رميساء حطات هدكشي من يديها و دارت عندها:واخا اماماتي
ياسمين:حبيبة نتي عارفة بللي نتي هي اهم حاجة عندنا انا و باباك و مبغيناش ناخدو هاد الخطوة من غير مانسولوك
رميساء:شنو كاين اماما
ياسمين:شنو بان ليك يكون عندك خوك اولا ختك صغر منك
رميساء:واش نتي حاملة
ياسمين:لا مزال و لكن نتي ماعندكش مشكل ياك
رميساء:واش اتبغيوه كتر مني و توليو تهتمو بيه كتر مني
امير جلس حداهم:بطبيعة الحال لاا اكيد بيبي صغير غادي تخصو اهمية كتر و لكن مغايتغير واالو غي غايتزااد عليناا فرد جديد تلعبي معاه و توانسوو
رميساء:واخا انا معنديش مشكل و لكن عندي شرط
ياسمين: شرط؟
رميساء:مللي يتزاد اولا تزاد انا اللي نسميهم😃
امير:هههههه مواافقين على الشرط الالة
رجع فيصل و ولدو للدار...دخل لبيتو و سد عليه ..جلس فوق السرير و شد راسو بين يديه ... وبدا كيتفكر ليلة البارح و قصة ماريا
فيصل:فحالا كنت ناقصها غي اناا نتفركع عليهااا ..مكانش عليا نقول هديك الهضرة خاصني نعتاذر منهاا ..ولكن معنديش نمرتها فين غانشوفها "خرج من البيت و مشا عند آسر"كيفاش حتا هضرتي معا ماريا البارح
آسر:من انستغرامك
فيصل جبد تيليفون و دخل لانستا:شنو دايراا ف السمية
آسر:انجبدها لييك ...مكايناش الصفحة يمكن مسحااتهاا
فيصل:دومااج
آسر:واش كنتي باغي تعتاذر منها
فيصل:فنظرك هدكشي اللي خاصني ندير
آسر:اه حيت جرحتيها بهضرتك
فيصل:معندي كيف نوصل ليهاا دابا
آسر:شوف أحمد يقد يكون عندو نمرتها حيت خدمات تماا
فيصل:دابا نحل هاد الموضوع المهم انمشي ندوش و نبدل حوايجي و نديك عند صفوان
آسر:اووك
دخلات ماريا لدار جداتها و هي حالتهاا بالبكاا طلعات لبيتها دغيا و سدات عليها الباب ...حيدات الصنداالة لاحتها و مشات للتصاور المعلقين فالحيط
ماريا:نتااا متستاهلش حبي لييك متستااهلووش صافي انا غانمحييك من حياتي "بدات كتحيد فهادوك التصاور بالجهد و جمعاتهم فواحد السطل و شعلات فيهم العافية" بعد ما عاودت ليك كاع دكشي لي دزت منوو و بعد ما طلبتك تعطيني فرصة نتا شنوو درتي ..نتا جرحتيني ..جرحتيني بزاااف"خدات الطابليط ديالها و دخلات للانستا و مسحات هديك الباج"داابا مزياان غادي نساا هاد بناادم و غانديهاا غي فخدمتي
وصل فيصل ولدو لدار مريم و مشا لريسطو شهد دخل نيشان عند احمد
احمد:كيدااز العشاا ديال البارح😉
فيصل:مزيان مزيان
احمد:شكون اللي عرضتي عليها واش هديك العارضة
فيصل:خليناا دابا من هاد الهضرة هديك البنت الحمقة اللي خدمات عندناا هادوك اليومين واش معندكش شي حاجة توصلني ليها
احمد:لا حيت حتا الوراق مصايبانهمش
فيصل:امم اوك انا غانمشي داباا الله يعاون
احمد:اميين
فيصل:ضروري مانعاود نشوفك شي نهار ا ماريا
عند ياسمين و امير و العائلة اللي مجمعين فدار حسن
امير:انا خديت واحد الدار حدا البحر انجلسو فيها هاد اليومين
وفاء: حشومة عليك و حنا اللي قلنا مشبعو منكم شوية
امير:غدا هبطو عندناا و نجلسو النهار كاامل معا بعضياتناا
ماريا:يااربي نلقاا خدمة دغيااا اناا للي حمارة خلييت خدمتي و مشيت تابعاا هدااك...اوف صافي صافي مخاسنيش نفكر فيه مزال
