حبيبي مافيوزي الجزء 27

من تأليف Ghazal trust
2018

محتوى القصة



رواية حبيبي مفيوزي الفصل الثاني كامل

خرج نضال وجلس فالجردة على برا كيقلب فالبيسي حتى وقف عليه صابر صابر: اصبحان الله؟؟؟ 4 هادي دالصباح ونتا مزال فايق شاد هاد الحبس ...الخدمة حتى فالربعة د الصباح؟ نضال: (مركز فالبيسي.) لا ...كنقلب على شي تفسير لواحد الحلمة حلماتها مروى قبيلة. صابر: (جلس حداه) ماهي هاد الحلمة؟ نضال: ونتا شنو اللي جايبك عندي فهاد الوقت؟ صابر: اففففف... طار ليا النعاس وقلت نسرح رجلي شوية فهاد الصباح ...ونتا تبان ليا !...(كيشوف معاه فالبيسي) ههه طوشيبا !!! ماتقولش ليا باقي حي هاد البيسي!!! نضال: ماكنهزوش ...ديما محطوط ...مرة مرة كاتهزو مروى تلعب فيه ولا عهد و وعد صابر: بففف هههه شحال ماشفت هاد الطوشيبا فيدك!! من يامات الليسي! نضال: (كيقلب فيه ويهضر) راه ديما محطوط حتى غمل ...فيه شي تصور ...كل مرة كنقول نخويه ونجمع تصاور فشي يوسبي و ماكنساليش ، خليتو للدراري كيلعبو فيه تا لمن بعد ونخوي داكشي اللي فيه ونجيب لمروى شي آبل دوز فيه الوقت صابر: (كيقرى داكشي اللي مكتوب) الخاتم ...هم!!!...شنو هادا؟ نضال: افففف...ماع التفسير كيقول نفسىظ الشيء الخاتم مهرس ولا تالف فالمنامة كيدل على الحزن و المرض ..خراااااا...شهاد السبيييد على الصباح (زدح البيسي سدو) صابر: كالما ...كالما...واش حتى منامة غتعصب عليها ولا كيفاش ، راه مفسرين مكلخين هما اللي كايقولو هادشي ، وغالبا ماشي بصح نضال: (كيشعل كارو معصب) روناااتني انا.....(غادي جاي) مرضاتني مروى اصاحبي!!! كاتفيق كتبكي ... (ساخط) صابر: دخل ليها فمخها تا هيا باش تهنى نضال: ماكرهتش صابر: هههههه طلع تنعس طلع...راه غير حلمة نضال: غير حلمة اه...ولاكن كل لليلة نفيقها كتبكي لااا...لاااا صابر: مهم بغيت نقوليك ....كلارا راه ولات على حسابي نضال: (شاف فيه مطلع حاجبو ) we will see (دابا نشوفو) صابر: انا راجع لباريس...الخدمة تنادي. نضال: غدا راجع لنيويورك مع الطبقة، دونك غاندي معايا تا كلارا تاهيا صابر: انا غنمشي نبوانتي ونرجع عندكم لنيويورك ... نضال: هوا هادا... تهلا العشير. هز البيسي وطلع لبيت عند مروى نعس حداها و صابر رجع عند كلارا تا هوا نعس حداها

فقت الصباح لقيت راسي ناعسة على صدرو ورجلي بين رجليه وهوا ناعس على ضهرو ومغمض عينيه ، بستو فحنكو بوسة خفيفة وهوا يعنقني وباسني فعنقي بوسة حارة وبديت كنضحك ، نضت وخليتو فالفراش ودخلت ندوش و لسوء الحظ ان الباب ديال الدوش مفروع ماكيتسدش ، حيت فرعو هوا ، تا درت الصابون وهوا يدخل عليا عصرني تما بالبوسان ماتفكيت تا بغيت نموت ، غسلت وخليتو هوا فالدوش وخرجت لبست حوايجي ، شورط قصير دجين والصدفة ديالو محلولة ، مكنسدهاش حيت كتزير ليا على كرشي، تيشور كحلة مايلة من الكتف وواسعة شوية، طلقت شعري سامبل، مكياج خفيف وصنيديلة كحلة بلا وشفت راسي فالمرايا جيت فنة وكريشة صغييورة عندي جات مع اللبيسة، بقيت واقفة كنتعوج وانا نتفكر كراميل، ضربتها بجرية كنطييير لبيتو وحليت الباب لقيتو ناعس فالفراشوحازم راسو وكيشكي وحداه وحدة من الخدم كتبرد ليه جبهتو بالتلج، نقزت حداه مخلوعة.. مروى: ماااالك؟ ماالو؟ شنو وقع ليه كراميل: اااااااه...جيتيي..اااخ...عاد جايا...سيري بعدي مني ...ماصدقتييييش ، نسيتييينني ، صابر بوخد اللي جا طل عليا وجاب ليا الدواء مروى: علاااش ماجيتيش قلتيها ليا ، وعلاش ماعيطتيش ليه على الطبيب؟ ...:هوا للي مابغاش الطبيب، قالك خايف يدير ليه الشوكة كراميل: اااايييي....راسيي مروى: طالعة ليه السخانة والرواح قاتلو ونتي ساكتة؟ حتى واحد ما جا يقول ليا راه مريض كراميل: عاد دابا..عاد....عاد كتهضري ، كنت غانموت لبارح ...ونتي ماسولتيش فيا مروى: وراه حتى ولادي نسيتهم ...نوض نبدليك هادشي راه غانمشيو دابا لنيويورك جلستو وهوا كينكر وتعاونا عليه بدلنا ليه وشحفنا كل شوية نجبدو ليه لبسة ويقولينا ماعجباتوش ، مريض وكيتشرط، بقينا نجبدو ونوريه عاد لبس لينا وقاديت ليه شعرو . كراميل: مسحي ليا وجهي بديماكيون.. مروى: اويييلي راك مريض !!! الماكياج حتى فالمرض؟ كراميل: شوفي وجهي كي صفر😬 درقي هاد الصفوريا بشوية دالماكياج نضت على سعدي ووعدي مسحت ليه وجهو ودرت ليه ماكياج وحناكو حومر بحال الشيخات د الاطلس اللي فالمغرب ، ناض شاف وجهو فالمرايا وانا شادا فيه حيت غادي وكايتمايل بالدوخة دالسخانة. كراميل: هادا هوا الماكياج!!! قادي ليا وجهي نيشان ونتي حاطة ليا حزقة لاروب فوجهي مروى: ياك قلتي غير ندرق ليك كراميل: لا ...ديري ليا ماكياج زويين اااه راسييي.وماتنسايش تفيكسيه ليا بشي جوج رشات باش مايسخنش ليا وجهي ويخسر ليا مروى: (فقصني) واخااااا كراميل: شوفي ....بلا ماتعصبي عليا...ااااه ..جاتني السخفة..شدوونييي...شدوني غنطيييح. مروى: صافي هانا غاندير ليك داكشي اللي بغيتي . درت ليه كاع داك الشي اللي بغا عاد سكت ، ولاكن السخانة كتغلي فيه غلي.جمعنا ليه حوايجو وطلع واحد من الخدم هبطهوم ليه وناض بلا عكز عليه للدوش كيقلب واش برودوياتو كاملين تجمعو ولا لا ، كيقلب و مضهشر ، شاف البلاكار لمجورا كلشي ، تا تأكد بللي كلشي هوا هاداك عاد شد فيا وهبطنا لتحت لقينا كلشي راكب فالطوموبيلات ، ركبنا فطوموبيل كحلة طويلة فيها الكراسة اللور مقابلين ، جلست انا و كراميل و والتوينز وكلارا مقابلة معانا، كاتشوف فيا ونشوف فيها وكل وحدة معوجة سيفتها ، نضال وصابر ركبو بوحدهوم فالفيراري وانطالقنا للطيارة كاملين وصلنا وركبنا فالطيارة كلنا وقلعات ، الطريق كاملة وصابر ونضال كيهضرو مع بعضياتهم وانا شادة التوينز كنلعب معاهم و كلارا غير حاطة عليا ، طلعات ليا الخرا وانا ندخل للبيت وجريت معايا كراميل والبراهش وسدينا علينا ، كراميل نعس فوق الناموسية مهدود بالسخانة وحاط واحد كلينيكس تحت نيفو كيقطر فيه تا دخل نضال نضال: شنو زعما؟ مخشيين هنا ومخليين كلارا بوحدها جالسة(كيخزر فيا) مروى: (خلعني) كراميل مريض و.. نضال: ونتي؟ مروى: انا خارجة نضال: هيا دابا...شهاد قلة الادب!! زدح الباب وخلاني انا مصمرة كنشوف فيه ، ماعجبنيش علاش يقول ليا قلة الادب ونضت خرجت جلست معاهم وخليت البراهش مع كراميل ناعسين ، كل شوية كيشوف فيابنص عين وانا كنضور وجهي ماباغاش نشوف فيه تا وصلنا ، ماهضرش معايا تاهوا ، من غير عينيه اللي كل مرة كيهزهوم فيا ، وفين ما نشوفو كنضور وجهي مقلقة ...كن يهضر معايا غير بشوية بلا ما يقوليا ديك الهضرة و يجرحني بيها، ولاكن عندو الحق ،انا اللي ضسرت عليه فوق القياس حتى ولا يقول ليا قلة الاداب، قبل كنت جامعة راسي و عمرو قال ليا شي كلمة بحال هادي، ودابا مللي وليت كنرتاح فتصرفاتي معاه ولا يقول ليا قلة الادب، واخا ...اي حاجة فيها قلة الادب ما عمري معاود نديرها ، وتا ديك الهضرة الزوينة اللي كنت كنقوليه مرة مرة فالنعاس عمرو يسمعها ولا نعاود نحط عليه يدي .نزلنا وطلعنا للاوتيل وانا منفخة ماحملتش ديك الهضرة ، حسيت براسي بصح مامأدباش، وندمت حتى على داك الضحك اللي ضحكت معاه ويدي اللي زعمو عليه.طلعنا كل واحد شاد اتجاهو وكل واحد مشا للشومبر ديالو وانا طلعت للشومبر اللي جيت ليها اول مرة قبل ما نرجع الداكرة

