قصة كنزة الجزء الرابع و الأخير

من تأليف مجهول
2018

محتوى القصة


رواية كنزة

ريتا : حبيبة حلي لباب...عافاك..جعفر ماقصدش را منين ما كاي رضاش كايبدا غير الوح فلهدرا.... نضت من لفراش حليت على ريتا لباب.. -انا : ماكاي همنيش شنو قال و لكن بصراحة ا ريتا واش انا غليظة ؟.....مشيت لمراية و كانشوف ف la taille ديالي... يمكن عندو لحق... ريتا : كاضحكي عليا ولا على راسك look at your curves you've got a slim body شوفي المنحنيات ديالك عندك جسم رشيق... انا : و لي بان ليك... بقا فيا لحال علاش اقول ليا هاكداك حشومة عليه اوووف على زهر...بقينا شحال و حنا ساكتين و هي تهرس الصمت ريتا. ريتا : كنزة نطلبك طليبة .. كنزة : طلبي ا حبيبة.. -ريتا : دبا انا ديما كنت كانبغي نمشي لشي party (حفلة ) ولكن مع جدي و خوتي مكانوش كاي خليوني نمشي...و دبا نتي جيتي واخا طلبي جدي يخلينا نمشيو انا و ياك.. انا: ولكن..اريتا.. ريتا : عااافااك ا كنزة عاافااك بقات ريتا كاطلب فيا تا وافقت...مشيت عند جدي و كذبت عليه قلت ليه غادين لعيد ميلاد صاحبة ريتا....با سيدي وافق بلا تردد كون عرنفنا غادين لحفلة كون هرس لينا رجلينا... دازت ديك لعشية و ريتا فرحانة..قتلاتني بضحك...وصلات 7 تلعشية...بديت نوجد فراسي... لبست لكسوة الكحلة لي شريت جاتني لاصقة و زوينة لبست معاها طالون louboutin (ماركة تصباط قاعهم حمر ) فالكحل...درت Smokey eyes و عكرت فمي بالحمر..طلقت شعري و معا هو طويل درت ليه des boucles من التحت شفت راسي فالمرايا طحت فراسي الصراحة جيت بوكوصة بكل ما تحمله الكلمة من معنى...و كاي جي معايا لكحل كاي بين عينيا كبار...هبت لتحت لقيت ريتا كاتسنا فيا لابسة كسوة قصيرة فحالي مي فالبيض و طالون blanc cassé و طالقة شعرها جات غزالة كي الأميرة يلاه بغينا نخرجو هو يخرج جعفر من الكوزينة هاز فيديه طبسيل ديال سباغيتي و كاي خشي فوجهو..لحلوف لاخر الا بقا هاكدا هو لي غاي ولي غليظ راس البوطة!! ..شافنا و هو يوقف... جعفر : where the heck are you going فين غادين بسلامة ؟ -انا: غانمشيو عارضة علينا صاحبة ريتا لعيد ميلاد ديالها.. بقا يطلع و يهبط فينا...حط الطبسيل فوق واحد طبيلة تما و جرني من يدي …. -جعفر : غات كوني نيت تسطيتي..عند بالك انخليك تخرجي هاكدا طلعي بدلي.. هادا مالو..شكون يحساب ليه راسو..مزيان تبارك الله.. -انا : طلق مني ماسوقكش فيا... يلاه بغا يحل فمو و انا نجر ريتا و خرجنا..طلعنا لسيارة و ديمارات ريتا. ريتا : i think he likes you كانظن بلي كات عجبيه... انا : هههههه ضحكتيني هاداك عاجبو غير راسو انا الصفحة ديالو سديتها !! (شحال وليت كانكدب بففف) علامن كتسطاي ا كنزة و نتي عاد مزال كتزيدي تبغيه و طيحي فيه...كل مرة كاي شد يديك اولا يشوف فيك قلبك تاي خفق.. ريتا : hello..hello kenza are you deaf im talking to u كنزة وا كنزة واش مكاتسمعيش راني كانهدر معاك... انا : اه شنو sorry ماسمعتكش... ريتا : قلت ليك كيفاش زعما صفحتو نسيتيها... عودت كولشي لريتا و بقات غير حالة فمها... . ريتا : هادشي كلو طاري و انا مسايقا خبار...ههه -انا: ايييه و دبا شنو ندير.. - ريتا : دبا انمشيو نضحكوا و نشطوا..تال غدا صباح ان شاء الله و نقوليك.. - انا : واخا ا لالة مي واعديني تعاونيني فهاد لموصيبة.. -ريتا : ههههه promise (وعد)... كي دخلنا للدار تالحفلة تقبط عليا قلبي...شي حاجة ماشي تال لهيه...جراتني ريتا فوسط داك الخلق كولشي ميريكاني..و الصداع و الموسيقي elecro dance مطلوقة على جهد سمكات ليا وذني....حبسنا وسط داك الخلق و بدات ريتا كات نقز و تشطح...و انا وقفا كي لبلاكة فوسط دوك دراري و لبنات لي كاي نقزو تقول غير فبواط...بديت تا انا كانشطح و نقرز و نضحك..مع ريتا...نشطنا مزيان... (ريتا كاتهدر فوذني يلاه نفرز شنو كات قول ) - ريتا: انا انمشي نجيب شي حاجة نشربوها....ما تهدري مع حد مع و ما تشربي تا حاجة اوكي ؟ انا: اوكي غير مان تعطليش.. مشات ريتا كاتدفع فناس تا مبقاتش كات بان....بان ليا واحد الفوتوي مشيت نجلس فيه... و بقيت نتفرج فالناس كايشطحوا و ناسيين دنيا .دازت شي 20min ..او ريتا تعطلات عليا حسيت بشي حاجة ماشي هي هاديك نضت تان قلب عليها...

