قدري أن أحبك الجزء 58 و الأخير

كملات كلامها معاهم بعد نصف ساعة ديال الضحك و التكركير .. ماجات فين تقطع حتى جاها اتصال من اشراق .. 

جهينة : و صبااااح هذا .. الو .. 

اشراف كاتغبن : جوووهااااينةةةة .. 

جهينة : مالك يااهاد البنت .. 

اشرااق : وا عييييت ... وا مييمتي برااهش اشرف ماكايشبعو ماكاينعسو اعيبااد الله المووت هاادي .. 

ضحكات جهينة و قالت : و فييين هو .. 

اشراق : هااهو نااعس الحمااار حدايا .. منين جا الصبااح بكري و هو نااعس .. 

جهينة : هههههه اوى عذريه راه كان هو و الدراري فمهمة يوماين و هما خدامين .. 

اشراق : يااك .. ممكن تقولي ليا زاش ايرتان بااقي ناعس ؟ 

جهينة : ل.. لا ..

اشراق : اوىىى شفتيييي .. تلقااايه فاق دغيا دا البنت للمدرسة و رجع كايطيب ليكم الغذاء و معااونك .. و انا العتروس مسرح لياا هنا كيف البغل .. 

جهينة : هههههه عندي ليك حل .. قتليه .. 

اشراق : بديت كانفكر فييهااا .. 

جهينة : هههه غير سااعفي و صبري احبيبة.. راه حتى هو غير عياان .. راه يفييق و يعااونك .. 

اشراق : ماعلييش .. قولي ليا انت صافا .. 

جهينة : الحمد الله و الشكر لله .. ماكرهتش نتلاقاو .. شحال ماشفتك و حنا غير فمدينة وحدة .. 

اشراق : اوى هي لا جيتي عندي .. الدراري مانقدرش نخرجهم و ماعندي فين نخليهم .. 

جهينة : صافي نقدر نجي عندك العشية.. 

اشراق : وااخا .. ياله بسلامة الحب ... 

قطعات اشراق .. و جاها اتصااال من نسرين .. 

جهينة : لاا لاا هااذو متااافقيين عليااا هااد النهااار .. مالك حتى انت اش عندك .. 

هضرات نسرين بصوت مرتجف : عتقي عتقي عتقي .. 

جهينة : مالك ااااش كاااين .. 

نسرين : زبلتهاااا .. بلاناتك انت و المسخووطة الاخرى خرجووو فياااا ... ناااري و توصل لايرتاان حتى هو غااايعلقنييي .. 

جهينة : تي قووولي اش درتييي غااتسكتييبه لياااا ... 

نسرين : د.. دابا ...انا ..درت لي قلتو ليا .. ياك تعرفت على ولد فالجامعة باش نتير غيرة عز .. 

جهينة : ايااه اشنو الجديد .. 

نسرين : نااري .. ك.. كان عز كايتسنااني قدام الجامعة و انا مافخباريش و ماشفتووش .. كنت دايرة مع ايرتان و يمكن ماقدرش وهو لي سيفطو يرجعني .. 

جهينة : اه .. راه ماكانش مسالي .. اشنو وقع .. 

نسرين : داااك الحمااار لي كنت واقفة معااه بغا يزعم و هو يطير عليه عز ماعرغتو منين خرج واكلو دغة العصا و انا نعلق قبل ماتوصل نوبتي ... دابا انا مخبية فواحد الجريدة .. غانخرج للشاريع غادي يقشعني .. غادي يخمل بيا الزنقة .. عاارفااه غووريلا كيف قدكاتقوول اشرااق .. 

جهينة : صافي صافي تهدني .. انا غادي نسيفط ليك ايرتان .. 

نسرين : لا .. غادي يسولني و مانقدرش نجااوبووو ... 

جهينة : يابنتي خوووك يظل يقوولك ماتخبييش علييه .. راه ممكن يعااونك .. تي ماالك مقسحة رااسك .. 

