العشيقة الصغيرة الجزء 14

من تأليف fatesha
2018

محتوى القصة

رواية العشيقة الصغيرة

🌞ما فاقت ماريا حتاا لظهر ...بدات كتكسل و هزات تيليفونها لقات ميساج من الياس كاتب فيه"نتغداو اون سومبل؟" 
ماريا:انا مزال حتا مافطرت اااخ
ناضت لحمام غسلات حالتها و لبسات عليها حوايجها و نزلات عند هند 
ماريا:صبااحوو 
هند:عندك المزاج باش ضحكي انا مزال شااداني الخلعة ديال البارح 
ماريا: الحمد لله بعدا ماوقع والو رضي ليها الباب كتر اهند عافاك كون ماعقلاتش على الدار البارح الله يستر 
هند:متخافيش مغنفارقهاش 
ماريا:حطيلي نفطر 😄
هند:واش مزال شي فطور داباا 
ماريا:و اتخلي ختيتك بالجووع 😔
هند:كتقطعي فالقلب تسناي شوية 
ماريا:انشوف جدة علاما تحطي"مشات لبيت زهرة لقاتها كتفرج فتيفي ...تكات حداها و باست ليها راسها" تيتيز فاش كتفرجي 
زهرة ضارت كتشوف فيها شحال:شكون نتي و شنو كديري هنا 
ماريا:كون غي درتي هكا البارح😂 تلقاي ولدي داابا ضاارو رااسو و كيفكر فدكشي لي قلتي 
زهرة:شنو كديري فداري 
ماريا:انا نمشي حسن ليا "باستها"ماااح عليك 
رجعات لعند هند فطرات و سلمات عليها ...هزات صاكها و شدات طاكسي لدار فيصل..وصلات و دقات فالباب ..حل ليها آسر 
ماريا نزلات عندو باستو:صباااح الخير 
آسر:الصباح الخير 
ماريا:فيصل مكاينش؟ 
آسر:لا عندو خدمة 
ماريا:امم يعني كاينين غير انا ويااك فالدااار 😄😄
آسر:فااش كتفكري؟🤔
ماريا:شنو بان ليك نوجدو شي حاجة و نمشيو نشوف رميساء😉
آسر:بصح؟😍
ماريا:ووي ووي😍 

فاق امير على صوت المنبه ...قاد ياسمين فبلاصتها بشوية باش ميفيقهاش ..دخل للحمام خدا دوش دغيا و لبس بينوار ديالو ..خرج نشف شعرو و لبس حوايجو ...نزل لكوزينة حط بلاطو فوق الرخام و بدا كيقاد فيه الفطور ...خرج للجردة قطف وريدة و حطها فالبلاطو ...هزو طلعو لبيتهم و حطو فطرف السرير ..هز الوردة و بدا كيدوزها على وجه ياسمين 
امير:فيقي انعاسة فيقي 
ياسمين:اام بلاتي شوية 
امير:وا نوضي خاصنا نمشيو لطبيب 
ياسمين:اووف"لاحت الغطا و شافت الفطور 
ياسمين:يااااي😍
امير:باش منضيعوش الوقت فطري دغيا و انا غانتكلف برميساء 
ياسمين قربات منو باستو و حطات البلاطو فوق رجليها و بدات كتفطر ...امير رض ليها البوسة و ضحك معاهاا ...مشا لبيت رميساء لقاها فايقة و كتفرج ف ناشيونال جيوغرافيك
امير:صباح الخير الاميرة ديالي 
رميساء:صباح الخير باباتي
امير:انا و ماماك خاصنا نمشيو لطبيب داباا ..
رميساء:علاش واش ماما مريضة😱
امير:لا مامريضااش غير بغينا نتاكدو بغيتي تمشي معانا؟
رميساء:لا مافيا لي يخرج 
امير:واخا لي بغيتي ولكن نزلي تفطري هو الاول 
رميساء:واخاا 
امير باسها و رجع لبيتو لقا ياسمين ياله خرجات من الدوش و اتبدا تلبس حوايجها 
امير:رميساء مبغاتش تمشي خليها على راحتها انا غانتسناك فلوطو 
ياسمين:اووك 
لبسات دغيا كسوة صيفية فالبيض حد الركبة و نص كم مع صبادري فالباج و صاك صغير فنفس اللون ...نشفات شعرها و طلقاتو و دارت شوية د الميكاب ...هزات البلاطو و دازت عند رميساء نزلاتها تفطر و وصاتهاا مادير واالو و لحقات على امير ..ركبات و نطالقو للطبيبة اللي تبعات عندها فحملها الاول ...وصلو و دخلو عندها مشادين رحبات بيهم و جلسو قدامها 
الطبيبة:ياكما كاين شي بيبي هههه
ياسمين:دكشي علاش جيناا باش نتاكدو حيت بداو كيبانو شي اعرااض 
الطبيية:واخا اجيو معايااا 

آسر و ماريا فالكوزينة لابسين طابليات و كيصايبو لكاب كيك 
ماريا:شوف هدكشي لي فالفران عنداك يتحرق 
آسر كيطل عليه:صافي طابو اجي حيديهم 
ماريا حيداتهم من الفران و بدات كتزوق فيهم 
مايا هزات وحدة وراتها ليه:شووف😄
آسر:شكلهم زوين بزاف و لكن المداق؟
ماريا:ندوقو"بظات كتحل فيها و خدات عضة صغيرة"امممم بنينة هاك دوق 

قرباتها ليه لفمو حتا بغا يعض و هي دير ليه الكريم ف نيفو 
ماريا:ههههههههههههههه😂😂😂وينوو كيجيتي 
آسر خدا حتا هو شوية و بقا تابعهاا باش يرضها ليها حتا تحل عليهم الباب 