كان دفع فبنادم...و نقلب والو ماكيناش...دخلت لواحد الكوزينة مابانتش ليا...بقيت نقلب تا كانسمع صوت بنت كات غوت مي صوت خافت...حاولت نتبعو تا وصلني لواحد الكولوار مظلم...ترددت معرفت نذخل و لا نكمل نقلب على ريتا...مي احساسي كاي قول ليا دخلي توكلت عل الله و تمشيت..كاع لبيبان تلبيوت مفتوحين إلا واحد مشيت كان جري حليتو..و الصدمة ريتا مليوحة فالفراش كات بكي...الحمد الله بقا بحوايجها...دار شاف فيا واحد خاينا يلاه كاحيد فسروالو ...ولد الحرام ناوي يتكرفس عليها... حيدت طالون و انا نتلاح عليه عتيتو لراس.... داكشي ديال نينجا هههه طاح.. شد فراسو وكاي توجع...شديت ريتا حليت لباب خرجات..بغيت نخرج حسيت بيد جراتني من شعري و لاحتني لفراش.. -ريتاا: كنزةةةةة انا: هربيييي...سييريي بغا يشدها مي هربات ليه الحمد الله... سد الباب بساروت و كاي شوف فيا بحال تقولي لفريسة ديالو.. -الشخص : you saved your friend but unfortunately for you...you'll stay with me in here we'll have a very good time عتقتي صحبتك مي للأسف اتبقاي معايا..اندوزو وقيتا زوينا.. قرب ليا بغا يبوسني و انا نصرفقو... -انا : get away from me you nasty sick bastard بعد عليا اهاد لحمار الخانز... تعصب و جمع يدو و ضربني...و انا نغيب.. فقت و حنكي كاي ضرني تفكرت فين كنت قبل مان تضرب...نضت كان غوت.. -انا: بعد علياا بعد علياا ميمة شدا ليا يدي.. الحاجة كلثوم : صافي ابنتي صافي نتي دبا فبيتك و الشفار راه مجا بحالو.. شفار إنا شفار ؟ هزيت عيني لقيت كولشي واقف..شفت فريتا دارت ليا فعينيها زعما غير سيري معاها فداكشي ليكات قوليك... جا بابا جلس حدايا عنقني و باس ليا راسي.....كلهم بداو كااي قولو ليا على سلامتك منين فقتي و خرجات طريفة -الحاج منصف : يلاه نمشيوا خليوا بنيتي كنزة ترتاح.. خرج كلشي و بقات غيتة و جعفر... -ريتا : نااريي خلعتيني عليك منين سد عليك داك لحمار فلبيت...(بدات كات بكي ) كون ماعيطش لجعفر و جا فرع لباب و عتقك كون راك دبا.... عنقتها... -انا: صافي احبيبه دبا انا هنا و كولشي مزيان..براكة من البكى عفاك.. -ريتا: (معنقاني و قالت ليا بشوية ) را جعفر هو لي عتقك و جابك تال دار و هو هازك ما خلا تا واحد اقيسك...تا فقتي.. و كذبنا عليهم قلنا بلي تعرضوا لينا شفارا... ناضت غيتة باست ليا حنكي غمزاتني و خرجات... ناريي الجو فالبيت متوتر و انا معارفا منقول... انا: شكرا حينت عتقتيني.. جعفر : كنزة واش كنتي عارفة كون ما ريتا عيطات ليا و جيت طاير شكان ايوقع ليك... انا: وصافي بلا مات فكرني الله يرحم باك...(و بديت كانبكي) جا جلس حدايا و جرني لعندو و عنقني... -جعفر : don't cry baby please عافاك احبيبة مات بكيش.. بقيت ساكتة واش قال حبيبة....الله ا ربي قال حبيبة...قلبي كاي ضرب بجهد و تزنكت و حشمت...بغيت نبدل لموضوع... -انا: شنو درتي لهاداك...لهاداك...! جعفر تعصب و عينيه ولاو حمرين بحال لي كاي تفكر.. -جعفر : من كاع داكشي لي كان يقدر ايدير ليك داك الحمار بقا كات سولي فيه.. انا: لا ماتفهمنيش خطأ بغيت غير نعرف شنو طرا ليه.... -جعفر : منين دخلت و لقيتك فديك لحالة وجهك عامر دمايات معقلتش على راسي I beat the shit out of him قتلتو عصا أو خليت دار بوه ههه كون ما جاتش ريتا كات جرني كون راه دبا تاي دفنوه -انا : كات خاف عليا... اوييلييي شنووو قلت..كنزة توقظي نتي سيد عنقك شوية دبتي ما تليتي عارفة شكات خرجي من فمك.. شاف ليا فعيني مزيان وابتسم...باس لي راسي.. - جعفر : الحمد الله منين نتي دبا بخير.. ناض من حدايا و خرج..