دخلت للشومبر و جلست فواحد القنت حدا الزاج بوحدي كنشوف فارجاء الغرفة وكنتفكر اول دخلة دخلت ليها وانا ماعاقلاش على راسي و اول شوفة شفت نضال فاش دخل عندني وماعقلتوش ، واخا هاكاك تغرمت فيه من جديد من اول نضرة ، تفكرت فاش وقف قدامي وغطا ليا صدري وانا غير واقفة كنشوف فيه ومن ديك الساعة بدا قلبي كيضرب بالجهد وطحت فيه قلبت وجهي جيهتي البالكون وانا نتفكر فاش شدني تما بلليل وباسني من فمي وتجاوبت معاه ، والطرشة اللي عطيتو وخليتو واقف ههه ودخلت هربانة ، شفت جيهت الناموسة وانا نتفكر الليلة اللي شدني بسيف غتاصبني وفاللخر استسلمت ليه وكملت معاه الليلة، اففففف (تنهدت) كنت خايفة نخسرو ، كان كيسحاب ليا غير كيدوز بيا الوقت ، هادشي كامل اللي دار على قبلي خلاني نتعلق بيه واليوم قال ليا اش هاد قلة الاداب! عمرو قال ليا بحال هاد الهضرة، حسيت بيها حرحااتني ، حسيت براسي بصح مامأدباش حيت نسيت راسي معامن ، سمحت لمشاعري تعبر على راسها ، حسيت براسي قريبة ليه كتر وانا كنقدر نبوسو وكنقدر نقيسو بلا مانخاف، ولاكن هاد الكلمة جمعاتني ، وفيقاتني باش نعرف راسي معامن ، ويقدر يقول ليا اي حاجة كتر من هادي من بعد ، قلة الاداب!!!!! فاش قللت الاداب؟ الاداب بالنسبة ليا هيا الزعامة اللي زعمت عليه ، ضحك معايا بجوج كلمات تيقت راسي 😢و وليت نقلل عليه الاداب ،ونحسب راسي ماعرفت اشكون، واصلا انا حسن منو ، مالي شنو قاصني، هوا اللي ماكيعرفش يهضر تفووو، قلة الاداب ...واخا . بقيت جالسة فبلاصتي كنتذكر اياماتي و كنبكي بوحدي من الهضرة اللي قالي وواقة حدا الزاج كنطل و كنشوف فالسحاب قدامي وقريب مني تا شمعت الباب تحل ، ماضرتش ، بقيت واقفة كيما انا حيت عارفة شكون دخل...وشكون من غيرو هه...شكون يزعم يدخل لبيت مافيوزي ومول الاوتيل بلا اذن . حسيت بخطواتو كيقربو وريحتو سابقاه تا عنقني من اللور، بقيت واقفة مادرت حتى ردة فعل ، باسني فعنقي وانا واقفة بحال المونيكة وديك الكلمة كتحرقني فصدري ، عمرني نعاود نقلل الاداب ، لا معاه لا معا غيرو ، انا اصلا مكتاب عليا منفرحش ، ديما كيجي شي واحد اللي يحرق ليا فرحتي ، يعلم الله شنو قالت ليه كلارا ولا شافها كلتبكي حتى دخل عندي نقا ليا ودنيا، انا ماتربيتش على هادشي ...عمر شي واحد قلل مني ، باباه اللي رباني كان ديما رافعني لفوق و مكبر بيا، وكبديهضر معيا غير بالهداوة، كاين اللي غاتجيه هاد الكلمة ديال قلة الاداب عادية ، ولاكن بالنسبة ليا انا لا، مانتقبلهاش من شي واحد ، وخوصوصا مع واحد درت معاه حوايج وقللت فيهم ادبي بصح وكنت فرحانة، فاللخر يجي يقمعني و يقول ليا شهاد قلة الاداب ويجمع ليا كلشي، ناقالها الا وشافني قليلت الترابي وقليلت الاداب، الامسان ماكيتفوه بشي كلمة حتى كايحطها فراسو و يحس بيها و يشوفها عاد كينطقها، وهوا شافني قليلت الاداب داكشي علاش قالها ليا
نضال: (معنقني من اللور) الدبدوبة ديالي مقلقة مني؟ مروى: الصمت (ماغانعاودش نجاوبو وماغانعاودش نتجاوب معاه من هاد اللحضة غنولي كي شي مونيكة يدير فيها اللي بغا وعمرو يحلم نتجاوب معاه ولا يسمع الضحكة من عندي ولا نبين ليه راني فرحانة، من طبعي كنحشم بزاااف ومكنرضاش ، وفوق هادشي حسااسة ، وجا هوا بكل بساطة كيهضر ليا على الاداب ، على اكتر حاجة مانتقبلهاش) نضال: (قلبني عندو وكيداعبني بيديه ولاكن بلا استجابة مني ، واقفة كي الصنم)عارف راسي ماكانش خاصني نقول ليك ديك الهضرة ، وخصوصا ليك نتي...نتي ماشي قليلت الاداب، (طبع قبلة على فمي) بلعكس نتي اكتر وحدة مأدبة شفتها فحياتي. عنقني وزير عليا ولاكن ماهزيتش يدي نعنقو ولا نرد عليه بقيت واقفة تا هز راسو وعقد حجبانو وبدا كيشوف فيا متساءل على ردة الفعل ديالي، ضورت وجهي ماقدرتش نبقا كنشوف فيين ...شوية تحركت من حداه وخليتو مربع يديه واقف مخنزر ماعجبوش الحال ، دخلت للدوش وسديت عليا وطلقت الماء على اساس راني كندير شي حاجة وجلست فوق الفوطوي بكيت تا بردت على قلبي فصمت وغسلت وجهي وشربت الماء شوية بديت كنحس بالتقيا وانا ماواكلة والو ، بديت كندوز يدي على معدتي كنبردها ولاكن جاتني حالة التقيا وبديت كنرض غير الماء وكرشي تشنجات عليا وحسيت بمسارني غايخرجو وكنسمع نضال كيحاول يحل عليا لباب فاللخر دفعو تا تفرع وجا شدني وجمع ليا شعري وبديت كنتقج فوق لافابو تا تزير وجهي وكنتنفس بصعوبة و فشلت نضال: مالكي احبيبة مالكي؟ ...بسباب ديك الهضرة تعصبتي عاوتاني ياك ... ( غسل ليا وجهي) نساي ...انا ماقلت والو...انا اللي قليل الاداب ماشي نتي. ( مسح ليا وجهي) شفتو تعصب وزدت كملت ليه ماكانرضش عليه ، هزني خرجني من الدوش وحطني فوق الناموسية وتقلبت على جنبي وعطيتو بالضهر نضال: ميمي...علاش كاديري فيا هاكا؟ قلت ليك ماقصدت فيها والو ...هضري امروى ...قولي شي حاجة...ماتبقايش هاكا ساكتة مروى: الصمت (غمضت عيني وخشيت يدي تحت المخدة وتكمشت) مارضيتش عليه وبقا جالس ورايا شحال وهوا ساكت فاللخر ناض طالع ليه الدم و خرج كينهج بغا يتفركع، عرفتو صعر ومابغاش يبقا حدايا باش مايرتاكبش فيا شي جريمة...يالاه خرج دخلات موراه وحدة .. ...: مدام ...انا سيفطوني نقابلك الا خصاتك شي حاجة. مروى: انا غانوض...بلا ماتعدبي راسك ... نضت خرجت غادة نشوف كراميل كي بقا تا وقفات عليا كلارا كتخزر فيا ... كلارا: عندي ليك شي حاجة باغاك تشوفيها.. مروى: مابغيت نشوف والو.. كلارا: ههه غاتشوفيها ...وغتشكريني حيت وريتها ليك قبل مايشوفها نضال، انا غنسبقك للكافي لتحت وتبعيني...كيما كتعرفي الكافي مكان عمومي ، نقدرو نهضرو فراحتنا. زادت وخلاتني واقفة كنفكر ..شنو باغا توريني هادي؟ شنو هادشي للي غنشكرها عليه؟ ماديتهاش فيها وتميت غادا تا دزت على البيرو الكبير د نضال وانا نشوف صابر داخل ، عرفت بللي نضال تما جالس. يالله وصلت للبيت د كراميل وانا ندير دوميتور تبعت كلارا ...قتلني الفضول وتميت راجعة ، والطابق الاخير خاوي ...خاص ببنا حنا داير بحال شي فيلا كبيرة ما عندهاش الحد وفيه بيوت كتاااااار وكامل داير بالزاج وسط السحاب.نزلت فالاسانسور الخاص بينا تا لتحت و تحل الباب، بنادم بزاااف الاوتيل داير بحال شي مول ، ونيت فيه محلات تيجارية وقهاوي وجردات و خصات بالماء ستايل موديرن ، مشيت للكافي للي نعتات ليا وبديت كنقلب عليها بعيني تا لقيتها ومشيت وقفت عليها.. مروى: هانا جيت؟ اشنو باغ مني؟ كلارا: (ابتاسمات) شوفي بعدا هادشي اللي باغاك تشوفيه ...عاد من بعد نقول ليك شنو باغا منك. جلست وانا راسي كايضورو فيه بزاااف د الاسءلة ...مافهمتش اشنو باغا توريني ولاش هاد الضحكة هادي ، وكاتزيد تشوقني بالهضرة ديالها .شيرات بصبعها للنادل وجا .. كلارا: جيب شي حاجة للمدام الماصونة تكون باردة (كتبتاسم) النادل : شنو تشربي امدام؟ مروى: مابغيتش ...شكرا.(مال هادي؟ شنو جاها عليا؟ اشنو واقع؟ بدا قلبي كيزدح بسرعة وفشلت بحال الى حسيت بشي حاجة ماشي هيا هاديك ، كانشوف فيها وهيا شادة بيسي حالاه وكتشوف فيا والضحك) كلارا: خودي شي حاجة باردة ...راك غاتندمي! من الاحسن حطي حداك شي حاجة بااااردة باش تبردي بيها على قلبك ههه مروى: (عصباتني) طلقيني دغيا ...هاد الهضرة الخاوية ماعندي ماندير بيها، قولي ليا شنو باغا وسربيني راه ماعنديش ليك الكانة كلارا: ويينووو...سمعي احبيبة...قبل بعدا غادي نقول ليك بللي هاد البراءة ديالك صافي سالات ، التمتيل ديالك تفضح ، ودابا هاكي شوفي (قلبات ليا البيسي)

