حطم قلبي يوم زفافنا الجزء الرابع

من تأليف غزلان لوطى
2018

محتوى القصة

رواية حطم قلبي يوم زفافنا

اياد.امين
غزلان. هدو تعطلو بزاف 
اياد. آه وبرد كيتزاد
غزلان.سير اعهد بغيت ليك.....
دار اياد صبعو على فمها
اياد.متدعيش على صاحبي
غزلان. دابا شنو زعما كيقول ليها
اياد. ايعتارف ليها
غزلان. بف صاحبك عنيبة
اياد.كيفاش عنيبة؟
غزلان. عنيبة هيا عنيبة هههه
وبداو كيضحكو 
عند سمر وعهد
سمر متكيا على عهد وهما كيشوفو ف ذاك نهر رائع اسمو نهر هان 
عهد.سمر
سمر.امم
عهد. كاين شي واحد ف حياتك
سمر. لا
عهد. وإلى جا شي واحد وقال انه بغاك تيقيه
سمر.معرفتش 
عهد. كنبغيك
سمر (مصدومة) شنو؟؟؟
عهد.اه كنبغيك كنبغيك 
سمر.عهد نتا واش بجميع قواك عقلية 
عهد.اه كنهضر بصح 
سمر. (وقفات) عهد انا مشي من ذاك نوع نتاع بنات ل عتضحك عليهم بكلمة كنبغيك 
ومشات وتبعها عهد 
كيجري جرها عندو حتى تزطحات مع صدرو هز ليها راسها وقال 
عهد.واش كيبانو ليك ف عينيا اني كنكذب 
سمر . (غرقات ف عينيه)
عهد. جاوبيني
سمر. لا .....
عهد. عطيني فرصة اسمر مجرد فرصة 
سمر. ولكن......
عهد.كنقسم ليك انك معتندميش 
سمر. (بعدات منو ) انا انفكر ونجاوبك 
عهد . على راحتك يالله نوصلك لدار رآه برد عليك
سمر.واخا 
مشاو ابطالنا وركبو ف طنوبيلة 
وكان صمت هو ملك مكان كان جو مكهرب جدا
وصلات سمر وعهد لدار
غزلان.اه هاهما جاو (وقفات)
نزلات سمر نقزات عليها غزلان 
غزلان.حبيبا نتاعي واش نتي بيخير
سمر.اه انا بيخير 
عهد.كنتمنى ليكم ليلة سعيدة 
سمر.وليك حتى نتا 
ومشات 
غزلان. (بتوشويش) اش وقع
سمر. اش حتى ندخلو سكتي 
عند عهد واياد كيشوفو 
اياد.شحال تعطيني إلى مكانتش كتسولها اش وقع
عهد.هه عارف راني حفطت تصرفات غزلان
اياد.صراحة تيتيزا
عهد.نصحك بعد منها نخاف تهرسك 
اياد.ههههه دكشي لخايف منو 
عهد طلع طلع نمشيو 
مشا عهد واياد لدارهم 
اما عند سمر غير ذخلو 
غزلان عملات ليها ارارت 
غزلان. اش وقع هضري 
سمر.وصبري نجلس 
جراتها حتى جلسات
سمر.ايو.. (قالت ليها كل شي)
غزلان. ونتي قلتي نفكر
سمر.اه
طلعاتها معاها بواحد قرصة
غزلان. لمك باغا تبقاي بايرة
سمر.اح طريتيني(وكتحك فقرصة)

