الساحرة و عالم المشاهير الجزء السابع

من تأليف ساريتا
2018

محتوى القصة

رواية الساحرة وعالم المشاهير

(كانت جالسة فصالة الرئيسية للقصر داير رجل فوق رجل وحاطة قدامها مجموعة مكسرات ...مركزة مع التلفازة لي قدامها وكتشوف تقارير عن العرض الافتتاحي للشركة ديالهم....لمحات عينها جواهر لي كانت عروس الحفل بامتياز عجباتها مشيتها ابتسامتها حركاتها وحتى لاطاي ديالها المنحوت...بقات ساهية فيها وفكمية القبول لي عندها.....
بسرا:اه. ماما نتي هنا....
مجدولين:(مركزة مع جواهر ومنتبهاتش لبنتها)
يسرا:ماما...ماما
مجدولين:(واخيرا نتابهت بلي يسرا كتهضر معاها.)حبيبة مالكي؟؟
يسرا:نتي لي مالكي اماما ...من قبيلا وانا جالسة هنا كاع معقتي بيا
مجدولين:كنت ساهية فتلفازة...العارضة لي كانت لابسة لحمر...عندها جمال خاص(ورجعات شافت فيها)
يسرا:وي كلشي كيهضر عليها فلحفلة وسمعت بلي فهد اختارها تمتل الشركة ديالنا فباريس
مجدولين:امم الحقيقة هاد الوجه مخاصناش نضيعوه .زينها مسرار....بزااف
يسرا:خلينا منها..شنو درتي مع ليالي؟؟
مجدولين:والو بان ليا مغاديش تنفعنا بوالو... دونك ساليت كلشي معاها
يسرا:ايوة نتي تعرفي اماما..يلاه تصبحي بخير..
مجدولين:غدا فيقي بكري شوية ..غادي يجيك شيفورك جديد ..وانا غادي نمشي لشركة 
يسرا:وعلاش؟؟؟
مجدولين :شحال هادي ممشيت....بغيت نشوف خدمة ولادي
يسرا:اوكي بون نوي(طلعات لبيتها تنعس وخلات مجدولين مقابلة جواهر)
**********(نرجعو الابطال ديالنا)
جواهر:(هزيت بوشيط ديالي وتبعت جو....كان جالس بطريقتو الملكية المعروفة حاط رجل فوق رجل...وهاز كاسو بين ايديه...طلع فيا عينيه ورمالي شي شوفات حسيت بيهم بحال شي قرطاسات..مشيت حدا جو وجلست)
الشخص:(.الدري لي جالس معاهم)مرحبا(مد يدو)
فهد:(شاف فيه حتى حط يدو مسيكين مفهم والو وجواهر كتر منو.)
جو:حبي شنو تشربي
جواهر:كوكتيل(عطا اشارة بيدو لدري ومشا يجيب طلب ديالها)
فهد:(طلع فيها عينيه....كانت جالسة مع جو..مجمعة معاه وكضحك ومرة مرة كترد شعرها بيدها ...وتجمع حويجباتها وترجع تفردهم ملي يضحكها جو.....شاف فيها ونطق)جواهر......
جواهر:(حسيت بشوكة دقت قلبي...ولكين كان شعور زوين ...يمكن حيت اول مرة ينطق سميتي اولا يمكن متعودتش عليه يعيط ليا بيه....كان صوتو ممزوج بحنية وغضب تعيا تحاول تشرح وتفسر الطريقة لي هضر بيها مغادي تفهم والو....شفت فيه ونتاضرتو شنو غادي يقول)

