صورة مصغرة لـأحببتك رغم قساوة الحياة الجزء الثالث

أحببتك رغم قساوة الحياة الجزء الثالث

talt ahbabtoka a7babtoka raghma roghma qasawat 9asawat lhayat l7ayat
رواية احببتك رغم قساوة الحياة

(وصلو الاء وريان لدار جديدة فين غتيسكنو هي فلحقيقة براكة وسط حي شعبييي بزاااف وعامر غا شماكرية غير شافتهم ياسمين بدات تزغرت حيت كانت كاتقاد ليهم فدار)
ياسمين:على سلامتك اخالتي
ليلى :لله ايسلمك ابنتي
الاء:يالله اماما ندخلو
ليلى:(بقات كتشووف فزمان كيفاش غدرها بين ليلة ونهار وخسرات اعز ماكتملك فدنيا بنتها وراجلها وكتشوف فبنتها لي باقا حتى مكملات 18 سنة معدبة وهازا لهم لماماها ومصاريف دواها )واخا ابنتي
ريان: الاء بغيت ندوي معاك
الاء اوكي ياسمين حبيبة قابلي ماما ندوي غامعا ريان ونجي
ياسمين:واخا اختي
الاء:وي ريان شنو كاين
ريان:ام الاء بغيت ندوي معاك فواحد بموضوع وخفتك تقلقي مني وتفهميني غلاط
الاء :لا بلعكس غير قول شنو كاين
"عند فهد فنيويورك"
فهد: وجدتي ليا قاعة لإجتماع
سكريتيرة:وي مسيو فهد وجدتها وكلشي كيتسنا فيك
فهد:اوك (مشا فهد لقاعة لإجتماع)
(كلشي ناض لقاو عليه تحية حيت هو صاحب شركة)
فهد:تفضلو،موهيم انا ليوم جمعتكم باش نقول ليكم انا غنمشي لمغرب وغنستقر تماكين لدلك إدارة شركة غنخليها لعمي وانا غنمشي نسير شركة تانية لي تابعة لهادي فلمغرب "ملحوضة"(فهد عندو شركة ديال جميع انواع لمجوهرات منهم ليقوت و زمرد ولألماس)
العم:شكرا ليك اولدي على تيقتك فيا
سارة:(وحدة من لموضفين فشركة) واش اسي فهد مغتبقاش ترجع لنيويورك
فهد:معرفتش موهيم لي عندي قلت امكن ليكم تفضلو دبا كل واحد يمشي لخدمتو
سارة:اوكي لله يديك على خير اسي فهد
فهد:امين Mrc
(مشا فهد لمكتب ديالو وتبعو عمو)
العم:علاش اولدي بغايتي تستقر تماكين ياك نتا من نهار ماتت مجدولين قررتي عمرك ترجع ليه
فهد:خاصني نرجع على قبل ماما هي لطلباتني وراك عارفني مكنبغيش نخسر ليها لخاطر وبغات تشوف حفيدها راه خمس سنين ماشافتو
العم:واخا اولدي لي بان ليك

(مشا فهد لدار وغير دخل بانت ليه كارولين هابطة فدروج)
كارولين: عمري جيتي (ومشات عندو باستو فحنكو)
فهد:شحال من مرة كنقول ليك متقربيش ليا تقح... ديالك خليه عندك حيدي من قدامي(ودفعها)
(بنات انا غنفهمكم شنو واقع بين كارولين وفهد 
كارولين من عائلة غنية بزااف الاب ديالها برازيلي والام ديالها مغربية هي كانت كتقرى معا فهد فنفس لكلية وملي تجوج فهد حلفات حتا تنتاقم منو حيت شحال من مرا قالت ليه كنبغيك وكيرفضها موهيم ملي تجوج فهد بمجدولين ولدات معاه ولد لي هو جاد ومن بعد ما ماتت مامات جاد من بعد وغنعرفو شنو سبب ديال لموت ديالها كان فهد واحد نهار كان سكران فواحد لبار وشافتو كارولين واكيد ستغلات لفرصة وداتو لدار وحيت هو ماكانش واعي بشنو كايدير هي ستغلات لفرصة وخلاتو يغتاصبها باش تلقى عليه شي دليل ويبغيها ونلي فاق فهد عرف بلي وقع بيناتهم وهي بقات كتبكي عليه باش ميخليهاش داك شي علاش هو خلاها معاه فدار تربي ليه جاد وملي كيبغي يدوز معاها شي ليلة كيمشي عندها ومن بعد ولى كيكرها حيت هو اصلن كيكره gاع نساء فلحلقات جايا غتعرفو شنو سبب لي خلا مجدولين تموت وعلاش فهد كيكره جمييييع نساء تبعو معانا لقصة وغتعرفو*