هند ختها:مالكي كتهضري معا راسك
ماريا هزات كاس د العصير نزلات عليه دغيا:انا غاديا نقلب على خدمة ردي البال لجدة
هند:واخة بون شونص
خرجات ماريا من الدار و بداات فالتقلاب مخلات فين مشات كيقولو ليها معندناش بوسط ليك ...بقاات هكاك النعار كامل رجليها طابو ..جلساات فوق الطريطوار و حيدات صباطها
ماريا:ااي ارجلي اووف كيغاندير نرجع دااباا ..اا شنو هدشي "هزات واحد الورقة مليوحة"مهرجان الاطفال للعب و الاستمتاع طاالبين عمال و مرشدين للاطفال ..امم نمشيو نشوفوو
لبسات صباطها و شدات طاكسي لهديك البلاصة ...دخلات و سولات على المدير و دخلوها عندو
ماريا:السلام😃
المدير:وعليكم السلام تفضلي
ماريا جلسات:شكرااا ..انا شفت الاعلان ديالكم و جيت على قبل الخدمة
المدير:شنو الشهادة اللي عندك
ماريا جبدات السيفي ديالها:عندي الماستر فالفنون الجميلة
المدير:امم مزيان هدشي نيت كان خاصناا اللي يتكلف بورشة الرسم مرحباا بيك معاناا و ايلا عجباتنا خدمتك اتولي من الفرقة د المهرجان و تبقاي تمشي معانا فالجولات
ماريا:شكرا بزااف
اامدير:العفو و مرحباا بيك
ماريا خرجات من المكتب و بدات كتنقز:ياااس ياااس
سالا اليوم الدراسي و خرجو من البراهش من المدرسة لقاو واليديهم كيتسناوهم ...مشات رميساء لعند ياسمين و ركبو فلوطو
ياسمين:حبيبة نمشيو ناكلو للكلاص
رميساء:اااه😍 نيت عندي شي حاجة نقنعك بيها
ياسمين:الله يسمعناا خبار الخيير
وصلو لمحل الكلاص و ختاارو النكهة اللي بغاو و جلسو ياكلو
ياسمين:شنو بغيتي تقولي لي
رميساء:كاين اماما واحد المهرجان نهار السبت و بغيتك ديني ليه
ياسمين:ايناا مهرجان هداا
رميساء جبدات الاعلان اللي عطاها آسر و عطاتو ليها:هاكي شوفي
ياسمين:هدشي باين زوين انقولها للبنات باش يديو ولادهم حتا هوما
رميساء:يااااس
💛يوم السبت💛
ياسمين دخلات على رميساء للبيت:حبيبة كملتي
رميساء:مزال صايبيلي شعري
ياسمين:واخة
ياسمين لبسات جامبسوت قصير و خفيف فالاحمر و مزوق بنص وريدات بيضين ..لبسات صبادري بيضة دارت ميكاب خفيف و خلات شعرها على راحتو
اما رميساء فلبسات صالوبيط فالبلو ماغين و تيشورت فالشيبي مع صبادري بيضة و ياسمين ضفرات ليها شعرها
ياسمين:داابا حنا واجديين 😃
رميساء:بابا غايمشي معانا؟
ياسمين:للاسف لا عندو شي خدمة مهمة المهم حنا غانمشيو ندوزو وقت زويين "شدات ليها فيديها و نزلو للتحت فطرو دغيا و مشاو ف لوطو د ياسمين"
ماريا فاقت على صوت المنبه لي طفاتو شي عشرة د المراات ...حلات عينيها و بدات كتكسل عاد تفكرات شنو اليوم
حلات الماريو دغيا و هزات اي حاجة دخلات لحمام غسلات وجها و حكات سنانها و خرجات لبسات دجين واسع شوية و قاميجة مخططة طول بالبيض و الشيبي خشاتها فالسروال و لبسات صبادري بيضة طلقات شعرها لي كانت ديجا مصايباه ..هزات صاكها و نزلات كتجري خرجات بلا فطور ..شدات طاكسي يوصلها للمهرجان و فالطريق دارت شوية د الميكاب ...وصلات فالوقت و مشات للورشة ديالها دارت الطابليي و خدات قهوة تفيق بيها و بقات كتسناا المهرجان يبداا ...