.شديت فراسي و لبلاصة فين باسني و بقيت مصدومة نارييي هدا ايسالي معااايااا.. .تكيت على الفراش و غمظت عيني...و بديت نحلم بعرسنا انا و الملاك ديالي.....الزعطة و ما دير دازت ايام على الحادثة و برا ليا حنكي من ديك الدقة....الشيء الغريب هو انا جعفر ما بقيتش كانشوفو بزاف فالدار أو بالأحرى ما بقاش كايبامن فالدار كاع..مكيباتش فيها و الى جا كيجي معطل باليل...سولت ريتا قالت ليا بلي هو اصلا من ديما هاكدا...تصدمت قولي هو مولف بسهير.....مع المدة حاولت نساه مي كيما كيقولو ما تقدرش تنسا الحب الأول خصوصا فالحالة ديالي انني كانشوفو مرا مرا و ساكن فنفس دار.......صايب ليا جدي الأواق ديالي و عطاني البطاقة الوطنية...مالقاش مشكل حينت اصلا كانت عندي الجنسية الأمريكية بحكم انني تزاديت هنا...دوزت الإمتحان السياقة و نجحت فيه و كانت هدية العيد الميلاد ديالي سيارة Audi كحلة آخر ما خرج فالسوق...وليت نعرف نخرج بوحدي ف LA... و ريتا ولات كتر من ختي كولشي كانديروه بجوج...سافر جعفر و عمي حكيم لنيويورك بأمر من با سيدي لمدة شهرين باش اقادو شي مسائل تما.... دازت ديك شهرين كي لويل توحشت جعفر بزااف و كنت كانعيط ليه ديما مي عمرو جاوبني كنت كانواسي راسي بحجة انه مشغول.. الليلة عمي و ولدو جعفر راجعين للدار...وجدنا أحسن الأطباق العشاء و لبسنا قفاطن ما عرفتش علاش مي شفت كولشي لابس التقليدي ما بغيتش نخرج من الجماعة....قفطاني كان فالأزرق و منبت باحجار فالفضي ستيل عصري...درت لشعري مشيطة لبست طالون و درت ماكياج خفيف.. -ريتا : كاتقادي لحبيب القلب... ههههه و راك زوينة. انا: الله يهديك اشمن حبيب القلب تانتي...و عارفة راسي زوينة.هههه -ريتا : ههههه يحيا التواضع!! درت اللمسات الأخيرة من الماكياج...و هبطنا للصالون الكبير لتحت...كولشي كان مجموع فيه....جلسنا انا و ريتا.. - الحاج منصف : ليوم كيما كاتعرفوا غادي يرجع حكيم ولدي و حفيدي جعفر لي توحشناهم بززاف...كانشوف بلي كولشي تقاد و لبس و انا فرحان منين ختاريتو اللباس التقليدي للمغرب كطريقة نرحبوا بها بحكيم و جعفر.... بابا مكانش معانا حينت مشا يجيبهم من المطار.. صونا شي واحد -خالتي نرجس : ايكونو غير هما جاو... زاك مشا كايجري كيف العادة يحل الباب...تبعناه...كولشي بدا يسلم على عمي و جعفر.... عنقت عمي... -انا: سلام اعمي كيداير لباس توحشناكم -عمي: تا انا توحشتكم ابنتي..كيدايرا نتي.. - انا : حمدالله بارك الله فيك ... دزت لجعفر و معرفت شنو ندير....نعنقو؟...نسلم عليه بيدي؟ والله ما عرفت... وقفت قدامو مديت ليه يدي و ابتسمت. . انا: سلام جعفر كيديرتي لباس ؟ شاف فيا و شاف فيدي طلع حاجب...دار يديه فجيبو و مشا و خلاني...مشا يسلم على ختو الصغيرة لينا..وخلاني بلاكة مدا يدي كلهبيلة....شكون هاد الشخص هادا ماشي جعفر لي شفتو اول مرة جيت لهنا...شكون هاد المتجعرف المتكبر لي مقدرش تاي سلم عليا...؟

جمعت يدي و تبعتهم لطبلة...لقيتو جالس فالكرسي ديالو الكرسي لي توحشتو يجلس فيه...دازت غير شهرين و تقولي عامين خلا بلاصتو...مشيت جلست..بديت ناكل..بغيت شوية تل الملح و كان بعيد عليا... 
