منذ الأزل و إلى الأبد الجزء 24

2018

محتوى القصة

رواية منذ الأزل و إلى الأبد

وردة تعصباات وتتشير ليه باش العب وهو مصدوم ممثيقش انها هي..مخليها فالمغرب وتابعله تال روسيا..عقلو الباطني مباااش اتقبل انها جاات تال عندو..هارفها تطير ولكن باش توصل بيها تجي من المغرب لروسيا مدخلاتش ليه لمخو..تضرب فوجو تا رعف وطاح ليه الواقي من سنانو..ياله غيزيدو دقاا خراا وهو يدق الجرس معلن عن نهاية الجولة الاولى لي كانت فصالح الاسبااني..رجع محمد لور وعينيه مفترسين وردة مباااش احيد عينه عليها ..طلعات معاه الفقصة وبقا كيرتب الاحدااث تا فهم علاش تيلي مطفي..الاحساس الى بربقك شي حمق فالزنقة وهرب تايخليك مصرفقة ومصدوومة..تشوف فيه بانزعاااج مظناتش انها غتأثر عليه هاكا وتبوهل..قرب ليه الطبيب وقال:مالك اصاحبي سااهي وكد ها الجولة الاولى داها هو
محمد:(دفل الدم من فمو وتيمسح دم من منخرو)سمعني..ديك البنت راهيا(كينعت لوردة)نزلها لهنا..نسالي شوط تاني نلقاها هنا حدااك
الطبيب:للش؟؟شكون هي
محمد:هي نزلها وصافي
دق الجرس وركب الواقي وناض معصب وعرقااان وبدااا فالعراااك ديالو مع الاسبااني دخل مجهد ومخنزر تيضري فيه وتييرد فيه فقصتو فحين الطبيب مشا لجيهة الحمهور وقال لواحد من السكريتي لي كان لابس كلشي كحل وضخم:خليو ديك سيدة تنزل
..:ممنوع اسيدي
وراه البادج ديالو وقال:خليها تنزل
شير ليها وهي تسرط الريق وقالت:سمحلي ندوز
حوزيف:تتعرفيه؟؟
وردة:هااا اه اه
دار ليها الطريق ودازت تترعد وعينيها على محمد لي مبقاااش هز فيها عينيها صافي سرط الفقصة وتيضرب فالاخر مبقاااش عااقل على شي حاجة..تحل الحديد ونزلات وردة عاونها الطبيب وقال:بغاا يشووفك..كتعرفيه
وردة:(صفااارت بجهد)هااا..😢😢😢لا لا متنعرفةووش والله
الطبيب:واخا اجي معايااا
تبعاتو بحال شي بنيتا صغيرة عارفا راسها مقوداها..كي وقفات حدا الحلية وهي يطيح محمد الخصم بدقااا لنيف ورن الجرس بجهد معلن على نهاية الجولة الثانية..رحع محمد لور عرقااان وصاااعر تيقلب عليها..بانت ليه وسرطاات الريق وهو تيقرب ومعندوش الحق اخرج من الحلبة..جابو ليه فاش اخوي فمو وعينيه قرطاااس فيها وقال بغضب:بقاااي هناا😡😡انا نسالي ونرجع ةدين مك 
وردة:شوف هي..
محمد:(قاطعها معصب)صوتك منسمعووووش..قطعي حسك
عطااها بالضهر ومشا كيقاااد فالقفازاات ويرتاااح..وعرووقو منفوووخين صاافي وصلات ليه لعظم بقا ليه شوي ويتفركع .هارفها تطير وضاسرة ولكن عمرو عرفها قافزة باش تجي من المغرب لروسبا..اما وردة تتقول هي يالاطيف يالاطيف ياربي مينزلش اخسر ليا معالم جمالي..بقات واقفا تترعد وبعض الصحاافيين صورو لقطة فاش كيهضر معصب معاها..دق الجرس وتعلن عن بداية الجولة ااثالثة لي غتكووم حاااسمة غتحسم فأمر محمد واش غيدوز للنهائي ولا لا..بدا اللعب معصب والخصم كثر منو..كيتنفس بزز ويضرب..جاب ليه الله فمن ابرد .تلقا بعض اللكمات فكرشو ولكن قاااوم وحصر الاسباااني فقنت وبقا عليه بالدق والدق تحت صرخات الجمهوور لي تصدم من هاد المنافس القوي العربي..نزل عليه بأخر دقااا وكانت الضربة القاضية لي جابت الاسباااني فالارض مبقاااش قااادر انوووض..شهق كلشي واغلب الحمعووور واقف كيشوف لحظة حاااسمة وهي سقووط الاسبااني والدم فوجهو كااامل..حا الحكم تيفيق فيه عطااه تال عشرة مفااقش وهو يهز يد محمد معلن عن تأهلو للنهااائي بطولة العاااالم..ووردة تتفرح وتخيل راسها هي لخصم وغيدير فيها كثر من هاكا..واقفا على اعصاابها وعيون جوزيف حاضيااها من بعييد..تعلن عن تأهلو وفرحو مساااندييه وكذلك الصحاافة وجهو كاميرااتهم ليه..لهاد البطل لي بصم بلاصتو فالبطوولة فحين هو خرج من الحلبة حيد القفازات وتوجه لوردة لي مكرهاتش تنشق الارض وتبلعها..جرها من يديها مخنزر وخرج وخلا الافوااه كتهضر عليهم..غادي جاارها موراه فوسط الكولوار مهضرش وهي ساكتا بحال شي برهوشة زبلاتها فالمدرسة وجاي ولي أمرها..دخل للفيستير وجرها بجهد تا دخلها وقال:متخرجيش من هنااا ولا نفي دين مك😡😡
زدح الباب ورجع منين جااا عارفهم غيقلبو عليه..بقا كيتلقا التهاني من الناااس مخنزر معندوش الكاانة وعقلو مع وردة..فحين خاد الاخيرة تلاحت على واحد الكرسي تتغزل بالخلعة وتتولولو:اويلي اش درتت ناري كون هي بقيت فبلادي بعداا نموووت تمااا بخييير اويلي لهئ اهئ غيااكلني عصاااا اويلي اويلي شوهتك يا وردة تموتي فبلاد النصااارا😢😢😢
بقات غاديا جايا تما جهد شي نص ساعة وتتقول دروك اجي هاهو دروووك اجي اخلي ضاار عشتي..تا تحل لباب وهي تشهق تسحابها هو..ساعا صدق جوزيف لي قال:نتي هنااا؟؟اش تديري هنا؟؟
ورظة:(تترعد)هاء هااا والو والو
جوزيف:كاين شي مشكل؟؟شفتك مشيتي عند المغربي
وردة:(كتسرط الريق)هااا..اه اه راه..را
ياله غتكملها وقف عليهم محمد كي سحت ليل

شافت فيه ودازت صفورية من وجهها وقالت:محمد جيتي هااا
خزر فيها وفجوزيف لي نطق بالانجليزية:كاين شي مشكل؟؟كتعرفيه؟؟
وردة:(بالانجليزية)نونو (خزر فيها محمد)يس يس كنعرفو كنعرفوو(كمشاتت ملامحها بحزن)تنعرفو
جوزيف:ومالكي كتعرعدي؟؟
محمد:(بغضب)انا واقلة لي خصني نسولك واش كتعرفها؟؟
جوزيف:(مخنزر فيه)شكون نتا حتا تسولني..هادي صديقتي
محمد:(زير على يديه وعقد حجباانو)صديقتك هااا..لالة وردة تتعرفيه
وردة:(تترعد)هااا..لالا نونو متنعرفوشش..بيت نgول اه تنعرفو..لالا متنعرفوةوش
محمد:(بالغوات حتا قفزها)اييه ولا لا؟؟
وردة:(قفزاات)هاااء اه اه😢😢ياله نمشيو
جرها من يديها بجهد وقال:الحساااب من بعد
بغا يدوز وهو يوقف ليه جوزيف فالطريق وقال:معندكش الحق تديها معاااك ونتا ماتعرفهاش..
وردو:(اويلي)لا لا تنعرفووو(حنات راسها)he's my husband
جوزيف تصدم وخرجو عينيه:هاااا نو ميمكنش..كيفاش راجلك..واش نتي مزوجة وبهادا؟؟
محمد:(بالانجليزية)وهذا بسلامة معجبكش(طلق من يد وردة ووقف قداامو)
جوزيف:نو هي متسحاابنبش مزوجة حيت كنت معول نن..نن
محمد:ننن أش؟؟
جوزيف:سمح لي مكنتش عارفها مزوجة..على العموم نبقاو اصدقاااء ماشي مشكل
محمد:😡😡😡😡سير فحالك
جوزيف:اوك اوك
جر وردة من يديها وهز صاكو وخرجو وهي حانية راسها عارفا راسها كحلاتها وكملها ليها جوزيف عرفات محمد غااار وبزاااف..كيحس برااسو غيطرطق وباغي يتفركع عليها ومطمر..وقفو برااا من باب اخر وشاد غيها كي شي بنت صغيرة هاربا من للمدرسة..وقف طااكسي وحل لباب ورماها لور وطلع حدااها مزير غلى يديه وكيبرد راسو..ومنظر جوزيف جالس حداها مبغاش اتنسااا ليه كي كيشووف فيها..ووردة مكمشة فالقنت لاخر تطاكسي كتشوف فيه بنص عين وهو مرا مراا ادوز اهزها بتخنزيرة تاكتبغي روحها تطلع..وصل طاكسي لقداام الاوطيل لي حاجز فيه محمد..خلص طاكسي ونزل ضار لجيهة لخرا وجرها تاني من يديها..دخل خداا المفتااح وهو يطلع فالسانسوور وشادها حدااخ مزير ليها على يديها تا ضراتها وتتحاول تفلتها منو وتجرها وهو عاد مكيزير عليها..وصلو لطاج وتوجه بيها لبيتو..حلو ودخلها بجهد ..سبقاتو للبيت صفرة وهو موراها تيتمشى بشوي مبرد..شافتو مشافش جيهتها ومشاا للبلاكار تيقلب فيه ومدرقها بضهرو وهي واقفا بعيدة هليه تترفع على قرون صباعها تتشوف اش تيظير..تلفت بسرعة لعندها هاز فيديه سمطة ديااالو وتيشووف فيها مخنزر وقال:اجي دابا نتفاااهمو على هاد التحومير لي ولا فيك😡😡
وردة شهقااات وبدات نتبعد عرفات راسها غتاكل ماكلا القط نهار العرس..وبدات تترعد خاصة ماتشوف فوجهو تا ذرة رحمة:😱😱😱مم...م..محمد..اهئ اهئ محمد..شوووف خلينا نتفاااهمووو بالعقل عفااااك أ حبيبي
محمد:(كيقرب ليها)العقل😡😡😡؟خليتي لدينمي شي عقل هاااا...جايا لحمارة تمك من قاااع مراااكش تال روسيا..من للحمارة للطيااارة(تيغوت)واااش حمااااقيتي وا دوي..ولا تتقلبي تسطيني..كنت لاعب تاتنلقاك فوسط عبااااد الله جالسااا مبردااا ولايني انا لي طلقت لوالدييك اللعب(تيقرب ليها وهي تتبعد)
وردة:(هربااات )لهااااار امحمد لضربنييش عفاااااك العااار عااار بناتك لي بيناتنا هي سمعني
محمد مشااا تابعها معول اخلي عشتها:اليوم غنقتل مك عصااا تاتىباااي(صعر)وقفي الله ينعل دين مك الكلبة😡😡😡
وردة هربات وطلعات فوق الناموسية:والله منجي..حط سمطة وخلينا نهضروو بالعقل اهئ مالك مسموم بيتي تخلي ضار بويا حيت جيت نوقف معاااك
محمد:اوقفو على قبيلة مك صحااب الحااال..اطيروووك اما انا هزيت عليك يدي😡😡
نقزاات ليه من الناموسبة لقنت اخر وقالت:عفااااك أحبيبي حط داكشي وسمع ليا هااا العااار(نقز حداها وشحطها بالسمطة للفخد )ااااااخ ااااح اربيييي..الله ينعل بووووك اخئ اهئ(هربات للحمام)تفووووو
محمد جا كيجري بغا يلحقها لقاها سداات لباب وبدا كيدق عليها بجعد:حلي لمك راه اليوم مغتفلتييش منها..غتاكليها مضووبلا
وردو:(زعفااات)والله لحليت أ وجه طااسة...الله يعطييك الكرررض(تتحك رجليها)اااااي اربي حمااارت
محمد:غتحلي ولا نفرررعو😡😡
وردة:حربووووش تفرعوالى منفرعك خليت الذل على المرااكشيااات..سر مي أنا لي مخليا شغلي ومشااغلي وجايا نوقف معاااك ونحسيك بلي معااك ساعا ننا مديااال الخييير لهلا يصرفووو فيك..كون عرفتك غتبهدلني هاكا وتكرفسني والله منجي
محمد:(كيضرب فالباي معصب)واش طلبتك شكيييت علليك😡😡وا مالكي تطيييري واعباااد الله ومتجييش واش من المغرب لرووسيااا وا كيدرتي ليهاااا...حلي هاد لخراااا حلي
وردة:والله منحل..شافك شتيه😠😠سير فحااالك تاتبرد واحي نهضروو..
محمد:(كيغوت )واااحليييي😡😡
وردة تخلعات ومبيناتش:وا والله لحلييت اهى سير فحالك بيتي ضربني ومحاالاش
محمد تنهد بعصبية ومسخ على راسو وصدرو كيطلع وينزل بالاعصاااب..برد ونقص من صوتو وقال:هي حلي منضربكش
وردة:والله منثيق..سير فحااالك فففف
محمد:(صعر)واااحلي راه هضرت معااك مضاربكش..انا اصلا لاش تنطلبك(ضرب برجليه لباب وهو يتحل)
البنااات صبروو معايا اه تنكتب ولوووح..

