علي:(بقا ماشي جاي على طول المكتب ديالو..مزال مستوعبش بلي جواهر حامل...شنو يدير وشنو يغير فلخطة مزال معرف...مدة وهو على هاديك الحال حتى طاحت على بالو فكرة جهنمية...شي لي عاشو هو غادي يعيشو فهد بنفس الطريقة رسم بسمة شر على فمو...وهز تيلي ديالو...
علي:لكوخ لي فجبل يكون واجد هاد ليلة(قطع مع المتصل وبدا يفكر فطريقة يخرج بيها جواهر من لفييلا بلا ميشوفوها لي كارد.)
*************
فهد:(كان حاط راسو على شي وراق حتى جاه اتصال)
الو
هو:مسيو فهد..
فهد:وي شواقع؟؟
هو:ايلينا هربات
فهد:(ناض من على كرسيه )شنو؟
هو:ملقيناهاش يمكن شي حد هربها متقدرش تهرب بوحدها
فهد:(قطع عليه وخرج صاعر ...ركب فلوطو وطار بيها لمكان التعذيب الخاص بيه..لقا لي كارد مجموعين كيتسناو الموت ديالهم...دور عينو فكل بلاصة وملقاش اي حاجة يعول عليها)فين كنتو نتوما فين؟؟مخدم معايا حمير الله يحرق طواسل زا••بوكم(جبد سلاحو وتيرا فجوج منهم جابهم طايحين)بربي ومتجيبوها ليا هاد ليلة والله منخلي فديلمكم الروح(خرج صاعر وركب فلوطو طاير )
************
جون:القحبة 20 يوم وحنا كنقلبو من قنت لقنت وفلاخر نلقاوك مزال عايشة
ايلينا:هئ هئ علاش بغيتوه يقتلني؟:
جون:هضرتي بشي حاجة فتحتي فمك بشي حاجة؟؟
ايلينا:(كدور عينيها)مقلت والو
ريبيكا:بربي ونعرفو بلي فتحت فمك ليه والله لابقيتي حية
جون:نو ازوينة دابا نتي غادي تفيدينا اكيد وليتي كتعرفي فهد كتر من راسك اي حاجة كبيرة او صغيرة عليه غادي تقوليها
ايلينا:(حنات راسها وسكتات )
علي:(ركب رقمها وحط تيلي على ودنو)
جواهر:الو
علي:جواهر سمعيني مزيان...انا ضروري نلقاك باش نشوف شي حل لهاد المشكل
جواهر:ولكين لي كارد اكيد غادي يكونو مراقبيني كيندير حتى نخرج
علي:شوفي شي حل اجواهر...الى كانت معاك مريم لبسي حوايجها وخرجي بلما يردو ليك البال
جواهر:واخا(قطعت من عندو وبدات تنحي حوايجها)مريم عطيني حوايجك لي لابسة
مريم:علاش؟؟
جواهر:خاصني نلقا علي ضروري..ومبغيتش لي كارد يشوفوني غادي نشوف شنو ندير فهاد الحمل لي خرج لينا من الجنب
مريم:اوكي(بدات تحيد حوايحها وعطاتهم ليها)حضي راسك اوكي(الوقت لي كانت فيه جواهر ومريم كيتبادلو لحوايج ...كانت صفية كالعادة حاطة ودنها على الباب وكستمع ليهم..تبسمت بسمة شر وحطاتهم فراسهاغادي تفضحهم بجوج....لبسات جواهر لحوايج وهزات تيلي ديالها طلبات طاكسي وخرجات متنكرة خايفة لايشوفوها لي كارد ولكين عندها زهر مردوش ليها البال...توجهات لبلاصة لي دارت مع علي شافت لوطو ديالو ومشات تجري ركبات حداه وديمارا طاير مخلي غير الغبرة وراه....
جواهر:شنو ندير فهاد الشي اعلي؟؟
علي:طفي تيلي ديالك
جواهر:علاش؟؟
علي:باش ميصدعنا حد طفي تيلي
جواهر:اوكي:(حنات راسها كطفي تيلي حتى حسات بشي حاجة تحطات على نفيها خلاتها طيح سخفانة...صايب لها راسها على الكرسي..وعفط على لوطو طاير موقف حتى وصل لكوخ لي فقمة جبل...حطها على الكرسي وربط ليها رجليها ويديها مع الكرسي ..وجلس مقابل معاها شاد تيلي ديالها وكيشوف فيها بمكر.
