هبطت من اللوطو و دخلت للدار لقيتهم باقي فايقين و مجموعين فالصالون، غير شافوني جاو كيجرو، عنقت ماما و بابا: بنتي كيفاش حتى خرجتي
صوفيا(انا براسي ما عارفة): لقاو بلي معنديش دخل بالمافيا، و اصلا انا مكنتش عارفة بلي ياسين خدام معاهم
ماما: دبا انا بغيت غير نعرف شكون هاد ياسين
صوفيا: غير صديق طلب مساعدتي و انا عاونتو بلا ما نعرف علاش
ماما: شتي طيشك فين وصلك، ها هو باباك صونا للمحامي و تفضحنا هكاك
بابا: ماشي مشكل المهم ابنتي انا ما بقيتش لا قدامك لا وراك هادي و التوبة، ماماك هي الي غدي تعرف تعامل معك من هنا للقدام
ماما: أول حاجة عندك عقوبة الخروج ممنوع صحاباتك مغديش تبقاي تشوفيهم و اول حد غدي يجي يخطبك يكون إلي بغا يكون غدي نعطيوك ليه
صوفيا: شنو؟!! Cv pas
ماما: اه صفا الحمد لله هدشي إلي غدي يصلح ليك راجل هو الي غدي يتحكم فيك و يعرف يتعامل معك حيت غلبتينا ابنتي العصا إلا جينا نعصوك حشومة قدك قد الجحش، إلا غوتنا غدي نجيبوها غير فراسنا باك فيه السكر و انا فيا الطونسيون، الهدرة و النصيحة تدخل من هنا و تخرج من لهيه ايوا هدا هو الحل الوحيد
مروان: و انا متفق معك الواليدة
صوفيا: بابا؟! هدر معاهم عفاك
بابا: بنتي انا الي كاين قلتو
شفت حتى عييت و طلعت بحالي زدحت باب البيت و تلاحيت ماشي انا الي نرضى بسهولة
صبح الصباح و مشا صلاح للكوميسارية، دخل بيروه و جا عندو حميد لقا التحية: سيدي صباح الخير
صلاح: صباح الخير احميد، مندرى لقيتو ياسين؟
حميد: سيدي للاسف ما لقيناهش
صلاح: 20 واحد مقدرو يلقاو شخص واحد؟ مالو عندو رجلين ماشي بحال بنادم
حميد: يمكن عاونو شي حد
صلاح: اوف المهم كمل البحث بغيتك تجبدو لي وخا يكون تحت الأرض إلا خرجتي عيط ليا على سعيد معك
حميد: اوك الشاف تحياتي
شوية دخل سعيد عندو: نعم الشاف؟
صلاح: ايوا شي جديد؟
سعيد: يلاه هدرت مع محسن و قالي بلي مزال ما خرجت من الدار
صلاح: اممم المهم قولو يرد البال معاها و الي كاين قولو ليا اوك؟
سعيد: وخا الشاف، الشاف ممكن سؤال؟
صلاح: شنو؟
سعيد: دبا نتا علاش ما رجعتيها للكاب البارح و علاش ما عاقبتيها حيت حاولت تهرب؟
صلاح: حيت هي الي غدي تدينا للبوس منها غدي نعرفو المقر ديالهم و فين كيتلقاو
سعيد: اه دبا فهمت
صلاح: على سلامتك و دبا إلا مكانت شي حاجة أخرى يمكن ليك تخرج
سعيد: تحياتي سيدي
فقت مع 3 ديال العشية دوشت صونيت للبنات و هدر معاهم و عاودت ليهم على عقوبة ماما ليا مي مع إحسان و سارة مكاينش المستحيل دارو معايا الليلةيجيو عندي مي كيفاش معرفت، اليوم درت إضراب عن الطعام و الخروج، بقيت حابسة على راسي فبيتي، شديت الشكلاط الي عندي فالبلاكار كليتو و وصيت البنات يجيبو ليا ما ناكل و دبا بيا و لا ليكم اعايلتي العزيزة
بقيت جالسة حتى كنسمع الدقان فالبالكون فتحت كانت إحسان: ههه إحسان كيدرتي ليها
إحسان: ايوا شهر من تسلق الجبال فادتني بعدا هه كيدايرا؟ توحشتك
صوفيا: لابأس اجي بعدا فين هي سارة؟
احسان: خليتها مزال متعطلة
سارة: عاونوني!!!!
