قصة حبيبي مافيوزي

بقلم Ghazal trust
رواية حبيبي مافيوزي

اسي سمير ..راك عارف علاش عيطت ليك! ايوا بنتك كبرات هنا عندي ملي يلاه تولدات ونتوما ماكان خاصكم حتى خير معايا ..اولا لا؟ علي: اييه الحاج (حاني راسو) وحتا انا بالفرحات عيا و راني قلتها للدرية و راها قاابلة و بغات طيبر بالفرحة . الحاج: هههه (جالس جلسة الملوك) راه اللي طلباتو فالصداق غيحضر ليها و مغيخصها معايا حتا خير .. السي سمير: الله اودي(عينيه فالارض) خيرك مغرقنا ...وبنتي وراها ديالك من نهار واداتها مها .. الحاج: ههه ايوا سير وجد راسك راه غدا غنديرو العقد انشاء الله.. السي سمير: هيا اللي متعاودش السي الحاج (حنا راسو وزاد فرحان) مشا الكوزينة عند مرتو اللي خدامة عند السي الحاج فالطبخ .. السي سمير: زبيدة... (شافت فيه و هيا عينيها حومر بالبكا و كنقطع الخضرة) واتي مالكي جالسة دمعي عليا تم راه غنوض نعطي لباباك شي طحنة باش تبكي نيشان،..هاويييلي غيحمقومي هادو .. زبيدة: وتا سير شرفتي و هترتي ..واش لبنت يالاااه عندها 24 سنة غتزوجها بواحد كبر منك فالعمر و كون كان والد كوراه لكبير فولادو عندو 30عام ...حشومة عليك غتعصب البنت فشبابها مسكينة هىءهىء السي سمير :واش غتسدي داك واد الحار ولا غنشخوك ليك!! ..تي زمي عليا فمك لا يسمعك شي حد !!؟ مالها بنتي غتزوج تبارك الله و تولي هيا مولات هاد الخير كامل ..(بصوت منخفض) وراه غيموت و يخليلي ليها كلشي ماكاين اللي يورت فيه من غير البنت و حنا.. زبيدة: واش باغي تولي فمقام الحاج افتخار ؟! شتك نسيتي راسك عساس وليتي باغي تشد بلاصت مول الشي بالخف؟!! هاداك راه داير بحال العود باااقي غيعيش الدوبل د حياتك ..(قاطعها) واتي سيري راه بنتك غتصفيها ليه غا بلفقصة غيموت قبل ميطلع النهار..سري قلبي عليا...فيناهيا البنت؟ زبيدة:دارتلو براسها .. راهيا فبيتها من نهار قلتها ليها وهيا الكناوية طالعة ليها ..(قاطعها) صافي ديها فخضرتك انا غادي نهضر معاها. خرج من تلكوزينة اللي كانت قد البحر و دخل لواحد تلبيت تما حداه فين كانت جالسة بنتو كتبكي و تعيط بالعاداو...وقالها.. السي سمير: تي مال دلمك جالسة تشهقي عليا هنا؟!! راه غتزوجي بيه هيا غتزوجي بيه...سمعي يا ديك المسرفقة راه ولااااه و درتي هاه ولا هاه تا نكرض لمك دوك الرجلين ونخليك كتزحفي كي تاتا العمية .. هيا بقات ساكتة منطقات بحتى كلمة ساهية و كتبكي ووجها كلو دموع ..خرج باها و جات مها كتسكتها طيب ايها الخاطر و البنت غا جالسة و ساهية ..تا جا الوقت ديال عقد القران .. زبيدة : ابنتي مديريش فراسك هاد الحالة راكي كتقتلي فراسك و كتقتليني معاك....ففف نوضي الله يرضي عليك للحمام راه العدول وصلو و نتي باقة ماوجدتي.. البنت مرفوعة وحالتها لايرثى لها..دخلوها الام و خدامة من الخدامات الاي تما و حسلولها و قادولها و خيا جسد بلا عقل ..لبسوها قفطان بيض و باغة بيضة و مشطو ها شعرها

وخلاوها فبيتها ..و خرجو يوجدو بيدمن يعيطو ليهم العدول. بقات هيا بوحدها فالبيت و الصدمة قالباها ...شوية وقفات حدا المرايا و بدات كتشوف ... انا فعمري 24 سنة وانا فهاد اللحضة تمنيت نكون ابشع وحدة... مايشوف فيا تاواحد... تولدت وكبرت و تربيت وسط هاد القصر للي كايبان ليا دابا بحال شي غار كحل مافيه تا شوية ديال الضوء.بابا كان متلي الاعلى حيت خدام على راسو بدراعو واخا هوا عساس من العساسة ديال هاد القصر المهم كيخدم بعرق كتافو و الام ديالي اللي حياتها كاملة فالكوزينة مع الخدم ولاكن الحمد لله عشنا عيشا مرتاحة وقريت فاحسن المدارس و تا قربت نوصل للحلم ديالي فالاخير كيجي راجل اللي كبر مني 32 سنة واللي ختار ليا السمية فسبوع ديالي وسماني مروى (ابتسامة (ساخرة)هن كبرني باش يتزوج بيا ... ومتلي الاعلى اللي هوا بابا معقلش عليا و قدمني ليه بلا ما يفكر حتى تانية بعني بحال شي سلعة ...(دمعة من العين)