غزلان. شوفي اتقبلي بيه
سمر. (شاد فخادها) يابنت كلبة قصحتيني
غزلان. بصح ايو بصحة ولله ليماك ومتقبليش حتى نديريك اخصاب ذاخلي
سمر.منحرفة تفو عليك
غزلان. ههه وراني باغا مصلاحتك
سمر .عارفا. .... اجي شكون ذاك ولد لكان مع عهد
غزلان. اه اياد ههه
سمر.اياد ههه
غزلان. يخ عليك ههه رآه غير بقينا كنهضرو حتى جيتو ابنادم
سمر.هه كنشم ريحة شي عراسية قريبة
غزلان. وأنا كنشم ريحت كنازة انديرها ههه
سمر.نوضي نوضي نتي مقطعة وراق وانا تابعاك يالله نعسو ابنادم
غزلان واخا 
مشاو بنات بدول حوايجهم ولبسو بيجماتهم وجلسو تركنو حد بعضياتهم وجبدو تلفون وكيتفرجو ف لحفلة ل ممشاوش ليها 
غزلان. اهئ اهئ
سمر.مالك
غزلان. حفلة طلعات مقودة وحنا بقينا هنا(هزات يديها لسما) سير اعهد بغيت ليك. ...
سدات ليها سمر ف مها
سمر.حشومة دعي عليه 
غزلان.يعطيك ذل اموصيبة هههه
سمر. يجيك 
بعد مدة من ضحك ونشاط نعسو بنات 
ف صباح 
سمر. غزلان غزلان (وكتزيزع فيها)
غزلان. (حالة فمها وف سابع نومة)
سمر. ونوووضي
غزلان. اش باغا عند دين مي ف هاذ نهار ها 
سمر. يعطيك موصيبة نوضي نوريك 
وجراتها ل جيهت شرجم
غزلان. وبااا 
سمر.شتي اش قلت ليك
غزلان.اش كيعمل هذ مصيبة هنا
سمر.ا مصيبة هيا نتي ههه
ههه انا انشرح ليكم 
أخ عهد فاق ف صباح بكري ومشا قدام بيت سمر هه وصيفط ليها مساج انه ايوصلهم جامعة 
غزلان. اش بغا 
سمر. بغا يوصلنا 
غزلان.ههه مزيانة نقصو علينا فلوس طوبيس 
سمر. ينعل دين مي انا لكنتشاور معاك
ومشات 
غزلان.هه نهار تزوجو متنساونيش 
سمر (من بيت اخر) انجي ريشك

سمر.انجي نريشك
غزلان.وحق مولانا حتى راكم متوتيزين مع بعضكم ههه 
مشاو بنات لبسو حوايجهم وهبطو عند عهد
عهد.تعطلتو
سمر.اه ....
غزلان. انا انطلع نجلس لور
سمر.انجلس حداك 
غزلان.حجارك يشدوك انا اختي بغا نتمرح سيري جلسي قدام 
خنزرات فيه سمر وطلعات حد عهد 
عهد. متي كتفهميني
غزلان. هانيا اعشيري ههه 
طلعو ابطالنا وشدو طريق لجامعة 
عهد. اشمن تخصص درتو
سمر. إقتصاد 
عهد. خاصك تعلمي كورية
سمر.وي عندك حق انا كنعرف غير أساسيات فيها خاصني نزيد نتعلمها
عهد.اه إلى بغيتي نجيب ليك معلم يعلمك 
سمر. لا بلاش بلا منعذبك معايا
عهد.ما كاين عذاب 
غزلان. خويا متوتز 
خنزرات فيها سمر 
غزلان. (شداها ضحكة) زعما خويا عهد نسولك
عهد.اه اختي سولي
غزلان.شكون ذاك خونا لكان معاك بارح 
عهد.إياد
غزلان. آه اه 
عهد. هذاك صاحبي من طفولة و شريك نتاعي
غزلان.اه صافي .......
سمر. (بغا ترد ليها صرف نتاع قبيلة) وعلاش كتسولي عليه 
غزلان. (عاقت اش باغا دير ليها) حيث احبيبا باش مشيتي متي وعهد معرفت فين (وركات على ديك فين ههه ) بقا معايا ومفيها باص 
سمر. آه يصح احبيبا (وضحكة صفرة وكتحلف عليها)
حبس عهد طنوبيل 
عهد .وصلنا 
خرجو بنات ولقاو راسهم قدام واحد جامعة كبيرة بزاف ناس ذخلين خارجين 
غزلان. موك موك هذشي شحال كبير 
سمر. (نعزاتها) سكتي
سمر. إذا كنضن انك عندك خدمة 
عهد. معندي خدمة من غيرك حسبي خطوة قدامي 
سمر.اجي اخويا شتك كتحكم فيا شكون نتا 
قرب حداها حتى لصقات معاه وبصوت رجولي قال 
عهد. شكون انا ياك 
سمر. (صرطات ريقها) انت لا مشي هكاك 
عهد.حسبي خطوة قدامي 
سمر. و...خا 
وزادت قدامو 
غزلان. لله يعز لحكام 
عهد.تبعيها 
غزلان. هيا لولة ههه 
وزادت