كلارا ضورت ليها لبيسي وهيا معبسة وبقيت كنشوف فيها وفردة الفعل ديالها، مادارت حتى ردة الفعل ...بقات كتشووووف و فالفبديو وانا قدامها معجبة فيها ، كيفاش ما أترش فيها زعما؟ خليتها تا شافتو كامل وبلا مادير حتى ردة فعل كتشوووف بلا مترمش ، دميت يدي للبيسي بعد ما سالا الفيديو وسديتو ، شفتها باقا كيما هيا كاتشوف وماكترمش واخا سديت البيسي!!!مادارت حتى حركة ، بقيت كنشوف فيها شويية بانت ليا يدها كترعد وسدرها كيطلع ويهبط بسرعة فاءقة وهيا ماتزعزعاتش ، خلعاتني وكان قلبي غيسكت عرفتها تصدمات ودخلاتها الصدمة قوية تا بقات يابسة كيما هيا، شفت كرشها كترعد وراسها بدا كيترعد والعصبات اللي فعنقها بانو ...خفت تجيها الجلطة بحال اللي وقع ليا وهيا حاملة وغادي يتقطع ليا الراس بسبابها.. كلارا: مروى😨... (كنحرك فيها وهيا جامدة) مروااااا....مروااااا خلعاتتي ونضت كنجري وكنشوف فجنابي لاش مانديروش شي فضيحة وجبت التلج والماء من الكونطوار ظ الكافي وقلت ليهم راه غير حاملة وكاتجيها الحالة باش مايكبروش القاضية وتوصل لنضال ، رجعت كنطير للبلاصة مالقيتها فيها ..شفت يامين يسار وسولت عليها اللي كانو جالسي حدانا قالو ليا ماشافوهاش.جمعت البيسي ديالي وطلعت كنرجف بالخلعة وكنتفكر كيفاش شفتها و هيا مصدومة بلا حركة ، طلعت لبيتي عادي بلا مانعيق ...ودخلت جبدت السيدي وخبيتو و حطيت البيسي وخرجت كنتفقد الاجواء فالطابق اللي حنا فيه ، بديت كنقلب على صابر تاشفت نضال خارج من البيرو عاقد شوكتو وجاي جيهتي .. نضال: سافا؟ (كيطلع ويهبط فيا) كلارا: سافا (درت راسي مقلقة منو زعما من داكشي اللي دار معايا ) نضال: (عنقني عندو) نتي ختي الصغيورة...ومروى مرتي ، وبجوج عندي بحال بحال ...دونك ماكاينش فرق بيناتكم نتي وياها ، هاد الصداع اللي بيناتكم راه مافصالح حتى وحدة فيكم ، كل وحدة وبلاصتها وحتى وحدة ما غاتاخد للاخرى بلاصتها اوك شفت فيه وكنحرك راسي وشدني من يدي غادي بيا للبيت ديالو ، عرفتو باغي يصالحني مع مروى، انا غادا وقلبي كيضرب بالجهد وكنتفكر مروى وهيا مصدومة تا دخلنا لبيت وانا نتصدم.. كلارا: (غوت تا لسما) 😱 وااااااااااااااااااااع

كانت طايحة فالارض وفاقدة الوعي ، نقز نضال عندها كيطير ويترعد عليها ، هزها حطها فوق الناموسية وجلس حداما كيدوز يدو على وجها ويفيقها مخلوع ومعصب ... نضال: مروااا ...مروااا (كيلهت) فيقي ..عافاااك فيقي. حلي عينيك ماتعقبينيش بحال هاكا (كيعنقها ويعاود) ....(غوت عليا) عيطي الطبيب شباقة كتسناي هزيت التيلي كنترعد عيطت على الطبيب وهربت وقفت حدا الباب مخلوعة خفتها تموت ونكون انا سبابها، نسيت راها حاملة ماسحابليش غيوقع ليها هاكا.بقيت واقفة وكانشوف فنضال كيحل ليها فمها وينفخ فيه وكيحط يدو على صدرها و كيبرك ويغوت ... نضال: تنفسيييي....حللي عييييينييييك (عينيه حمارو) بقا كيبرك ليها فصدرها بيد وحدا حيت ال بركلها بجوج يدين غايفلعصها .شوية بدات كتشهق وهوا كينفخ ليها فمها ويسد ليها نيفها تا طلعات النفس ، دار ليها الاسعافات الاولية عاد وصل الطبيب ومراه صابر كيجري دخلو علينا... صابر: شواااقع .....شفت الطبيب داخل هنا ؟ شكاااين؟ ناض نضال بغا ينقز على الطبيب واللي جايين معاه حيت تعطل وشدو صابر كيدفع فيه فيه وكيعضر معايا .. صابر: عيطي على الرجال اللي برااا دغياااااا.... نضال: (كيصعر) تا طيح الروووح عاد توصل عدو ربك ... (دخلو الرجال تحاماو عليه ) طلااااق (نفض يديه وخرج كيفور) بقا الطبيب معاها وخرجنا كاملين وقفنا برا ونضال غادي جاي كيزدح ويسب بوحدو وحتا واحد ماكايجاوبو ، كلشي ساكت قاطع الحس ، غير هوا اللي كيتهز ويتحط تا ولا كيقطر بالعرق والقميجة لسقات عليه بحال الى خواو عليه سطل ديال الماء،ديرونجاتو حيت لاسقة وبدا يشرك فيها ويلوح بالزعفة و انا كل شوية كنقز من بلاصتي خايفة ورجالو واقفين عليه كيهدو عليه كل شوية كيبغي يدخل للبيت كيجروه . صابر: (همس ليا فودني) شنو وقع؟ كلار: (بصوت منخفض) ماعرفتش صابر: افففففف.... (كيتنهد) شي حاجة عاوتاني بيناتهم اللي مخلياه شعل هاكا.شي نهار يتفركع ليه شي عرق فراسو بسبابها.... (شاف فيا) شتي كي كيولي !!!! بركان ونفاجر! انا غير ساكتة وكنقفقف بوحدي فبلاطتي و كنشوف فيه ، مابقاش خويا ، شروط ديك القميجة بقا غير بسروال الدجين نازل ليه شوية والبانضة د الكالصون ابيض كاتبان ، مكتوبة فيها كالفين كلين ، ولا بحال شي وحش غادي جاي صاعر كل شوية كيهز كيضرب فالحيط ، شوية جلس على واحد لكرسي متكي على ركابيه وشارك يديه مر عنقو ومهبط راسو ومغمض عينيه وكيمشي ويجي ، حسيت بيه كيتحرق من لداخل وكيتألم ، الدرجة اللي وصل ليها عنرني شفت شي واحد وصل ليها ...غير كيتنهد ويتنفخ ويتفش ويمسح وجهو بيديه و عاض سنانو، كيبقا جالس مكمدها تا كيقفزنا بشي ضربة ...ضرب واحد الطبلة قسمها فالنص ديال الزاج ، وزاجها غليض تا تجرح وبدات يديو كتشرشر بالدم ...نضت بغيت نلويها ليه ... صاب:(شدني) خليه...راه ماغيعقلش عليك كلارا: و يدو!!! صابر: ماكيحسش بيها....غير خليه ، ماكتشوفيش شحال من واحد شادو و ماقدروش عليه..غتقربي ليه تمشي تجي فيك شي دقة تقتلك. كلارا: 😢😢 (بقا فيا ) بقيت غير متبعاه بعيني وكنشوف فيه ونبكي عليه وصابر كيسكتني صابر: راه ماشي اول مرة يصعر ...ديجا وقع ليه كتر من هاكا وطاح فالارض كيحيح وماوقع ليه والو، بلا ماتخلعي، هوا هاكاك هايج دغيا كنفاعل ...خصوصا مللي كتكون مروى هيا السبب. كلارا: اهىءاهىءاهىء...مانقدرش نشوفو هاكاك ...ماشي هادا هوا نضال ، نضال واخا كيتعصب كايبقا شاد راسو. صابر: ههه ....ففففف (كيتنهد) غير بعدي جيهتو دابا ...خليه منو لرجالو هما اللي مولفين عليه وعارفين كي يتعاملو معاه ...نتي ماتشوفيش جيهتو (قلب ليا وجهي) بقيت قالبة وجهي وكنسمع النفس ديالو كتنهج بالجهد وكل مرة نسمع زداااااف وكيغوت ويلوم فراسو ويسب من السمطة لتحت تا خرج عندنا الطبيب شافو ودخل فالحيط ، بسيف مايدخل فالحيط و هوا عريان العرق نازل مع عنقو و وجهو ولا كيخلع وشوفاتو كتشق الارض ...بلا يدو اللي عامرة دم والارض مزعلكة بالدمايات ..يالاه بغا يتلاح على الطبيب وهما يشدوه ، خاصو غير معامن يتشاد وفيمن يبرد هوايشو ، وخصوصا الطبيب تعطل باش جا زاد كمل عليه. صابر: طلق ..طلق دغيا شواقع الطبيب:.ننن ننننهيار عصبي.. نضال: عرفتي وتكون وماتت... صابر: ماماااتتش اصحابي مامااااتتش ...تكالما شوية ، محي فمرة الموت من بالك. دخلنا عندها لقيناها ناعسة ففراشها والاكسجين على نيفها ...طلقو نضال و طاح حداها كيلهت و كيشوف فيها ويتنفس بعصبية .. نضال: انا السبب امروى ياك ...انا السبب للي وصلتك لهاد الحالة (كيهضر معاها وهيا ناعسة) كنتمنى نموت قبل مانشوفك ميتة ، كنتمنى نسبقك حيت مانقدرش نكمل بلا بيك...مانقدرش نتنفس بلا بيك (شد ليها فيدها وانا كنشوف مامتيقاش نضال كيدير عليها بحال هاكاك ، بقا ليه غير البكا يبكيه ، سهيت فيه وهوا كيهضر معاها تا شفتها زيرات ليه على يدو وهيا ناعسة ، بقا غير كيشوف فيها مصدوم وبدا كيبتاسم تدريجيا

