتشكيك)نتي هادي؟؟
وردة:ضراتني عيني 😂😂😂ايوا هي هادي..واش متأكدة راه أنا هاديك..متتشوفش الشبه بيني وبين إكليل
محمد:(كيحقق فالصورة ويغاود اشوف فوردة غير مصدق)لا الشبه مكاينش..كون كان كون قشعتو فإكليل نهار لول
وردة:وراه الشبه هي فاش كنت تانا تربية اما تا تتكبر هاد ابانو ملامحها
محمد:(سها فطوف)نووو زعماااا نمكن تكون هيي؟؟
وردة:شكوناهيا؟؟علاش تتهضر؟؟
محمد وعا على راسو وقال:هااا..والو والو..شوفي بلا مديىي بحسابي فالغدا غنتغدا عند الواليدة
وردة:(جمعات ضحكتها وتبدلو ملامحها)واخا😒😒
محمد:تمشي معايا؟؟
وردة:من نيتك؟؟(كطنز)وندي ليها قويلبات تالسكر وايترو تالخليب وشي كيلو ونص تالشريحة وتزاوg ونطلبها تسمح ليا ياك😒😒سير أ محمد قضي غرض لراسك
محمد:(ربع يديه)وشنو دابا لاش هاد طنز كولو😠😠هضري مقاد قولي لا بلا حشيان الهضرة
وردة:ايوا نتا لي تطنز..عارفني مالي معاها وتتgول ليا نمشي عندها
محمد:صافي ماقلنا والو..انا مشيت وغندي توبة
وردة:الى بات تمشي هي سير
مجاوبهاش ومشا حاير مع الصورةهازها فيديه وكل مرا اشوف فيها ويستغفر الله والحيرة ضارباه..هز تيلي عيط لمو علمها بلي جاي..ومشا بدل حوايجو وتريح وتقاد..هز سوارتو وجات وردة لبسات توبة وتتشوف فيه بنص عين
وردة:ها ساكها لتترون حالتها ولا شي لعبة(حطاتها وتمات خارحة تا جرها جابها مااصقة مع صدرو)
محمد:دابا مالنا على هاد التغوبيشة ههه
وردة:وا شوف نتا شتتgول؟؟
محمد:شزفي باش نكون معاك صريح..علاقتك بمدام زهرة عارفها خسرات واخا معرت اش ندير مغتقادش..ومكنعارضش حيت مي دارت علاش..عايراتك ومخلات فيك هي لي نساات وحتا نتي شي يامات فالبدية تزواجنا عطيتيها حقها ومغنتحاسبش معاك..انا ملي هضرت هاكاك قبيل قلت مع راسي نطفيوه الغضب وتنعلو الشيطان ونرتاح تانا مع راسي..هي راه ندمااات ومستاعدة تجي تعتاذر منك..راه هي الجست ديال أنها تجي تعتاذر راه شي حاجة عند الواليدة..ومغنلومكش الى مقبلتيش اعتذارها حقك هذاااك..وهادشي مغيأثرش على علاقتي بك كيفما مخاصمتكم مغتأثرش على علاقتي بيها..غتقولي هاد بنادم دغيا سامح مو ونسا اش دارت وغادي دابا اتغدا معاها بقلب بارد وغنجاوبك ونقوليك والله منسيت ومغنساش..نتي هنا(حاط يدو على قلبو)والى تجرحت ولا بكيتي هذا تاهو تيبكي..نهار قالت ديك الهضؤة راه هضرت معاها ممكن كاع قسحت معاها على قبلك ماشي أناني ندوز الهضرة هاكاك ومنهضرش
وردة:(بجدية)محمد أنا ماشي بنت الخراام ولكن مك كرهتها وبزااف..واقفا ليا ففم gلبي بلا متفكع ولا تقلق gلت هي لي كاين..راه ماشي ساهل ننسا اش دارت..وتتبقا مك وجدة بناتي..مغنحبسكش عليها ولا على تشوفها وتا البنات وقتما بغات تشوفهم ديهم نتا ليها ويبقاو معاها نهار كامل ماشي مشكل ولكن أنا أولد النااس متسناش مني شي حاجة من جيهتها مغنهضرهاش ومغنقبلش كلامها ومغنشوفهاش ونبينا عليه السلام
محمد بقا كيشوف فيها شحال وتنهد وقال:لي بان ليك..عارفك هازا فقلبك من جيهتها(باس راسها)
وردة؛سير وسلم على أسمااء
محمد:مغنتعطلش ساعتين الى كثرث ونرجع
وردة؛واخا..
هز توبة لي كانت لابسا كسيوة فالصفر وجامعا شعرها لفوق..رافقاتو تال لباب ومشا وهي بقات فالدار..توجه محمد لفيلا مو وتوبة لور داير ليها السمطة وتبهضر معاها ويضحك..تا وصلو حل ليهم العساس الباب ودخل..فالجردة كانت زهرة تتسناه جالسا موجدة غداء تالفريح لابسا كسوة كحلة وطالون والشعر مطلوق..تلقات ليه بابتساامة عنقاتو وقالت:مبرروووك عليك
محمد:الله يبارك فبك
شدات من عندو توبة تتبوس غيها:يخليلي الزين تنانا أنا ههه ههه العوينات يا سيدي كيف دايرين
توبة:☺☺☺
محمد:شنو دابا نغير من بنتي ههه
زهرة:معز من الولد هي ولدو خهههه جلس احبيبي
جلس محمد وحط يديه على ركابيه كيشوف فيها هازا توبة تتداعبها:فينها اسماء؟؟
زهرة:عاد عيطت ليها..غتجي باش تغدا معانا ههه بلحق هي نبداو حنا تتجي هي
ضحك محمد وكمل ماكلتو ومو كتوكل توبة تاجات أسماء باستو وجلسات كتغدا معاهم وحس سمير مكاينش..تناقشو وهضرو فكاع المواضيع..حاطين قهيوة وتوبة تتضرب فالحلوة وتلعب بالكورة فالجردة..وهوما فغمار حديثهم تفكر محمد الصورة وقال:الواليدة(جبدها)شوفي واش عرفتي هادي؟؟
شداتها من عندو تتحقق فيها وقالت:ممم لا لا شكون هادي؟؟
محمد:واهي حققي
زهرة:(رجعات تتشوف فيها)لا لا معرفتهاش
محمد:(عتادل فجلستو)عاقلة على زيادة أسماء..فاش كانو جابو ليك بنت خرا وجاو فلخر وقالو ليك تغالطات لينا
زهرة:وي ملي درنا la din
محمد:مجاتكش هاد البنت تتشبه للبنت لي جابو لينا
زهرة:(رجعات كتشوف وتتذكى)ممممم وي شوي..انا معاقلاش بزااف راه تقريبا 23 سنة
أسماء:علاش تتهضىو
زهرة:فاش تزادبتي وداوني لبيتي طلبت منهم اجيبوك ليا وجاوبو بيبي بنت صغير..بقات معانا شي ساعة هاكاك كانت ناعسا مفرزناش الملامح وحتا أنا مع أول مرة نشوفها معقلتش واخت شفتها فالولادة..من بعد جات ممرضة عندنا وقالت لينا بلي غلطاات وجابت لينا بب أخر..الحمد لله كانت ناعسا أما كون رضعنها ههه فين لقيتي أولدي هاد التصويىة
وردة:(طلعات ليا الكناوية)😡😡😡شناااااهو😡😡؟دابا أنا من صباح وانا تنحزر ونبزر فيك ونطلب ومخليت ماgلت..gلت ليك تاج راااسي ونتا اشمن تاج اتريكة النقرا الحرفية..متصلاح لا تاج لا خاتم لا سرتلة..وديك عمارة الداار مالك نتا هو الجبص..سير بيت ليك شي بلوسي يعطيك برووصي أ فصالة ميسيسي..ياك أعوفير ياك..ياك أوجه الصندالة متحشم مترمش كي حميرة جدا الله يخليها سلعا يا وجه الحكاكة..انا قبلت عليك هي بزز باش متبورش😡😡
محمد تكرشخ بالضحك عليها هي كتهلل ةهو كيضحك عليها ويعاود لدرجة ضحكو وصل لعند مو..تفركع عليها بالضحك وهي تتغوت عصيها وهي تقول:تهجرو اوجه الضفدعة😡😡سير اش بيت ليك؟؟لا لا ماشي ليك..ليا انا لي قبلت ذذ وتجوجت بيككك تفووووو
محمد:😂😂😂😂😂😂😂😂😉زيدي الله يحفظك ههههههههههههههه الله اللله على رىحة
وردة:(تتنتر فبلاصتها)واااا زمرررر والخراااا وحزااق سيدي زكرييي😡😡😡وامالك تتضحك اهئ والله تنخرج ونتا سطح راسك مع الحيط.الى اضربني غي خليني ناكلها ونخرج ونتا تفركع gول بووووم ياله
محمد:😂😂😉😉😂😂😂😂اححح اربي شحال موحش هاد الهضوززر😂منك..خهمنذن مالك جدك مسبقا العيب ههههه تا لي بغا يضحك معاك ندمتيه😂😂😂😂😂😂والله حتا ضحكتينب ههههه
وردة:دابا نتا كنتي هي تتطنز؟؟
محمد:اه هههههه
وردة:(عصبها)ايوا زيد الله يلعن زغبة المخيرة فراس جدك عنعنعنعن واحراااام عليك لاش تتعصبني😡😡
خرجات وردة عينيها على وسعهم هازا ليكوش تبنتها وقالت:خرج الله يقل حياااك مبقيتو تاتحشمو
..:sorry..i thought it was a men 's bath
وردةهوكاك هخه (قلباتها انجليزي)it's okay..