غزلان.(كتهضر بشويا) هه حب معصبة
سمر.لا ممعصباش غير هو ولا يحكم فيا وانا كحمارة تبعتو 
غزلان.على لشاف ذاك جمال ايبقى بعقلو 
سمر.انخبط موك ابنادم
غزلان. عارفاك مغيارة ههه 
سمر.اش بيني وبينو يخ 
وزادت 
سمر. صافي هنا انبداو حصة تقدر تمشي
عهد. لا انبقى 
غزلان. . ولحم راس وعلكة وبعد من بنت
عهد (خنزر فيها) شنو
غزلان. لا لا مشي معاك اخويا بشوية عليك لله يجمعكم ف لحلال (وكتفرنس)
سمر. راه انجمع موك بشي دقة 
عهد (شاف ف ساعتو) من اتكمل حصتك انتسناك برا متحوليش تسلتي 
سمر. (تنهدات) واخا 
عهد. يالله قسمك ونقصي ضحك
سمر.معقد 
عهد. وعاجبني راسي 
ذخلو بنات لحصة 
وسمر مغوبشة 
غزلان. امالك اصاطا 
سمر. داك عهد كيحكم فيا كثر من با يخ 
غزلان. هه وراه كيبغيك ابنادم 
سمر. وحتى انا (ههه زلقات ليها)
غزلان. (بصوت مرتفع) اشنوووووو
سمر. اويلي اشو سكتي سكتي يعطيني لقوة انا لفيا كثرة هضرة 
غزلان. واش كتلوفيه ... امسخوطة
سمر. هو فصارحة كيعجبني شخصيتو رجولية وزوين وكل شي فيه زوين 
غزلان. احم حتارمي مشاعر واحد بايرة حداك
سمر. ولكن شنو نمشي نقوليه اسي عهد انا كنحبك ولله لكانت ليه 
غزلان. ويا بنت لحرام من قال ليك كنبغيك علاش مجوبتيهش 
سمر. وراني دهشرت ازمر 
غزلان. يعطيك غبارة وايو صبري حتى يحشيها ليك
دازت ساعتين نتاع درس وبنات غير كدابزو مع بعضهم 
خرجو بنات من حصة 
ولقاو عهد كيتسناهم
عهد. عريسات مالكم على هاذ تعطيلة ب سلامة 
سمر. وشكون قال ليك تسننا (وخرجات لسانها)
عهد.داك لسان انقطعو ليك 
سمر.جرب تربح مكينا 
غزلان. اودوك قرودة شينوا هنيونا اويلي ياك زعما كتحبو بعضياتكم (ودارت يديها على فمها على ود كلمة لزلقات) (وهضرات بشويا) ناري يوم سمر درليا تمحويت تناكت
عهد.شنو 
غزلان. والو.... آه تفكرت خصني نمشي خليت خبز ف لفران (ودرباتها بسلت لذاخل جامعة وكتفرنس)
عهد. علاش كاين شي فران ف جامعة.؟؟؟؟
سمر. متشوفش فيا 
وطلقوها بواحد ضحكة