ربى؛الى جا يوسف غادي نقول ليه يديني لعندو ...غادي نواجهو
عائشة:واخا ابنتي لي بغيتي(كتمسح شعرها بيدها)
*************
يسرا:(مزال على نفس الوضع دموعها على خدها وحاطة يدها على فمها مصدومة من الفيديو لي كيتعاود قدام عينيها زفات بلبيسي بيدها حتى تلاح...ودخلات فموجة صراخ وهستيرية خلاتها تغيب عن الوعي...)
فهد:(طاير بلوطو وكيفكر فشي حل ...ايلينا كانت غادي تكون الطريق لي غادي يوصلو للعصابة لي بغات تمحيه من الساحة ولكين دابا كلشي تخربق عليه قدرو يهربوها بلما يخلو وراهم اي دليل...تفكر جواهر لي مسمعش صوتها من البارح...جبد تيلي وحطو سبيكر...كيصوني ويلقا تيلي مسدود مرة وجوج وتلاتة....تزرع فيه الشك وصونا على لكارد...
فهد:جواهر خرجات؟؟
الشخص:لا اسيدي مزال مخرجات
فهد:حالا تمشو تسولو عليها والى كانت تماك قولها تحل تيلي ديالها
هو:واخا اسيدي.
•**********
(بدات تحل عينيها بتثاقل حاسة بالدوخة والرضان ..شافتو قدامها كيشوف فيها ...حسات براسها مربوطة على الكرسي بدات ضور وجها فكل قنت مستغربة من لبلاصة لي هي فيها...
فهد:(وقف لوطو بجهد)ش...شنو فين مشات؟؟؟لاش داير ديلمكم تماك؟؟؟(قطع عليه وعفط على لوطو طاير باتجاه لفييلا عينيه حمرين واعصابو بارزين على ملامحو....جميع الاحتمالات جات غلى بالو....)
مجدولين:وجدو لغدا فالجردة انا نطلع نشوف يسرا
الخدامة؛واخا الالة
مجدولين:(شدات الاسونسير لي موجود فلمطبخ وطلع بيها لغرفة يسرا لي كانت مرمية على فراشها مغمى عليها...مع شافتها فهاديك الحالة مشات لعندها تجري تحركها وتضربها فحنوكها كتحاول تفيقها...ضربتها بغوتة وحدة حتى تلمو عليها الخدم....حاولو يفيقوها ولكين كانت مغيبة...طلبت منهم يعيطو على الدكتور الخاص بالعائلة لي فضرف ثواني وصل لعندهم خرج كلشي من عندها وبدا يفيقها....بدات تحل عينيها بشوية حتى توضحات ليها الصورة..وتفكرات الفيديو لي شافت ودخلات فموجة بكاء وصراخ من جديد....الشي لي خلا الدكتور يعطيها مهدا وبدات ترخا حتى رجعت غمضت عينيها ودخلت فنوم عميق....
مجدولين:(كانت واقفة حدا بيت يسرا مشطونة عليها كتصوني لفهد لي مكبجاوبش وترجع تصوني لعلي لي تيلي ديالو طافي....بعد دقايق خرج الدكتور من غرفة يسرا)شنو وقعلها؟؟مالها!!
دك:لالة يسرا كانت سخفانة وهادشي مخاصوش يوقع فحالتها خصوصا فهاد الأشهر الأولى
مجدولين:(حلات عينيها على جهدهم فاتحة فمها ومصدومة من كلام الدكتور ...مقدراش تصدق الشي لي كتسمع...بدات ترجع بعض لقطات لي دازو عليها وتأكدت من كلامو يسرا كانت هاد الفترة مبدل عليهم بزاااف كلامها حراكتهاوحتى تصرفاتها ...كانت كتزرع الشك فمجدولين ودابا تاكدت...ستجمعت نفسها وشافت فيه..)دك..هاد الموضوع يبقى بيناتنا مبغيتش دراري يعرفو وخصوصا فهد مبغيتوش يعرف بلي يسرا حاملة.
دك:واخا الالة ..انا غادي نمشي دابا الى زاد عليها الحال علميني
مجدولين:اوكي شكرا.
