أستاذ : دكرى إلى مابقيتيش قادة تقدري تنوضي باينة فيك عيانة
انا: لا لا غير كمل عادي نبان ليك عيانة راني فشهري تامن
أستاد: هه كرشك هاتفركع تواام هاصاحبتي
انا: ههه هاسكت خايفة من لولادة بزااف
ماما:(دخلات) لمكتابة ليك هي لهتوقع
أستاد: وي داكشي لكاين سمحولي دابا هانمشي
ماما : بلاتي جلس تشرب آتااي
أستاد : لا زربان خصني نجيب ولدي من لمدرسة
خرج أستاد هو ماما وانا مشيت بيتي تكيت لمهم هالبنات هاد اﻷستاد كيدير معايا مراجعة حيت من بعد لولادة هاندوز متحان ديال لباك اه ونزيدكم انا دابا حاملة فشهر ثامن يعني مابقا والو ونولد واﻷهم من هادشي انا حاملة بتوام بنت وولد هه مامتيقاش بلي هانولي أم ونولي حتى أنا تابعة براهشي
ماما: لله يستر ماالك كضحكي
انا: ههه واالو
ماما : ياكما كتحسي بشي حاجة
انا: لا والو
ماما: سيمانة جاية هاتكون ولادة ديالك عيط طبيب وقالها لي
سنة حلوة يا جميل سنة حلوة يارنة وفيراس سنة حلوة ياجميل
فيراس ورنة:(طفاو شمع)
الكل:👏👏👏
انا:😊😊 حبيباتي بطول لعمر إنشاءلله
فيراس ورنة: سكرا آماما
انا: 😊😊 يالاه سيروا تلعبوا مع دراري
مشاو ولادي رنة وفيراس كيلعبو مع دراري ليوم ولادي قفلوا 4 سنين حياتي تبدلات 180 درجة ملي تزادوا مسؤولية كبيرة وعاوتاني أنك تحسي بشعور أمومة شي حاجة واو اه نسيت ماقلتش ليكم شديت لباك ومن بعد دخلت قريت فواحد لمدرسة ديال تصميم هادي تقريبا عام شديت ديبلوم كنخدم لشركات مي هاد لمرة دفعت لواحد شركة واملي كبير فيها وبزاف
رنة: فيراس هاهي حداك حورها
فيراس: لا هاتسوفني ماما
رنة: مالك حواف حورها
فيراس:(خور لبنت)😈😈
لبنت:واااااع
رنة: علااس كتغوتي فيك دودة نتي
لبنت: وااااع
فيراس: رنة قفرناها بسبابك غتاصبتها
رنة:(صرفقاتو) سكت سكت الحمار سكت شوف حتى انا آش هاندير
موسيو برادة : نوضو يالاه خليونا نمشيوا حنا لغالطين جايين عند ناس ماستاشرو حتى ولدهم دايرين خدمة يدهم
خرجوا عائلة برادة
سعيدة: صاافي عجبك لحال دابا حشمتينا مع ناس
سيف:😡😡 نتوما لحشمتوا راسكم معاهم آش قال ليكم داك راس ها هاتحطوني قدام أمر لواقع هانوافق
لحاجة: نتا لجبرتينا نتصرفوا هاكا فعمرك 30 عام لا زواج لا ولاد ناس بداو كيهضروا
سيف:يهضر لبغا يهضر حتى واحد ماعندو لحق يدخل فحياتي
سعيدة:(كتغوت) أنا مك وعندي لحق ندخل قولي حتى إمتى هتبقى تسنى ديك لبنت حتى إمتى تلقاها هي مزوجة ووالدة وعايشة حياتها ونتا بارك هنا كتسنى وكلت عليها لله ياخد فيه لحق هي دورات ليك حياتك
سيف:(قلب طبلة) آخر آخر مرة تجبديها على لسانك سواءا بالخيب ولازوين
الكل:😟😟😟😟
عند دكرى
الو الو وي
سكرتيرة :الو واش دكرى إسماعيلي هادي
انا: وي شكون معايا
سكرتيرة: معاك شركة فينيس لﻷنشاءات
انا: وي كنسمعك
سكرتيرة : شركة شافت تصاميم دياولك لهدا كنطلبوا منك مجيء ديالك لشركة فأقرب وقت
انا: اووكي هاني هنجي دابا
سكرتيرة: اا نتي ففاس ياك
انا: اه علاش
سكرتيرة: شركة لدفعتي ليها غير مجرد فرع من فروع شركة شركة رئيسية كاينة فكازا
محمد:واايه كنت عاارف مي دار ضغطوا علي وهاهوما كيشوفوا نتيجة ضغط ديالهم عرفتي شنوا معنى تكون مع واحد خاطرك هارب منوا ولكن بزز منك خاصك تبقى معااه حاولت حاولت مليون ألف مرة نسا زينب ولكن ماقدرتش هي لداخل فقلبي
