شد محمد السوارت لي مد ليه الشيفور وركب وطلع حدااه فؤاد.مزال مدارش السمطة ديمارا محمد وكسييرا فاتجااه السبيطاار بسرعة كبيرة ماهمو لا سطووب لا مولاي بي..هاماه هي وردة وتا فؤاد مهضرش بقا ساكت وتيشوف فطرييق..بعد 30 دقيقة وصلو للسبيطاار حبس محمد الفراان بجهد تا تحكو الرواايض ومشاو وجاو فبلايصهم..حل لباب ونزل وخلاه محلول ودخل ممسوقش..توجه للاستقبال زرباان وقال:سيلتوبلي..وردة.وردة القصري فينا شومبغ كاينا؟؟
البنت:ممم اطط أسيدي نشوف (بدات كتقلب فالبيسي وتهز عينيها تشوف فيه) واش نتا هو محمد الساجدي لي ربحتي لباؤح
محمد:(بلا مبالاة)ختي اشمن شومبر؟؟
رجعات هينيها لبيسي بحرج من القمعة لي عطاها..عاودات هزاتهم وقالت:شومبر 34 الطاج 2
مشا بلا ميقول والو وفؤاد موراه كيضحك عليه وهو مخلووع..حل لسانسور وطلعو ومحمد كيزيى على يديه ويعاود احلها..تحل لسانسوور ومشا كيجري كيقلب على غرفتها كي الهبيل حتا بانت ليه العائلة المخترمة واقفا فباب الغرفة وهو يزرب لعندهم محسوو بيه تاوقف عليهم كي زلط وقال:كيبقااات؟؟
الطبيب:قدرنا نديرو خدمتنا وحيدنا الميكرووب ماعليها الا تبع الدواا لمدة شهرين مورا العملية وغترجع لحيااتها الطبيعية كيفماا كانت
محمد:داكوغ مبغسي
الطبيب:ودابا خاصك تخرج..المريضة خصها الرااحة
محمد:واخا..معاياش غتفيق؟؟
الطبيب:عطيناها لبارح مهدئ باش تنعس ومتحسش بالالم لانها فاقت لينا فالعملية ..شي ساعة هاكاك وتفيق
محمد:اوك انا خارج
خرج محمد برفقة الطبيب كيتنهد ولقاهم واقفين كي طلابا قدام البيت..شاف فيهم كلهم شوفة تالقتيلة تا قشعاات عينيه توبة عند وفاء تتدمع فصمت..شافتو ومداات ليه يديها وشدها وحطها فحضنوو وهي تبداا تتبكي بصووت مرتااافع وبعدها على بيت وردة وتيسكت فيها ويبوس راسها وهي تتعمق فيه تاسكتات وبقات فحضنو متكيا على صدرو..والكل كيشوف فمحمد تا نطق هو:الواليدة..تبعيني
زهرة سرطاات ريقها وناضت من كرسييها وتوجهات ليه وهو يوقف وتمشا هاز توبة وتبعاتو..تزل للتحت للكافيتيريا..مشا شد عصير وحلوة لتوبة وجلس وجلساات حداه زهرة تتبيض فهينيها عارفاه غيتحااسب معاها..حط توبة فكرسي وبزز عليها تاكل وبدات تتهز بيداتها وتاكل حلوة..وهو يهز محمد عينو فمو مخنزر وقال:الواليدة اش قلنا؟؟
زهرة:(بنفس البرود)سميه اش ما بغيتي..انا درت لي خصو يداار..مراتك جاوها اعراض الكونصير وكانت تتغذب كون مادرناهاش كون دابا ماتت..واش فراسك ان قلبها كان غيسكت فوسط العملية ولا لا..فكر بعقلك شوي كون مدرتش انا هاكا كانت غتسناااك وتموووت..دابا لعملية تداارت معندك ماتصور مني ياله
محمد:بشحال تقاامت العملية؟؟
زهرة:التكااليف 100 مليوون مغربية
محمد:نتي لي حطيتها ولا عاونك شي حد
زهرة:فلوووسي بوحدك..فؤاد عاونب فقط فاش جاب طبيب مختص اما الفلوس ديالي وكون هاني اه الورث لي شديت من باااك فاش ماات..طول هاد المدة عمري حطيت عليه يدي وبقا هو هو تا تحتم علي نجبدو
زهرة:(بابتسااامة)كنحمد الله حيت ولدتك مع عزيز الله يرحمو..مات وخلا نسخة منو
محمد:😊😊
توبة:عنعنعنعن ماما😡
ضارو شافو فيها ولقاوها جلخاات وجهها بالحلوة وباقي باغا وردة..زعما قالو انسيوها ساعا راسها قاسح..مسح ليها محمد وطلعو للفوق..عاد برد وسلم على لهائلة وجلس كيدوي معاهم وكلشي كيبااارك ليه..تادازت سااعة..ووردة بدات تتحل فعينيها ببطء وتسدهم وتعاود تحلهم..بدات الصورة كتوضاااح ليها وشافت راسها وعرفااتو سبيطاار عاد تفكراات العملية..كان طبيب واقف عند راسها مبتاااسم شافتو وهو يقول:على سلامة أبنتي
وردة:(بلساان ثقيل)لل..للل..لمااا
طبيب:سوري؟؟
وردة:(بالانجليزية)المااا مااا
مد ليها كاس تالما بالباااي وشرياااات وهو يبدا كيسولها باش كتحس وشي أسئلة ثم خرج وخلاها..لقا العائلة كيتسنناااوها وقال بابتساامة:مريضتنا فااقت😊😊
نقز محمد هو لول من بلاصتو وقال:بصح..وكي راها
الطبيب:بخير..تقدرو تشوفوها
محمد:شكرااا
فتيحة:اش gال هاد صفر لكمارة؟؟
فؤاد:وردة فاقت دخلو تشوفوها
فتيحة:(بفرحة)احححح على كبيدتي😍😍(تدرماات دخلااات)الله الله على زينة البنااات
المختار:(تبعها شاد وجهو)هاويلي معامن انا
دخل حتا انور وتبعااتهم زهرة ووفاء مدخلا توبة وبقا محمد وفؤاد كيشوفو ويضحكة..تلفت عندو محمد وقال:بانت فيك دقااا دغيااا هههه
فؤاد:(قاس ضربة صغيرة حدا فمو)ضربنييي دحش ههههه
عنقو محمد وقال:معندي ميتسااالك ..رااجل كيف ديما
فؤاد:الكلاوي والساجدي موالدينش شمااايت ههه دخل تشوف مرااتك
دخل محمد مبتاااسم ومتشوق يشوفها..لقاهم معرمين عليها وكلها كيسول من قنت كلشي خايف عليها اما لالة توبة حطوها حداها..عنقاااتها مبغاات باقي تبعد وبدات تتمسكن وتبكي بحالا كتشكي عليها ووردة حاضياها بابتساامة يملئها التعب..تا قشعات عينيها حب حيااتها واقف كبشوف فيها مبتاااسم..بادلاتو الابتسااامة وقرب ليها باس يديها وراسها وقال بحب:على سلامة المشكوودرة
وردة:(مبتاسمة)الله يسلمك هه امدراا ربحا وذبحة؟؟
انور:شتي أ ديك العوحة هذا لي تتgولي عليه كينكوو راه بطل العااالم شخصياااا فلبووكس فئة مدرب هههه
