الى اسطورة الزمان .. الى كل امرأة تعرف معنى الحب .
اهدي قصيدتي .............
كيفَ اوصفكِ وانتِ آية الجمالْ
يالوحة عشقي وحبي القتالْ
ياشذى عطري الذي من انفاسك قد سالْ
يا براءة طفلتي التي اذهلت الرجالْ
كيف اجيب وانتِ السؤالْ
والحب من شفتيك حين يقالْ
يمزقني حتى تضيع اجزائي بين الرمالْ
يغرقني في بحر عينيك والترحالْ
حتى ترسو مراكبي في جنون الخيالْ
كيف اوصفكِ بحروفي وكلماتي
وانتِ اجمل ما نسجته كتاباتي
يا همسا ً طال ما نتَظرته حكاياتي
يا حبا ً كان قد غاب زمنا ً عن رواياتي
يافرحا ً ذهب بأحزاني وآهاتي
يا حاظر عمري ومستقبلي الآتي
يانارا ً اشعلت لهيب ثوراتي
يا اجمل طريق عرفته اتجاهاتي
يا وطنا ً احتضن قلبي واعاد حياتي
يا روحا ً احيت جسدي بعد مماتي
كيف اوصفكِ ياملاكي
وذات الوصف تسكن عيناكِ
فما الحب في هذا الكون لولاكِ
وما كلمات شعري من دون شفتاكِ
وما انا ان لم احضى بطعم الهوى في ثناياكِ
وما الليل ان لم يسهر ليحياكِ
وما عشقي دون بسمة حبٍ من هواكِ
يا قمرا ً انار قلبي بلمسة يداكِ بعدما كان قلبا جريحا ....ارتاح في نقاء وصفاء روحك
لا تجرحي قَلبا استسلم للمرة الثانية لا تكونِي مثْلها انانية
لا تذكريني بماض نسيته في ثانية
انتي الحب و انتي من هذه اللحضة حبيبتي الغالية
جاوبات الصمراء دات العيون السوداء الشقراء صاحبة العيون الخضراء على سؤالها اللي مولفين كاع البنات كيسولوه من بعد الزواج وقالت ليها
الصمراء: راه عاادي دابا تولفي ، حتى انا عماين هادي وانا مزوجة ...ولاكن الصبر هادا هوا الزواج
تنهدات الشقراء وضاهر على ملامحها نوع من الملل والضيم طايح عليها وقالت...
الشقرء : ماعرفتش علاش الزواج هاكا داير ! كن حسابني هاكا مغنتزوج اختي دابا ونغصب راسي وانا يالاه عندي 20 عام ، قبل الزواج كديري اللي بغيتي وحتى هوا كيدير ليك الخاطر اما دابا كنحس براسي مكبلة ويدي مربوطين
الصمراء: وراه شحال من وحدة كتمنى تزوج وكتقلب على الزواج بالريق الناشف ومالقلتوش
ضحكات الشقراء بسخرية وعينيها فالسقف بلا مبالات
الشقراء: هه كنشوف شي وحدة فرحانة هازينها فالعمارية وكضحك مسكسنة كنبدى نضحك عليها...ماعرفاش اش كيتسناها هه ، يحساب ليها مسكينة صافي تزوجات شدات السماء وعنقات البحر ...كاع مافراسها راه غادية تمشي لدار راجلها تشقى عليه وطيب ليه وتقاد ليه مسكينة ويجي هوا يلقى كلشي واجد ونتي واجدة ويشوف كاع مجهوداتك وميقولك حتى هادشي زوين ولا جاتك اللبسة زوينة...ونتي من الصباح ونتي كتجري باش كلشي يكون مزيان وهوا بحال الى عور مكيشوف مكيشم ، اختي كنت فدارنا بيييخير ديما نشقى غير على راسي ، هانا فالصالون هانا فالمدينة كنتسارى هانا مع البنات ضاحكين ناشطين وحتى هاد الزمر كان كيدير ليا الخاطر وكيبغي يخرجني واها اكون فيه الموت غير باش متمشيش مع البنات ، اما دابا كيجي من الخدمة كيلقى الدار نقية كضوي و انا كنشعل والماكلة موجودة وفاش كنقول ليه يالاه نخرجو كيقولك عيان يالاه جيت من الخدمة وعندي خدمة خصني نديرها ، مافهمتش انا واش حتى تزوج بيا علد ولا كيعيا وكترات عليه الخدمة ولا شنو! او !! ياك كيلقى كلشي واجد ماشي بحال فتش كان بوحدو كان كيخدم ويجي للدار يلقى كلشي مرون وكيلدا يجمع ويغيط ليا يقولي يالاه نديرو قهيوة ولا يالاه نتساراو ، دابا غير جابني لهنا لدارو وخلاني بين الحيوط وفين ما يهديه الله يخرجني كندورو ساعة دالمكانة ويشوف فالساعة يقول ليك تعطلنا خصنا نرجعو ...