عشق و كبرياء الجزء السابع

في فيلا اليوسفي ←

جهاد جالس فالحديقة كيشرب قهوة و هاز الفون كيبقشش فيه .. شوية و هو يحس بيدين تحطو على عنيه كيحجبو عليه الرؤية .. هو عرفهم دياول من مي بقا بلا ميدير اي رد فعل .. حتى حس بها حدا و دنيه كتهدر معاه بهمس الشيئ الي جعلو اتبورش ..

رجاء : ( بهمس ) شكووووون انا ههه ..

جهاد : ( حيد ليها يدها على عنيه و هدر بكل برود ) شكون غيدير بحال هاد فعايل التبرهيش من غيرك .. ارجاء ..

رجاء : (مشات وقفات قدامو ) هاا تبرهيش .. مكاين شي برهوش قدك العجل ..

جهاد : اممم .. ااه انا برهوش و عجل .. كاينة شي صفة اخرى مزال مقلتيها ؟ 

رجاء : جهاد ! مالك هاد الصباح حالك معاجبنيش ..

جهاد : ( بصوت شبه مسموع ) فين عمر حالي عجبك ..

رجاء : هاا .. ( جلسات قبالتو ) قلتي شي حاجة ؟

جهاد : نو ما قلت والو ..

رجاء : اووكي .. ااش بان ليك نخرجو هاد العشية نمشيو ل..

ريم : Good morning ..

جهاد و رجاء تلفتو كانت ريم جايا عندهم .. رجاء كي شافتها و هي تخنزر فيها .. عكس جهاد الي استقبلها بابتسامة ..

جهاد : ( بابتسامة ) Good morning ..

رجاء : ( بابتسامة صفرة ) هاي ريم .. ااش جابك على الصباح ؟

ريم : سمحو ليا حينت جيت بلا موعد .. مي بغيت نطمئن و نشوف جهاد كيف بقا .. ( شافت فجهاد ) كي وليتي شوية ؟

جهاد : الحمدلله في تحسن .. و ما عندك علاش تاسفي ( شاف فرجاء ) و مرحبا بك فاي وقت .. تفضلي جلسي تفطري معنا ..

ريم : شكراا .. 

جلسات ريم حدا جهاد هي وياه مقابلين مع رجاء .. الي تزيرات منين قمعها جهاد بطريقة غير مباشرة .. مستحملاتش اعاملها هاكا وهو الي ديما شاد ليها الخاطر و صابر على هبالها .. حسات بلي تبدل فمعاملتو معها و قليل فين كيضحك معها .. بقات حادرة راسها كتلعب بيديها .. بينما جهاد عيط للخدامة اجيبو لريم الفطور ..

ريم : جهاد فراسك بلي عندك نادي للمعجبين خاص بيك .. ههه و انا هي رئيسة النادي .. 

جهاد : هه نو مكانتش فخباري .. 

رجاء : ( باستهزاء ) نادي ديال المعجبين ! ههه ما جاكش هادشي طفولي شوية .. راك ماشي مراهقة زعما ..

جهاد : ( تعصب ) رجااااء ..

رجاء : مالي شنو قلت .. انا غير عبرت على رأي ديالي فقط ..

ريم : جهاد غير خليها ماشي مشكيل .. حنا درنا هاد fan club باسم جهاد باش نشجعوه .. و كان نجمعو نقود وكنتبرعو بها للمحتاجين باسمو .. و كنضمو مباريات للاطفال الي كيعشقو كرة القدم .. و معجبين بجهاد و كيحسبوه مثالهم الاعلى .. وهادشي لدعم جهاد و جعل صورتو احسن .. عكس الكلوبز الي على بالك الي كيديرو المراهقات بهدف التعناب و تمضية الوقت ..

جهاد : امم معرفت منقول لك ا ريم .. كنشكرك بزاف على المجهودات الي كديرو وديما كيوصلوني رسائل المعجبين عن طريقكم كيشجعوني و اشكروني لاني كنمتلهم .. الصراحة مكنتش عارف بلي نتي هي رئيسة النادي .. على هاد الحساب كتساليني عراضة فاعلة تاركة ..

ريم : معندك علاش تشكرني .. تستاحق اكتر نتا راك البطل ديالنا و مشرف بلادنا فينما مشيتي .. و لعراضة بالفرحات عليا هداك هو النهار الكبير ..

هما بقاو مجمعين و شادين اطراف الحديث .. و رجاء حاضياهم و بغات طرطق دايرينها بحال الى مكيناش .. و قتما شافت جهاد كيضحك لريم كتهز كاس ديال لما تجغم منو بالفقصة .. مبقاتش قدرات تصبر و هي تجمع الوقفة و تمات داخلة للفيلا .. جهاد شافها ناضت و تبعها بعنيه حتى مبقاتش كتبان و رجع كيهضر مع ريم .. من بعد مدة ريم توادعات معاه و مشات فحالها .. جهاد دخل لداخل بقا كيقلب على رجاء فالصالة مبانتش ليه و طلع لبيتو ..

رجاء دخلات لبيت إسراء و بقات غادة جاية و كتهضر مع راسها ..

رجاء : و زوينة هادي هادشي الي خاصني السيدة و لفاتها .. غادي تبقا غاديا خيطي بيطي عليا هنايا .. حتا انا و الله منتزحزح ليها منهنا .. قالت ليك رئيسة نادي المعجبات ديالو .. اويلي هما شحال بالسلامة حتى دايرين نادي كاع .. و السيد عاجبو الحال وقمعني قدامها .. وعارض عليها مزال اوى الى بقات فيك اسي جهاد اجي عكر ليا .. و مغاديش نخليكم تخرجو بوحدكم الراس فالراس خاصني ضروري نتحرك ..

بقات رجاء فغرفة ديال اسراء صاقلة و صلات وقيت الغدا و مهبطاتش .. مبغاتش تشوفو و هما ايسحابلهم مشات فحالها .. شوية تحل الباب و دخلات اسراء شافتها مكسلة فوق الناموسية و كتشوف فالسقف ..

إسراء : بيتش ااش كديري مازال مامشيتي فحالك ؟ 

رجاء : ( هزات فيها راسها ) و شكون قال ليك انا غادا .. بت نبت هنا .. 

إسراء : ههه اووكي .. الي عجبك .. ( كتبدل حوايجها ) تغديتي مع الدار ؟

رجاء : نوو .. 

إسراء : وعلاش ؟؟

رجاء : معندوش منين ادوز ..

إسراء : لواه انتي مسدودة ليك الشاهية لعجب .. ( لبسات سيرفيت و مشات تسرحات حدا رجاء ) اوى وشنو السبب ؟

رجاء : مكاين حتى سبب هكاك وصافي .. ( سكتات شوية ) ااه كداز الغدا مع الحبيب ؟ 

إسراء : ( ناضت تقادات فالجلسة مقابلة مع رجاء ) ( بابتسامة واصلة حتى الودنين ) مشينا كلينا السوشي صدق عندنا تفس الدوق فالاكل .. حتى هو عزيز عليه الأكل الآسيوي .. 

رجاء : مزيان بصحتكم ..

إسراء : الله اعطيك الصحة . غير هو فاش مشيت عندو للشركة شفت ديك المساعدة تماك .. مكنرتاحش ليها تقيلة على القلب .. و هي كضل معاه و تشوفو يوميا اكيد غادي طيح فيه اولا ..

رجاء : هاااي على الناس كيغيرو .. و لكن منحقك آدم مكينش شي وحدة الي ميعجبهاش و هو كامل مكمول .. مي غير كوني هاني كيبان تقيل ماشي اي وحدة تجي تلعب عليه ..

إسراء : عندك الحق .. آدم مكاينش بحالو هه .. ااه شفتي جهاد هاد الصباح ؟

رجاء : ااه شفتو .. و كون غير ماشفتو ..

إسراء : هاا ! نتي مالك .. حالك معاجبنيش كلامك محدود مموالفاش ليك .. فين هما القوافي و التنوعير ؟ ( كتلفت يمين شمال ) فين صاحبتي رجاء فين ديتيها ؟!

رجاء : إسراء خليني عليك معاندي كانة هاد الساعة ..

إسراء : ( تلاحت عليها عنقاتها ) و علاش ؟ شكون قلق الحبيبة ديالي ؟ نتفاهم معاه ؟

رجاء : إسراء معرفتش مالي .. كنحس براسي مخنوقة و شي حاجة متقلا عليا .. ( وققات مشات تقابلات مع البالكون )

إسراء : ( عنقاتها من اللور ) إلى متقلا عليك فضفضيها انا لاش كاينة .. و الى خبيتي عليا شي حاجة منسمحش ليك ..

رجاء : جهاد معرفتش مالو معايا !

إسراء : اهاه القضية فيها جهاد ( ضوراتها عندها ) اوى كملي ااش طرا حتى بيناتكم ؟

رجاء : معرفتش هادي يوماين كيهضر معيا ناقص .. و الصباح قمعني قدام ريم وهو الي موالف اشد ليا الخاطر و خا كنعصبو ..

إسراء : ههه ريم كانت هنا .. و انا نفهم ..

رجاء : كفاش فهمتي .. ااش فهمتي ؟

إسراء : سمعي مزيان ااش غادي نقول ليك .. انا كنعرفك كيما نتي كتعرفيني .. و حتى وحدة فينا متقدر تمتل على الاخرى او تخبي .. سو انا غادي نجيم ديريكت .. حنا البنات كنقدرو نخبيو مشاعرنا و نكدبو احاسيسنا عكس الدراري الي كيتفرشو دغيا .. و لكن منين كتجي القضية للغيرة فمنقدروش نخبيوها او نسيطرو عليها و كتفضحنا .. 

رجاء : مفهمتش لاش بغيتي توصلي !!

إسراء : بلا متبوهلي عليا .. راك كتفهميها طايرة غير نتي مبغتيش تعترفي .. نتي كتبغي جهاد من اللخر ..

رجاء : هاا .. نو نو راكي غالطة .. انا جهاد عزيز عليا و كنحسبو بحال خو ..

إسراء : Really .. واش كتكدبي عليا ولا على راسك .. شوفي غير طمر عليك شوية و كي وليتي .. اوى كون جاب شي بنت وقالك هادي حبيبتي ااش كان غادي اوقع فيك ..

رجاء : ( غرغرو عنيها ) غادي نتموت مافيهاش هئ هئ .. إسراء انا منقدرش نشوفو مع شي وحدة اخرى .. انا كنت كنبغيه من شحال هادا مي مقدرت نقول والو .. هو كيعتابرني ختو بحالي بحالك .. داكشي علاش كبحت هاد المشاعر و كنت ديما كنحاول منبين والو .. هئ 

إسراء : ( عنقاتها ) حمقا بحالك بحالو .. كاع ديك القفوزية الي فيك وحتى حاجة متزكليها .. جيتي حتال عندك و تكلختي .. ( كتمسح ليها دموعها )

رجاء : كفاش مفهمتش .. !

إسراء : ههه انا نفهمك حميقة .. اجي نجلسو ( جراتها جلسو فطرف الناموسية ) دبا من نيتك مقشعتي والو محسيتي بوالو ؟

رجاء : امم بالعما مفهمت علاش كتهدري ..