فيصل كيضحك على حالتهم :ههه شنو كديرو 
ماريا تخبات ورا فيصل:صافي ا آسر عافاك سخفت 
فيصل غمز آسر و قاليه:صافي براكة ا آسر شوف كيف كتنهج "شدها من يدها و داير فحالا حاميهاا جرها لجيهة الكوزينة و عمر يدو بالكريم و دارو ليها فوجهاا و هرب هو و آسر
ماريا:لاااا حشومة علييكم عمرات يديها و بقات تابعاهم ...دااز فيصل من ورا الفوتوي و هي قبالتو 
ماريا:كتعااونو عليااا يااك 
فيصل كيموت بضحك على منظرهاا ...طلعات فوق الفوتوي باش تشدو ...تلاحت عليه و طاحو الزوج هو التحت و هي الفوق ...كانو قراب بزاف لبعضياتهم لدرجة صوت دقات قلبهم المرتفعة كيسمعوها...سهااو ف عينين بعضياتهم و نساو اللي ضاير بيهم ...هز فيصل يديه بدون وعي و حطها ورا عنقها و بدا كيقربها ليه شوية بشوية .. حتا قربو يتلاقاو شفايفهم و وقفهم صوت آسر 
آسر:احم احم 
ماريا ناضت قافزة جراات للحمام و فيصل كيشوف ف آسر و يضحك 
آسر:سمحلي خسرت ليك اللحظة ولكن مخاصكمش ديرو هدشي قدامي 😂😂
فيصل خربق ليه شعرو و هو كيضحك و مشا لبيتو 
ماريا:شنو كان ايوقع دابا شوية😱 وانا دغيااا تحليت😱جمعي راسك اماريااا جمعي راسك 
غسلات وجها و قادات حوايجها خرجات لقات آسر كيتسناها و هي حشمانة منو 
آسر:ماشي وقت الحشمة داباا خاصنا نمشيو عند رميساء 
ماريا:اا واش قلتيها لباباك 
آسر:لا مزال سيري قوليها ليه علاما نلبس حوايجي"مشا" 
ماريا:لا سير...اووف ب اينا وجه انشوف فيه داباا 
مشات كتخبط فرجليها لباب ييتو و دقات 
فيصل:دخل 
ماريا عينيها فالارض:انا و آسر بغينا نزورو رميساء نشوفوها كيبقات 
فيصل:واخا تسناوني نديكم حتا انا خارج 
ماريا:اوك 
خرجاات و مشات لكوزينة جمعات هديك الروينة و قادات ل كاب الكيك فواحد العلب و حيدات الطابلية 
ماريا:آسر واش ساليتي 
آسر:اه انا واجد ياله نمشيو 
ماريا: بلاتي غادي يدينا فيصل 

خرجات ياسمين و امير من عند الطبيبة معانقين و طايرين بالفرحة ..ركبو ف لوطوو و كسيراا امير للدار 
ياسمين كتقيس كرشها:مكرهتش نزيد شي بنت 😍
امير: باش ديرو عليااا انقلااب انا خااصني ولييد يعااوني عليكم 
ياسمين:اييه مالناا اشنو كنديروو ليك 
امير باس يديها:غي محمقييني بهاد الزين😍
ياسمين😊"وصلو للدار"
امير:نتي نزلي انا غانمشي للشركة نقاد شي وراق و نرجع عندكم 
ياسمين باستو:واخة باي باي

وصل فيصل ماريا و آسر لقدام دار رميساء و مشاا ...ياله اتصوني ماريا و هي توقف عليهم ياسمين 
ياسمين:اا سلام 
ماريا:وعليكم السلام ياله كنا غانصونيو 😃
يأسمين كتحل الباب: ههه دخلو مرحباا بيكم 
دخلو مجموعين و جلسو فالصالون 
ماريا:كيبقات رميساء 
ياسمين:صافا بعدا مبقاتش كضرها يدهاا ..انا غانقولها تنزل 
طلعات ياسمين لبيت رميساء و دخلات لعندها
ياسمين:حبيبة عرفتي شكون جا عندنا
رميساء:شكون 
ياسمين:آسر 😃
رميساء:بصح😄
ياسمين:وي ياله نزلو عندهم 
نزلات ياسمين و رميساء لعندهم .. سلمات عليهم رميساء و جلسات حدا آسر
آسر 😱:رميساء واش كضرك يدك
رميساء:لا مبقاتش كضرني 😃
ياسمين و ماريا كيشوفو فيهم كيفاش كيهضرو مع بعضياتهم و كيضحكوو 
ماريا:رميساء انا و آسر صايبناا ليك هاد الكاب الكيك 
رميساء:بصح😍"حلااتو"ياااي بالشوكولا كيف كنبغييه 😍شكراا طااتي 
ماريا:العفو احبيبة 
رميساء:نقدو ا ماما نخرجوو لجردة نلعبو مع روكي 
ياسمين:واخا احبيبة و بشوية على يدك 
خرجات رميساء و آسر للجردة و بقات ماريا مع ياسمين 
ياسمين:انمشي نصايب شي حاجة نشربوهاا 
ماريا:انمشي معاك نعاونك 
ياسمين:اووك 
دخلات ياسمين و ماريا لكوزينة ...وبدات ياسمين كتصايب فعصير و ماريا متكيا على البوطاجي 
ماريا:شنو بان ليك شي نهار نخرجو دراري لشي بارك يلعبوو و حتا حنا نبدلوو الجو 
ياسمين:حتاا حنا محتااجين لشي خرجة 
ماريا:صافي حتا نشوف شي بارك زوين و نقولهاا لييك 
ياسمين مداات ليها العصير و تقابلات معاها:كيداير فيصل لباس عليه
ماريا:اا لباس 
ياسمين:تهلاي فيه 😃 حتا هو يستاهل يكون فرحاان 

ياسمين و ماريا دوزو وقت فالضحك و المعاودة و آسر و رميساء دوزوه فاللعب ....خرجوو ماريا و آسر و شدوو طاكسي ل ريسطو لي فيه فيصل باش يتغدااو تما..وصلووو و دخلو لعندوو لقاوه كيغوت على الخدامة 
آسر:بابا صااعر😂😂
ماريا:هههه ياله نمشيو نجلسوو قبل ما يجمعناا معااهم "مشات هي و آسر و شدو وااحد الطبلة و بداا تيليفونهاا كيصوني كان اليااس" الو اليااس 
الياس:ماريا صافا
ماريا:وي صافا ونتا
الياس:حتا اناا ...مجاوبتينيش على الميساج 
ماريا:ااه نسيت والله مساليتش المهم انا نيت دابا فواحد الريسطو اجي نتغدااو بزووج 
الياس:اووك صيفطي لي العنوان 
ماريا:وااخا"قطعات معاه و صيفطات ليه العنوان" 
آسر:شكون الياس 
ماريا:صديق ديالي اللي كان معايا فهديك الصورة عقلتي 
آسر:اه ولكن علاش عرضتي عليه بابا مغيعجبوش الحال 
ماريا:علاش شنو فيها 
آسر:ايغير عليك 
ماريا:اا لا فيصل عارف الياس 
آسر:واخا 
بقاو جالسين تما آسر كيلعب فطابليط و ماريا حاضيا فيصل و كضحك عليه كيفاش معصب و كيغووت حتا غمض ليها شي حد عينيهاا 
ماريا:اا اليااس!
الياس:ههه براافو عليك"باسها من حنكهاا و جلس مقابل معاهاا و آسر غيي كيشوف محملوش" 
آسر:انا غانمشي عند بابا 
الياس:شكون هادا
ماريا بصوت منخفض:هداا ولدي لي قلت ليك عليه 
الياس:ااه مزال معرفش؟
ماريا:لا😔
الياس:امتاا ناوياا تقوليها ليه 
ماريا:معرفتش ..مزاال مامستااعدة 
الياس:المهم انا جاي متحمس بزاف و عندي شي هضرة خاصني نقولها لييك 
ماريا:اينا هضرة 
الياس شد ليها يديها بزوج و هي مفاهمة والو غي كتشوف فيه 
الياس:مارياا اناا...نتي كتعجبيني بزااف ..من ياماات القرااية ونتي كتعجبيني ..مكنتش بااغي نصارحك باعجابي حيت كنت عارف بشنو دزتي منوو و كنت خاايف نخسرك كصديقة ...ولكن دابا تجاوزتي شنو وقع و على حسب ما عاارف مكاين حتا حد ف حيااتك دكشي علاش اناا جيت اليوم نطلب منك تزوجي بياا 😄
ماريا😱😱