سيف: سعداتك نتا بعدا كتحاول تنساها انا لا كون يرجع بي زمان لور نتحنى على رجليها ونطلبها تبقى معايا
محمد : هدا هو لقدر إلى كان مكتاب لينا يرجعوا لينا هايرجعو
سيف: وااايه لمهم دوك تصاميم لشفتهم راه عجبوني قول مولاتهم تجي باش تسني لعقد
محمد:وي خليت مدير علاقات لعامة رضوان هو لايتكلف
سيف: مزيان أصلا حنا ماعندناش لوقت باش نقابلوها
محمد: وي دارسي لكاين
فليل عند دكرى
عبد لكبير:هي قررتي صافي باغا تمشي
أنا : اه
بابا : وآش هانقوليك لبان ليك هو هداك ديريه
فيراس: هانمشيوا ديك لمدينة لفيها بابا
انا:(طاحت لي معلقة من يدي)😮😮
رنة: 😡😡 ماالك حمار مالك ياك قلتليك مانقولوهاش لماما
ماما :(كتشوفي ) دكرى تهدني
انا: ش شكون قالها ليكم
فيراس: رنة لقالتها لي
انا" رنة
رنة: كنتي كتهدري مع ماما صوفيا وأنا نسمعك من ورا لباب
انا: هان
ماما: دكرى لبنت ماعليها والو
انا:(نضت ) ماما عفاك يساليو لولاد من لعشا دخليهم ينعسوا
ماما:فين غادة
انا:هانخرج يضربني لبرد
بابا:😟😟
هزيت مونطو وخرجت لبرا كنتمشى على رجلي دموع مابغاوش يحبسوا لي عارفة عارفة بلي ولادي هايجي واحد نهار وهايسولوني على باهم حيت كل واحد كيتمنى باه يكون حداه أنا عمرني تسوقت ﻷب ديالي لحقيقي حيت بكل بساطة بابا عبد لكبير كان معمر بلاصتو ولكن أنا ولادي شكون عايعمر بلاصة باهم شحال من مرة جاتني فرصة باش نتزوج ولكن ماكنتش كنقبل حيت قلبي من شحال هادي سديتو وأمبوسيبل نعاود نحلوا لشي واحد كيفما كان سيف لعمراني قتل لحوايج لكانو في زوينين قتل تلميذة دكرى وحيا اﻷم دكرى انا ماشي هي هاديك لبنت لقديمة لمتهورة ولضاربة دنيا بركلة ليوم أنا أم عازبة همي لوحيد فهاد دنيا هوما ولادي حياتهم وقرايتهم ومستقبلهم اما انا حياتي سالات من شحال هادي هئ هئ هئ انا متدمرة كنكره شي حاجة سميتها رجال كنكره سيف كره حتى واحد مهايقدر يتخيلو كنتمنى كنتمنى عمري نشوفوا فحياتي هئ هئ مابغيتش نتلاقاه مابغيتش
وصلات 11 ديال ليل رجعت لدار دخلت لقيت ولادي ناعسين بستهم ومشيت لبيتك جمعت حوايجي حيت غدا فصباح هانهبط لكازا
بابا: ماتاكلي هم لخدامة راه ملي هاتمشي هاتلقايها كتسناك تما
انا:(عنقتوا) واخا يالاه بسلامة
ماما : بسلامة
رنة :(كتغوت) لحازة يالاه
ماما: لحاجة هاهي جاية
طلعت فطوموبيل انا كنصوك وولادي جالسين لور
رنة: فيراس
فيراس:(كالبوا نعاس) أمم
رنة: عرفتي بابا سنوا سميتوا
فيراس:😮😮 سنوا
رنة: حتى تبوس يدي ونقوليك
انا:😬😬 رنة
رنة: واحا بابا سميتوا سيف
فيرااس: سيف بابا سميتوا سيف ماما بصح
انا:(تنهدت) اه
رنة: ولكن بابا ماكينس فديك لمدينة حيت مسافر
فيراس: 😔😔 ماما عيطي عليه
انا:😟😟 ماعندوش تليفون
رنة وفيراس:(الصمت )
انا:(دورت راسي من خلال صمتهم عرفت لجواب ديالهم بلي ماتيقونيش خاصة رنة دكية بزاف كطيرها فسما فحالي أما فيراس فحال سيف شخصيتوا هادئ بزاف نفس نضرات ديالو وحتى فالمشية
بعد مرور خمس ساعات
افف وأخيرا وصلنا
رنة: وااع واااع وصلنا
انا: هبطوا غير بشرية بشوية