-انا: جعفر عفاك وخا تمد ليا الملح..(كولشي كان كيهدر تا واحد ما سمعني ) جعفر : خديه راسك مالي خدام عندك تصدمت من جوابو ليا..اويلي هادا مالو...ريتا مسكينة مداتو ليا... كملت العشاء غير بزز....ما تصرطوشليا دوك جوج كسرات لي ضرب ليا جعفر....سالينا العشاء و طلعت ليبتي تبعاتني ريتا. انا: واش شفتيه...ريتا واش شفتي كيدار ليا... -ريتا : شفت كلشي اكنزة صافي ماديريش فقلبك.... انا: كيفاش منديرش فقلبي كفاش -ريتا : حاولي تنساي ديري بحال الى مطرا والو... انا : (بعصبية) كيفاش نسا راني كنبغيه ا ريتا كنبغيه ...عفتي شناهيا مايبادلكش اول حب ليك نفس الشعور....و يكسرك و ينخلك..ا ريتا.. و طحت فالأرض كانبكي ... يلاه بغات تجي لعندي و هو يتحل الباب... جعفر : ريتا خرجي... - ريتا : ولكن... -جعفر : خرجي... ريتا : واخا...(شافت فيا و خرجات ) انا بقا طايحة على ركابية و منين شفتو تبنجت بيقت هاكاك فبلاتصتي....بقا كاي تمختر و يتمشى فالبيت ….. - : سمعي مزياان هادشي لغان قوليك و بلا مات قاطعيني.. سمعت داكشي لي قلتي لريتا عليا...ههههه (باستهزاء) بقيتي فيا الصراحة...من الأحسن ليك تنساي داكشي لكاتسميه حب من جيهتي و داك العشق و التخربيق ديالك...انا جعفر بنيس فالقاموس ديالي بحال دوك الكلمات مكاينينش و عمرهم اكونوا ...ما عمري اصلا نفكر نرتابط مع واحدة بحالك..كون غير بقيتي فالمغرب علاش..... مغاديش نسمح ليه اهيني كتر من هاكدا نضت من بلاصتي و يلاه بغيت نجمعها معاه بتصرفيقة و هو يشد ليا يدي..و معصب و شاف فعيني و قال … -جعفر : ياكما ولفتيها...داك زمان و داك جعفر لي شفتي سالا وقتو....اتجرئي مرة اخرة تحطي عليا يديك نهرسها ليك...العلاقة الوحيدة لي بينتنا ا لالة كنزة هي انك فقط بنت عمي و انا ولد عمك...دوك الأحلام لي فراسك غير بخريهم... طلق مم يدي و خرج و سد الباب...خلاني مصدومة... جلست على الفراش و بقيت كانعاود كل كلمة قالها ليا فراسي....ماحسيتش تا طاحوا ليا الدموع اليوم تجرحت فقلبي وفكرامتي....انا كنزة لي ماعمري ضسرت عليا جي دري... يطرا ليا هكدا...كيفاش سمحت لنفسي نكن ليه المشاعر...مشاعر صادقة و نقية لواحد بحالو ...ليوم وسخ صورتو كملاك كانسان عندي...ولا كاي بان ليا منحط و حاس براسو...مي انا غادي ندموا على النهار لي تجرئ يهيني غنوريه كنزة...كنزة بنيس شكات سوا.... دوشت...و لبست بيجامتي...نعست و انا كانخطط كيفاش انتاقم منو او بلاحرى ندمو حينت هاني... فقت صباح بكري وجدت راسي بش نخرج ندير اcardio هبت لتحت سلمت على ميمة قلتها ليها و خرجت..بان ليا جعفر يلاه ايدخل لسيارة ديالو..ماعبرتوش...شاف فيا... ديمارا السيارة و مشا...كملت لcardio رجعت لقيتهوم فطروا...عمامي و بابا و جدي مشاو لخدمة....سولت ميمة على عماتي و خلاتي قالت ليا بلي مشاو يقديو شي شغال و يوصلو دراري للنوادي ديالهم.. -الحاجة كلثوم : تمشي معايا ابنتي لسوبر ماركت... - ريتا : انا نمشي معاك please grandma (عافاك اجدة ) -الحاجة كلثوم : اهاه احبيبة يلاه و نتي اكنوزة..؟ -انا : لاغير سيرو انا عيانة شوية. -الحاجة كلثوم : و رتاحي ليك ابنتي..يلاه ا ريتا نمشيوا... مشات جداتي و ريتا...و كايبان ليا مخلص ، خليل،ادم،انس و لؤي لابسين تيشيرتات و شورتات.