بتاسم ليها الراجل وخرج ومشا لحمام الرجال فحين هي ضحكات وكملات شغلها كتبركم وقالت:gاليك حمام الرجال هههه تتبان ليه gد الخلا تصويرة بنت لابسا صايا فالباب وتسحابو تاع الرجال هههه العما أوظي والله ههه
كملات لبنتها ولاحت ليكوش لعامر وهزات بنتها وصاكها وخرجات كضحك معاها وتبوسها تا تساطحات مع شي حد كانت علاين طيح تا شداتها يد..هزات راسها لقاتو نفس الشخص لي غلط فالحمام غوبشات فيه وقالت:مالك أ خويا متتشوفش؟؟مقشعتيش البلاكة تالحمام gلنا مكاين باس اما باش متقشعشنيش راخ بزااف سير دوز على عينيك ولا شوف شيي صالح زور فيه اتريكة الشمندر يخ
...:sorry i can't understand u??
وردة:(عصبها تا ولان تتهضر بالدارجة)gاع لا تأندرستاني تفووو..حيد من gدامي قبل منبدا نخلط..
دازت فيه ومشات كتنكر والطرف موراها تيتحرك وهو حاضيها..وقفات عليه بنت شهبة لابسا كسوة حد الفخاض مع صندالة وطالقا شعرها وقالت:what's wring bb??
..:nothing..were is monir??
وقف عليهم شاب كذلك فمقتبل العمر ولابس مزيان وقال بالانجليزية:فين تعطلتي؟؟ملقتيش الحمام؟؟
..:يس لقيتو هي غلطت فالول(كيقلب على وردة بعينيه)عندكم الزين فالمغرب
منير:سي أكبر دليل أنا هههه ياله فحالنا راه باقي تابعنا بزااف
...:اوك ههه
جر صاحبتو من خصرها وتوجهو فحالهم وصاحبتو لايحا عليه راسها وكتدلع عليه وهو مسايرها كيدور دورة ويخطف بوسة ويضحك معاها..فلحظة ضور وجهو وشاف وردة جالسا مع وفاء كتضحك وتضرب بيديها وشعرها كيطير لفوق مع الضحك..سها فيها وقال:واووو
منير:نعاام؟؟
...:nothing
كملو طريقهم وخرجو فحالهم وعقلو بقات فيه وردة..فحين هي كانت جالسا كضحك مع وفاء ملي كتعاود ليها على قصة حياتها وحبها مع فؤاد..دوزو ساعة كيهضرو عاد ناضو وتوجهو للمحلات..وفاء كدهل تهز وتعزل وتخير وتشاور مع وردة لي هاظا بنتها فالكونة وتترضعها زلي شافها ميقولش عليها مها كتبان صغيرة على أنها ام..وحتا هيئتها مزال صغيرة لانها مغليضاش بزاااف باش تبان أم ولجوج بنات..بقاو من محل لمحل ووفاء تتشري ةتقول مشريت حتا قالت وردة:انا مغنشري والو من هنا غنمشي لمول لمزاار فيه بةتيك تداري صغااار غزاالين بيت لاكليل ولتوبة
وفاء:ونتي مخديتي والو؟؟
وردة:تال لتم..انا باغيا هي شوميز دونوي😉😉
وفاء:ايه السفالة دي يامرسي هههه
وردة:مبلاش مسخرة ياعبدو هيهيهي(قلدات المصريين فضحكتهم)
خرجو من كاري ايدن فجليز ومشاو لامزار فطريق اوريكا..باركاو الاوطو فالباركينغ وطلعو للفوق بلاصة المجازات..دخلو لناع دراري صغار وبدات وردة كتعزل وتخير لاكليل..خدات ليها اونسومبل لاصق ديال لبيبي فالغووز بتقيشراتو وفالصفير وكذلك فالابيض وشي حمالات وخدات طويقيات صغاار من الصوف على حساب اابرد وعاد دازت لتوبة شدات ليها لبيسة دجين عريض بسبرديلة بيضة وتيشورت فيه هيلو كيتي ..كتختار وفرحانة..سالات ومشاو خلصو وخرحو وهي تنطق وفاء:دابا لي شوووميز هههه ياله
وردة:اجي نوريك واحد القنت فين كيتباعو هههه
تبعاتها محملين ودخلو لمحل خااص بالملابس الداخليو..بقاو كيشوفو وطاحو فواحد فالبيج حد الفخاض مشبك من صدر معاه سترينغ بلا سوتيان..خداو منو جوج كل وحدا شدات واحد..دازو خداو عكورا وطلعو لريسطو "amori italano" كاين لفوق كيقادو الاكل الايطالي عشقا(ننصحكم بيه راه غزااال خليوني من بيتزا هات ولا شي عجينة هادو ناس محترفين فالاكل الايكالي وفالعواصر وأهم حاجة لgلاص )تغداو كيضحكو ووردة رضعات بنتها جايبا معاها ربعة تالرضاضع دايرا بخسابها..سالاو خلصات وفاء ورجعو للاوطو كانت الخمسة تللعشية..شافت وردة فبها وقالت:تهدييت هههه والله
وردة:ععهههه (كصحك وتحلون عليه بعينبها)هههههه اش بيتي دير هههه زgا نوريك اش شريت
محمد:(زيىها معاه)خلينا منهم دابا واجي أ حبيبة راجعو دروسنل ههههه
وردة:😂😂😂😂الله يمسخك هههه اشمن دروس
ضغط على ترمتها:هادو أ عمري هههه من لخر مشهيك ودابا ولا نتفركع
وردة:وتفركع ههه
مجاوبهاش شد وجهها بين يديه ونقض عليها بقبلة حنينة خلاتها تجاوب معاه..حتا لقاو راسهم فالفراش بجوج بيهم..لقاتها الوقت نقية وفاتها الحال مافيها لا دم لا والو دار فبها مابغا..محنها وخدا اش بغا بالزكير والضحك..وهي صافي فشلات..طاحت عليه فشلانة وهو كيداعب حنوكهت وقال:عهههه صافي تسالاو ليك ههه
وردة:فففف عيييت أربي واش محلف هلي تتسالني الفلوس
محمد:تنتسالك الخق(هز راسها)ياكما غتسخفي ههه
وردة:حطني عفاااك
هزها من فوقو بشوي كيصحك وحطها حداه وغطاها عارفها حشومية فهاد المواقف..وهي عبنبها تغمضو بالعيا وسخسخها وقالت:وكلت عليك الله فففف
وردة:مي عاودات ليا بلي تاهي بحالي مقدراتش تولد وزحمات تاعيااات ووالو وكنت غنتخنق ليها فكرشهل..واحد السيد كان جارنا وكان طبيب فسبيطار الحومة وهو لي وقف مع با تا داو مي لسبيطار موراها عرفو حالتها خطيرة وغيموت البيبي دار معاهم داك طبيب المزيان ونصح با إدي مي لكلينيك فكازا فيه طبيبة واعرة وتتعرف لهاد الحالات
محمد:يعني نتي ممزيوداش فمراكش؟؟