فهد:قربي هنا(دار اشارة بيدو تجلس حداه)
جواهر:(ناضت من حدا جو وقربات لعندو.....طلعات عويناتها فيه كتسناه شغادي يقول)
فهد:(شاف فيها وبقا مدة عاد نطق)احم اليوم فاجتماع الشركة اخترناك تكوني العارضة لي غادي تمشي لاسبوع الموضة فباريس
جواهر:(فتحت عينيها على جهدهم ممصدقاش الشي لي كيقول)ك...كتهضر بصح؟؟
فهد:بنت ليك كنتفلا!!
جواهر:ههههه لا حشا..اممم..شكرا شكرااات بزاااف مغاديش نخيب ضنكم شكرااااااا
فهد:(بقا شحال كيشوف فيها ...حركات وجها العفوية والفرحة لي مرسومة فعينيها ....ورميشات عينيها لي كيطلعو..ويهبطو ..وحركة فمها لي كتعض عليه ..كانت كافية باش تخليك ساهي فيها وسرحان فكل شبر من وجها ...كان متاكدمن حاجة وحدة...انو جواهر عندها حاجة غريبة كتخليه منجاذب ليها ...وتخليه ينسى راسو ويسرح فيها...وهاد الشئ اول مرة كيوقع ليه مع شي وحدة.)
فهد؛احم..هاديك صاحبتك؟؟
جواهر:اه مريم!!)
فهد:كتبان فريفرة مع راسها..
جواهر:هههه لا غير كيبان ليك.
فهد:غادي تبعدي منها!!!
جواهر:شنوووووو.....مفهمتش!!
فهد:(دار عندها)شنو لي مفهمتي نضن كلامي واضح.
جواهر:نو سمحلي انا مكنفهش بزربة...خاص الواحد يشرررررح(ورجعت جمعت حويجباتها)
فهد:(سرح فيها من جديد...وفحركات عينيها الغاضبة...دار قدامو ورجع نطق)متنسايش بلي نتي دابا عارضة اساسية قالشركة ديالنا..وماشي غير هكا..ملي غادي تمشي لباريس غادي تفتح ليك ابواب الشهرة من كل قنت..لدلك هاد البنت متليقش .تكون معاك...واصلا(دار عندها)اول مرة نشوف وحدة كترافق حد اقل منها مستوا زعمة راك بنت اكبر مستثمر....علاش ميكونو الناس لي معاك من نفس طبقتك.؟؟
جواهر:احم..ه...هاد شي كيرجع ليا ...انا لي نختار صحابتي براسي وهادشي مكيعني اي حد..(جات نايضةمن بلاصتها حتى حست بيه شدها من دراعها....درات عندو)
فهد:جلسي.حسن ليك(كارز على سنانو)
جواهر:(جلست على سعدي ووعدي حداه...جمعت ايديا لعندي وسكت بقيت غير كندور عينيا فلبشار لي قدامي....حتى سمعتو من جديد)
فهد:شنو تاكلي!!!
جواهر:(درت بوجهي كلو عندو...مزال ممستوعباش شي لي كنسمع ...تعيا تحاول تفهم هاد الإنسان ...ومتقدرش.)نو شكرا مجيعاناش.
فهد:(دار اشارة بيدو لكارد جا لعندو)قول ليهم يوجدو شي عشاء سريع...(دار عندها)تاكلي بيتزا🍕🍕
جواهر:(بقيت غير كنرمش...حركت راسي بالإيجاب...وبقيت حالا فمي فيه.)

جواهر:(دازت ليلة غريبة ...فهد متقدرش تفهم شخصيتو انسان غامض لأقصى حدود..مرة تحس بيه حنين مرة تحس بيه قاصي...كيتقلب فثواني...كملت السهرة معاهم واخا تقدرو تقولو الوقت كلو كنت غير مجمعة مع جو ومنوضينها بالضحك..فهد مرة مرة كنطلع عيني فيه كنلقاه سارح فيا..مدرت فبالي والو...سالينا سهرتنا..وجريت مريم لي مكانش باغية تسخى بنت الهم...وصلنا جو لفيلا ودخلنا مهلوكات كلها دخلات لبيتها طايحة دودة🐛🐛.)
*********(صباح جديد☀☀...مليئ بالاحداث على شخصيات قصتنا...)
(بدات تحل عويناتها وتجبد رجليها على فراشها الحريري..ضغطات على واحد ريموت كان حدا راسها ..ضغطات على زر وتحلو الستائر على طول الغرفة لي كانت مضلمة..وبدات أشعة الشمس كترمي اشعتها على طول الغرفة...جرات بينوارها ودخلت الدوش لي كان موجد ليها..بعد مشدات دوش..صيبات شعرها..ولبسات حوايجها ولي كانت عبارة عن سروال سليم بيض وقاميجة صون كول شيبية دارت مكياج يومي وهزات صاك ديالها لي كان فنفس لون لقاميجة وصبيبيط طالون ....نزلات تفطر مع ماماها لي كانت حتى هي مقادة الحالة وجالسة تفطر:
يسرا:صباح الخير
مجدولين:صباح النور
يسرا؛(جرات كرسي وقعدة تفطر)علي وفهد مبانوش ليا؟؟
مجدولين؛علي مباتش هنا البارح...وفهد خرج يدير سبور
يسرا:اممم مزيان..
مجدولين:غادي تمشي لفاك !!
يسرا:اه..مبقا والو لامتحانات خاصني نديها فقرايتي شوية 
الخدامة:لالة يسرا...الشيفور الجديد وصل
يسرا؛اوكي(مسحات فمها بفولار وهزات صاكها وتيلي ديالها وخرجات..دارت نضاضرها وتوجهت لوطو ديالها لي كانت من نوع رانج فلابيض...كانت غادية وكتبقشش فتيلي حل ليها الباب الخلفي وركبات...قاد لمرايا الامامية وشاف فيها:
شيفور:ممكن تقولي ليا فين الوجهة ديالك؟:؟
يسرا:(هزات عينها فيه وتبلوكات من جمال المنضر لي قدامها..كانت متوقعة شي شيفور كبير فالعمر ومشيب ..طلع العكس تماما..كان شاب صغير..ملامح زوينة وعضلاتو بارزة بشكل واضح.)ش...شنووو؟؟؟
الشيفور:الوجهة ديالك امدام!
يسرا:انسة الله يحفضك
الشيفور:هه ديزولي...
يسرا؛(مدات ليه يدها )انا يسرا
هو:(ضار عندها وتبسم)انا زيد
يسرا:(بقات شحال شادة فيدو..حتى عاقت براسها جبدات يدها لعندها..وقادت قعدتها)الجامعة العالمية ...
سفيان:(شافها فلمرايا وجها تزنق وحنيكاتها حمر... تبسم وتوجه للجامعة.)

