ركبنا فالطموبيل هو سايق و أنا جالسة القدام و البنات اللور أما نجلاء مشات ركبت مع صاحبو هههه هبيلة أما سيف ومرة مرة كي شوف فيا وكيقولي
سيف : هه وأخيرا غتولي حلالي
ولد القاف كيديرها بالعاني باش البنات يحسابليهم بصح
مكرهتش هاد الجملة كون قالها لي وبصح كان كيبغيني ولكن كل واحد وغرفتو اش كتهز ليه ولكن الحمد الله ربي مكيضيع تاشي واحد
البنات : هههه مبروك عليكم أختي لينا
أنا : ( يبرك فيكم جن ) هه 😊 الله يبارك فيكم و العقبة ليكم
وصلنا للقاعة نزلو البنات وبقيت غير أنا وياه
سيف : ااه نسيت مقلتش ليك غادي نبقاو غير سيمانة فالفيلا ديال الحاج ومن بعد غنمشيو للدار ديالي تفاهمنا ؟؟؟!!
أنا : اه اوكي
جات ماما والحاجة كيجريو وكيرشو علينا الزهر
وسييييرو كون كان زهر مسكين عندو الزهر ميديروهش فقراعي ويسدو عليه
ماما :( كتبكي ) الله يابنيتي غتخلي الدار خاوية علية
الحاجة : لاواه لاواه هذا النهار الكبير عندنا ونتي غتبكي لينا العروس وزايدون ها الدار ها الدار الوقت لي توحشتيها سيري عندها
دخلنا للقاعة وأنا لابسة التكشيطة البيضة والناس فرحانين كيلوحو علينا الورد جلست فالجلسةو الناس كيباركو لينا و سي سيف فرحان و لا على بالو وكيسلم على صحابو فالخدمة وكيعرفني عليهم زعما وأنا ماشيي فهاذ العالم صافي دوزت 6 اللبسات لي بقاو وناس كياكلو وكيشربو وناشطين معارفينش بلي هو ما فجنازة وأنا هي الميتة صافي بقات لاغوب لبستها وخرجت ماما مسكينة بقات كتبكي وجيران فرحانين ودارو ديك الأغنية ديال إليسا " حبي كلي حياتي لأيتو قلبي خلاص إختار وأخيرا فرحت عمري بعيشها ليل ونهار وأنت جنبي لأول مرة بحس براحت بال "
بقيت كنبكي ودموعي شلال حتا أنا مكرهتش نكون مزوجة بشي واحد كيبغيني وكنبغيه ونحس معاه براحت البال
ماما : ( عيونها مغرغرين) صافي ابنتي متبكيش متخافيش عليا أنا وختك غنكونو بي خير
أنا : اهئ اهئ صافي اماما هالزرقا غادا بحالها ولكن ديري فبالك يوقع لي يوقع غادي نبقا نبغيكم ومستحيل نساكم
عنقاتني ماما وقالت لي
- بنتي داركم ديما مفتوحة ليك ونهار توحشينا أجي زورينا أما دابا سيري ابنتي مع راجلك
سيف : صافي أخالتي بلا متبكيو
ماما : الله يرضي عليكم او لدي تهلا فيها وتهلا فيك سيف : الله يا ودي واش عندي من غيرها غير تهناي من جيهتها
تفارقنا بالبكا ركبنا فاللوطو وهز لي كسوتي من الأرض لي شافو يقول هذا هو الراجل مشينا
هذا هو الراجل مشينا فاتجاه للاوطيل
سيف : فصراحة بقات فيا ماما
أنا : مشغلكش فيها خليها عليك
سيف : هههه شحال زوينة ملي كتعصبي المهم أنا مبغيتش نخصر عليك فرحتك حيت أي بنت كتحلم دوز هاذ النهار بي خير معرفتش واش نتي كتقلبي عليا ولا شنو
أنا : شوف أنا مبغيت منك والو صافي خلي كل واحد فينا يعيش حياتو
