تائهة أنا الجزء 15

من تأليف Yassmine Yass
2018

محتوى القصة


رواية تائهة أنا بقلم ياسمين

ماعرف الدقة منين جاتو عطاتو للقرفادة وقفاتلو ابماكلة تا وحلاتليه...ومداتلو عايدة الما وهوما كيضحكو كاملين ماعدا واحد الجوج..نورسين وسيف...ماعلاتش راسها شافت فيه منين گلسو..الامر الي عصبو وطلعليه الدم...وماعرفش مالها كتصرف بهاد الطريقة...بقا گالس على اعصابو حتى شافها دفعات الكرسي وناضت مشات..استاغلات انشغالهوم فالهضرة والضحك وشافت تا حد ماخاضيهوم وماقداتش تزيد تبقا گالسة وناضت طلعات بحالها..بقا متبعلها العين حتى طلعات وناض تبعها مباشرة ماتسوق لحتى واحد...
دخلات البيت زعفانة زدحات الباب بقوة..وحيدات الفدقفطان لاحتو بزربة ولبسات واحد الكسوة..عاقدة حجبانا وكتسوط..غي بوحديتها..حتى دخل عليها سااعر...حل الباب تاهو وزدحو تا مشا الصدا ديالو مع الحيط...مشا عندها شدها من يديها وغوت بعصبية..
سيف: علاش نضتي..وماكليتي والو..واش هادشي كولو حيت شديت فيك قدامهوم واش حماقيتي؟ صاڤا با لاااا...
نورسين: (تنترات منو وخرجات عينيها وغوتات حتى هي بعصبية) بعد منيييي..طللاااق...ماتمسنييييش...
كيمشي يقيص فيها كتنتر منو وتغوت ...
نورسين: (كتصرخ بصوت عالي) واماتقيصنييييييش...بعااااد مني..بعااااد....
سيف: (شدها من يدها وكيهضر مبرد) نورسين...حبيبة مالك؟
حدفعاتو من عليها...وهي معصبة وكترعد....وكطلع النفس وتهبطو بسهولة وكتغوت ...هاد الخالة المفاجئة الي جاتها خلعاتو ومابقا عارف مالها..تمالك راسو ورجع قرب ليها كيسايس معاها باش تهدن..غي قاصها..تنترات منو وبدات كتغوت وضرب فيه..قمشاتو من عنقو..ويدييه...وكضرب فصدرو وكتغوت...
نورسين: اااااعننننن..بعد منيييبي....گتلك ماتقيصنييييش...خرااااج من عليا خراااااااج...(كدفع فيه) مااابقيتش باغا نشوفك...(كضربو فصدرو بيديها بجوج)
بقا واقف مسمر من هضرتها وتصرفاتها...عيا شاد راسو فالتالي عصباتو وشدلها يديها بحوح...وبدات كتغوت وتنتر منو بقوة وكتفركل وضرب برجليها وهو حاكمها مزيان من يديها...مابغاتش ترصا..وشدها بعصبية زدحها مع البلاكااار.من بعد مافقد اعصابو معاا..عينو خرجو وعروقو بانو....كالاها وحكمها من يديها وغوت فوجها بنفاااذ صبر...حتى طفجها ...
سيف: نورسييييييييين!!!
سقلات وشافت فيه وهي كتنهج وكتنفس بصعوبة بقوة التفركيل...بقات كتشوفيه وجهو فوجها...كارز على سنانو ...معصب وعاقد حجبانو ومزيرلها على يديها...حتى حس بيها ترخاات...وهي تقلبها بكااا...نزلو دموعها شلال...حرقاتو فقلبو وتنادم معاه الحال حيت غوت عليها..من عادتو عصبي وكيتصرف بتهور وكيكون كتر من هكاا..ميحن حتى واحد وقلبو كيقصاح فبحال هاد المواقف.مي كتبقا نورسين هي نقطة ضعفو...والاسد يعيا يخرج نيابو ويهول معاه الغابة ومافيها فاخر المطاف كيرجع لحضن اللبوءة وكيخضع ليها..هادشي الي كيطرا دبا مع سيف..اسمو الي مربوط فالعالم بالقوة والرهبة..كيجي حتى لعند نورسين وكيضعف...غمض عينيه بعصبية ماقدرش يصبر لمنضرها وهي كتبكي..طلع النفس وحل عينيه..شافيها...باقا كتبكي بلا حس والدموع هابطين شلال من عينيها...طلق من يديها وجرها عندو بقوة عنقها وزير عليها بيديه ..وكيبوسلها فراسها ويسكتها..
سيف: شتتتت..نورسين! حبيبة...ماتبكيش الله يخليك..صافي سكتي..
رجع شافيها وشدلها فوجهها..وهضؤ معاها بشوية..
سيف: شتتت! (كيمسحليها دموعها بيديه) علاش كتبكي دبا؟
نورسين: (كتنخصص) اهئ..اهئ...😭😭 نتا...😭نتا غوتي عليا...
سيف: وانتي عصبتيني ...احبيبة..تقلقتي مني لتحت على والو ..وطلعتي بلا ماتاكلي شي حاجة..وزدتي نضتي تغوتي هنا وتعصبي بلا مانعرف اش بيك ولا حتى شنو مقلقك...
نورسين: (كتمسح دموعها ودوي بشوية وحادرة راسها) انا قتلك ماتبقاش ديرلي هكا حداهوم حيت كنحشم..ونتا بلعاني كديرها ليا باش تعصبني...
سيف: (علالها راسها شافت فيه) صافي دبا هدا علاش تقلقتي؟ نتي راك مراتي..اشنو فيها ايلا قصتك قدامهوم.وزايدون راه حتى واحد مغايديها فيك..هادشي عادي.مكاينش الي غيعيب عليك...
نورسين: (بنبرة حزن) لاء ..نتا عندك عادي..انا لا...كنحشم قدامهوم..

عيا يشوف لقا لا جدوى من الهضرة معاها...نابغاش يزيد معاها فالهضرة..الي فراسها هو الي فراسها..وهاد الفكرة ايلا ماحيدلتهاش هي بارادتها معمر يقد شي حد بحيدها..واخا جلتووبيزااغ وزادت فيه..ني مابغاش يخصرليها خاطرها..تنهد وقال..
سيف: صافي..ماغاديش نبقا نقيصك حداهوم..ولا حتى نقرب ليك..بقيتي على خاطرك دبا؟
ترسمات ابتسامة على وجهها ..وخس بيها ارتاحت...حركات راسها بمعنى اه..وتلاحت عليه عنقاتو وتخشات فيه...
سيف: (كيدوز يدو على شعرها) يالله ترجعي تعشاي ماكليتي والو...
نورسين: (طلقات منو وشافت فيه) مابغيتش..مافيا الي ياكل..بغيت نعس..
سيف: بب..النهار كولو ونتي ناعسة..مزال الحال..
نورسين: لاا بغيت نعس..فياا النعاس..
سيف: (بقلق) نورسين..حبيبة..ياك مامريضة؟
نورسين: لا ..انا بيخير..غي عييت بغيت نعس...
سيف: اوكي...اجي...
جرها من يديها..لناموسية..گلسها وتكات..قادلها الخدية وغطاها بغطا دابنموسية ديال الحرير بارد وخفيف...طفا الضو دالبيت وخلا غي ضو الڤيووز..وگلس بجنبها...كيلعب فشعرها..غمضات عينيها وجمعات رجليها عندها..دارت وضعية الجنين..ودغيا نعساات...سيف واخا تهدنات ونعسات..بقا بالو مشغول عليها...ومزال مالقاش تفسير لهاد التصرفات الغريبة...بقا حداها حتى حس بيها نعساات .وناض بشوية باسها وخرج...هبط لتخت لقاهوم سالاو العشا وگالسين فالصالون...كيهضرو...شير لياسين براسو..جا عندو..جرو معاه وخرجو..ركبو فابطوموبيل ..ديمارا ومشااو..ياسين عاق بيه مغير والمورال زيرو ...داه نيشان فين يبدل الجو..وسهرو مارجعو حتى لتالي الليل..مشاو نيشان ينعسو...
☀☀اصبحنا واصبح الملك لله☀☀
الاحلام فالصبااح..كتكون جميلة ونقية بحال نقاوة الصبااح...هادشي ايلا ماقاطعكش صوت المنبه فنصها..ودخل بينك وبين احلامك..
هاكدا حلات عينيها نورسين..على صوت زعجها وفرقها على احلامها الوردية...مدات يديها وهي بتقا سادة عينيها.كتفتف على طابل دونوي الي حداها..وكتقلب تشوف منين جاي الصوت..دوزات يديها وهي كتفتف بخال العما البصير..وجات يديها فالاول على كاس دابما محطوط حداها...زادت شوية كتقلب حتى لقات تيليفون..هو الي طالق حلقو على الصباح..كان تيليفون سيف حطو تما فاش جابالليل وگلس حداها فترة كيتأمل فوجهها عاد ناض نعس..هزاات تيليفون وهي سادة عينيها..كتقلب بيديها على شي بوطونة منين طفيه..بالدوخة دالنعاس الي فيها مالقاتهاش...شداتو بعصبية ...خشاتو فالكاس دالمااا...على امل انه يطفا ويسكت..ولكن خاب املها..التيليفون زدق مضاد للماء وبقا كيصوني وسط الكاس...حلات عين وعين ساداها بعصبية وساخطة على الوضعية...تحركات بغات تقرب باش تجبدو ولكن ي خاحة مكالياها ومزيرة عليها...حيدات الشعر علر عينيها وعلات راسها لقاتو ناعس حداها ومعنقها بيديه...تنهدااات وهزاتلو يديه..باش تحيدها..والو عاصر عليها وناعس..عيات كتجبد باش تنتر منو مابغا يفيق مابغ يطلق منها...هزات يديه وتعلات بزربة باش تنتر منو حيداتليه يديه...وجات تنوض طاحت فالارض...
نورسين: اااااح...قاعي...
سيف عنكشاتو فنعاسو وسمع الطيحة وصوت التيلي مزال كيصوني..حل عينيه بتتاقل وعلا راسو..مالقاهاش حداه..وشاف التيلي كيصوني وسط الما...ناض تكا على يديه وكيعيط...
سيف: نورسيننن..نورسين...
ماجاوباتوش ..بقا فبلاصتو كيعيط...حتى شاف يد ورجل تعلاو فالسما...
نورسين: هانااا✋

سيف: (قرب طلل عليها لقاها طايحة فالارض شافبها وقال باستغراب) شكاديري فالارض؟
نورسين: (هبطات يديها ورجليها وبقات مسمرة مبرققة عينيها فالسما) والو..غا حرقوني جنابي فوق ابنموسية ..گلت نجرب ابنعسة فالارض...
مافهم والو وناض وقف عند راسها ومدلها يديه...
سيف: نوضي...
نورسين: (حركات راسها يمين شمال بمعنى لا) ...تو..تو...تو...انا اليوم فايقة بالمقلوب..ونتا ماعارفنيش فاش كنفيق هكا شكاندير..فمكنصحكش تنوضني..خليني ناعسة هنا ..حيت ايلا نضت انا مامسؤولاش على ديكشي الي غيطرا فهاد البيت...
سيف: نورسين! واش صاڤا؟
نورسين: اه..شوية ونتا؟
سيف: هههه...والله يلا تانا ماعند دينمي عقل لي داير راسي فحمقة..
هز التيلي من الما طفاه...وتحنا عندها هزها مالارض وهي كتفركل ...ودخلها لدوش..حطها تخت الرشاشة وشعلها..عليهااا...
سيف: هااا..دبا مزياان..باش توگضي...
بقا كيحيدلها حوايحها...وهي كتهربليه يديه..مكتخليهش...
سيف: رصاااااي...ولا غنسلخ مك على الصباح..
شافتو حمر فيها وسقلات...وخنزرات فيه..
سيف: (ضحك) ههه..تخافي ماتحشمي...
حيدلها الكسوة الي كانت لابسة...والسوتيانات وخلاها غي بالسليب...حيد تاهو تيشورت الي فزگات عليه وسروال كيطمة وبقا غي بالبوكسر...بقا ابما هابط عليهوم..وهي حادرة راسها وكدوز على شعرها...بقا كيشوفيها..عريانة قدامو..وشهاه منضرها والما نازل عليها...وبانلو فيها البلان...قرب منها ولسقها مع الحيط والما هابط عليهوم...علات عينيها شافت فيه...كيشوفيها بشهوة عرفاتو اش باغي..قبل مادوي ولا تكلم ..غفلها ببوسة خلطلها شنايفها.وهووساد عينيه.كيبوس ويجر...ويرجع يحلهوم يشوفيها..هبط لعنقها كيبوس ويمص..حتى هلا فيه الطبايع...هي غي واقفة سادة عينيها وكتلوى..حس بيها مزيرة ومانساجماتش معاه كعادتها...حبس وحل عينيه شافيها..
سيف: مالك؟
ماقداتش تقولو راه ماباغاهش...ماعندهاش شي مبرر دبا وماعندهاش كيدير تهرب منو..شافت فيه وقالت بصوت خافت...
نورسين: ماغاتقصحنيش؟ 
سيف: (هز يديها باسهوم وخلاهوم ففمو) مزالة كتقصحي لدبا؟
نورسين: لا..غي دبا جنبي كيضرني وصافي..
سيف: (بقلق) بب..واش مريضة؟ مالو جنبك؟
نورسين: لا ..مامريضاش..ديما كطرالي هكا فاش كتقرب تجيني...
سيف: هممم...غي ماتبقايش دوي بخال هكا..وتحلوني فالهضرة وكنضمنلك اني مانقصحكش...حيت هاد الشوفات وصوتك..كيهيجوني..مكنبقاش عاقل على راسي...
ابتاسمات لا اراديا...وحركات راسها ...بمعنى واخا...دوز يديه موراها وجرها لعندو ..تلاسق صدرها مع صدرو والما هابط.دخل يديه اللور مع شعرها وقربلها وجهها عندو..وحط فمو على فمها وغرق معاها فقبلة...رفعاتو ورفعاتها لعالم اخر..مذاق شفاها كيسكروه.وملمس جسمها..وهو كيتسارا بيديه على مفاتنها كيخدروه..ومكايبقاش عاقل على راسو..وكيعوم ويعومها معاه فبحر النشوة...مكيشبعش منها..كتجيه لذيذة ومذاقها حلو..ماقدرش يوفي بوعدو ليها انه مايقصحهاش...واخا كيحاول ما امكن يمشي معاها قد ابمستطاع..الا انه حبو ليها فاق القدر والمستطااع..طيبها مزياان...عطلها فالاول عاد جابو ...وزاد التاني..بلا مايمل ولا يشبع وهي مسايراه..مرة تحبسو نرة كتوضر تاهي معاه..كان باغي يزيد التالت وماخلاتوش...بالرغيب وابنزاوگة باش طلق منها...على شوية تسخف ليه..وكتنهج...