جواهر:مريم وطلقينا راه تعطلت(واقفة حدا الباب كتسنى فمريم تجي)
مريم:وهاني الخرا..مالكي كتغوتي(جرا باليزتها وكتنقر)
جواهر:زيدي تحركي..ساعة كتصايبي شعرك راه غادية غير لداركم ازبل
مريم:ينعنبوك علاه بغيتيهم يشوفو شعري مشعكك وانا باركة على البنات بلي مشيت عندك لفيلا والخدم والحشم ضايرين بيا
جواهر:زيدي زيدي اهاد المصيبة(ركبو لوطو..وجواهر غير كتشوف ساعة حيت تعطلات...وصلها شيفور حدا الشركة باست مريم ونزلات)متغبريش لويك اند بقا اجي لعندي

مريم:اوكي حبي بيناتنا اتصال 
جواهر:باي(مشات مريم...ودخلت انا لشركة... توجهت لطابق لتحت فين غادي يكون عندي جلسة تصوير...لقيت جو كيوجد ليا كسيوة لي غادي نلبس ..بدلت حوايجي ولبست كسيوة كتلمع ووقفت قدام الكاميرا كضرب ليا صور حيت غادي يتم ارسالهم لمنضمين لاسبوع الموضة فباريس..بعد نصف ساعة من تصوير اخترنا الصور لي لايقة..ورسلانهم فايميل للشركة المنضمة.)
جو:هي هي على زيونات غادي يتشهر فباريس
جواهر:(باستو فحنكو)زين ديالي ياك غادي تمشي معايا؟؟
جو:وهاد الهايشات لمن غادي نخليهم(كيقصد العارضات)
جواهر:اوووف اجو غادي نمشي بوحدي مكنعرف حد تماك عافاااك يلاه معايا ...
جو:مغاديش تمشي بوحدك احبي(كيتبسم)
جواهر:بصاااااح..غادي تمشي معايا ياك!!
جو؛(ضربها لراسها ضربة خفيفة)بعد المرات كتباني ليا دكية ومرات اخرى كتكوني مكلخة...ماشي انا لي غادي نمشي معاك. احبي
جواهر:وشكون؟؟؟
جو:مسيو فهد...(قرب عندها وبدا يهضر بشوية.)هادي هي فرصتك ازغبية تنفاردي بيه وطيحيه..راه بان ليا البارح غير مقابلك ونضارتو ليك كتحمل بزاااف ديال لمعاني كوني دكية وعرفيليه ..
جواهر:(غير فاتحة عينيا وكنسمع ليه....مزال مقدراش نستوعب شي لي كيقول)وعلاش سي فهد غادي يمشي معايا؟؟
جو:فهد عندو خدمة تماك الناس لي منضمين هاد الاسبوع غادي يسنو على واحد العقد مع الشركة ديالنا وضروري واحد من المدراء يوقع معاهم العقد وفنفس الوقت يحضر للعروض لي غادي تكون هاداك الاسبوع كبروتوكول وصافي... فهمتي
جواهر:اممم وعلاش مسيو فهد بالضبط هو لي غادي يمشي علاش ميمشي سي علي؟؟
جو:جواهر غبري غبري من قدامي حسن منصور 40 لي كنلبس فوجهك
جواهر؛تفو مبقا حد يسول.. هانا غادية...
جو:سيري رتاحي وجمعي حوايجك راك مسافرة غدا.
جواهر:اوكي(جات تمشي ورجعات عنقاتو ومشات)غادي نتوحشك اساط
جو:وغبري غبري انا بعدا غادي نرتاح منك
جواهر:عارفة عارفة(لوحات ليه بيدها وركبات فلوطو ديالها فاتجاه الفيلا.)