فهد:سيليا
سيليا:نعام اسي فهد
فهد:جمعي ليا حوايجي انا وجاد غنمشيو لمغريب غنستقرو تماكين
سيليا:اشنوو واش مغتبقاش ساكن هنا اسيدي
فهد:لا سيري ديري خدمتك وسكتي
سيليا:ووخا اسي فهد 
(مشا طلع فهد دوش وبدل حوايجو لبس سروال تجينز زرق و تيشورت بيض مزييرر ليه على لعضلات و سبادري بيضا بلكحل اححححح كيفاش كيبان البنات شدونيييي غنسخف)
فهد :(تم نازل مع دروج ولقى كارولين وجاد كيتسناوه لغدا) جاد الامير ديالي
جاد :نعام ابابا
فهد:ولدي حنا غدا غنمشيو لمغريب وغنستقرو تماكين 
جاد :ولاكين ابابا انا صحابي كاينين هنا ماشي فلمغرب انا مكنعرف حتى حد تماكين
كارولين:(باستغراب)وعلاش غتمشي تماكين ياك نتا قلتي معمرك غترجع لتماكين من بعد لموت ديال مجدولين
فهد:حيت بغايت عندك شيي مانع
كارولين:اه عندي جاد عندو صحابو هنا ومغيولفش لجو ديال لمغرب 
جاد:اه بصح ابابا
فهد :ونتي الالة من ايمتا كتهمك مصلاحة ولدي
كارولين: ماتنساش راني انا لي ربيتو
فهد:ربيتيه باش تكوني قريبا ليا بلا مديري سبا بولدي(وغمزها) اه واموري شخصية ما تبقايش دخلي فيهم (وناض)
كارولين :اوكي مي غنمشي معاك
فهد:(رجع عندها)اوكي ولاكين ولله وديري شي تصرف ماشي حتال لهيه وتقولي شي حاجة لواليدة نقتللك
كارولين :واخا
"عند الاء"
ريان:نتي دبا كتقلبي على خدمة ياك
الاء:اه ولاكن للاسف حتى خدما مكتقبلني نحس تابعني ياربي سلامة
ريان:انا لقايت ليك خدما ولاكن خفتك تقلقي مني
الاء:(بفرح) وغير قولها كيف مكانت نديرها ولاكن تكون بلحلال
ريان:موهيم انا عندي مرات عمي ساكنا فواحد لفيلااا راجلها كان مات وخلا لولدو gاع لاملاك هو دبا فنيويورك وغيجي لمغريب بغا يستقر فيه وغدا بغاو يديرو ليه حفل بمناسبة رجوع ديالو
الاء:وشنو لمطلوب مني انا
ريان:تكوني فلحفل كتقدمي لعواصر لناس و اصلن عمتي بغات شي خداما تعود طيب ليهم حيت دادا هنية (هي لي ربات فهد) كبرات فسن ومبقاتش قادا دير شي حاجة ولخدامة لي مكلفا بطياب تجوجات
الاء:(فرحات بزاف حيت لقات خدما واخا خداما موهيم غتخلص وغتقدر تسدد ديون لي عليهم وحتا دوا ديال ماماها غتقدر تشريه بحكم دوا ديال ليلى غالي بزااااف وايلى مشرباتوش تشدها نوبة قلبة)اه انا قابلة(وعنقاتو) شكرا ليك بزاااااف اخويا ريان كون مكنتيش نتا وياسمين عالم لله شنو وقع ليا دابا