شفناها كتزير ليه على يديه وهوا كيشوف فيها وكيبتسام عاد رجعات فينا الروح . صابر: نضال: يدك كتنزف ...زرب عليها دغيا راه خصها تخيط....كلارا، عيطي على واحد من هادوك اللي جاو مع الطبيب يجي يخيط ليه ديك الفتحة. مشيت كنجري عيطت ليه ورجعنا للشومبر ، باقي كيما هوا جالس عندها وكيشوف فيها و يدو محلولة وهوا ممسوقش ليها قد مامسوق للشوفة فمروى...ناض جلس على الفوطوي و بدا كيعقم ليه يدو ومسحها ليه من الدم وهوا غير عابس وكيشوف فالارض ...: البنج ...نجيب البنج ونجي نضال: (كيشوف فالارض) بلاش ... صابر :(غمز الولد) فير سير عالله بدا الول كيخيط ليه اليد وكيحاول مايقصحوش ، انا كنشوف فيه كيخيط ليه وقلبي كيتقطع ونضال كاع مراه فهاد العالم ، كل شوية يشوف فمروى و يتنهد تا سالا ليه الولد ولواها ليه بالفاصمة وناض جلس حداها خرجنا وخليناه معاها... صابر: اافففففف...عجاجة ودازت... كلارا: (كنحاول نتسلت باش نجلس بوحدي شوية) انا غانمشي نشوف كراميل كي بقا. (بستو من فمو ) مشيت بعد لواحد البالكون كبييير كيطل على السحاب وجلست كنفكر مع راسي ونقرا حساباتي تا عيت و مشيت طليت على كراميل نشوف واش باقي حي ولا ميت ، لقيتو ناااعس والدوايات حداه و واحد الفرملية مقبلاه...خرجت ومشيت لبيتي دوزت النهار كامل فالتخمام ومقابلة ولاد نضال كنضل معاهم فصباح وفالعشية وكل صبح كنمشيو نصبحو انا وصابر على مروى .. 3 ايام وحنا كنتسناوها تفيق وفهاد 3 ايام مكانش نضال كيخرج عندها من البيت ...ديما معاها تا لواحد الصباح فقنا كالعادة نمشي نطلو عليها وانا نلقى كراميل جالس حداها كيبكي ، عاد فاتو الحال وساق ليها الخبار، دخلنا عندها نطلو عليها انا وصابر ولقينا نضال متكي حداها كيشوف فيها، حيدو ليها الاكسجين وولات شوية لا باس ولاكن مافاقتش، بقينا مجمعين حداها تا بدات كتحرك ... #مروى حسيت بعضامي مهدودين ويد محطوطة فوق كرشي بديت كنحاول نتحرك و نفيق وانا كنسمع سميتي ، عرفت ديالمن الصوت ، هزيت يدي لزز حطيتها على كرشي لقيت يد نضال...بديت كنحاول نحل عيني وانا موعتة فصحتي ، مهدووودة..حليت عيني تدريجيا بزز كنحاول نشوف شنو واقع قدامي وكنتفكر داكشي اللي شفت كنتمنى نكون غير كنحلم... نضال: كي بقيتي احبيبة ؟ (باسلي يدي) مروى: انننن...اااه.... (كنتنفس بصعوبة) علاش طافيين ضوء؟ نضال: راه الصباح هادا احبيبة؟ باش كتحسي؟....رتاحي مروى: وعلاش ...ك.ككيبان ليا الضلام.. نضال :(خرجو عينيه) كيفاش؟؟؟... هز صبعانو بجوج قربهم من عينيها تا قرب يقيس ليها بؤبؤ العين ولاكن مارمشاتش ، بقات حاللة عينها. نضال: (ضور ليا وجهي عندو) مروى ...مانبان ليك انا؟ حللي فيا عينيك مزيااان وقولي ليا واش كتشوفيني؟ مروى: A؟ ؟؟ لا ما كنشوفكش!!

مروى: (كنحس غدبيدين نضال شادين ليا وجهي) علاش ماكانشوووفش؟ علاااش الضلاااام.(تخلعت) اهىءاهىءاهىء😢😢😢 علاش ماكاتبانوش ليااا😢😢😢 نضال: لا احبيبة غير مشا الضوء ... (عينيه خارجين) ... (غوت) مشا الضوء ولا لاااا.. كلارا: (كنترعد ) اه..اه مشا صابر: الصمت (تصدم) نضال: شتي ...راه مشا الضوء الكبيدة ديالي.. مروى: لا... (كنترعد) حاسة بعينيا مشاو ...حاسة بقلبي غيسكت نضال: لا احبيبة حتى حاجة مامشات ليك، انا عينيك و هاد الضلام ما غيطولش ... مروى : ااااههههىءاهىءاهىء اهىءاهىءاهىءااهىء 😭😭😭😭 علاش يوقع ليا هادشي علااااش علااااش انا علااااااااش ....اشنووووو درت فحياتي حتى يدوز عليا هااادشيييي ، 😭😭😭عمرني ما أديت شي واحد 😭😭😭😭 (بديت كنضرب ففخادي ونضال كيشد ليا يدي وشي واحد حاط راسو على رجلي و كيبكي ... مروى: كرامييييل ...كراامييل (كنتفتف بيدي ) اهىءاهىءاهىء فين كرامييل 😭😭😭 بديت كنتفتف بيدي شديتو ، كان هوا اللي ناعس على رجليا وكيبكي .. مروى: (عنقتو ) ااااهههههءءءءء اهىءاهىءاهىءااهىء 😭😭😭😭انا عواريييت ...انا تعميييييين انا انا تعميييييت 😭😭😭😭😭😭 مشاو ليا عينياااااا اعىءاعىءاهىء😭😭😭😭 كراميل: اننننههههنههههن 😭😭😭اننننهنناهىءاعىءاهىء😭😭😭😭😭 #كلارا تصدمنا صدمة اللي خلاتني واقفا مكنتحركش وصابر شد فراسو وبقا غير كايشوف فيها وهيا كتغوت وتهز يديها كتفتف بيهم، اما نضال جالس على ركابيه فوق الناموسية حداها و كيشوف فيها كتبكي ومعنقا كراميل ...ناض دخل للدوش وسد عليه تما وبقات هيا كتندب وتعنق فكراميل ، حطيت يدي على كتف صابر اللي سكتاتو الصدمة بقا غير شاد راسو وجالس ، هبطت راسي ليه حتى لودنو.. كلارا: صابر ...خاصني نهضر معاك فشي حاجة ضاروري ... صابر: الصمت (مصدوم) كلارا: صابر... (هز راسو شاف فيا) راه عندي شي حاجة خاصني نوريها ليك. صابر: (هبط راسو) من بعد سكت وخليتو على خاطرو ...تنادم معايا الحال ، ما توقعتش مروى غدفع التمن بالبصر ديالها ...ماتوقعتش غيوقع ليها هادشي ، كن سحاب ليا ماغانوريش ليها الفيديو، ماخطرش ليا على بالي فيديو غييجيب هاد النتيجة هادي، الغيرة عمات ليا عيني ، وهاد الحدث هوا اللي فيقني من القلبة اللي ضرباتني، نسيت طبعي كي داير ، تحولت ...وليت وحدة شريرة وماكتفكر لحتى واحد ، مافكرتش للعواقب للي جايا، مافكرتش ليها هي اللي حاملة ، مافهمتش السر ديال داك الفيديو ...ماعرفتش علاش وقع ليها هادشي و هي عارفة راسها شنو دايرة. خرجت وخليتها كتبكي وتشكي على كراميل، يمكن هوا الوحيد اللي كترتاح معاه ، ماسولات فحتى واحد ، لا نضال لا صابر لا تا واحد ، كراميل هوا اللي بدات كتفتف عليه ، يمكن لقات فيه الاخلاص والتقة و الراحة النفسية فاش كتشكي عليه. مروى: بغيت نبقى بوحدي (كنشهق) كراميل: نبقى معاك 😢 مروى: ماعمرك ماتحيد من حدايا 😭😭 اعىءاهىءاهىء...نتا عينيا سمعتي ...😭😭😭اهىءاعىءاهىء خرجوووو عليااااا....خليييونييي بووحديييي 😭😭😭😭😭 كراميل: كاين غير صابر😢 صابر: هانا خارج (منهاار) عنقت كراميل وبكيت عليه تا ماقدني وفشيت قلبي تا تفش ، ولاكن واخا ندير اللي درت والبكا ماغيرجعش ليا عينيا...حسيت بنعمة البصر ، الضلام خااااايب ...كيخلعني ...وانا كنخاف منو بزااف ماكنقدرش نمشي فالضلام ...كي غندير نعيش وسط هاد الضلمة وانا كنمووت منها وكيتهيأو ليا شي حوايج كيخلعوني ...كن غير كان البياض عوض السواد ، هاكا نقدر نرتاح شوية ، ولاكن الضلام وكلشي كحل 😨 لااا... وانا كنت كنخاف غير من البيت د نضال للي ستيلو اسود و ماكيبغيش الضوء بزاف فالبيت ، كنت كنجلس فيه بوحدي وخايفة ، اما دابا عاد حسيت بالضلام ديال بصح والغمة على قلبي.. كراميل: سمحي ليا كنت خليت بوحدك😢 عمرني نخليك بوحدك، واخا نمرض نمؤض حداك مروى: 😭😭انا خايفة اكراميل ...خايفة من هاد الضلام ..😨اويييلي ماغانعاودش نشوف ولادي ، ماغانعودش نشوف نضال ..ونتا (كنقيس ليه وجهو) ماغانعاودش نشوفك!!!!! فين مشا نضال؟ كراميل: فالدوش...من قبيلة وهوا تما ساد عليه...نعسي وماتفكري فحتى حاجة، انا غانبقا ديما معاك عمر يدي طلق من يدك مروى: علاش غنعس ونغمض عيني😢 انا اصلا دابا راني بحال الى ناعسة ، نفس الضلام اللي كنشوفو فاش كنغمضو عينيا غنولي نشوفو حتى و انا حاللة عيني... بقيت كنشكي و نخوي على ما بيا تا عييت وكل شوية كنتنهد ونسوط باش نرتاح او والو ، الفيديو اللي شفت باقي قدام عيني ، ماعرفتش كيفاش وعلاش وفوقاش !مافهمتش داكشؤ اللي شفت ، كيفاش انا كنعنق باريش ونبوسو ونضحك، مايمكنش ، شي حاجة ماشي هي هاديك واكيد غادي نعرفها ، غير يفوتني الحال شوية ونتقبل الوضع الجديد ديالي غانوقف ليها ، اكيد الى شاف نضال داكشي اللي شفت غادي يدبحني ، وباينة هيا مزال ما وراتو ليه ..داكشي علاش قالت ليا غنشكرها حيت وراتو ليا وماوراتوش لنضال