سيف : اه داك شي لي كنت غنقول ليك مهم غنحاولو نمثلو هاذ السيمانة فدار الحاج ومن بعد كل واحد يعيش حياتو
أنا : واش نتا فوعيك بصح كتهضر
سيف : ( ضحكة فالجانب ) اه علاش غنكدب غنخليك تكملي قرايتك باش تاخدي ديبلوم ديالك
أنا :😂😂😂 الحمد الله شكرا بزاف
وصلنا للأوطيل دخل هو دوش وخرج لاوي عليه غير فوطة من التحت بقيت ساهية فيه وخا عصابي و دايربحال الوحش إلا أنه كيبان راجل بمعنى الكلمة لي زابدو مطاسيين واللحية يا سلام و الشعر فازك هابط على وجهو ااااي كيحمق
سيف : هيهووو نوضي دوشي باش ترتاحي
هزيت بنوار ديال الحمام وفوطة
دخلت ترخيييت فالبانيو ورتاحيييت مسحت لحمي ولبست بنواري و خرجت كنشف شعري وجمعتو خديت الحوايج وداخلة للحمام باش نبذل
سيف : فين غادة
أنا : غادية نبدل حوايجي
سيف : غير أجي هاني غنخرج
أنا : اوكي
معرفتش هاذ السيد مالو تقلب خرج وبدلت حوايجي
بدلت حوايجي وبقيت كنتسناه هو يدخل وهاز فيديه بيتزا موناضة
ودخلنا للدار اشمن دار قصر هذا اشمنك يا ديكورات و الاتات كيحمق داك شي مغريبي 100% داني سيف للبيت بدلت عليا لبست قفطان فالبيض و فولار بيض وبليغة بالصم هبطت جلست حدا ماما فالصالون شوية وهي تجي هذيك الصفريطة لي كانت راكبة معاه ديك المرة فاش ضربني عقلتو عليها دخلت هي وسيف وهي غير هزا راسها بحلا شامة شي ريحة وصلت حديا
الصفريطة : اوووه حبيبي هاذي هي لي قلتي لي
سيف : وي لوجين هاذي هي لينا
وقفت وسلمت عليها وهي غير كتخنزر ملي سمعت لوجين عاد فهمت بلي هاذي هي لي كيبغيها و بقا فيا الحال ( لوجين بنت تكون فعمرها 23 دايرة لي لونتي زروق مقطعة شعرها حد كتافها )
لوجين : اليوم غتجمعي حوايجك و غديا تغبري من هنا أوكي سيف كيبغيني أنا ونتي مزوج بيك غير على قبل باه فهمتي
نترت ليها يديها
أنا : أخر مرة تقيصيني فهمتي وزيادون أنا هي مراتو بالأوراق وقدام الناس فهمتي غيدور تا يعيا و غيرجع لمراتو
ودفعتها و سديت الباب دوشت ولبست بيجامة وهبطت نعاون مرات خو سيف (أمال ) فالكوزينة معندهمش خدامات حيت الحاجة مكتيقش فيهم
أنا : سلام
أمال : وعليكم السلام علاش نضتي راك مزال عروس
أنا : لا لا راني حاسة براسي بيخير
أمال : تباركلاه غزالة
أنا : ربي يخليك أختي
أمال : ههه حسن من ديك المونيكا دلوجين
أنا : ههه
وجدنا العشا أمال وحدات اللحم بالبرقوق وأنا وجدت الشلايض والعصير حطينا عيطنا على الحاجة و هو يجي سيف وعينيه حمر و العروقو خارجين
سيف : لينااااااااا أجي بغيت نهضر معاك
أنا :( حسيت بقلبي هبط لي من السروال ) ءء واخا
الحاجة : الله ياوليدي غير بشوية خليها تاكل
سيف : خليك أ الحاجة بعيدة 😠😠
جمعت الوقفة ومشيت تبعتو غير دخلت سورت الباب بالساروت و جا عندي بدا كيصرفق فيا
سيف : كيفاش كتقولي للوجين ديك الهضرة ألق....