آسر مشا عند فيصل للمطبخ و جرو من حوايجوو خرجوو 
فيصل:شنو بغيتي ا آسر رااني مامساليش 
آسر:خليك هكا بقاا مقابل الخدمة حتاا يطيرو ليك حبيبتك 
فيصل:اشنو كتخربق 
آسر ضورو لجهة ماريا و الياس:ها شنو كنخربق 
فيصل كيشوف فيهم :هداك صديقهاا 
آسر:اه صديقهاا كيبوسهاا "فهاد اللحظة شد الياس يد ماريا"اه شووف شووف و كيشد ليها يدهاا هكاا واش مكتبغيش مارياا؟ 
فيصل:ااش كتقول اا اكيد كنبغيها 
آسر:اوا علاش مكتغيرش عليهاا سير دابااا وقف هدااك عن حدوو 
فيصل:هدشي لي غا يثبت ليك بلي كنبغيها 
آسر:ويييي 
فيصل:اووك 
تاجه فيصل جيهتهم و وصل مع اللقطة لي قاال فيها الياس "تزوجي بياا" 

ماريا😱😱
الياس:ماريا انا مبغيتكش تجاوبيني دااباا خودي وقتك و فكري مزيان واخا؟
فيصل كيشوف ف ماريا:احم شنو واقع هناا 
ماريا😱😱:اا الياس نهضرو من بعد واخاا
الياس:واخاا لي بغيتي 
شاف ف فيصل و ضحك معا ماريا و مشا فحالو ...جلس بلاصتو فيصل 
فيصل:شنو كديري ا مااريا😡
ماريا:شنو درت 
فيصل:واش نسيتي علايااش تافقناا ولا شنوو ..آسر شااف كلشي و ولا كيشك فيناا
ماريا:اناا كون كنت عارفا الياس غايهضر معايا فهدشي مكنتش غادي نجيبو لهناا حدا آسر 
فيصل:من الاحسن تعاودي ل آسر كلشي ف اقرب وقت حيت ايلا عاق بينا و عرفنا كدبنا عليه ايتقلق منا بزوج و نتي اكتر 
ماريا:عندك الحق غادي نحاول نهضر معاه ف اقرب وقت 
فيصل:انا غانمشي نكمل خدمتي 
ناض من بلاصتو و ضار باش يمشي و رجع عندها 
فيصل:احم اا واش اتقبلي؟
ماريا:شنو!
فيصل:اتقبلي تزوجي بيه 
ماريا بقات كتشوف فيه شحال: معرفتش 

ياسمين:رميساء اجي احبيبة تغداي 
مشات رميساء لعندهم لقاتهم قبالتها كيضحكو ...جلسات فبلاصتهاا و شافت فيهم 
رميساء:مالكم؟
ياسمين:عندناا ليك واحد الخبار زوين بزااف 
رميساء:شنو هو 
امير:من بعد تسع شهور ايكون عندك ختك اولا خوك صغير 😃
رميسااء:بصاااح😍😍ماما حاملة 
ياسمين:اه ا حبيبة 
ناضت رميساء عندها عنقاتها من كرشها و حطات ودنها عليها 
رميساء:واش كتحسي بيه 
ياسمين:مزال صغير بزااف احبيبة حتا يدوزو شي شهور و تكبر كرشي عاد انولي نحس بيه 
رميساء:ياااي هدشي زوين بزااف امتا نقد نحمل حتا اناا 
ياسمين:هههههه حتا تكبري احبيبة و تزوجي 
رميساء:نقد نحمل بلاما نتزوج؟
امير:هاد البنت نااوية تخرج منحرفة 😂
ياسمين😂😂😂😂😂
رميساء:علاش كضحكوو 
ياسمين باستهاا من حناكها بزوج:والو احبيبة جلسي تاكلي غدااك 
ماريا و آسر و فيصل كيتغداو مجمووعين و الصمت يعم المكاان ...حتاا هضر آسر بهدف تلطيف الجو 
آسر:شنو بان ليكم نديرو شي حاجة هاد العشية 
فيصل:انا مافياا لي يخرج 
آسر:عاافاااكم مابقاا والو و تسالي العطلة و نرجع لقراية عاوتااني 
فيصل:حتا لغدا ا آسر 
آسر:لا اليووم عافااك "شد فيد ماريا "ماريا هضري معاه عافاك 
ماريا تبلوكات ملي شد فيها هكااك و كيفاش كيطلبهاا 
ماريا:اا ياله افيصل 
آسر:نمشيو ل سينيماااا مجموعين 
فيصل:واخاا واخااا 
آسر:يااااس 
كملوو غداهم و خرجو من الريسطو...ركبوو ف لوطو و مشاو ل سينيماا 
فيصل:فاش نتفرجوو 
آسر:شوفو هاداك الفيلم دييال الخليغ وااعر 
ماريا:لا انا مكيعجبونيش 
فيصل:كتخلعي؟😂
آسر:😂😂😂😂
ماريا مرضاتش:لا لا غي مكيعجبونيش ولكن ايلا عجبكم نتفرج فيه معاكم ماشي مشكل 
فيصل:اوك انا غانقطع التيكي و نجيب فاش نتلاهااو 
مشا فيصل قطع لي تيكي و شراا الفشار و العصائر و دخلوو ل يتفرجو ف الفيلم ...جلسات ماريا وسطهم على يمينها آسر و على شمالها فيصل ..بدا الفيلم و بدات الخلعة كتشد ماريا من صبع رجليها الصغير ...مبااغاش تبين ليهم بلي خايفة و حابسااها فداخلهاا...مقدرااتش تصبر و جات معا لقطة واحد رااسو طاار..شداات ف فيصل شدة العماا فظلمة ...بقات لاسقة فيه و خاشياا راسها ف صدرو و هو مييت عليهاا بالضحك 
ماريا:مبقيتش قااداا نشووف انا غادي نخرج 
ناضت من فوقوو و خرجات بالجرا لبرااا ...تبعوهاا فيصل و آسر و هوماا كيضحكوو 
ماريا:صافي بلاما ضحكو اه انا كنخااف بزااف من هدشي ليوم مغنقدرش ننعس بسبابكم😔