***************
فهد:(وصل لفييلا صاعر ..جامع يدو قبضة حديدة وعروق جبينو مرسومين بشكل واضح.....ودخل بعدما حلات ليه الخدامة الباب:
صفية:(حيدات يد بنتها منها وقربات لعندو)انا غادي نعاود ليك كلشي من اول نهار بدا فيه هادشي لحتى دابا...
فهد:(كيشوف فيها مفاهم والو....حليمة جلسات على لكرسي لي حداها شادا راسها بين ايديها...ريم رسمت بسمة مكر وانتصار وصفية رافعة راسها لفوق ناوية تخلي دار عيشة جواهر وتنناقم من علي.) J
?😍
يوسف:ربى متأكدة
ربى:اه متاكدة بغيت نواجهو وجها لوجه...باراكا عليا من التخبية والخوف لي مسيطر عليا...انا بغيت نهضر معاه مباشرة ونعرف لاش رماني ودمر ليا حياتي
يوسف:احم كنسمع ليك...صافي انا غادي نديك عندو فالوقت لي بغيتي
ربى:مكرهتش غداّّ....
يوسف:(شاف فيها ورجع شاف قدامو)واخا غدا نديك
***************
جون:هضري خلاص شنو عرفتي عليه فهاد شهر لي خدمتي معاه ؟؟
ايلينا:والو اصلا كنت غير سكرتيرة مكلفيني غير بالاتصالات وندخل لملفات صافي...
ريبيكا:يعني المهمة لي مشيتي ليها مدرتيهاش؟؟
جون؛منعسش معاك:؟
ايلينا:حاولت ندير لي فجهدي..ولكين محركت فيه والو...راه راه قلت ليكم من قبل عندو حبيبتو مغاديش يفكر يخونها...
ريبيكا:(شافت فيه فهم شنو لي كيدور فراسها...حرك ليها راسو بالايجاب وخلاها دارت ورا ايلينا..لي رعدة كتزعزعها...حطات ريبيكا ايديها على عنق ايلينا...وفرمشة عين تسمع صوت كسر فعنقها الشي لي كيعني بلي ماتت)
جون:تكلفي بالجثة ...
ريبيكا:شنو دابا؟؟
جون:مبقا هامني والو...حاجة وحدة لي داير فراسي مغادي نرجع لالمانيا حتى نقتلو....
ريبيكا:هههه هادا هو لكلام(توجهات لجثة ايلينا جراتها من رجليها..وجرتها وراها ناوية تمحي ليها الآثار)
فهد:(كان فغرفتها داير يديه ورا ضهرو كيشوف فصورتها الضخمة لمعلقة فلحيط...كانت ملامحو غريبة بشكل كلي الهدوء الذي يسبق العاصفة..كيسمع لهضرة صفية لي بدات تعاود ليه كلشي وطبعا باضافات من عندها...نطق بصوت ملئ بالأسى والغضب )
فهد:ومن بعد....
صفية:من بعد هضرات مع علي باش يهددني ومنلقاش ليك طريق باش موصل ليك....حيت كنت غادي نعاود ليك على الاتفاق لي ضار بيناتهم حيت انا كنبغي ندير الخير فناس مكيعحبنيش نشوف الكدوب والغدر ونبقا واقفة واخا عارفة بلي هادشي لي كندير يمكن يكلفني حياتي وحياة بنتي لي كتقلب على خدمة مسكينة و....
فهد:ومن بعد شنو وقع...
صفية:صونا عليها علي اليوم...دار معاها يلقاها عند الساحة لكبيرة بغاها على حساب القضية لي خرجات ليهم من جنب
فهد:(ضار عندها بزربة)شنو هي هاد القضية؟؟
صفية:ايوة اسي فهد كلشي بتمانو...انا عاودت ليك على كلشي بلما نطمع فيك ولكين دابا ضروري نامن مستقبل بنتي
فهد:(بدا يقرب منها عينيه خارجين من راسو بقاتلو فلحساب غير صفية....هو يقرب وهي كترجع وراها حتى دخلات فلحيط....حط يدو على عنقها خانقها وخلا ريوقها هابطين من فمها)هضرررررري شمن قضية ؟؟؟؟
صفية:غغغ...غغغ..ط...طلق.....
فهد:(كيزيد يزير عليها حتى سمع تيلي ديالو..جبدو بزعفة وحطو على ودنو بلما يشوف شكون...)