إسراء : اووكي .. مشفتيش جهاد كفاش كيشوف فيك .. كيفاش كيضحك معاك .. كيعاملك غير .. ماشي حينت نتي صاحبتي الانتيم نو نو .. هو من صغرو كيتعامل مع البنات فحدود حتى بنات العائلة مكيكترش معاهم .. لكن منين وليتي جزء من عائلتنا و هو كيعاملك معاملة خاصة .. حركاتو هدرتو معاك فاضحينو غير انا مفهمتش علاش نتي ملاحضيش هادشي ..

رجاء : ااش بغيتي تقولي .. زع زعما جهاد كيحس بشي حاجة من جهتي !!

إسراء : اااه ماشي غير كيحس .. راه كيبغيك الكلخة .. باينة للعمى ..

رجاء : ( حاطة ادها على فمها ) نووو واااي .. واش واش متأكدة .. مكطنزيش عليا ا إسراء ياك !

إسراء : واش هادشي فيه الطنز .. انا كنت عايقة بيكم بجوج و قلت خليهم حتى اعتارفو على خاطرهم .. ساع نتوما حالة ميؤوس منها .. جيتو حتال عند بعضياتكم و تعميتو ..

رجاء : ( طارت عليها عنقاتها ) نااري إسراء انا ممتيقاش .. دبا جهاد كيبغيني هههه يوووووبييي .. ( ناضت كتحنقز فوق السرير ) 

إسراء : الله استر .. بشوية عليك دوك تصدقي لاوية شي رجل .. و تركني حداه هه .. غادي تجو بيرفيكت ' الكوبل المعطوب' ههه ..

رجاء : ( خبطاتها على كتفها ) ماحنا على فالك .. انا و جهاد كوبل هاهاها وييينوو ..

إسراء : صافي داكشي الي خاصك كملتيه .. ( تسطحات ) اوى منين حطينا النقط على الحروف .. صقلي شوية بغيت نتكا واحد الساعة ..

رجاء : انا خارجة خمري نتي كاع .. 

إسراء : فين غادة ؟؟

رجاء : فيا الموت ديال الجوع .. راه متغديتش ..

إسراء : ياك غير قبيلا مكانتش عندك الشهية .. ولا دبا تحلات ههه ..

رجاء : مسمومة .. ااه دبا تحلات .. نمشي نشوف لكان ميتحنجر ( مشات تقابلات مع المرايا كتقاد شعرها ) ..

إسراء : راك زوينة غير سيري .. 

رجاء : ( غادة جيهت الباب ) ( ضربات بشعرها اللور ) عارفة راسي زوينة .. وخرجات ..

رجاء غادة فالكولوار بلا حس قربات حدى غرفة جهاد و هي تحط و دنيها على الباب .. كتحاول تسمع واش كاين حسو فالبيت .. شوية و هي تسمع تحنحين من وراها قفزات و هي دور لقاتو واقف مربع يديه و كيشوف فيها ..

جهاد : كتقلبي على شي حاجة ؟؟

رجاء : هاا لا كنت .. كنت ااه بغيت ناكل فيا الجوع ..

جهاد : راه الكوزينة لتحت ماشي فبيتي .. و منين نتي باقا هنا علاش مهبطيش تغداي ؟

رجاء : آاا .. اه كنت ناعسة مشات بيا عينيا .. نخليك دبا ( مشات كتجري ) 

جهاد : حمقة .. قالت ليك انا آخر واحد تفكر ترتابط بيه امم .. دابا نشوفو افليفلة .. 

هبطات رجاء لكوزينة قدات ليها ساندويش كلاتو هو و العصير .. و طلعات للفوق عند اسراء داخلة بعجاجتها .. 

رجاء : إسراااااء .. اسرااااء و فيقي .. بغيت نهدر معاك .. ( كتحرك فيها )

إسراء : والله حتى حشومة عليك يلاه شد فيا النعاس .. ااش بغيتي عندي ؟

رجاء : براكة عليك راه نص ساعة و نتي خامرة .. و بغيت نقول ليك شي حاجة ..

إسراء : لمك نص ساعة حاسداني عليها .. راه فقت بكري و نتي بقيتي خامرة مورايا ..

رجاء : فقتي بكري ليا .. راه مشيتي تشوفي حبيب القلب .. و عفاك بيتك تشوفي معايا حريرتي حتا انا ..

إسراء : ااش من حريرة تاني ؟ 

رجاء : قضيتي انا و جهاد .. دبا نتي قلتي ليا هو كيبغيني ياك .. و حتا انا كنبغيه ، الي مفهمتش علاش ولا كيتصرف معيا هكا مؤخرا !

إسراء : شوف ياكما درتي ليه شي حاجة ولا قلتي شي جاجة .. راه لسانك مبري منك كتهدري قبل متفكري ..

رجاء : ياك لمك .. اش غادي نكون قلت ليه .. راه ديما كنتشادو انا نعطيه و هو اعطيني .. 

إسراء : معرفتش ليكم .. لمهم هو راه نفسيتو شوية ماشي حتال لهيه مع الاصابة .. وخا برى شوية وولا كيتحرك .. مي مزال مرجع للروتين ديالو غادي اكون مل من الدار .. داكشي علاش غادي نخرجو انا وياه هاد العشية ..

رجاء : امم ( ببراءة ) نمشي معاكم ؟

إسراء : مسخوطة .. انا بغيتو افوج ماشي تبقاي تناكري نتي وياه ..

رجاء : (خبطاتها بالمخدة ) اوا الله انعل الي بغا ادير معاكم شي صواب .. انا غادا معاكم بزز منك ياله اوى حبسيني ..

إسراء : ههه علاه نتي كتعرفي للصواب .. وغير كنضحك معاك الكوفرة ..

رجاء : هي جداك .. يلاه نوضي نوجدو راسنا

إسراء : باقي الحال مخارجين حتال الخمسة ..

رجاء : وعندنا ساعتاين يلاه ندوشو ونقادو الحالة .. و نوضي نوضي براكة من العكز ..

إسراء : معرفتش انا هاد الإينرجي منين هبطات عليك !

ناضت رجاء دخلات للدوش و إسراء مشات عند جهاد لبيتو علماتو بلي خارجين فالعشية باش افوجو ..

رجعات اسراء حتى هي خدات ليها دوش قادو لبعضياتهم المايك اب و الشعر .. و لبسو عليهم اسراء لبسات كاجوال تريكو ابيض مع سروال جلد فالماغون و جاكيت دنيم و ساك لوي فيتون و سبرديلة بيج .. جات كيوت مع شعرها مطلوق سامبل .. اما رجاء لبسات طوب ابيض بلا كمام مع شورتس قصير دنيم و سبادري بيضة .. و طلقات شعرها جات سيكسي هه ناوية على خزيت .. دارو اللمسات الاخيرة و هما اسمعو الدقان .. حلات إسراء كان جهاد الي حتا هو لبس عليه كيبان تيتيز .. لابس تيشورت اسود مع جينز ازرق و كاسكيطة كحلة قالبها و نضاضر .. 

جهاد : يلاه تحركو .. فين غاديين بعدا ؟

إسراء : قلت نمشيو لاوريكة نبدلو الجو .. ونشوفو الطبيعة و نيت باش تحسن نفسيتك شوية ..

جهاد : اوكي .. 

خرجات إسراء من البيت و جهاد كان واقف حدا الباب يلا غادي ادور باش اتبعها و هي تبان ليه رجاء خارجة من الطواليط .. منين شافها تبلوكا و هي جايا كتمختر حتا وصلات عندو .. 

رجاء : حيد من الطريق ندوز ..

جهاد ( ساهي فيها ) هاا ..

رجاء : ( كدوز يدها قدام وجهو ) و بنادم و سبحان الله .. حيد من الباب راك حابس عليا الطريق ..

جهاد : ( عاد عاق براسو وخنزر فيها ) فين غادية نتي ؟

رجاء : غادا معاكم .. كاين شي مشكيل ؟!

جهاد : ( طلعها و هبطها ) هاكا .. بهاد الحوايج !

رجاء : و مال حوايجي معجبوكش .. 

جهاد : الا زوينين .. كن حيدتيهم نتي حسن .. عارفة البلاصة الي غاديين ليها راه فيها ناس فشي شكل .. سيري بدلي داكشي ..

رجاء : Say that again .. نبدلهم هاها باش من حق دخل ليا فلبس ديالي ( مع راسها : ها قمعة ديال الصباح رضيتها ليك خخ )

جهاد : ( تعصب ) كفاش باش من حق ! رجاء خلينا هانيين و سيري بدلي دوك الشراوط ..

رجاء : نوو بيب مغاديش نبدلهم اوكي ( دفعاتو و خرجات ) ..

هبطات و خلات جهاد من وراها كيتكردد بوحدو ومزير على يديه بالاعصاب .. خلط عليها خرجو لقاو إسراء واقفة حدا اللوطو ديال جهاد ..

إسراء : على سلامتنا منين هبطو .. زيدو ركبو خلاص ..

جهاد طلع و جلسات حداه إسراء فالقدام و رجاء طلعات اللور .. ديمارا اللوطو غادين فجو مكهرب و السكات غير الميوزيك الي كتسمع ..

إسراء : نتوما مالكم ضاربين الطم .. ااش هاد الجو الكئيب زعما راه خارجين نفوجو ( ضارت عند رجاء كتهضر معاها بشوية ) نتي ااش درتي ليه ؟؟

رجاء : والو اختي .. غير بوحدو ..

إسراء : جهاد صفا مالك ؟

جهاد : Nothing .. 

بقاو غاديين و إسراء كلا ساعة كتجبدهم بالهدرة و ضحك مع كلا واحد فيهم .. و هما كيضحكو معها غير اتلاقاو عنيهم اجمعو الضحكة .. و جهاد مرة مرة كيشوف فرجاء من المرايا ديال اللوطو بلا ميعيق .. و صلو تماك دارو شوية و خداو سيلفيز فالطبيعة .. و مشاو جلسو تقهواو فواحد الريسطو تماك .. وصلات ديك تمنية ديال الليل و شدو طريق العودة .. وصلو للفيلا لقاو سعيدة و يعقوب فالصالة جلسو معاهم شوية وتعشاو .. عاد طلعو انعسو و اكيد رجاء بقات معاهم ..

عند هند ← 

الي من نهار قال ليها آدم غادي اعلن على الانفصال ديالهم وهي غير كتخمم .. عارفة آدم مستحيل اتراجع على القرار ديالو ولكن حتى هي مغاديش تستسلم بسهولة .. هاد الايام دوزاتهم عادي بحال الى موقع والو حتى من إسراء مقالت ليها حتى حاجة .. حينت بغات تقنع آدم ابقا معها باي طريقة اتاصلات بإسراء قالت ليها تلغي ليها جميع المواعيد ديال الغد .. و قررات تمشي عند ادم للدار كاخر محاولة واخة هي عارفة انه غادي يتعصب عليها .. 

فالغد ليه فاقت بكري دازت لبيوتي سانتير دارت بحالتها كانها كتوجد للحرب .. رجعات للدار لبسات عليها شورت قصير و شورت طويل حد الفخاض فالابيض مع كعب عالي و حقيبة حتا هما فالابيض و كاسكيطة حمرا .. هبطات لقات السائق كيتسناها فتح ليها الباب وطلعات .. وتوجهو لفيلا ديال عائلة الادريسي .. بعد مدة وصلات فتحو ليها البوابة ودخلات لقات لالة فتيحة فالصالة مشات سلمات عليها و جلسو مجمعين .. 