نورسين: اااي...جنبي...حردتيني..يا ولد الخرام...ااااخ(شادة فجنبها) هادي هي مغنقصحكش...واميييي..
سيف: (ميت بالضحك عليها) هههههه...واش غنديرلك شكون گالك تكوني حلوة تالهاد الدرجة...
نورسين: نانانانا(كتعوجو) 
سيف: هههه..(شد فيها) جي احبيبة ندوش ليك...
نورسين: (حيداتليه يديه) بعد مني...مادوشلي ماندوشليك....
خلاتو تحت الرشاشة ومشات قدامو عريانة وشادة فجنبها وكتمشى بحال البطريق..وهو كيموت عليعا بالضحك...
نورسين: اااخ...الله ياخد فيك الحق..طيبتيني...فقدت الاتصال بنصي لتحت...ااااه ياني ياما...
سيف: ههههههه..وااااههههههه...
نورسين: (كتعمر البانيو بالنا وكتشوفيه بغيض) ايييه..ضحك..ضحك..نتا الي جا معااك الضحك...اح...قلبتيليا الوالدة يا ولد الحرام...شوف غي ماتفرحش بالدراري...كنخس بمصارني تخلطو مع البويضاات..
هو كيدوش كيتصنت ليها وميت عليها بالضحك..عمرات البانيو بالما سخون وتخشات فيه...تكااات وهزات رجليها علاتهوم وترخاات...تقابلات معاه مخنزرة وكتشوفيه الشوفات ديال كنسالك الورت..
سيف: هههه..نجي ندوش معاك؟
نورسين: (هزات صبعها جيهتو) شوف الله يرحم الواليدين حجارك يشدوك...ودور لهيه..ماتشوفش فيا...
سيف: هههه...او لهاد الدرجة كرهتيه...(شيرلها براسو جهة المعلم) وماباغاش تشوفيه..(غمزها) 
نورسين: (ضورات راسها) الله وما طولك يا رووح...
سيف: هههههه...(باغي يعصبها) اااح والله ماتشهيت فيك دبا شي ماتش فداك البانيو يا سلاااام...
نورسين: (رجعات شافت فيه وخرجات عينيها) اييييه..وا بقالييك غاتشرشمني دباا...شركتيليا اللور مع القدام...سير تبعد مني...
شلل وسالا وكبشوفيها ...خرج من الرشاشة وتم جاي عندها وداير نضرات شر وابتسامة بالجنب...شافتو جاي تبدلو فيها الالوان...وتخشات فالبانيو بالخلعة بقا كيبان غاراسها وعينيها مبرقين وسط ابما..وهو جاي خابس الضحكة...وكيتمشا بشوية..تا قرب يوصل عندها ومد يديه هز فوطة كانت محطوطة حداها..لواها عليه...وغمزها..
سيف: هههه..غي نوضي غتخنقي وسط داك البانيو..راه مغنقيصكش...
گعدات راسها وشافت فيه بغيض...تم خارج ورجع شافيها...
سيف: ماناوياش تخرجي؟
نورسين: خليتيليا شي ركابي باش نخرج؟
علا حاجب وهبط حاجب..وقال بنضرات شك..
سيف: نورسين واش داوية من نيتك..واش بصاح تقصحتي؟
نورسين: (كتغبن) اه....
رجع عندها...هزها من البانيو خرجها..لبسها البينوار ودارلها فوطة على راسها وهزها خرجها على برا حطها فوق النموسية...وهي كدور فعينيها..هبط تحت رجليها ..وهي حاضياه شكايدير...فرقلها رجليها ورجعات جمعاتهوم..عاود حلهوم وجمعاتهوم تا غوت عليها..
سيف: رصاااااي نشوف...
نورسين: (كتمسكن) واعنداك تزيدني التالت...
سيف: (غلباتو الضحكة) ههه...ماغانديرلك والو غي خلي رجليك نشوف..
حلات رجليها وعلالها البينواار ..وخشا راسو كيشوف...مابانلو والو قلب على التيليفون حداه ماقاهش..مابانتلو غالبركة عند راسو.تماطاها بيديه...وشعلها...شافتها نورسين وغوتات...
نورسين: هييييه😨 عنداك تحرقني!!!
سيف: هههه...لا صافي ايلا حرقنا مسكوتة شي مادرنااه ...حلي حلي رجليك..
رجعات حلاتهوم..وشعل البريكة ودخل راسو كيقلب..لقاها بصاح طايبة من داخل..والحمورية مع الجناب...خرج راسو وشافيها...
سيف: خاص تشوفك الطبيبة...
نورسين: شنااااهواااا؟ لا صافي بقا غي الطبيبة ماتشوهتش معاها عيطليها تاهي ...
سيف: نورسين..هادشي جاني بيزاغ..ماشي اول مرة نمارس معاك..باش طيبي تالهاد الدرجة...

نورسين: راه قتبك مرة مرة كيطرالي هكا فاش كتقرب تجيني..وديجا راه جنابي كيضروني..يمكن تهبط اليوم...
سيف: امممم..هي غنبقا مقطوع سيمانة.هههه
نورسين: (بنفخة) امم..هي نتا كيجيبك عندي غير داكشي...
سيف: (ضحك وقرب عندها باسها من حنكها) كبيدة ديالي ولات دغيا كتقلق..نتي عارفاني كنبغيك..
نورسين: الصمت..
سبف: وعارفاني كنحماق عليك...
نورسين: (دايرة فيها مقلقة وكتهضر بنفخة) اممم...
سيف: (علالها راسها وباسها من فمها بلطف) كولشي فيك..كيعجبني..ضحكتك...شعرك..گاع تفاصيل جسمك...وحتى فاش كتكوني هكا..مقلقة..ومنفخة...وشحال زوينة نبقا نحزر فيك حتى طيبي (باسلها يديها) يعني باختصار انا خديتيلي العقل قبل ماندوق الحلوة هه
علات عينيها شافت فيه وضحكات بعفوية...وعضات على شنايفها حشمانة..
سيف: اح...اقلبي..غتسطيني هاد البنت...حسنلي نوض قبل مانعاودو بالتدواش...
ناض من حداها ومشا جبد حوتيجو يلبس وهي سرحات رجليها فوق النموسية وكتفرج فيه كيمشي ويجي قدامها..
نورسين: فين غادي؟
سيف: (كيلبس سروالو) الخدمة احبيبة...
نورسين: ضروري تمشي؟
سيف: هههه..غتوحشيني ؟
نورسين: الصمت...
لبس قميجتو ومشا حدا المراية كيقاد الكراڤاط ..دار ساعتو ورش ريحة وهي حاضياه بعينيها ..سالا وضار عندها..
سيف:بب..رجعي تنعسي لا بغيتي مزال الحال...
نورسين: بغيت نبدل حوايجي..ياله جات تنزض وماخلاهاش ...
سيف: تسناي...
مشا لماريو جبدلها سليب وسوتيانات وكسوة خفيفة تلبسها ومشا گلس حداها...حيدلها الفوطة علر راسها ونشفلها شعرها مزياان بالفوطة...
سيف: كتمشطيه؟
نورسين: لا غي جمعو وخليه..
سيف: ههه...تسناي نشوف واش نعرف...مشا هز مقبط وجا عندها..شدليها شعرها لواه بين يديه وجمعولها لفوق..
لبسلها حوايجها ديال لتحت والكسوة..وسرحليها رجلها فوق النموسية ..وگلس جنبها شدليها فيديها
سيف: بب...ايلا حسيتي براسك عيانة عيطي عليا ...حالتك معاجبانيش...غادي نوصيهوم عليك لتحت..واخا؟
نورسين: (بابتسامة) واخا...
باسها فخدها وناض خرج...جرات عليها الغطا وسدات عينيها ورجعات تنعس فالبلاصة...
هبط لتحت لقاهوم مجموعين كيفطرو ويهضرو..وقف عليهوم قال صباح الخير...وشير لياسين ينوض..
عايدة: ولدي مغتفطرش؟
سيف: لا بالصحة...عندي شي خدمة...
عايدة: ماتعطلش فالعشية..غادي يجيو العائلة...
سيف: انشاءالله...
مشا هو وياسين خرجو من بعد ماوصا مي عيشة تسيفط شي وحدة تبقا مع نورسين...وخرجو على برا...
ياسين: ياك لباس مالها؟
سيف: ماعرفت..مافهمت تا لعبة...كتبان عيانة ومابغاتش نجيبلها الطبيبة...
ياسين: ههه..غايكون غي داكشي ديالهوم ديال كل شهر..يالله زيد زيد غنتعطلو...
سيف: ههه...واش متأكد باغي تمشي معايا؟؟