شهقااات وردة ولصقااات مع الحيط وعينيها كتشووف داك الوحش لي قداامها عااقد حجبااانو ومخنزر فيها..تيشوف فيها باغي اطيرها والسمطة فيديه بحالا تتقول لوردة:ليوووما نزوقك هاهاها
محمد:😡😡زيدي لهنا ولا نجي نجيبك
وردة:(لصقااات معالحيط)لا لا😱😱😱عفاااك أ محمد سير تاتبرد...رله غضربني وغتندم وغنغضب ةالله منهضر معاااك باقييي
محمد:لتهضريش اصلا(قرب ليها وشدها من شعرها)تسحابك غنحزرك هاااا..طلقت ليك اللعب تا طلعتي ليا فراااسي هااا وليتي ديري لي بغيتي😡😡وطوالو ليك رجلين وخارجا برااا البلاد عيني عينيك(زير عليها)هضرييي فيناهو داك اللساان لي مسخنا من قبيل 
وردة:(تتحاول تفك راسها)وا محمد عفااااك عفاااك😢😢راه ..راه..شوف خليني هي نشرح ليك عفااااك(شدات يديه)عفاااك أ حبيبي اهى
محمد:(تيشوف فعينيها غرغىو وعزاات عليه وعاد كان موحشها ولكن دارت علاش خلاتو انساا شوقو ليها)اش غتشرررحي هااا اش غتشرحي..😡😡
وردة:😢😢هي طلق مني راه ضريتيني..غنهز قلوعي ونرجع فحااالي وعمرك باقي تشوف وجهي اهئ سري جايا لعندم(بداات كتبكي ويديها حاطاها على كرشو)
محمد:فففففف وردة😡😡 وردة😡😡😡
وردة تتشوف فيه بين شفاارها فازكيين بدموع وتتمسكن بشوفاتها خلاتو ادوب فيها..واتحلو حجباانو وتهدن..غمض عينيه بنفااذ صبر مبغااش اضعف قداامها وحلهم:فففف علاش اوردة علااش؟؟واش متتفكرييش هااا..كون وقعاات ليك شي حتجة هااا..جايا ليا من قرطاا حنا وبوحدك وباغاني ندوزها ليك😡😡
قربات ليه تتمسح فدموعها وتشهق..شدات يديه لي فيها سمطة وحيداتها ليه..دوراات يديها على كرشووو وعنقااااتو بجهد تتدمع علبه وتحلون..مدار تا ردة فعل تا زيراات عليه وقالت :توحشتك وجيت نشوفك😢
هز يدو بعد صرااع مع راسو ودور يديه على كتاافها معنقهاااا وهي تبدااا تتبكي عليه..وهو خسااها فحضنو وخلاها على راحتها معنقاااه..كيبوس فراااسها ويعاااود..بقاو لمدة معانقين كيحيدو الوحش من بعضهم..تا بعدها عليه..باش راسها ومسح دموعها وتنهد وقال:الله يهديك راه شي نهار غتسكتي ليا قلبي
وردة:(كتفشش)واش درت أنا؟؟
محمد:(حط يديه على جنابو كيشوف فيها كي تتحلون وعايق بيها دايراها بلعااني)واش واعيااا اش درتي ولا لا؟؟واش مخفتييش
وردة:مجيتش بوحدي😢😢
محمد:معامن جيتي؟؟
وردة:(حنات راسها)مع ماماك
محمد ضحك بسخرية طلعات ليه الفقصة:ههه اويلي عل من معول..ديك لي خليتك ليها جابتك
وردة:وا انا لي طلبتها
محمد:ففففف واو زعمااا برااافوووو عليكم اعول عليكم بنادم
وردة شافتو برد وهي تقري ليه شدات يدو وقالت:وا توحشتك وصافي
محمد بقا كيشوف فيها شحااال وهي تتهز راسها وتعاود تحطو وبتاسم بجنب:خههه توحشتيني ههه
وردة:اه☺☺والله(قربات ليه وتعلات تا باستووو فذقنو)
محمد تبورش وبعد وجهو كيضحك وقال:هدااي هخه اجي لمك(جرها لعندو من خصرها وطلعها لجيهتو كيشوف فعينيها بحب وشوق وهي كءلك مبتاااسمة باتسامة ساحرة)توحشتك
وردة:تانا ههه
بقا كيذوف فيها وبدوز صباعو على شفايفها ويتنهد..ويتفخص وجهها لي تورد..نزل شفايفو لعند شفايفها وخدااهم كيبوووس فيهم بحب وبحنيية مخدم معاها البطء..كيجر فيهم ويمص..حلات فمها ودهل لساانو فمها خداا لسااانها كيبوس فيها ويلعب بلسااانها..قرب للحيط وكالاها معاااه وكمل بوووسااانو ليها كينهج..كيجر فشفايفها ويعطي لكل وحدا حقها وهي مستمتعة معاه كتنهد وتعاود..ترفع معاها وولا واحد اخر غير لي كان شوي دابا معصب..كيبوس فيها بحرااارة وهي كذلللك..كيحركها من بلاصتها هازها من للارض وكيبوس ويدفع فيها..بقاو شابكينها بوسااان تا لقاو راسهم فوق الناموسية..متكيها وطايح عليها كيبوس فيها وهي مندامجة معاااه..كينزل لعنقها ويحك لحيتو معاها حتا كتأوه ويدوز لجهة خرااا..ويطبع بةسااات خفاف على عنقها وذقنها..اما وردة الله يرحمها كانت مرفوعة ومندامجة معاااه..جر سمطة تاع سالوبيط ونزلها ونزل لخرا وفمو ففمها..جرو حيدو ليها خلاها بسليب وايشوورت..وطاح عليها تاني كيبوووس فيها ويديه شااادا فرجليها لي كيترعدوو..رجيلات بيضين ونقيين مافيهم تازغبة..حيد ليها تيشوورت وطلق شعرها وجا على وجهها ..بعد عليها تا شافها مغمضة عينيها ورجع تاني كيبووس فيها ويعاود..وكل بلاصة عاااطيها حقهافاابوسة..كملو على نفس المنوااال واجساادهم تتحاك..للحظة هز راسو وقال:دايرا شي حاجة؟؟واش غيكلي؟؟
وردة:(فتحات عينيها بزز معسلين واومأت باه)
محمد:(بسخرية)هه ولاش مقلتيهاش..باغا فيا الخدمة
وردة:(بحب)توحشتك ومقدرتش نحبس
محمد عحبااتو هضرتها وبتاااسم بحب ونزل قبلها من شنايفها بحنية وقال:اححح اخليلي لي توحشني انا ههه ولايني أ حبيبة انا صافي وصلت فين بغييت وغتصبري معااايااا
وردة:ههههه
بضحكتها عطاتو الاذن باش انه اكمل..وفعلا كمل وقضا غرضو بطريقة خرااا بلا ميقيسها

بعد ساااعات..تلاح محمد كينهج على ضهرو عرياان ووردة تتنهج كثر منو..تكا على مرفقو ولاح عليهم ايزار فالاسود غطا ليه هو نصو وهي غطا من صدرها للتحت..شاف فيها بحب وباس جبينها قبلة رضا وقال:مكنشبعش منك
تمخششاات فيه حشمانة وقالت:اش gلنا اخر مرة هاا ههه مباقيش نديرو هاكا
محمد:(كيبعد خصلات شعرها)وعلاه تنديرو الحراام ههه تنديرو السهل الممتنع ههه وزايدون تانتي عاجبك الحال 
وردة:اييه ولكن تنعياا هه(عنقاتو)توحشتك نشم ريحتك
محمد:(ضحك)هههه ياكما تتوحمي ثاني؟؟
وردة:(هزات فيه راسها وشعرها مخربق)ههه باقي الحاال(باستو ففمو)
محمد:زعمتي هااا ههه وزعامتك تبارك الله وصلات تا تنوضي تجي من المغرب لرووسياا..(تقاد فبلاصتو)نموت ومعرف كي درتي ليها..على الاقل خاصك أيااام باش تطلع الفيزاا..تدخلات الواليدة؟؟
وردة:ههه لالا وردة هادي وأجرك عالله..زغرت ورجع لور ههه وgول عاش الملك ههه...فؤاد لي عاوني؟؟
محمد خرج عينيه بصدنة وقال:هذااا صااحبي لي دايرها ههه اويلي انا معامن..واباااز واش متتردعييش هااا
وردة:(تتحلون عليه)وصافي أ حبيبي راه هي توحشتك واااه..وتانتا توحشتيني واخا كنتي بيتي تضربني
محمد:صراحة هي تاقيت فيك وجه الله اما والله تا كنت معول نخلي ضار عشتك
وردة:(غوبشاات)ومحشمتيش..انا قاطعا البحاار والنهار القهار جايا نشوفك ونتا بيتي ضربني😠
محمد:ونتي محشمتيش جايا من المغرب تال روسيا بوحدك ومخليا ولادك وجايا
وردة:شكون gاليك جيت بوحدي..بناتي وجبتهم معايا
محمد:😳😳😳لا إله الا الله معاااك..بلا حشمة بلاحيا جايبااهم..واش هترتي؟؟
وردة:(ضحكات بنصر)باش تعرف راك محزم بالعيالات الحورااات هههه
محمد:(خزر فيها)اه متنضحكش معاك..راه واخا ضحكت ولاينيى اه مناسيش اش درتي😠😠ماشي فعاايل..مخليك فدارك بقاااي فيها
وردة:يا دابا شديتي اش بيتي صاافي..غتقلب تاني أ سحت ليل هااا😠😠
محمد:اش خديت..؟؟
وردة:😳😳تشدك لي متعلم القرد(كضرب فيه)متتسوااش تفووو اش جابتي لعندك كون هي بقيت فدااري ولا نجي نسمع هاد الهضور
شد ليها يديها وخزر فيها:سكتينل ورحعي تنعسي
وردة:والى مبيتش اكينكو؟؟😒😒
محمد:غنعلق مك المشكودرة
بقا كيشوف فيها وتشوف فيه وتاواحظ فيهم مقدر احدر عينيه لي كانو هازينهم بتحدي..قاطع شوفاتهم صوت الهاتف تيصووني..كان ديالها
وردة:عطيني ديك شكارة؟؟
تلفت وجر شكاارتها ومدها ليها..هزات تيلي لقاتها زهرة وقالت:الو
زهرة:وردة..مشيتي مباقيش علمتيني اش باقي دراي شفتي محمد؟؟
وردة بغات تجاوبها وهو ينطق محمد بصوت مسموع:شاافتني شاافتني..هي بلاتي تانتي حساابك معاايا هو لخر
وردة:(حابسا ضحكة)سمعتيه؟؟
زهرة:تسحاابو غيخلعني هاا.اه انا لي ولدتو ماشي العكس
وردة:ههه بناظم كيداير..ياكما كتبكي توبة؟؟
زهرة:لا تتلعب حاطا حداها ختها وتتلعب معاها وتناسات..كل شوي تسول عليك وتنقوليها اه دابا تجي وتجيب ليك لعبة
وردة:مزيااان..انا شوي ونجي
زهرة:دااكوغ وجيبي معاك محمد
وردة:(تتشوف فيه بنص عين)الى با يجي
قطعات معاها وتلفتات ليه وقالت بنفخة:بيت ندوش..حيد
محمد:شتيني حابسك؟؟نوضي الى بغيتي تنوضي
جرات ليزاار وخلاتو عريااان كولو ولوااو عليها ومشاات للدوش بلا متشوف فيه هلاتو تيبيض فعينيه وتيقول باااز..دخلات للحمام لي كاان كبير وفيه جوج رشاشات..حيداات ليزار لقات صدرها حمر وفخاضها حمريين..دخلات تحت رشااشة وطلقات الماا ودارت شومبواان تتغسل شعرها تا حسات بيدين فخصرها وكطلع لصدرها ثم لشعرها..نزلات يديها عرفاتو هو وخلاتو يدير ماابغاا..كيفرك ليها شعرو بصباعو ويغسلو ليها بلا ميهضر..شللو ليها مزيااان وجا نازل تال ترمتها..توقف على الحركة وهي ضور عندو والما مطلوق عليها لقاتو واقف كيشوف فيها عريااان..باسها قبلة خفيفة فمها وقال:كنبغيك
حنات راسها وعنقااتو وقالت:تانا
محمد:ايوا غسلنا ليك تانتي غسليه ههه
وردة:(بضحكة)ههه خصني نتعلق اسلوم الشفارة ههه(هزات شامبواان ودارتو ليه وبدات كتغسل ليه شعرو وتضحك تهو مسايرها كيستمتع بضحكتها لي ملئات ارجااء الحمام)هههه صافي ساليت
دوز ليها صابون وليه وخرج جاب ليها بينواار كحل واصل ليها ركبة وفوطة فالاسود صغيرة..لبسو ليها ولوا ليها شعرها فالفوطة ولوا على نصو هو الفوطة وخرجات من دوش وقالت:بب جيب ليا اولويز..معندييش
محمد:نلبس ونخرج نجيب ليك لي بغيتي
بتاسماات ليه وشدات فيه وخرجو لبرا..لبس قداامها ملابسو السوود وخلاها تتنشف شعرها وتتسناا فيه..بعد ربع ساعة دخل هاز ساشيات فيديه وقال:هاكي ها اش غيخصك لبسيه
شداتو من عندو وتتطل عليه وجات غدخل للحمام وهو يرضها وقال:لبسي هنا😉😉
ضحكات بخجل ولبساات دوبياس فالاسود بعدما قادات اولويز معاهم ديباردور وجايب ليها كسوة فالبوردو طويلة ولاصقا وجايا نص كوم..هزات الفوطة تتكمل شعرها وهو جالس تيشوف فيها بابتساامة..جرها بزربو حات جالسا قدامو وشد الفوطة وبدا تينشف ليها وقال:شنوو نفهم حبيبة ديالي بغات تفرج فيا تالنهائي هااا
وردة:ضروري ههه لاش جيت انا

محمد:كطيري ابنيتي والله..ياله وضي هاهو نشف..نوضي غنخرجو
وردة:فين؟؟
محمد:بيت نشوف بناتي والواليدة
وردة:😊😊واخا أحبيبي
مشات لساكادو هزاات قراصة جمعات شعرها ووقفات قدامو وقالت:ياله نوض
وقف وشابك صباعهم وخرجو مبتاسمين..طلعو فالاسانسوور وهي ضحك بوحدها..شاف فيها وقال:مالكي تيهرووك حواايجك ههه
وردة:جاب ليا الله بحالا جايبن لشهر السمن😂😂
محمد:هههه ياك..غنجيو ان شاء الله..هي نسالي هادشي وكنواعدك غنمشيو للبلاصة لي بغيتي فالعالم
وردة:(عنقاتو من كرشو)بيت نبقا هي فهاد البلاصة مخششا فيه
عنقها من كتفها وخرجو مبتااسمين ولي مكانش فالحسباان لقا مجموعة من الصحاافيين واقفين قداام الباب..هي شافوه وشعلو كاميراتهم وبداو تيصورو..رجع بزربة لوور وجرها معاه باش ميصوروش وقال:فاااك..زمر نسيتهم
وردة:اش كاين شكون هادو؟؟
محمد:الصحاافة ففف
دخل واحد من المسؤولين وقال:محمد..فين كنتي شي ساعتين وانا تنعيط ليك فين كنتي
محمد:كان عندي منقدي..لاش جات الصحاافة
...:وراه نورماال راك دزتي للنهائي وعادي يديرو هاكا..
محمد:وانا دابا خارج
..:نو مغتخرجش قبل متعطيهم تصرييح وتهضر معاهم هادشي غيدعمك مزياان سيختو نتا معندكش دعم بزااف
محمد:(بنرفزة)معنديش مع هادشي
تدخلات وردة:هي بشةي عليك..مالك هازها منين ثقالت..سير هضر معاهم عادي خمسة دقايف ولا قسمين وجي صافي
...:وي تماما راه دغيااا..جاوبهم وصافي
محمد تنهد مخنزر وقال:بقاي هنا..غنرجع ليك
اومأت ليه بالايجاب ومشا وتبعو المسؤول وبقات هي واقفا بعيد تتشوف فيه بابتساامة..كان عاطيها بالضهر وواقف كيهضر مع الصحافة بالانجليزية وكيجاوب على اسىلتهم المختلفة وكل واحد تيصورو ةيطرح السؤاال لي بغا بالانجليزية وهي لغة المشتركة..حافظ محمد على بتساامتو وجديتو وجااوب على اسىلتهم كاملة ووردة حاضيااه من بعييد كتبتاسم كتشوف فيه وصل للنجومية تقريبا وهادي شوي ملي كيتسنااه الى ربح غيطلع طلعة وحداا..سالا معاهم ورجع دخل لعندها وقال:تعطلت ا حبيبة
وردة:(بابتساامة)لا أحبيبي لا..ياله مشيينا
شد فيديها وباسها وجرها..لقا الصحاافة باقي واقين والمسؤول طلب ليه طاكسي..خرجات معاه والصحاافة لقاو ميشدو خاصة الغرب خصهم هي ميشدو فالعلاقااات..حناو راسهم وطلعو والكاميرات مكاين هي تشاك تشااك..طلغو ونطق محمد:سميت الاوطيل أوردة
وردة:&****
محمد:(للسائق)اوطيل****
تحرك الشيفووور ناخية الاوطيل لي فيه زهرة وهوما بقاو كيضحكو ويتكلمو ومرا مرا اخطف بوسة تا يحماارو حنوكها..وصلهم قدااام الاوطيل...خلص الطاكسي ونزلو شاد يديها وقال:اهاه والاوطيلات الواعرين عهه
دخلو وطلعو لسانسووور وتوجهو للطابق وقال:اشمن بيت
وردة:اجي ها هو هنا
وقفو قداام باب بيت زهرة ودقااتت وردة وهي تحل زهرة هي شاافتو طاارت عليه معنقاااه وتاهو حاوطخا بيديه كيضحك ويعاااود ويبوس راسها..باعدها عليه وباس يديها بجوج وراسها مبتاسم وقال:توحشتك ههه بزااف
زهرة:اححح تانا أ حبيبي والله..مبرووووك علييييك لفيناااال مبروووك
محمد:الله يبارك فيك رضاااتك هاديك
زهرة:دخلو دخلوو ههه
دخل محمد معنق مو من كتفها وعينيه كيقلبو على لبناات..فوسط لبيت بانت ليه توبة تتلعب بألعابها ..بتاسم وقال:توووبة ديالي
هزات راسها بطفووولية وتحلو عينيها بالفرحة وقالت:بابا😍😍
وقفات ببطء ديالها وبدلت تتجري لعندو وتعكل وتقول بابابا وفمها مترع بالضحك..طلق من موو وشدها دغيااا وهزها معنقها وكيبوووس فيها ويعاااود ويبجغ حنوكها بالبوساان وهي تتشد لحيتو وتبوسو فمو وتضحك..مباتش تطلق منو تضحك وتقول بابا بابا..عنقهااا فرحااان بيهااا وتيضور بيها وهي مترعااا فمها للضحك..ضحكاتهم بهبالها وقال:أنا بنتي توحشتك هههه
توبة:بيبي بابا 
عنقها وجلس وجلساات مو وجابت ليه وردة إكليل شدها من عندهااا فايقا وتتحرك ريلاتها شبعها بوساان تاهي وحناكها طلبو معاه الشرع..هازها بيد وعلى رجليه حاط توبة كيلعب مع إكليل ويبوسها ففمها وهي تتشد لحيتو بيديها بلا متحس ومع عندها ضفاار كتقمشوو..بقا حالس معاهم شحاال كيداعبهم ويلعب معاهم بجوج ووردة وزهرة كيشوفو فيهم..كيشوفو محمد الاب كي كيتصرف كيحااول ما أمكن اعطيهم وقتهم الكامل ويلعب معاهم ويسمع لتوبة لي ولات تتخرج الهضرة وتايخصها هي فين تصرفها
توبة:بابا لولورياااا
محمد:هههه منسااتش ههه
زهرة:متبقاوش طمعوها بواالو ههه فين اللعبة
وردة:نسينا ماشرينا ليها ههه
زهرة:ديوهم خرجوهم وشريو ليهم اش بغاااو
محمد:يالهو نخرجو انا ملاعب تال من هنا ثلث ايااام
زهرة:هي سبرو انا راسي تيحرقنييي
محمد:ياكما مريضة؟؟
زهرة:ههه لا لا هي البنااات عيااوني راه تربيتهم صعيبو خاصة جوج كل وحدا خصك ترض ليها لبال..سيرو نتوما
وردة:وابيناك تمشي معانا زعما
زهرة:نونو جامي والله سيرو بوحدكم وديو البناات
محمد:واااخا
ناضت وردة شدات البناات لبسات ليهم وقالت:صافي واحدين
هز محمد توبة وهي هزاات اكليل ..وخرجو كيضحكو كأي عائلة..قررو اتمشااو لان الاوطيل جا فبلاصة فيها المرااكز التجارية بزاااف