بداو الناس كيجيو و المهرجان عمر و البراهش نتاشرو كل واحد و اينا ورشة ختاار ...رميساء و آسر تلاقاو فالدخلة و دخلو كيجريو مشادين ..خلاو ياسمين و فيصل واقفين كيشوفو فيهم
فيصل:اا ياسمين لاباس
ياسمين:بيخير و انتاا
فيصل:حتا اناا
دخلو للداخل و شدو واحد البلاصة جلسو فيها
فيصل:انمشي نجيب قهوة نجيب ليك معايا
ياسمين:واخة
فورشة الرسم:
ماريا:كل واحد قدامو اوراق و ملونات .. بغيتكم ترسمو اكتر حاجة كاتبغيوهاا فهاد الدنيا
....:انا معنديش اوراق
ماريا:واخة انمشي نجيبهم ليك و البقية يبداو الرسم
مشات ماريا للادارة خدات الاوراق و كانت راجعة للورشة حتا تزادحات معا شي واحد وطاحو ليها الوراق نزلات كتجمعهم و نزل هداك لي تزادح معاها يعاونها طلعات عينيها فيه و تصدمات
ماريا😱😱😱
فيصل:مارياا😃
ماريا جمعات الوراق دغيا:سمحلي مشفتكش
جات ضور باش تمشي و هو يشدها من دراعها
فيصل:فين كنتي غابراا شحال قلبت على شي وسيلة توصلني ليك
ماريا:علاش؟نسيتي شي حاجة مقلتيهاش هداك النهار
فيصل:بخصوص هداك النهار انا...
ماريا قاطعاتو:عندي خدمة منقدش نتلاها معاك هنايا "فكات دراعها من يدو و مشات بالجرا للورشة ديالها"
خرجو على هديك البلاصة د الاحصنة و مشاو لواحد الحصان محطوط بعيد فكو ليه رجليه و طلعو فوق واحد الحجرة كبيرة عاد قدو يوصلو ليه ..رميساء شدات القيادة و بدات كتحرك الحصان بشوية
آسر:رميساء صافي باركة ياله نهبطو هدشي لي درنا مامزيانش
رميساء:آسر سكوت حنا غي كنلعبوو
فجأة رميساء فقدات السيطرة على الحصان اللي ولا كيجري بجهد و رميساء و آسر شادين راسهم بزز باش مايطيحوش.. حمااوهاا غواات و بكاا باش يعتقهم شي حد حتاا لاحهم الحصان ...
ياسمين مشات تقلب علا رميساء جيهة الاحصنة ملقاتهاش و بغات تمشي تقلب عليها فبلاصة اخراا حتاا سمعاات الغوات ديالها تبعاات صووت الغواات بالجرااا و جات معا اللقطة اللي تلاحو فيها
ياسمين غوتاات بحر جهدها:رميسااااااااااااااااااااااااااااااااء
من بعد ما مشات ياسمين ..فيصل ناض يقلب على ماريا سول عليها و نعتو ليه فين كااينة ..وصل للورشة و تكا فالباب كيشوف فيها حتا نتابهات ليه و جات عندو
ماريا:اشنو بااغي
فيصل:باغي نهضر معاك 😃
ماريا:وانا مامساليااش
فيصل:انتسناك حتا تساالي
ماريا:شو....
شافو الناس غاداا كتجري و وقف فيصل واحد الراجل و سولو
فيصل:شنو واقع
الراجل:واحد الدري و بنت صغار طاحو من فوق العود
فيصل:شنوووو 😱
مشاا كيجري لهديك الجهة و ماريا تاابعااه ...وصلو لقااو ياسمين جالسة شادة رميساء و كتبكي و تغوت و آسر دماياتو سايلة
فيصل مشا كيجري لعندو جلس و شد راس آسر عندو كيفيق فييه:آسر فييق آسرررر عيطوووو على الاسعااف دغياا اشنوو كتسناااو ..