ماريا:صافي بلاما ضحكو ااه انا كنخاف بزاف من هدشي ليوم مغنقدرش ننعس بسبابكم 
آسر😂😂:صدقتي عياانة ا مااريا 😂😂
ماريا:ايلاا افلام الخلييع😭دكشي لااخر نعجبك فيه 
فيصل:صافي زيدو للدار نتوما ما معاكم فراجة 
آسر:لااا مزال الحاال نمشيو لشي بلاصة 
ماريا؛غي سيرو نتوما انا خاصني نشوف هند و جدة 
آسر:اوا صافي نمشيو معااك 
ماريا:اا بلااش 
آسر:عافاااك 
ماريا:واخاا واخاا 
فيصل: ياله طلعوو 

ياسمين جامعة البنات عندهااا فالدار..جالسين فالجردة و البراهش ضايرين بيهم 
سناء:انا عييت اختي من الداار خاصناا نديرو شي نهار نخرجو فيه 
حنان:انا تقلت مكنتحرك غي بزز فين باغاني نخرج معاكم 
ياسمين:نمشيو لشي بارك كيف قالت ماريا نديو الدراري يلعبو و حناا نفوجو على راسناا 
سناء:شكون ماريا؟
ياسمين:صاحبت فيصل
حنان:فيصل😱واش مزال كتشوفيه 
ياسمين:غي سكتي البرهوشة ديالي قاتلك ولد فيصل هو بيست فراند ديالهاا 
سناء:بلاتي كيفاش مصاحب ياك مزوج 
ياسمين:لا مراتو ماتت كانت مريضة مسكينة 
البنات :الله يرحمها 
سناء:اواا باقي مباان علاياش توحمتي😂
ياسمين:لا مزاال كوني هانياا انا كنتوحم على دكشي عادي مااشي فحالك كتوحمي على شي حوايج مكايننش 😂
مريم:وااايه 😂😂😂
حنان شادة تحت كرشهاا:ااي😓
ياسمين:مالكي 
حنان:شدني شي وجع خفيف 
سناء:عادي كتوقع متخافيش
حنان:وي بصح انا ياله ف شهري السابع مزال الحال على الولا... ااااااي ااااي عتقووني 

وصلوو فيصل و ماريا و آسر و حلاات ماريا الباااب لقات هند كتفرج ف تيفي 
ماريا:حبييبة دياالي "تعاانقو"صاافاا 
هند:صافاا و نتي 
ماريا:ييخيير جدة فبيتها؟
هند:وي ناعسة "انتابهات ل فيصل و آسر" سلااام"سلماات على فيصل و باست آسر"جلسوو انمشي نصايب شي حاجة نشربوهاا"مشات"
آسر:مارياا وريني بييتك 
ماريا:اه اجي معااياا 
شدو ف بعضياااتهم و طلعوو لبيت ماريااا اماا فيصل بقاا جالس بووحدو ف الصالون و انتاابه لواحد الكوافوز فوقوو التصاور ...مشاا ليه و بداا كيشوف فيهم ..هز وحدة فيها مارياا صغيرة و هازة واحد نونوس كبر منها ..ضحك على منظرهاا و حطها .. هز وحدة اخرى جديدة بقاا كيشوف فيها و كيدوز صبعو على وجهاا ....

آسر:هداا هو ببيتك😂
ماريا:ااه هوو كيجااك 
اآسر:فحالا داخل لبيت وحدة عندهاا خمس سنين شوفي النونوسات و المونيكاات فكل بلاصة 
ماريا ضرباتو بوسادة:راه اصلا قلت ليك كيعجبووني و بغيت واحد كبير ملقيتوش😔
آسر:ملي نكبر نشريه ليك 😂
ماريا:يااه ولدي حبيبي ايشري لماماه نونوس😂..😱😱ااا زعماا فحال ولدي 
آسر:غي بقااي تقولي لي ولدي معنديش مشكل 
ماريا:بصح😍تبغيني نكون ماماك 
آسر:اصلا كون كنت انختار كيفاش تكون ماما كنت انبغيها حمقة فحالك 😂
ماريا غاطير بالفرحة هزات وسادة كبيرة و ضرباتو و حتا هو هز وحدة و رضهاا ليهاا طلعو فوف السرير و بقاو كيضااربو دقة فيه و دقة فيها 

جابت هند بلاطو د العاصير و شافت فيصل واقف بوحدوو حدا الصور و مشات عندوو 
هند:احم 
فيصل حط الصورة و ضار عندهاا:سمحيلي منتابهتش ليك 
هند:ماشي مشكل ..اا فيصل بغيت نطلب منك واحد الطلب قبل ما تنزل مارياا 
فيصل:وي!
هند:اا بعد غداا غداا عيد ميلاد ماريا و انا بغيت ندير ليها مفاجئة و نوجد ليها حفلة صغيرة فيهاا صحاابها و صحاابااتها و بغيتك تعااوني و تجيبهاا للحفلة 
فيصل:اا اه اه اكيد انعاونك غي عطيني البلاصة و انا نجيبهااا 

حنان:اااي اااي كرشي عتقووني كنولد 
البناات تخربقوو معرفو ماايديروو و البراهش تجمعوو عليهم 
ياسمين شادة ليها فيديها:حنان تهدني وااخة غايكوون غي شي وجع و غايمشي 
حنان:لا لا مااشي وجع عاادي اااااي اااي كرشي 
سناء:الماا هابط😱😱
مريم:خاصناا نديوهاا دغيااا 
حنان:اااي عيطووو لسعد 
ياسمين:رميساء شدي تيلي عيطي ل باباك قوليه يعلم سعد بلي حنان كتولد و يلحقو علينا الكلينيك و نتوما البنات خاصنا نتتاونوو و نوصلوها لوطو ياله 
تعاونو البنات و سندوها عليهم ...خرجوها من الدار و ركبوها ف لوطو د ياسمين وحنان حامية الدنيااا بالغواات ...
ياسمين:رميساء بقااو فدار متحركووش 
رميساء شداتها:ماماتي واش حتا نتي ايوقع ليك هكا😔
ياسمين:حبيبة دخلي عافاك ماشي وقت الهضرة داابااا 
ركباات ف لوطوو حداها سنااء و لور مريم كتهدن ف حنان ....وصلو بعد دقائق لكلينيك و جاابو الاسعافيين النقالة و مشااو بيهاا ....شوية و دخل كل من امير حسام و سعد كيجرييو 
سعد:فين هي واش دخلوهاا 
سناء:اه عااد دااباا 
ياسمين:مزال الحال بزااف على ولادتهاا😔 ياربي يدوز كلشي مزياان 
امير عنقها:كلشي ايدوز مزيان متخافيش 

