صورة مصغرة لـلهيب الحب الجزء 15

لهيب الحب الجزء 15

lah 7ob lahib lhob l7ob al7ob

الفصل الثاني من قصة لهيب الحب

انتهى الاحتفال بضريب صداق الي كان فديك الليلة ومن المقرر بعد اسبوع غايكون لعرس ديال عاشقين اخرين واحد توام ديال المرواني ...بداو ناس كيمشيو وبقات غير العائلة فقط اما العرسان فكانو فبيت بوحدهم كيهضرو ....
ميار : كيشوف فيها وعينيه تايهين فيها ...حبيبة ديالي مبروك علينا ...
اميمة : "بخجل " الله يبارك فيك ( اميمة تاع بصح را قالت ليك بغات تحط لزياش حوايجو الخجل راح في كلام فاحش ) 
ميار : فرحانة ...
جاوباتو بحركات راسها ...قرب ليها اكثر وهز ليها وحهها ...حتى انا فرحان وبزاف ومكرهتش نديك لداري ليوم قبل غدا ...
اميمة : هههه "هبطت راسها " 
ميار : كنبغيك ...ابتاسمت ليه ..هههه ..هز ليها راسها ثاني وهو يهبط راسو وحط شفايفو على شفايفها الي ولاو كيترعدو من القبلة الدافية الي عطاها ...حتى بدا كيزيد فلوتيرة وكيزيد يقربها ليه حتى لصقها معاها وهبط فمو لعنقها كيبوس فيه نسا راسو وفين هو ومعامن حتى قاطعو دقان ...
ميار : وي ...
لين : خويا قالت ليك مامي غايمشيو دابا ...غانبقا معاك انا وهي وبابا مشاو سبقو..
ميار : واخا احبيبتي هاني جاي تسناي تنمشي معاك ..ضار جيهة اميمة الي ولات مزنكة وخا عامين واكثر ديال لعلاقة بيناتهم الحشمة كتطغى عليها وهادشي الي محمقو فيها ..باس شفايفها ..نخليك تنوصل ونهضرو اوكي بب ..
اميمة : اوك ...باس راسها وناض خرج لقا لين كتسناه كيف قاليها ...شدها من ايديها ..
ميار : زين ديال خوك متوحشتيش تنعسي حدايا شفتك نسيتيني هاا غا جا نيار ونتي تنسايني هادي هي العشرة ..زيدي زيدي ...
لين : ههههه هههههههه 
ميار : مالك كضحكي 
لين : هههههه مماليش ...
خرج لعندهم لقاهم تسالمو مع واليدين لعروسة وخرجو لقاهم عند الباب كيكركبو فطوموبيلاتهم ...
حليمة : هههههههههههه 
نيار : ضار شافيها كضحك ...مالك ...
حليمة : ههههههه خوك هههه 
نيار : ضار شاف فيه وهو يتكرشخ بالضحك ...ههههههههههههههههههههه والعميم وتا شوف شوف سي العريس ...
مهدي / مالو ...شاف فيه ويلي ويلي ويلي ويليييييي 
كانت ليالي سبقت هي وغيث طلبت منو يسبق باش يديها لفارماسي هو لول على قبل دوا ديالها سالا مشاو وبقا غير مهدي وعائلتو ونياار ومرتو ...
ميار : مالكم ...
مهدي : محاس بوالو اولدي ..
ميار : لا باش غانحس بالفرحة را حاس بيها اش تاني خور ...
مهدي : نيار سير نتا انا غانبقا مع هاد الكيدار ...
نيار : لااا يانشدو فيه بجوج يا نحرمها عليك ..
مهدي : ينعل بوك ...
ميار : والق*^^ قولو اش كاين ماالكم ...
نيار : هههه اش كنتي كدير لداخل ...
ميار : سوق مك ..
مهدي : كان تيحفها قل اعود برب الفلق ..
ميار : كنخرنن هضرو ولا قودو ...
نيار / هههههههه صافي اعمي ريحو وقوليه ..
مهدي : مسح خنونتك ...
نيار : ههههههههههه🤣🤣🤣🤣🤣انا مشيت انا مشيت تلاحو ههههههه
ميار : عمي غاتهضر ولا نقود...
مهدي / مسح لعكر الي تجلخ ليك الحماري ويلي على شوهة ...مال مك كانو سادين عليك ...
ميار : وقولها ونتوما تا ضوورتوني عادقلتيها ...مشا كيمسح فيه ...
مهدي : واجي لهنا مالك ...
ميار : سير فحالك ...ركب وديمارا وزاد خلاه ميت عليه بضحك وحتى هو مشا لطوموبيل الي خلا فيها سورجان وبنتو ...ركب ومشا هو وعائلتو ...