وفاء مهضرااتش عنقاااتو من كرشو وبدات تتبكي وتعاود..صدماااتو ومعرف ميقول عنقها وكيشول فيها مخلوع :مالكي؟؟واش دوا معااك شي حد هااا..هضري والله مندير ليه شي حاجة هي قولي
وفاء:(بصوت باكي )😭😌😭اهئ اهئ أنا انا أنا حاا..حااا..حاااملة😭😭😭
فؤاد تصدم وبع.ها عليها وقال :متأكدة؟؟
وفاء:اهى اهئ اه عاد درت تحاليل😭😭
طلعاات بتسااامة على وجهو فرحااان وجرها معنقها
فؤاد:(بفرحة)ومال حبيبة ديالي تتبكي(بعدها على حضنو وشد وجهها بين يديه)مباغاش تحملي؟؟
وفاء:لا لا بغيييت هي تصدمت😢😢غيجينا بيبي اهئ اهئ بيبي اخر
فؤاد:وشكون قاليك واحد هههه متعرفي شي ثلاثة خرييين خخه
وفاء:سكوكو هههه فين غنديرهم هههه
فؤاد:(هزها معنقهااا)فرحااااان بزااااف بزااااف..ديما تتعطيني دي كادو كيخليوني فرحااان
وفاء:(مسحاات دموعها)اهئ كنبغيييك
فؤاد:ههه تانا(مزير عليها)اووو دابا من هنا 9شهور غيكون بيبي اخر
عند وردة لي كانت متكية على ضهرها ومجمعة مع محمد لي مفارقهاااش حتا جابو ليها تاكل تاني وكلها بشوي وفحصووها وبقا معاها النهااار كااامل
دازت ايااام ووردة فالمشفى كتماثل للشفااء ومحمد مكيفاىقهاش من غير فاش عيطو ليه على قبل حفل تكرييم فالرباااط ليه من طرف الجامعة..خدا الشيك ديالو بقيمة 200 مليون وخلص لمو الدين لي عليه..وفنفس الوقت كيدير لقاءاات صحفية كثيرة..وداز فالنشرة الاخبارية ديال الوحدا ومجموعة من المنابر الاعلامية الالكترونية..وردة بقاات فالمشفى لانها خصها تكمل تريتموون ونهار على نهار كثمااتل للشفااء وكل نهار مها تتجيب ليها بناتها كيدوزو معاها النهااار وفليل تديهم لفيلا زهرة..هاد الاخيرة لي ولات كتضل مع وردة وتحسناات علاقتهم..انور والمختار رجعو لمراكش على قبل خدامهم وكل نهار تيليفون بيناتهم..وكذلك الكلاوي رجع لامريكا رفقة ولادو ومرتو لي ولات هي على سبة هي تيهضر معاها وتزيد تبكي وحتا دراري مبقاش ليها الخاطر ليهم وفؤااد كيسايس معاها..اليوم وردة سمح ليها طبيب تخرج من سبيطار سنا محمد الخرووج ديالها ومشا لعندعا لبسها حوايجها وحطها فكرسي متحرك لانو طبيب منع عليه اهزها باش متقسحش فالجرح..دارها فيه وخرجها مبتاااسم وكيهضر معاها..دارها فالاوطو ديال مو وركب هو من جهة خراا وسااق فاتجااه فيلا زهرة..
وردة:كون هي مشينا لمرااكش..توحشت حومتنا
محمد:(سايق ومركز معاها)وا حبيبة هي تبرااي ونمشيو ليه.السفر واعر عليك
وردة:واخا😊😊توحشت نعس بناتي حظايا ههه
محمد:(هاز حاجب)وانا متوحشتيش تنعسي حدايا هههه
وردة:لا ههه
محمد:ها بلاتي على والديك تا تبرااي وتشوفي الشواا على حقو هههه غنفدي فطاسيلتك كلشي
وردة:ههههههه عبرت على يماااك المكبووت
محمد:كابت على مك شحااال هي بلاتي هههه
وقف السيارة قدام باب الفيلا الرئيسي ونزل حل ليها وشد فيها تاوقفات وبقاو غاديين كيتمشاااز بشوي ويديه على خصرها ويد خرا شادا فيديها..كيمشي معاها على قد جهدها..حلات ليهم الخدامة الباب وتلقاو ليها بالحليب والتمر وزهرة هازا اكليل مبتاسمة وفتيحة هازا توبة..ضحكات وردة وفرحاات معاهم لانهم ستقبلوووها هاكاك..عنقااات بناتها معاها وطلعهم ليها محمد للبيت لي خصصاتو ليها زهرة..وهاكا دوزو ايامهم لي كلها عسل مع محمد لي معيشها فالنعييم وهي كتشوف فيه بافتخااار لانو تشهر ولاو كيجيوه عرووض من فرق عالمية انه يدربهم وكيرفض ومصر ابقا مع فرقة مرااد..وخلصتو الشهرية كل شهر كتوصلو بلا لي بريم وكذلك الفلووس لي كيربح من الاشهار لي دار لشركة الملابس الاوروبية..رجع محمد ووردة للمرااكش فرحانين مع بناتهم وفتيحة اما زهرة فضلات تبقا فكازا ترتااح واسماء راه كتقرا فمراكش وساكنا مع المختار ومراد..
وردة تشافات وسالات دوااها وبدات كترد صحتها شيئا فشيئا وتتغلاض تاني.دار ليها محمد مفاجئة بمناسبة عيد زواجهم لول ودوزو يوم مع بعضهم رائع...كدوز نهارها بين تربية البنات وتوجد للباك..كان شهر 11 دخل وبدا البرد تيتحرك..
محمد كان فالمطعم لي غيحل مع فؤااد..قبل العرض ديالو انه يسير ليه المطعم بشرط ابقااو شركاء لان محمد غيحط فلوووسو معاه ويسثثمر..كيدير اخر التهيئات للافتتاح وتيلي فوذنيه كيهضر مع مو ويطمأن عليها..قطع معاها وخرج لبرا كيشوف الشكل النهائي للبلاصة لي تقرر اتقاام فيها المطعم الايطالي عربي الكبببيرررر لي قرر محمد وفؤاد اسميوه"wou"رمز للحروف الاولى فاسماء زوجااتهم..كان مطعم كبير وفيه طبالي انيقين وديال النااس الكلاص..طلع فالاوطو ديالو وعيطات ليه وردة ..جاوب وقال:بب
وردة:حبيبي تعطلتي علي..راه باقي غنشري منلبس
محمد:وا حبيبة هاني جاي راكي عارفا الريسطو غيتحل ليووم والخدمة كثيرة وداك المgندز تفؤااد مخلي الخدمة كاملة علي
وردة:وفينك داب؟
محمد:فطريق أ عمري..هاني ربع ساعة ونكون عندك..لبسي اناةنوصل نصوني عليك
وردة:لابسااا..ياله بااي
قطعات معاه وجلساات تتسنااه لابساا سروال جينز وجااط دوريجين فالقهوي وتريكو تالخيط نازل من الكتاف فالقهوي وشعرها طالقاه ودايرا طاقية لانو كتنقط الشتاا..وتوبة لابسا كذلك بحالها هي بحجم مصغر اما اكليل لي ولا فعمرها خمس شهوور تقريبا راها كبرات وملبساها لبسية سخونة فالابيض وطاقية صغيرة..صونا ليها محمد وهزات اكليل فيديها وسبقاات توبة قدامها سدات داار ونزلات لعندو..