. لؤي : do you wanna come with us we're going to play soccer اجي معانا..حنا غادين لعبو كورة. . -انا: no thanks im actually super tired...im going to bed لا شكرا...انا عيانا بزاف انمشي نعس ليا شوية.. مخلص : you'll stay alone tho nobody's home..they're all out.. اتبقاي بوحدك فدار..را كولشي خارج.. -انا: no problem i'll be fine ماشي مشكيل...قادا براسي.. سلموا عليا و خرجو..طلعت لبيتي و بغيت نعس مي ماقدرتش...سمعت صوت سيارة طليت من البالكون... لقيتها سيارة جعفر....دخلت لبيتي و جبدت لبيسي.جالسة كان سارا فيوتيب ..وهو يحل عليا الباب.. -جعفر : فين مشاو كلهم.. -انا: اتخرج و تسد الباب موراك...تاي يجيو و سولهم.. بقا كايشوف فيا و انا حانية راسي كنشوق بالبيسي...سد لباب بجهد و مشا بحالو باينا تعصب هههه لبست شوميز فالغوز فاتح و خشيتها فصايا قصيرة بيضا و لبست معاهم طالون blanc cassé درت شي اكسسوارات و طلقت شعري...هزيت صاكي سوارت السيارة..لفون و البزطام و هبت....لقيت جعفر حدا الباب كاي خربق فتيليفونو...طلعني و هبطني مزيان.. -جعفر : فين غادا ؟ -انا: its not your business ماشي شغلك جعفر : منين نسولك جاوبيني... -انا: هههههه (باستهزاء) بحال امثالك مكاي جاوبهمش الناس !!! خرجت من الدار و ركبت فسيارة ديماريت و مشيت لكافي Dulcé.. طلبت القهوة ديالي مع الدورة دخلت فشي واحد..كفحت عليه القهوة... -انا: oh my god..im so sorry ويلي سمح ليا بززاف.. -الشخص : god your beautiful!! سبحان الله شحال نتي زوينة.. هزيت عيني فيه....اشمنك يا طولة...اشمنك يا زين مي جعفر حسن منو ماعلينا.... -انا : haha thanks im so sorry for your shirt i can oay you back if you want هههة شكرا..سمح ليا على الشوميز ديالك خسرتها ليك نقدر نعطيك ثمنها الى بغيتي -الشخص : no...i don't want anything..just tell me your name and your number i'll be thankful لا ما بغيت والو....بغيت غير سميتك و نمرا و صافي انا حشمت خسرت لسيد حوايجو اقل حاجة نديرها عطيتو سميتي و نمرا و عرفت بلي سميتو جايمس... وعطاني تا هو نمرتو... خديت قهوه جديدة و سلمت على جايمس شربتها و انا راجعة فطريقي للدار....... وصلت لقيت كولشي كاين سلمت عليهم درت ساندويتش خفيف و خرجت ل backyard تلاقيت بريتا...عاودت ليها لبلان لي طرا ليا فالقهوة.. -ريتا: وصفيه ليا … - انا: طويل عينيه زرقين و شعرو بني... -ريتا: هاي هاي وا زهر عندك.. - انا: تا نتيا شحال فيك هههه جاني ميساج هزيت لفون لقيتو من جايمس. -جايمس : hi...wru سلام صافا ؟ -انا: good n u لاباس و نتا ؟ -جايمس : if i could see u i'll be more happy الى شفتك انزيد نفرح.. -انا: hahha well you should invite me first هههه هي خصك تعرض عليا.. -جايمس : hahha...so kenza will u go out with me for dinner Friday night ههه..كنزة تقبلي تعشاي معايا نهار جمعة بليل... -انا : for dinner i cant but if you want we could eat lunch together..Friday للعشاء مانقدرش مي لغداء ماشي مشكل.. -جايمس : that would be perfect صافي مشات.. -انا : im glad...bye بسلامة -جايمس :bye