وردة:لا..تزدت فالاومبيلونص لي قدر داك سيد اجيبها ومع با كانت الحالة ضعيفة تكلف الطبيب بمصاريف الاومبيلونص وبا خلص فالسبيطار زبالة تالفلوس عاد ولدات مي ولكن تزدت مخنوقة داكسي باش مكنقدرش نزحم
محمد:مممم وانا نفهم ههه(تلاح كيبوس فيها فوجهها ويضحك ويحك معاها لحيتو)هاكا كنت درت ليك هععع شلقمت فيك تاعيييت وبستك تا شبعت فصغري😂😂
وردة:(كضحك)ويلي مالك جهلتي ههه
محمد:(طلع فوقها)ههههه فوق جهلت أنا ههه جهاتيني وساليتي معايا(كيبوس)نمممم حلوة نتي ههه
وردة كضحك ضحكة كيتسمع صداها فالدار كاملة تا قلبوعا ماتش أخر
تلاح على ظهرو عرقان وخلاها كتنهج غطات راسها بزربة وحطات راسها على متفو وقالت:تعاود تقرب ليا نعضك هههه صافي براااكا
محمد:(باس راسها)براكا عليك اليوم هههه(عنقها)نعاود ليك واحد البلان
وردة:الله يسمعنا خبار الخير..اش وقع؟؟
محمد:غنعاود ليك على واحد البنتى كنت شفتها فاش كانت عندي سبع سنين هاكاك ولا ثمن سنين..ولدات الواليدة أسماء وكنت فرحااان أول مرة منفرح من بعد ممات الواليد..غتولي عندي ختي ههه وفنهار لي ولدات مشيت شفتها جابوها لينا فبياص غزاالة وبيضة ورطيطبة شبعت فيها بوساان فوجهها تا عييت كنبغي نبعد ومتنقدرش تا جات وحدا نن الفرمليات وقالت لينا بلي غلطو جابو لينا وحدا خراا ماشي ختي ههه ومن داك نهار وديك البنتة فراسي منسيتهاش
وردى:(عوجات فمها)😏😏😏ايوا سير قلب عليها وشبع فيها بوسان تاني
محمد:هههههه الى قلت ليك هاد البنت هي نتي مغتقيش بيا ههه
ضحك وتكاها على صدرو كيلعب فشعرها ويظاعبها فظهرها ويضحكو تا فاقت إكليل بغواتها..هزاتها وردة وعطاتها البيبرون ومحمد كيشوف فيها مبتاسم ممتيقش أن وردة هي قدرو وأنها مند الازل مكتابا ليه وان شاء الله الى الابد
سالات الرضاعة وناضت لوات عليها الايزار وخلاتو هاكاك زبط لاحت عليه الشورط وقالت:تستر اوجه الكوفرة هههه
صباح جديد..استيقظ فيه وأجدها نائمة بقربي بوجهها الشيطاني وشفتاه المتوردتان اللتان تشدانني إليها في كل مرة ..حبيبتي توسدت كتفي ونامت وانا بقيت في حبها اهيم وفي يم براءة وجهها اسبح..فكيف لهذا الازل ان يدوم وكيف لاميرة النساء ان تترجل قليلا من عرش الجمال وترضى بحبي لها...فاق محمد بساعة قبل وردة ودوش صلى ومشا وجد فطورها وخرج هو يجري كيف عادتو كل صباح لانو فالعشية غيشدو الطريق لكازا العاصمة الاقتصادية لي غتقام فيها البطولة الوطنيو للبوكس لي مشارك فيها محمد من فئة مدرب..بعد ساعتين رجع للدار عرقان وحمر دخل ديركت للدوش وخرج لاوي عليه فوطة كحلة وشعرو كيقطر بلما..دخل على وردة لقاها باقي ناعسا بتاسم وشاف إكليل كتحرك غتعلن على استيقاظها ..لحقها قبل متغوت وهزها كيراري بيها باش تسكت باش نتفيقش وردة لي هلكها معاه البارح..بقا كيمشي ويجي بيها تا عيا وهي باقي كتنغنغن وهو يمشي حطها حدا وردة لي كانت مسرحة على ظهرها ومغطيو بإيزار..لبس حوايجو بزربة وخرج هز قهوتو وكاروه وطلع للسطاح كما ورجع لقاها باقي ناعسا وتوبة تتشتف حداها..فيقها ببةساتو ومداعبتو تا فاقت وناضت دوشات وفطرات وبدات كتجمع فحوايجها عرفات غيدوزو تما يوماين والبنات كيكرفسو الحوايج بزااف توبة..بقا النهار كامل فالداار معاها مخرج فين تاوصلات الربعة تالعشية وناضو لبسو حوايجهم..دارت توبة لور ودارت ليها السمطة وحداها كونة تإكليل حداها وطلعات حدا محمد لي مان ضارب الاسود كيف العادة ولباس رياضي..فحين هي لابسا سروال جينز وشوميز بيضة بكمايم طوال وكتجمع وصندالة فالاسود وضفيراتها بارضاهم بلا صباغة بلا والو..شدو طريق لكازا نيشان مجمعين وطالقين الموسيقى وتيضحكو ومرا مرا اوقفو ترجع وردة ترضع إكليل..نزلو لسطاسيون مع سبعة تعشاااو وشدوها ديركت لوجهتهم
وردة:غنبقاو فأوطيل؟؟
محمد:لا ففيلا تالواليدة..طلباتني وحشمت نرفض
وردة:(قلبات زجهها)حسن نمشيو لشي وطيل بلا منتصادفو معاها😒😒
محمد:هي بردي راه هوما بقاو فمراكش وحنا لي هنا
وردة:نممم واخا
كمل طريقو تادخل لكازا..العاصمة الاقتصادية للكغرب لي معروفة بالضجة ديالها..وردة كتشوف من شرجم مباغاش تهضر معاه غلى مو
وصلات الاوطو ديالهم للفيلا تمدام زهرة لي كانت مسبقا موصيا الخدم والعساس عليهم..حلو ليهم للباب ودخلو..نزل محمد وتلفت هز توبة لي كانت غارقا نعاس وهزات هي إكليل..وقغات حداه وقالت:زوينة هاد الفيلا بحال فيلا ديالك فمراكش
محمد:(بشخرية)كانت ديالي هههه
ورظة:اه ههه دابا نعاودو نشريو لخرا حسن من هادي ههه نشريو رياض gااع
محمد:(عنقها بيد)هبيلة وطلاني بيك الله..زيدي احميمقتي راه غتكون عييتي
وردة:بزااف والله ههه
دخلو للظاخل والعساس تبعهم صيكانهم..ستقبلاتهم الخادمة الكبيرة لي حريصة على الشادة والفادة فالفيلا فغياب زهرة..وطلعو للبيت الفوقاني لقاوهم موجدين كلشب حطو بناتهم وحيدات وردة صندالتها وبدلات لتوبة ولاكليل عاد دخلات هي للدوش لقات محمد كيدوش لسقاتو ادوش ليها حيت عيااات..حيد ليها حوايجها ودوش ليها مع شوي تالبيتيز والضحك..وخرجعا عاد شلل هو وخرج لبسو حوايجهم زطاحو كاااو..معقلوش