سمر.متشوفش فيا
وطلقوها بواحد ضحيكة
عهد. مكتعرفش تكذب هه
سمر. هه اه 
عهد. ايوا ...
سمر.نعام
عهد.فكرتي ف ذكشي لقلت ليك
سمر. شوف أعهد انا مبغاش ندير شي علاقة 
عهد (تزير) و علاش 
سمر. انا هاكا مبغاش نخلي تقت ولديا بيا تمشي هاكا(كتهضر وتحرك يديها وعهد كيشوف فيها كتبان ليه بنيتا صغيورة) 
... بقا مركز معاها و مسمع حتى شي حاجة 
سمر. (كتحرك يديها قدام عينيه) وا عهد وا عهد فين مشيتي
عهد.فين جات داركم 
سمر.ف دورا ههه
عهد.كنهضر بصح
سمر.هه بصح مالك ناوي تخطب 
عهد. تماما(بصوت حنين) ناوي نخطب 
سمر طلعات معاها سخانة متسخنة هههه تزيزنات بنت عبد هههه
عهد.سمر وا سمر
سمر. اش ...قلتي
عهد.اه اش قلت(باغي يفقصها)
سمر. (كضربو لصدرو) عهد مكنضحكش
عهد (شد يديها وجرها لعندو ) علاش مناوياش تقبلي بيا 
سمر. هه علاش كايسمح ف هاذ تيتيز ههه
عهد.ههه علماتك غزلان وليتي تهضري بحالها
سمر. ه علاش مفخباركش انني ل علمت غزلان 
عهد.ياك امشعكة
سمر .مشعكة اويلي شوف شعر مسبسب كحرير(وكتوريه شعرها)
عهد. (قاسها فنيفها) غير كنت كنضحك معاك انا كنبغي لذاخل نتاعك
سمر. (فهمات غلاط تبا لتفكيرك منحرف) لله يقلل حياء محشمتيش
عهد. (طلقها بواحد ضحكة حتى كل شي رد ليه بال) ههه مالك عقلك موسخ ابنادم رآه قصدت روحك 
سمر. (عاد طلع معاها قالب) ه 
عهد.زيدي زيدي امصيبة ولله كون مكنت نبغيك كون قتلتك
سمر.حمد لله
عهد.علاش
سمر.حيث كتبغيني ههههه
عهد. حمقة ...
وهاكا قداو ابطالنا يومهم بضحك وفرحة 
رجعات سمر لدار وهيا ناشطة ذخلات ولقات لهيشة نتاع غزلان مدورا عليها حلوة وكتخشي ف مها 
سمر.هه جبتي خبز من فران ولا لا 
غزلان. قردة جيتي اجي كلبة يماك نتفاهمو ههه 
سمر.هه واش ملقيتي كذبة خبز ف فران ...نهه
غزلان. وصافي اتبقاي شاداها عليا اجي عودي ليا اش وقع
سمر.ايوا باش مشيتي تجيبي خبز من فران..
غزلان.سمرر
سمر.ههه اكنضحك

سمر. ايو....(سرسبات ليها كل شي)
غزلان. يختيشي عندك زهر
سمر. وشتي هههه 
غزلان. نطلبك 
سمر. اش باغا
غزلان. هالعار مقولي ليا اشمن فقيه مشيتي ليه 
سمر. ( خبطاتها ب مخطة) انوضي اسحارة انوضي ههه 
غزلان . ههههه اه (عنقاتها) دابا نتي اتخطبي شوفي طلبي ليه 4 ربعة من حاجة صافي 
سمر.ههه وعلاش
غزلان. جوجل ليك وجو لعزيز عليك (وشيرات على راسها)
سمر.هه انا بغيت ليك اعقل لموك هبيلة وطلقوها نوضي نوضي تنعسي 
غزلان. سيري بعدي مني اختي نتي اتزوجي وانا انبقا بايرة نش ذبان على قليبي 
سمر.ههه ياك لموك وشكون قالك دفعي كبير
غزلان.يدفعك لله فبير
سمر.يا ربي سلامة جوابك على طرف لسانك 
هههه 
بعد مرور اسبوع قرو بنات يرجعو ل مغرب ومعاهم ايلي حيث أخ عهد و
زربان وبغا يخطب مسونتنا سمر فأقرب وقت (وهو من وجهة نظري يخطف تيتيزة طعيا ههع)
رجعو فتيات ورفقاتهم حتى ايلي ههه لعجبها لمغرب وترفقات مع غزلان قاع كلمات نابية علماتهم ليها آخ وتعرفي اش كتقولي ههه 
عليا بليمين حتى تكرهي غزلان ههه 
نهار خطبة ف غرفة سمر 
سمر وهيا لبسا واحد قفطين عوز بارد على من زيناتو وخلات شعرها رطيطب 
مع مكياج خفيف معها غزلان للبسات قفطان ف موف وايلي واحد قفيطين ف زرق وفرحانا بيه هههه 
سمر. كنبان زوينا 
غزلان. وشوفي راه ايخطبك يخطبك اما بخاطر ولا بزز متخفيش ابب 
سمر.يخلي ليا مشرملة (تنفسات) 
ايلي. تبدين جميلة 
غزلان. ايلي جميلة هيا قوقة عندنا
إيلي.خوخا
غزلان. ولا اش بينا وبين شي خوج (أقصد كلمة قوقة 
إيلي.اه انتي تبدين قوقة 
غزلان. (شدات كرشها) ومي ههههههه
سمر.يعطيك جربا سكتي بعدي من بنت/ وانتي أيضا جميلة يا عزيزة 
غزلان.(كطل من شرجم) اححح اقلبي 
سمر.مالك 
غزلان. اول مرى نعرف أن توت بري كيمشي على لأرض 
سمر. علاش كتهضري 
غزلان.جراتها... تمنظري ف تيتيزك اح اقلبي
سمر.بشاخ هذشي كلو نتاعي ههه 
غزلان.صاطة يالله رجعي لأونوتة نتعاك 
سمر. وراه صباط عاكرني 
غزلان.وصبري أبنادم وهبطاتها فذروج 