شد من عندها توبة دارها لور وحط حداها اكليل فالكونة ديالها وزيرهم بسمطة عاد رجع عندها هي بتاسم ليها وباسها فخدها وقال:هانا تاني على توت بطاقية ههه(قادها ليها )تتبان توت اخويا
وردة:هههه حلف☺☺
حل ليها لباب وتنهد وقال:ياربي تطلق صرااحي خلااص راه عييت بالمااابارد
ضحكات فخفة وطلعات ودار ضورة وطلع حداها كيضحك وتوجهو لاحد المطااعم باش اتغدااو عاد امشيو اشريو اش بغااو
نحمد:(كيشوف فتوبة)توبة غيزو غيزو ههه
توبة:غيزو غيزو هههه بابا
دخلو للمطعم زوين طلبوو غدا تغدااو وخرجو للمول كيتقدااو لورظة اش غتلبس فالافتتاح ديال المطعم..فربعة تالعشية وصلها للداؤ ومشا يجيب فؤاد من المطاار..فحين هي وجداات راسها للخفل..وكلات لبنات وجابت مها معاها تقابلهم وتقادات هي واسمااء وتصاايبو..جا محمد لابس كوستيم اسود بلا كرافاط واللحية ناقصها..شاف وردة وتبهر..طول الطريق وهو تيمدح فيها ويبوس يديها..ماخرجو تانعساات البناات باش ميبكيوش..مشاو للمطعم لي كان عامر هي بشخصيااات وكل واحد متأبط يد مرتو وجاي يحضر لافتتاح مطعم فريد من نوعو..لقاو فؤااد ووفاء تما بكامل اناقتهم..تلاقات وردة بوفااء وعطاوها للضحك والنشااط..دازت الليلة فكامل الروعة بالضحك والرومانسية تمحمد وفؤااد..وفاء كرشها كتبااان شوي ومزيرة فواحد اللبيسة..سالات السوااغي وكلها تشتت فحالو وتعلن على افتتاح المطعم لي غيسيرو محمد..ركبات وردة معاه كضحك ومعاهم اسمااء وتحرك هو متوجه للدار..وصلو لقاو فتيحة ناعسا فالصالون ومعاها البناات..باستهم وردة ومشاات لبيتها وخلات اسمااء تتدوش..خيدات حوايجها ولبسات وحدين خرين..بيدما سالات اسمااء وتبعاتها ..دخلات دوشاات بضحكة شريرة ونشفات فالحمام واخا كترعد بالبرد صبراات..دهنات بكريم فيه ريحة الفريز لحمها كولو وشعرها طلقاااتو وعاودات دارت جلووس بنكهة الفراولة ولبساات سليب سترينك فالاسود وفوقو شوميز دونوي فالاسود مثير بزااف..حلات باب لحمام مبان ليها حد وهي تمشا بسرعة على قرون صباعها لبيتها..حلاتو لقات محمد لابس شورط قصير ورجليه كلهم كيبانو مزغبين وصدر عريض وقاسح..كيتسنا نوبتو فالدووش..هز عينو بغا يهضر وتصدم كيشوفها قداامو بدااك شكل مفهم والو..حفياانة وضفيراتها فالاسود وكلها كتثير..وقف مبتاسم باعجاب وقال:مجاكش البرد أ سليعفاانة؟؟
وردة:(تتحلون)لا ههه علاش كاين لبرد
محمد:(كيقرب ليها)لا لا بالحرااام..كاين ااصهد..الموت تصهد
وردة:ايوا منعرف☺☺
لوا يدو على خصرها وقال مبتاسم فشر:شنو عفااا علي الله
وردة:هههه انا لي كنت حارمااك ههه
خشا وجهو فعنقها كيبوس فيه وقال:توحشتتتك بزاااف بزااااف
وردة:حتا انا أحبيبي
جرها معاه للناموسية وتحولو لعالم اخر...فالصباااح بكريي صونات لغيفي لمحمد مع 9..تبورش فلحمو لشدة البرد ولانهم نعسو عرياانين..طفا الغيفي وطل على وردة لقاها مكمشة فالغطاا وعريانة..فيقها بزز ولبسات عليها ورجعات تنعس تاني..فحين هو لاح عليه حوايج وخرج دوش ولبس فالحمام حيت كاينا نسيبتو..لقاها فالكوزينة تتوجد الفطور وحداها اكليل فالكونة تتلعب برجيلاتها..هزها وصبح على فتيحة وبقا معاها تاوجدات الفطور عاد فيقو وردة بزز وجلساات كتفطر معاهم ومحمد كيغمز فيها وهي تحشم وتحني راسها..سالاو الفكور ومشاات مها لدارها وبقاو هوما..
ناضت دوشاات ولبساات بناتها وليها ودارت هي طاقية لشعرها كولو باش ميضربهاش لبرد وهي عاد خاجة من الحمام..شد فيها ونزلو للتجت للازطو..دارو بناتهم لور وتوجهو لمكان مكيعرفو هي محمد..بعد مسافة الطريق وقف فواحد الحي راقي فجليز ونزل حل ليها لباب وهي تتشوف وضور عينيها وتعاود تسولو..هز توبة وهي اكليل وقالت:لاش جينا لهنا؟؟
محمد:مفكرك بواالو هاد القنت هه
وردة:هههه دارنا لولا فاش عشنا
محمد:ههههه زيدي
شدها كن كتافها ودخلو للعمارة لي كانت فيها شقة تمحمد لولة فاش ياله تزوجو...طلعو فالسانسوور ووقف بيهم قداام الباب تالشقة..ورظة مافاهما والو هي تتشوف..جبد محمد السااروت وحل لباب وقال:دخلي أحبي
دخلات وتبعاتها توبة تتلوح فرجليها
وردة:ممممم باقي كيما هي خههه عقلتي فاش درت ليك لملحة فالعصيير 😂😂😂😂
محمد:هههه وفاش خويتو عليك هههه
وردة:ايييه دوشتي ليا هههه ولايني لاش جااين هنا
محمد:(عنقها من كتفها)هنا فين غنعبشووو تاني
وردة:(تلفتات ليه)شريتيها تاني؟؟
محمد:لا لا هي كريتها..تال نتحرك ونشريها ههه عجباااتك
جمعاات كلشي ديالهن من غير لفرااش لي خلاتو لمها لان الدار باقي بفراشها..جا محمد فالعشية تعشاو مجموعين بطنجية ضاحكين ناشطين وكلها تلاح انعس..الا هوما بقاو سهرانين على لحب والعشق تال جوج تاليل وتكركبو انعسوو
###صباااح جديد..فاقت فيه وردة ودارت روتينها الصبااحي من دوش وفطوور..وفيقات الشلة من غير اكليل لي تتفيق بوحدها..فطروو وجمعو الداار وكلشي نضااوه نزلات وردة لعند سيدة لي كرات ليهم سلمات عليها ومدات ليها سارةت وطلباات منها السمااحة وخرجو مودعيين دارهم لي عاشو فيها الحلوة والمرة..توجهو للدار الجديدى دخل محمد الشوانط ليها ومشا لخدمتو خلاها ترتب الحوااايج..طلقتت توبة تتلعب وحطات حداها اكليل فالكونة ومشات تترتب فالحوايج وضحك ملي تفكر شي حاجة وقعات ليهم هنا..عيكات لمحمد اجيب ليهن لغدا حيت باقي ممقديين والو..جا وتغدااو ورجع لخدمتو وخلاها هي مع الروينة والبنااات..تا سالا نهارها
دازو اياااام كثيرة عليهم وهوما عايشيين حياتهم طبيعي وحبهم كيزيد اقواا يوم بعد يووم..وصل صيف وبالضبط شهر ستة لي غدوز فيه وردة..فاقت بكري وجدات صحور وتسحرو وبقات فايقا تتصلي وتطلب الله اعةونها..فليلة لي قبل كلشي تاصل بيها وتمنا ليها التوفيق..ناضت من على زربية الصلا دوشاات ولبساات جلابة فالاسود وجمعات شعرها كوب شوفال باست بناتها بحرارة وخرجات مع محمد اوصلها لليسي محمد الخامس فباب غماات فين غدوز الناسيونال..وقف الوطو قدام المدرسة وبقا كيتسناوهم احلو لباب وهي مخلوعى وتترعد ومحمد كيهدن فيها:شوفي خدمي بشوي عليك نتي راك برباريتي ومززيااان كااع..تكالمااي وسيري دقا دقا واخا
وردة:(بتوتر)واخا فففف خايفااا
محمد:ماشي اول مرة غدوزي..رولاكس اوك(تحل لباب)ياله بون كوووغاااج (باس ؤاسها)الله يرضي عليك انا نرجع ليك مع 11 اوك
وردة:اوك..ياربي تيسر
محمد:امين اربي
نزلات هازا صاكها لي فيه الادواات والالة الحاسبة وداخلة مع باب اشهر ليسي فمراكش..كانو الاجوااء حمااسية وكلشي متوتر..دخلات دوزات لفيزيك لمدة 3 ساعات منتابعة مخرجات تا قربات تسخف..فهاد الفترة كاملة لي دازت خدمات على جميع انواع التماارين وجميع انواع السلسلات ومحمد أصى اجيب ليها اساتذة فكاع الموااد للدار وكيبقا هو مع البناات وهي فالصالون تتحفض..دازو عليها شهور وهي تتوجد والهدف باك مونسيون..ضربات الحضااش وخرجات تتقلب على محمد لقاتو واقف بالاوطو تيتسناها مشات لعندو وطلعات وسلمات عليه ةقال:كيداز داكشي مزيااان؟؟
ديمارا محمد للدار ورجع نعس وخلاها هي ترتاح واخا البنات ماخلاو ليها راحة..وصلات ثلاثة ومشا داها تاني وجابها..والفكور وصاو عليه حيت جات مسخسخة وربقها نااشف ورمضاان فمرااكش اه متيدوزه فيه هي الاحرار😂😂..وهاكا دازت 3 أيام تالامتحان الوطني..خلعتو مشاات بقات الخلعة تالنتائج..كان خاصهم اصبرو شي أيااام..
