منذ الأزل و إلى الأبد الجزء 22

2018

محتوى القصة

رواية منذ الأزل و إلى الأبد

ذبحو الحولي تالمختار وهي خرجو الشحنة طارت عليها فتيحة شداتها ومسحات للطيفة ولوردة وجههم بيها زعما باش ابقا صاافي..سالاو منو ومشاو للدار أنور وتبعاتهم لطيفة والسالكة..بقا محمد هو لخر وقال لوردة:سيري نتي للدار..دروك نجيو
وردة:واخا..توبة تبعيني
خرجات وردة بعدما ودعاات مها وتوجهات لدلرها..دخلات حطات اكليل ناعسا وحيدات حوايجها لبسات بيجامة خفيفو بسروال حد الركبة والفوق مايو..وجدات الما وجمعات دااار ونضات كلشي وعجنات الخبز وطيباتو وجلسات كتخربق فتيلي تا سمعات دقان والهضرة فالدرووج عرفاتهم هوما..حلات لباب ودخلو ومحمد هي شافها هاكاك كحل بالعما..ياله نطق المختار:سيادنا نبداو
محمد:واخا بلاتي أعمي..(خنزر فوردة)تبعيني نتي
وردة مدات مجابت وتبعاتو للبيت دخلات لقاتو واقف بحال قباض للرواح مخنزر وقالت:مالك؟؟
قرب ليها وجرها من يدها ووقفها حدا الماريو وحلو وقال معصب:عرما تشراوط ومبان ليك متلبسي من غير هادي لي كلها مبيناك..عازلة ليك الترمة والصدر..حيديها كاااع لاش لابساها
وردة:ويلي أ محمد راه مكاين حد
محمد:أنور مراجلش؟؟😠😠
وردة:انور بحال خويا عادي
محمد:عادي ولا فورص مداخلاش ليا ديك الهضرة..لبسي حاجة مغطيااك ولا متخرجيش..ديك الروينة انا نجمعها
وردة:عبقتي امحمد اش فيها؟؟
محمد:(من تحت سنانو)لبسي حوااايجك حسن ليييك😠😠سينو بقاي هنا
داز فيها وخلاها كتغدد وتعيبو من لور..حلات الماريو وجبدات بيجامة طويلو شوي ولبسات سروال اخر مهود وخرجان لقاتهم نحرووه هز راسو شاف فيها ونزلو وكمل ذبيحتو..تكلف انور بالدم جرو للصرب ووردة كتجيب هي المااا وتشد الشحمة والكبدة..خرجو الكرشة وعطاوها ليها وقال انور:هاد العاااام نتفرج فيك😂😂 غتغسلي لكرشة نعااام الالة هههه
وردة:والله واخا نعرف نشدها ونحك بيها لارض لحطيت فيها يدي
انور:شحال القوس أ مول القوس
مراد:احييك الله تتشريه بلا فلوس
محمد ساكت هو والمختار تيديرو اخر اللمسااات والعرق نازل من جبهتو..حيت سلخ😍😍..سالاو وقال المختار:يالله أشرفا عواشر مبىوكة مرااا خراا..وردى بصحة الكرشة هها ها ها
محمد:الله يعطيك الصحة أسي المختار..ذبيح هو عندك ههه
المختار:انا هاني مشيت ها أنور امشي معاك تذبح للواليدى
محمد:هي سير أ عمي راه عييتي 
المختار:ها الجناوا..دوزو بخير عواشر مبروكة
وردة:بسلامة أبا
خرج المختار وتبعو أنور لي محطش يديه فشي حاجة هي تيصور ويضحك..هز محمد الجناوا ولاح عليه الفوق تجبادور وجر بلغتو وقال موجه الكلام لوردة بجدية:جمعي هادشي غمدبح للواليدة ونجي
وردة:شي أوامر خرا😒😒
محمد:😠😠😠
خرج بلا هضرة بلا جوج وتبعز انور وبقات هي بوحدها حطات يديها على جنابها وقالت:جي سوطني حسن ولا عطيني مناش عطاااك الله..بناظم كي داير هي عاgد سبعة فربعة gول تيخلص على الضحكة..يخ متيعرف عيد متيعرف عوااشر..فففف وبلي على حااالة..توووبة عنداااك اويلي تتشتف راه غتوسخي حوايجك
توبة:(تتنقز ومحدورى عند الراس تتقلبو)نونو هههه توتو مومو ههه جوووخ
وردة حارت وبدات كتجمع وتحك الدار وتسيقها بمواد التنظيف باش متبقاش ريحة الدم والزفورية..سالات بالكشيفة ويديها طايبين بجابير..وقفات تتنهج وقالت:ففففف عيييت(سمعات صوت إكليا)اربي ماشي وقتك
مشات ليها هزاتها ورضات الحليب فاض دارتو فرضاعة تسناتو تا برد وعطاتو ليها..رضعاتها وداتها للبيت فرشات ليها غالارض وجلسات حداها توبة لي بحالا هي لي دابحة كلها دم هه..سالات وردة ورشات معطر الجو باش اهوي الدار..ستنشفاتو براحة وقالت:وادابا اااه ههه
مشات لبيتها هزات ماتريال دبالها تالحمام ودخلات دوشات بزربو وخرحات لبسات عليها البيحامة لي كانت لابسا قبيل وطلقات شعرها شادا نصو بقلم طويل..خرجات لبرا شعلات الفاخر وحطات لمجمر براااا..عاد هزات الكبدة دترتها دارت نص طيبة وبدات كتقطع فيها وتقطع فالشحمة وتلوي تا دخل محمد حالتو بالدم..شافت فيه وقالت معفرة:كرفستي ديك جابادور😏😏
محمد:ايوا اه كنا فالدم ماشي تنلعبو
وردة:نمممم
دخل لبيتو هز حوايجو وتلقات ليه توبو هزها تيبوس فيها وهي تتهضر وتعاود ليه اش وقع وهو كيضحك معاها وشاد ليها الخاطر..حطها ودخل دوش وحيد عليه العيا تالذبيحة لبس حوايجو وخرج معطر ومحلق على الحالة لابس قميص فالبيج جاااه اهبل ماشط اللحية وناشط..جلس حداها زشاف فيها بنص عين كيحقق فالبيجامة..مدواش هز إكليل تيلعب معاها وهي تتغرغر معارفا والو..كملات وردة وهزات القطبان وداتهم لامجمر لي حاطا برااا..والريحة شوا كلشي كيشوي فالدرب..وفالساس كاينين لي تيشوطو الريوس والكرعين..رجعات عندو وقالت:سير حضي دوك القتباان انا غنعمر اتاي
محمد هز فيها راسو تيضحك وقال:واخا الالة ههه
خزرات فيه زغما باقي مقلقة ودازت..للكوزينة عمرات اتاي وسمعاتو كيعيط ليها:وردة وردة
وردة:هاني جايا
مشات عندو وحطات صينية لقاتو حاط القتبان وإكليل ردها للارض تتلعب برجيلاتها والسكاتة ففمها..جلسات وقطعات الخبز حط ليها قتيب ومدات ليه اتاي ..ياله غتاكل وهي تحس بيديه على خصرها تلفتات ليه وهو يشقمها ببوسة ففمها خفيفة وقال:بوسة العييد هههه

وردة:(جمعات فمها عندها معفرة)جمع شلاقمك عندك الباسل..ضور ضور وخرج فيا سمك المسموم وجي تبوس
محمد:(كيضحك)خههه وشكون نبزس الى مبستكش
وردة:سير تاتعلم تحكم فراسك ونتا هي واحد جوج ثلاثة تقندش متتعرف عيد متتعرف عواشر😥😠😠
محمد:(لاح عليها يديه)هههه وانتي دايراها قد راسك..واش أوردة عارفا أنور كاين ولابسا ليا مترو تتوب وخارجا..وبغيتيني نسكت والله يهديك
وردة:(باقي معفرة)ايوا gولها بصواب..اش فيها كون gلتي افلانتا دخلي لبسي حوايجك
محمد:نورمالومن عارفاني مانحملش تلبسي المزير والبراني معانا..عاجباك البيجامة لبسيها محبستكش مي ليا ومعايا
وردة:دابا انور براني؟؟
محمد:مراجلش أنور هاااا..هو مراتو راه لاويها فجوج ميترو تتوب وساترها وانا ابقاو اتفرجو فيه..مالي ديوووتي..راه هي متنبيش نحكر اما هاد لباس كولو معنديش معاااه..تيقول ليا شي نهار عقلي ندير ليك الحجاب ونتهنا..كنت هاني فاش كنتي تتلبسي كي دراري مكنتش هاز الهم عارف تاحد ميرد ليد البال دابا نتي عمرتي والفصالة مقااادا..الى انا وتنحواال ملي تنشوفك اش غيدير شي راجل اخر..هادي لولة..ثانية نتي عاطيا العين بهضرتك وحلاوة اللسان وقباحتو وتتحركي بزااف وتتلفتي الانتباه وهادشي كيمرضني فراسي..نتنبغيش نحبسك على شي حاجة ولكن ديري شوي بحسابي وحطي راسك بلاصتي
وردة تتشوف فيه وكتشرمش بطفولية وحس بيها بردان من ملامحها لي ولات عادية وقالت:وا دابا شنو بيتي تزمتني فالحجاب ولا شنو(تتخرج فشنايفها بطفولية وتبلحس عليه)
محمد:(شد حناكها بين يدبه)كون بغيت نديرها غنديرو ليك بزز شحال هادي ولكن لا..والحجاب ماشي زمت انما واجب فرضو عليك الله..وانا مبغيتش نبزز عليك شي حاجة ولكن تانتي شوي هاك وشوي هاك
وردة:راك عارفني مولفا الحرية فكلشي..فلباس فالخريج فالهضرة وتندير شي حوايج هي هاكاك بلا منقصد
محمد:(باسها بلطف)عارفك عفوية ومتتقصديش داكشي باش متنحكرش ومتنقول والو..وانا مزاماكش واكبر دليل اني رادك تقراي ومخليك على راحتك..شوفي وفاء مرات فؤاد تاهي كانت بحالك وفؤاد دار ليها الحجاب وتقبلاتو يعني مزمتهاش
وردة:واخا دابا نشوف..وسمح لي
قربات باستو فحنكو وقالت:ياله واكول ههه
محمد:نتي ولا بولفاف هههه
وردة:(همسات فوذنو)بولفاف هههه اما انا تال من بعد
محمد:بالملحة أحبيبة باش غناكلك فليل ههه
ضحكات وبعدان ورداو تياكلو وتوبة عاطيينها قتيبها فالطبسيل باش متعميش راسها وهي كتغدد ةتجر فيه بدوك سنينات وتاكل وتضحك..كلاو ضاحكين ناشطين تا سالاو وجمعان الماعن غسلاتهم ومشات حكات سنانها ورجعات حداه لقاتو تاهو كحهم وجالس كيلعب مع بناتو..ستاغلات نشغالو وناضت لديك الكرشة معرفات منين تبداها بقات كتشلل وتغسل واكرك وتفكر كي دارت مها ليها فالاعوام لي فاتو وهو نزل الراس والكرعين للدراري لي تيشويو..توسط النهار والحرارة فمرااكش ومحمد ناعس فبيتو وحداه توبة وإكليل اما وردة باقي مضاربة مع المصارن..بقات معاهم تا قاداتهم وطلع ليها واحد الولد الراس ومعرفات مدير ليه وخلاتو فبانيو..سالات وجمعات الروينة وغطات السكيطة بايزار وهي تشوف ضفارها كحلين مشات كحاتهم مويااان..وتوضات وصلات وردات اللحم اتفور ومشات تكات حداه وداها النعاس دغيا مع العيااا
##
ضربات العشية وفاق محمد مع العصر توضا وخرج لاجامع صلا ورجع لقاها باقي ناعسة ومشا هز بيسي ديالو ودار لكيت وبقا مقابل البيسي وكيكتب فيه..فحين وردة خااامرة مع العيا مافاقت تال الستة تالعشية وهي على صوت إكليل..ناضت مبجقلة بالنعاس قادات ليها لبيبرون ورضعاتها فالكوزينة عاد خرجات حطاتها بلاصتها ومشات للطواليط توضات وخرجات لقاتو ساهي فبيسي..جلسات حداه وحطات عليه راسها وقالت:بفففف الملل والله
محمد:واييه بغيتي تخرجي
وردة:مافياااش والله..غنوض نصلي لعصر ونوجد كاسكروط
باسها فحنكها وناضت صلات وحطات كاسكروط وريحة اللحم مفورة عاطيا فالدار .دارو كاسكروط وبقاز جالسين تكاات على كتفو تتشوف فيه تيكتب فالووورد بالعربية وقالت:اش تدير؟؟
محمد:تنقش ههه 
وردة:(مدات يديها كطنز)حني ليا معاك هههه
محمد:جمعي لمك يديك(مركز فالبيسي)تنكتب
وردة:(كتقرا)شنووو هذا..شي قصيدة 
محمد:(سد لبيسي)لا ههه موشحات هههه(عنقها)نوضي نخرجو اضربك البرد شوي
وردة:فففف واخا
ناضت لبسات حوايجها ولبسات توبة لي فيقاتها بزز وهزات إكليل قدامها بركاب توبة ..هاد الاخيرة هزها باها وخرجو وقالت:منديوش طوموبيل نامشاو هي على رجلينا
محمد:واخا
شد فيها بيد ويد هاز بيها توبة وغادين كيتمشاو تا خرجو فجريدة وقالت:نجلسو نشمو لهوا شو شحال عامرة
محمد:واخا
جلسو بجوج تما وبداو كيهضرو وتوبة طلقوها تتلعب بوحدها قدامهم..تا وصلات التسعود تالليل ورجعو للدار بدلو عليهم وملل نهار العيد طاغي على الاجواء..حطات وردة اللحم مفورة مع الملحة زالكامون وبداو كياكلو..رضعات البنت ووكلات توبة..وجلسات حدا محمد كيتفرجو ففيلم تا عيااات توبة نعسااات..ياله حطاتها بلاصتها..لقاتو موراها كيضحك..عرفاتو اش بغا..مخداش ثواني تا بدا كياخد منا اش بغا..بعد ساعات سالات ممارستهم وتلاحو انعسو فانتظاار غد جديد