علي:قلبتي الدنيا اخويا اولا مزاااال موصلاتكش لخبار
فهد:ودع حياتك نتا وديك الكلبة لي معاك
علي:ههههههه برافو ردة فعلك متوقعها...حسيتي بيا...حسيتي بشي لي عشتو أخويا؟؟
فهد:طلعتي شماتة...معرفتيش تواجهني مباشرة وليتي تدخل نسا بيناتنا
علي:نو نو اخويا لعزيز لهدف من كلشي درتو ...درتو باش تعيش الشي لي عشتو...حبيبتي قتلتها...وحتى انا غادي نقتل حبيبتك...ولدي قتلتو وحتى ولدك غادي نقتلو...
فهد:(فتح عينيه بصدمة...جمع غوباشتو..وجمع يدو على شكل قبضة عروق ايديه بارزين ونفسو كطلع وتهبط بسيف..كلمت غادي نقتلها ونقتل ولدك بدات تتعاود فودنيه...ضرب لمرايا لي حداه بيدو كيفش فيها اعصابو وجنونو.وخرج صاخط ليوم يقتل شي حد.)
فهد:(خرج من لفيلا ساخط بين عينيه غير علي لي يمكن يموت هاد النهار على ايديه..ركب فلوطو ديالو وحط تيلي على ودنيه)غادي نجيك حالا بغيتك تعرف ليا واحد الاتصال من فين جا...
هو:واخا اسيدي
فهد:(عفط على لوطو وطار بيها فاتجاه الشخص لي غادي يعرف ليه لبلاصة لي صونا ليه منها علي...حيت فهد حاط واحد البرنامج فتيلي ديالو يجبد النمل من تحت لارض....هاد البرنامج دارو على ود اللوبيات لي تابعينو...وقف لوطو قدام واحد العمارة وطلع كيجري موقف حتى وصل قدام باب الشخص ...بعد لحضات تحل ليه الباب:
هو:مرحبا اسي فهد...
فهد:طلقني خلاص شوف من فين متصل (عطاه تيلي وبقا ماشي جاي على راسو كيحك لحيتو بيدو..بينما الشخص ركب البرنامج مع لبيسي وبعد لحضات بانت ليه لبلاصة..)الاتصال جا من نواحي جبل •••
فهد:(جمع يديه قبضة وجر تيلي ديالو...ومشا طاير حيت عرف بلاصة علي فين.)
**************
(بدا تحل عينيها بتثاقل ..حساات بشي حد جالس حداها كانت مجدولين جالسة عند راسها...)
مجدولين:(جرات كاس ديال الماء وبدات تشربها)
يسراا.........
مجدولين:بغيت نهضر معاك!!
يسرا:(شافت فيها )
مجدولين:شكون هو؟؟
يسرا:مبقاش مهم...
مجدولين:شنو لي مبقاش مهم؟؟حاملة ومدوزة من تحتنا الماء وكتقولي ماشي مهم!!
مجدولبن:(ناضت من بلاصتها)غادي نرجعو نهضرو فيه...فاش ترتاحي شوية غادي تعاودي ليا كلشي.(زدحات الباب وخرجات...خلات يسرا تخنن بوحدها.)
***********
زيد:واش نتا مريض فمخك...لاش رسلتيه لاش؟؟
سيف:(خو زيد من الام)مي هي لي قالتها ليا..وزايدون لاش مصورها ...
زيد:(ضربو على فمو بلكمة حتى تلاح منشور)شكون لي قال ليكم تدخلو فحاجة تعنيني..
سيف:اصلا نتا هكا وغادي تبقى دايما هكا ...كتفلا على بنات ناس وترميهم
زيد:(جلس على حافة الصوفا شاد راسو بين ايديه)شنو ندير دابا؟؟شنو ندير....
جواهر:(دموعها على خدها..حاسة بالخوف والجوع والرضان ...لونها تخطف منو الدم وحالتها مهلوكة دخل عليها هاز صينيه فيها لماكلة جر كرسي حداها وبغا يوكلها وهي كتقلب وجها لجهة لأخرى)طلعتي شماتة...خدعتيني وكدبتي عليا....
علي:اوووه وليتي تسبي الساحرة....