إحسان: سكتي الله يعطيك مصيبة فضحتينا
لقيناها شادة فالبالكون بحال إلا غدي طيح، جريناها الفوق: اوف ناري شوية كنت غدي نطيح
احسان: دكشي علاش كنقولكم ديما ديرو الرياضة
سارة: اه خاصنا نبداوها، ايوا صوفيا شنو درتي حتى عاقبوك
صوفيا: عطوني ما ناكل راه مت بالجوع
إحسان جبدت سندويش من ساكها و موناضة: هاكي بيب
صوفيا: الله يعطيكم الخلا الجيعانات سندويش شغدي يقضي
إحسان: و شنو بغيتينا نجيبو؟.هدشي الي قضيت نهز و مزال تقل عليا فين كنت طالعة
سارة: المهم قضي بيه
كليت الي قسم الله غسلت ايديا و عاودت ليهم كلشي، احسان: خسارة مكناش معك
سارة: هههه واو خطار هاد الكوميسير
صوفيا: الله يعطيه دقة
إحسان: و صدق ياسين حتى هو ماشي ساهل المخدرات كاع
صوفيا: واه مكنتش متوقعاها
بقينا كنهدرو و نتحتو حتى وصلت 10، نقزت إحسان: صراحة توحشت أيام زمان فين كنا كنتجمعو و نصونو على الناس و نتفلاو عليهم
سارة: و ييه يلاه نديروها
صوفيا: فكرة زوينة، انا اللولة شديت التلفون و درت نمرة من رأسي و لقيتها كتصوني
سارة: ههه انا متحمسة
صوفيا: ششش ها هو جاوب، الو؟
الشخص: الو شكون معايا؟
صوفيا: معك مروى
الشخص: شكون مروى؟ مكنعرف حد بهاد الإسم
صوفيا: وايلي نسيتيني انا كنت تلاقيت معك فالمعاريف
الشخص: صراحة انا مشيت للمعاريف مرة وحدة و معمري تلاقيت بشي بنت تماك
صوفيا: وايلي اصاحبي راه تلاقينا غير نتا نسيتي
الشخص: معرفتش ما بقيتش عاقل
صوفيا: المهم انا اتصلت بيك باش تجي عندي للدار راني بوحدي معايا غير خويا
الشخص: لاش؟
صوفيا: لاش برايك؟ نصاوبو الحلوة
الشخص: اه مكنعرفش نصاوبها
شفت فالبنات: مال هدا كيتفلا عليا و لا شنو
إحسان: ههه باينة فيه بيستعبط
صوفيا: غير كنضحك معك، بغيتك تجي عندي باش تعاوني فالماط
الشخص: الماط؟ فهاد الوقت؟ علاش عندك امتحان غدا؟
صوفيا: ههه لا الليلة
الشخص: مكنعرفش الماط اختي
صوفيا: غير اجي انا نعلمو ليك، نبداو بجدول الضرب و الحساب و من تم ندوزو المعادلات الصعبة
البنات ماتو بالضحك
الشخص: دبا مفهمتش، ياك نتي مكتعرفيش ليه و بغيتي تعلميني
صوفيا: فين تجي نتا غدي نتعلم و نعلمك حتى نتا، ايوا شنو قلتي؟
احسان: دازت عليها عامين و مقديتيش تنسايها؟ غدي تشري ليها الصداع مع حمزة
صوفيا: خليها باش نوريها اللعب مع لالياتها
بقينا كنتجسسو على دار مروى بالمنظار نشوفو هداك المكلخ واش غدي يجي بصح، شوية بانت ليا طاكسي وقفت حدا دارهم و خرج منها دري تكون عندو شي 20 لابس سروال دجين و شوميز و داير النظاظر ديال الشوف، ههه شكلو كيضحك و باينة فيه من هدوك الي مكيفهمو بحال هاد الهدرة، شدت إحسان المنظار و بقات كضحك عليه، مشا دق الباب و فتح ليه حمزة ههه دبا بدا اللعب، مشكلة منقدروش نسمعو هدرتهم
↔↔↔نمشو عند الضحية و حمزة
الضحية: سلام خويا واش كاينة مروى؟
حمزة طلع حاجبو: لاش بغيتيها و فين كتعرفها بعدا؟
الضحية: انا صديقها و بغيت نخدم معاها الماط
حمزة: و تبغي تبات معاها؟
الضحية: لا غدي غير نخدمو الماط و نمشي مكاين لاش نبات