....:راه عيطناا ليهم
ماريا:متقيسوش افيصل يقد يكون مهرس
بعد عشرة الدقايق :
مدخلين آسر و رميساء فالنقالة و ياسمين و فيصل و ماريا تابعينهم
الممرضة:مايمكنش ليك دخلي امداام
ياسمين:بغييت بنتييي اهئ اهئ 😭
ماريا شداتها:صافي تهدني اختي يكون خير
جلسات ياسمين فالارض و جبدات تيليفونها و هي كلها كترعد و عيطات لامير
ياسمين:امييير اهئ اهئ 😭
امير:مالكي اياسمين شنو واقع
ياسمين:رميساااااء اهئ اهئ😭
امير:ماالها هضرري
ياسمين:ططااحت من فوق العود و دابا حنا فالكلينيك😭
امير😱:اينااااا وااحد
ياسمين:******
امير:تهدني انا جاااي دااباا
بعد مدة قصيرة دخل كيجري لعندهم نتابهاات ليه ياسمين و ناضت تلاحت عليه
ياسمين:من قبيلة و هوما الدااخل اهئ اهئ
امير:تهدني و قولي لي اشنو وقع
ياسمين كلها كترعد:خليتها كتلعب معا آسر و ماعرفتش شنو وصلهم لهديك البلاصة ركبو فوق العود و يمكن مشا بسرعة و طاحو من فوقو اهئ اهى
امير معنقها:صافي شوو كلشي ايكوون مزياان
فالطرف الاخر ماريا كتحااول تهدن فيصل
ماريا شدات ليه فيديه:ايكون بيخير
خرج الطبيب و ناضو تجمعوو عليه
ياسمين:شنو كاين شنو وقع لبنتييي 😭😭
الطبيب:البنت حالتها مستقرة و عندها كسر فيدها اليسرى اما الدري فعندو نزيف و خسر بزااف ديال الدم
فيصل:ماارياا تسنااي ..الدنيا شحال صغيرة ..اخيرا اولدي اتعرف ماماك الحقيقية
قلبات ماريا على هداك الطبيب و خبراتو بلي باغة دير التحليل و داها للمختبر
الممرضة:بنتكم فاقت يمكن ليكم دخلو تشوفوها
امير:شكراا
دخلو امير و ياسمين لعند رميساء لي ناعسة على ضهرها و فيدها الجبص
ياسمين😢:الحبيية ديالي كيف بقيتي
رميساء:كضرني يدي بزاف 😭
ياسمين:غادي تبراا ليك احبيبة و غاتحيدي هدشي من يديك
رميساء:بابا
امير جا حداهم:نعام احبيبة
رميساء:واش نتوما مقلقين مني
ياسمين:حبيبة ماديريش فبالك داباا حتا تبرااي و نهضرو
رميساء:آسر شنو وقع ليه؟😔
ياسمين:ماوقع ليه والو احبيبة حتا هو ايولي بيخير
رميساء:هو مكانش باغينا نطلعو فوقو انا اللي اصريت عليه
امير:صافي احبيبة نساي شنو وقع و رتاحي دابا فالليل انرجعو للدار
ماريا:امتا ايخرجو النتائج
الطبيب:نوغمالمو خاص يدوز نهار ولكن انا غانوقف عليهم و يكونو واجدين بعد ساعة
ماريا:شكراا بزاف ادكتور
الطبيب:العفو
خرجات ماريا من المختبر و نزلات للكافي خدات قهوة و جلسات كتفكر
ماريا بينها و بين نفسها:زعما يكون آسر بصح ولدي..علاش قالو لي مات و داوه للميتم؟شكون لي داه...ايلا عرف هداك الوحش و خدااه؟😔..لا لا مخاصنيش نفكر هكاا..ايلا كان بصح ولدي كيفاش ايتقبلني واش ايتخلا على فيصل و يبقا معايا؟
فيقها من سهوتها يد تحطات عليها ...كان فيصل جلس قبالتها ..
فيصل:عارف هدشي اللي عرفتي اليوم صعيب تستوعبيه بين ليلة و نهار عرفتي ولدك اللي قالو ليك تزاد ميت باقي عاايش و مربيه راجل آخر
ماريا:صافي بااقي ساعة و نعرف واش آسر بصح ولدي اولا
فيصل:وايلا كان ولدك شنو غاديري
ماريا:معرفتش ..معرفتش كيفاش نواجهو
فيصل:ايلا كان بصح ولدك ..مغاديش تحرميني منو ياك؟😔
ماريا:نتا راك باباه حتا حاجة ماتقد تفرقك عليه
دازت ساعة و فيصل و ماريا جالسين فالكافي كيتسناو التحليل يخرج و يفيق آسر ..طلعو بجوج لمكتب الطبيب و خداو من عندو التحليل
ماريا كترعد:مااقدرتش نحلوو عافاك حلو نتاا
فيصل:واخا"خداه من عندها و بدا كيحل فيه بشوية و مشات عينيه نيشان لاخر سطر 'متطابقان بنسبة 99,9%'شاف فيها و الابتسامة على وجهو"آسر ولدك 😃
ماريا:بصح بصح؟😄 انشووف "خداتو من عندو"آسر بصح ولدي ولدي "بلا شعور تلاحت على فيصل عنقاتو و حتا هو ماحبسهاش"
ماريا:اا سمحلي تحمست زيادة على اللزوم انا غانمشي نشوف أسر قبل مايفيق
مشات تحت نظرات فيصل و دخلات للغرفة د آسر ..قربات ليه بخطوات تقال حتا وصلات ليه
ماريا:ولدي حبيبي ههه حتا نطقها زوين بزااف ..كون غي مخداوكش مني كنت محتاجاك بزااف و حتا دابا محتاجاك كتر ..كيغاندير نقولك انا ماماك اولدي واش اتقبلها دغيا و نتجمعو انا وياك "شدات يديه عندها"شنو غانديرو معا فيصل انولي نشوفو بزاف و انا بزز باش بديت نساه كان ضروري هو اللي يتبنااك :/ اوف كون ماشي هو لي تبناك مكنتش انلقاك اصلا
بدا آسر كيحل فعينيه و ماريا مانتابهاتش ليه ..شافها شادة ليه فيديه و عينيها مدمعة..