يسرا:(شادا ستيلو بين ايديها وكتلعب بيه.... جسدها حاضر وعقلها مغيب بشكل كلي...معرفاش لاش باغية غير امتى تشوفو كتفكر فيه وفشكلو الرجولي ...تبسمات بلا شعور...مفيقها من سرحانها غير صوت الجرس لي كيعلن عن انتهاء الحصة..جمعات اوراقها ولكور ديالها بزربة ..وخرجات ..وصلات عند باب لافاك ..شافتو حاط راسو على الكرسي ومغمض عينيه...قربات عندو وبقات شحال كتشوف فيه...عاد نطقات)كتبان عيان؟؟
زيد:(فتح عينيه..وحل لباب)ديزولي مدموزيل...(حل ليها الباب الخلفي..بقات شحال عاد طلعات...ركب لقدام وساق لوطو وهي غير مقابلاه)
يسرا:احمم متدينيش للقصر دابا؟؟
زيد:فين بغيتي تمشي؟؟
يسرا؛كافي (نرجس)لي فطريق لبحر.
زيد:اوكي(نطالق بلوطو للوجهة المعلومة ..عينيها كانت عليه طول طريق..وقف قدام لكافي لمذكور..حل ليها الباب ووقف يتسناه تنزل.. خرجات رجليها من لوطو وعينيها عليه..اول مرة كيوقع ليها هادشي..سهات فيه حتى كانت غادي تجي على وجها لولا يديه لي جمعها بيهم بسرعة البرق...بدات ترمش بعويناتها ومركز معاه وقلبها كيضرب بزربة..رخا منها وهي مزال مخربقة...شدات فراسها ..وشافت فيه)
يسرا:شكرا...
زيد:(تبسم )
يسرا:(جات ماشية ورجعت)ا..تقدر تشرب معايا قهوة؟؟
زيد: (ستغرب منها )ا.بلا منديرونجيك ..
يسرا:نو بلعكس..
زيد:اوكي تفضلي(دخلو لكافي وشدو طبلة مقابلة مع البحر .عطاو طلبيتهم لسيرفور ..وبقاو ساكتين..حتى نطقات يسرا)
يسرا:شحال ونتا خدام هاد الخدمة؟؟
زيد:اول سنة ليا
يسرا:الحقيقة تليق معاك تكون بوكسور(كطلع وتهبط فيه)
زيد:هههه حاليا انا مدرب رياضي 
يسرا :بصح..فين كدرب؟؟
زيد:لاصال لي فشارع الرئيسي
يسرا:اه وي عرفتو..امم فالحقيقة شحال هادي بغيت نتعلم لبوكس..ممكن نتسجل عندكم وتكون المدرب ديالي
زيد: (تبسم)اوكي مرحبا(بقاو جالسين كيهضرو وعينين يسرا غير تابعين حركاتو وطريقة كلامو..)

