بديت نحشي فوجهي و ساكتة و كلشي كيشوف فيا معرفتش واش كيشوفو فيا بحيث لابسة هكذا ولا مستغربين من الهدوء ديالي حاولت نزرب فالماكلة باش نوض بحالي محاملة نهدر مع حد واخة عمتي فرح مدارت ليا والو و لكن ذاك الوحش ديال ولدها مكنحملوش كليت و بغيت نوض غمزاتني ماما باش نجلس مديتهاش فيها و نضت بحالي و هي تهدر عمتي فرح فرح : بنتي هبة جلسي شوية بغيت نهدر معاك حاولت نتهرب باي طريقة مبغيتش نهدر معاها بحيث عارفها غتجبد الموضوع ديال البارح و ما فيا لي يتفكر شنو وقع انا : عمتي فرح غتسمحي ليا بزاف ولكن انا خاصني نمشي للمدرسة غنعطل كنعتذر قلت هاذ جوج كلمات و خرجت من صالون دخلت لدوش دوشت بالما بارد شوية بحيث حسيت بداتي سخونة شوية خرجت من الحمام باش نلبس ملقيتش الحوايج لي حطيتهم فوق الناموسية باش نلبسهم مغيكونو غير البراهش ديال خوتي ما علينا مشيت جبدت كسوة طويلة فالموف بارد و فيها الكتابة بالبيض غير سميطات و ستيل ديالها سبور لبست سبرديلة فالبيض صوبت شعري و طلقتو مكان فيا لي يصوب شي مكياج مدرت والو مشيت لبيرو ديالي نهز كتوباتي درت ناخد الصاك ملقيتوش بقيت نقلب عليه و انا نقشع شي رجل صغيرة خارجة من تحت الناموسية مغتكون غير قردة ديال هدى هي لي دايرة هاذ الزبايل على الصباح انا بديت نهدر بصوت مسموع : اوووف فين مشى هاذ الصاك عاوتاني حتى هو يكما يكون تحت الناموسية نزل نشوف ولكن لا لا لا تحت الناموسية كاين بودارع و حتى العناكيب و فيران مجيت نكمل هدرتي حتى خرجات من تحت الناموسية كتغوت و كتعيط بابا بديت نموت بالضحك انا : شفتي لي كيلعب معايا شنو كيوقع ليه ههههههه دارت شافت فيا و انا بقيت مصدومة : مشي نتي البنت ديال البارح تحلات الباب و جا المنقد ديالها لي كنكرهو : شنو واقع علاش كنتي كتغوتي شفت فيه شوفات ناقصين هزيت صاكي حشيت فيه كتوباتي و خرجت من البيت بلا منعبر الوجود ديالو كنكره نبقى معاه فبلاصة وحدة تبعاتني ذيك البنت و باها من موراها ملك : تسناي نتي شنو سميتك بقات تغوت و تغوت عصباتني و انا ندور ليها انا : شوفي اذيك الجنية عطيني تيساع ملك : لا شنو هي سميتك
باغة سميتي ياك واخة : سميتي الساحرة الشريرة و اذا مبعدتيش مني انا غناكلك بحيث كيعجبني بزاف المذاق ديال دراري الصغار يمييي كيكون لذيذ و نتي بنتي ليا بنت حلوة بصارحة عجبتيني ( بديت نقيص فيها و كنخوفها ) بنت مسكينة تيقات و مشات كتخبع مور باها انا : مالك خفتي ولا شنو ملك خرجات ليا لسانها : مكنخافش بحيث بابا غيحميني شفت فيه طلعت كتافي بمعني مكيهمنيش هزيت الساروت ديالي و خرجت بحالي مع الخرجة كنشوف بابا راجع معرفت فين كان بابا : بنتي هبة ماشية للمدرسة انا بست ليه راسو كيف ديما : اه ابابا جبد من جيبو 300 درهم عطها ليا بقيت غير كنشوف فيه انا : بابا راك عطيتني مصروف الشهر السيمانة لي فاتت بابا : هذو ليك خليهم عندك انا درت فيها مواطنة صالحة : بابا هذي كتسمى رشوة غير نطقت كلمة رشوة و سيد الرجال يبان حمزة : رشوة فين شكون ضحكني خديت الفلوس من بابا و بست ليه يديه حمزة : الوليد شتك دورتي معاها غير هي و انا معلياش الله بابا : سير بدل بساعة اخرى هههههههه مسكين خدام و كيشد زبابل ديال الفلوس و باغي تدويرا عاد لصقت فيه يوصلني للمدرسة غير وصلني قال