هند : ( بنفاخة) خالتي لباس عليك ؟ 

فتيحة : الحمدلله ابنتي .. نتي كدايرة مع الخدمة ؟ 

هند : بييخير .. مجد و ريم ااش كيعاودوو ؟ 

فتيحة : كلشي بيخير ابنتي .. جيتي تشوفي آدم راه كاين فاشركة .. 

هند : عارفة .. انا جيت نشوفك نتي .. حينت بغيت نهدر معاك فواحد الموضوع .. 

فتيحة : ايه ابنتي مرحبا .. 

هند : كيما كتعرفي انا و ادم عام هادا باش مرتابطين و وخا كلا واحد مشغول ومكنتشاوفوش بزاف .. هادشي بدا كياطر على علاقتنا داكشي علاش اخالتي بغيتك تهدري معاه باش نديرو العرس فاقرب وقت ممكن .. 

فتيحة : اوى ابنتي ااش غادي نقول لك هادشي كيخصكم نتوما بجوج و نتوما الي عندكم الحق تقررو .. اما انا مغادي نزيدكم غير الخير .. 

هند : ( ااوف هاد بنادمة كتعصب ) ااه اخالتي عندك الحق .. مي هو غادي اسمع ليك .. راه عارفاه ديما كيسبق الخدمة على كلشي و هادشي الي خلانا منديروش حتى خطبة رسمية .. مي ماشي مهم العرس نعوضو فيه كلشي .. ( شدات فيدها ) عفاك اخالتي قنعيه باش العرس اكون فاقرب وقت .. 

فتيحة : واخا ابنتي انا غادي نفاتحو و اكون خير .. 

هند : ( بفرحة ) ربي اخليك لينا اخالتي .. دابا انا غادي نمشي حتى نرجعو نتشاوفو .. 

فتيحة : فين غادا جلسي تغداي معانا .. غادي نعيط لادم اجي حتا هو اتغدا .. 

هند : ( امم الى جا و عرف ااش درت غادي اتعصب مي ميقدرش افرش القضية حينت حطيتو امام الامر الواقع ووالديه معارفينش بلي راه تمثيلية سو هاد القضية فصالحي ) ايه اخالتي العزيزة نتغدى معاكم علاش لا .. 

فهاد الاثناء كان آدم فالمكتب ديالو خدام حتى جاه اتصال شافو لقا الواليدة ديالو جاوب ديك الساع .. 

آدم : الواليدة .. 

فتيحة : ولدي جي تغدا معانا هاد النهار راه جات .. ( غمزاتها هند زعما خليها مفاجئة ) لمهم شحال هادا متغدينا مجموعين و حتا مجد كاين رجع الصباح من نيويورك صافي اولدي .. 

آدم : اوكي الواليدة .. شوية ونجي .. ( قطع ) 

آدم سالا داكشي الي فاديه وخرج تعرضات ليه هاجر كيف ديما .. خلى ليها جوج كلمات و زاد هبط خدا اللوطو و مشا للدار .. كي وصل دخل و الابتسامة على وجهو غير شاف هند و هو اجمعها وعقد حواجبو .. سلم على ماماه باس ليها راسها و بقا كيخنزر فهند .. وهي مهتماتش مشات باستو فخدو ودفعا عليه .. 

هند : حبيبي كي جاتك المفاجئة ؟ 

آدم : اش من مفاجأة ولا لخرا .. ااش كديري هنا ؟ 

فتيحة : ويلي حشوما اولدي راه خطيبتك هادي .. 

آدم : الواليدة بليز مدخليش .. و زايدون حنا فسخنا هاد الخطوبة .. 

فتيحة : اويليي وعلاش اولدي ؟! 

آدم : متفهمناش .. 

فتيحة : ولدي الله اردي عليك متسرعش .. 

هند : شفتي اخالتي هو كيقرر غير بوحدو ..

ما هامو حد مهموش السمعة ديالنا .. حنا ماشي كوبيل عادي و كلشي عارفنا مخطوبين .. و بغيتي ضرب هادشي كولو فالزيرو .. راه كيما غادي اأثر عليا عادي اأثر عليك .. 

آدم : مكيهمنيش .. هضرة وحدة الي قلت مغاديش نتراجع فيها .. و غدا غادي نعلنو هادشي للناس .. 

هند : مغاديش نسمح ليك طيح من قيمتي و تشفي فيا العديان .. و الا كنتي مصر حتا انا غادي نقول بلي كلشي هادشي كان غير تم .. جرها آدم من دراعها بحال شي شرويطة وخرجها للجردة .. شدها من الفك ديالها و زير .. 

آدم : كتهدديني ها .. شفتي انا ممسوقش للبشار ولكن عائلتي بعديها على هاد الحزاق ديالك .. راني داير معاك بات المزيان الي مزال صابر ليك هاد الساعة .. و زيدك داكشي الي قلت هو الي غادي اكون .. غادي نعلنو من طرفينا على النفصال بسبب اننا متفهمناش و لا داعي للتفاصيل .. ولا قال ليك موسيو عقلك تلعبي معيا غادي تشوفي وجهي لاخر .. ( طلق منها و دفعها ) مفهوم .. 

هند : ( كتلطاقط انفاسها و رجليها كيشطحو بالخلعة عمرها شافت ادم معصب لهاد الدرجة ) مغاديش نسمح ليك ا آدم على هاد المعاملة و التبهديل الي درتي ليا .. 

آدم : كاعلا .. 

هند : هئ عقل على هادشي مزيان .. غادي اجي النهار الي تندم .. و متنساش انا هند هند الشرايبي .. 

آدم : ( ببرود ) بزعطة .. على مافخيلك ركبيه .. يلاه تسرسبي منشوفكش قدامي مزال .. 

مشات هند كتجري و الدموع فعنيها .. هي الي شحال من واحد اتمناها جا آدم بهدلها و عاملها بحال الحشرات .. متسرطاتش ليها و حلفات حتى تنتاقم منو بأي طريقة .. 

آدم بقا مدة فالحديقة كيتنفس و احاول اتهدن .. شوية رجع دخل لقا والديه فالطبلة و مجد و ريم حتا هما .. مشا جلس فمكانو وهز الفورشيت بدا كياكل وهما حاضينو كيتسناو منو اشرح ليهم ااش واقع حينت سمعو الصراخ ديالو هو و هند ..

.. شافهم مكيكلوش و هو اهز راسو لقاهم كيشوفو فيه حط الفورشيط و مسح فهو .. 

آدم : مالكم ؟ علاش مكتاكلوش ؟ 

السي أحمد : مالنا ! هي الى شرحتي لينا ااش واقع .. 

آدم : ما واقع والو .. انا و هند انفاصلنا .. هادا مكاين .. 

فتيحة : الله اولدي علاش هادشي .. متسرعش حاولو تلقاو الحل .. 

آدم : ماكين لا حل لا والو .. صافي فضينا و نبغيكم من ليوم مباقيش تجبدو سيرة هند قدامي .. 

أحمد : نتا ديما مقصح هداك الراس الله يهديك .. و لكن لا متفهمتوش معندك لاش تجبر راسك تبقى معها .. غير هو راك عارف علاقتكم كانت بابليك كلشي عارفكم كنتو غادي تزوجو .. 

آدم : مكايهمش انا كلشي ضارب ليه الحساب .. 

مجد : و العقد الي دايرة مع الشركة ديالك ؟ 

آدم : هاداك عقد عمل معندوش علاقة مع حياتنا الشخصية .. غادي تبقا خدامة معنا حتا اسالي و ديك الساعات الله اعاونها .. 

ريم : ( ناضت عنقات خوها ) (بهمس) مبروك عليك ههه .. اخيرا تفكيتي منها .. 

آدم : هههه سيري تجلسي البعلوكة .. 

مجد : اوى الاخ العزيز عاد الى العزوبية .. مكاين ليك غير .. 

آدم : جيتي و لا مزال .. 

فتيحة : انا اولدي مبغيت غير راحتك .. الى مكانتش معها الله اجيب ليك شي بنت الناس تستاهلك .. 

أحمد : هو يالاه فضا مع علاقة بغيتيه ادخل فواحدة اخرى .. خليه اريح راسو واحد الشوية .. الزواج مغديش اهرب .. 

فتيحة : انا بغيت نشوف حفاد ولدي الكبير خلاص .. بغيت الي عمر عليا الدار .. 

آدم : ( بابتسامة ) انشالله الواليدة .. 

ريم : همم هي كاينة شي حاجة ! كر كر ماشي حشومة تخبي علينا .. 

آدم : No comment .. 

رجعو كياكلو سالاو لغدا و كلا رجع لشغالو .. آدم رجع للشركة مع مجد و ريم طلعات لبيتها .. جالسة فوق ناموسيتها شادة الفون مجمعا مع صحباتها حتى كيصوني فيدها .. شافت الاسم ابتاسمات و هي تجاوب ..

ريم : hello .. 

جهاد : ريم صافا ؟ 

ريم : سوبيغ و نتا صافا كولات ليك رجلك ؟ 

جهاد : بخير الحمدلله كنتمشا بها عادي .. غير باقي منوع عليا اللعب بها .. 

ريم : انشالله غادي تبرا كليا .. 

جهاد : Thank you .. ااه اتاصلت بيك باش نعرضك على العشاء ليوما تعبير شكر .. هادشي الى كنتي مسالية .. 

ريم : أكيد موافقة .. و فخر ليا نتعشا مع النجم جهاد اليوسفي .. Can't wait 

جهاد : اوكي .. سيفتي ليا العنوان ديالك العشية ندوز عليك .. 

ريم : اوكي .. نتسناك 

جهاد : Bye .. 

ريم : Bye .. ) قطع ) ياهوووو غادا فموعد مع جهاد يااااس .. 

ناضت ريم لغرفة الملابس ديالها كتقلب على ااش تلبس .. متحمسة و فرحانة كتهز و تحط حارت اش غادي تلبس .. حينت معندها حتى فكرة فين غادي اديها .. 

اما جهاد فمن بعد ما سالا المكالمة مع ريم .. ناض مشا عند إسراء لبيتها دق و دخل ملقهاش .. هبط لتحت كيقلب حتا كتبان ليه فالحديقة هي و رجاء جالسين .. مشا عندهم سلم على ختو و جلس .. 

إسراء : هاي بيب .. فين كنتي ؟ 

جهاد : شوية هادا باش جيت من الترويض .. طلعت دوشت و جيت عندك لبيتك ملقيتكش .. 

إسراء : كي غادي مع داكشي مزيان !؟ 

جهاد : فتحسن .. بقات شي 15 يوم و نرجع للملعب .. و أخيرا .. 

إسراء : ههه انشالله .. 

رجاء : ( هادا علاش كيقلب علاش زعما عاطيني النخال .. و انا الي قلت غادي اعتارف بحبو ليا ) معمرني شفت شي حد كيقنط من الراحة وباغي تمارة .. 

جهاد : و هانتي شفتيه .. بحالك نتي عاطياها غير للدوران و التفليات حتى حاجة مكتاخديها بجد .. 