جواهر:ماما بلاه نزلي نتعشاو
ماما:هانا جايية احبيبة
جواهر:(شدات تيلي ديالها كتبقشش فيه ..كتسنى ماماه تنزل باش يتعشاو)
ماما:حبيبة ....
جواهر:واخيرااااا اماما..عرفتي قاتلني جوع(بدينا ناكلو حتى نطقات ماما)
ماما:عمتك غادي تجي لعندنا!!
جواهر:وعلاش؟؟؟
ماما:اويلي ابنتي شهاد الهضرة هاديك راه عمتك عادي الى جات عندنا وجلسات شي ايامات
جواهر:هاديك خيتي انا لي نعرفها اماما ...يصحلبليك جايا هكاك ..اكيد كتخطط لشي حاجة
ماما:متقوليش هكا ابنتي...هي جايا بنيةصافية غادي تقعد معانا شي ايامات وترجع فحالها
جواهر:سبحان الله شهاد الحب لي نزل عليها حتى ولات غادي تزورنا وتقعد معانا....وهي من النهار لي مات بابا عمرنا شناها ولاسمعنا صوتها ..عمرها عاونتنا بدرهم كتجمع لفلوس تحت ز** وشيفا حالتنا كيدايرة.....ودابا قاليك جايا لعندنا
ماما:ابنتي الله يهديك
جواهر:(ناضت من بلاصتها)تصبحي بخير(توجهات لغرفتها حلات البالكون كتشم لهوى...بالها وتفكيرها فهاد العمة لي غادي تجي لعندهم ...حيت عارفة ومتاكدة بلي هاديك السيدة كتخطط لشي حاجة..دخلات لبيتها ورمات راسها على لفراش كتحاول تنعس حيت غدا عندها سفرية بكري.)
************
(مع ساعات الاولى للصباح🌇🌇 فاقت جواهر كتوجد راسها...لبسات حوايجها لي كانت عبارة عن سروال سليم كحل دارت معاه تيشورت بيض ودارت من فوقو مونطو كحل وشال على عنقها حيت هاد الوقت كتكون باريس باردة بزاااف...جرات باليزتها ونزلات لتحت...فطرات مع ماماها ..وتودعات معاها..ركبات لوطو فاتجاه المطار...وصلات المطار كتجر باليزتها.وتوجهات للداخل لاكمال الإجراءات اللازمة....بعد ساعات من الانتضار توجهات للطائرة وقعدات فبلاصتها..انطلقات الطائرة باتجاه باريس.....بعد ساعات فلجو...وقفات الطائرة بمطار باريس الدولي🛩🛩..نزلات جواهر كتجر باليزتها وتغطي راسها بلمونطو من شدة البرد..دخلات للمطار...كدور عينيها معرفاش منينين تدخل ومنين تخرج..شافت سميتها مكتوبة فواحد لوحة بيضاء هازها واحد خينا لابس كوستيم فلكحل...مشات لعندو 
جواهر:(الحديت بالفرنسية)خويا انا هي جواهر
هو:اه ..مرحبا..الحمد لله على سلامتك
جواهر:شكرا
هو:انا رسلني ليك مسيو فهد ..تفضلي
حواهر:(حلات عينيها فيه)مسيو فهد؟؟
هو:وي انا شيفور ديالك رسلني مسيو فهد نوصلك للاوطيل فين غادي تترتاحي...
جواهر:واخا تفضل(مشيت معا الشيفور لوطو...بغيت غير امتى نوصل لاوطيل حاسة بالارهاق والتعب ...بعد دقائق وصلنا لاوطيل..طلعت راسي نستكشف المكان..كيبان ليا لاوطيل (خمس نجوم)...دخل معايا الشيفور هضر مع ريسيبسيون. عطاوني مفتاح غرفتي لي كان رقمها 100 طلعت لاسونسير..والعامل تابعني بلباليزا....وصلت لغرفة رميت حوايجي ودخلت نيشان لطواليط قضيت خاجتي ودخلت تحت رشاشة ...نشفت راسي لبست واحد لكسيوة ديال النعاس صميطات وترميت فوق فراشي نعست🙀...بعد ساعات طويلة من النوم فيقني صوت شي حد كيدق فلباب نضت مغمضة عينيا وشعري طايح على وجهي ..بقيت كنتمايل يمين وشمال حتى وصلت لباب حليت..وبقيت مغمضة عينيا...واخيرا عقت براسي ورديت شعري بيدي وطلعت وجهي نشوف شكون....خرجت عينيا فيه وجمدت فمكاني )