ليا عيطي على صوفيا شديت تليفون دوزت نمرة ديال زهرة انا : الو زهرة سمع زهرة بدا يويل ديمرا الطومبيل مبقاش كيبان خلا غير الغبرة موراه طفيت التليفون بحيث انا اصلان متصلت بحد درتها ليه بالعاني صوفيا صاحبتي منبغيش خويا يعيشها فالاوهام و يخليها فالتالي واخة حتى هي مسهلاش سمعت الصوني مشيت كنجري باش ندخل قبل ميخرج فيا ذاك الشارف ديال المدير ولكن لقيت الجوقة حدا الباب ديال الليسي جات عندي صوفيا : ناري ياختي واش شفتيه كي داير انا : شكون جات حتى لبنى : واحد البوكوص واقف كيتسنى شي حد تما مهمنيش الامر اصلان انا هاذ السيمانة شفت بزاف ديال تتيز مفيا لي يشوف شي حاجة دابا بقيت مدابزة مع البشر باش ندخل قتلوني عاد دزت لباب تقول توم كروز لي جا لعندنا بففف البشر كيشوف الزين كيتلف بغيت ندخل و انا نسمع واحد الصوت مغريبش عليا دورت و جهي نشوف شكون و انا نتصدم للمرة المليون هاذ النهار هاذ الشي بزاف عليا
انا كنخنزر فيه : عمران شنو كدير هنا و غير عرفو بلي جاي لعندي البنات كلهم تجمعو عندي صبحان الله كلهم ولاو صحباتي فذيك ساعة لي عمري عرفتها كتجي عندي و تسلم عليها بصفتها صاحبتي الانتيم عصبوني البنات جريت عمران و بعدنا بفففف و الباب ديال الليسي تشدات قريت بكري انا هاذ العام انا : عمران شنو كدير هنا واش كتعرف شي حد هنا عمران شير ليا لباب شفتها تشدات طلعات كتفاني بجوج بمعني مشي سوقي عمران : باينة قراية مع راسك انا : و انا لي مكنسواش كو دخلت حسن ليا و لكن حتى دابا مزال الحال نمشي نرغب با مبارك يحل ليا الباب يالله بسلامة بغيت نمشي و هو يشد ليا فيدي : لا تسناي بغيت نهدر معاك انا : دابا جيتي لهنا باش تهدر معايا عمران بتسم واحد ابتسامة نساتني كلشي وااااو فاش كيضحك كيجي كيحمق : اه جيت باش نشوفك بحيث البارح هو بغى يهدر على البارح و انا نقاطعو : اذا زدتي كلمة على ذاك الشي لي وقع البارح انا غنمشي بحالي مبغيتش نتذكر شنو وقع البارح شد ليا فيدي باش منمشيش : لا بقاي انا بغيت نهدر معاكي يحليلي يكما تكلا فيا و بغى يرتابط بيا بلا متشوفو فيا هكذا راه ختكم بوكوصة ناري و يقول ليا نتصاحبو غنوافق و انا عنيا مغمضين شكون تشوف هاذ الزين و ترفض: وي فاش بغيتي نهدرو عمران : نقدو نمشيو نجلسو فشي بلاصة بوحدنا بحيث هاذ الهدرة مكتقالش فاي بلاصة خاصنا بلاصة هادئة باش نهدرو لا لا هذا معوالش على المصاحبة الراجل بغي يضرب الحديد حذو سخون غيطلب مني زواج ناري مبعيدش يقول ليا نتزوجو دابا ولكن مجبتش معايا لكارط ناسيونال بفففف انا ويلة كلبة واش كاين شي حد كيخرج بلا لاكرط : اوك نمشيو طلعت معاه فطومبيل و مشينا لواحد الكافي كطل على البحر هادئة بزاف طلب هو قهوة و انا طلبت عصير حامض بقيت كنتسناه ينوض و ينزل على ركبتو باش يطلب مني الزواج و طال الانتظار و هو ساكت كيتأمل فالبحر و انا كنتسنى على اعصابي شوية و هو يقاد الجلسة اويلي غيطلب مني زواج هو جالس صافي واخة معليش المهم هو نتزوجو شوية و هو يهدر عمران : هبة بصارحة انا بغيت نهدر معاك فموضوع مهم اه اه غير قولها انا قابلة قابلة غير نطق انا : شنو هو عمران : بصارحة انا بغيتك تكوني .... مخليتوش يكمل هدرتو و نطقت بالجهد : انا موافقة اه موافقة عمران بدا يضحك : ولكن انا باقي مقلت والو