ريان:انا فرحت حيت قبلتي انا كنت متردد نقولها ليك كنت خايف من ردة لفعل ديالك
الاء: نن بلعكس عادي فهاد ضروف معندي حتا شي خيار آخر وشكرا ليك
ريان:ما بيناتناش موهيم انا غنمشي دابا غدا مع 7:00 نلقاك واجدا باش تبداي لخدما راكي عارفة غدا غيكون لحفل
الاء:اوكي 
(دخلات الاء لدار وعاودات كلشي لياسمين وماماها وفرحو ليها بزاف)
^اصبحنا واصبح الملك ^ليوما صباح جديد عند لابطال دياولنا (الاء ناضت بكل نشاط وحيوية وفرحانة حيت لقات خدما اما لفنكوش ديالنا جاد ناض مغوبش ومعصب حيت مبغاش يخلي صحابو ويمشي يستقر تماكين هو طبق ﻻصل ديال باباه عصبي ولاكن قلبو حنين)
عند فهد
فهد :جاد يالله نمشيو غنتعطلو على طيارة
جاد:(مغوبش😖)عافاك ابابا خلينا نبقاو هنا
فهد:(هبط عند جاد حيت باقي قصيرهه)سمعني الامير ديالي حنا ضروري خصنا نرجعو لمغرب حيت واعدت جداك واش بغايتيها تقلق علينا 
جاد: لا
فهد:ايوا يالله نمشيو دبا تولف تماكين
كارولين:انا واجدة يالله
(مشاو ركبو فسيارة ونزلو فلمطار وطلعو لطيارة دبا نخليوهم بيما ما جاو وحنا نمشيو نشوفو الاء اش دارت)
*عند الاء 
الاء :ماما حبيبتي هاني غانمشي وياسمين غتبقا معاك بيما ما جيت وراني غنتعطل فليل حيت دايرين خفل بمناسبة رجوع ولدهم
الام:وخا ابنتي سيري لله يرضي عليك
الاء:امين اماما (باستها وباست ياسمين هي باتت معاهم ووصاتها على ماماها وخرجات لعند ريان ليكان كيتسناها بسيارتو)
الاء:صباحو
ريان:صباح نور الحب
الاء:اشنوو تسنا تسنا نمشي نقولها لياسمين باش تجي توريك لحب كيداير هههه
ريان:تي gلسي لرض بغايتيها تخلي دار عشتي على صباح ضحكنا معاك ندمتينا هههخ
الاء:ههه زيد وسكت باركة من لهضرة راني تعطلت على لخدمة
ريان:حاضر يا سيدتي الجميلة
الاء:هههه
(من بعد وصلو لفيلا)
ريان :ها حنا وصلنا