##
صباح جديد..بنفس جديد فاق محمد متحمس للمباراة معول على انه اربح..كيشوف فوردة وحماسو وعزيمتو كيزيدو..باغي اربح باش اداويها..كيسمد منها طاقتو..فاق فالصباح لبس شورط واصل الركبة والسبادري ومايو اكس وهز تيلي والكيت ومشا اجري فالكورنيش مع ستة تالصباح زخلاهم ناعسسين..بعدو بنص ساعة فاقت ورظة على صوت إكليل وغواتها وفاقت معاها تاتوبة مخنزرة..ناضت وردة نزلات للتحت بزربو ووجدات البيبرون وطلعات لقات توبة تاهي تتيكي ولجو تكهرب كلهم تيبكيو..هزات إكليل فيديها وحطات ليها الرضاعة فمها وهي تسكت وجمعات البكية فحين توبة باقي تتبكي..جراتها وردة حداها معنقاها وهي والو بغات حتا هي تهزها تتسمت فيها وترطب بحرا مجمعات البكية وبدات تتغفا تاني..اما وردة طار ليها النعااس حطات إكليل بلاصتها وغطاتها وكذلك لتوبة عاد ناضت من بلاصتها ونزلات للتحت بعدما كالاتهم بالمخاد..لقات الخدم مباشرين فخدمتهم بتاسمات ليهم وصبحات عليهم وطلبات الفطور ومشات..ياله غطلع مع دروج شافت محمد داخل عرقان..وقفات فالدرجة لولة كتسناه..جاي عرقااان وحمر..باسها فحنكها وقال:صباحو الحب
وردة:صباح النوور ههه مشيتي تجري؟؟مكتعيش راسك؟؟
محمد:بالعكس الجرا كنرتاح فيه..تانتي خصاتك الرياضة
وردة:هههه من بعد ههه بغيتي تفطر
محمد:اه تي اش مفيقك دروك باقي الحال
وردة:بناتك..هههه سير دوش
طلع بعدما طبع قبلة على حنكها وهي بدلات عليها ونزلات لقاتهم وجدو الفطور جلسات تسناتز تاجا وفطرو مجموعين ضاحكين وبقاو هاكاك تافاقو البنات ونزلاتهم غندو..وقالت:محمد داك لبيسين زوين نعومو
محمد:هههعه بناتي باقي صغاار على زواااج..سيري لبسي شي حاجة واحي تعومي
وردة:وإكليل نخليها لوحدا من الخدامات راه ناعسا
محمد:واخا ههه انا سابقك مع توبة
مشات طلعات بزربة قلبات وسط داكشي لي جابت هزاات دوبياس فالاسود ولاحت عليها كسوة خفيفة فالابيض ونزلات كتجري..لقاتز حيد لتوبة حوايجها ونزل معاها شاد فيها وداير ليا لبينو زويين شادها بيه..طلعها ونزلاها وقال:غتعومي هاكا؟؟
مجاوباتوش حيدات الكسوةوبقات بدوبياس تصدم وشرع عينيه وهي نقزات للابيسين تاتسمع بشاااخ وهو يقول بالغوات:يحرق طواسل مك😡😡حيدي دين مهم كاااع وتهماااي..لاش نازلة هاكا..الفيلا فيها العساس والشبفور ونتي لجاهلة تمك نازلة هاكا
خلا توبة فبنوها تتعوم ومشا عايم ليها هي شافتو وهي تهرب كتعووم وتبعد عليه ساعا محسات بيه تاطلع من قدامها ونفض الما عليه مخنزر والكناوية لاعبا ليه فراسو..عرفات راسها غتقفرها وهي طير عليه ببوسة لفمو وعضاااتو فشفايفو ويديها على عنقو كتحس بيه مداير تا ردة فعل بقات كتبوسو حتا حسات بيه ترخا وشدها من قرفاتها كيبوس فيها بعنف وغضب ويعضها بجهد..وهي تجرحات وتتحاول تبعد ساعا كان قواا..مفبفو هي غوتة تتوبة قبل مطيح فالما..توقف بسرعة وشافها طاحت..عااام بسرعة وطلعها باقي مشربات والو تالما..فحين وردة جمدات بلاصتها وشافتو مطلعها تخلعات وخرجو هينيها..تتشوفها تتكحب ومقدراتش تتحرك
محمد:(كيحرك فيها)وردة..بب صافي موقع والو خرجي عندها ياله
وردة:الصمت
ملقا ميدير وهو يصرفقها بشوي لوجهها عاد وكضاات وبدات تتبكي وتهرنن ومشات عايما تاخرجات وتوجهات عند توبة تترعد هزاتها تتقلب فيهل وتتدير ليعا الاسعافات الاولية باش توكد تا تهنات عليها عاد عنقاتها تتسكت فيها وبجوجهم فازكيين..بقا محمد هي تيشوف فيهم تاتوكدات وهي تشوف فيه وقالت مغوبشة:اهيا فيك على ديك تبربيقة للمgندز لولدك😠😠
محمد:هههه فرعتك ههه نتي لي نازلة اولا بحالا ماكاين رجال هنا..قزيبتك كلها تتبان😠😠وزايداها بايساني تا نسينا راسنا ولبنت
نزلات حتا هي ونزلات كاسكيط هلى وجهها..هزات بشوي راسها وكيبان ليها العلم المغربي فينما مشيتي..والجوقة والناس من الصحافة ومن الجامعة وحتا الناس العاديين..دوزها من قنت اخر وقالت:علاش مدخلناش من للباب
محمد:غندوز لفيستير ونتي لللبلايص(مد ليها تيكي)هاهي التيكي ديالك فيها رقم الكرسي
شداتها وسكتات متبعاه..دخلها من باب مظلم وبقاو غاديين فكولوار تا خرجو فحدا الفيستير وقال:سيري من هنا نيشان وغتخرجي فدروج طلعي منهم وغتلقاي البلايص
ضحكات ومشات وهو بقا واقف كيشوف فيها تا غبرات وقلب الضورة للفيستير لقا الكوتش لي كان دار ليهم الفورماصيون فإفران وتيهضر مع باقي المدربين..دخل بدل عليه ولبس شورط وسبرديلة والفوق عريان وصدرو مطرااسي وفيه زغب..وجلس حداهم وعقلو مرفوع..عمرو فكر وتشبت بأنه خصو يربح تال هاد المرة