انا : معليش واخة متقولهاش مباشرة بحيث الاغلبية ديال الرجال كيحشمو يطلبوها علنية عمران بدا يضرب فالطبلة بقوة الضحك و كلشي كيشوف فينا عمران : نتي خطيرة والله الحمقة شنو كيحسابك غنقول ليك ههههههه انا كيف البهيمة جاوبت بلا منحس : غتطلب مني الزواج عمران هنا تفركع بالضحك : هههههههههه ( قرب ليا كيشوف فعنيا ) عمري شفت فحياتي بنت كبحالك جريئة و دمها خفيف لهاذ الدرجة خنزرت فيه مزيان و بصارحة مرضيتش بحيث فهمت الموضوع كلو بالمقلوب : الويل الكحل شنو باغي متي على هاذ القبال عمران كيحاول ميبقاش يضحك : انا هههه بغيت نهدر ليك هههه على ملك انا : شوف ايما هدر ولا ضحك عمران كيتنفس : اووو صافي سمحي ليا ولكن معندي ميسالك كتعرفي تضحكي و والله مكنت كنضحك لكن نتا مزدقتيش ولكن غير صبر عليا نجيبك نجيبك : هههه اوى كمل هدرتك مالها ملك ياك قلت ليك متهدرش فالموضوع ديال البارح عمران : هبة انا بغيتك تعاوني ملك انا : شنو نعاونها علاش مالها عمران : بصارحة ملك نوعا ما هي كئيبة مكتهدر مع حد هي كتلوم راسها ليل نهار على الموت ديال ماماها انا : شنو واش مامها ميتة عاودلي باش نقد نعاونها واخة تعايرت انا و هي ولكن هي بالفعل دايرة كيف الملاك اسم على مسمى فلش سمعت بلي بنت فذاك السن جاها اكتئاب و كتلوم راسها على موت الام حسيت بالالم فصدري بقات فيا واخة نكون كنكره باها ولكن هي معندها ذنب و اذا كنت نقد نعاونها مغديش نتردد ولو لحظة عمران : قبل خمس سنين ملك كانت يالله كتحبو عندها ست شهور هكذاك كانت شمعة حداها طاحت على الخمية و شعلات فيها النار الام ديالها نسرين مكانتش فالبيت و غير بدا الدخان كينتشر فالدار جات كتجري باش تشوف شنو واقع لسوء الحظ كانت بوحدها فالدار مكانش سيف هي دخلات وسط العافية باش تخرج بنتها لي كانت كتبكي قدات كانها تلقى ملك و حماتها بروحها فاش كانت خارجة طاح عليها بلاكر لي كان كلو عافية لاحت ملك برا البيت و هي فقدات الوعي و بقات وسط العافية حتى شافو الجيران العافية شاعلة فالدار دخلو يشوفو شنو واقع لقاو ملك بعيدة على العافية كتبكي و نسرين فاقدت الوعي و كلها محروقة علما وصل الاسعاف هي ماتت القصة ديال ملك اتراث فيا بزاف بديت نبكي بلا منحس انا : و شنو المطلوب مني انا
بلا منحس انا : و شنو المطلوب مني انا عمران : ملك عرفات الحقيقة ديال موت مامها واخة حاولنا نخبعوها عليها ولكن عرفاتها من واحد الجارة قديمة ديالهم كانت حاضرة نهار الحادثة هي دابا كتلوم راسها على موت الام ديالها مكتهدر مع حد ديما بعيدة على ناس حتى الاب ديالها بعض المرات كتهرب منو و البارح لاول مرة كنشوفها كتفاعل مع شي حد و كتهدر معاه نتي اول وحدة هدرات معاها بطريقة طبيعية بلا برود انا شفت كلشي البارح كنت كنطل من السرجم و بصارحة كنظن بلي نتي الوحيدة لي قادة تخرجها من هاذ الوخدة لي فيها حرام بنت عندها خمس سنين انا : شنو كتجيك ملك و نسرين جاتني غريبة كيفاش كيدافع عليها و كيبغيها عمران : نسرين المرحومة ختي التوأم انا : سمح ليا الباركة فراسك مكنتش عارفة دابا عاد فهمت الاهتمام ديالك بملك عمران : ممشى معاك باس المهم واش غتعاونني نعول عليك شحال من دكتور نفسي ديناها ليه ولكن بلا فايدة نتي الامل وحيد ديالنا انا : اوك كون هاني انا غنعاون ذيك الملاك ولكن بشرط عمران : لي هو انا : مبغيت حتى احتكاك مع باها عمران : واخة كوني هانية انا : ناري هذي العشرة غيمشي عليا الحال نوض وصلني منين جبتيني عمران : ههههه واخة غير مضربيش