جواهر:نتا باغي تقتلني وتقتل ولدي باش تنتاقم هادشي درتو باش دمر فهد هئ هئ خئ انا حمارة هئ هئ تقت فيك هئ هئ هئ
علي:(شدها من شعرها)يصحابليك جايبك على سواد عينيك..حتى نتي مكنتيش من العاجزين وافقتي على قبل الشهرة والمال والجاه
جواهر:هئ هئ حيت حمارة هئ هئ .....
علي:(زاد زير عليها حتى غوتات)كوني حمارة ولا كلبة مكيهمنيش غادي نحرق قلبو بحال محرق قلبي...غادي نقتلك ونغبرك من الوجود كيف مغبرها عليا مخلانيش حتى نشوفها....ولانعرف بلاصة قبرها...حرمني منها ومن ولدي(كيهضر ويزير على شعرها وجواهر كتغوت من الالم لي كتحس بيه فراسها....غيراات نضراتها لجهة الباب المرمي قدامهم..كان وحش بصفة انسان انفاسو كطلع وتهبط بزز يديه على شكل لكمة عينيه حمرين قطرة دم...وعروق وجهو ويديه بارزين بشكل واضح لعرق كينزل من جبينو وحجمو تزاد كتر...)
******************
ريبيكا:جون فهد فطريق جبل•••انا راه تبعتو كيبان ليا دخل لواحد لكوخ مطرف شوية
حليمة:نقسم ليك بالله اصفية وتوقع شي حاجة لبنتي والله منخلي فيك عضم صحيح طلعتي حية من تحت لارض
صفية:راه نتي وبنتك لي طلعتو لفع..كدبة وحدة خلاتكم بلفيلا ولوطو وشيفور وزيد وزيد...طلعتو مسه...
حليمة:خررررررجي خررررجي منشوفش كمارتك خىررررجي(دفعتها حتى خرجاتها هي وبنتها وطلبات من الخدم يرمو ليهم حوايجهم برا ونبهات على لعساس ميخليهمش يدخلو مرة أخرى)
فهد:(قرب من علي وجرو من لكول ديال تيشورت برك عليه بلكمات وحدة ورا لاخرى...خلاه طايح وبرك عليها يضرب وخرج جنونو فيه علي كان غير كيتبسم وينطق بكلمة وحدة:
علي:ضرب زيد ضرب ضرب هههههه (بكل بساطة وصل لشي لي باغي...خلاه يعيش الشي لي عاشو...فهد كان وحش خارج من شي غابة غير كيضرب فاي بلاصة مغيب بشكل كلي كيفكر فخيانة خوه ليه وخيانتها حتى هي...ضربت على لفك الايمن خلات الدم يترش من نيف علي ويفقد الوعي ...برك لعندو من جديد كينوضو مزال مفش جنونو فيه..جواهر كانت عاطياها غير لغوات ...حط علي السخفان من بين ايديه..ودار لعندها مخرج فيها عينيه وكيتقدم لعندها بنضرات ملئية بالغضب....
جواهر:هئ هئ ئهئ فهد نقسم ليك بلي خالقني بلي كنبغيك هئ هئ هئ عطيني فرصة نشرح ليك كلشي...
فهد:(قرب منها وتحنى على رجليه فك ليها رجليها...وفك حتى ايديها....وقفات كتزعز بالخلعة نضراتو ليها وقربو منها حسسها بلي تابعها الويل لكحل من عندو...وجهات نضراتها لسلاح محطوط على راسو من عند وحدة زعرة كتشوف فيه بانتصار...)
فهد:(حس بشي حاجة محطوطة على راسو....اكيد سلاح فكر فعلي هو لي يكون حاطة ليه سلاح على راسو ولكين تصدم ملي سمع صوت بنت أجنبية نطقت بالألمانية:
ريبيكا:واخيرا لقيناك اسي فهد....
**********************
(ناضت من فراشها بعدما ولات شادا فراسها...توجهات لعند لبيسي لي كان مليوح خرجات منو لفلاش وكسراتها على جوج ورماتها سمعات صوت تيلي ديالها كيصوني توجهات لعندو كان زيد كيتصل ويرسل ميساجات رمات تيلي بعدما طفاتو ودخلات لدوش حلات الرشاشة على راسها وخلات الماء مهود عليها وسط افكار تديها وتجيبها نشفاات شعرها وحالتها ولبسات حوايجها...ونزلات وسط صدمة مجدولين:
_فين غادية؟؟
يسرا:(شافت فيها وخرجات ...ركبات فطاكسي لي طلبات حيت مبغات حد يعرف بشي لي غادي دير...توجهات لمصحة نسائية ودخلات لغرفة لي كانت كتسناها فيها الطبيبة...