هند:شكراا بزااف افيصل 
فيصل:العفوو ..اا بغيت نسولك ..زعما ايلا بغيت نجيب ليها كادوو شنو ناخد ليها ..زعما شنو كيعجبهاا
هند:اه كيهجبوها...
ماريا:شنو كديروو 
هند:اا كناا كنشوفوو تصااور 
آسر:انا فيااا العطش 
هند:اجي راه وجدت ليكم العصير 
ماريا:جلسو تشربو نتوما انا غانمشي نشوف جدة "مشات" 
فيصل:شنو كنتي غاتقولي 
آسر:شنو واقع 
هند:ماريا عيد ميلادها بعد غداا انا موجدة ليها حفلة مفاجئة و فيصل بغا يعرف شي حاجة كتعجبهاا باش يجيب ليها كادو
آسر:اااه كيعجبوها نونوسات و من شحال هادي و هي باغا شي نونوس كبير 
هند:بااش عرفتي هدشي!
آسر:هيا لي قالتها ليااا 
فيصل:المهم آسر عندااك تزلق ليك الهضرة انا وياك مكلفين باش نديوهاا للحفلة 
آسر:ولا علييك 
ماريا خرجات من البيت و مشات عندهم:صافي نمشيو 
هند:خليوكم حتا تعشااو 
ماريا:مرة اخرى احبيبة 
هند:لي بغيتوو 
تساالمو معاهاا و خرجو لوطوو 
آسر:شنو باان ليكم نمشيو نشريو بيتزاا نتعشاو بيها و نسهروو معا شي فيلم 
ماريا:ميكونش ديال الخليع عافااكم
آسر:صافي نديرو فيلم كوميدي 
فيصل:واخاا نمشيو نشريو بيتزاا 
مشااو لبيتيزرياا خدااو باش يتعشااو و رجعو للدار و الطريق كاملة و ماريا كتفكر كيفاش اتقدر تنعس ليوم بوحدهاا و هدوك اللقطات ديال الفيلم كيدوزو قدام عينيهاا...
دخلو لداار و مشا آسر شعل تيفي و دار فيلم كوميدي و فيصل جااب كولا و حط البيتزا حدااهم ...تصافو قدام التيفي و ماريا وسطهم ...بدا الفيلم و ماريا فيها الموت د النعااس 
فيصل:ايلا كان فيك النعاس البزاف نحبسوه حتا لغدا و نكملووه 
ماريا:لا لا نكملوه اليوم 
رجعو كيفرجوو و ماريا كتغمض عينيها شوية بشوية حتا نعسات على كتف فيصل 
فيصل:هاهياا نعسات😂 مبغاتش تمشي لبيتها الخواافة 
آسر:😂😂😂 خاصناا شي نهاار نديرو ليها شي مقلب د الاشباح
فيصل:نتا بااغي تقتلها شو غي فيلم و شنو دار فيها😂😂
آسر😂😂😂😂
هزهاا فيصل بين يديه و دااها لبيتهاا حطها فوق السرير و غطااها وخرج...
ماريا ضرباتها الفيقة ف نصاصات الليل دايخة بالنعاس ....وعاات براسها و تفكراات الفيلم ..كتشوف الريدو د البانكو كيتحرك بالبرد و العلاقة كتبان فشكل فالظلام ...ناضت قافزة من بلاصتها و خرجات من بيتها بالحفااا ... مشات جيهة بيت آسر باش دخل تنعس حدااه و بالخلعة تخالطو ليها البيوت و دخلات لبيت فيصل

فالكلينيك ..سعد غادي جااي قداامهم و كيتسمع غي صووت الغوات د حنان ..مدة طويلة وهي الداخل كتغوت ...البنات قلبهم كيتقطع على صااحبتهم و خايفيين توقع ليها و لا لبيبي شي حااجة ...ياسمين مخشية ف امير لي كيهدن فيهااا و سعد ماالقاا لي يهدنوو ...فجأة صووت غوات حنان توقف و تسمع صوت البيبي الكل فرح و حمد الله كلشي دااز مزياان خصوصا سعد لي لسق حدا الباب و هو طااير بالفرحة ...خرجات الطبيبة و ملامح وجها مامفهومينش 
الطبيبة:كانت عملية صعيية بزاف درنا جهدنا باش نعتقوهم بزوج ولكن للاسف قدرنا نعتقو غي البيبي.. الاعمار بيدي الله 😔
ياسمين😢:امير شنو كتقول هاادي واش كتفلاا علييناا ولا شنوو حناان ميمكنش تمووت كتسمعي ميمكنش تمووت "امير شاادها وهي كتنتر منو"طلقني ا اميير ندخل نشوف صااحبتي طلقنييي اهى اهى حنااااان 😭😭😭😭
البنات ردوو السبيطار كنازة كيتسمع غي صوت بكااهم المجهد و رجاالاتهم كيسكتو فيهم اماا سعد فحالتوو حالة حتاا من ولدو لي تزااد مامشااش يشوفو غي جالس و مصدووم 

امير: ياسمين صافي تهدني فكري شوية فهدشي لي فكرشك 
ياسمين شافت فيه و عينيها عامرين دموع:كيفاش بغيتيني نتهدن ا امير ..حنان ياله كانت جالسة معانا داباا شوية و كضحك معاانا كيفاش ف لحظة غاتمشي و تخليناا 
امير:هدا قدر الله مكتاب عليها تموت ف هاد النهار 
ياسمين:مقادرااش نستوعب  😢 حنان هيا لي عاوناتني باش جيت اول مرة لمدينة هيا لي داتني معاها لدار و عرفاتني على البنات هيا لي عاونااتني منضيعش فالزنقة كون مااهياا كون حياتي عذااب داباا ..هياا لي كانت كتعقلني و توجهني لطريق الصحيح ملي كنحتاجها كنلقاهاا جنبي كيفاش بغيتيني نتهدن و انا عارفة بلي مغانعاودش نشوفهاا و ملي غانحتاجها مغنلقااهاش جنبي 
امير خشاها فحضنو:انا معاك ا ياسمين متنسايش هدشي يوقع لي يوقع غانكون ف جنبك 
ياسمين:كانت كتسناا هاد الولد بفارغ الصبر شحاال تسناات باش تحمل و ملي حملات كانت اطير بالفرحة و كتحسب بلياام امتاا غاتولد 😭مكانتش عارفة بلي كاتحسب لنهار لي غاتمشي فيييه اهههئ اهئ اهى😭😭
امير كيدوز يدو على شعرها:صافي احبيبة صافي هادشي مكتاب عليناا نعيشوه و كلناا غايجي نهار لي نمشيو فيه 
ياسمين ناضت من فوقو:مغنقدرش نستحمل شي حد عزيز علياا يمشي حتا هو انا مغنقدرش 😭"شافتهم مخرجين حنان و ناضت هيا و البناات تجمعوو على جثتهاا كيبكيو و رجالاتهم شادينهم 
سناء:ماتمشيييش اهئ اهئ اهئ😭😭
داوهاا ل لاموغ و بداو كيبكيو عاوتاني بجهد حتا طاحت ياسمين سخفانة بين يدين امير 