انا : ايوا قاليك ابن لحلال عند ذكروا بي بان ههههه - ريتا: ماتقوليش ليا هدرتي دبا مع جايمس.. - انا : اه و عرض عليا لغداء...هههه -ريتا: اوووهه الناس تقدموا ههه -انا: اسيري بعدي مني...نني دوري دوري و شدي فيا ههه -ريتا: لا انا عندي منك جوج.. يلاه بدات تهرني.. -انا: لا لا عافاك بلا ماتفكري تهريني انموت ليك هنا ههههههه نهار الجمعة لبست كسوة بيضة طويلة مع سميطة بنية و سندالة فنفس لون...ظفرت شعري سبولة و درت ماكياج خفيف مي ركزت على عيني...هبت للصالون بانو ليا الدراري جالسين كاي لعبو فاكس بوكس...دخلت دارو عندي. - ادم : بشاااخ على بنت عمي فين غدا... درت فبلاستي و قلت ليهم.. -انا: كيجيتكوم (بلعاني باج نفقص جعفر لي كان حال كاي شوف فيا بنص عين ) - خليل : you look hot...i could marry u right now كاتباني قرطاسة لدرجة نتزوج بيك دبا دبا نيت.. -انا: هههه دوماج..انا دبا عندي موعد.. هنا جعفر شاف فيا و فعينيه الغيرة هادا مالو ياك قاليك سهمي ماشي مم سهمو.. - انس : who's the lucky men شكون هو هاد سعيد الحظ انا: هههه انا مشيت بسلامة.. دراري : take care تهلاي فراسك... مشيت فلبلاصة فين دار معايا جايمس..دخلت لريسطو لقيتو جالس..شافني ناض و باس ليا يدي... - جايمس : you look stunning جيتي غزالة - انا: thank you very much you don't look bad yourself شكرا…تا نتا جيتي انيق.. جلسنا دوموندا هو الغداء ...صراحة ماعرفتش علاش كاندير فهادشي و خارجة مع ميريكاني..لهاد الدرجة الإنتقام من جعفر عماني...و غاي فسد ليا اخلاقي و تربية بابا...جالسة مع نصراني انتغداو...تواعيت و انا نجمعها بوقفة.. -جايمس : what it is.. مالكي.. . -انا: on sorry James but me and you we will never work out i have to go..please forgive me but im actually in love with someone elese سمح ليا جايمس و لكن انا و ياك ما عمر علاقتنا اتنجح...حينت انا كانبغي شخص اخر...سمح ليا بززاف جايمس : please im happy you told me this right now...i wish you all the luck with ur lover بالعكس انا فرحان حينت قلتي ليا هادشي دابا...و كنتمنى ليك توفيق مع حبيبك.. - انا: thank you -جايمس : you are welcome darling خرجت مم ريسطو..ركبت فسيارة و بديت ندور فالمدينة و نفكر...صراحة مزيان منين قلت داكشي لجايمس باينة فيه ولد الناس و مايستاهلش نعدبوا معايا..شفت فالساعة لقيتها سبعة تالعشية يلاه نلحق عليهم للعشاء.. دخلت للدار سلمت عليهم و جلسنا نتعشاو....الرجال كاي هدرو بوحدهم فأمور الشركة و العيالات كاي ناقشوا شي مواضيع.و انا كانفكر غير فجعفر هاد لكلب سلب ليا عقلي و روحي وقلبي ..سالينا العشاء و طلعت لبيتي.....بدلت عليا لبست بيجامتي....و دخلات عندي ريتا... - ريتا : ويليي ا كنزة ماشفتيش جعفر شنو دار قبيلة منين مشيتي.. -انا: شنو دار هدري... - ريتا : بلا ماتعصبي.. انا : ريتا طلقينا خلاص هدري.. -ريتا : دخل لبيتو و هرس لمراية لي كانت معلقة و جرح راسو... -انا : اويلي... بدون شعور مشيت كان جري لدار عمي حكيم...لقيت لباب محلول طلعت لبيت جعفر حليتو لقيتو جالس فوق الفراش...شاف فيا و تصدم.. - جعفر : كنزة شنو كاديري هنا.. دخلت و سديت لباب ورايا..جلست حداه و شديت يدو لي كانت مضروبة و ملويين عليها فاسمة.. -انا: علاش ضربتي يديك مع المراية.. جعفر : شكون قالها ليك...؟ -انا: ريتا لي عودات ليا شنو درتي منين خرجت قبيلا.. شاف فيا و جر يديه من عندي... - جعفر : ديك ريتا مكاتسكتش ......