شرقات شميسة جديدة وضوات ارجاء مدينة مراكش وتخللات بيت وردة ومحمد..فاقت وردة على اشعة الشمس الحارة والعرق كيتصبب منها..شافت جنبها ولقات محمد ناعس على ظهرو عريااان مم لفوق وتوبة عرقانة فبلاصتها..ناضت بثثاقل من حداهم عرقانة وتوجهات للدوش دوشات بالما دافي تحيد العرق وخرجات كتلبس حوايجها وهو بفيق محمد كيتفوه شاف فيها وقال مبتاسم:صباح الحب
وردة:(تلفتات ليه وجان باستو ففمو)صباااح النور هه(بخجل)
محمد:(شدها من يديها)شهاد الحشمة كاملة ههه
وردة:(كتفادى تشوف فوجهو)وا صافي طلق حشومة ههه
محمد:(جرها تا طيحها فوقو ورجع يد ورا ظهرو ويد شاد بيها خصىها)شنوو طالعا معاك تزنيكة على داكشي لي درتي لبااارح هه
وردة:(ولات حمراا)عمري باقي ندير معاك هاكاك..حشوومة
محمد:(كيقبل فوجهها)لا غديىها..وتفوتيها حيت عاجبك الحال وتانا عاجبني دونك عادي
وردة:(حادرا راسها)واصافي دابا..نوض دوش انا غنوجد اافطور
محمد:ههه والى مبيتش؟؟
وردة:(تتحلون)وا عفاااك ههه
محمد:اااحح اقلبي واش دارت فيك المراكشية(طلق منها)سيري احبيبة
ناضت حادرا راسها وكملات لباسها وخرجات وخلاتو..دخلات لاكوزينة كضحك وتفكر معاشرتهم البارح لي كانت خالية من الحشمة وتضحك حشمانة..وجدات اللحم بالقوااام باش افطرو بالقطبان..قطعاتها طرااف صغار وشلظات بصلة وزادت عليها القوااام وبدات كتخلط..فهاد الاثناء محمد ناض ناشط ودخل دوش ولبس وتوجه لعندعا وشعرو كيقطر باسها فحنكها بحرارة وقال:شكاتوجدي؟؟
وردة:القطباااان هههه دابا مع العيد مكاين هي الفطور باللحم والغدا باللحم والعشا باللحم ههه الكاسكروط باللحم
محمد:(همس فوذنها)وتا فليل ناكلو اللحم ننههه
وردة:اداك المقزدر هههه
محمد:انا نشعل لمجمر ههه
خرج برا كيشعل المجمر وهي عمرات ااقطبان وخرجاتهم ليه ورجعات كتقاد فالحليب لتوبة ولاكليل..فاقت اكليل بغواتها وهزاتها رضعاتها وحطاتها حدا محمد فالبيت وتوبة تتشرب فالحليب مخنزرة عدوها لي يفيقها بزز من النعااس..فطرو كيضحكو ومحمد مطلعها عليها تا ناضت بزعفا جمعات الماعن وردات الغدا ومحمد تيلعب مع توبة..تا تسمع صوت الدقاان فالباب..جات وردة من لكوزينة تتمسح يديها ففوطة وقالت:انا نحل هي خليك
تمشات بخفة جيهة الباب وحلات لباب وهي تصدم..كانت مبتاسمة حلات لباب وتلغات بتسامتها..كانت اسماء مع زهرة لابسين التقليدي وواقفبن مبتاسمين..جمعات ضحكتها وبقات واقفا كتشوف فيهم بغرابة تا هضىات اسماء بضحكة:ههه وردة(عنقاتها)مبااارك العييد
وردة:(وعات)مبارك العواشر أحبيبة..مرحبا بيك
بعدات عليها مبتاسمة ومشافتش جيهة زهرة كاااع لي بقات واقفت وتتشوف فيها..تصدمات من ردة فعلها..جا محمد وعتق الموقف وبتاسم لمو وقال:الواليدة مرحباااا
زهرة:(بتاسمات بزز معجبهاش الحال تجاهلها)ولدي حبيبي توحشتك
عنقها:مرحبا بيك الواليدة
زهرة:ربي يخليك اوليدي
وردة:(مخاطبة اسماء)اسماء زيدي متبقايش فالباب
دخلات اسماء لي لاحظات تجاهل وردة لمها ومع ذلك بقات مبتاسمة..فحين محمد بتاسم لمو وقرب ليها وقال:صافا؟؟
زهرة:(غمضات عينيخا وحلاتهم دغيا)الحمد لله ههه ستاغليت الفرصة سمير خرجات ليه خدمة هاد صباح فكازا وقلت نجيو نشوفو البنات ونشوفوك
محمد:احسن مادرتي..اجي
دخلات زهرة متوترة وحاسا براسها هي زايدة على تجاهل وردة مولفا هي لي كتعفر عليها
دخلو للبيت لقاو توبة قالبا البيت ووردة كترد فالمخاد..هزاتها اسماء وباستها وقالت:حبيبة تعمتهاىهههه فنكوشة تالدار ههه الغزالة ديال عميتو هههه
توبة:هنهنهن دادا ههههه ميتو 
اسماء:(عنفجاتها بالبوسااان)اححح يخليلي ميتو انا هههه
توبة:هههه😄😄
زهرة:حبيبة ديال مامي خهه اجي عندي(شداتها باستها)توحشتك ههه
توبة:😄😄😄وينة نوبة ههه وينة
محمد:زوييينة توبة ههه تيعجبها لي يشكرها
زهرة:شابهاني هههه فين الفنكوشة لخرا
محمد:ناعسة..وردة جيبي إكليل..جلسو بعدا
جلسو ومشات وردة بلا خاطر محاملاش تجلس مع زهرة..كتجاهلها قدر المستطاع..هزات اكليل ورجعات حداهم مداتها لاسمااء بلا متعبر زهرة وجلسات بعيد عليها متتشوفش فيها وكتهضر مع اسماء وتسولها على احوالها الدراسية وقالت:تانا غنرجع نقرا ههه غندير باك ليبغ وندفع لميدسيين 
اسماء:مزززيااان والله..حسن متبقاي لاشغل لا مشغالة فالدار تتحسي براسك زايدة ناقصة
وردة:وايييه ههه غنرجع
زهرة:(تدخلات)مزيان ابنتي الله يوفقك😊😊
وردة تصدنات من بنتي ومعارتهاش اهتمام مهزاتش حتا راسها تشوف فيها بحالا مسمعهاتهاش..وكلشي لاحظ هادشي وقالت موجهة لكلام لاسماء:بيت نgوليك كي لقيتي دوارتكم ولكن باينا لي مطليتيش عليها ههه
اسماء:الا حضرت لخويا فاش ذبح ههخ وطلعت فحالي الباقي معرفتو كي خرج
وردة:بشاااخ عليك مذااق هههه نتي معامن جااات هه
محمد معجبوش تجاهل وردة وطلع ليه دم وسكت..تلفت لمو وحاول اهضر معاها وتلفها مع انه عايق بيها تقلقات..ناضت وردة للكوزيتة وجدات ليهم صينية زوينة بكيسان مزوقين والبراد كيشعشع..حطانها ومعاها طبسيل تالحلاوي تدواز اتاي..ومحمد باقي مقندش منها

حطاتهم وجلسات كبات اتاي وقالت:اسماء هزي كاسك متحشميش
هزات كاسها ومحمد شافها مرحباتش بمو وهزو عطاه ليها ومد ليها طبسيل وقال:ايوا الوليدة هاد العام ممسافراش
زهرة:سي غنمشيو للبرازيل ان شاء الله تتنتسنا هي سمير اكمل شي خدمة..وعندنا موراها خطبة 
محمد:شكون غيتخطب؟؟
زهرة:(مبتاسمة)اسماء ههه
محمد:(نلفت ليها مبتاسم)خهههه ايهاااي اش كنسمع ههه هادشي جديد..شكون هاد سعيد الحظ
اسماء:(حشمانة)واحد سيد ههه ضريف وولد الناس
محمد:(بجدية)تنعرفو؟؟
اسماء؛معرفتش..مهندس سميتو عمران الادريسي
محمد:(كيتذكر)عمران عمرااان مممم عمرااان ماشي لي باه عندو شركة البناء الاقتصادي لاااا
زهرة:كان عندو دابا راه ولات sociéte anonyme بحال الضحى والسعادة
محمد:سي تنعرف باااه كنت خدمت معاه فكازااا بغيت نبني وهو لي تكلف ليا..مي ولدو معرفتوش عندك تصويرتو؟؟
اسماء:اه اخويا(حشمانة)واخا
هزات تيلي ووراتو طوف وقال:مممم مبيهش ههه..الله يكمل عليك ههه
اسماء:امييين هههه
وردة:مبررروووك عليك العفريتة ملي هي نسيتي داك عوج المنخر .داك لي فصالتو كي نعامة متعرفي غادي ولا جاي هههه داير كي الغوريلا😂😂
محمد:(بعدم فهم)شكون هذاا
اسماء:(تتنغز فبها)ويلي أخويا معرفتيهاش تتفرق فالهضرة قول الله يستر
محمد:الله يستر ههه ايمتا غيجي؟؟
اسماء:فأكتوبر..غيكمل واحد البروجي واحي باش اكون ليبغ
محمد:ان شاء الله..ولد الناس باه والحاحة لي متشبه مولاها حراام..المهم تكوني باغاه اما الباقي متيهمش المهم راحة البال
اسماء:هو ضريف وتيبغيني 
محمد:(بجدية)ونتي؟؟
اسماء:(بخجل)uii je l'aime
محمد:(عنقها)فرحت ليك احبيبة مبرووك عليك..وليني والله لعرستي قبل متكملي قرايتك
وردة:واقف لينا فسعدنا الله يستر وابينا العرس فاش نشطحووو
محمد:(تجاهلها)المهم الله يسر احبيبة
بقاو مجمعين ووردة مكتجاوبش زهرة والى كانت كتهضر كتحدر راسها وتميك ومحمد راض البال ومعاحبوش الحال..صونا التيلي ديالو ولقاه فؤاد وجاوب وقال:الgلاوي ههه
فؤاد:محمد ههه خويا صافا
محمد:بخيى..مبارك عيدك مراا خراا
فؤاد:الله يبارك..شنو متطلعش عندي
محمد"فين؟؟
فؤاد:للرباط..كاينا العائلة كاملة اجي نتا ومراتك وبناتك
محمد:ممم اليوما؟؟
فؤاد:واشنو..راه من هنا يومايت غنرجع فحالي لامريكا بمرا صيف سالا وانا هنا حدي ههه
محمد:واخا اسيدي مشاات العشية تلقاني تما
فؤاد:غنتسنااك..
محمد:ان شاء الله
قطع معاه وقال:الواليدة تمشي معانا للرباط عند فؤااد
زهرة:شغانديرو تما؟؟
محمد:عارض علينا حيت كاينين عائلتهم كاملة..منها نيت تبدلي الجو
زهرة:لا لا هي سيرو نتوما فغيمون عندي مايدار..راه تابعني الفاكونص والخطبة
محمد:ههه وايلي الخطبة باقي ليها شهرين ونتي تتقولي توجدي
زهرة:مغتفهمش هادشي ههه سيرو نتوما فوجو اصلا كنا غاديين
محمد:غتغداو معانا وسيرو باقي الحال
زهرة:راه من الحداش وحتا هنا وهادي جوج مرا خرااا احبيبي
محمد:لي بان ليك..
وقفات زهرة هزات صاكها وقفات حتا اسماء سلمات على ولدها وقربات من وردة وسلمات عليهة من الوجه ووردة مدايرا تا ردة فعل..سلمات اسماءكذلك وباسو البنيااات وصلهم محمد تال لباب تصيفت معاهم وسد الباب وعقد حجبااانو وتلفت لجيهة وردة وقالت هي بفرحة:غنمشيو عند وفاااءيييس هههه
محمد:(كيحقق فيها مخنزر)عندك ساعة توجدي كلشي وياله الى غاديا
وردة:(ستغربات من طريقتو وميكااات)واخا هه
مشات جمعات لماعن بزربة وهزات بناتها دوشات ليهم دغيا ولبساتهم حوايجهم فحين محمد مشا كيقطع فاللحم باش متخنازش ليهم ويديرها فالميكاات ويسطوكي فالثلاجة عاقد حجبانو ومعصب لاقصى درجة كيبرد سمو فالمقدة تيكرض اللحم..سالات لبناتها ووجدات بيبرون لاكليل لي يقدها فالطريق عاد مشااات جمعان شي حاجة تالحوايج ودهل محمد مخنزر وبدا كيقلب فالماريو بلا ميهضر..سولاتو وقالت:محمد غنباتو؟؟
محمد:(الصمت)
وردة:(كررات السؤاال)محمد..راه سولتك
جاوبها بلا ميشوف فيها كيلبس سروالو:اه
ستغربات لطريقنو وكملات الجميع فرحانة حيت غتبدل الجو..وتوبة تترطا حداها..بدلات حوايجها ولبسات سروال جينز ابيض مع شوميز فالصومو وشعرها جمعاتو كوب شفال ودارت خلخال فرجليها وبلغينة فاصومو..هزات ساك صغير ديال لبنات فيه مسائلهم..تا محمد لبس حوايجو لي كلهم فاللون الاسود وهز سوارتو والصاك وتوبة ونزل وتبعاتو هي هازا إكليل فالكونة سدات الدار وتبعااتو..حطات إكليل لور وحداها توبة وطلعات حداه وهو ديمارا بلا هضرة بلا جوج..مخنزر دار النظاظر ديالو وكمل سياقتو..تا نطقات هي:محمد مالك؟؟
محمد:(الصمت)
وردة:وا البركة مالك؟؟ راه معاك تنهضر
مشافش فيها وقال:اش كاين؟؟
وردة:اش كاين نتا مالك عاgد علينا حجبااانك ياك لباس؟؟
محمد:(تلفت شاف فيها ورجع كمل سياقتو ونطق بسخرية)لا وتتهضري بحالا مدايرا والو..
وردة:اش درت تاني بسلامة
محمد:مدرتي والو ياك..😠😠
وردة:اه مدرت والو..اش كاين
محمد:(نفاجر عليها)شدوك تصرفات تصرفتي مع الواليدة..جايا تتسعااك تاتهضري معاها بدييك طريقة😡😡

وردة:(ببرود)كنتي تتسنا مني طريقة خراا..
محمد:هي نتي قاصدا ديري هاكاك ياااك..قاصدا تهضري معاها هاكاك
وردة:كنتي تتسنا اني نمشي ونبوسها ونطلب منها تنسا لي فااات ونبداو من لول 
محمد:(زعف)لا أ الالة مكنتش ناويك ديري هاكاك..عارفك جرحتتك وهايراتك وقالت ليك هضرة لي أنا براسي منسيتهاش وقلت ليك ابنت الناااس الى مغتسامحيش ليها بلاش..نتي فقنت وهي فقنت..ولايني ملي جات تال عندك طمري وجاوبيها واخا هي بزز هي تتهضر معاك ونتي دايراها بحال شي حيط وصافي تتفوتيها وتزيدي بحالا مكايناااش 😡😡😡
وردة:(بدات كتعصب)وملي نتا تتشوف بلي مك دارت هادشي كولو وعصباتني ومرضاتني فحياااتي لاش تتقول ليا منتجاهلهاش..محمد مك متتعني ليا والو فحياتي غسلت عليها يدي تال هنا(تتنعن ليه لمرفقها)مبقيتش حاملة نشوفها على لهضرة لي سمعاتني..عارفاااني نفيسة وجايا تتسمم فيا
محمد:(ضرب يديه بالفولون)كون بقيتي ساكتا مهضرتيش ومديريش ليها هاكااا😡😡هاااديك مييي مييي يعني حماتك نتي..عرفتها جرحاتك وتحاسبت معاها وبعدتكم على بعضياتكم ولكن نهارتلقاو طمري ماشي تعطيها داك التجاهل كولو😠😠
وؤدة:شوف الله يرحم باااك متزيدنيش هم على هم..انا اصلا gلتها ليك وغنعاود نgولها مك هي لي عمري نسمح ليها واخا تنطابق السمااا على لارض..مرضاتني وهضرتها منساهاش..نتا شفتي هي هادشي لي درت أنا..هاد التجاهل أ سيدي مك كانت كديرو ليا شحال هادي..نهار مشيتي سافرتي وخليتيني 17 يوم معاها فالفيلة منعاتني ننزل لتحت حيت تنحشم بيها وسكتت..تتسيفط ليا الماكلة كي الخدامات ولا العساسا وسكت..وتعايرني فالطلعة ونازلة وسكت..وتزيد بحشيان الهضرة وسكت..هزيتها فاش كانت مريضة ومهضرتش..خليت ليها بيتي وكل قنت فداري وgلت معليش مت راجلي دوز على وجه ولدها..وواخا هاكا ديما تتخشي فيا الهضرة ونكون تنهضر وتقمعني وgدامك ومتنهضرش ومتنتشكاش..ونهار جات وسباتني فقاع داري ومرضاتني بيتيني نسكت ونهضر معاها عادي راه تتسطا علي..متخلينيش أ محمد نفهم بلي فضلتيها علي ولا بلي نتا ولد مك😠😠
محمد سكت مجاوبش عرف راسو هضرتها كاملة صحيحة وتقريبا هادشي كولو حضر ليه..كسيرا بجهد وقال بغضب:دابا صافي سدي الموضوع😡😡هي هو المرا جايا ها وذني منك على بحال هاد الفعايل متيعجبونيش
وردة:متوصلني منوصلها..gلت ليك الى بيتي تشوفها دي بناتك وسير ونهار تبي هي تجي تعلمك باش نخوي لسيادتها الدار😠😠
محمد:لل وليتي تتحكمي فيا ولا شنو..وردة تجمعي شوي😡😡خليني نسرط هاد فهايل لخرا لي درتي
وردة:هاهوما فعايل الخرااا خليهم ليا أنا ومك هي الملاك لي متتحركش الدجاجة على بيضها ولايني سري والله
محمد:الالة بااااز والله تا باااز كون انا درت هاكا لمك كنتي غتسكتي هاااا😡😡هضري كنتي غتسكتي
وردة:كون مي دارت ليك هوكاك كون هضرت معاها وخاصمت علبها اما نتا مدرتي تا حاجة حدك مشيتي دويتي معاها وبعدها تضحك وتنشط معاها بحالا المرا لي مرضات ماشي مراااتك
محمد:(بغضب)بغيتيني نتخاصم معاها ولا نسوطها..راه مي هادييك..نتي براسد كنتي قلتي ليا ولا تقل لهما اف ولا تنهرهما..بغيتيني نخاصمها ولا شنووو..سي متافق معاه ضلماتك وجرحاتك وراه تخاصمت معاها وحذرتها وخيرتها بين توقرك ولا غتسوء الامور وعارفها ندمات وشتيها ملي جات وهضرات عادي راه نسااات
وردة:(تقادات فالحلسة وتتشوف القدام)تنسا ولا لا شغلها هاداك انا هضرتها باقي واحلة ليا هنا واخا تمرمدها ليا فالعسل مدوزش😠😠
تنهد بنرفزة وكمل سياقتو معصب لاقصى درجة ومخنزر ..وهي ردات راسها لور تتشوف فقدامها وتتفكر هضرتو لي صدماتها..دارت الكيت وتلقات اغنية وغمضات عينيها وهو سايق معصب..دازت ساعتين وفاقت اكليل تتغوت..دخل لسطاسيون ووقف وفيقها..نزلات وضارت لور هزاتها وجبدات رضاعة ورضعاتها وهو حاضيها من الزاجة تيشوف فوجهها علامات الانزعاااج خلاها تا سالات وقال ببرود:بغيتي تاكلي شي حاحة
وردة:(بلا متشوف فيه)لا
محمد:توبة فيك جوع أ بابا
توبة:منام نام بابا هام هام
نزل وتوجه للطواليط عاد خرج ومشا تقضا شي خاجة ورجع طلع ومدهم لوردة لي شداتهم بلا متهز عينيها فيه وقال:راه تما كاين سندويش ليك ولتوبة وعصير
شداتو وجبدات لتوبة وبدات تتوكلها اما اكليل حاطاها فالكونة وتتحركها باش تنعس..تسناها تا سالات عاد رجع كمل الطريق للرباط..وهي بقات بلاصتها مهضراتش ومرا مرا تشوف فيه وهي يشوف فيها وتقلب وجهها بزربة..داز الوقت ووصلو للرباط مع ستة تالعشية..عيط لفؤاد وعطاه العنوان تالفيلا ديالو وتوجه ليها ..مسافة الطريق ودخلو لواحد الحي رااقي جدا فيه هي الفيلاات..وقف الاوطو قدام وحدا مكتوب فيها فيلا الكلاوي..نزل وحل ليها الباب مدات ليه إكليل وهزات توبة لي كانت تدور فعينيها..هزات وردة صاكهم ونزلات..وقفو وبلا ميديىو والو حل ليهم العساس الباب وقال:مرحبتااا اسيدي دخل الطوموبيل
رجع محمد لااوطو مع وردة والبنات ودخلها تالباب الرئيسي لقا فؤاد واقف تيتسنا لابس سروال تثوب فالكري وقميجة فمفس اللون خاشيها فسروال وصباط كيلمع مبتاسم كيتسناه