أنا : راه هي لي ستافزاتني
بدا كي ضرب ومعارفش فين كيضرب شوية لحني فوق الناموسية وبقا كيبوسني بجهد وكيعض وأنا كنضرب فصدرو
أنا :اهئ اهئ بعد مني أشماتة نتا ماشي راجل كتبين الرجولة ديالك غير علي
سيف : أنا ماشي راجل ياك واخا أنا غنوريك الراجل كيف داير
قطع لي البيجامة وحيد حوايجو ( كملو من عقلكم ) حسيت بلحمي كيتقطع حقييييير حياتي سلات هو لبس حوايجو وخرج
نضت بصعوبة للحمام وتخشيت فالما سخوووون وكنبكي على حياتي
بدلت و نعست ما فقت حتال 12 فطرت وعاونت أمال هاكا دازت سيمانة وسيف مكنشوفش حتال نهار لي غادي نتحولو
سيف : الحاجة فين هي لينا
الحاجة : راها او لدي فالكوزينا مع أمال هاني نعيط ليك عليها
الحاجة : لينا لينا آجي ابنتي تكلمي لراجلك
ترجلو رجلة
أنا : واخا أ خالتي هاني جاية
سيف : يلاه جمعي حوايجك غنمشيو لدار
أنا : غير خلينا مع الحاجة عفاااك ( حيت خايفة يدير لي شي حاجة )
الحاجة : خليكم اولدي معانا
سيف : (تحت سنانو) لينا منبغيش نعاود الهضرة
عارفة كيفاش كيعاود الهضرة
أنا : لا لا صافي هانا غاذية
مشيت على سعدي وو عدي جمعت حوايجي و حوايجو وبدلت عليا لبست سروال سليم فالبيض و شوميز طويل فالكحل و أديداس بيضة هزيت فلفاليز وهبطتهم عندو هزهم دارهم فاللوطو توادعنا مع الحاجة و أمال بالبكا
سيف : برافو وليتي تسمعي الهضرة
أنا : عفااااك والله ما فيا لي يهضر
سيف : هه واخا
ركبنا وتاجهنا للدار حطيت راسي على الزاج و تفكرت حياتي كاملة ملي كنت أنا وماما و ختي عايشين بي خير حتا دخل علينا هاذ الوحش لحياتي ودمرها فيقني غير صوتو
سيف : هيييهو حياتي فيقي
أنا : بعد مني أنا ما حياة حد
سيف : (حاط يديه على وجهي )هه شحال زوينة ملي كتعصبي
أنا : بففف بعد مني
هز هو لي فاليز ودخلهم للدار لي هي عبارة على اباغطومون أتاتها زوين
سيف : عمري مرحبا بيك فالدارك
أنا : ماشي داري دارك نتا هاذي
سيف : هه اه ودار لوجين ياك
أنا : تكون دار شكون ما بغات تكون ماشي سوقي
حقيييير كي لعب لي بأعصابي
سيف : يلاه سيري قادي حوايجك فبيتك ووجدي لينا ما ناكلو
ركبنا فاللوطو و تاجهنا للبحر وصلنا حل عليا الباب ونزلت بقينا جالسين سااااكتين
سيف : لينا سمحي لي عفاك
أنا : علاهاش عنسمحليك
سيف : على كل شي شوفي غادي نمشي نسافر وملي نرجع نطلقو وكلا يمشي يعيش حياتو
أنا : اهئ اهئ مستحيييل نسمح ليك نتا ظلمتيني بزاف وتعديتي عليا و خرجتي لي علا حياتي مستحيل حط راسك فبلاصتي تقدر تسمح
سيف : 😕😕 بصح عارف راسي غلطت معاك بزاف
سيف : 😣😕 بصح عارف راسي غلطت معاك بزاف حنا بن ادم مامعصومينش من الخطأ تلاقينا خوت غاذي نتفارقو خوت
أنا : صافي اسيف حنا خرجنا نفوجو زعما تالمن بعد ونهضرو فالموضوع
سيف : أنا عمرني غنسمح لراسي حتا تسمحي لي
أنا : يلاه نمشيو للدار