نسرين : لاااا .. مافيا لي يتفرش مع خوووويااا .. 

جهينة : اش عندو مايقووول واللهما تخاافي منو خلي ليا هااد الموضووع .. 

نسرين : لا .. لا .. لاا ..

قطعات جهينة ... و لاحت تيلي فوق السرير ... 

جهينة ؛ مشااكيل مع هااد الحماااق .. بووونغ بووونغ .. 

مشات هابطة فالدروج .. مشات للكوزينة و لقاتو كايطيب... 

جهينة : جلااختي ..

دار عندها و قال : فقتيي .. 

قرب ليها و باس حنااكها .. 

جهينة : علاااش كاتعدب راالسك.. انا نطيب .. 

ايرتان : ماعليش مرة انا مرة انت... مالك هابطة هكا .. 

جهينة : على دووك الحماااق خلاااو ليا العقل .. كلهم عيطو ليا فخطرة .. كل وحدة تلغي بلغااها و منهم ختك .. 

ايرتان : مالها ؟ 

جهينة : واحلة فالجريدة لي حدا الجامعة ديالها .. 

ايرتان : اشنو .. علاش ماالها .. 

جهينة : سير بعدا جيبها للهنا و من بعد نهضرو .. 

مسح ايرتان يديه و قال : ردي معاك البال للطياب . غادي ندوز على هيفين نجيبها حتى هي .. 

جهينة : واخا .. 

خرج ايرتان كايجري و هي كملات الطيااب ووجدات حاجة خفيفة تاكلها .. 

رجعات طلعات للبيت و لبسات تيشورت و هبطات .. خرجات قدام الداار دخلات تيمون و بومبا .. حيت دايرين ليهم دويراات في الباحة الامامية .. 

جهينة : ياله دخلو ونسووني ..

داز وقيت قصير .. و دخلات هيفين كاتجري عند ماماها .. هزااتها معنقااها و كاتبوس فيها .. 

جهينة : اهلا اهلا فنيكيشت ماماها .. 

هيفين : ااهلا ماما .. انا فيا جووع .. 

جهينة : باله حطي شكارتك و غسلي يديك و اجي.. 

خرجات كاتجري و خرجات جهينة حتى هي .. 

كانت نسرين داخلة كاتعض على شفايفها و كاتبلق فعينيها .. دخلات عنقات جهينة ووشات فوذنها .. 

جهينة : قلتي ليه شي حاجة ؟ 

نسرين : لا .. نااري خاايفااه يعلقني .. 

جهينة : ماتخافيش معاك انا .. 

نسرين : من نيتك .. خيارة غاتحزم بفغوسة .. 

جهينة : مانسمحش ليك😤 .. 

نسرين : الله يستر من ردة فعلو و صاافي .. 

ايرتان : غاتبقاو توشوشو عليا تما .. ياله قداامي .. دابا غاتفهموني اش كاين .. 

شافت جهينة فنسرين و دارو شافو فيه ب2 .. 

قبل مايهضر سمع الدقان فالباب .. 

حلو و لقا عز فالباب .. 

ايرتان : عز .. دخل .. 

دخل عز و هو كايعض فكو و يخنزر فنسرين .. بعدات بخطوة لااراديا و تخشات ورا جهينة .. 

جهينة : سلام .. عز .. 

عز و عينيه فنسرين : كيف دايرة لاباس عليك ..

جهينة ؛ الحمد الله .. و انت .. 

عز : نقولو الحمد الله .. 

ايرتان : دخلو لاااش واقفيين هنا .. 

دخلو و نسرين كاتبعد قدر الامكان من حداه و حتى من شووفاتو .. 

ايرتان : مالكم كاتضورو فعينيكم اش كاين .. 

جهينة : حبيبي .. احي بغيتك فشي حاجة .. 