-انا: واش باقا كاضرك ؟ - جعفر : معامن خرجتي ليوم ؟ بقيت كانشوف فيه.. -انا: علاش هاد السؤال..؟ -جعفر : كنزة عافاك جاوبيني... بقيت مصدومة .. -انا: خرجت مع جايمس … جعفر ناض من بلاصتو و بدا كيغوت... -جعفر : شكوون هاد جايمس اكنزة.....شكون هو وعلاش خارجة معاه.. تا انا وقفت … -انا: ماشي شغلك اسيدي...نخرج معامن بغيت و علاش كتصرف بحال الى انا عزيزة عليك و لا بحال الى فيك الغيرة..دوي..جاوبني.. -جعفر : بغيتي تعرفي علاش.....حينت من نهار شفتك فبيتك....سحروني عينيك....من نهار شفتك كاضحكي ولا اتبتسمي ليا...و انا بغيت نولي انا سبب فرحتك...من نهار عرفتك شخصيتك بغيتك تكوني ليا و ليا بوحدي... ختكم ما عرفت باش تبليت اويلي واش كانحلم...الملاك ديالي جعفر كيقول هادشي... - انا: نتا كذاب كون بصح هادشي لي كات قول...كون ما جرحتنيش بكلامك كل دمعة نزلات من هاد العين من نهار جيت لهاد الدار كانت بسبابك.. - جعفر: انا عارف راسي غلطت معاك..و لكن ماشي لخاطري...منين شفت راسي وليت كان تعلق بيك خفت..انا عمري حسيت بهادشي لي كان حس من جيهتك لشي بنت....و ما عرفتش انني طحت فغرامك تا ليوم منين عرفتك خارجة مع راجل اخر....هاد لمدة كاملة و انا كانبغيك و لكن كنت كنكذب على راسي...و قلت نخليك تكرهيني..و لكن انا لي وليت كنكره راسي حنت كاضيعي ممي اكنزة -انا: عمري كرهتك..انا كرهت الشخص لي وليتي اما انا بغيتك من اول مرة شفتك فيها ا جعفر و كل ما تعرفت عيلك كتر كنت كانزيد نطيح فيك...منين رجعتي داك نهار من السفر جرحتيني و حلفت تان نساك مي بدون جدوى..حبك كان و باقي ساكن قلبي... قرب عندي جعفر و عنقني... و بقا كاي بوس ليا راسي ... الللله ار بي الراجل لي بغيتو طلع كايبغيني.... تحل الباب و دخلوا ولاد عمي و ريتا ر زينب كلهم بداو كاي صفقو ....ولاد الحرام كانوا كاي تصنتوا علينا... انس : and finally the lovers confessed their love for each othe و اخيرا الأحباء اعتارفوا بالحب ديالهم لبعضهم.. -لؤي : صراحة جرجرتونا معاكم...هههههه -ادم : و بغينا زردة فالعرس... تحنى جعفر على رجل وحدة وشد ليا يديا و شاف فيا... -جعفر : will you marry me...Kenza كنزة...واش تقبلي تزوجي بيا... -الدراريي : اااووه جعفر لwomanizer راكع على رجل وحدة لبنت ويلي ويلي فين ياماتك ههههه -ريتا: سكتونا خانسمعوا جوابها... -زينب : كنزة جاوبيه را سيد كايموت هههه .. ضحكوني المساخيط شفت فجعفر... -انا: قابلة...قابلة بديت تانقز و هو يوقف عنقني و باس ليا راسي.. -جعفر : you just made me the happiest men on earth رديتيني اسعد راجل على وجه الأرض.. -انا : i love you my soon to be husband كنبغيك اراجلي المستقبلي - جعفر : i love you too my soon to be wife تا انا كنبغيك امراتي المستقبلية -خليل: و نودو نودو.ههههه را باقي خاصك تخطبها من عند عمي. . -لؤي : و شوف تشوف يقدر مي عطيهاش ليك.....و تحنسر اصاحبي هههههه و هو يتبعوا جعفر...لؤي عيا مايرغب فيه والو بقا تابعو حالف فيه هههه لؤي : ا صاحبي نعل شيطان يدك مريضة... جعفر : و الله اوليدي الؤي وما ندمتك على هاد الفال الخايب ما نتسمى انا جعفر بنيس ولد حكيم بن منصف... كلنا بقينا كان ضحكوا...ههههه فالأخر لؤي كلا طرحة تالعصا ههه