وليت كنتفتف بيدي 😢 بعد ما كنت كانشوف 10 على 10 وليت ماكنقشع والو ، معتامدة على السمع وحاسة اللمس،بكييييت وشكييييت وندبت تا عيييت وماخليييت مادرت ولاكن لافاءدة ، حتى واحد ما غيرجع ليا البصر ديالي ، فشيت قلبي فالبكا تا عييت وكنحاول نتقبل انني مابقيتش كنشوف واالو ، لا عاءلتي لا شوارع لا حتى حاجة ، عايشة وصافي ، الحياة ولات مملة عندي ، اسبوع وانا فالفراش كنبكي بالليل وبالنهار ومابغيت حتى واحد يجي عندي ، كراميل الوحيد اللي كيضل حدايا ويوكلني ويشربني وفين ما يجيب ليا ولادي كنسمع صوتهم ونقيسهم كنفاجر بالبكى تا كيبداو يبكيو معايا وماعرفينش علاش...الموت اهون ليا ولا العيشة فالضلام والفقصة ديال البصر اللي مشا ليا...صعيب يوصفو ليك الحاجة كي دايرة ونتا متشوق تشوفها ، مابقااش عندي رغبة فالحياة.من بعد ما مشاو ليا عينيا ولامست واقع الغرابة والضلام والبؤس طفا ضوء الطموح و الاحلام اللي كنت بانياهم ، منهم حلمي للصبي اللي غايتزاد وماغنشوفوش ...فقط غنكتفي بالوصف ديالو ليا ...ولادي اللي غيكبرو وماغنشوفهومش، الشتا اللي على الابواب ماغنشوفهاش ، باختصار حياتي ولات بحال شي تابوت ..ضلااام فضلام كنشوف فيها غير داكشي اللي ديجا شفت كنسمع وكنتشوق نشوف والشوق واللهفة للحاجة هوا اللي كيزيد يمرضني ويقهرني ، مابغيت نحس بحتا واحد كيدور حدايا ولا نسمع شي صوت ديال شي واحد من غير كراميل ، خديت اسبوع منفاردة براسي كنحاول نستوعب الحالة اللي انا فيها ونتقبلها بزز مني حيت انا حيا ، وعايشة واخا ماعايشاش ، اللي كنعرف دابا هوا انني باقة حيا وخاصني نعيش ...عايشة باش نعيش لاغير، ماعايشاش باش نحقق احلام ...ماعايشاش باش نبني طموح ، سلمت امري وحطيت يدي وكنتسنى يشعل شي ضوء يخرجني من هاد الضلام اللي انا ديما فيه ومقناط وممل ..24 على 24 ساعة وانا فيه ، تخيلو حياتي وحياة اي واحد اعمى ، كنت كنشوف وكنقط وكنبدل البلاصة باش نحيد القنط ، ودابا كنقنط وكنبقا فبلاصتي حيت تا بلاصة ماغتحيد ليا القنط والخوف اللي انا حاسسة بيه ، فين ما مشيت غايرافقني هاد الضلام وهاد التابوت للي وليت عايشة فيه . صباح جديد... كراميل: مرواا ...مروااا... مروى: امممم... (كنحل عيني) كراميل: يالاه نوضي ...راه وجديت ليك الدوش والجاكاوزي مروى: واخا... نضت بزز عضامي مهدودين ..اسبوع وانا مريضة فالفراش ونفسيتي محطمة ، واخا ماكنبغي حتى واحد يجي عندي لبيتي مي كنحس بيهم كيجيو ومكيديروش الحس ، كنحس بنضال كيجلس حدايا الليل كامل فاش كنعس وكيمشي كراميل لبيتو ، كيقرب من البيت غير خطوة كنحس بيه ،وفالليل فاش كضربني الفيقة كنوض نجلس ففراشي كنحس بيه جالس مراقبني وماكيديرش الحس ، حتى كيصبح الحال وكيجي عندي كراميل ، هاكا داز الاسبوع حسيت براسي شوية هاد الصباح ونضت شادة فيد كراميل تا دخلني للدوش ومعايا المساعدة ديالي حيداتليا حوايجي و دخلت للجاكاوزي رخيت غضامي، ماكنقدرش نبقى بوحدي ..ضاروري خاص كراميل يكون حدايا وليت كنتمشى وهازا عيني لفوق ...هاكا كنقدر نركز كتر، عاد عرفت علاش الاعمى كيشوف الفوق ...حيت كيتخيل الحاجة ويركز معاها ويرسمها فالضلام اللي هوا عايش فيه، اما نضال من داك النهار وهوا معزول بوحدو ماسمعتش صوتو وحتى النعاس ماكينعسش حدايا والهضرة ماكيهضرش معايا ، ولاكن كنحس بيه ديما بلليل حدايا .

كلارا كلار: صابر...راه خاصني نهضر معاااك ضاروري.. صابر: (كيلبس حوايجو) ماباغي نسمع حتى حاااجة...راسي عااامر وغاينفاااجر، مامستاعدش نسمع شي حاجة اخرى، اللي كايهمني دابا هي مروى، رافضة تعالح عند طبيب نفساني وماباغا تاواحد وسيمانة وهي على عاد الحال..افففف واللي غايزيد يحمقني هو نضال، ماحضر لحتى اجتماع من الاجتماعات ديالو مع المستاشارين ويشوف داكشي ديالو كي غادي كلارا: وراك كتحضر نتا فبلاصتو! صابر: افففف...واها كنحضر مس ماشي بحالو هوا ، هوا كيفهم حسن مني فداكشي ...لاباس بعدا اللي عندو مستشارين هازني عليه كلشي ومسيرين ليه داكشي ، اما ماعرفت شنو كان غيوقع...هاز همو وهمي وهم مروى اللي مابقيناش كاع كنعرفوها، وباريس درت بناقص منها كاع، مشا الواليد بلاصتي، مروى روناتنا ونضال كتر، فين ما ندخل عندو كنلقى جالس كيفكر ويشرب ، كنهضر معاه ماكايجاوبنيش ...وحلت ماعرفت كي غندير معااه كلارا: شوووف. (شديت فيه) هاصك ضاروري تسمعني شنو بغيت نقول، هاد الهم اللي هازا انا كنر من الهم اللي هاز نتا فهمتيني، ضاااروري غتسمعني عاد تخرج صابر: من بعد ...غاندي شي وراق لنضال يوقعهم من بعد نشوفو الهم اللي هازا نتي.(تم خارج) نضت كنجري موراه تبعتو هوا يوقف صابر: (تعصب) كلااااراااا...قلبي عليا هاد الساعة ، راه ماعندييييش الخاطر للضحك ديالك. كلارا: باغا نمشي معاك...باغا نشوفو كي داير صابر:(ضحك عليا) هه كي غايكون!!! مزوق مثلا! ...واخا باغا تشوفيه ... (فتح ليا الطريق) مرحبا....وعالله تزبليها ويضربك يلسقك مع الحيط. كلارا: لا غادي نشد فمي. صابر: هه غانشوفو! مشيت لاسقة فيه .داز على البيرو وخلاني واقفة برا ماخلانيش ندخل للبيرو الخاص د نضال. وديما رجالو واقفين فالباب ديال البرو ديالو، خرج هاز ملف اسود فيدو وتاجهنا لبيت نضال ، حلينا الباب ولقينا الضلام ، البيت مضلم وكلشي فيه كحل ..الفراش الاتات الدوش ..كلشي ؛ ستيلو اسود وزوين ؛ و كينطابق على الشخصية د مولاه بزااف ، ريحة رجولية فيه و غااامض بزاااف، دخلت تابعا صابر ولقيناه جالس على واحد الفوطوي غير بسروال الدجين ولفوق عريان و والبلازما قدامو كيشوف فالبيت دمروى وميكمي .يشرب هز عينو فينا بقا كيشوف بحال الى كايقول لينا اش جايبكم لهنا. صابر: هاك احبيبي وقع ليا هادو. شد نضال داك الملف لو وجلس كيقرى فيه وفالاورق اللي فيه فصمت وهوا يهز ليا صبعو جيهت المجر ، مشيت جبدت ليه ستيلو و وقع فيهم ، يدو كوشية ، كيكتب بليسر و يوقع بليسر ، هه اصلا هوا مختالف فكلشي على بنادم ، حتى فالكتابة ماكايكتبش بليمن كي الناس ... صابر: خرج لبرا يضرب البرد ويدخل شوية ديال الاكسجين لراسك راه غاتموت هاكا نضال: غييرها الله يحفضك ... صابر: هانا غنغييرها ... ولادك راه كيسولو عليك. نضال: اففففف (تعصب) صابر: صافي ها هوا غادي ...بلا ماتنفخ ... (خارج كينكر) ااااخخخ...غانحماااق انا ويبقاو هما ....انا اللي غاينفاجر راسي ...اما هما باااقيين يدردكو ويعاودو.شييييت خرجنا من بيت نضال وردينا الملف للبيرو وكالعادة ممنوووع عليا ندخل . كلارا: شنو دابا ...غاتسمعني ولا لا صابر: افففف.واخا ...طلقيني ...اشنو باغا تقولي ؟ شينانة هادي ونتي فارعة كري صباح وعشية ، شنو كاين؟ كلارا: نخرجو ونقوليك ... صابر: كلارا ...عارفك قنطتي ...وكادلنا قنطنا ولاكن الخروج والضوران ماشي وقتو هادا ... كلارا : راه ماباغاش نخرج نضور، غير هادش اللي بغيتك تعرف ماخاصنيش وريه ليك هنا...خاصنا نخرجو وبلا مارد كورد ونبعدو على عينين نضال فهمتي شاف شوفية شك وخرج فيا عينيه وحرني من يدي بغ يخرجني من الاوتيل وانا نوقفو رجعت جبت بيسي و رجعت عندو ، شافني هازا بيسي زاد توسوس ، خرجنا رمبني فطوموبيل وتبعونا ليكارد وهوا يخرج يدو من الشرجم كيشير ليهم يرجعو ورجعو ومشينا حنا الطريق كاملة وهوا كيشوف فيا بنص عين تا وصلنا لواحد الجردة كلارا: حبس هنا ، ويالاه نخرجو صابر: عرفتي و تكوني كتفلاي وتزعزعيني بحال هاكا على والو، اللي غندير فيك عمرني درتو فشي بنت فهمتي، حيت قلت ليك راسي عامر وماعنديش الوقت نتفلى كلارا: وغيير زييد جريتو من يدو وشعلت بيسي وخشيت السيدي وطلعت الفيديو وهوا واقف حدايا وانا حاطة بيسي فوق القدام ديال الطوموبيل، يالاه بان الفيديو خرجو عينيه فالبيسي وبقا كيتفرج مصدوووووl