سيف : لا يلاه ناكلو بعدا
داني لواحد الريسطو طلب كاسكروط وبقا كياكل وأنا حاضيافيه
سيف : خودي تاكلي
أنا : لا مفياش
سيف : كولي أ لينا و لا غنتعصب
أنا : ( بالبكى) اهئ اهئ حشومة عليك كدير لي هاكة ممخلينيش نعيش فخاطري
سيف : صافي صافي بلا متبكي يلاه نمشيو
أنا : 😢😢 اوكي
سيف : البكاية
أنا : عمرني عقلت على راسي بكيت حتا دخلتي لحياتي 😢
سيف : سمحي لي من بعد غتعرفي علاش أنا داير هاكا حيت لي دازعليا ماشي قليل
ركبنا راجعين للدار مقدرتش نجبد معاه الموضوع ديال الطلاق اوووف ميمكنش نبغي الوحش لي تعدا عليا وظلمني وصلنا دخلت نيشان للبيت بدلت عليا و تكيت و أنا كن فكر فهضرتو كيفاش باغي يطلقني نعست وأنا معارفا حياتي فين غدا
أصبحنا وأصبح الملك لله توضيت وصليت طلبت الله يدير لي شي تأويل ديال الخير
سيف كيدق فالباب مجاوبتش هو يحلو ودخل لقاني مزال كتقرا القرآن
أنا : غنمشيو دبا
سيف : لا تانفطر يلاه راه وجدت الفطور نفطرو ونمشيو نتقداو للماماك وعاد نمشيو
هبطنا لقيتو موجد الطابلة اش منك يا قهوة أو اتاي الحليب بتيبان الحلوة بقيت مصدومة
أنا : شكون وجد هاذ الشي
سيف : أنا
أنا : هههه كضحك عليا
سيف : والله مكنضحك معاك 😕
أنا : صافي تيقتك
جلسنا تناكلو و كنهضرو كل مرة كيعاود لي على شي زبلة دارها
لا لا لا مفيهاش السيد عندو انفصام فالشخصية اوو مرة يضحك مرة يقتلني مرة بتعصب مفهمتش مالو ، وأنا غير كنسمعو كندير راسي كنضحك تفاديا لاي هجوم هههه
كلينا وسلينا نضت كن جمع الطبلة وغسلت الماعن و قاديت البلاصة فين كلينا تحت أنضارو ومرة مرة كيشوف فالتيليفون غتكون غير لوجين مصدعاه ها هو غيجي عندك وربحي بيه
أنا : هاني غاذي ندوش واش خصك شي حاجة قبل مانمشي
سيف : لا لا مبغيت والو غير سيري ملي تسالي غتلقايني فاللوطو
أنا : اوكي
دخلت ضربتها بواحد التحمحيمة حتا حسيت بعظامي خفافو عليا وخرجت لبست سروال سليم كحل و شوميز طويل حمر و فولار حمر صباط كحل و صاك كحل ودرت فوندوتان و ريسيل وكحل و عكر فلون حمر غامق مهزيتش حوايجي حيت خليت عند ماما وهبطت للوطو
أنا : يلاه مشينا
سيف : اوكي ..... أجي أش هاذ الحالة دايرة فكمارتك
أنا : مالي شنو دايرة
سيف : مسحي عليا داك العكر
أنا : مجبتش معيا عكر اخور 😛 ( تعصب لي مع رأسك نتعصب بوحدي ؟؟ ههه )
ضرب فالفولة
سيف : واش ضروري هاذ الزمر راه حنا غاديين للسوق واش بغيتي ناس يشوفوك هاكا يلاه مسحي عليا
غير شفتو عقد حجبانو بديت كنمسح لا إراديا معلوووم أنا مزال بقا باغيا نعيش
أنا : صافي مسحتو 😢😢
سيف : مزيان دبا عصبتيني على والو
ناااااري تعصب صافي اليوم الآخرة لي
أنا : لا لا بلا متعصب أصلا أنا مكانش عاجبني
سيف : هههههه
الحمد الله ملي ضحك
