قدري أن أحبك الجزء 52

من تأليف غزلان ش.
2018

محتوى القصة

رواية قدري أن أحبك قدر لا هروب منه

منتصف الليل ... 
كانت جهينة فبلاصتها كاتقلب .. ناضت جلسات و رجعات شعرها لوور ... شافت فبنتها لي كانت ناعسة فجنبها ... باستها و هزات الغطا عليها و ناضت .. 
لبسات عليها و فيقات تولاي وصلتها على هيفين .. هزات الكونطاكت و خرجات .. ماوقفاتها الطريق غير عند دارهم القديمة... 
هبطات و دخلات بخطوات بطيئة .. ماعرفاتش علاش جات و لكن عقلها و حدسها جابوها لهنا .. وقفات قدام الباب و قلبها كايضرب .. 
جبدات الساروت و خشاتو فالباب ... و حلاتو .. 
كان الظلام و لكن رييحتو قاادرة تشمها من بلاصتها .. كان عطرو القديم لي مستحيل تنساه ... 
دمعو عينيها حتى قبل ماتأكد ... سدات الباب و شعلات الضو ... كان قدامها مباشرة ... كايشوف فيها بعيونو .. كان ايرتان ديال شحال هاذي .. بنظرتو المحبة الدافية لي كاتهز بحر من الكلاام .. الشوق ليها مخليه يتفحصها بعيوونو بحااال الى كايشووفها اول مرة بعد غياااب طوييل .. اما هي واققة هازة عينيها الدامعة فييه ... هازة حجبانها و فمها مقوص بحال شي بنيتة صغييرة كاتستعطف باها بعد القبااحة لي دارت .. 
مد يدو و شد حنكها .. غمضات عينيها و دازت دمعة كاتجري هربانة .. قرب خطوة و اقتاحم مساحتها الشخصية .. قرب اكتر و باس جبهتها ... انهااارت بين يديه شدها دغية و ضمها لصدرو ... جمعها بين يديه ب2 ظاغط عليها و خشا وجهو فعنقها و شعرها كايشم ريحتها مغمض عينيه ... كايعيش لقطة التقاءو ببنت قلبو بكل جوارحو .. اما هي فصوت بكاها المقطع طغا ... و هي مخشية وسطو ضعييفة قدام شوقها و شوقو .. كانت مكمشة حوايجو وسط يديها و يمكن غرسات ظفارها فلحمو كذلك .. هادشي لاهو و لاهي ردو ليه البااال ... فهاد اللحظة تحديدا كانو هايمين و غايبين فبعضهم .. 
حتى نطق و هو فنفس الحال : توحشتك ابنت قلبي ... 
قلبها هااج و زادت حدة رجفها بين يديه بعدما سمعات ديك الكلمة .. بداات كاتبكي بصوت اعلى و هو كايمسد على ظهرها و يقبل راسها ... 
ايرتاان : ششش كووولشي فاااات .. راجلك معااك دااابا .. كل واحد كانت ليه يد يفرق مراتي و بنتي عليا غادي يتخلص .. قريب كان و لا بعيييد .. غادي ندوقهم المرااار و كل دمعة من عينيك غاتديخلصوو تمنها غااالي .. كانوااعدك ابنت قلبي .. 
جبد وجهها قدامو و مسح دمووعها ... باس راسها حناكها و فرق قبلات عشوااائية على وجها بشوق .. و ختمها بقبلة فشفيفها .. لعلها تطفي عطشو ليها .. كانت معاه بكل جوارحها .. كانت كاترعش بالفرحة و النشوة معااه .. فجأة حسات بيه كايدفعها للحيط .. و تحولات ديك القبلة لقبلة عنيفة شيئا ما و دوك اللمسات الحنينة على شعرها تحولو لشد بقوة ... تألمت و لكن ماشي اكتر من ديك النظرة لي لقاتها موجها ليها .. كانو عيونو بحال شي جمرة ملتاهبة .. و كأنو تذكر شي حاجة .. و اكييد غيرتو من طه و زواجها منو .. فهي تمادت قدامو و متلات قدامو قبلة بينها و بينو .. نطق بين سنانو و بكل تهديد قال .. 