فهاد الفترة كاملة لي دازت زهرة حيدات حق الله ورجعات تتوقف على خدمة سمير بيديها وتتعاون مع نجمة ويسيرو..داز عرس انور بلطيفة لي حتافلو بيه على الطريقة المراااكشيو وكاع الحباب حضرو ليه..من وراها بشي شهرين داز عرس أسماء لي رفضاات رفض قاطع انها دير للعرس بحكم باها لي باقي مكملش عاام فموتو...سكنات فالرباااط مع راجلها وزهرة علاقتها بقات مزياانة بوردة وتيهضرو دائما وكذلك مع وفاااء لي قرباات تولد وعرفات انو عندها ولد..
وردة:(توقفات عن الحركة وشهقاات)هااااتت(تلفتات ليه)حلف حللف ههههه حلف
محمد:عاد شتها هههه17،41 الثانية على مستوى الجهة ههه
وردة طارت عليه عنقاااتو بجعد تتبكي وتبوس فيه..طلاتو كولو صااابون وهو كيضحك ويعنقها ويبوس فوجهها..خرجات من الكوزينة وهزات كابليت تتقلب فنقاطها وتضحك فرحاااانة..وتعنق فبناتها وتبوووس فيهم ومحمد كذالك..
فرحاااات وردة ومقدااتها فرحة وعيطاات لكلشي علماااتو وفرحو ليها..قطعات المكالمة مع انور ولاحت تيلي وهي تلاح على محمد بتعنيقة على غفلة وتعلاقااات فيه لاويا عليه رجلييها وباستو بحرارة ففمو وقالت:😄😄😄😄كنبغيببببك هههه كنمووووت فيك كون مانتا gاع منرجع نقرااا ههه
محمد:(كيضحك)مبرووووك عليك المشكودرة ديالي هههه دابا الخدمة الكبيرة هي ملي دوزي فالكونكوور تلميدسين
ورظة:(عنقاااتو)غندووز ان شاء الله احبيبي غندوز(عاوداات باستوو)كنبغيييك اكينكو ههه
محمد:وانا تنتسكى عليك هههه
دوزو ليلتهم فرحانين وضاااحكين ..والغد ليه داها لليسي وعاشت فرحة الطابلو وهي كضحك وتعاود..رجعو للدار جلسو شوي وناضت وردة ومحمد كيعاونها توجد للفطور لكبير لي دايرين بمناسبة نجاحها وعارضيم على كلشي..السالكة وانور ولطيفة والمختار ومراد وفتيحة وزهرة لي جات خصيصا من كازا وأسماء لي شدات الطريق مع راجلها على ود هاد العرااضة..شمراات وردة على ذراعها وطيبات حريرة حامضة وعجنات الخبز وقادات 3شكال تللعواصر ونزلات للمخبزة شرات بريوات وبشنيخة..وصلات الخمسة وجات زهرة..تلقا ليها محمد بالاحضاان وحتا هي..جات باركاات لوردة وجلساات معاها فالكوزينة تتشوف فيها..قادات وردة خبيزات معمرين ومخلات موجداات..بداو العائلة تتجي وجلسو فالصالون اخر وهي تتقاد فالطبلة فصالون اخر..زوقااتها وقاداتها وحطاات فيها كلشي لي تشها الخاطر من بيض وشباكية تمر بريواات وخبيزات وعواصر وحريرة..وزادت لعيبات خرين من المخبزا..قادات طبلة ودهلات اسمااء هي ورااجلها ونظمو للشلة ومشات هي دوشاات ولبساات فراشة فالغوز بارد وشعرها جامعاه كوب شوفال..ورغم انها صايمة معيااتش بالفرحة ديال النجااح...تجمعو كاملين على طبلو الفطوور وأذن المؤدن وباشرووو فالفطوور كيضحكو ويتجمعز وشي تيشد فشي وانور ووردة مطلعينها تاني
انور:شووو كيوليتي..باقي تنعقل عليك مكاين هي سورفيتات وشورطااات ايبيه ازماان تا عيشة مولات الواد ولات كي البنااات 😂😂
مراد:😂😂😂عطيه لعصيى أ خا انور..والله الى كانت كي شي عيشة قنديشة
وردة:ايوا كية لي متبدل متزاد فيه متنقص منهار عقلت على سبرديلة مك ننا وياه ونتوما شادين حيط درب ليطيح..ولايني معليش طوال ليكن الشااان اولاد دفا وربع
السالكة:واهوما مكذبووش راه كنتي زووفري شو دابا تبارك الله تgاديتي وليتي كي البنات
انور:احححح على المصعووورة يخ الحاجة لي متشبه مولاها حرام
توبة:😂😂😂😂😂😂دلت ليه عااام هههههه بابا عاااام
محمد:خههههه اودي هي لي بغا يدي عليكم هههه
وردة:ايوا ها المعقول..والله لطاسيلت مك ومتكمش نتا ويااه تنحرش عليكم تريكتي..ايهاي ليك على نص بلاصة تيهضرو😂😂😂
الكل:هههههه
كملو فطورهم بالضحك والنشاط موراها الرجال مشاو للجامع وداو معاهم فتيحة والسالكة وزهرة لي عمرها باقي قطعات الصلاة من نهار توفا راجلها وبقاو البنات بيناتهم مع وردة تتوجد فالعشا..صلاو التراويح ورجعو تعشااو وسهرو موراها تال 11 وكلها تسرسب لدارو عيا محمد اشدو فيهم ولكن مبغاازش..وصل مو لدارها ورجع عند وردة ولقاها تتغسل المااعن..جا باسها فحنكها وتيعنكش فيها تاسالات وهي عارفا مراادو..وممشا تا خداه..ناضو تسحرو ودوشو وصلاو ورجعو انعسووو
وهاكا دازت اياامهم كلها عسل وحب..قيدها محمد فلكور ديال لبريباراسيون لكونكور تالميدسين وتتمشي كل نهار وتخلي لبناات لمها..وصل وقت الكونكةر ووصلها هو للكلية دهلات دوزاات وعطاوهم ان غداا غتعلق النتيجة
بقات على اعصااابها تتسناا بفارغ صبر تلتعلقاات النتيجة وفعلا دازت فالميدسين..فرحتها مقدات الدنيااا فرحات بزااف وشطخات وغنااات كي الهبيلة..كان محمد ياله داخل من الخدمة مع 3 العشية وتيسمع الشعبي فالداار محيح..شاف وردة فالصالة محزمة وتتشطح وحداها توبة تتنقز معاها وتضحك واكليل تتحبو وتضحك تا كيبانو حلاقمها..زاد كيضحك هي بوحدو فالاخير حيد الجاكيط ولاح سوارت ودخل كيشطح معاها تاهو..تلاقاو بجوج حمماااق قلبووو الداار سفاها هلى علاها بالشطيح وهو تيعلق ليها وهي تلوز ليه وتضحك بحهد..ردو الدار بااار متنقل..تلاحو فوق الفوتوي كينهجو وقالت وردة:اححح الله بردت سمي 😂