آسر:ماريا؟
ماريا طلقات منو دغيا و وقفات:انا غانعيط ليك على باباك"خرجات" فيصل راه آسر فاق دخل عندو
فيصل:نتي شنو غاديري داباا
ماريا:خاصني نرجع للدار بعدا و نجمع افكاري
فيصل:عطيني نمرتك بعدا باش نقد نوصل ليك
ماريا:قلتي نمرتي؟😃
فيصل مد ليها التيليفون:هاكي
سجلات ليه نمرتها و ردات ليه التيلي و ودعاتو ...
دخل فيصل عند آسر و جلس حداه
فيصل:باش كتحس
آسر:فين هي رميساء واش بيخير
فيصل خربق ليه شعرو و ضحك معاه:بيخير بيخير يمكن خرجات كاع
آسر:و انا امتا انخرج
فيصل:مزال شوية حيت تقصحتي كتر منها
آسر:وماريا مالها ملي فقت لقيتها شادا لي فيدي و كتبكي
فيصل:اا بصح غي حيت بقيتي فيها يمكن حتا هي كانت تما و شافتك ملي طحتي ..نتا باش كتحس مكيضرك والو
آسر:كيضرني راسي شوية
فيصل:غادي نهضرو من بعد على هاد المصيبة اللي درتي نتا و رميساء
آسر:رميساء مدارت والو انا اللي اصريت عليها طلع معايا
فيصل:و نتا فين كتعرف تمشي بشي عود
آسر:قلت نجرب و صاف
فيصل:آخر مرة افيصل اخر مرة حيت خلعتيني عليك بزااف
آسر:واخة
ماريا خرجات من الكلينيك و شدات طاكسي لدار جداتها و فالطريق بقات كتهضر معا راسها
ماريا:كان ضروري ضحكي ملي قالك عطيني النمرة :/ راه باغيها غي على قبل آسر...آسر ولدي😍مزال مامتيقااش لداابااا..ااه امتاا ايعيط ليا ماما
بداات كضحك بوحدها و الشيفور كيشوف فيها من المرايا نتابهات ليه و جمعات الضحكة ...حطها قداام الدار خلصاتو و نزلات ..حلات الباب لقات ختها مخبية ورا الكنابي و جداتها كتشير عليها بالصنادل
ماريا:اااش واااقع هنااا😱
زهرة(الجدة):اجي تشووفي ارقية هااد بنت الحرام د سعاد مبغاتش تبعد ليا من راجلي
ماريا:فكري فكري فكري اكيد كاينة شي طريقة ...اممم زعماا ماشي معيقة شوية يقد آسر يعيق و اصلا محال يقبل فيصل بهاد الفكرة...اوف غي هياا اللي جاات فبالي ماشي سوقي انقولها ليه و اللي ليها ليها انا كندير هدشي علا قبل آسر فقط ...يعني ماشي غي علا قبل آسر حتا فيصل شوية غي شوية ماشي بزااف ...اوف صافي صافي "هزات تيليفونها"مزال معيط لياا كيفاش انقوليه نتلاقاو غدا واش نمشي لكلينيك اه ايكوون حسن "حطات التيليفون و طفات الضو و استسلماات للنعاس"
فيصل متكي فالكنابي اللي فالغرفة د آسر و شاد التيليفون ف يديه
فيصل:نصيفط ليها ميساج؟ شنو نقوليها ...نقولها هادي نمرتي ..اوف ا نعيط ليها حسن ولكن دابا مشا الحال اتكون نعساات خللي حتا لغداا ..انشوف بعدا التصاور اللي صيفط لي احمد "دخل كيقلب فلكالغي وهي تبان ليه تصويرتو خو و ماريا مللي كانو ناعسين بدا كيزومي عليها و الابتسامة على وجهوو"
🌞🌞 فااقت مااريا كيف العادة معطلة و طافيه المنبه مليون مرة لبسات دغيا دجين و تيشورت فالطرونة و صباط كحل و صاكادو و فنفس اللون طلقات شعرها و نزلات كتجري لقات هند كتحط فالفطور
هند:فين غادية على الصباح ياكماا لقيتي شي فكرة