ايرتان : لاشمن حد وصلات علاقتك بهذاك ؟ 
شدات جهينة يديه و بنظرة لينة ليه قالت : و حياتك انت و بنتي عندي ماتعدا حدودو .. 
ايرتان : و داكشي لي شفت بعيني .. 
جهينة : كان تمتييل و الله حتى تمتيل باش تغيير .. 
خفف يدو شوية بشوية و طلقها .. مادام اكدات ليه بفمها فراه تاق فيها .. هو كايعرف مزيان منين كاتكدب عليه و منين كاتقول الحق .. و دابا قرا الصراحة فعينيها قبل مايسمعها من فمها .. 
رجعات نظرتو الحنينة على وجنتيها و هز عينيها فيه ... حطات يديها على جنابو و هي كاتبادلو نفس النظرات ...
ابتاسم بلين و قال : وليتي خايبة .. 
جهينة ضحكات جهينة و قالت : و انت شرفتي .. 
ايرتان : ياله كملت النصف ف29 سنة .. كيفاش هاد شرفت ...
جهينة :ههه اوى رااك شرفتي .. علاين دير 30 عام ... 
ايرتان : ههههه .. جات معاك الامومة .. 
جهينة : هههه شيباتني بنتك .. 
ايرتان : عذباتك ؟ تعذبتي معاها بووحدك ؟ 
جهينة : لاء .. كولشي عاوني عليها ... 
تبدلت نظرة المرح من عينين ايرتان و قال بعدما سكت شوية : اسمحي ليا .. ماكنتش معاك منين حتاجيتيني .. 
جهينة : حتى تسمح ليا حيت تيقت لي وراتني الظروف و تخليت عليك .. 
ايرتان : لا مامسامحكش .. 
جهينة ؛ اوى حتى انا مامسامحاكش .. 
ايرتان : اوى اشنو المعمول دابا .. 
ضحكات جهينة و مدات صبعها كادوز على سدرو و قالت بغنج : اوى انت ادرى .. 
ايرتان قرب حتى لاصقها معاه عوج وجهو مقابل فمها و قال : اااه ...دااابا ولاات هضرة اخرىى .. 
جهينة : هههه احنا راه مطلقين فالوراق ... شد تيقارك اللهةيرضي علييك.. 
هزها ايرتان و قابلها مع وجهو كايضحك ضحكة جانبية و قال : هذاك طلاق بااطل .. و الموضوع صلحتو ... ممكن دابا ؟ راه غادي ندير شي مصيبة .. 
جهينة ضحكات ضحكة رنانة انتوية شقية و تلاتها بنظرة مغرية و قالت بصوت حنين مغنج : ههههههههههه ... شفتك كاتشااور .. 
لمعت عين ايرتان بمرح و قال : جبتيييها لراالسك ابنت زكية ...
فبيتهم و فوق سريرهم ...كانت جهينة متكية و مخشية فسدرو ... كاتصنت لدقات قلبو و كاتلمس دفء بشرتو و كاتشم ريحتو .. هزات عينيها فيه كاتبسم ... و قبلت عيونو المبسمة ليها و باس راسها و قال .. 
ايرتان : ههه مالك ؟ 
جهينة: والو .. غير فرحانة .. 
باس راسها تاني و ضمها اكتر ليه .. 
جهينة : بونغ بونغ .. 
ايرتان : هير وي غو اغيين .. 
جهينة : هههه ومالك غاتهرب منها .. راه حتى هفهوفة ماكاتقول غير بونغ بونع .. 
ايرتان : وفين مشات بابا .. 
جهينة : هههه اوى حتى تعلمها ليها انت نييت ... مسيكينة متحمسة تتلاقاك .. و كل ليلة تطلبني نعاود ليها عليك .. 