ياسين: من شحال هادي وانا باغي نشوف اش كتصنع فداك ابخدنة ديالك...ودبا جات الفرصة..متعرف نبدل الحرفة تانا ههههه
سيف: (حل الباب ركبو فالطوموبيل وديمارا) هههه...انا كيبانلي خليك غي مع الكباريات ديالك والحفاري..داكشي ديالي فيه غي المرض وحريق الراس
ياسين: الصراحة عندك الحق اصاحبي...اصلا من ديما كنكول بااز كيكادير تسير هاد الحزاق كولو...
سيف: ههه....فكر فكر معايا فشي كادو لداك البعلوكة..
ياسين: بففف..تانلقاه انا...من البارح وانا نفكر..
سيف: نفعنا غي مرة وحدة فحياتك اصاحبي...
ياسين: ههه....زيد زيد..نساليو شغالنا ونفكرو اش نديرو...
كملو طريقهوم وخرجو من القصر...داز النهار عادي لداخل فالتحضيرات لضياف الي غيبداو يجيو..الخدامات كولشي واقف...كيوجدو فالبيوت ديال القصر كولهوم..الكوزينة قايمة فيها القيامة...حركة غير عادية فالقصر...السي ابراهيم گالس هو وسميرة فالصالون من بعد ماتغداو..كيهضرو فمواضيع عامة...وعايدة ومريم..غي كيضورو من قنت لقنت وينبهو على الخداما..فيروز منين خرجات على الصباح مزال مارجعات..ريما شاداها الخلعة ..مابقا والو لعرس وبداها ابتوتر قبل بنهار..حامية فيها البيضة وغي تالفة ماعارفة مادير..منين فاقت وهي طالعة هابكة فالدروج ..وكتمشي من تحت لفوق..وفين ما ضارت كتلقا الخدامة..شي غادي شي جاي..كتزيد توتر..ومرة مرة كتمشي طل على نورسين..كتلقاها باقا ناعسة..ماكرهاتش تفيقها..هي الوحيدة الي غتقد تخفف عليها التوتر وتفوج عليها..مي مابغاتش تزعجها..حيت ساقتلها الخبار مريضة...تعاشات العشية وقربات العصر...عيطلها سعد..لبسات حوايجها وهبطات باش تخرج عندو...
دازت فالاول لصالون عند باها..
ريما: بابا..انا غادي نخرج...
ابراهيم: ماتعطليش ابنتي..راه شوية غيوصلو خوالاتك..
ريما: لا..ماتخافش مافيا الي يسمع الهضرة من عند الميمة هههه
ابراهيم: ههه...هي الي كتعرفلكوم..
ريما: هه...يالله باي...
تمات خارجة وعيطاتليها سميرة...
سميرة: بنتي...واش نورسين مزال مافاقت؟
ريما: لا مزال اخالتي...يالله طليت عليها دبا قبل مانهبط..
سنيرة: اه واخا...سيري ابنتي الله يعاونك...
ابراهيم: (كيشرب القهوة) ياك ما مريضة؟
سميرة: عيانة شوية...وكترتاح...انا غنوض نشوفها...(ناضت)
ابراهيم: (بقلق) ياك منسيفطلها الطبيبة؟
سميرة: لا مايحتاجش..انا غادي نفيقها تهبط...
ابراهيم؛ واخا..ايلا كانت شي حاجة..عيطيلي..غنكون فالمكتب...
سميرة: واخا..الله يحازيك بيخير..
استأذنات وطلعات نيشان لعند نورسين لبيت..حلات الباب...ودخلات..لقات البيت مضلم...بحالي الليل...ومعاها بنت گالسة فوق الفوطوي..كتقرا فمجلة ..شافتها دخلات ووقفات...
سميرة: مافاقتش؟
الخدامة: لا امدام...
سميرة: واخا غي سيري نتي انا غادي نفيقها..
الخدامة: اوكي...(هزات تيليفون نورسين كان حداها) مدام هاكي هدا ديال لالة نورسين..كل شوية كيعيط فيه موسيو سيف...
سميرة: واخا شكرا ابنتي...
الخدامة: العفو امدام...

استأذنات وخرجاات...مشات سميرة حطات التيليفون فوق الطبلة وحلات گاع السراجم ديال البيت...يدخل الضو...ومشات گلسات جنبها..دوزات بيديها على وجهها وكتقيس جبهتها لقاتها سخونة شوية...بقات كتلعبلها فشعرها ومتفيقها..
سميرة: نورسيننن...نورسين..
حلات عينيها بشوية وبالسيف باش تحلو...وجها صفر ولونها مخطوف كيبان عليها التعب..
سميرة: (بقلق وكتشوف فعينيها) نورسين..وجهك مخطوف واش مريضة ابنتي؟
نورسين: (ناضت بالزز گلسات وشادة فراسها) بففف..راسي كيحرقني...وكنحس بداتي مسخسخة...ماقاداش نتحرك..
بقات شحال كتحقق فعينيها...وضحكات...
سميرة: ههه...مافيكش الدوخة..والردة؟
نورسين: (باستغراب) باش عرفتيها؟
سميرة: هههه...عينيك قالو كولشي وانا مستحيل تخفا عليا هاد النضرة..ابنتي.
نورسين: (بعدم فهم) شنو كتقصدي؟
سميرة: ههههه...الي كنقصد هو انك غتشرفيني قبل الوقت وتولديلنا شي فنكوش ولا فنكوشة تعيطليا الميمة ..
نورسين: هههه...الصراحة ماكرهتش..ولكن انا ديما كطراليا هكا فاش كتبغي تجيني..وهادا وقتها..يعني احتمال اني نكون حاملة..بعيد هاد الساعة..
يالله كانت غدوي وهو يتحل الباب...ضارو شافو بانتلهوم دخلات مي عيشة معاها مرا لابسة طبلية بيضة وهازة شانطة فيديها..سدو الباب ودخلو...
مي عيشة: (بابتسامة) بنتي..هادي طبيبة سيفطها سيف باش تشوفك..
نورسين: ولكن علاش..انا مافيا والو؟
سمبرة: (ناضت وقفات،) ههه..لا عنداك ادكتورة..راه فيها شي حاجة..تفضلي 
نورسين: (خرجات عينيها وهضرات من تحت سنانها) ماماااا..
سميرة: هههه...مكاين لا ماما لا والو..خلي الطبيبة دير خدمتها...
استاءدنات مي عيشة وخرجات...ومشات الطبيبة گلسات جنبها وحطات شنطتها حلاتها قدامها...وسميرة واقفة عند راسهوم وفرحانة..
الطبيبة: (دوات مع نورسين) باش كتحسي؟
كانت غتجاوبها وهي تنطق سميرة وقالت بحماس...
سميرة: حاااملة...هههه..
نورسين: (خزرات فيها باش تسكت ورجعات شافت فالطبيبة) ماتديش عليها اذكتورة..انا ديما كيطراليا هكا فاش كتبغي تجيني...
الطبيبة: (بابتسامة) ههه..اوكي..خلينا نشوفو..واش ماماك عندها الحق...
لبسات ليگا فيديها..وعلاتلها الكسوة ..حيداتليها السليب وفرقاتلها رجليها كتقلب فيها..
الطبيبة: اوووه..طايبة..(علات راسها شافت فيها) كينزل منك الما بزاف؟
نورسين: اه..هاد اليامات عاد قوا..
الطبيبة: اممم..مكيضركش جنبك؟
نورسين: بزااف...
الطبيبة: باش كتحسي دبا؟
نورسين: فيا الدوخة وقلبي طالع...وراسي عاطيني الحريق...
ابطبيبة: هممم...واخا...عاودي حلي رجلك مزيان وترخااي...
دارت داكشي الي قالتلها الطبيبة..قربات راسها وشافت فيها..
الطبيبة: حاولي ترخاااي...وتنفسي مزيان...بغيت نقيصلكك الحوض...
نورسين: (تخلعات) مغتقصحينبش؟
الطبيبة: (بابتسامة وكطمنها) متخافيش..ايلا مازيرتيش ماغاتحسي بوالو..
نورسين: واخا...
دخلات الطبيبة جوج من صبعانها بشوية..ودارت يدها التانية بركاتليها على كرشها من تحت الصرة وبقات كتقلب ...ودغيا رجعات خرجات يديها ...وعلات راسها شافت فيها وضحكات...
الطبيبة: مدام نورسين..ماماك زدق عندها الحق...مبروك عليك..راك حاملة...
سميرة: (تحلو عينيها بالفرحة) الله يااربي..حمدتك وشكرتك...(شافت فالطبيبة) دكتورة.شحال عندها..
الطبيبة: غتكون شي 3 دالسيمانات..انا غادي نكتبليها شي دوايات وشي ڤيتامينات...على ود الالتهاب الي عندها...خاصكوم تردو معاها البال..الحمل ديالها غيكون صعيب..مهم انا من بعد وغنهضر مع موسيو سيف فهادشي...وغنرجع نفحصها..دبا خاصها تعطي الراحة لراسها..حتى يستاقر الحمل..
سميرة: واخا ادكتورة..شكرا بزاف..
الطبيبة: العفو...هدا واجب..كنستأذن..
سميرة: تفضلي...

مشات سرحات معاها لباب ورجعات عند نورسين...لقاتها ساهية وكتشوف بعيد مكترمشش...داكشي كولو الي قالت الطبيبة ماسمعاتوش..فقدات الاتصال بالعالم الخارجي..مباشرة من بعد ماسمعات راسها حاملة...گلسات حداها..وغطير بالفرحة..كتهضر معاها ومكتجاوبش..تا بقات كتشير ليها وتهز فيها...عاد شافت فيها..
سميرة: سبحان الله فين سهيتي؟
نورسين: (هضرات وهي مامتيقاش اش سمعات) ماما..واش سمعتي اش گالت؟ گالت انا حاملة...
سميرة: هههه(شداتليها فوجهها) اه..حاملة احبيبة ديالي...
نورسين: (تغرغرو عينيها بالدموع) ماما..واش انا بصاح غنولي ام؟ 
سميرة: ههه...اييه انشاءالله باذن الله..وانا غنولي جدة ههه
تخلطو عليها الاحاسيس..فرحة مع خلعة مع بكية ...وماعرفات شمن طريق تشد..الخبر طاح عليها بحال الساعقة...ومشاعر الامومة..بداو يتغلغلو فيها..تلفات ليها الهضرة..ومالقاتش كلمات باش تعبر على فرحتها وطلقات العنان لدموعها...كتبكي وتشهق...شافتها سميرة هاكا..عنقاتها وزيرات عليها وبكات حتى هي معاها..وكيبقاو الدموع هوما اصدق تعبير عن الفرح...بقاو يتباكاو حتى بردو وقلبوها ضحك...
سميرة: (كتمسح دموعها) ههه..مبروك عليك ابنتي..
نورسين: (بضحكة مخلطة مع الدموع) مزاال مامتيقاش والله...كيغاندير نگولها لسيف؟
سميرة: ههه...واهدااي عليا..تالهادي منقدش نفعك..
نورسين: ههه..ناري شاداني الخلعة من دبا...
سميرة: متخافبش ..كولشي غيدوز مزيان..سمعتي الطبيبة اش قاتلك؟
نورسين: ههه...لاااء..
سميرة: گاتلك الحمل عندك ضعيف..ومزال ماراصيش!
نوريين: (بخوف) كيفاش ماراصيش؟ 
سميرة: ماعرفت..مهم گاتلك رتاحي..راه غترجع تشوفك..ههه..دبا گوليلي اش مشهية؟؟
نورسين: ههه..دبا ماجاي على بالي والو..خاصني غير ناكل..اي حاجة فيا الموت دالجوع..
سميرة: ههه..صافي تسنااي...غانهبط نوجدلك شي حاجة من يدي..
نورسين: لا غي بقاي...نعيطولهوم يطلعولي اي حاجة...حتى ايلا تشهيت شي اكلة من يديك..عاد ديريها...
سميرة: هه.واخا...هانا نعيطلهم...
يالله كانت نايضة تعيط..وهي تسمع ابتيليفون دنورسين كيصوني..مشات جابتولها وضحكات وعطاتولها ليديها..
شداتو نورسين..شافت النمرة وتبدلو فيها الالوان...
نورسين: هيببه😱ماما...سيف سيف.كيتاصل...
سميرة: ههه واجاوبيه...
نورسين: اويلي اش غنگولو؟
سنيرة: هههه..بيناتكم..انا غادا نجيبلك تاكلي..جاوبيه دغيا قبل مايقطع...
سلتات وخرحات خلاتها هازة التيليفون كتشوفيه...وماقداتش تجاوب..بقا شحال كبصوني فيدها تاقطع...حطاتو دارتليه سيلونص وناضت شادة فجنبها عاطيها الحريق..دخلات للطواليط..طرفات وقضات حاجتها وخرجات..لقات مها..فاللبيت وكاتقادلها فالطبلة دالماكلة...ومعاها جوج بنات...جابت ماياكلو خمسة دالناس...مشات نورسين گلسات وبقات كتساري فعينيها...
نورسين: مزال ماتغديتي؟
سميرة: لا تغدييت...
نورسين: ولمن هادشي كولو؟ عندنا جلسات وناسة؟؟
سميرة: هههه...وراه دبا فيك جوج..خاصك تاكلي ليك ولبيبي...من دبا لفوق خاص ماكلتك تكون صحية..وكولي مزيان..لايمشي يجيك شي فقر الدم ولا شي موصيبة..وبقاي ديري الرياضة..
نورسين: ايييه..تباركالله على السي الطبيب..كنقد نزيد انا بعدا..بقاليا غالرياضة..
سميرة: (عمراتلها طبسيل للفم وعطاتولها) هاكي...هدا غيالوحم..من بعد غتنزازي شوية...دبا كولي..ونوضي بدلي حوايجك وقادي خالتك...راه لتحت مقلوب..يمكن جاية عائلة راجلك..
نورسين: اه..گالتهاليا ريما..واخا بيني وبينك مافيا الي يشوف شي حد...
سميرة: ايوا لالواه..هادوك عائلة راجلك..خاصك ديري معاهوم الصواب..وضحكي فوجههم واخا يكونو ماحاملينكش..وزايدون مزال ماعرفناهوم كيدايرين...
نورسين: (هزات الفورشيط كتاكل) وراه باين العربون اماما...تا حد ماحاملني هنا كيبغيتي لوخرين يبغيوني!
سميرة: ايوا بنادم طوب وحجر ابنتي ماعندك ماتعرفي.مهم نتي ديري الي عليك..تصرفي على طبيعتك..وضحكي فوجههوم...العيب ماخاصوش يجي من عندك...وعنداك تهبطي عنظهوم هكا...اول مرة غايشوفوك ويتعرفو عليك..خاصك تقادي حالتك..
نورسين: بففف...واخا..
سميرة: اه وحاجة اخرى..مزال خاصنا ناقشو موضوع عگوزتك..هادشي ديالكوم ماعاجبنيش!
نورسين: مافهمتش!