حمزة شنق عليه: و شنو هاد الماط الي غدي تخدمو فيه بسلامة؟
الضحية كيرتعد:غير الحساب و جدول الضرب دكشي الأولي هي اللولة و ندوزو لدكشي الواعر
حمزة تعصب: شنو؟!!! واش عارف راسك شكتقول
الضحية: علاش مالي قلت شي حاجة عيب؟
حمزة: أولا جاي مع 10 ديال الليل و باغي تنعس مع ختي بلا حشمة و لا حيا
الضحية: لا اخويا بالعكس انا غدي غير نخدم معاها الماط ماشي ننعس
حمزة: و مزال كتعاودها؟!!!! نزل عليه بكروشية و بقا كيضرب فيه هدي تنفع هدي ضر، سمعت مروى الغوات و جات كتجري: خويا شنو واقع؟!!
دفعها حمزة: دخلي لمك ها هي نوبتك جاية ابنت الحرام
هلكو عصا و رماه و سد الباب
انا و البنات بقينا كنضحكو حتى سخفنا
صوفيا: هههه دبا نقدر ننعس مرتاحة
احسان: ناري اصوفيا شحال شريرة
سارة: حشومة عليك كلات قتلة ديال العصا على والو
صوفيا: الصحة فيها ما شتي هي فين شرات ليا الصداع مع ماما تستاهل أكثر
كملنا ضحك و البنات رجعو من فين جاو، انا هدرت شوية مع حسن و نعست
الغد ليه فقت مع 12 دوشت لبست كسوة صيفية قصيرة نص كم و صندالة ديال الصبع درت كونتر سولاي و هزيت الكونطاكط، هبطت سلمت على دادا كليت سلاد فروي و مشيت عند ماما للصالون: ماما انا بغيت نمشي للمول نتقدا شي حوايج
صوفيا: اممم خلينا من الكلام الحلو ديالك و قولي شغدي دير
ياسين: انا دبا غير كنتسنا اوراقي يكملو و نمشي لبلاد أخرى
صوفيا: و برايك هدا هو الحل
ياسين: إلا لقاوني غدي يقتلوني و حتى البوليس إلا لقاوني غدي يرموني فالحبس يعني جوج مطارديني دكشي علاش من الاحسن نخوي البلاد
صوفيا: و ماماك غدي تخليها و تمشي؟
ياسين: اه للاسف منقدرش نخاطر بيها و نديها معايا
صوفيا: و هنا برايك غدي تبقى فأمان؟
ياسين: اه حتى حد عارفها لا من المافيا لا من البوليس، انا اصلا عطيت المافيا معلومات خاطئة عليا و حتى سميتي زورتها
صوفيا: اممم
ياسين: المهم كنجدد اعتذاري و بغيتك تتهلاي فراسك اه و هاكي هاد الجوا عفاك عطيه لماما أمانة عندك مي حاولي ما تخلي حد يعلم بيك راه إلا مشاو حتى ساقو الخبار مغديش يخلوها تتهنى و نخاف لا تكون فخطر
صوفيا: كون هاني مي قولي شكون هو البوس ديالكم و علاش دخلتي فهاد المافيا
ياسين: الطمع اصوفيا هو الي خلاني ندخلها و دبا انا نادم على هدشي المهم شي حاجة أخرى منقدرش نقولها بسلامة تعطلت
صوفيا: تهلا فراسك، اه ياسين حتى نتا سمحلي
ابتسم ليا دار النظاظر و الكاسكيط و مشا
رجعت انا لعند ماما لا دير ليا فضيحة، لقيتها كتهدر فالتلفون، كملت و هي تقول: تعطلتي بزاف كنت غدي غير نسالي المكالمة و نوض نقلب ليك فين مشيتي؟
صوفيا: تلاقيت مع واحد البنت كانت كتقرا و بقات شاداني بالهدرة
ماما بشك: اممم راني طلبت سلاد ها هي جاية
كملنا الغدا و رجعنا للدار و انا طول الوقت ساهية كنفكر فياسين و كيفاش غدي ندي الجوا لماماه
دازت يومين و انا غير الدار معرفتش كيفاش نخرج ماما مقصحة راسها ما خليت ما درت مي والو، بابا من داك العام ما بقاش كيدخل بينا انا و ماما و دبا بقيت واحلة و هاد الجوا كيغندير حتى نديه لمامات ياسين؟ هاد الوضع ما بقاش عاجبني خاصني نفكر فشي حل و حتى البنات ما بقيتش شفتهم من داك النهار غير التلفون