الاء:(كتشوف ومصدووما)ريان ياكما غلطتي فلعنوان هادا راه قصر ماشي فيلا وشوف شحال ديال لكاردكورات
ريان:ههه وا تي زيدي دخلي gالاك غلطت راني قلت ليك عمي من كان من اشهر رجال لاعمال ولباااااااس عليه وملي مات خلا gاع ممتلكاتو لولدو
الاء:بشااااخ على ناس كيفاش عيشا سعداتهم اجي نسولك ولدهم مجوج
ريان:هه وعلاش كتسولي
الاء:باش ايلا مكانش مجوج نتجوج بيه اناااا ههه
ريان: ههه مسطيا اه الالة هو مجوج وعندو ولد سميتو جاد 
الاء:(بصدمة) مجوج او من لفوق عندو ولد
ريان: ههههههه اه مالكي تصدمتي ونصحك مضوريش بيه راه عصبي بزاف ومكحملش لبنات لي كيطيرو ومعقد شوية
الاء:صافي زيد قدامي كرهتيني فيه قبل منشوفو
ريان:ههه انا غير نصحتك
(مشاو دخلو لقصر وبانت ليهم مرأة زوييينة هابطة من دروج بزااااف وباقا صغيرة تكون عندها 40 عام ولابسا صايا حد ركبا بلبيض وشميز بلغوز مخشي وسطها وصباط طالون بلغوز وطالقا شعرها دهبي طوييل)
نعيمة:ولدي ريان مرحبا بيك
ريان :صباح لخير الملكة ديالنا(وباس ليها يديها) 
نعيمة:ههه صباح نور الامير ديالنا(وهي تنتابه لبنت لي معا ريان تدهشات حيت هي كتشبه بزااااف لمجدولين زوجة ديال فهد لله يرحمها)
ريان: هه موهيم هادي هيا لبنت لي عاودت ليك عليه لبارح الاء هادي هيا لملكة ديالنا نعيمة صاحبة هادا لقصر الرائع ههه
نعيمة:هههه نصحابك غا درتي عاقلك ساعا مزال هارب ليك
الاء:(مدات يديها لمدام نعيمة) انا الاء لوازاني تشرفت بمعرفتك الالة
نعيمة:(عجباتها بزااااف وتفكرات مجدولينو تفكرات راسها حتى هي كانت بحالها وحتى هيا دخلات لهاد لقصر بنفس طريقة حيت لأصل ديال مدام نعيمة كانت فقيرة والاب ديالها ميت ولام ديالها كان عندها ورم فدماغ وجات خدمات فهاد دار ملي شافها محمد ﻹبن الاكبر ديال سي احمد برادة عجباتو بزينها وببرائتها وتحدى ولديه وتجوجها رغم الاب ديالو مكانش باغي او وقف فطريقهم وبعد صراعات طويلة قضر يتجوجها او ولدو ولد لي هو فهد وبنت سميتها ميساء)

نعيمة:(مدات يديها ﻷلاء)وحتا انا ابنتي
ريان:موهيم انا دبا غنمشي عندي شحال من حاجا نديرها وفنفس لوقت نوجد راسي باش نبان وسييم فلحفل ونطيح تيتيز
نعيمة:ههه لله ايمسخك نتا اصلن زوين من عند لله
ريان:هه Mrc اخالتي 
نعيمة:ايوا صبر حتا تفطر معانا
ريان:لا شكرا فطرت و عندي واحد لغراض بسلامة وتهلاي ليا فزين ديالنا
نعيمة:مايكون غير خاطرك اولدي
(مشا ريان وخلا نعيمة مع الاء)
نعيمة :بنتي اجي gلسي
الاء:واخا شكرا الالة
نعيمة:موهيم نتي اكيد عارفا علاش جيتي ليوما دايرة حفلة بمناسبة رجوع ولدي فهد من نيويورك واستقرارو هنا نتي غايكون دور ديالك تقدمي لمشروبات لمعروضين وراه غيكونو غير رجال الاعمال لمشهورين على صعيد لوطني ومنبغي حتا شي خطأيوقع 
الاء:واخا الالة كولشي غايدوز مزيان إنشاءلله
نعيمة:إنشاءلله وحاجا آخرا ولدي فهد راه صعيييب بزاف وعصبي ومن لأحسن متبانيش قدامو حيت غتفكريه فلماضي
الاء:اشنو وانا آش دخلني فلماضي ديالو
نعيمة:موهيم ومن ورى لحفلة غتخدمي بشكل عادي كمساعدة طباخة واش مفهوم
الاء:اه مفهوم 
نعيمة :اوكي يمكن ليك تمشي دابا تشوفي خدمتك (وعيطات على وحدا من لخدم توري الاء شنو دير) 
الاء:(بابتسامة)واخا الالة
الاء :"فخاطرها " هادو مالهم كيقولو ليا نبعد من هاد فهد شكون بغا يكون gاع إيلا كان هو عصبي انا كتر منو وأش دخلني انا بلماضي ديالو اوووف صافي نحيد عليا هاد الافكار ونقابل خدمتي