وصلنا لأسواق السلام جر هو شاريو ومشا كيتقدا مخلى تاحاجة يضرها راسها الخضرة و الديسير الفرماج الشوكولا خدا شيبس لإسراء أما أنا بقيت كنضور فبلاصة ماعن ديال الكوزينة ( تحية للأم المغربية حيت هذاك هو الشوبينغ عندها هههه )
سالى سيف و جا عندي
سيف : لينا يلاه نمشيو
خرجنا ركبنا شوية هو يجبد لي گلوص فالغوز بارد
سيف : ها كي هذا غيجيك زوين
أنا : هههههه اه شحال هذا وأنا كن قلب على هاذ اللون سيف : 😠😠😠 أجي باك قلت ليك متبقايش ديري هاد العجب
أنا : غير شوية راه غاذيين عند ماما زعما بلا متشوفني مقلقة
سيف : اوكي مهم أنا غنسافر مدة 15 يوم
أنا : اه مزيان
سيف : ملي نعيط ليك نلقاك موجودة مافيا لي يبقا يتسنى
واش هاذا مريييض حنا ضامنين راسنا للغدا بعدا ؟؟
أنا : إن شاء الله يكون خير
وصلنا عند ماما نزلنا هو هز التقديا وأنا واقفة فالباب بديت كنصوني فالباب وهي تحل ماما الحبيبة
ماما : اهئ اهئ بنتيييي توحشتك بزاااف اعمري
أنا : حتا أنا والله 😭😭😭
سيف : إيوا أخالتي نبقاو واقفين فالباب
ماما : لا حاشا الله يا وليدي لاش معذب راسك غير وجهك كافي
سيف : لا متقوليش هاكا حشومة اخالتي فين هي إسراء ؟
ماما : راها كتلعب
دخلنا جلسنا فالصالون نرتاحو
ماما : نوضي أبنتي بدلي عليك واجي حطي للراجلك ياكل
مشيت بدلت ناااااري مكين تاشي حاجة مستورة بففف غنلبس هاذي و لي ليها ليها لبست بيجامة بالشورط فالغوز جاتني مزيرة يمكن غلاضيت الشي لي خلا التضاريس الأمامية والخلفية تتبان مگعدة خرجت مشيت للكوزينة نعاون ماما عطاتني نسايب ليها العاصير و صلاد دو فغوي
سالينا بديت كنتسخر لقيتو عاطي تيليفونو لإسراء كتلعب بيه غير شافني هز راسو بقا مصدوم أنا مبغيتش نعيق
أنا : صرصووووووتي توحشتك
لاحت ليه التيليفون وعنقاتني
إسراء : الزرقا جيتي توحشتك أنا
أنا : كيفااااش بعدي مني
إسراء : ههههههه ليونتي أنا كنبغيييييك
أنا : ههه حتا أنا اعمري
سيف : إسرااااء غلبتك غلبتك
مصغيراتو إسراء غلبتك اويلي حي على فقسة
إسراء : ههه بالآتي أنا غنوريك
كملت أنا وماما التوجاد كلينا وكل مرة كيهز راسو ويشوف فيا كيخلعني بهاذ الشوفات سالينا وناض يغسل يديه
سيف : لينا ليناااا أجي 5 دقايق محتاجك
ماما : نوضي أبنتي شوفي راجلك
أنا : وخااا هاني جاية
مشيت عندو للحمام
أنا : وي ها أنا
بقا كيشوف فيا وشويه هو يجرني لبيتي سورت الباب وبدا كي قرب ليا
أنا : عفاك راه ماما فالدار خليني عليك
سيف : أصلا نتي لي جهلتيني
أنا : حشومة عليك دير لي هاكة 😢😢😢
بديت نتهرب ليه حتا شدني من خصري وقربني ليه حط نيفو على نيفي عينيه مركزين على فمي اوووووف باقي حتا ما برا
هبط لفمي بدا كيبوس غير بشوية بقا هكاك شي 20 دقيقة وشدني من وجهي وباس لي راسي حسيت بالأمان والراحة واحد الإحساس واعر ماطلقني حتى جات إسراء كدق
إسراء : حلو الباب خويا سيف هاك تيليفونك كيصوني