بنتي ...يالاه ها العدول كيتسناوك... نضت بحال شي وحدة جارينها لقبرها بلا عقل...طلعنا لواحد الصالة وسط القصر وهما داييني و جلسوني و الشارف كيشوف فيا بداك القفطان و البلغة و الشعر مطلوق اسود كالضلام طويل و بشرتي الفاتحة و عيوني الرمادي الفاتح و طولتي وفورمتي للي كتمناها اي وحدة ...اية في الجمال ولاكن هاد الوحش غياكل كل حاجة فيا وانا قد الصغيرة فبناتو و خا معندو لا والي لاتالي غير بوحدو...كنتمنا نموت فهاد اللحضة ...العدول كيسولوني و انا مرفوعة.. السي سمير:( بابا) قابلة اسيدي قابلة ها لاكارط ديالها.. العدول: خاصنا نسمعوها من عندها(انا مرفوعة وماما حابسة البكية و كترعد و شادا لي فيدي و انا باااااااردة بحال ايلا الموت داخلة معايا الحاج: السكوت علامة الرضى اسيادنا(زربان).. العدول :على باركة الله..وقعي ليا هنا ابنتي. حطو ليا لكتاب فحجري و عيني قدامي سارحة وامي الوحيدة اللي حاسة بيا شدات ليا الستيلو فيدي و كتحركني نوقع..وقعت بلا مانشوف فالكتاب..و مولاي السلطان كذالك و قع كيطير و الفرحة فوجهو...ناضو الزغاريت و الحلوة و كل ميتشهى الخاطر،ولاكن انا مكان كيبان ليا تا واحد الوقت كامل و انا يابسة عيني مركزين فبلاصة وحدة و ساهية.. ناض الحاج الله ياخد فيه الحق و علق ليا عقد فعنقي ،كان طويل وعامر و زوين فوجهو ولاكن انا كنت كنشوف فيه الشوفة ديال الاب حيت كان كيقول ليا بنتي...شوية نقز بابا وقال ليه.. السي سمير: السي الحاج (عينيه فالارض و اللهفة فوجهو) ايوااا..(كيتمتم بالخلعة و اللهفة و الطمع هوا اللي كيدفعو يتكلم)ايواا دابا مروى ولات مرتك شرعا و قانونا و..وو..(كيشوف فجنابو وحادر راسو...قاطعو الحاج) ...ه..ه..ه (الضحكة ديال التقة فالنفس) غير تهنا بنتك ولات ملكة ديال هاد القصر و اللي الحاجة اللي شافت فيها قبل ماطلبها ديالها(عينيه فيا مكيتحركوش) انا بديت كنفشل و كنتقال و كنحس براسي كنموت ..نوضني باش نهبط لتحت...(وهوا ينطق الحاج) الحاج: بلاصتها مابقاتش لتحت ...بلاصتها ولات لفوق...ديوها لبيتها ترتاح فيه .. السي سمير: (تحلو عينيه) تي دي الدرية لبيت ديالها ماكتسمعيش (كيخزر بعينيه فماما) طلعوني و ماما كترعد و انا كنرمي خطوة و و كيدفعوني خطوة حت وصلت دخلنا للبيت ... زبيدة:(ماما) هادا كاااااامل غير بيت!!!!!(تضهشرات) اول مرة فحياتي ندخل لبيت الحاج وخا انا مدوزا هنا حياتي كاملة فهاد القصر عمري دخلت لبيتو...(شافت فيا) وانا على عيني الضبابة مرفوعة .جلسوني و دارو بيا زبيدة: ابنتي راه ماشي نتي اللولة ولا اللخرة اللي غتزوج براجل قد باها الحمد الله هانتي كنشوفي فين غتعيشي و غيتهلا فيك و مغيخصك تا حاجة..(طاقطاقطاق) دخل الحاج لابس جلابة بيضاء و مفركس واخا كبير باااقي شاد مزيان بحال شي عود ..شافوه و خرجو وخلاوني معاه

بقيت انا وياه الراس فالراس ...قرب مني وبدا كيتحسس شعري الاسود ...حدو قرب ليا و انا نفيق من القلبة وشفت فيه ...كيقرب ليا انا هزيت عيني وانا نغوت لربي للي خلقني حتا كنسمع (طاااااااااااق) صوت الرصاص ..كان واقف قدامي حتى طاح جا فالارض هوا يبان ليا موراه واحد الشخص عمري شفتو فحياتي ماعرفتش منين خرج؟!!!!!! كنحل عني بشوية.. لقيت راسي فكلينيك و دايرين ليا تنفس اصطناعي و ناعسة بقفطاني و مرشوش بالدم ...دورت وجهي كنلقى حراسة مشددة فالباب ديال الانعاش و البوليس و كنسمع دكتووور ...دكتووور ..هاهيا فاقت جاو كيجريو عندي و كيقلو فيا و ف الالات اللي دايرين بيا...و كيسولوني ... الطبيب: مدام ؟ عاقلة على شنو سميتك؟ انا: (كندور فعيني) ف ي ن ا نا !؟ شنو و.وقع؟! بقيت كنحاول متوكض باش نعرف الشنو وقع لمدة ساعة عاد بديت كنستوعب و قلبي بدا يضرب بجهد ملي تفكرت المشهد..شويا كيدخلو عندي بوليس سيفيل ..كيستنطقوني... بوليسي: السمية و الكنية و شنو وقع بالضبط و علاش قتليه ؟ الصاااااااااااااعقة!!! انا: شنوووووو!!!!!! كيفاش قتلتو؟؟؟؟ اشنو كتقولو؟ البوليسي: انتي امدام متهمة بقتل السيد افتخار سقراط اللي عوا الزوج ديالك..هادشي كاين ولا متكاينش؟ انا: لاااا ميمكنش لاااااا ماشي انا (رتافع ضغطي) تيييت تيييت تبييت تيييت.. الدكتور: الا سمحتو ممكن تخرجو حيت الحالة ديال السيدة ماشي مستقرة الاسمحتوو عافاكم.. خرجو و خلاوني كنتهز و نتخط حتى عيت

بعد مرور 15 يوم استقرت الحالة ديالي و الحراسة مشددة عليا ...رجعو عندي البوليس لكلينيك وليت بيخير ..دارو ليا المينوط و داوني معاهم ماما وبابا غبرو ماعاودوش بانو من نهار الحادث ...بغيت نحماااق ملي ماجاوش و مطلوش عليا..و ديت كنغوت لربي اللي خلقني . وصلنا الموميسارية وجلسوني كيبحتو فيا و انا الوقت كامل و انا كنشرح ليهم ... البوليسي: (بالغوات) عتاااارفي نتي اللي قتلتييه و الفردي فيه البصمات ديالك ... انا: لااا ميمكنش انا شفت بعيني كان افتخار واقف قدامي حتى طاح فالارض و بان ليا واحد واقف موراه ضربو ..وقبل مايموت فاتخار و هوا فالارض قاليه الراجل اللي ضربو و كان ملتم ...قاليه خلصتي دينك و دابا مابقيتي تسالني مابقيت نسالك ...انا بقيت كارمة فبلاصتي ملي شفت داك المنضر بالخلعة خفت يتيري فيا غيبت حتى لقيت راسي فكلينيك!!!!! البوليسيي : امممم نتي واخا نبقاو معاك عام غتبقاي تعاودي لينا نفس الرواية ...هزوها هبطوها مع خوتها.. بقيت كنغوت و نوح نعيط على واليديا...اللي مشفتهم لحد الساعة مفهمتش علاش خلاوني مرمية م لكلينيك و للحبس..هبطوني للحبس و خلاوني تما معززة مكرمة و مهليين فيا بمعنى الكلمة ...كل نهار كاناكل قتلة من عند وحدة حتى ولليت كنولف لعصى و الشقى فالحبس وانا طبعي هادىء ماشي ديالك التكرفيس و الدباز وكلت انري لله و بقيت على داك الحال لمدة 15 يوم حتى لواحد الصباح جا بوليسي عندي خرجني و طلعني للادارة ..دخلت .. الضابط: زيدي تفضلي ... انا: واخا..(جلست كنتفتف و ليت حالتي بالعصى و تمارة وكل نهار كنسمع ديك العبارة (غادي نجبدو ليك عينيك) من عند الحباسات اللي ماحاملينيش و ماحامليش عينيا اللي ماعمرهم شافو فشي واحد بشوفة خايبة. اشنو دنبي انا يلا ربي خلقني هاكا !! ماشي انا اللي ختاريت نكون زوينة! انا زهري فالزين كاين و لاكن مكوز فكلشي . الضابط: مدام مروى سقراط(وليت حاملة اسم الزوج) انتي حرة دابا و لحسن الحظ ديالك انه و صلنا دليل قاطع انكي بريءة ولاكن المتهم الحقيقي مزال مشديناه. انا: اااا!!!!!! بصح (الدموع الفرحة كيجريو) انا بريءة و اخييييرااا ..واليديا علاش ماجاوش فين مشاو؟؟ الضابط: !!!!واليدييك؟ واش اللي مربينك بغيتي تقولي؟ السيدة زبيدة و راجلها سمير ياك؟ انا: !!!!!كيفااااااش مربيني!؟؟؟؟ مفهمتش اشنو بغياي تقصد؟؟ الضابط: كاين شي سوء تفاهم بينك و بين واليديك امدام خاصك تمشي تحلي معاهم ..ملي جاو عندنا قالو لينا بلي مربينك و خديما الافادة ديالهم و ديال الناس اللي فالقصر على القضية د القتل. سيري امدام الله يعرضك السلامة. خرجت من تما مصدرمة مافاهمة والو و حالتي تبكي الميت و مشيت خارجة فالزنقة ماعارفاش فين غنمشي و اينا تجاه غنشد و حتى لقصر مكنفكرش نعاود نزطم فيه، وانا غادة فالطريق تاكنحس بيد جات مور ضهري وحطات شرويطة على نيفي و غيبت... حليت عيني كنلقى راسي فواحد الفيلا كبيييييرة قد السخط و انا جالسة فوق واحد الكرسي و يدي و رجلي مكتفين و قدامي واحد جالس علو واخد الكرسي كبييير و عاطيني بالضعر و عند راسي واقفين جوج رجال و كنسرح عيني كنلقى فكل بلاصة واقف راجل و كلشي بالكوستيمات..و طوال و مطوكرين.. حتى سرحت عيني مزياااان و شفت داكشي وانا بوحدي وسط منهم اللي بنت