هبطوا دراري و انا تفكرت نهار لمشيت من هنا كان سيف واقف فجهة لاخرة كيشوف في 😢😢 طلعت طوموبيل وخليتو وهو تبعني من لور زعما يكون ندم على داكشي لدار في لا لا مانضنش
فيراس: ماما واش هادي هي دار
انا: هه اه ليوم هاتشوفو دار لتربات فيها ماماكم
رنة: يوووبي
انا: هههه
يالاه بغيت نحل بساروت وهي تحل واحد لبنت واقلة هي لخدامة
فيراس: (حط يدوا على شعري) ماما شش صافي إلى بكيتي بزاف هايجيك بوعو فليل
انا:هئ هئ هئ
فيراس:(بدا كيبكي) هئ هئ هئ سمحي لرنة عفاك
رنة: ولله حتى نهرب إلى ماسمحتيش لي هئ هئ
انا : برهوشة
رنة:(جات عنقتني بيديها صغيورين)
انا:(عنقتهم) شش
رقية: ختي دكرى هادوا هوما دراري حتى أنا عندي ولد مشيبني
انا : واايه
رقية: راه درت لغدا واش نحطوا
انا: وااخا
جلسنا تغدينا حطيت لولاد لداخل وكفضت كنعاون فرقية على جميع دار ماسالينا حتى لديك 7 مشات رقية وانا طلعت عشيت دراري وطول لعشا وهوما كيهضروا على سيف هز سيف حط سيف ديتهم ينعسوا وباقين كيدويو عليه
خرجت وركبت فطوموبيل نيشان شركة فينيس صراحة تصدمت واااو على شركة كيفدايرة بااينة صحابها ناس ملعقين
انا: بونجوغ
ريسيبشن : بونجوغ
انا : انا مادموزيل دكرى إسماعيلي عندي موعد هنا فشركة
ريسبشن : اه تفضلي معانا عندنا أوامر باش نديوك نيشان عند مدير علاقات لعامة
انا: شكراً
تبعت سكرتيرة حتى دخلنا عند مدير
مدير:(طلعني من رجلي حتى لراسي) أمم مادموزيل دكرى إسماعيلي شرفتينا
انا:(ولد لقحبة كتعبر في باغي تخيط لي جلابة) 😊😊ميغسي
مدير: تصاميمك شافهم مدير لعام ومدير شركة وعجبوهوم بزاف واضح بلي موهبتك كبيرة
انا: شكرا موسيو
مدير: حنا لكنشكروك أنه من بين كاع شركات قررتي دفعي تصاميمك عندنا
انا:(اييه شحال ثقيل على قلب )😆😆
مدير: بيما أن طلب ديالك كان هو أنك تخدمي فشركة فطلبك مقبول وهالكونطرا
انا:(فرحت) شكرا شكرا بزاف على هاد لفرصة😊😊
مدير شركة: هاكي قراي كونطرا ومن بعد سني
انا: اووكي
خديت كونطرا بقيت كنقرا فيها شي نص ساعة سالير فيها كبير مي شروط جزائية كانت صعيبة فحال مثلا إلى خويتي بيهم هاضطر دفع مبلغ كبير وإلا هايقاضيوك انا ماهتميتش حيت أصلا ما كاين لاش نسمح فالخدمة توكلت على لله وسنيت
مدير:(مد لي يديه) مرحبا بيك فشركة فينيس لﻹنشاءات
انا: 😊😊 شكرا
مدير: خرجي عند سكرتيرة هي لهاتوريك مكتب ديالك فين جا
انا: واخا
خرجت عند سكرتيرة داتني لمكتب ديالي دخلت ليه وعحبني
سكرتيرة: ليوم تقدري تمشي لدار حتى لغدا وهاتبداي لخدمة
محمد:(دار بغا يجيب قرعة لما وهو يلقى كاع موظفين كيشوفو فيهم ) 😡😡 فاش كتشوفوا كنفرقوا لحلوة هنا يالاه خرجوا كل واحد يشوف خدمتوا يالاه
خرج كلشي بقا غير سيف ومحمد وذكرى فالمكتب
سيف:(يديه كيترعدوا حاطهم على وجه دكرى) محمد مالها مابغاتش تفيق 😟😟
محمد: ماتخافش غير من صدمة طاحت هاهيا دابا هاتفيق
سيف:😮😮 هاهي هاهي بدات كتفيق
انا: ايي ميمتي راسي
سيف:(حط يديه على خدي) دكرى دكرى كتسمعيني
انا:😱😱😱
سيف:😣😣 دكرى ماتخافيش
انا :(دفعتوا) بعد بعد اااا وياك وياك تقرب
سيف : دكرى ماتعصبيش شوفي حالتك كيفدايرة
انا:(شادة فراسي) لا لا مايمكنش أنا هانمشي فحالي خصني نمشي