ماريا تخشات حدا فيصل و غطات وجها و بقات كتقرا ف القرآن حتا داها النعاس ....🌞🌞ماريا بدات كتحل عينيها شوية بشوية و حاسة بلي ناعسة على شي حاجة تقيلة ...مسحات عينيها من العماش و وضاحت ليها الرؤية ...لقات راسها ناعسة فوق فيصل و هو مدوز يديها غلى ظهرها 
ماريا:وااااااااااااع😱😱😱😱
فيصل فاق مخلووع من غواتهااا حيد عليها يديه و تقابل معاهاا مخرج عينيه 
فيصل:اشنو واقع علاش كاتغوتي😡
ماريا:كيفاش علاش كنغوت اشنو كدير ف بيتي 😱😱
فيصل:واش نتي صافااا رااه بيتي هااداا 
ماريا ضورات راسها دغيا كتشوف فين كااينة لقاتوو بيتو بصح 
ماريا:اشنوو جابني لهنا😱ياكما كنتمشا و انا ناعسة😱لا لا بلاتي تفكرت انا كنت باغاا نمشي لبيت آسر و بالخلعة دخل لبيتك انا..."تحل عليهم الباب"
آسر:شنو كديرو هنا بزوج 😱
ماريا😱😱😱 داارت عليها الغطاا تخباات من الحشمة ...سمعات السقيل و بدات كتحيد الغطا بشوية لقاتهم كيشوفو فيهاا 
آسر:مغاديش تشرحو لي اشنو وااقع 
فيصل:مكاين واالو غي ماريا تخلعات بليل و كانت باغا دخل لعندك و تخالطو ليها البيوت 
ماريا:ااه اه هدشي لي كااين "لاحت الغطا و ناضت صاعرة"اصلا هدشي كامل بسبابكم نتوماا لي دخلتوني نتفرج ف هداك الزمر و اناا كنتخلع 😡😡"ضربات برجليها و مشات لبيتهااا"
فيصل و آسر😂😂😂😂😂😂😂


ياسمين بدات كترمش ف عينيها و فجنابها امير و رميساء ...حلات عينيها و شدات راسهاا 
ياسمين:ااي راسي 
رميساء:ماماتي😢
امير:ياسمين خليك متكية 
ياسمين:لا مخاصنيش نتعطل على الجنازة 
امير:ياسمين راه دفنا حنان 
ياسمين😱:كيفااس دفنووهاا بلاماا تسنااوني 😡😡
امير:كنتي ناعسة تحت تاتير الدواا مصلاحش لي نفيقك و دابا جلسي الارض و تهدني 
رميساء:بابا واش حتا ماما ايوقع ليها فحال خالتي حنان😔واش حتا هيا اتمشي فحالها😢
امير شاف ف ياسمين و ياسمين شافت ف امير 
امير:لا احبيبة ماماك مغايوقع ليها والو 
رميساء:انا مبغيتش يكون عندي خويا ولا ختي مبغيتش ماما تمووت و تخليني مبغيييتش اهئى اهئ 😭😭

رميساء:مبغيتش ماما تموت و تخليني مبغيييتش اهئ اهئ"مشات كتجري لبيتها" 
امير شد لياسمين يدها:عادي يوقع ليها هكاا و تخاف انا غادي نهضر معاها و نتي خودي دوش و نزلي نفطرو مجموعين 
ياسمين حركات ليه راسها بمعنى واخة و امير خرج من البيت متاجه لعند رميساء...لقا الباب محلول و دخل عندها...كانت ناعسة على كرشها و خاشية راسها فالمخدة و كيتسمع غي صوت بكاهاا ....قرب منها امير و جلس فطرف السرير ...وبدا كيدوز يدو على شعرها...
امير:رميساء عارفك خايفة بزاف على ماماك و هدشي عاادي حيت شفتي شنو وقع لحنان الله يرحمهاا ولكن نتي معارفاش بلي هي كانت مريضة دكشي علاش وقع ليها هكا اما ماماك صحتها مزيان و حنا خاصنا نقابلوها مزيان و تبع معا طبيبتها و كلشي غايكون مزيان 
رميساء ضارت شافت فيه:يعني مغيوقع ليها والو 
امير:مغادي يوقع ليها والو ايلا مبقيتيش قلتي ليها هديك الهضرة
رميساء:كنواعدك منعاودش نقولها ليها 
امير حل يدو:ياله اجي عند باباك 
رميساء طارت عليه و تخشات فحضنو:فيا الجوع😓
امير😂:اجي نشوفو ماماك واش سالات باش نهبطو نفطروو "هزهاا و هي بقات معنقااه مشاو لعند ياسمين ...حل امير الباب و مسمعش حسهاا نزل رميساء و قلب فالبيت ملقاهاش"يمكن سبقاتناا لتحت ...ياسمين ...ياسمين"وصلو ميساج ف تيلي من ياسمين:انا خرجت للمقبرة بلاما تشوشو علياا" ماما غفلاتناا و خرجاات 
رميساء:فين مشات 
امير هزها:واش مبقاش فيك الجووع انا راه ايلا بقينا هنا شوية اناكلك 
رميساء:ههههه لا فياا الجوع 

ياسمين خدات دوش دغيا و لبسات حوايجهاا ...نزلات كتسلت و خرجاات من الداار ...ركبات ف لوطو ديالهاا و تجاهات للمقبرة ....بعد دقائق وصلات و نزلات من لوطو ....دخلات للمقبرة و بدات كتقلب على القبر د حناان ...لقاتو من بعد مدة و جلسات حداه 
ياسمين:حنان..ختي لي مولداتشهااش ماما ...مشيتي على غفلة مقدرتش حتا نودعك... مشيتي وخليتي وراك راجلك و ولدك ..خليتي صحاباتك لي كيبغيوك ..لمن خليتيناا😢 ..من هنا لقدام ملي غادي نغلط شكون ايوجهني ...ملي غايوقع لي شس مشكل شكون ايعاوني نحلوو 😢...عارفاك مشيتي مشوشة على ولدك بغيت نقوليك غي كوني هانياا ولدك غانعتاابرو فحال رميساء..."تحطو يدين على كتافهاا ضارت ولقات سناء و مريم وجلسو جنبها" 
سناء:مغاديش نخليوه يحس بغيابك غادي تكوني ديما وسطنا😢
مريم:و عمرك اتغيبي دقيقة عن بالنا😔
ياسمين:اهئ اهئ اهئ تووحشتهاااا😭😭😭
تعاانقو بتلاتة كيبكيو ويسكتو بعضياتهم 