جواهر:(بقيت جامدة كنشوف فيه..شتو كيطلع فيا ويهبط..عاد سرات معايا شنو لابسة..تخبيت ورا الباب..وحشمت نرجع نشوف فيه)
فهد:بعد نصف ساعة نلقاك لتحت متعطليش
جواهر:واخا. (حسيت بيه مشا..سديت الباب ودخلت كنشد نفس حسيت بقلبي غادي يسكت..ونفس مقطوع ليا...علاش كيوقع ليا هكا..شنو كيطرا ليا ملي كنشوفو...ياربي ميكونش لي فبالي صحيح...ياربي يكون غير تهيؤات اكيد لي كنفكر فيه ماشي صحيح...دخلت لبيت جبدت باليزتي وبديت نقلب على حاجة نلبسها لبست سروال دجينز درت معاه تريكو ديال صوف وفوقو مونطو لبست صباط طالون طالع شوية وهزيت صاكي ...خليت شعري مطلوق وشوية مكياج وخرجت..نزلت لتحت كنقلب عليه بعينيا شتو واقف كيهضر فتيلي قربت عندو وستنيتو يسالي مكالمة ديالو...ضار عندي شافني حانية راسي وكنلعب برجليا .تبسم وقطع تيلي..قرب لعندي..طلعت وجهي فيه..وبقيت شحال كتشوف فيه... حسيت بقلبي بدا يضرب من جديد)ا..ا..انا واجدة
فهد:(طلع فيها وهبط وتبسم كيتفكر شكلها كيف كان)
جواهر:(عرفاتو فاش كيفكر وتعصبات)مسيو فهد....انا واجدة
فهد:سمعناك..
جواهر:شنو بغيتيني؟؟
فهد:(شير بيدو تتقدم)غادي نخرجو.
جواهر:نخرجو!!اناوانت:؟؟
فهد:(كيشوف فيها باستغراب)كاين شي حد من غيرنا هنا؟؟
جواهر:وليكن....
فهد:ميمشيش بالك بعيد ..حاجة تخص الخدمة .(مد يدو من جديد)تفضلي
جواهر:(حركات راسها بالإيجاب..وتقدمات)اوكي...(ركبت فلوطو بعد محل ليهم الشيفور الباب...حطات يديها فوق صاكها وبقات شحال ساكتة...وقفات لوطو قدام مجموعة مطاعم راقية ديال حزقة لاروب.....حل ليهم الشيفور الباب ونزلو...فهد كان ماشي لقدام وهي وراه ستقبلو مدير المطعم وتوجه قدامهم ...طلعو لطابق الفوق لي كان خاوي وفيه واحد الميدة موجدة ..وفرقة موسيقية فلقنت كتعزف انغام كلاسيكية...توجهو للطبلة لي كانت مطلة على المدينة والبحر كيبان وراهم .....
فهد:شنو تاكلي؟؟
جواهر:(شدات منيو كتحاول تفهم داك التخربيق لي مكتوب..طاحت عينها على اسم شوربة)ا...شوربة «كازباتشو»(شوربة اسبانية)..وستيك مشوي..
سيرفور:اوكي مدام
جواهر :مدموزيل الله يخليك(خرجات فيه عينيها)
سيرفور:ديزولي...انتا امسيو شنو تحب تاكل؟؟
فهد:(كيشوف فيها ويتبسم)بحال ديما..
سيرفور:اوكي
فهد:كنتي غادي تقتليه...
جواهر:علاش مكيعرفش يفرق بين لمدام ولمادموزيل!!!
فهد:شنو عرفو هو...كان كيصحبنا مزوجين(قالها بلعاني بغا يشوف ردة فعلها)
جواهر:(وحل ليها لماء لي كانت كتشرب منو)كح كح كح...
فهد:(تبسم)اوبس ديزولي مكنتش عارف هاد الكلمة غادي ديري فيك هاد الحالة كلها
جواهر:(ستجمعات نفسها)نو عادي موقع والو
فهد:امم..غدا عندك تدريب مع العارضات قبل العرض غادي يجيك الشيفور يوصلك لمكان التدريب)
جواهر:اوكي..