وقف الاوطو وبتاسم ونزل حل لورظة لباب وهز توبة ومشا جيهة صاحبو سلم عليه بالوجه سالام رجولي وقال:فؤاااد ههه
فؤاد:الساااحدي هههه زارتنا البركة كون مقلت ليك احي ماتجيش ولا شنو ههع
محمد:حاشا هي تشغلت مع العيد ةصافي ههه
وقفات وؤدة هازا إكليل:سلام وعليكم
فؤاد:(مد يديه سلم عليها)ختي وردة لباس عليك
وردة:الحمد لله نتا اخويا بخير
فؤاد:برااك الله وفيك..زيدو مرحبا نهار كبير هذا..اجي نتي عندي ههه
مد ليه محمد توبة وباسها وقال:تتكبري دغيااا هاا
توبة:هنهنهنه بابا مومو
محمد:قولي عمو ابنتي
توبة:مومو هههه
باس حتا اكليل ودهلو معاه وعلى الباب كانت واقفا وفاء رفقة العائلة كاملة..كانت لابسا قفطاان فالغوز بارد وشال خفيف هلى راسها وبليغة شافت وردة وهي تلاح عليها تتعنق فيها وتبوس ووردة مبرزطاخا لبنت مداتها لمحمد وهي تلاح عليها عنقاااتها وقالت:بنت الهم هههه 
وفاء:مرحبااااات بييييك توحشتك
وردة:تانا خهه
فؤاد:شو واش عاقل على هذا أ محمد
وقفو قدام خوه سفيان وقال:خهههه كطنز لا ههه مفسد اللحظات😂😂(عنقوو )سفياااان 
سفيان:(اخ فؤاد)الكااارثة هههه (كيتسالم معاه)ساعة مبروكة هادي وا وا سنين هادي مشفناك
محمد:الحياااة أ خويا
فؤاد:وهذا نسيبي سعد راجل سلمة ختي وهذا أحمد راجل لبنى
محمد:اشاوا دوك جوج حليقمات تزوجو😂😂😂مشرفين
نقزات سلمة خت فؤاد من وسط الجماعة:هاد الحليقمات تزوجو قبل منك المصيبة ههه
تلفت ليها وقال:اوووو شو كي ولات هههه(مشا سلم عليها بوجهو)كبرتي
سامى:هههه واضروري تانتا غبرتي
محمد:هي الحياااة..فينها لبنى
لبنى:زعما مبنتش ليك هههه هاني(سلمات عليه )على سلامتك
محمد:لا لا بزااف علي هادشي هههه كبرتو وتجوجتو
لبنى:عاقل بعدا فاش تنجي عندكم لامريكا وتتقول ليا مكاين لي يديك هههه هاهو داني
محمد:مغضور مسكين فيك
الكل:ههههه
توجه سلم على الحاجة حفيضة وسميرة وعنقهم عاد جات نوبة وردة جراتها وفاء وقالت:ايوا أ وردة ماما حفيضة عرفتيها ياك ههه هادي ماما سميرة تاهي عجوزتي مامات سفيان..مرات بات فؤاد
وردة:(سلمات هليها)مشرفين
وفاء:وهادو الحليقمات😂😂لبنى وسلمة خواتات فؤاااد ههه
وؤدة:ساعا مبروووكة ههه
وفاء:وهادي منال مرات سفيان
وردة:مشرفين
بتاسمو ليها كاملين وقال فؤاد:دخلو بعدا
جرات وقاء ورظة وتبعاتها توبة ومشاو لصالة كبيرة تقليدية ودخلو هي هوما العيالا بيناتهم والرجال فصالة خرا..جلسو وتوبة لاصقا فمها وإكليل فيديها بعدما عطاها ليها محمد..بقاو كيتعارفو ويضحكو ووردة كيف العادة دغيا دارت بلاصتها بينهم بهضورها وتعاويدها والضحك..تارجع كلشي تيضحك بالدمووع على نكاتها المراكشيين..
وفاء:😂😂😂😂ها اش قلت ليكم..راه متسخاوش بيها
لبنى:سيري الله يحفظك ههههه شبعت ضحك😂😂
سلمى:ويلي غزالة ديال البنانة😂😂😂😂
كلشي كيضحك واتهز بالضحك ووردة نساجمات معاهم حيت عائلة الكلاوي عندهم ميزة خاصو بيهم هي التواضع كاين فيهم كاملين من صغيرهم لكبيرهم..بقاو مجمعين والطبلة عاامرة بألذ واطيب المشروبات والخلويات..ءوي دخلو ولادهم..اميرة وسليمة ومحمد وبنت لبنى لي اسمها وفاء وولدهم الاخر وكذلك بنت سلمى وولد سفيان جابهم سعيد أخ فؤاد صغير كان مخرجهم للبارك..دخل وتلاح حداهم وقال:العgر ان ءاء الله تفوووو ولاد ولا جنووون يخ بزااف ديك البرهوشة تسليمة واتطيى
وفاء:جيتي ولا جابوك هههه قول هي سلام يعدا معانا ناس
تقاد سعيد فالجلسة بغا يعرف شكون كاين..شاف فوردة وهو يبتاسم وقال:ويلي ويلي ويلي..واش وليتو تتعرفو التيتيز😂😂ويلي شحال غزاالة(مد يديه ضاحك)الغزالة نقدم ليك راسي انا سعيد الكلاوي..اصغر حلقوم فالطاسيلة كيف تتشوفي بوكوص وغزال وباغي نكمل ديني الى قبلتي علي
وردة:😂😂😂لا مقابلاش سير تاتوجد راسك😂
متتشوفش هاد جوج قرطاسات لي حدايا
سعيد:😂😂😂متقوليش ليا بناتك هههه (شاف توبة)واكواااك الحق هههه شو ليك العوينلااات
محمد:خااايباااا
توبة:(عاد قشعاتو)😡😡😡بفوووو حمااال
محمد:(بغا يجرها من شعرها)خايباااا ماما
جرو سعيد بزبة:ابرد اصاحبي واش هاد توت تيضربوه الناس ههعع ولايني توت متيولد هي توت كثر منو هههه
وردة:واش هاد خونا فالله ديما هوكا ولا هي معايا
سعيد:ومراكشية هي جوج هههه انا طحت فسبعة رجااال هههه
سميرة:كون تحشم الله يمسخك هعهه
سعيد:على يديها(شاد فقلبو)اححح اقلبي هههه
وردة:لويه ولوحو متصلاحش معايا هاد الهضرة..رورك بالاك
سعيد:واهي شوفي من حالي هههه
وردة:هههه بنت ليك صالح ولا ضريح سير قلب ساعا بختها وشوف ليك شي سطل
سعيد:لاش الغزال؟؟
زردة:(كطنز)تخوي فيه gلبك😂😂😂
سعيد:عععهههههه معلمة خههه

وفاء:وردة هذا سغيد خو فؤاد صغير..راس الحربة ههه
وردة:مشرفين اسي سعيد..
سغيد:ساعا مبرووكة
وردة:من صباح تال دروكا ههه اسي سعيد
سعيد:ويلي يعطيني ستر على هاذ سعيد كي خارجا من فمك هههه مقلتوش ليا شكون هاد لالة وردة
سميرة:محال واش عاقل على صاحب فؤاد لي كان ساكن معاه قبل ميموت بااك
سعيد:من نيتك..بابا خلا عندي عامين كاع معقلت عليه هو نعقل على صاحب خويا خههه 
حفيضة:هههه ايوا هادي مرات صاحب فؤاد
سعيد:دووماج مزوجة اما كون درنا الكحل فالبيض ههه مالكي زربتي على راسك
وردة:يشحال القوس امول القوس؟؟
حفيضة:ايحييك الله تتشريه بلا فلووس هههه
سعيد:ايوا بغينا نتزوجو ولايني مكاينش معامن هههه ياله انا غنتلاح دابا نشوفوكم..وردة متشرفين
وردة:براك الله وفيك ههه
مشا سعيد كيتمختر فمشيتو وخلاهم كيضحكو ويتعاودو..اما دراري صغار تيلعبو فالجردة..سليمة لقات معامن ترونها وتلعب بطريقتها العنيفة ومحمد قاني على توبة ضور ضورة وتزف عليه بشي حاجة ولا تبعو بجريتها العجيبة وهو كيجري كثر منها وتجلس تغدد وتبكي وتجي سليمة واميرة يحزروها..رونو الجردة باللعب..فحين الرجال مجمعين فصالة خرااا على اتاي والضحك..كيتفكرو ايام زمان وايام العزوبية..
سفيان:باقي تنعقل نهار جيت عندكم هي زيارة واتصورها اخويا سعد وابراهش عندهم 16 عاام مدخلين وحدا عندها 20 عاام للدار وكيبروفيتيو فيها بجوج😂😂لحمااق
فؤاد:ههههه داك نهار تشوهنا فقاع اوروبا بتنا فالزنقة انا وياه فسكة تتران 
محمد:وهو بقا مع ديك خيتي فالدار بروفيتا فيها تاهو هههه
احمد:😂😂😂😂😂😂اودي..زعما حرام عليكم وحلال علي
سفيان:يامات الدجاج الكروازي ههههه 
محمد:اغلبنا دوز الكاوريات وتوخرات ليه بمغربية ههه
سعد:ومغربية حرة هههه
فؤاد:والله متكونو بحال أمين صاحبي لي تريط ودا جيهااان مشيباااااه انا كنقوليه باااز
محمد:وديك الزواق ديال وردة..راه جاب الله لقيتيها زيروها الولاد اما راه عي تتقول لطيور نزلو انا نطير بلاصتكم هههههه الله ينجيك من المراكشيااات الى كعاااو
احمد:ومالك واخدها مراكشية طلع للشماال فيه الزين والثباثة هههه 
محمد:ايةا القلب ضرب لمراكشية ههه وتاهي راه الزين والثباثة ها خليوني ساكت😂😂😂 وهاد الهضرة غنقولها للبنى
احمد:لا لا متقولهاش هههه
فؤاد:الزين فالمغربيات وتسوخر لور ههه
دخل سعيد وقال:سالام
فؤاد:على سلامتك مشيتي مبقيتي رجعتي
سعيد:نتوما ولدو وانا نخرج..واااه اش داك الهجيج والدينن لا لا بزااف عقدتوني فالدراري بزااف بنتك سليمة وا خصها هي معامن
فؤاد:معرفتهاش لمن شبهاات بزاااف على الضساارة الى شتيها ناعسة تقول هادي هي لبراءة ولايني الى فاقت الله يحضر السلامة وصافي
سعيد:اما واحد التوتة لقيتها قبيل مع وفاء ويلي هههه توتة والدة توتة..عندها واحد البنت عينيها قتااالين هاااديك الى كبرااات غيولي الطايح كثر من ناايض..
مخمد:دابا نتا تتنبر علي على بنتي ياااك ههه
سعيد:سبحااان الله متتشبه لحتا واحد فيكن هههه واش نيت بنتك ههه يعني حتا ديك توتة ديال وردة مراتك خهههه اودي تيعطي الفول لي معندو ضراااس😂😂😂

فؤاد:😂😂😂محمد والله منحبسك خلي ضار عشتو
محمد:ههههه جيتيني خوه اما نوريك التوت بشحال طايح فالسوووق ههه
سفيان:ههههههه
سعيد:والله اسيدي تنتقاتل معاك على قبلها هههه وا تتهضر حلوة بالمراكشية والضحك اححح تعشق تبقا هي تسمع ليها
محمد:هههه والله يهديك راه مرااتي
سعيد:هههه بغيتي تحبس قلبي ميحبهاش
محمد دار بحالا غينوض ليه وهو يتخبا سعيد ورا سعد وقال:الا أصاحبي هي تنضحك 😂😂الله يطليك بيها
محمد:هههه تخاف متخشم هههه اميين
كملو هضرتهم ومكاين هي التكياف وحاطين شي كيسان فيهم شي حاجة تشراب بلا ميعيق حد..كيشرب هي محمد وفؤاد وسفياان..جا رئيس الخدم ووقف وقال:موسيو فؤااد العشااا واجد
محمد:واو دغيا دااز الوقت..وصلات العشااا باقي مصلينا تالمغرب
فؤاد:اجي معايا نوريك فين تصلي
ناصو كاملين توجهو للطبلو تالاكل فحين محمد تبع فؤااد دااه لغرفة ااصلاة لي دايرينها بحال الجاامع غرفة كببيرة وفيها الزرابي تالصلا بزااف لقاو وفاء هي ووردة وقال فؤاد:شكاديرو هنا
وفاء:بغات تصلي وجبتها
فؤاد:هافين تصلي أخويا
وردة:شدي ليا إكليل عفااك تنصلي
شداتها من عندها وقالت:واخا هاهي معايا هاحنا سبقناكم
وردة:واخا
دخلات وتبعها محمد لي كان حاضيها وهي تتشوف فيه بنص عين وقال:لبسي عليك شي حاجة واحي تصلي
ةردة:(منفخة)لا هي صلي غنصلي بوحدي
محمد:(بنرفزة)تهزي تصلي بلا صدااع
شافت فيه بعتاب وهزات خفااش لبساتو فالغوز بارد ووقفات وراه وبدا هو بعدما حيد سبرديلتو ووقف صلا بيها المغرب والعشا..وسلم..حيدات هي الخفااش دغيا محاملاش راسها بشوفاتو لي هي تيحنزز فيها..لبس سبرديلتو وتسحابها غيمشي وهو يجرها من يديها مشابك صباعهم وهي مبقاتس فاهماه..تبعاتو تاوصلو للسفرة لي كانو جالسين فيها كاااع العائلة نسا ورجاال مترأس الطبلة سفيان وفؤااد وحداهم عيالاتهم ومواتهم..
فؤاد:الله يقبل