وصلو لدار بالنسبة لميار بقا في فاس ومعاه اختو صغيرة ...حتى يرجع لغد ليه باش يجيب مو تجلس معاه هي وحليمة يعاونو فاجراءات العرس الي غايتقام في فاس في افخم القاعات بافخم فندق تما ...قرر العرس يديرو في العطلة المدرسية ...دخل كل ينعس الا ليالي الي بقات جرت حليمة تهضر معاها ...
ليالي : هانتي مع الفجر غادي لقاك فايقة متخليش نيار يحس بيك واخا ..
حليمة : واخا ولكن علاش ..
ليالي : دابا تعرفي ابنتي سيري لبيتك دابا تصبحي على خير ..
حليمة : تصبحي على خير ...مشات كل لبيتها دخلت لقات نيار ناعس عريان على كرشو ومشا فسابع نومة بدلت حوايجها وميات تكات حداه حتى وصلت لوقيتة الي قالت ليها عليها باش تنوض تسلتت بشوي باش متفيقوش ...
لقاتها كتسنا فيها لتحت وهي تمشي لعندها ..
ليالي : "مدت ليها بلاستيك ديال فارماسي " هاكي هذا ديريه دابا واريه ليا وسيري طلعني تنعسي ...
حليمة : قلباتو ...هذا جهاز اختبار الحمل "غاتعرفو حيث هي دابا طالبة سنة اولى طب وعاد صغار يعرفوه فكيف هي لا " علاش ياكما نكون ..
ليالي : منحكموش دابا تنشوفوه صباح مهم دخلي وربي يكون خير ...شداتو من عندها ولكن كتقفقف وخايفة من نتيجة علاش وكيفاش هي بوحدها الي عارفة ومع المدة غاد نعرفو حتى حنا ...بقات كتسنا فيها شحال عاد خرجت عطاتو ليها وهي طلع تنعس حدا راجلها وطلعت حتى هي باش تاواحد ميحس ...كل تخشات حدا راجلها ونعست حتى صبح الصباح ...
اول شخص حل عينيه كانت ليالي الي كيف لعادة هي لولة كتنوض وتهبط لكوزينة تعاون هي والخدامة فتوجاد الفطور بينما ناض كلشي ولكن هاد المرة حتى حليمة كتنوض بكري وكتهبط لعندها تعاونها ...كانت ليالي فرحانة فهذاك صباح نشيطة على غير عادتها ومقاداها فرحة ...حتى هبطت حليمة لعندهم ...
حليمة : صباح الخير ..
ليالي : بنتي الحبيبة صباح نور اجي كلسي بينما يهبطو نفطرو مجموعين ...
حليمة : "بارتباك " امضرا ماما اشنو خرج ...😰
ليالي : مالك مزروبة هههه اجي معايا ...مشات هي وياها لصالة المجاورة وكلسو ...اجي كلسي ابنتي ..
حليمة : عفاك قولي ليا ياكما حاملة ..
لليالي : نتي مبغيتيش تكوني حاملة مالك مخلوعة !!
حليمة : الى كنت ...مزال كتهضر وهما يسمعو صوت رجال هابطين وكل كيعيط لمرتو ...
ليالي. :"بحال بقا فيها لحال"صافي سكتي واحي نفطرو بعدا ...ناضت سبقتها وحتى هي تبعتها بقا فيها لحال ماشي على ممكن تكون حاملة وانما حست بانها قلقات شخص ميستحقش يتقلق ...لقاتهم كلسو وبدات كتكب ليهم لخدامة لقهوة وكل اش بغا ...
ليالي : "وجهت هضرتها لخدامة "بنتي كلسي تفطري معانا ..
الخدامة : انا فطرت اخالتي غير بصحة ...
نيار : "ضار جيهة حليمة لقاها مهبطة راسها " مالك احبيبتي !! 
حليمة : هاا مماليش احم ..
نيار : وفطري ...
حليمة : احم واخا هاني ...بدات كتفطر ومرة مرة تهز عينيها فليالي ...
غيث : ميار مجايش ولا مزال معطل ..
ليالي : تيفيق على خاطرو وغايجي باش نمشيو معاه ..
نيار : انا غانهبط لمراكش تيقرب لعرس ونجي عندي خدمة كثيرة ومنقدرش ناجل لجلسات ..زوجتي في امانتكم ..
غيث : لكلب بوك هاديك امانة عندنا قبل متزوج بيها عاد غاتوصي ..
نيار : "هز ايديه " هاني سموحات الوليد ...
حليمة : شافت قهوة وشمتها كانت معطرة ...عفاك بغيت كاس من ديك القهوة ...
نيار : واخا حبيبتي بغا يبدا يكبها ليها وهي تحبسو ليالي ...لاااا 
نيار : شاف فيها ...علاش !!
ليالي : بنتي حليمة را مخاصكش تشربي هادشي ...
نيار : علاش مالها ...
ليالي : "بالفرحة ودعقة وسؤال نيار وخوف عليها زلقت ليها " حيث حاملة 
ضار كل من غيث ونيار جيهتها كيشوفو بصدمة من الخبر الي نزل عالصباح ....