(الوجهة الى ألمانيا)
جون:غدا غادي تسافري لمغريب
ايلينا:كي ندير حتى نوصل ليه؟؟
جون:راه قلنا ليك كيديري..الأساس عندي هو تنقلي ليه المرض ونقسم بالله وديري شي حركة عكسية والله منخلي روح فطاسلة ديلمك...
ايلينا:هئ هئ غادي ندير لي قلت ليا غير خليهم عليك
جون:نوضي دابا تلاحي الكليان كيتسناك وعنداك متخدمي معاه مزيان ديري لي بغا مغاديش نبدا نعلمك..يلاه نوضي تقو**من قدامي
ايلينا:واخا هئ ئ( مشات كتعوج يمين وشمال دموعها نازلين على خدها والمرض كيزيد يضعفها...معندها مخرج هكا ختارت حياتها وهكا غادي تعيش حتى تموت ...كتحصد شي لي زرعاتو وهادشي كان عليها تعرفو شحال هادي.)
•****
جواهر:(كتمسح فمها..دارت لجهة لبحر واضواء لمدينة لي باينين من بعيد...غمضات عينيها وخلات ودنيها كيسمعو الموسيقى لي كتعزف حداه ..وبدات تشم عليل الهواء النقي..واخا كيقرصها البرد فوجها ولكين كانت عايشة اللحضة.)
فهد:(كيجغم من مشروبو المعروف وساهي فيها وفحركات وجها ...عويناتها لمغمضين...شعرها لي كيطيرو البرد بشوية. ابتسامة وجهها الخفيفة ...هادشي كلو كان كافي يخليه يدوب فيها ويتمنى يطير عليها يدخلها فصدرو ويشم ريحتها....بدات جواهر تدخل لعقلو وفكرو..بدات تسيطر عليه وعلى بالو ...بدات تشغلو وتخليه يتمنى يشوفها فكل لحضة.وثانية...نطق بصوت ممزوج ببحة خفيفة.)نمشو..
جواهر:(حلات عويناتها ملي سمعت صوتو...ضارت عندو بشوية وشافت نضراتو ليها رجع قلبها من جديد كيدق...حسات بسخونية طالعة معاها..على الرغم من برودة الجو كانت كتحس بالعكس...هزات راسها بالإيجاب..وتوجهولسيارة...ركبت لور وحلات الشرجم ..خلات البرد يطير لها شعرها .خرجات يدها من لوطو ...كتراقب بعينها الناس لي غادية وجاية..دخلات راسها.وشافتو ساهي فيها...)سمحلي
فهد:(تبسم لها....وصلها لاوطيل وتسناه حتى دخلات ومشا)
جواهر:(دخلات راسمة بسمة على وجها ...عجبها هاد النهار لي دوزاتو معاه...كانت طريقتو معاها هاد المرة غير المرات لي فاتو...توجهات لغرفتها بدلات حوايجها وطاحت على فراشها كتحاول تنعس..كان كل تفكيرها فليلة لي دازت فشكل حطات مخدة على وجها وحاولت تنعس.)

(اشرق صباح جديد على ابطالنا....☀☀ كانت واقفة على المرايا كتحط روج ...كانت لابسة كسيوة قصيرة فلكحل طالقة شعرها الذهبي...وريحة بارفانها كتشم من بعيد ...جاتها الخدامة.كدق)
يسرا:دخل
الخدامة:لالة لفطور واجد
يسرا:اوكي..اجي زيد جا؟:
الخدامة:شكون زيد الالة؟؟
يسرا:قصدي شيفور الجديد
الخدامة؛اه جا الالة كيتسناك لتحت.
يسرا:(تبسمت)اوكي تقدري تمشي(رجعات صايبة شعرها بيدها...هزات صاكها ونزلات لتحت)صباح الخير
مجدولين:صباح النور
علي:شهاد لبس لقصير... طلعي بدلي حوايجك
يسرا،:مقصيرش واصلا انا موالفة هكا
علي:يسرااااا طلعي بدلي(بحدة)
مجدولين:غير خليها عليك اولدي .صباح هادا...ونتي دوزي تفطري.
يسرا:غادي نفطر برا تعطلت..باي(خرجات كتعوج ولكسيوة كتمايل معاه..نص فخادها باينين..كان واقف على لوطو كيتسناها..شافها جايا بهاديك لكسيوة ..جمع غوباشتو ونزل عينيه..حل ليها الباب الخلفي و عينيه فلارض ...)
يسرا:صباح الخير(رجعات شعرها بيدها)
زيد:صباح نور تفضلي مدموزيل(مزال حاط عينيه فالأرض مشافش فيها.)
يسرا:(مفهماتش التصرف لي دار معاها..ركبات وبقات كدورها فراسها )
زيد:(طلع ومشا بلوطو باتجاه لافاك ..مهضرش معاها نهائيا)
يسرا:احم عندك شي مشكل
زيد:لا 
يسرا:ومالك هاكا؟؟مغوبش ومكتهضرش؟؟
زيد:والو
يسرا:(معجبهاش تعاملو معاها...وصلات لافاك..حل ليها لباب ومشافش فيها.)ا..عشية غادي نبدا عندكم التدريب
زيد:انشاء الله
يسرا:بسلامة دابا(مجوبهاش غير حاط عينه لأرض وساكت.دخلات لافاك وكل تفكيرها فاسلوبو هاد الصباح معاها.)