خرجو عينين نسرين و هي كاتجر طرف تيشورت ديالها .. 

ناضت جهينة و خلاتها .. ناض ايرتان مستغرب و هي جاراه وراها .. 

بقات نسرين مخشبة فبلاصتها .. لاحت طرف عينها .. حيات بعيينيه غايااكلوها .. 

ناضت تعلق و شدها .. شد دراعها و جرها لعندو .. قرب لودنيها و قال بصوت خاافت و خطير .. 

عز : غاتخرجي قدامي بلا صدااع و لا بربي حتى نهزك قدام خوك و غاانخرجك .. 

نسرين : اش.. اشنو بغيتي مني .. 

عز : نهضرو فهادشي من بعد .. غاتجي ؟! 

نسرين : و.. واخا .. 

هزات ساكها و رجعات لبسات سباطها .. قبل ماتعيط لجهينة .. كان خرجها من دراعها ... ركبها السيارة و ديمارا .. 

ايرتان : اشنوو.. واش متأكدة من هاد الهضرة .. 

جهينة : ااه .. حنا مامتاكدينش من مشاعر عز داكشي علاش ... 

ايرتان : اش هااد التبرهيييش .. مالك ماتقووليها ليا من قبل .. 

جهينة : اش كنتي غاديير غااع .. بحال دابا بحال شحال هاذي .. المهم دابا قول ليا واش عاود ليك هو شي حاجة .. 

ايرتان :من نيتك ... واش كانبان ليك بحال الى عارف شي حاجة .. 

جهينة : اوى ... خاصك تعاون اختك .. 

ناض ايرتان هبط .. دخل للصالة و مالقاهمش .. عاد وصلات عليه جهينة و قالت : اوياي فبن مشاو .. 

جبد ايرتان تيلي و عيط للعز .. 

ايرتان : فين ديتي البنت اصاحبي.. رجعها .. 

عز : غانفاري معااها شي حاجة و غانرجعها .. و ديير فبااالك .. ماشي انا لي نلعب باخت صاااحبي

قطع و شاف ايرتان فتيلي .. صحاب و كايتفاهمو بلا مايحتااجو يهضرو .. كلامو كان تأكيد على جديتو ناحيتها .. ماشي غير ايرتان لي فهم و انما حتى نسرين .. 

خفاات بسمتها .. الى ان وقف السيارة .. خرج و خرجها وراه ... 

نسرين : اي بالشوية قسحتيني ... 

عز : سدي فمك .. دابا غاتقولي ليا اش داك التبرهيش كاديري .. يسحاب ليك ماعايقش بييك .. 

نسرين : ا.. اش كاتقصد .. 

عز : فعايلك مؤخرا بااش تفقصيني و تغيريني علييك .. يسحااب ليك هكا غادي تخليني نعتاارف ؟ 

حدرات عينيها و احلامها الوردية كلها تبخرات بغير كلميمات بسااط و لكن معانيهم تقاال .. 

بلع ريقو و هو كايشووف فيها و قال : ااه واخا عاارفك غيركاتلعبي و لكن رااه نيت فقصتيني و غرت علييك .. 

هزات عينيها الدامعة فيه بصدمة و قال .. 

عز : قاومتك من اول ما حليتي عينيك فيا فالاوطيل ... انت خت عشيري و ماغانخسروش على قبلك .. و لكن باان ليا غادي نبدل رأيي ... سمعي انا راجل فشكل ... و انت بنيتة هكا صغيورة و كيوووت .. ماغاتقدييش عليا و على قسوووحيتي .. 

نسرين : انا ماشي درية صغييرة .. بااش عرفتيني ماغانقدش .. 

هز عز حاجبو فيها و قال : هااكاااك ؟!.. 

نسرين بتحدي : ااه .. 

عز : اوى وجدي رااسك .. السمانة الجاية عرسك .. 

نسرين : اشنوووووو ... 