توحشت ياختي غير مبقى حتى ل 12 دلليل برى فجو الليل حدا البحر والناس كيتعشاو وليكوبل فرحانين و واااالو...دابا كيقول ليا يالاه نمشيو بحال الى باب الدار الى وصلات 12 مغيتحلش! يخخ
الشقراء: لا اختي لا...ولاهيلا ملليت ...عام اصحبتي وانا على نفس الحالة والعام اللي يجا يلقاتي انا كيما انا...نفس الروتين ، وكن غير خلاني نرجع نخدم فسونطر دابيل نهرس الروتين شوية ، غير الدار الدار الدار ...ولاهيلا كتأبت وحتى الخروج معاه مكيريحنيش وكيبقى يقمع فيا ولا يضرب الطم مكنلقى معامن نضحك ونقشب ومفش خلقي ، حتى الضحكة مكيضحكهاش ، اما يلا جلسنا فقهوى كيبقى حاضي غير الناس لا يقولو شي حاجة ، راه الناس كيشوفو
..راه الناس مكيلبسوش هاكا...راه الناس دخلو بحالهم بقينا غير حنا فالزنقة ...راه الناس وراه الناس وراه الناس ...او مالي انا ومال الناس ...كل واحد يضبر راسو ، ويلا شديت ليه فيدو ولا فصبعو كيحيدها ويبقى يدور عينيه فالناس ...اه حقى غيدوز حدانا شي راجل كبير حشومة يشوفنا مشادين فليدين ! واكي جاتك هادي...الى رشقتو فكتفو كيدور فيا ...اه حقا الناس كيشوفو واش هاد اللعب واش هاد الببسالة حتى نرجعو للدار وديري وفعلي وتركي وخراي ...تفو ، هوا خاصو نمشيو بحال الاصنام ...منضحكو منتشادو منهضرو وفين ما نهضر كيجاوبني ب امم ام ..ام ، ويبقى غادي ويشوف ويسرخ عينيه بحال الا خارج بوحدو وشي مرات كنبفى انا غادا موراه ...ديما فين ما نكونو خارجين فالشارع كيسبقني بخلفة ونبقا انا موراه ، قبل ياختي والله حتى كان كيبقى شاد فيا ولاسق ويعنقني و واحد المؤة هزني فالزنقة بلليل وكيضحك وعاادي وحتى انا كان كيعجبني نخرج معاه ديك الساعة معمرو قال ليا الناس ولا شي خرية ، كان خايف منبقاش نخرج معاه ونمشي مع البنات نشطو ، واللهيلا فاش كنبدى نتفكر هادشي كنمرض والله ...مافهمتش اختي علاش ولينا هاكا ، كن حساب ليا هادشي غيكون مكنتش اختي غنتزوج وكن راني مسافرة مع البنات دابا لمولاي بوسلهام بحال كي كنت وكن راحنا منوضينها نشاط وقولها وضحك عليها وبيخيير ومكاينش اللي يفرع لينا راسنا
سارة: لا اختي سمحي ليا ! انا كنشوف ناس مزوجين و ممسوقينش للبشار وعايشن فوق السلك ورجالاتهم مطلوقين ماشي بحال راجلي انا ...تزوج بيا وزرب عليا دغيا حملت اصاحبتي وبقات شهر نولد وغرقت فالبز وانا يالاه عندي 20 عام ...لا اختي متقوليش ليا كلهم بحال هاكا ...انا كنشوف بعيني الناس فالزنفة ، كاين اللي موسوس ومريض فمخو بحال راجلي وكاين اللي مطلوق دارب الدنيا بركلة وضاحك ناشط مع مرتو وولادو ، اففف ياختي بغيت نتفركع ماكرهتش نخرج مع البنات شوية ...مانع عليا الصحابات تا هما قالك ماعندنا منديرو بيهم وزيييييدي معاه!