ماريا هزات توست خشاتة فمها:حتا نجي و نهضرووو
خرجاات دغيا شدات طاكسي للكلينيك و طلعات للطابق للي فيه آسر دقات الباب و دخلات ...لقات الممرضة كتبدل ليه الفاصماا
ماريا:آسر صباح الخير كيف بقيتي
آسر:بيخير
ماريا:اا فين هو باباك
آسر:خرج يهضر ف تيليفون
ماريا:اه واخا انا غانتسناه براا
خرجات وسمعات تيليفونها كيصوني لقات نمرة مامسجلاش
ماريا:الو
فيصل:مارياا صباح الخير ياكما فيقتك
ماريا:لا لا انا فالكلينيك دابا جيت نهضر معااك
فيصل:واش فغرفة آسر
ماريا:اه
فيصل:واخة هاني جااي
غي قطعات عليه و هو يوقف عليها
ماريا شادة فقلبهاا:خلعتيينيي
فيصل:هههه كنت غي هنا لمهم شنو باغا تقولي
ماريا:ممكن نزلو للتحت
فيصل:اوك
نزلو للحديقة و وقفو فواحد البلاصة
ماريا:اا انا كنت كنفكر البارح فشي طريقة نتقرب بيها ل آسر و جات فبالي واحد الفكرة
فيصل:اللي هياا ؟
ماريا بينها و بين نفسها:صافي قوولي قولي تشجعي و قولي
فيصل:مارياا ؟
ماريا غمضات عينيها و هضرات:قلت نمتلو بللي انا وياك حبيب و حبيبة باش نقد نسكن معاكم فالدار و نتقرب من آسر
فيصل:قلتي حبيب و حبيبة؟
ماريا:غي غنمتلو بطبيعة الحال :/
فيصل:و غنظرك آسر ايتيق
ماريا:نقولو ليه بللي فهاد اليومين تقربنا من بعضياتنا و ارتابطناا و انا عندي شي مشكل فالدار دكشي علاش انجلس معاكم
زهرة:فين غاداا نتيي "وجهات هضرتها ل فيصل"هاد بنتك راه مبقاتش كتحشم عاطياها غي لدوران و دابا يعلم الله فين غادة
ماريا:اجي معاياا نعطيك دوااك
زهرة:مزال ماشبعت من محمد
ناض فيصل باس ليها راسها:انبقا نجي نشوفك كوني هانيا
ماريا:ياله احبيبة ديالي"لفيصل"هاني جاية
فيصل:انتسناك براا
خدات ماريا جداتها لبيتها عطاتها دواها و تكات عليها معنقاهاا
زهرة:نوضي عليا خنقتيني
ماريا:هاهياا نايضااا "باستها و مشات لعند هند"هند شوفي متنسياش الدوا ديال جدة عطيه ليها فالوقت و انا غانبقا نجي نشوفكم
هند:جيبي معاك شي نهار آسر نشوفوه
ماريا:ضروري ياله تهلاو فبعضياتكم غانمشي "تعاانقوو و هزات ماريا صاكها و خرجات عند فيصل لقاتو كيتسناها فلوطو و ركبات معاه و تاجه لكلينيك "
فيصل:عندكم جو زويين ف الدار 😂
ماريا:ههههه تخاايل كل نهاار معيشانا جدة قصة جديدة مرة كنلقاها كضرب هند حيت سرقات ليها راجلها مرة كتشد تيليفون و تعيط لنمرة جدي الله يرحمو كاتلقاها مخداماش و تبدا تشك بلي معا وحدة اخرى و نتا ليوم رضاتك راجلها ماعرفتش ملي غاتشوف آسر شنو غاتقوليه😂
فيصل:ههههههه سعداتك بهاد العائلة
ماريا:و نتا فين عائلتك مكاينينش هنا
فيصل:لا عائلتي فالقرية كاين تما الواليد و الواليدة و خويا الكبير ياكن براا
ماريا:كتمشي تشوفهم
فيصل:قلييل الله يسمح ليا منهم و لكن مكنقدش نبقا تما بزاف هديك البلاصة كتفكرني بشي حوايج باغي نساهم
ماريا:كتفكرك بحبك الاول