جراتها ف دروج 
سمر.احح أح بشويا
غزلان.اباركا متوحوحي يصحبوني غير كنعتاصبك 
سمر.يعطيك موت
غزلان.هنينا وزيدي لكوزينة
سمر.اويلي علاش 
غزلان. اويلي حي باش نغسلو ماعن
سمر. حتى نهار خطبتي انغسل لماعن 
غزلان. سيري اسمر... (بغات تدعي عليها لكن سمر كنكسيو تقيلة ههه
سمر.فين انمشي
غزلان .انا لعنمشي
سمر. فين؟؟؟
غزلان. انمشي تلت خالي نسلم على حمو وقنيديش ونجي... (بغوات) ونتي زيدي تحركي قدامي اويلي ناس عندهم صحابات ونا عندي وحدة نص اشمن نص ربع عقل معندهاش 
سمر. وفهميني لاش انمشيو ل كوزينة
غزلان. (تنهدات) باش تدي لضياف سينية اتاي نزيد نشرح ولا نسكت 
سمر.اه صافي واخا واخا 
غزلان. يالله هزي صينيا وتبعيني
سمر. واخا ابنادم كتعامليني بحال نازلا من شي جبل
غزلان. راه انا لعنمشي لذاك جبل ولوح راسي(هههه تفقسات مسكينة)
هزات سمر صينية وغزلان كتوصي فيها وتدعي لله كل شي ايمر كما يجب حطات سمر صينية ونظرات عهد متبعينها جلسات سمر حدا غزلان وصقلو لشافهم يقل ملائكة رحمان وهو إبليس يقول ليهم نعام الالة هههه
وشويا هضر أب عهد ولا من افضل نقولو عمو حيث باه منع انه يتزوج من سمر وحتى امو 
عم. ايو اسيدنا قصدناكم ومقصود لله حنا....جينا طالبين راغبين ف يد بنتكم سمر لولدنا عهد
آب سمر.ايوا اشريف حنا خاصنا نشوفو بنت واش قابلة 
هه سمر ضرباتها بسقلة
عمتو.ايو سكوت علامة رضا .ايو....
غزلان.لا صبري اخالتي اجي نتا لهنا (جرات عندها عهد) اتهل فيها ياك
عهد.اه
غزلان. جيب 4 4 من حاجة 
عهد.جاتك
غزلان. تقبل عليها فأي حالة 
عهد.واخا الالة
غزلان.ايو صبر نفكر ف موضوع 
عهد.ولكن انا باغي سمر فاش اتفكري نتي
غزلان.حيث لمقبلتش بيك انا ههه ولله لكانت ليك
وطلقوها بضحكة بسبب جو لخلقاتو غزلان بهبالها