الصمراء: اجي ياكما كيخرج مع صحابو ونتي محرمها عليك؟
سارة: ههن! وشنو يحسابليك ! هأ ! حساب ليك غير انا محرمها عليا راه محرمها حتى على راسو ؟ هه ! راه كيخرج ويدخل كي بغا ويخرج عند صحابو وانا لا...راه الخمسة هادي يكون جاي
الصمراء: وانمشيييي انا ياختي قبل مايجي يلقاتي هنا وندير ليك مشاكل معاه
سارة: (نايضة) ونوضي سيري وعنداك تنسايني تا نتي ...مرة مرة اجي بالنهار ، فوتي ليا غير سبت والحد كيكون هوا هنا وشي مرات كتجي تا ديك العقروشة دمو ولا خوتاتو شي نهار ندبح شي وحدة فيهم اختي هدى نكديب عليك! نا هما فوق ما ضبراتهم فزيبتهم بالجلاس فدارهم يتمو جايين عندي انايا لهنى بحالا انا عندي اوطيل هيلطون هنايا ، يسرخو رجليهم ونجلس نتسخر عليهم انا كي الخدامة تفو
هدى: وا هضري اختي تا نتي ...ماحدك ساكتة وهما كيدركو عليك كي بغاو
سارة: ههههيااوات هه واش نتي مالكي دختي ولا شنو؟ واش حساب ليك انا ساهلة ليهم ...الله يحضرك فاش كنوض ليهم كنجمعهم كاملين خرى ودرة مكنعقل على تا وحدة فيهم.
هدى: هههه اويلي ياصاحبتي شوري شوية وضربي من تحت الدف راه شي نهار تشريخا ليك مو معاه وتزوجو لوحدة اخرى، راه الرجال كي البهايم كيتكيدو من مواتهم وديري ليهم اللي بغاو
سارة: وا تِّي سيييري لالقى حسن من العشل غير يلعقو ... هه نسيتي ياماتو فاش كان كيسمر ليا تحت السرجم ويبات واقف كيتسنى نطل عليه ، راه عااارف راسو تا هوا اش واخد ..مالي انا يلقى حسن مني؟ الطولة والبيوضة والزين كيقطر والعوينات حوتة ، الصدر ومسعودة حاضرين بقوة ندير عاه ولا هاه يزنطط عليا ونتي كتقولي يبدلني ؟ مالنا ندوخو ولا ! راه غا ساكتين وماباغاش المشاكل وخوتي قباح كيرضو ليا انا اللومة حيت فيا التشرعين عيشورية كيقولو انا اللي كندير علاش وانا اللي فيا لافوت ، ديما جايين من جيهتو
هدى: وصافي تا نتي متبقايش شادة الزكير راه تا هوا ضريف وكيسايس معاك
سارة: سيري سيري اش عارفة نتي ، راه مكيحس بالمزود غير اللي مخبوط بيه وانا المزود راه طلع معايا ماشي غير تخبط بيه
هدى: وا المهم تيليفون بيناتنا هانا مشيت
تسالمو من بابيز و وصلات سارة مع هدى صاحبتها للباب حلاتها ليها باش تمشي وهي تلقى راجلها فالباب يالاه بغا يدخل
شافيهم مغوبش ودخل ملقاش حتى السلام ، شافت سارة فهدى وطلعات حاجبها
سارة: هانتي كتشوفي دابا...مانمشي عند صحابلتي ميجيو عندي هنا ! نموت انا حسن يخ
هدى: بصوت منخفض) صافي دابا من بعد نهضرو تفقصت انا بلاصتك ..بسلامة
مشات هدى ودخلات سارة هازة خنافرها لبيت النعاس لقات راجلها كيبدل وطالع ليه الدم ، دارت يدها على جنبها وهي تبدا..