سميرة: شوفي ابنتي...انا عارفاها قبيحة معاك..على ماعاودتيلي..صعيبة وماحاملاكش...
نورسين: اه...وكتر مكتصوري عاد...
سميرة: (شداتليها فيديها) سمعي ابنتي...انا كوتلك ماتيقيش ففيروز ومها..وبعدي منهوم..حيت كيبقاو بعادين عليك..وجامعاكوم موليمة ودبا يمشيو بحالهوم..ولكن..عابدة..كتبقى ام راجلك..المرا الي كانت السبب وجابتو لهاد الدنيا..حتى كبر ورجع راجل تباركالله وبغيتيه وتزوجتي بيه...
نورسين: ماعرفتش شنو كتقصدي..
سميرة: الي كنقصدو..هو خاصك تصلخي علاقتك بيها..ماتسنايش الامور تقاد بوحدها..هي يستحيل تبدل فكرتها عليك غي هكاك..خاصك تحاولي تقربي منها...وتحاولي تفهميها..بشي طريقة انك ماديتيلهاش ولدها..وماعمرك غتفارقيهوم كيف كضن هي...
نورسين: ولكن اماما..هي ماباغاني على هادشي..هي مابغاتنيش حيت كانت خاصها تزوجو لفيروز...
سميرة: اييه.الحمقة..وفنضرك علاش باغا تزوجو لفيروز!
نورسين: الصمت...
سميرة: حيت...فيروز دايراها خاتم فثبعها..وعاجناها وخابزاها..وكتگول مع راسها مااله ومافيروز تكون مرت ولدي..نقدر نتحكم فيها كيبغيت ولا تجي شي وحدة برانية مكنعرفوهاش..تبعدو عليها ومايبقاش يشوف تا جيهتها..راه هادي هي الفكرة ديالها..
نورسين: بففف..دبا انا شنو ندير؟
سميرة: دبا كولي...من بعد نهضرو فهادشي...خلاوها المصريين..كولشي بوقتو حلو...
بقات نورسين كتكمل ماكلتها ومها عند راسها..كتوكلها بالسيف..واقفة عليها بحال الدراري الصغار...
فالبيت ديال مريم...گالسة هي وعايدة كيشربو القهوة..كيستارحو حيت النهار كولو داز فالتحضيرات..ساكتين..ونضراتهوم مامفهوماش ووجهوم مبدل...كايبان عليهوم التوتر..حتى نطقات عايدة...
عايدة: بففف..تعطلات فيروز...
مريم: كنتمنا مايكون تا مشكيل...
عايدة: الله يستر وصافي...
تحلات الباب ودخلات فيروز ضاحكة والابتسامة واصلالها ودنيها...ضارو شافو فيها وناضو بزربة..عندها..سدات الباب ودخلات...
مريم: فيروز امضرا ؟
فيروز: هههه...جبتو؟
مريم: اوووف..كنت غنموت بالخلعة...ماشافك تا حد ياك؟
فيروز: ماما...مستحيل يشك فيا شي حد واخا يكون تابعني...السيدة طلاقيتها على اساس صاحبتي ووصيتها تصرف على هاد الاساس...وشحال بقينا گالسين فالقهوة كنضحكو..يعني حتى ايلا كان شي حد مراقبنا مستحيييل يشك...
مريم: اوكي..فيناهو؟
فيروز: (شيراتلها بعينيها لساك) هاهو هنااا...
مريم: ههه..صافي مزيان عنداك تجبديه...الكاميرات ماخلات تا قنت..
فيروز: ماتخافيش ..الديب كدوز عليه غي مرة..وهاد الخطرة انا حاسباها مزيان..
مريم: واش متأكدة..مغيشك حتى حد؟
فيروز: واايييه اماما..راه گلنالك مستحيل يعرفو شي حاجة...هو عندو التاتير نيشان على القلب...مكايبانش فالتحاليل..وديما كتخرجلهوم فابنتيجة..موت بسكتة قلبية...السيدة الي جابتو ليا شرحاتلي مزيان اش كاين...
مريم: اوكييي..كنتمنى..يطرا ديكشي الي باغيين..(ضحكات وشافت فعايدة لقاتها ساهية وكتخمم) عايدة مالك ساقلة؟
عايدة: غيبقا فيا عرس ريما..غيخصر ...
فيروز: (مشات عندها شداتليها فيدها) خالتي الله يخليك...حتى حنا مابغيناش هكا..مي راكي عارفة مزيان علاش ختارينا هاد ابنهار بالضبط...القضية كتكون مخلطة..وبنادم بزاف..يعني غيسهال علينا نفدو الخطة...ماتقلقيش عافاك..
عايدة: بففف..امتا يتسالا هاد الكابوس...بغيت نرتاح...
فيروز: (بابتسامة) مابقا والو ...غي هاد الليلة...ههه

بقاو كيتقاراو فالبيت..حتى جات عندهوم الخدامة خبراتهوم بالي ضياف وصلو..وراهوم لتحت...هبطو بجرية عندهوم يستاقبلوهوم...
كانو جوج خوتها بنات ديال عايدة..يعني خوالات سيف...وحدة سميتها..غيتة عندها ولد وبنت..كبار..البنت قد ريما والولد قد سيف...مزوج حتى هو وعندو وليد يالله كيتزاد..سميتو علي...وجايب معاه حتى مراتو...مغربية حتى هي...وعايشة فامريكا. وختها لوخراسميتها حسناء...عندها حتى هي ولد وبنت...توام...تكون عندهوم شي 28 عام...الولد سميتو حاتم..خاطب وقريب عرسو حتى هو..والبنت مزوجة وعندها بنيتة فعمرها 4 سنين..وجا حتى راجلها...والجدة الي هي ماملت عايدة..مرا كبيرة فالسن ولكن مهلية فراسها وباقا شادة..كتبان على وجهها ملامح الجدية والصرامة...هادو الي وصلو ومزال باقي...عائلة مريم خوتهاا ومها وباها..بحكم انهم اصحاب من شحال هادي..فاش كانو باقيين فالمغرب..وكيتصارفو مع بعضهوم فالمناسبات..هادو كولهوم الي جاو ساكنين فامريكا..فبلايص مفرقين..شي فنيويورك.شي فلاس فيگاس.وزيد وزيد..نزلات عايدة وتبعاتها مريم..لقاو السي ابراهيم قام بالواجب ورحب بيهوم...تسالمو مع بعضياتهوم وعمرات الدار وتزادو الاصوات وكملوها حتى صداع الدراري الصغار..كولشي كيهضر ويضحك وهوما مزالين فالباب...
عايدة: (كتسالم مع مها) ماما..على سلامتكم..
الحاجة بديعة: الله يسلمك..ابنتي الله يرضي عليك...فينهيا داك البعلوكة؟؟
عايدة: خرجااات...
الحاجة: ايييه..عرايس تاخر الزماان...فين يام الحشمة والوقاار..جيتو لعند ليهود وتبلدتو..وليتو بحالهوم..الله يغصبكم...
عايدة: وماما بلا ماتبداي تاني...
الحاجة: اييه..تلنتي زيدك عليهوم...كون كنتي عارفة بالاصول والتقاليد كون ربيتي ولادك على هادشي...واش ماعارفاش العروسة ماخاصهاش تخرج من الدار سيمانة قبل العرس كولها...وهي غدا عرسها وهاهي مكاينااش...دبا تلقاها تالدخلة دارتها هادي عاام...
كولشي حشم وهبط راسو..هي معروف عليها فين ماكان وقدام مكان كتبلزها ومكتعرف فيها لا صغير لا كبير..ومكتعجبها تاحاجة من داكشي الي كيديرو...نغزاتها بنتها باش تسكت..
غيتة: اويلي اماما..حشومة..واش مغتحيديش منك هاد القاعيدة..الدراري كيسمعو...
ابحاحة: ايوا خليهوم يسمعو المنقي خيارو..كولهوم مسگيين بمغرفة وحدة...تا حد فيكوم ماعرف يربي...خرجتو عليهوم عند النصارى وفسدتولهوم اخلاقهوم...الله يعطيكم القطيعة...
عايدة:اوووف..واماما زيدي غي دخلي بعدا ونتي بادياها بالنگير فالباب...
ابرهيم: الحاجة..زيدو دخلو متبقاوش فالباب...
ابحاجة: واخا ..بسمالله...
مشا يشد فيها ولد بنتها علي الي مزوج ..تنترات منو ودارت فيه...
الخاجة: طلق مني..انا راه مزال ندگ وندردگ...نتسناك تاتشد فيا نتا باش نزيد..شد غا فراسك وفمراتك..وگولها تغطي داك الصيگان وهي دايرة كي طير بگر...الله يخليكم بالخلا...
كولشي حابس الضحكة وماقادينش يضحكو...زادت قدامهوم كتمختر ومعرشة كتافها لسما وتبعوها هوما ماللور...كيضحكو وشي كيدوي مع شي...
نوال(مرت علي) : (كتنخص فراجلها) علي..دبا طير بگر گالتها عليا يااك؟
علي: (حابس الضحكة) لا عليا...
نوال: (كدوي تحت سنانها) ايييه..غي ضحك ضحك نتا الي جات معاك...مكنلقاش المشكل لا معاك لا مع ماماك وكنلقاه مع جداتك..مالها معايا ماعرفت..
علي: ههه..واصافي احبيبة ماتزيديش فيه..راك عارفاها هي مع كولشي هكا...
دخلو للصالون گلسو عطاو الدراري الصغار للمربيات باش يتهناو من صداعهوم ويگلسو فراحتهم...شي كيهضر مع شي..والحاحة..متكية على الفوطوي كترتاح...شافت فعايدة ونطقات...
الحاجة: فينهيا مرات سيف..عيطولها تجي...