ايرتان : حبيبة باباها .. ماقادرش نصبر نسمع منها كلمة بابا .. بنتي كبرات و صدقات كيف تخيلتها و احسن .. غير جهينة صغيورة .. عفيريتة كاطير .. 
جهينة : دات فيا غير الشكل اما القباحة جات منك انت ..
ايرتان : على اساس انت ظريفة .. 
جهينة : ظريفة بزز منك .. انت لي قبيح .. ااه بالمناسبة .. ماشي انت لي دخلتي فشغلي و خليتي المخرج يسحب مني الدور ؟ 
ايرتان : اه .. انا .. 
جهينة : و.. وعلااش .. 
شاف فيها ايرتان بنصف عين ... و قالت جهينة .. 
جهينة : مالك كاتشوف .. فيا .. هكاك ..
ايرتان : قبل ماتولدي اش قلت ليك .. 
جهينة : ممنوع التمتيل .. 
ايرتان : و انت اول فرصة مالقيتينيش حداك .. درتي مابغيتي .. 
جهينة : ماشي هكااك .. انا عمري كنت نكسر بخاطرك و انت اهم ليا من كولشي .. و لكن فداك الوقت .. كنت كانقول خاصني ننتاقم منك .. و ندير لي فجعدي باش نبان و تندم عليا غااع .. مهم نلفت نظرك و نبين لييك بلي تجاوزت كولشي .. 
ايرتان : ياااك القزمة .. هادشي كولو طالع منك انصف بلاصة .. و انا مسكين مقلوبة عليا القفة ماجايب للدنيا اخباار .. و لكن ماغانلومكش ... هادشي ماشي ذنبك انت .. لي خاصك تعرفي هو انا باقي هو انا .. كانغير عليك من نسمة الهواء لي داير بيك .. بغيتيني انا .. و لا بغيتي مشوارك الفني .. 
جهينة : اكيد انت و بنتي .. شنو اغلى منكم عندي .. انا اصلا بديت نفكر فالاعتزال فالوقت لي عرفت بلي انت فاقد الذاكرة .. 
ايرتان : يعني ماغاتعاارضيش و ماتحتجييش 
جهينة : هههه لا .. انا عييت و اكتفيت داكشي فيه تماارة بزااف انا بغيت و قررت نقري المسرح .. باراكة عليا .. 
ايرتان : متأكدة ؟ 
جهينة : اه .. ابونغ بونغ ديالي .. 
تبسم و جر حناكها بجغهم فبعض و باسها .. 
ايرتان : كانمووت فديلمك .. 
جهينة : هههه ... عاود ليا اشنو درتي فهاد 4 سنين فغيابي ..
جمع ضحكتو شوية بشوية و شاف قدامو بعد صمت قصير قال : والو .. موضر كانقلب ... و لكن الحمد الله امراتي الحبيبة جات حتال عندي و خرجاتني من الظلام للنور .. 
جهينة : امتى بديتي كاتفكر .. 
ايرتان : من اول ماشفتك و مسيت يدك .. 
جهينة : او عمرك عقلتي على حتى حااجة حتى شفتيني .. 
تيرتان : اه .. كنت صفحة بيضاء حتى جيتي .. 
جهينة : غريييب ... 
ايرتان : حتى انا جاتني فشكل .. شكيت بلي كلنو كايوكلوني شي حاجة باش نبقى فدار غفلون .. و لكن كولشي تضرب ليهم ف0 فاش جات لالة اينور
جهينة : اوى شفتي .. كون ما حركت غيرتك ماكنتيش تعقل .. 
ايرتان : عندك الحق ... غيرتك لعباات دور .. كونت غادي نحمااق و انا كانتفكر كل ليلة بلي انت مزوجة ... 
جهينة قاطعاتو بضحكها : ههههه شش صافي ماتفكرنييش .. انا كانت شاادلني الخلعة من رجووع ذاكرتك .. انا عارفااك حمق و منين تشوف هاد الحالة ماغاديش يعجبك الحال .. 