رجاء : حاشاك .. I'm a free bird .. مكنبغي نخدم تحت يد حد .. و لا نعيش حياة بنفس الروتين .. من المكتب للدار و من الدار للمكتب .. 

جهاد : اهاه و اش بغا ديري .. تبقاي على الدوران لاخدمة لا زواج .. 

رجاء : شكون قالك مخداماش ..

.. عندي يوتيوب تشانيل ديالي و ناجحة الحمد لله .. 

جهاد : حتا هاديك نسميها خدمة .. تجلسي مقابلة الكاميرا و تجخلطي وجهك و تحلوني فالهدرة .. و عباد الله تفرج فيك .. 

رجاء : مالها كي جاتك .. و زيدون المتتبعين ديالي اغلبية بنات .. و انا مكنتحلون على حد كنتصرف على طبيعتي .. ماشي بحال شي ناس عندهم ناااااادي ديال المعجبات .. تلقاهم معندهوم حتى علاقة بالكورة حاضيين غير التعناب .. 

إسراء : ها العار بديتو تاني .. شوية ديال الهدنة .. 

رجاء : راه خوك الي كيجبدني .. 

جهاد : ماشي نتي الي كتحنقزي انا كاع مهضرت معاك .. جيت نهضر مع إسراء .. 

إسراء : اا فاش بغيتيني ؟ 

جهاد : بغيتك تقولي لي على شي ريسطو زوينة هنا ( كيشوف فرجاء بنص عين ) عارض على ريم للعشا ليوما .. 

إسراء : ( كتشوف فيه و كتشوف فرجاء الي ولات حمرا ) اا عارض على ريم ؟ علاش ؟ 

جهاد : واعدتها شي نهار نخرجو ودبا بغيت نوفي بالوعد ديالي .. 

إسراء : امم اوكي .. دبا نصيفط ليك العنوان .. 

جهاد : Thanks sis .. نخليك دبا و فالعشا بلا متسناوني .. 

غير دخل جهاد لفيلا و هي تنوض رجاء كتكشكش .. 

رجاء : هاد خوك بغا اطرطق ليا المرارة .. كفاش خارج هو و ريم اتعشاو .. و اش سمعتيه ؟ 

إسراء : ااه سمعت .. مي عادي غادي هو و ياها as friends .. 

رجاء : لا معاديش ..بغتيهم اجلس هو و ياها الراس فالراس و هي ككتشوفو كتحل داك الفم مباقيش كتجمعو .. 

إسراء : رجاء رولاكس .. نتي عارفة بلي كيبغيك .. اقدر دار هاكا باش تغيري متلا .. 

رجاء : زعما .. لا واخا ميخرجش معها .. و الله لا خليتهم اتهناو بيه .. 

إسراء : فليفلة .. ااش بغا ديري .. 

رجاء : غادي نتبعوهم و نراقبوهم من بعيد .. 

إسراء : حماقيتي ااش هاد فعايل التبرهيش .. انا بعدا مدخلنيش فهاد المعمعة .. 

رجاء : ياك لمك .. هادي هي الصحبة .. انا كن و قفتي عليا نقتل على ودك .. 

إسراء : ااش جابنا لشي قتيل اختي .. عرفتي الى حصلنا جهاد مشينا فيها .. 

رجاء : ماشي سوقي .. لمهم نتبعهم و السلام .. بغيتي تمشي معيا هو هداك مبغتيش نمشي بوحدي .. 

إسراء : اوووف .. اوكي صافي غادي نمشي معاك .. الى حصلنا نتي الي جرتيني .. 

رجاء : متخافيش مغاديش نحصلو .. ياله نوضي نطلعو لفوق باش الى تحرك نتبعوه .. 

إسراء : هاهي نايضة .. 

طلعات إسراء و رجاء لبيتها جالسين مجمعين و رجاء كتخطط و تبلاني .. و صلات العشية بدلو حوايجهم لبسو كاجوال .. غير سمعو جهاد خرج نزل و تبعوه .. طلع فاللوطو ديالو و ديمارا خلاوه حتى بعد شوية عاد ركبو فاللوطو ديال اسراء و تابعينو من بعيد باش ميتورقوش .. بقاو غاديين حتا هضرات إسراء .. 

إسراء : شفتو مغاديش للريسطو الي نعت ليه .. 

ماشي هادي هي الطريق .. 

رجاء : و ولد الحرام فين غادي .. تبعيه عنداك افلت ليك .. 

بقاو غاديين حتى وصل قدام واحد الفيلا كبيرة و راقية .. هبط واقف حدا اللوطو كان لابس جينز كحل و قميجة فالرمادي مزيرة عليه و سبادري كحلا و شعرو مطلعو الفوق .. و هما واقفين بعيد كيشوفو فيه .. 

رجاء : شوفي ليك السيد كي مئنتك تقولي غادي لعند حبيبة القلب .. اجي لاش جا لهنا .. شكون ساكن هنا ؟؟ 

إسراء : (يالاه بغات تهضر و هي تبان ليها ريم خارجة من البوابة ) هاديك ريم ياك ( بابتسامة ) هادي دار آدم .. 

رجاء : نتي جمعي راسك واش حنا فآدم دبا .. شوفي ليك الزغبي جاي ياخدها من الدار .. علاه مالو ميتلاقا معها فالريسطو .. 

بان ليهم جهاد حل للريم الباب كانت لابسة غوب فالابيض مزوقة باشكال فالذهبي مزيرة من الفوق و مطلوقة من الخصر لركبة كتبان كيوت مع شعرها الطويل مطلوق سامبل و كعب عالي اسود .. طلعات و دار حتا هو ركب و مشاو ..

تبعوهم البنات حتى وصلو .. هبط هو وياها دخلو للريسطو و شدو طبلة فموقع زوين .. جهاد جر لريم الكرسي حتا جلسات و هي غير كتبتاسم ليه .. مشا حتى هو شد بلاصتو .. رجاء كانت واقفة فالباب و شافت داك الستون كتغدد بغات طرطق .. خلطات عليها إسراء من بعد ما باركات اللوطو ديالها بعيد على الريسطو .. لقاتها واقفة بلاصتها و كتعصر بوحدها .. جراتها مشاو لواحد الطبلة مقنتة بعيدة على فين جالس جهاد و لكن كيبان ليهم عاطيهم بالضهر ..

بقاو مراقبينهم كيبان ليهم جهاد عيط للسيرفور طلبو الاكل و جالسين كيضحكو .. 

رجاء : شوفي ليك كي منساجم معاها .. قالت ليك كيبغيني لواه كيزمرني .. 

إسراء : نتي مالك كتسرعي .. انا جاني عادي مجمعين و صافي .. 

رجاء : اوووف مبقيتش قادرة نستحمل .. كنحس براسي غادي انفاجر .. هاني جاية .. 

اسراء : فين غادة ؟ عنداك اشوفك .. 

مشات رجاء لجيهت الطواليطات دخلات غسلات اديها و دوزات الما على عنقها .. كتحاول تكالما .. تمات خارجة و هي تساطح مع شي حد .. هزات راسها و هو ابان ليها شاب اسمر عنيه خوضر .. 

رجاء : سمح ليا مشفتكش .. 

الشاب : هانية ماشي مشكيل .. 

يالاه كانت غادة و هو اشدها من يدها .. 

الشاب : واش فايت لينا تلاقينا .. وجهك مألوف بزاف .. 

رجاء : ( نطرات يدها ) معنديش وقت لهاد التفاهات .. و مكنعرفكش هي عشرين .. 

الشاب : ههه و قاصحة مع راسك .. انا متاكد فايتلي شفتك من قبل .. ااه نتي هي صاحبت الماندجر ديال هند ياك ؟! 

رجاء : ااه انا صاحبت إسراء .. فين كتعرفها ؟ 

إسراء : كنا جينا واحد النهار لدارهم .. نهار الماتش معقلتيش .. جينا مع ختي ريم .. 

رجاء : هاااء نتا خو ريم .. يعني خو ادم الإدريسي !! 

الشاب : وي هو انا .. ( مد ليها يدو ) مجد الإدريسي هه .. 

رجاء : ( صافحات يدو ) I'm sorry .. معرفتكش.. انا رجاء .. 

مجد : It's okay .. متشرف بمعرفتك ا رجاء .. انا عقلت عليك بعدا .. اصلا وجهك صعيب اتنسا على الواحد .. 

رجاء : ههه مغسي .. (و صدفة هي .. اكون شاف خو !) امم معامن جيتي ؟ 

مجد : كاين انا وصاحبي .. تبغي تنضمي لينا ؟ 

رجاء : نو تانكس .. كاينة مع صاحبتي ( و حاضين ختك هي و داك الحلوف ) نخليك دبا امسية سعيدة .. 

مجد : ليك حتا نتي .. نتمنا نتلقاو مرة اخرى ( قرب ليها حدا وجها و حيد ليها رمشة تحت عنيها ) 

رجاء : ( كتشوف فيه ااش كيدير جامدة بلاصتها ) .. 

عند اسراء الي جالسة حاضية جهاد و دايرة الموني على وجها ليشوفها .. شوية بان ليها ناض غادي جيهت الطواليط و جالسة كتندب .. 

إسراء : ويلي ويلي قفراتها .. ناري و اشوفها .. ااش ندير نصوني ليها ( شافت الفون ديالها فوق الطابلة ) لحمارة خلاتو هنا .. 

جهاد غادي للطواليط مع الضورة كتبان ليه رجاء واقفة و شي واحد محني عندها بحال الى غيبوسها .. طار لعندهم شنق على مجد و عطاه بونية للوجه و عاود هزو شانق عليه من الكول ديال الجاكيت .. مجد دفعو يالاه غادي اعطيه حتا هو و هي توقف رجاء بيناتهم .. 

رجاء : Stooooop .. ( شافت فجهاد ) جهاد مالك واش جهلتي .. 

جهاد : ( صعر ) نتي لمك الي جهلتي .. ااش كديري هنا و شكون هاد الز*** 

رجاء : جهاد تهدن هدا مجد خو آدم الإدريسي .. تلاقيتو هنا صدفة .. 

مجد : ( كيمسح فمو ) ههه واش الكوايري ديالنا هادا .. مالك اصاحبي على هاد الدخلة ! 

جهاد : سمح ليا معرفتش بلي نتا هادا .. 

مجد : هانية كتوقع .. ياكما مرتابطين ؟ 

رجاء : ( باستفزاز ) لا هو بحال خويا .. 

جهاد : ( خنزر فيها ) كنتاسف مرة خرا الله اعاون .. ( جر رجاء من يدها ) .. 

مجد بقا كيشوف فيهم حتى غبرو و مشا رجع للطبلة ديالو ..

جهاد جرها و بقا غادي حتى خرجها من الباب اللوراني ديال المطعم .. 

رجاء : جهاد طلق من يدي راك وعتيني .. 

جهاد : ( صدرو كيطلع واهبط ) ااش كنتي كديري نتي وياه ها ؟؟ ااش بينك و بينو ؟ 

رجاء : واش تسطيتي .. راه قلت ليك تلاقيتو صدفة .. و انا كاع معقلت عليه حتى قال ليا شكون هو .. 

جهاد : وعلاش كنتو متقاربين .. بقا ليه غير ابوسك .. 