ابراهيم: عيانة شوية الحاجة..شوية ونسيفط موراها لا قدات تهبط..
الحاجة: هه...ايييه على الفشوش...بنات اليوم فبهوم غي التبوحبط..رجعو بحال الدجاج الرومي...كولشي ملواح...
حسناؤ(بنتها التالتة) والله يسمحليك امي..البنت مزال تا معرفتيها..ودغيا لحقتيها بالعيب...
الحاجة: سكتي نتي..مزال جاي الدور عليك..
حسناء: اش درت انا تاني؟
الحاجة: دارليك نشاءالله..ماشي نتي الي درتي..ولدك الي دار
حاتم: (تنهد) اش درت الميمة ؟
الحاجة: يعطيك الغمة...كتزيد تخرج عينك..غادي خاطبليا گاورية..ماهي من تربتنا ماهي من طينا..على قلة المغربيات..
حاتم: والميمة وراه مية مرة گلنالك سلمات..سلماااات...
الحاجة: سكت يعطيك السالمة...واخا تگوليا كتصلي على زربية النبي...ماعمرو يكون فيها دم تمغرابيت..
حاتم: بففف..انا والله لا جاوبتك الميمة...
الحاجة: (هزات صندالتها شيرات عليه) لا غي جااوب جااوب...الله يغصبك بقيتوش تحشمو..
سكت وكولشي حابس الضحكة..اصلا مايقد تا حد يدةي معاها..عارفينها مرا كبيرة.شادينلها الخاطر..واخا هكاك عزيزة عليهوم ودايرين ليها بحال الما القليل...
دخلات ريما...على الباب...سمعات الصداع والضحك جاي من الصالون..عرفاتهوم وصلو ومشات عندهوم..دخلات عليهوم فرحانة وراشقة ليها..
ريما: السلااام...
قالو فدقة: هاا عروستنا جاااات...
تمات غادة تسلم عليهوم...تا سمعات جداتها كتغوت..ضارت شافت فيها وكحلات بالعما..
الحاجة: (كتشيرليها بيديها) اجي..اجيي..
تمات جاية عندها بشوية وخايفة..وكولشي حاضيهوم عرفوهاةقفراتها مع جداتها...وصلات حداها وبقات كدور فعينيها.ووقفات عند راسها..طلعات فيها وهبطات الحاجة..ومداتليها يديها..تبوسهوم...غي هي حنات عندها...هزاتليعا باستهوم..وهي طير عليها بقرصة لودن...وبقات مزيرة عليها كتقىص فيها وهي كتغوت..
ريما: وااااع...الميمة..طلقي قصحتيني..
الخاجة: فيييين كنتي دوي؟؟
ريما: أح...كنت مع سعد...
الحاجة: (كتزيد تجبد) هايهايهاييي..على التسلگيط..وكتگوليها بوجهك احمر؟
ريما: اااي...اح..شمن كولور بغيتي اميمة؟ اح..طلقي عافاك..
الحاجة: ايييه..فين الحشمة..فين الوقار...فين الحيااا..
ريمااا: ايييه وفين ودني؟ ااي...
كولشي كيتفرج..ومفرگعين بالضحك عليها..جبداتليها ودنيها مزيان وطلعات معاها بشي قرصات مزيانين ..عاد طلقات منها...
ريما: (كتحك ودنيها) ااح...كنتي غتسيفطيني عند الراجل ناقصة ودن...ماحشوماش عليك؟ 
الحاجة: سيري تگلسي...قبل مانزدق مسيفطاك عندو بلا رجل...
مشات دغيا غبرات من حداها قبل ماديرها ديال بصاح..وعاد مشات عندهوم سلمات عليهوم بالواحد وودباركو ليها كاملين..وگلسو مجمعين كولها يلغي بلغاه..حتى طاح الضلام...والحاجة كل مرة تسول على مرات سيف..فينهيا مرت سبف..ختى سيفطو موراها تحي...ماكاملاش نص ساعة تا هبطات عندهوم ومعاها ماماها...دخلات كالعادة بكامل اناقتها..لبساتها سميرة هاد الخطرة قفيطن فالاكحل.توبو ملس ومخيط براندة مزوقة..ودارت شربيل كحل..قادات وجهها باش مايبانوش عليها علامات المرض والارهاق...ومتبانش صفرا..خلات شعرها مطلوق..وصوباتو سامبل...دارت گلوس خفيف وماسكارا زادت كبراتليها عينيها..وبان لونهوم..مزيان..دخلات كتمشا بشوية..وحانية راسها حشمانة..غي شافتها ريما دخلات ناضت عندها كتجري...وتقلبات الاعين كولها عليها.شي كيشوفو فيها باعجاب..من غير عايدة ومريم وفيروز..هي ماعلات راسها فحتى واحد..شادها الخلعة والتوتر..جراتها ريما .شداتليها فيديها...وداتها اول حاجة عند الحاجة وقفو عند راسها...
ريما: (بحمااس) نورسييين..هادي جداتي..الحاجة بديعة..ههه..الميمة..هادي نورسين مرات سيف...
يالله سالات هضرتها.حناتلها نورسين على يديها وباستهوم..وعلات راسها...كولشي كيتسنا ردة فعل الحاجة..حيت من عادتها كتكريتيكي فكولشي...شدات فالفوطوي وناضت وقفات ...طلعات فيها وهبطات..كتسكانيها من تحت لفوق..لباسها تقليدي ومستور...مافيها مايتعاب...مادبة ومصوابة..وكتختارم الي كبر منها...هادو هوما مجموعة الكلمات الي كانو كيدورو فراس الحاحة...زادت قربات منها شوية..خيت كان باقيلها غي الوجه ماشافتوش...هزات يديها علاتليها راسها...وعلات عينيها نورسين وشافت فيها وابتاسمت...بادلاتها الابتسامة الحاحة..كتعبر على مدى اعجابها ورضاها عليها..شداتليها فوجهها وقالت...
الحاجة: تباركالله ماشاءالله...الله يحجبك ابنتي...(شافت فيهوم وضحكات) ولدي سيف هو الي تزوج فيكوم..ختار وعرف اش يختار 
بقا كولشي حال فمو اول مرة الحاجة كتقولها فشي حد زوينة..واول مرة كيعجبها شي حد ويجيها على گانتها..
الحاجة: (شافت فيها) سيري سلمي عليهوم واجي گلسي حدايا...
ابتاسماتلها نورسين وهزات راسها بمعنى واخا..ومشات مع ريما..ضارت على هادوك الي فالصالون كولهوم سلمات عليهوم..وكاملين عجباتهوم...تعرفو حتى على سميرة...الي سلمات عليهوم حتى هي ومشات عند الحاجة گلسات حداها وتعارفات عليها ودغيا جاتها على هواها...نورسين سالات السلام ومشات گلسات حداهوم...قتلاتها الحاحة بالاسئلة والهضرة..وتوصي وتعاود...حتى طيباتها بالهضرة...

بقاو شحال گلسين فالصالون...تعرفو كولهوم على
نورسين وزدقو ناس طيبين ورتاحت ليهوم عكس مريم وفيروز وعايدة الي باينة لعمى كيكرهوها...وجد العشا وناضو كولهوم لقاعة الاكل..فين حاطين طبلة على قدها...دايرين بيها الكراسة وكتهز كتر من 30 واحد...وعليها ما لد وطاب من المؤكولات نورسين ماگلساتش معاهوم..استاءدنات وطلعات لبيتها ترتاح..جنبها باقي ضارها ومكتقدش تبقى كالسة بزاف...قلبها مزير ومتوترة غي بوحدها ...وكتحس بالخوف وفنفس الوقت مخلط مع الفرحة...طلعات لبيتها..وجات نيشان مع ابتيليفون كيصوني ..يالله مشات باش تجاوب قطع..هزاتو شافت النمرة وتبدل لونها..
نورسين: ناااري قودتها...30 ابييييل😨 دبا شنو غنقولو؟ بفففف...
بقات شادة التيلي وكتڤيبري بلاصتها حتى عاود صونا وكان هو:
نورسين: (شدات الخط وقالت بصوت خيفان) الو...
سيف: (غوت تا ضرها فودنيها) فيييييين كنتي؟؟؟😤 علاااااش مكتجاوبيش!
نورسين: (تلفات فالهضرة) انا...ك..ك...كنت لتحت..گالسة معاهوم...
سيف: (بعصبية) لتحت؟ رااه شفتك لتحت الالة..! هانا جاااي..(قطع)
حطات التيليفون وناضت بقات كتمشي وتجي فبلاصتها وكتغز فضفرانها...وحامية فيها البيضة...
هو نزل من الطوموبيل ودخل لداخل..غادي مدرم مكيشوف فختى واحد...طلاقاتو مي عيشة لباب وطالعة معاه فالدروج..كيجري وهي كتجري موراه...
مي عيشة: ولدي..تسنا نهضر معاك؟ علاش طردتي االطبيبة مدارت والو هي!!
سيف: (غادي وكبهضر) باش تعلم مرة الجاية تجاوب على تيليفونها...
ني عيشة: وغاتكون ماعرفاتش ابنمرة وزايدون مانواتكش تعيطلها شخصيا..
سيف: (بالغوات) اييييه..عيطتلها حيت نتي مكتجاوبيش..انا لاش خليتك مقابلاها ها؟؟
مي عيشة: (هبطات راسها) عندك الحق اولظي سمحليا..راه غي مع الدار كانت عامرة وملهية مع الضياف ماساليتش..ولكن راه كولشي بيخير..وراه يالله كانت گالسة لتحت معهوم ما بيها والو...
سيف: (وقف شافيها معصب) صافي دبا...سيري لخدمتك...
حنات راسها ورجعات بحالها وهو دخل صاعر عند نورسين...لقاها كتمشي وتجي فالبيت غي شافتو تبدلو فيها الالوان وتسنرات فبلاصتها كدور فعينيها وهو داخل مكشكش..مشا عندها نيشان شدها من دراعها وخرج فيها عينيه معصب وكيغوت...
سيف: علااااااش مكاتجاوبيش؟؟ ابنار كولو كنعيط ونتي نيبا لا؟؟
نورسين: (شداتليه فيديه كتنتر منو) اح...قصحتيني..طلق...راه كنت گالسة معاهوم لتحت وصافي..
سيف: شنو گالت الطبيبة؟ دوي دغيا!!!
نورسين: أ؟ شنو قاتلي الطبيبة؟
سيف: (بنفاذ صبر) بفففف...نووووورسين..ماتعصبيش دينمي..راه انا الي كنسول..واش كندوي بالعبرية!!!😤😤 شنو گاتلك الطبيبة ...(غوت فوجهها تا خرجو حلاقمو وطفجها من بلاصتها) دوييييي😤
نورسين: (بخوف) لا نتا موحااال تخليلي هاد الولد يرصالي فكرشي!
سيف: (بعدم فهم) اينا ولد؟
نورسين: (كدخل وتخرج فالهضرة) ولدي..لا ولدك...ولدنا...
سيف: واااش حماقيتي شكاتخربقي؟؟
ماعرفلتش كيف دير توصلو الخبارر ...داتها كترعد عليها والحرارة طلعات على جسمها...وكتزيد توتر فاش كتشوفو مخرج عينيه والفوار هارج على ودنيه...بقات شخال ساكتة وهو مزير على يديها كيتسناها تهضر..تنفسات بعمق عاد هضرات...
نورسين: سيف! هانتا دبا الطبيبة..گاتلي ...(سكتات)
سيف: (بالغوات) اااش گاااتلك دوي!
نورسين: (سدات عينيها ودوات بزربة) انا غنولي اب وانت ام...لا انا غنولي ام ونتا اب...(حلات عينيها)

طلق منها مصدوم وعينيه خارجييين..كيحاول يستوعب واش داكشي الي سمع بصاح ولا ماسمعش مزيان...رجع جوج خطوات اللور مامتيقش..استغرق فترة قل مايتحولو نضراتو شوية بشوية...لنضرات فرح...وتحجرو الدموع فعينيه...دوز على وجهو بعصبية وتنفس بصعوبة فالسما...ونورسين واقفة على اعصابها كتراقب ردة فعلو...شافيها بنضرات مامفهومينش..قرب عندها شدلها فيديها بجوج..ودار جبهتو على جبهتها وكيتنفس بعمق...سد عينيه وطبع على جبهتها قبلة حنيييينة..حسات بيها فازگة مخلطة مع الدموع...علات عينيها فيه باش تأكد لقاتو بصاح نازلين جوج دمعات من عينيه...ابتاسمات برقة وهزات يديها ومسحاتليه وجهو...شافيها بحب وشد يديها الي على وجهو باسها فكفها من داخل..بلطف وقال بشوية وهو كيتأمل وجهها:
سيف: شكرا
نورسين: علاياش!
سيف: على بزاااف انورسين..شكرا حيت دخلتي لحياتي..لونتيها وعطيتيها طعم خاص...نهار بغيتك ..نهار حسيت براسي تخلقت من جديد
شكرا حيت عرفتك...حيت عاونتيني..وقفتي فجنبي..كنتي ليا السند فاوقات ضعفي...شكرا حيت بغيتيني من قلبك وبلا مقدمات...معاك كتاشفت الحب...ابخب الي محا گاع ذكرياتي فالماضي...عطيتيني بزااف انورسين..ومابخلتيش عليا ...واليوم قدمتيلي احسن هدية تلقيتها فحياتي..مزال مامتيقش انك حاملة جزء مني ومنك..مزال مامتيقش بالي غنولي اب...احسااااس فشكل..ماقدرتش نوصفو..ههه تلفت والله
نورسين: ههه...حتى انا وقعلي بحالك ومزال لدبا مامتيقاش ههه
سيف: (ضحك بصوت عالي) هههه..اش بانلك نتيقو بجوج فدقة؟
نورسين: هه..كيفاش؟
سيف: ههه هانتي غنحسبو حد 3 وغنقولو قدقد...غايجينا ولد...
نورسين: هههه ا(بحمااس) اوكيييي😂
سيف: 1
نورسين:2
سيف: 3
سيف ونورسين: (بصوت عالي) غااايجينا واااااالد😍
نورسين: هههه...احمق...
سيف: (باسها من فمها) نتي الي حمقتيني..
نورسين: ههههههه...
سيف: اجي دبا امتا غتولدي؟
نورسين: ههه ويالله عندي 3 سيمانات يعني مزال خاصنا نصبرو 8 اشهر...
سيف: غنتسنا بزااااف..كون غي خليتي تالشهر 8 عاد گلتيها ههه
نورسين: هههه..غتفضحني كرشي...
سيف: هههه..غي كنضحك معاك..انا بالعكس باغي نعيش معاك كل تفصيل من حياتنا بجوج ونستمتع بگاع اللحضات معاك..الله يخليك ليا
نورسين:ونتا ليا 😍
سيف: (جرها من يديها) يالله اجي تگلسي..
داها گلسها على النموسية وسرحلها رجليها عليها وقادلها ابخدية اللور وهي كدور فعينيها...
سيف: همممم..دبا مزيااان..من دبا الفوق..مكاين غي الراحة تم الراحة..داك التقزقيز ديالك من قنت لقنت غي نسايه ...
نورسين: سيف...انا راه غا حملت ماشي تعوقت..
سيف: شتتتت...ماتكتريش االهضرة..ممنوع تنوضي تاتولدي..
نورسين: (بصوت عالي) شنااااهوااا؟
سيف: كلامي واااضح...(خلاها وتم غادي) انا غندخل ندوش..عندااك تنوضي..هاودني منك...
مشا وخلاها كدور فعينيها ...وتڤيبري فبلاصتها...بقات شخال گالسة وهو طالق الرشاشة لداخل كتسناه يخرح..تاغلبها ابنعااس..وسرحات الخدية وغمضات عينيها ومشات...الوحم جايها على النعاس والخمول والكسل...سالا الدوش وخرج لقاها كتشخر..ابتاسم ومشا عندها..قادلها النعسة وغطاها...وناض لبس حوايجو وهبط لتحت..
البنات السرير ينادي 😂غدا نكمل..راه تسخسخت اليوم بالخدمة😎 بونوي موااااح😍