ماما:مرحبا والف مرحبا بيك
صفية:(كدور عينيها فلفيلا والخير لي زاد عليهم بهاد السرعة)ترحب بيك الجنة اختي
ماما:دخلي مرحبا(توجهو لصالة ..وجلسو كيتسالمو...جاتهم الخدامة هازا صينية فيها الحلوة واتاي.)
صفية:ايه الله يزيد ويبارك..وليتي بلفيلا والخدم...
ماما:ههههه ربي منساش دعائي ليل نهار
صفية:(حطات لكاس لي كانت هازا)قولي ليا اختي دابا بنتي ريم الى خدمة الخدمة لي كتخدم جواهر تقدر حتى هي توصل شي لي وصلات ليه بنتك؟؟
ماما:احم كلشي عند الله قريب..
صفية:امم عندك الصح...واخا توريني فين يمكن ليا نرتاح شوية.طريق هلكتني
ماما:اه..جومانة جومانة(الخدامة)
الخدامة:نعام الالة
ماما:دي صفية لبيتها ترتاح وشوفي شنو خاصها.
خدامة:واخا الالة..تفضلي!!
صفية:(مشات مع الخدامة كدور عينيها فكل قنت ..وكتشوف بمكر.فكل زاوية..مدخلاش راسها بلي جواهر وصلات لهنا بفضل عرض الازياء كاينة شي حاجة كتر من هكا....وهادشي لي غادي تقلب وتنبش عليه حتى تعرفو)
************
(فاقت على صوت ريفااااي فتيلي ديالها...طفاتو بصبعها..وناضت من فراشها..قضات حاجتها وشدات دوش خفيف..صايبات شعرها وجبدات الحوايج لي غادي تلبس..ختارت سروال سليم بيض ودارت معاه بلوزة بين لونين.وحطات عليها مونطو.وصبيبيط.دارت مكياج خفيف وهزات صاكها...خرجات برا لاوطيل.كتسنى شيفور يجي..كان لبرد كيرمي بخصلات شعرها يمين وشمال ..واخيرا وقفات لوطو سوداء من نوع «شيفروليه»..خرج منها شيفور كيجري ويعتذر على التعطيلة...حل ليها الباب الخلفي.وركبات فاتجاه مكان التدريب لي غادي يكون فيه العروض طيلة اسبوع....حلات شوية الشرجم وبدات دور عينيها فمدينة العشاق لي شحال هادي كتحلم تجي ليها. بان ليها برج ايفيل وحدائقو المعروفة ...دازو من حدا قصر «باليه رويال»لي كان كيبين عراقة المدينة والفترة الزمنية لقديمة لي بنيت فيها هاد المعالم....بقات سارحة فجمال المعالم والأمكنة والشيفور كيجاوبها على اسئلتها ملي يدورز قدام اي بلاصة...حتى سمعت صوت تيلي ديالها:
جواهر:(كان رقم من فرنسا ولكين ممسجلش عندي)الو..
فهد:صباح الخير
جواهر:(جمدو جميع حواسها حسات برعشة وخفقان على مستوى القلب...كان صوتو الرجولي مبحوح..نطقت بصوت خافت)صباح النور
فهد:احم..باينة فيك نعاسة..حتى لدابا عاد فقتي؟؟
جواهر:اممم..غير مع تعب وصافي
فهد:مهم فاش تسالي التدريب تسنايني حتى نجي؟؟
جواهر:مف. مفهمتش؟؟
فهد:(تبسم)نضن كلامي واضح تسالي تدريب ديالك متمشيش لاوطيل تسنايني حتى نجي
جواهر:ا..اوكي
فهد؛بون شونس(قطع)
جواهر:(تبسمت بلا شعور..وليت كنفرح ملي نسمع صوتو اولا ملي نعرف بلي غادي نشوفو وهادشي معرفاش باش نفسروّ)

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.