تمشااو فشوارع موسكو كعائلة سعيدة ومكاينش لي ينغص عليهم حياتهم..دخلو لاحد المراكز التجاارية للكبرى فهاد المدينة وبقاو كيدورو ويضحكو..جرها محمد لبوتيك تاع دراري صغار وقال:غتبقاي مبرزطة ونتي هازاهم هاكا..سيري شوفي شي يوسيط وشي حمال
وردة:ولكن ممكن اكونو غاليين..
محمد:(خزر فيها)تمشي لا😠
ضحكات ومشات قلبااات على بوسيط بتوبة وحمال باش تهز إكليل قدامها..داز محمد خلصهم وحطو توبة فاابوسيط وقاد ليها إكليل قدامها بالحمال وخرجو متشابكين الايدي..كانت الثمنية تالليل والموول عاامر وهوما هي كيضحكو مشابكين الايدي..دازو من حدا واحد المطعم وقال:ندخلو ناكلو..فيا جوع
وردة:هي لي متعاودش هه
دخلو لمطعم زويين وجلسو وجا السرباي عطااهم الموني..وبداو كيشوفو اش غيااكلو ووردة كتبيض فعينيها وقالت:قريت تاعييت جيت تال عند هاد صفريتين مقشبلت تا لعبة ههه
محمد:هههه نختار ليك أنا هي نيشو ةنشوفو اش غيخرج .
وردة:زعما نديرو هبل تربح ههه سير عالله
ضحك وختااار وجبة هي هاكاك داروها فيد الله..شير لسرباااي وجا عندو قاليه اش بغاو ومشا 
وردة:زويين هنا هههه
محمد"نتي لي زوينة(هز يديه باسها)باقي كيجيك الوجع
وردة:(جمعات ضحكتها)شويي..داك نهار فاش قطعت معااك جاني لوجع مع الفجر..وجع قاسح والدووخة وسخفت ملي فقت لقيت راسي فسبيطاار
محمد :(خرجو عينيه)ايمتا هادشي؟؟ولاش مفراسيش
وردة:😔😔نهار ربحتي فالربع نهائي. .كنت بخير تا جاني مجهد وداتني مك لسبيطاار مكنتش بيتك تعرف باش متبرزطش
محمد:(زير على يديه معصب)وايمتا كنتي ناويا تقوليها؟؟
وردة:واراه كنت معولة هي تترجع وزايدوون مبقااش بزااف للعملية
محمد:(تنهد)منيما شديتها تتعواج..ياك دواك تتشربيه؟؟
وردة:اه فالوقت والله ولكن راخ حالتي غاديا وتتزيد لور😢😢
محمد:(شد يديها باسها)صافي احبية مبقاااش قد مافات غنربح وغديري العملية صاافب
وردة:واخا😊😊😊
بقاو كيهضرووو وجا السرباي جاب ليهم المتكلة وصدقااات زوينة وتا توبة عجبااتها تا وقفات عليهم واحد السيدة لابسااا الكلااص وطالقا شعور وقالت بالمغربية:سلااام
محمد:(تفاجأ)وعليكم السلام
...:عفاااك واش محمد امين الساجدي؟؟
محمد:مغربية؟؟ اه علااش
...:)مدات يديها )انا مريم العمرااني مسيرة هاد المطعم ومن الجالية المغربية لي هنااا..صراحة جابسين وتنقول واش هو ولا مااشي هوو...فغييمون جيت نهتأك على الفوز ديالك اليوووم 
محمد:(بتاسم ليها)ههه براك للله وفيك الالة مريم
مريم:(بابتساامة)فرحنااا بزااف فاش دزتي للنهائي..هنا حنا فالغربة كتكون حاجة بسيطة ليها علاقة بالبلاد كنتبعوها..موحشين البلاد ههه
محمد:سي الغربة صعيبة
مريم:واخا ناخدو فوطو تذكارية معااك
محمد ستغرب من طلبها وشاف فوردة لي كانت مبتاسمة بتساامتها العريضة وقال:avec plaisir 
وقف وهي تقول:اطط نعيط لخرين ههه
محمد ضحك ومشاات عيطاات على ليكيب كااملو تقريبا من طبااخيين وسربايا لي كانو مغاربة كيسلمو على محمد ويباركو ليه فرحاانين..وهءا هو حال الجالية المغربية براا..كتكون موحشاا البلاد خصها هي فين تلقا فرصة تعبر عن وطنيتها..وقفو كاملين حداه وشي كيصور شي ووردة تتشوف فيهم مبتااسمة اما توبة تتلعب بيديها وتضحك عليهم..تصور معاهم كاملين وبغاو تصويرة جماعية وهي تقول وردة:انا نصوركم..
هزات إكليل حطاتها حدا ختها وشدات تيلي وصوراتهم صورة جمااعية كاملين وتفرق كل واحد لخدمتو وقالت مريم المسيرة:فخووورين بيك بزاااف وبوجود شباب بحالك كيهزو دراابو تالمغرب.مطعمي مفتوح ليك ديما وفأي وقت
محمد:(بابتساامة)براااك الله وفييك😊
مشات مريم باش تخليهم على راحتهم وجلس محمد كيضحك وقال:المغارباا باينين من الطيااارة هه
وردة:تشهرتي العفريت هههه مسااكن تيكونو موحشيين المغرب خصهم هي علاش اتجمعو
محمد:بعدا هادو خداامين مع بعضياتهم ومغاربة تيدويو بدارجة ارا ليك فاش تتكون بوحدك عربي وسط رباعة تالكور هههه
وردة:هههه الموووت والله انا بعدا متنتخيلش راسي عايشا فقنت اخر من غير مرااكش واحسبالله نمشي برا البلاد ههه
محمد:نتي مشكووودرة مولفا القصبة وباب غماات ودفا وربع هههه
وردة:وافتخر ههه كمل ماكلتك
كملو ماكلتهم تيضحكو ويتعاودو ويناتهم حداهم كيبجغطو..تا سالاو وجا السرباي عطاهم وجبة اخرى اديوها معاهم كهدية من المطعم ومنعوه اخلص رغم محاولاتو وخرجو تيدورو تاني وومنيما دازو كيشريو تا الشوميز دونوي شوراوهم ووردة تتموت بضحك عارفا مغتلبسهومش هه
وصلات العشرة تاليل ورجعو للوطيل فاش نازلا وردة..طلعو عند زهرة لقاوها خرجاات عيط ليها وقالت ليه خارجا تشم الهواا
قرر محمد ابات معاها..دخلو دوشو وبدلو عليهم من الحوايج لي شرااو..رضعات بنتها ونعسااتها وهزات توبة لي باقي تتفكر تعب بزز باش نعسااتها ومحمد متكي على السرير عريان من الفوق ياله مدوش وكيقلب فالتيلي..محس بيها تا تلاحت حدااه عياانة وقالت:غفف غييت
محمد:بسيف نتي قاطعا البحر وجايا
وردة:ههه متتنسااش غدا نهز قلوعي ونرجع منين جيت

جرها لعندو حط راسها على صدرو ولاح عليها رجليه وقال:حربوووش دابا جيتي هي بقااي تانسالي هه
وردة:هي دافع النفخة اما نتا كنتي غتموت وتشوفني هههه
محمد:تبوردي عليا الالة انا لي مطيح من كواريا ههه
وردة:هههه ايوا نتبووورد عليك نتا حسن ههه
عنقها وبقاو مجمعيين كيضحكو تا هزات تيلي كتقلب فالفيس وتهضر معاه تاطلعو ليها بعض الصفحاات الابكترونية تتهضر على فوزو والناس متافعلين معاها ب #الضربة -#القاضية شافت فيه وقالت:سمع سمع..عاجل مشارك مغربي في بطولة البوكس للمدربين يسقط خصمه بضربة قسوى هه التفااصيل..وها لوخرا"امين الساجدي رجل الاعمال سابقا يتأهل لنهائيات بطولة العالم للبوكس" ايهاااي ايهاااي تشهرتي ههه حبيتك فهاد لافوطو ههه
محمد:(باس راسها )هههه ياك..حطي داكشي واجي نقوليك
وردة:(فهمااتو)سير فحالم واش متتعياااش ههه
محمد:ههههه بعدا فاهمااني ههه لا لا هي حطيه دوزي تنغسي غدا انا عندي مايداار
وردة:بحالاش هاد مايداار؟؟
محمد:عندي لونتريماا وشي لقاءات صحفية وصافي
وردة:ممم هي مغنشوفكش
محمد:ممكن تالغدا ونشوفو المهم بعدا نتي هنا
تخشاات فيه وغمضاات عينيها وهو كذلك تا نعسوو
###
على الصبااح فاقت توبة هي لولة شافتهم ناعسين معانقين وناضت من بلاصتها تتعنكش فالمشية عضاات على لساانها وطلعات لفةق الناموسية بصعوبة وطلعات فوق كرش محمد ووقفات تتشتف عليه وتضحك وتحرك فيه باش انوووض..تا حل عينيه بشوي ولقاها منوضااا القريقعة فوقو..ضحك وقاال بصوت مبحوح:اديك شويطينة عههه 
توبة:فيتو فيتو ههههههه بابا بابا ماما ماما
محمد:(جرها عندو)اجي مالكي ضساريتي هااا ههه
توبة:(تتبوسو فلحيتو)ببب بلبا نونان 
محمد:هههه اه متنفمش اش تتقولي..نفيقو ماما
توبة:(صفقات بيديها)👏👏👏هووووو هيييي
محمد:هههه هي بشوي(باس وردة فحنكها)بيبي بيبي ههه فيقي
توبة:(بصوا مرتافع)ماما ماما ههه
حلات وردة هينيها على صوت توبة وقبلات محمد..وقالت:أ مالكم على الغواات هاظ الصباح(بعدات على محمد)ههه اجي اديك الشيطاانة ههه
هزاتها حطاتها فحضنها وتتبوس فيها وتهرها وتوبة تتغوت بضحك..بتاسم محمد وقال:وشنو دابا توبة بوحدها لي تشبع بوساان حنا حرااام😉😉
وردة:هههه تتغير من بنتك هه(قربات باستو فحنكو)صباحو أحبي
محمد:(قبلها بحرارة فشفايفها)هاذا هو الصبااح العمر خخهه
توبة:😍😍😍وييينيني وينين
محمد:الحمد لله بتتي قالت الحق..انا غندوش ونخرج عندي منقضي
وردة:واخا
ناص محمد باس اكليل لي كانت باقي ناعسة ودخل دوش ولبس عليه وخرج لقاهم باقي بلاصتهم هازين إكليل تيبوسو فيها وهي تتكمع وتجمع البكية باغا ديماري
وردة:مد ليا داك صاااك فيه رضاعتها
محمد هز صاك عطاه ليها وقال:كيكديري لهاد رضاضع لي موجدااهم على تيسااع
وردة:تنوجد الحليب كثير ونديرو فطيرموسة تتشد السخونية وكل مرا تقادات وحدا تنعمرها وصافي
هزات رضااغة قاداتها وقاست حرارتها عاد عطاتها ترضع وشفايفها على راسها تتبوس فيها واوبة حداها حاديااها..لبس كلشي عليه وجا باسها فراسها وقال:هاني مشييت طلبي لفطوور ومتخرجيش حدك عند الواليدة
وردة:واخا الله يسر أ حبيبي
نزل على شفايفها كياخد منهم جرعة من الحب وقال:أمين
باس بناتو وخرج وخلاها معاهم..سالات الرضااعة وهزاتها للحمام دوشاات ليهم بجوج ولبسااتهم وطلبات الفطور وفطراات هي وتوبة فحين محمد خرج من عندها وتلاقا بمو..باس راسها وقال:صباح الخير
زهرة:صبااح النور اولدي..كيصبحتي؟؟
محمد:بخير ونتي؟؟
زهرة:الحمد لله..ولدي الى عندك شوي تالوقت اجي بغيت نهضر معاك فواحد الموضوع
محمد:(شاف فساعتو)دابا ميمكنش..عندي مايدار راك عارفا الصحافة والاونتريماا نكمل وفالعشية نتشااوفوو
زهرة:داكوغ العشية نخرجو ونهضرو
محمد:سيري عند وردة
زهرة:غنفطر ونمشي عندهااا 
بتاسم ليها وباس راسها ومشا..وهي توجهاات تفطر..فحين محمد ركب طاكسي وتوجه للاوطيل فين نازل هو ولقا المسؤولين كيتسناااوه طلع لبس سورفييت كحلة نايك وسبرديلة وهبط للقاء الصحفي لي عندو فقاعة فالاوطيل..كانو مجموعة من الصحاافيين كيطرحو العديد من الاسئلة المخاالفة وهو كيجاوب بابتسااامة وصافي..دام اللقاء الصحفي لمدة ساعة ونص وهوما هي فالاسئلة والاجوبة ..سالا وودعهم وخرج لقا الطبيب كيتسنااه وقال:كنتي بااغفيي
محمد:مغسي ههه..شنو دابا صافي نمشي نتريتي
جبد كارط ومدها ليه:هذا عنواان صال فين تتريني..معولين عليك
محمد:كلشي فيد الله😊😊
مشا طلع لبيتو وهز مسائلو لي يحتاج وخرج فاتجااه لصال لي قال ليه الطبيب..بقا فيها مدة ربعة سواايع وهو هي فالاونتريمااا..تا تهد ومشا رجع للاوطيل دوش وبدل عليه وتلاح نعس بعدما تكلم مع وردة لي مغادراتش البيت تلجات غندها زهرة وخرجو شوي هي لشي جردة ورجعو تغدااو وهاكا داز وقتهم تاوصلات العشية..فاق محمد لقاها الخمسة توضا وصلى العصر وناض خرج فاتجااه وردة بعدما خبر المسؤولين لانه فاي لحظة ممكن اعيطو ليه..فحين وردة كانت فالبيت ديالها مع بناتها..اكليل ناعسا وتوبة تتلعب حداها