صابر: (صعر) ااااش هادشي. ..اااااش هاد الحبس!!!!! مننيييييين جبتي هاد اززززفت...اش لخرااااا.فااااااااك...هادشي اللي كان ناقصني ، اااش كااادير مروااا مع باريييش (كيغوت تا كلشي ضار) كلارا: (كنترعد ) م.ممماعرفتش ...مافهمتش! صابر: صااافي كملااااات (رجع طل على الفيدو ) فووقاش وعلاااااش وكييييفاااااش،فين كنا خنا ...فين كان نضااااال...نااااري اش هاد المشاكل نزلو علينا دقة وحدة (شاد راسو وكيمشي ويجي) الفيديو مافيه لا تاريخ لا وقت لا تا وزااا، مامعرفش فوقاش وقع هاشي ، فوووقاااااش ...اففففف... (بقا كيفكر) ...هداا!..بلاتي (تفكر) ينكن داك النهااار...لقيتها طالعة من السبا وجريت عليها لبيتها، وااااااع ...قاليها ماتخرجييييش ، علاااااش خرجات، وشنو بينها وبين باريش ؟؟؟ ....اش هاد المنضر (ضار عندي وعينيه حومر) اش كاديير معاااه !!!! ....شكون شاف شاف هاد الفيديو من غيري؟؟؟ جاااوبي كلارا:😭😭 اهىءاهىءاهىء م...مرواا😭😭😭 شافتو مرواااا اهىءاهىءاهىء صابر: دونك هيا شااافت الفيديو ديالها !!!! شنو قالت ... بلش جاوباتك كلارا: ماقالت ليا والو ..غير شافتو وقع ليها هدشي و جاها نهيار عاصبي صابر: اففففف. (شاد راسو) شنو اللي وااقع؟ علااااش مروى بدلات نضال بباريش علاااااااش...باش واعدهها وكيفاش خلاها دير معاه هادشي!!!! النوصيبة هو ان الفيديو وقف فاللحضة اللي حطها على ضهرها...لااااااااا ...مايمكنش .مايمكنش يك نو فاتو البوسان وتعنااق ، مايمكااااانش اكيد دارو شي حاجة اخرى من مور ما نعسها على ضهرها وحبس الفيديو ....لاااا غانسطاااااا ...اااااااااه. (كيلهت) كلارا: انا مابغيتش نوريه لنضال وقلت نهضر مع مروى هيا اللولة نفهم منها، كن شي وحدة اخرى بلاصتي وكتشوف مرت خوها كتخون وفرحااانة كانت غتمشي توري الفيديو لخوها، انا خفت نوريه لنضال صابر: الى مشا حتى شاف الفيديو غادي يقتلها ، انا كنعرفو مزيااااان ، مستحيييل يصبر ...وغيتسطا حيت الفيديو حبس فاللحضة اللي هزها صابر وحطها على ضهرها كيبوس فيها وهي عاجبها الحال، الى كان نضال مزال ماشاف الفيديو راه الى شافو غنترحمو عليها ، ويلى كان شافو وساكت راه كيخطط لشي حاجة ومروى ايامها معدودين ...وسكات ديالو كيخلعني طار جبد السيدي وهرسو ..فتتو تفرتيت كلارا: شنو غانديرو ... ها مروا دابا تعمات فمرة...افففف..انا دخت صابر: شحااال والسيدي عندك هااا؟ كلارا: من شحاااال هادي...مي غير فكرت نوريه ليها وهيا يوقع ليها هادشي ، انا مادرت ليها والو، وريت ليها السيدي اي وحدة بلاصتي غادير هاكا صابر: صاااافي داااابا ...واش باقي عندك شي نسخة ولا لا كلارا:لا ماعنديش صابر: افففف ...مايمكنش هادشي اللي كيوقع ، علااااااش امروااا علااااااااش (صعر) غنقتلها بيدي ...علاش دير هاكا (ضار شاف فيا) سمعي ...غتخرجي ليا مروا ب اي طريقة من الاوتيل ، خاصني نفهم منها ونعاقبها انا حسن ما يقتلها نضال...وماتبينيش لنضال حتى حاجة...الى كان مازال ماعارف راحنا غنحلو الموضوع ونشدو باريش فين ماكان غنجيبوه بلا خبار نضال، ويلى كان عارف و فراسو كلشي وساكت مادار حتى ردة فعل ...غيكون كيضرب من تحت وخايف على ولدو اللي فكرشها وكيتسناعا تولد...مستحييييل يشوف الفيديو و يسكت ..من سابع المستحيلاااات نضال يصبر على هادشي...انا شفت فيها غير الشوفة وكان غيقتلنا بجوج ونسا الصحبة اللي بيناتنا، سيييييغ غادي طيح الروح ... كلارا: هيا دابا حاقدة عليا ...كي غندير نخرجها صابر: كراميل....اه كراميل هوا اللي يقدر يخرجها...سمعي ...غاترجعي وتخرجيها باي طريقة ...وايااااك نضال يعيق ولا يشك...واخا يكون عارف ماخصناش نبينو ليه بللي حنا عارفين ...اما يلا كلن مزال مافراسو الخبار ...راه غيبقا لينا الوقت فين نقدرو نعلجو الموقف الى كان فيه مايتعالج بعدأ

كلارا: شديت طاكسي ورجعت للاوتيل وقفت حدا الباب ونزلت قلبي كيضرب وكللي كنرعد وخايفة تفركع فيانا شي قنبولة من قنابل نضال ، طلعت مع الدروج وكنطلب الله يعاوني ومانحصلوش ، واهم حاجة عرفتها هي ان الغرفة د مروى مجهزة بكامرات المراقبة ونضال حاضيها 24 /24من بيتو ...دخلت للشومبر لقيتها جالسةفجنب الناموسية غير بدو بياس فالابيض وكتنفس بصعوبة وكراميل كيصايب ليها شعرها ووجها والمساعدات ديالها كايضورو بيها ..قربت منها وهيا جالسة كتشوف قدامها ماكضحك ما كتبكي ، ساكتة وجالسة ماعارفاش اش كيوقع حواليها، واها تعمات باقة غزااالة ، وهيا جالسة متبتة وكتحرك راسها تابعا الصوت بحال شي بيبي كيحرك راسو كيكتاشف شكون قدامو . كلارا: ميمي... (كنهضر ومرعودة وعارفة نضال حاضينا من بيتو..حيت ماكيخرجش من تما وديما قدام البلازما ) سمعاتتي قلت ميمي وهيا تحرك راسها وخرجات عينيها وبدا كتنفس بسرعة وكضور راسها كاتحاول تعرف الصوت منين جاي كراميل: كلارا... (معجب ميهضر معايا بعينيه و مممش وجهو كيسولني علاش جايا، شفت فيه مبتاسمة شوية باش مانبينش وكنتمى مروى ماتغوتش ولا تقول شي كلمة للي تخللي نضال يشك فشي حاجة و يقول ليا مالها غير كتسمع صوتك كتشوكا...جلست حداها كنشوووف فيها وهيا ساكتة ماسولاتنيش ..غير كتشوف قدامها وكراميل كيسرح ليها شعرها.رجعت خرجت بهدوء بلا مانهضر وبقيت جالسة على الفزطويات كنتسنى كراميل يبان عندي تا خرج ونضت عندو كنجري كلارا: كراميييل...الزيييين..التبوكيييصة ، محتاجاك ضاروووري كراميل: اممممم...فااش بالسلامة (كيحيد ليا يدي ومكمش وجهو) كلارا: شي حاجة ضاااروووري(كنتبحلس عليه) كراميل :(مسق فيا وتكسول وتم غادي) مامسااالييييش تبعتو غادا موراه وهوا كل شوية يوقف و يخزر فيا ويرجع يمشي و يعاود يوقف كيلقاني موراه كيعوج سيفتو عليا تا بغا يدخل لبيتو وجيت نتبعو وهوا يوقفني كراميل: اااايييوااااا....فين زااايدة!!!! وااش ماكتعرفيش بلي كراااميييل الزيييين الانااقة ماكايبغيييش اللي يدخل عندو 😬 كلارا: (كنساوي معاه) ويييليي ...عارفة طبعا ....غير هوا خاصك تسمعني ضاروووري ...ندخلو ونهضرو كراميل: ممم🤔 مالكي داابا من الصباح ونتي تصبغي فيا ....اشنو باغا؟ (كيتبعكك ، كايعجبو اللي يكبر ليه الشان) كلارا: هيييهي..(قربت لودنو) صيفطني عندك صابر ...شي حاجة مهمة كراميل: ...(طلع وهبط فيا ) اممم ... بقا كيحنزز فيا ويميق وهوا يدخل وتبعنو وسد الباب ماخلانيش نزيد لداخل كراميل: يااالاه ..شنو كاين....اشنو بغا عندي صابر ديالك؟ سربي راه ماعنديش الوقت كلارا: صابر بغات تخرج مروى يضربها البرد ...ولاكن بلا خبار نضال كراميل: هااااا😨 لا اختي ...باغيين تغرقوني ....نتوما باغيين تخرجو عليا،لالا مستحيل نهرجها بلا خبارو ...سيري ...سيري خرجي عليا من هنا ...نتي محرشينك عليا 😠 هههه قالك نخرج مروى بلا خبار نضال باش نضال يفرعني ! كلارا: (كيدفعني وانا لاسقاه) شوووف ..ضارووري مروااا تخرج عند صابر ...ضاااروووري خاصها تخرج راه باغي يهضر معاها وراه كيتسناها ...وضاروري خاصك تخرجها عندو كراميل: شوفي ...غانخرجها ...ولاكن بخبار نضال...ماشي بلا خبارو فهمتي كلارا: اووووووف...صافي وااخا...مهم تخرج ونشوفو هاد الحريرة كي دايرة. خرجنا وبقيت انا فالكولوار سيفت لصابر مسج.. 💬كلارا: صافي راه قنعت كراميل 💬صابر:اوك مزيان 💬كلارا: مي غتخرج بخبار نضال 💬صابر: مايعرفش بللي كنتسناها بلا ماتجي نتي ...خليها تخرج غير و كرم ...نتي بقاي ، باش مايلاحضش ان كلشي خرج. 💬كلارا: وا ماغايلاحضش ، اصلا هوا ماكايشوف تا واحد دابا ، راه مخشي فبيتو حاضي مروى . 💬صابر: واخا هاكاك ...يقدر يعيط ليك ومايلقاكش فالاوتيل وغايبدا يشك ، ويلا شك غايبدا يبحت حتى نحصلو ...مهم ماتخليهش يشك وصافي...من الاحسن تخرج غير مروى وكرم يمشيها شوية وصافي ، وانا غنشوف كي ندير نتواصل مع كرم ، خايف يكون تيلي ديالو مراقب تا هوا ، حيت اقرب واحد لمروى.مهم نتي دابا قزلي ليه يديها لكافي **** ويجلسو لداخل ...هاكا نقدر نشوف مروى بلا مايشوفوني ليكارد اوك.سوبريمي هادشي لي قلنا دااابا  💬كلارا: اوك...واي جديد نقولو ليك. 💬صابر: نتي حضي ليا غير تحركات نضال ، وصافي 💬كلارا: اوك ...غانحاول. -مشيت تبعت كراميل وهوا يبان ليا خارج من بيت نضال ، غايكون قالها ليه..تبعتو نشوف شنو ضتر بيناتهم .. كلارا: شنو قالك؟ كراميل: (حيد ليا يدي) دون طاطش مي، راه قلتها لمروى بيني وبينها وقالت لي واخا، ومشيت عند الزين الصافي والبولة شاداني قلت ليه راه مروى بغات تخرج ، ماجاوبنيش غير حرك ليا راسو وصافي لقيتو متكي على كرشو وساااهي فالزاج كيشوف البحر ...لعالم الله فاش كيفكر كلارا: افففففف😧...مزيان ، واسير ديها ساريها شويا ودوزها لكافي **** ....جلسو لداخل ...تما غاتلقاو صابر كراميل: افففففف😡 كتجريو ليا غير فالمشاكل تفوووووو ... مشا و كيبزق و يسب فينا كاملين تا دخل لبيت مروى