رجاء : راه حيد ليا غير رمشة من وجهي .. بلاتي و نتا مالك ااش مشا ليك .. ابوسني كاع شغلك ؟ 

جهاد : ابوسك ! كن باسك كن ترحمو عليكم بجوج .. 

رجاء : و عباد الله و دخل الصحة هادا .. اش كتجيني فملك الله حتى دير هاكا ( ياله قولها خلاص ) 

جهاد : ماشي شغلك .. اجي بعدا ااش كديري نتي هنا .. ياك خليتك مع إسراء فالدار .. 

رجاء : ( كدور فعنيها ) هاا .. اا .. جيت اه جيت نتعشا .. مال الريسطو ديالك .. 

جهاد : مالقيتي غير هادي .. ياكما تبعتيني اديك البعلوكة ؟ 

رجاء : ( بتلعتم ) اا .. انا .. ن نتبعك .. علاش بالسلامة .. على زينك .. 

جهاد : متأكدة .. ( كيقرب ليها و هي راجعة باللور حتى حبسها الحيط ) متأكدة متبعتنيش .. حينت عرفتني خارج مع ريم .. امم .. 

رجاء : ( كترمش فعنيها ) اا اه متأكدة .. و حيد بعد ليه لاش مخشي فيا .. ( كتحاول تبعدو باديها ) 

جهاد : امم مزيان .. اصلا لاش غادي تبعيني .. انا غير بحال خوك .. نمشي خليت ريم بوحدها كتسناني .. ( ضار تم غادي ) 

رجاء : واش كتعجبك ريم ؟ 

جهاد : ( واقف عاطيها بضهرو ) ااه كتعجبني .. 

رجاء : ( غرغرو عنيها كتحاول تحبس الدموع باش ميطيحوش و افضحوها ) 

جهاد : ( شاف حسها مقطوع ضار و هو اشوف دموعها نازلين رجع بالزربة لعندها و شد وجها بين يديه .. )

جهاد : رجاء مالكي .. علاش كتبكي ؟ 

رجاء : ( كدفع فيه ) بعد مني سير عندها .. ياك كتعجبك اوى سير عندها و عطيني بالتساع هئ هئ .. 

جهاد : بغتيني نمشي عندها متأكدة ! 

رجاء : ( دورات راسها يمين شمال بمعنى لا ) .. 

جهاد : ( ابتاسم و نقض عليها لصقها مع الحيط و حط شفايغو على شغايفها كيقبلها بكل حب و شغف .. هي فالاول كانت مصدومة شوية و هي تجاوب معاه بقاو مدة هما كيعبرو على الحب الكبير الي كيحسوه اتجاه بعضياتهم و مخبينو سنين هادي .. هاد القبلة كانت كافية توصل داكشي الي ميقدرش الكلام اوصلو .. بقاو مدة هكاك حتى رجاء رجعات لوعيها و هي دفعو ) 

رجاء : اهيا ااشدرتي ؟ 

جهاد : ههه بستك .. 

رجاء : و علاش بستيني يالاه ؟ 

جهاد : فنضرك لاش بستك ؟ 

رجاء : وانا عرفت ماشي حرام عليك .. هئ غادي نقولها لإسراء .. 

جهاد : ااه قوليها ليها .. و متنسايش قولي ليها راه تجاوبت معاه ( غمزها ) 

رجاء : آاا .. نتى الي غفلتيني .. 

جهاد : ياك ماكنتي بغاني نعلمك ههه .. بيني و بينك كانت احلى بوسة .. الصراحة مسخيتش .. 

رجاء : الله امسخك .. همجي كيف داير .. 

جهاد : انا هماجي ! اوكي الالة .. هاد الهماجي غادي اعطيك التساع .. و اقيلا خاصني نرجع لرفيقتي .. 

رجاء : ياك انا بوسني و رجع عندها .. الله يلقيها ليك ( كانت غادة جرها و عنقها بالجهد ) 

جهاد : فين غادة مزال مكملنا .. ( قرب حدا ودنيها و كيهضر بشوية ) من بعد هاديك البوسة مستحيل نخليك تفلتي من بين يدي ( حيدها من فوق صدرو و كيشوف فعنيها ) هادي سنين و انا حامل هاد الحب اتجاهك .. كنت كنتعدب كل ماكنت حداك .. كنتي قريبة و بعيدة فنفس الوقت .. مكانش بامكاني نعنقك كي بغيت ولا نقبلك و لا نعبر ليك على احاسيسي .. داكشي علاش كنت كنبعد وخا ميكونوش عندي ماتشات او تداريب كنت كنفضل نبقا بعيد على نشوفك مع رجال اخرين .. الحاجة الي كانت مصبراني هي انك مكنتيش جدية فعلاقاتك معاهم .. مع دالك كنت كنتحرق بنار الغيرة و مكانش عندي الحق نتدخل فيك .. كنت كنتمنى تحسي باتجاهي غير بشوية من داكشي الي كنحس بيه .. و تعطيني غير اشارة ان شعورك متبادل .. لكن فاش كتعاملي معايا عادي كاني خوك فقدت الامل .. و داك النهار فاش كنا مجموعين ديك الهضرة الي قلتي مبغاتش تنسا ليا .. 

رجاء : انا هضرة ؟؟ 

جهاد : شوفي نتي .. ( عقد حجبانو و كيعيبها ) وخا تكون اخر واحد عمري نرتابط بيك .. 

رجاء : ااه .. ههه 

جهاد : كضحكي لمك .. 

رجاء : راه مقلتهاش من قلبي .. انا كنت كنضن بلي كتحسبني بحال إسراء .. يعني عزيزة عليك بحال ختك .. داكشي علاش خفيت المش.. 

جهاد : مالكي سكتي كملي .. 

رجاء : خفيت المشاعر ديالي و زطمت عليهم .. قلت مع راسي فيقي ارجاء هو كيعاملك مزيان حينت كيحسبك بمثابة ختو لا اكتر و لا اقل .. و كنت كنهضر مع دراري خريين باش نحاول نساك .. و لكن كنلقا راسي فكل مرة كنقارن اي واحد كنت معاه بيك نتا .. و حتا واحد معمر ليا عيني داكشي علاش مكنطولش معاهم .. 

جهاد : دبا حنا تقولبنا .. سنين ضيعناهم هكاك .. مي ماشي مشكيل غادي نعوضوهم من هنا لقدام .. ( قرب ليها و قبلها قبلة حنينة ) كنبغيييك .. 

رجاء : ( كضحك ) شكرا ههه .. 

جهاد : ( عقد غوباشتو ) اشناهووو .. شكرا .. مال مك كنت مسخر ليك .. 

رجاء : غير كنضحك معاك .. 

جهاد : اوى نطقيها خلاص .. 

رجاء : ( ببراءة ) ااشناهياا ؟؟ 

جهاد : رجاااااء .. 

رجاء : ( شداتو من وجهو باديها الصغوريين ) حتا انا كنبغييك .. 

جهاد : ( هزها و عنقها مزير عليها ) و انا كنموت عليك ..

بقاو معانقين مدة و عنيهم كيبريو 

.. بجوج بيهم ممتيقينش بلي هما فاحضان بعضياتهم .. بعدو و بقاو كل واحد كيشوف فالاخر و ابتسامتهم واصلة لودنيهم .. حتا نطقات رجاء .. 

رجاء : اجي نتى علاش عرضتي على ريم هاا ؟ 

جهاد : و راك عارفة علاش .. هي بنت ضريفة بزاف و قلبها بيض و .. 

رجاء : ( كتشوف فيه و مربعة يديها ) اهاه زيد كمل اشنو اخر .. 

جهاد : ههه غرتي .. 

رجاء : اناا ! ابدا .. علاش غادي نغير منها ؟ 

جهاد : معندكش علاش .. ( حط يدو على قلبو ) حينت نتي الي ساكنة هنا .. 

رجاء : ( جامعة الابتسامة ) و هاكاك .. 

جهاد : ههه .. ريم كنعتبرها صديقة لا اكتر .. و ليوما عرضت عليها .. باش نشكرها فقط .. 

رجاء : هادي غادي ندوزها .. مرة اخرا منعقلش عليك .. 

جهاد : ااش غادي ديري ؟ 

رجاء : تال ديك الساع و تعرف .. 

جهاد : فكرتيني خاصني نمشي خليت البنت جالسة بوحدها تماك .. 

رجاء : بقات فيك .. 

جهاد : راه حشومة .. اجي جيتي بوحدك فاش جيتي ؟ 

رجاء : اا .. ( كتحك فراسها ) جيت أنا و إسراء .. 

جهاد : و قالت ليك متبعتكش احيااني عليك .. جريتي معاك حتى مولات العقل .. ياله باش نوصلو البنت و نمشيو .. 

رجاء : نوو غير سير .. الى شافتنا غادي تفهمها فشكل .. راه إسراء جابت اللوطو ديالها .. 

جهاد : اوكي .. دبا غادي تمشي ديريكت لعندها و تهزو سيرو للدار .. حتا نجي و نتفاهم معاكم .. 

رجاء : علاه ااش درنا بالسلامة اا .. راه نتا الي جيتي الصباح قدامي كتسول على شي ريسطو .. خافيين عليك كنتي باغي تفقصني .. 

جهاد ( قرصها من خدها ) و هو الصراحة كنت باغي نشوف واش غادي تحرك فيك شي حاجة .. ساع جابت نتيجة .. يالاه تحركي قدامي .. 

دخلات رجاء و من وراها جهاد تابعها .. غادة و كل ساعة تلفت ليه و ضحك .. وقف حتا شافها وصلات عند اسراء ..

.. تلفتات اسراء شافتو كيشوف فيهم و جمعات الوقفة .. خنز فيها و مشا للطبلة الي فيها ريم .. 

رجاء جرات إسراء مشاو خلصو المشروبات الي خداو و خرجو برا .. 

إسراء : بنت الحرام مامشيتي حتى حصلتي .. 

رجاء : ( كتفرنس ) .. 

إسراء : هيهو .. معاك كنهضر .. ااش دار ليك .. خاصم ياك .. شتي بلاناتك فين و صلونا .. 

رجاء : نتي سكتي شوية .. شحال فيك ديال الهضرة .. 

إسراء : و طلقيني قولي ااش طراا ؟ 

رجاء : زيدي حتال نركبو و نعود ليك .. الى خرج و لقانا باقيين هنا ديك الساع غادي اجمعنا .. 

مشاو للوطو طلعو و ديمارات إسراء و شدو الطريق .. رجاء عاودات ليها ااش طرا بالتفصيل .. هما من ديما هاكا مكيخبيو على بعضياتهم حتى حاجة .. فرحات ليهم إسراء من بعد هاد المدة كاملة اخيرا تجمعو قلوب اعز الناس عندها .. و صلو و طلعو ديريكت لغرفة اسراء .. 

اما جهاد فاش رجع عند ريم عتاذر على التاخير و كملو عشاهم .. تكلمو على الكورة و مواضيع اجتماعية و ثقافية .. عرف بلي ريم معجبة به كشخص على موهبتو و شخصيتو .. و ماشي منجاذبة ليه كرجل .. داكشي علاش كان مرتاح معها فالحديت .. كملو ناض خلص و خرجو وصلها للدار .. شكراتو على الامسية الي كانت ممتعة و و دعاتو .. هو شد الطريق راجع فحالو و كيتفكر الي وقع بينو و بين رجاء و الابتسامة مفرقاتوش .. 