تاتسمع الدقاان فاالباب بتاسماات تسحابها محمد..ناضت كي شي فرااشة لابسا كسوة حد الركبة فالحمر وكالقا شعرها..حلات لباب وهي تصدم..مكانش فتوقعها انه يكون هو..خرجاات عينيها وقالت:نتا😳😳😳
جوزيف:واات..تقدري تهضري بالاونكلي باش نفهم عليك
وردة:(تصدمات وخرجات كلماات بالانجليزية)وات..اش كدير هنا؟؟
جوزيف:جيت نشوفك..ممكن ندخل؟؟
وردة:of course no..اش كدير هنا؟؟
جوزيف:حيت نشوفك ونتأكد من شي حواايج
وردة:(ربعات يديها)اشمن حوايح هادو؟؟
جوزيف:من الاخسن ندخلو ولا نمشيو لشي كاافي
وردة:(باستهزااء)هه كافي..ميمكنش مغنخليش بناتي
جوزيف:😳😳😳بناتك؟؟؟علاش نتي والدة؟؟
وردة:اييه والدة جوج بنااات علااش
حوزيف:اووو نووو يعني داكشي لي سمعت صحيح
وردة:اش سمعتي؟؟
جوزيف:دارت شي إشاعات بلي نتي مرات mohamed
وردة:يس انا مرااتو 
جوزيف:(بوجه حزين)كنت كنتمنا اكونو غلط..متسحابنيش مزوجة
وردة:واش غيفيدك الى مزوجة ولا مطلقة؟؟
جوزيف:نجيك لصرااحة..شفتك فالمغرب وعجبتيني ومشيتي من بالي تاعاود تلاقينا وزاد اعجاابي بيك وعاود تلاقينا هنااا وعجبتيني كثر ولكن..
وردة مخرجا عينيها فيه وتترغد..وهو تيعبر:عجبتيني كلك..كنت كنظن فاش مشيتي مع البوكسوور بلي راك صاحبتو ولكن مظنيتش راك مرتو
وردة:هااا😱😱😱نونو
جوزيف:انا هيي..
ياله غيكملها شي يد ضوراتو وجاتو لكمة من حيت لا يدري..تا طاح عند رجليها..كان البركان الهائج الساجدي لي سمع فقط الحديث ديال عجبتيني بزااف وتلاقيتك فالمغرب..جوزيف طاخ وخرج الدم من حدا فمو..هز راسو لقاه محمد واقف عليه كي جن وعينيه متيبشروش بالخير..ناض جوزيف ووقف قدامو وقال:اش درتي داابا😡
محمد شنق عليه ولصقو مع الحيط وقال:باشمن حق الزا*** جاي تتقول لمرتي هاكا
جوزيف:(كيحاول افك راسو)طلق وخليني نهضر ؤاه كلنا تنعرفو نضربو
محمد:غنجبد لمك عينيك الى باقي وصلتيها😡😡زيد تق*** من هنا الحيواان
حوزيف:اش هاد تسوفييج كولو اش كيحسااب ليك راسك😡😡
محمد:ونتا اش تيقول ليك ك*** تا جاي تتعبر ليا على مرااتي..
وردة:(تدخلات تترعد)محمد طلق منو عفاااك اه مداار والو
تلفت ليها وقال بالعربية:غدخلي فحالك هو هذاك سينو غنضرب مك ياله😡😡
وردة:.وا..
قاطعها بالغوات:دخليييي😡😡
طلقات منو ودخلات تترعد وسدات لباب وبقات حاطا وذنيها عند لباب تتسمع وتولول..فحين محمد زير على جوزيف وقال:فين تتعرف مرتي
جوزيف:(دفعو تا طلق منو)متنعرفهاااش فاااك يوو..كنت شفتها فالمغرب وعجباااتني ومتسحابنيش مرااتك
محمد خرجو عينيه وراسو تيزدخ ممثيقش ان مراتو عجباات هذا..شعلات فيه العافية لداخل والغيرة كلاااتو..صعر وضربو للنيف وقال:يلعن دين مك واباااقي تتعاود فيسيها😡😡
جوزيف:(رد ليه الدقا)كلنا تنعرفو نضربو وحتارمتك..قلت ليك غلط ووقع ماشي حيواان نشوف فوحدا مزوجة..انا جيت هي نتأكد واش مزوجة ولا
محمد:😡😡😡😡زيد تق*** من قظامي قبل منبتالي بيك..والمرا جاايا(كيهددو بصبعو وملامحو جديين)نشوفك حدااا مراتي غنعلقك غنعلقك سمغتي
جوزيف:(قاد حوايجو)فاااك يووو يااار
ضرب فيه وزاد وخلا محمد شاااعلا فيه العااافية..الغيرة ختارقاااتو كولو..دفل بغضب ودخل لعندها لي هي سمعااتو ومشاات تركنات فالناموسية تضور فعبنيها وهو تيقلب عليها..شافها وتوجه لعندعا وقال صااعر:بلا مبررات بلا خراا..سؤاال واحظ فين تتعرفيه وياويلك تكذبي؟؟
وردة:متنعرفوووش
محمد:(هزها من يديها تاوقفات وزير عليها وعينيه محمرهم فيها)وملي متتعرفيش لق** تمك مالو جااي تال عندك وتيعبر عليك ويخرااا😡😡هاااا
وردة:اااااح محمد طلق غتفدعني طلللق😢😢وا زمر راه غتفدعني واطلق
محمد:(مزير)هضؤييي😡😡😡متصعريييش دين ميي
وردة:الله يعطيك ماعطاا للبغااال وااطللق اححح(كترطا بلاصتها)اااااح اربي غيهرس ليااا يدي..واطلق ونعاود ليك
محمد طلق منها معصب وقال وكشاكشو خارجين:ياله هضري😡😡
وردة:(تتكمد فيديها)تفوووو عليك ةعلى لعيشة معااك الزمر..تفوووو ضبرتيني فيدي
محمد:(بغا يطير عليها)وااا دوييي يحرق دينمك لتصعرينيش
وردة:(خزرات فيه)تلاقيتو فمرااكش فواحد لمول داخل لحمام العيالات ونعتت ليه حمام رجاال وثاني مرااا نهاار لقيتيني كنعت ليه طرييق..كان باغي يتعرف وعطيتو مشيي..والمرا لخرا(تتهضر وتقيس شوفتو)gدام القاعة فاش لعبتي هو لي دخلني
محمد كيخزر فيها وجا لجيهتها وقال:قسمااا بالله اوردة ولقاااك كذبتي علي تانفوت فيك شي دقااا
وردة:(صعرات)ايوا عاود لكرك انا اش بيتيني نgوليك..بيتي تعرف فين شتو هاني عاودت ليم لاش جااي تتفلعص فيااا أنا..باش بينعرف بلي عجبتو ولا خرييتو
محمد:(طلع فيها ونزل ويديه على جنبو)واطبيعي متعجبييه واش الخراا خارجااا عندو هاكا نص لحمك تيبااان وصدرك بقا ليه شوي ويخرج والشعر هي مطلوووق متيتجمعش وبيتي متعجبييهش..طلقت لحياتمك بزاااف تاوليتي تتقزدري وتخرجيي...بلحق برب ونعاود نشووفك خارجا هاكا ولا لابسااا شي حبس مزير عليك تانلويك فالخمار ونجلسك فالدار مكابنا لا قرااية لا مولاي بي😡😡

وردة:ايوا لتزيدش فيه اه تنلبس بحالي بحال الناااس😡😡ولبسي مافيه وااالو وبلا تخواار عور
شدها من شعرها وقال:تخواار هو لي غادي تشوفي داابا..نسيق لمك لخبااار خرجتي بحال هاكا الى مكرضت ليك رجليك راني مرااجلش😡😡
وردة:اااحخح طلق مني ازمر البنت تتشوف اهئ اهئ سير فحااالك والله كون عرفت هاكا gاع منجي عندك اوجه الجرااانة اهى اهئ
دخلات زهرة ديك ساعا لقات لباب محلول ولقاتهم هاكاك وجات تتفكها منو وقالت:اولدي طلق منها..مالكم ويلي
محمد:سمعيني أ وردة هضرة وحدا راه قلتها..غادي تقااادي بالهضرة تباارااك الله مبيتيش غنهز السمطة ونشوفو شكون غيتهد😡😡
وردة:(دافعا الجبهة)غتهز الزمر ا زعتر تفووو طلق مني وااا طلللث واااخالتي gوليه اطلق راه طير ليا الجلدة
زهرة:أولدي طلق منها اه توبة تتشوف..مالك على هاد الاسلوووب
وردة:حيت مهيمج😡😡
طلق منها معصب وقال:هاني هضرت وقداام الواليدة ونتي ولحمك الى تيااكلك نبردو عليك
زهرة:اولدي شهاد التعااامل ويلي..اش وقع أوردة؟؟
وردة:غمرك شتي لي جاه جهل والصعرة والجنون هو هاد ولدك تيgلس تاتحزق ليه الحمامة فالبرمة ويتم جاي عندي معصب اكب فيها سمووو😠😠
محمد عصبباتو بغاا يجرها وهي تخباا ورا مو وخرحاات لسانها تتفقص فيه وقالت:ييييع سير داكشي لاش تتعرف ضرب والاعصاااب مغتمشي تاتموت واقف وندفنوووك فالضورة عوووج
محمد؛ياله واهضى مع هادي دايا..لساانها باري منها😡😡واش متتردعييش
زهرة وقفات بيناتهم كي الحيط تتشوف وتعاود مفهمات والو..تلاقاو بجوج مكيتردعوووش..وهي تجر ولدها وقالت:اجي بدل ساعة بخرااا 
وردى:ديه اخوي سمووو فشي طارو ويفوتني انا عليه😠😠
خزر فيها وجرااتو زهرة تا خرجااتو براا البيت وقالت:اجي معايا براااكا الى بقيتو هاكا غادي هي تعقدووها وضاربو
محمد تنهد بعصبية وخرج وخلا وردة تتلعب ليها القردة فقااع راسها..داتو لبيتها ودخلو وسداات الباب وقالت:جلس الله يرضي عليك
جلس محمد معصب حاط يديه على ركابيه وقال:فعاايل الخرااا😡😡
زهرة:(جلسات مقابلة معاه)اجي واش حماقيتي تاناتفها راه مرااتك هاديك
محمد:كامونية ديك سيدة الى متكحااتش متتعطيش ريحتها😡😡
زهرة:اش دارت كاااع..لي دارت اه ميوصلش لدرجة انك ضربهاا...المهم خليني من هاد الموضووع وسمعني باغاك فموضووع مهم
محمد:(خرج نفس معصب)اشمن موضووع؟؟
زهرة:قالت ليك وردة بلي راه مرضااات وديتها لسبيطاار
محمد:سي(كيحك لحيتو)قالتها علاش
زهرة:هضرت مع طبيب لي فحصهاا وقال لي بلي تعطلنا بزاااف والميكرووب كينتاشر فرحمها كولو
محمد:عاارف وراه تندير جهدي باش نربح ونوفر ليها فلوس العملية
زهرة:وشكون ضامن ليك غتربح؟؟
محمد:(بثقة)غنربح
زهرة:شكوون ضمن ليك غتربح؟؟
محمد:غنربح على قبلها
زهرة:اي نهار كنتعطلو فيه كينقص من نسبة نجااح العملية..وحيااتها فخطر
محمد:(بانزعااج)هادشي لي باغا تهضري معايا فيه؟؟
زهرة:لا..بغيت نعطيك واحد الاقترااح
محمد:لي هو؟؟
زهرة:غندير لوردة العملية
محمد:(بسخرية)هه وايلي من نيتك
زهرة:متنضحكش..الى هاماك مرتك وباغيها تعيش مرتااخة غتواافق..وردة محتاجا للعملية ليووم قبل غدا سينو راها عرضة لسرطاان الرحم 
محمد:هادشي كولو عارفو 
زهرة:ولكن محاسش بسوء الوضع فاش محطوطين..وردة أولدي الى كانت متتبينش ليك راه هي حيت متتبغيش تشغلك راها كل نهار تتوحع والدوا مبقا كينفع معاها والو..حارما بنتها من الرضاعة اولدي

محمد : " ببرود مصطنع" فاهمك لاش باغا توصلي وجوابي هو لا..لا هي لا وسالا النقاش فالموضوع وخليني نرجع عند هاديك 
ومشا جيهت الباب عاطيها بالظهر باش يخرج من الغرفة 
زهرة: اناني... 
دار محمد بالعرض البطيء
زهر " وهي كتقرب منو بتحدي"اه اناني كما ديما.. ديما كتشوف قراراتك هي الصحيحة.. وداكشي لي فراسك انت بوحدك لي عندك فيه الصح ولخرين ديما غالطين... عمرك قربتي مني وفهمتيني... عمرك حتى قربتي من سمير الله يرحمو و تفهمو ومتاخدش منو عدو وواحد لي خدا بلاصة باباك... عمرك سمعتي لنسلهان من اورا مغلطات وبغات تشرحلك كلشي... 
محمد مصدوم ومكيدير حتى رد فعل، في حين زهرة قربات مباشرة من وجهو وبتحدي 
زهرة: كلامي صحيح ومعندك جواب ياك؟؟ و دابا بنأنيتك ثاني غدي تخسر مرتك حبيبتك و حياتك... شتي انا كون كانت عندي امكانية وحدة و يخيروني بين فلوسي ورزقي كامل و يبقى سمير جنبي غدي نختار سمير على الفلوس وانت فيدك الامكانية باش تعتق مرتك وواقف كتناقشني على الخرافات ديال فلوسي وفلوسك فلوس سمير... واحد كنقولو مرتك كانت غدي تموت هادي سيمانا ومهددة بالسرطان كيقولي غادي تتسنى...
محمد " بعصبية": اه عادي عادي حيت انت مفاهما والو انت مكنتيش معايا شهور وانا كنتحارب باش نجمع هاد الفلوس مجاتش على يومين .. غدي نرجع ويكونو المئة مليون فيدي زيد عليها البريم الشهرية لي غدي تولي عندي ومن اورا شهرين ثاني غدي اللعب فميريكان وغدي نلعب على اكبر بطولة عالمية للمدربين لي الجائزة ديالها 500 مليون سنتيم زيد العقد لي راني خدام عليه دابا مع اكبر شركات المشروبات فالعالم باش نكون الوجه الاعلاني ديالهم.. اه رافض رفض قاطع باش نشد سانتيم من فلوس سمير.. غدي تقوليلي لا فلوسي غدي نقولك لا فلوس سمير خلطهم مع فلوسك و خدم وخلطهم بالحلال والحرام.. مابغيتش نقول هاد الهضرة الوليدة ولكن وردة انا لي غدي نعالجها و عفاك مبقيتش باغي نسمع هضرة فهاد الموضوع... 
زهرة: (سكتات تتشوف فيه ونطقاات بعد وفت)سير اولدي عند وردة دابا سير سير الله يرضي عليك..
قربات منو وعنقاتو بقوة .. وطلقاتو.. 
فبيتها وردة شادا اكليل كترضعها و كتضحك مع توبة ، شوية بداتك تشد فكرشها وملامح وجهها تبدلو حتى دخل محمد للغرفة
محمد كيقرب منها و بابتسامة: مال الزين مكشر مال الوريدة ديالي كاعية..
وردة " غضبانة" سير بعد مني سير، تقب الورقة ورجع عندي كولي الدماغ..
محمد جلس كيبوس فيها فجاع وجهها: وصافي حتى انت كديري علاش المشكودرة..
وردة باستغراب: اش قالتلك زهيرو حتى جاي مبدل؟؟ قالتلك بيت نموت والمرض انتشر ياك..
محمد بعصبية: تعاودي تجبدي الموت بربي حتى نفرشخك شكون جبد شي موت وسكتينا خلينا هانيين..
وردة: هاهي ساكتا ومنسايااش فاش شديتي ليا شعري غنقطع دين مو gاع وقلب فين تشد ايوا هاك شد بنتك...نمشي نقضي حاجتي...
محمد" خوا ليها الطريق باش تمشي للحمام": واخا نيت ووجدي راسك باش نخرجو نتغداو انا لبس لبنات..
وردة بابتسامة حزينة: واخا..
حزات صاكها ودخلات للحمام.. وقفات للحظات كتشوف فالمراية وكتتحسس كرشها لي زيرات عليها بالوجع حلات الصاكح وخرجات بسرعة الدواء المخفف للاوجاع من الصاك شرباتو، وغير جلسات فالمرحاض كتشوف الدم خارج بطريقة غير طبيعية، خادت الدواء ثاني، حاولات مترتبكش لان الطبيب علمها ان الارتباك و الخوف كيزيد فليموراجي... بدلات الفوطة الصحية وحاولات دير اكثر من وحدة تفاديا للمفاجئات ولكن حسات ان النزيف قلال، وهي تجبد تلفونها كتبات رسالة نصية و صيفطاها للزهرة...

هبطو جميع لمطعم لوطيل كيتغداو فجو متناغم، والناس لي عرفو محمد كيصوروه فالمطعم هو العائلة ديالو، وبداو حتى صور العائلة كتخرج فالجرائد الالكترونية وحت الورقية الروسية وحتى العالمية، خصوصا ان اول مرة شاب وكصور عربي في فئة المدربين يوصل للنهائي فبطولة العالم للملاكمة فئة المدربين، كملو الماكلة طلع محمد وصلهم للغرف ديالهم وقبل مادخل زهرة و وردة لغرفهم هضر معاهم محمد
محمد: الوالدة وردة انا غدي نمشي دابا خاصني نسالي واحد القضية بديت فيها ديال واحد الكونطرا مع واحد الشركة " دار عند وردة" من بعد ونعاودلك اوردة مغديش نتعطل شوية ونجي... 