طلقوها بواحد ضحكة على هبال غزلان
من بعد قراو فاتحة وكل شي داز مزيان 
وحمد لله وقرو أن عرس يعملوه من بعد شهر ..........
ولكن قصتنا معتنتهيش هنا حيث عنوان هو 
/حطم قلبي يوم زفافنا/ ول ع يحطم بطلتنا هو عهد مشي زكرايا انا انقول ليكم سمر اش عملات ك أي بنت مقبلة على زواج فهيا كانت مشغولة وبزاف ف شراء ملابس و غيرها كثير وحتى غزلان لكانت نعم صديقة 
كانت معاها طوال ذاك شهر وعمرها خلاتها سمر وعهد لول مثل عصافير حب حتى واحد مقدر يترك لأخر كانو عايشين أحلام وردية ولكن لأسف واقع اسود ك سواد ليل 
ف يوم زفاف سمر 
لكانت ف غرفتها 
سمر. وصاحبتي سدي مضمة ذغيا
غزلان. وصبري(كتسد ليها ف مضمتها) ناري لمك ربيتي كرش
سمر.بزاف عليك 
إيلي. لماذا لم تحضري مساعدة لتساعدك فس ملابسك
غزلان. لا لا انا لمخليتهاش لله يحفط يضربوها بشي سحور ولاشي مصيبة كحلة
إيلي. لم افهم كلمة 
غزلان. ولله حتى بغيت نشد معاك حتيت اختي ايلي ونشرح ليك بخوشيبات ولكن يوم عرس هاذ مصيبة يالله اوب هانتي عروسة على من زيناتك أوجه لفت
سمر.شكرا اوجه عوا
غزلان.يالله شدي فيا(شدات فيها) يا بسم لله خرجات سمر وغزلان وتلقاو ليها بنقفات بزغاريت الالة و شطيح و نطيح ههه و لالة سمر كانت ضحكة مرسومة على وجهها ولكن واش فرحتها اتكمل.... انا شخصيا لا اضن ذالك 
مشات سمر ف تجاه كرسي عروسان وشد ليها عهد ف يديها وقال 
عهد.جيتي زوينة 
سمر. (بخجل)شكرا
عهد.زعما كتحشمي هه 
سمر.مالي سميتي عهد باش منحشمش
عهد.هه مقبولة منك الآلة 
إضافة فقط حفل مكانش كبير لا بعكس سمر فضلات يكون غير مع أصدقاء وعائلة فقط 
سمر لكانت لبسة واحد قفطان في ابيض وحد تاج فوق راسها جات فنونة اما عهد فكان لابس كوستيم ف أسود احح لمكم تيتيز 
احم نكملو 
حطو قدام ابطالنا عقد زواج حيث أن عهد شاف ف سمر وبتاسم ووقعو وسمر نفس شيء غير وقعو وتسمعات زغاريت لبنات ههه اولهم غزلان لمشاء لله عندها واحد تزغريتا نتاع عونيات ههههه 
كل شي كان فرحان وكيضحك وحتى عهد لكانت فرحة اتخرج ليه من عينيه وهو كيشوف ان حبو ولا حلالو هه
أما واحد اياد لسق ف غزلان 
غزلان. ولحم رأس وعلكة اش باغي 
إياد.حشومة عليك ولله مالك هاكا 
غزلان.وينو على حشومة عليك... حشومة مرات شيطان 
إياد. يالله ايجاوبها وهيا ضربو لقوة ... جوليا 
غزلان. غزلان. انتا شكون ها هاذ جوليا ثاني 😠
إياد. اش كدير هنا لا ميمكنش 
(وي جوليا إلى كنتو دكرتوها هيا خطيبة عهد ومن هنا اتبدأ قصة)

غزلان. نتا شكون هاذ جوليا ثاني
اياد. ه (كيتلف هضرا) لا توحدا اه غزلان واخا تقلبي ليا على ..... على 
غزلان. علايش
اياد.اه اه على شرجور اه شرجور
غزلان. شرجور
اياد.اه اه ويكون نتاع ايفون
غزلان.واخا يمكن عندي شي واحد
اياد .اه عندك
غزلان.واخا انا انشوف 
ومشات و هي كتلفت واياد ميفرنس ليها غير مشات وهو يجمع ضحكة ومشا جيهت جوليا لي يالله قربت ل ابطالنا ويالله اتهضر وهو يسد ليها اياد فمها وجرها لجنب 
وزدحها مع حيط
أياد. اش جابك هنا
جوليا. (وهي كتنتر منو) وبعد مني ه شنو بغيه تخليه يتزوج بيها
أياد.جوليا سمعيني مزيان بلا مشاكل صيري من هنا 
جوليا.معنمشيش فهمتي
اياد. لا اتمشي ودابا(وجرها من يديها) وهي كتنتر منو
جوليا.طلقني طلقني ااياد طلقني
اياد .معنسمحش ليك تخربي مستقبل صاحبي
جوليا.صافي فهمت غير طلقني قسحتيني
اياد. (طلقها) يالله صيري بحالك
جوليا.مع واحد ضحكة شريرة. لا ( وهزات رجليها وعطاتو لمعلم) 
اياد. 😭☹😵😵😵(ضاح مسكين هههه ناري فقداتو اطفال)
وضرباتها بجرية لذاخل وجات مع يالله ايوقعو عرسانا على عقد زواج
جوليا.حبسوووووو 
كل شي ضار سمر ما فهما والو عهد مصدوم غزلان واكلها راسها باش تعرف شكون هاذ صفريطة مهم روينة صافي
غزلان. (وهي جامعا يديها حدا كرشها وكتبونبا) علاش اختي انحبسو ب سلامة درتي لينا ذخله نتاع مسلسلات هندية
جوليا. (طلعاتها وهبطاتها) ومشات ف تجاه عهد وشدات فيه
جوليا. مشي منطقي تزوجو واحد مزوج 
سمر. شنو؟؟
عهد.اش كتخربقي
جوليا. (جبدات واحد ورقة من ساكها وحداتها قدام سمر) شوفي بعينيك ازين
سمر. (وهي شادة ورقة مصدومة) ن...ت مز...وج(وشافت ف عهد)
عهد....