ضار كلشي شاف فيها ممستوعبش اشنو قالت غيث بالفرحة ولا غا كيضحك ...
غيث : هههه مرتي الحبيبة اش قلتي ...
نيار : خرج عينيه ...
حليمة : "هبطت راسها حيث اصلا عارفة "
ليالي : ههههه نااري فلتت ليا ...ايه داكشي الي سمعتو ...
نيار : وا...احم وو واش متاكدة الوليدة "ضار جيهة مرتو .."بلاتي واش بصح !؟ 
حليمة : لا رد ...
ليالي : اجي ابنتي نقوليك وخليهم تيستوعبو عاد يلحقو علينا ...ناضت هي وياها مشاو لصالة وبقا غيث ونيار الي بقا غا حال فمو حتى ..
غيث : وااالحاج واولدي هههه بسم الله عليك ...
نيار : هااا نعام الوليد ..
غيث : غاتولي اب ههه مبروك عليك اولدي...
نيار : ههههه "حك على راسو " الله يبارك فيك ...حتى انت غاتولي جد ههههه ...
غيث : وخا مزال صغير ماشي مشكيل ...
نيار : 😒....
#ليالي_حليمة ...
ليالي : سمحي ليا ابنتي قلتها فبلاصتك غير من خوفي لا تشربيها على داكشي الي وقع ديك المرة داكشي باش فلتت ليا ..
حليمة : انا الي سمحي ليا اماما قلقتك مني 😞
ليالي : لا ابنتي متقلقتش غير ماعرفتش علاش حاسا بيك مباغاش ..
حليمة : ماشي هكاك والله انا خفت مع القرايا يقدر يجيني وحم صعيب يقدر نولد وسط القرايا ..
ليالي : لنفرض يكون عندك شهر او اقل فكلتا الحالتين ولادتك غاتجي فصيف كوني اكيدة يعني فالعطلة ...
حليمة : ماعرفتش خفت مايخلينيش نكمل العام ويكون عندي ديكالاج ...و...
ليالي : كوني هانية ابنتي را قلت ليك كاع الى كان قل من شهر او اكثر فكلتا الحالتين غاتولدي فالعطلة وكاع وخا تولدي فلقراية نتي ذكية وغادي تعوضي وشهادة طبية موجودة ...نسولك بلى هاد العائق واش مباغاش تولدي ؟؟
حليمة : علاه بغيت نولد واش كرهت اماما انا عمرني نكره ولدي غير هزيت لهم وصافي تخربقت وتصدمت ههه وخفت صاني يوقع ليا كيف لحمل لول ...
ليالي : مغايوقع والو وانا معاك ابنتي فكاع المراحل راك بنتي ماشي مرت ولدي وعزيزة عليا قبل متولي مرت ولدي الهبيلة هههه غاترجعيني جدة وانا مزال صغيرة هههه 
حليمة : عنقتها ...لهلا يخطيك عليا اماما ...صراحة كنت خايفة وصدمني الحمل وماعرفتش تخربقت الله يستر طاح فبالي نطيحو ...غا مقاليا شيطان ياربي تسمح ليا ههه 
ليالي : اويلي على طيحيه ..."هما كيضحكو ونيار جا مع اخر جملة وكن غا يسمع بالي غير كضحك ولكن القدر خلاه يسمع اخر جملة الي خلاتو يصعر ...
نيار : طيحيه 😡 ..
حليمة : الاااا 😳..