كانو سالاو العشا وهرجو الدراري كاملين وحتى البنات يسهرو برا ومشات معاهوم حتى ريما وفيروز..وعيطو لسعد وصحابو...بقاو فالدار غي الناس الكبار...هبط سيف لصالون لقاهوم مجموعين كبشربو اتاي...دخل سلم عليهوم كاملين باركوليه الزواج...ومشا نيشان عند الحاجة باسلها يديها وگلس حداها...لوخرين استأدنو كولهوم وناضو ينعسو...وبقا هو مع جداه...
سيف: (بابتسامة) الميمة مجاكش النعاس؟
الحاجة: جاني اوليدي ولكن بغيت نگلس معاك شوية ..توحشتك..
سيف:ههه...هي نخرجو على برا نگلسو!
الحاجة: ايييه..علاش لا..يالله..(مداتلو يديها ينوضها)
سيف: (وقف وشدلها فيديها) ههه..الميمة صافي شرفتي مابقيتيش تقدي تنوضي...
الحاجة: (شافت يمين وشمال) شتتت..عنداك يسمعك شي حد...
سيف: (عنقها وزاد) ههه..زيدي زيدي...
خرجو لجردة ديال القصر ماللور..گلسها فوق الفوطوي وگلس حداها...
الحاجة: مرتك نعسات؟
سيف: نعسات ..عيانة شوية..
الحاجة: ههه..هي كتوحم!
سيف: هههه...شفتيها مرة وحدة دغيا قلعتيها!
الحاجة: بحال هاد الامور مكيخفاوش عليا..
سيف: ايييه واش شفتي تاني؟
الحاجة: الصراحة ..عرفتي تختار اولدي..نتا هو الي جبتيها فيهوم ماشي بحال دوك المزاغب لوخرين كولها ومنين جاببها..لا صواب لا ادب...يخليهوم بالخلا..الله على راحة كنت رافدالك الهم..هادي بعدا كدخل لخاطر..
سيف: هههه واخييرا الميمة عجباتك شي حاجة هاد النهار خاصو يدخل لتاريخ..
الحاجة: (ضرباتو لكتفو) سكت الله يغصبك..دبا انا مكتعجبني تا حاجة؟ راه نتوما الي مكتعرفوش تخترو..
سيف: هههه..غي كنضحك معاك..(باسلها يديها) نتي تاج راسنا ..
الحاجة: الله يرضي عليك اولدي..ويديرلك الطريق فالضيق..ويزين يامك..ويعلي علامك..ويرفع بمقامك..وينقي الشوك من قدامك..ويبعد عليك ولاد الحرام وعين بونا ادم..
سيف: (باسها يدها وطبطب عليهوم) امييين الميمة اميين...
الحاجة: كوليا اوليدي! كبدايرة عايدة مع مرتك؟
سيف: (تنهد) داكشي الي فبالك هو الي كاين..
الحاجة: (بتأسف) اااخ..ااخ.منك يا بنتي...الله يعطيها الخلا هي وداك فيروز ديالها...ماعرفتش اش عاجبها فيها..
سيف: هههه وهانتي تشوفي الميمة داك بنتك عميا ومكتشوفش ...
الحاجة: هههه..ايييه احياني يالعفريت...(جبداتليه ودنبه) غرك الزين وتلفتي!
سيف: هههه...وابيناتنا دبا مازويناش؟
الحاجة: الصراحة الصراحة..كيف كتگولولها نتوما قوقة ..ههه
سيف: (تفرشخ عليها بالضحك) ههههههه..اودي الحاجة...والله تانتي 36..
الحاجة: شناهيا هادي؟
سيف: ههههه..نمرة فسبيطار الحماق...
الحاجة: (طلعات معاه بقرصة) اللله يغصبك...دبا انا حمقة؟
سيف: هههه...اح...(كيحك القرصة ويضحك عليها..وهي رخات شنايفها ودورات وجهها دايرة فيها مقلقة...سكت من الضحك وشدلها فيدها وكيهضر معاها باش يراضيها..
سيف: نتيي راك الحب...ونتي احسن منهوم كاملين..فين تبان قدامك مرتي ولا حتى الواليدة ...والله يلا جدي فشبابو كان مبرع...ههههه
ضحكات بلهلا يطريه ليها على هضرتو وشداتو بقات كتقرص فيه وضرب وبقاو كيضحكو..فالجردة ويهضرو ومرة يتناگرو مرة..يشدلها الخاطر..حتى بدا يجيها النعاس...وناض وصل معاها لبيتها..غطاها...وقادلها بلاصتها عاد خرج...
هادي هي علاقتو مع جظااه..من ديما كتفهمو..اكتر من مو..كيلقا معاها راحتو..وحتى هي عزيز عليها من بين حفادها كاملين..كيشدلها الخاطر ويمشي معاها على قد عقلها..كتوافقو على گاع داكشي الي كيدير من غير علاقتو مع بسمة ..مكانتش كتحملها..ومكترتاحش ليها..هداك علاش غبرات ومابقاتش كتجي عندهوم وقليل فاش كدوي معاه...وفاش ساقت الخبار تزوج المرة التانية..كان عندها تخوف من المرا الي خدا..مي فاش شافت نورسين عاد ارتاحت..وبالها هنا من جيهتو....

يوم جديد☀☀ يوم فرح فالقصر...
فاق سيف طافج..من بلاصتو..مشا كيجري تابع الصوت الي جاي من الحمام...حل الباب بالجهد ودخل...لقا نورسين حانية على لاڤابو وكترد وتخرج فمصارنها...وطالقة الما كيشرشر حداها...تخلع عليها ومشا شدلها فراسها..وكيدوزلها على شعرها حتى سالات وعلات راسها عينيها خارجين ولونها صفر...
نورسين: (شادة فيديها وكتلهت وتكح) كح...كحكح.كح...
سيف: (شدلها فوجها بخوف) حبيبة ..واش صاڤا ؟ مالك!
نورسين: كح..كح...كح..سيف ماتخافش..هادشي عادي فالوحم...الدوخة والردة..
سيف: واش تالهاد الدرجة؟
نورسين: (ضحكات بتعب) هه...ومزاال ..گاتلي ماما...كيدوز 3 اشهر هادشي...
هزها وتم خارج بيها..لبرا..حطها على النموسية ومشا هز التيليفون دوز النمرة ودوا معاهوم لتحت باش يسيفطوليه الطبيبة...ماكاملاش تا 10 الدقايق ودخلات...جات نيشان كلسات حداها..وجبدات الماطريال وبدات تكشف عليهت..وهو غادي جاي عند راسها..حامية فيه البيضة بحالا فيه حريق الولدة...قلباتها لتحت وجمعات شنطتها شافها سالات وشافيها:
سيف: (بقلق) شنوووو؟؟
الطبيبة: موسيو سيف...المدام عندها الحمل ضعيف...
سيف: (بنفاذ صبر) وضحي كلامك!!
الطبيبة: عندها هرمون الحمل ضعيف..وختى هرمون البروجيسترون ناقص..(هرمون كتنتجو الوالدة وكيساعد على عملية الخثوبة عند الانتى ) الشيئ الي كيأدي لعدم تبات الحمل..وفحصتها من تحت..بانتلي طايبة ..وعندها اورام فالمنطقة الحساسة..(سكتات وشافت فيهوم مخرجين عينيهوم ومصدومين ابتاسمات وكملات كلامها) ماعندكم لاش تخافو..هاد الخالات كيطراو بزاف لعدد من الحوامل...واها حملها مزال ماتابتش مي مغيشكل تا خطورة عليها ...(شافت فنورسين) خاصك الراحة امدام..متخركيش بزاف فهاد الفترة...عالاقل حتى تكملي 3 اشهر..ماتهزيش التقل..وحاولي ماتعصبيش...وشحال ماقدرتي تبقاي مسرحة رجليك يكون احسن...يقدر يهبط معاك دم مرة مرة فهاد الفترة مي متخافيش راه عادي...(سكتات شوية وشافت فسيف) موسيو سيف...غيكون من الافضل..ماتكون حتى علاقة جنسية هاد الفترة..
نورسين سمعاتها غرقات بلاصتها وحمارت بالحشمة..وحدرات عينيها..كتصنت...
سيف: اكييد..معنديش مشكيل المهم تكون بيخير وميكون تا خطر لا عليها لا على البيبي...
الطبيبة: من هاد ابناحية كون هاني ايلا تبعات داكشي الي كنگولهاوالدوا والڤيتامينات الي غنعطيها والماكلة الي غنسيفطلها مغادي يكون غي الخير..انا غنبقا مراقباها يوميا..ومتخافوش..
سيف: اوكي..هي دبا ماخاصهاش تنوض؟
نورسين سمعاتو علات رايها وخرجات عينيها...وكتشوف فتلطبيبة وكطلبعا بعينيها...باش تگولو لا..
الطبيبة: (شافت فيها وابتاسمات) اكيد لا فاش تحس براسها بيخير تنوض تحرك شوية..غي هي خاصها تعطي الراحة لراسها وصافي..يعني فاش تحس براسها عيات ولا ضراتها شي حاجة..تجي نيشان تسرح على ضهرها..الي بغيت نگول هو ممكن تزاول نشاطاتها تليومية بلا ماتجهد راسها وصافي...
سيف: اوكيً...
الطبيبة: كنستادن..خليتلك الراحة امدام...(خرجات)
مشا گلس حداها وشدلها يديها باسهوم..
سيف:خلعتيني عليك احبيبة...
نورسين: شفتي راه گتلك عادي هادشي...
سيف: انا خالعاني هاد القضية ديال الحمل عندك ضعيف...
نورسين: (باستليه يديه) متخافش..كنواعدك غاندير ديكشي الي قاتلي الطبيبة بالحرف...
سيف: (بابتسامة) اوكي...بقاي هنا غنعيطلهوم يطلعو الفطور نفطرو بجوج هنا ...
نورسين: علاش يالله نهبطو..ياك سمعتي الطبيبة اش قالت...
سيف: گلسي الارض ممنوع تنوضي واخا گالتها الطبيبة..
نورسين: (خرجات عينيها) كيفااااااش؟ والعرس؟
سيف:العرس تالليل...ولا ماگلستيش دبا تا داك العرس مغتمشيش ليه..يالله سقلي...