عهد.كيفاش اش كتقولي اسمر
سمر. شوف شنو مكتوب اعهد (وكتوريه ورقة) شوف شنو مكتوب بخط واضح عقد زواج 
عهد (خدا ورقة وكيقرى فيها) لا مستحيل هذشي اسمر انا ممزوجش بيها(شد جوليا من يديها وزير عليها) اش هذشي لهنا هضري (بغوات)
جوليا.(وهي كتنتر) اشنو جاتك عجب عقد زواجنا 
عهد.واش باغا تمرضيني ولا شنو اشمن زواج كتهضري عليه ه
سمر. (وعوينتها عامرين بدموع) يعني أنك مزوج اعهد 
عهد.سمر سمعيني (وهو يشدها) فهميني انا ممزوجش بيها ا سمر كنقسم ليك أن هذشي مزور
سمر.(وهي كتبعد عليه) انا... ميمكنش ليا نكمل ف هاذشي 
عهد. سمر لا لا سمعيني أسمر انا مكنبغيهاش هيا كنقسم ليك بحيات أعز ناس انني كنبغيك وعمري بغيت غيرك 
سمر. (وهي كتحاول تبين راسها انها قوية ولكن ذاخلها كلو تحطم إلى قطع مثل قطع زجاج وكيجرحوها من ذاخل ) ولكن ولكن كيقلو عكس ا عهد منا مزوج لأن
عهد.سمر (و هو صاعر) واش باغا تحمقيني اشمن زواج وقتاش وقعت على هاذ زمر
سمر. ( وعونتها بداو كينزلو منهم دموع) انا............
عهد. سمر
سمر.(كدير ب راسها علامة نفي) انا منقذرش نكمل ف هاذ زواج 
غزلان سدات عينيها بألم على قرر صديقتها أما واحد جوليا فرحة انخرج ليها من عويناتها 
عهد. سمر متسرعيش نتي ف حالة مشي طبيعية اسمر (وشد ليها يديها بحنان) سمر متخليناش بجوج نغتذبو
سمر. ( حيدات يديها) لا منقدرش (ودموع ف عينيها) وهزات كسوتها و هربات لبرى
( اختي سمر نصيحة رجعي امسخوطة رآه برد برة كوني تسمعي كلام ههه)
غزلان.سمر 
عهد.سمررر 
كان بغي يتيعها وهي توقفو غزلان 
غزلان.متحولش(بنبرة تهذيد)
ومشات كتجري ورا سمر وخلو عهد مصدوم وغارق ف افكارو ناس خرجو وبقا غير عهد 
ضار عهد عند جوليا وعينيه حمرين كدم( عنه يوم يكويك ابنتي ل جوليا ) و تلاح عليها قجها حتى كانت اتموت 
عهد.علاش درتي هاكا علااااش
جوليا. (لكضرب ليه يديه باش يطلقها ولكن والو غي. ما كيزيد يقجها حتى جا اياد ودفع عهد على جوليا لغيرلقها وهيا تبدأ طلع وتهبط ف نفس بصعوبة كبيرة
اياد. تهذن اصحبي تهذن
عهد. كيفاش انتهذن ه كل شي دمر كل شي بسباب ديك ق** لوراك 
اياد.صافي خلينا نفهمو موضوع بعدا
عهد (لتيتنفس حتى كيطلع صدرو وينزل)اش ان فهمو ه بنت ق** جايا من زمر لهنا ه هضري شنو دكشي ل كاتبة ف ديك ورقو 
جوليا. ورقة ممزوراش فهمتي ونتا لي وقعتي
عليها ا عهد بيديك 
مهم نخليو عهد مقاتلة مع ديك خيتي ونشوف سمر 
لخرجات كتبكي وتابعها غزلان كتجري 
غزلان.حبسي حبسي 
ولو سمر بقات كتجري و غزلان تابعاتها حتى طاحت سمر ف لارض وكتبكي وتغوووت ربي لخلقها ة غزلان لقلبها كيتشوى على صاحبتها وهي كطبطب على ضهرها 
غزلان. بكي اسمر بكي 
وسمر بحال لكانت محتاجة شي جد يشحنها وبدات كتبكي بهستيرية 