"عند امين"
ايوب:امين غنقول ليك شي هضرا وبلا متعصب
امين:شنو كاين
ايوب:الاء
امين:(بخوف)مالها اش وقع ليها
ايوب:ما وقع ليها والو ولاكن حنا لي غيوقع لينا
امين:(شنق عليه)دويييي خلاص 
ايوب:وطلق مني اصاحبي انا غندوي
امين:هاني طلقت منك يالله دوي
ايوب:راه وصلاتني لخبار من رجالنا بلي ريان لقى خدما ل الاء فدار عمو محمد برادة
امين:اشنووووو واش باغين تحمقو جدييي ياك قلت ليكم منعوها من اي حاجا وحتى ديون زيدوهم عليها
ايوب :وراه لي فجهدنا كنديروه راه داك زا.. ديال ريان لي واقف فطريقنا ونزيدك فهد ليوما غيجي من نيويورك باش يستقر هنا هو ولدو وراه دايرين حفلة بمناسبة رجوع ديالو
امين:(معصب)لله انعل جدكم كاملييين يا لق... (وبدا كيهرس فديكورات لي فلمكتب)
ايوب:واصافي اصاحبي تهدن دبا نشوفو شي حل باش نطردوها من تماكين
امين:انا خاصني نحضر لحفل
ايوب:اشنووو تا مال جدك تسطيتي بغايتي فهد يقتلك نسيتي اش درتي فمراتو 
امين:دويت ومتزيدتش معايا شي كلمة انا اصلن بغايت نشوف سي فهد كيفاش غيولي ملي يشوف صديق ديالو لقديم لي حصلو معا مراتو فبيت واحد كيفاش غيولي اكيييد غيحماق ههههه
ايوب:نتا راك كتقلب عليها بغايتيه يقتلك هاد نهار ويديوك لقبر
امين:راك ماشي نتا لي غتوريني اش ندير ومزيان ملي الاء خدمات تماكين 
ايوب :مفهمتش اش بغايتي تقصد
امين:حيت الاء كتشبه بزاااف لمجدولين 
ايوب: واش نتا تسطيتي إلى كانت الاء كتشبه لمجدولين راها غضيع من بين يديك وغياخدها ليك فهد
امين:متخافش انا عارف اش كندير واصلن الاء راه الاخت ديال مجدولين 
ايوب:(مصدوم)😱اشنوووووو دبا الاء الاخت ديال مجدولين
امين:اه هوما خوتات وكيتشابهو لوحد درجة مكتخيلش 
ايوب:ونتا باش عرفتي هادشي
امين:(بدا كيتفكر فلماضي)
فلماضي
"يوسف:(هو الاب ديال ريان كان كيدوي مع الاب ديال امين فلمكتب )
يوسف:ليوما غتولد مرات عمار الوزاني اول مولود ليهم وغادي تمشي وتخطفو ليهم باش يعرف راسو معامن كيلعب
اب ديال امين:واخا اسيدي