حضنها وبقاو جالسيين مجمعين وتيلعبو مع بناتهم..وهي هي الحيااة لي باغيها محمد انه اربي بناتو مع المرأة لي تستاهل تكون ليهم قدوة وباغيهم اكبرو فجو عائلي ماشي بحال فاش كبر هو..بعيد على دارهم لا عيد لا رمضان معاهم..الوحدة صعيبة ومبغاااش بناتو يحسو بيها والدفء العائلي اهم حاجة فحياة اي طفل وهو السبب وراء ان الانسان يكون حنين
###شرقااات شميسة جديدة ديال شهر 8..شمس حارة كتعلن على بداية يوم جديد حافل بالحرارة..فاقت وردة هي لولة وناضت غسلات وجهها وسنانها وبدلات اولويز وتعطرات..توجهات للكوزينة وبدات كتوجد لمحمد لفطور لانو كيمشي لخدمتو مع 9...عمرات قهوة كحلة ليه وحطاتها مع حليب دافي ليها والجبن والفرمااج والعسل والكاشير والزيتوون وخبيزات محيريشات سخاان ودارت اومليط..مشات تفيقو لقاتو فايق كيتفوه..طبع قبلة على خدها ومشا للدوش دوش وخرج لبس عليه حوايجو السود وهو لون لي رفض انه ييبدلو..خرج عندها لقاخا موجدة الفطور وتتسنااه..جلس حداها وبدا كيفطر معاها ويضحكو..ؤغم انه كيكره اهضر فالصباح لكن وردة ديما تتبقا تجبد معاه للهضرة حتا كيتطلق..سالا فطورو وخلاها هي كتشرب لحليب سخون ..باسها ففمها وقال:نشوفك عند الغدا
وردة:زاخا احبيبي الله يسر
خرج محمد لخدمتو كيف العادة وتوجه للمطعم لقاهم حلو وبداو خدمتهم كيما موصيهم..مشا لمكتبو وكمل الخدمة لي عليه من فاتورات وحسابات فحين وردة سالات فطورها وناضت كتحمع الدار واخا مافيها مايتجمع تا فاقو الرباااعة فطراتهم وبدلات ليهم وحطات ليهم لعالههم فالصالة وخلاتهم كيلعبو..اكليل لي بحرا تتعلم تحبو تتهز اللعب وتضرب بيهم وتوبة تتقاد التراان وتلعب بيه..مشات لاكوزينة وبدات تتوجد الغدا ومحاساش بالوقت ومرا مرا تسمع شي وحدا تتبكي حيت حكرات هليها الاخرى وتمشي تفكهم وترجع تكمل خدمتها..تا وصلات 11 شعلات راديو فالتيلي ودخلات تردد الاذاعة فاش غيدوز محمد..وبدا البرنامج
محمد كان فالاذاعة داير كاسك على وذنيه وقدامو المذيعة لي غدير معاه للقاء
...:مرحبا بيكم مستمعينا الكرااام على امواج اذاعتكم المغربية مئة بالمئة اذاعة Hm اليوم ففقرة ضيف الاسبوووع معانا ضيف خاااص جدااا..معانا بطل العاالم للبوكس من فئة مدرب محمد امين السااجدي..سيدي محمد مرحبااا بيك معانا
محمد:براك الله وفيك
...:طبعااا نتا غني عن التعريف سيختو عند شباب لانهم اكثرر الناس لي متبعيين الملاكمة..سي محمد باعتباارك بطل العالم للبوكس شنو كان احساسك ونتا هاز درابو المغربي الفوق
محمد:احساس زوين..كتشوف الحلم لي دمرتي عليه شحال كيتحقق وكتشوف الملايين تالمغاربا متبعينك ودايرين فيك الرجا انك تربح
...:رغم انه مكان عندك صيت حتا دزتي لفينال عاد بانت موجة من الحملات التشجيعية تحت عنوان#الضربة القاضية او لا
محمد:وي سي فغي..تا دزت النهائي عاد تعرفت ولكن فاش منت فروسيا الجالية المغربية بقاات معايا من ديبار تال الفينااال
...:بغينا نعرفوك كثر..شكون هو السااجدي الملاكم ههه
محمد:يمكن هي حيت بقيت شحال فمراكش وشديت هضرتهم..والله ينجيك من سبعة رجال الى شدور
ضحكات المذيعة:ههههه شايلاه اسبعة رجااال..فاصل اعلاني ونعود باش نكملو هاد الحديث الشيق مع الساجدي ههه
ضحكات المذيعة وداز الاعلان وعاودو رحعو وقالت:ولنا عودة معكم اعزائي المستمعين في حوار مع بطل العالم وفي فقرة ضيف الاسبووع..ودابا اسي الساجدي غنبداا كي خلاها الشاف موحا المسكي ههه
محمد:اري نشوفو هاد المسكي عندك ههه
...:وصلاتنا شي خبار بلي الساجدي رجل اعماال فالاصل وماشي ملاكم
محمد:وي بصح..
...:وعلاش خرجتي من عالم الاعماال ولتاحقتي بالبوكس
محمد:اولا انا مخرجتش باش ندخل للبوكس..الى رجعتي لور شوي غتلقاي بلي انا كنت اصلا كنلعب البوكس فسن صغيرة ومع فرقة بلجيكية وامريكية ..من ديما البوكس عندي هي هواية لاغير ..وقعو مشااكل ودرت افلاس ورجعت ربنا خلقتنا ورجعت للبوكس
...:ماشاء الله سميااات غزاالين ههه الله يخليهم ليك..ختاما لفقرتنا بغينا السااجدي يوجه كلمة شكى لي عاونو تاوصل لهاد المنصب
محمد:كيف تيقولو وراء كل رجل عظييم امرأة..انا وصلت لهادشي بفضل مراااتي لي وقفات معايا وهاوناتني وعطاتني وقتها وحبها ومبخلاتش علي بشي حاجة..وكذلك الواليدة لي كانت خير سند ليا وبلا رضاتها مكنتش غنوصل لهادش
..:الله يخليهم ليك..شكرااا محمد الساجدي لحضورك معانا ومرضيتيش الدعوة ..نتمناو ليم الخير والمزيد من النجاحات ان شاء الله ونتوما مستمعينا نلقاكم فحلقة اخرة مع ضيف جديد كونو فالموعد
سالا البرنامج وحيدو لي كاسك وناض محمد كيودع فيهم ويتصور مع الطاقم ومشاا للدارو..حل لباب ولقا وردة واقفا تتسنله..عنقااتو وباستوو وقالت:كنتي غزااال فالراديو ههه
محمد"(باسها ففمها)وايلي
وردة:والله هههه اجي تغداا..
مشا غسل يديه وهز بناتو تيبوسو فيه وكل وحدا تتعلق من جيه ويتسابقو ابوسوه..تغدا معاهم فجو عائلي وموراها توجه لخدمتو كيف العادة وخلاها هي تتقلب فالطابليت..