رمقها عز بنظرة خطيرة و دار ضحكة جانبية و اكتفى بهااد القدر ... 

بعد مرور 3 اشهر ... 

كان صبااح يوم ربيعي مشمس ... 

كان صوت الولاد لي سماوهم مجد و امجد ... كايلعبو بيناتهم ... تحرك اشرف و دار حال نصف عين .. لقا اشراق كاتشخر شاف فولادو .. شافو فيه و بداو يلعبو برجليهم و يخرجو اصوات مرحة.. تقاد و دار عندهم .. 

اشرف : صباااح الخيير براااهشي .. اجييو عند بااابااا .. 

هز مجد فوق سدرو و هز امجد حتى هو حداه .. 

اشرف : اغغغ اشنووو ... *بااسهم* اشنو .. ماما ! ماما باايتة محااربة خلييوها تنعس الى فيقنااها غاتقتالنااا ... 

اشراق : منين عارفني غانقتلكم .. علاش كاتهضر .. 

اشرف : هههه هااحنا فيقناااها .. 

بدا يتركلو فوق كرشو .. ضحكات اشراق و قربات حطات راسها على ذراع اشرف و بااست يديهم .. 

اشراق بصوت طفولي : صباااح الخييير .. *كايضحكو* اشنوو .. راشقة لييكم.. 

اشرف باس راسها و قال : و علااش ماترشقش لييهم و هما خدااو عيون امهم الخووضر .. 

اشراق : و خداو لوين بااهم .. 

ضحك اشرف و قال : باناشي .. 

اشراق : واا نوووض تحرك وجد لينا الفطور .. 

اشرف : نوضي هي انت .. 

تحركات نيسرين في فراشها و دارت للجهة الاخرى .. حلات عينيها .. شافت عز .. كان متكي و نصف جالس .. مغطي نصو و كايشوف فيها .. انتافضت و جراات الغطا تخشا تحتو .. ضحك عز و بدا يجر عليها الغطا و هي شاداه .. كاتمسح ريوغها و تحيد العمش و تمص شفايفها و تقاد شعرها .. 

عز : تي حيدي الغطا واش نبقاو ديما نفيقو بهاد الحااالة .. راه عاارف راسي مزوج بحمقة .. 

نسرين : بعد مني .. علاش كاتبقا تحشمني هكااا .. 

عز : هههه ماعليش غير رااجلك هذا .. حيدي الغطا و لا غادي ندير يدي .. 

جرو عليها و تقلب لجهتها .. لاح عليها رجلو بتقلو و كالا رااسو بيدو و بدا يجبد حناكها و يشوف فيها .. 

اما نسرين واخا دازت 3 اشهر على زواجهم .. باقية كاتحشم منو .. ماشي حيت هي حشومية و لكن بتصرفاتو هو كاتخليها تحشم بالزز منها .. لا شوفاتو و لا جرأتو فكولشي .. حروشيتو و شخصيتو القوية ديما كاتخليها دير حساب لاي تصرف قدامو .. 

وهي كاترمش بعينيها قدامو ... تبيم و هو كايشوف فتصرفاتها .. ماهي قدامو غير بنيتة صغيرة محتاجة رجولتو باش تحول لمرأة .. قرب لوجها و جمع وجها فقبضتو مستتمتع بلعبو الحرش .. 

كان غايقبلها و لكن حبساتو و هي كاتهضر بفمها مجموع .. 

نسرين : ياله فايقيين .. اش كاادير .. 

ضحك عز و قال : و من بعد .. 

ماخلاهاش تهضر و باسها بالزز منها و هي كاتركل و تخبطو و هو كايضحك .. 

فسرير ايرتان و جهينة .. 

كان ايرتان ياله دخل من رياضتو الصباحية .. تكا حدا جهينة لي كرشها كبرات اكتر .. مسها و قال .. 