مارياا من بعد شوهتهاا مع ولدهاا دخلات لبيتها وسدات عليهاا ..بقات غادة جااية و تلعن فراسها 
ماريا:واش نتي مكلخة لهاد الدرجة مقادرااش تفرقي بين بيت آسر و فيصل ..لا وبااش زايداهااا فايقة ناعسة عليه و معنقااه شنو غايقول علياا دابااا ستحليييتها!شوهتي شووهة معاهم بزوج اووف كندير غي المصائب .."وصلتها ميساج من عند الياس كاتب فيه:ماريا صباح الخير ايلا كنتي مزال مافطرتي انا عارض عليك نفطرو اونسومبل"
ماريا:احسسن مقادااش نشوف فوجهم من بعد هديك الشوهة "جوباتو ب:واخا صيفط لي العنوان"
جبدات حوايجها من البلاكار ..لبسات شورط د دجين فاتح طالع و شوميز كارو فالبيض و الغوز ربطاتهاا و صبادري بيضة ...طلقات شعرهاا و دارت شوية د الميكاب ...دارت صاكادو على ظهرها و خرجات من البيت لقاتهم كيحطو الفطور فوق الطبلة 
ماريا:اا انا غانخرج غي فطرو نتوماا 
فيصل طلعها من رجليها لراسها:فين غاديا !
ماريا:ااا انمشي لدار 
آسر:كنت باغيك تمشي معانا لمول 
ماريا:اا حتا نرجع و نمشيو "وصلها ميساج من عند الياس و جبدات تيلي باش تشوفوو و خطفو ليها فيصل من يدها و قراا اش قالو" 
فيصل😡:غي خليهاا ا آسر راه عندها ضروري تمشي لدار اكتر ماتمشي معاك 

فيصل😡:غي خليهاا ا آسر راه عندها ضروري تمشي لدار اكتر ماتمشي معاك 
آسر:واش جداتك وقعات ليها شي حاجة😱
ماريا حيدات لفيصل تيلي:فيصل معندكش الحق تاخدلي تيلي ديالي😡
فيصل فودنها:حتا نتي معندكش الحق تستغبينا" جر آسر"ياله نمشيو 
آسر:و ماريا؟ 
فيصل حل لباب:راه قلت ليك خاصها تمشي ضروري 😏
ماريا:تسناااو.. اا انمشي معاكم "شافت ف فيصل و خنزرات فيه"زعماا انمشي مع آسر 
فيصل مبقاش معصب و ترسمات ابتسامة على وجهو دغيا جمعهاا 
فيصل:انتسناوك التحت علاما تعلمي الدار بلي مغتمشيش 😉"مشا هو و آسر"
ماريا:تفوو على زهر شنو غانقول ل الياس داباا 😔 لي ليها ليهاا 
هزات تيلي و كتبات ليه "سمحلي بزااف ا الياس خرجاات لي شي حاجة ضرورية نعوضك من بعد"
نزلات لحقات عليهم و ركبات فلوطو حدا آسر لور ..شاف فيها فيصل من المرايا و هي طالعة ليها القردة ...ديماارا فيصل لوطو و اتاجه لمول 

كملو البنات بكاهم قدام قبر حنان ..ودعوهاا و ناضو كاملات ركبو ف لوطو د ياسمين و تاجهو لكلينيك لي ولدات فيه ...قلبو على الطبيبة لي كانت متبعا معاها و لي ولداتها و دخلو عندهاا و رحبات بيهم 
الطبيبة:تفضلو 
البنات:شكراا 
سناء:جينا على قبل حنان ..بغينا نعرفو شنو وقع ليها 
الطبيبة: نتوما عارفين بلي حنان كانت محرومة من الانجاب كتر من خمس سنين و جربنا جميع العلاجات و حملات واخا كانو عندها اكياس على المبايض و ورم ليفي كبير ولكن ملي حملات بدا كيدوب هاد الورم و كان كلشي مزياان ... جاها الوجع د الولادة قبل الوقت بشهرين و كان ضروري نولدهاا ...راكم عارفين بلي دوزناا كتر من تلاتة د السوايع فالمخاض حتا قررنا نشقو ليها كرشهاا ..."دمعو عينيها" هزات ولدها بين يديها و ضحكاات و من بعدهاا مشات..ماتت هي و ولدها عاش 😢
مريم😢:الله يرحمها
سناء:و البيبي حالتو كيدايرة 
الطبيبة:البيبي صحتو مزيانة خاصنا غي نتسناو يكمل النمو ديالو و تخرجوه عادي ...اه بالنسبة للاب ديالو راه مكيجيش يشوفو قلت نقولها ليكم تهضرو معاها 
ياسمين:هدشي مناش كنت خايفة😔
مريم:غادي يكون غي مزال مصدوم من موت حنان مايمكنش يتخلا على ولدو 
سناء:خاص نهضرو معاه 
ياسمين ناضت:دابا ..نمشيو نهضرو معاه دابا 
ناضو البنات حتا هوما و ودعاتهم الطبيبة ...خرجو من الكلينيك و ركبو ف لوطو د ياسمين و تاجهات لدار سعد ...فالطريق تيليفونها بدا كيصوني 
ياسمين:الو امير 
امير:فينك 
ياسمين:مع البنات 
امير:مشيتو للمقبرة؟
ياسمين:اه و دزنا لكلينيك و دابا غادين عند سعد 
امير:سعد! علاش 
ياسمين:امير حتا نرجع لدار و نهضرو و بلاما تشوش عليا انا معا البنات 
امير:كليتي شي حاجة بعدا؟
ياسمين:اه اه غير كون هاني 
امير:اووم ردي بالك فالطريق 
ياسمين:واخاا 
قطعاات معاه و كملات طريقهاا...وصلو لدار سعد و نزلو من لوطو ...بداو كيدقو ف الباب حتا حد مكيجاوب ...بقاو كيدقو شحال حتا قالو بلي مكاينش و ضارو باش يمشيو و تحل الباب.... كان سعد حالتو حالة تحت عينو زرق و لحيتو كبرات ...اشار ليهم باش يدخلو و دخلو وحدة مور وحدة ...لقاو الدار مظلمة و عاطية فيها ريحة الشراب و الكارو ...
ياسمين:اش هاد الحالة اسعد 😓
مشات سناء حلات الخاميات ديال الدار و حيدات داكشي لي فوق الفوتوي باش يجلسو ...جلسو البنات و جاب سعد كرسي حطو قدامهم و جلس 
سناء:شنو كتحاول دير و اش هاد الحالة وصلتي ليها 
سعد:علاش جيتو 
مريم:جينا نهضرو معاك بخصوص ولدك لي لايحو ف لكلينيك و مكلفتيش راسك تمشي تشوفو 
سعد:هداك الولد هو السباب فموت مراتي 
ياسمين😱:هدااك راه ولدك 😔 و حتا واحد ماا سباب ف موتهاا هداا قدر الله و هدشي مكتاب علينا نعيشوه 
سناء:حنان غاتكون مقلقة منك بزااف و عمرهااا تسامحك حيت الامانة لي خلات ليك فرطتي فيها ..ياله البنات نمشيو 
ياسمين:كنتمنى دير عقلك ا سعد و تمشي تشوف ولدك 
خرجو البنات من عندوو و ركبو ف لوطوو و وصلات ياسمين مريم لدارها و رجعات هيا و سناء لدار