و صل لقاهم تعشاو سلم على والديه و طلع للغرفة ديالو .. خدا دوش و لبس شورط فقط و تكى على ناموسيتو .. كان غادي عند البنات مي قال غادي اكونو نعسو .. بقا كيفكر حتا مشات به عنييه .. 

اما هادوك الجوجات رجاء مكسلا فناموسية كضحك بوحدها .. و اسراء جالسة فالبالكون شادة الجماعة مع حبيب القلب .. 

آدم : توحشتك .. 

إسراء : حتا انا .. 😍

آدم : ااش درتي اليوم ؟ 

إسراء : ضليت فالدار حتال هاد العشية عاد خرجت انا و رجاء ..

آدم : مزيان .. ادن مشفتيش هند .. 

إسراء : لا .. لغات البروكرام ديال ليوم .. قالت عندها شي حاجة مهمة .. 

آدم : جات اليوم للدار .. 

إسراء : كفاش .. للدار عندكم .. لاش جات ؟ 

آدم : جات لعند الواليدة .. عمرات ليها راسها .. قالت ليها نعجلو العرس .. 

إسراء : What ?? ونتا اش قلتي ليها ؟ 😱

آدم : بغات تلعب معيا .. نسات واش آدم الإدريسي هادا .. 

إسراء : ااش وقع ؟ 

آدم : خبرت والديا بلي انفاصلنا .. هما مفراسهومش بلي كانت صفقة .. داكشي علاش مشات لعند الواليدة و بغات تعمر ليها راسها .. و انا وقفتها عند حدها .. غدا انشاء الله غادي نزل تصريح رسمي بالانفصال .. 

إسراء : آدم .. هادشي غيأثر عليكم بجوج .. انا مبغيتكش تضرر .. 

آدم : متخافيش .. عاصفة و غادي دوز .. انا مستحيل نستمر فهاد الثمتيلية .. خاصة دابا .. 

إسراء : علاش خاصة دابا .. ااش لي تبدل .. 

آدم : بزاااف .. لقيت حب حياتي .. 😘

إسراء : ( طايرة بالفرحة ) ☺😍😍

آدم : مالكي سكتي .. يكما بغيتني نبقا معها .. حتا دبا باقي الحال نلغي هادشي و نتزوج بها .. 

اسراء : لا لا .. غير فرحانة .. عمرني ضنيت غادي نوقع فحب آدم الإدريسي .. الشخص الي كنت كنكرهو قبل .. 

آدم : امم .. كنتي كتكرهيني .. و دبا باش كتحسي ؟ 

إسراء : ههه راك عارف .. 

آدم : لا بغيت نسمعها .. 

إسراء : كن .. كنبغيك ( و هي تقطع ) 

ويلي قلتها .. والاهيلا قلتها .. يااي غادي انفاصل على هند قدام كلشي .. و غادي اولي ديالي بوحدي .. 😍☺☺😍😍

ادم من بعد ما سمع الكلمة الي كان كيتسنا .. فرح كيحس بقلبو كينبض بسرعة .. ضحكاتو فاش قطعات مباشرة من بعدما قالتها .. عرفها حشمات و مبغاش اعيط مرة خرا و خا مكرهش ابقا اسمع صوتها لساعات .. ناض من المكتب و طلع لبيتو دوش و لبس بوكسور و تلاح فناموسيتو ونعس .. 

أصبح الصباح : 

فاق آدم بكري مشا للطواليط غسل و جهو و حك سنانو البضين .. لبس عليه شورت فوق البوكسور و هز فوطة هبط اللصال .. ترينا لمدة ساعتين وطلع لبيتو دخل دوش و لبس عليه .. قميجة كحلا مع سروال جينز كحل و سبرديلا كري .. لبس ساعتو و رش الباخفان ديالو الي كيدوخ .. هبط لتحت لقا والديه كيفطرو سلم عليهم .. و شرب قهوتو و ناض خرج .. ركب فاللوطو ديريكت للشركة .. من بعد ما وصل دخل كلشي كيلقي عليه التحية .. طلع فالاسنسور كي و صل حدا المكتب تعرضات ليه هاجر و الابتسامة على وجها دخل و تبعاتو .. 

هاجر : بونجوغ موسيو آدم .. 

آدم : بونجوغ .. 

هاجر : جبت ليك هاد الملفات الي و سيطيني عليهم .. 

آدم : اوكي حطيهم .. اشنو البروكرام ليوما ؟ 

هاجر : موسيو ليوما عندك اجتماع مع الربعة .. مع شركة 'Swing' للآلات الرياضية باش نطلقو الموديل الجديد .. 

آدم : امم .. سيري وجدي للاجتماع بغيت كلشي اكون هو هداك .. اه قبل غادي نسيفط ليك 'Announcement' بغيتك تسيفطيه للجرائد و المجلات الي كنخدمو معاهم .. 

هاجر : حاضر موسيو .. واش هاد الإعلان خاص بالاطلاق الجديد ؟ 

آدم : نو .. 

هاجر : و ديالاش ؟؟ 

آدم : ( طلع فيها عنيه ) شغلك .. ديري داكشي الي قلت ليك .. و سيري قابلي خدمتك .. 

هاجر : باغدون موسيو .. ( حدرات راسها و خرجات ) 

مشات للمكتب ديالها و محاملاش راسها .. مخلات مدارت باش تلفت انتباهو .. ديما مزيرة على راسها مكاين غير القصير و المعري .. و هو مامحاشيهاش ليها مكيطولش فيها حتا الشوفة .. و الخدمة كاديرها على احسن وجه غير باش تسمع منو كلمة زوينة .. و حتى هاديك ماشفتها .. 

جلسات فالمكتب جاها إيميل من عند آدم .. قبل ماتسيفطو فين قاليها فتحاتو .. ماحدها كتقرى و الضحكة كترسم على شفايفها .... الفرحة مقدتهاش لدرجة كتحك عنيها و تعاود تأكد من داكشي الي قدامها .. بعد مدة جمعات راسها و رسلات داكشي كيما قاليها آدم .. و جلسات تفرنس غير بوحدها .. 

وصلات الربعة ناضت خدات قهوة كحلة و مشات لمكتب آدم .. دقات و دخلات حطات ليه القهوة فوق المكتب جيهتو .. و وقفات كتستنشق ريحتو و هي سادة عنيها .. شاف فيها و هو انطق .. 

آدم : ااش كاين ؟ 

هاجر : اا .. موسيو الناس جاو كيتسناو فيك .. فقاعة الاجتماعات .. 

آدم : واخا .. سبقيني هانا جاي .. 

مشات هي و هو شرب قهوتو و اتاجه للاجتماع .. 

فنفس الوقت كانت 'Social Media' مطرطقة بأخبار إنفصال الثنائي المحبوب 'آدم الإدريسي' و 'هند الشرايبي' الكل مصدوم من هاد الأخبار .. لأن علاقتهم كانت كتبان للناس مثالية .. 

آدم سالا الاجتماع بصفقة ناجحة .. خرج توجه للمكتب ديالو حتى خلطات عليه هاجر .. 

هاجر : موسيو آدم .. كلشي كيتاصل بخصوص داكسي الي تنشر على علاقتك بهند .. و بغاو اتأكدو واش صحيح .. التيليفونات مسكتوش .. 

آدم : انا مدوزي ليا حتا شي مخلوق .. داكشي الي عندي راه قلتو فالاعلان .. منين انزل الخبر فالمجلات و الجرائد من المصدر ديالنا فالغد غادي اتوضح كلشي .. 

هاجر : ( الفرحة مش سيعاها ) اوكي موسيو .. 

عند هند ← 

الي كانت جالسة فالفيلا ديالها حدا لابسين .. شادة عاصير و غير كتخمم حتى صونا ليها الفون هزاتو و جوبات .. 

هند : الو ويي .. 

الشخص : مادموزيل الشرايبي معاك رئيسة التحرير لمجلة 'Shine' .. 

هند : وي .. ااش كاين .. 

الشخص : اتاصلت بيك بغيت نتاكد واش الاخبار الي نزلات صحيحة ؟! 

هند : انا أخبار !! 

الشخص : أخبار انفصالك نتي و موسيو آدم الإدريسي .. 

هند : ( قفزات ) ها .. شكون قال هاد الهدرة ؟ 

الشخص : جانا اعلان من طرف موسيو الإدريسي .. و بغينا نأكدو الخبر من جيهتك قبل منشروه .. واش امادموزيل هادشي صحيح ؟ 

هند : ( ما مشا حتى دارها ) .. 

الشخص : مادموزيل الشرايبي .. باقا معيا ؟ 

هند : ( قطعات ) ( صرخات بكل جهدها ) آدااااام .. هئ هئ .. 

شوية هزات الفون و صونات على إسراء .. 

هند : فينك ؟ 

إسراء : كاينة فالاستوديو عندي إجتماع مع داك الملحن الي بغا اخدم معاك .. 

هند : خلي داكشي و آجي عندي .. 

إسراء : ميمكنش .. راه دايرة مع السيد حشومة .. 

هند : قلت ليك آجي دابا .. الله انعل بو شي ملحن .. نص ساعة كوني عندي .. ( قطعات ) 

إسراء : مال هاد بنادمة افف ! 

اعتاذرات اسراء و غادرات الاستوديو .. ركبات فاللوطو ديريكت للفيلا ديال هند .. وصلات حلو ليها و دخلا عند هند لقاتها باقا حدا لابسين غادا جايا .. 

هند : على السلامة .. 

إسراء : هند هادشي ماشي بروفسيونيل .. السيد جا من امريكا على قبل البروجي ديالك .. و صدقنا خاويين به .. 

هند : صافي سكتي .. ماشي وقتو دابا .. عند مشاكل اهم من داكشي .. 

إسراء : كفاش ااش كاين ؟ 

هند : آدم علن على انفصالنا .. كان قالها ليا اسبوع هادا و حاولت نقنعو اتراجع .. ولكن مقصح راسو و ليوما صرح بها .. اااخ آدم .. 

إسراء : ( بقات ساكتة ماعرفات متقول ليها ) واش تنشر الخبر ؟ 

هند : ااه .. اش كنحاجي ليك انا من قبيلة .. طيح من قيمتي العديان غادي اشمتو فيا .. هادشي غيأثر على السمعة ديالي .. أكيد غادي اقولو هو الي هجرها .. حينت كلشي حاسدي حتا واحد ماكيحملني .. 

إسراء : ( إسراء شفقات على حالتها مي هي معندها مادير ليها اصلا علاقتهم مكانتش حقيقية داكشي علاش محساش بالذنب ) هند تهدني .. غادي نلقاو حل .. و غادي نتعاملو مع هادشي غير تهدني .. 

هند : كفاش نتهدن و آدم مشا من بين يديا .. انا مستحيل نرضا بهادشي .. ( شعلات سيجارة وجلسات كتكمي ) شوفي ليا شي حل ..

إسراء : مدام هو علن هادشي بابليك يعني مغاديش اتراجع على قرارو .. معندنا مانديرو من غير نأكدو الخبر .. و نحاولو نتجاوزو هادشي ونتي تركزي على خدمتك .. 