ايرتان : فقتي و لا حتى انت بااقي ناااعس مع مااااما .. ياله ديير ليها سي ركلة فااعلة تااركة فيقها .. 

تكمشو عينيها للحظة و شدات كرشها ... ضحك ايرتان و خشا وجهو فعنقها كايبوس فيها و يفيقها .. دخلات هيفين ببيجامتها القصييرة .. طلعات فوق السرير و بدات تنقز .. 

ايرتان : هيفين .. هبطي غاطيحي على ماماك .. 

هيفين : لاااا .. بغييبت نمشيو عند خطيبي تشييم تشيييم .. 

ايرتان : شحااااااال من مرة كانقوول ليك هذاك ماشي خطييبك .. انت ماغاتخكبي حتااا تكبري و يولي فعمرك 30 .. 

جهينة : لواه 50 .. 

ايرتان : سكتي انت .. 

جهينة : كاتقولي البنت غاتبقا سينغل حتى دير 30 .. 

ايرتان : اوى بنتي ديالي . نتمحن نكبرها بااش يجي واحد مايستهلهاش يديها .. حتى واحد مايستااهل بنتي .. غاتبقى مع باااها احسن ليها .. 

جهينة كاتقاد فجلستها : الله يستر .. 

جلسات هيفين تخشات بيناتهم مكمشة .. حطات راسها على سدر ماماها و حطات يدها الصغيرة على كرشها .. 

عنقاتها جهينة و باستها .. 

جهينة : حبييبة ديااال مااماا .. 

هزات هيفين تريكو ماماها و تخشات تحتو .. 

ضحكات جهينة و ايرتان و قال .. 

ايرتان : عقلتي فاش درتيها انت .. 

جهينة : هههه كنت كانتوحم بيعا نييت .. 

ايرتان : و الله الى هاد البنت تخليطة مني و منك .. اش كاديري تما .. 

هيفين من الداخل كانهضر مع خوويا .. احي حتى انت هضر معانا .. 

ايرتان : هههه هي الاولى .. 

خشا و جهو حتى هو .. كايشوف كرش جهينة كاتهز بالضحك .. 

جهينة : خرجو راكم كاتهرووني .. 

ايرتان : والله الى الجو هنا غزاااال .. الريحة العطرة الآسرة و مع المعالم رائعة الشكل و الملمس.. بالإضاافة للامانة ديالي لي مخشية هنا .. 

جهينة: احتاارم رااسك بنتك حدااك ..

ضحك ايرتان و خرج راسو .. و شاف فجهينة و قال .. 

ايرتان : وانوضي نفطرو ماجاكش الجووع .. 

جهينة : واخا .. نوض دوش و انا غادي نهبط نوجدو .. 

ايرتان : هي الاولى .. 

ناض ايرتان و جرات جهينة بنتها باستها و قالت ... 

جهينة : يالله امااما نهبطو نوجدو الفطوور .. 

هيفين : انا لي غادي نصاوب الاومليط .. 

جهينة : ماغاتعرفيش .. 

هيفين : لااا .. غانعرف .. 

جهينة : امري لله .. بلاتي نغسل و نهبطو .. 

هبط طه من سيارتو ... و دخل للوكالة فين خدامة تولاي .. 

داخل بشياكتو و نظاظرو الكحلين .. كايقلب بعينيه عليها .. 

سول ووجهوه لمكتبها ... دق دقة فالباب و حلو .. 

هزات عينيها باش تسب و تحلو عينيها .. وقفات حالا فمها و هو دخل و سد الباب .. حيد النظاظر و هو كايضحك .. 

دازت من ورى المكتب و طارت عندو عنقاتو .. 

طه : هههههه توحشتك احبييبة .. 

تولاي : حتى انا .. امتى جيتي ماقلتي ليا والو اش هااد المفااجئة .. 

طه : المفاجأة هي لي جايب لييك .. 

تولاي : اشنو . 