سيف: هانتي غير جلسي نهضروا(قرب عندي)
انا:✋✋ وقف ماتقربش رجع لور رجع
محمد: دكرى تهدني
انا: (نزلوا دموع من عيني )مهدنة مهدنة قوليه يحيد من قدامي باغا نمشي
سيف: مستحيل نخليك تمشي من بعد كاع هاد سنين
انا:(دفعتوا بكل قوتي وخرجت كنجري ) 😭😭😭
سيف: (تااابعني كيغوت) دكررررى دكررررى
خرجت كنجري وسيف تابعني كاع موظفين شركة تفرجو فينا
انا:(كندوي مع سيكيريتي) هئ هئ هئ عفاااك جيب لي طوموبيل
سيكيريتي: واااخا 😕😕
سيف :(شدني من دراعي ودورني عندوا لصقني معاه) 😓😓 دكرى خاصك تسمعيني
أنا :😢😢 بعد بعد عفاك خليني باغا نمشي
سيف : هانتي خلينا ندخلوا ندويو و هانوضحو كلشي
انا:(حطيت عيني بعينو) بالنسبة لي كلشي كان واضح كيف وضوح شمس
سيكيريتي:(شاد ساروت ديال طوموبيل كيتفرج فينا)😮😮
سيف: دكرى عفاك كنترجاك سمعي لي
انا:(خديت سااروت) موسيو سيف بسلامة (ضربت فيه وطلعت طوموبيل )
سيف:(كيشوف في ) 😟😟
انا:(كسيريت ماعارفاش فين غادة غير صايكة عيني تلاحت فوقهم ضبابة حااسة بجسمي شاعلة فيه لعافية وقلبي كيتخشاو فيه لمااس مامتيقاش بلي رجعت شفتوا من بعد كاع هاد سنين مامتيقاش بلي راجل لوحيد لبغيت فهاد دنيا واﻷهم بابات ولادي تلاقيت معاه هئ هئ هئ لله ياربي كيفاش هانشوف فعيون ولادي هئ هئ لله ياربي ماتزيدش تعدبني كثر من هاكا أنا سيف عمرني نسيتو ولا غادي ننساه كيف ننساه وقطعة من روحو مرافقاني ولادي ولادي كيفكروني فيه خاصة فيراس نفس لعيون نفس تصرفات هئ هئ ياربي كون معايا وعاوني هئ هئ )
عند سيف
جااات جااات حتى لبين يدي وخليتها تمشي
محمد: سيف تهدن راه ماكان بيديك مادير
سيف: لا لا كان فيدي ماندير كنت نحسبها كنت نوقفها مهم كان خصني ندير شي حاجة
محمد : سيف هادشي لكتقول راه مستحيل وأصلا دكرى كنضن من بعد داكشي لدرتي فيها مستحيل تسامح ليك ولا ترجع معاك
سيف :😡😡(عطاه كروشي لعين) هادي باش مرة أخرى تعرف آش كتقول دكرى ديالي ديالي انا بوحدي دابا تشوف غادي نرجعها لي هاننزل على رجلي ونطلب منها تسامحني وأي حاجة بغاتها هانديرها ليها
محمد:😕😕
هز سيف تجاكيطو وخرج لقا موضفين مجمعين شبع فيهم معيور عاد خرج هز طوموبيل وتما غادي لدار عند دكرى
عند دكرى
افف ياربي راسي هايتفركع لله ياربي ولادي إلى شافوني اكيد هايعرفو شي حاجة 😢😢 ااف تنهدت وخشيت ساروت دخلت كنسمع صوت ولادي كيلعبوا مع رقية درت شافتني رقية درت ليها حركة زعما سكتي طلعت لفوق دخلت نيشان لدوش كنعوم مغمضة عيني مهانكدبش عليكم تفكرت ديك ليلة لدوزت مع سيف درت بتسامة على وجهي مي سرعان تفكرت صباح ديال ديك ليلة
خرجت من دوش لابسة بينوار جيت باغا نسد شرجم على لبرد وانا نلقاه واقف قدام لباب بطوموبيلتو قلبي وقف بالخلعة نااري وإلى خرجوا دراري وشافهم لله ياربي يالاه بغيت نسد شرجم وهو يشوفني بدا كيدير لي إشارات باغي يدوي معايا دفلت عليه سديت فدريش شوية سيد كيبان لي جاي جهة لباب 😱😱😱 هبطت ببينوار كنجري ناااري رنة وفيراس كاينين لتحت هايصحاابوني انا لجيت هايمشيوا يحلوا لباب هبطت حتى كيبان لي فيراس حاط يديه على ساقطة
الكسولة و الأستاذ الجزء السابع
محتوى القصة
التنقل بين الأجزاء