فيصل:اا ها حنا وصلناا تبغي طلعي معايا و لا تسناي هناا
ماريا:انجي معاك
نزلو من لوطو و دخلو لكلينيك متاجهين لغرفة آسر حتا وقفهم واحد الشخص
الياس:ماااريااا :o
ماريا:الياااس 😍
تلاحو على بعضياتهم تعاانقو و الياس هازها كيضور بيها
الياس حطها:وا فيين غبرتي
ماريا:اناا اللي غبرت ولا نتاا
الياس:راك عارفة الخدمة
ماريا كتقاد ليه الطابلية:هاي هاي الياس ولا دكتور قد الدنياا 😂
الياس:ههههههه و انتي لقيتي شي خدمة ولا مزال كضوري 😂😂
ماريا: راك عارف مكنقدش نصبر فبلاصة وحدة بزاف هههههه
فيصل:احمم
ماريا:اووبس معرفتكمش فيصل هدا الياس ..الياس هداا فيصل "سلمو على بعضياتهم"
الياس:متشرفين
فيصل:متشرفين ..انا غانمشي نخرج آسر"مشا حتا بغا يدخل لغرفة آسر و ضار كيشوف فيهم كيفاش كيضحكو و ضاسرين على بعضياتهم" و نتا ماالك ا فيصل ماالك"ضور راسو و دخل عند ولدو"
الياس:قولي لي شنو كديري هناا ياكما مريضة
ماريا:لا لا ولدي هناا
الياس:ولدك؟😱انتي امتاا ولدتي و ياكما هداك راجلك و شافني كيف عنقتك مقااد على صداع اماريا 😂😂
ماريا:ههههههه لا ماشي رااجلي شوف هديك قصة طويلة نعاودها ليك من بعد
الياس:اوا عطيني نمرتك باش نديرو شي وقيتة نتلاقاو
ماريا:اوك "سجلو نماري بعضياتهم"
الياس:نهضرو بليل دابا خاصني نرجع لخدمتي "سلمو على بعضياتهم و مشا الياس لخدمتو و هي لحقات على فيصل دخلات لقاتو كيلبس لآسر حوايجو"
ماريا:آسر كيبقيتي صاافاا"باستو"
آسر:وي صافا
فيصل كمل ليه اللباس و شد ليه فيديه :مشينااا
نزلو كلهم لوطو ركبات ماريا القدام حدا فيصل و آسر لور ....كسيرا فيصل و كلشي ساكت ...تسمع صوت تيليفون ..كان ديال ماريا جاها ميساج شافتو و بدلت كضحك ..فيصل رد ليها البال و بدا كيلوح عينيه يشوف معامن كتهضر
فيصل:ضحكيناا معااك
ماريا:هههههههه غي شفت واحد التصويرة قديمة شوووف ا آسر
ماريا:هههههه هانتاا هادو هوما اعز اصدقائي هادي صفاء و هادي فاتي و هدا الياس عرفتي هدا طبيب فالكلينيك اللي كنتي فيه تلاقيتو قبيلة حتا هو تبدل بزااف هنا كان كيقتل بالضحك😂😂
فيصل:صافي براكة سكتو شوية خليوني نركز فالصوكان
آسر هضر ليها فودنها:بابا كيغير عليك
ماريا بينها و بين نفسها:مالقاا علامن يغير غي علياا اناا
فيصل:ياله وصلناا
نزلو من لوطو و هز فيصل لفاليز ديال ماريا طلعها و هي تابعاهم ...حل فيصل الباب و دخلوو
آسر:كيجاتك الدار
ماريا:زوينة فين هو بيتك
آسر شدها من يديها و هي حسات بقلبها نقز من بلاصتو جرها لبيتو يوريه ليها
آسر:كيجااك
ماريا: اووه اشنو هدشي كيعجبوك طونوبيلات سبور
آسر:ملي غانكبر و نخدم انشري شي وحدة فحال هادي
ماريا:عرفتي باش كنت كنعمر بيتي انا
آسر:باش؟
ماريا:نونوسات😍كانوو عندي بزااف و اعز واحد كان كبير بزاف مانقدش نعس ايلا مكانش حدايا ولكن ملي خرجت من دارنا مخديتهمش معايا😔
آسر:علاش خرجتي من داركم ؟
ماريا:ااا ح حيت...