ليوم الخطبة ديالي....جعفر غادي يخطبني من عند بابا لي وهو عمو....جلسنا فالصالون الكبير...كنت لابسة قفطان فصومو و دايرا مشيطة...جيت كانحمق بكل تواضع ههه جعفر الخطوبة كاملا و هو يشوف فيا وافق بابا هو و با سيدي باش ازوجوني لجعفر و كان كولشي فرحان لينا... تافقنا باش نضربو لاكط و نديرو العرس فنفس النهار من هنا شهر دازت ليلة العرس و كانت احسن ليلة فحياتي...درنا عرس مغربي 100%..حضروا ليه صحاب وجيران العائلة...طاح عليا داك النهار السر و جعفر ادور ادور ايبوس ليا راسي و يقول ليا سعداتي بيك....هههه ولاد عمامي و لبنات حيحوا داك نهار..جميع انواع الشطيح العجيب الغريب داروه هههه نوضونا تا حنا نشطحوا واخا جعفر ما بغاش فلول قاليك الالة مرتي متشطحش هههه تا نكون جايا على قنتي باش منشطحش فعرسي هاي هاي...ههه ختكوم بردات غدايدها دوك لميريكانيين لي حضروا ما فهموا والو بسيف..حنا لمغاربة فينما مشيتنا نسطيو بنادم.هههه بعد مرور 6 سنوات - جعفر : كنزة حبيبة انا كانتسناكم فسيارة.. -انا : اوكي حبيبي... درت شفت فالغزالة الكبيدة ديالي بنتي كوثر (5ans) -كوتر : ماماتي ليوم انشوفو دار جداتي ياكي.. -انا: اه االغزالة ديالي..ليوم اتشوفي دار جداتك.. -كوثر : اندخلوا عندها الدار.. -انا : لا احيبية جداتك عند الملائكة دبا و حنا واجب علينا مرة مرة نزورو دارها و نقاو عيلها القرآن... شديت لكوثر يديها و ركبتها فسيارة.. -كوثر : ماما دبا لبيبي لي فكرشك is it a boy or a girl واش بنت ولا دري ؟ - جعفر : we dont know yet honey..we need to wait for an another 4 months to know that باقي معرفنا ا كبيدة..خصنا نتسناو4 شهور اخرى باش نعرفوا اه دبا انا حاملة فشهري الخامس و جيت المغرب نزور قبر الواليدة...كل عام كانجي انا و جعفر و بابا....ولكن هاد العام بابا مجاش حينت كان دار كسيدة و تهرس من رجلو...مقدرش يجي معانا ....بنتي كوثر غير باباها انا ما شبهات ليا فوالو....العوينات الخضرين و زعورية باها.... انا و جعفر من نهار تزوجنا و حنا عايشين فقمة السعادة حياتنا كلها حب و حنان...جعفر دخل لحياتي بحال العاصفة قلب و شقلب ليا كولشي و لكن من وراء كل كارثة كيجي لفراج من الله سبحانه وتعالى و انا نعمني ربي بزوج صالح كايبغيني و كان نبغيه....و شكون بحالي عايشا وسط عائلتي و حبابي ما خصني تا خير غير اطول ليا ربي فعمرهم.. هادي قصتي...حكاية حياتي لي بدات من نهار سكنت فدار جدي. النهاااااااااااية.💞💞


التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.