هند : كفااااش ! انا مغاديش نستسلم .. خاصني نشوف شي حل .. كفاش غادي نشوف فالناس .. كلشي كيتسنا مني نطيح و نتدمر .. 

إسراء : دبا نتي متفكريش فالناس .. فكري فراسك ااش بان ليك تغادري البلاد واحد المدة بما تهدا الأمور .. 

هند : ااه .. خاصني نبان بلي انا الضحية فهادشي .. لغي اي حاجة عندي هاد الأسبوع .. و حجزي ليا طائرة خاصة لسويسرا .. 

إسراء : اوكي .. انا نمشي نقاد الأمور و نقول ليهم اجمعو ليك حوايجك .. سيري رتاحي ليك شوية .. بما تنسا القضية .. 

مشات اسراء و هي كلها أسف .. جاها بحال الى كتخون تقة هند و كون ماهي ميتراش ليها هادشي .. علماتهم اجمعو ليها الحوايج و قادات أمور السفر .. 

هند بدلات حوايجها و غادرات الفيلا قبل لا اتنشر الخبر اكتر .. و اتجمعو عليها البابراتزي حدا دارها .. و صلات المطار برفقة اسراء توجهات لجهة الطائرات الخاصة .. و دعاتها إسراء و مشات ركبات بعد مدة قلعات الطائرة .. إسراء رجعات للدار و مشاعرها مخربقة .. فرحانة حينت اخيرا آدم انفاصل على هند رسميا .. و فنفس الوقت حزينة عليها حينت بقات فيها .. 

اتاصلات برجاء باش تجي عندها .. مادازتش نص ساعة لقات رجاء و صلات للفيلا .. مع الدخلة تلاقات بجهاد فالجردة .. شافها وهو اعيط عليها .. 

جهاد : اجي نتي .. فين غادا ؟ 

رجاء : غادا عند إسراء .. 

جهاد : و مالك شفتيني بحال الى مشفتيني .. غادة بلا متسلمي عليا .. 

رجاء : و راه جيت بزربة دخت .. 

جهاد : ( قرب عندها و باسها فخدها ) ااش الي دوخك حتا مشفتيش حبيبك ها .. 

رجاء : حبيبي ! لواه نمي .. 

جهاد : ( خنزر فيها ) مال مك لسانك ماضي .. واش نكون بالسلامة ؟ 

رجاء : مزال محددتش انا خانا نحطك فيها .. 

جهاد : الى تبعتك غادي غير تحرقي ليا اعصابي .. اللهم مغاديش ندي عليك .. 

رجاء : و حتا انا مغاديش ندير فيك راسي .. تلفتيني علاش جيت افف .. غادي نطلع عند إسراء محتاجاني .. 

جهاد : مال إسراء ؟ علاش محتاجاك ؟؟ 

رجاء : مقرتيش الأخبار ؟ 

جهاد : انا أخبار ؟! 

رجاء : إنفصال آدم الإدريسي و هند الشرايبي .. 

جهاد : او انفاصلو .. امتى ؟ 

رجاء : غير ليوما تنشر الخبر .. و إسراء باينة مسكينة مأثر عليها هادشي .. انا عارفاها قلبها هشيش .. 

جهاد : إسراء علاش غادي تأثر .. هي غير الماندجر ديالها .. و هادشي عادي كيوقع .. 

رجاء : اوى حينت هي وآ .. 

جهاد : حينت ااش ؟؟ 

رجاء : لا والو .. انا غادي نطلع عندها دبا .. 

جهاد : اوكي منين تشوفيها .. رجعي عندي بغيت نهدر معاك .. 

رجاء : ( غادا ) واخا .. 

طلعات رجاء عند اسراء .. دخلات للبيت لقاتها جالسة فالبالكون كتخمم ..

رجاء : حبيبة مالكي ؟ خلعتيني عليك فاش قتلتي ليا جي راني محتاجاك .. 

إسراء : رجاء كنحس براسي مخنوقة .. معرفتش حاسة بالذنب .. 

رجاء : متقوليش ليا على قبل داكشي الي منشور .. واش نتي حمقا .. راه معندك حتى علاقة بلي طرا .. سواء كنتي مع آدم او لا علاقتهم كانت غادي تسالي شي نهار .. 

إسراء : و لكن انا الماندجر ديالها واجب عليا نحمي المصالح ديالها .. صدقت انا مورا مشاكيلها .. 

رجاء : و الله حتى نتي الى وجه النحس .. واش حتا بديتي كتفرحي و خرجتي من ديك القوقعة الي كنتي فيها .. باغا تنكديها على راسك .. 

إسراء : معرفتش .. راسي مخربق .. واش نفرح و لا نحزن افف ! 

رجاء : إسراء براكة متخلقي الدراما لراسك .. نتي اول مرا تفتحي قلبك لشي حد .. نتي كتبغيهو هو كيبغيك هادا هو المهم .. هند غادي تجي الوقت و تنسا بحال الى مطرا والو .. و نتي عارفة بلي مكانتش كتبغيه .. شادة فيه غير على قبل مصلاحتها .. 

إسراء : ااه عندك الحق .. هي عمرها بغاتو .. 

رجاء : اوى لباس مني فهمتي .. نوضي تكعدي و سيري فرحي مع حبيبك .. الحب احساس زوين ماشي كلشي محضوض باش اوقع فيه .. انك تحبي شي حد من قلبك و ابادلك نفس الشعور راه هاديك هي الدنيا و مافيها .. 

إسراء : ههه .. وااااو عشنا و شفنا .. رجاء كتهضر على الحب .. امتى وليتي رومانسية ها ؟ و لا دارتها القبلة ديال البارح امم .. 

رجاء : ( خبطاتها على ضهرها ) اوى ااش غادي نقول ليك .. انا الي خاص مي لعقل جالسة نشعر عليك باش نخرجك من هاد الجو الكئيب الي درتي لراسك .. ساع نتي ماشي ديال هادشي .. 

إسراء : ( كتحك فضهرها ) احح قصحتيني .. راه غير ضحكت معاك ( عنقاتها ) الله اخليك ليا اعروسة خويا لعزيزة ..

رجاء : ههه جنية تخوك ماشي عروستو .. شكون قال ليك انا غادي نتزوج به ؟ 

إسراء : ااي ناس دافعين كبير .. خويا الف وحدة تمناه .. راه دايريين الصف خاص غير اعطيهم اشارة اجيو كيجريو .. 

رجاء : لواه زدتي فيه .. بلاتي عندك الحق .. غير هاداك نادي المعجبات شحال من خيتي تلقايها حاطة عليه العين .. إسراء عتقيني , البنات كيكون عندهم منافسة ولا جوج انا عندي الآلاف ميمتي .. 

إسراء ( ميتة بالضحك ) هههه .. ناري نتي و الله حتى علام .. راه هو سنين كيبغيك و خا معارفش بلي كتبادليه نفس الشعور .. واسعاك دابا ملي عتارفتي ليه .. راه والله لا زكلك .. 

رجاء : بالصح ! افف ريحتيني .. 

بقاو مجمعين و رجاء قدرات تخرج إسراء من داك المود الي كانت فيه .. ناضو هبطو التحت لقاو جهاد جالس مع والديه .. انضمو ليهم و بقاو شادين الهدرة و اتناقشو .. و جهاد كل ساعة اغمز رجاء وهي كتحلف عليه .. خايفة ليحصلو باه ولا مو اما اسراء كتشوف فيهم و ضحك .. واخا ولاو كوبل باقي دايرين كي المش و الفار .. 

عند آدم ← 

سالا خدمتو هز الفون ودوز نمرة اسراء .. الي كانت جالسة مع العائلة شافت شكون و ناضت خرجات للجردة جوابات .. 

إسراء : الوو آدم .. 

آدم : حبيبة صافا ؟ 

إسراء : احم .. الحمدلله و نتا ؟ 

آدم : ههه مازال مولفتي على حبيبة .. 

إسراء : ههه .. 😍😶

آدم : بغيت نشوفك .. ااش بان ليك نتعشاو انا وياك ليوما ؟ 

إسراء : آدم منقدرش .. مخصناش نتلقاو هاد الأيام .. على الأقل حتى اتنسى الموضوع شوية .. 

آدم : و كفاش انا دابا منشوفكش .. 

إسراء : بليز فهمني .. نتا دابا غادي تكون محطوطة عليك العين .. ومراقبين خطواتك باش القاو السبب مورا الانفصال .. الى شافونا مع بعض غادي تنوض القربلة .. 

آدم : إسراء نتي عارفاني مهامني حد .. انا مكرهتش نقول لعالم بلي راك حبيبتي .. الحاجة الي منعاني هي خايف عليك لا تآداي .. 

إسراء : عارفة .. سو خاصنا نصبرو شويا غير حتى افوت هادشي و اتنسى .. 

آدم : اوكي على خاطرك .. غادي نصبر معاندي مندير .. 

إسراء : تانكس بيب .. نخليك دابا .. 

آدم : باي .. اي لوف يو .. 😘

إسراء .. هه اي لوف يو تو .. 😍😶

قطع معاها ناض هز سوارتو وخرج من المكتب .. خدا اللوطو و هو خارج لمح المصوريين برا الشركة كسيرا و توجه للدار وصل لقا الكل كاين كيتسناوه .. تجمعو على العشاء وتناقشو على داكشي الي طرا اليوم .. سالا طلع لبيتو خدا دوش ولبس عليه شوية جاه اتصال هزو جاوب .. 

زياد : الوحش صافا ؟ 

آدم : حسن منك .. 

زيادة :هه هي جاء الفرج .. 

آدم : بحال هكاك .. مزال مغادي ترجع .. شتك ولفتي تم ياكما عجبك المنتوج البرازيلي ؟ 

زياد : ههه .. بحال الى علمك الله .. ناري ياخويا هادشي مجهد .. 

آدم : هه و تكايس راه صحتك غير على قد الحال .. 

زياد : هضرتي ولا حزقتي .. هاد الفورمة كلها وعلى قد الحال .. نسيتي انا وياك واحد الوقت مكناش كنخرجو من الجيم .. 

آدم : الا منسيتش .. هي مبرع ؟ 

زياد : بفف .. مامبرع ماوالو .. ماسوكرت غير للشوفان .. آدم : هه علاش مالك ؟ 

زياد : صافي عفا الله .. دخلت سوق راسي .. 

آدم : هههههه .. نتا دخلتي سوق راسك .. ااش هاشي كنسمع ! هي شي سينيوريتا خدات ليك قلبك .. 

زياد : علاه انا جبتو معايا .. راه خليتو فالمغرب .. 

آدم : لاواه متقولهاش .. امتى هادشي ؟ صافي طحتي .. 

زياد : شحال هادا .. لمهم حتال وقتو وتعرف .. غدا غادي نجي للمغرب .. 

آدم : مزيان .. الله اجيبك على خير .. 

زياد : احفضااك .. كي نجي هاني عندك .. 

آدم : اوكي .. تلاح .. 

قطع آدم و مشا تكا فوق الناموسية .. هز البيسي بقا خدام فيه حتى جاه النعاس .. سدو و ضربها بنعسة ..