محمد:منا ومنك
وفاء:جلسو متبقاوش واقفين
وردة:اري نشد عليك اكليل
ياله غتعطيها ليها وهوما يسمعو الصدااع ديال دىاري والغوات تلفتو كلهم لقاو توبة جايا تتجري وتتعيط :ماما..ماما..ماما
ومحمد تابعها من لور كيجري وملامحو غاضبة وهي اللون مشا منها وتابعاهم سليمة واميرة ووفاء ولخرين تيجريو..تلاحت توبة على مها بزربة وهزاتها فحين محمد كان بغا يطير عليها وشدو باااه وقال:اه اه اهيا ابشوي على رااسك مال ك معاااها
محمد:(كيتنتر بغا يطير عليها)😡😡😡عنعمعن غنضربها خااايبااااا هنهنهنه
فؤاد:زgا قالاك تضربها..اش دارت ليك
محمد:(بغضب)فشااات ليا كووورتي😡😡غنضربببها غنذبحها بحال كيدرنا للخرووف
ضخك فؤاد وقال:باش الساجدي يقلب علينا الدار ههه
وردة:اديك شنيولة اش داك تفشي ليه كوورتو مالكي تطيري
توبة:عنعنعن حااايب بفوووو..مومو حااايب همنهنهنه باااق (بدات كضحك)😂😂😂بااااق
محمد:(صعر)غنضربببها حمااارة عنعنعنعن خليني نضربها😡😡
حات سليمة تتنهج وقالت:تلاعنداك أ بابا هو لي نتفها وفشات ليه كورتووو
فؤاد:نتي بذااات مغنتيقكش هههه أميرة اش وقع أ بابا
اميرة:(تتشوف فمحمد خايفة وهو تيخرح فيها عينيه)بابا 😢😢
فؤاد:(خزر فمحمد)هي هضري ابابا ميضربكش 
اميرة:(خايفة)هو جرها من شعرها وهي فشاات ليه الكورة وقبساااتو
فؤاد؛(خزر فولدو)مالك ضاااسر اش دارت ليك تاتتنتفها
محمد:(محافض على غوباشتو)حيت خااايبا ضربتها
محمد:ههههععه واش غدير عقلك فدراري صغااار(شد توبة)نتي ضاسرة
توبة:(تضحك)دلت ليه بااااق😂😂😂😂
زادو كيضحكة عليها وجلسو ةهي شدها باها فحجرو والدراري جلسو حدا واليديهم اما إكليل عطاتها وفاء لوحدا من الخدم وحطوها فبيت ناعساا..جلسو كاملين على طبلة العشاا لي عامرة مالذ وطاب..فيها المشوي والمحمر والشلايض والعوااصر فمختلف الانواع..بداو كياكلو ويضهرو تابدات توبة تتبربص بغات تمشي عند مها وهو يمدها ليها محمد..شداتها وبدات كتوكلها وهي تنطق سميرة:ماكليتي والو أوردة؟
وردة:لا أخالتي تناكل هي نوكل توبة وناكل
سميرة:الله يخليها ليك
وردة:اميين☺☺
توبة:بابا وينة انا 
محمد:(الصغيى)لا خااايبااا
توبة:😡😡😡حمااال
فؤاد:ناري واش هاد جوج مغيتلاقاوش ههه
وفاء:متيتحاملوش هههه هي عزيزا على سليمة وهو عزيزا عليه إكليل..غنجوجها ليه ههه
وردة:تانوافق انا بعدا😂😂نتناسب معااك
وفاء"بزز عليك هههه
كملو عشااهم فجو من الضحك والانسجااام وخرجو كاملين لجليسة فيها فتوياات فالجردة وطبيبلة فيها التحلية وجلسو تحت النجوم مكنلين أجموع تاستأذنات لبنى وراجلها بحكم مشا الحال وتبعاتهم سلمة وراجلها وبنتها..وبقاو هي هوما..نطقات حفيضة:انا غنطلع نعس..غييت
فؤاد:واخا الواليدة تصبحي على خير
سميرة:تانا ههه بقاو نتوما الشباب بيناتكم
مساو عليهم وبقاو الشباب بيناتهم وتوبة باقي تتلعب حداهم مع سليمة اما أميرة تخشات فمها بغات تنعس ..وردة هازا إكليل كتراري بيها وهي توقف علبها توبة وقالت:ماما نيني😢😢
وردة:سيري اماما عند باباك وديري دودو انا تنعس ختك
توبة:نااا..نيني  😠
وردة:وابنتي راه ممسالياااش سيري ها باباك انعسك
محمد:اجي أبابا تنعسي اجي
توبة:(هزات كتافها رافضة)ماما😭😭😭اهئ اهئ نيني ماما نيني
ورظة:وا راه ممسالياااش اجي تكاي حدااايا
توبة:ناااا نيني هاكا(كاشير لاكليل بغات تنغس بحالها)
وردة:محمد جرها عفااك اه غتفيق إكليل بحرا منعساات
محمد:توبة ايوا أجي أبابا غتفيقي ختك
توبة:(قندشااات)ناااا😡😡😡😡نيني ماما ناااا
محمد:(خزر فيها)تووووبة😠😠😠
شافت فيه لقاتو محمرهم فيها وهي تقلق وبقااا فيها الحااال مرضاتش اغوت عليها ولا يخزر فيها..جمعااات بكيتها وفمها والدنووع فعينيها وهي تطلق بكيتها بجهد:😭😭😭😭😭😭😭اهئ اهئ اهئ
قلباات الضورة مرضاتش قدامهم وتتبكي وتتنخصص تا شدها محمد الصغير من يديها..هاد الاخير لي شاف كلشي قدام عينيه ومحملش تبكي..شدها من يديها وقال مغوبش فمحمد:علاش غوتي عليها 😠😠
محمد:هههههه فؤاد
فؤاد:هههه زيد ضربو اوليدي هههه شو ليك تخنزيرة
محمد:مخصوش اغوت عليها..لاش بكااها..(عنق توبة)صافي ياله نديرو دودو فبيتي متبقايش تيكي
توبة:(عاد مزادت فالبكا)😭😭😭😭اهئ اهئاهئ اهئ اهئ اهئ ماما😭😭😭
وردة:فففف حرت..محيلتي ليها ولا لكليل
وفاء:هي خليك انا نعسها
ناضت بغات تشد فيها وخبسها محمد الصغير وقال:غنديها معايا أماما لبيتي دير دودو
توبة:😭😭😭دودو ماما اهئ اهئ
جرها محمد تتبكي وعنقها وتيخزر فمحمد وفؤاد ووفاء ميتين بضحك وقالت:لا لا صافي غنزوجها ليه..جاتو الحنانة عليها😂😂زيد أبابا
بقا معنقها وهي تتبكي وتقول:نيني ماما😭😭😭
طلعاتهم وفاء للبيت تدراري للفوق كان بيت كبببير مقسم لجوج تالبيوت..قيه بيت بالغوووز كولو بجوج ناموسيات فيهم تصاور اميرة وسليمة وعاامر بنونوساات فشكال ونواع..وفالجهة لخرا كان بيت محمد فالازرق وفيه بعض اللعاب..جرها من يديها وهي تتجمع فمها معجبها والو..وتتشوف فاالارجاء..داها لبيتو وقال:اجي نديرو دودز هنا

توبة:نانا😢😢😢نااا(كتشير بيديها لبيت البنات)
وفاء:بغيتي ديري دودو هنا فالغوووز
توبة:(اومأن براسها باه وعينيها مغرغرين)
هزاتها وفاء وداتها لسرير أمبرة وحطاتها باقي تتمسح فدموعها وتتقول:ماما..اهئ ماما
وفاء:محمد طلع نعس حداها
حيد محمد الصغير سبرديلتو وطلع تكا حداها تيشوف فيها تتبكي..مد يديه الصغيورة مسح ليها دموعها وقال:صااافي هاكي شوفي هاد اللعبة(مد ليها نونوس)ديالك نتي
توبة:(تتدمع)ديني انا😢😢
وفاء:اه ديالك بوحدك احبيبة(باستها )غمضي عينيك ديري دودو
توبة:ماما😢😢
وفاء:هاهي درووك تجي وتدير دودو حدااك غمضي عينيك
بقات كتلعب ليها فكريشتها وتحكها وتوبة معنقا نونوس وتتقول ماما ماما..ومحمد متكي على كرشو وهاز رجليه لفوق شاد ليها فصبيعاتها وهي تتمسكن عليه..ووفاء حاضياهم وكتبتاسم..تا بدات توبة تتغفا وهي تقلب على كرشها معنقا مونوس وغمضات عينيها وسرحاات فالنعااس..طلات عليها وفاء وتأكدات انها نعساات وهي تقول بهمس:محمد اجي أ بابا بدل حوايجك باش تنعس
محمد:نبقا حداها؟؟
وفاء:اه اولدي نعس حداها اوك
محمد:واخا
هزاتو وداتز للحمام بدلات ليه حوايجو لبساتو بيجامة فالاسود ديال النعاس وعطاتو يغسل سنانو وداتو لسريرو وقالت:بقا حداها ونعس تانتا راه فات وقيتك
محمد:واخا أ ماما
وفاء:براافو على ولدي لي كيسمع الهضرة 
بتاسم ليها وتكا وهي تغطيهم بجوج ومشات..ومحمد تكا على جنبو ويدو تحت حنكو كبشوف فيها..شد يديها وغمض عينيه وستسلم للنعاس..فحين وفاء نزلات للنحت لقات وردة نعسات إكليل وقالت:اجي نوريك فين تحطيها احبيبة
ناضت معاها هازاها وقالت:نعساات توبة؟؟
وفاء:بزز ههه حزرها محمد تا عيا عاد سكتات ونعساات
وردة:مولفاني بزاااف وخفتها تغير من ختها وانا شي مراات تنتلف لمن نشد الخاطر
وفاء:تربية جوج صعيبة وا هي سلكي
دخلاتها لبيت اخر كبير فيه ناموسية وانييق وقالت:هنا غتباتو..حطيها لهيه ونزلي كملي السهرة
وردة: والله مقدرت..عييت وبوقت بالنعاااس
وفاء:تانا عييت وقلت نكابر الى بغيتي مزال تسهري نسهر معاك
وردة:لا أختي خي سيري نعسي ونعسي ولادك
وفاء:تصبحي على خيى احبيبة
وردة:تصبحي على خير
خرجات وفاء وبقات وردة مع بنتها..حطاتخا فوق السرير وجلسات فطرف الناموسية حدرات راسها وهي تطلق العنان لدموعها لي حبساتهم النهار كامل..كتبكي فصمت وهضرتو كتعاود فوذنها..نزلات وفاء لتحت بوحدها وهزات اميرة لي كانت ناعسة وقالت:وردة عيااات وقالت غتنعس
محمد:اه واقلة تانا غنعس
فؤاد:انا نديك لبيتك
ناض محمد وناض حتا فؤاد هز سليمة وودعو سفيان ومراتو وطلعو..وصلو حدا البيت وقال فؤاد:هاهو بيتك أخويا
محمد:واخا شكرااا تصبحو علة خير
فؤاد ووفاء:تصبح على خير
مشا محمد ودخل فؤاد ووفاء حطو بناتهم وبدلات ليهم وفاء زخرجو..شد ليها فيديها وقال بحب:توحشتك..ليوم مساليتيش ليا ههه
وفاء:نههه ايوا كانو ناس ههه
جرها من خصرها تا لصقها معاه وقال:ايوا دابا وقتي نفارد بمرااتي شوي
ضحكات فخجل زتبعاتو لبيتهم..دخل وجلس فوق الفوتوي وجلسها على رجليه حيد ليها الشال وطاح شعرها على وجهها ..باعدو بيديه وقرب باسها فحنكها وقال:نشطتي ليوم هااا
وفاء:خهه بزااف تتفوج علي وردة
فؤاد:وانا متنفوجش عليك ههه؟؟
وفاء:بزاااف نتا ههه(عنقاتو)نتا عائلتي كلها 
عنقها تاهو وقال:ونتي هي كلشي ههه وشنو انا منشربش اتاي ليوم😂😂
وفاء:باقي تيتشحر نهههه سير قلب الساعة بخرا
هزها بين يديه وداها للناموسبة وكملو ليلتهم..فحين محمد دخل لعند وردة لقاها جالسا فطرف الناموسية حادرا راسها وقال:حم حم منعستيش
هزات رايها ونزلاتو بزربة وقالت:لا
ناضت من بلاصتها كتقلب على الحمام..لقاتو وتوجهات ليه ودازت فمحمد لي كيحقق فيها..دخلان وهي تبدا كتبكي فصمت وكترعد..كاع الضحك لي ضحكات هجرااتو كلما تفكراات كلامو..حسسها انها خايبة وتعاملات مع مو خايب وانها مثال للعروسة السيئة..بقات كتبكي لمدة طويلة وتترعد وتغسل فوجهها بالما وتشهق وتعاود تا تهداات وتنفسها كيضيق..ولاو عينيها حومر بزااف ومنفوخيين..فزكو حوايجها من جيهة الصدر..وقفات تتلتاقط انفاسها وتعاود وفكها محاساش بيه حتا تحل لباب وكان محمد لي شافها تعطلات..وقف عليها وقال:مالكي؟؟
وردة:اهئ اهئ الصمت
تلفتات ليه حادرا راسها وتترعد وكلها ساردة وبغات دوز فبه وهو يشدها من ذراعها ولصقها مع الحيط وزيرهل ووقف قدامها وقال:كنتي تتبكي؟؟
وردة:(طاحو دموعها)اهى اهئ لا ملقيت مندير وانا نgول والله تنضربها بتسييقة لزجهي😭😭😭😭اهئ اهئ
محمد"(كيشوف فكها تيترعد)ايييه وردة أغيت غيشدك كلاكاااج ففمك اغيييت
وردة:(تترعد)اهئ اهئ اهئ 😭😭😭😭هى هئ كح كح كح 
محمد:(تعصب)وردةة اغيييت اغيبت مالكي(عنقها كيدوز على شعرها)صافي شووووو حبسي غتعواااجي شوووو
وردة:اهئ اهئ مخايباااش اهئ اهئ واله مخايبتاااات😭😭😭😭
محمد:صافي شووووو سكتي شوووو(زير عليها)صافي
وردة:اهئ اهئ😭😭😭
بقا معنقها وهي كتبكي بصوت مخنوق وترعد..هزها بين يديه كي شويكيك تالهم وخرجها

حطها فوق الناموسية تتشهق ودموعها دايزبن وجا فوقها على ركابيه مسح دموعها بيديه ونزل باسها فراسها..وناض من حداها مشا لصاكها زجبد ليها حوايجها عبارة عن سورفيط فالغوز فيها كتبة بالبيض وجابها ..جلس حداها جر سروال وشوميز وخلاها بدوبياس وديباردو ولبس ليها سورفيت وتكاها عاد ناض هو لبس غليه حوايج النعااسوجا تكا حداها كيشوفها كتنفس بصعوبة وقال:مزياانة؟؟تتنفسي مزيان
وردة:تخنقت هنا ففف
ناض من بلاصتو ودار لعندها جىها تا وقفات وخرجها للبالكون وضربها الغربي شوي وانفساات الهوا براحة وهو شادها من كتفها معنقها خلاها على راحتها مبغاش احكر عليها ولا يقول شي كلمة تاتبرد..هز يدو حطها على فكها لي تيترعد وحط راسها على صدرو. والتيلفونو لداخل تيصوني ومسمعوش.تا تهدنات وقال:صافي ندخلو
اومأت ليه براسها باه وخرجو داها لبلاصتها وياله غيضور لبلاصتو وهو يشوف تيلي ديالو كيفيبىي..هزو لقا نمرة غريبة جاوب بصوت غليض:الو
...:موسيو محمد الساجدي
محمد:وي..شكون معايا
..:معاكك المفتش عماد الدين المرابطي من شرطة مراكش..
محمد:اش حب لخاطر؟؟
الشرطي:كتعرف المدعو سمير وزهرة
محمد تهز قلبو ملي سمع اسم مو واخطر الاحتمالات طاحت فبالو وقال بخوف:اه الواليدة ديالي اش وقع
الشرطي:للاسف سي سمير راجلها دار كسيدة وتوفااا
محمد طاح عليه الخبر بحال الصاهقة وشد راسو وقال:والواليدة..زهرة؟؟ واقع ليها شي حاحة
الشىطي:لا لا مكانتش معاه ولكن سخفااات فسبيطار زحالتها صعيبة
محمد:واها واخا انا جاي..اشمن سبيطار؟؟
الشرطي:بن طفيل المعرووف بسفيل
محمد:(باقي مواعيش)واخا واخا انا جاي
قطع معاه ممصدقش ان سمير توفااا..وردة مانت غتنعس تاسمعات اسم زهرة..تلفتات وقالت بصوت مبحوح:اش كااين؟؟
محمد:(ساهي)الصمت
وردة:(تخلعات)محمد اش واقع مال مك؟؟
محمد:سميبرر..سمييير مااات
و دة:😱😱😱مات