محمد وصل لخدمتو ولقا المطعم عااامر كيف لا وهو ديالو وداير ليه الدعاايو فكااع الاعلانات لي تيخرج ليهم بطريقة غير مباشرة..كيسولوه على اشنو داير وكيقول عندي مطعم وكيبدا بنادم اجي لعندو..هي اصحاب الشركات والمشااريع وحتا الشباب لي من طبقة مرفحة..وكذلك الطلبة..كلشي كيجي وبزااف فالويكااند كيعمر وعاد محمد فكل مرة كيزيد فيه شي حاحة باش تجر النااس ويجيو للمطعم وحتا تعامل النااس لي خدامين معاه للكليان مزيان تيخلىوهم امشيو مرتاااحين..دخل لمكتبو تيقاد فشي حاحة ونزل لديبو كيكونترولي السلعة لي دخلات وباش غيخدمو..حتا صونا تيلي ديالو..هز لقاها نمرة تبرا وبالضبط تأمريكا..جاوب وقال:الو
...:)بالانجليزية)مستر محمد امين الساجدي؟؟
محمد:(بالانجليزية)نعام هو انا..شكون معايا
...:معاك البرت ديووكا..المسؤوول عن الحفل الدولي للرياضات
محمد:ايوا
...:سيادتكم مرشح لجائزة بطل اللسنة لفئة البوكس
محمد:مممم
...:كنتمناو تشرفنا بحضورك لهاد التظاهرة سينو صيفت لي ينووب علييك
محمد:غنشوف شنو ممكن نديير..شكرا على اتصالك
..:غنكون مسرور الى صيفتي ليا ميسااج فالايميل ديالي باش نرسل ليك الدعواات
محمد:وي وي اوك
قطع معاه زدار تيلي فجيبو وبتااسم زمشا كيكمل خدمتو تا وصلات السبعة تالعشية وناض هز سوارتو وتيليفونو ووصا لي خداميم معاه على خدمة لي انهم باقي مكيسدو تال نص ليل وهو قليل فاش كيبقا تما تال ديك لوقيتة كيبغي ايرجع لدارو فالوقت باش اجلس مع وردة والبناات
شد الطريق للدار وقبل داز خدا لوردة بوكي تالورد احمر ومشا لدارو..حل لباب ولقا وردة تتفك توبة واكليب لي مضاربين على واحد نونوس..حارت معاهم كل وحدا تتبكي فقنت ومعرفات مدير..حط البوكي وسوارتو ووقف عليهم وقال:ياك لبااس؟؟
وردة:تضاربو على نونوس لبيض ومن صباح وهو تيغوتو حدايا معرفت لمن نعطيه
شدو مجمد من عندها وقال مخنزر فيهم:جمعو علي دموعكم يالله(بصوت مرتافع)يالله
محمد:ممم واخا دابا نشوفو..(عنقها)نعسي احبيبو راه تسخسختي
وردة:هههه واخا..بون دودو حبيبي
نعسااات زردة فحضنو كتحلم بامرييكا وتا هو نعس
####
صباااح جديد..اليوم محمد ووردة غيشدو طيارة لامريكااا...ناضت وردة نضاات كلشي ووجدات لفطور فطروو وتوجهو ديركت للمطاار مع ولادهم بعدما ودعو العائلة ومحمد رصا الخدمة وقادها..خداو الطيارة مع 10 تالصبااح لامريكا وبعدها بساااعااات وصلو لامرييكا لقاو فؤااد كيتسناااهم تسالمو وطلعو معااه والوجهة دار فؤااد
لقاو وفاء كتسناهم وستقبلان وردة بالاحضاان تتبوس فيها وتعنق ورحباات بيها اشد ترحيب ومخلات مدارت ليها...كانو جالسيين فصالة كيشربو قهوة تا دخلو ولادهم من المدرسة جااو البنات نيجريو عند توبة واكليل فحين محمد بقا واقف تيخنزر فتوبو..جراتو وردة باستو وهو يقول:خالتو لاش جبتي هاد الخاايبا معااك
توبة:(شافت فيه)حااايب..حمااال😡😡
محمد:(بغا يضربها)نتي لي حماااىة..عمووو هضر معاها
ضحكو كاملليين عليهم حيت ديما تينلاقاو وتيضااربو وعمرهم تقاادو..
وردة:فينو اشرف؟؟
وفاء:ناااعس ههه تا يفيق ونجيبو ليكم
أشرف هو ولد وفاء وفؤااد لي حملتت بيخ..اشرف الكلاوي..بقاو مجمعيم كيضحكو تا تعاشات العشية تعشااو وكلها مشا لبيتو انعس
###
قاعة المؤتمرات لي كتشهد اكبر حدث لتكريم الرياضيين الافارقة للسنة، وتوجو فيها رياضيين السنة..كان محمد لابس كوستيم اسود جاه مثير ووردة لابساا كسيوة لاصقا عليهل حد الركبة وشعرها دايراه ساامبل بعدما قطعات القصة ودوراتها بجنب ودايراها ورا وذنها مع ماكيااج خفيف..وحداها وفاء وفؤاد لي كذلك جايين متأنقين خصيصا باش احضروو معاهم..دانو جالسين فبلايصهم تيتسنااو نوبة جائزة البوكس للمدربين..
طلعات بنت شابة لابساا كسوة طويلة من دونتيل فالذهبي وشهبة مع ماكيااج خفيف..هازا ظرف وقالت فالمكرو بالانجليزية: ومن بعد تتويجنا مامادو ابيدا بطل رياضة التايكوندو الافريقي لسنة 2017، غدي ننتاقلو لفئة المدربين الملاكمين لهذه السنة ولي غدي يقدمها وزير الشباب و الرياضة بالمغرب رشيد الطالبي العلمي
تقدم الوزير للمنصة وسط قاعة عامرة على الاخر ناس لابسة اجمل لباسها وشخصيات مهمة من مختلف بقاع العالم و افريقيا وحتى مشاهير رياضيين معروفين امثال: هيري جابري سيلاسي / ميسي/ احمد عويران/ بدر هاري / رافاييل نادال / واسماء اخرى مشهورة فعالم الرياضي..
وقف الوزير بكل فخر وبجانبه المذيعة المشهورة قائمة بلعوشي.. وعم صمت القاعة حتى نطق الوزير بالانجليزية:
قبل منقول اسم الفائز بلقب افضل ملاكم فئة مدربين خليني نرحب بكل النجوم لي شرفونا بحضورهم ونقولهم مرحبا بيكم عندنا و فخورين بحدث بحال هذا
انه يتقام كل سنة بالنسبة للفائز بفئة الملاكمة مدربين هو نموذج على ان الموهبة مهمة فعالم الرياضة واهم حاجة ان المدة ماشي هي لي كتحكم على الالقاب انما العزيمة و الارادة و الاصرار باختصار الفائز بلقب افضل ملاكم:
ترقب فعيون الجميع وردة ومحمد جالسين فقط لانهم توصلو بالدعوة وحضرو وحتى فؤاد حضر باسرار من وفاء اما فكرة ان محمد هو لي ياخد اللقب مفراس حتى حد...
الوزير كمل كلامو:
And the aword of the champion of the year go to the arabic champion mohmed amine sajidi
كلشي بدا يصفق ودارو جيهة محمد لي بان فالشاشة و حداه وردة لي على شحال عاد استوعبو حتى شافو فؤاد و وفاء واقفين وفخورين وكيصفقو تلاحت وردة على محمد تعنق وكيبانو فالشاشة الكبيرة و كلشي يضحك في حين مشا محمد للمنصة وهو كيجري حتى طلع بفخر سلم على قائمة بلعوشي المذيعة و الوزير ووقف في المنصة وملامح الفخر الخوف و الترقب بادية عليه ابتسم قرب من الميكرو و بدا يهضر بفخر: الوالدة شكراً بزاااف و كنت نتمنى انك كون كنتي معانا ليوم باش تكون فخور بولدك لي علمتيه بزاف فهاد المجال ... رضاتك وقفات معايا والله يطول فعمرك/ لكل مغربي صوت ليا و شجعني شكراً بزاف وغدي ندير مافجهدي باش نبقا عند حسن ظنكم ... عشيري الوحيد فؤاد بلا منهظر بزاف راك عارف / واخيراً مرتي
... سندي..وردتي اي حاجة وصلت ليها ليوم فهي بسباب الاصرار و التفاني و الانسانية و الحب لي علمتيهملي كنبغيك عطيتيني بزااف واهم حاجة عطيتيني بنياات تيحمقو بحاالك .. طولت عليكم عرفت ولكن كان ظروري نقول هاد لكلام / شكراً للوزارة المكلفة بالرياضة السيد الوزير و الرياضي الاول سيدنا محمد السادس..