بعد أسبوعين .. آدم و إسراء بقاو كيهدرو غير فالفون .. إسراء لي مصرة حتا يدوز شوي دالوقت عاد يتلاقاو باش يتفاداو يشوفهم شي واحد .. أما هو مكيتسوقش آخر همو ناس شنو كيقولو .. همو الوحيد راحتها .. 

في فيلا اليوسفي .. جالسة إسراء فجردة شادة الفون و حداها رجاء و جهاد كيتحابو .. 

جهاد : (كيقيس ليها شفايفها) آش هادشي فيك هنا .. آجي آجي نشوف .. 

رجاء : (ضربات ليه يديه) ديرها بيا أنا عندي 5سنين .. حشم شويا إسراء حدانا 

جهاد : ههه إسراء كوول غير آجي بوسي حبيبو 😉

رجاء : ماشي دابا أحبيبو .. خليني نمشي عند صاحبتي 

جهاد : هاني كنحسبهم ليك .. سيري (وقفات وضربها لمؤخرتها) 😂

رجاء : (ضارت خنزرات فيه و هو كيفرنس .. جلسات حدا إسراء ) آش كديري ؟ (طلات على الفون بانت ليها تصويرة ديال آدم ) .. ملي غتسطاي عليه علاش مازال ماباغاش تلاقايه ؟

إسراء : واش أنا كرهت ؟ ولكن خايفة يشوفونا 😢 .. اوووف توحشتو غنحماق 

رجاء : واا نوووضي تكعدي .. سيري عندو .. معدبة راسك و معدبا سيد .. أصلا جوج صيمانات را باراكة .. الصحافو نساو هداك الموضوع 

إسراء : بصح ؟ 😢

رجاء : امم بصح ... دابا سؤال هو آش غتلبسي ؟ 😉😂

إسراء : ههه و نتي لاش كاينو نوضي يالاه عاونيني .. 

رجاء : نعاونك غادة معرسة الله يمسخك زيدي 

إسراء : 😂 

طلعو للبيت إسراء. .. خلات إسراء رجاء كتقلب فالبلاكار و هزات الفون صونات لآدم 

إسراء : آللو آدم 

آدم : روح آدم .. سافا حبيبة ؟

إسراء : حمد لله و نتا ؟ 😍

آدم : سافا .. 

إسراء : فينك دابا ؟ 

آدم : أنا غير فشركة اليوم غنتعطل فيها شوية .. الخدمة كثيرة .. 

إسراء : همم .. اوكي الله يعاونك بيب .. بون نخليك دابا كمل الخدمة نهدرو من بعد 

آدم : اوكي حبيبة .. take care 

إسراء : حتا نتا 😍

قطعات و مشات عند رجاء لقاتها جبدات ليها لبيسة سروال high waisted فالبلو ماغين و معاك كروب توب فيه البيض و الغوج و ساك غوج .. دوشات إسراء دهنات لحمها بكريم فاني (قريت فاني كتهيج الرجال و كتزيد فالرغبة ديالهم هاني نفعتكم 😂) .. لبسات حوايجها و طلقات شعرها على راحتو و دارت نظيظراتها .. 

رجاء : آجي آجي خاصك واحد الحاجة 😉

مشات عندها دارت ليها body chain سلسلة جاية هابطة على صدرها كتبان سيكسي .. 

إسراء : هادي كنت مخلياها غير لشي سواري 

رجاء : ديريها دابا نيت ... ههه بقا فيا آدم مسكين .. غيخرج ليه العقل ليوم .. 

إسراء : هه😍 

رجاء : يالاه تلاحي نتي تحليتي ليا هنا 😂

نزلات إسراء سلمات على دارهم و خرجات .. شدات طاكسي داها لسويفت .. دخلات و نزلات كتسلت لباركينغ .. بقات كتقلب على طوموبيل ديال آدم حتا لقاتها و وقفات حداها و سيفطات ميساج لآدم .. 

آدم كان جالس خدام حتا وصلو ميساج .. هزو قراه "هاد طوموبيل شحال هادي مغسلتيها ؟" بقا كيشوف فسمية ديال إسراء و يعاود يقرا الميساج حتا استوعب و ناض كيجري حتا خرج و رجع لمكتب جبد يحتو رش منها و نزل .. إسراء كانت واقفة حتا حسات بيدين على خصرها .. تخلعات حتا شافت الوشم فيدو عاد بتاسمت و تلفتات ليه 

إسراء : آدم 😍

جرها عنقها بجهد و خشا راسو فعنقها كيستنشق ريحتها .. 

آدم : (مزير عليها و كيدوز يديه على شعرها ) توحشتك 

إسراء : حتا أنا .. توحشتك بزاف بزاف 😍

بعدها عليه و شد وجهها ب يديه كيشوف فيها و هي كتبتاسم .. شاف فعينيها شاف فشفايفها بحالا كياخد الاذن ديالها .. و حتا هي نفس شيء .. قرب ليها حتا تلاقاو شفايفهم .. هاد المرة كانت مختالفة على أول قبلة ليهم .. كانت حنينة و كتوحي بشوق ديالهم لبعض .. بعدو على بعض و ابتاسمو .. عاود سرق بوسة خفيفة و عنقها .. ضمها لصدرو بحالا كيحاول يخبيها داخلو .. بقاو هكاك مدة من بعد .. جرها و طلعو لطوموبيل .. 

آدم : (شاد فيدها) علاش مقلتيش ليا غتجي ؟ 

إسراء : بغيت نخليها ليك surprise 

آدم : (باس يدها) أحلى surprise 

إسراء : ☺😍

آدم : متعاوديش تبعدي عليا سمعتي ؟ 

إسراء : حركات راسها بآه ... jamais 

آدم : تمشي معايا لطنجة ؟ 

إسراء : طنجة ؟ امتا ؟ 

آدم : غدا ..واحد الصفقة خاص نوقف عليها تما .. آش قلتي ؟ 

إسراء : اوف .. أنا عندي الخدمة شي حاجة ضرورية ديال جهاد 😢 ..

آدم : ماشي مشكيل .. نخليوها من بعد .. 

إسراء : شحال بضبط غتبقا فطنجة ؟ 

آدم : غير 4 جوغ و راجع بينما كملت شغلي تما ... راك عارفة داكشي خاص نوقف عليه بنفسي ميمكنش نتيق فشي واحد آخر 

إسراء : وي عارفة 😕 ماشي مشكيل (حدرات راسها)

آدم : (هز يدها باسها ) غتوحشني حبيبتي ؟ 😍

إسراء : (تزنكات) امم .. 😍😶

آدم : نتي مبغيتيش تمشي معايا ( كيهدر و كيدوز يدو على وجهها ) 

إسراء : منقدرش عندي الخدمة هاد الأيام كثيرة 😢اووف .. 😢

تلاحت عليه عنقاتو و زير عليها و بقات حاطة راسها على صدرو و مجمعين .. نساو راسهم حتا طاح الظلام .. من بعد ديمارا آدم طوموبيل باش يوصلها لدار .. طريق كاملة و هي معنقة يدو .. شي حاجة داخلها مبغاتوش يمشي يغبر عليها واخا غير 4 أيام ..

إسراء : اووف دغيا وصلنا 😕

آدم : نجيبو دويرة خرى ؟ 😂

إسراء : نو .. نتا غادي مسافر خاصك تمشي ترتاح .. 

آدم : اوكي بيب .. كيف نوصل غادي نعيط ليك 😉

إسراء : اوكي .. أنا مشيت 

(دارت تحل الباب و وقفها)

آدم : آجي بعدا نقوليك ... 

إسراء :(تلفتات ليه ) ها ؟ 

جرها عندو و هاد المرة باسها بوسات كتارين .. حتا خنقها 

اسراء : ههه آاادم .. (دفعاتو) حماقيتي ؟ دابا يشوفنا شي واحد 😂

آدم : ههه يالاه دابا عاد سيري 

إسراء : هه باي بيب 😍 .. نزلات و سيفطات ليه بيزو فالهوا و دخلات لدار ... عاد ديمارا آدم طوموبيل و هو مبتاسم ..

🌟🌟

هاديك الليلة في نايت كلوب .. فقنت معزول على صداع

... : درتي داكشي لي قلت ليك ؟ 

.... : معلوم آش كتعرفي عليا 😉

.... : يالاه طلقني .. (آخييرا آدم غيولي ديالي ) 

....: هانتي ألالة هاجر .. ها تصيورات .. تعدبت باش نجيبهم ليك .. هادوك ناس كيعرفو يتخباو 

هاجر : هه تخباو حتا عياو و جبتهم .. معلينا .. ها فلوسك .. نسا بلي راك عرفتيني شي نهار كتسمع ؟ 

.... : (عينيه على الفلوس ) .. الله أودي .. الله يخلف عليك 

هاجر : يالاه تهز .. (مشا سيد .. و بقات هاجر كتشوف فتصاور ) .. هادشي كامل طلع منك ألالة إسراء .. تباوسي نتي وياه فطوموبيلات .. قدرتي تعلبي على هند .. و لكن أنا غييير ههه .. ماعارفاش معامن طحتي ... هكا غنضرب عصفورين بحجر واحد ههه نوريكم هاجر آش كتسوا .. 

بقات كتشوف فتصاور بعينين عامرين شر و حقد ... من بعد ناضت مشات لدارها .. 

🌟🌟

دخلات إسراء لدار جلسات شوية مع ماماها ..تعشاو و طلعات لبيتها دوشات و خرجات لابسة بينوار .. تلاحت فوق سرير هدرات مع آدم شوية من بعد لبسات بيجامتها و نعسات حيت فايقة بكري نهار لاخر ... 

صبح الصباح .. فاقت إسراء على صوت المنبه و أشعة شمس ضاربا ليها فوجهها .. تعكزات و من مشات لحمام غسلات و لبسات حوايجها .. نزلات تفطر لقات ماماها فايقة .. 

إسراء : صباح الخير ماماتي الحادكة

سعيدة : صباح نور حبيبة ديالي .. آجي تفطري 

جلسات فطرات معاها .. شافت فالساعة لقاتها 8 .. ودعات ماماها هزات ساكها و تيليفونها .. شافت فيه لقات بزاف ديال ليزابيل من عند صحافيين صحابها و رجاء ..

إسراء : ويلي هادو مالهم ؟ ياكما هند واقعا لها شي حاجة ؟ 

خارجة فجردة و كتقلب.. يالاه بغات دوز نمرة ديال رجاء حتا صونا لها فيدها .. كان آدم 

إسراء : صباح نور بيبي 😍 كيف وصلتي بيخير ؟ 

آدم : إسراء .. حبيبة . متخرجيش اليوم من دار اوكي ؟

إسراء : هه آدم ؟ كيفاش منخرجش ؟ أنا غاديا لخدمة دابا (سمعات صداع .. حطات يدها على الباب باش تخرج تشوف شنو واقع) 

آدم : إسرااااء ... سمعيني .. رجعي دابا دخلي .. أنا جاي عندك .. 

إسراء : علاش شنو .. 

مع الحلة لي حلات الباب كتصدم ب البابارازي واقفين هازين كاميراتهم و بزاف الناس كلشي كيشوفو فيها و مخنزرين و كيوشوشو بيناتهم

إسراء : آدم ... 

#يتبع