جلس فطرف الناموسية شاد راسو..همو هو كيفاش غتقبل مو الامر..ناضت وردة بزربة وقفات قدامو وقالت:محمد ماشي وقت تصدم دروك نوض خلينا نمشيو
وقف وقال:لبسي حوايجك وجدي البنات غنشدو الطريق لمراكش دابا
خرج من البيت وهز تيلي تلفان تيفكر فحالة ختو وحالة مو كي غتكون..عيط لفؤاد وبعد عدة محاولات جاوب فؤاد لي كان منغامس قعلاقتو مع وفاء:اش كاين😠😠
محمد:فؤاد خرج خرج عندي دابا خرج
فؤاد:مالك أ محمد؟؟
محمد:خرج عندي وصافي
قطع عليه وبقا غادي جاي فالكولوار حاير تا خرج فؤاد لابس شورط والفوق عريان وقال:مالك أ خا قاطع علي الرزق؟؟
محمد:راجل الواليدة مااات
فؤاد:(تصدم)😳😳سميررر اووو الله وأكبر فففف
محمد:عيطت ليك بغيت نقوليك غنمشي دابا لمراكش
فؤاد:لا حول ولا قوة الا بالله..صبر نلبس علي ونمشي معااك
محمد:لا لا مكاين لاش..هي سير تنعس عيطت ليك هي باش نعلمك..سمح لي أخويا نوضتك
فؤاد:اش تتقول هانيا..الى كانت شي كاجة فاش نوقف معاك مرحبااا
محمد:(ربث على كتفو بحزن)برااك الله وفيك اخويا..انا غنمشي دابا
خرجات وردة هازا إكليل وصاكهم وقالت :محمد شد إكليل ونزل انا غنجيب توبة
محمد:واخا
شدها من عندها وقالت:خويا فؤااد فين بيت دراري
نعت ليها بصبعو ومشاات لقات توبة مخشية فمحمد وهو لايح عليها رجليه..هزاتها بشوي وكتقول:بسم الله بسم الله
خرجات ولقات محمد باقي واقف وفؤاد رجع لبس عليه تيشورت نزل معاهم لانحت دارو بناتهم للور ناعسيين وطلعو هوماا لقدام توادعو مع فؤااد ومشاو شادين طريق فالليل لمراكش مهضرووش كل واحد فيهم محتافظ بكلامو لراسو واصلا مكانش لا للوقت ولا ظرف ولا لمكان المناسب للمناقشة..كلها داها فهمو..وردة تتشوف فالزناقي خاويين ومحمد مركز فسياقتو وهمو مو وختو لب غتكون حالتهم صعيبة..دازت ساعة وتاواحد مهضر تا نطق هو:نعسي اوردة راخ باقي الطريق بعيدة
وردة:(تتفوه)لا لا مكاين لاش هي سير عالله
سكت مجاوبهاااش وكمل الطرق والبنات لور نااعسيين محاسينش باش داير بيهم..بعد ثلاث ساعات كانت لوحدا ونص تاليل دخلو لمرااكش وكيف العادة كتبقا هي عااامرة ليل كامل خصوصا الساحة..بعد دقائق وبسرعة ديال محمد دخل لمدينة القديمة وشافتو وردة وهي تقول:غين غاديين؟؟
محمد:(ببرود)لداركم..غتبقاي تما تانجي ليك
وردة:(بامتناع)لا لا هي ديني معاك
محمد:كيغديري ليها ونتي عندك البنااات ..وزايدو بلا متحاكي مع الواليدة
وردة:ايزا راه الموت هادي هي ديني معاك
محمد:(بقلة صبر)راه هضرت معااك..صافي سداات مدااام
بقات كتشوف فيه بنظرة عتاب وهي تحني راسها وسكتات محسات تاوقف بيها قداام دارهم..طلب منها تنزل ونزل تاهو هز معاها البنات ومشا بزربة لحيهة دارهم عيط لباها تاخرج ومد ليه البنات وقال:بقاي فداركم تانجي ليك
حركات راسها باه ومشا هو بلا حتا كلمة وخلاها حايرة..شاف فيها باها لي كان مبجلق بالنعاس وقال:ياك لاباااس مالكم على هاد المجية هوكا
وردة:دخل أبا دهل
المختار:اش وقع؟؟
وردة:(بأسف)مات راجل مو😔😔😔
المختار:داك لي رزااه ففلوسو..ولهلا يرضو تانتي 
وردة:(دخلات)واحشومة راه راجل مووو
فهاد الاثنااء محمد عفط عفطة وحدا مجهد للمستشفى بن طفيل الحكومي..وقفات سيارتو ونزل بزربة وحبسو السكيرتي وقال:اوقف اشريف راه مكاين دخول درووك
محمد:(بغضب)حيد من قدامي اه مي لداخل معيطين ليا البوليس
جا بوليسي عندو وقال:ياك لاباس العزوا
محمد"عيطو ليا على حساب كسيدة دارها واحد السيد اليوم
الشرطي:دخل دخل..سير لهيه وسول
دهل محمد كيجري ووقف على واحد المبعككة فالريسبسيون وقال:عفااك اختي واحد السيدة جابوها اليوم سميتها زهرة الريحاني
البنت:مممم واخا بلاتي نشوف ليك
بقات كتقلب فشي وراق وهي نقول:اه سيدة زهرة لي جات بكريز اه داوها شي ناس لكلينيك
محمد"فاااك(تعصب)معرفتيش اشمن كلينيك؟؟
البنت:ايوا هدا علي انا تنعرف هي ايمتا خرجات..فين مشات سوقكم هذااك
مشا خلاها تتهضر بوحدها وزاد معصب هز تيلي طيعيط للدار عند مو وتحد مكيجااوب وتعصب بجهد وعاود الاتصاال تا جاوبات وحدا من الخدم والصدااع حدااها وقالت :الو
محمد:فينها اسمااء؟؟
الخادمة:سيدي محمد(بدات كتبكي)اهئ اهئمشا سي سمير
محمد:(طلعو ليه القرود فوق راسو)وا فين أسماء والواليدة
الخادمة:اسماء هاهي هنا تتبكي وتعاود ولالة زهرة داوها لكلينيك
محمد:معرفتيش اشمن كلينيك؟؟
الخادمة:لا اسيدي اهئ اهئ ولكن بلاتي نسول خت سي سمير نجمة
محمد:ودغيااا وخلي الخط داايز
مشات الخادمة تتبكي وخلاتو هو بيطير فبلاصتو وتيمشي ويجي ويسمع الصدااع فالفيلا لبضع دقائق تا شك واش غترجع هاد جاوبات:سيدي محمد
محمد:(بغضب)مشيتي تصنعي ليا الخبااار😡😡هضري
الخادمة:اهئ فكلينيك **** و..
قطع عليها مخلاهاش تكمل هضرتها وجرا للاوطو ديالو وعفط تاني عفطة وحدا للكلينسك لي قالو ليه..بعد دقائق معدودة وصل وحبس الفراان ونزل كيجري مشا للاستقبال كينهج وقال:زهرة..زهرة الريحااني اينا شومبر؟؟
البنت:بلاتي اسيدي نشوف ليك
بدات كتقلب وقالت:طاج الثاني الغرفة 45

توجه محمد بزربة للسانسور وطلع لاطابق كيقاب على الغرفة..لقاها وحل لباب ودخل كانت ناعسة فوق سرير لابسا لباس المشفى مركبين ايها سيرووم وصفرة وناعسة وحداها ممرضة تتراقب حالتها..دخل بكل هيبتو وهيئتو الضخمة والنفافر تيخرجو من نيوفو كينهج معصب..نتابهات ليه الممرضة وقالت:شكون نتا أ سيدي؟؟
محمد:(ببرود وعينيخ عليها)ولدها..كبف بقااات؟؟
الممرضة:اه بون..منقدر نقوليك والو..تقدر تشوف طبيب لي عاينها كاين فنفس الطاج فأخر الكولوار
محمد قرب لمو ومجاوبش الممرضة..وقف عند راسها ودوز يديه على شعرها وتحنا هز يديها وباسها قبلة طويلة وخرج تنهيدة حااارة..خرجات الممرضة وخلاتو معاها معرف ميقدم ولا يوخى..كيفكر فلحظة لي غتفيق على وجعها ..على حب حياتها ميت..خمم فختو كي غتكون حالتها وهي بنت باها ..جر كرسي وجلس وبقا شاد فيد مو ويمسح على راسو والهم ضارب ليه فراسو..بقا هاكاك تا عيا ورد راسو لور يرتاااح تاغفااا ومحسش على راسو
####
شرقات شمس جديدة على ارجاء مراكش وارجاء الكون فاقت على اثرها زهرة.حلات عينيها ببطء وبتعب..وبدات كتنين.تفكرات الواقع وبداات كتبكي بصوت وكتنخصص وكلمة ففمها سمير سمير..فاق محمد مذعوور شافها تتبكي وتنتر ووقف شد يديها مدعوووق وقال:الواليدة الواليدة الله يهديك
زهرة:(تتبكي وتغوت)😭😭😭😭😭😭ااااااه اااااه اهئ اهئ اهئ اهئ سميييييير(تتغوت)سميييييير اهئ تهى اهئ سمييييير
محمد:(مزيى عليها)صافي الواليدة صااافي
زهرة:(كتغوت وتركل تاتنتطر ليها السيروم)اااااه اهئ اهئ اهئ😭😭😭مشاااااا مشااااا سمييييير اهئ اهئ سمييييير لاااااا
محمد:الواليدة صافي بىاااااكااااا نعلي الشيطاااام الله بهديك راك تتعذبيه
زهرة:راااجلي راااجلي أ محمد اهئ تهئ ماااات سمير مااات مااات أمحمد مااااات😭😭😭😭مشاااا مشااااا لاااااا علااااااش علااااااش هو علااااش هووو اهئ اهئ اهئ سميييير 
محمد:(عنقها)تتعذبيه هاااكاااا الواليدة دعي معاااه الله يهديبك 
زهرة:(مكتسمعش هضرتو وتتبكي بحرقة)😭😭😭😭😭😭 سميييير سنيييير سمييييررررر راااجلي اهئ اهئ
عنقها محمد وبقا كيسكت فيها وهي كي شي حمقة مبقات مستوعبة والو هي تتبكي وتغوت باسمو..جاتها الصدمة قوووية ومقدراتش تحمل..كانت معولة تدوز معاه الصبف وموراها احتافلو ببنتهم الوحيدة لكن ليست كل ما أرادته الانفس يوافق عليه القدر..انما الحياااة اقدار وأ قدارنا بأيدي الخااالق
بكااات زهرة جهد شي ساعة وكل مرة تعاود تنطق اسمو وضرب صدرها بحرقة وتعنق محمد وتبكي..حتا عيااات وجهدها طاااح وقالت:بغيت نشوفو اهئ اهئ لاخر مرة اهى اهئ بغيييت نشوفو😭😭😭😭راضياااا عليك الى مخليني نشوفو عاد ادفنوووووه
محمد:واخا هي وكدي شويي ونديك للدار
وهرة:(تتبكي)😭😭😭😭😭اهئ اهئ اهئ اححح سميييير مشااااا مشااااا راااجلي اهئ
محمد:الله يهديك الواليدة راه غتعذبيه الله بغاااه دعي معاااه
زهرة:😭😭😭😭
بقات تتشهق وتبكي تاني ودخلات الممرضة والطبيب فحصوها وسمحو ليها تخرج بشرط تعطي راحة لراسها..خرج الطبيب وبقات الممرضة وخرج محمد خلاها تلبسها حوايجها وزهرة مبقاتش تتهضر سكتات هي دموعها لي نازلين ..لبسوها حوايجها باش جااات وشعرها بقا طاايح على كتاافها جمعاتو ليها بلاستيك وخرجات عيطات لمحمد..لي مشا اخلض لقاه مخلص خلصاتو خت سمير نجمة..رجع شد فيها وقال:تقدري تمشااي؟؟
زهرة:(تتشوف قدامها وساكتة ودموعها نازلين)😭😭😭😭😭
سكت مجاوبهاش وشد فيها معنقها وغادي بيها مخرجها..دخلها لاوطو ودار ليها سمطة وهي مكتهضرش..طلع من الجهة لخرااا وساق متوجه للفيلا ومرا مرا اشوف فيها كيلقاها ساااهية ومتتهضرش..وخلعاتو حالتها..وصلو للفيلا لي من ذخلة كيتسمع صوت القرأن فالبيفااان والسيارات كثثثاااار قدااام الفيلا من كل الانوااع..نزل ودار نزلها وهي متتشوف حد..فقط صوت القرأن ختارق مسامعها وبدات كتبكي..غلى الدخلة تالفيلا كلشي شاف فيها..كانو عيالات بجلالب ودايرين شال مغطي نص فشعرهم تيبكيو..فيهم لي كيبكيو من أعماق نيتهم ولي هي تيصطنع..والرجال فصالة خراا جالسين بكوستيماتهم مرزنين وكيتصنتو للقرأن فيهم لمعارف وفيهم لي من عائلتو..الداى فعلا كتوحي أنهم عندهم جنااازة والخدامات كيتسخرو عليهم وحانيين الراااس..مشاف جيهة تاحد طلعها ديركت لبيتها دخلها وحطها فوق الناموسية..تلفتات شافت تصوريرتها هي وسمير وهي تنفاااجر بالبكاااا والغواااات والنحيييط تا مابقي قدات تزييد ومحمد معنقها ومزير عللليها تيسكت فيها وهي صافي تتشهق وتعاود تا بحااات :اهئ تهئ فيناهوااا اهئ اهئ بغيت نشوفو
محمد:غيكونو باقي مجااابوه اه كسيدة..الله يهديك الواليدة صبري راااسك راه الموت هااادي
زهرة:😭😭😭😭😭كااان كلشي اهئ اهئ اهئ كنا معولييين ندوزو الصيف كاملين ونفرحو بأسماااء اهئ اهئ كان معول ارد ليك فلوووسك اهئ اهئ حس بأجلو قرب وبغااا يصفي دينو مع الناااس😭😭😭😭
محمد:(معنقها وكيبوس راسها)الله يهدييك راه ربي بغاااه صااافي صاافي