هبط محمد وسط نضرات زهرة و وردة لي هازا اكليل في حين زهرة شادا يد توبة
زهرة : شرحيلي انت ميساجك دابا يلاه هادي شي سويعات قليتي باغا تبقاي تفرجي فراجلك فالنهائي ودابا كتقوليلي لقايلي سبة باش نمشيو ياك لباس؟؟ 
وردة: " بحزن" اجي اجي ندخلو لبيتي ونهضرو...
دخلو للبيت كلهم، حطات وردة اكليل لي كانت ناعسة فالسرير ودوراتها بالمخاد، في حين حطات لتوبة لعبها وزهرة كتراقبها بقلق وهي جالسة بجنب السرير
زهرة بخوف: وردة متشوشنيش اش كاين؟؟
وردة: نزلو طروفة الدم لي هضر عليهم طبيب ديك المرة..
زهرة ومعالم الخوف باينة عليها: العملية ولات ضرورية راك سمعتي شنو قال الطبيب ديك المرة هادو مؤشرات السرطان اوردة
وردة طاحو دموعها: دابا أش بينا نديرو 
زهرة بجدية: غادي نهبطو للمغرب اليوم وقبل منوصلو غدي يكون الطبيب تماك باش ديري العملية.. ميريكان الا تسنينا غدي نتعطلو ولكن فالمغرب كلينيك صاحب سمير واجد و الطبيب معروف كينجحولو جاع العمليات يعني يكون خير ابنتي
وردة: (نفاجراات بالبكااا)😭😭😭😭😭مبغيتش نخلي بناتي... باغا نعيش.. خفت نموت ..
زهرة لاول مرة تجرأ تعنقها: معندك مناش تخافي يكون خير..
وردة :(هزات راسها تتمسح دموعها): ولكن اش غدي نديرو مع محمد وانا gايلالو غدي نتفرج فيه فالفينال كينديرو نقنعوه اننا غادين... 
زهرة بابتسامة: خليها عليا... 
جبدات تلفون من جيبها ودوزات نمرة..زهرة : الو ولدي فؤاد لباس عليك... 
####
فقاعة كبيرة محمد مركز مع شخصين بملامح اجنبية وممثل عن الوزارة و المدرب وهما كيهضرو على عقد الشراكة وعقد باش يكون محمد الوجه الاعلاني ديال الشركة لمتخصصة فملابس رياضية.. الاجتماع لي دام لساعات وساعات وسالا من بعد 3 السوايع بامضاء العقود بين كل الاطراف

المدرب: مبروك ا محمد تبارك عليك درتي لي ماداروهش بزاف المدربين ديال الملاكمة كانو فهاد المجال لسينين و سنين
محمد: الحمد الله الحمد الله .. الله يصخر...
المدرب : يلاه سير ارتاح باش الفرحة ان شاء الله تكون بلقب بطل العالم.. بسلامة..
توادع محمد مع المدرب ، وهو متجه للفندق كيصوني التلفون ابتسم وهو يجاوب
محمد : افين الصديق الخائن متافق مع مرتي من اورايا ماشي هادي الخيانة بعينها
فؤاد بضحكة قوية: اودي غير سمح لينا وصافي ولكن بايلي دعوتك خرجات فينا
محمد : ياك لباس؟؟
فؤاد بصوت متردد: اودي غير سمح لينا وصافي السيد لي كلفتو يقاد لوراق لوردة والوالدة ديالك و البنات معرفتش اش كان متعاطي ودار ليهم اقامة لمدة 36 ساعة وصافي و المشكل دابا عيطولي من السفارة انهم ضروري يرجعو ليوم لا يطراو ليهم من بعد مشاكل وميقدروش يخرجو من الحدود الروسية بسهولة و فهاد الحالة هما يبقاو حتى يتحلو مشاكلهم وانت مضطر ترجع لان اقامتك غدي تسالي..
محمد : (مغجبوش الحال)شيت ا فؤاد فاش كنتي كتفكر ا صاحبي حتى انت ممولفاش ليك تخدم لي ديبوتون معاك..
فؤاد: اودي غير سمح لينا عارف كنتي باغي تفرح ان شاء الله مع مراتك بالربح ولكن الغالب الله.. سمحلي بزااف العشير...
محمد : صافي صافي مكتابش سير دابا انا وصلت الاوطيل واليوم يكونو فالمغرب ان شاء الله..
قطع محمد وهو كاعي متجه لغرفة وردة لي كانت باقا جالسة مع زهرة فالغرفة وهو يدخل بملامح مقلقة وقال
محمد: مزيان لقيتكم بجوج هنا .. خاصكم تجمعو حوايجكم باش تمشيو.. طرا وشي مشاكل فالوراق لي قاد ليكم فؤاد وميمكنش تزيدو تجلسو اكثر...
شافت وردة و زهرة لعضياتهم بلا ميقولي أي كلمة في حين بقا محمد يمشي شمال ويمين حتى قرب من توبة وجلس حداها وهي كتلعب ..وهزها باسها وقال:شنو دابا نتي مغنشوفكش 
توبة:سوووف بوبيا ديالي هههه
محمد:(باسها فحنوكها)مكاينااش شي منيكة قدك ههه(تلفت ليهم)ايوا نوضو تجمعو حوايجكم راه خصكم ترجعو ليووم
وردة:(بحزن)واخا😔😔
زهرة:انا غاديا لبيتي نجمع حوايجي
خرجات وخلاتهم بجوج كيشوف فيها متحسر محاملهاااش تمشي..كان باغيها تبقا باش تشااركو فرحتو للى ربح..فظرف يوم ونص فاش جات عمراات عليه وونسااتو وحس براسو واخد كمية كبيرة من الدعم النفسي..حط توبة فبلاصتها وناض لعندها وهي مشغولة بجمع الملابس..شد يديها تا هزات فيه راسها بغرابة وقالت:مالك؟؟
محمد:(الصمت كيتأملها)
وردة:ميمو مالك؟؟
قربها ليه وطبع قبلة على شفايفها وقال:غنتوحشك

وردة تتشوف فيه بنظرة حزيينة كأنها كترجااه افيقها من كاابوس الموت لي مراافقها فمدة ما بعد الولادة..كتشوف فعويناتو الكحليين لي كينبضو بالامل..هو معول عليها أملو وهي كترجااا فيه حيااة جديدة..
رأيت فيك فجراا لحياة جديدة ورأيت فيني عشقااا لقلب تيتم..فأخير المطااف دوزات يديها على لحيتو بلطف وعينيها غرغرو..قربات منو وتعلات على قرون صباعها تا باستوو فجبهتو بحب وقالت:
i will always stay with u
محمد غمض عينيه وبقا مقربها ليه مستمتع بإحساسها المفااجئ..شبك يديها مع يديه وفال بصوت ناعم:kiss me bb
بتاسماات بحزن وقرباات ليه لشفايفو حطاات قبلة سااخنة عليهم..محركاتهمش يكفي باستهم وصافي...بعدات لقااتو منسااجم وهي تعاود تبوووسو قبلة طويلة حركات فيها جل أحاسيسها..قبلة دامت بينهم لمدة لحظات ختماتها بتنهيدة حارة حل على إثىها محمد عبنيه وقال:love u bb
وردة:انا كثر..غتربح انشاء الله على قبلي وعلى قبل بناتك(طاحو دموعهت)وعلى قلل ماماك وعلى قبل لمغرب لي تيتسناا فرحة الميدالية..حتا الى مربحتش انا معااك..بيتك تعرف بلي واخا يوقف ضددك العالم كولو وردة عمرها تعطيك بضهر..وردة عمرها توقف ضدد وتنسااك..سوا ربحتي ولا لا انا مفتااخرة بيك وبحبي ليك وحيااتنا معااك..غنبقا ديما معاك فgااع ظرووف وفيما مشينا غنعيشوو(لوات يديها على عنقو وعنقااتو) love u lovve uuuu (بكلمات بزربة)looove uuu
محمد حضنها بجهد مزير عليها وكيشم ريحتها جاتو ليوم صرييحة وخرجاات كل مافقلبها..شي حتجة فداخلو كدفعو ابقا معنقها وخاشيها فيه..
قاطع عنااقهم صوت إكليل لي تتغوت معلنة على استيقااظها..بعداات عليه ومسحاات دموعها لي فزكو لمحمد تيشورت ديالو وقالت:انا نشووفها
مشات فاتجااه إكليل هزااتها تتراري بيها وتبوسها وتأملها كأنها عمرها شافتها..وقالت:عطيني أ حبيبي ديك لبيبرون
فاق محمد من سهوتو لي كانت فيها وعطاها لبيبرون عطانها لأكليل وسكتتات..جا حداها وجلسها فطرف الناموسية ومد يدو كتمسح على شعر إكليل الخفيف وقال:غنتوحش هاد البرهوشاات
وردة:متgولش على بنااتي برهووشاات هه(سكتات شوي وهاودات نطقاات)عرفتي علاش كنبغي توبة بحالا ولدتها
محمد:(مبتاسم ليها وسولها بعينيه)
وردة:حيت منك هه حيت طرف منك وهازا دمك..كنحسها طرف مني وكبدتي
محمد:داكشي باش مشكيتش فيك نهار لول وعرفتك غتكوني ليها أم مزيااانة وتبغيها بحال بنتك
وردة بتاسماات ليه وحنات راسها تتشوف فإكليل تا هز ليها راسها تاني وقربو وباشر فتقبيلها بنهم وحتا هي كتبادلو قبلتو المليئة بالاحاسيس..وهوما فغماار بوستهم دخلتت زهرة على غفلة وقالت:ياله ياله)شافتهم)اوووو سمحو لي(حدرات راسها حسمانة)اوووو متسحاابنيش
محمد:(تلفت ليها)مزرووبة الله يحفض ههه
ضحكات وردة بخجل وحنات راسها ونطقاات زهرة:بقاو تسدو لباب..ياله انا واجدة
وردة:تانا..هاك ا محمد شد إكليل
مداتها ليه وناضت سداات لفااليز ووجدات بيبروونات جداد لاكليل وبدلات لتوبة وليها وهي تقول:وااجدة
محمد:ياله انا غنديكم للمطار ونزل نلغي الحجز ديالكن
نزل محمد وخلص الاوطيل لي تقام عليه غاالي وطلب انه اطلعو انزلو الحقائب واطلبو ليهم طاكسي..وفعلا نزلوهم وتا وردة زهرة والبناات نزلو محملين بالبنااات وتوبة لي هي معنقا نونوسها وتراري بيه تتقلد وردة فاش تتهز اكليل..طلعو للطاكسي والوجهة المطاار..بعد وقت ماشي طويل وقفات الطاكسي قداام المطاار ونزلو ومحمد دار لفاليز فالشاريو ودخلو للمطاار ودارو اجراءاتهم وجلسو تيتسناو وقت الطيارة لي حجز ليهم فؤااد..ومحمد هاز اكليل وتيبوس فيها هو وتوبة فحين وردة تتشوف فيه بعينين مغرغرين كأنها كتودعو وضور ضورة وتشد فيديه وهو يبوس حناكها بينما زهرة راها تتقلب فالتيلي وتتقاد أمور العملية..تعلن على وقت الرحلة ووقفو..عاونها تا دارت اكليل قدامها وتوبة شداها زهرة ..تعانقات هاد الاخيرة مع ولدها وتمنات ليه توفيق وكذلك وردة عنقاااتو وباستو فحنكو وهو كيقبل يديها بلهفة شوووق ويعاوود ويوصيها على صحتها ويعاود يواعدها بلي كلشي غيكون على خير..تفارقاات ايديهم لحظة دهولهم للممر..دوزو وراقهم وهي تضور شافت فيه وصبفتات ليه بوسة فالهواء بعينين مدمعيين وتوبة تتشير ليه ببايباي وتضحك..دازو للطيااارة ومحمد غادر لمطاار حزيين ..بعد وقت طلعاات الطيارة فالسمااا متوجهة لبلاد الكرم المغرب

لا يوجد وهم يبدو كأنه حقيقة مثل الحب ولا حقيقة نتعامل معها وكأنها الوهم مثل الموت.
الموت لا يخيف، بل الم الفراق هو المفجع، احساس انك مغديش تبقا تشوف داك الشخص لي كتبغي، متبقاش تتلاقا مع الناس لي كتفاهم معاهم، وحتى الناس لي مكتفاهمش معاهم..
وانا كنشوف بنتي اكليل بين يدي دابا و حتى توبة وهي كتجاحد مع جداها و محمد لي خليتو اورايا كنزيد نتيقن ان اكثر حاجة لي غدي تخليني خايفا نمشي من هاد العالم هي نخلي محمد، و ولادي،و نخلي والديا، ونخلي الناس لي كنبغي، فعلا الموت مكيخوفش ولكن انتظار الموت و تفكيرك فأنك غدي تخلي الناس لي كتبغي هو لي كيخليك تموت كل لحظة وانت كتسنى الموت... 

فوسط هاد الحوار الداخلي لي كانت منغامسة فيه وردة وهما داخلين للممرالمؤدي باش يمشيو للطيارة، وقبل ميتوجهو للكار الكبير لي غدي يقربهم للطيارة توقف امامهم كار صغير و تقدم نحوهم شاب ببدلة طيار يكون فعمرو تقريبا شي 30 سنة وهو كيبتسم ولي كلماتو خرجات وردة من السهوة ديالها 

البيلوط: السلام عائلة الساجدي؟ 
زهرة: وي حنا هما..
البيلوط: معاكم الطيار ريان برادة... تفضلو معايا فهاد الحافلة الخاصة باش نمشيو للطائرة ديالكم ... 
دارت وردة نحو زهرة باستغراب لي مشافتش فوردة هزات بين يديها توبة و مشات طلعات للحافلة الصغيرة في حين تبعاتها وردة وهي هازا اكليل بين يديها وماقالت حتى كلمة، تبعهم البيلوط ايضا و تحركت الحافلة الصغيرة.. 

في حين محمد راكب فسيارة الاجرة و فجأة كيتوجه بكلامو لسائق الطاكسي

محمد بالعربية: دابا انا اناني بصح؟
سائق الطاكسي لي مفهموش و كيشوف فمحمد من المراية وهو مستغرب ومكيقول حتى كلمة في حين محمد رجع راسو اللور وحاول يرخي اعصابو و رجع بذاكرتو للوراء قبل سنواات فاش كان محمد باقي دري صغير..باقي طفل برئ كيعرف غي يلعب وينعس ويمشي للمدرسة..مفهمو والو..كان تيلعب فالجردة بالقفازاات فالصاك تالبوكس لي داير ليه باه فوسط جردة..عيط ليه باباه ومشا لعندو مبتاسم..حضنو باه وقال:
عرفتي علاش بغيتك دير الملاكمة؟؟ باش دافع على راسك ودافع على الناس لي غدي يحتاجوك دافع عليهم.. باش نحس بلي مخلي ليك فيديك حاجة تحمي بيها راسك الملاكمة اولدي رياضة نبيلة خاص غير الواحد يعرف يستغل تقنياتها و مهاراتو فممارستها لحوايج النبيلة..
محمد: وانا ابابا غادي نتعلم الملاكمة مزيان وغدي نكون نامبر وان و غدي ننقد هاد العالم كلو من الاشرار
الساجدي الاب: انا المهم عندي ولدي ميكونش ظالم و من غدا الا مشيت من هاد الدنيا نعرف انني خليت بذرة حسنة فهاد الدنيا لي مغديش يشوف حداه انسان مظلوم ويمشي ويخليه...
محمد الطفل مشا يجري نحو باباه وعنقو، في حين الساجدي عنق ولدو بقوة ايضا
الساجدي الاب: الله يرضي عليك اولدي..
نهاية الفلاش باك.. 
هبطات الزهرة شادا توبة وهي تابعة البيلوط من الكار الصغير وتبعاتها وردة وهي مدهشرة وباقا حاضنة اكليل، في حين زهرة تبعات البيلوط وركبو فطيارة صغيرة " طيارة خاصة" توقفات للحظات وردة وتبعاتهم وطلعات للطيارة لقات البيلوط كيهظر مع زهرة 
البيلوط ريان: موسيو الكلاوي وصانا نسهرو على راحتكم الطيارة مجهزة بلي بغيتو و حنا هنا باش نتوما تكونو مرتاحين وتوصلو بيخير وعلى خير
وردة بابتسامة وهي كتشوف فوردة: هادو فعايل الكلاوي، مسكين دار معايا كثر ملي كيدار ما بين الخوت..
يلاه غدي تجاوبها زهرة وهو يخرج رجل بوزرة بيضاء يكون فأواخر الاربعينات من عمره واوراه جوج بنات واضح من شكلهم انهم اجنبيات بوزرات بيضاء ايضا وقرب منهم 
الرجل بالوزرة البيضاء وهو كيشوف فوردة " بالإنجليزية": مدام الساجدي ياك؟ 
وردة بابتسامة: وانت طبيب ياك؟؟
الطبيب بابتسامة : تماما.. انا دكتور فديريكو غارسيا الطبيب الخاص ديال مادام وفاء الكلاوي ولي غدي رافقك طوال هاد الرحلة باش تكوني واجدة ان شاء الله مباشرة ملي توصلي للمغرب باش دخلي للغرفة العمليات وغادي تلقاي بروفيسور ادام ليفين لي جاي خصيصا من الولايات المتحدة الامريكية ولي غدي يوصل قبلكم بشي ساعات ويكون محضر كلشي على قبل العملية ديالك.. 
وردة تلفتات عند زهرة: بيتي تقتليني دغيا ازهيرو ياك.. المشكل حتى عائلة لكلاوي متافقين علية..
زهرة بابتسامة حزينة: الله يشافيك ابنتي يكون خير...
قاطعاتهم توبة: ماما ماما ميام ميام ...
وردة: منام نام ماما.. 
دارت وشافت فالبيلوط و الطبيب و الفرمليات: واش بينا نبقاو مجمعين هنا ودخلونا نgلسو أسيادنا وضبروليا على منوكل البنت راه جوعتوها بهاد للهضرة. 
ابتسم الجميع ودخلو شدو اماكنهم فالطائرة، وبدا الطبيب و الفرميات يقيسو الضغط كما خاصها تاخد اخر وجبة ليها وتتوقف على الاكل والشرب من اجل العملية، ودخلوها لغرفة خاصة باش ترتاح شوية هي واكليل في حين زهرة بقات مع توبة لي محيحة فالطيارة.. 
فالاوطيل واقف 3 الرجال يكون فثلاثين من عمرهم واضح عليهم انهم اجانب عامرين وشام كيقربو من غرفة محمد حلوها ودخلو وهما راسمين ملامح شر على وجوههم...