ماعرفت باش تبلات نزل عليها بحال لقرطاس من ناحية ضلمها ومن ناحية معذور حيث تعاود ليه نفس احساس انه ممكن يخسر البيبي المرة ثانية....
ليالي : نيار ولدي يهديك الله ...
نيار : الوليييدة ..انا غانمشي لمراكش حتى يوصل لعرس وغانجي ...
حليمة : اهى اهى نيار عفاك متمشيش راه ماشي هكاك ..
خنزر فيها حتى رجعت بلور ...قلت ليك سكتي صافي سكتي احسن والا غادي نرجع نيار لقديم ...ضربت طم وهي تقليها تنخصيص بالحس ...ضار ضورة ومشا حتى تبعاتو مو ...
نيار : الوليدة بلا نقاش بلا والو الي عندي قلتو خليني نمشي احسن ...
ليالي : يهديك الله هي ماشي هكاك قصدت را باغياه حتى هي غير دوات على قرايتها ..
نيار : اهاااه قول قرايتها اهم ليها من ولدها ...واااخا ...هز تيليفون ولكونطاكت بزعفة ومشا فاير ركب فطوموبيل وبرك على لكسيراتو حتى تسمعو روايد تحكو فلارض وخلاو اثر الحموم ...
ليالي : لا حول ولا قوة الا بالله ...دخلت لقاتها كتبكي وتنخصص ...صافي ابنتي راه غير طلع ليه دم نتي معارفاهش ..
حليمة : اهى اهى ...والله مقصدت انا غير خفت عالقراية ..
ليالي : واخا تولدي فالقرايا راك تعوضي غا تهناي ابنتي ...
حليمة : غانتوحشو ونتوحش ريحتو اهى ...
ليالي : ههههههه لوحم بداك ههههه واخا تنفسي وطلعي لبسي حوايجك ياك غانمشيو عند طبيبة هنا فارفان دير ليك ايكو وتاكد ليك وغادي نقوليك اش ديري باش تصالحيه تفاهمنا ..
حليمة : الى بقا مقلق 
ليالي : مغابقاش مقلق غذا بالكثيييير كاع تلقايه معيط ليك كوني هاانية ...
طلعت لبيت بدلت حوايجها ولبست حوايج لخروج كان فصل شتاء والحال بارد لبست تريكو صوفي فالاسود طويل ومعاه كولون فنفس اللون وبوط بيج وفوق منو كبوط مفخفخ وقب فيه ريش فالبيج تاهو وجمعت شعرها كعكة مهملة دارت شال ديال لخيط ضوراتو على عنقها وصاكها فجنب وهبطت لقاتها حتى هي واجدة داهم شيفور حتى لعند احسن طبيبة فافران ....
دخلت لعندها ديريكت حيث عيطت ليها فتليفون ودارت معاها موعد ...تمددات فوق البياص الي جنب الايكو ....
طبيبة : اول حمل ليك ابنتي ..
حليمة : لا فايت وقع ليا اجهاض ...
طبيبة : همم هاهو كيبان ليا ...ايوى الالة مبروك عندك شهر نيشان ...
حليمة : الله يبارك فيك "ضارت شافت في ليالي الي ضحكت ليها ولفرحة في عينيها " هههه 
طبيبة : ضروري خاصك ديري تحاليل غانكتبهم ليك ...
حليمة : واخا ...
ليالي : دكتورة عفاك ممكن طلب ...
طبيبة : ايه مرحبا ...