تخلعت و ماقداش نتحرك و لا نهضر كلي مضورة بحبل و لصقة على فمي ...الله ياربي فين انا و اش انا كنحلم ولا فايقة واش انا فشي فيلم و لا شنو ؟! قلبي كيدرب و بكترت ما كل شوية كنغيب و لليت كنحس بالدوخة و لاكن مكنفدش الوعي...شوية هوا يبان ليا هاداك اللي قتل الحاج افتخار نازل مع الدروج د الفيلا؟!!!!!!! هنا صافي الجلطة كتقولي نجي دابا ولا تا لبلاتي! قرب مني و نتر ديك اللسقة على فمي خلاه كيوزوز و حمر و انا غوت فالسما. الشخص : مرحبا بيك عندنا هاهاها ...افتخار عندو الدوق رفيييع ملي فكر يتزوج بوحدة فحالك ...(انا كنترعد و الخلعة شاداني) دوماج مطبقش الشوط المهم فهاد الزويجة هه سال دمو قبل ميسيل دمك هههه مايبقاش فيك الحال ليوم غتكملي طقوس الزواج عندنا.. انا: !!!!اشنو درت ليكم ؟!!!!هىءهىء هىء اشنو درت حتى ديرو ليا هادشي كامل ااااهاههههىءءهىءء شمن دنب درت حتى يجرى ليا هادشي ... الشخص : هههه هادا هوا زهرك و نتي دابا هيا الكارط اللي غنلعبو بيه ...ويلا سمعتي لينا شنو غنقولو ليك و طبقتيه بالحرف حتا حاجة مغطرى ليك كتسمعي ويلا فكرت غير انك تحركي هاكا ولا هاكا و ديري الحاجة من بالك غيطير ليك الراس و حاجة خرى راكي مراقبة و اللي خرجك من الحبس غيقدر يرجك للقبر ...(مشا) فهمت بلي هما اللي خرجوني ..اويلي كن غير خلاوني فبه حسن ليا ..بلعاني دوزو عليا هاد الدكاكة باش نخاف و نخضع للاوامر ديالهم.مشا و خلاني فاهمة انص و المطلوب مني مازال متفاهماه ...شوية هضر الراجل اللي قدامي فالكرسي و عاطيني ضهرو..صوتو غليييض و كتبان لي غير يدو فيها سيكار .. الراجل: سمعي مزيان اش غنقوليك .. افتخار قبل ما يموت كتب ليك جميع املاكو(ضهشرت ) غير خودو كلشي ماخصني والو(شنقت عليا يد مور ضهري قبل منكل الهضرة ) غتسنطي شنو كيقوليك بلا متزيدي شي كلمة.. كرمت فبلاصتي و البولة شاداني و كنترعد هوا يقولي الراجل مول السيكار...(كيجبد واحد الكرطة بحال ديال البنكة و يا ديال الزاج رهيفة زرقة بين صبعانو و كيزها جيهت كتافو بلا مايدور عندي) شتي هاد الكارط هادا ...غتخديه و تجيبي ليا خوه الاصلي اللي عند نضال ولد افتخار (تصدمت) فين ما كان فداك القصر كان تحت الارض تجيبيه ...كان فوق الارض تجيبيه و نتي و شطارتك يا اما تجيبي الكارط يا اما غندفنك حية و نتي عارفة هادشي ...ايلا عندك شي سوءال طرحيه دابا قبل منجمع الجلسة. انا اول مرة نسمع بللي افتخار عندو ولد و كيغاندير ناخد هاد الكارط هادا من عند هاد نضال و انا عمرني عرفتو اش هاد المصيبة نزلات عليا