صلاح جالس فبيروه حتى دخل عليه سعيد عطاه التحية و جلس: سيدي؟
صلاح: ايوا فاش وصلتو فالمراقبة
سعيد: صراحة هاد ثلاث ايام ما خرجتش فيهم غير واحد النهار هو الي خرجت مع ماماها
صلاح: فين مشاو؟
سعيد: ما عرفتش
صلاح: كيفاش ما عرفت؟ واش هداك الي معك متبعهمش؟
سعيد: لا سيدي
صلاح: وعلاش؟!
سعيد: حيت غادية مع ماماها معندهاش فين تمشي و متقدرش دير شي حاجة قدامها
صلاح تعصب: واش كتفلا عليا؟ شكون قالها ليك تقدر تكون تلاقات مع ياسين و لا الآخرين بلا ما تعلم ماماها، مالكم مكتسمعوش الهدرة و كديرو الي قالكم راسكم؟ واش انا مخدم معايا حمير؟!!!!!
سعيد: و بحالاش عرفتي بلي تلاقات مع ياسين؟
صلاح: مالك غبي مالك؟ راه باينة ابنادم سير خرج عليا!!!
ناض سعيد بغا يخرج
صلاح: اجي فين غادي؟
سعيد: نتا الي قلتي ليا....
صلاح: عيط لحميد و جيب الملف نخدمو عليه و وصي زميلك إلا ما دار الي قلت ليه غدي نخرجو من الخدمة
حميد: راه المشكلة ما عرفتش فين مشا تقول الأرض سرطاتو
صلاح: الارض سرطاتو؟ اممم خرج حتى نتا درق عليا زلافتك كنحس بلي ماشيين و كنتراجعو لور بدل ما نزيدو القدام
اليوم خرجت ماما هي و إيناس مي وصات دادا باش ما نخرج، نضت لبست دجين و تشيرت جمعت شعري و هزيت الجوا، سميت الله و هبطت من البالكون، هاد المرة تقصحت بزاف كمدتها و نضت خديت طاكسي و عطيتو العنوان، بقينا غادييين و الطريق كلها و واحد اللوطو كحلة تابعاني، بحال والو المافيا: خويا دور على اليمين و دغية عفاك
دار الطاكسي: و دبا دخل لهاد الزنقة
كانت الزنقة عامرة بسيف دخل منها خلصتو و هبطت وسط هداك الزحام، تخبيت فواحد المحل و دازت اللوطو قدامي تابعة الطاكسي الي كنت فيه، من بعد شديت طاكسي آخر و وصلني لعند خالتي كريمة( مامات ياسين)، دقيت فالباب هدي أول مرة تشوفني اما انا كان وراها ليا ياسين فالتصويرة، كيموت عليها، فتحت الباب و هي علامة التساؤل على وجهها: السلام اخالتي
كريمة: وعليكم السلام ابنتي سمحيلي معرفتك
صوفيا: انا سميتي صوفيا صديقة ياسين
كريمة: اه مرحبا بيك ابنتي دخلي
دخلت معاها جابت القهوة و الكاتو كانت جواية 7 ديال العشية: ياسين هدر ليا عليك بزاف
تبارك الله زوينة
صوفيا: شكرا ربي يخليك
بقات كتعاود ليا على ياسين و بزاف ديال الحوايج، و حسب ما فهمت منها ياسين قالها بلي غدي يدوز الصيف مع صحابو فامريكا، عطيتها الجوا الي ما عارفة كاع شنو فيه و مشيت بحالي، شديت طاكسي و هاد المرة تأكدت حتى حد ما تابعني، وصلت للدار و طلعت البالكون
نمشو عند البوليسي الي مراقب صوفيا↔↔↔
بقا غادي تابع الطاكسي و هو يبان ليه الطاكسي وقف هز وحدين معاه: او هدي فين مشات يا ربي السلامة ياك يلاه كانت فالطاكسي؟ هبط من اللوطو و مشا عند مول الطاكسي: ايه الشريف واحد البنت هزيتيها هي اللولة من حي الفيلات فين حطيتيها؟
مول الطاكسي: حطيتها فزنقة****
البوليسي: و علاش؟!