الرجل 1: مفهمتش علاش جايبين غير 3 كيلو كون جبنا كثر وغرقناه مزيان 
الرجل الثاني: 3 غرام راها فايتا للهيه باش تغرقو لعساك 3 كيلو 
الرجل 3 بملامح جدية: تؤكدتو انكم وقفتو كميرات المراقبة ديال الطابق ياك؟؟
الرجل 1: اش هاد الاسئلة أصاحبي كلشي مسيطرين عليه.. و الملاكم العربي المسلم لي حاسب راسو وصل غدي يتقطعو جناحو ويخلل فسجون روسيا...
ضحكو بثلاثة ضحكة شريرة وخرجو..وقفات سيارة الاجرة خلصها محمد ونزل داخل للاوطيل حتى كيبالو شاب في الاربعين من عمرو ولكن شاد راسو ومتيتز واقف حدا الباب وكيشوف فيه بملامح ممفهوماش تبادلو بجوج النظرات للحظات من بعد ابتسم الشاب وقرب من محمد و عنقو بققوة عناق رجولي 
محمد بفرح " الانجليزية": نسيم حميد شخصيا فروسيا ههه
نسيم:(مبادلو العنااق) جيت نشووفك خصيصااا محمد:ياك اعتازلتي ههه 
نسيم بابتسامة: ناري اولدي باقي انت هو انت ههه
محمد: (مبتاسم)وا قول اش كدير هنا؟.
نسيم: واجي اجي ندخلو نجلسو نشرب شي حاجة ونقولك اش جاي ندير هنا ههه
دخلو للاوطيل وتوجهو نحو الكافيتريا..جلسو خداو اش بغاو.. 
🔙🔙🔙فلاش باك
قبل عشر سنوات 
زهرة بجدية: محمد اش هادشي قالي نسيم علاش مبغيش تمشي لبطولة العالم للمبتدئين مفهمتكش اولدي واش جاع هاد التداريب وملي جاتك فرصة للعالمية كتقول لا
محمد( بجدية): الوالدة انا الملاكمة دايرها لراسي ماشي للناس ولا باش نسترزق بيها الله و ندخل فلوسي من دم الناس و تفرشيخهم.. 
زهرة بحزن: ودير غير بوجه نسيم لي 10 سنين وهو كيدرب فيك وواقف معاك وشحال من مرة داك معاه للبطولات لي كيلعب و يوريك اسرارو ليوم عيطلي معرفت منقولو 
محمد بجدية: الوالدة هضرتي قلتها انا الملاكمة دايرها راسي هواية باش نستعملها نهار نحتاجها او يحتاجها شي حد ماشي باش نسترزق بيها الله..
زهرة بعصبية: انت الهضرة معاك ولات مستحيلة اوووف... دير لي بغيتي انا مالي.بغيتك تحفر مستقبلك ساعا نتا ممعاك هضرة. 
محمد:مستقبلي فالبيزنيز 
مشات وخلاتو 🔚🔚🔚نهاية الفلاش باك... 
جالس فريسطو محمد ونسيم كيشربو قهوة 
محمد بابتسامة: مشاااكيلل دابا انت هو مدرب منافسي الامريكي دابا الصدفة من دون كاع الناس يكون لي غدي نتنافس معاه هو نفسو لي دربي ففترة من الفترات 
نسيم بابتسامة: انا غدي يدير الملاكم ديالي لي عليه باش يربحك ووريتو كلشي ولكن الا ربحتي اكيد غدي نفرحلك..
محمد بابتسامة: عارف ابا نسيم..
نسيم كيشوف فساعتو : يلاه 4 هادي باقي 8 السوايع على الماتش الصراحة واخا غدي لعبو حتى 12 الليل ولكن مزيانة... مقلتيليش باقي البزنس؟؟ 
محمد بتهكم: كلشي باح.. هاد الساعة كاين غير البوكص..
نسيم كيشوف فمحمد بنظرات مستغربة 
محمد بجدية: بلا متشوف فيا دوك الشوفات بعد المرات كنضطرو نتخلاو على مبادئنا على قبل الناس لي كنبغيو..
نسيم : اكيد ماشي مادام " زوهغة" زهرة لي كتهضر عليها حيت طلبتها فدوك ليام لي قررتي تبعد على الملاكمة باش ترجع تلعب ولكنها قالتلي رفضتي وقلتي انت مغرضكش دخل للفلوس من الملاكمة ولا الشهرة..يعني سبب اخر ؟؟
محمدبتاسم بلا ميقول والو والو 
نسيم ممازح: متقوليش شي توتة من عندكم تتعجبها الملاكمة نضتي باش دير ليها خاطرها رجعتي باش تعجبها وانت ملاكم..
محمد بنبرة جدية: ماشي تلعياقة اصلا هي اخر وحدة تفكر فالمظاهر...
نسيم:(باهتمام)حبيبتك؟؟
هز فيه راسو وكمل هظرتو: مرااتي ههه(رجع كيشوف فكااس القهوة سااهي)ملاك ممثل فإنسان.. انسانة ضحات بكلشي باش تكون معايا عطاتني وعوضاتني على كلشي.. محمد لي مكان يحسب لحتى حاجة ولا أي حاجة يبغي يديرها خاص يحسب ليها الف حساب... انا معرفت راسي عايش حتى عرفتها ا نسيم والله.. وبسبابها وعلى قبلها انا اليوم غدي اللعب هاد الفينال..حيت تنموووت فيها
نسيم:(بضحكة)فليشهد التاريييخ هههه الساااجدي تيحب خهههه..اني وياااي الله يخليها ليك وضروري نتعرف عليها
محمد تنهد بحزن وهو كيتفكر ملامح وردة قبل متغااادر:امييين أمييين
فجأة تسمع صداع كثير وحركة غريبة فالفندق و دخلات الشرطة لي عمرات المكان حتى وقف عامل فالفندق مع شرطي 
عامل الفندق: ميستر الساجدي البوليس كيسولو فيك
الشرطي: مستر الساجدي ممكن دينا لغرفتك مطلوب تفتيشها... 
وقربات منو روسية وهي كتحمل التين بين يديها وضعات الاولى في فم محمد وطلبات منو يتنفس بقوة شيء لي قام بيه وهو مصدوم، شافت فالالة السيدة واشارت بالنفي للشرطي من بعد تكات يد محمد وخرجات قطرات دم من يدو حطاتها فالالة وشافت فيها ومرة اخرى نفات الامر للشرطي براسها..
الشرطي: موسيو ساجدي عافاك طلع معانا للغرفة ديالك عندنا امر بالتفتيش.. 
هنا محمد بحال يلاه فاق من الغيبوبة وبصوت حازم: ياك لباس من قبيلة وانتوما تنفس تعصر اش كاين.😠
الشرطي: مسيو الساجدين فتشو غرفتك ومن بعد نهضرو الا بغيتي يلاه ورينا الغرفة..
محمد كان عارف انو ماشي الوقت باش يجبد أي صدع، مشا قدامهم في حين نسيم تبعو ايضا وطلعو لغرفة محمد فالفندق

الشرطة فكل مكان من غرفة محمد كيفتشو كل مكان في الوقت لي محمد واقف مصدوم فين الخبر انتشر وحتى الباباراتزي واقفين كيصورو تفتيش غرفة محمد، نسيم واقف جنب محمد 
نسيم: متخافش ا صاحبي دابا نفهمو اش كاين..
محمد بجدية: باين لبلان ا صاحبي.. دايريلي شي لعبة على قبل هاد الفينال.. انا اصلا جاتني غريبة كفاش باقي مطرا والو..
نسيم: متشاؤمش ا صاحبي هاهما ملقاو والو اصلا لحد دابا... 
حتى وقف عليهم المدرب 
المدرب: ياك لباس امحمد اش كاين قالولي هادي ساعة وهما كيقلو الغرفة ديالك... 
محمد مجاوبش حتى دار نسيم عند المدرب 
نسيم: حتى احنا باقين مفاهمين والو .. احنا كنتسناوهم يساليو...
في حين الشرطة مستمرة في تفتيش غرفة محمد وردة حالة عينيها وهي ناعسة فالغرفة وبجنبها الممرضة لي كتقيص ليها الضغط 
الممرضة بالإنجليزية: صافي دابا حتى الماء توقفي على الشريب ديالو احنا باقينا 6 وسايع ونوصلو كنتمنى تحاولي ترتاحي فهاد الساعاة باش توصلي مزيان ...
دكتور فيديريكو دخل للغرفة بالانجليزية: مريضتي الاستثنائية كي بقات... 
وردة بالانجليزية: وايلي خاريا بالسعادة مشتيش غدي ندخل ندير عملية من الطيارة البلوك..
دكتور فيديريكو: شكون بحالك مراقبك طبيب بوقوص بحالي فالطيارة، و غدي تلقاي اكبر جراح لامراض النساء جاي خصيصا على قبلك كيتسناك وقتما وصلتي فالمغرب..
الدكتور بجدية: اصلا معندك مناش تخافي بروفيسور ليفين راه خبير هاد العمليات كلشي غدي يكون بيخير..
وردة بالعربية : اجي واش انت مزوج ؟؟
الدكتور: وات؟؟
وردة بالإنجليزية: واش انت مزوج؟؟
الدكتور ممازح: الا غدي تقتارحيلي زوجة من غيرك بلاش انا اصلا كاع تيتيز لي كنكون الطبيب ديالهم كيكونو مزوجات؟؟
وردة بجدية بالانجليزية: اهياتا كتهضر على وفاء؟؟ 
الدكتور: مادام وفاء كلاوي سيدة زوينة وراقية وبريئة...
وردة: اتكايش تكايس اسي شتي محمد ماي هازبند را معاه السلاكة اما مستر كلاوي راه يردك كفتة الا عرفك كتشوف فمرتو وانسا تبقى الطبيب الشخصي ديالها..
الدكتور: لهلا يطيح علينا شي باطل راني بمراتي وعندي وليداتي مالك اختي باغا تقطعي رزقنا .. المهم ارتاحي ارتاحي انا مشيت..
تفرقعات وردة على رد فعل الطبيب وواخ خرج بقات تضحك بهستيرية وبقوة لكن سرعان ما قلب ضحكها بكا و تكمشات وسط السرير وهي حاضنة اكليل وكتبكي ومنهارة وكتفكر فمحمد... 

سلاو الشرطة تفتيش غرفة محمد ، لي قربلو سفاها على علاها، وقرب الشرطي منو بملامح متأسفة 
الشرطي: مستر الساجدي سمح لينا حنا كان خاصنا نقومو بهاد التفتيش جانا بلاغ بان هناك مخدرات عندك فالغرفة، ولكن من بعد التفتيش ملقينا والو، وحتى دمك مافيه حتى اثر ديال مخدر او مشروبات كحولية او غيرها..
المدرب بغضب: هذا سميتو تشويش على لاعب قبل الفينال واش عرفتو شنو درتو تشويش عليه وعلى البعثة كاملة وتشويش على اراي العام، هادشي مغديش يفوت هاكاك وغدي نطالبو بتعويض على لااضرار لي تسببتو فيها..
الشرطي: كنعتاذرو مرة اخرى...
نسيم وهو كيربت على كتف محمد: الحمد الله دازت سلمات.. 
محمد التفت نحو نسيم: زعما باقي مدزنا مرحلة محاربة الاعبين العرب والمسلمين اصاحبي.. قلت زعما الوقت تبدلات..
نسيم باسف: نخليك دابا نمشي حتى انا ندير التحضيرات الاخيرة مع اللعاب ديالي..
محمد: شكرا بزاف نسيم ميعادنا الليل ان شاء الله..
وتلفت عند المدرب ديالو من بعد ممشاو الشرطة: كوتش تقدر تمشي انا نرتاح شوية و نجي ندير اخر التداريب قبل اللقاء... 
المدرب: اوكي ..
اخرج المدرب من بعد ماخرج نسيم وبقا محمد جالس فوق كرسي بملامح ممحية وباين عليه كاعي.. حتى سمع الدقان فالباب حل كان جوزيف وهو شاد بين يديه كيس من ثوب اسود، بقاو يتبادلو النظرات للحظات وهو ينطق جوزيف
جوزيف: خليني ندخل نهضر معاك.. 
خوا محمد لجوزيف الطريق وخلاه يدخل وسد الباب حتى دار عندو جوزيف حل الكيس الثوبي وخرج منو 3 الخنشات كبار من الكوكايين 
جوزيف بجدية حوار بالانجليزية: 3 كيلو كوكايين كانت فبيتك...
محمد بغضب: انت لي حطيتيهم 
جوزيف بتهكم: ولايني مطنطن ا ميستر ساجدي حاطهملك وجايبهملك دابا مالي مخور فدماغي...
محمد بغضب: والا ماشي انت شكون..
جوزيف بجدية دائما: انت عارف انا ماشي ضروري يكون عندك عدو معين فهاد الدومين باش يحاربك.. وانت فجأة جيتي معارفك حد من غير عربي ومسلم و كتنافس على لقب بطل العالم للملاكمة وفئة المدربين ماشي الحماق.. اكيد مليون واحد غدي يبغي يحفرلك وخصوصا هنا المشكل الا مشيتي حتى دخلتي فسجن من سجون رسيا مشيتي تخلل هنا وعمرك تخرج ولا ممكن شي حد يخرجك من هاد الجحيم.. 
توجه جوزيف بالخناشي نحو الحمام دخل وتبعو محمد بدا يحل فالاكياس البلاستيكية للكوكايين ويرميهم فالمرحاض لاح الاكياس بثلاثة وورك على لاشاص وخرج من الحمام، عاود رجع الميكات الفارغة فالكيس الثوبي ومشا نحو الباب متجه باش يخرج من الغرفة يلاه غدي يخرج 
محمد: شكرا
جوزيف ممازحا: وايلي ميميد قالي شكرا... 
يلاه غدي يسد الباب جوزيف وهو يقول: سلملي على المدام.. وسد الباب بقوة وهرب خاف من ردة فعلو