وصلني عمران للمدرسة دخلت لحصة ديال فزياء كنت مرفوعة مشي فهاذ العالم كنت كنفكر غير فملك كيفاش نقد نعاونها حسن عوان ختي مسكينة غتزوج بذاك الغول لي زدق ارمل و عندو بنت من الفوق و عاد صعيب تعامل معاه الله يصبرها و الله حتى مولاها حمد حسن ليها مي شنو دير هذا هو المكتاب لاحظت بلي القسم كلو داير كيشوف فيا و الاستاذ كيخنزر فيا مفهمت والو شنو درت عاوتاني الاستاذ : اوى شنو غيوقع من بعد ختك غتزوج بذاك الغول ولا بمولاها حمد انا جاوبتو كانني كنهدر مع دري لي جالس حدايا و الله محساب ليا الاستاذ : معندها مدير خاصها تزوج بالغول بزز منها القسم تهز و تحط بقوة الضحك انا عاد ضرباتني الفيقة ويلي و يلي كنت كنهدر بالجهد سمعو كلشي الاستاذ بدا يطلع دخان من راسو هزيت كتوباتي و خرجت بكرامتي قبل منتبهدل سبحان الله غير انا خرجت من القسم و انا يبان ليا الحارس العام ذاك الشكام ولد الهم كيوصل خباري كلو لهتلر بغيت نهرب و هو يقشعني ناري مشيت فيها من دابا خمسة دقايق توصل لخبار ليها هربت ليه فالدروج بغيت يبقى داخل ليه الشك واش انا ولا لا هاها وعاداو عارفتو فمن طحت عاوتاني بففف على نهار انا هاربة من جيهة ديال الادارة بالعاني باش منشوفش المدير العروبي و انا نخرج فيه بغيت نعرف واش هذي مدراسة ولا كورنيش لي جا يتسرى فيها الله ينعل لي ميحشم سير لبيرو ديالك الله لكيها ليك
قشعني با مبارك الله يعمرها دار عاوني خرجت بسلام غير خرجت لقيت تنائي ديال لبنى و صوفيا انا : بنات الحرام سلتو لبنى : شكون كيهدر انا : سكتي لمك راه ذاك عود الكراطة هو لي خرجني صوفيا : نمشيو ناكلو شوارمة شنو بان ليكم منها نشوفو تتيز لي خدام تما لبنى : والله لفكرة معتبرة راه فيا الموت ديال الجوع انا : خلصو عليا راني معندي حتى ريال صرف والو معنديش شنو بلا متقولو كذابة راه الوليد عطاني 300 درهم ورقة مشي صرف و هزيت معايا 100 درهم حتى هي ورقة معنديش الصرف اوى شدو فمكم راه مكاين ما حسن من الماكلة فابور لبنى : مزلوطة لي شاف باك موظف فشركة معروفة و كبيرة و مك حارسة عامة يقول هنا نبات و نتي 20 درهم متكسابيهاش بنت طيط راه عندي 400 درهم الكلبة ولكن اذا قلتها ليهم غيقولو ليا نخلص انا عليهم هاها والله لكانت ليكم ختكم كريمة فكلشي الا الفلوس مكيطيحوش عليا من السما و عاد تسمع هتلر خسرت 400 درهم فالماكلة تجيها سكتة قلبية صوفيا : اذوك الشيخات راه حتى انا معندي حتى ريال لبنى : و انا كنكساب غير 30 درهم صافي صوفيا : الله يمسخكم قلنا ناكلو شوارمة ساعة معاكم غناكلو مشي غير شوارمة غناكلو زمر انا : حشاك اذيك الكلبة خليونا من شي ماكلة سيري كولي فداركم و هنينا لبنى : لا لا عندي فكرة حسن علاش منضبروش على شي فكتيم بوكو عاقة هو يغدينا ناري شحال هذي مدرت شي زبلة قدي بصارحة كنت مولفة ندير هاذ القضية منين كنت فالسيزيام مي غير مع ولاد ليسي عمري تجرأت نشوف فشي واحد كبير بطومبيل اوى نجرب هاذ المرة على الله نطيح فشي تتيز لبنى : اوى شنو نديرو قولي لينا ا استاذة صوفيا : اول