وردة تفارقات معاه ومشات ديركت منين نعت ليها..طلعات مع الدروج وخرجات فباب القاعة لي كانت عااامرة بجهد ومقسمة لبلايص تناس تالجامعة..لبلايص الصحافة ولبلاصة الجمهور..تضهشرات من الكم الهائل من الناس لي كاينين..حيدات الكاسكيط وقلبات شعرها للجنب ومشات كتقلب على بلاصتها لان الاماكن محدودة وكلشي بالارقام..لقات بعد مشقة بلاصتها جلسات حدا الناس شادا الكاسكيط فيديها ومتحمسى تشوفو لاعب..بقات جالسا لمدة ساعة تا ضربات الخمسة والقاعة عمرات كثر والجمهور هاز شعارات وكيغوت ويرددها..اليوم هو اللخظة الحاسمة بين محمد امين للساجدي ومدرب فرقة أخرى من شمال المغرب..دخل محمد رفقة مجموعة من الناس منهم الطبيب ورئيس الجمعية وفيرهم..مخنزر ولابس قفازاتو..ظاخل سخون وبداو الشعارات والغوااات والتصفيق مرافقين لصوت المعلق شافتو وردة وتهز قلبها وهو كيضور راسو كيقلب عليها ..جات عينبها فعينيه وصيفتات ليه 👍بيديها وغمزاتو بتاسم ليها وطلع للحلبة عاد دخل المدرب لاخر بنفس الحماااس ونفس الغواات لان أغلب الحضور هارفينهم من خلال المبارايات ظيالهم..وقف الحكم بينهم وعطا القوانين وكذلك الاشارة باش ابدااو..وبدا الصراااع بينهم دقا فيا دقا فيك والساجدي كيتحرك باحترافية ويضرب قاني ليه على كرشو لانو محاميهاش..ووردة كتفرج ومحساات براسها تاوقفات وبدات كتهضر بحالا جالسا فقاع دارهم:فااازي محمد ياللله كوووغااااج...ضرب ضرب(شافتو ضربو دقا لنيف رعفاتو وهي تصفر بجهد)ووووو برااافو
ملشي لي حداها كيشوف فيها ويتعجب ولان القاعة عامرة ماشي بزااف لي ردو ليها البال دارت الكاسكيط بالمقلوب وتلفتات بان ليها واحد هاز العلم المغربي وقالت:أرا أخا هاداك زيف نوريك اش تيديىو بيه
.. :اش باغاه؟؟
وردة:واهي أرا..ياك جايين تشجعو ايوا شي وقيفة الله يرضي على ولدي نشجعو هههه
وردة:تي ري تي تي ري تي تي محمد هههه كوووغااااج..ضرب ضرب ههه
...:وا ساطا تي راك نشطتي القنت
وردة:وقف وغوت معااايا هههه شحال تعطي غيغلبو ههه
..:تي راه باينا..اجي نوريك واحد اللعيبة
جلسات وجبد تيلي وراها فيديو محمد فاش لعب ضد الشبر وطيحو بالكاو هي تصدمااات وقاات:واواو هههه كينكو ديالي هههه وقف
وقفات وبداات كتصفر وتشجع ومحمد مكونسونطري مع اللعب..سالات الجولة الاولى لصالح محمد..وحبسو..مشا غسل فمو وطلع عينيه لقاها محيحة شد وجهو ييديه وقاال لاحول ولا قوة الا بالله..كان عارفها غدير كثر..الى مع الريال وتتحيح عساك راجلها..بدات الجولة الثانية وناض تاني وبداو فالعرااك ديالهم تحت تشجيعات الناس وتصفيرات وردة وأمام رؤى الجامعة..وسالات ثم دخلو للجولة الثالثة والاخيرة والحاسمة وكانت شبه قاسحة..تلقا محمد ضربة لوجهو ولفمو تاخرج ليه الدم وطاح ليه الوااقي..ياله غيضرب المنافس وهو يخوي بيه وطاكا على راسو حتا حصرو فزةوية ونزل عليه بالضرب محمد تا مباقي قد..جابو كاااو للاىض ووردة تتغوت وتصفر بوحدها..شافت شي دراري هازين دربوكة وهي تشدها من عندهم وبدات كتضرب فيها وكلشي كيضرب معاها القنت لي جالسا فيه كولو تيضحك ويشجع معاها..اما محمد مشغول كيخلي داربو المتافس ديالو مرحموش..كيبغي ابعد كيتفكر وردة وكترسخ فراسو فكرة أنه خصو اربح والسلام..ضربو مزيان تا فكهم الحكم والجمهور مع كل ضربة كيتزاد الغوااات..تدخل الطاقم الطبي ووقف المنافس مع نهاية الجولة ..بقاو بجوج مع الحكم شاد فيديهم وكلشي كيتسنا الفائز حتا تهزات يد محمد وهي تغوت وردة وصفراااات وكتصغفق وتنقز بلاصتها فرحاانة وتعاود تشطح وتنقز مقداتها فرحة..والفخر بان فعينيها..شاف فيها محمد وبتاسم ليها بحب..وعلى إثر هاد الابتسامة سمعات وردة جوج بنات كانو حداها تيهضرو
...:ياختي شوفي على تيتيز..انا كنت جايا على قبل لاخر ساعا هذا صدق متيتز
...:شو هي صدر كي داير وعضلات الكرش كي واقفين لا شحمة لا جوج داكشي ناضي ههه احح انا حبيبت
...:هههههه دابا هاد توت محال مزوج باقي صغير
...:محااال ياختي ايوا ياله تباليو قبل ميسالي هههه
وردة سمعات نصف المحادثة وطلعات حاجب ونزلات لاخر وهي تجلس وقالت كأنها سمعاتو بصدفة وبغات تجمع وهي تقول:لا لا أحبيبا ويلي مزوج نتي مولات الخير وعندو جوج بنيااات
وردة:ايوا هنا هداي علي ههه منعرف علاش مجاتش..ةلكن راه غزااالة وفنة وتيحماااق عليها
...:تانتي كلهم هاكا بلاتي تا يتشهر وتشوف واش غيبقا اشوفها بوحدها خصها هي تدخل عليه الحبة
وردة:ويلي يالحبيبة(كتورك عليها)راه واخا تشوفيه هاكاك راه خانز فلوووس قلبي فكوكل على الساجدي وتشوفي
...:احاي على خانز فلوس ههه ايوا مزيان اللهم بارك
غمزات صاحبتها وضحكو..ضارت وردة للجهة لخرا ضاحكة وصلات ليهم اش بغات بلا متناحس معاهم مافيها لي يتناتف عاجبها الحال دابا..شافت فمحمد لقاتو نزل من الحلبة وخرج من القاعة عرقات وعندو ضربة عند فمو..ناضت من بلاصتها كي زوفري تتنقز وقالت للناس لي حداها:العشىااان نتقاشعو فساعة خرا هههه
ضحكو ومشات هي تبعات محمد كتجري غتمون بالفرحة..تمشات من نفس المساار فاش جات منو تا خرجات فالفستير..لقاتو دخل وحشمات تدخل ليه وهو ديال الرجال..دخل رئيس الجمعية وهي تقول ليه:عفاااك كلم ليا راجلي
...:نتي مرات الساجدي؟؟
وردة:(بابتسامة عريضة)اه😊😊
الرئيس:مشرفيين هههه مبروووك الفوز انا نعيط ليك ليه
وردة:الله يبارك فيك اسيدي