كلشي ضحك وبداو يصفقو مجدداً و نزل محمد من المنصة وسط تصفيق الجمهور و لقطات المحافل لي شارك فيها كدوز فالشاشة الكبيرة..عنق وردة لي كانت واقفا وتتصفق ليه وكل الكامراات عليهم كيتعانقو ممسوقينش
استمر الحفل بتتويج الفئات الاخرى ونظرات الفخر لي فعينين وردة لي مفرقاتش محمد وكمل الحفل وحفل عشاء حضرلو جاع المتوجين من كل بقاع العالم احتفاءا برياضيي افريقيا للسنة..
رجعوو للفيلا تالكلاوي فوقت متأخر من ليل ولقاو كلشي نعس..طلعو للفوق ومشات وردة ووفاءاطلو على دراري..لقاو سليمة مليوحة على كرشها وحالا فمها ولايحا الغطا..قربات ليها وفاء وقادات ليها لغطا وباستها وقالت:شويطينة تتطيح مهدودة ههه نهار كامل وهي تتنقز ههه
وردة:فين توبة؟؟
وفاء:(تلفتات لجيهة اميرة مبقاتها)ممم منعرف..اجي
مشات لبلاصة لمخصصة لمحمد لقاتها ناعساا على كرشها حدااه وهو لايح عليها يديه وناعس غارق فنعااسو..ضحكو بجوج بهمس ونطقاات وردة:شو الخايبا نهار كااامل وهي تتضرب فيه وتسب فيه وهاهيا مخشيا حداااه هههه
جرها تا طاحت عليه وتسرح هو على راحتو وقال:بيتك نتي هههه
شدها من خصرها وطلع يديه تا حل ليها الفوطة حشماات وحنات راسها..وهو يهز راسها وبدا كيبوس فيها تا قلبوووها كورة
#####
فالصبااح المواالي فاقو بجوج دقا وحدا دوشو بجوج وبدلو ولبساات هي لاكليل اما توبة لقاتها فاقت ونازلة للتحا تتغاوت هي ومحمد تاني لي فضل ميمشيش المدرسة اليوم مشاو هي خواتاتو..دوزو نهار عادي مع عائلة الكلاوي تا وصلات الوقت وناضو بدلو عليهم وهزو حواايجهم وتوجهو للمطاار بعدما توادعوو مع بعضهم...بعد ساااعااات حطاات طيارتهم فالمغرب وبالضبط فمطاار مراكش المنارة..خرجو بعدما سالاو الاجراءات وتوجهو للدارهم فطاكسي صغير..وصلو وبدلو عليهم اما البناات نعسووو مدوخيين..وجداات وردة العشااا وجلسو كيتعشااو ويتحدثو تانطق محمد:غدا غنمشي نشوف لتوبة شي مدرسة باش هاد العام تبدا
حطات وردة كاسها وشافت فيه مكمشة وجهها:اشنووو..علاش مدرسة؟؟
محمد:غتبقاي تقراي هي فالصباااح انا نعود نديها لمك وندوز نجيبها
وردة:واخا اهئ
ضحك وعنقها تا سكتات وناض عاونها تا جمعات الماعن وتكركبو انعسووو
الغد ليه محمد مشااا لشغلو ومارس عملو بشكل طبيعي وقلب فالانترنيت على شي مدرسة بريفي ليها..لقا وحدا معرووفة فمراكش وهي اريحا..مشا لعندهم هضر مع المديرة شخصيا وعطاوه اش خصو يجيب والتكاااليف ولان الموسم الدراسي قرب قرر ادير كلشي فخطرة وحدا...فظرف يوماين جمع ليها ورااقها لانه غيجيوه من تركيا بحكم هي ممزيوداش فالمغرب..قيدها وعطاوه نهار06/09 غتبداا الدرااسة...مشا هو ووردة للمارشي وتقدااو ليها اش غتحتاح ووردة فرحانة تتقدا ليها وتبوسها..دايرا اكليل قدامها وكتهز فالشكاير والكتوووبة وتوبة معارفاش كاع اش كيديىو..مركبها باها فشاريو وعاجبها الحال تضرب فكلااص..تقدااو ليها كلشيي ووجدوه على قبل الدخول المدرسي لي بقالو ثلث ايااام..
رجعو للدار دوشو وكلاو ونعسووو..وهاكا دازت اياامهم تاوصل نهار الاثنين لي غتمشي فبه لالة توبة للمدرسة..فاقت وردة بكري ووجدات ليها لفطور ومشااتت تتفيقها بزز مع ممولفااش تفيق دابا ...فاقت بالبكاا ونحييط دوشات ليها ولبسااتها حوايحها بتنتار ديال توبة..فطرات تا اكليل ونوضات محمد..ركباات ليها شكارتها ولبساات حوايجها باش تمشي معاه اوصلها ووجها مغيم..لبس محمد وخرج هازها دايرين ليها كي العرووسة وهي مشادا تا لعبة هي تتشوف..ركبو قالاطو والوجهة الداوديااات فين جات المدرسة..وصلو مع الثمنية ونزلو هازينها وهي تتشوف..دخلو معاها تالقسم وهوما يوقفو..تحنات وردة ووقفاتها قدامها..خانوها دموعها وطاحو..شدات يديها وباستهم وباست راسها وقالت:حبيبا دياللي شوفي فين جبتك..
توبة:😢😢ماما..نين حنا
وردة:فمدرسة زويينة غتقرااي فيها..شوفي الالعاااب
تلفاات توبة مدمعين عينيها شافت دراري صغار بحالها تيلعبووو بللحرووف الكباار لي على شكل العااب وعازدات دارت عند وردة وهي تعنقها مبغاااتش تمشي..بظات وردة تتبكي وبعداتها عليها وقالت:بنتي شوفي شخال زوينبن انا نمشي نجيب ليك حليوى لي تتعجبك ونجي واخا
ضحكتت ودخلاتهم للدار وجلسو تيتغدااو واكليل تتبرغط ليهم وتشد فحنوك توبة وتعاود وتضحك..تغدااو فجو عائلي ومن بعد رجع محمد لخدمتو وخلاها معاهم
####
بعد مروور سبع سنوااات
فاقت وردة المرأة الكاملة جسديا وعقليا..بوجه مبتاااسم شافت جنبها لقات محمد حداها ناعس على كرشو عرياان وهي كذلك..تسللات عريانة من الفرااش وتوحهاات للحمام..وقفات قدام مرااية كبيرة كتبينها كاملة كتشوف فرااسها امرأة فاضحة الانوثة..بصدر ممتلئ ومؤخرة مشدودة وكرش لاصقا على ظهرها..وشعرها لي صابغاه بالقهوي مفتوووح طايح على جسمها كولو..شافت فعنقها وصدرها وكرشها لقات طبيعات حمرين..توردو حناكها وبتاسمات فخجل ومشاات للدوش..جمعات شعرها بعود ودخلات تحت الرشاشة كدوش وتحك لحمها عاد طلقاات شعرها ودارت شاامبوو..شللات وجرات بينوارها الغوووز لبسااتو ودارت على راسها فوطة صغيرة فنفس اللون..خرجات بلحمها كيبىي بسباب الجيل دوش..خشات رجيلاتها لبوضين فسندالة تابصبح فالاصفر وخرجات من الحمام لقات محمد فاااق..وبقااا مكسلل على ظهرو حاط يديه ورا عنقو..لحيتو باقي كثيفة وكحلة وكذلك شعرو من غير بعض الشعراات تابشيب لي بداوه..اما الجسم باقي هو هو..كامل ومقااد..شاف فيها وطلق بتساامتو المعهوودة الساحرة وقال:صبااح للحب الحب ههه
وردة:(بخجل)صباااح النووور ههه نوض دوش
محمد:باقي مشبعتش منك..اجي نقوليك
وردة:عههه لا لا نوض تهز تدوش اه العشرة هادي
محمد:(وقف عرياان)هههه وا كواك اعياااد الله موحش مرااتي
وردة:هههه ستر راسك الله يعطيك ماعطا للقرود هههه
محمد:(وقف قدامها وداير يديه على جنابو)ههههه ياك شايفاني وشايفك لاش نسترو..(حيد ليها يديهل على وجهها وباسهم)صباااح الخير لاحلى وردة فالدنيا
وردة:ههههه صباااح النوووور ابيبي..