سارة: دابا شهاد القمعة درتي ليا قدام البنت ا سمير ؟ مالك لقيتي معايا راجل ولا شنو
خرجات وخلات كيسوط ويقلب فعينيه مافيه مايتجابد معاها وهي لسانها طويل تا هيا كيعطيها كلمة كتعطيه 19 ، هز حوايجو ودخل دوش وخرج لقاها جالسة طالقة رجليها فوق الطبلة وكرشها لفمها وكتفرج فالتلفازة ، شافت فيه بنص عين وقلبات عينيها ، جلس حداها وهز بيسي منسوقش ليها وبدا مركز مع الخدمة وهي حداه فيها الدودو بغا تجبدو، بقات جالسة جالسة تا عيات وهي تهضر
سارة: غدا غتمشي لدارنا نجلس معاهم
جاوبها وعينيه فالبيسي ببرودة
سمير: غدا الجمعة جايا الواليدة وحنان يتغداو معانا ، بعد غدا سيري
هزات حجبانها وتقلبات جيهتو مغوبشة
سارة: ايوا وهاد كسكسو غنطيبو انا ولا غتجيبو مك طايب؟
سمير: ببرودة) طيبيه نتي ...خليني دابا مشغول تا نسالي ونهضرو
سارة: اييه نجلس نطيب ليهم ويجيو هما ياكلوه وانا يتقسم ليا ضهري فالكوزينة باش يجيو هما يلقاوه واجد؟ فاش اخويا عطاتهم؟ فاش جاتهم؟ لا ...انا غدا غادا عند ماما نتغدى عندهم بغيتي نتا تبقى طيبة ليهم طيبو شغلك هاداك اصلا ولات هاد الدار بحال الكوري اللي رشقات ليه كيجي بلا ميعلم ويديرو فيعا مابغاو بحال الى انا مكيناش
سمير: وصاافي برالكة من نكير فرعتي ليا راسي ...راه علموتي قالو ليا غيجيو بلا متبداي نفس الموال تانتي ...راه كتمشي عندهم وتجبدي والكاس مكتحركيه من بلاصتو مالك متصبريش فاش يجيو عندك
سارة: راه تقريبا كل نهار جايين ، انا دارنا شهر ماجاو ...وابزااف واش كل مرة دور ليهم فالخوى ينوضو يجيو يعصرو ليا انا هنايا؟ هبطو ليا هاد الفوطويات بالجلاس ...وكيبداو يبرككو شنو عندي وشنو ماعنديش
سمير: سارة بلا متنيرفيني عاوتاني، راك كتهضري على عاءلتي الشريفة واجمعي راسك
ناضت سارة غضبانة وخلاتو جالس متسوقش ليها لانه عارفها كي دايرة وكتغضب تا كتعيا وتفش وترجع ضحك بحال الى عمرها غضبات ،
دخلات لبيتها شعلات تلفازة وجلسات فوق الناموسية كتفرج تا نعسات ، اما سمير بقا خدام تا عيا وناض للكوزينة خل الثلاجة كيقلب وجبد الستيك ديال الدجاج طيبو راسو مع روز طتيب كان ديجا فالتلاجة سخنو وقطع الجاج مع الروز وقادو فطبسيل ومشا حطو وسط الدار ودخل عند سارة لقاها ناعسة وبيجامة طالعة ليها تا لكرشها وفخادها عرياينين ، حط يدو بشوية كيفيقها
سمير: سارة...سارة...سارة نوضي تعشاي
حلات عينيها كتجبد وشعرها مخربق ، تا كانت غتنوض وهي ترجع ، تقكرات راشها غضبانة وتقلبات وخلاتو
سمير: وصافي نوضي تعشاي دابا تا لصباح ويحن الله يلاه نوضي
رجعات تقلبات وناضت بلبيجامة قصيرة تا لفخاد مدوخة بالنعاس ، لقاتو حاط طبسيل فوق الطبلة وعصير وهي تقلب الدورة للكوزينة وخلاتو واقف ، الكوزينة موديرن ومحلولة كطل على وسط الدار فين كياكلو ، بقا واقف كيشوف فيها وهي تبان ليه حالة الفران خاشية راسها تا تا جبدات كراتان من الفران وجابتو بالغضبة وشعرها مخربق بالنعاس، حطاتو فوق الطبلة وجلسات كتسنى يقوليها شي حاجة ساعة جلس مقال والو وهادشي زاد عصبها وهي اللي مطيبة العشى على بكري وموجدة كلشي كتسنى منو شي كلمة زوينة، خيبت امل كما العادة اللي تعودات عليها سارة فكل مرة كتشنى مجاملة او مدح من راجلها ومع الاسف هوا ماشي كيما هي كانت كتوقع مع العلم انه كان كيمدحها ويغازلها قبل الزواج ، بدات كتاكل وعجبها طيابها وبدارات هي بالمجاملة
سارة: بنين...حا زوين
سمير : امم
سارة تعصبات وبدات كتسوط من نيفها وتوقفات على الحركة وتبتات فنفس حركتها تا دارت شافت فيه معصبة
سارة: امم..انن..ام ..اه ......هادشي اللي كتعرف تقول؟ راني مطيباه زعما باش تاكلو تقولي زوين ، بنين ، الله يعطيك الصحة !! راه الحيوان فاش كتعطيه الماكلة كيشكرك بالفعل والقط كيتحك معاك فاش كتعطيه والكلب كيلحسك
سمير كعا ولاح الفورشيط
سمير: هي دابا انا حيوان؟
سارة : لا رد(قلبات وجها)
سمير: لا رد (حرك راسو بعصبية )
ما جالسة ودخل لبيتو زدح الباب وبقات هي كتسوط غير بوحدها وخلات ديك الماكلة كيما هي وتجبدات فوث الفوطوي نعسات فيه .