تدخل فيصل اللي كان واقف فالباب
فيصل؛ماريا اجي نوريك بيتك
ماريا:واخاا "خرجو"عتقتييني اووف
فيصل:اكيد ماشي اخر مرة ايسولك خاصك تلقاي الجواب اولا تقولي الحقيقة
الياس:قصفتيني داابااا ولكن هاانياا انا عيطت ليك باش نقولك انا عارض عليك غداا نفطرو بزوج و نهضرو شوية اش قلتي
ماريا:كيف قتليك قبيلة على ولدي اللي كان فالكلينيك هو معارفش بلي انا ماماه و هاد الفترة كنحاول نكون قريبة منو و ندوز معاه اكتر وقت ممكن ايلا كان عندي شي وقت خااوي نقولها ليك و نخرجو اكيد
الياس:ضرني رااسي و تشوقت نسمع قصة هاد ولدك
دق فيصل الباب و دخل :العشا واجد
ماريا:اا الياس نهضرو من بعد واخاا..ياله بونوي
فيصل سد الباب و تكا عليه:صحاب بزااف
ماريا:نعام!
فيصل:زعما نتي و هداك اللي تلاقينا بيه اليوم شنو سميتو ...اه الياس
ماريا:اااه الياس من الكليكة اللي قلت ليك عليها
فيصل:ياريت تنقصي هضرتك معاه فالدار باش آسر ميحسش بلي كنكدبو عليه و متنسايش علاش نتي هناا..العشا واجد اجي ايلا بغيتي تاكلي "خرج"
ماريا كتعيب فيه:"متنسايش علاش نتي هنا" فحالا انا غي مشتاقة نجلس معاك فدار وحدة "خرجات لعندهم لقات آسر فالطبلة و فيصل مزال فالكوزينة ..جلسات حدا آسر و ضحكات معاه"
آسر بشوية:ماريا واخا نطلب منك واحد الحاجة
ماريا:ووي ايلا قدرت
آسر:بغيتك تمشي تشوفي رميساء واش بيخير
ماريا:رميساء كتهمك لهاد الدرجة 😉
آسر:اه رميساء صديقتي المفضلة و بزوجنا طحنا من الحصان يعني حتا هي تقدر تكون تآذات
ماريا:واخة ولكن معارفاش العنوان
آسر:دابا نعطيه لييك
فيصل:اشنوو كتوشوشو تماا
آسر:والو غي كنهضرو
فيصل جلس معاهم: ياله بسم الله
بداو كيتعشاو و هو يصوني تيلي د ماريا و بدا فيصل كيخنزر فيها
ماريا:ووي هند ..كيفاااااااااش😱😱😱
ماريا:ووي هند
هند:عتقي جدة خرجات 😱😱
ماريا:كيفاااااااش😱😱😱اويلي على خرجاات و نتي شنو كنتي كديري
هند:ماشي وقت هدشي اجي دابا راه انا كنقلب عليها فالحومة
فيصل:تهدني اماريا مانقدوش نلقاوها هكاا من الافضل نعيطو لبوليس
هند جات عندهم:ملقيتهاش الفوق
ماريا:علاش خليتيها تخرج ا هند علاش زعماا وصيتك
هند:راه عطيتها الدوا و حسابلي نعسات حتا سمعت الباب تسد 😔
فيصل:دابا بلاما تلومو بعضياتكم غادي دخلو للدار و تهدنو و نبلغو البوليس هوما يتكلفو
دكشي لي دارو دخلو جلسو فالصالون و مشا فيصل يعلم البوليس و رجع لعندهم ...دازو ساعتين و مكاين عليها حتا خباااار ...جالسين على اعصابهم و هند و ماريا كييبكيو ..حتا سمعو صوت الدقان فالباب
فيصل:اا اه ولكن مزال مهضرناش مزيان و زايدون راه جداها كيف شفتي مريضة
آسر:ملي غاتزوجو جداها اتسكن معانا
فيصل:نتزوجووو؟ :o
آسر:علاش مناويش تزوج بيها
فيصل:اا مزال ماهضرناش فهدشي
فاقت ياسمين فنص الليل ناضت من بلاصتها لبسات الشوميز ديالها و البينوار و نزلات حفيانة لكوزينة حلات التلاجة و كتعض على شنايفها و ريوكها سايلين فحال شي بنيتة صغيرة ... خدات يلاطو و حطات فيه من كل حاجة شوية و خداتو لصالون ربعات رجليها و بدات كتكال و تبنن
العشيقة الصغيرة الجزء 13
محتوى القصة
التنقل بين الأجزاء