دخل الرئيس وهي بقات واقفا تتمشي وتجي تتسناه اخرج..مدازش بزااف تا خرج بنفس الحالة شافتو ةهي تلاح عليه عنقاتوووو بجهد كضحك وفرحانة..عنقها تاهو ورفعها من الارض كيزير عليها ويشم عنقها كأنو كيشكرها او كيستمد منها قوتو..كتعنق فيه وتبوسو فعنقو وتضحك ..بعدات عليه وباستو ففمو وقالت بفرحة:مبروووووووك😍😍😍😍😍مبرووووووك اححححح فرحت ليك
محمد:خههههه الله يبارك فيك(باس يديها)كلشي بفضلك هههه تنبغيك
عنقاتو تاني كضحك وقالت:انا لي تنبغيك وتنموت فيك أ كينكو ديالي هههه العمر ديالي..نتا حبيبي نتا خههه
محمد:ههههه كاع هذا فرح فيك هههه راه هي الوطنية لي ديت
وردة:لعgوبة لدولية ههههه فرحت ليييك بزاااف والله
محمد:عارفك فرحتي..شفت الشوهى لي درتي هههه أربي واش محشمتيش شادا دربوكة وتتلعبي والتصفار والتقزاااب انا كون مميزت صوتك غنقول هي شي زوفري تاالخلا ههه
وردة:الفرحة أحبيبي هاديك😍😍😍
خرج رئيس الجمعية لقاهم معانقين حدر راسو حشمات وقال:كيعيطو لينا على حساب اعطيو الميداليات..لبس عليك وتبعني
محمد:واخا
مشا الرئيس حشمان من موقفهم بجوج فحين هوما متسوقوش كيتعانقو زقالت:انا نرجع لبلاصتي تاتسالي ونمشيو
محمد:واخا أحبي واخ(باس راسها)سيري لبلاصتك
رجعات وردة لبلاصتها والعصافير تتلعب فكرشها وعويناتها تيبريو وحشمانة..جلسات بلاصتها تتسناه اخرج..والهضرة واللغو كثير حدااهم كلشب كيهضر..بعد عشرين دقيقة خرج محمد رفقة المنافس ديالو باش اتسلمو الميداليات والجوائز التقديرية..كان لابس سورفيت اسود وسادها وفيه ضربة حدا عينيه باينا مدوش شعرو فازك..طلعو تحت تصفيقات عااالية لامنصة وجاو مسؤولين الجامعة الملكية لي مكلفين اعطيو الميداليات..وبنت لابسا قفطان هازا صينية فيها ميدالية ذهبية واخرى فضية ..علقو ليهم الميداليات ومحمد مبتاسم وخداو صور كذكرى عاد نطق المعلق:والان مع النشيد الوطني المغربي في الختام لهذه الدورة الوطنية للمباراة الوطنية للبوكس
وقف كلشي وحطو يدهم على قلبهم بما فيهم وردة وبدا النشيد الوطني مطلوووق وكلشي كيغني معاه:
نـُـشــهـِـدِ الدّنــيـَـا، أنّ هـُـنـَـا نـَـحــيـَـا
بــشــعــار: الـــلـّــه؛ الوطن الملك
وردة:(فخاطرها)حضي زكك ولا عليك 😂😂😂
تسمعو تصفيقات عالية فارجااء القاعة وتلاوها تهنيئات لمحمد سوا من عند لي نافسو او المسؤولين..دازت ساعة وهو هي فالسلام والابتسااام ووردة بلاصتها تتسناه وهو من بلاصة لبلاصة ودار لقاء صحفي صغير ووردة متبعا ليه العين بشوق وحب..وهو مرا مرا يخطف فيها الشةفة..بداو الناس كيخرجو فحالهم وبقاو هي ناس قلال ستأذن محمد دغيا ومشا جيهة المتفرجين مبتاسم ووقف على وردة وقال:نمشبو أحبيبة
وردة:اه احبيبي ياله
شافت فالبنات لي جمعات معاهم قبيل بنص عين وشدات فيديه ومشاو..هو مباقي تسوق لحد خرج ديركت من الباب لوراني..داز هز صاكو وركبو فلوطو..طلع الزاج تاولا كحل متيبنش وهو يدورليها وجهها ونقض عليها بقبلة لشفايفها بحرارة وهي كضحك وتبعد ويتبعها كيبوس فيها بحب واشتياق..محس براسو تا تكاها ونزل عليها بالبوسااان والهمس بكلمات الغزل وهي كي عجينة الشفناج بين يديه فينما قاسها تتبورش..مطلقها تا برد بوساتو مزيان عاد بعد عليها وهي تضحك حشمانة
محمد:اححح على دوك الشفايف خصهم انحيدو من بلاصتهم
وردة:ههههه اشدارو ليك؟؟
محمد:هاكاك هههه(ديمارا الاوطو)تنحماق على طاسيلتك خخه
وردة:مالك مسوفج..هضر رومانسي gول تنبغيك اعويناتي احبيبة مالك مع طواسلي ههه
محمد:الرجولة ألحب منذ الطفولة خههه
توجهو للفيلا فرحانين وكيضحكو وهي كل مرة كتبظا تهضر على الطريقة باش كيلعب وباش كيضرب وتشكر فيه تاوصلو للفيلا ونزلو ومحدهم تيقربو وهوما تيسمعو الغوات تاع توبة..ظخلات ةردة تتجري لقات الخدامة هازا توبة لي كانت تتبكي بجهد وشادا الخدامة من شعرها تتنتف فيها والخدامة مقدرات دير والو من غير تتحاول تفك راسها..اما لالة توبة مكنززة على شعرها تتبكي وتقول:نينها مامي اهئ اهئ(كتغوت)مااامي😭😭😭😭
وردة:😱ويلي على بنت الهبيل شرشمااات السيدة
مشات كنجري لعندها تتفك فيهم..توبة هي شافتها وهي طلق منها ومدات يديها لمها كتبكي وتغوت وحلاقمعا بيخرجو من بلاصتهم..شداتها وردة وعنقاتخا وبدات كتمشي بيها وتجي تتسكت فيها ولخرا والو واش بات تسكت تتنخصص واخربق فالكلام كأنها كتعاود ليها..جا محمد عتاذر للخدامة ومشات معاجبها حاال..سكتاتها بمشقة الانفس وقالت:ففف مشكلة هادي..مكتسكتش بلا بيا
ضحك المختار وكملو احموع ديالهم على الكباش والعيد..تا وصلات العشا وقال المختار:سيادنا هو هذا..هذا هو جهد لي مبا يبات..السلام وعليكن
وردة:سلم على مي وgول ليها غدا ندوز غندها
المختار:مبلغ..
مشا المختار وبقاو هوما بجوج كيف ديما رضات العشا وتعشاو ونعسو بناتهم وشدو لبسي دارو فيلم اتفرجو فيه..كانت متكية على صدرو..ظهرها فوق صدرو ومحاوط خصرها بيديه وهي شادا يديه تتلعب فيهم ومركزين مع الفيلم التركي لي بعنوان"delibal"..مسالا تال الثناش تاليل وهوما باقي مافيهم نعااس.دارو فيلم اخر وبقاو سهرانين تال ثلاثة ومرا مرا تفيق إكليل وتنوض وردة توجد البيبرون..بقاو هاكاك تانعسو بلاصتهم..فوق التليق واحد بجوجهم..