#مروى قالي كراميل يالله نخرجك شوية وقلت واخا، على الاقل نسرح رجليا شوية على قبل البيبي مسكين اللي مابقيتش كنحس بيه كيتحرك بكترة الجلاس ديالي، لبسو ليا حوايجي وقادو ليا وجهي ولاكن ماعارفاش كاع اش لابسة كنحس بيهم كيلبسو ليا سبرديلة فرجلي وقادوني وشديت فيد كراميل وغادا كنسبق رجلي حتى كنتأكد ماكاين حتى حاجة قدامي عاد كنزيد نحط الرجل التانية ، واخا كراميل شاد فيا مي كنخاف ، كنحس بقلبي كيضرب بالجهد ماعارفاش فين غادا وفي انا ، الى طلق مني كراميل ماغانعرف اشمن تيجاه نمشي فيه ، واش نرجع اللور ولا نزيد القدام ولا جنب ، احساس خااااايب تلقى راسك وسط واحد النقطة ضاير بيها السواد خرجت لاسقة فيه وخايفة نضيع ولا يطلق مني ونتلف ولا نطيح وتوقع ليا شي حاجة خايبة ، بقيت غادة لاسقة فيه تا.. مروى: اااااععو (غوت وعنقتو) كراميل: ماتخافيش ...حنا فلاسانسور، راه هابط بينا غير ماتخلعيش مروى: اففففف...ناري كان قابي غيسكت، من غير ماخرجناش ، كن بقيت فالبيت ، حتى يلا تلفت فيه راه غنبقى غير بين الحيوط، ماشي بحال هنا ، هادشي كيخلع اهىءاعىء😢 ...انا خايفة كراميل: هانا معاااك ...تهناااي، ماغانطلقش منك واخا يوقع للي بغا يوقع ...زيدي وتهناي ، حاصك شي عصية ديباني بيها باش تعرفي فين كتزطمي مشيت لاسقة فكراميل ا ضربني الريح لوجهي وسمعت صوت الكوموبيلات شي غادي شي جاي عرفت راسي خرجت من الاوطيل ، طلعوني فالطوموبيل وبقينا غاديين وانا شادة فكراميل شدة العمى فالضلمة تا حبسات الطونوبيل ونزلني ، بديت كنسمع السكاااات غير صوت الشجر كيتحرك و العصافير و الناس كضحك وصوتهم مديح الريح وريحة فشكل ،مختالطة مع التراب و الهواء نقي مروى: كراميل! واش حنا فشي جردة؟؟؟ كراميل: ههه 😍 ااه باش عرفتيها؟ مروى: حسيت بالارض عوجة ماشي مسطحة و الريحة فشكل والناس كااالم صوتهم كيديه الريح كراميل: ياااي 😍 هانتي وليتي كتأقلمي مع الحياة...شدي فيا نساريك شوية ونمشيك، حنا فجريدة زويييونة ، وماغاقولش ليك فين وقفنا حتى نشوف واش تقلعي نتي ولا لا، دابا يا الكبييييدة ديالي (باسني فحنكي) غادي تحااولي طوري الحواس ديالك باش تعلمي تحسي بشنو كايضور بيك حسن ماتشوفي ، اصلا مابقى فالدنيا مايعجب مروى: هههه عارفاك كطلع ليا المعناويات.. كراميل: دربي دابا الحواس ديالك و نميهم ، فراسك تشوفي بحواسك حسن ما تشوفي بعينيك، اللي كيحس راه كيحس بكلشي وديما كيمشي فالطريق الصحيح ، اما اللي كيشوف غالبا ماكايشوفش كلشي كلشي ؛ وتقدر عينو تكدب عليه ، وتوريه شي حوايج اللي كايشوفهم هوا غالطين وكيفهمهم غالطين مروى: بصح!!! زعما ماشي اي حاجة كنشوفوها كتكون حقيقية! زعما نقدرو نكونو شفنا شي حوايج واداونا وهما ماشي حقيقيين كراميل: وي ، الى شفتي بقلبك وعقلك كاع ماغاتلفي ، وغاتكوني كنشوفي الدنيا من منضور اخر ، وغتهناي من العينين ، حيت العينين شي مرات كيوريونا غير الحوايج اللي يمرضونا ويقهرونا مروى: (وقفت) بصح ، تمنيت كن مابقيتش نشوف قبل مانشوف داك الفيديو كراميل: اشمن فيديو؟ مروى: ماعرفتش لحد الان واش داكشي اللي شفت حقيقي ولا لا ، شفت راصي ... (غوت) اااي...شد فيا 😠 هانا كنت غانطيييح تفووووو...واش ماتعرف حتى توريني فين كانزطم كراميل: صافي مانعاودش ...اففف ، ماتبقايش تغوتي ..شي نهار نموت بسباب الففزات اللي كتقفزيني يخخخ،شرشمتي ليا حوايجي (كيقاد حوايجو) صافي براكا علييك ، ضرتي حتا شبعتي ، يالاه نمشي نجلسو فشي كافي ، ونيت باش تاكلي شوية مروى: مافيااش جووووع كراميل: البيبي اللي فيه الجوع ماشي نتي ، غادي يموت ليك تما . جرني وركبني فاللوطو وانا تابعة السمع واللشم باش نفرز الاماكن ، وصلنا ونزلنا كنسمع الهضرة بزاف وموسيقى هادءة والناس كتهضر بيناتهم ، زدنا شوية حسيت بتلدفىء زايد عالى الخارج والهضرة دالناس مجموعة فمكان واحد ماشي كيديها الريح بحال برا، عرفت بلي دخلنا لكافي ، بادقا غادي بيا تا جلسني وهيا ضربني ريحة رجولية لنيفي قريبة مني ، وحسيت بحركة زايدة معانا ن غيري انا وكراميل. صابر: مروا سافا

صابر: مروى..سافا؟؟ مروى: صاابر؟!! صابر: كراميل...بدل الساعة دابا، خاصني نهضر معاها ، سير ضرب ضرورة وماتخرجش من الكافي ، انا غنهيط ليك اوك. كراميل: قالي نضال ما طلقش م... صابر: (ضرب فالطبلة)كرم😡 كراميل: صافي هانا غادي😬(مشا) مروى: صابر؟....ماالك معصب؟ صابر: (كيحاول يتكالما) شوفي ... كلمة وحدة نبغي نعرفها، غاتجاوبيني ب اه ولا لا ، عاد نقدرو نتفاهمو حسيت بالطريقة باش كيهضر معايا قاصحة وكيهضر من تحت السنان مغززف ونفسو كنسمعها مطلع وتهبط بسرعة وانا بديت كنترعد خايفة خاسة براسي تالفة ...بديت كنتفتف بيدي ونبكي مروى: كراميييييل..اهىءاهىء😢 كرااامييييل اااههههءءءاهءىاهىء😭(كنتفتف ) قلتي ماغاطلقش منييي....علاشش طلقتي مني 😭😭😭اعىءاهىء صابر:(تأتر) شوفي... جاوبيني ...واش بينك وبين باريش شي علاقة؟ مروى:(حسيت بيه شد ليا فيدي باش مانخافش) ...انا!!!!!لا ماكنعرفوش صابر: شفتك امروى....شفت الفيديو مروى: (بديت كنحس بالدوخة وراسي كيضور وشادة فيديه حيت ناكنقدرش نجلس بلا منشد فشي حد ، كنخاف نتلف) لا ماشي انا...ياك شتيه..شتيه! واش انا انا هاديك؟ مايمكنش نكون انا ! شكون هاديك اللي كانت تما (بديت كندهل ونخرج فالهضرة) صابر:(تعصب) هاديك نتي امروى..و فلاصال د السبا، اشنو قالي راسك ، اش ديك الفضيحة درتي، ماخفتيش يقتلك نضال مروى: انا ماعرفا والو،؛ماعارفاش فوقاش وقع داكشي ، راه ماشي بصح راه الكدوب...انا ماعاقلاش على داكشي كااع صابر: مروى ...مايمكنش هادشي اللي كتقولي نتي كضحكي وتبوسي فيه وماعرفتش شنو اخر درتو ب... مروى: (غوت بالبكى) سكااااات صااافي سكااات اهىءاهىءاهىء 😭 انا مادرت والو ...ماعارفا والو على هادشي ...😢 ماعاقلاش على هادشي اللي شفت ، ماعاقلاش واش انا هاديك اللي دارت داكشي ولاا صابر: عاقلة على النهار اللي كنتي فيه فالسبا ولا لااااا😡 عاقلة فاش طلعتي وجريت عليك لبيتك ولالاااا مروى: اه اه 😭😭 عاقلاااا اهىءاهىءاهىء 😭  🎵ترن(مسج) صابر: (كلارا !) 😱...نوضي ...نووووضي سربييييي دغيااااا من بعد ونشوفو هاد الروينة مروى:(كنتفتف ) فيين 😦 فين غنوض ، عافاك اصابر ماطلقش مني😢 ماتخلينيش بوحدي😢 بقيت كنتفتف حتى حسيت براسي تهزيت بين يديه وغادي كيجري بيا كانحس راسي كنتهز ومعنقاه وكنبكي وكنسمع غير صوت كراميل من كيجري و كيعيط ليا مروى حتى وقف صابر صابر: سمع ...غاتبقى هنا حتى نرجع ، 5 دقايق نرجع ...وياااك تحرك ، الى وقعات شي حاجة ماشتيني ماشتك نكر كووولشي انا ماشفتش مروى سمعتييي ... كراميل: فيين ..فين غادي بيها؟ صابر: ماتخرجش من الكافي تا نرجع زاد بيا صابر هازني ماعارفا فين غادا تا حسيت براسي تخشيت فواحد الطونوبيل كنغوت ونبمي ماعارفة اشنو واقع وفين انا ومعامن عير الضلام والهضرة والغوات وصابر مابقيتش كنسمع صوتو ، مشا وخلاني فالطونوبيل كنغوت ونبكي بالخلعة والخوف حتى سخفت