طه : قنعت الوالد بعلاقتنا ... دابا مابقا غير تحددي ليا وقيتة مع والديك باش نخطبك الوين ديالي .. 

تولاي طلقاتو و بدات تنقز و تضحك .. 

طه : ههههههه فرحااانة .. تي حدري راسك كوني تحشمي .. 

تولاي ؛ احشم انت .. انا راااه غااانطيير بالفرحة و اخييييرا غانوليو لبعضيااتنا .. 

طه عنقها و قاال : ايه الااالاا .. غاتولي تولاي الطاهيري .. مراتي حبيبتي و مرافقتي فالدنيا 

تبسمات تولاي و حطات يديها على سدرو وقالت : ان شاااء الله 

كانو مجموعين في فيلا ايدين على سفرة الغذاء .. مترأسينهم ايدين و بيراي .. 

كل كوبل جالسين فبلاصتهم .. الهضرة كتيرة و الامبيوونص .. كولشي فرحانين بمجمعهم .. 

كان ايرتان كايضحك هو و جهينة على كلام هيفين مع جدها .. 

هيفين : لاء اجدي .. بابا ديالي بووحدي ... 

ايدين : لا ولدي انا بوحدي .. 

هيفين هبطات من عند جدها و تخشات فباها و هزها عندو : لاااء بووونغ بووونغ ديااالي انا بووحدي 😠

جهينة : خليها ابابا دابا تبدا تجدب علينا هنا .. راه انا و كاتفرقني معاااه ... 

ايرتان : تجمعو عليا هاد 2 مغياارات... مشيبييني .. 

بيراي : ههههه كايتشاابهو .. 

هيفين : لا كانشبه بابا ... 

هيفين : اوى هانتوما السيدة قلباات عليا .. نسات ايام السهير و الرضاعة .. جا الموسيو و ضرب ليا كولشي ف0 .. المهم هادي هي الحياة ... انشوف زهري مع العزري و نشوف و اش غايقلب عليا حتى هو .. 

الكل : هههههه

اشرف : هادي هي الحياااة .. ماتبكيييش .. 

اشراق : اشمو زعما حتى انا غايقلبو عليا .. 

جهينة : كوني اكييدة .. 

نسرين : لا الدراري كايميلو لامهااتهم اكتر و البنات العكس .. 

عز : و فين عرفتي انت هادشي .. 

نسرين : انا.. غير قلت .. 

ضحك عز و مد يدو على كرسيها و تسرح .. 

فؤاد : نتوما لي زربانين كاتولدو .. انا بعدا حمد الله الرااحة و السياحة .. ماشادني حد .. دااير لي بغييت .. 

اشراق : و ماالك كرهتي تزوج و دير وليداتك ؟ 

فؤاد : الله ينجيني .. داكشي ديالكم انتوما ماشي ديالي انا .. ماباغي لا زواج لاولااد .. غير كاتجبدو ليا هاادشي كانبوورش و كانحس براسي فيا الدوخة و شوية ديال الرداان .. 

جهينة : اويلي اعراض الوحم هادو .. 

ايرتان : ههههههههههه سكتي انت .. 

فؤاد : ماغاندييش عليك 😤 

اشراق :وا دااك العتروووس تفرق ليا من طبسيلي واش كولو لمقتيه اش خليتي ليا .. 

اشرف : نوضي طلي على ولادك و خلي عليك هادشي .. غير غاتغلااضي ..

اشراق : بصحتي اش مشا ليك انت .. 

اشرف : مشااا ليا غاتولي خايبة و غايبداو عينيا يدووورو و انا ماغانقدش نتحكم فيهم.. 

هزات الموس و شافت فيه : عاود اش قلتي .. 

فؤاد : هاااااا علاااش سينغل 😂😂 

دارت جهينة عند ايرتان و هز يديه كايقول : و اللهما بحالو .. 

جهينة : اوى ماعرفت .. 