حاجة حيدو عليا ذوك الطبليات و هاكو هاذ المكياج قادو حالتكم مزيان و هما غيدوزو من حداكم و ذيك ساعة نفرجكم فيهم درنا ذاك الشي لي قالت لينا و هو يدوز واحد بالطومبيل زاج كحل مبان لينا والو وقف و هو يخرج واحد الشارف سلامة يا مولانا انا تخبعت مور صوفيا و لبنى تخلعت ليجي يغتصب والديا الشارف : شنو الغزالات منديروش دورة بالطومبيل صوفيا بدات تعاير و تسب فيه حتى جمعات عليه عباد الله و هو يمشي بحالو انا : الزمر يالله تمشيو معايا لدار حسن تما ناكلو لي بغينا بلا هاذ الشوهة لبنى : و نعمة الافكار عندك بغيتي مك تمضغنا و دوزنا مع جغيمة ديال الما واش بعقلك ولا لا
لبنى : و نعمة الافكار عندك بغيتي مك تمضغنا و دوزنا مع جغيمة ديال الما واش بعقلك ولا لا انا : مبانش ليا فهاذ البلان من اللول غتوقع شي كارثة و انا اكبر حمارة منين متبعاكم دازت طومبيل اخرى واعرة و وقفات بدات تكلاكسوني علينا درنا فيها بثلاثة عزة النفس و حنا بنات دارنا محترمات و هي الطومبيل توقف لا دابا قلبي بغى يوقف حتى خرج مول طومبيل و انا نكحل بالعمى صوفيا : حبيبي هذا نتا مشات كتعنق فيه و تبوس غير صبر احمزة اذا مقلتهاش لزهرة منتسماش هبة قشعت فالطومببل معاه شي حد اخر مي مقديتش نعرف شكون حمزة كيعيط ليا : طلعي اذيك السلايتية مشيت حليت الطومبيل و طلعت و انا نلقى الغول تما و معاه ملك و نورهان صوفيا و لبنى مشاو بحالهم و انا مشيت مع العائلة السعيدة الله يخرج العاقبة على خير
نورهان : هبة ياك قارية خارجة حتى ل12 انا : وي مي خرجني عود الكراطة بحيث كنت كنفكر بالجهد حمزة : قولي كتحلمي مشي كتفكري على نتي اصلان فقاش معمرك فكرتي بغيت غير نحل ذاك الراس نطل طليلة نشوف شنو فيه انا : سوك سوك و باركة من الهدرة الخاوية شفت ملك جاسة و ساكتة تذكرت شنو قال ليا عمران فالصباح و بقيت ساهية فيا حتى نطقات هي ملك : علاش كتشوفي فيا انا : متخافيش مغديش نعينك ملك : خمسة و خميس عليا دابا هذي مريضة بالاكتئاب راه انا لي مكتأبة و خاصني طبيب نفساني مشي هي شفتها كتاكل شيبس شهاتني فيها نيت انا فيا الجوععععع انا : دوقيني ملك : لا مديتهاش فيها و هزيت حفنة ملك : حلوفة انا : شنو انا اذيك شنيولة ملك : بزاف عليك انا سميتي ملك انا : angle وي عارفة ملك : سميتي ملك مشي انجل انا : اه عارفة سميتك انجل ملك : ولا سميتي ملك ملك واش مكتفهميش مشي انجل انا : وهي دابا نتي مشي ملك ملك : بابا هدر معا هذي العقروشة لوخرة لاش هاذ الغول : شوفي اذا كنتي غتدخلي الغول بغيت نقول باك بيناتنا فانا مكنعرفك منتي كتعرفني ملك بقات كتدور فعنيها : صافي واخة بابا متشوفش هذي عليا كلشي تفركع بالضحك على هدرتها انا : و دابا دوقيني ملك : لا حتى تقولي ليا شنو سميتك انا : و راني قلت ليك من قبل شنو سميتي نقز حمزة من بلاصتو : سميتها ماما غولة انا : ماما غولة هي لي غتشوفها منين غتوصل لزهرة التصويرة ديالك و نتا معنق صوفيا و كتبوس فيها حمزة كيسوق و كيرغب : الله يرحم ليك ولديك لما تمسحيها غير امري و انا نفد هاها خويا مسكين : اوك اول حاجة متقول لهتلر والو على المدرسة ثاني حاجة فيا الجوع بغيت ناكل