انا: سسسيمحلي اسيدي وولاكن انا مكنعرفش واش افتخار عندو شي و لد ؟؟ و ماعارفة عليه والو؟! ماعندي حتى معلومة على هادشي.؟!!! الراجل: اممم اوك سمعي .باينة عليك دكية و كتفهمي دغيا...هاداك نضال و لد افتخار عايش ف luxembourg دابا راه جا و ردي بالك ومتخليهش يعيق بيك ولا يحس بشي حاجة وهوا راه ماشي بحال باه هادا صعيب و دكي كتر مللي كتخيلي ودابا هانتي عرفتي لاباز و الكارط يكون عندي و راكي مراقبة ..رفعت الجلسة . الله ياربي شهادشي طحت فيه واش هادي مافيا ولا شنو هادشي بغيت غير نفهم معامن انا وانا كنغكر دارو بيا يدين دوك الرجال فكو ليا داكشي و احد فيهم عطاني حلقة قالي هادي تبقا فودنك و شعرك مينزلش عيها وبلا متسولي ...شدي هتد الحوايج لبسيهم و حيدي علينا هاد القفطان المدمي و طلقينا جات واحد القحبة لابسة معري طلعاتني كتعوج و دخلاتني لواحد البيت و لبست فيه ...شفت فالمرايا كنلقى راسي لابسة لبة موص كحلة و مينية طالعة حتى لكرشي وشوميز كحلة مزيرة باليدين و مكرسة بالدونتيل من العنق بحال الكول و يديها مشبكيم و صباط عالي بزااااف و شعري مطلوق اسود طويل جدا سايبوه ليا بوكلي و مكياج خفيف تميت نازلة و هوا يتلاقاني القتال اللي قتل افتخار و معايا ديك البنت عنقاتو وباستو من فمو و انا واقفة بحال شي وحدة يالاه حطها الكار .. شافيا وطلع وهبط مزيان وابتايك بتسامة اعجاب بالجنب و بغا يقرب ليا و انا نتهرب كحزت اللور،وهيا تقوليه ديك البنت... البنت: عاصم..(جمعها لطرشة تا طاحت فالارض و شاف فيا مغززف و وكيجمع الفبضة ديدو حتى كنت غنطيح بالخلعة وزاد طلع مع الدروج و خلاني و اقفة و الخرى طايحة يالاه كتجمع الوقفة

انا: علاش طرشك .. البنت: زيدي قدامي بلا خنخسر ليك كمارتك و باراكة من الاسءلة يالاااه تحركي. دفعاتني وخرجنا من ديك الفيلا و هما يسدو ليا عينيا بباندة مابقيتش عارف راسي فين غادا!!كنتمشى و كنتعكل وهما شادين فيا من يديا كيكيدوني خشاوني فواحد الطونوبيل و بقينا غاديين الطريق كاملة و انا كنبكي و عيني مغمضين ماعارفاش راسي فين غادا و الخوف كلاني ..بقيت هاكاك لمدة3 د السوايع وانا غادة ف الطونوبيل حتى وقفات و حلو ليا على عينيا لقيت راسي جالسة وقدامي جوج خرين جالسين الطونوبيل بحال شي صطافيط كحلة و الكراسة اللور مقابلين و حديدة واااعرة كلاااص ... الشخص : وصلتي للمكان ديالك حنا دابا قارابين بزااف للقصر ،سمعي مزيان ...غتمشي و فاقرب وقت غتجيبي داكشي للي تافقنا عليه و اي خطاء درتيه غتدفعي الثمن ديالو غالي جدا يالاه نزلي ومتنسايش هادشي اللي قلنا ليك و نتي دابا الوريتة الشرعية لجميع املاك افتخار سقراط .. انا: واخا سيدي غندير اللي فجهدي(وكلت امري لله) نزلنا وخرجنا من اللوطو و دورت وجهي غير بجنب حفضت الماطريكيل ولقيت قدامي طاكسي كيتسناني انا يالاه بغيت نزل و هيا تجبد البنت واحد البورطابل وقالت لي... البنت: شدي(بزعفة) هادا تيليفون حديث باش تبقاي على اتصال معانا و كنكررو ليك ..راكي مراقبة .. شديتو وكنبكي ..دخلت لواحد الميدان اللي ماشي ديالي وماعارفة عليه والو ..و ماعارفاش اشنو ندير و شنو كيتسناني و شكون كيتسناني ..حاسة براسي فواحد الدوامة وعارفة راسي غنموت حيت مغنقدش ندير هادشي اللي كيطلبو مني و مغنعرفش نديرو. بقيت غادا فداك الطاكسي و الشيفور حتى هوا من صحاب المافيا.. وصلت للقصر لقيتو مطوق و مشدد الحراسة وكلو داير برجال قد السخط و لابسين الاسود ونضارات وصلنا للباب حبسونا مخلاوناش ندخلو كانو تقريبا شي عشرين واحد فالباب الرءيسي د القصر مافهمتش اشنو واقع و علاش بقا كيسولنا واحد شكون انا و شكاندير هنا..قلت ليه انا مرات الحاج فاتخار ..هوا يدرب فراحد الكيت بلوتوت كانت فودنو بحال الى كيهدر معا شي حد مسمعتوش اشنو كيقول..من بعد دار عندي وقالي واخا امادام نزلي من الطاكسي ممنوع يدخل للقصر ..و غتجي الطونوبيل من داخل القصر دخلك انا: اوك ... نزلت دخلت مع الباب لكبير لقيت ميرسيديس كحلة ااخر ماكاين و حل ليا الشيفور الباب و طلعت دخلني حتا لباب ديال القصر..ماكنتش غنقدر نبقا داخلة على رجلي حيت القصر جا الوسط بعيد على الخرجة د الباب الراءيسي.. نزلت و داخلا كنقفقف و اول حاجة طاحت ليا فبالي هيا واليديا و مشيت للكوزينة و دخلت لفيت ماما مع الخدامات شفتها و هيا طير عليا .. زبيدة : بنتي الحبيبة الكبيدة ديالي على سلامتك تلاحت عليا و انا مصدومة و هيا تجرني ..اجي ابنتي راني توحشتك ..دخلاتني لبيتي لقديم و هيا تسيف عليا دغيا طارو دوك الدموع و الفرحة ديالها وقالت لي

زبيدة : سمعي (مخرجة فيا عينيها) تنطقي ولا تخرجي شي كلمة غيطير ليك الراس وديك الهضرة اللي سمعتي فالكوميسارية بصح ..حنا ماشي واليديك(انا طحت فالارض على ركابيا و صدومة) حنا ربيناك ودرنا فيك خير ودابا جات نوبتك ترجعي لينا الخير اللي درنا فيك ... انا: اشنووووو(تشوكيت) فين واليديا ؟!!! اشنو هادشي واقع ؟!!! مابقيت فاهمة والو ...شي حد يفهمني(انا مازال ماكملت هضرتي دخل بابا و طار عليا سد ليا فمي.. اسي سمير : سمعي ..(مطرطق فيا عينيه ) غتنساي كااع هادشي اللي سمعتي و غنبقاو واليديك قدام كلشي فهاد القصر ..ومن بعد فاش تكملي العملية اللي عليك ديك الساعة نتي حرة بكي و لا غوتي و لا موتي نتي كاع.. انا: كيفاااااش(عيني تحلو) واش!!واش!!!واش..حتى..حتى نتوما مع..مع هادوك؟!!! لاااا ميمكنش غادي نتسطى؟!!! شرحوليا شنو كاين؟؟؟ زبيدة: سمعي ماعندكش علاش تفهمي و هاد الاسءلة و الاجوبة ماعندك ماديري بها نتي اللي عليك طبقي وسكتي و اللي تقالت ليك ديريها كتسمعي... يالاه نوضي تحركي بلا ماتزيدي ضيعي الوقت ..نوضي قادي حوايجك و طلعي لبيتك وديري داكشي اللي كيتقال ليك يالاااه(دفعاتني) نضت مضروبة و صدمة قوية .!!! ماعرفت نبكي ولا نهرب ولا شنو ندير ؟ مافاهمة حتى حاجة ؟ !! من غير ان واليديا ماشي حقيقيين و غير رباوني ، و انهم حتى هما من المافيا ..ولاكن علاش و كفاش هادي هيا اللي مابغاتش تفهم ليا او ولد افتخار اللي يالاه بان ؟!! اشنو قصت هادشي كامل و شهاد الروينة انا فيها... مهم انا غانحاول نفهم كلشي و يا ربحة يا دبحة انا اصلا ميتة ميتة و غير غيوصلو لهادشي اللي بغاو غيقتلوني. بقا فيا مسكين افتخار اللي مشا ضحية و ماعارفش شكون داير بيه فالقصر..(انا خارجة طالعة للبيتي و صلت و مقادا حالتي وشعري مقاد و الف سوءال و سوءال كيدور ليا فراسي ...وصلت للباب دبيتي حليت لباب و دخلت و انا كنتفاجء؟!!!!!! كنلقى قدامي شخص طويل و عامر عاطيني بضهرو و كيشوف ف السرجم ..يديهفالجيب ووقاف وقفة رجولية كتافو عراض بزااف و وشعرو كحل داكن لابس سروال دجين و تبشورط كحلة ..بقيت واقفة موراه مصدومة عرفت بلي هوا نضال ولد افتخار..