دار عز عند نسرين لي كانت كاتضحك على الحماق لي داير قداامها .. تحنا لمستواها و باس حنكها .. 

شافت فيه و قالت : احشم شوية راه جالسين مع واليديا و خويا .. 

عز : غانتشاور معاهم باش نبوس مراتي .. 

نسرين : لا .. و لكن زعما كل حاجة فوقتها و بلاصتها . 

ضحك عز و قال : وامتى وقتها و فين بلاصتها ..

تلبكات نسرين و سكتات .. زاد ضحك عز و عمر ليها طبسيلها و قال فوذنها .. 

عز : وا كوولي مزيااان بااش تقوااي و تكوون عندك طاااقة و حيوية ... عقلتي البارح مالحقت نقرب ليك حتى سخفتي .. 

نسرين هزات حواجبها مرربوطين فيه و قالت : كاتزييد فييه .. 

ضحك عز و قال : نفكرك ؟! 

نسرين : لا صافي .. انا غاناكل .. 

دور ايرتان وجهو فوجووهم كاملين مبتاسم و استقرات نظراتو فجهينة و زاادت ضحكتو مع ضحكتها ... شافت فيه و تبسمات ليه .. هز يدها بااسها و بااس حنك بنتو ... و قال : رجعت كانتنفس .. و هااد المرة بريات جدااد ... 

رييح باردة نقية منعشة هازة روايح الربيع و مختلف النباتات و الورود العطرية لي مالية المكااان بالوانها و اشكالها ... صوت حفيف الشجر و العصاافير المغردة مشاركة بسنفوونية الطبيعة ... صوت هيفين بعيد كاتجري و كاتضحك بصووتها الرناان الشقي الصغيير... مع نباح تيمون و بومبا العالي ... كانت متكية مرتااحة على فخضو و يدو فوق يدها على كرشها الكبيرة ... و يدو الاخرى كاتخلل شعرها بحنان ... كانو تحت شجرة كبيرة مظللة عليهم الشمس الحارة ... كان وجهها مبتاسم و هي مرتااحة بنشوة فرحة مخللة احساسيها ...كانت فحضنو و هما مجموعين فحضن الطبيعة ... 

سمعات صوتو المحبب لمسامعها ... صوت مرتابط بالحب .. الحنان ..العشق .. السعادة .. الراحة.. العطف الابوي .. كل احساس كايشمل السعادة .. 

صوتو و هو كاينادي باسمها : جهينة .. 

خلا قلبها يرفرف بحال الى اول مرة كاتسمعو ... تبسمات و خلات عيونها مغمضين آاملة انو يناديها من جديد .. 

تبسم و هو كايشوف ابتساامتها الشاافية ليه ... دوز يدو على جبهتها كايسرح صبعو بحنان عليها ... 

عاود نادا : بنت قلبييي .. 

فتحاات عينيها بتتاقل .. وساااعت ابتساامتها و عراضت و هي كاتشوف صوورتو المحفورة فذهنها و قلبها رووحها ... 

رمقها بنظرة محبة عااشقة بابتسامة خفييفة .. هبط لمستواها و غمض عينيه .. و كذلك هي بااش تحس بقبلتو الحنينة على جبهتهاا .. قبلة تخلطاات بعبييير عطرو لي مرتااابط بكل ذكرى لطيفة و حميمية بيناتهم ... عطرو المعتااد لي كايفكرها فانتعااشة البحر الهاايج الغااضب المتنااقد مع برود و هدوء شخصيتوو ... ايرتاان راجلها و نفسها الاخرى .. اب ولادها و رفييق عمرها .. زوجها و صديقها و باها .. كاتفكر فهادشي و هي كاتطبع قبلة على كف يدو بحناان .. و يدو فشعرها و هو كايضحك ليها .. كايدوز عينيها عليها من راسها لصبعها الصغير .. ركز فكرشها و هز عينيه شااف فبنتو لي فرحانة كاتلعب حداهم .. رجع بشوفاتو لجهينة و قال