وصل ليل وهو مزال خارج كيف وصل لمراكش مدخلش لدار كاع حتى وصل نص ليل وهو يدخل ...كان داير ليه مود افيون ... ولكن لويفي بقا كيف دخل تكونيكطا ليه وهو يسمع صوت الميساجات كيوصلوه واتساب جيمايل ايمايل اوت لوك ...لاح تيليفون ...ومشا حيد حوايجو ودخل لدوش كيدوش ويتفكر الكلمة الي سمع والكلمة اصلا الي فهم غلاط رغم ذلك مزالو عصبي ومتسرع ...حتى فرح ورجع تقلق...
تفكر الحمل وفرصة وجود بيبي الي غايكون من دمو وصلبو نيار صغيور كيحمل كنيتو وغايهزو ويسميه ويربيه ويكبرو ويوصلو فين بغا والاهم غايكون رباط متين وتمرة حب الي كتجمعو بيها ولكن علاش غاطيحو غير خوفا متكملش قرايتها ...تقهر تعصب بقا فيه الحال حتى غرغرو عينيه ...
كمل تدواش وخرج كينشف في شعرو وذاتو وهو يهز تيليفون حي. بمود افيون وبداو يطلعو ليه الاتصالات بالهبل من مو ومنها هي بزاف كاع ...عقد غوباشتو...حتى طلع ليه ميساج من لواتساب منها فيه فيديو ...دخل ليه ...
كان فيديو صور الايكو ديال الجنين كان نقيطة صغيرة ومرة مرة كتحرك يمين وشمال نسا راسو وبدا يبتاسم وعينيه كيلمعو ..
نيار : وييينووو بابا حبيبي هههه نتا ولدي ...
بقا يتفرج حتى طلع ليه اوديو منها كليكا عليه ..
حليمة : سمح ليا بزاف والله ماقصدت ميمكنش نطيحو واش كاين شي واحد كيسخى بولدو ...غير جيتي فجملة غلط عفاك سمح ليا ورجع وخا نشم غير ريحتك اهى اهى عفااك ...قطعت ليه فقلبو وهو يدوز الاتصال ليها فلبلاصة جاوباتو ...
نيار : اش كاين ..
حليمة : سمح ليا 😞..
نيار : ومن بعد ..
حليمة / جي ديني معاك متبقاش تفرق عليا عفاك ..
نيار : ممساليش ..
حليمة : بغيت نشم ريحتك ..
نيار : نعسي حداك تيشرت ديالي ..
حليمة : اهى اهى ولفتك حدايا منقدرش اهى اهى ..
نيار : براااكة من لبكا ..ياك كيعجبك تما ...بقات كتبكي ..هفف واخا غا سكتي غانجي براكة من تهرنين ..
حليمة : هههه ...قطع معاها بالكشيفة ومشا لبس بوكسر وتلاح نعس حتى صبح الصباح على صوت الهاتف كيصوني ويصوني ويصوني في صباح بكريييي ...حتى هزو صاعر .....
نيار : الو ميار مالك اش كاين عالصباح ...
ميار : كيهضر وصوتو مقجوج ..عمي مهدي ..
نيار : ناض على وقفتو تشل ليه لسان ..مم مالو هضر الزام+* مالو ...
ميار : جاتو ازمة قلبية ودابا هو فسبطيار وباقي ماخرج عندنا طبيب دعي معاه اخويا دعيييي..
نيار : لا لا الا عمي الاااا عمي ...انا جاي داااابا طاير ...قطع وناض كيجري لبس حواجيو وماعرف اشنو لبس كيجري ويدعي جاب الله كينوض ديما لفجر يصلي ...ياربي عمي لا لا عمي لا ...هبط كيجري لطوموبيل وكسيرا بجهد نياشن شد طريق العودة لفاس تاني...
نيار : عمي نتا صاحبي وبا وخويا وعشيري نتا كلشي نتا نتا دنيا ديالي نتا ياااااربي انا ولا هو يااا ربي ....مشا عينيه مغرغرين على واحد من اعز ناس عندو شخص الي حل عليه عينيه عشرة هو وياه وميار ...ثلاثي مكيتفرقوش بؤرة اسرارهم ...

يتبع