_لالة يسرا متاكدة؟؟
يسرا:بداي خدمتك....
_واخا بدلي حوايجك وتكاي هنا بينما نوجد ليك لبنج لعملية غادي تشد ساعتين بلكتير
يسرا:(هزات راسها بالإيجاب وخرجات تبدل حوايجها)
فهد:(بدا يدور بشوية وحاسب خطواتو ...هاز يديه لفوق وكيتسنى لحضة لي غادي يجبد منها السلاح حيت حس بيها كترعد وهادشي كيدل على خوفها واخا كتحاول تبين لعكس...دار نص دورة وعينيه مراقبينها فلحضة خطف منها السلاح وجبدها لعندو حاط سلاح على راسها ويدو على عنقها...
فهد:هه واخيرا طحتو بين ايديا...
ريبيكا:(خرجات موس صغير ولكين ماضي من كم تريكو لي لابسة..وضرباتو فكرشو حتى تقصح...ورخاها...جواهر عطاتها لغوات وحاطة يديها على ودنيها...وكتشوف فالدم الخارج من كرشو..وتزيد تغوت حتى دخل عليهم جون هاز سلاحو وبدات المواجهة...خصوصا ملي جر جون جواهر عندو وفهد جر ريبيكا عندو حاط سلاح على راسها وجون نفس الشي...اما علي فمزال مغيب الدم خارج من نيفو وفمو ووجهو ولا زرق.....
جون:عدبيتنا معاك افهد...
فهد:هههه عادي جا الوقت فاش نتلاقاو ولكين للاسف مبقالكم والو فهاد الدنيا
جون؛تقدر تسخى بيها زعمة.؟
جواهر:(كتشوف فيه كتنتاضر جوابو)
فهد:(شاف فيها بغضب ونطق)مبقاتش كتهمني...
جون:متاكد(حاط صبعو على الزناد ديال السلاح بحال الى كان غادي يقتلها)
فهد:(تزير عليه الحال...مقادرش يشوفها فهاد الوضع...معرفش شنو يدير..خايف لاياذيها بشي لي كيدور فراسو...رخا ريبيكا وبدا يحط يدو لي فيها السلاح بشوية كيتمنى ميخطاش فلهدف ...
جون:ههه برافو ستسلمتي دغية....
فهد:(بدا يهبط يدو بشوية غمض عينيه ورجع حلهم شاف فجون وضرب قرطاسة بسرعة فراسو حتى جابو طايح وريبيكا كتشوف رجليها مبقاوش هازينها..توجه لعندها وجرها من شعرها ربطها فوق لكرسي لي كانت جالسة فوقو جواهر...وخلاها كتغوت ...حط تيلي على ودنو وطلب من رجالو يجو باش يتكفلو بيها حيت غادي تسرسب عليهم كلشي....جواهر كانت مصدومة بشكل كلي شافت فيه وعينها بداو يتسدو هاد النهار كان طويل بالنسبة ليها...قرب منها حيت حس بيها غادي تفقد الوعي وهزها بين ايديه سخفانة حطها فلوطو وطار بيها للقصر.
**************
طبيبة:لالة يسرا..كضرك شي حاجة؟
يسرا:شوية ديال لمغص ولكين مزيان
طبيبة:هادي حاجة طبيعة بعد لكورطاج...لبنج مبقاش فيك تقدري تمشي الى بغيتي غير هو بعدي على حاجة حامضة هاد نهارين
يسرا:واخا شكرا...(هزات صاكها بعدما لبسات حوايجها وخرجات كتعوج يمين وشمال وحاطة يديها على كرشها...شدات طاكسي ودموعها على خدها....وصلات للقصر دخلات من الباب الخلفي مبغاش تتصادف مع مجدولين حيت عارفة غادي تدخل معها فسين وجيم....شدات الاسونسر الخلفي وتوجهات لغرفتها..طاحت على فراشها وخلات دموعها شادين راحتهم على خدها...مكانتش تتصور بلي يدير فيها هكا ...والاهم من هادشي كلو مكانتش متوقعة غادي تفرط فطرف منها بهاد السهولة.)
الساحرة و عالم المشاهير الجزء 14
محتوى القصة
التنقل بين الأجزاء