دخلت لمطعم و عجبني الحال وااااو كبير و زوين كيحمق بانو ليا غير الشخصيات المهمة لي فالبلاد بقيت غير ندور فعنيا جلسنا فوق الطبلة و جا السرباي كل واحد و شنو طلب تغدينا فجو مليئ بالهدوء جاب ليا النعاس مقديتش نصبر كثر غير ساليت خرجت من تما و خليتهم كيكملو غداهم حمزة : فين ماشية انا : مليت بغيت نتمشى شوية مغديش نبعد بزاف شفت فملك حتى هي باينة عليا ملات من الجو طاحت فبالي فكرة ولكن خاصني ناخد الاذن من الغول و انا محاملاش نهدر معاه بفففف انا : انجل شنو بان ليك تمشي معايا بقات كتشوف فيا و فباها و جاوبات بكل برائة : بابا مغديش يبغي شاف فيها سيف و شاف فيا كان غيوافق و لكن وجه الحبس ديال خويا نطق حمزة : نتي براسك خاصك لي يحطيك ملك بانو علامات الحزن على وجها شفت فيها بقات فيا : اوى يالله نتا معانا حمزة كتهدر و هو كياكل : انا مزال مكملت غدايا. انا : تاكل فيه جغديل حمزة : ها هو سيف يمشي معاك ااااااااا لا اويلي الا هو بالناقص من هاذ المشية جبدت النحل على راسي بلا منحس بفففف الويل الكحل ديال خويا خاص لي قاد ليه ذاك الفم باش يتعلم يهدر سيف: واخة انا غنمشي معاكم بغيت نعاود نرجع لبلاصتي و نجلس ولكن غير شفت ملك ناضت فرحانة مقديتش نحرمها من ذيك الفرحة و مشيت بزز مني انا لمي لي قلبت عليها شديت فيد ملك و سبقنا الغول هو بقا تابعنا من اللور ملك : تسناي يجي بابا انا : لا مبغيتش الغول يمشي معانا ملك : الغول شكون هو الغول ويلي ويلي حشومة نهدر حدا البنت بهاذ الطريقة على باها : نو حتى واحد بغيت نقول غير خلينا حنا بجوج بنات نمشيو بوحدنا ملك : ولكن بابا مسكين غيبقى بوحدو عصباتني و راه اعباد الله مبغاش نمشي معاه كي غندير نفهمها ليها انا : بغيتي باك سيري عندو انا مشداكش ملك دارت كتشوف فسيف و كتشوف فيا طلقت من يديها باش تمشي عندو ولكن هي عاودات شدات فيدي بصارحة فرحت بحيث ممشاتش عند الغول دزنا من حدا واحد الخصة كبيرة و الما كيترش ملك تخبعات فيا عمري شفت شي حد كيخاف من الما لهاذ الدرجة بدات تبكي نزلت للمستوى ديالها و بديت نشوف فعنيها لي عامرين دموع انا : ملك حبيبة واش خايفة من الما
ملك و هي كتبكي : اه انا كنخاف من الما فاش كنت صغيرة كنت غراقيت بزاف ديال المرات على نتي كبيرة دابا الله يهديك خاصني نحيد منها هاذ الخوف و عندي فكرة روعة طلقت منها و مشيت قصت فالما لي خارج من الخصة و عيطت عليها مبغاتش تجي سيف كان كيراقب من بعيد هزيت حفنة ديال الما فيدي و خويتها عليها انا : بوعععععع يكما الما كلاك بقات تغوت و تبكي فاش رشيتها ولكن من بعد فاش شافت موقع ليها والو تهدنات كيبان ليا بلي عائلتها و باها كانو ديما كيبعدوها على الاشياء لي كتخاف منها ولكن بهاذ الطريقة غتبقى طول عمرها كتخاف اما اذا واجهت الخوف ديالها هكذا غتغير لاحسن رجعت لخصة و طلبت منها للمرة تانية تجي عندي كانت مترردة فاللول ولكن من بعد بدات تقرب لعندي شوية بشوية قربات للخصة و بدات كتقيص فالما و كتضحك وااااو كتحمق فاش كتضحك دايرة كبحال الملاك مشاء الله عليها غير انا رخفت ليها بنت الحرام دفعاتني فوسط الخصة جيت جالسة فالوسط كولي فزكت بقيت نشوف فيها شوفات ديال القتيلة و انا نوض ليها بدات تهرب ليا ولكن متهنيت حتى دخلتها وسط الخصة فزكنا مزيان حسيت بالما دخل ليا لسليب ديالي بفففف جاني الموت ديال البرد ولكن مسخيتش نخرج من تما بقينا نلعبو