فيصل و رباعتو وصلو لمول...دخلات ماريا مشادة مع آسر و فيصل وراهم 
آسر:اجي ندخلو لهناا 
ماريا:وااخااا 
دخلو لمحل الالعاب و طلق منها آسر مشا جيهة السيارات و هي بقات كضور تما و فيصل تابعهاا ...وقفات حداا النونوسات كتشوف فيهم و الضحكة على وجها غحال شي بنيتة صغيرة ...لفت انتباهاا واحد النونوس كبير بزاف لونو بيض بقات كتشوف فيه ..هزاتو و شافت الثمن ديالو و تمحات الضحكة من وجها ...رجعاتو لبلاصتو ..ضارت باش تمشي لقات فيصل وراهاا 
ماريا منفخة:شنو بغيتي 

ماريا منفخة:شنو بغيتي 
فيصل:سمحيلي على قبيلة مكانش خاصني ناخد ليك تيلي و نشوف خصوصياتك 
ماريا عجبها الحال ملي عتاذر و ضحكات:ماشي مشكل 
فيصل:يعني مبقيتيش مقلقة 
ماريا حركات راسها بمعنى لا 
فيصل:اوا مزيان "شاف جيهة النونوسات"كيعجبوك؟
ماريا:اا لا لا هدشي كيعجب غي البنات صغاار 
فيصل😂😂😂
ماريا:علاش كضحك!
فيصل:لا والو ...احم بغيت نقوليك شي حاجة 
ماريا:شنو؟
فيصل:واحد صاحبي داير غدا حفلة و عارض علياا قلت زعما ايلا مكان عندك والو نمشيو بزوج 
ماريا:بصح!زعما بغيتينا نمشيو بزوج 
فيصل:اه ايلا مكان عندك حتا مشكل 
ماريا:لا انا معندي حتا مشكل ..صاف نمشيو 
فيصل😃😃:نمشيو نشوفو آسر شنو ختاار 
ماريا:ياله 😃
-----------------
دخلات ياسمين لدار و حطات صاكها و سوارت و مشات لكوزينة عمرات كاس بالما و شرباتو ...طلعات لبيتها وحلات لباب لقات امير متكي فسرير و كيشوف فشي ورااق ...حيداات صباطها و الكاب لي كانت لابسة و تلاحت حداه عنقاتو من كرشو و حطات راسها على صدرو 
امير حطا الوراق و ضار عندها شد وجها بين يديه:صافاا 
ياسمين حركات راسها بمعنى لا:كنحس بفراغ كبير بزاف 😔
امير:كلشي ايفوت احبيبة نتي غي عطي الراحة لراسك واخا؟
ياسمين:واخاا 
امير:شنو درتو؟ 
ياسمين:مشينا للمقبرة هو الاول و دزنا لكلينيك هضرنا معا الطبيبة و قالت لينا بلي سعد مامشااش يشووف ولدوو و حنا مشينا عندو نهضرو معاه عرفتي حالتو صعيبة كون غي تمشي تهضر معاه حتا نتاا 
امير:لي كيدوز منو ماشي سااهل انا غانحاول نهضر معاه كوني هانيا "حط يدو على كرشها"ولدي مامشهيش شي حاجة؟
ياسمين تفكرات بلي ماكلات والو من الصباح:فيناا الجوع طلب لينا شي حاجة 
امير:واخة انشوف رميساء حتا هي واش باغا شي حاجة 
ياسمين:قولها تجي عندي توحشت هديك الباسلة 
امير:واخاا انسيفطها ليك 😘
---------------------------
آسر خدا داكشي لي خاصو و رجعو لوطو ...
ماربا:غي رجعو نتوما انا خاصني نمشي لواحد البلاصة 
فيصل:واخا متعطليش :)
خلاتهم حتا مشاو و شدات طاكسي لكلينيك لي خدام فيه الياس ...وصلات و دخلات كتقلب عليه ..قالو ليها بلي عندو عملية و نزلات لكافي تسنااه حتا يسالي ....كمل الياس خدمتوو و لحق عليهاا لقاها كتسناه 
الياس:ماريا😃😃"جلس قبالتها"ياكما تسنيتي بزاف 
ماريا:لا لا ماشي بزاف فاش جيت 
الياس:اوا اخيراا شفتك كل مرة كتخرج ليك شي حاجة من الجنب 
ماريا:وي بصح 
الياس:اوا صافي فكرتي ؟😄
ماريا:الياس شوف انا حياتي مخربقة بزاف داابااا شي حوايج نتا معارفهمش ...انا ميمكنش ليا نفكر ف الزواج داباا ...المسألة ممتعلقاش بيك والله ..كيف قلت ليك انا حياتي مخربقة داباا و خاصني الوقت باش كلشي يرجع لبلاصتو و هديك الساعة كنوااعدك انفكر فالعرض ديالك 
الياس:لي تسناا هاد الاعوام كاملة يزيد يتسناا مزاال ...خودي راحتك ا مارياا و ايلا حتاجيتيني فشي حاجة انا ديما معااك 
ماريا:شكرا بزاف ا الياس 
الياس:العفو ...انا غانخرج دابا ايلا بغيتي نوصلك 
ماريا:واخاا 
هزات صاكادو ديالهاا دارتو ف ضهرها و خرجو بزووج ركبو ف لوطو د الياس و تاجه لدار فيصل ...الطريق كلها دوزوها ضحك و هوما كيسترجعو ذكرياتهم ....وقف لوطو قدام الدار وضار شاف فيها 
الياس:خاصما نديرو شي خرجة فاقرب وقت ماسخيتش بهضرتناا
ماريا:ان شاء الله ...ياله خاصني نطلع راه تعطلت باي باي 
الياس:بااي 
طلعات بالجراا للدار و حلات الباب لقاتهم ياله ايحطو الغداا 
ماريا😍😍:اووف الحمد لله لحقتكم انمووت بالجووع 
فيصل و آسر😂😂😂😂
-------------------
-------------------
كمل النهار عادي عند الكل و جاا نهار جديييد 
🌞🌞🌞ليوم عيد ميلاد ماريا لي غاتكمل فيه 24عام ... فااقت ماريا على صووت تيليفونهاا ...هزاتو و هي كتحك ف عينيهاا شافت النمرة و معرفاتهاش و جاوبات 
ماريا:الو 
الشخص:ماريا الادريسي 
ماريا:وي اناا 
الشخص:انا من منضمي مهرجان الاطفال لي شاركتي معانا فيه بغينا نعلموك بلي كاينة جولة ف ايطاليا ايلا بغيتي تشاركي معاناا خاسك تجي بعد غداا للمقر ديالناا 
ماريا:شكرا على الاتصال ديالك ولكن انا مكنفكرش نسافر دابا 
الشخص:المهم عندك الوقت تفكري ايلا بغيتي تنضمي لينا 
ماريا:واخا شكرا 
الشخص:العفو
يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.