🌄🌄
مع نهاية الشيء الجميل تبدأ نفسي بالاحساس بالراحة..فما أجمل النهاية حبيبي..وما أجمل الابدية
فاق محمد هو لول لقا راسو معنقها وهي مخشيا فيه ناعسا..قادها فالبلاصة وناض غسل وجهو وسنانو وتوضا وصلى ولبس حوايجو عاد وجد قهوة وهز سوارتو وخرج..قصد دار نسيبو لقاه فايق كيضرب فجوج بطبوطات مع فتيحة مدهونين بالزيت واتاي منعنع وقال:أ تبارك الله دخلتو للفطور تاني ههه واحد الحادكة باقي ناعسا
المختار:اييه واجد بلاتي هي نكمل هاد الدكا ونمشيو راه غنتقداو تال انور معندوش الوقت فاش يمشي
محمد:ايييه علاش لا
سالا المختار فطورو وناض لاح عليه الجلابة وجر البلغة وقال :فتيحة وا فتيحة..افينك أ هاد المرا
جات فتيحة من الكوزينة:هاني هاني..اش بيتي؟؟
المختار:بلا منوصيك وجدي بلاصة الحولي لهيه حدا الباب
فتيحة:عاارفا واش بيتي تبقا تخبر علي هوكا كل عااام راه 25سنة وانا تنديرها واااه
المختار:وانا هي علمتك هههه ياله اوليدي
خرج المختار رفقة محمد وركبو فالاوطو وتوجهو لسوق الكباش دار التونسي فطريق السبت بن ساسي..فحين وردة بقات ناعسا شي نص ساعة خرا عاد فيقاتها توبة تتنغز فيها متذمرة حلات عينيها بصعوبة وهواتها عندها وقالت:مالكي ابنتي
توبة:فيا ديدي..منام نام
وردة:واخا(كتفوه)انا نوض نعطيك متاكلي
ناضو وردة للحمام غسلات وجهها وسنانها وتوضات وصلات وتوبة تتنكر حداها..مشات وجدات ليها متاكل وخلاتها تفكر عاد جمعات الرواين ووجدات لراسها قهوة مخلطة وفطور عادي..فطرات جمعات دار وسيقات وطوات الماريو وردات الغدا وتسناتو تا طااب عاد طفات عليه..كانت الجوج تالنهار عيطات لمحمد مجازبش وناضت هزات بناتها ومشات عند مها..ولي دازت تتسلم عليه..وصلات لسيكتور وهي مريم صاحبو انور القديمة وقالت:مريم(كطنز)عواااشر مبرووكة
مريم:(كتبجg)حجبانك مشروكة
وردة:(بنفس الطريقو)ايوا نتفيهم الى مشروكين هع
خلاتها وزادت كضحك..لقات طونوبيل محمد قدام دار وشافتو هاز حولي على كتافو ومدخلو للدار والدراري صغاار واثفين تيشوفو الخرفان وفينما بان ليهم شي حد جاب الخروف كيتبعوه تاكيشوفوه ويمشيو لدار خرا..وقفات بعيد هازا إكليل وتوبة فجنبعا تتشوف وتضحك عاجبها الحال..خلاتو حتا دخلو عاد وقفات عليهم وقالت:اشاوا جبتوهوم ههه
محمد:(كيسوس يديه)وا تنقولو ههه اش جابك
وردة:جيت نشوف مي هه
محمد:انا غندوز الحولي للدار
وردة:(شافت فالكوفر تاع الاوطو حولي مربوطين رجليه ومدكسينو عينيه كبار وكحلين وبقرونو)😍😍هو هذا هههه زويييم ههه ولايني باينا ضاسر عنداك يكون تينطح
محمد:تينطح هههه باش تشدي الارض
وردة:وداك لي فلبلاصة لهيه تاعمن؟؟
محمد:تاع الواليدة..ضروري كل عام كنشري ليها واخا متنعيدش معاها
وردة:😒😒ممم مزياان
محمد:انا مشيت(باس إكليل)الخنفوسة ديالي ههه
ركب فالاوطو ومشا لدارو فحين هي دخلات لدارهم وتوبة لاصقا فيها من رجليها والزعامة مشااات
المختار:😂😂هاكاوا على ربعين الف ريال هههه تنشري فالمشاش هههه شوفي أتا السيد gدو gداش والعينين كي مبوقلين اما التبعبيعة مكاين هي الله يعطيك صحا وتتgولي ليا ربعين الف ريال..راه ستين هاديك اشريفة
وردة:😛😳😳😳😳ستين الف ريال كاملة لحولي..اهيا ناري الواليد غليتي هاد العام..هي أش زعما خليتوني تاتجوجت ووليتو تتعيدو بالغالي
مراد:بالفيريتي اه ياله خرجي برا😂😂😂راه راجلك شاري ليك جوج اش بيتي باقي مزال وثلاجتك عامرة باقي بلحم السبوع
وردة:خمسا وخميس فعينيك..تتجري علي gالسا فدار باااك..ياكما تسحابك الرحبة ولا الاحباس هادي..اه ضار با
فتيحة:سكتونا ونتوما متتعرفو لا عواشر لا عزو..يخ..شو تبارك الله سي المختار هاد العام داير بحساب نطؤطقو العينين لعباد الله
المختار تقاد فالوقفة ووقف الطاقية فرحان وعاجبو الانجاز وقال:شتي أ فتيتوح هادشي كولو على قبلك باش تنشطي وضحكي ليا كيف العادة😁😁😁
محمد:ههههه(عنقها بيد)ناس تقلقو هههه هي كان طالع ليا دم
زردة:اش مطلعو ليك؟؟
محمد:الصمت
وردة:ايوا ها لي تيقندشني..تتخبي علي..انا تتكون الحاجة صغيرة وتنجي نحطها ليك ..الحزقة نحزقها ونجي نعاودها ليك ونتا تتخبي متنعرف لا اش مقلقك ولا اش مفرحك كون هي متبقاش غامض غيكون خير ليك
محمد:واحبيبة انا بطبعي هاكا..متنعاودش
وردة:وانا شكوون ياك هي مراتك
محند:(باس شغايفها بوسة خفيفة)سي راك مراتي ومامات بناتي وحبيبتي وعمري ولكن انا متيكةنش فيا لي يعاود
وردة:(حدرات راسها)ضبر لمخك😏😏تانا مغنبقاس نعاود
محمد:(هز ليها راسها بصبعو وقال بجدية)تلاقيت مع سمير وطلع لي الظم
وردة:دويتو؟؟
محمد:لا لا هي شتو
وردة:وشافك شتيه فسما قلشتيه..فوت عليك بنادم ولي لاق ليقو ولي مالاق سيقو..من نهار رجعات ليه راه باينا غتصادف معاه مي ميك
وردة:ايوا معندي منديى غنصبر ولكن دابا صافي شريتي يعني التيقار
محمد بقا كيشوف فيها شحااال وهو ينطق:كنت عارفك بنت الناس وغتسامحي فحقك على قبلي هادسي باش كنبغيك..حيت صبارة وتتوقفي معايا ديما..صبراي لشي حوايج تا بنت لمرا متصبرش ليهم
بتاسمات ليه وقالت:انا نعيش معاك هي فبراكة ونصبر..المهم نكونو بجوج
محمد:ههه يخليلي الحولة ديالي أنا ههه
وردة:(خرجات فيه عينيها)شو gاليك حولة..نتا هو الحول والعور ههه
محمد:حيت تنبغيك راه حول وعور خههه
...:بااااااع
توبة:هئ بابا اهئ بوغو
محمد:ههههه اجي ابنتي اجي هههه زوين باعيا
توبة:عنعنعن بوعو حايب
محمد:لا غنديرو ليه جخ هههه
توبة:(مفهماتش)هن
محمد:ههههه ثقيل عندك الفهم هههه
ضحكات وردة وخلاتو اكمل ماكلتو وهي تتوكل توبة
###
ليلة العيد..المدينة القديمة كتنبض بالاجواء التقليدية لعيد الكبيى..البياعا والشرايا منيما دزتي..ها الفاخر ها الربيع ها الماعن والسوبيرات والقطبان..هالي كيمضي الجناوا ها لي كيبرح ويبع واصوات الحوالا مالية دروبا..كانت وردة جايا من راس درب مثقلة بميكااات ومعاها مها مركبا توبة لي تسحلاتها..كانو فالسوق تيتقداو أخر اللوازم لعيد الكبير..جايا وكتنهج:غففف عييت..يخ كنت زوفري وهانيا لوقت..اش داني لشي تاعياليت
فتيحة:الله يعطيكم الحزقا وسط الناااس gولو امين..لي شافكم ميgولش تجوجتو
انور:بنتك لي سامة هههه
وردة:بزااف على مك اسنطيحة الكاميو..تفووو كيداير..معرت اش عجب لطيفة فيك..لا نيف لا فم لا هضرة زينة..خلاصة لا صوت لا صورة كي الهيضورة ماصلاح لا للعادة ولا للعبادة كي حليب الحمارة ميديروه فالقهوة وميديروه فحريرة يخ😂😂وجهك كي سباااط مطرااسي وجا نيفك كي الخصة تسيدي يوسف