لليل، وبالضبط فمستشفى الشيخ خليفة بن زايد بالدار البيضاء، بروفيسور ليفين وصل وكيقوم بالإجراءات الاخيرة ومدقق فكل التفاصيل باش العملية تمر فاحسن الظروف، غرفة معقمة، الات متطورة بحال لي كينا فاكبر مستشفى فالولايات المتحدة الامريكية، و البروفيسو المعجزة في الانتظار وصول مريضتو.. 
وخارج غرفة العمليات كاين ام واب وردة اسماء و انور و حتى وفاء لي جات خصيصا حتى هي باش تحضر لعملية وردة الكل خايف ومتوتر وفاء قربات من ام وردة وجلسات جنبها
وفاء بحب:خالتي يكون خير ان شاء الله را قربو يوصلو مخاصهاش تشوفكم هاكا عافاك.
ام وردة: الكبدة ابنتي الكبدة... ماشي خاطري والله مالخاطري..
عنقات وفاء بقوة ام وردة لي كتبكي بحرقة في حين واضح ان الحزن مخيم على اجواء المستشفى..
فالمطار سيارة اسعاف مجهزة واقفة كتسنى وصول الطائرة فمطار محمد الخامس، نزلات الطائرة فعلا وهو يدخل الدكتور فيديريكو عند وردة للغرفة 
الدكتور فيديريكو: احنا وصلنا.. تشرفت بمعرفتك مادام وان شاء الله العملية تفوت بيخير وعلى خير... وكوني قوية...
وردة بابتسامة: شكرا ليك.. لي عليك درتو وصلتي الامانة... 
الدكتور فديريكو: امانة وواجب ومن فوق من اقارب ميستر كلاوي فاكيد شرف ليا نكون الطبيب المرافق ليك فهاد الرحلة وكنعرف ان مستر فؤاد كون مكانش واثق فيا ميعطينيش هاد المهمة.. كان كيوصينا عليك بحال كما كان كيوصي على مادام وفاء فكل مرة..
وردة بابتسامة: شكرا بزاااف... مدات يدها سلمات عليه وكملات هضرتها: الشرف ليا
يلاه باغا تنوض من بلاصتها
الدكتور: لا لا الاميرة مكتمشاش هما غدي يجيو ينزلوك..
دخلو فعلا المسعفين بحاملة وهزو وردة هبطوما من الطائرة، وممرضة هازا اكليل بين يديها في حين دورات وجهها وردة قبل مدخل لسيارة الاسعاف بانت ليها زهرة فسيارة فارهة وجنبها توبة جالسين اللور وطالقا حلوقها للبكا وزهرة هازا اكليل شافت فيهم بحزن وحب ونزلات من عينيها دمعة حارقا
باقي 3 الساعات على المقابلة محمد متاصلش ومحاولش يتاصل بوردة لانو عارف ان الرحلة كتستغرق مدة طويلة وخوصا مع لي زيزكال، ومفراسوش ان وردة را وصلات بفضل الطائرة الخاصة السريعة.. 
في غرفة التداريب محمد كيقوم باخر التدريبات للمقابلة، حتى كيدخل عليها شخص بكامل الهيبة ديالو والاناقة ديالو لغرفة التداريب تلفت نحوو محمد وابتسم باستغراب 
محمد : اش جابك لهنا؟؟
الكلاوي: وايلي هادي هيا فين العشيري توحشناك... 
محمد بفرح: والله الا مفاجأة جاي تشجعني الله يحفظك..(ناض عنقو)
الكلاوي: عرفت الحب ديالك مكاينش قلت نجي نشد بلاصتها في قلبك واخا مغديش نقدي الغرض عارف
محمد:اسيدي بااز ههه كلها ومعزتو
فؤاد:سير عاود هاد الهضرة لمك هههه نتا تتشوفها تتبقا حال فمك فيها قول ماريا شرابوفااا
دخل المدرب للغرفة: محمد ارتاح شوية باش يكون عضلاتك ماشي مشدودين فاللقاء، هاهو غدي يجي عندك دابا شوية المعد البدني باش يديرلك اخر التدليكات... 
محمد: اوكي..
سد الباب المدرب وجلس على الارض الكلاوي وجلس جنبو محمد 
الكلاوي: قريت على البلان لي طرالك اليوم مع البوليس و بلاغ المخدرات.. صاحبي ولات حياتك اكسيون بزااف..
محمد ممازح: واشتي.هههه
الكلاوي: محاربة رياضي عربي ياك؟؟ دابا حتى حد مغدي يقدر يعترف بهاد القضية... 
محمد : ولكن واخا هاكاك لي سلكني اجنبي.. غدي تخرا عليا بالضحك لي سلك البلان و خرج الكوكايين من البيت قبل مايجيو البوليس واحد كان عينو فمرتي وباغي يصيدها
الكلاوي: اواه.. را قلتلك حياتك ولات اكسيون ا صاحبي
محمد:شكرااا اعشيري بزاااف راك فذمة
الكلاوي: ماشي وليتي عنيبة بزااف اصاحبي هخه
محمد :غير لي يبغي يكون مزيان معاك ويهضر بالضرافة... 
الكلاوي بجدية: راك خويا.. وانت عارف عمر المسافة والظروف لي كانت مبعدانا مانقصات من عشرتنا... وغدي نكون ديما خوك وعشيرك..
محمد: لاه يحفظك ههههههههههههههه
حتى كيدخل المعد البدني لي كيبقا يخدم مع محمد اخر الحركات، في حين الكلاوي بقا جانبا كيشوف فمحمد وشاد فيدو التلفون شوية ناض خلا محمد مع المروض " المعد البدني"
الكلاوي فالتلفون: وي وفاء وصلو... 
وفاء: يلاه دابة شوية راهم كيوجدوها باش دخل البلوك..
فؤاد: كي بانتلك بيخير عليها؟ البنات؟؟ وخالتي؟؟
وفاء: كلشي بيخير حتى والديها مخلوعين كنا خايفين ا فؤاد...
فؤاد: يكون خير يكون خير... واخا انا محمد غدي نخسر معاه عارف غدي يكعا مني ديال بصح..
وفاء: اودي غير تبرا ملي غدي يشوف مرتو بيخير غدي ينسا.. المهم انا غدي نقطع معاك دابا هاهما بينيلي مخرجينها...
قطع فؤاد المكالمة؟، وقف شوية ودخل عند محمد كيشوف فيه وهو مستلقي كيقوم بحركات مع المروض..
في حين فالدار البيضاء وردة كتشوف فكلشي وهي داخلا البلوغ واوضح على ملامحها الخوف والحزن كلشي ساكت وخايف وشي كيبكي وقبل ميتسد باب غرفة العمليات 
وردة:مي مي بناتي أمي..بناااتي فعيينيك أ مي😭😭😭بنااااتب..ومحمد بناااتي أمي

ولأني أحبك
أًصبحت أسكن معكَ فى عالم ليس فيه سوى قلبي وقلبك
ولأني احبك
يشهد الزمـــان
أنني لم أعرف يوما معنى الاشتياق إلا معك 
لأني احبك
سأفعل المستحيــــــل كي لا اخسرك 
ولأني احــــــــــبك
سأكون أسعد إنسان في الدنيا 
وأضحي بروحي من أجلك
و لأني احبك 
عرفـــــت معنى الاشواق و اللهفة..
لأني أحبك.. 
غاليت في شغفي..
وتركت روحي في شواطئ حزني ترسي
ورأيت في عينيك نفسي 
وقطعت مشوار الحياة الى وديان يأسي 
لأني أحبك... 
لن انساك يا أنت أنا 
حتى اذا أيقنت أنك تنسي 
لآني أحبك 
لا اريد ان تغيب عني
لكن ستظل دائماً في قلبي و فكرى
لأنى احبك...
وهو كيتحضر فالغرفة المخصصة ليه في قاعة اكبر قاعات النزال فروسيا، المدرب كيعطي توصياتو الاخيرة، نظرات التركيز والاصرار واضحة على الساجدي، احاسيس مختلطة بين الحماس، الخوف، الوعيد ولا خيار من غير الربح عندو اليوم، تطرق الباب وطلب شخص من المدرب باش يمشي يوقع على اخر اوراق النزال حيت القوانين صارمة جدا فروسيا، وكلشي تابع لنظام ممعاهش تساهل او نقاش وبالتالي كلشي خاص يكون مسني ومبصوم وحتى فأكبر المحافل ديالهم و القانون يطبق على عامل النظافة كما رئيس الدولة، خرج المدرب لإكمال الإجراءات خصوصا ان النزال مابقالو غير شوية ويبدا، في حين تلفت محمد نحو فؤاد لي مفارقو حتى لحظة هاد الاخير كان مركز مع تلفونو طول الوقت شي لي لاحظو محمد 
محمد: مالك أصاحبي جاي ومخلي عقلك عند المدام كون غير بقيتي معاها، مني جيتي ونتا ماشي هو هذااك طالق اللعب وليتي تحرك بلا المدام كفاش هادشي أفؤااد..انا عارفك متتخليذ وقاااء وتبعد تا فخدمتك كتديها معاااك
هز فؤاد راسو وحاول يخفي ارتباكو وقال بابتسامة مصطنعة: الله ينعل لي يدير معاك شي صواب، قولنا نجيو نشجعوك صدقتي مطلعها علينا..سرك تلعب بوحدك لا حنين لا رحيم ههه
ابتسم محمد وقرب من فؤاد و عانقو عناق رجولي 
محمد : لله يحفظ اعشيري ههه عارفك فالذمة..الصراحة مجيتك فوق راسي وملي مشات وردة معرفت مالي مرون...
شاف فساعة وكمل الهضرة : يكونو باقي ماوصلو الصراحة مكرهتش نهضر معاها قبل مالعب بالي معاها بزاااف ومشوش
فؤاد ماقال حتى كلمة غير كيسمع، حتى تكسر داك الصمت بدخول شخص للغرفة هز فؤاد راسو لي معرفش الشخص في حين محمد تبسم 
محمد بابتسامة: انت وليت نشوفك اكثر من المدرب ديالي اش جايب ثاني ؟؟
دار فؤاد عند محمد وكأنو كيسولو بعينيه على شكون هذا
محمد بابتسامة: هذا هو جوزيف لي سلكني من بلان الكوكايين و كان باغي يتصاحب مع مرتي حاشاااك 
فؤاد: " بالعربية" وهو كيشوف فجوزيف لي معطاوه حتى فرصة باش يهضر: اوا وعلاش جاي دابا دار الخير الله يعاونو
جوزيف مفهم والو وتيبيض فعينيه ولكن كان باين على ملامح فؤاد الغضب وهو يتبسم " بالانجليزية": واش جاع العرب دمهم سخون هاكا ..
فؤاد بغضب: ها تخصار الهضرة بدا... 
هنا قلبها فؤاد انجليزية: خويا علاش جاي لغرفة ملاكم فاستعداداتو الاخيرة لكومبا
محمد حاول يرطب الجو " بالانجليزية": وي جوزيف شي حاجة.. اش بغيتي؟؟
جوزيف بابتسامة دائما الحوار بالإنجليزية: حاول متلعبش فالجانب ليمن ديال الحلبة... 
محمد باستغراب:معرت علاه؟؟
جوزيف بجدية: الجانب الايمن متلعبش فيه اي الجانب لي قريب من المنصة الشرفية، وفين كاين الكراسة البيضين وحاول داك الجانب متوصلش ليه ومتخليش خصمك يديك لديك جيهة، حيت ناويين يضربوك بالقراعي و الحجارة في حال كنتي قريب ليهم مغديش يزكلوك.. وهما همهم انك تضر ماشي مهم تربح او تخسر بقدر فكرة " محمد" ميربحش.. 
محمد بجدية: جوزيف انا لي غدي نبدا نشك فيك منين كتجيب هاد الاخبار وعلاش باغي دير معايا الزوين...
فؤاد بجدية: تماما علاش هاد الحنانة..
جوزيف بجدية: بكل بساطة حيت هادو لي كيخططو من كلاخهم معرفينش ان الغرفة لي جنبهم مسكونة و بحكم انني عندي نسبة فالفندق فكندخل لغرفتي بلا مكيعرف حتى شي حد وديما المشرفين كيقولو انها غرفة خاوية، وبالتالي هما ملي سكنو فالطابق كراو جاع الغرف الا ديك الغرفة لي عند بالهم خاوية، وانا فالمرة الاولى سمعت صدفة خطة انهم يديرولك الكوكايين وخليتهم حتى مشاو خديت الدوبل لي منحقنا كفندق يبقا عندنا ودخلت لغرفتك وخرجت داكشي قبل مايجيو البوليس,, واليوم عوتاني سمعتهم كيهضرو على انهم باغين يضربوك عشوائيا من بعد ما خسرات ليهم خطة الكوكايين و يحبسوك...
بقا محمد وفؤاد ساكتين للحظات وهو يدور جوزيف خارج من الغرفة 
جوزيف بجدية : غير باش ترتاح هادشي لي درتو معاك كنت غدي نديرو حتى مع واحد اخر وايا كان جنسيتو او ديانتو الا الظلم وكنبغي كلشي يكون فير بلاي...وحتا حيت مراااتك غزااالة وحيت تتبغيييك هههه قالو لي قطعاات البحر والغيووم باش تشوفك
تقلبو ملامح محمد للغضب وقال:شناااهو😠😠
خرج جوزيف بزربة من الغرفة خاف على راسو؛ في حين فؤاد بقا هو ومحمد يتبادلو النظرات للحظات فيها الكثير من القلق و التحدي فنفس الوقت.. 
فالمستشفى الاعصاب مشدودة وكلشي ساكت خايف كيتسناو رحمة الله تنزل، حتى كتفوت من حداهم ممرضة دافعة كروسة فيها اكياس دم كلشي وقف من بلاصتو خايف قربات الزهرة من الممرضة الثانية لي كانت تابت تابعة الاولى لي دخلات لغرفة العمليات 
زهرة: ياك لباس اش كاين؟؟... 

##داخل غرفة العمليات 
زهرة ووفاء وعائلة وردة فجنب غرفة العمليات وكتشوف الممرضة دخلات الدم، وبداو يزودوها بيه من الوريد، البطن مفتوح و الطبيب كلو كيتعرق، ووردة واقفة كتراقب و مدهوشة شوية بدات تسمع الطبيب كيغوت 
الطبيب كيغوت " بالإنجليزية": كنخصرو المريضة كنخصرو المريضة...
خاد جهاز الصادم الكهربائي و بقا ينعش بيه قلبها مرة جوج وثلاثة..
الطبيب دائما بصوت مرتفع: راقبو نسبة الاكسجين لي دايزا ليها، فديريك راقب الجرح فالوقت لي انا كندير الانعاش عنداك يتلوث... فاتيما زيدي نسبة الشحنة الكهربائية... 
وضع مجددا الصاعق الكهربائي، ووردة كتراقب شوية شافت امرأة بلباس ابضا واقفا جنب الطبيب لي عاطيها بالظهر، و كتشير ليها تقرب منها قربات منها وردة بخطوات بطيئة، و هي كتشد يديها لقات راسها امام شلال كلو كريستالي و الماء فيه نقي و بلاصة حتى شجورها بيضين.. حسات فيها براحة نفسية وهدوء غريب...
المرأة الكبيرة: شتي انت بلاصتك فمكان بيض ونقي بحال هاد البلاصة...
وردة بتردد: وبناتي و محمد يجيو معانا؟؟
المرأة ماقالت حتى كلمة وبعدات عليها في حين وردة كتتأمل المكان وهي فرحانة و لا شعوريا كتردد 
وردة بابتسامة: لا الة الا الله.. الله اكبر... 
داخل غرفة العمليات مجددا الطبيب مازال كيصعقها فصدرها شوية رجعو نبضات القلب بطريقة طبيعية 
الطبيب وهو كلو عرقان : صافي النبضات رجعو طبيعيين نكملو العملية بسرعة قبل متعفن لينا الفتحة...
بقات العملية مستمرة الوردة بعد الحدث لي طرا ليها ولي اختلف مابين الخيال والواقع ولي اي واحد تقدر تعاود بحال هادشي مغدي يتيقوها لكن اشخاص كتار عاشو تجارب الاقتراب من الموت و كيحكيو قصصهم ولكن حتى حد ممصدقهم... 
فالقاعة فروسيا
كلشي كيشجع الخصم الامريكي الاصوات تتعالى، الكلاوي كيراقب من بعيد صاحبو لي كيتفرشخ وكياكل العصى، وفنفس الوقت تلفونو مفارقوش مراقب مع وفاء اخبار العملية، ضغط خوف ترقب، كلشي مرون ليوم عند لكلاوي، سالات الجولة الثانية و محمد خاصر بجولتين وباقي جولة واحدة واش الاحلام جاع لي بناها مشات، واش جاع هاد الطريق لي ضرب مشات، و المرأة لي مواعدها انو يعالجها غدي يرجع ليها خاوي، اه صحيح سنا مع شركة باش يولي الوجه الاعلاني ولكن هو عارف الدفعة الاولى ماياخدها حتى لمنا ربع شهور وحتى يبدا يتصور الاعلان، بينا وجه غدي يشوف فوردة، وفمو زهرة لي دفع عليها كبير، ولا حتى فؤاد لي جاي منين و منين باش يشجعو، المدرب كيهضر مع محمد وهو غايب فكرة انو غدي يخسر هي لي مسيطرة عليه، دار شاف فؤاد لي رفع يديه كيشجعو بيها و ابتسم ليه ابتسم محمد ابتسامة منكسرة وناض وهو كيقرب من خصمو حتى غفلو بضربة للكرش وفنفس الوقت محمد راد البال باش ميمشيش للجهة ليمنية كما وصاه جوزيف، بسبب ضربة الخصم طاح للحظات محمد و كيحاول ينوض... 
العملية باقي مستمرة عالجو المنطقة وهما كيكملو اخر اللمسات بدات وردة تتحرك وتحل عينيها 
الطبيب تعصب مرة : شيت لي معمرو جرالي مع شي مريضة كيجرى اليوم.. يحيى مال المخدر " البنج" واش معطتيهاش الجرعة الكافية..
يحيى الطبيب المخدر: لا دكتور كنعتقد الوقت لي توقفنا فيه هو لي خلانا نضيعو شوية الوقت وفاقت قبلت ماتسلي العملية... 
الطبيب كيحاول يهدئ راسو خصوصا من بعد مشاف وردة حالا عينيها
الطبيب قرب من وردة وكيشوف فيها: مادام بليييز حاولي تحافظي على هدوئك قربنا نكملو العملية غير انت فقتي فالبلوك وحنا كنخيطو المنطقة صبري معانا 10 دقائق ويكون خير حيت الا زدنا ليك واخا حتى تخدير موضعي ممكن يكون عندو اعراض جانبية اوكي؟؟
وردة اكتفات بتحريك راسها هي فهمات فعلا اش قال ولكن باقا مدهشرة..
كملو خياطة المكان الاطباء في حين وردة واخا كتتألم صابرة وهي براسها معرفاش منين جابت ديك القوة الصبر... 
وقف محمد وهو مضهشر فالحلبة، وفالوقت لي كان الحكم وصل فالحساب ل 8 وكملو المقابلة ضربة فيه وضربة فالخصم و بدون سابق انذار ضرب محمد الخصم الضربة القاضية طاح فالأرض، قرب الحكم بدا يحسب والاعين تراقب فؤاد على اعصابو حتى وصل لعشرة و دق الجرس على نهاية اللقاء وتتويج محمد بطل العالم للملاكمة فئة مدربين وهي سابقة من نوعها عمرها طرااات
قفزااات الجالية المغربية من بلايصها تيغوتو ويصفروو ويسفقووو مشجعيينو فعين محمد تهد ومضهشر..وقف كينهج ومشا خوا فمووو عند المدرب المسااعد ديالو لي كان هو وطاقم مرفووعين تيضحكو ويتعانقووو بفرحة..اما فؤااد وقف كيصفق هلييه مبتااسم وفرحاان ليه..بتاسم محمد بعدما طلع عندو الفريق كامل كيعنقو فيه ويهنؤوه بفوزو..وطلعات الاسعااف للحلبة هزات المنافس ديالو لي باقي مفاقش فحين انصاارو كاععين ومعاجبهم حااال والمعلقييين كيهللو بالفوز ديال محمد وفجأة طلعااات فالشاشات لي فالقاعة صور محمد والراية المغربية..تعانق محمد مع كلشي فرحااان وتيضحك وتيتسنااا اتفك بفااارغ الصبر باش اعيط لمحبوبتوو..تلقا التهانئ من كللشييي ونزل من الحلبة لي ولات عامرو بالناااس ولقا فؤااد كيتسناااه عنقووو بحرارة وباارك ليه