نورسين: اوووووووف...دبا انا غنبقا محبوسة فهاد البيت 3 اشهر؟
سيف: ايييه...ويمكن كتر.مهم حتى تگولك الطبيبة نوضي احبيبة...
نورسين: اعععععن😤😤
ضحك وخلاها كتلكل جنابها ودخل للدوش يطرف...
فالبيت عند ريما.....دخلات الحاجة...عليها...لقات البيت مضلم والسراجم مسدودين...وهي ناااعسة كتشخر...وقفات حدا الباب ودارت يدها على جنبها...
الحاجة: طز.على عرايسات الهم...العشرة دالصباح وهي مزال خامرة...
مشات كتجر رجليها حلات عليها السراجم كولهوم تا ضرباتلها الشمس فوجهها ومشات وقفات عند راسها...وغوتات...
الحاجة: ريماااااا...
ريما ماعرفات باش تبلات وفاقت مفجوعة گلسات بلاصتها وعلات عينيها شافت جداتها...ودوزات على وجهها بتعب حالة عين وسادة لوخرا..
ريما: اااه يا ربي يا سيدي..اش كتساليني امي...واش باغا تركبي فيا بوصفير..نبان صفرا فعرسي؟
تحنات عندها وشداتها من ودنيها...
الحاجة: نتي اصلا صفرا...نوضي تگعدي...راه 13 دابنهار هادي!
ريما: اح..ودني...واميي راه مانعستش بكري..
الحاجة: (كتزيد تجبد) ايييه بالسيف...خارجة تسهري على برا..دايرين القاعدة داليهود...لالياتك ليلة عرسهوم كيكون عندهم البدو زعما..ودير حنينة فيديها وتفرح براسها..ونتي خارجة تسلگطي ..اممم گالك كتودعو التزوفريت..لاش كتودعيها لاش..نتي غاترجعي لداركم لا غد ليه...
ريما: (شادالها فيدها باش طلق من ودنيها) اح....شكرا الميمة..شكرا على رفع ابمعنويات فثباح عرسي..الله يخليك لينا بركة وصافي..
الحاجة: (طلقات من ودنيها) تگعدي...من الطنز..ولا غنزرقلك لحمك بالقريص نوريك المعنويات دبصاح يالله تحركي...
ناضت من بلاصتها كتجري قبل ماديرها دبصاح..لبسات صندالتها بزربة ومشات كتعتر فرجليها للدوش...
دارت الحاجة ابتسامة شر وعلات رتسها وخرجات من البيت ..كتمشا وتمختر...فالكولوار..نيشان لبيت بنتها...دخلات لقاتها گالسة قبالت المراية كتقاد وجهها...مشات وقفات عند راسها ودارت يديها على جنبها...
الحاجة: اممم...الخيرة فالتبنتير على الصباح..
عايدة: (تنهدات) مااالك امي على الصباح؟
الحاجة: فعوط ماتمشي تفيقي بنتك وضربي فيها الفگد اليوم نهار عرسها ...مسبقا المراية والبنت صابحة شاخرة ..فوقاش غتوجد راسها فوقاش غتحمم ..
عايدة: واامي..واش يسحابلك راحنا فالمغرب..راه كولشي واجد هادي شهر..واخا تنوض قبل ماتبدا الحفلة غي ب 2 سوايع غتلحق توجد...نتي غي كوني هانية. راه كولشي مقاد..
الحاجة: هممم..عندكوم كولشي ساهل..دبا نشوف هادشي ديالكم...
عايدة: (شداتلها يديها باستهوم وابتاسمات) ههه..غي رتاحي اميمتي..كولشي غيطلع زوين..يالله نهبطو نفطرو غيكونو فاقو...
الحاجة: لا بلاتي بغيت ندوي معاك فواحد الموضوع..هو الاول..
عايدة: الله يسمعنا خير ياك لباس؟
الحاجة: سالي بعدا من قدام هاد الشيطان واجي نگلسو..
عايدة: ههه..هانا مساليا(حطات البانسو وناضت) يالله اجي...يا لالة..
شداتلها فيديها ومشاو گلسو..
عايدة: يالله اري ماعندك...فاش بغيتينا ندويو؟

شداتلها فيديها ومشاو گلسو..
عايدة: يالله اري ماعندك...فاش بغيتينا ندويو؟
الحاجة: على سيف...ومراتو..
عايدة: (عوجات سيفتها) انا هاديك مكنحمل تانشوفها قدامي..عاد نجبد سيرتها مع شي واحد؟
الخاحة: علاش كتكرهيعا لهاد الدرجة؟
عايدة: بفف ...مي يالله نوضو نهبطو ..مزاجي زوين هاد الصباح ماتخصريهليش بسباب داك قليلة الاصل..
الخاجة: (حمرات فيها) گلسي الارض! وسمعيني...
عايدة: الصمت..
الحاجة: البنت مافيها تا خاحة تعاب..مأدبة ومصوابة ..الراءة على وجهها وباينة فيها بنت الناس ومحتارمة راسها..هادشي كامل وكتجيك نتي قليلة الاصل؟
عايدة: الصمت..
الحاجة: فوق هادشي كامل ولدك كيبغيها وفرحان معاها..واش مكتهمكش سعادتو وراحتو؟ 
عايدة: انا باغا ليه فيروز بنت عمو ..
الحاحة: (ضحكات بسخرية) هه..حتى هاديك بنت عمو..وختهت ديال فيروز..(شداتليها فيدها) عايدة..الله يرضي عليك..سيف كون مان باغي فيروز سنين وهي قدامو وترباو بجوج وكبرو بجوج..يعني عمرك سولتي راسك علاش مابغاهاش وقلبو ختار وحدة اخرى؟
عايدة: هو اصلا ماعارفش مصلاحتو واش باغي..لوخرا ضحكات عليه انا الي عارفاها اش كتسوا..
الحاجة: نعلي الشيطان ابنتي واش سيف مزال ولد 18 عام باش مغيعرفش مصلاحتو تا توريهاليه نتي؟ وزايدون هاديك مالعباتش عليه هاديك بغاتو واحتارماتو وقدراتو..واكيد لقا فيها الحوايج الي باغي هو ومالقاهوم لا عند بسمة ولا عند فيروز ومعمرو غيلقاهوم عند شي وحدة ومعمرها تحلاليه شي وحدة من غيرها..ولدك صافي قلبو تعلق بيعا ومغتجيش نتي بداك التنوعير ديالك وتخرجيها من بلاصتها ونتي عارفة مزياان اش كنقصد وعارفة مزيان بنادم فاش كيبغي من قلبو اش كيطراليه..بلا مانفكرك فداك العشق ابممنوع ديالك الي كنتي دايراهلي مع ابراهيم ودوك سنوات الضياع الي دوزتو؟ جاتني عجوبة ..من وحدة مجربة احساس الحب والغرام دير لولدها العصا فالرويضة...
عايدة: الصمت..
الحاجة: واش كتغيري منها؟
عايدة: انا مادوزتش عليه قليل...تعدبت وتمحنت على ودو...راكي عارفة اش دوزت وعلامن كنت كنرد الراس غي عليك..كبرتو تا ولا قد الشحط فالتالي مشا تزوج ومعبرنيش..واش عارفة بالي هضرتنا ولات غي نگير وصداع..هادشي ايلا طلاقينا بعدا..اغلبية الوقت معاها..وقتو كامل ليها..نساتو فمو وعائلتو كولها...
الحاجة: عايدة...بنتي..ديري عقلك الله يهديك..راه انا ونكون بلاصتو راه غنتفادا ندوي معاك...واش هو كيشرق ونتي كتغربي..كيبغيتيه يدوي معاك ونتي فيما تشوفيه عندك نفس السيرة..طلقها وسمح فيها..راه بالسيف ينفر منك ويبدا يتفاداك...
عايدة: هه..وااااو..عاودلك كولشي مانسا والو...
الحاجة: الولد مقهور..ومشطون من جيهتك...نتي كيسحابلك ناسيك..وانه مامسوقش..ولكن راه ماعاجباهش هاد الحالة الي نتي فيها..ومالقالك جهد حيت مو..كو كان البراني غيتصرف معاه شي تصرف ماهواش..وراكي عارفاه كيداير..راه ولدك ونتي ربيتيه بلا مانحتاج نگولك...
كانت مزال باغا دوي ودخلات غيتة بنتها...قاطعات حديتهوم ومابغاتش تزيد دوي حداها.وقلبو الموضووع..بقات گالسة معاهوم شوية وناضو هبكو كولهوم لتحت يفطرو...
فالبيت عند نورسين:...مسرحة فوق ناموسيتها..وهو واقف جنب المراية كيقاد حوايجو...وهي متبعاليه العين غادي جاي وهي عاقدة حجبانها ومعنكرة مكدويش..تا دخلات ريما كي العجاااج..دازت عليه ماداتهاش فيه ومشات كتجري عند نورسين...عنقاتها..
ريما: واااااع..الينعلدينمك..نتي خاملة وانا اخر من يعلم...
نورسين: ههه...ايلا مانضتيش عليا دبا غتبزطيهليا فكرشي...

ريما: (شافت فيها وضحكات) هههه...وينوو غنولي عمة..يا حليلي
نورسين: ههه..اجي بعدا شكون گالهالك؟
ريما: خالتي سميرة..اما كون عولنا عليك سقنا الخبار بكري...
نورسين: (قربات عندها ودوات بشوية بتش مايسمعهاش سيف) راه ..خوك ماخلانيش نخرج من البيت من البارح فاش ساق الخبار..
ريما: (بصت عالي) شناهوااا؟ علاش ماخلاكش تخرجي؟
نورسين بقات كدور فعينيها تا ضار شافيها وضحك:
سيف: نوضي اديك البعلوكة لا عندك شي شغال سيري تقديه وخليلي مرتي فالتيقار
ريما: (دوات مع نورسين بشوية) بففف..سمعني..
نورسين: (ضرباتها لجبهتها) ورااه بالسيف يسمعك..نتي گلتيهالو فالحنجرة دودنو ..
ريما: اجي على الودن عندهوم الحنجرة؟
نورسين: هههه..لا...ولكن دبال خوك عندهوم...
ريما: (كضحك بشوية) ههه سكتي غيسمعك...النهم دبا انا غنفطر ونمشي لصالون..تمشي معايا؟
نورسين: واش ماسمعتبهش اش گال؟
ريما: هااء واليوم عرسي زعما مغتوجديش راسك؟
نورسين: وراه گلتهالو گالي غيجيبلي كولشي لهنا..والبيت هو الي منخرجش منو..
ريما: ههه اجي اش بانلك نعيط لسعد ونجيو نبرزو حداك هنا؟
شافت فيها نورسين وضحكو فدقة..بصوت منخفض...
سيف: (كيعقد الكخافاط) اش كتوشوشو تما؟
ضارو شافو فيه بجوج وسكتو كيضورو فعينيهوم...
ريما: وااالو ..(باستها وناضت) تهلاي...(مشات وقفات حداه وقالت بترجي )خويا عافاك جيبها بكري..ولا غنموت تما بالخلعة بوحدي..عافاك!
سيف: اوكي غي حيت اليوم عرسك وصافي..
طارت عليه عنقاتو فرحانة وكضحك..باركاتليه حتى هو وضارت عند نورسين غمزاتها ودارتلها بايباي بيديها وخرحات...ضار شاف فنورسين لقاها باقا مغوبشة ..ضحك ومشا عندها..گلس جنبها وشدلها فيديها وباسها من راسها..
سيف: بب...متبقايش هكا مقلقة ومعندك خاطر..انا خايف على صحتك وصحة ولدنا..غير على مدوز هاد المدة ويكون خير..ومن هنا لتما خاصك تسمعي الهضرة ومتعصبيش راسك وتبعي اش گالتلك الطبيبة واخا؟
نورسين: (شافت فيه وابتاسمات) واخا...
سيف: (باسها فمها) هكا نبغيك...انا غنخرج..خلي التيلي حداك ..غنسيفط عندك شي حد...وبداي توجدي راسك بكري باش نجي موراك...اوكي؟
نورسين: واخا...
سيف: خاصك شي حاجة؟مكيضرك والو؟
نورسين: لاء..غي قلبي مزير عليا ...
سيف: الطبيبة گابت هادشي طبيعي مع الوحم..ايلا بغيتي رجعي تكاي شوية..رتاحي مزال الحال..
نورسين: لا مافياش النعاس..بغيت ماما..
سيف: (باسها فراسها) اوكي غنگولها تجي تبقا معاك..هانا مشيت..كنبغيك😍
نورسين: حتى انا 😍
فيروز خارجة فرحانة من بيتها والفرحة واصلالها لودنيها..طلاقات مع مها فالدروج وهبطو بجوج...
مريم: راشقاليك ههه
فيروز: ههه..معلوم تكون راشقالي..داليوم..يوم فرح.ههههه
مريم: (هضراتلها فودنها بشوية وضحكات) ههه..الفرح الي غيتقلب گنازة...
فيروز: ههه...ايوا خلينا نخرقو العادة...ياك غيبكيو يبكيو فاش يبغيو يودعو العروسة ..ايوا دبا عطيناهوم سبب وجيه باش يبكيو دبصاح هههههه
وصلو لتحت...
مريم: صافي قلبي الموضوع..