ايرتان : اوى رااه نيت بصراحة كنت عوااال نربييك و لكن قلبي ماطاوعنييش .. كولشي خصرتيه .. داك الشعر الطويل الكحل المحمقني و شكلك الطبيعي لي جذبني ليك .. كووولشي بدلتييه .. 
جهينة : نااري بلا واالو انا نادمة و ضميري كايانبني بلا ماتزيدني .. 
ايرتان : من اليوم .. انت جهينة القديمة .. مرات ايرتان و ام هيفين .. فهمتي ؟ 
جهينة : فهاامت اسيدي .. 
ايرتان : وا هكاك .. اجي ماتقوليش ليا هيفين فالحالة المدنية ديال طه و الله حتى نذبح مك .. 
جهينة : لا بسميتي انا .. راه طه ماتزوجت بيه غير هادي شي 9 اشهر .. 
ايرتان : اوى احسن ليك .. خلي حتى نسالي لسها و نبالي بنتي .. دابا مانغانرش .. ممكن داك الكلب يعيق .. 
جهينة : ان شاء الله .. 
ايرتان : عاودي ليا انت دابا .. كيف كنتي فغياابي ..

جهينة : بلاش مانتفمرو لي فات .. خلينا عير فدابا ..
ايرتان : ذيك الندبة لي فكرشك ...
جهينة : ولدت بعملية ماشي طبيعي ..
ايرتان : غير هاذشي ؟!
جهينة : ا.. اه ..
ايرتان : علاش كاتحاولي تخبي ؟
جهينة : هي عارف شي حاجة !
ايرتان : عاود ليا عز ..
جهينة : عز عاارف بلي رجعات ذاكرتك و ماقال ليا والو
ايرتان : هاذيك رغبتي انا .. و لكن بان ليا دغيا عقتي و انا براسي ماصبرتش عليك .. و دابا غاتعاودي ليا ..
جهينة : بلاش .. مادام راك عارف و زايدون هادشي غير غادي يعصبنا ب2 .. بلاش مانخسرو الجو عاافاك ..
ايرتان : انا بغيت نعرف من عندك انت .. بااش حسيني انت .. اشنو عانيتي ورايا ...
سكتات جهينة كاتشوف فعيونو ... حدرات عينيها و حطات راسها على سدرو و قالت : كنت وحيدة و ضايعة .. واخا كنت وسطهم كاملين .. الا انني مادازتش دقيقة بلا مانفكر فيك .. كنت ضعيفة و ماعارفاش اشنو ندير .. كنت بيناتهم بحال الغريبة .. بعدما فقت من الغيبوبة و مالقيتكش .. ماقدرتش نتحملها و لا نتقبلها .. حتى انني حاولت نقلب هليك بوحدي كون ما الدراري لي منعوني .. كايلثاوني و يرجعوني ... استسلمت و خليتهم .. واحد المدة كنت غير فبيتي معنقة بنتي كانشم فيها ريحتك .. حتى رجعتي بنتي .. فرحت قد السماء و لكن موصلناكش .. بقا فيا الحال ورا موقفك مع عز .. و زادت كملات عليا منين وصلاتني البرية .. ماتيقتش .. جاني انهيار عصبي و داز وقت خايب عليا .. مهم داكشي فاات ... حتى من العملية لي درت فالرحم ديالي رااه نجحات *هزات عينيها فيه كاتبسم * و نقدرو نولدو مزال خوت هيفين ..
ايرتان تبسم بخفوت .. مد يدو كايلعب فشعرها و قال : تعذبتي فالولاادة ..
جهينة : اااه الوجع كان كايقتل .. و لكن ماشي اكتر من وجع غيابك و موت ماما .. هي الحمد الله دابا صحتها مزيانة .. و لكن داك النهار سحاب لي ماتت و هي غاضبة عليا .. يمكن حالتي النفسية استعصات الولادة و تعرضات بنتي للخطر حتى هي ... و لكن الحمد الله .. كولشي ولا مزيان دابا ..
ضمها ليه كايقبل جبينها بحب و ظل سااكت ...