"اكيد نتوما مفهمتو والو انا غنفهمكم"
دبا يوسف الاب ديال ريان والاب ديال امين كانو كيتاجرو فلمخدرات وهوما صحاب والاب ديال الاء كان تسلف من عندهم شي فلوس كان محتاجهم وملي فات لوقت لمحدد لي خاصو يرجع لفلوس قرر يوسف الاب ديال ريان يخطف ليه المولود الاول ليهم لي هي مجدولين وملي خطفوها مشا رباها يوسف على اساس انها بنتو والاب ديال الاء عرف بنتو تخطفات وعيا مايقلب عليها ولاكن للاسف ملقاهاش حيت داوها لنيويورك ومن بعد عام ولدو جهان هي لي ماتت فلحادت ومن بعد 3سنين ولدو الاء لي كانت كتشبه بزاااااااف لمجدولين لي شافهم يصحابهم توأم وفهد كان تربى مع مجدولين وكان كيبغيها بزاااااف وتزوج بيها او ولدو ولد لي هو جاد وامين وريان وفهد كانو صحاب من صغر وملي تجوج فهد بمجدولين امين تفقس حيت كان كيبغيها او ولدو بداو نزاعات كينوضو بين مجدولين وفهد ومن بعد وقع واحد لموشكيل بينها وبين امين وفهد ومستحملاتش داك شي ومشات هزات طموبيل ديالها ومشات بسرعة هائلة ودارت حادت مما أدى لموت ديالها وملي عرف فهد مجدولين ماتت ندم بزااااف حيت متيقهاش وريان كان سمع بصدفة امين كيدوي فلهاتف مع شي شخص وكيقول ليه اه صافي نجحات لينا لخطة وفهد تيق داك شي لي وقع بيني وبين مجدولين وريان ملي سمع هادشي سكت ومقدرش يقولها لفهد ودازت سنتين وريان أنبو ضميرو ومشا عاود لفهد شنو كاين ومن تماكين فهد مبقاش كيحمل ريان حيت خبا عليه لحقيقة وامين قتلو عصا وقال ليه اقول ليه شكون من ورى هاد لخطى ومبغاش وجا لاب ديال امين وعتقو من بين يدين فهد ومن تماكين مابقاو تشاوفو وفهد ولى اصعب واحد ومبقا كيتيق فحتا حد

"عند ريان"
ريان:كيبقايتي اخالتي
ليلى:حمدلله اولدي
ريان:حمدلله موهيم خالتي بغايت نقول ليك شي حاجة 
ليلى:شنو كاين اولدي 
ريان:لا بلا متخلعي انا بغايت ناخد الادن ديالك
ياسمين:وادوي خلاص شكاين
ريان:دبا ليوما كيف مانتي عارفة مرات عمي دايرة حفلة فدارها وغتحضر gاع لعائلة وبغايت ندي معايا ياسمين باش تعرف على عائلة ديالي
ياسمين:لا منقدرش اويلي الاء خلاتني هنا باش نقابل خالتي
ريان:كوني هانية انا راني غنجيب واحد لخدامة عاندي فدار هي لي غاتقابلها
ليلى:إلى كان هاكا اوليداتي غير سيرو كوني هاني ابنتي ياسمين راه كاين لي غيقابلني بلا متهزي لهم سيري حتا نتي تعرفي على عائلة خاطيبك
ياسمين:ولاكن الاء غتقلق مني
ليلى :ماكاين ما ولاكن ابنتي نتي راك من حقك تمشي وهيا معندها لاش تقلق كوني هانية
ياسمين :واخا اخالتي لي بان ليك
ريان:اوف دابا رتاحيت شكرا ليك اخالتي(وباس ليها راسها
ليلى:لله يرضي عليك اولدي
"عند الاء"
الخدامة:شوفي نتي هزي داك تمر وديه لأميمة راه سي فهد قرب يوصل سربيييي
الاء:(بنفاد صبر)واخا(غاديا لجردة وكدوي) ياربي تصبرني معا هاد لمونيكا فيها غا رابعة وكتآمر فيا انا مكرهتش كون شديتها نبقا غا نتف فيها حتى نطيح ليها كاع دوك زغبات لي مزعراهم وفرحانة بيهم طعريجة لاخرا(شوية وهي دخل فواحد لحيط لا هو ماشي حيط هدا كان زين ديالنا فهد جا لفنوووون لحب ديالي احححح عليه كيفاش كيبان احم احم 
الاء :وغا بشوية نتتا داخل فيا طول او عرض
فهد:(غير هز راسو فيها تصدم كيصحابها مجدولين) ممجدولين
الاء:(مكانتش كتشوفو مزيان حيت كان داير نضاضر دياول شمس)لواه رقية سمح ليا خليني نمشي عندي بزاف ما يدار(ومشات)
فهد:(تعصب) اووف انا مالي وليت لي نشوفها نتخايلها مجدولين ولاكن بربي لا بقات فهاد لبرهوشة دبا نوري جدها كيفاش تهز صوتها على سيادها
(دخل فهد لدار وستقبلاتو داداه هنية بزغاريت وتمر ولحليب)
هنية :اهلا اولدي(وكتعنق فيه) توحشتك بزااااااف
فهد:وحتا انا ادادا 
جاد:شكون هادي ابابا