انور:تبارك الله على فصالة الحوتة..وجهك كي وجه الموتا مافيه gرام تالضو..لي شافك احمد الله على وجهو خصك حبة وتربحي معانا بومادا
حيد ليها من طريق بابتسامة ساحرة ودازت للكوزينة تكمل شغلها بخحل..كيعجبها الحال ملي كيغازلها ولا كياخد شي بوسة على غفلة ومتبغي تشد زكير كيعجبها تزاكر معاه..كانت ساهيا تاجاتها الدقة فترمتها قفزاتها تا قالت:ق**** سي عباااس
محمد:ههههه ق*** الله سمسخك هههه سيري قادي لاكليل لبيبرون ههه
وردة:واهضر بفمك ابناظم تفووو اححح اربي على لحيمااتي
صباااح العيد..عيد الاضحى..فاق محمد مع الفجر اوضا ونوض وردة بزز توضات ووقف صلا بيها الفجر ودار دعاء وناض باس راسها وخي باست يديه رضا عليها وقال:الله يرضي عليك..سيري ياك بغيتي توجدي شي حاجة
وردة:اه غنرد الروز اطيب هههه
مشات رداتز وهو بقا جالس منعسش وكيسمع الخرفان كيتغاوتو فديور لي حداه وحتا ديالو كيبعبع عارف راسو قربات ساعتو...بقا معاها تا سالات وهو يطل من الشرجم وقال:اواااه الخمسة ونص تالصباح وبنادم خارج للمصلى
وردة:فمراكش الفجر تيخرجو مورا الفجر ديىكت..راه المصلى تتعمر وكايم لي متيصليش فسيدي عمارة تيمشيو لتاعت سيدي يوسف ولا ديال المحاميد وراه الله محبب عندو تمشي على رجليك
محمد:هي خليها ناعسا..انا جاني كون هي بقيتي فالداار
وردة:لا لا الصلا تالعيد متنفلتهاش هههه
محمد:واخا الالة هاهو غادي
مشا محمد للدوش دوش وخرج لبس حوايجو التقليدية لي عبارة عن جبادور فالكرونة مخيط بالكري مع بليغة فالاسود..مشط شعرو ولحيتو لي زادت كثافت..دار تقاشر فرجليه ولبس البلغة وبدا كيرش فالريحة وهي توقف عليه وردة بجلابة فالبيج من لي جابو فالدهاز وبلغة كذلك بيج وشال فنفس اللون وخارج ليها شوي تالشعر شاف فيها وقال:وتاك الحجاب المشكودرو خههه
هز هو إكليل وهزات هي توبة وخرجو فرحانين والضو بدا كيبان فالكون..وقفو عند الباب وكيبانو ليهم الناس لابسين حلالب والجبادورات والعيالات بالجلالب التقليظين المصروعين..وكلشي كيصارح باش امشي للصلا..ومكاين هي مبارك ومسعوود العيد والله يبارك فيك..توجه محمد ووردة مع بناتهم لاوطو ركبو ودازو للمصلى تسيدي يوسف بن علي لي أول مرة اصليو فيها..كانت عااامرة والناس كيبانو فيها على بعد أميال وبحضور الشرطة كلشي منظم ..حط الاوطو عند الكارديان لي كيترزق عالله نهار العيد..وقال:شكون غيعاونك فيهم
وردة:ها مي درووك تجي دايرا معاها هنا
محمد:وباش عرفاتك فين كاينا؟؟
وردة:بيناتنا التيلي
هز التيلي عيط لزهرة لي كانت هي فالارجاء حيت تلفو عليها..جات هي والمختار ..هي لابسا جلابة فالكرونة والنقاب كيف ديما والمختار جلابة بيضة وطربوش حمر وبليغة فالصفر..وقف وقال:أ صباح الخير والتيسير..صباح العيد والعياااد عواشركم مبروكة
وردة:وحجبانك مشروكة هههه نتفهم
سلمات عليه:مبارك العيد أبا
المختلر:الله يرضي غليك..مبارك عيدك..
محمد:ايوا شتي أ خالتي هاني تاني تافقت معاك على لون
فتيحة:ايوا اه تيgولو مرضي نسيبتو عمرو ميتخص ههههه
وردى:ميمتو ميمتو ههههه يالله تفرقو
محمد:هاكي أخالتي إكليل وعنداك تضربها الشمش
وردة:واخا صافي..نتلاقاو مورا الصلا هنا نيت
مشا محمد مع المختار تيقلبو فين اجلسو دايرين الزرابي فوق كتافهم ومحمد داير نظارات شمسية وهوما مشاو جيهة العيالات فرشو الزربيو وجلسو وهي تغطي فتيحة إكليل بايزار على قبل الشعا وقالت:تعديتي عليها كون هي جلست فدارك
وردة:متخافيش ميةقع ليها والو
بقاو جالسين كيسمعو فالامام كيقول:سبحان الله..والحمد لله ولا اله الا انت..سبحان الله والحمد لله ولا اله الا انت..
والمصلى كتعمر وبناظم كيتوافد عليها بقاو حهد شي ساعة عاد تقااامت الصلا..حطات توبة قدامها هي ةاكليل وصلاو الناس..كي سلمو هزات بناتها وناضت هي ومها لي تتبارك لعباد الله العيد واخا ماتعرفهومش..وقالت:يا هاد المصلى زينة..اول مرة نجيو ليها
وردة:ايييه كنت صليت فيها مع انور هه
فتيحة:ياله ياله راه باقي تابعنا الشغل..زربي
مشاو لنفس البلاصة لي تلاقاو فيها وشد من عند مها توبة وتفرقو كلها مشا فحديدو..طلعات وردة للوطو شادا إكليل وتوبة متكية حداها مفاقتش واخا الصدااع..ساق محمد لجيهة دار نسابو حيت تافقو غيسبقوه فالدبيحة عاد انور عاد هوما..ومحمد معارضش رحب بالفكرة..وصلو ونولو هازين بناتهم ومكاين هي مبارك العيدد..عواشر مبروكة بين الجيران والصحااب..دقو فالباب حلات فتيخة ودخلو..لقاو انور والسالكة تاهوما بالتقليدي ومراد كذلك وقالو:مبارك العواشر
انور:عيد مبارك اسيدي ههه(سلم عليه سلام رجولي)
محمد:الله يبارك فيك نعام أس ههه تعيد وتعاود
مراد:(ناض سلم عليهم)تعيدو وتعاودو باشما تمنيتو
وردة:بشي طبسيل تالفاكية اوكان..حيد علي من هاد الكلام المجبجبط هههه وارو الى كان شي فطور خلاص
توبة:ماما منام نام😢😢
وردة:ايوا هاد جدااك مشتنا منها والو..(باستها )صبااح الخييير والربح(كتقلد صوت الاطفال)صباح العيد المنور..ها الصباح هو هذا لي مصبح على خاد توت
توبة:☺☺ماما
انور:عنيبة هههه
السالكة:أ ديك جحمومة حنا مديالش لعيد
وردة:الله أودي مي السالكة..لي منها لمقيبتات هههه(باستها)مبارك عيدك تعبدي وتعاودي..لعام جاا ان شاء الله نلقاوك مجوجة 😂😂😂بيت نgول مجوجة ولدك خههه.
السالكة:الله يمسخك الجحمومة هههه
محمد:(باس راسها)عيد مبارك
السالكة:الله يبارك فيك أوليدي..نتا مول الخيى جلس
جلس محمد وحداه وردة هازا إكليل وتوبة حطوها تتمشي..وحداهم السالكة وانور ومراد والمختار مجموعين على الطبلة
وردة:فين لبيبة هههه
انور:(من تحت سنانو)لطيفة المصيبة لطيفة ابنت الحرااام
وردة: 😂😂لطيفة فينها
انور:مرااتي حادكة خليناها فدار كتحط هر بر هههه
وردة:الحادgة ههههه اهاه دابا تتحشي الهضرة لمك
السالكة:تبارك الله وصلا عنبي عليها فاقت مع نبوري ووجدات هر بر
وردة:ايوا يا مي السالكة ولات عندك العروسة خههه تفرعني دابا على حادة مرات العربي
السالكة:مكاين هي مرات ولدي 😂😂
دخلات فتيحة هازا طبسيل تطاوووس زرق فيه هر بر وموراها لطيفة مرات انور لابسا فراشة فالابيض وشال كذلك فنفس اللون وبليغة..حوايج كيدلو على انها عروسة حشمانة وحدادرا راسها هازا صينية فيها طبيسلات صغار فيهم العسل..ومعالق..حطات فتيحة الطبسيل وتا لطيفة حطات الطباسل صغار وانور حاضيها وتيتبسم..ووردة حاضباهم..تا جلسات حداه حشنانة وهي تنطق وردة:كي صبحتي أ لطيفة ههه اول عيد معانا
منذ الأزل و إلى الأبد الجزء 21
محتوى القصة
التنقل بين الأجزاء