⛅اصبحنا واصبح الملك لله ⛅
حلات عينيها على الصونيط ديال الانتيرفون بزز وناضت حات عينها على الساعة لقاتها 12h عرفات شمير مشا للخدمة وبقات بوحدها ، مشات كتسوط والنعاس باقي شاد فيها هزات لاباراي د الانتيرفون
سارة: شكوون؟
....: حلي الباب حنا لتحت راه الباب دالعمارة مسدود
سارة: عوجات سيفتها) واخا
حلات الباب من الزر الي فالانتيرفون وحطات لاباراي وبدات تنكر
سارة: تفووو مابقا حد يشبع نعاس فدارو ...هاجمين عليا على النبوري...نيت لا بغاو كسكسو يكشكشوه راسهم ماعنديش هنا مطعم السرغيني يخ
بدات كتنكر تا سمعات الدقان ومشات حلات الباب بديك التقزيبة ديال البيجامة وشعر مهربق باينة فيها عاد فايقة ؛ لقات عكوزتها فالباب هي وجوج بناتها بجوح كير من سارة فالسن ، شافوها مقزبة وبداو يشوفو فبعضياتهم
سارة: بضحكة صفرة) مرحبا
النهاية ماشي كيما نتوما كتعتاقدو والقصة ماشي كيما كيحساب ليكم ، وقلت ان فهاد القصة كاينين جوج قصص ماشي وحدة .
سارة: بضحكة صفراء) مرحباااا...مالكم ماجيتوش كاملين ، كن غير جبتو معاكم حتى صفاء و ولادها
حنان: بضحكة صفرة) ههه بااينة كنتي كتسناينا ...
سارة: مرحبا دخلو
دخلو لقاو الطبلة مزال محطوط عليها الماكلة دالعشاء وجلسو وسط الدار كيشوفو فالطبلة وكيتغامزو ، جلسات حداهم سارة وفرقات رجليها وطلعات ليها البيجامة تا لفخاد وكرشها قدامها وعاجبها راسها جالسة بعينيها منفوخين وشعر منفوخ ومع ذلك زوينة ووجها نقي كيشعل ، شافت فيها حنان وبدات تحشي ليها الهضرة
حنان: اوييلي ياكما عاد فايقة؟ وقيلة هاد الطباسل يقاو من ليلة دلبارح
سارة: لا...انا للي تغديت فيهم دابا وخليتهم وتكيت نعست عكزت نهزهوم ...فاش كناكل كنتقال ومع قريب نولد وليت مكنقدرش حتى نمشي ونجي من البيت للبيت .
شافت فيها عدوزتها جديجة وبدات تسوط
خديجة: ايوا ماشمينا روايح ما فورتي سكسو ما حتى حاجة؟ ومللي نتي ما فيك ميوجد ديك الساعة بلا متعيطو لينا نجيو ، تخليونا نفورو كسكسونا فديورنا
ناضو منفخين و واخا هاكاك كيضحكو ضحكة صفرة لبعضياتهم تا خرجو وسدات سارة الباب موراهم بالساروت وات تنفخ وتسوط ، هزات لاباراي ديال ابلنتيرفون كتسنط ياكما تسمع صوتهم كيهضرو وهما نازلين وخارجين مع باب العمارة ، بقات طالقة ودنيها والصوت كيقرب تا سمعاتهم كيهضرو عليها
حنان: كوراه عاد فايقة ومخلية الماكلة دلبارح فوق الطبلة وجالسة طنز علينا
خديجة(الام): بنات اخر الزمن...ماعرفت اش عجبو فيها ، ماهيا فحال لالياتها ماهيا بشي صنعة تعاونو على الزمان، زايداها بالولاد وعايشة كي القايدة ...ولاكن كلشي من داك المسخوط اللي مبهدلنا وجايبنا كنتمرمدو فجلايلنا باش تشطب بينا مرتو الارض ، غا بلاتي عليه تا يجي ونفرجك فيه ، غا اللي قالت ليه دير كيدير ، شاشا..رارا
حنان: اصلا ممحتاجينش للعراضة راه دار ولدك ودار خويا نجيو فوق ما بغينا والى معجبهاش الحال تمشي لدارهم ، حادكة فصبايغ والشعور والدفار والخدامة والدراع الله يجيب المعفونة لخرى
سارة معجبهاش الحال وزدحات ديك السماعة سداتها بالجهد تا تسمعات عندهم لتحت وهما يسكتو مشاو