بكاات زهرة فحضن ولدها شحااال والبكااء مورا الميت خسااارة..مغينفعها بوالو..حطها بلاصتها وعينيها ملصقين بالنعااس تأكد انها غفااات وباس راسها وخرج اطل على ختو..توجه لبيتها دق لباب وسمع صوت بنات ودخل لقاهم مجموعين على ختو لي كانت كتبكي وعينيها منفوخين تصدمات متيقاتش انه ممكن اموت الاب ديالها..شكون فين كان كينتاظر افقد شي شخص عزيز عليه..كل الخيانات يمكن تقبلها الا خيانة القدر..وكل انواع الفقد يمكن التعاايش معها الا فقداان الاب😔😔
شافوه صحاباتها وحلو عينيهم فيه وهي حانية الراس وتتبكي وتحركو بحال شي وحدة حمقة..جلس حداهة وعنقها وباس راسها وبدا كيسكت فيها وهي حاوطاتو بذراعها وبداات كتبكي بصوووت مسموووع ومخنوق:بابا اهئ اهئ اهئ بابا مشاااا مشاااا أ خوووياااا مشاااا
محمد:شوووو صافي أ حبيبتي دعي ليه بالرحمة والمغفرة(باعدها عليه)غتكوني تصدمتي ولكن الانساان خصو اصبر راسو ويأمن بالله..كلنا غنموتو واحد النهاار وكلنا غنمشيو من هاد الدنيااا وباباك كون بقا عاايش مغيبغيش اشوفك هاكا..تتبكي ومغبنة..دعي معاه احبيبة دعيي معاااه
اسماء:😭😭😭😭😭😭بابا بابا اهئ اهئ بابا لهئ بابا بابا بابا(نفاجراات بالبكااا والغواتت)بااااباااااا ميمكنش اكووون ماااان باااااباااا اهئ اهئ بابا بااااا😭😭😭😭😭😭هنهنهنهنه اهئ اهئ بابا بابا
محمد:(زير عليها وشاد يديها)صافي صافي
اسماء وجهها ولا حمر بالبكا ودموعها عمروه ولات كترعد وتشهق تايمشي فيها النفس وتعاود تسترجع نفس وتكمل بكاها جاتها الصدمة قوية كذلك..وأصعب حاجة تفقد الاب أو الام..خليني من فقدااان الصديق..الزوج..الحبيب..فقداان الاب هو الاصعب..كتحس براسك مبقيتيش محمي وان الحياااة صافي وقفات..بكاات تاهي تاشبعات وصحاباتها عند راسها كيشاركوها الحزن بقااات فيهم..تاتسمع صوت الباب تحل..تلفت محمد لقاها وردة لابسا جلابة فالكحل وشال فنفس اللون..شافت أسماء وقربات جلسات حداهم وهي تلاح عليها أسماء كتبكي وتعاود تاني نفس الموااال كأنها كتشفي غليلها من جديد وتخوي قابها ولان وردة دغيا كتحن طاحو دمووعها معاها نسات ان باها هو السبب فمعاناتهم كااملة وهو لي خلاهم اكونو على الضس..اصبح المهم دابا هو تكون معاها..بكاات اسمااء فحضنها تاني تا عيااات ويد محمد فوق شعرها كيطبطب عليها..تا تسمع صوت الاومبيلونص داخلة للفيلا كانت حايبا سمير..هزات راسها وقالت بصوت مخلط بالبكاااا:بابا😭😭
محمد:اه هو..أسمااء الى بغيتي تنزلي تشوفيه لاخر مرة بلا غوااات..الى دا معاه الغواان فوذنيه غيتعذب فقبرو ونتي مبغيتيش باباك امشي معذب دااكوغ
اسماء:(طاحو دموعها ملي تفكراات الوداع)😭😭😭واخا اهئ
ناضت شادا فوردة لي دنوعها وصلو فين وخرجات معاها ومشاا محمد جيهة بيت مو لقاها نايضة بلا هواها وعينيعا مدمعييين ومشيتها مزاكيااش..دخل وشد فيها وقال:الواليدة فين نايضة
زهرة:😭😭😭بغيت نشوفو اهى اهئ اخر مرة اهئ بغيت نشوززفو
محمد:واخا غتنزلي تشوفيه ولايني مخصوش اخرج ونتي ملابساااش هلليه البيض
زهرة:(طاحت للارض تتبكي)😭😭😭😭😭واكواااااك اعبااااد اللله اهى اهئ مبغيتوش امووووت اهئ اهئ سميررررر سميييير
تحنا للارض هزها وعنقها كيسكت فيها وبقا فيه الخال..كيشوف لي ولداتو كتعذب ومقادر ادير والو..عنقها وهي تتبكي مسكتاتش..وقال:الله يهدييك واش بغيتي تعذبيه غيدي الغوااات فوذنييه الله يهدييك 
زهرة:😭😭😭😭 اربي أربي اهئ اهئ اهئ
وقف وقال:تسنايني انا جاااي
خرج محمد بزربة كيقلب على وردة لقاها التحت شادا فأسماء لي نتبكي ومليوحى على صندوووق لي جابو فيه باها والكل مجموع عليه بغاو اتوادعو معاه قبل ميمشي لداار البقاااء..الدار الاخيرة
وقف عليها وقاا فوذنها:ورظة غنطلبك طليبة وبلا متقولي لا..
شافت فيه تتبكي وقالت بهمس:اشنو؟؟
محمد:(فوذنها)طلعي عند الواليدة راها الفوووق وعاونيها تدوش وتلبس الابيض مخصش الجنازة تخرج قبل متلبسووو 
وردة شافت فيه وقالت:واخا
شد فأسماء وشير ليها بعينيه باش تمشي..نشااات حانية راسها مقدراتش ترفض فهاد الظرووف..زطمات على كرامتها ومشات عند زهرة..حلات عليها لباب لقاتها فوضع لا تحسد عليه..مشات الاناقة ومشا البروتوكول..تتبكي بحرقة كيف لا وهو القلب مشااا..شادا راسها وتتبكي وعينيها منفوخين..بقات فيها وشدات فيها ونوضاتها بلا هضرة بلا كلااام دخلاتها للحمام طلقات الرشاشة عليها وبدات تتحيد ليها فحوايجعا وزهرة تتبكي بحرقة ممسوقاش لشكون معاها او شكون ضاير بيها..دخلات وردة هي بيديها دوشات ليها مفزكاتش ولواتها فبينوار وخرجاتها لبرا جلساتها ودموعها شلال بدات تتقلب فماريوهى على شي حاجة بيضة..جبدات دوبياس بيضين ومايو بيض وقلبات على جلابة بيضة وملقاتش فالاخير هزات هي كسوة طويلة بلا كمام فالابيض وكاااب طوويل فالبيض وجبدان ليها تقاشر من لي كتلبس زهرة مع سبرديلة ولبساتها كلشي ولاحت عليها شااال فالبيض(كون تشوف زهرة اش لبستيها كون قجاتك)كلشي لابسااه بيض
###
لي عندهى باها ولا مها باقي عايشااا تحاافظ عليهم وبلا من طييش والغوااات راه واحد النهاار غيمشيو وتبقا بوحدك تمنا هي يرجعوو..واخا يكونو خاايبين معااك تا يعياااو كيبقاو واليديك والراس المغطي حسن من الراس العريااان..
###
شدات فيها ووقفاتها وقالت:غنهبطو ولكن متغوتييش
زهرة:اهئ اهئ(تسندات على وردة)😭😭😭😭سمير سمييير
شدات فيها ونزلاتها من درووج كتشوف الناس بزاااف واقفين كيبكيو واسماء مليوحة على الصندوق هي ونجمة خت سمير كيبكيو بصوت مجهد والكل هز راسو كيشوف فزهرة سيدة المجتمع لي معروف عليها الاناقة واللباقة ولات حالتها بأعين منفوخين عامريين بالدموووع..شافها محمد وبقااات فيه..نازلة ومسندة على وردة وعينيها على صندووق..تلقا ليها وشدها من عند وردة وداها لحدااه..جا واحد نن المسؤولين على سيارة نقل الاموات وهز الغطا تصندوق وبااان سميير مكفن جسدو ومغطي كولو حتا وجهو لي مرخوفة عليه العقدة..وجهو زرق وشفايفو بيضين..زهرة هي شااافتو وهي تغووووت وتلاحت عليه تتبكس وتنوح:سمييير سمييير اهئ اهئ منقدرررش أ سميييير علااااش خليتيني😭😭سميير اهئ اهئ
أسماء:(كتغوت ومخشية فوردة مقدراتش تشوفو هاكاك)😭😭😭😭😭بابا بابا اهئ اهئ هنهن اهئ اهئ بابا
بقاو الناس كيجيو ابوسو راسو ويمشيو يتسوخرو لور الا عائلتو المقربة بقاااو حداه كيبكيو وزهرة روحها بغاات تطلع..كتبكي وتنوح وتعيط باسمو..كيتخطف فيها اللون وتخنق وتكحب وترجع لبكااها والحال نفسو بالنسبة لبنتو ولختو..حان وقت تمشي لجنازة وجاو غطاااوه وتعالات الاصوااات وزهىة تتركل وتجرها وردة أما أسماء معنقا عمتها تتبكي..جا محمد عند مو سد ليها فمها بيديه تا هزو الصندوق وردوه للسيارة وهي تتركل وتجر لعندو بغات طير عليه..طاح الشاال والشعر ولا كولو بااين..خلاها حتا خىجو عاد حل فمها وهي تغوووةت بأعلى صووووع عندها وطاحت للارض كتبكي وتركل..هزها محمد فيديه بعدما فقدات وعيبها تماما وداها لبيتها..تبعاتو اسماء معنقاها وردة..حط مو فالسرسر وبدا كيرشها بالما باش تفيق..فاقت وبدات كتبكي فصمت ومعنقا ولدها ووتتنخصص بقاتت لدقائق هاكاك حتا قالت:سبر سييير اولدي معاااهم(نتبوس فيديه كأنها كطلبو وصلات لمرحلة ديال الضعف)سير اولدي متخليهمش اديوه بحالا معندو عائلة..انا راضية علييك سير
محمد:(جر يديه)استغفر لله الواليدة..نتي هي وكدي انل غنمشي
زهرة:(بحرقة)هي سير اهئ اهئ
بلس راسها وحطها فبلاصتها وغطاخا وهي عينبها فسقف تتبكي مزيرة على الفرااش والدموع تينزلو من طرف عينيها..خرج وتوجه لبيت ختو لقا وردة ونجمة واقفين عليها وهي متكية وتتبكي..عيط لوردة وخرجتت تبعاتو وقال بجدية:سيري عند الواليدة انا غنخلط عليهم للجنازة
وردة:واخا
مشا بلا هضرة بلا جوج ونزل خدا الاوطو ونبعهم فالطريق لقاهم باقي موصلو غاديين ببطءوكلشي راكب فطوموبيلتو..فحين وردة دخلات عند زهرة لقاتها تتبكي وتشهق متكية..جلساات حدااها والدنعة فعينيها بقااات فيها وحطان يديها على يد زهرة لي كانت غائبة عن الوجود..فحين وردة عزاات عليها ونسات كل مادارت فيها للحظة..بقات جالسة معاها تتدوز على شعرها بلطف تا غمضات زهرة عينيها مزيرة يديها على الايزااار ونعساااات ووجها حمر..غطاتها وردة مزززيااان ومشات طلات على أسماء لقاتها ناعسة بوحدها ونزلات لتحت جلسات حدا العيالات لي بدا عددهم كينقص مورا ممشات الجنازة كلشي كيعزي نجمة لي شادا الركنة وتتبكي فصمت كتصبر فرااسها وهي راه أكثر وحدا متضررة فيهم..جلسات حداها وردة حادرا راسها وصوت القرأن خدااام وشي داخل شي خاارج وكلشي لابس الجلالب وحس الراجل متيتخطرش كلشي مشا للمقبرة..بقاو على دااك الحال لمدة ساعة ونص والصمت سائد من غير واحد الجوجات لي كيتوشوشو بينهم:شكون هاديم لي جالسا حدا نجمى؟؟
جاوباتها الاخرى:هاديك واقلة مراات أمين ولد زهرة..شتها كتهضؤ معاه وفايت لي شايفاها فعيد ميلاد أسماااء
...:مممم وسمعت بلي أمين مخاصم هو وراجل مو..قالو ليك هو لي دخلو للحبس وخلاه على ضس
...:ويلي محااال..اصلا زهرة متسكتش على هاد الهضرة
...:منعرف أنا هادشي لي سمعت..هي هو راه ولد زهرة ولا مرفح ثااني..سمير مااات وهو غيضربها بورثة..
...:مالو ولدو راه هي ولد مرتو..أسمااء هي لي غتورت ومعندها لا عمها لا جوج لي اجي انحسها فحق باها
...:وأسماء اش فهمها فداكشي تشركااات..خوها كان راجل أعمااال وهو لي غيتكلف بكلشي دابا تشوفي
..:منعرف..شكتي سكتي ها رجال رجعو من المقبرة موضي نعزيو نجمة ونمشيو
ناضو عزاو نجمة وخرجو..دخل محمد مشاف فحد وطلع ديركت للفوق شافتو وردة وناضت تبعاتو..لقاتو عند مو جالس عند راسها وكيمسح ليها على راسها..دخلات وقربات منو وحطاات يدعا على كتفو وقال بلا ميشوف فيها:أسماء فينها؟؟
وردة:نعساات مسكينة ..بكاات بزاااف😔😔
محمد:الواليدة كلت شي حاجة؟؟
وردة:لا هي خرجتو بقااتت تتبكي تانعسااات لا هي لا أسمااء
بقا ساكت حداها وتيخمم كيف ادير اخرجها من هاد الازمة..ووردة واقفا حدااه كذلك والصمت سيد الموقف..بقاو مدة هاكاك تا جات وحدا من الخدم وقالت:موسيو محمد لالة نجمة صيفتاتني نجيب لمدام زهرة ماتاكل
محمد:واخا حطيه وجيبي معاك تال لاسماااء
الخادمة:واخا
محمد:كلشي مشااا؟؟

الخادمة:اه بقااات هي مدام نجمة وشي صحاباتها
محمد تنهد وقال:صافي سيري
خرجات الخداامة وبقا هو ساكت كيشوف فمو ووردة معرفات مدير وجلسات وهو يقول:وردة الى جاابت الماكلة لاسمااء ديها ليها وحاولي معاها تاتاكل
وردة:(بصوت منخافض)واخا
جات الخداانة وكسراات صوتهم وعطاتها لبلاطو وخرجات وردة جيهة بيت أسماء..لقاتها جالسا فوق ناموسيتها فوسط بيتها الانثوي هازا تصاااورها مع باباها وتتبكي وتعاود ةتشوف فيهم بحرقو..مهزاتش راسها تشوف كااع شكووون دخل متسوقاتش..حطات وردة البلاطو ومشات لجيهتها بدموع فعينيها وجلسااات تتشوف معاها متأثرة وقالت:زوينين نصاوركم
جاوباتها ايماء بابتساامة حزن:كنااا فرحاانين اهئ اهئ كنا غنمشيو نصيفو وندورو ونجيو وندير الخطبة اهئ اهئ شوفي هادي(كتوريها صورة)هما بابا خدا ليا كورميط تالمااس فيه سميتي اهئ وهادي مشينا لباريس رحلة وعطااني كاادو حين جيت انا لولة فقسمي😭😭تا حاجة من هادشي مبقااات اهئ اهئ كلشي ضااااع وكلشي مشااا مكااينش لي يديني لياريس ولي نجي نقز عليه ونعنقو اهئ اهئ(نفاجراات بالبكا)
وردة عنقااتها بجهد كتطبطب عليها وحتا أسماذ عنقاتها تتبكي وتعاود:😭😭😭😭بابا ماااات أ وردة اهئ اهئ اهئ بابا ماااات اهئ اهئ اهئ
زيرات عليها تتبكي معاها وتسكتها..خلاتها لدقائق تتبكي تا تفشاات ونقص صوت بكااها وشهيقخا وهي تبعدها عليها ومسحااات ليها دموعها وقالت:أسماء حبيبة شوفي فيا(هزات ليها وجهها الصغيور البرئ)واش بالبكااا غترجعييه اختي راه البكا مورا الميت خساارة..اييه راها صعييبة وقاسحة اموت ليك باااك ولايني راه قضاء وقدر ربي بغاااه وأجلو تقادا..كون مكتاب ليه اعيش كون عاااش ولايني الله مكتابش ليه اعيش..فالمقااابل عطاااك ماماك لي دابا محتاجاك بجنبها توقفي معاااهااا..
اسماء:(تتبكي)😭😭😭 بابا مسكيين ماااات اهئ اهئ خلانا بوووحدنااا
وردة:(عنقاتها تاني)لا اختي متgوليش هاكا..علاه حنا فين مشينااا..كاين خوك وانا وماماك وكلنا ضايريين بيك..الموت ماهي الا محطة اخيرة فحياتنا وكلنا غنموتو..أمني بالله وستغفريه
اسماء:(تتبكي)😭😭😭😭
وردة:اجي احبيبة تاكلي ليك شوي تلقاي من صبااح مكلتيش
اسماء:😭😭😭اهئ ا..أ..نا أنا من..منقدرش اهئ اهئ بابا تحت التراااب اهئ اهئ 
وردة:والله يهدييك واش بيتيه اشوفك هاكا هااا.باباك كون كااان غيتقلق ويطلع ليه دم الى مكليتيش
اسماء تتشوف بعويناتها البريئين وعامرين دموووع:اهئ اهئ
وردة:اجي ناكلو ياااك ونعسي رتاااحي شوي..الله يرحمو ويوسع عليه..عوض ماتبكي عليه نوضي دعي معاه بالمغفرة والرحمة
أسماء:(بدات تتنقص فالدموع)
ناضت زردة جمعان من حداها التصاور وحطاتهم بجنب واسماء حادراا راسها ودموعها تينزلو على يديها لي جامعاهم تتلوي فيهم..جابت حداها لبلاطو وهزات دغمة وقالت:هاكي أحبيبة كولي شويي
أسماء:(بامتناع)لا اهئ اهئ
وردة:واعفاااك أحبيبة هي على ود باباك كووولي..
حلات فمها ودموعها نازلين ةبدات كتوكلها وتمسح ليها دموعها بيد خرااا..وكلاتها بزز وعطاتها كينة تالنعاااس شرباتها وطاحت مهدودة ودموعها مازالين نازلين..بقات جالسا حداها تتدوز على شعرها تا غفااات..غطاتها وخرجات توجهات لعند محمد لي بدورو بقا جاالس حدا مو تابداات كتفيق واول مانطقات بيه وهو اسم سمير..جلس محمد حداها وقال:الواليدة كااالم كااالم
زهرة:(تفكرااات اش واقع)😭😭😭😭اهئ اهئ سميييؤ فينو سمييير اهئ اخئ
محمد:(عنقها)شوووو صافي صافي أحبيبة
زهرة:(بدات كتبكي بجهد)😭😭😭😭😭سميييير اهئ اهئ ماااات اهئ مشاااا مشاااا اولدي هنهنه هنههز اهئ اهئ
محمد:الواليدة الله يهديك قولي أعوذ بالله من الشيطان الرجييم وستغفري الله 
زهرة:(تتبكي)😭😭😭😭😭اهئ اهئ اربي اش غندير بلا بيه اهئ اهئ
محمد:الله سبحانه وتعالى بغاه ودااه..أي واحد فينا غيمووت واحد النهاااار أنا ونتي وكلشي غيموووت ولكن راه الحياااة تتدوز وتتستمر
زهرة:معاارفش باش تندوووز اهئ اهى سمييير سمييير هو كلشييي😭😭😭😭عندي أنا بلا سميرر والو واااالووووو اهى اهنهنهنهنهنه 😭😭
عنقها بجهد كيسكت فيها وهي تشبتات بيه تتستنجد منو وتشكي عليه بدموعها وأصعب حاجة دموووع الام..باس راسها وبقااات شحااال تتبكي تا تهدنات وقال:الواليدة ستغفري الله
زهرة:(تتبكي فصمت)
محمد كرر سؤالو:يالله عاودي مورااايا أعوذ بالله من الشيطاان الرجييم
زهرة:أ أعو أعوذ بالله من (تتشهق)اهئ اهئ أعوذ بالله من الشيطاان الرجي..الرجيم
محمد:(شاد يديها)استغفر الله العظييم
زهرة"(كتعاود موراه)أستغفر لله العظييم
محمد:أستغفر الله العظيم اة اهئ ئ نهنن أعوذ بالله من الشيطاان الرجييم
محمد:استغفر الله
زهرة:(تتبكي وتشهق وتحاول تهدن)أستغفى لله العلي العظيم
بقات كتكرر نفس الجملة وتتبكي..عنقها محمد وبقا كيقرا عليها المعوذتين والفاتحة وبعض الصور من لي حافظ وهي مسندا هلى صدرو وتتبكي تا تهدنااات بعدها عليه وقال:تاكلي شوي؟؟
زهرة:لا
محمد:لا ضروري تاكلي..سمير مغيبغيش