تعانقووو وباااركووز ليه..وطاح عليهم شي لعيبات فالصفر كيلوحوها على المتوووج..غمراات القاعة فرعة عاارمة بالنسية للمغااربة لي كلفو راسهم وجاو اشجعو ولد بلادهم وفظرف ثلث سااعة كتاسح خبر ربح محمد الجرائد الالكتروونية وكل الجرااائد كتباات عليه ونشراات فيديو فوزو السااحق وهو كيضرب خصمو بالضربة القاضية..نتاشر الفيدو وتبارطااجا وكلشي كيباارك فالتعاااليق ويدير جيم..فحين فالمستشفى كانت العملية باقي مستمرة تاشهقاات وفااء لي كانت كتهضر مع فؤااد وقالت:😱😱😱😱الله
لتافت ليها الكل وقاالت بفررحة:محمد محمد ربح هههه ربح داا بطوولة العااالم
بتاسمو كاملين رغم ظرووفهم لي مكتسمحش وزهرة طااحو دموعها كضحك وقالت:الحمد لله الحمد لله الحمد الله😢😢😢😢
المختار:على سللامتزوو..لعgوبا لبنتي تاهياا تخرج على خير
زهرة:ان شاااء الله(هزات تيلي تتعيط لمحمد)فففف متيجاااوبش هههه
وفاؤ:غيكون مشغوووول اصلا شوي ويشدو طيااارة
فتيحة:(بحزن)الله يجيبو عاى خير
انور:خص هي تبرااا وردة ونديرو شي زردة سااانك سانك سانك ههه
ضحكو كاملين وبقاو واقفين كيتسناااو..فحين محمد كان فالفيستيير مع فريقو وكيتلقا المكاالماات حتا جا عندو المدرب وقال:دوش ولبس عليك غيتعلقو الميداالياات
محمد:واخا ههه
خرج كلشي وبقا مع فؤااد لي كان كيتسناا الفرصة فاش اجبد معاه موضوع وردة..دخل محمد ناشط للدوش دوش وخرج لبس سورفيت فالاحمر ديال المغرب..وفيه ضريبا عند حجباانو..نشف شعرو وبتاسم لفؤااد:وأخيييرا هههه الحمد لله
فؤااد؛درتيها أسبع ههه(ضربو لكتفو)بطوولة العاالم دقااا وحداا
محمد:ايواا شتي ههه
دخل المسؤول وقال:الى كان ممكن تفضلو راه كيعيطو ليك اموسيو
محمد:واخا
ربت على كتف فؤااد وخرجو مبتاااسمين لقاو القااعة فيها العلم المغربي والنااس فرحانى..تزجه محمد للمنصة وطلع بكل هيبة ووسامتو الطااغية خلا قلوب العديد من البنات طايحا..وقف حدا منافسو لي موقفينو بزز وطلع أحد المنظميين الكباار لهاد التظااهرة ومعاه وحدا لابساا كسواا راقيو فالاسود وطالون هازا صبنية فيها الميدااليات وفوق منهم الراية المغربية والامريكية باعتبار الملاكم المنافس وصيف بطل العاالم..قرب المسؤول لي كان راجل كبير فالعمر ولابس كوستيم زمبتاااسم وهز ميدالية ذهبية وركبها لمحمد لي بدورو عطاه ابتساامة..تسالمو بالوجه وداز لوصيف وعطاه نحاسية..وقال المعلق:سيدااتب سادتي نترككم مع النشيد الوطني المغربي
دار محمد يديه على قلبو وكذلك نفس الشيء بالنسبة للمغاربة كلهم لي حاضرين سواء من طرف الجاامعة او الحضوور وكلشي كيردد النشيد لي مطلوقا فقط موسيقتو..سالاو وتسمعو تصفيقااات حاارة فالقاعة ونزل محمد تيتلقا التهانئ من عند الناااس ويبتااسم..جهد شي ساعة عاد جرو فؤاااد للفيستير
في المشفى..وردة سالات عمليتها وسدو ليها كرشهل ونظااو الاومور وهي نوعا ماا بدات تتحل عينيها لانها طلقها البنج..سالاو وخرجوها فبيااسهااا والعائلة كلها تلاحت عليهل وهي مدوزينها بالاوكسجين والسلوكا ضايىين بيها..خرج طبيب ومشات عندو زهرة وقالت بالانجليزية:دكتور بلززز طمنا العملية نجحاات
الطبيب بابتساامة:وي نجحاات 100/100 وواخا كانو مضاعفاات ولكن تشبتات بالحيااة..بالشفااء العاجل
زهرة:(مبتااسمة)شكرااا
مشا الطبيب وتا وردة داوها فحين العائلة تتعانق..سولات وفاء زهرة:اش قال ليك؟؟مجحاات؟؟
زهرة:(بابتساامة فرحة)اااه ههه نجحااات
فتيحة:(تتبكي على كتف المختار)حمدتك ياربي وشكرتك لي حفظتي ليا بنتي وخليتيها ليا..(شافت فالمختار)خصها هي تبىااا ونصايب ليها واحد الgصرية تبادااز من داكشي رفيع وندير ليها شي حليوااتت..اييه بنتي تتمووت فغريبا نصايبها ليها😭😭
المختار:(تيضحك)هههههه ياهاد لمرااا خلي الكوزينة عليك فتيقار هههه
فتيحة:اش تتفهم نتا بعدا..انا تبقا ليا هي بنتي نطيب ليها تا فتلة الشطبة
انور:وكثري حب الرشااد والحلبة أخالتي ههههه الحمد لله نقزااتها المسمومة ههه
فالفيستير محمد ضرب فؤااد لوجهو لكمة قاااسحة..هاد الاخير لي كان متوقعها منة..فجأة تحولات ملامح محمد لغضي وخوف وبلاصة الابتساامة والهدووء بان بركاان كينهج ممصدقش اش تيسمع..شنق على فؤااد وقال والغضب كيفور من وذنيه:كيفاااااش😡😡😡كيفاااش وردة تدير فالعملية هاااا باشمن حق تتديو ليا مرااتي وتديرو ليها عملية خطيرة بحال هاديك بلا خبااري(صعر)واش تسطيييتوووو😡😡
فؤاد:(حيد ليه يديه)مغنديش عليك دروووك معصب وماشي فوعيك..مراتك بخير زعلى خير خرجاات من العملية لي كاانت نااجحة مئة بالمئة
محمد:(زعف وصعر وجنون الدنيا زالاخرة تجمعو فوق راسة)اويلي معامن انا اويلي😡😡😡هادي هي العشرة دااي لياااامرتي يااااك
فؤاد:كبر عقللك سيدة جاها نزيف وهي معاااك وبداوها اعراض السرطان وبيتيها تسناااك تاتربح راه كانت غتموووت وزيد عليها ةاخا تا كون ربحتي راه الاجراءات غيتعطلووو..لمرة وحدا خلي عليك النفس والغروورفقنت بعيد وديى شي حاجة على قبلهاكانت غتمووت

محمد تعصب وصعر ولا كيسب من سمطة لتحت وفؤاد مخليه على راحتو..كان متوقع هاد ردة الفعل ...خزر فيه وقال:دابا غنمشيي لمغرب
فؤااد:هادشي لاش معيط ليك..غتمشي دابا..كلشي واجد خي بقا مشكل واحد هو كيفاش غنخرجك من هنا
محمد:(بنرفزة)وياااك فكرتو فكلشي؟؟ايوا حل تا هادي😡😡
فؤاد:(ضحك)ههه مالك اصاحبي تقلقتي واش ضريناااك راه بالعكس عتقنااها ودابا رااها بخييير
محمد:(بغضب)اش فيها كون تسنيتو؟؟
فؤاد:(سكت شحال وجاوبو)كون وردة راها فعداد الاموااات دابا
خرجو عينيه ودخل لكلام لوذنيه بحال ناقووس الخطر..موت وردة هو اسوأ عقاااب ليه..قاطع تفكيرو وشوفاتو الحادين دخول رئيس للجامعة لي جاي يهضر معاه تا صارحو بمحمد برغبتو أنه يرجع للمغرب فورا وشىح ليه ان للسبب عائلي ومسألة حيااة او موت عطااه الموافقة ومشا محمد بدل عليه بزربة ومشا مع فؤااد خرجو من باب اخر بعيد على الصحافة ولقاو طوموبيل كحلة تتسناهم طلعو وتوجهات بيهم للمطااار ومحمد عاقد حجباانو وهاز تيلي كيهضر مع مو ويطمئن على وردة وواخا هاكاك مبردتش فكل كلمة كيعاتبهم بكلامو..وصلو للمطاار ولقاو احد رجال فؤاد هاز وراق محمد لي جابهم من الاوطيل..دازو من الاجراءات وسبقوهوم هوما لولين لانه طائرتهم خااصة..توجهو فاوطو صغيرة للطياارة وتحلان وطلعو..ومحمد باقي مخنزر..طفا تيلي وتلاح هلى واحد الكرسي بتعب..جا فؤاد بعدما هضر مع الطيااار والمسااعدين وحط ليه مشروب قدامو وقال:أ برد اصاحبي راه هضرة وحدا قلنااها
تلفت ليه :زاش متأكد نجحاات ليها العملية؟؟
فؤاد:متتعاود هي صلاة على نبي..مراتك بخير وعلى خير زمعاها خالتي ووالديها وانور خوها وحتا مراتي..وبناتك راهم فالحفض والصون مع بناتي فقنت مأمن
محمد تنهد بحسرة وبقاات غوباشتو معقوودة مبغاتش تسرط ليه انهم داروها بيه..دارو سمطة وطارت طيارة والوجهة مطاار كازا المغرب..
فالمشفى-##
الكل واقف فالكولوار كيتسنا شي اذن من طبيب اسمح ليهم ادخلو اشوفوها..وشي كيشوف فشي حتا نطقتات زهرة مخاطبة فتيحة:لالة فتيحة سيري للدار عندي نتي وسي المختااار رتاحو ليكم شوي..الى بقيتو هنا معندكم فاش تنفعوووها
فتيحة:اوووهووو..منخليهاش نبااات معاها
زهرة:اش غتنفعبيها راه مغتفيق تال غدا فالصبااح ودابا مغتشوفيهاش والسهير قاسح عليك انا نبقا معاها..(شافت فالمختار لي جالس تيتفوه)وا هضر أسي المختااار
المختار:ياودي مكاااين باااس نتسنااو ليلة مدات مجاابت
زهرة:وانا هي قلت ترتاحو شوي
نطقات وفاء:انا لي غنمشي نطل على دراري ونشوف ياكما توبة تتغوت
فتيحة:الله يرضي عليك أ بنيتي درتي معانا لي عمر شي حد داارو..الله يكثر خيرك اميين..
وفاء:الله أودي راه وردة ختي 😊😊
مشات وفاء مع شيفور وخلاتهم واقفين كيتتسناااو شي خبااار وكل واحد اغفااا شوي..تا صبح صباااح ودازت ليلة كاملة بلا حتا جديد من غير الاطباء لي فراس كل ساعة كيجيو افحصووها وعاطيينها اهتمام خاااص وحتا العائلة داوهم لبيوتا باش ارتااحو كيف لا وهوما توصيااات الكلاوي شخصيااا على راحتهم وحتا زهرة حاطا زبابل تالفلوووس تمااا..حاطا 100 مليون فيهاالعملية وكلشيي..
شرقااات شميسة سخةوونة على ضفااف هاد الكون وطيارة محمد وفؤااد باقي محلقة فالهوااء..فحين فالمشفى الاوضااع نفسها..نزلو كاملين للكافيتيريا وفطرو وطلعو تاني للفوق لقاو وفاء هازا توبة لي مغوبشا ومخشية فيها 
وفاء:صبااح الخير
الكل:صبااح النور
فتيحة:مالها ياك لباسس؟؟
وفاء:فاقت شي ربعة تالمراات فليل تتسول على وردة..تتبكي تاتعيا وتكور تنعس..وتعاود تفيق ثاني وهاد صباح قلت نجيبها واخا تشوفها هي من بعيد
فتيحة:(حطات يديها على شعر توبة)اححح على جغمة الدم دياي..حسااات بيها زغبية
توبة:ماما😢😢😢
وفاء:ها حنا درووك ندخلووو عندها
زهرة:وإكليل مفاقتش؟؟
وفاء:سي جوج مراات هي رضعاات وبدلت ليها ورجعات تنعس تاهي حساات مولفاتش كثرة اليدين مولفاا مها
زهرة:مبقاتتش رزاااف واتجمعو..الفضيحة دابا هي داك لي جااي من روسياااا معصب 
انور:الى مدارش شي فضيحة صومو ثلث ايااام ههه
ضحكو كاملين هليه وتم جاي الطبيب ثاني بابتسااامتو ودخل عند وردة فحصها وخرج وهوما يوقفو ليه فوجهو وسولاتو زهرة:دكتور راها مزياانة نقدرو نشوفوها؟؟
الطبيب:يس..بخير صحتها مزيااانة..راها ناعسا دابا..الزيارة تاتفيق باش منزعجوهاش اوك
وفاء:واخا ادكتور شكرا
مشا الدكتور مبتاسم زخلاهم واقفين وتوبة ضور ضورة وتقول ماما وهي مغوبشاا وهو تيسكتو فيخا بحجة راه فيها ديدي
###فمطااار الدار البيضاااء حطااات طائرة الكلاوي الخااصة على ارض المغرب مع 11 تصباااح..قفز محمد من بلاصتو وقال:اشمن اوبيطاال فاش كاينا؟؟
فؤاد:الشيخ خليفة بن زيد
محمد:ياله دغيااا
خرج كيزرب لابس دحيين فالاسود وشوميز بيضة وسبرديلة عطاهم ليه محمد ابدل بيهم فالطيارة..خرجو بعد ماسلاو اجراءاتهم محمد زربااان وباغي هي امتا اوصلو..خرحو لبرا وقفات قدامهم طوموبيل كحلة وقال فؤاد:هاك هاك سوق نتا ههه عارفك مغتهنا تاتديرها بيديه

يتبع في الجزء الأخير

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.