محمد:انا داخل ندوش ههه(باسها فحنكها)
دخل محمد ادوش وهي بقات واقفا كافكر ليلتهم لي دوزو لبارح وتبتاسم بخجل..تفكراات راسها فاش كانت كتشطح ليه للشرقي وهو جالس كيتفرج فيها مستمتع..مرمدها فليلتهم وفدا فيها وحش شهر تالغياااب بعدما دار فتتاح للفرع جديد لمطعمو فطنجة وغبر مدة شهر عليهم والبارح رجع ولقاها موجدا ليه مفاجئة من نوع خاااص..فاقت من سهوتها على باب بيتها لي تحل ..تلفتات لقاتها بنية فعمر العشر سنواات لابساا بيجامة تالنعااس فالغووز فيها هيلو كيتي وسعرها حريري نازل على كتافها..تتحك فعينيها وقالت:ماما..فيا جوووع
اكليل:(تتمسكن)هي تنضحك معاها اما منقولهاش ليها قدام النااس..غيخاصم عليا بابا
وردة:(باستها فحنكها)ياله نوضي احبيبة تانتي لىطواليط باش موراها نفطرو
ناضت اكليل البنت ذات 8 سنوات لابساا بيجامة فالابيض وشعرها شاد ريزواات..ومشات للحمام..ناضت وردة تضحك لىكوزينة وبدات تتوجد ليهم الفطور..حطاتو وهي تعيط لسبع ولبوؤات ديالو
خرج محمد من للبيت لابس سروال كحل تالثوب وتيشورت اسود وجار كلاكيطتو..تلاقاو ليه دوك جوج حليقمااات هزهم وبااسوه وداوهم لاطبلة جلسو كيفطرو وهوما مناكرين ووردة تتوكل كل وحدا حيت مولفين الفشوش..
اكليل:علاش ابابا اليوم ممشينااش المدرسة؟؟
محمد"حيت احبيبة ماماك غتخرج اليوم وخصنا نكونو معاها
توبة:كيفاش غتخرج؟؟
محمد:زعما سالات القرااية
اكليل:😄😄سعدااتك أ ماما يعني مغتبقاايش تقرااي الحسااب وداك الفعل المطلق
وردة:هخهههههه لا لا مغنقرااهش ههههه ياله فطروو دغياا باقي تابعني بزاااف..محمد غدوز علينا مع ربعة ونص ياك
محمد:اه غنقدي شي حاحة ورحع للغدا
وردة:جيبو معاك مغنسااليش نطيب خصني نوجد راسي
محمد:واخا
ناض محمد بعدما سالا فطورو ومشا لبيتو تيكمل شي خدمة فالبيسي ومراها لبس حوايجو ومشا لخدمتو بعدما باس وردة والبناات..بقات هي فالدار تتجمع وتتقاد شعرها والبنات مشيبنهل..تا وصل وقت الغدا وجاب محمد الغدا تغدااو وجمعات الروينة ومشات دارت ماسك وحلساات حدا محمد تانشف وناضت غسلاتو..دخلات لبيتها تتقلب على كسوتها ملقاتهاش خرجات عند محمد لقاتو تيلعب مع اكليل وقالت:ميمو مبانتش ليك الكسوة لي غنلبس
محمد"ديك الصومو؟؟
وردة:اه حطيتها فبلاصتها وطارت
محمد:انا لي حيدتها من تما..متلبسيهلش راها معريا من صدر ءوي شوفي وحدا خراا
بتاسم ليها وعنقها وبقاو تما شحال ووردة تتمشي عند اصدقائها وتهضر معاهم وتعرفهم على بناتها حيت تقريبا كانت الوحيدة لي مزوحة ووالدة..داز وقت طويل وصلات الثمنية تالليل وخرجات هازا توبة وهو هاز اكليل نااعسييين..داروهم لور وطلعو للقدام..بقاو كيهضرو ويتغزل بيها طول الطريق تاوصلو للدار..نزلو هزوهم تاني ودخلوهم لبيتهم بدلات ليهم وردة وغطاتهم وباستهم وناضت لليتها..لقات محمد مبدل عليه ومتكي تيتسناااها تجي..دخلات مبتااسمة وبدلات عليها ونظفاات وجهها ودارت مرطب وشفايفها نسماتهم بجلوس ومشات تخشاات حداااه معنقاااه وهو تيشم فيها ريحة الكريم..عم صمت وهي تنطق بابتسااامى:بيبي
محمد:كممم
وردة:انا حاملة
حل عينيه بزربة وتلفت ليها وقال:نعاااام
وردة:(ضحكات)هههع انا حاملة
محمد:براكا من طنز..كيفاش حاملة
وردة:زغما عندي بيبي هنا هههه (هزات يديه حطاتها على كرشها)
محمد بتاااسم وباقي ممستوعبش وقال:كتهضري بصح هااا ههههه (شد وجهها بين يديه كيبوس فيه)حاااملة ههعه حاملة هههه حلفي بالله
وردى:ههههع والهبيل وا شرشمتيني هههع واييه حاملة
محمد:(تقاد فحلستو وعنقها)اححح الله احسن خبر سمعتو هاد العام هههه ايمتا عرفتيها؟؟وشحال عندك؟؟
وردة:(طلقات اش فيديها)هااازيلي على بنت الحرااام اويلي بات تسوطيني..صافي انا داك شوي تالعقل لي بقا عندي ديك صفريطة باتديه..الماتش نهار عيد ميلادها
محمد:هههه الحاصول بيناتكم ههه
جلس فوق الفوتوي هاز جورنال فيديه وداير نظارات شوف..باقي شوفتو قاسحة كيف ديما والشيب متخلل لحيتو وشعرو..محافظ على وساامتو وفصالتو الريااضية..فحين وردة لي نضجاات ولا فعمرها 36 عااام..متبدل فيها والو من غير الوزن لي كسباات ومواظبة على الريااضى والتهلية فراسها واخا علامات الكبر كتبان على وجهها عندها بعض التجااعيد بجنب عينيها كيتكمشو الى ضحكات..وقفات تتبركم حاطا يديها على جنابها تتسوط تاعياات وهي تقول:انا لي عاارفا شكون غيجيبها
هزات تيلي ديالها ودوزت نمرة وبقات كتسنا على اعصابها تيصوني تا جاوب وقالت..الو ولدي لباس عليك بخير..تلحمد لله..فين كاين..اه جيبهل
فتيحة:وكلت عليك الله نتي وتريكتك..داكشي لي خلاو فيا ولادك بالغوات معاهم كمليه نتي بهاد النفاخات
جات بنية صغيرة فعمر 6سنين تتجري لابساا كسبوى فالاحمر وطارت على حجر باها وعنقاااتو وقالت:بابيتوووو هههه
محمد:اححح ابنتي بشوي عليك هههه مالك تتجري
...:والو هي توحشتك هههه
نحمد:(عنقها)هادي هي بنت باها هههه كيدوزتي صبااح تالمدرسة مزيااان
نعمة:اه مزياان😊😊
نعمة ي لبنت لي ولدات وردة فحملها لاخير..كلشي كان تسحابهم غتولد ولد ساعا بزلات بنت وتما تأكدو ان الساجدي ابوو بنااات..عندو ثلاثة لبنات كل وحدا وشكلها وكراكتيرهل وكل وحدا وقدراتها وميزاتها
منذ الأزل و إلى الأبد الجزء 25 و الأخير
محتوى القصة
الموسم الثاني من القصة بعنوان حكايتنا
التنقل بين الأجزاء