بقيت لاسقة فبلاصتي ماعرفت باش تبليت وهوا كيدور عندي الحركة والوقت كيتقالو فعيني وانا كنتسنى نشوف وجهو وهوا كيضوووووووووووووووووووور................!!!!!!!!!!!!!!!!! جاوجهي فوجهو ومصغر عينيه وهاز راسو وكيشووف فيا و يطلع ويهبط بشوية وانا مصدومة فيه؟!!!! عمري كنت عارفة ان افتخار عندو ولد قد هاكا بشرتو بيضاء شوية مايلة لسمورية و عينيه كوحل وشعر كحل داااكن وفمو مرسوم ولحية كحلة اما فورمتو لا توصف و اللي نقدر نقول انه بوقوووص بزااف بقيت واقفة يابسة فبلاصتي و عينيه فيهم الشر قرب مني بشوية ...حتى وقف قدامي قريب ليا و يديه فالجيب و كيشوووف فيا شوفة مخززة انا بقيت غير ساهية فيه و معجبة !!!بحال الا كان كيتسناني ؟!! ماهضر متكلم خرج بهدوء و خلاني واقفة و سد موراه الباب ...مافهمتش انا علاش كان كيشوف فيا دوك الشوفات و شنو كيقصد بيهم ..ماشي نضرة اعجاب و لاكن كان عاقد حجبانو وصافي .مشيت جلست فوق الناموسية و انا نتفكر الحلقة اللي فودني شكيت فيها تكون شي كاميرة ويكون كيشوفو كلشي بقيت جالسة كنفكر شنو غندير و كيفاش غنلقى الكارطة اللي قالو لي عليها و باش غنبدى و انا عاد مازدت ارتابكت ملي شفت نضال ..باينة فيه بحر غاارق و قليل الهضرة و كثير التفكير، وانا كندورها فراسي والهضرة ديال داك خونا اللي قاليا راه دكي وعنداك يحصلك.. دخل عليا واحد للبيت وقالي.. شوفي امدااام المحامي ديالك راه لتحت و عندو شي هضرة باغي يقولها ليييك(كيتبعكك فالهضرة) انا: (اول مرة نشوفو) واخا سيدي هانا هابطة(عبس عليا) هوا: انا ماشي سيدك الله يخليييك(كيتعوج) سميتي كرم و كيعيطو عليا كاراميل... انا: (غلباتني الضحكة) امم واخا السي كراميل هه انا هابطة(كنضحك فزك موصيبة قد السخط ...كترت الهم كضحك) تميت هابطة لقيت المحامي لتحت فصالة للكبيرة(على فكرة القصر ماشي بلدي ديزاين متطور و كلااااص ولونو دهبي و ابيض) جلست ... المحامي: مدام مروى سقراط انا جيت على التروة اللي خلا ليك المرحوم ..هاد التروة كانت ديالك كااااملة ولاكن فاش دابا بان ولدو راه شركتي نتي وياه التروة وماشي من حقك تاخدي كلشي ...تفاهمي نتي وياه على القسمة و كل واحد ياخد نصيبو.. انا سمعت هادشي مشا بيا القصر وجا وبقيت مصدومة و عاد مازادت تكفيات هاد القضية القضية الغامضة..

مشا المحامي و بقيت انا جالسة كنخمم ..شوية طاح ليا كاراميل فراسي و قلت غنتقرب منو على الله نفهم شي حاجة لابد غيكون عارف شي لعبة على هاد شي و نشوف انا ديك الساعة شنو غندير...مهم تميت طالعة لبيتي شوية دزت حدا واحد البيت وانا نسمع (قتلوه) تخلعت انا وهربت لبيتي كنجري دخلت و انا نسمع صوت القرطاس برا على القصر حيت الارض فين كاين القصر كبيييرة بزاااف و جامجة لابيسين و جرادي و غابة دايرة موراه و ديور صغار تابعين ليه ديال الخدم عاد الصور اللي جامع كلشي داير بالقصر بعيييد ماكيبانش من القصر...انا خرجت للبالكون نشوف شنو واقع و انا نسمع 3 ديال القرطاسات خرين ماعرفتش فين تدبربو ...شوية تزاد معايا الزايد تخلعت و انا واقفة صونا ليا تيلي جاوبت فالبلاصة .. انا: الو....!!!! الشخص: عندك 3 ايام الكارطة تكون هنا عندنا (قاطعتو) ولاكن وو الوووو اوووو(تيت تيت تيت ) اففففف ياربي اشنو كاين اشنو طاري ولاش هادشي غنحماق مابقيت فاهمة والو ...خرجت كنقلب على كاراميل ..هبطت لتحت كنقلب و ماخليت تا جناح وقلبت فيه وانا نمشي للكوزينة ماكاينة لا زبيدة لا سمير اللي رباوني كاع داك الحب اللي كنت كنكنو ليهم تحول لحقد و كره بسباب الغدر ديالهم و الموصيبة اللي رماوني فيها...مالقيت تا واحد فيهم ؟!! او فين مشا هادو؟!! انا الوحيدة اللي هنا مافاهمة والو ...ومنقدرش نتحرك ولا نقول شي كلمة حيت حاسة بديك الحلاقة اللي فودني مراقباني ...شوية وهيا الطيح ايا فكرة فراسي خرجت جيهت لابيسين وانا لابسة داك الطالون و وديك اللبسة الكحلة تميت غادة زربانة و درت راسي تعكلت باش نطيح فلابيسين طحت على طولي وانا اصلا كنعرف نعوم غطت حتى للقاع و هزيت راسي لقيت كاراميل واقف.