وصلو لتحت لقاوهوم مجموعين كولهوم كيفطرو ...گلسو معاهوم..وجا سيف حتى هو سلم عليهوم...وخرج بلا مايفطر من بعد ما وصا مي عيشة على نورسين وقال لسميرة طلع عندها...وخرج ركب فطموبيلتو وزاد...
عند نورسين..گالسة قبالت السرجم وحاطينلها الفطور قدامها..وهي ناحاملاش راسها وغي كتسوط..جاها الملل ومامولفاش تبقا كالسة بلا مادير والو...بقات كتاكل بلا شهية...سالات وناضت بقات كتمشي وتجي فالبيت...وقفات قبالت البلاكار حلاتو وبقات كطلع وتهبط فيه..كتفكر اش غتلبس..عاد تفكرات باللي مها جايبالها شانطة دالخوايج تقليدين ...سدات البلاكار ومشات هزات الشانطة وخواتها على النموسية...هزات فالاول القفطان الي گالتلها مها فالاخضر ملكي ...وهو يبانلها واحد بحالو فالازرق بنفس تصميمو...عجبوها بجوج وبقات حايرة شنو الي تلبس فيعوم.. سرحاتهوم على ابنموسية..ودارت يديها على جنبها كتفكر..تا تخل الباب..وبلا ماتشوف شكون..قابت...
نورسين: ماما..جابك الله..اجي ختاري معايا شكون الي احسن...
تنسيم: الاخضر...
ضارت بزربة مامتيقاش الصوت الي سمعات...حتى تحلو عينيها بالفرحة...فاش شافت صاحبتا قدام الباب..نسات بالي راها حاملة ومشاات بجرية طارت عليها عنقاتها ..وكضحك مامتيقاااش...
نورسين: (لاوية عليها وكضربها فضهرها) تنسييييييم...توحشتك..توحشتك...
تنسيم: واااااع..واغاتخنقيني..وانا باايتة نحلم بالميريكان..وفتش جيت غتقتليني..
نورسين: (طلقات منها وشافت فبها) ههههه...حمااارة..امتا جيتي وشكون جابك؟ وكيدرتي حتى جيتب؟؟
تنسيم: امي بتسلم عليك وبتقولك مليني وحدة وحدة ههههه
نورسين: (طلعات معاها بقرصة) تفو عليك الشيخة...هههه
تنسيم: هههه..والله تا توحشتك الساطا!
نورسين: ناري ماتكونيش قدي...(جبداتلها حنكها) وينوووو يا ختي على الناس زيانو وصحاحو...
تنسيم: حايدي يدك...عنداك توحمي عليا..كمارتي طلعاتلي فراسي..مناقصينش دوزيام كوبي هههن
نورسين: (متفاجئة) هههه...شكون گالك كنتوحم...
تنسيم: هههه..گالهاليا الزرزور الي فوق الصور...شكون غتيكون كالهالي..داك صعصع ديالك..راه هو الي جابني...احي اختي ماضبريليش شي صاحبو زعما نتوكبلاو انا وياه ولكي الاجر..
نورسين: هههه..زيدي زيدي تگلسي ونتي بديتي مع الدخلة مزال تا مسخنتي بلاصتك..
جراتها ومشاو كلسو...
تنسيم: (كتساري عينيها فالبيت) هدا بيت ولا دار؟
نورسين: ههه.هدا دوار...
تنسيم: وا والله ماكدبتي..الي خلاهليا هاد القصر من الدخلة كملتو هنا...هههه...شفتي فاش كنشوفك ..كيرجعليا الامل فالحياة..كنگول منين تكادلها السعد..راه الامل باقي فالدنيا ههه
نورسين: ههه...واييييه ..ناري كنتفكر دوك الايامات ديال ابميتم..والله تا كنحمد الله ونشكرو...شحال ما قد يصبر بنادم غير يصبر..ربي كبير ومكيخيب حتى واحد..
تنسيم: الحمدالله...اجي شنو درتي مع دوك الجاسوسات؟
نورسين: شكون؟
تنسيم: ههه..حماتك واتباعها..ياك تاهوما تلاتة بيهوم بحال الجاسوسات...

نورسين: هههههه...الله يمسخك...اختي مزال هكاك..من غير غيروز جات عندي تسامحات معايا..ومؤخرا مابقيت كنشوف منها تا حاجة..عاطياني التقار..ولكن حماتي مزال مكدويش معايا وقليل فتش كطلاقا عيني بعينيها..يعني البركاان خامد دبا...
تنسيم: ناري عنداك يكون الهدووء ماقبل العاصفة...
نورسين: هادشي الي مخوفني والله...
تنسيم: متخافيش نشاءالله يكون خير..
نورسين: امييين..
تنسيم: يالله نوضي توجدي راسك..ياك اليوم العرس؟
نورسين: اه..وخاصني نمشي بكري عند ريما...شوية وغايجي سيف مورايا حتى نتي وجدي راسك تمشي معايا..نعرفك على ريما ..حتى هي ضريفة غترتاحي ليها...
تنسيم: (بحمااس) اوكيييي...يالله نوضي نشوف معاك اش تلبسي...
ناضو بداو يقادو وختارت نورسين القفطان الاخضر وعطات لتنسيم الازرق...دخلو لحمام بجوج دوشو بزربة..خرجو لقاو الكوافورة جات ومعاها جوج مساعدات باش يقادولهوم...گلسو وبداو الاستعداد..دخلات عندهوم حتى سميرة..تعرفات على تنسيم..وكلسات معاهوم..هوما كيثوبو وهي كتعطي رأيها..دازت العشية بزربة ماحسوش بيها...سالاو وشافو راسهوم فالمراية..عجبهوم الحال...وجاو زوينات...بقاو كالسين مقادين راسهوم حتى جات موراهوم تلخدامة علماتهوم بالي سيف على برا كيتسنا...هزو بزاطمهوم ولبسو سبابطهوم وخرجو دغيا من البيت..ومشات سميرة عاد تقاد راسها باش تجي مع البقية...
كانت تعاشات العشية وقرب الضلام يطيح...نزلو لتحت بانلهم القصر خاوي...تا حد مكاين...كولشي كيوجد راسو من غير الخدامات الي كيضورو من قنت لقنت...خرجو على برا..بانلهم سيف واقف مع ياسين كيهضرو ويتسناو..غي شافوهوم حبسو الكلام وخرجو عينيهوم...
ياسين: بشااااااخ...شمون هادي؟
سيف: (عينيه مفيكسين فنورسين باعجاب) عشقي😍
ياسين: (شافيه بجنب) وراه عرفناها مرتك..انا داوي على لوخرا...
سيف: (عاد توگض) اه..صاحبتها...
ياسين: (باعجاب) كتأمن بالحب من اول نضرة؟
سيف: (ماهبطش عينو على نورسين كايسكاني فيها وهي جاية) انا وليت كنأمن بالحب بجميع انواعه...
عند نورسين جاية حادرة عينيها وحشمانة..عارفة سيف مرافبها بنضراتو مابغاتش طلع عينيها حتى نطقات تنسيم:
تنسيم: اااح..اقلبي...وانا كنضيييييع😍
نورسين: (شافت فيها بنص عين) مالك؟
تنسيم: ناااري الطوطوز انا تزعطت..شكون هداك الي حدا راجلك..
نورسين: صاحبو...
تنسيم: ويليييي ميي...اجي ليلة الدخلة مكتكونش صعيبة بزاف؟
نورسين: (كتنخص فيها) شتت..زيدي وسكتي واش حنا فالدخلة دبا...
تنسيم: (شافت فياسين باعجاب)هااااااح...دبا حنا فالخرجة مي قريب غندخلو انشاءالله...
وصلو عندهم وقفو تقدم سيف لعند نورسين بخطوات تقال...هزلا يديها باسهوم..علات عينيها شافت فيه وبقاو كيتبادلو نضرات الخب والاعجاب..حتى غفلها ببوسة فمها...
سيف: جيتي زوينة..كيبانلي غي نديرو مناقص من شي عرس ونرجعو لدار 😍
طلعات معاها السخانة من رجليها...بعدات عليه ومرگات كدور فعينيها..
نورسين: هييييه😨 حشومة...غايشوفونا...
سيف: هههه...شكون داها فيك احبيبة ...راه السيركوي دايز بيناتهوم...
علات عينيها شافت فيهوم لقاتهوم نيبا لا...شي كيشوف فشي ونساو راسهوم...شافت فسيف وضحكو عليهوم غي من تحت لتحت
سيف: (غمز نورسين وحنحن) احم..احم...
فاقو من غفلتهم وشافو فيه...
سيف: مشينا؟
ياسين: اوكي..ايلا سمحات الانسة انا نوصلها معايا..(مد يديه لتنسيم) 
شافت فيه مترددة...ورجعات شافت فنورسين لقاتها كضحك من تحت لتحت..وغمزاتها..ضارت عندو دايرة فيها حشمانة..ومداتلو يديها شد فيها وزادو ماتسوقوش لوخرين...حلها باب الطوموبيل كلسات ومشا گلس جنبها ديمارا وزاد خلاو غالدخان...شاف سيف فنورسين وضحك...
سيف: اميرتي...مشينا...(مدلها يديه) 
نورسين: (شدات فيدو) مشينا😍

فالطريق...غاديين تنسيم وياسين ..والصمت مخيم على ابمكان..تنسيم گالسة على اعصابها وياسين تالف ماعرارف اش يگول..مرة مرة كيخطف شوفات فيها غي من تحت لتحت..وهي دايرة فيها بعقلها ورابطة الهمة..وصبعان رجليها كيشطحو الصالصة بالتوتر...حتى نطق هو وكسر حاحز الصمت الي كان بيناتهوم..
ياسين: مزال ماتشرفت بمعرفتك...
تنسيم: (تنهدات وقالت بشوية) افف..واخيرا نطقتي...
ياسين: نعام؟
تنسيم: (شافت فيه وضحكات) معاك تنسيم..انا سميتي تنسيم...
ياسين: ههه...سميتك زوينة بحال ضحكتك...
تنسيم: (فنفسها) اااخ ياربي ضحكتي كون تشوف ضحكتك تغبر شهر فالمنفى...(بصوت مسموع) شكرا..
ياسين: ياسين...
تنسيم: شنو؟
ياسين: ههه..انا سميتي ياسين...
تنسيم: هه..اه متشرفين...
ياسين: واش عاد جيتي؟
تنسيم: اه...يالله حطاتني الطيارة الصباح..
ياسين: ههه..على سلامتك الطيارة جابتك..شحال فعمرك اتنسيم؟
تنسيم: 18
ياسين: اوووه..مزالة صغيرة..مي مكتبانش عليك...
تنسيم: وانت؟
ياسين: انا 29..
تنسيم: اووووه..كبير مي مبايناش عليك...
ياسين: هههه...ماعندي مانتسالك كتردي دقتك دغيا...
تنسيم: (بابتسامة)من عادتي مكنعطلش بنادم...دغيا ترجعلك الكرة متخافش..
يلسين: همممم...قوية مع راسك..ولا عندي فضول نعرف عليك كتر..
تنسيم: وصلنا..
ياسين: شنو؟
شيراتليه بعينيها لقدام..شاف الاوطيل شاعل الضواو كولو والزحام فالباب..عاد عاق بالي وصلو حدا الباب...رجع شافيها وضحك...باركا الطوموبيل..ونزل..حليها الباب وشدلها فيديها..عطاتو يديها وهي معفرة...وسدات الباب...يالله زادو جوج خطوات وهوما يوقفو عليهوم سيف ونورسين بالطوموبيل طالقين الموسيقى مجهدة وناشطين..حبسها بزربة حدا باب الاوطيل...ماحسو براسهوم تا لقاو الصحافة تجمعات عليهوم..وعينيهوم على الباب كيتسناو شكون غاينزل...كولشي سايق الخبار باللي تزوج...خبار بحال هدا دغيا كيديع صيتو ...وبحكم انه شخصية مشهورة..وعنظها قمتها فالعالم..ولا عندهوم فضول يعرفو كيدايرة مراتو وشكون هي..هادي الي قدرات تخطف قلبو من بين الاف المعجبات..وكولشي كيتسارع يخدولو فقط صورة معاها وشكون غيكون السباق لنشرها على واجهات الصحف والمجلات..هكدا غيكونو رضاو فضولهوم وفضول الاف من الناس الي كتينا تسمع غي شي خبار ولا شي تنقنيقة عليه..نزل بزربة ماتسوق لحد..حليها الباب ..شدليها فيديها وخرجها..بشوية...ضهشرات فاش شافت داك الكم الهايل ديال الناس والفلاشات كبصربو من كل جهة..حتى عماوها..بقات مسمرة فبلاصتها متوترة حيت مامولفاش بدوك الاجواء..حس بيها تزيرات شدلها فيديها وباسها بلطف..وخشاها بين دراعو عنقها حسات بارتياح وبالي كاين واحد الصدر الحامي ليها ..كتلقاه فجنبها فگاع المواقف..شافت فيه بحب وضحكات..عاجبها الحال معاه..حيت فجنبو كتحس بالامان والاطمانان ومجرد لمسة منو كفيلة باش تعطيها قوة وعزيمة تواجه اي حاجة صادفاتها..زيراتليه على يديه شافيها بعينيه كيطمنها..الشوفة ديال انا معاك متخافي من والو...زير عليها حتى هو ودخلو...وسط نضرات داك الحشد كلو الصحافة..الي معياوش بالتصوار..ورحال الاعمال..الي جايين غي باش بيرگو..والمعجبات البنات الي الغيرة قتلاتهم...دخلو لداخل وتفرقو الصحافة من بعد ماخداو ديكشي الي بغاو..مي مادخلوش الداخل حيت مانعين عليهوم...بقات تنسيم وياسين اللور..تنسيم جامعة يديها حدا فمها وعينيها مغرغرين بالدموع وكانت كتشوف فيهوم بحب...واعجاب..ضار ياسين شافيها لقاها مسمرة بلاصتها...نخصها بصبعو فاقت من گلبتها شافت فيه وشارلها بعينيه زعمة مالك؟ ضحكات وقالت بعفوية

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.