بجوج و نضحكو حتى جا حمزة و بدا يغوت عليا حمزة : واش حمقة ولا شنو خرجي من تما ملك حتى نتي خرجي يالله شفت فملك و هي فهماتني ناري لقيت توأم ديالي البنا فهماتني غير من الشوفة بدينا نرشو فيه حتى فزك مسكين دخلناه حتى هو و بدينا نلعبو بثلاثة حتى جا الغول و خرجنا سيف : خاصنا نمشيو و زايدون تحرك البرد خرجو من تما واخة مبغاش نسمع هدرتو ولكن عندو الحق و انا عاد جاني البرد بزاف كثر من قانون خرجت انا اللولة و تبعاتني ملك و مشيت لطومبيل عطاتني ختي انا و ملك واحد الشال تخشينا فيه بجوج شوية بديت نحس بالحرارة طالعة معايا بقيت غير نفقف بلاصتي شافتني نورهان فذيك الحالة بدات تفيق فيا انا كنت شبه واعية كنسمع ولكن مكنقدش نجاوب نورهان : هبة مالك هبة حمزة دار لعندها كان سيف لي سايق : مالها قاس جبهتي لقاها سخونة بزاف حمزة : سخونة سيف خويا عتق دينا لاقرب سبيطار هنا البنت حرارتها مرتفعة بزااااف هذي اخر جملة سمعتها قبل منغيب فمرة
زوجوني زوج اختي الجزء الثالث
محتوى القصة
ﺑﺪﺍ ﺍﻟﻮﻋﻲ ﻳﺮﺟﻊ ﻟﻴﺎ ﻭﻟﻜﻦ ﻛﺎﻧﺖ ﺍﻟﺮﺅﻳﺎ ﻣﺸﻮﺷﺔ ﺑﻘﻴﺖ ﻣﺪﺓ ﻋﺎﺩ ﻗﺪﻳﺖ
ﻧﺴﺘﻮﻋﺐ ﺷﻨﻮ ﻭﺍﻗﻊ
ﻛﻨﺴﻤﻊ ﻣﺎﻣﺎ ﻛﺘﻬﺪﺭ ﻭ ﻛﺘﺒﻜﻲ : ﺑﻨﺘﻲ ﻭﺍﺵ ﻛﺘﺴﻤﻌﻨﻲ ﺍﻟﺤﺒﻴﺒﺔ ﺩﻳﺎﻝ ﻣﺎﻣﻬﺎ
ﻓﻴﻘﻲ ﻋﻔﺎﻙ ﻓﻴﻘﻲ ﺍﺑﻨﺘﻲ ﺭﺍﻙ ﺧﻠﻌﺘﻴﻨﻲ ﻋﻠﻴﻚ
ﺑﻐﻴﺖ ﻧﺠﺎﻭﺑﻬﺎ ﻭﻟﻜﻦ ﻟﺴﺎﻧﻲ ﻛﺎﻥ ﺗﻘﻴﻞ ﺑﺰﺍﻑ ﻣﻘﺪﻳﺘﺶ ﻧﻬﺪﺭ
ﺳﻤﻌﺖ ﺻﻮﺕ ﺣﻤﺰﺓ ﺣﺘﻰ ﻫﻮ : ﺍﻟﻮﻟﻴﺪﺓ ﻏﻴﺮ ﺑﺸﻮﻳﺔ ﻋﻠﻴﻬﺎ ﻫﻲ ﻏﺘﻔﻴﻖ ﻏﻴﺮ
ﺗﻬﺪﻧﻲ
ﻣﻔﻬﻤﺘﺶ ﺷﻨﻮ ﻭﺍﻗﻊ ﻋﻼﺵ ﻫﺎﺫ ﺍﻟﺸﻲ ﻛﺎﻣﻞ ﺷﻨﻮ ﻭﻗﻊ ﻟﻴﺎ ﺍﺧﺮ ﺣﺎﺟﺔ
ﻋﺎﻗﻠﺔ ﻋﻠﻴﻬﺎ ﻫﻲ ﺍﻧﻨﻲ ﻛﻨﺖ ﻓﺎﻟﻄﻮﻣﺒﻴﻞ ﻣﻌﺎﻫﻢ ﻭ ﺩﺍﺑﺎ ﺍﻧﺎ ﻣﻌﺮﻓﺖ ﻓﻴﻦ ﻭ
ﻣﻘﺎﺩﺓ ﻧﺤﺮﻙ ﺣﺘﻰ ﺟﺰﺀ ﻣﻨﻲ ﺫﺍﺗﻲ ﻛﻠﻬﺎ ﺛﻘﻠﺔ ﻛﻨﺴﻤﻊ ﻭ ﻛﻨﺤﺲ ﺑﺸﻨﻮ
ﻛﻴﺪﻭﺭ ﻭ ﺻﺎﻓﻲ ﺷﻮﻳﺔ ﺑﺸﻮﻳﺔ ﺑﺪﻳﺖ ﻧﺤﺲ ﺑﺎﻟﻨﻌﺎﺱ ﻭ ﻏﻤﻀﺖ ﻋﻴﻨﻲ ﻣﺒﻘﻴﺖ
ﺣﺴﻴﺖ ﺑﻮﺍﻟﻮ
ﺍﻟﻄﺒﻴﺐ ﻛﻴﻬﺪﻥ ﻓﻨﺮﻣﻴﻦ : ﻻﻟﺔ ﻣﺘﺨﺎﻓﻴﺶ ﻫﻲ ﻏﺘﻔﻴﻖ ﻋﻦ ﻗﺮﻳﺐ
ﺑﺪﺍﺕ ﻧﺮﻣﻴﻦ ﻛﺘﻐﻮﺕ ﻭ ﺗﺒﻜﻲ : ﻭﺍﺵ ﻛﺘﻀﺤﻚ ﻋﻠﻴﺎ ﻫﺬﻱ ﻫﻲ ﺍﻟﻬﺪﺭﺓ ﻟﻲ
ﻗﻠﺘﻲ ﻟﻴﺎ ﻫﺬﻱ ﻳﻮﻣﺎﻳﻦ ﺍﻫﺊ ﺍﻫﺊ ﺑﻨﺘﻲ ﻫﺬﻱ ﻳﻮﻣﺎﻳﻦ ﻭ ﻫﻲ ﻣﻐﻴﺒﺔ ﻭ ﻟﺤﺪ
ﺍﻻﻥ ﻣﻘﺪﺍﺗﺶ ﺗﺤﻞ ﻋﻨﻴﻬﺎ
ﺍﻟﻄﺒﻴﺐ : ﻻﻟﺔ ﺭﺍﺡ ﺣﺎﻟﺔ ﺩﻳﺎﻝ ﺑﻨﺘﻚ ﻣﻜﺎﻧﺘﺶ ﺳﺎﻫﻠﺔ ﻫﻲ ﺭﺍﻫﺎ ﺟﺎﺕ ﻋﻨﺪﻧﺎ ﻭ
ﻫﻲ ﻛﺘﻤﻮﺕ ﻣﻌﺠﺰﺓ ﻭﻗﻌﺎﺕ ﻭ ﺑﻘﺎﺕ ﻋﺎﻳﺸﺔ ﺣﺮﺍﺭﺗﻬﺎ ﻭﺻﻼﺕ ﻝ 49 ﺩﺭﺟﺔ
ﻛﺎﻥ ﻳﻤﻜﻦ ﻟﻴﻬﺎ ﺗﻤﻮﺕ ﻓﺎﻱ ﻟﺤﻈﺔ ﺧﺎﺻﻚ ﺗﺤﻤﺪﻱ ﺍﻟﻠﻪ ﺍﻧﻬﺎ ﺑﺎﻗﺔ ﻋﺎﻳﺸﺔ ﻟﺤﺪ
ﺍﻻﻥ ﻭ ﻗﺪﻳﻨﺎ ﻧﺨﻔﻀﻮ ﺩﺭﺟﺔ ﺍﻟﺤﺮﺍﺭﺓ ﺩﻳﺎﻟﻬﺎ
ﻣﺮﻭﺍﻥ : ﻣﻔﻬﻤﺘﺶ ﻛﻴﻔﺎﺵ ﺑﺮﺩ ﻋﺎﺩﻱ ﻭﺻﻞ ﺍﻟﺒﻨﺖ ﻟﻬﺎﺫ ﺍﻟﺤﺎﻟﺔ
ﺍﻟﻄﺒﻴﺐ : ﺳﻤﺢ ﻟﻴﺎ ﻭﻟﻜﻦ ﻫﺬﺍ ﻣﺸﻲ ﺑﺮﺩ ﻋﺎﺩﻱ ﺑﻨﺘﻚ ﻋﻨﺪﻫﺎ ﺍﻟﺘﻬﺎﺏ ﺭﺋﻮﻱ
ﺣﺎﺩ ﻫﻮ ﻟﻲ ﻛﺎﻥ ﺍﻟﺴﺒﺎﺏ ﺑﺎﺵ ﻭﺻﻼﺕ ﻟﻬﺎﺫ ﺍﻟﺤﺎﻟﺔ
ﺑﺪﺍﺕ ﻧﺮﻣﻴﻦ ﻛﺘﺒﻜﻲ ﻭ ﻧﻮﺭﻫﺎﻥ ﻛﺘﻬﺪﻥ ﻓﻴﻬﺎ
ﺣﻤﺰﺓ : ﻭ ﺩﺍﺑﺎ ﺷﻨﻮ ﻧﻘﺪﻭ ﻧﺪﻳﺮﻭ ﻭﺍﺵ ﻏﺘﺒﻘﻰ ﻧﺎﻋﺴﺔ ﻭﻻ ﺷﻨﻮ
ﺍﻟﻄﺒﻴﺐ : ﺣﻨﺎ ﻋﻄﻴﻨﺎﻫﺎ ﺑﺰﺍﻑ ﺩﻳﺎﻝ ﺍﻟﻤﻬﺪﺋﺎﺕ ﻭ ﺍﻻﺩﻭﻳﺔ ﺑﺎﺵ ﻧﺨﻔﻀﻮ ﺩﺭﺟﺔ
ﺍﻟﺤﺮﺍﺭﺓ ﺩﻳﺎﻟﻬﺎ ﻭ ﻧﻌﺎﻟﺠﻮ ﺍﻻﻟﺘﻬﺎﺏ ﺍﻟﺮﺋﻮﻱ ﺩﻳﺎﻟﻬﺎ ﺟﺴﻤﻬﺎ ﻣﻘﺪﺵ ﺍﻧﻪ ﻳﺘﺤﻤﻞ
ﻫﺎﺫ ﺍﻻﺩﻭﻳﺔ ﻛﺎﻣﻠﺔ ﻋﻲ ﻓﺎﻳﻘﺔ ﻭ ﻭﺍﻋﻴﺔ ﻛﺘﺴﻤﻌﻜﻢ ﻭﻟﻜﻦ ﺟﺴﻤﻬﺎ ﺭﺍﻓﺾﻳﺴﺘﺠﺐ ﻟﻴﻬﺎ ﻭ ﻣﺮﺓ ﺍﺧﺮﻯ ﻛﻨﻘﻮﻝ ﻟﻴﻜﻢ ﺑﻠﻲ ﺍﻥ ﺍﻟﺤﺮﺍﺭﺓ ﻟﻲ
ﻣﻌﺠﺰﺓ ﻭﻗﻌﺎﺕ ﻭ ﺑﻘﺎﺕ ﻋﺎﻳﺸﺔ ﺣﺮﺍﺭﺗﻬﺎ ﻭﺻﻼﺕ ﻝ 49 ﺩﺭﺟﺔ ﻛﺎﻥ ﻳﻤﻜﻦ
ﻟﻴﻬﺎ ﺗﻤﻮﺕ ﻓﺎﻱ ﻟﺤﻈﺔ ﺧﺎﺻﻚ ﺗﺤﻤﺪﻱ ﺍﻟﻠﻪ ﺍﻧﻬﺎ ﺑﺎﻗﺔ ﻋﺎﻳﺸﺔ ﻟﺤﺪ ﺍﻻﻥ ﻭﻗﺪﻳﻨﺎ ﻧﺨﻔﻀﻮ ﺩﺭﺟﺔ ﺍﻟﺤﺮﺍﺭﺓ ﺩﻳﺎﻟﻬﺎ
ﻣﺮﻭﺍﻥ : ﻣﻔﻬﻤﺘﺶ ﻛﻴﻔﺎﺵ ﺑﺮﺩ ﻋﺎﺩﻱ ﻭﺻﻞ ﺍﻟﺒﻨﺖ ﻟﻬﺎﺫ ﺍﻟﺤﺎﻟﺔ
ﺍﻟﻄﺒﻴﺐ : ﺳﻤﺢ ﻟﻴﺎ ﻭﻟﻜﻦ ﻫﺬﺍ ﻣﺸﻲ ﺑﺮﺩ ﻋﺎﺩﻱ ﺑﻨﺘﻚ ﻋﻨﺪﻫﺎ ﺍﻟﺘﻬﺎﺏ ﺭﺋﻮﻱ
ﺣﺎﺩ ﻫﻮ ﻟﻲ ﻛﺎﻥ ﺍﻟﺴﺒﺎﺏ ﺑﺎﺵ ﻭﺻﻼﺕ ﻟﻬﺎﺫ ﺍﻟﺤﺎﻟﺔ
ﺑﺪﺍﺕ ﻧﺮﻣﻴﻦ ﻛﺘﺒﻜﻲ ﻭ ﻧﻮﺭﻫﺎﻥ ﻛﺘﻬﺪﻥ ﻓﻴﻬﺎ
ﺣﻤﺰﺓ : ﻭ ﺩﺍﺑﺎ ﺷﻨﻮ ﻧﻘﺪﻭ ﻧﺪﻳﺮﻭ ﻭﺍﺵ ﻏﺘﺒﻘﻰ ﻧﺎﻋﺴﺔ ﻭﻻ ﺷﻨﻮﺷﻨﻮ..