سارة: انا معفونة يا تريكت لافوار...لهلا يحيكم ويطول الزمان عليكم تا نكون معفونة يا الهركاويلت العروبيات تا اللبس متعرفوش ليه تفو ، ولاكن ...سرررركم غزيييت فيكم هه! قالك كسكسو ...واهاا كسكسو دابا يالاه كولوه هههه
مشات جمعات الطبلة وبدات كدور بالدار كيما العادة ، الروتين اليومي دمسيح الغبرة والجفاف والماعن وزيد وزيد تا سالات خلات الدار نقية وهوية وروايح مفججين ودخلات للدوش دوشات وتقادات وغسلات شعرها القصير كوب كاري طويلة من القدام وقصيرة من اللور وبتيت ميش على حجبانها نازلة جات كيوت، نشفات شعرها وجبداتو بالبلاك حدا المراية قادات لاكوب وخلاتو مطلوق ورشات بارفان ومشات لبيتها لبسات بيجامة بشورط قصيرة وديباردور واسع وكرشها منفوخة وجلسات قدام التلفاروة كتفرج تا سمعات الساروت فالباب كيدور ، تلفتات لقات سمير داخل وماشي من عوايدو يجي وقت الغدا
دخل سمير هاز ملف فيدو ولابس كوستيم وكرافاطة وبدا كيدور عينيه فالدار ، شاف سارة هازة قنانفها كتفرج فالتلفازة مداتهتش فيه ومشا تقدم جيهتها بملامح مستفسرة
سمير: ماجاتش الواليدة؟
سارة: واش نتا عيطتي ليهم ولا هما عيطو ليك قالو ليك جايين؟
سمير: لا هما عيطو ليا علاش؟ وجيت نتغداو مجموعين ونرجع للخدمة (جبد تيلي من الجيب) مالهم مجاوش
سارة: ودابا من بعد نهضرو ...شوف قدامك وبشوية فالطريق وطلقنا راه تعطلنا
وصلو للدار ودخلو لقاوهم حاطين الغدا وتسالمو وجلسو مجموعين سارة وخوتها ب 3 دراري وختها اخرى صغر منها فالسن ومها وباها وسمير ، تجمعو فوق قصرية دكسكسو بسبع خضاري دايرين بيها كيسان داللبن ، سارة كضحك من ودنيها وعاجبها الحال وسمير تا هوا كيعجبو يمشي معاها لدارهم حيت مروجة وفيها النشاط والضحك تغداو وسالاو وتكات سارة كتكرع عاجبها الحال ، ناض سمير يرجع للخدمة وتبعاتو سارة تودعو
سمير: شحال غتبقاي هنا
سارة: وعييت ..مابقيتش كنقدر نبقا بوحدي فالدار ، وليت كنسخف ، غير خليني هنا راه الى بقيت فالدار تما ميجي فين يوصل وقت الولادة حتى متبقاش عندي الطاقة ليها
سمير: وا المهم هانا مشيت وردي البال لراسك
سارة: صافي كون هاني ...عنداك تجيب شي واحد للدار بلا خباري ولا تجي عاءلتك تجلس ليا فيها ، راه حوايجي تما وكل حاجة فين حاطاها
سمير: وصافي براكة من الهضرة ...ضاروري تعصبيني
بدات كتبتاسم بغات تبوسو فحنكو وهوا يبعد
سمير: وداركم اسارة غيمشي يشوفنا شي واحد
طلع ليها الدم وخلاتو واقف ورجعات جلسات كتصوط بوحدها تا بغات تبكي ، هزات تيليفونها وسيفطات ليه مسج فالواتساب
💬سارة: انا فين ما نبغي نبوسك تقمعني ولا نشد فيك قدام شي واحد كتهرب ، اصلا اخر مرة ندور بيك ولا نشد فيك والى عاودت قربت ليك الله يعطيني لقطاع لهاد ليدين.
تزيرات من بعد ماسيفطات ليه المسج وجلسات كتسنى شنو يقول ليها وبقات معصبة جالسة تا طلعات ليها جوج شرطات زورق بأنه قرى المسج ، بقات حاضية كتشوف اش يقول مي مجاوبهاش وزادت سخطات وهي تكتب ليه من جديد
💬سارة: راه مغنحبدش معاك الصداع بلا متجاهل المساج ، انا عارفاك قريتيه وديار راسك مبررد ، ديما كدير ليا هاكا علاش كدير هاكا وتعصبني ، اخر مرة نرجع لديك الدار ربح بيها.