زهرة زادت كتبكي تاني حاطا يدها على صدرها كتنهح وتعاود وتهز راسها للفوق كأنها كتستنجد بالبارئ..بقا معاها تا سكتات تاني وبدا كيوكلها بزز وبحنان..ويبوس يديها وراسها تا كلات وغطاها تاني ونعساات على صورة سمير فبالها
داز النهار كولو مخيم عليه الحزن والاسى زمحمد مفارقش مو وختو وكذلك وردة..والدار خوااات بحالا ماكانتش فيها الموت..اصحااب الفلوس غندهم العزا فالبلاصة وصافي..خرج محمد من عند مو ونزل للتحت شاف نجمة جالسا فالصالة وتتقرا القران بهمس وتبكي..تشغل مع مو حتا نساها تاهي ختو وغتكون متأزمة..علاقة محمد بنجمة عادية جداا كانت كتجي مرا مرا عندهم وكتعامل معاه بحال أسماء نظرا للمحبة والود لي كانت كتكن لزهرة مرات خووها..تحسراات وبكااات وبقات بوحدها كتقرا القرأن وتبكي..تا حسات بيد محمد على كتفها وقال:الله يصبرك
هزات فيه راسها ووجها عامر دموع وهي مرا كبيرة ووجها شااحب وقالت:اميين
محمد:(جلس)دعي معاااه بالرحمة والمغفرة
نجمة سدات القرأن وباستو وقالت:الى مسامحتيه نتا معندو فين أعطي الرااس اولدي😭😭😭
محمد تنهد وقال:ربي كيسااامح..الله يرحمو
نجمة:تلله يغفر ليه ويرحمو
محمد:أمييين
نجمة:انا غنوض اوليدي ننعس شوي😢😢
محمد:واخا خودي راحتك
مشات نجمة كتبكي وتمسح فدموعها ..هي مرا غليضة ولابسا جلابة كحلة وشال فوق راسها ..تأثراات وبكااات ولكن بسبب تجربتها فالحياااة قدرات تمالك راسها واقات أنها تدعي معاه حسن متبقا تبكي عليه بدوون جدوى
بقا محمد جاالس تما حاط يديه على ركابيه والسكااات فالفيلا كاملة بحالا مكانش فيها العزااا..حتا نزلات وردة تتقلب عليه..لايحا الشال على كتافها..شافتو من بعيد عاطيها بالظهر ومشات عندو حطاات يديها على كتفو وتلفت ليها وعاود رجع كيف كان..جلساات حدااه وقالت:مكلتي والو؟؟
محمد:(بنفس مضظرب)مافباااش!
وردة:ولكن رله ضروري تاااكل
محمد تنهد وقال:معنديش اللخاااطر والله فففف لاحول ولا قوة الا بالله
وردة:كي بقااات مك؟؟
محمد:اودي حالتها حالة..عمري شفتها هاكا الى بقات هاكا غتسوطااا فعقلها..قبيلة فاقت تتغوت بسميتو.متقبلاتهاش
وردة:(شدات يديه)غتولف دابا تشوووف..كلشي كتجيه صعيبة فلول ولايني غتفوت..راه عدد هوما خسرو واليديهم ورجالهم وكملو حياتهم
محمد:فففف ان شااء الله(شاف فيها)لمن خليتي لبناات؟؟
وردة:لمي..وصيتها عليهم
محمد:نوضي نوصلك للدار عندهم وبقاي معاهم مكاين مديري هنا
وردة:(بامتناع)لا لا هي خليني..منقدرش نمشي ونخليك هنا..وأسماااء محتاجة ليااا(سكتات شوي)وتا مك راه غتبي لي يكون معاااها
محمد شاف فيها شحال وجرها معنقها من كتفها وقال:الله يرضي عليييك
وردة:عطيني سوارت الطموبيل نمشي نجيب لبنااات ابقاو معايا هنا
محمد:غتبرزطي اللهم سيري بقاي معاهم
وردة:لا لا ماكاين لا تبرزيط لا والو..الى بات مك وأسماء يمشيو معانا للدار حسن والله
محمد:(تنهد)مباقي عرفت مندير..فففف عييت
وردة:نوض طلع لشي بيت ونعس..راه اسمااء شرباات كينة تالنعاس ومدام زهرة نعساات
محمد:(حاط يدو على فمو وساهي قدامو)باقي عااقل نهار مات الواليد كنت صغير بزااف ولايني عاااقل..عااقل على فاش قالوها ليها سي تصدماات وبكات ولايني ماشي بحال هاكا(بقا ساكت شحال ووردى تتسمع ليه)مغوتاتش علليه ومبكاتش بحال هاكا..(ضحك بسخىية)خخه حيت مكانتش كتبغيه بحال سمير..با كان هي طريق الرجل لشي حاجة فففف..شي مراات مورا متزوجاات كنت تنقول متتبغينيش وانا تنفكرها ببا ههه
وردة:(شدات يديه )اش هادشي تتgول راه هي تيبان ليك..مدام زهرة تتبغييك بزااف حيت ولدها كون تشوفها فاش دخلتي للحبس اش دارت هلى قبلك والله
محمد:(طاحت دمعة من عينيه وجات فوق يديهم لي مشابكين)هه هي تنتخيل..وشفت الجنازة وتفكرت بااا
وردة مسحاتها دغيا بيديها لخرا وقالت:الله يرحمو حتا هو ويوسع عليه..ملقاكم معاه فالجنة
محمد:مشبعتش منو بتاتا خلاااني صغير..
وردة:عفاااك أ محمد متبقاش تفكر هادشي..باك ماات الله يرحمو ونتا كتفكر هادشي وكتمرض
محمد:(كحب وجمع يديه)لا لا الله يهديك ممريض موالو انا بخير(جبد سوارت)هاكي جيبي لبنااات ورجعي
وردة:(عنقاااتو)مديرش فباللك كلشي كيفوووت
محمد:(مسح على شعرها وبتاسم)ان شاء الله
ناضت قادات شالها ومشاات هزات الاوطو وتوجهاات لاقىب مول ومشات تقداات لزهرة حوايج فالبيض ليها حيت عارفهى معندها تا حاجة مستورة عاد مشات لدارهم هزات بناتها دارتهم لور وبحرا مسكتات توبة عاد رجعااات للدار..هزات إكليا ونزلات توبة تتمشا على رجليها دخلات للفيلا تلاقات محمد لي هز تزبة باسها وضحك معاها واخا معندو خااطر وحطها وشد إكليل باسها كذلك وهي تخرج وردة جابت الميااكي..شافها وقال:شداكشي
وردة:ماماك معندها متلبس فحق الله..راه جبت ليها هادو تعدي بيهم
بتاسم ليها وعجبو تصرفها وكل نهار تتزيد تكبر فغينيه وقال:لهلا بخطييك وصاافي انا هادشي مطاحش فبااالي كاااع
وردة:ماشي مشكل..بقا مع البنااات انا نطلعهم ليها
مشات وردة لبيت زهرة دخلات..

دخلات وشافت فيها لقاتها جالسا فوق الناموسية وتتبكي فصمت هازا تصويرة سمير تتقطر عليها دموعها وتمسحهم وتبكي..سكتات وحطات الحوايج وقالت:هادو..هادو جبتهم ليك على قبل البيض
زهرة:(مهزاتش راسها وتتبكي)
وردة سكتات وبقات واقفا تتشوف فيها للحظات حتا نطقات زهرة بلا متشوف فيها:خليني بوحدي عفااك
وردة:اه واخا
خرجات وردة وتفهمات موقفها وتفكرات أنها هي وياها ممقادينش..نزلات لنحت لقات محمد هاز توبة فحجرو وإكليل فيديه وتوبة تتهضر وتبجغط بهضرتها وتتضحك وتعاود هي بوحدها وتشد فلحية محمد وتلعب فيها وهو كيشوف فيها..وقفات عليهم وقالت:محمد مكلتيش؟؟
محمد:معنديش الخاااطر 
وردة:تسنا هنا هانا دروك نجي
مشات للكوزينة وطلبات من الخدامات اوجدو ليها شي حاجة هزات بلاطو ومشاات لعندو وقالت:ارا ليا إكليل
عطاها ليها وجلسات زقالت:وااكوول يالله
محمد دار ليها خاطرها وبدا كياكل واخا معندو خااطر وهي صوت توبة لي تيتسمع اما إكليل حالا عويناتها وتتشوف فيهم وتحرك يديها..كلا شوي وشرب لما وقالت:مكلتي والو
محمد براااكا علي..الحمد لله
و دة؛محمد نسولك؟؟
محمد:(شاف فيها)نعااام
وردة:صافي صافي نسااا..انا غنوض ندي لبنات ونرجع
محمد:هي سيري تنعسي انا شوي ونطلع لفوق
حنات راسها وهزات بناتها ومشاات للفوق لنفس البيت لي كانت عطاتها زهرة فاش كانت جات عندها فاش خلاها محمد ملي سافر.. حطات بناتها دوشات ليهم ووكلاتهم وخلات توبة تتلعب واكليل تتغفا ونزلات عند محمد لتحت جلسااات حداه فالجردة لقاتو تيكمي..تكات راسها على كتفو وقال:منعستيش؟؟
وردة:لا مافياااش
بقاو ساكتين لدقائق والهوا نقي كيضرب فيهم فالجردة وتلاتها ساعة وهوما ساكتين حتا عياو وقال محمد:غنمشي ننعس عينيا تلسقو
بتاسمات ليه وقالت:واخا انا غنوض نشوف لبنااات
مد ليها يديه وناضت معاه..طلعو للفوق ودخلو لبيتهم لقاو توبة باقي تتلعب بوحدها بنونوساتها باسها ومشا بدل عليه من الحوايج لي جابت ليه وردة وتلاح انعس كيفكر فمو..وهي بقااات جالسا تا عيااات وناضت طلات على أسماء لقاتها باقي ناعسة وضربات طليلة على زهرة لقاتها باقي فبلاصتها ولكن سكتات دموعها نشفو..رجعات لبيتها وجلسااات تا طاااح الظلااام ونزلات لتحت جلساات مع نجمة وبقات مجمعة معاها وتتصبر فيها..كان حديث جدي وكولو الالام بغات تخفف عليها واخا ياله عرفاتها..حتا وصل وقت العشااا وشافت محمد نازل كيتفوه وقالت:فقتي
محمد:عاد..الواليدة فبيتها
وردة:اه
مشا طلع عاود عند مو لقاها كيفما هي باس راسها وبقا جالس حداها كيهضر معاها معنقها وهي حطات راسها على كتفو وبقات هاكاك..تا تحل عليهم الباب كانت اسماااء تتبكي دخلات كنجري تلاحت على مها وبدات تتبكي وزهرة حضناتها وبدات تتبكي وتزير عليها..بكاو تا عياو وتفشو ومحمد هي تيشوووف عنقهم بجوج وحضنهم تيسكت فيهم تا سكتو وهز تيلي عيط لوردة وجات بزربة وقال:حبيبة وصي وحدا من الخدم تجيب ليهم العشا
وردة:واخا
خرجات ومشات جابت ليهم العشااا ليهم كاملين وطلعاتو ليهم .حطاتو وقالت:بصحة..
خرجات حانية راسها وتوجهات لبيتها وجلسااات مع توبة هازاها تتلعب معاها فحين محمد بزز على مو وختو ياكلو وبقا معاهم تيهضر ويوصي فيهم اتقبلو الامر..بكاو فحضن بعض وتكاااو وقالت ختو بصوت مخنوق:خوياااا بات معانا عفاااك😭😭
محمد:واخا أ حبيبة انا دروك نجي
ناض من حداهم وتوجه لبيتو دخل لقا وردة تترضع إكليل برضاعة هزات فيه راسها وقالت:نعسوو؟؟
محمد:تقريبا(دخل وجلس حداها)وردة
وردة:ممم
محمد:(كيدوز يديه هلى شعر اكليل الاسود)غنباات معاهم ليوووم..طلباتني أسمااء
وردة:واخا صافي
محمد:(حط يدو على شعرها)ليوما ضليتي اه واخا 
وردة:واش غنgول..عادي(بتاسماات ليه)سير تنعس وتعشااا هو لول
محمد:نتعشااو بجوج؟؟
وردة:واخا
بتاسم ليها برضى وناض وصا على العشا من عند الخدامات وجابوه ليهم تعشاااو بثلاثة وناض باس راسها وقال:هي صبري تا تفوووت هاد الفترة
وردة:ماشي مشكل راه مك وختك محتاحين ليك هي سير انا معاايا لبناات
بتاسم وطبع قبلة على خدها طويلة وناض توجه لبيت مو لقاهم ناعسين معانقين..تخشا حداهم حسات بيه زهرة وعنقاااتو وهو حط راسو على صدرها واسماءكذلك بقااات كتحك ليهم شعرهم وعينيها افوق ودموعها سايلين..محمد لاول مرة كيحس كأنه فعلا عندو مو..سي موالف انه يعنقها ولكن انه ينعس فحضنها لااا..بقات حالا عينيها تا عياات وغكضاتهم على حزن وغصة فقلبها وأسماء نفس الشيء بينما هو منعسش بقا سهراان تقريبا الليل كامل منعس تال الثلاثة فحين وردة نعساات بناتها وتكات حداهم كتعاود لتوبة حجاية تا غفااات وهي تنعس حتا هي
🌄🌄🌄
صبح الصباااح حزيين ففيلا زهرة..كيف لا وهوما كيعبشو اجواء الموت..فاقت وردة وغسلات وجهها ولبسات حوايجها ونزلات لتحت لقات نجمة هازا تاني مصحف وقالت:صباح الخير
حبسات نجمة لقرايا وقالن:صباح الخير ابنتي كي صبحتي؟؟
وردة :الحمد لله ونتي
نجمة:(تنهدات)نحمدو الله ونشكرووه على كل حال
جلسات حداها ساكتا

نجمة:فطرتي أبنتي؟؟
وردة:لا باقي أخالتي ونتي
نجمة:فقت فالصبااح بكري ومشيت للمقبرة زرت خويا 😢وهاني باقي جالسا
وردة:خليك هنا انا نووض نوجد لفطوور
نجمة:هي خليك راه كاينين الخداامات
وردة:لا ماشي مشكل أخالتي كملي قراايتك الله يقبل
نجمة:أمين..ربي يخليك 
مشات وردة لاكوزينة ولقات الخدامات كيوجدو الفطور وقالت:واجد الفطور
..:اه الالة واجد نحطووه
وردة:اه اه هي حطوه
خرجات وطلعات للفوق باله غتدخل لبيتها لقات محمد خارج منو..بتاسمات ليه وقالت:صبااح الخيير
محمد:صبااح الخيرر..صافا؟؟
وردة:بخير..نوجد لمك لفطور ولا تنزل تاكل معانا؟؟
محمد:هي جيبيه ليها أ حبيبة لبيتها راه باقي مفاقتش انا غنحاول معاها
وردة:واخا
بتاسم ليها وباس راسها وقال:الله يرضي عليد هاكا نبغيك
مشا لجيهة غرفة مو وهي مشات هزات إكليل ومسائلها ونزلات وجدات ليها لببيبرون رضعاتها بيدما وجدو ليها لفطور تطلعو للفوق حطات بنتها فالبيت وبدلات ليها عاد نزلات هزات بلاطو الفطوور فيه عصير ليمون وقهوة والتوست والفرماج وبعض المملحات..دقات بيد وسمعات حس محمد قال ليها تدخل..دخلات وقالت صباح الخير ومجاوبها حد..كانت زهرة فبلاصتها مربعة يديها وتتخمم مهمومة وعينيها مغرغرين بالدموع وأسماء جالسا وساهيا حطات لفطوور وخرجات ناض محمد جلس معاهم تا فطرووو وبزز عليهم انزلو وقالت زهرة:ولدي ديني لقبر سمير الله يرضي عليك
محمد:اليوم؟؟
أسماء:أه أ خويا عفاااك😢😢
محمد:واخا ولكن كملي فطوورك ونديكن
بقا عااس عليهم تافطرو وقال:الواليدة راه دوك الميااكي فيهم شي حوايج جابتهم ليك وردة 
اومات براسها بأه وناضت بثثاقل ليهم هزاتهم ودخلات للحمام وقالت أسماء:حتا أنا غنوض نلبس
ناضت هي الاخرى لنفس مكره ومشاات لبيتها تلبس فحين وردة نزلات لتحت هازا إكليل لي فايقا اما توبة باقي ناعسة..وجلسات على طبلة الفطور هي ونجمة فقط..بداو كياكلو زوردة لاحظات ان نجمة مكاتاكلش وقالت:خالتي مكلتيش
نجمة:هي تندوزها وصافي..معندبش الخاااطر
وردة:واخا راه هي بززي عفااك الى مكليتيش غطيح فيك سخانة جوووع
نجمة:واخا😭😢😢
بداو كياااكلو تا نزل محمد شاد فمو وتابعاهم أسماؤ بجلابة فالصومو وشال لايحاه على راسها وعينيها منفوخين والحزن مسيطر على ملامحها وقال:غنمشيو لمقبرة تمشي معانا(لنجمة)
نجمة:مشييت الصباااح اوليدي هي سبرو😔😔
زهرة حانيا الراس لابسا كلشي بيض ومعنقها محمد ووراهم أسماء..شاف محمد فوردة واومأ ليها بعينيه وخرجو طريقهم للمقبرة لي تدفن فيها سمير..وصلو ودخلو وهوما تيدمعو هي وراهم القبر وطاحو عليه كيبكيو ويعاااودو ..زهرة متحكماتش فراسها وبدات كتندب وتغوت وأسماء لايحا راسها على قبر باها وتتبكي حااار معاهم معرف شكووون اسكت تا عيا وخلاهم ابكيو كي بغاااو عيط لواحد الفقيه قرا عليه القرأن وعطاه شي بركةومشا عاد مشاو هما وهي بزز مبغاوش اتحركو..عطاهم الماا شربوه وشدو الطريق للفيلا والصمت مسيطر عليهم..وصلو وكيشوفو الطوموبيلات بزااف عرفز أنهم العزاايا وقالت زهرة:مافيا لي يشووف حد 😭 مبغيت حد اعزيني فيه اهئ اهئ باقي متتقبلاش موتو
محمد:الواليدة يالله معايا لداري وجلسي عندي تما تاتفوت العدة وتولي حالتك شوي نتي وأسماااء
زهرة:مبغيتش نخوي دااري ..داري معاه😭😭
محمد:مغتخويهاش بمرااا هي فترة ورجعي بيدما تولي حالتك مزيانة الى بقيتي هاكا غتبقاي عاطيااهة هي لبكاا والجو غيفكرك فكلشي يالله عندي الدار وجلسي كيفما بغيتي 
زهرة:الصمت
محمد؛صافي نمشيو
زهرة:(تنهدات ومشحات دموعها)واخا يالله😢😢
محمد؛واخا نزلي نديو حوايجكم ونمشيو
نزلو كاملين معاه ودخلو لقاو شي نسا ورجال شركاء سمير عزااو زهرة لي مهضراتش تتحرك هي الراس..ونجمة لي تتهضر مع النااس..طلعات زهرة فحابها هي وبنتها وبداو كيجمعو حواايجهم..زهرة كتشوف فكل ركن من أركان دارها وتبكي..بين ليلة وضحاها ولات أرملة..كتجمع حوايجها وتمسح دموعها..جمعات فاليز صغيرة فيها كل ماهو بيض..لباسها الجديد وحتا أسماء جمعاتهم بمساعدة وردة..فحين نجمة ودعات النااس وبقات بوحدها تانزل محمد وقال؛خالتي الواليدة وأسماء غيمشيو معايا لداري
نجمة:علاش؟؟
محمد:الواليدة كانت متعلقة بسمير وهنا مغتنساهش..غيبقاو اجيو الناااس اعزيو وهي غتزيد تأزم كثر ومغتخطاش هاد المرحلة..نتمنا ماقلقيش من تصرفها
نجمة سكتات شحال وقالت:اش غنقوليك الله يدير لي فيها لخير..الى هاكا حسن ديها..وكيما كان الحال راه مع ولدها😢😢خويا الله يرحمو كان تيبغيها ودايرها فعينيه مغيبغيش ليها الضرر ومغنحبسهاااش
محمد:الله يرحمووأجرك الله فيه
نجمة:أمييين
نزلات أسماء جارا شانطتها مع وردة لي هازا إكليل وتوبة تتنزل درجة بدرجة شادا فجلايل مها..عاد نزلات زهرة محبطة وكارها الحياااة..عنقاتها نجمة وقالت:صبري راسك وكثري من الدعااء معاه😭😭😭غنبقا نجي نشووفك
زهرة:(عمقاااتها)اهئ اهئ مكتاااب علينا وصافي😭😭ردي لبال لراااسك
نجمة:وتانتي(عنقات اسماء كذلك)حبيبة ديال عمتها متديريش فباللك وحاولي تدعي معاه ومتبكيش احبيبة