بقات سمر كتبكي وهيا حاطا يديها على عينيها وكتشهق ربي لخلقها و غزلان حتى هيا عويناتها عمرو بدموع قلبهم طايب بجوجات( رآه انا لخاصني نبكي أعياد الله ههه ) 
بعد مرور بعد وقت ل تهدانت فيه سمر
غزلان. سمر
سمر....
غزلان. سمر سمر ( وهي كتقيس فوجهها)
سمر.... (لا جواب فقط جسدها كيرتاعش)
غزلان. (مخلوعة ) سمر سمر 
واغمي على سمر طاحت سخفانة مسكينة 
غزلان. (كتحرك فيها) سمر فيقي فيقي سمررر
شويا وقفات واحد طنوبيل حداهم خرج منها عهد واياد
اياد. مالها
غزلان. (بخوف هستيري) سمر سخفات
عهد.سمر (وتحنا عندها)( يالله ايهزها وهي تحبسو غزلان)
غزلان.بأي حق اكتقيسها ه 
اياد. (ذخل يعتق وضع) غزلان مشي وقت مناسب باش تخاصمو خاصنا نعتقو سمر
شافت غزلان ف سمر وتنهدات
هز عهد سمر بين يديه و ملامح خوف باينة على وجهو
وذخلها طنوبيل ذخلات حداها غزلان وطلع اياد وعهد لقدام وكسيرا عهد بسرعة جنونية ف تجاه مشفى وصلو مشفى و ذخلو سمر بزربة ل غرفة انعاش وذخل وراها طبيب 
ياالله باغا تبعها غزلان وهو يحبسها طبيب
طبيب.مدام عفاك خلينا نفحصو مريضة
غزلان.واخا..... ( ولتفتات ل عهد )(ومشات عندو وعلامات عضب واضحة وضوح شمس على وجهها
غزلان. ( وهي كدفعو) علاش عملتي هاكا ه 
عهد. غزلان معنديش خاطر ليك
غزلان . لا حنا لعدنا خاطر واش عارف اش درتي (شنقات عليه) علاش اعهد علاش
عهد. انا براسي مافهم والو اشنو وقع
غزلان.وذاك عقد زواج شكون وقعو ه 
اياد. (كيبعد ها على عهد) غزلان تنهذني
غزلان. (تنترات منو بقوة) اش انتهدن ولا عنزبل اوجه ويل و فوقت لكانت غزلان كتسب ذخلات شيخة أقصد جوليا بداك طالون قرو قرو
تلفتات ليها غزلان و غير شافتها طلعو ليها لعبات فوق راسها
غزلان.اش كديري نتي هنا أق** (بغوات)
جوليا.اوه على الفاض
غزلان.انا انوري زا** بوك معنى الفاض
يالله اتلاح عليها وهو يشدها اياد
غزلان.طلق أولد ق** محامين لله ينعل طباسل مكم فين ماكنتو لا نت لا صاحبك لذيك ق** لمعاكم
جوليا.بزاف عليك اهمجيه 
غزلان. واخا على زمل لحضك (ودفعات اياد مسكين) وتلاحت على جوليا بنتيف و عضان وقميش عيا ميفك اياد أو والو مرمداتها تمرميدة ل كلاب ههه 
اما عهد فكان خارج عن وعي نتاعو كيشوف غير ف غرفة لفيها سمر
يتبع....

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.