كاراميل: واش معندكش العينين الاللة ويليويلي زيدي زيدي طلعي جبتي ليا التبوريشة يعطيك الدل (كان وقت البرد و الشتا ) طلعت و حسيت براسي تهنيييت من ديك الحلقة حيت خسرات بالماء و مابقاتش خدامة...اففف واخيرا نقدر نهضر و نتحرك و نعرف اشنو كاين. طلعت و كاراميل شاد فيا ههه وهوا صلا بحال ستيلو داير ولابس واحد السروال موطارد مزير واحد الكونفيرس بيضة وقميجة بيضة و فيست قهوية ديال الدان مزيرة و داير كاشكو رقيق و السدر مقزب هههه وكيمشي و يتلوى بحال شي قحبة هه انا: ههه كاراميل بغيتك ضاروري فواحد الحاجة.. كاراميل : نعام اختييي؟!!(حاجب طالع حاجب هابط) شتك باغا تصاحبي معيا ...لالا احبيبة خليك بعيدة عليا مافيا مانشد شي قرطاسة بحال دوك الخدم(شد يدو على فمو وعينيه خرجو) ....ام ..اب.. ويليي ..شنو قلت انا؟!! انا: شنوووووو؟!!!!! (كنت باغا نسولو على شكون اللي مات و هيا تفلت ليه بلا مانقول والو) شكوون هادو اللي تيراو فيهم ؟!! جااوبني ... كراميل: ما م م مانعرف ..اويلي بعدي مني متبقايش دو ري ساحتي الله يخليك ...(مشا) انا دزت قدامو حفيانا كنجري و كنبكي و طالعة فالدوج فازكة كنقطر ..وانا نخرج ف نضال نازل شاف فيا بنص عين و كمل طريقو . دخلت للبيت حالتي حالة كبكي على هادشي اللي واقع ليا و حياتي للي ولات جحيم ...و انا طايحة على ركابيا و كنبكي دخل كاراميل كيتعوج عليا و كيتحصر بقيت فيه.. كاراميل ...واقف عندي راسي كيتبعكك ..اففففف مالكي كتبكي نتي عاود ؟!!!!(بقا حاضيني و انا كنبكي) فففف صافي قطعتي ليا قلبي يخ شداني تا نهضر معاك انا كاع.. وانا كنبكي رديت البال للتيلي اللي خليت فوق الناموسية ودايرا ليه فيبرور كيصوني ...وحلت ماعرفت ماندير عيني ف كاراميل و عيني فالتيلي للي كيصوني و قلبي غيسكت ... شوية وقفت شنقت على كاراميلو جلست و هوا كيقفقف ما فهم والو. كاراميل: ممننممالكي اختي ممالكي شانقة عليا هاد الشنقة ؟!!!! انا: (كنقاد ليه حوايجو بعد ما شنقت عليه و جلستو فوق الفوطوي) صافي!!!! واخا!! سيسمح ليا..بغيت نقول سمحي ليا حبيبة(فرح و عجبو لحال) كاراميل ..عافاااك بغيت نقول ليك شي حاجة ... كاراميل: رجل على رجل دافع كبير) اممم يلاااه الغزالة اري شنو عندك و كحزي عليا لهيه ونتي كلك فازكة حالتك ..يخ!(كينفض حوايجو) انا: شوف نتا ..بغيت نقول نتي الوحيدة اللي غتفهمني ...انا فواحد الموصيبة كبيرة قد السخط ماعارفاش اش ندير..عافاك عوني اكاراميل انا راني مقطوعة من شجرة و راني واحلة .. كاراميل: اممم يالاه طلقيني قبل مايوقف عليا نضال و انا مبرز هنا حداك كي العروسة و يخوي فيا شي فردي انا وياك ..يالاه سربي.. انا: كاراميل انا ........ عودت ليه كلشي حيت بان ليا نية و غيقدر يعاوني وهوا الوحيد اللي قدرت نهضر معاه فهاد القصر

كاراميل: قح قح قح ....اري اري ليا لما (تخنق ملي سمع هادشي) انا: واخا(كنتفتف) هاااك ...عافاك متفضحنيش (اويييلي انا فضحت راسي و كنقوليه ماتفضحنيش) ..كاراميل ؟!!! عافااااك عاوني..بليييزز اكاراميل.. كاراميل(كيشرب الما و السخفة شاداه) شششوفي سكتي سكتي شداني نطلع عندك بغيت ركابيا يتكرضو فالدروج قبل ما نوصل لهنا... يعطيك موصيبة كتر من هادي اللي نتي فيها و جريتيني معاك وانا مازال ماشفت متشوفت ..لاه يا ربي لاه شداني نجي للمغرب كن بقيت ف luxembouge كن حسن ليا ...شداني نتبع نضال و هوا جاي ناوي على تفو.. انا: (كنحاول نفهم منو ..لسانو كيزلق دغيا) اه بصح ماعرفتش علاياش ناوي و شنو قصة هاد الكارطة؟!! كاراميل: سكتي !! نساي الكارطا و متبقايش تسوليني و انا عارفك مضلومة غير قلبي عليا متبقايش تجري ليا لساني انا.. عىءهىءهىء.. تيلي كيصوني... انا: هانتا كاراميل ..هاهوما كيصونيو .. كاراميل :جاوبي جاوبي هىءهىء الله يخرج هاد الزمر على خير ... انا: الوووو!!! الشخص: هادي اخر مرة نصوني وماتجاوبيش ...فين وصلتي و شنو وقع للحلقة اللي فودنيك.. انا: را رار راني طحت فلابيسين و معرفتش شنو وقع(قاطعني) عند 3 ايام تجيبي داكشي اللي قلنا ليك و حضي راسك نضال عاق بسمير و زبيدة و قتلهوم ونتي واخا ضيعتي الحلقة راكي مزالة مراقبة..باي انا: اويلييي سمير و زبيدة ماتو ؟!!!(كاراميل دخل فالحيط بالخلعة ) كاراميل شنو كاين واش نضال قتلهم؟؟؟ جاوبنيي عافاااك شرح ليا شنو كاااين... كاراميل : واخا صافي بلا متغوتي انا نفهمك... يخ كن ما عرفتك مضلومة و الله تانخليك و دبري راسك..مهم سمعي و متسولينيش... دابا نتي واش باغا نوريك فين كاينة الكارطة ؟! انا عارف فين كاينة؟ انا: لا ماباغاش نعرف بغيت غير نتفك من هاد الموصيبة وصافي ونفهم شنو واقع ..شرح ليا شنو قصت نضال معاهم و وقصة هادشي كامل اللي واقع.. كراميل: (نجحتي فالامتحان حيت انا براسي ماعارفش فين كاينة) مهم الحاج افتخار كان صاحب رءيس ديال المافيا و كانو شركة فواحد الصفقة و لاكن الحاج كان على نيتو ماعارفش بللي صاحبو تاجر مخضرات كبير...ونضال عاش حياتو كاملة ف luxembourg بعيد على تلشغل ديال باه و اسس حياة ديالو و..و..وو.. انا: وا كمل !!وصلتي حتى للنقطة اللي باغا نعرف و سكتي؟؟ كاراميل: ماعرفتش واش نقدر نكمل ولا لا ...خفت نكون كنخرج هاد الاسرار و من بعد ندفع التمن ديالهم و انا ماعارف عليك والو.. انا: ياك عاودت ايك قصتي مع واليديا اللي كدبو عليا كيفاش بغيتيني نكدب عليك و نتا سمعتيهم كيهددوني بودنيك..انا ماباغاش ديك الكرطة و ماباغاش نعرف لاش كتصلاح ... كاراميل : ام ام ام ..واخا ..امري لله..مهم نضال ...نضال...انا: وا نطق مالو؟!!...نضال حتى هوا كان مع مافيا ف luxemboug ملي كان صغير و دارت ليام حتى تعامل مع شريك باه بالصدفة..عرف نضال بللي باه شريك ديك رءيس العصابة فديك الصفقة و خاف على باه لايمشي فيها و دار ليه بلان مقود حتى سيفصو للحبس ضرب فيه7سنين وهاد العام خرج من الحبس وفديك السبع سنين ولا نضال رءيس مافيا علا قدها فدولة luxemboug داكشي علاش ماجاش للمغرب لمدة 15 سنة من نهر طلقتت مو من باه وداتو معاها لتما قرى مزيان ووصل ولاكن شد اتجاه المافيا من بعد واحد المدة ماتت ماما وانا كنت المرافق ديالها سنيييين هادي وعشت معاهم هاد المدة كاملة وليت كنحس براسي فرد من هاد العاءلة ...المهم نرجعو نكمل ليك القصة...ملي خرج داك مسخوط الواليدين من الحبس اول حاجة دار هيا انه بغا يتقرب من القصر باي طريقة و لقا باباك وماماك فالطريق تاهما كانو على سبة تافقو معاه و قررو باش يزوجوك ليه ودخلي شريكة فكلشي باش من بعد يستاغلك الزعيم ديالهم وهادشي اللي كاين هادشي اللي عارف