ودعاتهم نجمة ووقفات حداهم تا طلعو لاوطو..دارت وردة بناتها لور وتخشات حداهم هي وأسماء لي كانت هي ساكتة..ديمارا مجمد والوجهة لدارو...طول طريق مهضر حد هي توبة لي مجمعة مع راسها وتتهضر وتخرج فكليمات وتخاطب وردة لي تتجاوبها بكلمة ومحافظة على هدوء الموقف..وصلو للحي ووقف محمد ونزل حل لباب لمو ولور..شد توبة من عند وردة وهي نزلات هازا إكليل..زهرة دارت نظاراتها الشمسية وأسماء حانية راسها..كلشي تيطل من الشرجم وهي تقول واحد الجارة من شرجم:وردة على سلامتك..فين كنتو
ورظة:كنا فتطواان دروك نطلع ليك شي ترازارات جبتهم ليكم من تما
...:الله يعطيك الخير بنت الاصل
بقاا حاضياهم تا دخلو وتاحد متسوق..حل محمد ةقال:مرحبااا
دخلات زهرة وتبعاتها أسماء عاد هوما..بقاو واقفين وشي تيشوف فشي تانطقات زهرة بصوت متعب:بغيت نعس
ياله بغا محمد اجاوبها وهي تنطق وردة:سيري لبيتي ونعسي
شافت فيها زهرة وقالت:واخا
مشات لبيت ةردة ودخلات وتكات فيه بنفس الهم ونفس الحزن..شاف محمد فختو وقال:حبيبا الى بغيتي تانتي تنعسي سيري للبيت مع الواليدة
اسماء:واخا😔😔
مشات هي الاخرى وبقاو هوما بجوج وتوبة تتجبد عند باها وتبوسو وتشد لحيتو راشقا ليها عليه باسها وقال:واش نتي راشقا ليك علي ولا شنوو هه
توبة:😄😄بابا وييين هههه
وردة:هي باباك انا لا ههه مزوياناش وردة
توية:دادا ويينة
جر محمد وردة وعنقها بيدو وشاف فيها بحب وقال:معيااار لجمال عندي هو وؤدة ههه
بتاسمات ليه وتخشاات فيه..وموراها مشاات تقضي اشغالها بعدما حطات بناتها مع باهم..وجدات غدااا زويين بشلايض على قبلهم ومحمد كيشوف فيها كيف كتقاد بحماس..للمرة الالف متيندمش حيت ختار اكمل معاها حياااتو..عارفها مولاات القلب الحنين كيفما حنات فتوبة ودارتها بنتها غتحن فزهرة..وصل وقت الغدا وحطاتو ووجدات الطبلة وقالت لمحمد:ميمو سير عيط لمك وختك اجيو اتغداو
ناض هاز توية وحل لباب لقاهم جالسين وساكتين وهو يقول :هاحنااا جييينا
دخل لعندهم وهزو ريوسهم وهو يقول:توبة مدرتيش لمامي أوااا سيري أ بابا بوسيهم
مشاات توبة تتجري وتضحك تعلقات فزهرة وهي تهزها مبتاسمة فحزن وباستها وهي تتخربق تاني فهضرتها وكذلك أسماء تاهي باستها..شاف فيهم محمد وقال:ياله تغداو
زهرة:(بامتناع)بلاش اولدي معندي خاااطر
محمد:مكاين بو أ عذار غتنوضو تغدااو ياله وردة وجداتو على قبلكم
تنهدات زهرة وناضت كتجر فرجليهل وتابعاها أسماء لي ولا حديثها قليل.خرجو لقاو وردة حاطا طاجين والشلايض والعواصر..وهازا إكليل كترضعها بالرضاعة..جلسو وهزات وردة الخبز كتقطعو بيد وحدا وتحط قدام كل وحدا وقال محمد:ياله بدااو
دارو ليه الخاطر وبداو كياكلو ووردة تترضع فبنتها وتوبة جالسا تتاكل فطبسيل بوحدها وترفس..هز محمد دغمة وقال لوردة:حلي فمك 
حلاتو وبتاسمات ليه وبدا كياكل ويوكلها لانها كترضع..هزات زهرة راسها بصدفة وشافتهم بقات ساهية فيهم وقالت:الله يخليكم ديما هاكا
وردة وحلات ليها وبدات تتكحب وعطاها محمد الما وهو فاهم مالها وقال:امييين
وردة:كح كح أميين
كملو ماكلتعم فصمت وناضو هوما للبيت ووردة جمعات الماعن وغسلاتهم وعطراات الدار عاد مشات دوشاات ولبسات كسوة فالابيض حد الركبة بسميطات رقاق..مشات لصالون حدا محمد لي كان كينس توبة..شداتها من عندو وحطاتها فبلاصة خراا حدا إكليل ورجعات حداه..دار ليها بلاصة وتكاات وهو يدور عليها يدو وعنقها متكي حاط رجل فوق رجل وقال:عيتي؟؟
وردة:لا عادي..حك ليا شعري عفاااك
بدا كيحك ليها ويهضر:توحشتك(باس شعرها)
وردة:ممم زعما ونتا كنتي معفر علي
محمد:انا متنتعفرش هه هي بغيت نربيك شوي وتنقصي من داك الفشوش
وردة:ايوا أنا الى متفششتش عليك علامن نجيب بجgي
محمد:على الجيران هه وتيقولو لبنت كتفشش فدار باها باش اتقاداو ليها فدار راجلها
وردة:(ببراءة)وانا راه مشبعتش فشوش..عارفني كنت كنخدم عليهم ومكنتش عايشا خياااتي هي الخدمة والدار والقهوة يعني متفششتش كي البنااات وبيت نتبورد عليك ولا ممنحقيش
محمد:الى من جهة التبوريدة تتبوردي وتفوتيها لهيه..التعفااار وتهزي خنافرك وانا نبقا نحزر فيك ونبزر باش تواضع لالة وردة وتغفر ليا
وردة ضحكات فخجل عاجبها الحال وقالت:هه بصحتي وراحتي ونجيب ليك فشوشي ونتا خصك تصبر ليا تانا تنفششك
محمد:هه فاش فششتيني هااا؟؟.
وردة:مالك نكار الخير هه مالي متنفششكش هه
محمد:فحاجة وحدا لي كتسطيني فيها(قرصها فمؤخرتها)😉😉
وردة:هه حيد يديك ههه المهم تنمتعك.
محمد:اودي خلينا ساكتين عاد مات سيد مابينا ذنوب
وردة:(بجدية)محمد..سامحتيه؟؟
محمد سكت شخال حتا فقدات الامل أنه يجاوب وقال:الله يسااامح..ماشي ولد الحراام تانبقا هاز فقلبي على قبل الفلوووس الحمد لله تيمشيو ويجيو وبذراعي وباقي غنرضهم بضوبل وكاع داكشي لي كنت تنكسااب غنردو وبالضوبل 
وردة:وهو صراحة الله يسامح واخا راخ مدار فين اعطي وجهو مع الله
محمد:نسااي الله غفور رحيم الله يرحمو ويوسع عليه
وردة:أميين..
إكليل:اهئ اهن عنعنهنهن
غوتات اكليل كتعلن استيقاظها وقالت وردة:غففف دغيا تتفيق
ناضت من حداه بغات تشوفها وهو يقول:وردة شداكشي؟؟

تلفتات ليه وردة وقالت:اشمن شي؟
محمد جمع الوقفا بزربة وعقد حجباانو وتمشا لجيهتها شد فالكسوة وقال:شهادشي فيك هناا؟؟واش نتي غيكلي؟؟
دورات وجهها للكشوة لقاتها عامرة دم من لور ومع بيضة كلها تبرقعااات..حشماات من المنظر وخرجات عينيها بصدمة وقالت:😳😳😳لا لا مافياااش..غتكون جاتني واقلة
محمد:(مخنزر)هادي هي 11 ونتي كتجيك فعشرين وهي جوج عاد والدة(هز عينو فيها محمرهم)شربتي دواااك؟؟
وردة ضربات ليها طن فوذنيها وتفكرات يومين مشرباتةش ومضرباتش البرااا وهي تبدا كتفتف وقالت:هااا..لا لا واقلة شربتو ..اه اه شربتو
محمد:(باقي محمرهم فيها)متأكدة،؟
وردة:😳😳ففف اه 
مشات هزات اكليل وبقات كتراري بيهل ونطق هو:ايمتا ضربتي لبرااا انا مشتكش
وردة:ماشي بضرورة
محمد:شوفي جيني فاااص..شربتي دوا اه ولا لا(ياله غتهضر وقاطعها)وتكذبي نسلخ مك هنا😡
وردة:اووووف(بعصبية)مشربتوووش نسيتووو واااه سبحان لي مينسا..وتشطنت بالمووت
محمد صعر عليها وبدا كيهلل :الله يحرق طاسيلة مك😡😡واش جهلتي هااا لاش ناسياااه وانسااي رااسك ولا بناتك واش تسطيتي(خرجو عينيه)باغا المرض ولا شنووو
وردة:وااانسيييت نشيييت صافي سوي ونشربو
محمد:(زعف)غنجي نضرب دين مك لداك الراس تتفكري😡😡دواااك الخراااا متنسايهش شو على حالة وليتي دابا انا باش غنعرف واش هادي دم الحيض ولا حاجة خرااا
وردة:هضر بشوي مك وختك ناعسيين مالك تتغوت😠😠
قرب لعندها معول اخلط ليها ملامح وجهها وهي تطاكي ببنتها وقالت:والله وتقيسني تانجمع عليك الجوووقة ونتشوهو 
محمد صعر والعروق تنفخة ليه وبدا كيغوت:واش أ عباااد الله بوحدي لي نبقااا هاااز لهم هااا نبقا انا تابعك باش تشربي خراااك😡😡😡متنسايهش(كيشير بيديه معصب)متنساااتيهش😡😡واش مهامكش اش واااقع راااك مريييضة الى قلتي دوااا نهار واحد وضعك تيرجع لووور ولكن شكون اهز الهظ..اناااا..انا لي مرارتي غتفركع كل نهار عليك وتنتحرق باش نضبر ففلوس دواااك ونتي مهااامكش أصلااا...وااااه😡😡
وؤدة زماات فمها وبقات سااكتة وتتشوف فيه ومو وختو خرجو من البيت على إثر غواتو لي مسموع منين ومنين..هلل عليها مزيااان ومخلا مقال ليها باش عمرها باقي تعاود تنساااه وهز جاكيط وخرج زادح الباب وخلاها واقفا تتبرق فعينيها مفهمات تالعبة..تا نطات أسماء:أمالكم..مال خويا كان تيغوت
وردة:هااا والله معرفت..gلت ليه نسيت منشرب الدوا وهو يبدا يهلل gول كانو رابطينوو
زهرة:ولاش معصب هاكا؟؟
وردة:الله وعلم منعرف مالو قفف هي سيرو رتاااحو درووك ابرد وارجع حدو السطاااح يضرب جواان ويرجع
دخلو بجوج للبيت وبقات هي واقفا تتراري بإكليل تا سكتات وحطاتها مشات هزات حوايجها ودخلات بدلات عليها ودارت اولويز شربات الدوا وضربات لبرا..نقات حالتها وجات خارجا من الطواليط وهي تلقاه قدامها باقي عاااقد حجباانو وباينا كافر على الوضعية..حطات يديها على جنابها وهزات حاجب وقالت:صافي بردتي..تفش المش ولا باقي
محمد حمر فيها ومهضرش وهي تقول:أ مالك أصاحبي هازها منين ثقالت..طلق الطبيعة تسرح راه الدنياا فانيا هه
محمد معصب وتيشوف فيها تتهضر ببرود وهو ينطق:صراحة عندك الحق هازها منين ثقالت حيت مخمم ليك وهاز لجد مك الهم ساعا نتي مديال التخمام حيدي من قدامي لنخلطك
ضحكات وعنقاتو من كرشو وقالت:والله تاهي نسيتو بالله..وأول مرة وقعات واخر مرة..واصاافي
محمد:(محاوطهاش بيديه)حيدي علي خليني ندوز😠
وردة:ادوز عليك تراان القرد ههه انا تنهضؤ وننتا بيتي دوز هه ادوز عليك موس حاافي اجيفك فالذبيحة نوليو نقطو من بزازلك هههه شو انا فين وهو فين..تنهضر معاك ونتا بيتي دوززز..أ رمووك بلا روايض..الكحل الحرطاني القلاوي (بشرة سمراء)الخنفوووس أ فتلت الشطبة..أ شطابة الحمير..أ حميرة جدااا
محمد بدا كيبتاسم ملي بدات معيورها وقال:زعما نتي هي ديريها قد راسك وتجي تبلحسي وتعوجي علي ففمك
وردة:(بتاسمات بتسامة عريضة)وزعما نتا تتغوت وتفرع القنت وفلخر تتضحك من ضحكة مني ههه
محمد:(غوبش)حيدي من كمارتي
وردة:واهي صراااحة كمارة هي عندك gااع معندك للوجه كي نااس معرفناه شانطي معرفناه مقبرة لمهم ماشي وجه..سبحان من خلقك هاكا ماااسخ ههه مافيكش اللون ولا الطبيعة ههه
محمد"ياك الالة وااخا هاهي زيديها هلى لحساب القديم
وردة:الحلاقم أ راجلي العزيز صبر تانكمل ..هو راه واخا ماتشواش ووجهك كي القزديرة وعينيك حولين والمشية فرك والوذنين بارابول والفصالة ديال بوصيحة ولكن تنتوفااا على مك ههه(عنقاتو من كرشو)
محمد:(كيضحك)هههه يحرق قبيلتك ههه على هاد الهضووور..زعما نتي محولاش ومعوجااش المشكودرة
وردة:حشاااك وماشاك والفار ياكل عشاااك..كولي غزالة معندك متعيب فيا..الزين والثباثة والرزاانة ولي شافني تيحبني كيتك نتا لي مقنبل ليك وجهك وعينيك مبوسريين لا حول ليك ولا قوة..انا لالاك بنت سيدك وسمية عيدك..عطس وحمد الله وgول وردة وحمد لله..
محمد:(عنقها بيديه)لالاة وبنت سيدي وسمية عيدي ههعه مزيااان تبارك الله المعيووور عندك نااضي
يتبع..

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.