هنية:لحبيب ديالي جاد تباركلاه كبرتي سبحان لله ميشبه ليك افهد ملي كنتي صغير
فهد:اه بصح ادادا هادي اولدي دادا هنية هي لي رباتني فصغر بحال كارولين معاك
جاد:ولاكن كارولين رباتني حيت معنديش ماما لي تقابلني ونتا علاش رباتك ياك كاينا جدا
فهد:(تصدم من لهضرا ديال ولدو وملقا باش يجاوبو)
هنية:احم يالاه احبيبي ندخلو راه ختي نعيمة كتسناكم 
(دخلو لدار)
نعيمة:ولديييييي حبيبي جيتي(كتعنق فيه وكتبكي حيت خمس سنين ماشافتو من نهار ماتت مجدولين)توحشتك الحبيب ديالي
فهد:حتا انا الملكة ديالي وا صافي ما تبكيش هاني دابا جيت انا وولدي وغنستقرو هنا دبا تملي منا وتولي نتي تقولي لينا رجعو لفين كنتو ههه
نعيمة:(ضرباتو لراسو) سكت معمرك تقول هاكا نتا ولدي وعمرني نمل منك 
جاد:بابا فيا نعاس
نعيمة:وينوووو على حبيبي كبرتي(كتعنق فيه وتبووووس)
كارولين:بطبع غيكبر راه عندو خمس سنين
نعيمة:(هي مكتحملهاش حيت كتشوفها كانت ديما لاسقا في فهد ملي كان مجوج بمجدولين)راني عارفا مسولتكش
كارولين:(تقرصات) ودارت ليه ضحكة صفرة
(شوية وهي تجي ميساء هابطة من دروج الاخت ديال فهد)
ميساء:(كتجري فدروج)خويااااااااا جيتيييي
فهد:هههه وناري على حمقة غير بشوي راك غتقتليني
ميساء:توحشتك بزاااااااف(وكتبوووووس فيه وهانتوما البنات شتو لحgرا كيدايرة لي جات تبوسو وانا لا 😭)
فهد:حتى انا انحيلة ديالي كبرتي
نعيمة:منين اولدي اه كبرات ولاكن لعقل لله ايجيب
فهد:هههه لله استر
ميساء:مالني بنت ليك كنشرب لما سخون وكناكل جاج بحال لمسكونين
الكل:ههههههههه 
ميساء:حيد من قدامي جاد حبيبيييييي (وكتعنق فيه)كبيدتي كبرتي مااااح 
جاد:شكوم نتي
ميساء:اويلي على شكون انا
فهد:هه راه مكيعرف حتا حد راكي عارفة من صغرو وهو فنيويورك
ميساء:اه عرفت انا حبيبي ميساء عمتك خت باباك لحمق
جاد:وانا جاد ولد بابا فهد
نعيمة :ههه يالله اولدي سيرو طلعو ترتاحو راه فلعشية كاينة لحفلة

يتبع

أحدث القصص
قصة يامنة من تأليف Sana mina
قصة يامنة Sana mina
قصة بريق عينيك من تأليف سكينة أيت الكبير
قصة بريق عينيك سكينة أيت الكبير