مشا فتح ليها الباب خدا التليفون لقاها لوجين
سيف : الووو وي ..... صافي ساعة ونكون عندك ..... يلاه باي
حسيت بقلبي تقبض عليا ملي عرفت لوجين هي لي معاه
سيف : يلاه بسلامة دبا أنا غادي خلي تيليفونك مشعول باش نعيط ليك
أنا : اوكي.......اه سيف إلى قنطت نقدر نمشي للدار
سيف : اه تقدري ها كي ها سوارت
أنا : شكرا مكين مشكيل
ايواااا الالة لوجين لبقات فيك أجي وشمي لي 😈😈
سالينا بديت كنتسخر لقيتو عاطي تيليفونو لإسراء كتلعب بيه غير شافني هز راسو بقا مصدوم أنا مبغيتش نعيق
أنا : صرصووووووتي توحشتك
لاحت ليه التيليفون وعنقاتني
إسراء : الزرقا جيتي توحشتك أنا
أنا : كيفااااش بعدي مني
إسراء : ههههههه ليونتي أنا كنبغيييييك
أنا : ههه حتا أنا اعمري
سيف : إسرااااء غلبتك غلبتك
مصغيراتو إسراء غلبتك اويلي حي على فقسة
إسراء : ههه بالآتي أنا غنوريك
كملت أنا وماما التوجاد كلينا وكل مرة كيهز راسو ويشوف فيا كيخلعني بهاذ الشوفات سالينا وناض يغسل يديه
سيف : لينا ليناااا أجي 5 دقايق محتاجك
ماما : نوضي أبنتي شوفي راجلك
أنا : وخااا هاني جاية
مشيت عندو للحمام
أنا : وي ها أنا
بقا كيشوف فيا وشويه هو يجرني لبيتي سورت الباب وبدا كي قرب ليا
أنا : عفاك راه ماما فالدار خليني عليك
سيف : أصلا نتي لي جهلتيني
أنا : حشومة عليك دير لي هاكة 😢😢😢
بديت نتهرب ليه حتا شدني من خصري وقربني ليه حط نيفو على نيفي عينيه مركزين على فمي اوووووف باقي حتا ما برا
هبط لفمي بدا كيبوس غير بشوية بقا هكاك شي 20 دقيقة وشدني من وجهي وباس لي راسي حسيت بالأمان والراحة واحد الإحساس واعر ماطلقني حتى جات إسراء كدق
إسراء : حلو الباب خويا سيف هاك تيليفونك كيصوني
مشا فتح ليها الباب خدا التليفون لقاها لوجين
سيف : الووو وي ..... صافي ساعة ونكون عندك ..... يلاه باي
حسيت بقلبي تقبض عليا ملي عرفت لوجين هي لي معاه
سيف : يلاه بسلامة دبا أنا غادي خلي تيليفونك مشعول باش نعيط ليك
أنا : اوكي.......اه سيف إلى قنطت نقدر نمشي للدار
سيف : اه تقدري ها كي ها سوارت
أنا : شكرا مكين مشكيل
ايواااا الالة لوجين لبقات فيك أجي وشمي لي 😈😈
صافي مشا سيف ملي سلم على ماما و ختي معرفتش حسيت بالترويعة فقلبي مشيت للحمام رديت كاع داك الشي لي كليت
ماما : مالكي أبنتي
أنا : والو راه كترت فالماكلة ومقديتش
ماما : اه إيوا صافي دبا يفوتك الحال
عاود حسيت بنفس الإحساس رجعت عوتاني
ماما : خلعتيني ابنتي
أنا : متخافيش راه معندي والو نتي لي طحتي عميا فالسمن علا الناس كيطيبو بالسمن
ماما : لا لا لا هذا ماشي السمن غدا غنمشيو للطبيب
أنا : الله يهديك اماما راه مكاين والو
ماما : صافي هضرت يلاه سيري سيقي الدروج أنا غنجمع الدار والكوزينة
أحببته فعذبني ثم أحبني الجزء الثاني
محتوى القصة
التنقل بين الأجزاء