كلارا من بعد ما مشات مروى مع كراميل بقيت كنضور فالاوتيل طالعة هابطة تا دزت حدا البيت نضال سمعتو كيهضر بالجهد فالتيلي وكيحيح غير بوحدو ، شوية سكت وحليت الباب بشوية لقيتو جالس عاطي بضهرو و بيسي قدامو كيشوف فالفيديو د مروى وشاد واحد الكاس فيديه ، متكي ضهرو على الكنبة والبيسي قدامو ويدو كتزيير على الكاس تا تهرس فيدو ، بقيت حاللة فمي وقلبي كيضرب و كنشوفو كيشوف الفيديو ويعاود ، شوية عاود صونا ليه تيلي ... نضال: شدوه؟....هه (قطع) انا سمعتو قلت يمكن صابر غايشدوه وجيت خارجة بشوية ومع البيت مضلم ماكيبينش الخيال ، حطيت يدي على الباب باش نخرج وهوا يتزدح تسد ،بقيت كارما فبلاصتي ماقدرتش نضور حيت عارفة شكون مورايا و دفع الباب بيدو ...كنحس بالسخونية كضربني بحال الى مورايا فران، ضرت بشوييية كنطلب الله ماتكون هادي اخرتي، ضرت لقيت نضال واقف ومتكي يدو على الباب ماخلانيش نخرج وعينيه مخرجهم فيا ، صافي حصلت ...حصلني كنتجسس عليه وهوا عدوه اللي يتجسس عليه ، بقيت كنترعد ونشطح بالخلعة تا طلقت البولة فسروالي بلا منحس بيها وقبل كاع مايحط عليا يدو ، ناااري جيتو فوقت خااااسر وهوا كيشوف فالفيديو، ماعرفتش كيفاش حس بيا وكيفاش ختى وقف عليا بلا مانحس...حسيت بالارض كتمشي وتجي بيا وقلبي غيسكت والدنيا كاضور بيا والبولة هابطة معايا ، شافني وحل الباب بحال الى كايقول ليا خرجي ولا نقتلك، غير الخلعة اللي فيا و البولة اللي طلقت كافياني ومامحتاجاش لشي ضربة اخرى، خرجت وزدح الباب مورايا تا طحت فالارض بالخلعة وعارفا راسي مافلتش منها وغادي يبالي بيا من بعد، ويعلم الله باش مشغول دابا ومامساليش ليا ، تفكرت صابر وخفت توقع ليه شي حاجة وانا نسيفط ليه مسج قلت ليه نضال شفت نضال كايشوف الفيديو و يمعتو كيهضر فالتيلي ، غير مشا المسج وانا نمسحو فالبلاصة و نضت كنموت لبيتي تنشرت فالارض تا طلعت النفس و وتوكضت عاد دخلت دوشت ولبست حوايجي نقيين وخرجت نشوف اش واقع ، يالاه خرجت لقيت كراميل محطوط سخفان فوق الفوطوي وصابر واقف كيلهت وكايمشي ويجي ، خرج نضال من البيت بعد ما سمع الصداع وصوت صابر معصب ، تم جاي جيهتهم وشوكتو طالعة وكيقضور فعينيه ، مابانتش ليا مروى معاهم نهاءيا ، شفت نضال بداو كايخرجو عينيه وانا نكخز اللور وتخبيت كنطل غير من بعيد نضال: فين مروى؟؟؟ (بصوت غاضب ) صابر: ماعرفتش ...شفت غير مراميل مطلعينو سخفان! نضال: فيييييين مرواااااااااا... صابر: صابر: خاص يفيق كرم ونعرفو اشنو وقع! نضال: لآخر مرة غنسولك ا صابر ...فين..مر.وااا

صابر: (جهل) ااه...انا خبيييتهاااا (كيغوت) وماااعمرك تلقاااها ... باغي تقتلها؟ هاااديك ختي انضااال ختيييي ...فهم هادشي ختيييي..وماغانوريكش فين كاينا ، ويلا بغيتي تقتلني ..هانا قتلني ...قتلني وهاكا عمرك تعرف فين هيا نضال: (غوت حتا خرجو ليه لعروق) فييين مروااااا اصااااابر .فيييييين مرواااااااااااا (ضرب الزاج ، الطبلة، الحديد ؛ اي حاجة قدامو هرسها ، دكدك كاااع الديكورات و المرايات اللي فالحيط وكيصعر و كيعرق ويلهت، انا بديت كنبكي فبلاصتي خايفة من شنو 9غايوقع، تا هز نضال يدو ضرب صابر، فهاد اللحضة حل كراميل عينيه شاف الدنيا مقلوبة ورجع سخف، شفت نضال ضرب صابر وصابر رجعها ليه وناضت المقاتلة بيناتهم البونية نايضة والدمايات كيجريو ونضال يديه كيشرشرو بالدم بسباب الزاج و صابر تقاس بواحد الكرسي شير بيه نضال جرحو فيديو ..انا قلبي غيسكت ورجال نضال واقفين ضايرين بيهم ما تدخل حتى واحد ، ناضت كومبة صحيحة بين جوج صحاب ، المقاتلة ..تا واحد ماحن فلاخر ولاو بحال جوج وحوش و كل واحد قدو قداش كاياكلو فبعضياتهم ما بقاوش كايبانو بالدمايات ، مابقيتش كنشوف الدقة فيمن كتجي بالسرعة اللي كايضاربو بيها ، يديهم ورجليهم وكيتطواو بحال لاستيك بسرعة فاءقة ماكايبانش ليا شكون كلاها فيهم كنسمع غير ساط ساط ساط ساط بسرعة وبحال شي سمطة شيرتي بيها فالسما ضربات الريح وتسمعات ساااط، عرفت باللي هاد المصارعة وهاد الكونكفو ماغايسالي حتى يموت واحد فيهم ،خرجو دراع وجها لوجه واحد كايدافع على ختو ولاخر غايطيح الروح مرتو ، كاع داكشي اللي كان جامع لقا فين يفرغو ، ساعة وهما فالقتال ، بقيت كنتفرج تا شوية بان ليا صابر هز زاجة فيدو كيضرب بيها ونضال كيطاكي الهجامات ديالو تا بان ليا هز رجلو وضرب صابر للصدر بالجهد تا مشا نيشان لسق مع الحيط وغاب على ضهرو ...غوت غوتة وحدة تا ضار عندي نضال شافني واقفة و خط ديال الدم هابط مع رجلي ، شافني نضال وبقا كيشوف فيا وهوا يبان ليا صابر وقف موراه هاز حديدة لفوق باغي يضرب بيها نضال، شتو خرجو عيني تخلعت، بغيت نغوت تبلوكيت كنشوف فديك الحديدة نازلة فالسما ونضال كيشوف فيا ، يالاه بغات تنزل على راسو وهوا يخوي ليه وضربات فالخوا ، ماعرفتش كيفاش حس نضال بصابر بغا يضربو ، يمكن دقة التركيز وعينيا اللي كيشوف موراه حدد الاتجاه اللي يكحز ليه وجات الحديدة فالارض وهوا يلوي نضال يدو على عنق صابر شدو تحت باطو وزير عليه و هزو راسهم فيا شافوني واقفة قدامهم كنميل تا طحت فالارض وفقدت الوعي



كلارا حليت عيني وانا نشوف واحد البولة فوق وجهي مضوية فيا ضورت عينيا وشميت ريحت الكلينيك ، ضورت وجهي بان ليا صابر جالس على يدي د ليسر ملوي فاصمة على يدو وبقايا الدم شوية على لحمو وعريان لابس غير السروال و جالس معصب والجراحي فيه فلحمو ويدو وكلشي و كيلهت ، شفت فيه شوية وانا نقلب وجهي لجيهة الاخرى وانا لقى الزين الصافي د نضال جالس على يدي د ليمن تا هوا عريان وبقايا الدم عليه ويديه لاوين عليها فاصمات حيت كان ديجا خيطوها ليه ومع الحرب تحلات ورجعو جمعوها ليه ، شفت فيهم خلعوني بجوج ، واحد كيشوف فالاخر وماكرهوش يطيرو على بعضياتهم فوق مني ويضاربو ، واحد كايخزر فالاخر، حمدت الله اللي مامات تا واحد فيهم ، وباقيين حيين بجوج ، بقيت كنتأملهم و خايفة منهم، ماعرفتش علاش فين ما يتعصبو كيتزيد الحجم ديالهم و وكايبانو عضبانخم كيخلعو ، العروق منفوخين كنشوف فيهم وخايفة، شفت نضال غير كيسوط وجامع يديه معصب باقي باغي يدابز، ضرت عند صابر شفتو كيشطح برجلو كالس على اعصابو و كيتسنى غير شي معركة اخرى، شافوني حليت عيني وهوا ينوض عندي صابر (حط يدو على راسي) وصدرو عريان وباينا فيه كان مضارب ، عروق يديه باينين . صابر: كي بقيتي احبيبة ؟ شوية دابا؟ كلارا: الصمت (هربت راسي مابغيتوش يقيسني ...شفت فنضال لقيتو كايشوف فيا مخنزر ، بقا كيخزر فيا وهوا يقول لي... نضال: (بغضب) فاااش كنتي كتفرجي لجد مك فاااش؟ (صعر عليا) غير غوت عليا وانا نضور جيهت صابر زعما كنتخبا فيه، اللهم صابر الحنين ولا صوت نضال اللي كيخلعني . صابر:ماكتشوفش فيها ؟ حالتها حالة ؟ نضال: (خزر فيه) ديها فراسك...ختي هادي صابر:(بغضب) بسباابك مشا ولدي ضحية كلارا: 😨😨😨 شنوو؟ نضال:(صعر) بسبابك نتا... الى كنتي راجل تبعني ... شفت نضال خارج كيغزز سنانو عرفتو غايجر صابر باش وصابر على سبة باغي يضارب ، تزاد معايا الزايد والى مشاو تا تشادو ماغايتفاكو تا طيح شي روح، وانا خايفة على صابر من نضال يمشي يقتلو ولا وخايفة تا على نضال لا توقع ليه شي حاجة،غير خرج بديت كنبكي ونغوت وصابر طار تبعو وخلاوني ناعسة كنبكي بوحدي، يالاه خرج نضال تبعو صابر وانا نوض بزربة من بلاصتي تابعاهم كنجري فلكولوار دلكلينيك، وقفاتني الفرملية وانا ندفعها وكملت طريقي كنجري وكنحز بنخزات خفاف فكرشي شوية ، عرفت بللي طاح ليا البيبي مي ماتضريتش بزاف حيت مازال يالاه نقطة ديال الدم وصافي ماتألمتش ، خرجت من الكلينيك وهوا يبان ليا نضال طلع فالكوموبيل بوحدو وضور الروايض فالخوا تا تحكو مع الارض وطار وتبعو صابر كذلك فكوموبيلا اخرى ، شفت ليكارد كورد فالباب عرفتهوم غيشدوني مايخلييونيش نمشي وانا نخبي وجهي وسلت فواحد الطونوبيل من طوموبيلاتهم كاطير فالطريق وقلعت خليتهم ، كسيريت على حر جهدي باش نلحق عليهم قبل مايتلفو ليا فالطريق تابنو ليا غادين واخد مور لاخر غير بجوج بيهم وكايطيرو وصوت الطوموبيلات كايتسمعو بحال الصاروخ، بقيت غادا موراهم واخا بعاد عليا مي كيبانو ليا ، غادين طايرين فالفيراجات وكيبعدو من الندينة تا خرجو منها فمرة وسط واحد الارض خاااوية لاشججر لا حجر لا والو ، لخلا والقفار والبناء مهجوور ، ديور مهجورة ورايب منها النص، شد نضال الفران ديال الطوموبيل بالجنب و شد صابر الفران فاتجاه اخر ونزلو ، لحقت عليهم لقيت الخرب نايضة وحطيت الطوموبيل مور واخد البناء ونزلت كنسمع مقاتلين و كيهضرو فنفس الوقت ، جيت نمشي عندهم وهيا تشدني يد من شعري جراتني لور قبل مانضور عندهم و قبل مايشوفوني

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.