ﺍﻟﻄﺒﻴﺐ : ﺣﻨﺎ ﻋﻄﻴﻨﺎﻫﺎ ﺑﺰﺍﻑ ﺩﻳﺎﻝ ﺍﻟﻤﻬﺪﺋﺎﺕ ﻭ ﺍﻻﺩﻭﻳﺔ ﺑﺎﺵ ﻧﺨﻔﻀﻮ ﺩﺭﺟﺔ
ﺍﻟﺤﺮﺍﺭﺓ ﺩﻳﺎﻟﻬﺎ ﻭ ﻧﻌﺎﻟﺠﻮ ﺍﻻﻟﺘﻬﺎﺏ ﺍﻟﺮﺋﻮﻱ ﺩﻳﺎﻟﻬﺎ ﺟﺴﻤﻬﺎ ﻣﻘﺪﺵ ﺍﻧﻪ ﻳﺘﺤﻤﻞ
ﻫﺎﺫ ﺍﻻﺩﻭﻳﺔ ﻛﺎﻣﻠﺔ ﻋﻲ ﻓﺎﻳﻘﺔ ﻭ ﻭﺍﻋﻴﺔ ﻛﺘﺴﻤﻌﻜﻢ ﻭﻟﻜﻦ ﺟﺴﻤﻬﺎ ﺭﺍﻓﺾ
ﻳﺴﺘﺠﺐ ﻟﻴﻬﺎ ﻭ ﻣﺮﺓ ﺍﺧﺮﻯ ﻛﻨﻘﻮﻝ ﻟﻴﻜﻢ ﺑﻠﻲ ﺍﻥ ﺍﻟﺤﺮﺍﺭﺓ ﻟﻲ ﻭﺻﻼﺕ ﻟﻴﻬﺎ
ﻣﻜﺎﻧﺘﺶ ﺳﺎﻫﻠﺔ 49 ﺭﺍﻫﺎ ﺣﺮﺍﺭﺓ ﻛﺘﻘﺘﻞ ﻫﻲ ﺧﺎﺻﻬﺎ ﺗﺒﻘﻰ ﺗﺤﺖ ﺍﻟﻤﺮﺍﻗﺒﺔ
ﺩﻳﺎﻟﻨﺎ ﻫﺎﺫ ﺍﻻﻳﺎﻡ ﺣﺘﻰ ﺗﺤﺴﻦ ﺍﻟﺤﺎﻟﺔ ﺩﻳﺎﻟﻬﺎ ﻭ ﻛﻨﺘﻤﻨﻰ ﻟﻴﻬﺎ ﺍﻟﺸﻔﺎﺀ ﺍﻟﻌﺎﺟﻞ
ﺳﻤﺤﻮﻟﻴﺎ ﺩﺍﺑﺎ ﻋﻨﺪﻱ ﻋﻤﻠﻴﺔ ﺧﺎﺻﻨﻲ ﻧﻤﺸﻲ
ﻣﺮﻭﺍﻥ : ﺷﻜﺮﺍ ﺍﺩﻛﺘﻮﺭ
ﻧﺮﻣﻴﻦ : ﺑﻨﺘﻲ ﺑﻨﺘﻲ ﺍﻟﺤﺎﺝ ﺑﻨﺘﻲ ﻛﺘﻤﻮﺕ
ﺣﻤﺰﺓ : ﺍﻟﻮﻟﻴﺪﺓ ﺍﻟﻠﻪ ﻳﻬﺪﻳﻚ ﻫﺒﺔ ﺍﻧﺴﺎﻧﺔ ﻗﻮﻳﺔ ﻭ ﻏﺘﺮﺟﻊ ﻟﻴﻨﺎ ﺑﺨﻴﺮ ﻫﺎ ﻧﺘﻲ
ﻏﺘﺸﻮﻓﻲ ﻏﺪﺍ ﻏﺘﻠﻘﺎﻳﻬﺎ ﺣﺪﺍﻙ ﻛﺘﻨﻘﺰ ﻭ ﻛﺪﻳﺮ ﻓﺎﻟﻤﺼﺎﺋﺐ ﺩﻳﺎﻟﻬﺎ ﻛﻴﻒ ﺩﻳﻤﺎ
ﻣﺮﻭﺍﻥ : ﻏﻴﺮ ﺗﻬﻨﺎﻱ ﻫﺒﺔ ﻏﺘﻜﻮﻥ ﺑﺨﻴﺮ ﻫﺬﻳﻚ ﺑﻨﺘﻲ ﻭ ﺍﻧﺎ ﻛﻨﻌﺮﻓﻬﺎ ﻣﺰﻳﺎﻥ
ﻛﻴﻒ ﻗﺎﻝ ﺣﻤﺰﺓ ﻋﻲ ﻗﻮﻳﺔ ﺑﺰﺍﻑ ﻣﺮﺽ ﻛﺒﺤﺎﻝ ﻫﺬﺍ ﻣﻐﺪﻳﺶ ﻳﻐﻠﺒﻬﺎ
ﺟﺎﺕ ﻓﺮﺡ ﻫﻲ ﻭ ﻋﻤﺮﺍﻥ ﻭ ﻣﻌﺎﻫﻢ ﺳﻴﻒ ﻭ ﻣﻠﻚ ﻟﻲ ﻛﺎﻧﺖ ﻛﺘﺒﻜﻲ
ﻓﺮﺡ : ﻛﻴﻒ ﻭﻻﺕ.ﻣﺮﻭﺍﻥ : ﺑﺎﻗﺔ ﻣﻐﻴﺒﺔ
التنقل بين الأجزاء