ولكن وعييد الانتقااام من دااك لي كااان سباااب فعذاب بنت قلبو .. غادي و كايتقااال ...
هزات عينيها فيه كاتضحك ليه و كتأمل ملامحو .. توحشاتو و باقية ماشبعات منو .. ضحكها ليه كان بحال نقطة بياض وسط سوادو .. خلاتو يضحك حتى و قال :
ايرتان : مالك ... انا راه بزاااف عليا هادشي كولو فخطرة ..
جهينة : و لا حتا انا هههههه .. مامتيقتااش و ماااقاادااني فرحة .. حاسة براسي بحال شي حوتة رجعات لماها ..
ايرتان : بدينا فتعناااب ..
جهينة : وا تعنب عليا حتى انت .. راه توحشت تعناابك ..
ايرتان : انا ماكانتعنبش .. انا كاندير .. نسيتي ؟ و زايدون ماقدكش داك التعنااب منين دخلتي و انت تسمعي فيه ...
جهينة : ماشبعتش ..
ايرتان شاف فيها بطرف عينو و كايتبسم .. و نطقات جهينة ..
جهينة : اش فهمتي تااني ..
ايرتان :هههه اجي نورييك اش فهمت😜

9 ديال الصباح ...وقف بالسيارة كايشوف فالاوطيل ... شاف فيها و قال :
ايرتان : كيف تافقنا .. غادي تحبسي الانشطة ديال التمتيل و تنقصي الدخول و الخروج .. لبسك غاتقاديه و مانبقاش نشوف وجهك ملطخ بشي زمر ..
جهينة : اوى زدتي فيييه ..
ايرتان : جهينة ... كلمة وحدة مابغيتش تعاااود .. حمدي ربك مادرتش لي كنت ناااوي و ماتحاسبتش معاك .. شفع لييك داك العذاااب لي داز علييك ... اما كون راااك مدفونة دابا .. انا مدرتش داكشي لي درتي انت .. خلي غير فقصة الشعر لي مشاا هكاك ..
جهينة بتدمر ؛ و صاافي غاتبقااا تفكرني كل شوية .. حتى انا ندمت علييه .. و اللهما نبقى نقطعووو .. داابا يطواال
ايرتان : امتى غادي يوصل لدااك الطوول .. مامساامحكش علييه اجهينة ..
جعينة : عرفتي شحااال من مرة قلتييها ..دابا انا لي ولييت مامزيااناش ..
ايرتان : صافي صافي .. مابقيتش نجبدو .. و لكن رااه نيت تفقصت ..
جهينة : اووووووف ..
ايرتان : يااله صافي غير سمعي هضرتي ... دابا رجعات ذاكرتي ... و مابقا عندك لاش تقلبي كيفاش تخليني نغيير .. يعني اشرف و طه غادي ديري عليهم خط احمر .. ويااااربي نحصلك خالفتي و صيتي... *كمش قبضتو قدامها * غادي نعصر مك بحااال هكا ..
جهينة : فهمت .. و الله ححتىىى فهمت .. الرحمة ياااربي ..
ايرتان : ياله رووولي ..
جهينة : احتاارم رااسك .. اشنو هي هاد روولي .. غير خرجتي من الدااار و انت تسيف ...
ايرتااان ضحك و قرب ليها و تقريبا خشا وجهو فعنقها : ههههههه ... اشنو العسل حتى فالزنقة ..
جهينة : بعد لهييه و كوون تحشم .. ماعندكش الاعتداال .. يا هك .. يا هك ...
ايرتان : ااه .. ياهك ياهك .. ياله دابا لحغي بنتك .. و ماتبقايش تخليها مع داك راس الطنغ ..
جهينة : عزيز عليها اش بغيتي نديير ليها 😒
ايرتان : دام الحيواان مافهمتووش مالو مع بنااتي ..
جهينة : ههه الله على قلبي و ماكادير فيه بهاد الكلمة ..
شاف فيها مبتاسم و قال : بنت قلبي !؟؟
جهينة : ااه ... هااااديك .. 

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.