ايرتان : بنت قلبي .. نفسي الاخرى و حياتي الباقية ... دخلتي لحيااتي و بدلتي كوولشي .. المستحيل رديتيه حقيقة قدامي .. كنت بذرة ناشفة و ميتة .. و كنتي التربة الخصبة لي حضناتني و سقااتني و قوتاتني بااش نبت من جدييد .. سقيتيني بحبك و حنانك و عطفك .. شخصيتك النقيدة ليا .. ماشي غير انا لي علمتك تقواي .. و لكن انت علمتيني نعيش و نبغي .. انت لقيتي فيا جوانب ماكنتش عارفها كاينة .. و عندك لقيت الحب لي عمري آمنت بيه ... و ها انا دابا .. راجل بحياة و حاضن حياتو بين يديه .. بنت قلبي و غاتبقااي بنت قلبي حتى ندفنك و لا تدفنيني ... 

مسح الدمعة لي دازت كاتجري من خدها ... ناضت جلسات و وقرب ليها خداعا فحضنو و استاقرات فمكانها.. بيتها .. ملجأها ..فوطنها .. تبسم و هو كايربت عليها بحناان و هي كاتبكي و مااقادرة تقوول وااالو جاات هيفيين كاتجري و كاتقول حتى انااا .. 

خداها مع تمها و اعتاااصرهم فحضنو و هوما كايضحكو قدام قلبو .. باست جهينة بنتها و حندتى هي عنقااتها .. 

ضحك ايرتان و هز عينيه .. كايشكر الله على النعمة لي من بيها لييه .. مااشي كوولشي قاادر يتجااوز مااضيه و يعفط عليبه و يبدا من ال0 .. رجع حذر عينيه و هو كايضحك لضحكهم الشقي ... و شاف قدامو .. كان السي عوصماان كايرااقبهم من بعيد .. من قداام باب داارو .. شير لايرتاان و ابتسااامة فخر على وجهو .. لاح عكازو و شدد يدو مع يدو الاخرى فقبضة قوية متلاحمة مع بعضها .. هزز ايرتاان براالسو و هو كايتبسم .. فهو كاان حااكم اسرتو الصغيرة لعندو بحال 2 يدين من نفس الجسم ... و هكااا غايبقاو ... 

🌹🌼🌸🍁🍀🌱🌸🌻🌺🌷🌼🍀🌼 

الدقااان بالجهد ... خبيط و خبييط .. حل فؤااد عينييه مع 1 النهاار بعد ليلة طويلة من القساارة و الزدييح .. 

فؤااد : شكوون هاد ولااد الكلااب لي جاايني فهاااد الوقت .. و الله حتى .. 

توقف من التذمر بعدما شاف شكون قداامو ..كانو بناات كاعرفش عددهم شحال و لكن كل وحدة هازة ولد او بنتها فيديها .. اعماار مختاالفة و وجوه بريئة و وجوه امهات غاضبة .. وجوه مؤلووفة .. 

فؤاد : ش.. شكون انتوما .. 

....: انا خديجة الكلب .. 

....: انا سلمى الحمار .. 

....: انا اسرااء الحيوان ..

....: انا لميااء يا العجل .. 

.... : انا شيمااء البغل ..

فؤاد :و... و اش .. بغيتو .. مني .. 

كلهم : جينااك تديير ليناا حل مع بزااااغلك 😡 

ما ان كملو كلاامهم و هو يطيح سخف .. كلهم شهقو .. طلقو و لادهم و هبطو عندو كايفيقو فيه ... 😂😂 

🎋 النهاية  🎋

سمحو ليا الى ماذكرتش اسماء كل المتابعات المتفاعلات كلكم فالقلب شكرا لتتبعكم معايا و الى الملتقى فقصة اخرى