سيفطاتو وبقات كتسنى يرد عليها ، ولاكن مع الاسف شاف المساج ومجاوبش وبقات هي جالسة مع مها وخوتها النهار كامل معيط ما سول ما والو تا تعشاو وكل واحد فين مشا ينعس وسارة دخلات مع ختها نعسات حداها فالبيت ، بقات مبرزطة مبغاش يدوز عليها النعاس وهزات تيليفون بدات كتصوني ليه وماشي بزاف وهوا يرد عليها
سارة: بصوت خافت) الو
سمير: وي ..شنو كاين؟
سارة: راه انا اللي خصني نقول شنو كاين...مسولتي فيا ما والو ولا نتا كنتي كتسنى غير فوقاش تصدرني
سمير: بعصبية) وشوفي نتي شنو قلتي
سارة: مالي اش قلت؟
سمير: اش داك المساج مسيفطة ليا ، وعلاياش بغاني نجاوبك على الخوى الخاوي؟ نتي راسك عامر بالتخربيق وانا خدام معنديش الوقت لهاد التخربيق هادا وجالسة تقولي ليا اخر مرة ندور بيك وماراجعاش لديك الدار وماعرفت اشنو اخر وبغاني نجاوب؟ اش غنقوليك اصلا مصيفتيش شي حاجة للي نجاوبك عليها ، زدتي فيه اسارة فين ما تعصبي تبداي تسيفطي ليا مساجات لاعلاقة
سارة: بدات كتبكي) اييه دابا قلبتي ليا كلشي؟ صافي اخويا صافي تصبح على خير
سمير: بون وي
سارة: اييه !! باغي تقطع ؟ معندكش سوق ماعندك غراض نبات منبكي!!!
مجاوبهاش وعقد حجبانو وديمارا اللوطو بقاو غاديين وهي تنكر وتسمع ليه لمنقي خيارو تا وصلو وعاودات زدحات اللوطو وطلعات خلاتو هاز الحوايج موراها، دخلات لقات الدار مقلوبة بحال الى دازت فيها الحرب وهي تزيد تصعر، دخل موراها سد الباب وهي دور ليه
جمع ليها يديها وهرج خلاها بلا ميجاوبها وجلسات كتندب وحتى البكا مابكاتو ، غلبات عليها الفقصة وكتعصر من التجاهل ديالو وكتسب وتعاير باش يرد عليها ولاكن ديما كيخليها تموت بالتجاهل ديالو ليها، ناضت مفقوصة جمعات داكشي ونقات الدنيا تا رجعاتها كي كانت ولبسات جلابتها وخلات ليه تيليفون محطوط وهبطات فالدروج تا لباب دالعمارة وهي ترجع
سارة: لالالا عاوتاني نمشي لدارنا نكدها عليهم ويجلسو بلا نعاس ، عاد كنت ضاحكة ماشطة علاش غنكدها على دارنا وهوا ينعس مرتاخ ودارخم مهنيين.
طلعات للسطح وبدات كطل والضلام طاح تا بان ليها جا وثف الطوموبيل ودخل للعمارة ، حيدات الصندالة وبدات كتمشي حفيانة هابطة فالدروج كطل وتشوف شنو غيدير ، بدات كتقرب شوية بشوية من الباب وهي تسمع تيليفونها كيصوني لداخل فالدار عرفاتو كيصوني ليها وهي تهرب طلعات فالدروج كتختل وهي تسمعو حل لباب وهبط فالدروج كيدردك ، طلعات للسطح قبل ميحصلها شي واحد كدور حفيانة فالعمارة وبدات كطل شافتو خرج ديمارا الطوموبيل ومشا كيطير وهي تنزل رجعات للدار ودخلات لبيت النعاس تخبات فيه ،كتسناه يجي بعد ماتأكد انها مكيناش فالدار، بقات جالسة مدة طويلة تا سمعات الباب تحل وصوت الهضرة عرفات ان باها ومها جاو معاه وهي تخلع
سمير: هانتا كتشوف اعمي ...11 دلليل هادي وهي مراهاش معاكم فالدار فين تكون مشات
الام: اولدي راه غتكون دابا غضبانة عند شي وحدة فصحاباتها
سمير: اخالتي راني قلت ليك شنو كاين ... الى بغات تغضب تغضب فدار باها ماشي عند الناس
الاب: لا حولى ولا قوة الا بالله ...