انا: امممم (بنص عين) شوف فيا!!!!
باقي عندك شي حاجة باغي تقولها..
كاراميل: لالالا(كيتهرب) كلشي قلتو ليك(عينيه كيدورو وكيسوط فالحنجرة ديالو)
انا: (باااقي عندك ماتقوول) اهىءاهىءاهىء يااك انا مسكينة وحيدة و الدم داير بيا و القتيلة وخايفة ماباغيش تكمل ليا ياك اهىءاهىء...
كاراميل:(مكمش وجهو بقيت فيه) اويليييي وحدي ويعطي مصيبة لقلبي لهشيش ..صافي صافي..
انا: غنكمل ليا !
كاراميل: اففف واخا... مهم باختصار قتلوه مسكييييين هىءهىءهىء بقا فينا كان راجل مزيان واخا كان هوا ولدو مكيتفاهموش نتاقمو منو و ضربو عصفرين بحجر واحد اولا قتلوه حيت سحب الصفقة و كملها بوحدو و شهد فداك المجرم و تانيا باش نضال يجي ملي يعرف بللي قتلو ليه باه وينتقام منو داك الويل حيت هوا برا البلاد ميقدروش يوصلو ليه...و الحاج كان عارف بلي سمير و زبيدة مربينك و عاق بيهم بللي متافقين عليك و سهل عليهم الطريق و طلب يتزوج بيك حيت بقيتي فيه و كان ناوي ينتاقم منهم وبغا يتزوج بيك باش يحميك منهم لاغير وكان ديما كيحيبك بحال بنتو ولاكن زربو عليه دغيا وماكنش دارب لحساب انه غدي يموت فنهارو ...
انا تصدمت و عيني غرغرو وبقا فيا كتر وكتر حيت كان غاراضو يحميني لا غير و كيما كان كيقوليا نتي بنتي و غتبقاي بنتي دورت وجهي عند كراميل..
انا: وكيفاش عرفتي هادشي اللي وقع ليا


كاراميل: شنووو ؟!! اوييلي معامن انا كيعض فالشال و راكي مع نضال واش عارفة شكون هوا نضال راه المافيا هادي ماشي اللعب و زايدون راه الحاج خلا رسالة قريتها بلساني على نضال قاليه فيها بلي تزوج بيك باش يحميك حيت ربا عليك الكبدة و كانت هادي هيا الطريقة الوحيدة باش يحميك مللي عاق بواليديك المزيافين والخطة ديالهم ... انا: صافي دابا وليت كنستوعب اممم ..وشكون اللي خرجني من الحبس؟! كراميل: فاش كنا ف luxembourg جا اتصال لنضال قالو ليه بلي نتاقمو منو و باه ولا فعداد الموتى وملي جينا لهنا تاكدنا من الرسالة اللي خلا الحاج افتخار داكشي علاش نضال سيفط للبوليس برقم مجهول تسجيل الصوتي ديال هاداك اللي قتل باه باش تخرجي نتي ومابغاش يبلغ عليهم باش ياخد حقو بيدبه ولاكن المافيا كانت غدي تخرجك باي طريقة باش تجيبي ليهم الكارطة اللي كيقلبو عليها...هانا شرحت ليك كاشي و دابا سكتي متقولي هادشي لحتا واحد وماحدك داخلة سوق راسك حتى حاجة مغتوقع ليك خلي دابا نضال يفك حريرتو و سيري عندو قولي ليه هادشي اللي وقع ليك و التيليفون اللي نيصوني عليك و التهديدات.. انا: اويلي !!!؟؟؟ انا نمشي عندو برجلي ونقولها ليه؟؟ كراميل : حسن مايجي عندك برجليه ويخلعك وجهو مالي يبدا يغوت اللهم سيري عندو باش حتى هوا يتهنى من جيهتك.. الله ياربي شهاد المصيبة ...تفو ..وكلت امري لله .. كراميل: نوضي تحركي يييعععع بدلي هاد الحالة بورشتي ليا لحمي واخا القصر سخون وفيه كليما منين ما دزتي غير كنشوفيك ونتي فازكة و كندور نشوف الضبابة و البرد برا كيتشوك ليا لحمي ..اخ ..انا مشيت نشوف شنو واقع برا ونتي قادي هاد الحالة و سيري عند نضال عودي ليه من بعد ما نقا ليا كراميل ودنيا نضت للدوش و دوشت دت حمام سخون رتاحيت شوية و نقص عيا النص ديال الحمل بعد مافهمت شنو واقع ..ساليت وهرجت نشفت شعري والست سروال توني مستيلي و تيشوط سماطي x من الضهر و نشفت شعري بالسوشوار وخليتو مطلوق حيت رطب مكنوحلش فيه قاديت الغرفة ديال الحاج افتخار و جمعت باليزتي و خرجت منها بدلت البيت وبديت كنقلب على شي بيت نجلس فيه يكون زوين و كلير وفيه الدوش و كيطل على الجردة بقيت كنقلب حتى لقيتو اوووه واااعر وستيلو زوين فالكحل و انا كيحمقني الكحل و فراشو حمر رمنسي هاد البيت دخلت حطيت حوايجي و بديت كنستف روايح ديالي و كريماتي فوق الطبلة د المرايا ..بغيت نخل واحد البواطة ديال المكياج مابغاتش تحل وبقيت مدابزة معاها تاتحلات و تزلعات ليا على حويجي وسخات ليا لحمي بالالوان ...تفووو عاد دوشت يخ على تكرفيسة جمعتها و حطيتها و نقيت الروينة وهزيت بينوار ودخلت الدوش غسلت من عنقي لتحت و جهي و سعري لويت ليه الفوطة باش مايقسوش الماء ساليت لبست بينوار وصدري كان معري شوية مغطي غير شوية وتميت خارجة وانا يالاه خارجة من الدوش و نضال حل لباب د البيت و دخل ....ويلي تزنكت وليت حمرا وبقيت مصدومة و هوا كيطلع و يهبط فيا