مول الطاكسي: هي الي قالتها ليا، طلقني عفاك الكليان كيتسناو
البوليسي: اوف مشكلة سير
رجع اللوطو و ضرب الكوسان و مشا دغية للزنقة الي قاليه الطاكسي بقا كيقلب تماك و حدا الزنقة و والو: اوف اوف شنو غدي ندير دبا بنت الحرام مطورة الا علم الشاف غدي يقتلني ما فيهاش
صوفيا: صراحة بابا كلفني بشي حاجة نديرها و ما قديتش نقوليه لا سوري بيب صفا؟
حسن: ماشي صفا
صوفيا: و علاش مالك؟
حسن: حيت ما شفتك اليوم
صوفيا: ايوا مكتاب ما عندنا ما نديرو
حسن: نتي ما مسافراش هاد الصيف
صوفيا: لا عندنا عرس دبا بنت عمتي الشهر الجاي
حسن: اممم خسارة كنت باغي نديك لشي رحلة فباطو صاحبي
صوفيا: oh dommage
حسن: وي مي إلا سالا العرس نقدرو نمشو شنو رايك؟
صوفيا: اوك نشوف
حسن: ايوا شي جديد
صوفيا: والو هاد الساعة
كملت هدرة معاه و بقيت نتكونيكطا حتى شي 3 و نعست
صلاح: وي سعيد كاين شي جديد
سعيد: سيدي عندي ليك خبر مي عفاك ما تعصبش
صلاح: قول باينة شي كارثة درتها نتا و هداك المكلخ الي معك
سعيد صرط ريقو: اليوم العشية خرجت صوفيا من الدار و مشات لشي بلاصة بقا محسن تابعها مي فلتت منو بلا ما يعيق قلب عليها شحال و ما لقاهاش
صلاح: عيط ليه
سعيد: سيدي هاد البنت خطيرة ما يقد عليها إلا الي خلقها عفاك ما تعصبش
صلاح بالغوات: عيط على الزمر!!!!!
مشا عيط على محسن و دخلو عندو بجوج، وقف صلاح و تقابل مع محسن: كيفاش حتى فلتت منك؟ واش عارف شناهيا خدمتك؟ انا نقوليك، خاصك تراقبها و إلا مشات هاك و لا هاك تعلم البوليس ماشي دير فيها بطل و تتبعها
محسن: سيدي إلا ما تبعتهاش كانت غدي تهرب و ما نعرفوهاش فين مشات
صلاح: لا و دبا تبارك الله عرفتي فين مشات ياك؟ واش انا خاصني ندير خدمتكم، نخلي هدشي و نمشي نراقبها و لا نقلب على ياسين!!!!!
سعيد: سيدي حنا...