سمير: هانتا كتشوف ...خلات تيليفونها باش منعيطش فيه وزادت يعلم الله فين مشات
سارة بدات كتسنط وتندب حناكها
سارة: اويييليعلى ولد الحرام دغيا وصلها لدارنا ...واخا يا ولد الحرام هانا غنوريك
سارة: بصوت مرتجف حزين) اختي عييت ، ماعرفتش مالي انا معندي زهر ، وليت عايشة وماعايشاش ... كرهت الزواج وكن غير متزوجتش حسن ،ندمت ندمت ندممممممت على الزواج ، المرض والاعصاب والحبس مافيه حتى حاجة تفرح ، حياتي حرة حسن ليا والله
سارة: واش اختي منخرج مندرج وفين ما نبغي نخرج يقولي تخرج معاك ماماك! ديما مخشية فالدار وفين ما نوض كنغوت يقول ليا مالكي اش ناقصك واكلة شاربة لابسة اش ناقصك! بحال الى انا كنت فدار با مناكل منشرب وكنمشي بلا حوايج زعما تا جيت عندو عاد وليت ناكل ونشرب
هدى: ونفس الموال عندهم كاملين تا انا راجلي كيضل يقولها ليا ، واكلة شاربة اش ناقصك حتى ولفت نسمع هاد الهضرة ولات عندي عادية بحال السلام وعليكم
سارة: بصوت مرتجف) معرفتش ان اواش الخياة هي تاكلي وتشربي !! صافي الى وكلك وشربك ولبسك راه قضاها وراه دار مزية ؟ وا حتى حبيبة مكيقولهاش ليا يا ختي وفين ما نعس معاه كيبقى ساكت حتى كنقول ليه انا قول شي حاجة قول ليا حبيبة ولا كبيدة ، وكيبدى يقولها انا نقول هوا يعاود مورايا والله مابقيتش كنحس معاه بشي حاجة والله ، كيزيدني غير تمارة ديال النعاس وكندير داكشي وانا ماحاملاش نديرو ، وهادشي كيخليني ديما معصبة وماحاملاهش وخاصني نغوت ونعايرو وكيزيد يفقصني مكيجاوبنيش واخا نقول ليه اللي قلت ، شتي واخا نضربو مكيرضش عليا وكتبقا شاعلة فيا العافية ويمشي ينعس ويخليني
هدى : شوفي ...خلي عليك الزبل رامي غتمرضي وتجيبيعا فصحتك، هوا ضارب الدنيا بركلة ونتي جالسة تفقصي راسك ونتي حاملة ، ولدي وسيري خدمي خرجي من الروتين باش ميبقاش يبان ليك غير هوا اللي داير عليه الفيلم ، خدمي كيما درت انا باش تجي مسخسخة للدار تبان ليك غير الماكلة والنعاس ميهمكش هوا كاع
سارة : داكشي اللي غندير ، نتي عارفانس منقدرش نطلق ونرجع لدارنا بولادي ونخلي كلشي يتشفى فيا وخوتي وبابا كل نهار نوض معاهم الصدع ؛ اللهم نجلس مع هادا كيما كان الحال راه كنقدر نهضر وندافع ماشي بحال دارنا الى مشيت حتى هضرتي يهرس ليا شي واحد فخوتي فمي
هدى: سمعي ...سيري نعسي والصباح سيري لداركم جلسي فيها ديري ليهم موتة دالحمارة وبعدي منو شوية خليه يتوحشك و ولدي عند ماماك وبقاي تجاوبيه بالقياس متبقايش تعطتي معاه ، حتى نتي اصاحبتي كتعاملي معاها مزيان تا ولا طالع فالسماء ، نتي ماخدامة ما ردامة وكل مرة شارية ليه ريحة ودايرة ليه عشاء بالشمع ومتبعة ليا الكروبات
سارة: وراه بغيت حتى نعيش الرومانسية والحب وكيعجبني داكشي ، داكشي علاش كنبغي ندير عشاء رومانسي ساعة كيفقصني كيتعشى ويهز البيسي يخدم ونبقى انا كنشوف مكنلقى مندير كنوض نجمع الروينة دالعشاء اللي غرقت فيها راسي ...اما الكادويات راه كندير هاكاك باش حتى هوا يتفكرني شي مرة ويجيب ليا كادو ساعة مكيجيبو تا كنوضو عليه الصدع...انا مبغيتش الفلوس بغيت يجيب ليا كادويات ، وكيعجبوني المفاجاءات
هدى: شكون هاد الحمارة اللي مكيعجبوهاش المفاجاءات والكادويات؟ ! شتي شنو هادشي اللي كتقولي عليه راه شغل اللبنانيين خما اللي يغرقوك كادويات وكلام معسول والرومانسية انا مغربي عندو الحب فالقلب ومكيعبرش بيه باللسان وحتى يلا جا يعبر غيدير الضحك فراسو ، شي حاجة اللي ممعطياش ليهم بلا ميتزاحمو عليها اللهم يدو فمهم راه الحب كيعبرو عليه بالنكير وكترت الحكام الخاوي ديال الخرى ، اختي خليني متجبديش ليا الشرايين راه همي كبر من همك
سارة: انا غنمشي نعس والصباح نمشي لدارنا نجلس تا نولد
قصة قلب جريح
محتوى القصة
التنقل بين الأجزاء