نضال: شنو كديري فبيتي؟ انا: A!!! ببببيتك؟!!! ديزولي مي مسحابش ليا بيتك (واقف مربع كيشوف فيا بنص عين) انا بببغيت نخلي البيت ديال الحاج موقر وبديت كن كن كنقلب على شي بيت و جيت لهنا ...ا اا انا غنخرج دابا!! نضال: صافي خليك انا غنبدل البيت (قاطعتو) لالالا انا غنخرج غير خليك فبيتك نضال:(حاجب طالع حاجب نازل) بلا مانعاود الهضرة... خرج وسد موراه الباب هضرتو قاصحة وغالبة عليه لونكلي ...سينورمال حيت 15 عام ماجا للمغرب ..ويييلي علا حشمة عمرني ماشفت شي دري بركوص لحال هادا اول مرة فحياتي نشوفو..مهم جلست وبدات لبست سروال اخر توني تاهوا واسع شوية وطاي باز مستيلي داكشي مهيبهوبي هه وابست تيشورط سماطي x من ضهري فالكحل تا هيا و مزيرة واسهة على سديى وجمعت شعري كوت شوفال ولافرونش لور منفوخة و خرجت من البيت هابطة نقصي وانا نلقى كواميل جاي عندي كيتعوج كيقلب عليا... كراميل: فينك من الصباح و انا كنقلب عليك طلقيني راه نضال قالي عيط ليها ...يالاه زيدي دغيا انا: اا..؟!!و ماعرفتيش علاش بغاني ؟ كراميل: ومنين غنعرف اختي وانا حاليا عاطيه التيساع و مكنزورش بيه.يالاه سربي زيدي و جيبي معك لاكارط ناسيونال ديالك. لاكارط ؟؟؟ و علاش ؟ يااااربي شنو واقع ليا ياربي . مشيت جبتها و نزلت كنلقى نضال جالس معاه جوج رجال كبار فالسن //كراميل :جلسي هنا . جلست هوا يقولي واحد ..اري لاكارط ديالك عطيتها ليه وبدا كيقيد فواحد الكتاب ورجعها ليا و قالي سيني هنا! انا: وعلاش غنسيني؟!! كراميل:(نخزني..تحت السنان) سني وهنينا .. انا تخلعت و بديت كنترعددددد وسنيت مافاهمة والو كالعادة شويا سنا حتى نضال و هوا مطلع حاجبو و جمعو وطواو دوك الرجال و قالو لينا مبروك و ناضو مشاو ..انا جالسة حالة عيني . بيني وبين راسي؟!!! علاياش مبروك ياكما نضال حيد ليا كلشي و غيرميني برا وانا كنفكر ناض و طالع ليه الدم وتم غادي كان لابس حتى هوا كلشي كحل توني وتيشورط نص كم و كلاكيطة انا: كراميل؟! اشنو واقع ؟! كراميل: احم احم نضال تزوج بيك! انا: Aااااا (حالة فمي ) تزوج بيااااااا!!!!!!!! كرميل: مع الاسف..وي ، حيت باباه خلاها ليه فالوصية باش الى مات يتزوج بيك نضال وهاكا غيقدر يحميك حتى من بعد ما غيموت .. انا: اويييليي دابا انا مرات نضال؟!!! المافيوزي؟!!!!(شادة فحناكي) الله يا ربي امتى غنسالي من هاد المنامة حياتي تشقلبان سفاها على علاها (عيني دمعو) حتى لفوقاش غنبقاو هاكا؟!! حتى لفوقاش غنرجع لحياتي الطبيعية هىءهىءهىء كراميل: (مكمش وجهو و جاتو البكية) صافي صافي ..راني قلبي هشيش مكنستحملش نشوفك كتبكي ! شغانقول انا اللي حياتي كاملة دوزتها وسط الحرب و القرطاس وكل مرة كنقول هاد المرة للخرى ليا حتى ولفت ولا كيجيني هادشي عادي ..شحال من مرة شفت نضال كيعدب و يفرقع الريوس للاعداء ديالو . انا: نتا للي ختاريتي هادشي ماشي بززوه عليك اما انا راه ماعقلتش على راسي حتى ليقتني فهاد المعمعة من الزواج للحبس من للحبس للاختطاف من الاختطاف للمافيا من المافيا وليت مرت اخطر واحد فعالم المافيات والعالم الله شنو باقي غيدوز عليا هادشي كنت كنشوفو غير فالافلام حتى ولا كيتطبق عليا ...اويييلي وحدي على زهري كان عند بالي فاللول الحاج بغا يتزوج بيا حيت انا زوينة و ضلمتو الله يرحمو صدق بغا يفكني ومشا هوا ضحية

يتبع

أجزاء القصة
قصص جديدة
قصة طباخة الرئيس
قصة طباخة الرئيس سناء الصنهاجي
قصة حب وسط الدماء
قصة حب وسط الدماء أسماء الجباري
قصة جنتي
قصة جنتي ليالي نسيم
كايتنشرو القصص والأجزاء كل يوم مع التاسعة ليلا بتوقيت المغرب
9isas maghribiya bdarija قصص مغربية بالدارجة قصص و روايات بالدارجة المغربية