قاطعو؛ سكت!!! ما تزيدش حتى كلمة و نتا( موجه الهدرة لمحسن) مهمة بسيطة و مدرتيهاش، لذلك غدي نكلف شي حد آخر يديرها و دبا خرجو عليا بجوج
خرجو و صلاح ضرب الكرسي حتى تهرس
فقت دوشت لبست شورط و تيشرت، هبطت كليت شي حاجة خفيفة، و مشيت عند بابا: صباح الخير بابا
بابا: صباح الخير يلاه فايقة؟
صوفيا: اه بابا واش انا ما منحقيش نخرج حشومة هدشي إلي كديرو فيا
بابا: ايوا بنتي نتي مخليتي لينا باش نعطوك فرصة أخرى دكشي علاش خليك تابثة فبلاصتك حتى يجي ولد الناس الي يتزوجك و يهنينا
تقلقت: ياك أبابا، تهناو مني 😔
بابا: البنت كتبقى شاطنة بال عائلتها حتى تتزوج، انا قصدت نتهناو من جيهتك ماشي منك
صوفيا: مي بابا انا ما بغيتش نتزوج مزال الحياة قدامي بغيت ندور نسافر نعيش سني انا ما قادة على مسؤولية
بابا: الله يجعل شي براكة خرجتي و سافرتي و عشتي مغامرات حتى حد عاشهم و دبا خاصك ديري عقلك و نفرحو بيك ابنتي و نشوف اولادك
صوفيا: بابا دبا الي جا غدي تعطوني ليه؟
بابا: اه إلا كان ولد الناس اخلاقو زوينة و داخل سوق راسو و غدي يتهلا فيك علاش لا
صوفيا: اممم اوك انا قابلة
بابا: ايوا ها نتي ابنتي الزواج راه زين و كوني متأكدة بلي هدشي إلي غنديرو غير لمصلحتك
صوفيا: امم عارفة انا غدي نطلع لبيتي
طلعت للبيت و صونيت لحسن: الو حبيبتي
صوفيا: الو حياتي صفا؟
حسن: صفا الحمد الله و نتي؟
صوفيا: انا بخير حسن نتا حداش باغي علاقتنا توصل
حسن: كيفاش زعمة؟
صوفيا: يعني شنو هي الخطط الي مخطط لينا فالمستقبل
حسن: بزاف ديال الخطط أولها الرحلة الي فالباطو الي قلت ليك
صوفيا: اه و شنو آخر؟
حسن: و نشوفو فين نمشو من بعد
صوفيا: انا كنهدر على علاقتنا ماشي الخرجات الي غدي نخرجو
حسن: علاقتنا؟
صوفيا: بالعربية تاعرابت واش ناوي المعقول و لا غير تفليات
الظابط الصارم و الجريئة الجزء الخامس
محتوى القصة
صبح الصباح و مشا صلاح للكوميسارية، دخل بيروه و جا عندو حميد لقا التحية: سيدي صباح الخير
بقيت جالسة حتى كنسمع الدقان فالبالكون فتحت كانت إحسان: ههه إحسان كيدرتي ليها
الغد ليه فقت مع 12 دوشت لبست كسوة صيفية قصيرة نص كم و صندالة ديال الصبع درت كونتر سولاي و هزيت الكونطاكط، هبطت سلمت على دادا كليت سلاد فروي و مشيت عند ماما للصالون: ماما انا بغيت نمشي للمول نتقدا شي حوايج
ياسين: ششش غير انا متخافيش
دازت يومين و انا غير الدار معرفتش كيفاش نخرج ماما مقصحة راسها ما خليت ما درت مي والو، بابا من داك العام ما بقاش كيدخل بينا انا و ماما و دبا بقيت واحلة و هاد الجوا كيغندير حتى نديه لمامات ياسين؟ هاد الوضع ما بقاش عاجبني خاصني نفكر فشي حل و حتى البنات ما بقيتش شفتهم من داك النهار غير التلفون
اليوم خرجت ماما هي و إيناس مي وصات دادا باش ما نخرج، نضت لبست دجين و تشيرت جمعت شعري و هزيت الجوا، سميت الله و هبطت من البالكون، هاد المرة تقصحت بزاف كمدتها و نضت خديت طاكسي و عطيتو العنوان، بقينا غادييين و الطريق كلها و واحد اللوطو كحلة تابعاني، بحال والو المافيا: خويا دور على اليمين و دغية عفاك
فالليل صونا ليا حسن: الو حبيبتي يلاه قريت مساجك علاش شنو هاد الغرض المهم الي خداك مني
فقت دوشت لبست شورط و تيشرت، هبطت كليت شي حاجة خفيفة، و مشيت عند بابا: صباح الخير بابا
التنقل بين الأجزاء